غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 01-05-2009, 08:05 AM
صورة نجمه حائره الرمزية
نجمه حائره نجمه حائره غير متصل
©؛°¨غرامي متألق ¨°؛©
 
الافتراضي رد: رواية وش حيلتي اذا الشوق صوبك دعاني


يسلملى قلبك
روايه توححححححححححححفه
يعطيكى العافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 15-06-2009, 09:45 PM
صورة الاميره كيوت الرمزية
الاميره كيوت الاميره كيوت غير متصل
©؛°¨غرامي جديد¨°؛©
 
الافتراضي رد : رواية وش حيلتي اذا الشوق صوبك دعاني


وين التكمله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 16-10-2009, 12:32 PM
صورة &اغلاهم واحلاهم& الرمزية
&اغلاهم واحلاهم& &اغلاهم واحلاهم& غير متصل
©؛°¨غرامي جديد¨°؛©
 
الافتراضي رد: رواية وش حيلتي اذا الشوق صوبك دعاني


رووووووووووووووووووووووووعه كثيير
تكفييييييييييييين كمليها ننتظرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 15-01-2010, 02:18 AM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
B12 رد: رواية وش حيلتي اذا الشوق صوبك دعاني


السلام عليكم......

الرواية كامله وانا قراتها كاملة في احد المنتديات

بعد اذن حبوبه حبيبى اذا ماتقدر تكملها او عندها ظروف اكملها انا اذا مافيها

ازعاج او تطفل لانو بصراحه مقدره مشاعر المتابعين شي يقهر تقرا رواية وتعجبك

وفي النهاية تكون مو كاملة

اتمنى القى رد من صاحبة الموضوع او المتابعين للرواية




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 18-01-2010, 05:22 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


بماان ماحد عطني وجه اخذت الموافقة من رواد مجلس

الاستفسارت وسمحوا لي باكمالها باذن الله راح ابد من اليوم وان شالله

ماكون تطفلت على احد

وبسم الله نبدأ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 18-01-2010, 05:24 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


الجزء الثامن

وصلت سفن الأنقاذ بسلامه لسواحل المغرب,, وتوجه نايف بسرعه للسفينه اللي لقت جثث,, يدور اخوه ,, في هاللحظه يتمنى ع الاقل يرجع بجثة اخوه ولا تكون هايمه جثته في البحر

نايف: لو سمحت الجثث اللي جت فيها شاب بعمر 30 ؟
الموظف: مانعرف اغلب الجثث متغيره بسبب انتفاخ وسببه دخول الماء فيهم
نايف: ياحيل الله
الموظف : تفضل معي ع الغرفه,, بس ألبس هالكمامه
ولبس الكمامه نايف,, ودخل الغرفه وكانت ريحتها مكتووممه ورطووبه,, حامت كبده عليه
وكان في 6 جثث

فتحوا اول كيس طلعت بنت بعمر العشرين,,, انصدم نايف قال يمكن ذي اخت سعود!!

والكيس الثاني برضوا بنت ,, والثالث رجل بأواسط عمره.. والرابع شاب بأول عمره
والخامس والسادس بنات بعمر العشرين ,,,

وبعديييييييييييين لا لقينا لك جثه ولا لقينالك نجاه,, الله يردك يا أخوي
بس جلس يفكر بجثث البنات
نايف يسأل الموظف: وين بتودون الجثث؟
الموظف: ع المستشفى هاي السياره بتنتظر
نايف : حلو خل سعود يتفقدهم بعد

أتصل نايف على سعود
سعود دق جوال (نايف يتصل بك)
سعود: هلا نايف بشر
نايف: هلا بك,, رحنا وجينا مالقيت لا لاخوي اثر ولا لأختك,, لقينا واحد ناجي ورحمه من رب العالمين ان احنا لقيناه
سعود: ياااااااااااااربي
نايف بحزم: سعود في جثث لقوها,, وفيها 4 جثث لبنات يمكن ....
سعود: يااربي دخله للثلاجه ما أبي
نايف: معليه حاول وانا أخوك
سعود: الله يعين
نايف: في أمان الله
سعود: في امان الكريم

سعاد: وش قالك؟
سعود: مالقوهم بس في جثث لبنات
سعاد وهي تحط يدها ع فمها: يعني حنان معهم؟
سعود: مدري

اسودت الدنيا بوجه سعود لما تذكر دخلته الأولى وهو يشوف الجثث,,يالله انك تعين يارب

أما نايف اتصل بأخوه ناصر وعلمه باللي صار,, علمه ان اخوه لايزال من المفقودين,, وطلب من اخوه انه ينصحه وش يسوي,, يجلس ولا يرجع,, فماكان من ناصر الا انه قال له يرجع ,,لأن مافي فايده من جلوسه

توجه نايف للسفاره وأخذ شنطته لأنه مانام بفندق ماكان عنده وقت,, وحجز له على أقرب رحله للرياض

أما سعود
راح هو وأخته للجثث اللي لقوهم بالبحر ,, ولا عثروا على جثة اختهم ,, فرحوا وحزنوا ,, شعور متضاد وتوجهوا للدكتور المختص في حالة ابوهم,, ونصحهم انه مايركب طيارات او يصعد لأماكن مرتفعه زي الجبال او العماير الشاهقه,, ويحتاج فترة راحه مدة أسبوع عشان يرجع لبلده بواسطه السياره !!!! أبوهم مو محتمل الطياره

اتصل سعود على اخوه فيصل قاله ان حنان مفقوده,, الى أجل مسمى,, وأستسلموا لفكرة ان اختهم تحت رحمة ربهم,, وتقريبا تأكدوا انها ماتت,, لأن من صار الحداث لمدة 3 أياما السفن والطيارات ما وقفوا عن البحث ,, ونايف شاف بنفسه حرصهم وهم يبحثوون عن المفقودين

يعني توصلوا لنتيجه ان باقي الأسماء في الرحله اللي ماتم العثور لهم على جثه,, هم في عداد الموتى

في بيت ابو فيصل:

فيصل بعد ماتلقى مكالمة سعود الليخبره فيها ان حنان مفقوده,, قرر يخبر اهله بالخبر
فجمعهم بغرفه(امه,زوجته,خالته شيخه)

ام فيصل: فيصل ليش جامعنا وش تبي؟
فيصل ووجه ما يتفسر: كنت بقولكم على خبر,,وابيكم تتحملونه,, وتستوعبونه معي
شيخه : بدون مقدمات فيصل
فيصل: الله خلقنا لحكمه,, ان احنا نعبده,, ومتى ما شاء اخذنا ورجعنا له
ام فيصل وقلبها يرجف: اهلك صار لهم شي
فيصل: ابوي وسعاد طيبين,, ابوي تعبان شوي وبيتشافى
امه: وحنان؟؟؟
فيصل: .............حنان غرقت في البحر ولا لقوا لها جثه.. تعتبر مفقوده والمفقود من القائمه يعتبر ميت

كلهم سكتوا,,, سكــــــــــــــوت عم ارجاء الغرفه
الام: يعني مافي بنتي حنان؟؟
شيخه: راحت بنت اختي بالساهل كذا؟؟
فيصل: اذكروا ربكم,,وادعوا لها بالمغفره
شيخه: وليــه؟؟ دام مافي جثه,, يعني بنتي حيه
الام: ايه جيبوا جثتها واخذ العزا ببنتي,, بس دام ذا كلامكم ,, مو منطقي جيبــــــــوا بنتي حيــــه ولا ميتــــه فااااااااااهم يافيصل
الكلام ذا ما يمشي علي,, دام ما اشوف لها جثه ,, معناته هي حيه!
فيصل وهو معصب: يمه ربتس تشوفينه؟؟
الام: احس فيه,, اشوف انعامه وخلقه
فيصل: وحنان بعد 3 ايام يدورون بالبحر مالقوا لها جثه ولا من الناجين طلعت,, يمه انا بحرب نفسيه طول 3 ايام ,, كل يوم اضرب اخماس بأسداس , ساعه اقول بيلقونها هايمه بالبحر,, وساعه اقول بيلقون جثتها ماكلها السمك,, وساعه اقول بتصير لها معجزه وتنجى بجزيره,, وساعه اقول غرقت وجثتها في قاع البحر,,, ريحـــــوني يمه انا تعبت من هالسالفه,, كل يوم اكلم السفير وسعود معهم هناك,, مالقوا لها أثر مالقـــوا,,, منى عيني يقولي لي حنان حيه بمكان ما منى عيني.,, بس هذا اللي صار 3 ايام بحث متواصل مالقوا لها اثر ,, ارحـــموني تكفون
الام ودموعها انهار على خدها: ماني مصدقه ياولدي
فيصل وهو يقرب لامه ويضمها: ولا أنا يمه ولا أنا,, حنان نجت معهم بس ضيعها الموج ,, والموج كان ذاك اليوم هايج هاااايج يايمه
شيخه وهي تبكي على بنت اختها الغاليه: آآه عليك يا حبيبتي,, اه عليك من يونسني الحين ياحنان ,,,
وتجي سلمى جنب امها وتلمها وجلسوا يبكون ثنتينهم

كل واحد منهم كا بقلبه مش ميته,, بس وين يلقونها ؟؟!!

ونفس السيناريوا حصل مع اهل طارق,, ماكانوا متقبلين فكرة ان اخوهم توفى,,

كانوا حاسين انه حي ,, بس وين يلاقونه؟؟؟

هذا كان حال العايلتين
رجع لنايف لاهله وثاني يوم اقاموا عزا لطارق وصلوا عليه صلاة غائب ,, وامتلى المسجد بالجموع الغفيره,, من اقارب ومعارف وجيران واحباب لطارق وأهله,,ونعي بالجرايد
وكانوا المعزين يجون لأداء واجب بس ما احد مقتنع بوفاته !!

وحنان صار لها نفس الشي ,,, انصدموا صديقاتها بالخبر,, مو مصدقين ان ملح شلتهم ماتت,, فكان عزا الحريم فلم ابطاله الدموع والبكاء والنحيب ,,

وبعد العزا اصرت ام فيصل انها تروح لزوجها عشان ترافقه برحلته من المغرب للسعوديه بالسياره !!
أعدت لهم دول المغرب سياره مجهزه بخدمات طبيه ومعهم دكتور يرافقه ,, بس ينتظرون حالته تستقر عشان يبدون رحلتهم اللي حددوا مدتها 10 أيام تتخللها راحه بكل دوله يرتاح فيها ابو فيصل ويحرك رجوله,, ويرتاحون السايقين

وصلت ام فيصل للمغرب ومعها ولدها فيصل ,, وتوجهوا للمستشفى وكان اللقاء مرره مؤثر بينها وبين زوجها وبنتها
وبكت من خاطر على بنتها الغاليه حنان اخر عنقودها

وبعدها بيومين بدت رحلتهم من المغرب ابو فيصل وزوجته وولدهم سعود
اما فيصل وسعاد رجعوا بالطياره ,, بعد اقناع وعمى عين عشان توافق سعاد,, كانت خايفه ان الطياره تطيح فيهم

وبحمدالله وفضله وصلوا فيصل وسعاد بالسلامه,, وكان استقبال خالتها شيخه بالمطار وبناتها وفهد

وبعدها ب 12 يوم وصلوا ابو فيصل وام فيصل بالسلامه,, تأخرت رحلتهم شوي عشان ظروف مناخيه واجهتهم

رجع ابو فيصل بالسلامه بس مايقدر يحرك يده ورجله اليسرى بسهوله بسبب الجلطه اللي صابته ,, ويحتاج لعلاج طبيعي عشان يرجع مثل أول

اما ام ناصر وابو ناصر,, ام ناصر مسكينه فقدت ولدها الغالي,, وهالاحساس مخليها على طول تعبانه ,, وابو ناصر انكسر ظهره بعد فقدانه لطارق,, وحس بثقل على ظهره وحمل الله العالم اذا الزمن كفيل بحالتهم

اما نايف رجع من المغرب بخيبة الم,, واحساس فظيع بالضياع,, فقد اخوه اللي هو صندوق اسراره,, اخوه اللي ماعمره مر يوم ماكلمه او شافه,,حتى بعد ماتزوج كل يوم يكلمه بالجوال يتطمن على اهله وعليه,, اخوه الصغير ,,رجع بحزن وشعور قاسي انه ما قدر يلقى أخوه,, وشعور ثاني رجع معه هو شوقه لساره,, ايه كان زي النايم وصحى فجأه لما عرف عايلة سعود,, فجأه اشتاق لساره,, اشتاق لكلمة الو منها,, لو يسمع انفاسها ,, بس حس انه يبي يتطمن عليها,, نايف بعد حادثة طارق كل اللي يحبهم تطمن عليهم خاف يفقدهم زي مافقد اخوه بغمضة عين,, بس ساره شلون اوصلها,, حتى رقم جوالها العام ما اعرفه,, ما اعرف غير اسمها
يااااااااااااااربي رحمتك,,

اما ساره بعد ماسمعت خبر وفاة حنان انهارت من البكى,, ساره كانت عازله نفسها عن بنات خالتها,, تحبهم بس تحب انها تعزل نفسها بعكس اختها مريم
حست ساره بشعور الحزن انها ماجلست مع حنان كثير,, ومع انها مو قريبه منها حيل,, بس حست بألم فقدانها,, اجل كيف مريوم اختي وامي اللي يحبونها ويموتون بطاريها وسوالفها,, حتى ابوي واخوي فارس وفهد كانوا قريبين من حنان بعكسي انا كنت احط حدود وحواجز,, كنت اخاف احد يقرب مني وانهار لهم واقولهم عن قلبي المجروح

وبأيام عزا حنان كانت كل يوم الجرايد تجي ولا احد يفتحها ,, ماكان لهم نفس,,
ومره كانت ساره سهرانه وتعبانه نفسيتها ,, ونزلت صالتهم ولقت جريدة الشرق الأوسط,,
ساره: يالله خل اتصفحها لو اقرا عناوين
وجلست تصفحها فتحت على السياسه لقت اخبار تزيد الهم,, فتحت ع الكوره,, لقت صور ومقابلات مع لاعبين اجانب,, وقلبت الصفحه لقت نعي

(ياأيتها النفس المطمئنه ارجعي الى ربك راضية مرضيه)

ينعى فيصل عبدالله مدير شركات دبي للهندسه

الشيخ عبدالعزيز نايف آل.... بوفاة ابنه المهندس
طارق بن عبدالعزيز

راجين من الله ان يصبر ذويه على ما أصابهم وان لله وانا اليه راجعون

ساره كانت تقرا الأسم ,, ومو مستوعبه
ساره وهي مصدومه: طارق اخو نايف مات؟ تؤم روحه واخوه مااااااااااات؟؟!!!
انا لله وانا اليه راجعون
ورجعت تقرا في الأسم ثاني تبي تتأكد ,,
ساره: أي والله هذا اسم ابوه كامل,, وهذا اسمك ياطارق ,,,,ياربي اتصل عليه؟

وبسرعه صعدت غرفتها وخذت جوالها واتصلت بصديقتها ريم
ريم وهي بسابع نومه,, ونغمتها مرره هاديه عشان تخاف تحط سايلنت وتروح عليها نومه وتغيب,, فتحط على نغمه هاديه عشان كل يوم ساره تصحيها
فتحت ريم عيونها بثقل(سارونه )يتصل بك
ريم:الو
ساره: نايمه؟
ريم وهي تطالع النافذه: جا الصبح؟
ساره : لالا اسمعي اقعدي وصحصحي
ريم : ليش؟شصاير
ساره: ريم ما تتخلين وش قريت بالجريده
ريم وهي متحمسه : قريتي شكوتنا على كليتنا؟
>>>مشتكات الفالحات على الكليه
ساره وهي ودها تصفق ريم: لاااااااااااااا
ريم :اجل
ساره: تخيلي اخو نايف ,, طارق مات
ريم وهي قعدت على فراشها من الخرعه: عيدي من اللي مات؟
ساره وعيونها دمعت لما تذكرت حنان: طارق
ريم: ذا اخوه الحنطي اللي وريتيني صورته المزيون؟
ساره: ايه ماغيره
ريم: غميــــضه عليه يموت هالمزيون,, لو انه شين كان عمر وصار عمره من عمر شعيب النبي
ساره: صدق انك تافهه بدال ماتقولين الله يرحمه
ريم وهي حست بعمرها: أي والله الله يرحمه,,زاد انتي وش عرفك؟
ساره: قريته نعي بالجريده
ريم: طيب وش بتسوين؟
ساره بتردد: أكلمه؟؟
ريم بتفكير: اممممممم ايه عزيه على الأقل ,, هذا اخوه ومن كلامك عنه انه يموووت فيه
ساره:ايه عشان كذا تأثرت بس من وين اكلمه,, ما ابي من جوالي
ريم : محلوله اجيب لك جهاز اخوي بس لا تكلمينه الحين,, اصبري يومين لين يخلصون من العزا
ساره بتفكير: سبحان الله ,,عندهم عزا وحنا عندنا
ريم وهي تتذكر حنان: تدرين هالبنت انا كنت ارتاح لما اجيكم والقاها عندكم,, احسها طيوبه
ساره بندم: ايه بس انا ماكنت اندمج معهم
ريم بعتب: اني غبيه بنات خالتك واختك حبوبات,, اندمجي معهم تراهم يحبونك,, بس انتي اللي دايم حاطه حواجز بينكم
ساره: لا من هاللحظه بتقرب منهم اكثر,, اصلن مابقى غير سعاد,, وبتصير زوجة اخوي
ريم: الا صدق متى زواجهم؟
ساره: قبل كان اول مايرجعون الملكه,, بس الحين بعد وفاة حنان ع الاقل مو قبل سنه,, سعاد وحنان روحين بجسد واحد,, وسعاد اللي مرت فيه مو شوي
ريم بتنهيده: الله يصبرهم يارب
ساره: امين
ريم: يالله عاد انا برجع انام,, بس بعد هالاخبار اللي تضيق الصدر من وين لي النوم؟
ساره: أي والله قلت بقرا الجريده كود اسلى واتعب وانام,, طلعت بشي يطير النوم من عيني
ريم: يالله اجل تصبحين على خير
ساره: وانتي من اهله
ساره: ريم
ريم :هلا
ساره: احبك ريوم ليتس اختي
ريم بخفة دمها المعتاد: خلاص اول ما اكون نفسي اجي اخطبك وتبقين معي للأبد
ساره:هههههههههههههههههه ماتتأخرش عليا
ريم: ابقى اشوف ,, اتلهي يابت ونامي,,كان يوم إسود اللي غازلتك فيه
ساره: هههههههههههههههههههههه بايو
ريم: بايات

سكرت ساره وهي تدعي بقلبها,,يارب لاتحرمني من ريوم ,, وراحت تتوضا وجلست تقرا قرآن تريح فيه قلبها اللي ماعرف طعم الراحه بيوم

آآآآآآآآآآآآآآه يانايف واخيرن بسمع صوتك,, بس لا مو عشانك عشان اقوم بالواجب في اخوك>>>كبريائها مانعها حتى من انها تعبر عن مشاعرها لنفسها عن شوقها له !!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 18-01-2010, 07:15 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


في جانب بعيد من الكره الأرضيه

هـــدوء مافي غير صوت البحر
بعد ما يأسوا طارق وحنان ان السفن ترجع لهم ,, وانتظروا وانتظروا,, وصار لهم تقريبا اسبوع
طارق: لازم نلقى حل
حنان بتعب: قول
طارق وهو يلتفت لحنان: حنان حنا بامتحان ,, امتحان كل شي تعلمناه بدنيتنا الحين نختبر فيه,, لازم ما نستسلم ونجلس كذا,, السفن ولا أظن ترجع ,, وان رجعت لازم ما نجلس طول عمرنا ننتظرهم
تقاطعه حنان: طول عمرنا !!!
طارق: لازم نحط اسوء الاحتمالات
حنان تقاطعه للمره الثانيه: زياد وينه له اسبوع ماشفناه؟؟
طارق :صح شلون نسيته,, تصدقين صدمة السفن نستني هالحثاله
حنان: يووو لا يكون جاه شي؟
طارق : مدري,,
ووقف طارق وجلس يطالع الجزيره والغابه
: حنا لازم نسوي مسح للجزيره,, ونعرف طرقها,,لازم نكتشفها عن قرب
حنان: افرض طلع لنا دب!!
طارق بابتسامه: تخيلي انك تلعبين بلاي ستيشن واهجمي عليه
حنان:هههههههههههههههههههههههههههههههههههه تم
طارق : يالله خل نبدا الحين ,, كبدايه خلينا نلف الجزيره على الشواطي,,
حنان: قداام
طارق وهو يبتسم باستغراب: عليك كلمات صبيان ماتصلح لبنات!
حنان وهي مستحيه: ههههههههه ايه احيان اصير عربجيه واجيب مصطلحات مدري وش تبي
طارق:ههههههههههههههههههههههههههههههه لا ابشرك انتي بنوته هذا وجهم حمر من الحيا ههههههههههههههههه
ومشى وخلاها وراه
حنان اللي مو مستوعبه حسسسره ماعمر خدودي وردو من الحيا ,,دايمن عووبه,, زيـــــن الله كريم بديت اصير حيويه
وانتبهت ان طارق سبقها بالمشي ومن الوناسه ان خدودها صاروا حمر: طـــــــــــارق
طارق وهو يلتفت لورى: هلا
حنان وهي قربت منه وهي تركض: تســـابق,,, اوه اوه بسبقك ماني منتظره

وعدته حنان
طارق : هــــيه غــــش
ويلحقها وهو يركض
حنان وهي تناقز وهي تركض : تقدر تسوي كذا
طارق يوم شافها وقف من الركض ومات من الضحك :ههههههههههههههههههههههههههههههههههههههههههههههههه هههههههههههههه
ياااااااابطني هههههههههههههههههههههههههههههه
حنان وهي تناقز فوقه: يويويويويو فزت عليك
طارق : انتي متأكده انك بنت على هالحركااات
حنان بكل فخر: يس,, والدليل انت تقول خدودي احمرو,, وانا بعمري ما استحيت واحمروا خدودي
طارق: هههههههههههههههههههههههههههههههههههههههههه تو اكتشف انتس خبل
حنان وكأن رجع لها حيوتها شوي: يوووووووووووووووه قديم
طارق وهو يمشي من جنبها بشويش وبعدها يسرع : بسبقــــك
حنان انتبهت انه بيغش: هـــيه ,,, لا تقلدني
ولحقته وهي تركض

وجلسوا الحبايب يركضون شوي ويمشون شوي,, وكان الجو بديـــع

حنان: كأني جعت!
طارق: تأكدي؟
حنان : لحظه
ومسكت راسها وحكته وحكته
: جواب نهائي ايه جيعانه
طارق: ابفهم ليش تحكين راسك,, البطن هو اللي يجوع
حنان تطالعه بنص عين:انت مادرست ان الجوع والشبع اوامر تنطلق من المخ للبطن؟؟
طارق:الا
حنان: خلاص انا اقصر المشوار اشوف مخي بيرسل ولا لأ؟؟
طارق: وأرسل؟
حنان: تو بالطريق عشان كذا قلت كأني
طارق وهو يطالع شي من بعيد: شــوفي ذاك البني ع الشاطي
حنان وهي تقز: صخره يمكن؟
طارق وهو مركز: لالا ,,
حنان : خل نروح بسرعه
وركضوا الاثنين
طارق: شنطـــــه
حنان : يااااااااااااااااااااااااااااي يارب نسائيه
طارق: لا لونها بني رجالي
حنان: يؤ ياخوفي تصير لأطفال
طارق: اما عاد

وسحبوا الشنطه وحاولوا يفكونها بس ماقدروا ,,
طارق: أصليه
حنان: ايه لحظه بجيب هالحصى

وجابت حنان الحصى وخذا طارق,, وجلس يضرب بالقفل لين فتح
حنان: لحظه لا تفتح
طارق:لييييه؟
: خل نخمن اول ,, نسائي ولا رجالي؟
طارق:امممممممممممممم اثنينهم
: نصاااااااب
طارق:ههههههههههههههههه
: يالله بنفتحها سوا ,, 1 2 3

وفتحوا الشنطه لقوها ملابس لحرمه ,,
حنان: هيييييييييييييييييييييييييييه
طارق وهو محبط: افا ,,
حنان : يالله تنحى جانبا خل افتش الشنطه
طارق: والله ما اتنحى,, بشوف معتس

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 18-01-2010, 07:18 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


وجلست حنان تفتش لقت فوطه,ادوات سباحه من شاور جل وشامبو وبلسم ومزيل عرق وملابس لحرمه بمقاس حنااان بالضبط
حنان: يامنت كريم يارب نفس المقاس
طارق بحقد: ماعلي منك باخذ لي شيرت من هالقطنيات
حنان: ماتستحي عليهم صورة بنات
طارق: سالب وموجب يركب ,, وش ملبسكم بلايز فيها صور حريم,, المفروض عيال!!
حنان :وجهة نظر
طارق : وش هالعلبه
وفتح العلبه الا هي عدة مناكير (مقص اظافر _مناكير_مبرد_كيوتكل ريموفر)
حنان وهي تحرك حواجبها: جبها مدري ليه انت مصر تفتش
ورفعت حنان كيسه وفتحتها لقت فيها بدله رجاليه ,, بنطلون وقميص وشبشب رجالي يصلح لشباب
حنان: ابــــسط ياعن هذا جتك صوغه تفضل
طارق وهو مبسوط: كم مقاسها صبر,, البنطلون حلو مضبوط,, بس القميص قد بقد انا مقاسي بالقمصان لارج,, ذا ميديم بيجي مخصر
حنان: طرار ومتشرط
طارق : بنت
حنان:واااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااو
امبوسيبل
طارق : وش؟
حنان وهي توريه شنطه مليانه شوكليت وبيبسي وسفن اب,وبسكويت
طارق: يارب ترحمها ان ماتت,, وتسعدها ان كانها حيه
جيبي خل ناكل
حنان: حياك
وينثرون الاكل
اول شي خذا طارق البيبسي: اخ بس حار
حنان: حطه بالبحر يبرد
طارق: وش يصبرني
حنان:لاتشربه وهو حار وعلى جوع ان تستظر
طارق وهو يفتح تويكس: تويكس لواحد مش لاثنين
حنان وهي تفتح سنكرز: قاهر الجوع

وجلسوا ياكلون وكل شوي يدعون للحرمه صاحبة الشنطه

طارق: دوري اذا فيه كبريت او ولاعه
وجلست حنان تحوس ولقت كيسه صغيره وخشتها ببلوزتها
طارق: شفتك,, اعترفي وش ذا؟
حنان ووجها الوان: وشو؟
طارق وهو يقرب جنبها: اللي ببلوزتك؟
حنان وهي تحط يدها على بطنها: مو شغلك شي ما تحتاجه
طارق:وريني يمكن اصير محتاجه !!!
حنان وهي معصبه : وش تحتاجه فيه ها شف
وتطلعه الا هو أولويز 
طارق ووجه تغير لونه: أيـــه طيب
ورجعت حنان تحوس بالشنطه المليانه,, ولقت ابره وخيط,, ميك اب وماركه بعد,,ولقت ادوات الفنادق من صابون وشامبو وكبريت واكياس صغيره
حنان: هههههههههههههه مايخلون تشليحهم,, مابقت شي للفندق
طارق: مرررره ,, الله يرحمها ,, كانها فكت ازمه ,, اليوم نشب ضو
حنان: طارق سكينه
طارق: والله؟
الله يرحمـــــــك
ولقوا ادويه بنادول,, ومضاد حيوي,, وغطا نوم
حنان: لي لي مالي دخل
طارق وهو ينفض يده من البسكويت: عسى ماشر ؟
حنان: ما اعرف انام بدون غطا
طارق: وانا؟
حنان: طيب يوم انا ويوم انت
طارق: واليوم لمن؟
حنان: انا لان اسمي حاء وحرفي قبل حرفك >>ودت لسانها
طارق: لا اعترض,, نسوي قرعه
حنان : لاااااااااااا ,, انا يعني انا ,, اصلن انا اليوم متحمسه انام
طارق: لا والله,,
حنان وهي تتمسكن عليه: يعني اذا تبيه اخذه بس انا بنت وانا رجال قوي
طارق حس انه متوهق: يعني تعرفين تتمسكنين طيب لك اليوم
حنان وهي تكمل التمسكن: شكرا طارق
طارق وهو يطالعها مسبل عيونه: عفون حنو
حنان: بكمل تفتيش عن اذنك
وتعطيه قفاها وهي تضحك
طارق: صدق ان كيدهن عظييم
حنان: حلو حلو شرابات ,, تقريبا 3 تي شيرت ,, وبنطلونين,, وبيجامه وحده,, وجاكيتين,, شف هالجنز شكله من النوع الواسع يمكن يقديك
طارق وهو ياخذ الجاكيت ويلبسه ,, صدق قده وضيق
حنان:هههههههههههههههههههههه حلو بس يبلك تنحف 5 كيلو
طارق: تطنزين يالدبه
حنان: يابعد عمري يا أنا ضعفت من جيت هنا,, احس نزل وزني 5 كيلو
طارق وهو يتأمل بقفاها وهي تحوس بالشنطه: بس حلو
حنان: وشو؟
طارق:جسمك
حنان تلتفت له: وش قلت؟
طارق حس بعمره: اقول ان النحف ازين ,,
حنان اللي حست ان طارق اختبص: أيـه
طارق : الحين وشلون نجلس هنا ولا نكمل مشي ؟؟
حنان: مابقى شي وتغرب الشمس,, خل نجيب ورق واغصان عشان نشب نار ونجلس هنا اليوم
طارق: اوكي,, بقوم اجمع كم غصن يابس على ورقه
حنان : وانا برتب هالشنطه

راح طارق وهو يجمع الورق والاغصان ,, وزياد في باله,, لنا اسبوع من تهاوشنا,, معقوله ماله اثر؟؟ لايكون صار له شي؟؟ صدق انه حقير بس ولو بكره راح ادوره واتفاهم معه

>>>>>ياحيااااتي ياطرووق على نياتك<<<<

رجع طارق ومعه اللي يكفي عشان يشبون النار,,
طارق: يا بنت وين الكبريت
حنان: طارق,, ماتحس انك ماخذ علي بزياده؟؟
طارق تفاجأه من كلامها: هاه
حنان: وش هاه,, ماتحس انك كنك تعرفني من زمان وقاط الميانه بالحيل ؟؟
طارق وهو مو فاهم: هالشي يضايقك؟
حنان: لا بالعكس شي حلو ان احنا نتعاامل مع بعض ببساطه
طارق:زين الحمدلله ,, وين الكبريت جيبي خل اشب>>>لازال مستغرب من سؤالها اصلن جالس يفكر!!
شلون انا اعاملها كذا؟؟ صدق اني مع أي شخص جديد بحياتي اتعامل معه بحذر,, بس هالبنت فيها سر ,, احس اني اعرفها من زمان
حنان وهي تقطع تفكيره: هييييييييييه شبت النار لا تحترق
طارق بعد ماحس بالحراره: اح أي والله
حنان : اللي ماخذ عقلك؟؟
طارق بيختبرها: أيــــه ياعقلي واحشني
حنان وقلبها نقزها>>معقوله يحب له وحده؟؟ طيب وخير يعني وحب وحده وش دخلني فيه,, صدق حلو ,,وتناظره نظره تفحصيه,, بس صار الحين مو حلو مبهدل
طارق وهو تقريبا يقرا افكارها>>معقوله تغار علي؟

حنان وهي تاخذ الفوطه وعدة الشاور: انا بروح اخذ شاور,, بذيك الجهه لا اشوفك متحرك من مكانك
طارق: اسف ماراح اخليك بالحالك
حنان باستغراب: نعم؟
طارق : ايه ,, ماراح اخليك بالحالك,, بعطيك قفاي منه اراقب لك المكان,, ومنه اصير معك واصلن حتى لو تصيرين تسبحين قدامي ماراح اشوف لانه ظلام!!
حنان: معصي والله ما اسبح وانت عندي
طارق: بعطيك ظهري
حنان: ان شاء الله لو تعطيني عيونك ولا خلصت تركبهم,, نوو ولا تحلحقني
طارق: وزياد؟؟ تدرين انه حاول يذبحني,, وكان ناوي يبهدلك
حنان: عادي بصرخ
طارق: حنان,, مجرد ماتدخلين هالغدار,, أي احد بيستغفلك وانتي تسبحين,, خليني حولك وجعل الله ياخذ نظري اذا حاولت اني اناظر ,,ها احاول,,
حنان بعد تفكير: طيب
عطا طارق ظهره للبحر:يالله روحي اسبحي
حنان: هنا؟
طارق: يعني وش فرق هنا عن هناك؟؟هنا عند الضو وعند الشنطه
حنان وهي مقتنعه:طيب ,, بس هااا ياويلك ان فكرت تلتفت
طارق: ابشري

وفسخت حنان ملابسها وخلت الاندر وير,, وغاصت بالبحر ولا لها حس
طارق خاف عليه: حنااااااااااااااااااااااااااااااااااان
حنان بعد ماسمعت صوته: هلااااااااا
طارق وهو مبتسم: حلو البحر؟
حنان: ايه
طارق: طيب سولفي ولا غني,, عشان ماينشغل بالي عليك
حنان:ههههههههههههههههههههههههههههههههههه اخاف تطمع وتقول غني لي على طووول
طارق:هههههههههههههههه الله والصوت انا متأكد انه نشااااز,, بس يالله وش وراي ماعندي غيرك اسمعه
حنان: هههههههههههههه قول عني ماتقول ,, صوبي كم صعب الوصـــول
واللي مايطـــول العنب,,,حامض عنه يقـــول
طارق:ههههههههههههههههههههههه
حنان: انت في وهم وخيال ,,, تبني قصرن بالرمال ,, تدري لي هب الشمال

آآآآآآآآآآآآآآآآآآآآه ,, رجلي
طارق اللي فز من مكانه: شفيك
حنان ماسكه رجلها انجرحت من حصاه بالبحر حاده: ارجع ارجع
طارق وهو يشوفها وكانت بالمويه مو باين غير راسها:شفيك؟
حنان: انجرحت رجلي ,, ارجع بجي
طارق :تقدرين تجين
حنان: ايه

ومشت للشاطي وخذت الفوطه وتنشفت بسرعه,, ولبست بيجامة الحرمه كانت بيضا قطنيه,,فيها نقط حمرا,,,وشافت جرحها لقته ينزف والله
حنان: طارق امش
طارق:خلاص
حنان:ايييه
قرب طارق وهب عليه ريحة الشامبو:يازين ريحة النظافه
حنان وهي تطق كتفه:يالمعفن وانا ريحتي شينه
طارق:هههههههههههههههه وريني بس جرحك
وشاف جرحها ,, ولقى بشنطة هالحرمه الخيره عدة جروح,, وعقم جرحها بمسحه طبيه,, وحط لزقه على رجلها,, ولبست شراااب
حنان: الله يجزاها خير هالحريمه,, فكت لنا ازمه
طارق:امين يارب,, جرحك مو عميق بس لا تمشين عليه
حنان: وش دراك انه مو عميق؟
طارق: عرفت ,,تراني دارس طب سنه وهالاشياء تعلمتها بالسنه ذي
حنان: انت وش تشتغل اصلن؟
طارق:مهندس معماري
حنان باعجاب:ماشاء الله,,
طارق وهو ينسدح ويطالع السما: من يومني صغير وكانت المباني تشد انتباهي,, اذا طلب مني مدرس الرسم ,,رسم حر,,على طول ارسم عماير وبيوت ,, كنت احب هالمجال وعشان كذا شديت حيلي بثالث ثانوي وجبت نسبه قويه 97% بس ابوي الح اني اخش طب ,,لان نسبتي تدخلني افضل جامعه ,, وقدم اوراقي على ابتعاث فطلعت لي لندن ورحت عشانه ودرست لغه سنه كامله,, وزاد اعجابي بالهندسه والمباني وكنت اقول لابوي ابغى هندسه وكان يرفض,, كانت وجة نظره مافي احد يثق بمهندس سعودي,,الكل يجيب من برى لمشاريع كبيره زي كذا,, وعالسنه الثانيه لما بديت الطب ماحبيته ابد,, كنت اشوفه شي مايصلح لقدراتي,, انا عندي تخيل لدرجة اني قادر اني اصمم مدينه بكل متطلباتها ,, فقدمت من ورى ابوي على جامعه بكندا معروفه بالهندسه المعماريه ,, وكان عندي خيارين اما اسبانيا او كندا,, ففضلت كندا عشان الدراسه باللغه الانجليزيه وسحبت اوراقي من جامعة لندن وتوجهت لكندا,, بعد ماضبطت امور البعثه,, لان كنت واثق ان ابوي ماراح يتحمل أي مصروف لي في الهندسه,,كان مشتهي ان يكون عنده واحد من عياله دكتور,, بس وش نسوي ماعندنا ميول للطب
حنان:وش ردة فعل ابوك؟
طارق: زعل وعصب ,,قال اني مب كفو اصير دكتور,,قالي رح ادري هندسه وقابلني اذا مسكت تصميم احد المشاريع الكبيره,, وبيوت ويالله
حنان:اوف تحطيم
طارق:ايه,,بس انا حطيت كلام ابوي حلقة بأذني عشان اتحداه وانجح,, وفي ثاني سنه طلبوا مننا عمل تصميم كنشاط يعني,,نصمم ابراج
من طبعي ان ما احب ان النشاط يشاركني فيه احد,, لان لي راي الخاص,, وافكاري دايم اخلقها ما احب اقلد او أكرر,, سويت المطلوب مني وقدمت تصميمي ,, واخذت عليه الدرجه الكامله من بين كل الطلاب,, وبعدها بأسبوع لقيت شركه دائم تنفذ اعمال الطلبه,, متصلين فيني يطلبون مني التصميم,, بسعر حلو,, قلت له وبأسم مين المشروع بيكون تصميمه|؟؟ قالي تبع الشركه,, قلت لهم انا مستعد اعطيكم التصميم بنص السعر اللي عرضتوه علي بشرط انه ينكتب بأسمي ويكون لي انجاز وعمل في مجال دراستي,, ووافقوا ووقعت العقد معهم ,, واخذت نسخه منه وارسلته بالفاكس لأبوي ,, وكتبت له تحت العقد,, الاجانب خذوا شغل ولدك يا يبي ,,, بعدها ابوي رضى علي,, حتى كنت ساكن في سكن للجامعه ومعي زميل بالغرفة,, فاجأني بمبلغ محوله لي قالي دور لك على شقه مناسبه واخذ راحتك بالسكن
وبكذا اثبت لأبوي اني مهندس وعندي رغبة الهندسه والنجاح بهالمجال,, والحين عندي مكتبي معروف ولي كم تصميم في دبي,, وتوني راجع من كندا موقع معهم عقد بيسون مشاريع بالشرق الأوسط ويبوني اكون مهندسهم ومصممهم الخاص ,,والحمدلله الله وفقني

ويلتفت على حنان اللي لقاها غارقه بسابع نومه,, ومتلحفه باللحاف وشعرها طايح على وجهها بشكل فوضوي,, ابتسم من خاطر
طارق: رغم ان اللي صارلي بهالحادث,,الا انه حلو بسببك ,, تصبحين على خير

وجلس طارق يراقب النجوم تاره,, ويناظر الغابه تاره,, ويمشي شوي ,, وفكر انه ياخذ شاور كان الجو حلو مش برد ,,هوا يرد الروووح فخلع ملابسه وخش البحر وجلس يسبح ومستسلم للبحر وهو يحركه يمين وشمال,, ورجع للشاطي واخذ الشامبو والجل وتغسل منهم ,, حس انه نظيف بس مالح >>لوووووول

بعدها طلع من البحر ولف جسمه بالفوطه وجلس يحوس بالشنطه لين لقى ترينغ قطني نسائي لونه ابيض ووردي
طارق: يالله لين تنشف ملابسي واكشخ بكره بالبدله ذي ,, الحين خل البس هالترينغ ,,ارتاح شوي بالملابس القطنيه

وكشخ فيها وتخيلوا عاد شكله,, السروال صار برمودا:: والتيشيرت يادوب يغطي بطنه
انسدح على ظهره وسمى بالرحمن ونام,, والنار تشتغل عندهم قريبه

في صباح اليوم الثاني ,, صحت حنان على نور الشمس وجلست تحك راسها ,, والتفتت لطارق
حنان وهي تفرك عيونها ,,يؤ وش لابس ذا
كان شكله تحفه,, كان معطيها ظهره والتيشيرت موصل لنص ظهره والسروال مرتفع لفوق الركبه ,, وكان من جد حفله
حنان لاشعوريا:ههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههههههههههه يابطني ليت في كاميرا هههههههههههههههههههههههههههههههههههههه
طارق اللي صحى على صوتها والتفت لها :وش بلاتس؟
حنان:هههههههههههههههههههههههههههههه
طارق وهو يجلس ويتربع ويفرك وجهه يوخر التراب:احد قايلك نكته ع الصبح؟
حنان وهي تحاول تمسك نفسها: ههههه أي يابطني ههههههههههههههههههههههههههههههههههههههههه
واشرت عليه وضحكت
طارق وهو رافع حاجبه:وش فيني كني الطرابه
ويطالع بنفسه ويتذكر الترينغ اللي لبسه :اووووووووووووووهـ تضحكين عشان هالترينغ؟؟ وقام ووقف
حنان وهي تغطي عيونها: ترى لونه ابيض اهجد اجلس ولا رح البس ملابسك
طارق اوهـ ماعلي اندر وير وهالابيض يفضح: بروح اصلن بلبس البدله الجديده,, وخذا طارق الكيسه وراح داخل للغابه
حنان: ههههههههههههه تبي اطلع لك تيشيرت ولا بتكشخ بالقميص؟
طارق: ايه طلعي لي التيشيرت الاسود الواسع
حنان: من جدك؟
طارق وهو يدخل الغابه وبصوت عالي:أيـــــه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 18-01-2010, 07:25 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


ورتبوا اغراضهم وخذوا جوزتين ومشوا ,,
وكل واحد فيهم كان ساكت ,, ويفكر
وبنفس الوقت
حنان:طارق
طارق:حنان
الكل:ههههههههههههههههههههههههههههههههههههه
طارق:سمي امري وش بغيتي
حنان اللي استحت وجلست تتميال بالمشيه :لالا قول انت
طارق وهو يبتسم:لا ولا شي ,,الا صدق امس اسولف عليك وسحبتي علي ونمتي
حنان:هههههههههههههههههههههههههههههههههههههه ايه انا لاسبحت وتلحفت وجلس احد يسولف علي انام على طول ,,ياحبيلهم سعاد وسلوم لا اجتمعوا عندي بالغرفة انسدح وهم يسولفون وانا انام سيده,,احس كان احد يقص علي قصه
طارق:ههههههههههههه اوه عاد امس قصة حياتي قلتها لك
حنان:ايه تدري لوين وصلت؟
طارق:لوين
حنان:يوم رحت كندا,,يالله كملي
طارق: اممممممممممم يالله خل اقولك ماعندنا شي
وجلس طارق يكمل لها السالفه وبعد ماخلص
حنان وقفت وطالعته بفخر:يعني انت بش مهندس
طارق بابتسامه عريضه:ايه
حنان:اتشرفنا حنان ال ....
ومدت يدها وصافحته
طارق:وانا لي الشرف طارق ال..
طارق:انتي من عايلة ال....
حنان وبكل فخر:نعم
طارق وهو يتذكر كلام نايف عن ساره انها بنفس عايلة حنان
طارق:والله والنعم
حنان:ينعم بحالك
طارق :الا انتي ماقلتي شي عنك
حنان بإستعباط:قلت لك حنان ال..
طارق:غيروه
حنان:هههههههههه بنت عادي زي أي بنت ,,عندي اخوان اثنين سعود وفيصل,, واختي سعاد ,, وانا اخر العنقود ,,يعني بي كيرفل مدلله
طارق:انعم واكرم غيروه
حنان:توني متخرجه يقالي انجلش قسمي,, ولكن دراستنا فاشله ما اكتسب لغه,,فعشان كذا جيت انا وسوسو وماما وبابا لكندا
طارق:عاد لو رحتي بريطانيا افضل
حنان:لا كندا حلوه
طارق:اوكي
حنان: وبس ماعندي اكشنات زيك ,,توني مابديت حياتي المهنيه
طارق :مخطوبه؟!
حنان تفاجأت بسؤاله:لا
طارق:ليش؟
حنان استغربت زياده:من غير ليش ,,تو بدري
طارق:يعني في خطااب؟
حنان :تبي الصدق؟
طارق:اكيد
حنان:انا زي أي بنت حلمي اني اتزوج والبس الفستان الابيض,, وعرسي يكون بافخم القاعات,,واتزوج واحد وسيم,,خلوق ,طويل,ولد ناس,حبوب,يحب الوناسه مو نكدي
طارق كان يطالعها وهو مبسوط اول مره يشوف بنت على الهوا مباشر تسولف عن كذا,,كان دايم يقرا ويسمع ان البنات اذا جاو يتكلمون عن الزواج ,,تحس انهم بحلم وعيونهم تلمع من الوناسه وكأنك تطالع افلام كرتون من كثر ما مشاعرهم تصير نابعه من القلب
حنان وهي تكمل: بس كل اللي خطبوني قبل ماحد عجبني,,مو ماعجبني ,,مافرفش القلب بخطبتهم
طارق وهو متحمس معها:ليه
حنان: شف انا فيني شي مو حلو وحلو
طارق:هاتي
حنان:حتى انا وبنت خالتي المعقده الدافوره سوير ,,هو الشي اللي نتفق عليه
طارق وانتبه لاسم سوير:وشفيها سوير؟
حنان:كنا دايم نقول اذا تزوجنا لازم اللي يختارنا الشاب نفسه,,مو امه شايفتنا بمكان عام واعجبت فينا,,عاد من فتره شفت البنت جحدتني وقالت خير شر مو متزوجه,,تقول السعودين مافيهم خير !!
طارق وهو يفكر بنايف وميت من الضحك من جواه:افا
حنان:والله عاد هي الوحيده اللي كانت مأيده كلامي ,, قال ايش ان الله كتب لها تعرس تاخذ مصري ولا سعودي
طارق:اما عاد
حنان:بيني وبينك ايه ,,ابرك لها,,السعودين ترى مايعجبوني فاشلين,,بعمري بحياتي ماشفت واحد توب من مجاميعوه
طارق :مو شرط اصابع يدك مو سوا ياحنو
حنان :مدري بس الزواج للمعلوميه تهور,,مهما كانت حياة البنت قبل اذا حلو وتستاهل انها تعنس واو شينه وتبي الفكه ,,الزوااااااج تهور
طارق وهو يفكر ,,نفس نظريتي الزواج تهور,, وابي اختار زوجتي بيدي
حنان:شفيك سكتت؟اكيد تقول ذي فيها بلا؟
طارق:ههههههههههههههههههه لا والله الا اقول فيك مني شوي,,انا واخوي روحين بجسد واحد,, وكلنا نتفق ان الزواج مسئوليه وتهور انك تترك العزوبيه,, واتفقنا نعرس بسن 30 ,,نصير عاقلين وبنفس الوقت عندنا تجارب ناضجه
حنان وهي تفكر بكلامه: قدك يعني طلعت اللي براسك
طارق بدون ماينتبه :ايه
حنان تطالعه بلؤم:وانت كم عمرك الحين؟
طارق:29
حنان:باقي من الوقت سنه يعني
طارق:هههههههههههههههههههههههه عاد لو تدرين كل عمري يادراسه 6 سنوات دراسه وبدون لعب,,ومن تخرجت وانا شغال على عملي,.يعني ماعشت زي باقي الشباب.,,نايف ممكن بس انا كان فكري مشغول بالشغل ,,
حنان:الحين تبي تقنعني واحد مثلك اول شي بلندن وبعدها بكندا ولا عشت حياتك
طارق يتكلم بجديه:والله في لندن كنت توني بزر متخرج ,,ماعمري سافرت بالحالي ,, ما اسافر الا مع اهلي ولا مع اخواني ومش سفريه بعيده زي لندن ,,كنت تقريبا خايف ,,ترى الغربه شينه ياحنان,,كنت من السكن للجامعه,,حتى اذا تعرفت على احد ما اتخالط معه بعد الدوام,, انا من طبعي الحرص في اختيار الاصدقاء ,,مو كل من هب ودب اعطيه وجه
حنان :خخخخخخخخخخخ انا الكليه كلها تعرفني ,,اصلن مافي مكان درست فيه مايعرفون اللي فيه كله ,ابتدائي ومتوسط وثانوي ومعاهد,, امي دايم تخانقني تقول انتي ربوعك البر والبحر اقتصدي يابنتي مو كلن تصادقينه
طارق :صادقه امك
حنان وهي تدلع: وش اسوي اذا الناس يحبوني ويجون يتعرفون علي؟
طارق وهو راغع حاجب:اثقلي لاتعطينهم وجه
حنان:مو من طبعي الغرور

طارق وهو يغير محور الحديث:شرايك نروح داخل الغابهيمكن نلاقي مسود الوجه
حنان: go
وراحوا جوا ولمدة ساعتين وهم يجولون ويمشون تقريبا امس واليوم فروا الجزيره كلها مالقوا اثر له

وبعدها رجعوا لمكان شنطتهم لقوا ما احد لمسها ,,طارق كان متوقع ان اذا زياد هنا اكيد بيقرب من الشنطه
حنان:وينه ذا؟
طارق:مدري عنه

جلست حنان من التعب وحطت راسها على الشنطه
طارق:معقــول
حنان:وشو؟
طارق: معقول خذوه سفن الانقاذ؟
حنان بذهول :ها
طارق:مستحيل تجي سفن انقاذ ولا ينزلون للجزيره
حنان:مستحيل يروح ولايقول في احد غيري
طارق:لا والله انه انقذوه ,, وجه نذل يسويها
حنان وهي منصدمه:لا طارق
طارق:وينه اجل؟؟ لنا اسبوع ماله حس
حنان:راح النذل
طارق وهو يضرب بالشجره بيده:نــــــذل ,,اجل وينه
حنان:والله يسويها,,طارق يمكن يأنبه ضميره؟
طارق:الله ياخذه ياشيخه
طارق حس ان الدم فااار بجسمه لدرجه حس ان مخه بينفجر ويطشر دم
اما حنان استسلمت وجلست بحزن وحسره :معقول في واحد نذل للدرجه ذي

راح طارق للبحر ,,حس ان هالغضب بيمتصه واحد بس,,الا وهو البحر

وفصخ ملابسه ودخل البحر وجلس يضرب امواج ويسبح وهو يتخيل زياد وفي كل مره يضرب بيديه البحر اقوى وهو يسبح

وبمشهد الغضب اللي امتلك طارق لما اكتشف ان زياد مفقود من يوم السفن اللي جات ..وانه نجى معهم وانقذوه ,, وهو وحنان لازالوا عاقين بهالجزيره

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 19-01-2010, 04:25 PM
صورة Huda 2009 الرمزية
Huda 2009 Huda 2009 غير متصل
©؛°¨غرامي مشارك¨°؛©
 
الافتراضي رد: رواية وش حيلتي اذا الشوق صوبك دعاني


الجزء التاسع

بعد مرور يومين
في الكليه
ريم:ساره ترى جبت جهاز اخوي تبين تكلمين الحين؟
ساره:هنا ؟
ريم:شرايك يعني تاخذين الجهاز؟انا جبته لك لان اخوي مدرسه ويعي ابوي انه ياخذ الجوال معه
ساره:بس ازعاج
ريم:ايه مو الحين اصبر في المحاضره الثانيه نستأذن ونروح أي جهه هاديه
ساره:بس المحاضره الثانيه مهمه
ريم:اقول بلاش حركات الدوافير,, مافي وقت يكون هدوء زي المحاضره الثانيه,,لان مو كل البنات عندهم محاضره ثالثه
ساره وهي مقتنعه بوجهة نظر ريم:طيب
وارجعوا يركزون بالمحاضره,, مع اني اقص يدي اذا ساره تسمع أي كلمه تقولها الدكتوره,,لان بالها مشغول في نايف,, وكيفية اتصالها فيه
ريم وهي تضربها بشويش: وجع فضحتينا
ساره :ها
ريم وهي تبتسم للدكتوره:الدكتوره تطالع انتبهي

الدكتوره:ساره مالك سرحانه كدا مش عوايدك يابنتي؟
ساره وهي متوهقه: لا دكتوره بس يعني
الدكتوره وهي تبتسم: بس ايه ويعني ايه يابنتي؟
ريم وهي تدخل بخفة دمها المعتاد: هههههه معليه يادكتوره امسحيها بوجهي,,عندها موعد اليوم تحيليل دم وهي تخاف من الابر,,اصلها خوااافه أوي
الدكتوره: بتخافي من ابره ههههههههه أومال لو اتجوزتي حتعملي ايه
ساره من بين اسنانها:الله ياخذك ياريم الفلس
ريم:لا ماتخفيش يادكتور حبقى معاها على طول بالموبايل
الدكتوره والبنات:هههههههههههههههههههههههههههههههههههههه
:يخرب عقلك يابت ياريم,, حديكي درجه على الدم السكر دا يابت,,
ريم وهي متشققه:ربنا يخليكي يادكتور,, ايه رأيك أولك نكته وتديني درجتين ويبأوا تلات درجات
الدكتور:بس يابت بلاش بكش عليا دنا طيبه وبسدأ,, خلاص ركزوا,, وحبقى أسألك ياريم بعد المحاضره,,ساره وعندها تحليل انتي حنشوف انتي مركزه معايا ولا إيه
ريم:يانهار مش فايت
الدكتوره:ههههههههههههههههههههههههههههه يابت انتي عندك من اهلك مصري
ريم ببكش:لا واللهي عندي دكتوره زي القمر واقفه قصادي
الدكتوره:ههههههههههههههههههههههههههههههههههه طب ودي درجه تانيه,, وخلاص لو اتكلمتي حبقى اخصمهم
ريم وهي تأشر بفمها بحركة سحاب وسكرته
البنات:هههههههههههههههههههههههههههههههه

وبعد المحاضره,, ساره:ريم يالله الحين
ريم وهي تاكل زعتر: اصبري الحين بريك والكليه كلها ازعاج
ساره:اوووووووووووف البريك ساعه
ريم:اصبري,,حتى هو يصير صحى من نومه وروق شوي
ساره:ايه صادقه خله يروق,,بعدين انا وش ابي فيه مروق انا كلاتها السلام عظم الله اجرك ,, والله يرحمه وخلاص
ريم وهي تطالعها ترفع نظارتها:اقص يدي ,,نويف راعي هذره والله ان يمسك فيك خط جده وهو من سالفه لا سالفه
ساره:قل اعوذ برب الفلق صكيه عين بعد تراتس نظول يامال الكحه

وجلست ساره تاكل بعمرها,,مره تهز برجلها,, ومره تلعب بشعرها,, ومره تطلع المرايا تشوف شكلها,, لين خلصت هالساعه
ساره:يالله دخلوا البنات القاعات وين نروح؟
ريم: قومي عند الطاولات اللي عند الكفتيريا
ساره:لا ما احب المكان ذاك,,خل نروح ورى مكاتب الاقسام
ريم:اوكي مع انه مكان مشبوه
ساره:باللعنه
ريم:اوكي براحتك

راحوا للمكان اللي يبونه
ساره وهي تاخذ الجوال وتدق رقمه السهل مررررره
ساره:ريم احس بطني ممغوص
ريم وهي تمز عصيرها:عادي كلمي اخلصي علينا

وضغطت اتصال ,, وشبك الخط
ريم:ها
ساره:يقول طووط
ريم:الحين يرد

ترارا تيرارا تيرارا
ساره باحباط:مااارد
ريم: اتصلي
ساره طيب
وجلست تدق الرقم
ريم:الحين انتي غبيه ولا شكلك كذا ,, روحي للصادر وعيدي الاتصال
ساره:يعني غشيمه عني..خبرتس احب ادق رقمه
ودق دقتين وجاها الصوت الخاثر من بعيد
نايف:مرحبا
ساره مسكت يد ريم وزاغت عيونها يمين ويسار
ريم:تكلمي
نايف:الووو
ساره:......
نايف:الو
ساره بصوتها المبحوح :الو
نايف دق قلبه بنت:نعم
ساره:صباح لخير
نايف دق قلبه زود ,هالبحه مو غريبه :صباح النور
ساره: آآآه وين صاحب الرقم >>>ماتدري ليه سألت هالسؤال
نايف:معك
ساره بغباء: وش اسمك؟
ريم طقتها على راسها وبصوت واطي:سؤال غبي
نايف:هههههههههه حلوه
ساره:اسفه قصدي
نايف قطع كلامها: من وين طالعه الشمس ياسارونه اليوم؟
ساره اللي تجمد الدم بعرقها عرف صوتي وانا اكلمه مررره باحترام :ها
نايف:نعنبو غيرك لو اني مدري وش مسوي لك ماتقاطعين هالقطيعه ,, من اللي سوا فيني خير وخلاك تدقين؟
ساره:ليه تبيني؟
نايف:مشتاق لك سارونه
ساره وهي تكح:انا شفت بالجريده نعي باسم اخوك طارق وقلت لازم اقوم بالواجب واكلمك
نايف تذكر اخوه وبصوت حزين:الله يجزاك خير
ساره والدموع بعيونها لان حست ان صوت نايف تغير:الله يرحمه يارب ,, ماتتخيل شلون كانت الصدمه علي
نايف:ادري وانتوا بعد عظم الله اجركم في بنتكم
ساره اندهشت:شلون عرفت
نايف اللي ابتسم لانه يعرف حرص ساره:طارق كان معهم بالرحله,, وسعود اخوها كان معي لما رحنا المغرب ندور الجثث
ساره: وش قلت له؟
نايف :قلت له انا البوي فريند لسارونه,, بس سحبت علي
ساره:شنهو؟
نايف:مدري عنك وش هالسؤال؟؟ يعني وش بقوله؟
ساره وهي متلومه انه راح عن بالها ان نايف مو زي باقي الشاب مفري يتكلم عن البنات:اسفه ,, بس اندهشت,, يعني طارق مات بالرحله
نايف:مدري,,مالقينا له جثه,, وحنان لقوا جثتها؟
ساره:لا
نايف:معقوله,,اخر يوم رجعت فيه كان فيه 4 جثث لبنات وبنفس عمرها
ساره: مالقوا لها ,, تخيل امها تاخذ العزا فيها وهي تقولهم ما ماتت مالها جثه
نايف:مثل امي مو مصدقه ان طارق مات,, اصلن ولا انا مصدق,, انا عندي احساس بطارق, واحسه حي بس مدري وين اراضيه
ساره:مادورتوا عنه؟
نايف:انا بنفسي رحت مع السفن مالقينا لهم اثر,, وماتتخيلين شلون كل جزيره نشوفها ينزلون يدورن,, ماعدا وحده كان فيها ناجي وجا على طول وجلس يترجى مانوقف في الجزيره,, يقول كلها دواب سامه
ساره: يؤ لايكون معه احد ومتخانق معهم ؟
نايف وكأن احد منبهه:لالا ما اتوقع,,لو في احد كان عرفنا لان احنا سوينا جوله على الجزيره مالقينا أي انس فيها
ساره: والله موتتهم فجيعه
نايف: وشلون اختها وابوها؟
ساره:عمي تعبان شوي تحسه كبر 10 سنوات,, وسعاد متأثره
نايف:وسعود شعلومه ,, ماشاء الله باين عليه ولد طيب
ساره وهي فخوره بول خالتها:ايه سعود يموت بأهله لو عليه ماتعدى الخبر وجلس اشتغل فيها
نايف:هو يشتغل بالرياض صح؟
ساره: ايه ماشاء الله شكلك حققت معه
نايف:هههههههه لما عرفت عايلته,, سألته تعرف فهد المحامي
ساره بشهقه: ليش تسأله؟
نايف:ابي اشوف يعرفك ولا لأ
ساره وش قال؟
نايف:ايه قال ولدخالتي,,تصدقين على طرف لساني بقوله سوير الدبه وشلونها؟
ساره: تقولها خبل
نايف:هههههههههههههههههههههه قولي لي شخبارك؟ماتخرجتي
ساره اللي خقت على ضحكته: لا تو اكلمك من الكليه
نايف: وذا من رقمه؟ رقمك
ساره:لا رقم اخوي موبايلي شحن
نايف :ساره ليه ماكلمتيني من رقمك؟
ساره وودها تسأله وشلون حرمتك:ما ابي
نايف وصوته متضايق:براحتك
ساره: وش تبي فيني تكلمني؟؟ انا لو علي يا نايف ماكلمتك ,, بس لو ماني عارفه غلاة طارق بقلبك والله مادقيت,, وودي لو اكلمك بمناسبه سعيده مو حزن
نايف:ماراح ازعجك,, بس احيان والله ودي اكلمك واعرف اخبارك,, انتي الصراحه قاسيه قطعتي المسنجر,, والغيتي شرحتنا
ساره وهي منقهره منه: لا تحاتي دامني احيان ودك تعرف اخباري,, لاطريت ببالك ادع ان الله يوفقني وخلاص
نايف:هالنبره نبرة زعل اشوف!!
ساره:وليه ازعل انت ماتخصني ولا انت ملكي مثل قبل,,انت متزوج وعندك اللي تزعل عليك
نايف:أيـــه,, طيب خلينا نتفق على موعد,, نتقابل فيه بالمسن مره كل اسبوع,, ولا شهر
ساره بنبرة حاده: انا مو تبع اسبوع او شهر,,
نايف: بلاتس يابت ؟ دامك ماتبيني ليه تتصلين,, وش انا مسوي ,,عشاني تزوجت,,يعني كفرت؟
ساره مقهوره:لا ماكفرت ,, سوري اذا غلطت عليك يالله تامر على شي
نايف:وين؟
ساره: بسكر وراي محاضره
نايف: وانا وراي موعد عند عياده ومأجله جالس بالسياره معك
ساره بخوف:ليه سلامتك وش فيك
نايف هنا توهق:ها لا مو لي الموعد
ساره وهي ما انتبهت:عسى امك مافيها شي
نايف :لا زوجتي موعد
ساره وكان احد صب فوقها مويه باره :ايه سلامتها ,عسى ماشر
نايف بصوت واطي: لا بس مراجعه ,حامل
ساره حست بسكين بقلبها:ايه مبروك بتصير ابوريم وهي تسمع هالجمله,,مسكت يد ساره
نايف ببرود:الله يبارك فيك
ساره ماقدرت تتحمل :يالله روح للموعد انت وانا وراي محاضره مع السلامه نايف
نايف:ساره لاتقطعيني,,تراك غاليه
ساره ودموعها على خدها:ابشر
نايف:اكيد؟
ساره:احاول مع السلامه
نايف:في امان الله وحفظه
سكرت السماعه ساره وانهارت بالبكا بحضن صديقتها
ساره وهي تشاهق:حااااامل يا ريم زوجته,,حاااامل
ريم وهي تهديها:يعني وش تبين ماتحمل؟ بعدين مو انتي ناسيته اتركيه,,الله بيرزقك بأحسن منه
ساره:اكررررررررررررررهه ياريم,, بعد هالمكالمه اخرغصن بقلبي يحبه مااااات ,, خلاص اكرررررررهه
ريم:الله يسمح دربه ,,خلاص اهدي انتي بس ان شاء الله الله بيعوضك باللي احسن منه
ساره:ريم ماتتخيلين شلون سكينه وانغرست بقلبي لما قال حامل ,, حامل ياريم
ريم توهقت ماتعرف وش تقول :خلاص حبيبتي اهدي
وجلست تهديها وعطتها مويه تشرب,, وبعدها ربع ساعه هدت ساره
ريم :يالله نروح المحاضره؟
ساره بتعب:لا بروح استأذن مالي خلق محاضرات
ريم:اوكي بروح معك للمرشده عشان تعطيك ورقة خروج

الرد باقتباس
إضافة رد

رواية وش حيلتي إذا الشوق صوبك دعاني / الكاتبة : سولتير ، كاملة

الوسوم
لاتفووووتكم , أقرووها لاتفوتكم , الشوق , حيليتى , يعاني , جناااااااان من قلب , رهيبه , روااااايه , روايه , رووووووعه , صوتك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية مخ عربجي / الكاتبة : غرامها ساحر ، كاملة غرآمهآ سآحر روايات كامله - يتم نقل الرواية هنا بعد اكتمالها 786 09-11-2018 12:15 AM
رواية متلثمة بشماغك حبيبي / الكاتبة : ملح الحياة ، كاملة ليمونة الحلوة روايات كامله - يتم نقل الرواية هنا بعد اكتمالها 391 26-06-2011 12:28 PM
إنت الذي علمتني حبك / بقلمي VERCACE أرشيف الروايات المغلقة - لعدم إكتمالها 93 16-12-2010 10:42 AM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مسموح يا من ملكت الروح / كاملة بنت شـ م ـر روايات كامله - يتم نقل الرواية هنا بعد اكتمالها 100 12-05-2010 03:09 PM

الساعة الآن +3: 03:52 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1