غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 01-03-2009, 07:09 PM
صورة ورود بالمحبه لاتذبل الرمزية
ورود بالمحبه لاتذبل ورود بالمحبه لاتذبل غير متصل
©؛°¨غرامي مشارك¨°؛©
 
الافتراضي رواية الفراق ألم لا يمحوه الزمن /كامله


]


بسم الله الرحمن الرحيم

السلام عليكم ورحمة الله وبركاته

اليوم راح اضيف لكم روايتي

روايــــــــــة

الفراق .. المـ لايمحوهـ الزمن

جمعت فيها بين الواقع والخيال

طبعا انا اسمح بنشر الروايهـ مع ذكر مصدرها

ولا احلل لمن ينسب روايتي لنفسهـ لأني بصراحهـ تعبت عليها

ببتدي انزل الروايه على شكل حلقات

اذا عجبتكم وشفت ردودكم اكيد اني بكملها

واتمنى يكون الاغلب يحب قرائة الرواايات

تحياتي للجميع : ورود

`•.¸
`•.¸ )
¸.•´
( `•.¸
`•.¸ )
¸.• )´
(.•´
×´¨) (¨`×
¸.•´¸.•´¨) (¨`•.¸`•.¸
(¸.•´ ورود بالمحبه لاتذبل``•.¸)
(¨`•.¸`•.¸ ¸.•´¸.•´¨)

[/QUOTE]

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 01-03-2009, 07:16 PM
صورة ورود بالمحبه لاتذبل الرمزية
ورود بالمحبه لاتذبل ورود بالمحبه لاتذبل غير متصل
©؛°¨غرامي مشارك¨°؛©
 
••.`1•.•• (الحلقهــ الاولــى) ••.`•.••




بسم الله الرحمن الرحيم

روايــــــــة

الفراق .. ألمـ لايمحوهـ الزمن

للكاتبهـ : ورود

••.`1•.•• (الحلقهــ الاولــى) ••.`•.••

في غرفة ضلمــاء لاتضيئ فيها سوى شمعهـ صغيرهـ
وعلا ذالكـ المكتب الصغير جلست نورهـ لتكتب كل مابداخلها من حزناً والم في ذالكـ الدفتر الذي يحوي كل مابها ....
مسكت قلمها وبدأت الافكار تنساب من قلمها الى دفترها
وكتبت بعد تفكيـــــــراً ودموع ..

احاول اخفي جرحي لاكنه يبين
يوضح كـــل مأمسح عرق الجبين
كل الهموم مــهـــما زادت تـهين
لاكـــن كـــل دمـعـه بوقتها تحين

بداخلي صـــــــــرخه لاكنها تلين
لان الـــــزمــــن مـــعــــايــــه يعين
كــــــل شــــي مـــهــمـا غلاا ثمين
حـــتـــى كـــرامــة الصغير الجنين

ماتــنـهان لانه في بطن امه دفين
كــــلـــنـــا نـــقــــدر نسعد الحزين
لان بـــــــداخلنا شي اسمه حنين
وبقلبنا شــــــــــــــــــي اسمه رنين

لانهاب بأمكانا نساعد كل سجين
ونمســـــح دمعة كــــــــــــل انين
الـــــــــدنيا قــصـــيره وشي مهين
لاكن التسامح والحب حبله متين

ماينقطع الا اذا صـــار وقته يحين
وانا احاول اخفي جرحي ولاكنه يبين
ويوضح كل مأمسح عرق الجبين


بعد تفكيرها الذي طال لمدة دقائق قطع حبل افكارها ســالمـ بصراخهـ وعنفهـ
سالمـ اللي سرقها من على باب مسجد وهي صغيرهـ بريئهـ وماتعرف شي للحياهـ
سالمـ اللي ماعطاها عشان تذوق طعم الحياهـ وحرمها من كل شي حلو في الدنيا
سالمـ اللي حرمها ان تعيش طفولتها مثل باقي الاطفال وخلاها تكبر مليون سنه في سنه
سالمـ وسمر اللي نقدر نقول عنهمـ بشر لاكنهمـ بالاساس مو بشر
سالمـ وسمر زوجتهـ اللي تساعدهـ على كبيرهـ وصغيرهـ وتشجعهـ على الشر


سالم بصراخ : نووووووووورهـ ... نوووروووو
نوره تنزل بسرعه من غرفتها وهي خايفه : نعم يبه نعم
سالم وفي عيونه شرار وحقد : انتي صمخه ماتسمعيني اناديكـ
نوره : سمعتكـ يبه وكاني نزلت لكـ بسرعه ماتأخرت
نوره بخووف ورجفهـ : (آمر )
سالم : انتي لين متى بتركين زوجتي لحالها لين متى
بتتركين حركاتكـ السخيفه
نوره بأستغراب ذهلها : ليه انا وش سويت
سالم وهو معصب وشاد شعر نوره : مسكينه انتي بريئه ماتسوين شي
نوره : طيب قول انا وش سويت
سالم : ليه داخله على زوجتي غرفتها ومتهجمه عليها ولكـ عين قويه تضربيها بعد
نوره : يبه والله ماسويت لها شي والله
سالم بصراخ : لاااا اجل منو ؟؟
وبعدين الف مره قايل لكـ كلمة يبه لاتقولينها لي انا ماتشرف اصير ابوكـ
نوره : ودموعهااااا ماليه خدها والله مو انا
سالم بعصبيه يشد شعر نوره : انا شايفكـ بعيوني طالعه من غرفتها
نوره بخوف: ايه رحت غرفتها تبي مني اعطيها الصندوق الي سويته لها وعطيتها اياه والله اني ماسويت لها شي
سالم وهو يصراخ : بس انا لما دخلت بعدكـ شفتها تصيح وتقوول انكـ هنتيها وضربتيها بعد
نوره : يبه تكفي اتركـ شعري والله اني ماسويت لها احلف لكـ بربي
سالم ويزيد الشد : يعني زوجتي كذابه ها ؟
نوره : آآآآآآهـ يبه والله اني ماسويت لها شي ليه مو مصدقني
سالم وصراخه يزيد : ان شاء الله تبيني اصدقكـ انتي واكذب زوجتي
انتي ماتدرين انكـ هنا بالبيت بس شغالهـ ماتردين علي وماترفين راسكـ بوجهي
والله .. وبكسر الهاء .. ان عديتها ياويلكـ او ان سويتي لزوجتي شي تعرفين وش راح اسوي لكـ فاهمه ولا لاا
سالم رمى نوره بالارض وحبسها بغرفتها نوره بدت تصيح وكالعاده تضرب الباب تترجى بأبوها يفتح لها الباب وهو مايسمع لها شي
تعودت بعد ماتتعب من الضرب بالباب وماتلقى اي اجابه تفتح دفتر اشعارها وتكتب كل شي يجول بخاطرها الين ماتتعب بكى وتنام
ليلى بنته ضلت تطالع من بعيد وقلبها انكسر وتحطم على اللي سواها ابوها في نوره
دموعها ماقدرت تمتلكها وبدت عيونها تدمع على حال نوره
ودها تعترف وتقول انا كنت جنب امي ونوره ماسوت لها شي
بس تخاف من امها وابوها وتخاف من قساوة قلبهم
وتعرف انهم ماراح يرحمونها لو تكلمت بكلمهـ ...

~¤¦¦§¦¦¤~ في بيت بو فيصـــل~¤¦¦§¦¦¤~

بوفيصل: يالله يأم فيصل بسرعه جهزي الغدا تأخرنا نبي نروح البحر
ام فيصل: كل شي جاهز بس انتظر ربع ساعه بس بروح اتصل على ولدي فيصل يروح معانا هو زوجته وعياله اذا يبون
بو فيصل: يالله اتصلي بروح اتأكد من السياره ..
ام فيصل تتصل على ولدها فيصل
ام فيصل : هلا بولدي فيصل شخباركـ ؟؟
فيصل : هلا والله يمه انا الحمد الله بخير وانتي وش اخباركـ وش اخبار الواالد؟؟
ام فيصل : الحمد الله يوليدي احنا بخير مانسأل الا عنكـ
فيصل : تسأل عنكـ العافيه يالغاليهـ
ام فيصل : الله يعافيكـ طمني على لولوه والعيال وش اخبارهمـ
فيصل : والله يمه تمام مشتاقين لكـ حيل
ام فيصل : تشتاق لهم العافيه سلم عليهم
فيصل : يبلغ السلام ياقلبي
ام فيصل : الله يسلمكـ
فيصل انا وابوكـ وخواتكـ بنروح البحر عاد قلنا ياليت تروح معنا انت والعيال تغيرون جو
فيصل : والله
ام فيصل : ايه والله
فيصل : والله يمه ماعتقد انا اقدر اروح مشغول بالشركه
والعيال برد عليهم الجو ومادارس عندهم
ام فيصل : احنا مارح نتأخر يعني يمكن بوكرا بنرجع
فيصل : هههه لايايمه روحو انتو وستانسو واخذو راحتكم ورجعو ايام شبابكمـ
ام فيصل : ههههه يوهـ يافيصل اصلن احنا تونا شباب
فيصل : ايه الا توكم بزران هههههه
وسكرو الخط .. بعد سوالف وضحكـ

طبعا فيصل متزوج وعنده عيال وعايش في نعمه وخير وزوجته اسمها لولوه
فيصل يشتغل في الشركه اللي تركه ورث لهم جدهم .
وعنده مسؤليات كبيره وكثيره لان ابوه بوفيصل خلاص كبر وتقاعد وشال المسؤليه ولده فيصل ومعاه طبعا اخوان بو فيصل ...
لولوه انسانه طيبه وحبوبه وتحب الخير لكل الناس وفيصل بعد طيب حبوب مثل زوجته ربوه امه وابوه على الخير والحب لكل الناس عنده ولد وبنت (ريما وحمد) صغار واعمارهم متقاربه ريما في الصف الثالث الابتدائي وحمد في الصف الاول الابتدائي

~¤¦¦§¦¦¤~ في بيت بو فيصـــل~¤¦¦§¦¦¤~

يالله يام فيصل قولي للعيال بيروحون معنا ولا لا
ام فيصل : والله مادري عنهم هم قالو بيروحون خلني اروح اشوف اذا اجهزو ولا لا
بو فيصل : وفيصل بيروح ولا لا
ام فيصل : لا فيصل ماراح يروح
بو فيصل : طيب يالله روحي تأكدي من العيال عشان نمشي مانتأخر اكثر
ام فيصل : ان شاء الله اخلص اللي بيدي واروحبعدها اصعدت ام فيصل لعيالها وراحت لغرفة فايزه بنتها الكبيره
ام فيصل : ها يبنتي وش فيكـ مالبستي وماجهزتي
فايزه : لا يالغلا ماقدر اروح صديقتي اتصلت علي وقالت
ان بوكرا الدكتور قايل عندنا اختبار يعني ماقدر اروح يايمه صعبه اروح وماذكر للاختبار
ام فيصل : لا يبنيتي بعد معذروه اذا عندكـ اختبار اهم شي دراستكـ
فايزه : روحي يايمه وستانسي وديري بالكـ على نفسكـ
ام فيصل : ان شاء الله والله يوفقكـ يارب
مادري اختكـ فضه بتروح ولا لا؟
فايزه: ههههههه لا يمه ماعتقد حتى هي عندها اختبار مثلي خخخ اخذو فهيد النزغه
ام فيصل : خلني اروح اشوفه

طبعا فايزهـ تدرس بالجامعه تحب الشعر وتحب كتابتهـ
اما اختها فايزه فضه فتحب الرسمـ وكتابة الخواطر والذكريات

وراحت ام فيصل لغرفة فهد ولدها
وفتحت الباب
اوووه هالولد للحين نايم
ام فيصل : فهد .. فهد .. فهد ..
فهد : ..............
ام فيصل : يوليدي فهد قوم بسكـ نوم
فهد : ............

راحت ام فيصل وفتحت النافذه وطفت الدفاااايه ..
ام فيصل : يالله يافهد قوم تغدا
فهد : يمه شفيكـ ليه هالازعاج يعني الواحد مايعرف ينام دقيقه
ام فيصل : وين دقيقه يوليدي من متى وانت نايم
فهد : زين زين يمه خلاص شوي وقوووم بس طفي هالانوار اللي عمت عيوني
ام فيصل : لا عشان يالله تصحصح وتقوم
فهد : يمه خليني انام امس مانمت الا متأخر
ام فيصل : لا لا يالله قوم ابوكـ تحت يبي يتغدا عشان بنروح بعدها للبحر
فهد : ياربي شيوديكم البحر في هالبرد من صجكم انتو
ام فيصل : ليه يعني حتى انت ماتبي تروح معنا
فهد : لا مجنون انا اروح بهالبرد
ام فيصل: لا مو برد الجو حلو بس لانكـ انت نايم فتحس بالبرد
فهد : يمكن
ام فيصل : يالله قوووم عشان ابوكـ يبي يتغدا
فهد : ان شاء الله يمه بقوم عشان ابوي اعرفه مايتغدا الا لين نصير كلنا حواليه
ام فيصل : ايه يالله دامكـ عارف هالشي يالله لاتتأخر علينا
فهد : ان شاء الله يأغلا ام بالدنيا
ام فيصل : اغلاا ام وتوكـ تزفني
فهد : افااااااااا انا ازفكـ انا ازف اللي يزفكـ
ام فيصل : هههههه ايه ايه جامل تعرف اشلون تجيب الكلمات الحلوه
فهد : ايه افا عليكـ على ابوي
ام فيصل : ايه يالله قرر روح ويانه تراالجو اليوم حلو ومو برد
فهد : لا يمه ماني رايح اصلن مشغووول روحي انتي وابوي وخواتي
ام فيصل : خواتكـ ماراح يرحون عندهم اختبارات
فهد : اصلن انا اليوم بروح الملعب عندنا مباره مع الشباب مهمه ولازم اصير موجود
ام فيصل : اوووه عاد انت يافهد من عرفتكـ وانت دايمـ عندي مباره ولا بروح الملعب
فهد : ههههههههه
ام فيصل : عدال يامهم
فهد : والله اني مهم مايحمى العب اللي فيني بدوني من بيسدد الاهداف
ام فيصل : ههههههههه ايه واضح
فهد : يمه كأنكـ بتغلطين
ام فيصل : هههه والله مابغلط شوف انت غرفتكـ بعدين احكم
فهد وهو يتلفت : وش فيها غرفتي وش زينها
ام فيصل : ماتم وسام وماتم كاس عالم الا وفــ غرفتكـ
ولا عاد الصور اللي تارسه جدران غرفتكـ
فهد : احم احم لاعب مشهور يمه
ام فيصل : ايه
فهد : بعدين الناس بتيجي تطق الباب عليكـ بتقول وينه فهد وينه
ام فيصل : ههههههههههه شدعوه
فهد : ايه يمه بصير مثل الاعبين المشهوين
ام فيصل : مشاء الله الله كريم الله يوفقكـ الله يحقق امالكـ
فهد : الله يسمع منكـ
ام فيصل : يالله قوم طولتها تراكـ
فهد : يالله بقوم
بس جد يمه خلاص اذا مابيروحو خواتي روحي انتي وابوي قضو شهر عسل ورجعو ايام زمان ايام شباب
ام فيصل : شفيكـ انت واخوكـ علينا نسخه من اخوكـ مالومكـ
فهد : ههههههههههههههه
ام فيصل : يالله انا بنزل وياويلكـ ان تأخرت
فهد : ان شاء الله يمه
ام فيصل : عفيه على اوليدي الشاطر
فهد : ايه بزر عندكـ
ام فيصل : هههه الله يخليكـ لي يارب

ونزلت ام فيصل عشان تجهز الغدا وتلهي بو فيصل على ماينزلون العيال
بعدها تجمعو على الغدا وتغدو وسألهم بو فيصل وقالو ماراح يرحون وكل واحد قال ضروفه واعتذر وسالفو وضحكو وفرفشو على طاولة الغدا وبعدها اجهزت ام فيصل وزوجها لروحة البحر طبعا بعد ماتأكدو من السياره واجهزتها وسلمو على العيال ووصوهم على المذاكره وعلى البيت وعلى انفسهم وراحو ........
واركبو السياره وماخلو السايق يوصلهم لانهم راح يطولون في البحر واكيد العيال راح يحتاجون السايق...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 01-03-2009, 07:19 PM
صورة ورود بالمحبه لاتذبل الرمزية
ورود بالمحبه لاتذبل ورود بالمحبه لاتذبل غير متصل
©؛°¨غرامي مشارك¨°؛©
 
••.`1•.•• (تابع الحلقهــ الاولــى) ••.`•.••




~¤¦¦§¦¦¤~ في بيت بو محمد اخو بو فيصل~¤¦¦§¦¦¤~

ام محمد : مصطفى .. مصطفى .. مصطفى
رد علي تعـــــــــــال انا اكلمكـ
مصطفى بتأفف : نعم وش تبين
ام محمد : وين رايح ؟
مصطفى : اووف مالكـ دخل انا كيفي اروح مكان مابي انا مو بزر عندكـ وين رايح وين جاي
ام محمد : مصطفى انت اصغر اخوانكـ واكيد بخاف عليكـ وبسأل عنكـ
مصطفى معصب : اوووف مره ثانيه لاتسأليني ترا انا اكره شي عندي هالسؤال
ام محمد : تعال مصطفى ع الاقل قول لي وين رايح
مصطفى : يوه ماني قايل كيفي ماتفهمون انتووو
ام محمد : طيب ليه معصب علي كذا
مصطفى مارد عليها طالعها بنضرات قويه وتأفف ومشى
الا بنزلت اخوه اللي اكبر منه مهند مععصب يسال امه وينه مصطفوووه
ام محمد : ليه .. وش فيكـ معاه
مهند : يمه وينه ولدكـ
ام محمد : طلع وهو معصب وماقال لي وين رايح
مهند : هذا كله من دلالكـ ودلعكـ له انتي وابوي
ام محمد : ليه طيب وش فيكـ وش مسوي اخوكـ
مهند : دلعكم له راح يضيعه وماراح تشوفينه رجال حاله حال الرجال

ام محمد : يعني وش تبيني اسوي له امسكه غصب يعني يقعد بالبيت ومايطلع
مهند : لا يمه اجل خليه يهيت بالشوارع ومن مكان لين مكان ولا تلومينه اذا انحرف روحي شوفي رصيده كم ابوي بالشهر ينزل له على حسابه بدون شغل ولا مشغله هذا بدل لاتغصبونه على الدراسه ..
وهذا بدل ماتحرمونه من الفلوووس عشان يعرف يتأدب ويصير رجال
ويدوووور مصلحته بدل ماهو قاعد اربعه وعشرين ساعه ع الانترنت او في الشارع مع ربعه الشله اللي راح يضيعونه
ام محمد : انتو وش فيكمـ علي يعني الحين انا وابوكم غلط
مهند : انا ماقلت كذا انتي راجعي نفسكـ انتي وابوي وراح تعرفون
ام محمد : يعني انا ربيتكـ وربيت اخوانكـ واختكـ غلط
مهند : يمه انا ماقلت كذا محمد اخوي رجال ونعم الرجاجيل ومافيه منه بالدنيا
وانا والحمد الله عارف مصلحتي وربيتوني احسن تربيه
واختي مها والحمد الله جوهره من بد كل البنات وكل هذا سبب تربيتكـ لنا وتعبكـ علينا
بس انا اللي اقصده مصطفى هذا اللي انتو هملتوه انتي وابوي وماربيتوه مثل ماربيتوني انا واخواني
ام محمد : اهو اصغر واحد فيكم واحسه عنيد انا تعبت وياه ومو عارفه اشلون اتصرف معاه
اخوكـ مصطفى الحين بسن المراهقه محتاج صبر
مهند : ايه الله يعينكمـ يالله عن اذنكـ تراني واااااااااصل حدي على اصطيف
ام محمد : ليه وش فيه وش مسوي
مهند : اذا حابه تعرفين وش مسوي اسأليه
وطلع مهند من البيت معصب على اخوه وصعدت ام محمد لبنتها مها
ام محمد : مها يبنيتي وش فيهم اخوانكـ
مها : منو محمد ؟؟
ام محمد : لا موش محمد مهند ومصطفى
مها : والله مادري عنهم ماشفتهم ولا ادري عن احد انا عندي اختبار ولا لي خلق مشاكل بعد
ام محمد : مهند شكله شايف شي على مصطفى وماقال لي
مها : مصطفى اخوي اذا تبين الحقيقه كله غلط في غلط واتمنى ماتزعلين يمه
ام محمد : وانتي صادقه طيب يبنيتي انا اخليكـ ذاكري الله يوفقكـ يارب طبعا محمد ولد ام محمد يشتغل ويه فيصل ولد عمه بالشركه ودائما مشغول مع فيصل
ومها تدرس ويه فايزه بالجامعه ونفس القسم والتخصص
ومهند يدرس كليه اخر سنه
ومصطفى خلص دراسه ماكمل لاجامعه ولا كليه

~¤¦¦§¦¦¤~ في بيت عمر اخو بوفيصل وبو محمد~¤¦¦§¦¦¤~

عمر زوجته عليـــــــــــــــاء عندهم بنت وحدهـ
عمر : علياء .. علياء .. حبيبتي وينكـ ؟؟
علياء : عمر انا فوق
عمر يصعد لزوجته فوووق ويسلم عليها بعد ماجى من الشركه
علياء :بنتكـ عبير مدري وش فيها مو راضيه تسكت
عمر : يمكن مريضه
علياء : مادري والله من مساع وهي هذي حالتها مو راضيه تسكت احس اني زهقت
وهالشغالهـ الغبيهـ ساعه وهي ترتب البيت واليوم راح يجون لي اهلي
عمر : طيب والحل ..
علياء : مادري اخذها فكني منها وراي الف شغل وشغل خلني اروح اشوف هالغبيهـ هذي وينها
واخذ عمر بنته ويهدي فيها ويحاول يسكتها لين هدت ونامت
نزلت علياء للمطبخ بكل قسوهـ لشغالهـ
علياء وهي تصارخ : ساعهـ انتي على ماترتبي المطبخ
الشغاله : ماما انا في رتب بيت كلوو انا في يتعب ارتاح شوي
علياء : لا والله انتي ترتاحي وانا اتعب يعني تاركهـ بنتي عبير تصيح عندي ومافيه عندكـ احساس تقولي اروح اخذها
الشغاله : ماما انا شوي وخلص بيت كلووو وأخذ عبير وانومها
علياء : تو الناس اخذها ابوها الحين
انتي خلصي شغلكـ والبيت كلهـ وتعالي غرفتي ابيها تلمع ولا ابي فيها ولا غبره فاهمه ولا لا
الشغاله : زين ماما
علياء : واليوم راح يجون لي ضيوف ابي اكلات راقيه وترتيب راقي فاهمه
الشغاله : زين ماما

علياء معاملاتها لشغاله قاسيه بالمره وماتقدرها وماتحترمها وتعتبرها مثل الحيوانه بالبيت

~¤¦¦§¦¦¤~ في سيارة بو فيصـــل~¤¦¦§¦¦¤~

في سيارة بو فيصل
بو فيصل : ام فيصل شفيكـ ساكته
ام فيصل : لا مافيني شي
بو فيصل : شكلكـ مو فرحانه ومتضايقه ان حنا راح نطلع ونسنتانس ونغير جو
ام فيصل : لا بالعكس فرحانه ومستانسه بس مدري وش فيني احس شوي خايفه
بو فيصل : لا لاتخافين ولا تحاتين انتي توكلي على الله وان شاء الله مايصير الا كل خير
ام فيصل : ان شاء الله
بو فيصل : ان شاء الله
ام فيصل : احس الجو حلو اليوم
بو فيصل : ايه صاير معتدل مو برد ولا حر
ام فيصل : بس اكيد الجو في البحر بيصير احلى واحلى
بو فيصل : ايه اكيد ههههه
ام فيصل وهي تختار اسطوانه : هاذي شنو فيها
بو فيصل : اشوفها .... هذي فيها اغاني ناسخها من عند واحد
ام فيصل وطلعت غيرها : وهذي
بو فيصل : هذي موسيقى
ام فيصل : تمام بشغلها اوكيه
بو فيصل : اوكيكـ ياكيكـ شغليها

~¤¦¦§¦¦¤~ في بيت فيصـــل~¤¦¦§¦¦¤~

فيصل مع زوجته جالسين ع التلفزيون يتابعون فلم
فيصل : لولوه اجل وينهم حمد وريما
لولوه : بغرفهم يراجعون دروسهم
فيصل : تمام طيب وش رايكـ اتصل على خواتي واخوي واخليهم يجوون ويتعشون معنا اليوم لانهم بحالهم بالبيت امي وابوي راحو للبحر
لولوه : طيب فكره حلوه صار لي مده بعد ماشفتهم اتصل فيهم وانا بروح المطبخ اشوف اللي ناقصنا عشان تجيبه معاكـ واشوف وش راح نسوي عشا
فيصل : طيب من عيوني
لولوه : تسلم عيونكـ
قامت لولوه للمطبخ واتصل فيصل ع البيت وردت الشغاله
فيصل : الو السلام
الشغاله : وعليكم السلام
فيصل : مين موجود يمكـ ؟؟
الشغاله : فضه
فيصل : طيب عطيني اياها
ونادت الشغاله فضه وردت على اخوها فيصل
فضه : هلا والله وغلا
فيصل : هلا بيكـ
فضه : شخباركـ ؟؟
فيصل الحمد الله بخير وانتي وش اخباركـ ؟ وش اخبار البيت من دون امي وابوي
فضه : والله الحمد الله بخير بس البيت اوووف ملل وزهق واحسه خرااااب من دون امي وابوي
فيصل : ايه والله طيب خلصتي مذاكره
فضه : ايه انا خلصت بس بقى لي مراجعه الماده سهله وخفيفه
فيصل : وفايزه اجل وينها عنكـ
فضه : فايزه تذاكر في غرفتها
فيصل : الله يوفقها طيب وش رايكـ تجون تتعشون معنا الليله
فضه : والله انا موافقه مشتاقه للولوه وحمد وريما ودي اشوفهم بس مادري عن فايزه وفهيد
فيصل : لا ماعليكـ فهيد انا اسحبه وفايزه وماتوقع ترفض بس انتي اسأليها وانا بتصل على عمي بومحمد يجي هو وزوجته وعمي عمر وزوجته مشتاق حق بنته الصغيره الحلوه صار لي فتره ماشفتهم
فضه : دام كذا جمعه حلوه بتصير عندكم ماعتقد فايزه ترفض تموت ع الجمعات هههههه
فيصل : زين اجل تمام خلاص جهزو وتعالو
فضه : اوكيه ولا يهمكـ
فيصل : اجل يالله باي
فضه : بايات
فيصل : خلني اتصل بعد على عمي عمر
عمـر : هلا والله
فيصل : هلا عمي شونكـ
عمر : الحمد الله بخير وانت وش اخباركـ ؟؟
فيصل : الحمد الله بخير عمي اليوم بيجون خواتي يتعشون معنا وبيجي عمي بو محمد وعياله ونبيكـ تيجي انت وزوجتـكـ وبنتكـ الحلوه مشتاق لها موت
عمر : اوووه عندكم جمعه اليوم
فيصل : ايه والله وياليت تجي
عمر : ايه ان شاء الله اذا رضت زوجتي نجيكم ان شاء الله بنجيكم
فيصل بقلبه : كل شي بيد هالزوجه الحمد الله والشكر : ايه ان شاء الله ترضى حياكم الله بأي وقت
عمر : الله يحيكـ
فيصل : اجل يالله عمي اخليكـ بعد احين تشوفكـ زوجتكـ وتذبحنا ههههه
عمر : فيصل انا مارضى على زوجتي احترم نفسكـ
فيصل : يوه عمي انا اسف شفيكـ صدقت امزح معاكـ
عمر : ايه بعد افكر
فيصل : لالا تفكر ولا شي يالله باااي ويالله حاول انكـ تيجي
عمر : ان شاء الله
وسكر عمر الخط

علياء : من كنت تكلم ؟
عمر : هذا فيصل ولد اخوي
علياء : ذيلو عيال اخوكـ بوفيصل كريهييين حدهم مالي خلق حتى اسمع اسمائهم
عمر : ليه عاد هم وش مسوين لكـ
علياء : ماسووو لي شي بس انا مابلعهم اكرهم شنو غصب الحب
عمر : انزين خلاص بكيفكـ براحتكـ لاتحبينهم المهم انا بطلع اليله ..
علياء : وين على الله ؟.
عمر : بروح عندي شغل
علياء : وين عاد هالشغل
عمر : ها .... في اوراق مهمه بجيبها من عند واحد
علياء : منو هالواحد ؟؟
عمر : سعد واحد ماتعرفينه
علياء : زين روح ولاتتأخر لان بنتي عبورهـ زهقت نبي نطلعها نبي نمشيها
وابي اشتري لها العاب وملابس شتويه مثلكـ عارف الجو بارد حيل عليها
عمر : اووهـ بعد سوق دولاب عبير مليان ملابس والعاب وتونا شارين لها اول امس
علياء وقفت : شنو يعني تبيني احرم بنتي
عمر : لا مانبي نحرمها ولا شي
علياء : اليوم شفت ملابس حلوه على بنت جيرانا وغاليه وماركه
شنو يعني بنتهم احسن من بنتي
عمر : لا مو احسن افا عليكـ بوكرا من الصبح اوديكـ
علياء : لا اكذب علي انت بوكرا الصباح تكون بالشركهـ
عمر : طيب بس اجي من الشركهـ اوديكـ
بس الحين يالله عشان بروح مابي اتأخر
علياء : خلاص روح ولا تتأخر
عمر: ان شاء الله حبيبتي

وطبعا فيصل اتصل على عمه بومحمد و عمه عمر وكلهم وافقو ع الجمعه في بيت فيصل

~¤¦¦§¦¦¤~ في الشركهـ~¤¦¦§¦¦¤~

شركة (( msa ))
طبعا هذي الشركهـ شركة بو فيصل وبومحمد وعمر وعيالهم
بوفيصل تركـ الشغل كله لولده فيصل بومحمد اهو المدير ع الشركهـ وعمر يشتغل معاهم

باسم : تفضل هذي المعاملهـ توديها لمكتب محمد يوقعها
رامي : وين يصير مكتبه
باسم : هناكـ ع اليمين
رامي : اوكيه
الا بدخلة سليمان وزير الماليه لشركه
باسم : حياكـ تفضل
سليمان : تفضل هذا الملف خلصته من امس بس اليوم راجعته
باسم : خلاص يعني وزعتو الرواتب ع العمال كلهم
سليمان : ايه وكل شي موجود عندكـ بالتفصيل باهلملف لشهر هذا
والحين انتهى دوامي وبمشي
باسم : اوكيه خلاص الله وياكـ
وانا بعد بمشي كل العمال بعد نص ساعه بيمشون
سليمان : اوكيه يالله باي
باسم : باي

طبعا باسم اهو السكرتير للمدير

~¤¦¦§¦¦¤~ في البحـــــــــــــر~¤¦¦§¦¦¤~

بعد ماوصلو بالسلامه بو فيصل وزوجته واحجزو لهم شاليه قامو وتمشو ع شاطئ البحر
ام فيصل : بو فيصل تذكر يوم كنا شباب كنا نيجي هنا ونركب الطراد ..
بو فيصل : هههههههه ايه اذكر وكنتي حيل خوافه وتخافين تركبينه
ام فيصل : ههههههههههههه
بو فيصل : كانت ايام حلوه .. وكل ايامي معاكـ حلوهـ
ام فيصل وهي مستحيه : هههه مشكور يالغالي
بو فيصل : شرايكـ نستأجر لنا واحد ونركبه
ام فيصل : لا لا مابي اخاف
بو فيصل : لا لا تخافين يعني هالخواف للحين وماراح منكـ
يالله عاد وبلا دلع ةخلينا نستأجر اجل ليه احنا جاييين مو جاين عشان نستانس
ام فيصل : الا .... بس احس اني خايفه
بو فيصل : لا اذا استأجرته بتركبينه غصبن عليكـ
ام فيصل : اخ منكـ انت اذا قلت قلت وادري ماراح تخليني بحالي الا اذا قلت لكـ اوكيه
بو فيصل : ايه ماراح اخليكـ الا لما توافقين
ام فيصل : هههههههه طيب خلاص موافقه بعدها راحو وستأجرو لهم
ام فيصل : شرايكـ نغير راينا لان الحين صار ليل والوقت برد شوي وصار في هوا زياده
بو فيصل : لا لا مافيه بنركبه انا مشتهي اركبه .. وبعدين خلاص استأجرناه.. والجو حلو بالعكس وهادئ .. وبالخصوص انه رومانسي
ام فيصل : هههههههههههه لا والله
بو فيصل : ايه والله

وسلمت امرها لله وركبت مع زوجها ...

~¤¦¦§¦¦¤~ في بيت عمر~¤¦¦§¦¦¤~

وصلو الاهل لعلياء
علياء : حياكم تفضلو حياكم
وسلمت عليهم كلهم
علياء : اوووه بعد معاكم وضحى غريبه وش اللي نازل عليها هههههههه
وضحى : ههههههههه وش اخباركـ
علياء : بخير يالله ماتبيني
وضحى : والله مدارس ومشاغل ودنيا وعفسه
علياء : الله يعينكـ
منورين البيت وربي
الكل : منور بأهله مشكوره
ومع السوالف وهالذره
علياء تكلم وضحى : ها شخبار المدرسه معاكـ
وضحى : والله الحمد الله ماشي الحال
علياء : الحمد الله اي صف الحين وصلتي
وضحى : صف 2 ثانوي
علياء : مشاء الله كبرتي بسرعه
وضحى : خخخخخ ايه
علياء : اجل معاكـ فضه بنت اخو زوجي اهي بعد 2 ثانوي
وضحى : فضه فايز بنت اخو زوجكـ
علياء : ايه معاكـ تعرفيها ؟
وضحى : ايه معاي بنفس الصف
علياء : اوه والله تمام
وضحى : هههههههههه ايه
وغيرو الموضوع وبدو يسولفون بأشياء ثانيهـ

وبكذا انتهت الحلقهـ الاولى

واتمنى انها عجبتكمـ

ولتحميل الحلقه اضغط هنــــا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 01-03-2009, 07:44 PM
صورة يا عيونهم كافي عذاب الرمزية
يا عيونهم كافي عذاب يا عيونهم كافي عذاب غير متصل
©؛°¨غرامي فضي¨°؛©
 
الافتراضي رد: رواية الفراق .. ألمـ لايمحوهـ الزمن


واااااااااااااااو روووووعه بس كسرت خاطري نووره والله حراام

يشرفني اكون من اول القراء لروايتج

تقبلي مروري اذا في مجال

تحياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-03-2009, 12:00 AM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: رواية الفراق .. ألمـ لايمحوهـ الزمن


بداااية مووفقة

من بدايتها رووعة

بانتظار البارت القادم


تحياتى

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-03-2009, 12:10 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية الفراق .. ألم لا يمحوه الزمن


,’



بســـم الله
و عليكم الســلآم و رحمة الله و بركـــآته


يعطيك العـــآفية
موفقه إن شــآء الله




,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-03-2009, 08:59 AM
صورة ورود بالمحبه لاتذبل الرمزية
ورود بالمحبه لاتذبل ورود بالمحبه لاتذبل غير متصل
©؛°¨غرامي مشارك¨°؛©
 
الافتراضي رد: رواية الفراق .. ألم لا يمحوه الزمن


الف شكر لكم ع المرور

واليوم ان شاء الله انزل الحلقة الثانيه

ورود ..,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-03-2009, 09:03 AM
صورة ورود بالمحبه لاتذبل الرمزية
ورود بالمحبه لاتذبل ورود بالمحبه لاتذبل غير متصل
©؛°¨غرامي مشارك¨°؛©
 
••.`2•.•• (الحلقهـــ الثانيهـــ) ••.`0•.••






••.`2•.•• (الحلقهـــ الثانيهـــ) ••.`0•.••

بعد مـــاركبو الطراد

بو فيصل : الله الله ياحلو البحر
ام فيصل : ايه والله الا رهيب
بو فيصل : شوفي هناكـ من بعيد
ام فيصل : شنو ؟؟ ماشوف شي الدنيا ليل ومو شايفه شي
بو فيصل : ههههههههههه هناكـ من بعيد شي شكلها جزيرهـ او شي
ام فيصل : هههه ليكون نكتشف شي جديد ونصير جغرافين على غفله
بو فيصل : ههه شرايكـ نروح ونشوف
ام فيصل : ايه بس اذا رحنا راح نبعد عن الشاطئ
بو فيصل : ههه لا لااتخافين احنا مأمنين
ام فيصل : طيب اجل خلنا نروح انا خاطري بعد اشوف وش هناكـ

~¤¦¦§¦¦¤~ في بيت ســـــــــالمــ~¤¦¦§¦¦¤~

سمر : وينها هذي هاللي ماتنطرا
سالم : منو نوره
سمر : ايه اكو غيرها
سالم : حبستها في غرفتها عقاباً لها
سمر : وليه ياحضي حابسها قوم طلعها من غرفتها وخلها ترتب البيت كله من فوق لتحت
سالم : خذي هذا المفتاح وسوي اللي تبينه

وراحت سمر لغرفة نوره وفتحت لها الباب وشغلت الانوار شافتها نايمه بالارض راحت لها بكل قسوهـ

سمر : هي انتي
نوره بصوت نايم : نعم
سمر : قوووومي اصحي بسكـ نوم
نوره : ان شاء الله يمه
سمر : قومي المطبخ مليان اواني غسليهم كلهم بسرعه وبعد ماتخلصين كنسي البيت كله ورتبي الصاله وكنسي غرفتي ورتبيها
بعدها روحي غرفة بنتي ليلى ورتبيها وبهدوء لاني مابيكـ تزعجيها وهي نايمه جايه من السوق تعبانه
بعدها غسلي السطح والتهويه فاهمه ولا اعيد

نوره : ان شاء الله فاهمه
سمر : اكيد بتصيرين فاهمه لان هالكلام كل يوم اعيده لكـ ومو اول مره تسمعينه مني
نوره : ايه عارفه بدون ماتقولين
سمر : يالله قومي قدامي الحين
نوره : ان شاء الله
وقامت نوره مثل كل يوم ترتب وتغسل وتكنس بأهانهـ من سمر وسالمـ

~¤¦¦§¦¦¤~ في بيت فيصـــل~¤¦¦§¦¦¤~

يرن الجرس ويقوم فيصل وييفتح الباب
فيصل : منــــــــــــــو ؟؟
خواته: احنـــــــــا
فيصل فتح الباب : ياهلا والله بمن جا نور البيت
خواته : منور بوجودكـ خيوو
فيصل : الا وينه فهد ماجا معاكم قايله انا يجي
خواته : لا ماندري عنه احنا جينا مع السواق
فيصل : طيب يالله تفضلو الحين يجي
فضه : ماجو عيال عمي بو محمد ؟
فيصل : لا مابعد الحين هم على جيه
فايزه : الا وين لولوه ولعيال مشتاقه لهم موت
فيصل : لولوه في المطبخ والعيال فوق الحين بينزلون فرحو وايد يوم درو انكم بتيجون
فضه : يحليلهم والله
فايزه : مدري مها وش سوت بالمذاكره بوكرا الاختبار والله يستر
فضه : الله يوفقكم يارب

فجأه رن جوال فيصل ..
فيصل : الو هـــــــــــــلا محمد
محمد : هلا وغلاا
فيصل : وينكـ الحين
محمد : رايح للبيت توني طالع من الشركه
فيصل : اهاا الله يعطيكـ العافيه

فايزهـ وبدا قلبها يدق حيل لما سمعت اسم محمد
وراحت تتذكر ايامـ اوول كيف كانت عايشهـ معاهـ في البيت
وكيف كانت علاقتهم مع بعض قويهـ وكيف انهـ مايرضى عليها بأي شي
وبهالحضهـ تذكرت موقف مر عليها وهمـ صغار
تذكرت يوم كانو ساكنين بالبيت مع بعض
طلعت هي مع محمد برا البيت وتبي تلعب معاه راحت تركض للحديقه الضلمه
ونادها محمد بكل برائه وخوف عليها : فايزه فايزه تعالي لاتروحي بالحديقه الحين ليل يجيكـ وحش
فايزه تلفت له وهي تركض بأبتسااامه : لا لاا مافيه وحوش تعال الحقني وامسكني
ومحمد سلمـ امره لله وراح ركض معاهاااا وبدت فايزه تركض وتضحكـ بضحكات كلها براءه وطفوله
ومحمد يركض وراها وهم يضحكون بعدها مسكها وصار الدور لها اهي تلحق محمد الين تمسكه
وتعبت وتعب من الركض وماقدرت تمسكه لانه كان سريع واسرع منها
بعد ماتعبو اجلسو في الارجوحه وبدو يسالفون ويضحكون مع بعض

فيصل يتابع حديثه مع محمد بالجوال: وش سويت بالشركه كل شي تمام ؟
محمد : ايه الحمد الله كل شي تمام اليومـ جاتنا مناقصهـ حيل حلوهـ ومربحهـ
فيصل : والله تمام شركهـ دايمـ تتعامل معانا ولا جديدهـ
محمد : لا من عند رامي اذا تعرفهـ
فيصل : ايهـ عرفتهـ زين وشركتهمـ بعد حيل كبيرهـ ومربحهـ
محمد : ايه والله الحمد الله
المهمـ انا شوي ووصل عندكمـ ماتبيني اجيب لكـ شي من برا
فيصل : لا مشكوووور بس انت تعال
محمد : اوكيهـ انا بطريق
فيصل : اوكيه حياكـ
محمد : اوكيه باي
فيصل : باي

وسكر الخط وقال فيصل هذا محمد ولد عمي

فضه : ايه وش اخبارهـ
فيصل : الحمد الله
فضه : من زمان ماشفناهم اولاد عمي من يوم احنا صغار اذكر
فايزه وصحت من احلام اليقضه: ههههههه ايه والله
فيصل : خلاص بعد كبرتو وكبرو وكل واحد منهم انشغل بحياته
فضه : عاد كلش حتى لجى عمي بو محمد مايجون عياله الاولاد معاه
فايزه : ايه والله
فيصل : خلاص الحين بيجون وسلمو عليهم
فضه : ههههههههه حتى اشكالهم نسيتهم
فايزه : فيصل يقول لنا هذا محمد وهذا مصطفى وهذا مهند
فيصل : ههههههه ايه خلاص

الا بنزلة ريما وحمد من فوووق وطلعت لولوه من المطبخ وسلمو على خوات فيصل
وسولفوووو ودردشو وستانسو الا برنة الجررررس

وقام حمد وفتح الباب
الا بجيت بومحمد وعياله وبنته مها

فيصل بصوت واطي : تغطو تغطو
فضه وفايزه ولولوه : ان شاء الله
لولوه : قومو بنات خلونا نروح الصاله
فيصل : اول شي سلمو بعدين روحو
لولوه : اوكيه
فايزه واقفه وقلبها يدق حيل ومتلهفه لشوفة محمد ..

فيصل بصوت عالي: حياكم تفضلوووو

ودخلو وسلمو على فيصل
ومها سلمت ع البنات

محمد : شخباركـ فضه وش اخباركـ فايزهـ وش اخباركـ لولوهـ
الكل : الحمد الله بخير
محمد : اوووف من زمان ماشفناكم ولا سمعنا اخباركم
فضه : ايه من زود جياتكم لنا
فيصل : يابنات هذا اللي كلمكم محمد
فايزه وهي مبتسمه وقلبها يدق بقوه وتقول بقلبها ياربي شقد تغير وصار احلاا من يوم انه صغير
بومحمد : عمر ماراح يجي
فيصل : اتصلت فيه وراح يجي
الا برنة الجرس
فيصل : الطيب عند ذكرهـ
عمر : السلام عليكم
الكل : وعليكم السلام
والكل رحب وهلل في بعض
فايزه : عمي الا وين علياء
عمر بخجل وتوتر : ها هي تعبانه وماقدرت تيجي وراح يجون لها اهلها
فضه : طيب وش اخبار عبوووره الحلوه مشتاقين لها
عمر : ان شاء الله راح اجيبها لكم يوم
لولوه : يالله بنات تعالو نروح في الصاله
البنات : اوكيه
وراحو بعدها في الصاله

وفــ الصالهــ
البنات يسلفون مع بعضهم
والرجال والاولاد مع بعض

وفــ صالة البنـــــــاتـــ
فضه : مها وش مسويه مع الاختبارت
مها : والله بخير الحمد الله في اختبارات تمر صعبه وبعضها تمر سهله صح فايزهـ
فايزه : ايه والله
فضه : الله يوفقكم يارب
فايزه : عاد الله يعينا علا اختبار بوكرا
مها : الا وين الخاله ام فيصل ماشفتها
فضه : ههههههههههههههه فاتكـ
راحو البحر اليوم من الظهر
مها : ههههههه والله ...
عليهم بالعافيه بس ليه مارحتو معاهمـ
فايزه : واختبار بوكرا ؟
مها : ايه والله صادقه
فايزه : من الاختبارات مانعرف نروح ونجي ههههه
فضه : ايه والله
الا وين الحريم راحو
فايزه : يعني وين اكيد المطبخ
مها : ههههههه شكلهم بيجهزون العشا واو ريحته اطلعت مشاء الله الطباخين الماهرين اجتمعو يعني وش راح يصير
فضه : ايه والله راح يسون الهواااايل بالطبخ ههههههههه

وفـــ صالة الاولاد
فيصل : ها بو محمد وش مسوي مع الاسهم
بومحمد : والله ساعه ربح ساعه خساره مالهم امان
عمر : هههههههههههه ايه والله
واليوم راح تنزل مساهمه جديده راح اساهم فيها لانهم يقولون زينه
بومحمد: ايه انا مجهز روحي لها
فيصل : ايه عاد ان شاء الله مافيها خسارهـ
عمر : ان شاء الله

والاولاد على جنب يسولفون
فهد ومهند ومصطفى ومحمد
فهد : هههههههههههاي امس شفت وش صار بشارع
مهند : ههههههه ايه الهوشه وصلت حدها
مصطفى: ايه ادري صورتها انا
فهد : لاااا يالله اجل ورنا خلنا نشووووف
ههههههههههههههههههههههههههههاااي تكفى ارسلها لي
مهند يخز في اخوه مصطفى وهو ولا بمهتم
محمد : سرحان يطالع في البنات من بعيد وهم يسولفو
لان صالة البنات قريبه من الصاله اللي فيها الاولاد يعني مافيه جدار يفصل بينهم
يطالع في فايزه من بعيد وكأنه يتذكر كيف كانت وهي صغيره وكيف كان يشوفها اجمل طفله عندهم
ويقول في نفسه مشاء الله جمالها زااااااااد وصار غير عن اووول

بعدها تعشو الرجال لحالهم والبنات لحالهم وقضو ليله حلوه

~¤¦¦§¦¦¤~ في بيت عمــــــــر~¤¦¦§¦¦¤~

وهم مندمجين بالسوالف والضحكـ
وقفت علياء وهي متبسمه : عن اذنكم شوي واشرت على وضحى وقامت لها
وضحى بصوت واطي : هلا
دخلو للمطبخ
علياء : بقول لكـ شي وابيكـ تساعدني وانا اعرفكـ انكـ قدها واقدود
وضحى : شنو قولي من عيوني بساعدكـ
علياء : شفتي فضه
وضحى : ايه وش فيها بنت مؤدبه ومحترمه وممتازه ودايم هي الاوله تاخذ ع الصف
اتخسي هي واهلها مؤدبه ومحترمه مالت عليهم كلهم مدري من وين
ذيلو بذمتكـ ناس تعرف الادب والاخلاق مايعرفوها ولا يدلو طريقها وين
وضحى مستغربه : ليه عاد ؟
علياء : انتي ماتدري عن شي انا اعرفهم خبز ايدي اهم بذات هي واختها فايزه
ولا عاد امهم وابوهم وييييييييييييع كريهين
وضحى : ليه وش مسوين فيكـ ؟
علياء : الا قولي وش ماسووه فيني ..
وضحى : معقوله
علياء وبدت تتمسكن لين ماتتمكن قالت لوضحى كلام ماينقال عنهم
وقالت كلام كله كذب وتأليف من عندها
قالت عنهم انهم عذبوها ومرمروها وانهم يكرهونها وانهم وانهم
واهم بالعكس يحبونها ومايكرهونها وكافين خيرها وشرها عنها
وضحى : اوف اوف اوف كل ذا يطلع منهم حسبي الله ونعم الوكيل فيهم
علياء : ايه عاد انا اعرفكـ بنت عن سبعة رجاجيل
وضحى : ايه اعجبكـ خلي علي الموضوع وراح تشوفي وش راح اسوي فيها اهي واهلها
علياء : وش راح تسوين ؟
وضحى : لا لا لا خليها علي وانتي راح تشوفين ان مادمرت حياة وحده وحده منهم ماكون وضحى بنت ضاحي
علياء : اعتمد
وضحى :وانا اقولكـ اعتمدي واذا ماسويت فيهم اللي ماتتوقعينه ماكون انا وضحى بنت ضاحي
علياء : كفو ونعم وعشرة انعام فيكـ ياوضوووووووووحتي
يالله تعالي نطلع قبل لاحد يشكـ فينا
وضحى : اووووكيهـ

~¤¦¦§¦¦¤~ في بيت ســـــــــالمـ ~¤¦¦§¦¦¤~

نوره دخلت الصاله اللي كانت فيها سمر وبنتها ليلى وقالت والتعب واضح عليها
يمه انا خلصت تنضيف البيت
سمر بكل استهزاء : يعني وش اسوي لكـ ؟
نوره : ولا شي بس ممكن اروح اذاكر شوي عندي اختبار بوكرا
سمر : روحي مالت بس عدال يعني شدعوه بتنجحين
مشت نوره كلها يأس مع انها تمنت كلمة مشكوره اللي راح تكفيها وتنسيها تعبها اللي تعبته طول اليوم
ليلى : نوره نوره
نوره وقلبها لهفان : هلاا
ليلى بأبتسامه : الله يعطيكـ العافيهـ ماقصرتي
سمر وهي تخز في بنتها ليلى : هذي شغاله هنا بالبيت ليه تشكرينها غبيه انتي ماتفهمين
ليلى نزلت راسها وانقهرت من كلام امها وماردت عليها وبدت تلم كتبها من جنبها عشان بتصعد غرفتها
سمر : على وين
ليلى : يمه بروح انام
سمر : ايه على بالي بعد
ليلى : عن اذنكـ يمه
ليلى صعدت ع الدرج وسبقت نوره
نوره انكسر قلبها ضلت واقفه تطالع وعيونها شوي وتدمع
سمر : نوروووه تعالي ابيكـ
نوره : نعم
سمر : لا تسوين نفسكـ مسكينه قدام بنتي ليلى ترا قلبها رقيق وبسرعه يتأثر ويحن
وانا مابيها تتأثر عليكـ ولا تحن عليكـ ,,,, فاهمتني ؟
نوره وزاد اليأس فيها ونقهرت حيل من الكلام : ان شاء الله
صعدت لغرفتها وجلست على سريرها
مسكت القلم والورقه وبدت تكتب كل اللي يدور بداخلها
وكأنها تكلمـ وتشتكي لدمعتهــــــــــا

ياعيــــن ياللي دايم الدوم تبكين
ياقــــلب ياللي دايم الدوم حزين
هـــــذا دمــــع العين غالي وثمين
ســـهــــرانــهــ ودمــــع ع الخدين
مــــــن يـرضى بهذا وانتي تدرين
امـــــشــــي بــطريقي ويمكن اتيه
يــــــاعـــيـــن مـــالــومكـ لــو تهلين
اذا اعز الناس راحــــو ضــــايـعـين
عـــــــــاش مـــعـــاهــم ايام وسنين
مدري ان يجيهم احساس الحنين
مـــن قـــــلب دايم متعذب سجين
ومــــالـــومــكـــ يـــاعــيــن لو تهلين


بعدها اتركت قلمها ومسحت دموعها
وحاولت تنسى كل شي مضى وبدت تذاكرعشان الاختبار


`•.¸
`•.¸ )
¸.•´
( `•.¸
`•.¸ )
¸.• )´
(.•´
×´¨) (¨`×
¸.•´¸.•´¨) (¨`•.¸`•.¸
(¸.•´ ورود بالمحبه لاتذبل``•.¸)
(¨`•.¸`•.¸ ¸.•´¸.•´¨)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 02-03-2009, 09:15 AM
صورة ورود بالمحبه لاتذبل الرمزية
ورود بالمحبه لاتذبل ورود بالمحبه لاتذبل غير متصل
©؛°¨غرامي مشارك¨°؛©
 
••.`2•.•• (تابع الحلقهـــ الثانيهـــ) ••.`0•.••





~¤¦¦§¦¦¤~ في بيت فيصـــل~¤¦¦§¦¦¤~

بو محمد بصوت عالي : يالله يامها بنمشي الحين يالله قومي يابنتي
مها : ان شاء الله يبه
فضه : لا لاتمشوون تو الناس
فايزه : ايه والله تو الناس
فضه تصارخ على اختها : انتي سكتي انتي تشوفيها كل يوم انا ماشوفها الافي السنه حسنه
مها : ههههههههه لا لاتتهوشون ولا شي ان شاء الله الجيات اكثر
فضه : هههههه ان شاء الله
مها : ان شاء الله
ومشى بو محمد وعياله ومشى معاهم مهند ومصطفى وخلو خواتهم مع فيصل يوديهم السواق

وراحو البنات يم عمهم عمر واخوهم فيصل
وفتحت فايزه شيلتها ونسدل شعرها الناعم الطويل على كتفها
لان فايزه مشاء الله كانت تتميز بجمالها
ومع السوالف والضحكـ نسو روحهم
وقالت فضه يالله فايزه قومي خلينا نروح ورانا دوامات بوكرا
عشان بعد خلاص خيو وزوجته وعياله يرتاحون
فايزه : اوكيه يالله مع اني ماشبعت منهم
فيصل : بدري خلكم عندنا الليله مدام ان ابوي وامي مو بالبيت
فايزه : لا اخوي كتبنا واغراضنا هناكـ وامي وابوي بوكرا ولاا اللي بعدها جاين
فيصل : اهاااا يالله براحتكمـ

~¤¦¦§¦¦¤~ في سيارة محمد~¤¦¦§¦¦¤~

دور جواله ومالقه
محمد : ياربي وين هالجوال صار لي ساعه وانا ادووره
اكيد اني نسيته في بيت فيصل خلني ارجع واتأكد
ورجع لبيت فيصل

~¤¦¦§¦¦¤~ في بيت فيصـــل~¤¦¦§¦¦¤~

فايزه : يالله اخوي انعم الله عليكم الحين انا استأذن
فيصل : اوكيه الله وياكم حياكم الله
فضه : اصبري لي شوي مدري وين شنطتي بروح الصاله اجيبها
فايزه : اجل انا اطلع بره انتضركـ بالسياره
فضه : لا لا انتضريني بره بالحديقه بس لاتركبي السياره
فايزه : اوكيه يالله لاتتأخرين

وطلعت فايزه لبره البيت تنتضر اختها بالحديقه وفتحت جوالها وانشغلت فيه
الا بدخلة محمد ولد عمها في وجهها وصار قدامها بس بعيد شوي عنها
فايزه شهقت بقوه وخافت ورجعت بسرعه لورا خطوه وماعرفت وش تسوي
محمد توتر ونزل راسه طبعا بعد ماشافها
هي بسرعه وبدون ماتحس غطت وجهها
محمد بكل خجل ومنزل راسه : انا اسف
فايزه بصوت كله خوف : لا عادي انا اللي اسفه
محمد : انا نسيت جوالي في بيت فيصل ورجعت عشان اخذه
فايزه : ايه تفضل ادخل اخذه
محمد ويبي يطول السوالف معاها مع انه خجلان : هم مانامو << شدعوه توكـ قايم من عندهم مداهم نامو
فايزه : لا مانامو تفضل لهم
محمد يبي يسولف بس مو عارف كيف : عمي عمر مشى ولا لا
فايزه وزي اللي تبي تمشي لانها انحرجت منه : لا عمي عمر مشى وعلى طول قبل مايتكلم قالت عن اذنكـ انا بروح
محمد منحرج اكثر : اسف اذا اخذت من وقتكـ
فايزه : لا عادي حصل خير وتوها بتمشي محمد ناداها
محمد : فايزهـ
فايزه وقلبها دق وخافت وتوترت واستحت لانها اخر مره سمعت اسمها على لسان محمد قبل 9 سنين
فايزه نزلت راسها :
نعم
محمد وقلبه يدق حيل وبصوت رومانسي وبصوت واطي : من بيوديكـ ؟
فايزه : السواق
محمد : اسف اذا طولتها معاكـ بس منو معاكـ بيروح ولا لحالكـ
فايزه : اختي فضه معاي يالله عن اذنكـ
ومشت وقلبها يرجف وهي تقول ياربي هاذي وش فيها للحين ماجات
وهذا هالمحمد وش فيه كأنه مايصدق على الله يلاقي احد عشان يسولف معاه صج ماينعطى وجه
وتلتفت وماتشوفه الا واقف ويطالع فيها وهو مبتسم
فايزه : يمه هذا شفيه ؟؟ الحمد الله والشكر حتى مادخل للحين وفضووووه للحين ماطلعت ياربي انا شسوي
ومحمد مازال واقف ويطالع فيها وهي تمشي والبسمه تارسه وجهه ويقول في نفسه
يمـــــــــــه عليها عيون تذبح
الا بطلعت فضه هي تقول لفيصل وعياله مع السلامه
ونتبهت لمحمد وتغطت ومرت عادي وهو بعدها دخل واخذ جواله
وقضو ليله حلوه مع بعض وسعيدهـ وخصوصا لانهم مايجتمون كثير

~¤¦¦§¦¦¤~ في بيت عمــــر~¤¦¦§¦¦¤~

علياء تكلم صديقتها..
علياء : ههههههههه ايه واكثر بعد
سلوى : ايه عاد انتي ديري بالكـ من هالناس
علياء : لا ولا اشيل همهم العب فيهم مايلعبون فيني ادوسهم مايدوسوني
سلوى : ايه والله ماينخاف عليكـ قويه مو انا بيت زوجي لاعبين فيني لعب ولاني قادره اسوي لهم شي
علياء : لااااا انا لو بس يكلموووني يشوفون نجوم اليل بالنهار
سلوى : هههههههههههههههههه
علياء : لا والجاي لهم اعظم وادهى
سلوى : ايوه انتي ياذيبه ولو بغيتي شي انا حاضره
علياء : ادري حبيبتي ماتقصري اقول يالغلاا عمر جى اكلمكـ بعدين
سلوى : اوكيه يالله باي
عمر : هلا حبيبتي
علياء : ماترد
عمر : وش فيكـ يالغاليه ؟؟
علياء : ...... ماترد وماتعطيه وجه
عمر : الحلوين شكلهم زعلانين
علياء : لاتكلمني
عمر : ليه عاد ؟؟ وانا اقدر ماكلم القمر لحظه ؟
علياء : ايه تقدر
عمر : لا ماقدر وربي ليه طيب وانا وش مسوي
علياء : شوف انت وش مسوي
عمر : شنو ذكريني محتاجه شي ناقصتكـ فلوس
علياء : لا انا مابي فلوس انت مو مقصر معاي
عمر : اجل وش فيكـ
علياء : وين اللي وصيتكـ عليه من امس وانا اقولكـ ولحين تطلع وتيجي وماجبته معاكـ
عمر : اوووووووووووهـ راح عن بالي قصدكـ الجوال
علياء : ايه شفت شلون انا رايحه عن بالكـ
عمر : لا يالغلاا بوكرا اروح اشتريه لكـ بس انشغلت بالشركه شوي وفبيت اخوي
علياء : طيب بنشوف
عمر : بتشوفين يالله قومي ننام
علياء : ان شاء الله

~¤¦¦§¦¦¤~ في بيت فيصـــل~¤¦¦§¦¦¤~

لولوه : يالله ريما يالله حمد خلاص اعتقد الحين جى وقت النوم صح
حمد : ايه يمه ابي انام
ريما : وانا بعد
فيصل : يالله اجل قومو نامو
لولوه : وانت ماراح تنام
فيصل : الا بنام بس لما اتصل على امي وابوي
لولوه : اوكيه اجل انا بروح انوم العيال واجيكـ
فيصل : اوكيه
ويرفع تليفونه ويتصل
الجوال : عفوا الرقم الذي طلبته غير موجود بالخدمة الان فضلا يرجى المحاوله مره اخرى
فيصل : آهـ عليكـ يايبه تبي تعيش يوم عسل
خليني اتصل بأمي يمكن هي ماتبي تعيشه
الجوال : عفوا الرقم الذي طلبته غير موجود بالخدمة الان فضلا يرجى المحاوله مره اخرى
فيصل : حتى امي مقفله جوالها صج يبون يعيشون يوم العسل
ابوي معروووفه دايم مسكر جواله بس امي ماتسكره
هههههههههه الله يهينيهم خلني اقوم انام
وقام فيصل ونام

~¤¦¦§¦¦¤~ في سيارة السواق~¤¦¦§¦¦¤~

فضه : شفيكـ سرحانه ليه ساكته
فايزه : ها مافيني شي مو سرحانه
فضه : شفت محمد راجع لبيت فيصل
فايزه : ايه شفته راجع ماخذ جواله
فضه وهي شاكه : ليه وش دراكـ ؟؟
فايزه بخجل : هو قال لي ..
فضه : متى قال لكـ
فايزه وتبي تسكر الموضوع : خلني اتصل على امي مشتاقه لها اسكتي خليني اكلم
فضه : خليني اكلمها معاكـ
الجوال : عفوا الرقم الذي طلبته غير موجود بالخدمة الان فضلا يرجى المحاوله مره اخرى
فايزه : جوال امي مسكر
فضه : يمكن الشحن مخلص ماعندها بطاريه
شوفي جربي اتصلي على ابوي
فايزه: اوكيه كاني اتصل
الجوال : عفوا الرقم الذي طلبته غير موجود بالخدمة الان فضلا يرجى المحاوله مره اخرى
بس حتى جوال ابوي مسكر معقوله حتى ابوي بطاريته فاضيه
فضه : يبون يعيشون يوم عسل
فايزه : الله يهينيهم ويسعدهم ويخليهم يارب
ووصلووو لبيت وكل وحده راحت لغرفتها ونامت

طبعا بو فيصل وام فيصل في وسط البحر ومافي ابراج عشان كذا يطلع عند عيالهمـ مقفل

فـــي البحـــــــــر

ام فيصل وابو فيصل في وسط الطراد

ام فيصل : بوفيصل وش هالجزيره اللي ماوصلنا لها للحين تأخر الوقت يالله بس خلنا نرجع احس اني نعست شوي
بو فيصل : لا الحين نوصل بعد ماقطعنا كل هالمشوار الطويل نرجع
ام فيصل : ههههههه طيب بس متى نوصل احس تأخرنا
بو فيصل : مادري والله بس اذا ودكـ تنامين ادخلي داخل ونامي
ام فيصل : لا يالغالي بنام وقت ماتنام انت
بو فيصل : مشكوره يأغلا ام فيصل بالدنيا
ام فيصل : ههههه استحي
بو فيصل : اموت انا ع اللي يستحون
ام فيصل : ههههههه لا والله
بوفيصل : والله حتى انا احس اني نعست
بس اذا وصلنا الجزيره ننام اليله هناكـ مره وحده اوكيه
ام فيصل : اوكيه

~¤¦¦§¦¦¤~ في بيت بو محمد~¤¦¦§¦¦¤~

بومحمد يتصل على اخوه بو فيصل وجواله مقفل
ام محمد : بو محمد وش فيكـ مانمت للحين يالله نام منو تكلم هالوقت
بو محمد : اتصل على اخوي بو فيصل بس جواله مقفل
ام محمد : يمكن جواله مافيه بطاريه او مافيه ابراج
بو محمد : يمكن

استرخى ع السرير وكله تعب من يوم متعب وقال لزوجته صحيني بوكرا الساعه 9 الصباح

ام محمد : لالاتروح بوكرا شكلكـ تعبان مو لازم تداوم
بو محمد : لا لازم اروح وراي اشغال كثيره
ام محمد : طيب براحتكـ بس الحين انت نام وارتاح لان شكلكـ تعبان حيل
بو محمد : ايه والله احس اني تعبان حيييل
ام محمد : اخذت علاجكـ اليوم ؟
بو محمد : لا ماخذته
ام محمد : عشان كذا انت تعبان انت لازم تاخذه بستمرار بروح اجيبه لكـ
بو محمد : ان شاء الله بس اليوم انشغلت ونسيت عن اخذه
ام محمد وبيدها علاج زوجها : يالله تفضل وبالعافيه يارب
واخذ علاجه وشرب الماي ورجع مره ثانيه ونام ع الفراش
ام محمد : ماتشوف شر يارب
بو محمد : الشر مايجيكـ
ام محمد : يالله يالغالي تصبح على خير
بو محمد : وانتي من اهله
ام محمد : انا بروح اتطمن على العيال واشوف اذا نامو ولا بعدهم تعرف بوكرا وراهم مدارس
بو محمد : اوكيه روحي
راحت ام محمد غرفة مها شافتها نايمه وغرقانه بالنوم وراحت غرفة الاولاد شافت مهند نايم ومصطفى بعد نايم

وراحت غرفة محمد شافته واقف على النافذه وسرحان ويطالع القمر
ام محمد : محمد ... محمد .. محمد ..
محمد بفزعه وروعه : نعم نعم يمه انتي من متى هني بسم الله
ام محمد : بسم الله عليكـ شفيكـ محمد دخلت وناديت عليكـ ومارديت
محمد : ها مانتبهت
ام محمد : االلي ماخذ عقلكـ يتهنى به
محمد : ها لا ماحد ماخذ عقلي ولا شي بس انا سرحت في الشغل ولعمل
ام محمد : اهااا طيب اجل خل الشغل والعمل ورا ضهركـ ونام بوكرا وراكـ جلسه من الصبح
محمد : ايه صح يمه يالله اجل انا بنام
ام محمد : يالله اجل تصبح على خير
محمد : وانتي من اهله يالغاليه
وطلعت الام والولد رجع وسرح مره ثانيه يفكر في فايزه وجمالها ويتذكر وشلون كانت علاقتهم مع بعض وهم صغار وشلون كانو يتهاوشون وشلون كانو يلعبون وشلون كانو يحبون بعض .. ويقول بخاطره فايزه للحين تذكر هالاشياء ولا نستها ونست ايام اول
وبعدها شال الافكار من باله وقام ونسدح ونام

~¤¦¦§¦¦¤~ في بيت بو فيصـــل~¤¦¦§¦¦¤~

وفــ الوقت نفسه كانت فايزه بغرفتها تذكر ايام الطفوله وشلون قضتها مع محمد وتذكر وشلون كانو متعلقين ببعض وهم صغار وتفكر بنضرات محمد لها في بيت اخوها وضلت تفسر لها الف تفسير وتفسير وبعدها شالت كل هالافكار من بالها ونامت

~¤¦¦§¦¦¤~ في بيت فيصـــل~¤¦¦§¦¦¤~

فيصل ولولوه مابعد ينامون
لولوه : فيصل حبيبي الجو بارد والهوا قوي حيل
فيصل : ايه والله
لولوه : كل شوي احسه ويزيد
فيصل : يمكن راح تجي عاصفه علا هالبرد والهوا
لولوه : حتى المطر قام ينزل وكل شوي يزيد
فيصل : سبحان الله الاجواء تتغير فجأه وبدون مانلاحظ
لولوه : ايه والله
فيصل : بس يبقى الشتاء افضل من الصيف
لولوه : ههه لا والله الشتا مو حلو كله امراض
فيصل : هههههههه وانا فيني مناعه ضد المرض
لولوه : لههههه لاتحسد نفسكـ

~¤¦¦§¦¦¤~ في البــــــــــحر~¤¦¦§¦¦¤~

ابو فيصل وام فيصل في الطراد والجو كل شوي ويسوء اكثر
وهم وسط البحر ومابعد يوصلون للمكان اللي شافوه من بعيد
يعني مو عارفين يرجعون ولا هم قادرين يوصلون
بوفيصل : المطر قام ينزل
ام فيصل : ايه خير من الله
بو فيصل : ايه بس احنا للحين ماوصلنا والجزيره مادري شنو اختفت ماشوف شي
ام فيصل قامت ووقفت يم زوجها : ايه والله اخاف ضعنا
بو فيصل بخوف : مادري الظاهر كذا
ام فيصل : بو فيصل انا حيل خايفه
بو فيصل يحاول ينسيها الخوف : لا لاتخافين ان شاء الله مايصير الا كل خير
ام فيصل : ان شاء الله بس الهوا والمطر كل شوي احسهم ويزيدون
بو فيصل : معليش حبيبتي انتي روحي ادخلي داخل عن المطر ولاتخافين
ام فيصل : لاا لاا ماراح اروح الا معاكـ
بو فيصل : طيب يالله تعالي خلينا ندخل

~¤¦¦§¦¦¤~ في بيت ســــالمـ~¤¦¦§¦¦¤~

صعدت سمر لغرفة نوره بوقت متأخر وهي تذاكر
نوره سكرت الكتاب ووقفت : هلا يمه امري
سمر : بالصاله هناكـ محل ماقمت مكسرات روحي كنسيها
نوره : ان شاء الله يمه
سمر : مالت عليكـ ياكره كلمة يمه على السانكـ سميني مدام سمر سميني استاذه سمر ويع مو يمه سمر لو انتي بنتي كان انتحرت بعدها اطلعت من غرفتها
نوه نزلت عيونها والدمعه سالت من عيونها
نوره بنت حساسه وتتأثر بسرعه خصوصا من هالكلمه
ويتقطع قلبها الم لما تسمع سمر تقول لها هالكلام
نوره ودها تكون عندها ام مثل باقي البنات
ودها تشوف ابوها الحقيقي لو مره بحياتها ودها تحس بحنان الام اللي عمرها ماحست به

بكذا انتهت الحلقهـ الثانيهـ واتمنى انها عجبتكمـ

ولتحميل الحلقه اضغط

هنـــا

`•.¸
`•.¸ )
¸.•´
( `•.¸
`•.¸ )
¸.• )´
(.•´
×´¨) (¨`×
¸.•´¸.•´¨) (¨`•.¸`•.¸
(¸.•´ ورود بالمحبه لاتذبل``•.¸)
(¨`•.¸`•.¸ ¸.•´¸.•´¨)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 02-03-2009, 09:21 PM
صورة يا عيونهم كافي عذاب الرمزية
يا عيونهم كافي عذاب يا عيونهم كافي عذاب غير متصل
©؛°¨غرامي فضي¨°؛©
 
الافتراضي رد: رواية الفراق .. ألم لا يمحوه الزمن


واووووووووووووووو روووعه
انه اتوقع ان نووره يربطها بين عائلة ابو فيصل شيييي

صح توقعي ؟؟؟

تقبلي مروري اذاف ي مجال

تحياتي

الرد باقتباس
إضافة رد

رواية الفراق ألم لا يمحوه الزمن /كامله

الوسوم
لايمحوه , الم , الزمن , الفراق , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-07-2011 03:02 PM
ابي فزعتكم رائد الغريب سجل الأعضاء - للتواصل بين الأعضاء 7 22-05-2011 09:38 PM
بتندمين يا بنت و السبب نظرتج هذي / بقلمي "..فوشيه.." أرشيف الروايات المغلقة - لعدم إكتمالها 3060 07-05-2011 08:36 PM

الساعة الآن +3: 02:54 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1