غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 22-01-2009, 02:43 AM
صورة ورود الشتاء الرمزية
ورود الشتاء ورود الشتاء غير متصل
©؛°¨غرامي مجتهد¨°؛©
 
رواية أنا جيت أسكنك وأحياك وأبقى فيك و أبقى لك / بقلمي


مرحبـــاا
صباحكم/مساءكم وررد
هذه رواايه بقلمي بعنـــوان((أنا جيت أسكنك وأحياك وابقى فيك وابقى لك))
روايه جديده روماااانسيه ورااائعه ومشوووقه جدااا وان شاء الله تنال اعجابكمـ ..


((الجـــزء الأولـــــــ..))

في صباح يوم الخميس وبعد الفطور كانت العائله كلهم مجتمعين في بيت الأسره اللي هو بيت عائلة السلطان..(رجاء-تركي-فهد-ليلى-أميره)كانوا الأخوه قاعدين في صاله والبنات في المجلس والشباب في المجلس الخارجي المجاور للحديقه وفي صالة البنات...
أميره:بناات انا طفشانه وبروح للحديقه ايش رايكم؟
الكل وافق بلا اي اعتراض..
(أميره خالة البنات وعمرها بعمر رهف وهي مررره قريبه من عيال اخوانها واخواتها لأنها بنفس عمرهم اضافة الى انها حبوبه وبتتعرفوا عليها اكتر من خلال الأحداث)
وطلعوا البنات للحديقه وجلسوا فيها بعد مااتأكدوا ان مجلس الرجال بابه مغلق..
رهف:تصدقي يااميره اني اشتقت لهالحديقه والله من زمان عنها
اميره(بملل):بلا تعالي مكاني انا مليت من كثر مااني اشوفها كل صباح وكل مساا
رهف:ههههههه والله ياليت تصدقي مااقول لا
اميره:اي هذا انتي ولا انا من كثر مااشوفها بدأت أمل منها
رهام:اي الواحد مايحس بالنعمه لما يفقدها
اميره(ضربتها على راسها):اقول انتي اسكتي احسن بلا لقافه
رهام:ضربتيني ها ؟الله يعينك على تروك اتحملي اللي يجيك منه
(طبعا تركي اب رهامـ واكبر اخ لأميره)
اميره:هين انا اللي بوريكِ ترووك هذا بخليه يوقف لقافتك
رهام:ههههههه بالعكس ابوي طيووب وعسلللللللللل
رهف:خلاص بالله فكونامن هالازعاج كل واحده ولسانها اطول من التانيه
اميره:شوفي اختك هذه اطول لسان فينا
رهام(تستهبل):كم طوله؟
الكل ضحك على رهاامـ وحتى اميره معهمـ..
في مجلس الشباب الكل قاعد مبسوط ومستاانس ماعدا عدنان حس بضيق وقرر انه يقوم يشرب له شي يعدل مزاجه شوي
عدنان:يلا عن اذنكمـ بروح اشرب لي كوب قهوه احس مزاجي مقلووب
سامي:البنات قاعدين براا ماتقدر تطلع الحين
عدنان(بضيق):اوووف مرره مو وقتهم هذا
سامي:ههههههههه اللي يسمعك يقول المسأله مسألة وقت
عدنان نادى راما وهي بنت خالته ليلى بنوته صغيره عمرها 8 سنوات بس طنشته وماردت عليه
عدنان:عبدالله شوف بنتك صارت تطنشني اكيد انت اللي معلمها صح؟
(عبدالله زوج خالتهمـ ليلى اللي عمرها 25 سنه وعندها بنتين ريم 10 سنوات وراما 8 سنوات)
عبدالله:اها وليش ماتقول خالتك اللي معلمتها الطنااش
عدنان:لا الا خالتي مااتوقع منها هالحركات
عبدالله(يضربه على راسه):وانا اللي متوقع مني اي شي ها؟
عدنان:هههههههه بالله خلي بنتك تجي تسعفني ترى مزاجي صااير صفر
عبدالله نادى بنته:تعالي ياعيون بابا
راما:نعمـ
عبدالله:شوفي حبيبتي في احد في الطريق؟
راما راحت شافت ورجعت:لا
عدنان:والله كنت حاس انهم قاعدين في الجهه المعاكسه يعني حتى اذا مريت مابشوفهم ولابشوفوني
سامي:ولو الاحتياط واجب
عدنان(يقوم):طيب يلا عن اذنكمـ(يكلمـ ريمـ):وانتي يادبه تعالي معاي
ريمـ:لا بقعد مع بابا
عدنان (رفع حاجبه):اقول من زينه عاد اقعدي معااه احسن
عبدالله:ههههههه هين اوريك من يشوفلك الطريق بعد هالمره
عدنان:لا كله ولا هذه افاا عليك انت الغالي
عبدالله(يبتسمـ):اي كثر منها الان صرت غالي وقبل شوي من زينه
عدنان(ابتسمـ):لا طول عمرك غالي يلا عن اذنك
ويروح عدنان للمطبخ يطلب من (رينـا) كوب قهوه بالحليب ويرجع يقعد في الصاله الداخليه يشوف التلفزيون..
في الحديقه عند البنات..
أميره:ايش رايكم بنات نطلع نتغدى براا؟
رهف:فكرره جناان بس متى نقدر؟
اميره:الأحد ان شاء الله
رهامـ:ايش عندك ماتاكلي في البيت؟شاطره في اكل المطاعمـ بس؟
اميره:رهومه فكينا من طولة لسانك وقومي جيبي القهوه احسن
رهام:هههههههه من عيوني بس تصدقي تصريفه حلوه(وتقوم..
اميره:ها الأحد موافقين او لا؟
رهف:عن نفسي مااقدر لأن الأحد بيكون عندي دوام
اميره:وانتوا بناات؟
نوف:انا ماعندي شي وان شاء الله اقدر اطلع معاكِ
وجود:انا كمان ماعندي شي
اميره:وانتي ورود؟
ورود:ماعندي شي وحتى لو عندي بكنسله اهم شي اطلع واستااانس
اميره:بس ها تعالي لوحدك من غير ماتجيبي لسانك معك
ورود:هههههه لا الا هذا مااخليه في البيت اقعد انا ولايقعد لساني
اميره:والله ماطالع لرهام غيرك انتي الله يستر منكمـ بس
نوف:بسمـ الله علينا(نوف الأخت الكبيره لوجود وورود وهي تكره بنات خالها تركي لسبب بتعرفوه بعديــن)
اميره(وهي تضيع الموضوع):خلاص نلتقي الأحد باذن الله
الكل:ان شاء الله
في المطبخ رينا تجهز كوب القهوه لعدنان ورهامـ تغرف الحلا في الصحون ,في هالوقت دخل عدنان وشاف بنوته نحيفه مررره وعيونها سودااء وواسعه وانبهر فيها وفي جمالها,فجأه التفتت رهام عشان تاخذ الصحون للحديقه واول ماشافت عدنان انصدمت وطاح الصحن من يدها..
رينا:اوووف الحين في شغل كتير انا
رهامـ(بتوتر):سوري رينا
عدنان:سوري اربكتك .رينا اعطيني الكوب
رينا طنشته لأنها قاعده تمسح الأرض وتنظفها
عدنان:لو سمحتي ممكن كوب القهوه ؟
رهامـ:اي كوب؟
عدنان(ابتسمـ):موجود وراكِ على الطاوله اذا مافي مانع؟
رهام اخذت الكوب واعطته هو ..عدنان:تسلمي وسوري مره تانيه
وخرج عدنان لمجلس الشباب وهو يفكر مين هي هالملاك اللي شافها اليوم هو عارف انها من بنات خاله تركي بس مو عارف مين فيهم بالضبط؟!!
ورهامـ راحت افكارها يمين ويسار وهي تفكر هو مين هل هو سامي او عدنان
رهام:انا ايش علي مين يكون فيهمـ (واخذت الصحون والقهوه وطلعت للحديقه..
في بيت محمد خالد(أبو ماجد) الكل كان مجتمع ع الغداا ماعدا مها وهاني..
ام ماجد:اماني حبيبتي روحي نادي مها وهاني
اماني:اوكِ
قامت اماني وراحت لغرفة مها دقت الباب ودخلت
مها كانت تتكلمـ بالجوال مع صديقتها خلود:هههههههههه لاياخلود كله ولا هذه الأمور مااحبها..اي خذي معاكِ غدير تعرفيها ماتقصر..يلا اكلمك بعدين..في امان الله(وتقفل)
أماني:مها
مها(تبتسمـ):نعم
اماني:الغداا جاهز وامي قالتلي أناديكِ
مها:اوكِ دقايق بس وانزل
اماني:اوكِ(وخرجت راحت لغرفة هاني دقت الباب
هاني:ادخل
اماني:هاني الغداا جاهز وامي قالت اناديك
هاني:اوكِ شوي بجي
اماني:اوكِ(وخرجت للصاله
ابو ماجد:وين مها وهاني؟
في هالوقت نزلت مها تجري:انا وصللللت وسورري ع التأخير
ام ماجد:ايش فيكِ تجري خير؟
نزل هاني:اوريكِ يامها
ام ماجد:خير ايش فيكمـ؟
مها(بمرح):مادري ايش فيه
هاني(بكل جديه):بعد الغداا تدري
مها:ههههههههه بابا شوف هاني ناوي يضربني
ابو ماجد:لا مابيضربك
مها:طيب قوله
ابو ماجد:هاني لاتضربها خلاص اتركها عشاني
هاني:ان شاء الله
فرحت مها:يسلموو يااحلى بابا في الدنياا
(طبعا هذه عيلة ابو ماجد الولد الكبير وبعده آمال-مها-هاني-أماني وبتعرفوهم اكترمن خلال الروايه)..
بعد الغداا ..
راح فهد لغرفته وفتح النت عشان يشوف آخر اخبار الطقس في فنزويلا وبعد دقايق سمع الباب يدق..
فهد:ادخــل
دخلت شيماء:مساء الخير عمي ممكن ادخل(بنت تركي والأخت الصغرى لرهف ورهام..
فهد(ابتسم):اي ممكن تعالي
دخلت شيماء:مشغول؟
فهد:لا ياقلبي تعالي خلاص بأجل الشغل بعدين(وترك النت
شيماء:عمي انت بتسافر؟
فهد:اي ان شاء الله بسافر
شيماء(بحزن):متى؟
فهد:يوم الاثنين ان شاء الله
شيماء(بحزن):اوكِ
فهد شاف ان بنت اخوه حزينه على سفره وحب انه يواسيها شوي:شيماا
شيماء:نعمـ
فهد(ابتسمـ):ترى هالمره مو مطول في السفر
شيماء(فرررحت):بجد؟
فهد:اي والله بجد كلها 3 أيام وراجع
شيماء:3 ايامـ كتيره
فهد:والله اعرف بس اقل من اللي قبل ع الأقل
شيماء:...............
فهد:شيماا بس ابغى اطلب منك طلب
شيماء:اوكِ
فهد:بعد ماأسافر اهتمي بنفسك ودراستك ولاتشغلي بالك ها
شيما(ابتسمت):ان شاء الله بحاوول
فهد(ابتسمـ):وان شاء الله انا بتصل عليكِ وأكلمك اول مااكون فاضي
شيماء:اوكِ(وتقومـ):يلا عن اذنك بنزل للمجلس
فهد:اوكِ على راحتك
شيماء:مع السلامه(خرجت شيماء من الغرفه وفهد كمل شغله ع النت)..
^تبغوا تعرفوا سبب تعلق شيماء بعمها فهد تابعوني من خلال بقية الأحـــداث..^
بعد صلاة العصر ..الكل رجع لبيته تركي ورجاء وليلى ورجع البيت فاضي ومافيه غير فهد وأميره قاعدين في الصاله..
اميره:فهد انت متى بتسافر؟
فهد:يوم الاثنين ان شاء الله
اميره:يلا الله يعينك وتروح وترجع بالسلامه يارب
فهد:آمين..بس تصدقي شي واحد شاغل لي بالي في هالسفر
اميره(باستغراب):خير؟
فهد:خير ان شاء الله اللي شاغل بالي شيماء
اميره(استغربت):شيماء بنت تركي ماغيرها؟
فهد:اي شيماء
اميره:ليش ايش فيها؟
فهد:مادري احسها متعلقه فيني ولو بيدها ماتخليني اسافر واتركها
اميره(بحزن):اي والله صادق لو بيدها ماتخليك تروح
فهد:بس هذا شغل لو انه مو شغل مابروح واتركها ابد
اميره:اعرف ياخوي بس حاول تتصل عليها وتطمنها عليك
فهد:ان شاء الله بتصل عليها واكلمها
اميره:تصدق يافهد لاحظت تعلقها فيك من ذاك اليوم الله لايعيده يارب
فهد:اااه اي والله صادقه وعشان كذا انا كمان اتعلقت فيها ومستحيل ازعلها بشي
اميره:ان شاء الله ياارب
(طبعاا سبب تعلق شيماء بعمها فهد ان فهد لما بدأ يشتغل في الطيران صار له حادث مرعب ادى لتنومه في العنايه المركزه لمدة شهر وهو كان المقرب لها من صغرهااا هو الوحيد اللي كان يشتري لها الحلويات والعصيرات ولما صار له الحادث حست شيماء ان الدنيا ماتسوى من دون عمها فهد ومن هذيك الفتره والى الان وهي في عمر الـ 17 سنه وهي متعلقه بعمها وعمها نفس الشي)..
في بيت ابو سامي قعد عدنان في غرفته ويفكر :يااربي لازم اعرف مين هي اللي شفتها اليوم هي اكيد رهف او رهام وحده فيهم اااخ بس لو اعرف مين هي يرتاح بالي وارتاااح
قطع تفكيره صوت الجواال يرن شاف الاتصال من صديقه احمد
عدنان:هلا احمد..الحمدلله بخير وانت كيفك وش اخبارك؟!!
احمد:الحمدلله اقول عدنان ايش رايك نطلع نتمشى اليوم بعد صلاة العشاا
عدنان:اوكِ ان شاء الله يلا في امان الله..
في بيت ابو ماجد..
مها:ماجد متى بتبدأ دراستك
ماجد:بعد اسبوعين ليش؟
مها:بس مجرد سؤال
هاني:ومتى بتسافر؟
ماجد:والله مادري يمكن الأربعاء
هاني:يلا الله يكون بعونك
ماجد:آمين..اجمعين يارب
الكل:آمين
مها:والله بنفتقدك ياماجد
ماجد(بثقه):اكيد طبعاا بس الحمدلله هذه آخر سنه
مها:اموووت ع الثقه
ماجد:طبعاا واااثق اعجبك بثقتي
مها(بملل):اووف خلني اروح غرفتي احسن
هاني:يكون احســــن
مها راحت لغرفتها وماردت عليه لأنها مالها خلق تتناقر معااه..
بعد العشاا خرجت ليلى من غرفة بناتها ريم وراما
عبدالله:ناموا البنات؟
ليلى:اي الحمدلله
عبدالله:الحمدلله..حبيبتي ابغى اكلمك في موضوع
ليلى:اوكِ
وراحوا جلسوا في الصاله
عبدالله:حبيبتي احس اننا هالفتره ابتعدنا كتير عن بعض
ليلى(بملل):اووف من هالموال كل شهر اسمعه
عبدالله:ليلى اسمعيني رجااءا اسمعيني
ليلى:...............
عبدالله:حبيبتي انا عارف ان الانسان احيان تكون له مشاغل ومايلقى وقت يتنفس فيه بس مو معناها انه يهمل اهم طرف في حياته
ليلى(قامت بزعل):قصدك انا اهملتك
عبدالله(ابتسم بهدووء):تبغي الصراحه ايوه
ليلى زعلت وراحت لغرفة النوم وعبدالله تبعها :ليلى
ليلى:نعمـ
عبدالله:ليش الزعل الحين انا قلتلك عشان نتفاهم مو عشان يكبر الموضوع
ليلى:............
عبدالله بكل هدوووء ضمها :لاتزعلي قلبي والله ماعاش من يزعلك
ليلى(بحزن):عبدالله آسفــه ابتعدت عنك بس والله مو بيدي وانت عارف
عبدالله(بكل طيبه):اوكِ حبيبتي والله اعرف ان مو بيدك بس حاولي
ليلى:ان شاء الله
عبدالله:قومي غسلي وجهك وتعالي
ليلى:أوكِ(وراحت ليلى تغسل وجهها..
في يوم الأحد ع الساعه 1 ونص ظهراا طلعت اميره للمطعمـ مع نوف ووجود وورود وكانوا مبسوطين ومستاااانسين وخصوصا انهم كلهم بنااات ومافي اي شباب معاهمـ..
في بيت ابو مشعل(تركي) :مشعل قوم شوف اختك قولها الغداا جاهز
رهام:بابا صار لي ساعه اقولها تقولي مالي نفس وماابغى اتغدى
ابو مشعل:لاحول ولاقوة الابالله
ام مشعل:هذه هي حالتها كل مافهد قال يبغى يسافر
ابو مشعل:بس هو هالمره مو مطول كلها 3 ايام وبنتك ذابحه نفسها(ويقوم..
ام مشعل:وين رايح؟
ابو مشعل:بكلمـ فهد يشوف لنا حل ماصارت
راح ابو مشعل لغرفته واتصل على فهد:الوو السلام عليكمـ..اخبارك فهد؟
فهد:الحمدلله وانت شخبارك واخبار العيال وامهمـ
ابو مشعل:الحمدلله كلنا بخير
فهد:ايش فيك ابو مشعل متضااايق من شي؟
ابو مشعل:شيماء يافهد
فهد(خااف):ايش فيها؟
ابو مشعل:صار لنا ساعه نحاول فيها تجي تتغدى مارضت تاكل وحتى فطور مافطرت
فهد:لاحول ولاقوة الابالله خلاص انا بكلمها واشوف ..اوكِ في أمان الله..
قفل فهد من اخوه واتصل على شيماء(الدلووووووعه)..شيماء اول ماشافت الرقمـ ردت
فهد:الووو هلا شوشو اخبارك؟
شيماء:الحمدلله وانت؟
فهد(بزعل):مو تمااام
شيماء(خاافت):ليش ايش فيك؟
فهد:زعلان منك ليش ماتاكلي؟
شيماء:عمي والله مــ ـ ـ ـ
فهد:مالك نفس صح؟حفظناها..شيماء ترى بجد بزعل منك والله
شيماء:..............
فهد:روحي كلي اهتمي بصحتك
شيماء(بحزن):ان شاء الله
فهد:يلا باي(وقفل من قبل لاترد..
(فهد مررره حنووون مع الكل وبالذات مع شيماء بس اتعمد يقفل في وجهها عشان تسمع كلامه وتهتم بصحتها..بس قلبه ماطاوعه وقرر انه يروح بيت اخوه ويكلمها احسن..
.................................................. ..
.................................................. ....

انتظر تفاعلكمـ لأتمكن من طرح بقية الأجــزاااء..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 22-01-2009, 02:47 AM
*pink* *pink* غير متصل
©؛°¨غرامي مشارك¨°؛©
 
الافتراضي رد: روايـة أنا جيت أسكنك وأحياك وأبقى فيك و أبقى لك / بقلمي


روووعه ..

بدايه موووفقه اختي..

جل حبي وتقدري لك ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 22-01-2009, 11:13 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: روايـة أنا جيت أسكنك وأحياك وأبقى فيك و أبقى لك / بقلمي


,’


مــراحب
يـا هـلا وغــلا منوره

من البداية رووعـه :)
بتمني تكــون كـامله
موفقه ان شاء الله



,’

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 22-01-2009, 12:48 PM
صورة ورود الشتاء الرمزية
ورود الشتاء ورود الشتاء غير متصل
©؛°¨غرامي مجتهد¨°؛©
 
الافتراضي رد: روايـة أنا جيت أسكنك وأحياك وأبقى فيك و أبقى لك / بقلمي


اسعدني تواجدكم
بطرح الجزء التاني وان شاء الله يكون في تفاعل اكبر


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 22-01-2009, 12:53 PM
صورة ورود الشتاء الرمزية
ورود الشتاء ورود الشتاء غير متصل
©؛°¨غرامي مجتهد¨°؛©
 
رد: روايـة أنا جيت أسكنك وأحياك وأبقى فيك و أبقى لك / بقلمي


((
الجـــــزء الثانــي
))

وبالفعل بعد ربع ساعه وصل فهد ’فتح تركي الباب:اهلين بفهد
فهد:اهلين ها بشر نزلت أكلت؟
ابو مشعل:لا والله مارضت تاكل
فهد:اوكِ انا بروح اشوفها
ابو مشعل:عنييييده هالبنت وكل هالعناد منك انت السبب انت اللي مدلعها الظاهر اني بقسى عليها عشان تقدرني وتسمع كلامي
فهد:لا ياابو مشعل هدي الأمور ماتستااهل اهدا بس وانا بروح أكلمها
راح فهد لغرفة شيماء ودق الباب ’شيماء:ادخل
دخل فهد بزعل:ليش مااكلتي
شيماء(ابتسمت):جيت؟
فهد(بزعلل):ليش مااكلتي؟
شيماء:عمي والله مالي نفس
فهد(بقهر):اووف من هالكلمه ترى والله اذا ماتنزلي تاكلي بطول السفر اسبوع سمعتي؟
شيماء:لا عمي الا هذه لا
فهد:طيب يلا قومي كلي
شيماء(بدلع):طيب فهودي لاتزعل
فهد:عنيييييييده لا وصرت فهودي بعد
شيماء:............
فهد(ابتسمـ):عمي فهودي لاتقوليها لوحدها مره تانيه
شيماء(بملل):طيب
فهد:يلا شوشو انتي كلي وانا بروح
شيماء:وين؟
فهد:اجهز للسفر نسيتي انه يوم الاثنين؟
شيماء(بحزن):اي اوكِ
فهد:يلا ياعيوون عموو(وباسها من خدها):اشوفك على خير باي
شيماء(بحزن):باي
نزل فهد وودع اخوه وعيال اخوه ورجع للبيت..
في العصر عدنان قاعد في غرفته ويفكر في البنوته اللي شافها واللي شاغله اكتر انه يبغى يعرف مين هي:مالي غير وجود اكيد هي اللي بتقولي من غير اي تحقيق
وقاام طاااير على غرفة وجود .دق الباب
وجود:ادخل
عدنان دخل:هلا جوجو مشغوله؟
وجود:لا ماعندي شي
عدنان:ايش قاعده تسوي؟
وجود:اطلع بحث الجغرافيا..ليش تبغى شي؟
عدنان:اي بس ابغى اسألك سؤال
وجود(طالعت فيه باستغراب):خير
عدنان:جوجو تذكري لما رحنا بيت جدي؟
وجود:اي
عدنان:طيب مين اللي كانت لابسه بنطلون جينز وبلوزه برتقالي؟
وجود(رفعت حاجبها):ليش؟
عدنان:ههههههه قوليلي مييييييين؟
وجود:رهامـ بنت خالي تركي
عدنان(ابتسمـ):ااها مشكوووووره والله ماقصررررتي
وقاام وراح لغرفته بسرررعه ’وجود استغربت منه بس مااهتمت للموضوع وكملت ابحاثها..
عدنان:ااها وطلعتي رهامـ والله انك قمررر بجد ماشالله عليكِ (ويبتسمـ وهو يتذكر الموقف اللي صار له معاها..
بعد صلاة العصر خلص فهد من تجهيز اغراضه البسيطه ونزل للصاله شاف اخته اميره قاعده عند التلفزيون
فهد:مساء الخير
اميره:مساء النور
فهد:مبين من وجهك انك انبسطتي من الطلعه اليوم
اميره(بفرح):اي والله مرره مبسووطه
فهد:دووم يارب..ليش مااخذتوا شيماء معاكم؟
اميره:والله قلتلهم كلهم بس مادري ايش فيها رفضت
فهد:اوكِ
اميره:والله هالبنت تدلللع وصايره دلووعه بزياده هالفتره
فهد(ابتسم):ادري لأني مسافر صح؟
اميره:اكيد طبعاا ماشالله عليك عارفها
فهد:اافا عليكِ هذه دلوعتي لازم اعرفها تمااام
اميره(تقوم):انت ودلوعتك هذه اللي ازعجتنا بها بروح اسوي لك كوب شاي قبل ماتروح
فهد:تسلم ايدك والله(وتروح اميره للمطبخ..
عدنان قاعد مع صديقه احمد
احمد:هييييه عدنان وين صلت؟
عدنان(طالع في الساعه):اووف الساعه 5 العصر
احمد:اي ليش خير ايش عندك؟
عدنان:لا ماعندي شي بس لأن خالي مسافر
احمد:مين فيهمـ؟
عدنان:خالي فهد
احمد:ااها يروح ويرجع بالسلامه يارب
عدنان:آمين..احمد ابغى اكلمك في موضوع
احمد:قول
عدنان:تصدق اني لمحت بنت خالي وابغى اتقرب منها بس مو عارف كيف
احمد:بسيطه خذ رقمها وكلمها
عدنان:لا اخاف تزعل مني وانا اروح فيها
احمد:امووت انا ع العاشق
عدنان(ضربه على راسه):اقول اسكت فضحتنا
احمد:ههههههههههه تبغى الصراحه اذا تحبها ماتبغى تزعلها اتحمل لين يجي الوقت المناسب
عدنان(يبتسمـ):وانا بتحمل لعيونها هي وبس
احمد:شكله الأخ رايح فيهاا
عدنان:راايح مرره مو شوي
احمد:هههههههههههه الله يوفقكمـ يارب
عدنان:على خير ان شاء الله..
في بيت ام بدر روان قاعده في غرفتها تكلمـ صديقتها ندى بالجوال
روان:ندى انا الخميس مااقدر عندي عزيمه في بيت جيراننا واذا رفضت امي بتشك وتقولي ليش وتحقق معاي طول اليومـ..ايش رايك نخليها في يوم تاني احسن؟
ندى:اوكِ السبت لاتقولي لي عندك شي كمان؟
روان:خلاص السبت ان شاء الله
ندى:في اي وقت؟
روان:بعد المغرب اكون عندك ان شاء الله
ندى:اوكِ ان شاء الله
روان:اتصلي على آيات وأكدي لها على الموعد
ندى:ان شاء الله الحين بقولها
روان:يلا باايوو(وتقفل الخط..وتقعد ع السرير تفكر ايش تلبس في مناسبة يوم الخميس..
في بيت ابو مشعل وفي الصاله
رهامـ:مامي ايش المناسبه طيب؟
ام مشعل:من غير مناسبه صارت لنا فتره مااجتمعناا وقلت نجتمع هالخميس
رهف:بس تصدقي فكره حلووه اننا نجتمع
رهام:تتوقعي ان نوف بتجي يوم الخميس
رهف:ان شاء الله وليش لا
رهام(بملل):ان شاء الله
ام مشعل:انتوا جهزوا انفسكمـ وحاولوا تروحوا السوق من بدري عشان تخلصوا المقاضي كلها
رهام:بدري يمى باقي وقت اليومـ الاثنين وباقي يومين
ام مشعل:وهاليومين يمكن ماتكفيناا
رهام:اوكِ انا اخلص بحوثاتي اليوم عشان نقدر نروح السوق بكره
ام مشعل:اوكِ على راحتك اهم شي مايجي الخميس الا ونحنا جهزنا كل شي
البنات:ان شاء الله..
في بيت ام سامي كانوا البنات قاعدين في الصاله..نزل سامي:مساء الخير
البنات:مساء النور
نوف:سامي بتطلع؟
سامي:اي بطلع
نوف:طيب طلعنا معك والله ملينا من البيت
سامي:امس طلعتوا مع اميره مداكِ مليتِ من البيت؟
نوف:والله ملل
سامي(بقهر):طلعه مافي لأن الخميس ان شاء الله كلنا بنطلع ونروح لبيت خالي تركي(وخرج من البيت
نوف(بقهر):اوووف من هالحيااه بجد ملل
وجود(تقومـ):عن اذنكمـ بروح غرفتي
راحت وجود غرفتها وشافت جوالها 3 مكالمات من رهامـ..واخذت جوالها اتصلت على جوال رهام لقته مغلق وعلى طوول اتصلت على تلفون البيت
ردت رهام:الووو..وعليكم السلام..بدري الحين شفتي مكالماتي؟
وجود:والله آسفه رهام كنت في الصاله والجوال تركته في الغرفه
رهام:المهمـ حبيت اقولك لاتتأخروا علينا يوم الخميس وبالذات انتي حاولي تجي قبل 10
وجود(باستغراب):ليش؟في شي؟
رهام:مافي شي بس لأني ماابغى اقعد لوحدي واروح فيها من كتر الشغل
وجود:هههههههه اوكِ
رهام:اضحكي المهم انك تجي وياويلك اذا تأخرتي
وجود:لا مابتأخر ان شاء الله
رهام:تسلمي يلا باي
وجود:مع السلامـه..
تقفل رهامـ وتروح لغرفتها وتاخذ جوالها وتتصل على بيت خالها محمد
يرد ماجد:الوو هلا مين؟
رهام:بقهر):آمال وينها؟
ماجد(بهدووء):شوي شوي لاتروح اذني
رهام:اوووف الظاهر انك مطوول
ماجد(بعصبيه):رهاام عن الغلط
رهام:ماغلطت اعطيني آمال
ماجد(بقهر):آمال نامت اتصلي عليها بعد ساعتين
رهام:اوك مع السلامه(وقفلت الخط:اوووف انسان ممل بمعنى الكلمه
واتمددت على السرير ونامــت..
في صباح يوم الثلاثاء قامت شيماء ولبست ملابس المدرسه وفكرت تتصل على عمها فهد بس خافت يكون نايم وتزعجه وفي الأخير قررت انها تتصل عليه,فهد كان نايمـ بس قام من النوم واخذ الجوال ورد:هلا شوشو اخبارك؟
شيماء(حست انها طاايره من الفرح لأنها اتوقعته نايم و مايرد عليها):بخييييييير انت ايش اخبارك؟
فهد:الحمدلله تمااام لاتقولي مو مداومه اليوم؟
شيماء(ابتسمت):الا مداومه بس قلت اكلمك بعدين اروح
فهد:ياروح عمك انتي طيب قوليلي فطرتي؟
شيماء(بتردد):بصراحه
فهد:اي
شيماء:بصراحه لا
فهد(بزعل):شيماء لمتى بظل اعيد نفس الكلام؟
شيماء:............
فهد:خلاص زعلللت منك بجد هالمره ليش مافطرتي؟عنااد صح؟
شيماء:لا مو عناد
فهد:الا عناااد طيب ايش السبب قولي؟
شيماء:عمي والله مو عنااد
فهد:اااه منك بس طيب توعديني تروحي تفطري الحين؟
شيماء:اوعدك والله انا كنت بكلمك بعدين افطر
فهد:لا اول شي الفطور بعدين المكالمه
شيماء:اوكِ يلا بس حبيت اسلم
فهد(مبتسمـ):الله يسلمك لاتنسي الفطور
شيماء:ان شاء الله..يلا في امان الله
فهد:مع السلامه(قفل فهد وشاف الساعه 7:ااه منك شوشو يااحلى بنت اخو فالدنيا كلها ويقوم يغسل وجهه..وهو مبسووط..
في المستشفى رهف كانت قاعده في الغرفه مع صديقتها عبير
(طبعاا رهف ممرضه ومجتهده في عملها)
عبير:رهف نفسي في امنيه واحده بس
رهف:اللي هي
عبير(بقهر):هالمريضه اللي في غرفة 75 اللي في السرير الثاني تطلع وتفكنا من الشغل اللي ماله داعي
رهف:هههههههههههههههه
عبير:ايش فيكِ تضحكي؟
رهف:من امنياتك المضحكه
عبير:هذا بدل ماتقولي ان شاء الله تطلع ونفتك منها
رهف:هههه اوكِ ان شاء الله تطلع
عبير(من قلبها):آمييييييييين
وشوي يرن الجرس ..عبير:اوووف من هالمريضه والله انها امرضتنا معاها(وتقوم تروح لها و رهف ميته من الضحك عليها..
في بيت ابو سامي كان سامي قاعد في الصاله مع امه
سامي:يمى
ام سامي:نعم ياولدي
سامي:يمى ترى احتمال كبير اسافر الاثنين ان شاء الله
ام سامي:ليش متى دراستك بتبدا؟
سامي:بتبدأ السبت ان شاء الله
ام سامي:تروح وترجع بالسلامه ياولدي
سامي:آمين يالغاليه يلا عن اذنك(ويقوم
ام سامي:ماكملت كوب الشاي
سامي:آسف يمى مستعجل بروح اشوف الرحلات واحجز من بدري
ام سامي:الله معك ياولدي
سامي:مع السلامه(وطلع من البيت على سيارة صديقه اللي كان ينتظره عند الباب
سامي:السلام عليكمـ
بدر:وعليكم السلام
سامي:اتأخرت عليك؟
بدر:لا والله بالعكس ماشالله عليك طااااير
سامي:هههههههه يلا مشينا
وحرك بدر السياره وراحوا..
في شركة محمد خالد(ابو ماجد) اتصل ابو ماجد ع السكرتير وطلب منه يجيب له كل المعاملات وبعد دقايق دق غالب الباب:السلام عليكم
ابو ماجد:وعليكم السلام
غالب(وهو يحط بعض الملفات):هذه جزء منها طال عمرك والجزء التاني بعد 10 دقايق تخلص واجيبها لك
ابو ماجد:يعطيك العافيه
غالب:الله يعافيك يلا عن اذنك
ابو ماجد:تفضل
ويروح غالب لمكتبه ..ويبدأ ابو ماجد يشوف المعاملات ويتفقدها بحرص وتدقيق..
في بيت ابو مشعل وبعد الغداا..قام ابو ماجد:شيماء يابنتي تعالي شوي ابغى اكلمك
شيماء(باستغراب):ان شاء الله
دخل ابو مشعل المكتب وبعد ثواني دقت شيماء الباب
ابو مشعل:ادخلي
دخلت شيماء:هلا بابا
ابو مشعل:اهلين شيماء ابغى اكلمك في موضوع عنك عن سفريات عمك فهد
شيماء(خافت):ايش فيه صار له شي؟
ابو مشعل:لا الحمدلله ماصار له شي بس انتي تعرفي ان عمك الان طيار وكلنا لازم نتعود على سفره ع الأقل كل شهر مره
شيماء:اوكِ
ابو مشعل:يعني يابنتي حاولي انك تهتمي بنفسك بصحتك بمستقبلك عشان ان شاء الله تصيري مثله بمستقبل زاهر
شيماء(ابتسمت):ان شاء الله
ابو مشعل:وعـــــــد؟
شيماء(بتردد):اوعدك بابا ان شالله بحاول
ابو مشعل:اوكِ حاولي وان شاء الله ربي يسهل دربك للخير
شيماء:آمين وياك يارب
ابو مشعل:آمين ..تقدري تروحي غرفتك
قامت شيماء:اوكِ يلا عن اذنك(وتخرج من المكتب وهي تفكر في كلام ابوهـا وهي مقتنعه..
في صباح يوم الخميس كان الكل صاحي في بيت ابو مشعل ..ابو مشعل كان يتصل بالمطاعم ويأكد ع العشا الليله وام مشعل كانت تجهز ترتيب الأغراض في المطبخ والبنات معاها ,اما مشعل كان في السوق يكمل الأشياء الناقصه هو واخته رهام..
وفي بيت ام بدر..ام بدر قاعده في الصاله تنادي :رواان رووااااان
بدر:خير يمى ايش فيكِ؟
ام بدر:نادي اختك هالبلوى خليها تنزل للصاله
راح بدر لغرفة روان ودق الباب مرره ومرتين وفي الأخير دق الباب بصوت عالي..روان كانت السماعات في اذنها واول ماسمعت صوت الباب خافت وقامت بسرعه فتحت الباب
بدر(بقهر):انتي ماتسمعي امي صار لها ساعه تناديكِ وانا من اول أدق الباب ايش فيكِ ماتسمعي؟
روان:ههههههههه بدر كنت قاعده اسمع بالسماعات وماسمعت اصواتكمـ
بدر:يلا انزلي لأمي في الصاله صار لها ساعه تنتظرك
روان:ان شاء الله
راح بدر لغرفته ونزلت روان لأمها:هلا مامي
ام بدر(معصبه):مامي في عينك تعالي معاي نجهز الصواني
روان(باستهزاء):وين الخدامه ليش ماتجهزها هي؟
ام بدر(بقهر):الخدامه رسلتها السوق مع وائل وانتي تعالي شوفي الصواني
روان:اوكِ(ودخلت للمطبخ تشوف شغلها..وهي مقهوره ليش مو هي اللي نزلت السوق مع وائل والخدامه قعدت عند هالفرن..
في السياره ماجد وبدر..
ماجد:اووووه صح نسيت؟
بدر:خير ايش فيك؟
ماجد:اليوم عندي موعد اسوي فيه التحليل
بدر:ااها الله يعينك الحمدلله انك تذكرت
ماجد:اي والله الحمدلله لف بدر لمستشفى الـ.... عشان اخلص التحاليل من بدري
لف بدر لطريق المستشفى وماجد طفشان من هالتحاليل..
في الظهر وفي بيت ابو مشعل اجتمع الكل ع الغداا ماعدا رهف لأنها في الدوام وبعد الغداا
ام مشعل:مشعل ياولدي بعد ماتخلص غداك روح جيب رهف من الدوام
مشعل:ووين السواق؟
ام مشعل:السواق رسلته يجيب لي اغراض
مشعل:يمى غير الأغراض اللي جبتها لك؟
ام مشعل:اي غيرها انت روح جيب اختك من غير اي كلمه
مشعل:اوكِ يمى ان شاء الله..
وصلوا ماجد وبدر للمستشفى..
ماجد:بتنزل معاي ولا بتروح؟
بدر:بنتظرك في السياره لين تخلص
ماجد:اوكِ
نزل ماجد واتوجه للاستقبال ودلوه على مكان التحاليل ..راح ماجد لمكان التحاليل واول مادخل سمع صوت رهف تضحك وكان في دكتور يشوف التحاليل ويضحك معاها
رهف التفتت واول ماشافت ماجد انصدمــــــت!!!! ووقفت الضحك!!!!!!
(طبعا ماجد يصير ولد خال رهف وهي تصير بنت عمته)..

انتظر تفااعلكمـ مع الرواااايه


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 22-01-2009, 06:21 PM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد: روايـة أنا جيت أسكنك وأحياك وأبقى فيك و أبقى لك / بقلمي


..


هلآبك


منـورهـ القسم ..

يعطيك العافيه
بالتوفيق يارب




..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 22-01-2009, 10:05 PM
صورة سجينة حب الرمزية
سجينة حب سجينة حب غير متصل
©؛°¨غرامي ذهبي¨°؛©
 
الافتراضي رد: روايـة أنا جيت أسكنك وأحياك وأبقى فيك و أبقى لك / بقلمي


.
.

يآهلآ فيك عزيزتي
موفقه بآذن آلله
منوره آلقسم ^،^

ومسآئك جوري :)

.
.

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 23-01-2009, 12:12 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: روايـة أنا جيت أسكنك وأحياك وأبقى فيك و أبقى لك / بقلمي


,’



بســــم الله



يعطيك العــآفية
موفقه إن شـــآء الله



,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 23-01-2009, 05:11 AM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: روايـة أنا جيت أسكنك وأحياك وأبقى فيك و أبقى لك / بقلمي


بدااية موفقة انشالله

من جد الرووواية حمااس

بانتظار البارت القادم

تحياتى

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 23-01-2009, 10:26 PM
صورة ورود الشتاء الرمزية
ورود الشتاء ورود الشتاء غير متصل
©؛°¨غرامي مجتهد¨°؛©
 
رد: روايـة أنا جيت أسكنك وأحياك وأبقى فيك و أبقى لك / بقلمي


وهذا أحلى بارت لعيونكمـ..

((
الجــــزء الثالــث
))..

الدكتور خلص شغله وطلع من الغرفه وصار ماباقي في الغرفه غير رهف وماجد..رهف كملت شغلها واتظاهرت باللامبالاه اما ماجد فكانت نظراته عليها وناداها
ماجد:رهـــــــف
رهف(بدون ماتلتفت):نعمـ
اعطاها ماجد الورقه وهو مانزل عينه عنها وهي ميته من الخجل:دقايق انادي الدكتور
ماجد:وايش دخل الدكتور في التحاليل؟
رهف:عشان ياخذلك عينه من دمك
ماجد(باستهزاء):ااها عشان ياخذ لي عينه طيب ايش رايك لو قلتلك ماابغى غيرك ياخذ لي العينه
رهف:..................
ماجد:رهف تراني مستعجل وصاحبي ينتظرني تحت خذي لي العينه انتي
رهف استسلمت للأمر الواقع وسحبت عينه من دم ماجد
ماجد(يقوم):متى تظهر النتيجه؟
رهف:بكره
ماجد:خلاص يصير بكره انتي قوليلي عن النتيجه ماله داعي اضرب مشوار واجي
رهف(بخجل من الموقف اللي صار):ان شاء الله
ماجد:رهـــف
رهف(من غير ماتطالع فيه):نعم
ماجد:ممكن اعرف ايش سبب الضحك ؟
رهف(بقهر):موقف مضحك وضحكت فيه
ماجد(بعصبيه):ماقلتلك لاتضحكي بس مهما كان يكون الضحك بصوت منخفض مو واصل للممراات الخارجيه
رهف وهي شوي وتبكي ماردت عليه وكانت تبغى تطلع من الغرفه مسكها ماجد من يدها بقووه:رهف اتركي العنااد لما اتكلم اوقفي واسمعيني انا مو قاعد اهزئ فيكِ انا قاعد انصحك لأني اخاف عليكِ(ودفع ايدها بقوه وتركها وراح ورهف من حسااسيتها الزايده بكت لاشعوريا..
نزل ماجد للسياره وهو متضااايق ..
بدر:خير ايش فيك؟
ماجد(بضيق):مافيني شي
بدر تركه لأنه ماحب يكدر عليه اكتر من اللي هو فيه..
وجود قاعده في غرفتها وتدور على لبس بمناسبة العشا الليله واخيرا لقت تنوره قصيره باللون الأسود وبلوزه باللون الفضي وعلقتها خارج الدولاب وراحت تاخذ لها شور..
بعد العصر وصلت رهف للبيت ودخلت:السلام عليكمـ
الكل:وعليكمـ السلامـ
رهف:يمى انا بروح أنام الحين وارتاح شوي
ام مشعل:اوك يابنتي بس ها لاتطولي في النوم
رهف:بقوم الساعه 9 ايش رايك؟
ام مشعل:اوكِ على راحتك
تروح رهف لغرفتها وكل ماتتذكر موقف ماجد اللي صار معاها تنقهر من نفسها وتحتقر نفسها ولما تتذكر انه يخاف عليها تبتسمـ ..دخلت الحمام تاخذ لها شور..
وصل ماجد للبيت :السلام عليكمـ
الكل:وعليكم السلام
ماجد:وين آمال؟
ام ماجد:في غرفتها
راح ماجد لغرفة اخته آمال ودق الباب:ادخـل؟
آمال:ادخل ياماجد
دخل ماجد وباين الضيق في وجهه:مشغوله؟
آمال:لا ماجد ايش فيك؟
ماجد(بضيق):مافيني شي
آمال(بحرص):ماجد باين عليك متضايق
ماجد:عندك رقم رهف بنت عمتي سميحه؟
آمال:اي عندي خير؟
ماجد:اعطيني الرقمـ
آمال(باستغراب):ليش في شي؟
ماجد(بقهر):تبغي تعطيني الرقم ولا انزل آخذه من مها
آمال وهي تبحث في جوالها ع الرقم:خذ الجوال هذا هو رقمها
اخذ ماجد الجوال ومازال الضيق في وجهه سجل الرقم عنده ورجع الجوال لأخته:شكراا
آمال:العفوو
طلع ماجد من غرفة آمال وراح لغرفته اغلق الباب وقعد ع السرير ومن غير اي تردد اتصل على رهف,رهف كانت تبغى تنام:اوووف من هالمزعجه اللي متصله عليه هالوقت لا ورقم غريب اكيد عبير ماغيرها وردت:الووو
ماجد:هلا رهف
رهف(خافت من الصوت):مين معاي؟
ماجد(بكل ثقه):ماجد
رهف:من وين.....
ماجد(قاطعها):اسمعي بكره بتصل عليكِ من نفس الرقم هذا عشان تبلغيني نتائج التحليل حق اليوم
رهف:ان شاء الله
ماجد(بضيق):رهف
رهف:نعمـ
ماجد:اهتمي بنفسك واتمنى مايتكرر موقف اليوم
رهف بكت من كثر ماهي مقهوره من الموقف وماجد عرف انها تبكي:لارهف لاتبكي صدقيني مو قصدي اضايقك
رهف:................
ماجد(بضيق):رهف بليييز لاتبكي والله مو ناقص ضيق فوق ضيقي
رهف(بحزن):اوكِ
ماجد:بعدين تعالي انتي المفروض تكوني مبسوطه لأن اليوم العشا عندكم مو تبكي
رهف(ابتسمت):اوكِ
ماجد:ههههههه يلا روحي نامي عشان تقدري تسهري الليله
رهف:اوكِ..مع السلامه(قفلت رهف وهي تفكر في كل حرف قاله ماجد لها)..
وماجد نفس الحال قاعد يفكر في رهف وبينه وبين نفسه:لايكون حبيتها لا اناا اكيد ماحبيتها بس هذا كله مجرد خوف عليها وبس لااكتر ولااقل وقطع تفكيره صوت الباب
ماجد:ادخل
دخلت آمال وهي تطالعه بنظرات شك
ماجد:ايش فيكِ تطالعيني؟
آمال:كلمتها؟
ماجد:مين؟
آمال:رهووفه
ماجد(ابتسمـ):اي كلمتها
آمال(بمرح وهي تقعد):مجود لايكون حبيتها
ماجد(بقهر):آمال
قامت آمال بسرعه:المهم اذا تحبها قولي عشان ابلغها الليله
قام ماجد يبغى يوريها بس آمال ركضت ودخلت غرفتها وقفلت الباب وهي تتنفس بسرعه:
اووف منه متوحش ااه بس خلني اشوف لي لبس وراحت لدولاب الملابس..
بعد صلاة المغرب نزلت رهام للصاله وكانت لابسه فستان تركوازي وعليه خطوط عشوائيه باللون الكحلي والاصفر وهو قصير وواصل لتحت الركبه ولبست اكسسوارات باللون الكحلي وميك اب تركوازي وكان شعرها مرفوع ومجعد وطلع شكلها جنااااان
ام مشعل:ماشالله عليكِ يابنتي شكلك طالع جنآآن
رهام(تبتسمـ):مشكووره يمى فرحتيني والله
ام مشعل:وين اخواتك ماخلصوا؟
رهام:رهف نايمه وشيماء حابسه نفسها في غرفتها بس اعتقد انها قاعده تلبس
ام مشعل:ان شاء الله تخلص قبل لايجوا الناس
رهام:ان شاء الله..يمى
ام مشعل:نعمـ
رهام:مو عمي فهد قال بيجي اليوم؟
ام مشعل(بعد تفكير):اي صح
رهام:ومعقوله للآن ماوصل
ام مشعل(تقوم):يلا الله كريم ان شالله يجي وتكمل الفرحه
رهام:ان شالله
تروح ام مشعل للمطبخ ورهام توقف عند المرايه وهي مبسوووطه من شكلها لأنها بجد اليووم طالعه قمــــــرررررر..
شيماء لبست فستان اسود لتحت الركبه وكانت عليه نقوش فضيه وحزام فضي وسيحت شعرها وحطت ميك اب خفيف باللون الأسـود والفضي وبعد ثواني سمعت جوالها يرن اخذته وشافت المتصل عمها فهد((غلا روحــي)) ردت وهي طايره من الفرح:هلاااا فهوووودي
فهد:اهلييين شوشو اخبارك
شيماء:بخير وانت كيفك؟
فهد:الحمدلله بس مره زعلان
شيماء:ليييش؟
فهد:لأنك قلتي فهوودي من غير عمي
شيماء(بلا مبالاه):وصلت للسعوديه ولا؟
فهد:اي وصلت للمطار وان شاء الله بعد نص ساعه اوصل
شيماء:عمي
فهد:عيون عمك انتي
شيماء:اليوم عندنا عشا والكل جاي اول ماترجع للبيت البس وتعال عندنا
فهد:لا شيمااء انا برجع انام وارتاح
شيماء(بزعل):يعني مالي خاطر
فهد(ابتسمـ):لخاطرك ولخاطر تروووك بس
شيماء:ههههههه يسلمو يااحلى عم
فهد:الله يسلمك يلا بقفل وان شاء الله بعد ساعه تلقيني نطيت لبيتكم
شيماء:تنور البيت والله ..يلا مع السلامه
قفلت شيماء وهي طااايره من الفرح:الله يخليك لي ولايحرمني منك وخرجت من الغرفه نزلت للصاله شافت رهام وانبهرت بشكلها:رهوومه
رهام:نعمـ
شيماء:ماشالله اليوم قمر
رهام:هييه انا كل يوم قمر مو بس اليوم
شيماء:احلى يالواثقه
رهام:واحلى واثقه
شيماء:المهم فكينا منك واسمعي الخبر الحلوو
رهام:قولي
شيماء:عمي فهد جا من السفر وبعد ساعه بيكون عندنا
رهام فرررحت:والله بجد؟
شيماء(تبتسمـ):اي والله قبل شوي كلمني وقلتله قالي ساعه وانط عندكم في البيت
رهام:والله اني انتظر رجوعه عشان ازعجه
شيماء:اقوول ازعجي العالم كله الا هة
رهام(تطالعها وهي رافعه حاجب):ماصارت تراه عمك يالخبله
شيماء:ادري انه عمي يااكبر خبله
ام مشعل(تصرخ):تعالوا ساعدوني بدل هالكلام اللي ماله داعي,خافوا من الصوت وبعد كذا راحوا لأمهم وكل وحده ميته من الضحك على التانيه..
بعد صلاة العشا خلصت وجود وكانت لابسه بنطلون جنز وبلوزه سماوي طالعه عليها نعوومه مررره زياااده وماحطت ميك اب لأنها ماتحبه ورفعت شعرها بشكل عشوائي بس طلعت التسريحه نعومه عليها وخلتها حلووه اكتر وراحت للصاله شافت الكل جاهز وقاعد ينتظرها
وجود(بهدووء):مااشالله متى خلصتوا؟
نوف(بقهر):طبعاا ابرد منك مافي روحي البسي عبايتك يلا اتـأخرنا
راحت وجود تجيب عبايتها,سامي:يلا انا في السياره(وخرج..
ام سامي:يلا ياعدنان خذ اخواتك معاك وانا بروح مع ابوك وسامي
عدنان:ان شاء الله
خرجت ام سامي ,عدنان:وجوود يلا سنه
وجود:خلاص جيت يلا..وطلعوا وركبوا السياره واتجهوا على بيت خالهمـ تركي..
في بيت ابو ماجد..ماجد لبس الثوب ولبس ساعته الجذابه وراح للصاله
آمال:بصراحه صرت اشك ان ماجد رايح يخطب الليله
ماجد جا يبغى يضربها جرت آمال ورى ابوها:بابا شوف ماجد
ابو ماجد:خلاص ياولدي اتركها
ماجد(ابتسمـ):اوريكِ(وبكل ثقه):من يكون اللي رايح يخطب الليله
ام ماجد:يلا خلنا نروح عن الكلام الزايد
آمال:بابا
ابو ماجد:هلا
آمال:ابغى اروح معاك في السياره ماابغى اروح مع ماجد
ابو ماجد:اوكِ تعالي معانا انا وامك
ماجد:وليش ماتروحي مع هاني
آمال:هاني سيارته مادري ايش فيها وراح يصلحها
ماجد(همس في اذنها):اوريكِ حسابك بعدين
آمال(بنفس الهمس):مو منك من رهووفه
ماجد ضحك واستأذن وطلع وراحوا معاه اخواته مها وأماني..
بعد ربع ساعه وصلوا عائلة ام سامي لبيت ام مشعل وسلموا البنات على بعض ونفس الشي الشباب سلموا على بعض في مجلس الرجال..
عند البنات في المجلس..
اميره:رهاموو قوليلي ايش مسويه في نفسك
رهام:مو مسويه شي ليش؟
اميره:ماشالله بجد اليوم قمر
رهام(بغرور):انا من يومي قمر(وقامت تصب القهوه
اميره:حركات وصرنا نشتغل لايكون انخطبتي وانا مادري
رهام:هههههههه لاتخافي بدري علي
ام مشعل:وين بدري اللي مثلك كلهم اتزوجوا
رهام(بدلع):اي يمى بدري بعدين ليش عينكم علي زوجوا رهف بعدين انا
رهف:اقول صبي القهوه وانتي سااكته
رهام:اموت اعرف ليش هالبنت تكره مواضيع الزواج
رهف(تقوم):لأنها ممله وغثيثه يلا عن اذنكمـ(وتروح لغرفتها..تتصل على عبير..
وبعد دقايق وصلوا عائلة ام ماجد والكل سلم واستاانس بوصولهمـ
في مجلس الرجال..
مشعل:هاني ايش فيك اليوم صاير عسل؟
ماجد فهم انه يدقه بالكلام:مشعللللل
مشعل:هههههههه لاتعصب علي تراني مااحب المشاكل
ماجد:وانا راعي المشاكل ها؟
دخل فهد في هالوقت:السلام عليكم
الكل فرح بجيته وقاموا سلموا عليه ولما وصل لمشعل حضنه وهمس باذنه:شخبار دلوعتي؟
مشعل(ابتسمـ):بخير تبغى تشوفها؟
فهد:لا خليها بعدين
مشعل قام وصب قهوه لهم واستااانسوا بالجلسه الحلوووه..
عند البنات..شيماء:بنات نطلع غرفتي نغير شوي
مها(قامت):يلا
راحت شيماء لغرفتها ومعاها مها واماني ووجود وورود
مها اخذت جوال شيماء وقاعده تشوف المكالمات:حركات ومن هذا غلا روووووحي
شيماء اخذت الجوال منها:ياعيني ع اللقافه
مها:يلا اعترفي وخلصيني
شيماء:عمي خلاص عرفتي؟
مها:احلللللللللللللللللفي
شيماء:والله عمي ايش فيكِ
ورود:ماشالله عمره طويل
شيماء:ميين
ورود تمد لها الجوال:غلا روحــك
سحبت شيماء الجوال من عند ورود:مسرع متى اخذتيه؟
ورود:هههههههه بطريقتي الخاصه
مها:لايكون قريتي عليها
ورود:طبعاا شي اكيد
مها:تعالي قوليلي ايش قريتي والكل ضحك عليهم
ردت شيماء:هلا عمي وصلت ؟اوك الحمدلله على السلامه..لا انا قاعده فوق في غرفتي..
قاعده مع البنات..خلاص اوك بس لاتروح لما اشوفك..يلا مع السلامه(وقفلت..
مها:لا ورود مااصدق بجد هذه تكلم عمها
ورود:اي والله هذا خالي فهد
مها:مااعرفه
ورود:لا وناويه تتعرف عليه الاخت
شيماء:لا واللي يسلمك ماابغى عمي يتجنن
مها:اقول اعطيتك وجه
شيماء:وماتقدري تسحبيه(وتطلع لسانها..
مها:هههههههه اقول دخلي لسانك بسم الله شكلك يخووف ويضحك هههههههههههههه
شيماء:ههههههههههه
وكملوا ضحك وسوااالف وونااااسه..
بعد ثواني دق جوال ماجد وكان المتصل بدر طلع ماجد للحديقه عشان يقدر يسمع بدر
ماجد:هلا بدر الحمدلله وانت اخبارك
بدر:الحمدلله تمااام
ماجد:ايش فيك اتأخرت؟
بدر:خلاص انا جاي مع الأهل بس اتصلت عشان تستقبلني
ماجد:ههههههههههههههه حلوه استقبلك ليش خاايف؟
بدر(بتوتر)):ياخي مو خايف بس انت تعرفني مااحب ادخل على الناس من دون مرافق
ماجد:هههههه اوكِ يلا انتظرك..في امان الله..
اتصلت روان على رهام..رهام:هلا روان
روان:يلا انا وصلت اطلعي لي براا
رهام:عنيييده ليش ماجيتي مع امك من اول؟
روان:رهومي ماقدرت اخلص بسرعه ويلا اطلعي بدون فلسفه
رهام:ههههههه اوكِ عناادا فيكِ مو طالعه
روان:رهام الله يخليكِ
رهام:بخلي رهف تطلعلك
روان:اووف منك ماتتنازلي ابداا
رهام:طبعاا يلا بقول لرهوفه تطلع
روان:اوكِ
رهام قفلت وطالعت في رهف:ترى روان عند الباب وصلت
رهف:اوك روحي لها
رهام:والله مااروح عشان ماتطول لسانها مره تانيه
رهف(قامت):انا بروح لها
طلعت رهف للحديقه وفجأه انتبه لها ماجد وانبهر بشكلها كانت رهف جذابه بسمارها وكانت لابسه بنطلون جنز وبلوزه ماسكه باللون الوردي وجعدت شعرها وبانت نعومه اكتر بالميك اب الخفيف اللي حطته وفجأه انتبهت لماجد ونظراته واتيبست مكانها من غير ماتقوله ولا كلمه..ابتسم ماجد:اخبارك يابنت عمتي؟
رهف(بخجل):الحمدلله
ماجد(بغيره):خير ايش عندك طالعه؟
رهف:انتظر جارتنا
ماجد:وانا انتظر صديقي ..ادخلي داخل
رهف:خلاص البنت ثواني وتوصل
ماجد(بغيره واضحه):قلتلك ادخلي سمعتي؟
رهف انقهرت منه وطنشته
وفي هاللحظه دخل بدر واول ماشاف رهف لف على الجهه المعاكسه..ماجد انقهر ومسك ذراع رهف بالقووه:قلتلك ادخلي عاجبك اللي صارر ؟؟!!!!دخلت رهف من غير ماتقول اي حرف..

*
آرائكمـ تهمني حول كل شخصيه في الروايه
*

تحياتي:ورود الشتاء


موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1