منتديات غرام روايات غرام أرشيف الروايات المغلقة - لعدم إكتمالها دنياي عقبك ماسوت ربع ساعه / روآية رومنسيه
غموض انثئ ©؛°¨غرامي فعال ¨°؛©

دنياي عقبك ماسوت ربع سـاعه روايه حب ورمنسيه
الروايا منقووووووووووله

--------------------------------------------------------------------------------
نبدا بتعريف الشخصيات


عـائله ابو فهـد ..
ابوفهد/ رجل اعمال حره .. له شخصيه مرموقه في البلد عمره 50 سنه ...
ام فهد/ دكتوره في علم النفس ...شخصيه محبوبه جدا عند الجميع عمرها 40سنه ...
فهد / شاب يدرس في فرنسا علوم سياسيه .. شخص عبيط لابعد الحدود .. ويسوي مقالب وساعات مقالبه تودي في ستين داهيه ... عمره 23 سنه
سـاره / طالبه جامعيه تدرس القانون .. جميله وكانت اجمل مافيها عيونها بصراحه ... عمرها 19 سنه
عائله ابو خالد ..
ابو خالد/ اخو ابو فهد ... رجل له شخصيه قويه..وطبعا اكبر من اخووه وعمره 58 سنه ...
ام خالد / اطيب مخلوقه على وجه الارض .. ربة بيت ناجحه بكل المقاييس عمرها 50 سنه
نور/ بنت خلوقه جمييييله تدرس مع ساره بنفس التخصص وهم تؤام كل وحده تكمل الثانيه عمرها 19 سنه
خالد/ شاب في الثانويه يدرس في ثاني ثانوي طبعا رايح فيها ... لما مصبنه وحركات النص كم .. عمره 17 سنه
(" طبعــا في شخصيات راح تظهر لكم في البارات الجايه ان شاء الله " )


في الحرم الجامعي ...
ساره : نوووور يالله بسرعه يالبطيئه ورانا سفر
نور : زيييييييين كاني امشي معاج
ساره : من الشحوم اللي فوقج ماتقدرين تمشين
نور : واي عليج يالرشيقه
ساره : سكتي سكتي بس
نور: انزين جب ولاكلمه
(طبعا وصلوا لين الباب واهم يتهاوشون مع بعض ..
لقتهم الخادمه شالة شنطهم وكتبهم وراحوا يمشون للسياره ..))
في فرنسـا ...
علي (( صديق فهد في دراسته .. وهو سعودي .. جميل طويل وصاحب عضلات))
فهد : علي نبي نطلع ونروح ندفع أجار الشقه .. مسبق قبل لا احد ياخذها
علي : يالله مشينا ...
في بيت ابو فهد ...
ابو فهد : هااه يالغاليه اربج جاهزه
ام فهد : أي جاهزه
ابو فهد : وجهزتي اغراض سوراني ( دلع ساره )
ام فهد : والله يابوفهد بنتك مو صغيره اجهز لها اغراضها
ابو فهد : هذي الغاليه ياام فهد
ام فهد : مااختلفنـا . بس
( قطع كلامها صوت الباب اللي انفتح )
ساره : ( بأعلى صوتها ) هااااااااااااااااااا اااااااااااي
ام فهد : وجعااي ...
ساره : ( بحزن) ليه ؟
ام فهد : انفجرت طبقه الاوزون من صوتج .. عيل شلون لو طبلت اذني ..
ابو فهد : هاهاهاهاهاي الله يقطع بليسج ياسوراني
ساره : ( وهي متجه لصوب ابوها وبتسمت ) شفت شلون بابا ... والله اني خطيره ... طبقة الاوزون مره وحده
ابو فهد : أي ماشاء الله يالله يابنتي ياحبيبتي روحي جهزي اغراضج وشوفي شنو اللي ناقص منها
ساره : ( والابتسامه شاقه حلجها ) لا بابا دادا سوت الاغراض ..
ام فهد : ( وهي تتحلطم ) امممممم الله يعين هالدادا عليج
( طبعـا الدادا مربيه ساره من يوم هي صغيره لانه امها كانت مشغوله برساله الدكتوراه .. وكانت تخاف عليها وايد وامنة عليها عند الدادا .. طبعا الدادا اسمها دادا روى وهي لبنانية الجنسيه عمرها 44 سنه )
راحت ساره تركض لغرفتها عشـان تاخذ لها غفوه ..
دادا روى : هاي حبيبة ألبي
ساره : هلا ماماتي
دادا روي : ( وهي تضم ساره لصدرها ) شو حبيبي اخبار النتايج
ساره : كل شي تمام الحمدلله ... انا بروح لغرفتي شوي انام عشـان اقدر استعد للسفر
دادا روى : أي حبيبي مافي مشكله
راحت ساره لغرفتها ...
طبعـا بدلت ملابسها .. وحذفت نفسها ع السرير
وراحت في نووووووووووووم عميق ....
في بيت ابو خالد ....
هدوء مافيه حد موجود بالبيت ..
دشت نور للبيت لقت اخوها خالد يلعب بالسوني
خالد : هااه ياطويله العمر من وين جايه ؟
نور : يعني من وين بكون جايه ؟
خالد : والله مايندرى عنكم يابنات هالزمان
نور : لا عدال عليكم ياشباب هالزمن
خالد : روحي روحي بس لااحذفج بالسوني
نور : شنو شنو ؟؟؟ احترم نفسك اختك الكبيره
خالد : روحي زين قالت شنو اختي الكبيره
نور : خالد والله لو مااحترمت نفسك بأكسر ويهك سمعت ولا لا .. ؟؟
خالد : زين يلا لايطق لج عرج وانتي تتكلمين
طنشت له نور وراحت لغرفته فوق .. ولا ابدت له أي اهتمام لانه ببساطه شخص سفيه ....
في فرنسـا ...
بعد مادفع فهد الفلوس حقت الشقق الثنتين لعمه ولابوه
راح لشقته اللي كانت قريبه من جامعته ...
سند راسه على يد الكرسي ومد جسمه على باقي الكرسي
فهد وهو في خاطره يقول (( اااااه واخيرا واخيرا بشوفج يانور عين فهد .. ااه يانور .. ياترى شنو تغير بشكلج بعد الجامعه ... اااه يانور اااه احبج والله احبج ))
غفت عين فهد وهو يطري الحب وحبيبته ...
(( طبعا فهد ونور بينهم قصه حب من وهم اطفال ولا زالوا رغم خجل نور من فهد وكلامه ))
نور بغرفتها .. تمت ترتب اغراضها في الشنطه وماخلصت الا المغرب تقريبا .. صلت المغرب عشـان تحط راسها وتنام
الا شوي وتلفونها يرن ... ))
حبيبة قلبي
يتصل بك ....
نور : هلا ساره
ساره : ( وصوتها توها قايمه من النوم ) اهلين
نور : نايمه
ساره : لا توني قاعده من النوم
نور : خخخخخخ لا انا بنام اللحين
ساره : اوكي عيل إقلبي ويهج
نور : على أي صفحه
ساره : واااااي ملاقه الشف
نور : خخخخخخخخخخخخ اوكي اوكي باي
ساره : باي
(( الرحله بيكون موعدها الساعه 1 في الليل ))
مسكت ساره تلفونها واكتبت مسج
هلا ياحبيب قلبي ..
شخبارك ؟؟
وحشتني واايد .. ومااصدق اني بشوفك
تامر على شي من هني ؟؟؟
قولي قبل لا ايي عندك ....
انا بنتظار طلاباتك
كتبت رقم فهد وطرشت المسج له
شوي الا واصلها مسج
انتي حبيبة قلبي انا
انا بخير والحمدلله .. مب ناقصني الا شوفتكم
ماابي الاسلامتج ياالغاليه ...
وانا بنتظاركم بالمطار
دقت الساعه 12 في الليل
خالد بأقوى ماعندة يطق باب نور ...
خالد : نووووووووووووووور ...
نور : .........
خالد : ( زاد من قوة الطق ) نووووووور وصمخ
نور : ( قامت مفزوعه من نومها ) هاااه
خالد : قومي الساعه صارت 12
نور : زين زين يالله قمت قمت
قامت نور من سريرها وهي ترجف لانها قامت مفزوعه
خصوصا انها تحلمت بفهد يناديها وهي تصد عنه ...
غسلت وييها ... توضت وصلت العشاء .. وراحت تلبس بنطلون جينز لونه رصاصي وبدي ابيض كات مخطط برمادي غامج ..لبست عبايتها وشيلتها سحبت شنطتها حقت اليد بعد ماحطت فيها عطر ومنظره .. وعدت المكياج .. وخذت جوالها وطلعت ع السريع ...
افتحت الباب الا خالد اخوها في وييها
خالد : وين الشناط ؟
نور : داخل
خالد : بدش اخذها
نور : أي عادي دش ..
دش خالد غرفة نور خذ الشناط .. وطلع فيهم للسياره
في بيت ابو خالد ...
راحت ساره لغرفتها تركض .. عشـان تلبس وتخلص
لبست بنطلون جينز لونه كحلي .. ولبست تي شيرت
ابيض مكتوب عليها باللمعه شانيل ... وكانت يده طويله وكانت طبعـا جسمها في قمه الروعه ...
خذت عبايتها وشيلتها ... وخذت لها شنطه بعد ماحطت العده فيها زياده الى كافي سنيكرس .. اللي تعشقه خذت ثلاثه عشـان مااحد ياخذ منها الكافي .. وتوزع ع نور وخالد ... عشـان مايتذابحون في المطار ...
دخلت عليها الدادا وهي تلبس نعالها ( تكرمون)
دادا روى : حبيبي ماتلبس سكربيني بعدين بدا توجعك اجريكي ( ريولج )
ساره : لا دادا عادي انا متعوده ...
دادا روى : بس ياحبيبي نحنا بمطار وبدنا نمشي كتيير
ساره : ولا يهمج دادا اذا تعبت لبست بوت نور ... لانها ماتلبس كعب عالي ...
( طبعا ساره تحب تلبس اشياء عاليه رغم انها "طويله" )
شغل ابو خالد السياره ...
وراح هو وام خالد المطار قبل ساره ...
لانه ابو خالد مكلف حراس شخصين فقط حق ساره
من كثر مايحبها ...
وقفت ساره عند الباب هي والدادا روى
مشت سياره لين فوق .. وكانت رنج نوع الفوج
انفتح لها الباب ..
مسكت ساره يد الدادا روى عشـان تساعدها
على الركوب ...
لفت ساره الناحيه الثانيه وركبت جنب الدادا
كانوا فيه حرس قدام راكبين ...
في بيت ابو خالد راح ابو خالد مع ام خالد
وقال حق خالد يجي هو ونور مع بعض ...
ركبوا نور وخالد في سيارتهم وكانت بي ام دبليو
وكان خالد مشغل اغاني ماينفهم لها معنى
وطبعـا نور كانت ساكته وتسمع لانها لو تكلمت ..
يمكن يصير داحس والغبراء ويحرمهم ابوهم من السفر ..
في المطـار ...
وصل الجميع ....
ابو فهد وابو خالد و خالد واقفين مع بعض يسولفون
وام فهد وام خالد والدادا قاعدين ع كراسي الانتظار يسولفون
اما ساره ونور فكانوا يتمشون عند السوق الحره
(( على المسافرين ركاب الطائره رقم .... والمتوجه الى فرنسا .. التوجه الي قاعه المغادرين ))
ابو فهد اشر للجميع ع اساس المغادره
خلصوا اجراءات الجوازات وراحوا يمشون
وطبعا نور وساره وخالد مااوصف لكم وضع
وناستهم .. لدرجه انهم ممكن يطيرون من الفرحه
ركبوا الطياره خذوا المقاعد
ام خالد وابو خالد في مقعد
ام فهد وابو فهد في مقعد
نور وساره والدادا في مقعد في النص
خالد وواحد من الحراس الشخصين لساره مع بعض
وحارس الثاني حق السياره في اخر الطياه
( خالد كان قاعد ورى البنات ... وكانوا البنات ع الاطراف والدادا مقعدينها في النص ياحليلها )
خالد : ( وهو يضرب كتف ساره ) من قدج حراس شخصين يسافرون على جوازج .. من اجل الحمايه
ساره : خخخخخخخخخ تدري ليش انا مسفرتهم معاي
خالد : ليش ..؟
ساره : ( بكل غرور ) عشـان اقهرك
لفت ساره عن خالد وكانت تشوف نظرات نور المتوتره ..
ساره : نور شفيج ؟؟
نور : .................
ساره : نووووور نوووور
نور : هاااه ؟؟
ساره : شفيج ؟؟
نور: بدت تكتب مسج في تلفونها عشـان تقراه ساره
المسج
المسج ...
خاطري اطرش مسج حق فهد .. بس اخاف يفكر فيني غلط .. ويقول اني قاطه روحي عليه ...
ردت اكتبت لها ساره ...
جايه لك واللهفه تسبق خطوتي ...
طرشي له هالكلام بسرعه ...

نور بدون تردد استجاب لكلام ساره
واعادت صياغة المسج وضبطته ..
وطرشت المسج حق فهد ...
دق صوت المسج في تلفون فهد اللي كان نايم
لانه باقي تقريبا 10 ساعات ليمن يوصلون ..
قام فهد على صوت المسج ...
قرى المسج ...
جايه لك واللهفه تسبق خطوتي
اسم المرسل ... حبيبة قلبي
ماتأخر في انه يرسل لها مسج ...
حبك علي غالي ولا فيه تبديــــل
لو الثمن روحي لعيونك بذلتـه
شوقي لك ما تفيد فيه المراسيل
ما ينفع المشتاق حرف كتبته
أبيك عندي نقضي الوقت تعليـــل
وانسى أنا وياك هم درســـــــته
دق صوت المسج عند نور ..
وكان المرسل (" قلبـك ")
قرت نور المسج ...
وتمت تبتسم من قلبها ...
ساره : هااه بشري وش الاخبار
نور : ( بأبتسامه كبيره ) كل شي تمام
ساره : زين الحمدلله ...
اعلنوا عن اطفاء الاجهزه بكل انواعها
وامنعوا التدخين ...
وربطوا حزام الامان ..
دعوا دعاء ركوب الطائره واقلعت الطائره
متوجه الى لندن ترانزيت .. وبعدها لفرسنا ..
بعد مااحطوا لهم وجبه العشـاء ..
قامت ساره من مكانها عشـان تغسل يدها
ومنها تشوف شكلها .. في المنظره
ساره راحت تمشي لي حد الحمام ( تكرمون)
دخلت ساره غسلت يدها .. ضبطة شكلها ...
طلعت من الحمام ..
كان في اول المقاعد على الطرف ... شاب ...
قاعد وكان منهمك في ارواق وتواقيع ...
لمحته ساره ع السريع ..
رفع عيونه ..... لمح ملاك في ويهه ...
تم يطالع ساره ببلاهه ...
نزلت ساره راسها .. وراحت تمشي لمكانها ..
بسرعه خياليه ... قعدت في مكانها ... وهي
التوتر محد حس فيه الا الدادا ...
دادا روى : حبيبي شو بكي ؟
ساره : لا دادا مافي شي
ماحبت الدادا تشغل ساره او تحرجها اكثر من جذي
لانها في النهايه مراح تشكي الا لها ...
اعلنوا عن هبوط الطياره لمطار لندن ...
تجهزوا الركاب للخروج ...
اهبطت الطياره .... ووقف الكل ...
وقعدوا البنات والامهات والدادا ..
بعد مااشر لهم هتلر اللي هو ابو خالد
بالجلوس ...
بعد ماخفت الزحمه بالطياره ..
وقفوا ... راحوا يمشون بالسيد
وهم عند الباب .. تذكرت الدادا انه نست
حبوبها حقت الضغط على مقعدها ...
راحت ساره ع السريع ... عشــان تاخذ الدواء وتلحق عليهم لانهم قالوا لها انهم بيمشون قبلها ...
وهي تمشي .. ماحست الا راسها ضارب شي ...
لما انتبهت الا شي ابيض ... رفعت راسها ..
شافت الشاب .. تاكدت انه راسها ضرب صدره ..
ساره : ( بكل خووووف الدنيا فيها ) اسفه اخووي والله ماكان قصدي
الشـاب : لا معليه اختي مافيه مشكله
ساره : وهي تحاول تروح عنه ...
طلع الشاب من الطياره ...
وراحت ساره تركض تاخذ الدواء ..
وطلعت تركض .. عشـان اهلها ...
لقتهم بأخر الممر يمشون ...
راح تمشي ع السريع لي حد ماوقفت
جنب النور وهي تسحب انفاسها سحب ....
نور : سارونه انتي فيج شي...؟ وماتبين تقولين ..
ساره : ( لاشعوري قالت السالفه من اولها لي اخرها حق نور )
نور : انزين مزيووون ولا لج عليه
ساره : والله فاضيه ... انتي
ساره وهي تضرب خصر نور ...
وكانت تهمس لها في اذنها ...
طالعيه هذا هو ...
نور وهي تهمس .. في اذن ساره
واي واي ... خلاص ماابي اخوج
يازينه ... وااي يابختج اللي ضربتي
صدره ...
ساره : يامال شقول .. يالخاينه ...
ألتفت الشاب على ساره وابتسم لها بعيونه ...
وراح يمشي ... لي حد ماوصل لابو فهد ..
طبعا هني ساره بدت تاكل بنفسها ...
هذا شيبي يكلم ابوي لايكون يقوله بنتك ماتستحي
اففف منه .. انا مااحب هالمواقف ...
لكنها انتبهت انه ابوها كان يضحك معاه
وكأنه يعرف ... جاء ابوها يمشي لصوبهم ...
ساره : بابا من هذا اللي واقف معاك
ابو فهد : هذا عبدالرحمن ال ....
خالد : ( بلقافته المعهوده) وانتي شدخلج بالريال تسألين عنه ؟؟
ساره : اسكت زين ...
راحت عنهم ساره لصوب نور ....
ساره : اقول نور تعرفين من هذا ..؟
نور : هااه من ؟؟
ساره : هذا عبدالرحمن ال ....
نور : من هذا
ساره : اخو نوف الحلوه اللي تدرس علم معلومات
نور : واااااي صج
ساره : أي صج
نوره : يابختج ياسارووه ...
ساره : اوووووووووكي ان ماقلت لفهد مااكون انا ساره
نور : ( اختبصت ) لا واللي يعافيج ويطول عمرج ..اسفين
ياطويله العمر ...
ساره : أي تعدلي واستوي سنعه
بعد انتظار دام حوالي ساعة كامله ...
اعلنوا عن اقلاع الطياره .. وراحوا يمشون
لي صاله المغادره ..
رن تلفون ساره ...
وكان المتصل ..فهد فرنسا
لمحت نور من المتصل ..
ساره : ( وهي تستعبط ) شفيج بققتي عيونج
نور : ساروه واللي يعافيج مب فاضيه لحركاتج ..
وهي تسحب السماعه .. عشـان تسمع صوته ...
مسكت ساره السماعه الثانيه ...
ساره : الو
فهد : هلا .. مابغيتي تردين
ساره : شسوي ذبحتني نور .. الا تسمع صوتك
( هني نور .... كانت شوي وتنتحر )
فهد : اهاا سلمي عليها ...
ساره : مايحتاج هي تسمعك
فهد : انزين .. انتوا وين اللحين ؟
ساره : راكبين الطياره اللحين متجهين الي باريس
فهد : اوكي عيل انا في المطار انتظركم سلمي على امي
ساره : من عيوني حبيبي
فهد : اوكي حياتي مع السلامه ...
رمت نور السماعه على ساره وراحت تمشي قبلها ..
مانتبهت ساره لنور .. وراحت ساره تمشي عند امها
ساره : ماماه
ام فهد : هلا ماماه
ساره : فهد يسلمج عليج
ام فهد : الله يسلمج ويسلمه
***ه********************************************** *******

يالله حبايبي اتمنى الروايه تعجبكم

واستنى ردودكم

اجاريه يعاندني ©؛°¨غرامي مشارك¨°؛©

الروااايه بدايتها روووووووووعه اتمنى تكملينها

VEN!CE يـآرب مآلـي ســـوآكـﮯ

,’

الله يعطيك العافيه
ممكن تقولين لـنا اسم الكاتبه

موفقه



,’

الزعيـ A.8K ـمه δЯέαмş
مستشــ¸.·* غرام *·.¸ـــاري

,’



بســـم الله


يعطيك العــآفية
موفقه بـ نقلك إن شـــآء الله




,’

غموض انثئ ©؛°¨غرامي فعال ¨°؛©

اجاريه يعاندني

ven!ce

الزعيمه

يعطيكم العافيه
واسعدني تواصلكم وان شاء الله الروايه تعجبكم

وبالنسبه للكاتبه بصراحه دورت بكذا منتدى واشوف انها منقوله دون اسم الكاتبه لكن اول ماطيح عليه

اكيد بنزله هذا من حقها

وسلامتكم

غموض انثئ ©؛°¨غرامي فعال ¨°؛©

والحين هذا بارت لعيونكم

وابي اشوف ردود تحمس



طلع عبدالرحمن من غرفته ...
عبدالرحمن : هلا علاوي شعلومك؟
علياء : هلا هلا بخير يالحبيب
عبدالرحمن : وين الوالده عيل ؟
علياء : بغرفتها ...
راح عبدالرحمن لغرفة امه ... طق الباب
وفتح الباب بعد مااذنت له بالدخول ...
عبدالرحمن : شحالج ياام عبدالرحمن ؟
ام عبدالرحمن : بخير يايبه .. شلونك انت ؟
عبدالرحمن : دامج بخير انا بخير ...
ام عبدالرحمن : في خاطرك شي .. ( وهي تسكر القران وتحطه على الكبت اللي جنب السرير)
عبدالرحمن : أي يمه .. انا عزمةاهل ابوفهد ال ...
وقلت لزوجته وزوجة اخوه وبناتهم ان العزيمه عندج
اما الريايل انا بعزمهم في مطعم .. مافيه مكان احطهم فيه
ام عبدالرحمن : ابشر يايبه .. متى العزيمه
عبدالرحم : بكره يالغاليه
ام عبدالرحمن : خلاص يايبه ولا يهمك
باس عبدالرحمن راس امه ... وطلع منها ...
ام عبدالرحمن .. وهي تمد يدها للسماء
يالله انك توفقه وترزقه بنت الحلال اللي تحبه ..
طلع عبدالرحمن وسمع هوشة خواته المعتاده ...
علياء : هي انتي احترمي نفسج سمعتي ...
ريناد : نعم نعم ... احترمي نفسج انتي انا اختج الكبيره
علياء : طيري زين اختي الكبيره قديمه ترى انتي
ريناد : الغرفه لي انا .. وانتي ونوف بغرفه ...
علياء : اسفه والله الغرفه لي انا بحالي ...
نوف : انتوا شفيكم .. كل وحده تحذفني على الثانيه
علياء : انتي جب سكتي ...
طلع لهم عبدالرحمن وهو يمشي بسرعه ...
عبدالرحمن : شفيكم ؟ شفيكم ؟ عسى ماصارت حرب
نوف : والله تعال شف خواتك .. يتهاوشون ع الغرف
جاء عبدالرحمن وقعد جنب نوف .. وحط يده ورى رقبتها وسند ظهره للكرسي
عبدالرحمن :ممكن حد يشرح لي القصه ..
ريناد : والله اختك مدري اخوك شاكين بجيناتها ...
قطعتها علياء : هي هي .. انتي والله احذفج يالنعال (تكرمون)
طبعـا عبدالرحمن يحاول يمسك نفسه لايضحك ...
اوكي كملي الكلام ....
ريناد : تقول انه انا ونوف ننام مع بعض وهي تنام بغرفه بلحالها .. والله هي شحضرتها من الاكبر انا ولاهي ...
علياء : شوف عبدالرحمن ...هي ونوف ..في الليل يقعدون سوالف وماادري شنو وانا وحده ابي انام .. ولاابي حد يزعجني ...
ريناد : لا هي بس تبي تقعد وتسولف مع حبيبتها ماادري خبلتها ...
علياء : شوفي والله ... لو اوصلج لا اذبحج بيدي ...
ريناد : يالله قومي قومي ...
علياء : ( وهي تحذف علبة الكلينكس على ريناد ) سكتي بس سكتي ..
ريناد : مب ساكته شعندج ..
عبدالرحمن : ( وهو يسوي نفسه معصب ) اشوفكم ماحترمتوني ... ماكأني اخوكم الكبير .. ماباقى الا تقومون تتضاربون وانا قاعد ...
خلاص على غرفه انا بطلع من البيت وانتوا توزعوا على الغرف ....
نوف : لا عبدالرحمن عادي انا بنام بالصاله ...
عبدالرحمن : عيـل اسمعوا القرار ... علياء وريناد بغرفه وحده ... ونوف لها غرفه خاصه فيها ...
وغير هالكلام ماراح يمشي ....
طبعا نفذوا القرار .. عشــان مايهاوشهم عبدالرحمن ..
علياء : اقول يالبنك المركزي السموحه بس ...
عبدالرحمن : ( وهو واقف عند باب الشقه بيطلع ) لا مب مشكله علاوي شباب كلنا نفس الشي ...
طبعا راحت ريناد تركض ..
ضمت عبدالرحمن ... وحبته على خده
ريناد : انا اسفه حمني ...
عبدالرحمن : لاعادي مب مشكله ..
طلع عبدالرحمن ... وراح يشوف مطعم مناسب حق العزيمه بحيث انه يكون ذو رونق عربي ...
في بيت ابو خالد ...
نور كانت قاعده ترتب اغراضها ...
بأسرع مايمكن ...
خلصت نور من اغراضها ..
خذت هديه .. وضبتطها ..
وراحت تشوف البيت امان او لا ...
لما عرفت ان البيت امان ....
شالة الهديه وراحت تركض لين الباب ....
خالد ... اتصل بفهد وقاله انه يبي يتمشى
او يروح معاه ... او بالاصح يبي يسكن مع فهد ...
لانه مايبي يقعد مع البنات ....
ابو خالد راح ياخذ له نومه .. عشـان يرتاح
وام خالد راحت للمطبخ تشوف المعدات ..
والنواقص ...
في شقه فهد ...
والباب ينفتح ...
كان علي موجود بالشقه لانه ساكن
مع فهد ....
علي : ( وهي يمشي بتجاه خالد) مرحبا مرحبا .. تو مانور المكان
خالد : منور بأهله ...
علي : كيف الحال ؟ ان شاء الله بخير ؟
خالد : ابخير والحمدلله .. انت شحالك ؟
علي : بخير دامك بخير ...
فهد : احم احم ....
علي : عيش ولحم ... خير شفيك ؟
فهد : يعني حد يرحب فيني ولا شي
علي : معليه .. السموحه منك مرحبا والله بفهد
فهد : الله يرحب بك ....
وراحوا يمشون للصاله عشـان يقعدون يسولفون على راحتهم ...
بيت اهل عبدالرحمن ..
ام عبدالرحمن : اسمعوا يابنات ترى بكره عندنا عزيمه حق اهل ابوفهد ... يعني كل وحده تحضر نفسها ..
ريناد :اوووووه احنا رايحين نتمشى ولا جايين حق العزايم
ام عبدالرحمن : والله انتي يالملسونه لو ماسكتي لا اكسر ويهج ..
ريناد : زين زين ...
في بيت ابوفهد ....
دق الجرس ...
راحت الخادمه تفتح الباب ...
نور : وين ساره ؟
الخادمه : داخل روم
نور : اوكي
راحت نور تمشي حق غرفة ساره ...
افتحت لها ساره ..
ساره : هلوووووووووو
نور : ( وهي تحاول تدخل بسرعه عشـان ماحد ينتبه للي في يدها ) هلا هلا .. سكري الباب
ساره : ( وهي تسكر الباب وتنقز ع السرير) هااه شفيج
نور : اسمعي هذي هديه انا مسويتها حق فهد عطيها فهد وقوليه انها مني .. اوكي
ساره : ( وهي تاخذ الهديه عشـان تشوفها ) اوووكي ...
اطلعت نور من غرفة ساره ...
وراحت فتحت باب شقة بيت عمها ...
الا اللفت ينفتح ...
لمحت واحد غريب ... كان يمشي مع فهد
واخوها ...
طاحت عيونه عليها ... خفق قلبه ...
نور حست روحها بطير ... من مكانها
سكرت نور الباب حق الشقه وراحت تركض
حق غرفة ساره ....
نور : سارووه فتحي الباب
ساره : ( وهي تفتح الباب ) هااه شفيج نسيتي شي ؟
نور : لا ... ( وهي تبلع ريقها ) بس ماادري شفت واحد
ماادري ماادري ..
ساره : شتقولين انتي طلاسم .. فهميني
نور : اول مافتحت باب شقتكم .. شفت خلوود اخوي ..
وفهد ومعاهم واااحد ... ماادري اول ماشافني احس بشعور غريب ...
ساره : يمكن هذي عبدالرحمن
نور : لالالا مو عبدالرحمن وااحد ثاني
ساره : ايييييييييييي هذا رفيج فهد ...
نور : ( وهي تترقب ساره ) من هذا ؟
ساره : هذا واحد سعودي ..
نور : شنو اسمه
ساره : على مااعتقد علي ..
نور : واااااااااااااااي ياساروووووه
ساره : انتي حددي مشاعرج كل ماشفتي وااحد قلتي وااي خير اثقلي شوي ...
نور : والله هذا شعور غير
ساره : تحبينه يعني ؟
نور : حبتج القراده ...
ساره : ويعه زين ... قومي ذلفي بيتكم مااحد يعطيج ويه
نور : سكتي لا قسم بالله اروح لااهل عبدالرحمن اللحين
ساره : انتي شنو تهدديني فيه ليه ؟؟ شايفتني احبه
نور : والله الواقع جذي ...
ساره : اقول مخليه الحب لج ولاشكالج ..
نور : اقووول انطمي
ساره : ذلفي من ويهي لا قسم بالله اكسر راسج
نور : اوكي اوكي ... لا احد يلحقني
ساره : اوكي ....

الشبـاب .....
بعد ماسلم علي .. على ابو فهد ..
علي : يالله انا ماشي تامرون بشي ..
خالد : انا رايح معاك
علي : يالله حياك ..
خالد : فهد تروح معانا
فهد : لا انا بلحقكم
علي : على راحتك .... يالله توصي شي .. يابوفهد
ابو فهد : لا يايبه .. مابي الاسلامتك
علي : ترى احنا برسم الخدمه ...
ابوفهد : تسلم يايبه ....
علي : يالله مع السلامه ...
صار خالد يمشي قدام علي ...
عشـان يشوف اذا البنات موجودين
عشـان علي يطلع ...
فتحوا باب الشقه .. وطلعوا .....
افتحت ساره باب غرفتها .. وطلعت للصاله
لقت ابوها واقف بيطلع ...
مسكت يده ... وضمتها ..
ساره : باباتي .. وين تروح ؟
ابوفهد : هااه حبيبي .. بروح شوي عندي شغل
ساره : اوكي حبيبي ...
ابو فهد : يالله مع السلامه ..
ساره & فهد : الله يحفظك
ساره .. ( وهي تقرب من فهد ) فهد ترى نور جايبه لك هديه ...
فهد : وينها ؟
ساره : الهديه
فهد : لا نور ..
ساره : في بيتهم
فهد : زين انا ابيها ..
ساره : امي وين .. ؟
فهد : راحت بيت عمي ...
ساره : اوكي خلاص بدق عليها ...
ساره وهي تتصل على نور ...
ساره : هلا نور
نور : نعم خير خير ..
ساره : ويعه ... ماابيج انا ...
نور : عيل ليش متصله
ساره : فهد هني يبيج
نور : ( بنعومه ) فهد
ساره : اقول استويتي ناعمه اللحين ..خلصي بسرعه
نور : اوكي باي ...
فهد : هاه سوراني .. ؟
ساره : أي يايه اللحين
فهد : اوكي ... ممكن لوتكرمتي تروحين أي مكان
ساره : يعني طرده ...
فهد : والله افهميها مثل ماتبين
ساره : اوكي اوكي ...
وقفت ساره تعدل بنطلونها ...
والتي شيرت ..
وتضبط شعرها ...
شوي الا جرس الشقه يرن
راحت ساره تمشي ...
قام فهد بسرعه ...
ساره : اثقل شوي ... كلكم مستخفين ماادري شفيكم ؟
فهد : يابنت الحلال خلصي علي ....
ساره : زييييييييييييييييييي ييييييين اففف
افتحت الباب .. لقت نور بأبهى صوره ...
وبصراحه نور جميله .. وحتى قوامها حلوو
بس لانها امتن من ساره بشووي.. ساره تمسيها الدبه ..
نور وهي تشوف فهد واقف بأخر المرر : السلام عليكم ..
فهد : هلا والله ومرحبا ... حياج
راحت ساره غرفتها ...
وقعدت نور تمشي بأتجاه فهد ...
وكان فهد ماد يده حق نور ...
مسكت نور يده .. وتم يمشي ليمن
اوصلوا عند الكراسي ..
قعدت وقعد جبنها ...
فهد : شلونج يالغاليه ؟
نور : ( وهي منزله راسها ) بخير
فهد : اخبار الدراسه معاج ؟
نور : زينه الحمدلله
فهد : واخبار خالد معاج لايكون يهاوشج دايم ؟
نور : ( وهي تشر براسها انه خالد دايم يزعجها )
فهد : والله ماخليه الحمار ... ومااستقوى الا على حبيبة قلبي ...
نور : انت شخبارك ؟
فهد : انا ...... اااااه توني اللحين صاير بخير ...
نور : عساك دوووم بخير
فهد : بقربج اكيد بكون بخير ....
نور : وصلتك الهديه ..
فهد : للحين ماشفتها .. بس منج اكيد بتكون حلوه ...مشكوره يانور عين فهد
نور : العفو
فهد : انا عني ... مسوي لج مفاجأه ...
نور : لاتكلف على روحك ...
فهد : افا ... كم من نور عندي انا ...
نور كانت تبتسم بأحراج .. وخدودها صارت حمراء ...
فهد : متى بتصيرين حلالي يانور ...
هني نووور راااااااااااحت فيها ... صارت ترتجف من الخوف ....
فهد : شرايج ... اخطبج .. والملكه في قطر ...
ونتزوج وتعيشين معاي هني بفرنسا ..
نور : ............
فهد : هااه نور شرايج ؟
نور : على راحتك
فهد : يعني افهم انج موافقه ؟
نور : ............
فهد : اوكي .... حياتي خلاص مرااح ازيد عليج ..
قعد يقرب منها فهد .. ليمن مسك يدها ...
في غرفة ساره ....

كانت حاطه الاب توب .. في حضنها ...
وتسمع اغاني ... وقاعده تتصفح النت ...
وتقرى روايات ...
وبعدين سكرت النت ..
وراحت تلبس . ...
تنوره قصيره لي حد الركبه .. وبنطلون ..
ولابسه تي شيرت .. وفوقه جاكيت ...
وراحت تمشي ... حق غرفة الدادا ....
ساره : ماماتي ...
الدادا روى : شو حبيبي ؟
ساره : ابي انزل تحت
الدادا روى : اوكي حبيبي .. يالله انطريني عند اللفت
ساره : اوكي ...
راحت ساره تلبس شيلة ملونه ..
غطت شعرها ... ولبست نظاره
وخذت شنطتها ..
وطلعت برع .. تنتظر اللفت لين يوصل ...
انفتح .. باب شقة اهل عبدالرحمن
ساره .. اول ماحست انه الباب انفتح ..
جمدت في مكانها ... شعور غريب
كأنها ماكانت حابه تشوف .. عبدالرحمن
سمعت صوت بنات ...
شوي الا هم جايين يقفون جنبها ...
ام عبدالرحمن : مرحبا حبيبتي
ساره : ( وهي تبتسم بأحراج ) هلا خالتي
ام عبدالرحمن : انتي بنت ام فهد
ساره : أي خالتي ..
قربت ام عبدالرحمن .. عشـان تبوس ساره ..
ولفت ساره ع البنات .. وسلمت عليهم ...
وكانت طريقة لبسهم نفس ساره .. مافيه اختلاف في الافكار .. وايد ...
ريناد : كانت تعرف عن نفسها قدام ساره ... انا ريناد ..
وهذي علياء .. وهذي نوف ...
ساره : يامرحبا والله ...
علياء : وانتي
ساره : انا شنو
علياء : انتي شسمج ؟
ساره : انا اسمي ساره ...
ام عبدالرحمن : عاشت الاسامي ياقلبي ..
ساره : عاشت ايامج ...
انفتح باب شقة بيت ابو خالد ..
انتبهت ساره حق امها ...
مسكت ساره تلفونها بسرعه
واتصلت على فهد ...
ساره : الو
فهد : هااه نعم ؟
ساره : امي بتدش البيت اللحين دبر روحك .. خل نور ادش غرفتي .. وانت اقعد بالصاله ...
فهد : اوكي اوكي باي ....
ام فهد : ام عبدالرحمن .. ؟
ام عبدالرحمن : مرحبا .. ام فهد ..
ام فهد .. وهي تضم ام عبدالرحمن : وحشتييييييييني فديتج ..
ام عبدالرحمن : وانتي اكثر ...
ام فهد : شلونج ؟ شلون الدنيا معاج ؟؟
ام عبدالرحمن : بخير فديتج ... انتي شلونج ؟؟
ام فهد : بخير الحمدلله ...
وراحت ام فهد تمشي ... عند البنات سلمت عليهم ...
اول شي علياء وبعدين ريناد وبعدين نوف ..
ام فهد : شلونكم حبايب قلبي ؟
البنات : بخير الله يسلمج ..
ام عبدالرحمن : تسلم يمناج على تربية ساره
ام فهد : ( وهي تبتسم بأفتخار ) ماعليج زود فديتج ..
حياج تعالي تقهوي عندي ...
ام عبدالرحمن : والله بروح مع البنات .. يبون الجمعيه
ويبون ينزلون تحت ...
ام فهد : سوراني .. انتي وين بتروحين ؟
ساره : بنزل تحت بعدين بروح الجمعيه
ام فهد : خلاص خليهم يروحون مع بعض ...
ام عبدالرحمن : عيل خلاص اوكي ...
اتصلت ساره على نور .. وبلغتها بالروحه .. بس نور رفضت ...
وراحت شقتهم ...
انفتح باب اللفت ...
وتمنت ساره انه اللفت مانفتح ..
طلع عبدالرحمن من اللفت ..
ولقى بنات متجمعين قدام اللفت ..
ومعاهم وحدم كبيره .. وهي الدادا روى ..
ريناد : هلا حمني ...
عبدالرحمن : هلا ريناد .. على وين ان شاء الله
ريناد : بنروح نتمشى مع ساره ...
( هني ساره اختبصت وتمنت الارض تنشق وتبلعها )
عبدالرحمن : ( وهو يمشي حق شقتهم ) اوكي بس لاتبعدون واايد ...
عليـاء : ولا يهمك انا معاهم ...
عبدالرحمن : مدامك معاهم مأمن عليهم انا ... هااهاهااهااي ...
دش عبدالرحمن الشقه .. ورمى نفسه على سريره ..
ياليتني ماشفتها .. ليش كل ماروح مكان ألمح عيونها ..
حتى عطرها احس اني اشمه كل دقيقه وكل ثانيه ..
ااااه الله يصبر قلبك ياعبدالرحمن ...
ساره .. وهي تتكلم بخاطرها ... ااااه وان كل ساعه بقعد اشوفه .. ياربي ليش جذي يتغير حالي لاشفته ...
الله يعيني ...

غموض انثئ ©؛°¨غرامي فعال ¨°؛©

معقوله مافيه ولا رد

كذا ازعل وما اكمل القصه

ابي ردووووووووووووووووود تكفوووووون

اجاريه يعاندني ©؛°¨غرامي مشارك¨°؛©

البااااااااااااااااارت جووناااااااااااااااااااااااااااااااااان يسلمووووووووووووووووووووووو

أحلى ضحكة ©؛°¨غرامي فعال ¨°؛©

امااااااااااااااااااااااانة في رقبتك اذا كاملة عندك نزليهاااااااااا
لأن قراتها قبل شهرين وماهي كاملة..؟؟
وانا مرة عاجبتني بدايتهاا ومدري كيف نهايتها..؟؟
بلييييز برجع ادخل الاربعاء لان بكرة عندي اختبارين..؟؟ وابغى التكملة
وشكرآآآآ..

أحلى ضحكة ©؛°¨غرامي فعال ¨°؛©

يسلمووووووووووو بس لازم تكمليهااااا بدري..؟؟
باااااي بروح اداكر..؟؟

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1