منتديات غرام

منتديات غرام (/)
-   أرشيف الروايات المغلقة - لعدم إكتمالها (https://forums.graaam.com/157/)
-   -   رواية سواد الليل , اول رواية اردينة (https://forums.graaam.com/180076.html)

جوهرة الأردن 09-02-2009 01:02 PM

رواية سواد الليل , اول رواية اردينة
 



[^*^][^*^] ســواد اللــيل [^*^][^*^]



الكاتبة :bent_almarah

**********


اخواني واخواتي الأحبة في هذا المنتدى الطيب ..... ذلك البيت الدافيء اللي جمع اخوة واخوات داخل الاردن الحبيبة بل خارجه ايضا تربطهم روح الاخوة القوية والمحبة والاحترام بحيث أصبحوا يشكلون أسرة واحدة لا يستطيع احد منهم الاستغناء عن الاخر .

رغم انشغالي عن المنتدى ولكن لا يعلم الله ان الجامعة نت (( هلا تك )) في قلبي بسبب أعضائه ومشرفيه الطيبين والادارة الحكيمة .

اليوم سأهدي روايتي هذه الى كل من أحب وعشــق المنتدى رواية قد تقولون عنها انها فريدة من نوعها وخاصة في ظل شيوع ظاهرة الروايات الخليجية وخصوصا السعويدة في المنتديات العربية ولكن كم خلال بحثي ودراستي لم اجد أي رواية اردنية في عالم المنتديات ولهذا .... اليوم قد قررت أن اكتب أول رواية أردنية في عالم المنتديات والانترنت بل أفتخر بذلك واهديه اليكم أولا والى كل أردني وأردنية .... اذ ان هذه الرواية ستحكي عن قضايا المجتمع الاردني أو بالأحرى تتركز على قضية اساسية انتشرا مؤخرا في المجتمع الشرقي عامة وفي المجتمع الاردني عامة


قصــي اليوم نعيشهـــا يوميا



قصة ورواية أردنية تناقش :::

**** الـــزواج العـــرفي




من خلال القصة هذه سأتطرق الى الحديث عن القضايا الأخرى التي يعاني منها مجتمعنا الأردني وستلاحظون انني اعتندت فيها على عنصر التشويق والحــوار


الرواية ستكون أحدائها طويلة وقد تأخذ مني وقتا طويلا ليس بأيام أو اسابيع وقد تطول لأشهر ولكنني سأبذل أقصى جهدي لأنهيها في فترة قصيرة ان شاء الله



تــــابعوني ولا تنسوووني من ردودكــم وتقــييامتــكم




جوهرة الأردن 09-02-2009 01:04 PM

رد: رواية [^*^][^*^] ســواد اللــيل [^*^][^*^]
 
O?°'¨ ( الجزء الأول ) ¨'°?O
أم نبيل حضرت القهوة وحطت فنجانين على الصينية ومسكت الصينية واتجهت للدرج لتطلع للطابق الثاني وهي طالعة على الدرج نادت على مطيعة (( خدامة اندونيسية ))
مطيعة ... يا مطيعة ....
مطيعة : نعم ماما
ام نبيل دارت وجهها لورا: مطيعة بدي يجي اليوم صحباتي ... نظفي الفيلا كويس
مطيعة : طيب ماما
ام نبيل طلعت لفوق لغرفتها وفتحت الباب وحطت الصينية على التواليت , وقفت قدام المراية وزبطت شعرها ورشت عطر وابتسمت ومسكت الصينية ودرارت وجهها لسريرها وهي تصحي زوجها ابو نبيل بدلع
يا ابو نبيل ... اصحى يا حبيبي ... القهوة جاهزة
ابو نبيل حط المخدة فوق راسه من صوت مرته
ام نبيل حطت الصينية على الطاولة اللي جنبها وقعدت جنب ابو نبيل وشالت المخدة من ايده وهي تحكيله: يلا ابو نبيل بلا كسل ... مش عندك دوام اليوم ؟
ابو نبيل لف وجهها لمرته وقال وهو متكاسل : صباح الخير
ام نبيل : صباح الفل والعسل يا حبيبي .... يلا قوم غسل وخلينا نشرب القهوة قبل ما تروح على شغلك
ابو نبيل مبتسما : الله يسعد هلوجه الحلو ....

خلوني بالأول أعرفكم على عائلة أبو نبــيل ****

أبو نبيل دكتور ناجح مشهور بالأردن وخارجه, فاتح مستشفى كبير ناجح بعمان المرضى برا الاردن بيجو على الأردن لحتى يتشافوا ويتعالجوا في المستفشى لمصداقيته وشفافيته .... حنون وطيوب كتير واغلى واهم شي بحياته هو مرته واولاده .

ام نبيل : ربة بيت طيوبة كتير وحنونة تحب زوجها وأولادها كتير , تحب الطبخ كتير ودايما اكلها زاكي لانها تطبخ بنفس .

ابو نبيل وام نبيل نزلوا مع بعض وقعدوا بشرفة الفيلا تحت المظلة .
سالي نزلت لعندهم بنشاط وحيوية وباست امها وابوها وهي تححكي : صباح الخير يا احلى ام واب بالدنيا
ام نبيل : هلا حبيبتي سالي , صباح النور
ابو نبيل : يا صباح الفل يا احلى بنت بالدنيا , شو رايحة علجامعة ؟
سالي وهي تقعد على الكرسي وتتناول كاسة عصير البرتقال : اه اليوم عندي امتحان الساعة 10
ابو نبيل : الله يوفقك حبيبتي
ام نبيل: افطرتي حبيبتي ؟
سالي : لا ماما
ام نبيل وهي تقوم عن الكرسي : طيب حبيبتي اقوم اعملك سندويشة تاكليها قبل ما تروحي على الجامعة
سالي وهي تمسك ايد امها : لا ماما ... انا مش جوعانة خلص لما اجوع بفطر بالجامعة .. يلا انا لازم اروح هلا .

خلوني اعرفكم على اولاد عائلة ابو نبيل ***

نبيل 30سنة رجل طموح تخرج من الجامعة الاردنية بامتياز تخصص طب وطلع سافر برا الاردن لامريكا ليكمل الماستر هناك بعد ما حصل على بعثة من جامعته ... جميل ووسيم ومرح بس بتسم بالجدية .

سالي 20سنة تدرس بالجامعة الأردنية تخصص الفنون وكتير تحب تخصصها ... قلبها طيب كتير وهي دلوعة كتير وحنونة ورومنسية شعرها طويل أشقر وجمالها أجنبي تشبه امها كتير بجمالها .

عبير27 سنة اخت سالي ونبيل متزوجة عن قصة حب مع زميل الها بالجامعة ... خلصت تخصص ادارة الأعمال وهي عندها ولد اسمه عمر عمره 3سنوات وزجها عامر بشتغل بشركة كبيرة خاصة بعمان وهو رجل جميل ووسيم بحب مرته كتير وزاد حبه الها بعد ولادة ابنهما عمر



>>>>> يتبع


في الجـامــــعة في السـ9:20 ـ ـاعـــة

تمشي بكل كبرياء وشمــوخ وهي لابســـة نظارة شمسية
رن موبايلها بنغمة أغنية اصحاب لتامر
وهي نغمة حطتها لكل زملائها وزميلاتها بالجامعة
ردت على موبايلها بدلــع : صباح الخــير
أسامة وهو يببسم : يا صبــاح القشطة يا سوسو
سالي وهي تهمس : ههههه كيفك سيمو ؟
أسامة : بخير انتي كيفك؟
سالي وهي تقعد على كراسي الجامعة : تمام شو هالدوشة اللي عندك ... اكيد الشــلة عندك
أسامة يضحك: والله مو انتي هينة ... شو وين انتي هلا؟
سالي بصوت عالي : هلا وصلت الجامعة ؟ شو تعملوا انت ؟
أسامة : احنا هلا بالكفتيريا كالعادة ... تعالي
سالي بتأفف : يوووه انتم ما تملوا من الكفتيريات العالم تقعد تحت الشجر تتشمس وتشوف العالم واحنا ما عنا غير الكفتيريات بس ... انا بس بدي اعرف شو اللي عاجبكم بالكفتيريا
أسلمة وهو يتطلع على رهف ويضحك : انا ما عندي مانع .... بس هاتي وتقنعي صاحبتك رهف اللي عقدتها حساسيتها من الشجر
رهف كانت جالسة قدام اسامة قامت عن كرسيها واخذت الموباي من اسامة : سوسو صباح الخير يا قمـــر
ســـالي : هلا حبيبة قلبي رهوووفة ... كيفك؟
رهف : الحمد لله انتي كيفك ؟
سالي : good
رهف وهي تتطلع على أسامة : قبل شوي اسامة كان يحكي
عنك انـــ
اسامة مقاطع كلامها : لا تردين عليها .. ترى هياللي كانت تحكي عنك
سالي وهي تتطلع على الساعة : حسابكم معي بعدين لانه بدي اسكر والحق امتحاني
رهف : اوكي حياتي الله يوفقك وطمنينا شو بصير معاكي ...
انا واسامة عم نمزح معاكي
سالي : لانكم زنخين انتي واياه سلمي على الشلة اللي عندك
رهف : هههههه وصل
سالي : تشاااو
رهف تشاواااات
وسكرت سالي موبايلها وحطته بشنطتها ولبست نظارتها الشمسية وقامت عن الكرسي واتجهت لكلية الاقتصاد .



* * * * * * * * * * * * * * * * * * *

فــ قاعة الامتحان ــي

ســالي تطلع من قاعة الامتحان مع صاحبتها تولين
سالي : الامتحان زنخ كتير السؤال الاخير ما عرفت احله
تولين بقرف : اه والله الله ياخذ الدكتورة انا بس بدي اعرف ليش عينوها عنا
سالي بسخرية : عاملة حالها تفهم وهي اصلا ما تعرف تحسب رياضيات ههههههههه
تولين : ههههههه
سالي : فكينا منها شو رايك نروح على الكفتيريا ونشرب نسكافيه ؟
تولين : اوكي
مشوا سالي وتولين وراحواعلى كفتيريا الاداب وجابوا كاستين نسكافيه 3X1 وقعدوا على الطاولة جنب الشباك
تولين تطول موبايلها من شنطتها وهي تبتسم : تعالي اورجيكي فيديو بموت من الضحك امبارح اخوي بعثلها الي
سالي وهي تقترب منها : يلا ورجيني
فتحت تولين الفيديو وورجتها فيديومقطع كرتوني في ولد صغير ينادي أمه وهي نايمة :
لويس لويس لويس .. مام مام مام .. مامي مامي مامي .. ماما ماما ماما.. ماه ماه ماه .. مام مام مام .. مامي مامي .. ماما ماما ماما
والأم تعصب وتصرخ فيه : واااااااااااااااااات ؟؟؟؟؟؟
الولد : هاي هيهيهيهيهيهيهيهيهيهيهيهيهيهيهيهيهيهيهيهيهيهيهيهيهي هيهيي !

سالي بلا شعور : هههههههههه غبي غبي غبي
تولين :ههههههههههههههههههه يرفع الضغط
سالي وهي تضحك بصوت عالي سمعت كل اللي بالكفتيريا : بسرعة ارسليها الي بلوتوث
تولين وهي تضحك : اوكي افتحي بلوتوثك
سالي فتحت بلوتوث والا اجالها رسالة تنبيه بلوتوث وفرا وافقت على انها من تولين واول ما فتحت تفاجات برسالة تقول : يسلملي هالضحكة ههههه رني على هذا الرقم 0788.....
انصدمت سالي لما شافت الرسالة وهي تقول : تولين اجتلي الرسالة من واحد
تولين بهدوء : مين هو ؟
اعطت سالي موبايلها لتولين وقرت المسج وهي تقول : الله ياخذه ينطم .... انسي وخذي الفيديو
وارسلت تولين الفيديو لسالي ......
وبعدين سكرت بلوتوثها وشربوا النسكافيه قبل ما يروحوا على المحاضرة التانية .

قلـب عســـل 09-02-2009 02:57 PM

رد: رواية سواد الليل , اول رواية اردينة
 
بداية موفقة
وان شاء الله تكون من الروايات الممتازة

‎‎مــوجة حــزن 09-02-2009 06:04 PM

رد: رواية سواد الليل , اول رواية اردينة
 
يعطيك العافية

نورت ويسعد مسائك

miss palestine 09-02-2009 06:09 PM

رد: رواية سواد الليل , اول رواية اردينة
 
الله معك حبيبتي
بداية حلوة لأول روآية أردنية ^،^
بس ياريت تكون البــآرتآت أطول من هيك
:)
\\مس فلسطين\\

الزعيـ A.8K ـمه 10-02-2009 12:49 AM

رد: رواية سواد الليل , اول رواية اردينة
 
,’


بســـم الله


حيــآك عزيزتــي و كل أهل الأردن .. منورتنــآ
يعطيك العـــآفية
موفقه إن شـــآء الله

.. لـ الجميــع ..
http://forums.graaam.com/96290.html




,’

جوهرة الأردن 10-02-2009 09:09 AM

رد: رواية سواد الليل , اول رواية اردينة
 
كل الشكر للجميع :)

سجينة حب 21-02-2009 10:37 PM

رد: رواية سواد الليل , اول رواية اردينة
 
.
.

يآهلآ فيك عزيزتي
موفقه بآذن الله
منوره آلقسم ^،^

.
.

جروح من الماضي 27-09-2009 02:42 AM

رد: رواية سواد الليل , اول رواية اردينة
 
الســــــــــلامـ عليــــــــــكمـ..

أمووووووت ع اهل الاردن وحكيهم الحلو ..

بانتظار الجــــــــــزء القادم ..

نبي نتعرف ع حكي أهل الاردن ..

بالتوفيق ..

النجمة القطبية 27-09-2009 02:57 AM

رد: رواية سواد الليل , اول رواية اردينة
 
ثــــــــــــــــــانكس على الروايه العسل
تحمست كثيرا
ننتظر التكمله
بفــــــــــارغ الصبر


الساعة الآن +3: 09:43 AM.


موقع غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1