غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 22-02-2009, 05:47 AM
..حروف الصمت.. ..حروف الصمت.. غير متصل
©؛°¨غرامي جديد¨°؛©
 
الافتراضي رد: رواية دموع البحر / بقلم : حروف الصمت


اقتباس:
المشاركة الأساسية كتبها سجينة حب مشاهدة المشاركة
.
.

يآهلآ فيك عزيزتي
موفقه بآذن آلله
منوره آلقسم ^،^

.
.
هلا فيك زوود ..

وياي الجميع يارب ..

النور نورك
..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 22-02-2009, 05:53 AM
..حروف الصمت.. ..حروف الصمت.. غير متصل
©؛°¨غرامي جديد¨°؛©
 
الافتراضي رد: رواية دموع البحر / بقلم : حروف الصمت


اقتباس:
المشاركة الأساسية كتبها ! غمـوض بنيـه ! مشاهدة المشاركة
..


وعليكم السلآم

بالتوفيق ان شاء الله



..

هلا وغلا فيك ..

وياي الجميع يارب ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 22-02-2009, 06:13 AM
..حروف الصمت.. ..حروف الصمت.. غير متصل
©؛°¨غرامي جديد¨°؛©
 
الافتراضي رد: رواية دموع البحر / بقلم : حروف الصمت




تابع البارت الأول ..

&& في بيت أبو عبد العزيز &&

عبد العزيز ""بغرفته يفكر بكلام أخته وأنه لازم يتزوج لكن من هذي اللي راح تسعده ويعيش معها باقي عمره و توافق على شرطه إنها تسكن مع أهله أمممممم ما عندي غير أختي شوق تعرف البنات عدل وتعرف أخلاقهم وش أنتظر خلني أروح لها وأدق الحديد وأهو حامي ""

"" بغرفة شوق تدرس لامتحانها يـوم السبت "" <<<< الظاهر فيها عرق مصري تتدرس من الصبح ويوم السبت >>>> .. دق باب الغرفة ..

شوق : عزوز أدخل .
عبد العزيز"" فتح الباب الغرفة ودخل "" : يمه ساحره أنتي.

شوق : ههههههههههه الحب عذاب يا خوي .
عبد العزيز : من قدي والله شواقة أبوها تحبني .

شوق : لا تأخذ مقلب بروحك يا أخي أجاملك .
عبد العزيز "" مسوي زعلان "" خلاص يالله عن إذنك .

شوق "" فهمت إن أخوها يدلع عليها "" : تعال يا قلبي والله إني أحبك كم عندي عزوز .
عبد العزيز : سامحتك هل المرة وثاني مره لا تقولين عزوز موب أصغر عيالك .

شوق : من عيوني أنت تأمر أمر يا بعدي والله .
عبد العزيز : شواقة أبوها . ( شوق دلوعة أبوها وحبيتة يناديها شواقة أبوها واهي تحب ينادوها بشواقة أبوها تحس بالفخر )

شوق : سم يا بعدي .
عبد العزيز : سم الله عدوك ... شواقه أبيك بموضوع .

شوق ""جلست يم أخوها وابتسمت لها بكل حنان وحب "" : قول يا كل أهلي .
عبد العزيز : ويلومني فيك يا ويل حالي .

شوق : الله لايحرمنا من بعض ... قول يا أخوى اللي بخاطرك .
عبد العزيز : مو عارف أشلون أبداء ..

شوق ""ذكيه "" : عبد العزيز عرفت الموضوع .. وألف وحده تتمنى ترتبط فيك وأبوي وأمي راح يوافقون ويفرحوا ..

عبد العزيز : عندي مشكله ..
شوق : وش المشكلة .

عبد العزيز : أنا ما راح أبعد عنكم وأبيها تسكن معنا هنا ... وأكيد بنات هل الأيام ما راح يرضون ..
شوق "" بتفهم "" : يا أخوي أنت من حقك تعيش حياتك بعيد وقريب منا بنفس الوقت وأي بنت تبي تعيش مملكتها الخاصة بطريقتها ..

عبد العزيز ""رفع حواجبه "" : أشلون بعيد وقريب بنفس الوقت .
شوق : أفهمك .. تعيش أنت و ياها بمملكتكم الخاصة بعيد عنا ونفس الوقت قريب منا يعني تسكن بيت قريب من بيتنا تعيش حريتكم وتكون قريب منا باي وقت نحتاجك ..

عبد العزيز : امممم فكره حلوه .
شوق : كل شيء بالدنيا لو كان صعب ومعقد لكن فيه فجوهـ لو كانت بسيطة لحل المشكلة .

عبد العزيز ""لوى على أخته بكل حب وعطف "" : الله يخليك لي حياتي بدونك ما تسوى ..
شوق : ويخليك لي .. أمممممم عزوز

عبد العزيز : سمي
شوق : سم الله عدوك .. وش رايك في حنان بنت خالي محمد ..

عبد العزيز : ونعم البنت والله وخصوصاً أنتو قريبن من بعض ..
شوق : عشان كذا أختارتها لك صحيح كنت أتمنى تتزوج منال لكن ما راح ترضى لا أنت ولا منو ..

عبد العزيز : منال ألف واحد يتمنى تكون من نصيبه جمال وأخلاق و رحها المرحة كاملة والكمال لله .. لكن أعتبرها مثل إختي ..

شوق : عارفه و إهي بعد تعتبرك أخوها "" بحزن "" عشان كذا ما إخترت لك منال ..
عبد العزيز : يا قلبي إنتي .. أنتي خبري الوالدة إني أبي حنان بنت خالي محمد .. وشوفي إذا كانت موافقة نروح نخطبها ...
شوق : إن شاء الله .

عبد العزيز : متى راح تخبريها .
شوق : ههههههههههههههههههههه.

عبد العزيز "" رفع حواجبه "" : ليه تضحكين .
شوق : هذا اللي يقول الزواج غثى وقرف .. ومستعجل ..

عبد العزيز ""رمى أخته بالمخدة وطلع من الغرفة ""

شوق "" تنهدت ورمت نفسها على السرير الله لايحرمنى منك يا أخوي وأشفك سعيد ومرتاح " ليه قلبي يعورني الله يستر يا رب " ""

~~~~~~~~~~~~~~~~~~~~~~


&& نرجع لبيت أبو ركان " بالتحديد على سفرة الفطور"&&

أبو ركان : يا أم ركان وين البنات للحين ما نزلو لايكون نايمات ..
أم ركان : لا بالمطبخ يساعدن الخدامة بتجهيز الفطور ..

أبو ركان : الله يرضى عليهن والله وكبروا العيال يا أم ركان ..
أم ركان "" بعيونها الدموع متجمعة "" : أي والله يا الغالي ..

منال ""حبت راس أمها وأبوها "" : صباح الخير يا أحلى عرسان بالدنيا ..
أم ركان "" تضحك على هبال بنتها "" : صباح النور والسرور .. أنتي متى تعقلين ..

أبو ركان : صادقه بنتك حنى للحين عرسان ..
أم ركان ""حمرت خدوها من الخجل "" : كبرنا على هل السؤالف يا أبو ركان ..

أبو ركان : لا ما كبرنا يا الغالية .
منال : كح كح نحن هنا ..


أبو ركان ؛؛ أم ركان : هههههههههههههههههه
""تجمعت العائلة أبو راكان على سفرة الفطور بفرح بمناسبة عقد قرآن بنتهم نوال ""

~~~~~~~~~~~~~~~~~~~~~~~~~~~~~


&& في بيت أبو ماجد "" محمد خال شوق ""

أبو ماجد : يا أم ماجد ..
أم ماجد : خير وش تبي ...

أبو ماجد : لعنبوا إبليسك ما كأني زوجك أبوا أولادك .. تكلمي معي عدل ..
أم ماجد : أأأأاف ألقيها منك ولا من عيال .. أخلص وش بغيت ..

أبو ماجد : وين عيالك ما في أحد بالبيت .. ما نجتمع مثل باقي الناس ..
أم ماجد : كل واحد بغرفته و نايم ..

أبو ماجد : لهل الحزة نايمين .. لا تنسين اليوم ملكة نوال بنت أختي أم راكان ..
أم ماجد "" بحقد "" : إيه والله بناتها كل وحده زوجها أحلى وأغنى من الثاني .. ويا حسرتي على بناتي .. الظاهر بنعنس ...


أبو ماجد : النصيب والرزق من عند الله ..
أم ماجد : مو رايحة اليوم بيت أختك المصونة ..

أبو ماجد "" بعصبيه "" : ليه إن شاء الله ..
أم ماجد : النار راح تحرق قلبي وأنا أشوف بناتي و لاعريس جاء ودق الباب واهي كل يوم وعريس داق الباب ..

أبو ماجد : أقول لا يكثر هرجك بتروحين يعني بتروحين ولا راح تندمين ..
أم ما جد : أأأاف خلاص بروح ..

أبو ماجد : أطلع قبل لا أذبحك الحين ..

~~~~~~~~~~~~~~~~~~~~~~~~

&& بنت أبو ركان الساعة 3:30 م &&

نوال : شوق تأخرت .
منال : تو الناس يا نوال ... كلمتها بالطريق على وصول ..

مشاعل : نوال حياتي هدي نفسك شوفي اشلون ترجفين وحنا الظهر إشلون بالليل ..
نوال : يا ربي من قالي أعرس.

مشاعل ؛؛ منال : ههههههههههههههههه .
نوال : ليه تضحكن ..

منال : مثل أمول قالت مثلك وعقب يومين نسألها قالت ياليت أعرست من زمان ..
مشاعل : سين سؤال .. لماذا جميع النساء يقولن هذا القول في هذه المناسبة ..

منال : جيم جواب إذا أعرست جاوبت على سؤالك ..
الجميع : ههههههههههههههههههه.

~~~~~~~~~~~~~~~~~~~~~~~~~~~

&& شوق مع أخوها بالطريق لبيت خالتهم &&

شوق : يالله اليوم أسعد يوم بحياتي .
عبد العزيز : جعل أيامك سعادة .. كل هل الوناسه من أجل ملكة نوال .

شوق : أمممممم لا .
عبد العزيز"" بتعجب "" : هل يوجد مناسبة أخرى يا أختي العزيزة .

شوق : ههههههههه يا شين الغه العربية من فمك .
عبد العزيز : ههههههههههههههه يا حلوك بس قولي وش المناسبة الثانية .

شوق : خطوبتك يا بعدي .. بتكون يوم الأربعاء بإذن الله .. أمي وافقت .. وبتكلم خالي يوم الأربعاء ..
عبد العزيز : حلفي ..

شوق "" رفعت حواجبها "" : ما تثق بكلام شواقة أبوها ..
عبد العزيز : أثق ونص .. يا ربي بطير من الونا سه .. أحس الأرض مو شايلتني ..

شوق "" ناظرت أخوها وقالت بخاطرها يا ربي ليه خايفة وقلبي يعورني رغم الوناسة والظروف اللي حولي اللهم لا أسألك رد القضاء ولكن أسألك اللطف فيه ""

~~~~~~~~~~~~~~~~~~~~~~~

&& وصلت شوق بيت خالتها أم راكان &&


شوق "" دخلت وسلمت خالتها كانت متغشية لوجود أبو ركان بالصالة "": السلام عليكم ورحمة الله وبركاته .
أم ركان ؛؛ أبو راكان : وعليكم السلام ورحمة الله .

أبو ركان : كيفك يا بنتي .
شوق """ بخجل "" : الحمد لله زينه وأنت يا عمي .

أبو ركان : الحمد لله يا بنتي .. "" ألتفت لـأم ركان أنا بروح للمجلس وإذا بغيتي شيء اتصلي على ..
أم ركان : إن شاء الله ..

شوق : خالتي تامرين بطلع عند البنات فوق .
أم ركان : نادي مشاعل تساعدني بالمطبخ ...

شوق : إن شاء الله خالتي ..

"" اطلعت شوق فوق عند البنات ""

شوق : السلام عليكم .
البنات : وعليكم السلام .

شوق : مشاعل .
مشاعل : لبي يا أحلى بنت خاله بالدنيا كله ..

منال : يا حظي شوقوه أحلى بنت خاله بنات خالي محمد أصرف من هل شوق ..
شوق "" حسة بغصة ساعة جابت منال طار بنات خالها محمد "": مشاعل خالتي بالمطبخ روحي ساعديها ..

مشاعل : بالله أجل بروح أساعدها..
نوال : شوق إنتي زعلتي من كلام منال .

شوق : لا ليه .
منال ""حسة إن شوق فيها شيء "": شواقه ما تزعل منى أكيد فيه سالفة ثانيه معكرها ..

شوق : عبد العزيز راح يخطب حنان بنت خالي محمد وأنا اللي اخترتها وأمي موافقة .
"" منال ونوال التفتن حق بعض "" : حنان .


شوق : إيه حنان ليه وش فيها حنان بنت خالنا وأخلاق وجمال كاملة والكمال لله .. ولا تنسون إنها قربيه منى ..
منال : أمها أعوذ بالله منها .

شوق : وش علينا من أمها اللي يهمنا حنان أمها شرها لنفسها .
نوال : شوق معها حق .. حنان أخلاق وحنونة و أمها شرها لنفسها ...

منال : عبد العزيز موافق عليها ..
شوق : إيه موافق ..

منال : الله يكتب اللي فيه الخير ..

"" بالمطبخ ""
مشاعل : يمه خالتي غريب لحد الحين ما جت ..

أم ركان : اتصلت عليه تقول عندها شغله تخلصها وتجيء..
مشاعل : يمه خلصنا محتاجة شيء
.
أم ركان : سلامتك ..

~~~~~~~~~~~~~~~~~~~~~

&& بيت أبو عبد العزيز &&

""أم عبد العزيز يا رب صبرني وش هل الألم راح يموتني
أسأل الله حسن الختام .. أخذت الجوال واتصلت على أبو عبد العزيز يأخذها لبيت أختها أم ركان ""

أبو عبد العزيز : هلا والله أم عبد العزيز ..
أم عبد العزيز : وينك تأخرت علي ..

أبو عبد العزيز : لبسي عبأتك أنا أنتظرك بالسيارة .
"" نزلت أم عبد العزيز الدرج وتحس روحها ثقيلة يا رب صبرني وألطف بحالي ""
~~~~~~~~~~~~~
&& بالسيارة&&

أبو عبد العزيز : يالغالية علامك ساكتة..
أم عبد العزيز : سلامتك فرحانة لنوال ..

أبو عبد العزيز : الله يسعدهم يا رب ويتمم عليهم ..
أم عبد العزيز : اللهم آآآمين ..
~~~~~~~~~~~~~~~~~~~
&& بيت أبو ماجد &&

أم ماجد : يالله يا بنات تحركن بسرعة لا نتأخر أبوكن معصب علي ..
حنان : ونااسة نوال اليوم ملكتها ..

أم ماجد : جعل اليوم وفاتها قال وناسه الوناسة ساعة أسمع وفاتهن كلهن ..
حنان : حرام عليك يمه ..

سعاد : أي والله يمه أهل أبوي كلهم عسل وطيبين ليه ما تحبينهم ..
أم ماجد : يالله بسرعة أنتظركن تحت ..

البنات : إن شاء الله يمه .

""خلصن البنات و راحن بيت أم ركان ""
~~~~~~~~~~~~~~~~~~~~~~
&& الساعة 8:00 م &&

الكل مجتمع في بيت أم ركان
وعمت الفرحة بالعائلة وتمت الليلة بسعادة
وفرح ...

(( يا ترى ليه شوق قلبها ناغزها وش راح يصير الأيام الجاية ))

,,تم الجزء الأول .. انتظروا الجزء الثاني ,,
~~~~~~~~~~~~~~~~~~~~~~~~~~~~~~~~~




  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 02-03-2009, 06:59 PM
غـرور الغـرااام غـرور الغـرااام غير متصل
©؛°¨غرامي جديد¨°؛©
 
الافتراضي رد: رواية دموع البحر / بقلم : حروف الصمت




بداايه حلووه

وياااليت لوو تكملينهااا

وتوقعااتي شووق ليش ناغزهاا قلبهااا

عشااان خاايفه ان ينرفض اخووهااا والسبب ام حناان



  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 04-03-2009, 05:58 PM
صورة أثوووره ! الرمزية
أثوووره ! أثوووره ! غير متصل
©؛°¨غرامي فعال ¨°؛©
 
الافتراضي رد: رواية دموع البحر / بقلم : حروف الصمت


روووووعـــــــه,مشكوورة حبيبتي
وانتظر الجزء الثآني
الوردة الذابله


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 09-03-2009, 01:12 AM
..حروف الصمت.. ..حروف الصمت.. غير متصل
©؛°¨غرامي جديد¨°؛©
 
الافتراضي رد: رواية دموع البحر / بقلم : حروف الصمت


اقتباس:
المشاركة الأساسية كتبها غـرور الغـرااام مشاهدة المشاركة


بداايه حلووه

وياااليت لوو تكملينهااا

وتوقعااتي شووق ليش ناغزهاا قلبهااا

عشااان خاايفه ان ينرفض اخووهااا والسبب ام حناان


الحلو مرورك ياقمر ,,
حلو توقعك و إن شاء الله تعرفي ليه شوق ناغزها قلبها ؟؟..

أسعدني مرورك ,
راح اكملها عشانك يا حلوهـ ,,

لاني قلت الظاهر ما عجبتهم عشان كذا بوقفها ...


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 09-03-2009, 01:15 AM
..حروف الصمت.. ..حروف الصمت.. غير متصل
©؛°¨غرامي جديد¨°؛©
 
الافتراضي رد: رواية دموع البحر / بقلم : حروف الصمت


اقتباس:
المشاركة الأساسية كتبها الوردة الذابله مشاهدة المشاركة
روووووعـــــــه,مشكوورة حبيبتي
وانتظر الجزء الثآني
الوردة الذابله
الرائع مرورك ,,

العفو غلاهم ,,

إن شاء الله الحين راح أنزله ,,
لعيونك وعيون غرورهـ ,,

أسعدني مرورك ,,,


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 09-03-2009, 01:27 AM
..حروف الصمت.. ..حروف الصمت.. غير متصل
©؛°¨غرامي جديد¨°؛©
 
الافتراضي الجزء الثاني ..


(( الجزء الثاني ))




×× الساعة 2:30 ص ××

&& بيت أبو عبد العزيز &&




* أم عبد العزيز زاد ألم بطنها أكثر مع هذا صابره ومتحمله الألم *

** شوق بغرفتها مو قادرة تنام تفكر ليه مو مطمنه وش هل الاحساس أول مره تحس فيه أخذت تكتب بمذكرتها **




(( نشعر دائمآ بالسعاده والحزن بنفس الوقت ولا نعلم لماذا ولكن الأيام تظهر سبب كل منهما ...




في هذه اللحظات أشعر بالسعاده والحزن ولا أعلم سبب هذا الحزن !!؟؟.. ))





ضمت مذكرتها ونزلت دمووعها يارب رحماك .. تؤضت وصلت ركعتين ونامت **




~~~~~~~~~~~~~~~~~~~~~~~~~~~~




&& بيت أبو راكان &&




** عروستنا نوال فرحانه وحست بأمان والأطمئنان **




** منال ؛؛ مشاعل سهرانات مع بعض **




منال : مشاعل.



مشاعل : هلا.




منال : مشاء الله نوال طلعت ملكة جمال ولا سعود يؤه بنجن على نوال .



مشاعل : الله يحفظهم من العين ويخليهم لبعض .




منال : اللهم آميين .



مشاعل : يالله منول بروح غرفتي أنام .




منال : ما بغيتي تروحين .



مشاعل : لا والله .




منال : خخخخخخخخخخخ ..




** راحت مشاعل غرفتها أول ما حطت راسها على المخده أستلمت لنوم ونفس الشيء منال **




~~~~~~~~~~~~~~~~~~~~~~~~~~




&& نرد لبيت أبو عبد العزيز &&




أم عبد العزيز * ألم معدتها تزيد أكثر لحد ما قدرت تتحمل أكثر من كذا * : أبو عبد العزيز أقعد ..



أبو عبد العزيز * خاف على رفيقة عمره أول مره يشوفها بهل الحاله * : وش فيك يالغاليه ..




أم عبد العزيز : ألم شديد في بطني أحس معدتي تتقطع ..



أبو عبد العزيز : تحملي بروح أنادي شوق تروح معنا جهزي عمرك يا الغاليه ..




** أبو عبد العزيز ينادي شوق بصوت عالي مو قادر يترك حبيت عمره بروحها **



** شوق وعبد العزيز قعدوا من صوت أبوهم **




عبد العزيز * بخوف * : خير يبه عسى ما شر ..



أبو عبد العزيز : أمك مريضه بالحييل .




شوق * وقف قلبها وخافت على أمها وصديقتها * : وش فيها أمي يا يبه ..



أبو عبد العزيز : مافيها غير كل خير ..




** أخذوا أم عبد العزيز للمستشفى **




~~~~~~~~~~~~~~~~~~~~~~




&& بمستشفى الألماني بجده &&




الدكتور : يا خاله وين الألم وش تحيسن به؟؟ ..



أم عبد العزيز * بألم *: معدتي يا ولدي ..




الدكتور : يا خاله من متى تحسين بهل الاعراض ؟؟



أم عبد العزيز : من فتره ..




أبو عبد العزيز * بعتب * : ليه ما خبرتينا ونوديك المستشفى ..



أم عبد العزيز *بحنان * : ما حبيت أشغل بالكم علي ..




الدكتور*بقلق * : يا خاله .. وش تحسين فيه غير ألم المعده ..



أبو عبد العزيز * يقاطعه من خوفه * : يا دكتور وش نتيجه الاشعه والتحاليل ..




الدكتور * بعقلانيه * : كل خير .. ما جوبتي يا خاله على سؤالي .



أم عبد العزيز : من فتره أحس ألم في بطني شديد و ألم بعد ما أكل أي حاجه وغثيان ..




الدكتور * زاد قلقه من الاعراض * : ما تشوفين شر يا خاله .. يا أبو عبد العزيز .. تعال ابيك .



أبو عبد العزيز : يالغاليه بروح مع الدكتور والحين شوق بتجي ..




أم عبد العزيز : ......




~~~~~~~~~~~~~~~~~~~~




** غرفة الدكتور **




أبو عبد العزيز : خير يا دكتور خوفتني ..



الدكتور : يا أبو عبد العزيز حنى مؤمنين بالقدر ونحتسب الاجر لله سبحانه وتعالى .. وكل شيء بالدنيا له أجر



وثواب .. الصبر أجره عظيم .. وثوابه أكبر ..




أبو عبد العزيز : ......




الدكتور * يكمل حكيه * : بصراحه أنا شاك بالاعراض والاشعه اللي عندي لكن نبي نتأكد أكثر قبل إجراء



أي خطوهـ وإبلاغكم ..




أبو عبد العزيز : قول يا دكتور..



الدكتور : إحتمال يكون عندها سلطان بالمعده .. فلابد الحين وبأسرع وقت نعمل لها منظار ونأخذ عينه من المعده ونحللها أو نسوى لها أشعه السنيه ..




أبو عبد العزيز : أنا موافق وإن شاء مجرد شكوك ..



الدكتور : إن شاء الله ..





~~~~~~~~~~~~~~~~~~~~~~~~~~~~~~~




&& بالمستشفى &&



** الساعه 7:30 **




أم عبد العزيز : شوق يمه أبي ماي ..



شوق * بحزن * : يالغاليه معليش صبري إشوي لان الحين يبون يسوين لك أشعه ولازم تكونين صايمه ..




أم عبد العزيز : ماله داعي هل الاشعات الحين أحسن من قبل ..



شوق : نطمن عليك يا قلبي كم عندنا أم عزوز ..




** دخلت النيرس غرفت أم عبد العزيز **



النيرس : صباح الخير ..




أم عبد العزيز ؛؛ شوق : صباح النور ..



النيرس*بإبتسامه* : يؤه اليوم أحسن يا خاله ..




أم عبد العزيز : الحمد لله على كل حال ..



النيرس : ياخاله أبي أعطيك أبره مهدئه ..




شوق : جعلني فدوه لعيونك يالغاليه ...



أم عبد العزيز : الله يعين ..




** الإبره كانت منوم لدخول غرفة الاشاعه **




**أم عبد العزيز إستسلمت لنوم وشوق قلبها يتقطع على حال أمها




دخل أخوها عبد العزيز وكانت شوق ميته من الصياح أول ما شافت أخوها أرتمت في حضنه وتصيح



عبد العزيز أول مره يشوف أخته بهل الحاله لوى عليها وخفف من حزنها رغم حزنه **




~~~~~~~~~~~~~~~~~~~~~~~~~~~



&& بنت أبو راكان &&




منال : مشاعل .



مشاعل : خير خليني أنام واللي يرحم والدينك .




منال : مشاعل قعدي الله يخليك .



مشاعل *خافت * : وش فيك منال .




منال : شـ شـوق جوالها مقفل وجوال خالتي والتلفون الثابت ردت الشغاله تقول كلهم بالمستشفى خالتي مريضه ..



مشاعل * جلست * : وش فيها ..




منال : ما أعرف ..



مشاعل : أمي عرفت ...




منال : لا للحين مو قادره اقوله أحس السالفه كبيره ..



مشاعل : مافي غير نوال إهي اللي تقدر ..




منال * بحزن * : رحت غرفت نوال نايمة والجوال بحضنها الظاهر مانامت غير الفجر وكسرت خاطري ..



مشاعل : أجل انا وانتي نخبرها ونروح المستشفى عند خالتي ..




منال : يالله أمي قاعده مع أبوي بالصاله ..




** بالصاله **



منال ؛؛ مشاعل : السلام عليكم ..



أبو راكان ؛؛ أم راكان : وعليكم السلام ..




أبو راكان : منولتي تعالي قعدي يمي يا غلاي .



منال * قعدت يم أبوها بكل هدؤء * : أشلونك يبه .




أبو راكان * متعجب من حال منال وهدؤها *: الحمد لله .. منال إنتي مريضه ..



منال * تبلع الغصه * : لا يالغالي ..




مشاعل : يمه؛؛ يبه خالتي أم عبد العزيز بالمستشفى .. من أمس بالليل ..



أم راكان : ياحسرتي على أختى وش فيها أنا لاحظت انها مريضه سألتها قالت مافي شيء ..




منال : مافي الا كل خير ..



أبو راكان*وقف * : جهزوا أنفسكم ونروح لهم المستشفى..




~~~~~~~~~~~~~~~~~~~~~~~~~~~~~




&& بالمستشفى &&



*الساعه 10:15 ص*




* أم راكان خرجت من غرفة الاشعه ولساتها متاثره من المخدر **



شوق : خالتي أمي وشفيها ما ترد علي ؟؟..




أم راكان *لوت بنت أختها وتمسح دموعها * : أمك مافيها غير كل خير .. إن شاء الله ..



شوق * تصيح * : أول مره أشوفها بهل الحاله ..




أم راكان * بحزن * : الله يشفيها .. تكفير إن شاء الله ..




~~~~~~~~~~~~~~~~~~~~~~~~~~~~~~






  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 09-03-2009, 01:32 AM
..حروف الصمت.. ..حروف الصمت.. غير متصل
©؛°¨غرامي جديد¨°؛©
 
نهاية الجزء الثاني ..






&& بيت أبو ماجد &&




أبو ماجد * بحزن * : أم ماجد ..



أم ماجد : لبيه ..




أبو ماجد : أختي أم عبد العزيز بالمستشفى بأخذك معي العصر نزورها..



أم ماجد * بمكر * : يا بعد عمري ماتستاهل اللي يصير فيها وش فيها .




أبو ماجد : للحين ما إطلعت النتايج التحاليل .. إن شاء الله خير ..



أم ماجد * بخاطرها جعلها تموت ونرتاح منها وعقبال الباقي * : إن شاء الله خير .. وسع صدرك .. تكفير إن شاء الله ..




أبو ماجد : إنتى بتروحي معي .. والبنات يجوء مع ماجد .. لا تخلينهم مع السايق بروحهم.. فاهمتني ..




~~~~~~~~~~~~~~~~~~~~~~~~~~~~~




&& نرجع للمستشفى عند أم عبد العزيز &&




عبد العزيز : أحم أحم ..



البنات * تغشوو *




شوق : إدخل ..



عبد العزيز * حب راس أمه بكل حنان * : سلامتك يالغاليه ما تشوفي شر ..



أم عبد العزيز : الله يسلمك يا ولدى ..





عبد العزيز : أرتاحي يا الغاليه ... * إلتفت لـشوق * شوق خل بالك من الوالده أنا بالاستراحه إذا تبين شيء إتصلي علي ..




شوق : حاظر يا بعدي والله ..






** خرج عبد العزيز والبنات شالو الشغى **




منال : يمه ليه ما رضعتيني مع عزوزي ..



أم راكان : صابك شيء عزوز أكبر منك بسبع سنواات ..




منال : أيه عادي ... في مليون طريقه أكون فيها أخت عزوزي ..



الكل :هههههههههههههههههههههه ..




شوق : الحمد لله أمي مارضعتك معي ... ولا كان إنتحرت ..



أم عبد العزيز : منولتي رضعتك يالغلا أربع رضاعات ..مع شواقه ..




منال : أفا يا الخاله ليه ما كملتي الخامسه ..



شوق : منو لازم تشاركيني بكل شيء ..




منال * مسويه زعلانه * : سكتى لا أسطرك يالدبه ..



شوق : أنا الدبه وإنتي وش تكوني ..




منال *رفعت حواجبها* : أكون ملكة جمال العائله ..



الكل : هههههههههههههه .




~~~~~~~~~~~~~~~~~~~~~~~~~~~~~~

** دخلت أبو ماجد ؛؛ أم ماجد **
أبو ماجد * حب راس أخته *: ماتشوفين شر ..
أم عبد العزيز : الشر ما يجيك ..
أم ماجد * بحقد *: وش قالوا عندك لا يكون مرض خطير..
منال : الله لايقولها يا مرت خالي .. وخالتي طيبه مافيها الإ كل خيير ..
شوق * بعقلانيه * : هلا فيك يا خاله وكل شيء كاتبه الله يا محلاه ..
أم عبد العزيز : شوق قدمي لخالك وزوجته القهوه ...
أبو ماجد : لا والله أنا أستأذن منك يا الغاليه ( أشلون يقعد وزوجته أحرجته قدام خواته وبناتهم )
شوق * من قهرها * : حياك الله باي وقت يا خالي .. الله يجزاك خير على زيارتك ..
أبو ماجد : يالله يا أم ماجد تأخرنا ..
أم ماجد : مع السلامه وماتشووفي شر ..
الكل : مع السلامه ..
منال : عمري ما كرهت أحد كثر كرهي لزوجة خالي ..
شوق : الله يهديها ..
أم عبد العزيز : خلاص تعودنا على لسانها الطويل ..
أم راكان : أبو ماجد صابر عليها عشان عياله ..
أم عبد العزيز : الله يصبره ..
شوق : ليه تزوجها من الأساس ..
أم راكان : ما كانت كذا بعد زواجها تغيرت ..
**شوق خافت لا تكون حنان مثل أمها وقالت بخاطرها الله يستر لا تكون مثل امها **
~~~~~~~~~~~~~~~~~~~~~~~~~~~~~~~~~~
** الساعه 9:00 م **
** أم راكان وبناتها ردوا لبيتهم **

** أبو عبد العزيز و عبد العزيز بعد رجعوا البيت يرتاحوا **

** شوق تؤضأت وصلت العشى ودعت الله يشافي أمها ويقومها بالسلامه شوق كانت خايفه من بكره وش مخبي لها .**

شوق : يارب ساعدني وصبرني ... يالله ليه أفكر بكره كل اللي يهمني اليوم والحاضر والمستقبل علمه عند الله ... والله عالم نكون فوق الارض أو تحتها .. لكن إحساسي عمره ما يخوني ... أمممممم إن شاء الله تكون مذكرتي بالشطنة ..
** فتحت شنطتها وشافت مذكرتها فرحت كثير كتبت بالمذكره **
(( شفاك الله يا القلب الحنون ))

**قلمي تخلى عني مو قادره أكتب سطرين على بعضهم االلهم لا أسألك رد القضاء ولكن أسألك اللطف فيه **
×× يا ترى وش مخبيه الأيام لشوق .. ××

×× شوق راح تلقى أول صدمه و ينفتح أول طريق من همومها
.. ياترى وش الصدمه .. وكيف راح تتقبلها ××



.. نهاية الجزء الثاني ..
~~~~~~~~~~~~~~~~~~~~~~~~~~~~~~~


موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1