غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 20-11-2014, 07:58 AM
صورة كدوو الرياض الرمزية
كدوو الرياض كدوو الرياض غير متصل
في حضوركك يختلف معنى الحكي ..!
 
الافتراضي رد: رواية أخاف أغمض وان رمشت أفقدك .. وأخاف أفتح وتصبح حلم ولا ألقيك


~





عـــــــبــــــــد العـــــزيــــــــز :
كلها دقايق وانزف لها كنت انتظر هاللحظه على احر من الجمر .. جاني طلال واشر لي
رحت بسرعه من خلف الباب وطلعت لغرفتها كنت اتوقع بكون لحالي
لكن وقفت متنح على الي قدامي
ماجد ضام لجين : حياتي خليك ما شبعت
لجين : يا روحي كلها ساعه ونرجع البيت
ماجد : طيب هاتي بوسه
لجين شافتني وحمر وجها وبعدت عن ماجد ماجد طالعني : حسبي الله عليك
ضحكت وانا بطير من الفرح على سعادة اختي .. الله يخليها لي ..
ابتسمت : كملوا كملوا بدخل عن حرمتي بس
ابتسمت لجين ودخلت : لا خلاص ودي ماجد برا هههههههه
ماجد : اه اه ما اقدر اتركها يا ناااااااااااااااس مااا اقدررررررررر
لجين : بس فضحتنااااا
ضحكت : شوف عيونها ودها تنط وتضمك
لجين : مالت عليك من اخ
ودخلت جوا ضحكت من قلب وودعت ماجد ودخلت دقيت الباب وفتحت لي رؤى وهي تضحك
ابتسمت لها ونزلت ضميتها : الللاااااااه يا رؤى وش هالحلاه
رؤى : حنووووه
بستها : تهبلين
جلست الف بعيوني ادورها لقيتها خرجت من باب الحمام وترفع فستانها ..
وش اوصف لكم فيها .. ملاك .. لا شويا ملاك ..
خرجت رؤى ورحت شلتها وادورها وهي تصرخ : عززززييييز بيخرب فستاااااني
مازلت شايلها : احبك هياااااااااااام
هيام ضمتني بقوه : وانا اموت فيك بس دخيلك نزلني
نزلتها وبست راسها : والله لو لا انك ما انزفيتي كان غرقتك في عالم ثاني
هيام باحراج : هسسس خلنا في هاللحظه
عانقتها : ما ادري وش تسوين فيني ... حبك في الثانيه يضرب العداد خلاص ما ابيك تنزفين تعالي معي
هيام : هههههه حياتي يا روحي انت ..
اندق الباب وحسيتها بتبعد عني لكني ضامها بقوه دخلت حنان : وش قلة الحيا اصبر لين تروح بيتك
بست هيام : مرتي وحلالي
حنان لفت صوب الباب : يا قليل ادب بوسها عخدها زين
هيام صوتها راح : خلاص عزيز والله ما اقدر كذا
ضحكت : زين يا حياتي
حنان : يلا هيومه تعالي بنزفك
عزيز : وانا
حنان : اخاف تمصخها جوا حرام في بنات ما تزوجوا
مت ضحك : لا والله ماني مسوي شي
هيام : لا لا اشربي من كلامه
ضحكت وقربت من رقبتها وهيا بعدت على طول وانا ميت ضحك : خبلتيني جننتيني وش اسوي فيك
حنان : يلا يلا
دخلنا على موسيقا كلاسيك كنت حاط يدي ورا خصرها لافها علي وهي منزله راسها من الحيا
مشينا للين وصلنا للنص كنت هيمان فيها وفجمالها وفي لون عيونها
ااااه من الرمادي بيذوبني فيها اكثر واكثر كانت تطالعني وتبتسم وتميل راسها على كتفي
كنت بذوب عند ذي الحركه ..
شغلوا اغنية تامر حسني الله يبارك لي فيك وجلست ارقص معاها وهي مبتسمه بكل حب
همست لي : عزيز روق شوي والله استحي امي تشوفني كذا
قربت منها : احبك واموت فيك ما علي في احد ما اقدر اشوفك قدامي وانحرم من هالجمال ..
قربت منها وبستها وغرقت وانا ماني داري
شوي جاتني لجين : بس بس يا قليل الحيا يلا برا
ضحكت وبستها على راسها وخرجت
وانا انتظرها على احر من الجمر .. ما قدرت اصبر ربع ساعه والا انا دخلت اخذها
والكل ميت ضحك واسمع صفير وصريخ
ماهي راضيه تجي ماسكينها البنات قمت نزلت من الدرج ورحت عندها والي مو متغطين شردوا وانا ماني
شايف غيرها قدامي رحت شلت بشتي ولفيته عليها وهي تضحك وتحضني : حياتي
بستها : يا روحه انتي
شلتها وهي ماسكتني من رقبتي وحاطه راسها على رقبتي ولجين تتكلم : خفوا شويا شويا
صرخت : كفاياااااا سبع سننننننننننننننننييييييييييييييييين
ما نسمع غير صفقه وصفير وناس تصرخ انهبلوا معانا والله
ركبتها سيارتي ورحت جبت لها مسفع
خليتها تتغطي فيه جلست اطالعها بهيمان وهي تضحك
ضحكت على ضحكها وشحط بالسياره ما ادري كيف وصلت لكن بالنهايه وصلت
هيام : فين جايبني
نزلت من السياره وفتحت الباب شلتها : بنيت لك مكان لي ولحالك ما يشاركنا فيه مخلووووق
هيام : بس ترا بتعود عالشيل
ضحكت عليها : احبك كل الدنيا ما راح تجيب لحظه من جنوني فيك
هيام : آآآه يا عزيز ... والله كلامك يولع فيني العشق والغرام ..
عزيز : اذا كلامي يولع عشقك انا نظرة عيوني تثير الغرام فيني .. همست شفاك تذوبني
في خفوقي .. اعشقك عشق لو كل الناس تدري فيه .. ما لاموني على خبالي
اتعمقت في بوستها وهالشي زادني لوعه دخلتها المزرعه الي سويتها لها اروع ما يكون
هيام شهقت بذهول : حبيبي
نزلت من يدي وجلست واقفه في حضني : احبك عزيز احبك
.................................................. .....................
خــــــــلــــــــــــــود :
تعمدت اجلس بفستاني .. جا بندر وابتسم : وش هالزين
تمايلت بدلع : عجبك
قرب مني : كل هالحلاه وما يعجبني
ابتسمت بحب له : من حلاة عيونك يا قلبي
بندر ضمني : سندرلتي ..
احب هاللقب اعشقه وخصوصا لا نطقه : يا روحها
بندر : بقولك موضوع .. ما ابغاه يضايقك
طالعته باهتمام : خير ان شالله
بندر : لي شهر مقدم على الماجستير والدكتوراه ببريطانيا وجات الموافقه اليوم ..
حجلس ثلاث سنين .. ما اقدر اخذك معي لأني مع صديقي .. والشي ثاني اخاف اتركك هناك
انا بروح وما ادري متى ارجع اخاف اتركك في الغربه لحالك
هو يتكلم وانا اصارع كل شعور في داخلي
ما قدرت اقاوم دمعة حرقة على شوقي الي بيلتهب فيني ..
مسح دمعتي وباسني : حياتي حاكون متواصل معك دايم
مسحت دمعتي وتنهدت : مو مثل ما تكون بقربي
بندر بهمس وحنان : يا روحي .. هذا مستقبلي يا عمري ..
هزيت راسي : الله يوفقك بندر ..
.................................................. .
مرام :
كنت جالسه في الحوش .. خلاص تمت الموافقه بعد استخاره وراحه
ابوي قالي انه يبي يشوفني ..
ثواني ولقيته واقف قدامي حسيت بارتباك حطيت العصير على الطاوله
جا جلس جنبي ومسك يدي : الله يقدرني واكتب لك السعاده في حياتك
ابتسمت بحزن خلاص لازم امحيه من حياتي
طالعت عينه : ان شالله .. لكن ارجوك .. لا تسألني عالماضي
حمد : الماضي ورق احرقي ذكرياته ..صدقيني يالغاليه .. حبك نبض فيني
لين الحين .. يشتعل من شفت نظرتك
غمضت عيوني واعتلت خدي حمرة الحيا ما حسيت الا بشفته على خدي
وهمس لي بحنان : احبك
.................................................. ..........................................
مرت ايام وشهور .. وعدت السنين ..
وبندري كل يوم تزداد لوعه عن اليوم الي قبله .. وعشقها حياتها ..
ما شافته من ثلاث سنين ..
غـــــــاده :
اتلكم بتعب :حياااااااااتي وربي تعبت خلاااااص
منصور يشيل رولين : فديتها بنت ابوها
كشرت : بسك عااااد طالعني
باسني ورجع يشيل رولين وانا مسوي لي اكبر طاف ..
جلست : حياتي مو معقول كذا طالعني
حط منصور رولين وجا جلس جنبي : ها حياتي
طالعته : الحين هالفنعوصه تاخذك مني
منصور يعضني عخدي بخفه : فديتها الي تغار من بنتها
لفيت عليه وبسته : اشتقت لك
منصور : وانا اكثر يا روحي خلاااااص ما عاد اني مسافر
همست له : بقولك خبر
منصور يتقرب : غردي لي يا عمري
كرمشت وجهي : حامل
منصور شاق الحلق ابتسامه : احلفي
ابتسمت : والله
قام منصور وقومني شالني رفعني فوق صرخت : لاااااااااااا اطيح
وجيت في يده وهو يبوسني : وين تطحين وانا في .. بس كم مره قايلك انحفي لجل اشيلك زين
مديت يدي وصديت وجهه الجهه الثانيه : وخر مناااااك ما احبك ما احبك ما احبك
منصور يعض اصباعي : اموت عليك وعلى زعلك تهبلين
.................................................. .
البـــــــنـــــدري :
وش الي بطفي لوعتي .. ويوقف ضلوعي الي تعشقه اااااه منه ااااااه
اتصل علي تلفون المكتب رفعت السماعه وبضيقه : الو
الدكتور حسن : الو دكتور بندري .. بسرعه عوزينك في الأوضه الي بتاع الألب
في حاله خطره قدااااا
قمت : حاضر دكتور
ياهالتدريت تعبت باقي سنه واتخصص الله يعين بسرعه تنقبت وعدلت نقابي ..
ورحت ركضت للغرفه .. وفتحت الباب بعد ضربات خفيفه ..
تجبست رجولي يوم شفت الي منسدح عالسرير .. والدكتور القلق في وجهه
حسيت بالدم بينفجر من عروقي والدمع براكين من عيني همست بخوف : وش في
الدكتور : انا عاوز ادور الفرأه الطبيه انتبهي لحالة المريض
خرج الدكتور ورجولي ترجف قربت من السرير بخوف ومسكت اليد المدوده بلا حراك
بلعت ريقي بصعوبه وذرفت دمعي : الله يخليك قوم ..
بدت الاجهزه تضرب والعداد نزل للصفر هنا وقف قلبي بكيت خوف على حبي
جلست ابوس في يده : مازن حرام عليك يا مااااازن قووووووم قوووووم احبك يا مازن احبك
انا منهاره واحس اني بنجن ما اتخيل لحظه من حياتي بغيره لو هو بعيد ..
ثلاث سنين بعيد عني والحين اشوفه طريح الفراش الا هالشي ما اقواااااه ما اقوووووااااه
شفته فاتح عين وحده والثانيه مغمضها : عيديها
جلست متنحه واطالعه وهو شبه ابتسامه على شفاه : ها بتعيدها ولا
ضربت كتفه وقمت : دب مالت عليك
مالحقت اروح الا هو شدني وطيحني في حضنه شال نقابي عني : اااااااه يعلني ما اخلى منك
حسيت قلبي بيطلع من ضلوعي ويتخبى فضلوعه حطيت راسي على صدره
رفع راسي وحط وجهه على وجهي : احبك احبك بجنون اعشق هواك الي تتنفسينه واستنشقه
اعشق زفراتك واهاتك
غمضت عيوني يوم قرب وباسني .. احس اني في عالم خيالي طيرني لعالم ثاني من الحب والعشق
حسيت ان الي اسويه حرام بعدت بسرعه منه وقمت : مازن حرام الي نسويه
وقف واخذني لحضنه : ومن قالك حرام
رجف قلبي : انت وش تقول انا بنت خالك
ما كملت كلامي رجع باسني بعدت عنه وهو يقربين لحضنه اكثر : لا تحرميني منك كفايه ثلاث سنين
غمضت عيوني : مازن ما يصير ما يصير
مازن : كيف ما يصير وانتي زوجتي
فتحت عيوني وبدهشه : زوجتك ..!!
ضمني : زوجتي وعشقي وجنوني ..
جلست اطالعه : كيف ..؟ ما .. لا تكذب علي
ابتسم لي وذبت عليه وعلى ابتسامته كل شي فيه يذوبني ويغرقني في عالم ثاني
مازن : يا مجنونه على بالك بروح واخليك تفلتين مني .. انتي زوجتي من زواج بندر
كلمتك ابوك .. ورضى لكن انتي تكملين دراستك وما يقول لك شي رضيت بهالشي .. وكل يوم راج
لجين لجل تطمني على روحي الي تاركها عندهم
مسحت دمعة لهفه وهيام : مجنون مجنون حرام عليك تعذبت تولعت ... فبعاااادك
مازن يطالع المكان : يلا يا روحي تعالي باخذك لمكان .. احلى من ذا
ابتسمت ورحت جبت نقابي .. وطرت على مكتبي جا دخل المكتب وتوجه له واخذ
صورته الي وصرتها له وهو بالخيل وطالعني بابتسامه وحمرت خدودي ونزلت راسي
جاني باس يدي : جاهزه
هزيت راسي له .. وطلعنا .. كنت ماسكه يده بقوه مابي افلت اخاف يضيع مني ولا اتحمل فراقه
والله ذقت الويل في بعده كافي عنا وشقا ..
نزلنا عند مكان كان كبير وباين من زحالايق ضخمه .. وقفت بذهول : وااااااو
مازن : وش رايك هذا مشروعنا
ضميته : روعه يا مازن
مازن مسكني من خصري وضمني له مشينا ودخلنا المكان كان روعه فوق ما تتصورون
طالع فيا وابتسم : تسبحي معي
حمرت خدودي : لاااااه
فصخ لي عباتي وانا اضحك وابعد : لاااا مازن بسك عاااااااد
مازن : عشان خاطري يا روحي
ضحكت وفصخت عباتي وانا مستحيه منه وفلت شعري الي وصل طوله اسفل ظهري بكثير
مازن : هوووووف واااااوووو
ابتسمت : ترا المه
ضحك وقرب مني اقتربت منه اكثر وكان وجهه قريب من وجهي : اعطيني هواك اتنفسه
غمضت عيوني وغرقت في حب .. انحرمت منه سنين ..

لـــــــــجــــــــــــين :
ماتتصورا قد ايش فرحونا مازن وبندري بزواجهم المستعجل بعد اسبوع
دخلت حنان والثلاث بنات معاها من بعد التوأم الي جابته .. خلاص ما تبغى تخلف غيرهم
شكلهم يموت ضحك .. مازن عنده وحده وسامي وحده ورؤى مجنونة عزيز
كنت جالسه عند اهلي وماسكه بطني هذا اول حمل ليا في الشهر السادس
احس ان فترة حملي الدلع زايد وما اتحمل كلمتين الا اموت بكى ..
وماجد الله يهديه مع هذا النادي ما ادري متى بيريحنا منه ..
جاني مازن يركض : لولو حياتي
طالعته : عيوني
مازن : تسلم لي عيونها اليوم مواعد بندري نروح نشتري فستان الفرح لكن دقوا علي عندي رحله مستعجله
حطيت يدي على قلبي : والله لا انت ولا صاحبك تعرفون تشتغلون غير تاركين حريمكم ورا ظهركم يتعذبون
ضحك مازن وقلارب باس راسي : والله ان نعشق حريمنا بس ظروف
نزلت بيت خالي .. ورحت غرفة بندري اشوفها فرحانه وتتجهز .. دخلت الغرفه : كيفك يا بطه
بندري : فرحاااااااااانه
لجين : دايما يارب ... حياتي .. ترا مازن مو جايك لا اليوم ولا بكرا والله اعلم متى يجي
شفتها وقفت متنحه فيا وارتجفت شفاتها : ليه
حطيت يدي على بطني احس الطفل يتحرك : اتصلوا عليه اليوم ضروري
ما القيها الا راحت فوق سريرها وحطت يدها على وجهها وميته بكى
انفجعت عليها وجلست جنبها : وش فيك بندري حبيبتي
بندري : ليه ليه .. هو وعدني بيظل معي ولا بيسافر ..
مسكت يدها : يلا عاد عن الدلع .. ترا مو رايح مكان بعيد .. الا يومين وبجي
بندري وهي تشهق : بعد لو يومين يا لجين اخاف عليه خلاص والله خلاص تعبت ما ابيه يبعد عني ثواني
ما خلصت كلمتها الا ومازن متكي على باب الغرفه ومعه باقة ورد : وانا اقدر اترك روحي
رفعت بندري عيونها تطالعه ورجعت حطت يدها وماتت بكى
ضحكت عليها والله انها مدلعه جا مازن وجلس على رجله عند رجولها : وش فيك حياتي
ليه هالدموع كلها
حط الباقه على جنب وسحب يدينها ومسح دموعها : بسك يا قلبي ما اقدر اروح واتركك هنا
بندري ودموعها مغرقه وجهها : احبك
مازن بجنان : وانا بصير خبل اذا دقيقه ما قضيتها في حضنك
رمت بندري نفسها لحضن مازن وضمته بأقوى ما عندها : لا تتركني لحالي مازن
يطالعني وهو مبتسم : ابد ما اقدر اعيش من غير روحك .. عمرك شفتي جسد بليا روح
شفتها زادت ضمته لها ما تبي تفقده خايفه انها تفقده
قمت وتركت العشاق لحالهم .. سبحان الله اشوف مازن بيطير من السعاده مع بندري ..
وما شفت هالسعاده مع مرام .. ومرام مبسوطه مع حمد وعيالها الله يبسط الجميع ..
جلست في الصاله واتصلت على ماجد رد علي : اهلين حياتي
ابتسمت بشوق : كيفك يا روحي ..؟
ماجد : بخير يا عمري انتي كيفك وكيف البيبي
مسكت بطني وابتسمت : مشتاقين ولهانين .. عاااااااااشقين
ضحك بحب : ااااه يا روحي ... ان شالله اسبوعين وانا عندك
دمعت عيني : والله يا ماجد محتاجه لك هذي اول حمله لي
ماجد : ما عليه يا عمري ان الله مع الصابرين
هزيت راسي : زين يا روحي اتركك الحين كلمني قبل لا تنام
ماجد : ان شالله حبي اموااااه ..
ابتسمت : امواااه .. في حفظ الرحمن
مسحت دموعي اووه هالحمل مأثر عليا بزياده قمت من مكاني بطلع بيتنا شفت عزيز وهيام
غرقانين وهيام تضحك : بس حياتي خلينا ندخل البيت
عزيز : ياروح حياتك .. شوفي ولدك مالت عليه
عدي : بابا شيلني
هيام : هههههههههههههه تعال حبيب ماما
عزيز يشيل عدي : وخري مناك تعالي ويسحبها لحضنه ويبوسها
هيام : بسك عاااد
ابتسمت بحب لهم ورجعت دخلت بيت خالي وشفت بندري ومازن طالعين
مازن : ها ماجد جاي متى ان شالله
حسيت اني بصيح وانا اشوف الحب جواليهم وانا محرومه وبصوت مخنوق : اسبوعين ان شالله
رحت بسرعه المطبخ ومسحت دموعي ورجعت امسحها لأنها بتزداد
شوي احسه بيد لافه علي : الا دموعك غاليه علي
لفيت وشفت ماجد ما قدرت امنع دموعي وضميته: احبك احبك احبك
ماجد : ههههههه كنت ابي وحده جاتني مليون وحده
.................................................. ................
خــــــــــلــــــــــود :
قبل لا يسافر بندر بشهر حملت منه برنا .. وكبرت رنا وصار عمرها سنتين ونص وهو ما شافها الا بالصور
خرجت رنا مع صهيب ولد مرام يلعبون في الحوش
طلعت اشوفها : رنا تعالي هنا ماما
شفت حبيبي ماسكها ونازل لحدها من شافني وقف وابتسم لي
وقفت وانا اجمع ما بين اوراق حبي وشوفته قدامي رحت ركضت له وعانقته وانا حاضنته دورني
وهو مبتسم وقفت واطالع عيونه حط راسه على راسي : اشتقت لك خلودي
همست له بحب : يا روح الخلود انت احبك با بندر
ضميته بقوه وانا اطفي شوق 3 سنين في بعاده ..
شلنا رنا ودخلنا عند اهلي ..
همس لي بندر : كيفها نجوى
نزلت راسي بحزن : توفت من سنه ..
بندر : الله يرحمها ويكتب لها الجنه
ابتسمت : اللهم امين .
.................................................. ........
طـــلال :
شايل الغلا وانادي على حنو : يلا يا روحي ترا امي بتطفر الحين
حنين يادوبك ماشيه :اااه شكلي بولد
ضحكت : يتهيأ لك يا عمري نسيتي وش سويتي بالغلا
حنين تضحك : طيب حبيبي يلا بنتأخر على ابوك
فعلا كلها ربع ساعه وانا داخل عند ابوي ومعاي الغلا وامي
ابوي : وش تسوين هنا يالكلبه
امي : لا حول ولا قوة الا بالله
قربت : ابوي استهدي بالله
ابوي بصرخه : انقلع يالعاصي .. يالغضيب
غمضت عيوني : يبه جبت لك تشوف حفيدتك
ابوي : كب انقلع .. كلبه مثلك
بست راسه : الله يسامحك
اخذت بنتي وامي وطلعت ... اهم شي سويت شي ريحني .. وريح ضميري
.................................................. .......
زواج البنــــــــــــــــدري ومـــــــــــــــــــــازن
سوا لها عالكوشه عرض كبير ...
فيها كلمات ...

كنت احسب اني عرفت الحب قبل اعرفـك
وعشقت قبل اعشقك واشتقت قبل التقيك
وكنت احسب اني لقيت احباب قبل اوصلك
واثري توهمت في غيرك وانا كنت ابيـك
تعال نعطش وتشربني وانا اشربـــــك
تعال قبل الوعد اجلس معي نحتريـــك
تعال شفني وانا استناك كم اشبهــــك
يطري علي الف راي و راي واحتار فيـك
اجي مكان الوعد والا اسبقه انطـــرك
والا آخذ الموعد اللي يحتريك واجيـــك
يا آخر الحب ذقت الحب في اولــــك
ويا اول الشوق اقصى الشوق ما ينتهيــك
علمتني كيف اعرفك لين صرت اجهلـك
ضيعتني في متاهاتك وكنت ارتجيـــــك
حبيب الاحلام يابعدك ويامقربــــك
حرام يكفي تبعثرني وانا احتويــــــك
ان شفتك بحلم صدقته وانا اتوهــمك
وان شفتك بعلم كذبته الين انتشيـــــك
اخاف اغمض عيوني وان رمشت افقـدك
واخاف افتح وتصبح حلم ولا التقيــــك


ابتسمت البندري يوم قريت ابيات الشعر ..
جلست تنتظره على احر من الجمر .. دخل عليها على اغنية ..


خلي عينك تناظر .. باس راسها ..
وبدوا يمشون للكوشه ... والكل يسمي عليهم ..
كانت في عين تناظرهم ... والدمع فيها ... عيون مرام ..
قامت وهي تهمس : لكم اجمل الامنيات ..
<< عقباااالكم يا بنات .. برجال يسعدوكم يارب


النهايه .. تمت ..





/


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 14-11-2015, 12:33 PM
stary stary غير متصل
©؛°¨غرامي فعال ¨°؛©
 
الافتراضي رد: رواية أخاف أغمض وان رمشت أفقدك وأخاف أفتح وتصبح حلم ولا ألقيك / كاملة


وفقتي في الطرح

الرد باقتباس
إضافة رد

رواية أخاف أغمض وان رمشت أفقدك وأخاف أفتح وتصبح حلم ولا ألقيك / كاملة

الوسوم
ألقيك , أخاف , أغمض , لفتى , أفقدك , رمشت , رواية , وأخاف , وتصبح
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6851 17-06-2020 11:50 PM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 1999 06-02-2012 04:14 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 02:51 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1