~همسة غلا~ ©؛°¨غرامي مشارك¨°؛©

بسم الله الرحمن الرحيم

السلام عليكم ورحمة الله وبركاته

هذي روايتنا الأولى لي انا ~همسة غلا~ و احساس هادئ و ~شموخ انسانه~ وان شاء الله تعجبكم

نبدا بالتعريف عن الشخصيات:
عائلة ابو تركي

ابوتركي:محمد عنده 4شركات ويشتغل فيهم

وزوجته هدى(ام تركي) كانت تشتغل مديره بعدين استقالت يوم جابت ليان و عندهم 3 عيال وبنت وحده

تركي:25 سنه طويل مملوح شعره ناعم اسود وكثيف لون عيونه عسليه خشمه سيف لون بشرته اسمر بس مو مره يعني سماره حلو متخرج ويشتغل مهندس

ريان:22سنه مملوح وفيه شبه كبير من تركي اخوه لكن الفرق ان عيونه لونه اسود و لون بشرته اقل سمار ويدرس

عزام:18سنه بـ3ثانوي داج بمعنى الكلمه الدراسه يمين وهو يسار ويحب يستهبل على اخته ليان ويرفع ضغطها حليو مو زين ولا شين بس اقرب يعني للزين

ليان:17سنه بـ2ثانوي فيها دلع بس مو دلع ماصخ دلعها لايق عليها حلوه عيونها رماديه كبار--تذبح يعني خخخ-- بيضاء شعرها الى نص ظهرها خشمها سيف مملوحة العايله

ودلوعة امهاوابوها لانها البنت الوحيده.

- - - - - - - - - - - - - - - - - - - - - - - -

عائلة ابو فيصل

ابو فيصل:بندر تاجر وعنده 3 محلات ذهب والماس

ام فيصل:نوره ماتشتغل عندها ولد واحد

فيصل:25سنه صديق وولد خالة تركي وطلال الروح بالروح واسرار تركي وطلال عنده كله وهو نفس الشي ماعنده اخوان ولا اخوات وامه وابوه مايردون له طلب مواصفاته طويل نحيف مو مره

يعني بشرته لونها حنطي شعره ناعم طويل شوي ولونه اسود وكثير وخشمه سيف ولون عيونه بني يدرس برى مع طلال ادارة اعمال

- - - - - - - - - - - - - - - - - - -

عائلة ابو طلال

ابو طلال:عبدالله يشتغل مدير بشركه كبيره

ام طلال:هند تشتغل بمدرسة...... بالاداره وعنده ولد و4بنات

عهود:26 سنه متزوجه من ولد خاله وحامل بالشهر السادس

طلال:24سنه طويل شعره اسود مرره جسمه معضل شوي لون عيونه اسود لون بشرته اسمر بس مو مره يعني بالوسط وهو الوحيد من العيال عنده غمازات ويدرس برى مع فيصل ادارة اعمال

جوري :18سنه توأم جودي عربجيه تحب تستهبل على العيال وعلى جودي عيونه لونه عسليه طبق الاصل من جودي مااحد يفرق بينهم الا بلون عيونهم وتصرفاتهم وطريقة لبسهم وكلهم مملوحات بـ3ثانوي

جودي:18سنه توأم جوري نعوومه وحسااسه وتصدق كل شي ينقال لها ودايم جوري تنصب عليه لون عيونه بني بـ3 ثانوي

ندى:16سنه بـ1ثانوي اكثر وحده مجنونه وتستهبل وهي الي تخطط للبنات حلوه مرره وبيضاء شعره بني فاتح الى خصره عيونه رماديه وهي ا الوحيده من البنات الي عندها غمازات

- - - - - - - - - - - - - - - - - - - -

عائلة ابو سعود

ابو سعود:عبد الرحمن عنده شركتين ومحل ذهب

ام سعود:اسماء ماتشتغل وعندها ولد وبنت

سعود:27سنه متزوج عهود ويشتغل بشركة من شركات ابوه

رهف:20سنه تدرس بالجامعه حاسب حبوبه وطيوبه ودايما تواسي البنات

- - - - - - - - - - - - - - - - - - - -

ملاحظه: ام طلال + ام تركي + ام فيصل + ابو سعود اخوان اما زوجة ابو سعود فهي من برى العايله ورجال ام طلال +ام تركي+ام فيصل من برى العايله بعد.

- - - - - - - - - - - - - - - - - - - -

الباب الاول
في بيت ابو سعود البنات مجتمعين كلهم نايمين من امس

في غرفة رهف البنات نايمين

رهف توها صاحيه :ياربي الساعه كم -وتشوف ساعة الجوال-اوف الساعه 4العصر وهذولا للحين نايمين هيييييي انتم قوووووووووووومووووو<<<بصراااخ

جوري:وجع نبي ننام ياغبيه

رهف:اقول قوومي بس وساعديني بتقويمهم

جوري ترمي عليها المخده :اقووووول اوووووص لا اصيحك هنااا <<<بعرابجه خخخخ

رهف:وجع يااا غبيه -وترمي عليها مخده بس جت على جودي-

جودي:وجع من الحمااااااااااااره الي رمت المخده هاااااااااااااااه<<<<بصراااخ

رهف:معلييش ماكان قصدي اسفه بس بما انك قمت يالله حبيبتي ساعديني بتقويمهم

جودي بعناد:لا عشان مره ثانيه تصحيني زييين

رهف:اجل احسن يوم ضربتك المخده

جودي:لا والله

ندى:عمى بلا عمى ليش تصااااارخون هاااااااااااه

ليان:وجع ندى ياغبيه ليييش تصارخين

ندى:من هذولي على كيفهم يصارخون الاغبياء

ليان: وانتم يا همج ليييش تصااارخووون

رهف رمت على ليان المخده:لييش تقولين همج هاااه

ليان:وجع مالك دخل كيفي

جوري رمت على ليان ورهف المخده:يالله خلاص حبايبي حليت الموضوع مخده عليك ومخده عليها

ليان ورهف:اااااااااااي وجع ياااااااااااااااااااعربجيه بشووووووووووويش<<بصرااااااخ

جودي:حدكم هذي اختي وتوأمي

ندى:الله والتوأم عاد

جوري:لاوالله

ندى:ايه والله

جوري:طيب انا اوريك

وتبدا معركه بالمخدات وصراخ وهبال

ودخلت ام سعود من الصراخ بس طبعا البنات ما انتبهوا ورمت عليها رهف مخده

ام سعود:ااااااااي وجع رهفوووه خيييييييير إن شاء الله انا امك

رهف:اسفه يمه والله ماانتبهت عليك

جوري:نصاااااااابه انتبهتي حتى انا شفتك ترمين المخده من قصد<<<<تبي تنتقم لانها قومتهم

رهف بقلبها اوريك ياحماره اناراميه المخده من قصد هااه بس خلي امي تطلع وانا اوريك

ام سعود:المهم يالله روحوا غسلوا وجيهكم وصلوا والبسوا عشان العزيمه

ويوم طلعت ام سعود....

تتوقعون وش راح تسوي رهف بجوري؟؟

ووش راح يصير بالعزيمه؟؟؟

واذا اعجبكم البارت الاول نزلنا البارت الثاني

{سكون الليل} ©؛°¨غرامي جديد¨°؛©

واي ماشاء الله يابختكم انا محرومه عيلتي صغيره ومافيها بنات وشباب كثير

~همسة غلا~ ©؛°¨غرامي مشارك¨°؛©

المشاركة الأساسية كتبها {سكون الليل} اقتباس :
واي ماشاء الله يابختكم انا محرومه عيلتي صغيره ومافيها بنات وشباب كثير
هذي راويه من خيالنا مو واقعيه

ومشكووره على مرورك

VEN!CE يـآرب مآلـي ســـوآكـﮯ

,’


وعليكم السلام والرحمه

هلا وغلا فيكـم
منورات القســم ^,^
الله يعطيكن العافيه

موفقات ان شاء الله


,’

سويت^_^رورو ©؛°¨غرامي جديد¨°؛©

واو مشاء الله عليكي ياعسل ننتظر<< بداء الحماس <<ايه ننتظر البارت الثاني يااااابعدي
موفقة

نجمه حائره ©؛°¨غرامي متألق ¨°؛©

امممممممممممم القصه باين عليها حلوه
ننتظرك يالغلا

سجينة حب ©؛°¨غرامي ذهبي¨°؛©

.
.

يآهلآ فيك حبوبآت
موفقين بآذن الله
منورين آلقسم ^،^

.
.

~همسة غلا~ ©؛°¨غرامي مشارك¨°؛©

الباب الثاني

رهف:انا يانصابه راميه المخده من قصد

جوري:انا قلت كييذا

رهف:لاخيالك قال كيذا

ندى:هيي انتم خلاص سكروا على الموضوع لا تجي خالتي وتذبحكم

رهف:مردوده ماراح انسى

جوري:لايكثر بس ويالله عشان تغسلون خششكم

- - - - - - - - - - - - - - - - - - -

في بيت ابو تركي
تركي:اجل يمه وين ليان مااشوفها

ام تركي:نايمه ببيت خالك سعود

عزام:اوووه حسافه مافيه احد استهبل عليه

على دخلت ابو تركي :السلام عليكم

ام تركي+عزام+تركي:وعليكم السلام

ابو تركي:اجل وين ريان مااشوفه

ام تركي:طالع مع صديقه

ابو تركي:وليان وينها الى اللحين ماجت؟؟

ام تركي:لا بتروح مع البنات للمشغل وتجي هنا وتلبس

ابو تركي:طيب انا استأذن بروح ارتاح شوي

ام تركي:ماتبي غدا؟؟

ابو تركي:لا متغدي برى

عزام:افااا مع مين متغدي ؟؟

ابو تركي:متغدي مع زوجتي الثانيه

ام تركي:لاوالله ويين ماشاء الله بأي مطعم متغدي هاااه

عزاام: اوووه غارت الوالده هههههههه

تركي:ملاحظ انت هههههههههه

ابو تركي:هههههههههه وانتي على طول صدقتي عيالك

ام تركي:طيب مع مين متغدي

ابو تركي:مع ابو سلطان صديقي المهم يالله انا بروح ارتاح

ام تركي راحت ورى ابو تركي فوق

- - - - - - - - - - - - - - - - - - - - - -

في بيت الجد

ابو عبدالرحمن(الجد واسمه عبد العزيز ):ياام عبد الرحمن قولي للشغاله تسوي شاهي

ام عبد الرحمن(الجده واسمها هيا):طيب ان شاء الله

وراحت للمطبخ :ياميري

ميري (الشغاله):يس ماما

هيا:سوي شاهي

ميري:اوكي ماما

الجد:اقول ماراح يجون البنات

الجده:لا ماراح يجون الا باليل بالعزيمه

الجد:اييه الا خلاص البوفيه اعجبك ولا لا؟؟

الجده:ايه زين ان شاء الله

- - - - - - - - - - - - - - - - - - - -

عند البنات
رهف:يالله بنااااااااات بسررررعه انزلوا

ام سعود:رهف لحالكم بتروحون مع السواق؟

رهف:لاماراح نروح مع السواق بنروح مع ريان

نزلوا البنااات

رهف:ليان اتصل اخوك

ليان:ايه يالله هو عند الباب

بالسياره

رهف بهمس:وجع جوري كسرتي رجلي بعدي شوي

جوري بصوت عالي:ماااالك دخل كان ماركبتي جنبي

رهف بصوت اعلى:انتي الي لاصقه فيني

جوري بصوت اعلى:اناجاالسه جنب اختي مو جنبك

رياان:خلالالالاص اووووووووص راااسي
- - - - -
في المشغل

البنات:السلام عليكم

راعية المشغل(سوزان):وعليكم السلام نورتو المشغل

ندى:تسلمين

سوزان:الله يسلمك حبيبت البي

جودي ملت :يا حلوة معليش بس احنا مستعجلين

سوزان:اووووه اسفه اخرتكم طيب اتفضلو معي

ليان:سوزان بليييز كلنا نبغى ميك اب خفيف

سوزان:تكرم عيونك
- - - - - - - - - - - - - - - - - - - -

في عزيمه ام عبد الرحمن بمناسبه انتهاء اختبارات الفصل الدراسي الثاني
الي بـ3ثانوي: عزام 90--جوري94--جودي96

اما ليان 96 --وندى 95


عند البنات

جودي : بنات مين يروح معاي للمطبخ اشرب مويه

البنات:ولاوحده

جودي:جوري تعالي معي تكفيين

جوري:وشو روحي انتي لحالك

جودي:طيب ليان انتي تعالي تكفيين احبببك اناا

ليان:لالالا وبلا مصالحه

جودي:اوف طيب خلاص انا بروح لحالي احسن

جودي راحت وهي تتحلطم

لما بغت جودي تطلع من المطبخ صقعت بـ........

نهاية البارت

~همسة غلا~ ©؛°¨غرامي مشارك¨°؛©

المشاركة الأساسية كتبها سويت^_^رورو اقتباس :
واو مشاء الله عليكي ياعسل ننتظر<< بداء الحماس <<ايه ننتظر البارت الثاني يااااابعدي
موفقة
مشكووره حبيبتي على المرور والبارت الثاني نزلته

~همسة غلا~ ©؛°¨غرامي مشارك¨°؛©

المشاركة الأساسية كتبها ven!ce اقتباس :
,’


وعليكم السلام والرحمه

هلا وغلا فيكـم
منورات القســم ^,^
الله يعطيكن العافيه

موفقات ان شاء الله


,’
هلابك

النور نورك

ويعطيك العافيه

مشكوره

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1