منتديات غرام منتديات إدارية - يُمنع طرح اقتراحات ارشيف غرام روايتي الأولى ذلتني غرورك سعوديه رومنسيه روعه
سموووره ©؛°¨غرامي مشارك¨°؛©

[CENTER][SIZE="5"][COLOR="Black"]
هااااااي كيفكم ؟
وأخيرا انزله هم وينزاح انشااالله بعدما أسمع ردودكم صح اول نزلتها بس قلت اعيدها عشان فيها أخطاء المهم
أول شي أبدأ بالشخصيات
عايلة أبومحمد
أبومحمد خالد عمره 49 سنه تاجركبير طول وقته بالشغل بعيد عن أهله نادرا يقعد معاهم طيب وقلبه كبير ومتفهم يحل المشاكل بهدوء وتفاهم ونادرا يبين مشاعره تجاه أولاده محد يفهمه غير زوجته وكل الناس تحبه وتحتررمه

أم محمد دلال عمرها 45 انسانه متواضعه وحلوه رغم كبر سنها وناجحه في كل مجالات حياتها في أسرتها وشغلها في المشغل الي بالدور الارضي من فيلتهم وتحب تكون صداقات يعني اجتماعيه ولها معارف كتيرره في السعودية أصلها سورريه << يعني أكيد قمر

الولد الكبير محمد متزوج وعمره 29 سنه اتزوج وحده حبها من أول ماشافها وهويدرس في فرنسا أصلها بحرينيه خلصوا دراستهم خطبها من أهلها وعاشوا بالسعودية في نفس حي بيت أهله هذا قراروا من زمان وطيب متواضع يحب زوجته وبزورته عنده بنتين وولد ضحى ووليد وسجى

زوجة محمد ساره حلوه وناعمه وخلووقه عمرها 22 سنه اتزوجت وهي صغيره من كتر حبها لمحمد محد كان راضي بس ساره عنيده مررره

مازن أصغر من محمد عمره 25 سنه لسه ماتزوج شايل فكرة الزواج أصلا من راسه مايحب البنات الدلوعات والملقوفات زيما يقوول بس اذا شاف بنت حلوه واللي في باله أكيد حيتزوجها بس يكابر قدام اهله مسوي فيها مؤدب هذا كلام مهند اخوه مسافر بريطانيا ومازن حلو مدوخ البنات بغمزاته الي على خده ولون شعره بني وعيونه ازرق فاتح وطويل شوي وجسمه نحيف شوي ويحب يجلس لوحده ماعنده صداقات كتيره

مشاعل عمرها 24 متزوجه صاحب مازن سلطان شافها يوم بالصدفه وهو عندهم بالبيت جاي يزور مازن وهو يغسل يده شافها انعجب فيها وخطبها عندها بنت وولد روان ورائد ودحين حامل تشبه امها

مهند عمره 24 توئم مشاعل نفس العيون والشعر يدرس ببريطانيا مع ولد خاله فارس صاحبه الروح بالروح عيونه ازرق على اسود وشعره بني غامق وحلو مدوخ نص بنات بريطانيا ومايحب الاجانب قصدي الي بره السعوديه

ماهر عمره 20 سنه مره متواضع ودمه خفيف ويحب الضحك والوناسه ويحب يزعج اخوانه ويكره منار عنده اسبابه الاخت ثقيلة دم و مايحب تصرفات مازن المفروض يكون قدوتهم على قولة ماهر مو يعلمهم على العزله وتقل الدم غير كدا بس يحب الرسم

مها عمرها 20 توئم ماهر هذي الرجه حق البيت ماتحب تسكت ولا دقيقه لازم تتكلم ماتقعد مع مازن على قولتها تقيل دم ولسانه في بطنه >> هههههه
شعرها بني لين كتفها قصته وكل اللي بالبيت ماكلموها أسبوع الاخت ماتحب تطول شعرها كيفها وعيونها عسليه زي ماهر يشبهون بعض بس تصرفاتهم غير وجسمها شوي نحيف وخصرها صغير وخشمها زي السيف هي وماهر >> جناان

ماجد مافي منه اتنين يموت في اخته ملاك لو عدى يوم من غير مايقعد معاها يحس بكتمه على قولته يقعد معاها ولو ساعه حتى لومافي سوالف يطلع أي سالفه ويقولها حتى لوبايخه كانه زوجته مو اخته وحلف محد يختار عروسته غيرها وطيب وحبوب ودمه خفيف عمره 19 سنه عيونه عسليه وشعره بني وجسمه رياضي يموت بصاحبه بسام هما مع بعض من الابتدائيه

ملاك عمرها 17 سنه اسم على مسمى مرره هاديه ورومنسيه وناعمه تنحب بسرعه وعيونها زي ابوها عسلي غامق عيونها عذاب لواحد شافها غصبا عنه يطالع فيها وشعرها اسود طويل تبى تقصه بس محد راضي وماتبى يكون مصيرها زي مها خاصة ابوها هي تحبه وماتقدر تزعله وماجد قال لوقصته يهاجر من السعودية كلها
وجسمها وسط لادبه ولانحيفه وتموت في بيان اخت بسام هما جيران من زمان مايفترقون عن بعض وعلاقتهم مع اهلها مرره قوويه وهي كانت صغير تموت في بسام بس هو ماكان يعبرها أوهي ماتعجبه هذا تفكيرها يمكن هو كمان يحبها لانه كانوا يلعب معاها كتير وهما صغار

مشاري هذا مراهق اكبر داشر في جدة دايما مع صاحبه بدر اخو بسام وبيان بعدين اتكلم عنهم ويشبه ملاك نفس رسمة عيونهاا بس هوقصير شوي ودمه خفيف عمره 15 سنه

منار عمرها 13 سنه هذي مسترجله شقاوويه وماتسكت عن حقها وأنانيه بس قلبها طيب و24 ساعه صوتها بالبيت ماتسكت ياتضارب يا تصرخ زي المجانين فيها انوثه بس ماتبي تبين هدا الشي أكيد عندها سبب يمكن وهي صغيره كانت تلعب مع الاولاد قصيره شوي وتخينه شوي المهم تشبه مشارري وشعرها طول الوقت منكش لونه بني ملابسها كلوو زي الاولاد ..

مدى هذي اخر العنقود عمرها 4 سنوات حلووه ودلووعه ولسانها طويل زي منار بس هاديه شوي دلووعة البيت

البارت الأول
صحيت على صوت المنبه الي ازعجها الصوت خربت عليها احلامها كان صوت اختها منار سجلته مها من دون ماتدري وهي تخاصمها ومها مطنشتها ومنار ماتحب البروود:مها ياحماره والله أوريكي يامعفنه مهوووي قامت ملاك وتلم شعرها كانت تفتحه لما تنام لفته بالشباصه بعدين قامت من سريرها تصحي الدجاجه الي جنبها مها ماصحيت من صوت المنبه نومها تقيل عالفاضي حطته وازعجت غيرها الله يعين زوجها ..
ملاك وهي تمسح على عينها : مها مهووي قوومي يلا الساعه 5 < كانها تكلم جدار مافي الا تصحيها بالمويه راحت وجابت مويه ورشته عليهااا
قامت مها وهي مفجوعه وشعرها منكش وعيونها زي الكشافات وفمها مفتوح شبريين > بعيرر مو بنت خخخ حلوه دي بعير
مها وهي تقوم : بسم اااااالله مااااات ولا راااااح >> الاخت تحلم
ملاك ضحكت غصبا عنها : ههههههه يا مجنونه من الي مات والي راح فارس احلامك؟
مها بعصبية : ياحماره خربتي علي حلمي
ملاك وهي طفشانه تذكرت شي : يلا قوومي تاخرنا مو تسوين زي امس وتاخرينا
مها اتذكرت أمس هزئهم ماهر وهي تقوم من السرير: يلا قمت

تجهزت ملاك وراحت تصحي منار بعد جهدا جهيد صحيت مساعدة من امها طبعا > محد يقدر على منار غيرهااااا
أمها قالت لها : صحي اخوانك انا اروح اشوف الشغاله عشان تحط الفطور
الله يعينها ملاك هذي اصعب مهمه تسويه في حياتها وقفت في نص الممر حق غرفة ماهر وماجد تفكر تدخل ولا ترسل مها تقول في نفسها بس ماهر عصبي اكيد حيجيب العيد خاصة مع مها خلاص ادخل احسن والي يصير يصير
اول شي دقت الباب بس شكلهم نايمين مايسمعوها فتحت الباب بشويش الغرفه كله ظلام والجو بااااارد شغلت اللمبه شافت اشكالهم يضحك ابتسمت وقفت عند سرير ماجد تعرفه مايعصب كتير ضربته على خفيف بيدها : ماجد ماجد قوم ماجد لا نتاخر زي امس
ماجد وهو يفتح عيونه بشويش اول ماشافها ابتسم وملاك ابتسمتله
ماجد وهو يمسح عينه : الساعه كم ؟
ملاك بضيق لاحظه ماجد : 6 يلا قووم لا تتاخر خليني اصحي هذا الله يعيني عليه
ماجد يبتسم وهو يطالع في ماهر الي شكله غرقاااان في النووم : انتي روحي أنا اصحيه بس بشرط( أشر على خد يعني تديه بوسه بعدين)
ابتسمت ملاك وباسته وراحت وهي منحرجه منه
عند الباب كانت تبى تخرج تذكرت شي كانت حتسأله وهي مستغربه : غريبه صحيت على طول مو من عادتك ؟
ماجد ابتسم ابتساامه عريضه :احد يصبح بوجه ملاك ومايقووم
ابتسمتله وراحت على بالها يجاملهااا
راحت تصحي الرسااام مازن الله يستر << رعب
فتحت الباب بشويش وشغلت اللمبه وهو تحرك راحت عند سريره : مازن مازن قوم الساعه 6
طالعها فتره وقال : مااروح انا تعبااااان
ملاك بخووف :سلامتك ايشفيك ؟
مازن بطفش : الله يخليكي تعبان قفلي اللمبه واطلعي
ملاك تقول في نفسها هذا جزاي خايفه عليك قالتها بكل قهر : طيب
راحت وقالت لامها
أم محمد : طييييب يامااااااااااااازن يصييير خيييير
مها وهي نازله من الدرج : ماما مشاري مايصحى
أم محمد : خلاص تعالي انتي افطري أنا اصحيه
طلعت ام محمد وتصحي مشاري بس قالها تعبان ومااروح تعرف انه كذاب بس ماتقدر تغصبه مرره تحبه > نعم التربيه
ماجد نازل من الدرج مبتسم: صباح القمرات يالله كيف القمر يطلع بالصباح ؟ >> يستهبل
البنات : بخيييييير اخوووووي العزييييييز < هذا طبعهم
راح وجلس جنب مها وقدامه ملاك كانت بس تشرب شاي وعيونها على الكوب الي تشرب منه طالعها مستغرب
ماجد وهو يطالع في ملاك : ياحلووه فين وصلتي ؟
ملاك مره مومعاهم ضربت منار برجلها > ولد مو بنت
ملاك وهي مفجوعه : منار عورتيني ايش تبي ؟>> على نياتها
ماجد بجديه : ملاك ايشفيكي اليوم ؟
ملاك بحزن : ولاشي مضايقه بس
ماجد صار جدي اكثر : سلامتك حبيبتي ليه مضايقه ؟
مها ومنار صرخوا مع بعض : وأناااااااااااااااااا >>>>> هباله
ماجد وهو ماسك اذنه مطنشهم: مضااايقه من اييش ؟ مييين زعلك مها ولا منار ؟
ملاك عيونها طلعت دحين يفهمها غلط : لا لا ولا وحده لا تشيل هم انا خايفه على بيان امس وعدتني تجي بيتنا بس ماجات
ماجد: الله هذاااااااا كله بس عشان بيان خوفتيني على بااالي شي كبيير امس كانوا بالبيت ماطلعوا اكيد ابوها ماخلاها او امها
ملاك : كانت تتصل عليا مو كذا
ماجد يبى يطمنها : خلاص لا تشيلي هم اليوم حتشوفيها بالمدرسه وتعرفي كل شي

بعدين كملوا فطروهم وراحو مدارسهم والي راحوا جامعاتهم طبعا مشاري طلع بعد ما كلهم طلعوا من البيت هو وبدر متفقين >> داشرين

عايلة ابو بندر
ابو بندر عبدالله رجال اعمال كبير وام بندر ليلى صاحبة أم محمد الروح بالروح تشتغل معاها بالمشغل
الولد الكبير بندر متزوج عند ولدين وثلاث بنات نوف وندى ونهى ونايف ونواف عايشين بالرياض متزوج بنت عمه لجين

بسمة عمرها 24 متزوجه عندها ولدين هاشم وهادي وزوجها راشد كويتي اتزوجوا عن حب عايشين في جدة

بسام عمره 19 سنه صاحب ماجد مررره حلو بمعنى الكلمه مرره جذاب عيونه خطيييره وشعره اسود طويل يحب الشعر الطويل وجسمه يجنن عنده غماااازتيين طيب وحنون وغاااامض ورومانسي كتيير

بيان قد ملاك تموت فيها بس ماتحب هدوئها وعدم ثقتها بنفسها ان شاالله يوم تعقققل حلوه مرره تجنن لونها برونزي تشبه بساااام كتيير بس هي جمالها انثوي وماعندها غمزاااات شعرها عسلي ولين كتفها

بدر عمره 15 سنه نفس حركات مشاري يقلدوا بعض لايقين لبعض مايشبه لاحد مرررره غبي ويموت بعصبية بيان <<<<

بنان عمرها 14غريبه محد يفهمها ويجي لها حالات تحب منار وحالات تكرها وشعرها قصير اسود ونحيفه شوي وطويله

في سيارة البنات مع السواق
مها وهي معصبه :منار ياحماره شيلي رجلك < قاعده زي العيال
منار ببرود : طيب يااختي الكبيره >>> تبى تقهرها هي ماتحب احد يقولها كبيره
مها لسه معصبه : عااااااد انت الي مرره صغيره بيييبي اسكتي احسن لك
ملاك مره مو معاهم في عالم تاني شايله هم بيان يا ترى اشفيها ؟
المهم كل وحده راحت مدرستها وملاك شافت بيان اول مادخلت المدرسة وحضنتها وتعاتبها > حركات بنااات
ملاك : يادبه ليه ماجيتي امس ولا دقيتي ؟
بيان وهي مضايقه : هذا بسام الحمار ماخلاني عشان اخذت MB4 حقه هذاك الي اول جبته على المدرسه تتذكريه وانخرب لما البنات اضاربووا عليه ؟
ملاك انقهرت : كل هذا عشان MB4 والله مايسوى انا اوريه هذا الحمار لما اجي بيتكم اليوم
بيان بشك : تيجين عشانه قصدي عشان تضربيه بس؟
ملاك بخوف :لا لا يا هبله عشانك مو تفهمي غلط
بيان بابتسامه : مو علييييا ها ملووك ولا نسيتي ؟
ملاك وكأنه انفتح عليها جروح قلبها دمعت عيونها : بيان يلا نمشي الفصل احسن
بيان ماناقشتها فهمت عليها راحت وراها

في جامعة مها
مها بطفش :يالله طفشت رهام خلينا نطلع
رهام صحبتها كانت منسجمه مع المحاضره : مالي دخل روحي لوحدك
مها خلاص ماتقدر اكثر من كدا استئذنت من الدكتوره وطلعت
قعدت بالكوفي شوب حقت الجامعه تقلب بالجوال طفشت حطته على الطاوله بعد 4 ثوواني دق جوالها كان رقم غريب بالاول قالت مااااارد بس بعدين قالت يمكن احد من اخوانها او أمها
مها بصوتها الناعم : آاالو
المتصل : آلووو
مها ماعرفته
المتصل :كيفك حبيبتي وحشتيني غريييبه مو من طببعك تسمعيين صووتي وتصرخي ليييه ساكته ؟
مها وهي مصدومه ماتعرف أحد بهذا الصوت
مها بخووف :لو سمحت اخوي انا مااعرفك مين معايا ؟
المتصل : حياتي معقوله نسيتيني بهسرعه انا حبيبك معقووله
مها خلاص عصبت رجعت مها الاولانيه :يا حمااااار اقولك مااعرفك تقولي حبيبتي ومدري ايش
المتصل : ههههههههههههههههههههههههههههههههههه < فاطس من الضحك مها كانها عرفته ايوه عرفته الا هو بعصبيه : مهند يااااااااااااااااازفت
مهند : هههههههههههههههه ياعمري بصوته ومدري ايش مااعرف ايش اقول ؟
مها : ههههههه زيما انت ماتغيرت نفس كلامك والله وحشتني مهند يالدب
مهند وهو مبتسم : وانتي كمان يامرجوجه كيفك و كيف ماما وبابا ومازن وماهر وماجد وملاك ومنار ومدى ؟
مها هنا ماتت من الضحك : ههههههههههههههههههههه الحمدالله كلهم طيبين يسالون عنك
مهند : كلمت أبوويا قبل شوي وأمي ماترد وماهر كلمته بس ماجد ومازن الشطار مقفلين جوالتهم
مها لسه تضحك بس يتكلم : هههههههههه اهااااااا المهم انت ايش اخبارك وكيف بريطانيا ؟
مهند : الحمدالله ماشي الحال وحشتني السعودية واهل السعودية ولا تزعلي
جاء فارس قعد جنب مهند سمع ولا تزعلي: مين هذي اللي ماتباها تزعل منك حبيبتك ؟
مها سمعت صوته تقول في نفسها يالله مرره مشتاقتلك
مهند وهو يضحك : هههههههههههههه لا ياالحبيب هذي ماي سستر مها
فارس عيونه طلعت يقول في نفسه يالله فينك عني من زمان مشتاقلك
مهند : خلاص مها اكلمكم بعدين يلا بااااااااي انتبهي على نفسك
مها بصوت واطي صوتها راح المسكينه اتذكرت حبيبها : اوكي باي
قفل مهند منها وقعد يتكلم مع فارس اللي نص عقله وقلبه مع مها جلس يتذكرها وهي صغيرة كانت تجنن شقاويه دايما تحط المشاكل فوق راسه هو وهي كمان جلست تسترجع الذكريااات بس مافكرت كتير تحس انو هذا الحب مستحيل يكون متبادل > يا حراااام
بعدين مها راحت البيت وتغدت وقعدت على النت

دخلت عليها ملاك وشافتها سرحانه استغربت معقوله مها تسرح مستحيل أوول مرره خبطتها ملاك : يلي ماخذ عقلك
مها وهي تطالع فيها : ماشالله ايش اخبار بيان ؟ << ضيعت الهرجه
ملاك فرحاانه : ايووه الحمدالله بخير تسلم عليكي
مها وهي تقفل النت : الله يسلمها ويسمنها
ملاك : هههههههههه خلااااااااااص راااح اقوولها هاييييي لا تغيري الموضوع في ايش كنتي تفكرين ؟
مها بحزن : مهند دق عليا اليوم
ملاك وهي طايره من الفرحه : وووالله ايش قالك ؟
مها ولسه مضايقه : يسلم عليكي
ملاك مستغربه : الله يسلمك ليه مضايقه تقولي كلمتين وتسكتي؟
مها بابتسامه ماتبى تبين لاختها : لا والله طفشانه اليوم
ملاك قامت راحت عند الدولاب تغير ملابسها : اهااا اليوم نروح عند بيان ايش رايك ؟
مها تتثاوب : دحين انام لما اصحى نشووف تمسي على خير
ملاك بابتسامه خفيفه : وانتي كمان
نامت مها ونزلت ملاك تحت عشان تتغدى
وهي نازله من الدرج كان على شكل دائري ينزل لتحت تمشي تنزل وهي تلم شعرها خبطت بواحد كان يستهبل انو ماشافها : آاي
ماجد يمسك كتفه : آآاح ماتشوفي يادبه
ملاك ماتحب احد يقولها دبه : ماعليش ماشفتك انت امشي زي الناس
ماجد يستهبل كالعاده : كيف يعني انا عندي رجول خروف يعني
ملاك تضحك : هههههه خرووف مره وحده خلاص فيل احسن
ماجد اتنرفز : ترى انا امزح انت قلبتيه عليا
وصلوا لاخر الدرج طنشته ملاك وراحت تسلم على امها انقهر ماجد : انا اكلم نفسي يعني
ملاك وهي تبتسم : كيفك ماما ؟ايش الغدى اليوم ؟
ام محمد وهي مبصوطه : بخير حبيبتي الشغاله عزيزه مسويه لكم غدى اكيد يعجبكم
ماجد جاء سلم على راس امه وشد شعر ملاك
ملاك وهي تمسك شعرها : آآي ليه تشد شعري مقهور مني ماعندك زيها
ماجد بتريقه : اقدر اجيب زيها تعرفي كيف ؟
ملاك باستغراب : كيف يا ذكي
ماجد بهباله : اقص شعرك واحطه على راسي
ملاك :هههههههههههههههههههه كيف حتغريه يعني
ام محمد عصبت : هي هي انا هنا احترموني عالاقل وشعرك ماينقص فاهمه ولا لا لوقصتيه كانك قصيتي قلبي < قويه
ملاك : ماما والله مااقصه بس ان شااالله لما اتزوج مااخليه
ماجد يتريق : ماشاالله واثقه العرسان كسروا الباب
أم محمد وملاك يضحكوا على هبالته
منار كانت تتفرج على مسلسل كويتي اسمه عرررس الدم صرخت عليهم: اسكتوا خلوا الناس تتفرج ازعجتوني
مدى وهي تقلدها: اثتدو خلو الناث تتفلج انتي بث تثووفي هدا تله دم عثااان انتي وجهك تلله دم ذيهم > : اسكتوا خلوا الناس تتفرج انتي بس تشووفي هذا كله دم عشاان انتي وجهك كله دم
الكل : هههههههههههههههههههه
منار عصبت راحت ضربتها والباقيين جاوا فارعوهم > فلم هندي
ماهر جاء من بره : اووف اووف حرب عالمي في البيت
بعد المغرب الساعه 7 ملاك والبنات يتجهزوا يروحوا عند بيان مع امهم

في بيت محمد
ساره : حبيبي ماتبى عشى ؟ ؟
محمد بابتسامه: ياحياتي كانك حاسه فيني الله لايحرمني منك
ساره وهي تقوم من جنبه كان يلعب مع وليد بليستيشن : من عيوني
محمد رمى عليها بوسه في الهوى . . .
ضحى وهي نازله من الدرج : شفتك بااااااااابااااا شفتك
ضحى عمرها 12 تدرس في المتوسطه مع بنان ومنار تموت في بنان دايما تضارب مع منار ولا كانوا خالتها راحت عند امها بالمطبخ تحكيلها ايش سوت بالمدرسة

في بيت أبو بندر
أم بندر : هلا والله نورتو البيت تفضلوا
أم محمد : هلا بيكي تسلمي يالغاليه
أم بندر وهي تجلس طبعا بعد ما جلسوا : كيفك يادلوله؟ وهي تطالع في البنات: ايش اخباركم ؟
البنات ابتسموا لها
أم محمد : الحمدالله طيبه انتي كيفك ؟
أم بندر : بخير الحمدالله أسال عنك ماشفتك اليوم ؟
أم محمد : رحت السوبر ماركت قضيت للبيت وحشتيني > > عجائز اخر زمن
مها تطالع في أم بندر : خالتي ايش اخبار بسمة وحشتني زمان عنها ! ! !
أم بندر بضيق : الحمدالله مسكينه متعبها الحمل امس جات وراحت بسرعه
أم محمد : يابعد عمري في أي شهر دحين ؟
أم بندر وهي تأشر على الشغاله تجيب العصير : في السابع الله يعينها مره حساسه ماتقدر تتحمل شي
مها: ماما ايش رايك نزورها بكره ؟
أم محمد تذكرت : بكره خميس نروح بيت جدك
ملاك واخيرا تكلمت : خالتي فين بيان ؟
أم بندر ابتسمت : فوق بغرفتها شكلها ماتدري انكم جيتوا
ملاك وهي تقوم: خلاص انا اروح أفجعها في أحد ؟
أم بندر : لا مافي احد كلهم طلعوا
راحت ملاك تطلع من الدرج بدون غطى على بالها مافي أحد من الاولاد هي ماتغطي من بدركان بسام طالع من غرفته لسه ماراح قال لامه انه حيطلع مع ماجد بس تأخرعشان قال حيتسبح
ملاك تغني وتلعب بشعرها تلفه بأصابيعها وهي طالعه : القلب سلملك امره في حالتي انت ادرى يلي حنانك وطيبك تنحط عالجرح يبرى شفاف يانورعيني ..
كان حيمشي بسام بس لما سمع صوتها وقف كان مره صوتها حلو ولحنها كان مره حلوو نفس النبره خطيرة
وصلت ملاك لاخر الدرج شافها بسام من بعيد واقف عند باب غرفته بس ماعرفها مره متغييره هو بس يتذكرها وهي صغيرة في المتووسطه
عدت ملاك ولا انتبهت في احد يراقبها عادي كملت طريقها ولسه تغني مررره مبصوطه كفايه هذا بيت حبيبها واللي سكن قلبها وهي صغيرة مدري كيف كبر حبه في قلبها
وبسام اتجنن عليها بس ماعرفها مين هذي
دخلت على بيان الي غرفتها بعييد من غرفة بساااام بينهم صااااله كبييره فتحت الباب بقووه شافتها بيان صرخت : ملوووووووووووك
كانت تحط ميك آب وقتها وسلمت عليها ملاك وحضنوا بعض كانهم ماشافوا بعض في المدرسة: ايش الحلاوه هذي
ملاك بابتسامه: من جد كيف شكلي لاتجاملي ؟
بيان بصوت عالي: والله تجنني (وهي تمسح على شعرها) أيوا كدا افتحي شعرك دايما

ملاك كانت لابسه تنوره قصيره لونه ازرق جينز وبلوزه مفتوحه من الصدر شووي لونها اخضر فاتح ولابسه صندل نازل ماتحب الكعب وفاتحه شعرها حاطه شباصه صغيره لامه نص شعرها لونه تفاحي

نزل بسام وطلع من الباب الخلفي محد شافه من عند المطبخ بعيد عن الصاله وهو لسه يفكر في البنت

في الصاله
منار : خالتي فين بنان صارت تتكبر عليا ؟
أم بندر بابتسامه : راحت عند ضحى شوي وترجع >> تعرف أصلا ماراح ترجع الا لما منار تروح ماتحبها بنان
مها ومنار طلعوا فوق عند بيان وملاك ومدى تلعب في غرفة الالعاب حقت هاشم وهادي

مها ومنار يضاربوا عند باب غرفة بيان
منار تدف مها : ياحماااااره انا وصلت قبلك أنا ادخل أول
مها معصبه تدفها : مالي دخل أنا الكبيره يلا وخري
منار شدت شعرها : مهووي يازفته أحسلك
مها وهي ماسكه شعرها : فكي شعري ياخره احترمي الي أكبر منك >> مسويا فيها كبيرره
ملاك تضحك : ههههههههه الحقي بيون هذولي مها ومنار يضاربوا عند الباب روحي افتحيه لوفتحته انا كمان حنضرب
بيان وهي تقوم : ههههههههه هذا حالكم مايتغير
وهي تفتح الباب طاحوا عليها مها ومنار كانوا لاصقين بالباب وشعورهم منكوشه >>>حرب عالمي
ملاك : هههههه مجانين والله فشلتونا يالهبل
مها منحرجه: سورري بيان هذي منار تبى تفتح الباب المفروض أنا افتحه مو أنا اكبر منها
منار وهي تربط شعرها : ياحماره أنا جيت قبلك يعني انا افتح اول
ملاك تبى تخلص الحرب : خلاص بنات انسوو الي صار
بيان وهي تجلس جنب ملاك : أيوا تعالوا أوريكم صور بنات خالي جود ووجود وجمانه وخطيبة اخوهم جابر
مها وتجلس جنبها : أشوف وحشتني جيجي << جمانه
منار : قالك وحشتني بيان فين اختك النحيفه ؟ >>>>>> قصدها بنان
مها: انتي كلما رحتي مكان تسألي عنها ماتحبك البنت الا بالقووه دحين سألتي امها
بيان بابتسامه : راحت عند ضحى ماقالتلك؟
منار معصبه : الخره ماقالتلي انا اوريها
مها تصرخ : واااااااااااااو تجنن خطيبة اخوهم
بيان بقهر : ياخسارة ماحضرت الحفله كان عندي اختبار ماما ماخلتني أنا وبسام مارحنا
ملاك : ليش هو ايش كان عنده اختبارات ؟؟
بيان : أيوا وكمان كان صادم سيارته
مها تبتسم : يعني عقاب
بيان : أيوا ودحين قالي يطلع مع ماجد بسيارته عشان مايصدم تاني هو متهور يعرف نفسه
مها تضحك: هههههههههه هو أصلا من هو صغير معروف انه متهور تتذكري لما ولد عمي سامي شد شعر ملاك كيف ضربه>>>> ياعيني عالحب
بيان بابتسامه وهي تطالع في ملاك: أصلا بسام من هو صغير يموت في ملاك
ملاك هنا خلاص حتموت من الاحراج: ايش تقووولي ما سمعت؟ (وهي تشد اذنها)
بيان :ههههههه أووووه سوري ملووك ماكان قصدي
ابتسمت لها ملاك وفتحت المجله الي جنبها وهي سرحانه اصلا والباقييين يتكلموو

في سيارة ماجد
كان مشغل على أغنية من يوم شفتك حقت نايف البدر
من يووم شفتك تعلق قلببي في حببك رووحي معاك ...
ماجد بابتسامه : يلي ماخذه عقلك يالحبيب
بسام كان سرحان في البنت انتبه على صوت ماجد : هلا خير؟
ماجد يتريق : مين هذي قووول لاتستحي ياحلووه؟
بسام ضحك بهباله : ماجده اخذت قلبي وعقلي
ماجد مستغرب صدق : فين هذي قصدي فين شفتها ؟؟؟؟
بسام كمل استهبال : من الشباك
ماجد انقهر لأنه مايحب احد يستهبل عليه : من جد أسألك !
بسام يبتسم : وأنا ماأكذب شفتها
ماجد : ياوولد قلي مين لا تكون وحده من أخواتي ترى أقتلك
بسام يضحك خلاص مايقدر وجه ماجد انقلب : هههههههه أمزح معاك مافي ولا وحده
ماجد ضربه على كتفه : ياخي قول كدا بهدلتني
بسام بابتسامه بانت غمزاته : ليه تغار عليا؟
ماجد يطالع فيه : ههههههههه لا والله ماااااافي الا انت أغاارعلييه أنا عندي ملوووووك هي توحشنني بس
بسام استغرب : أختك ملاك ؟
ماجد ابتسم : أيوا في غيرهااا
بسام لسه مستغرب هو مايحب بيان لهدرجه يعني مايشتاق لها : ابى اعرف كيف تحبها لهدرجه ؟
ماجد بجديه : أحب كل اخواتي بس هي اكتر انت ماتعرفها يابسام لوتعرفها حتحبها زيي واكتر
بسام : بس اتذكر انا لما كنت صغير كانت هاديه مرره و ما تجلس مع أحد وبس تبكي
ماجد : ههههههه هي طبعها كدا بس ان شالله بيان تغيرها وتصير جريئه قووول لاختك
بسام بابتسامه : غالي والطلب رخيص

في بيت أبو بندر
أم محمد وام بندر في المطبخ يسوون حلى
والبنااات فوووووووق في غرفة بيااااااااان
منار تصرخ :بنااااااااااااااااااات طفش ليه مانطلع ؟
مها وهي معصبه : ياخررره ماتعرفي تتكلمي بشوييش حتى لورحتي ماتلبسي عبايه واحنا مو ناقصين كل الشباب يلاحقونا بسببك
منار : خلاص والله البس عبايه بس نطلع
بيان تقفل المجله : صح بنااااااات لييييه مانطلع ونتعشى برررى
ملاك بضيق : أمي ماراح ماتوافق
منار قامت : أنا اروح اكلمممها دحين
مها وهي تقوم : وأنا كمان أجي معاااااااكي
كلهم نزلوا تحت راحوا عندهم بالمطبخ ووافقوا أمهاتهم و رااااااحوووووو الصيرفي موووول

في سيارة مشاري
بدر بصووت عالي : وطي الصوت مشاري صجيت راسي مره عاااااالي >>> حاطين غربي مطورين المراهقين
مشاري يبتسم وهو يوطي الصوت : تامر أمر كم بدر عندنا
رايحين الصيرفي مول >>>>>>>>>> ايش هذا الصدفه


في بيت ابوجابر خال بسام
أم جابر : جمانه اتصلي على بيت عمتك أم بندر نسمع ايش اخبارهاااا
جمانة وهي تقوم كانت تتفرج على التلفزيون : طيب ماما
عايلة ابو جابر
جابر عمره25سنه الحين خطب بنت صحبة امه وجاسر عمره 20 مرره حلو وداشرررر صاحب ماهر
وجمانه عمرها 19 مرره عسل وتنحب بسرعه وجود ووجود توائم عمرهم 17
وكلهم حلواات ماشاالله امهم كويتيه
جمانه تكلم أم بندر:عمتي كيفك وكيف البنات ؟
أم بندر:الحمد الله اليوم عندنا أم محمد وبناتها
جمانة بفرحه : ماشالله مها جنبك ؟
أمها تخبطها تقولها انا أقلك أبى اكلم ام بندر مدري ايش تقول
أم بندر: لا والله ياجمانة قبل شوي طلعوا البنات يتعشووون برررى قالووا يبغووو يغيروو جوو
جمانة بقهر: طيب عمتي خدي ماما
جمانة طلعت غرفتها وأم جابر تكلم أم بندر

في الصيرفي مول
البنات راحوو ميغا يبغوو يتعشوو هناك ماااادري كييف أصلا ماتقدري تاخذي راااحتك هنااك
مها تأشر على واحد: بنات مو كأنوووو هذاك ماجد؟
منار : صح والله هووووو اييييش يسوي هنااااااا الداشر
ملاك بمزح : حدك منووور هذا أخويا
منار بعصبية: ماشاالله اخوكي انتي مو انا كلنا أخواااااااااات
بيان: خلاص بنات احنا بالسوق الناس تطالع فينا وطوو أصواتكم أكيد جاي مع أصحابه حيموتكم لوشافكم
ملاك بقهر: صح والله خسارة كان حيشتريلنا من حسابه ويوفرعلينا
مها: نقدر ايش رايك تروحي ملووووك ؟
ملاك بخووف: مجنونه بايعه عمري خلي منار تروح
منار بصوت عالي: أنا No waaay ماأروح
بيان: طيب دقوا عليه شوووفوو كماااان بسام معاه
ملاك تطالع فيهم كلهم عيوونهم علييها رفعت يدينها تستسلم: أنا مالي دخل

عند مشاري وبدر
مشاري عند البوابه حق ميغا : بدر دقيقه ندق على فهد والعيال يدخلوا معانا
بدر كان يمشي رجع : اوووف لازم
مشاري يأشر بيده عشان يسكت: هلا فهد فينك؟؟؟؟
فهد: في الاستراحه مع سامي والشباب ليييش ؟
مشاري يحك راسه: طلبتك فهود تعالوو معانا انا وبدر حندخل الصيرفي مرره طفشاااااااااااااانين بليييييييز نبى نفلها اليوم
فهد يقوم: أوكي نص ساعه ونكون عندكم
مشاري يمشي ورى بدر: خلاص انا وبدر ندخل تشوفنا فووق
فهد: طيب يلا باااااااااااااااااااااايوووو
طوط طوط

في بيت أبوبندر
أم بندر: والله يادلال قد ماااأانصح فيه مايسمع الكلام راسه يابس بدر
أم محمد بضيق: حتى مشاري الله يهديهم اخاف ابوه يدري عن حركاته
أم بندر: صح والله زوجك عصبي مره لازم يعقل ولدك شوفييييله حل
أم محمد: أكلم اخوانه يمكن يسمع كلامهم
أم بندر كانها تذكرت شي: أيوااا دلال لسسسه مازن مايفكر يتززوج
أم محمد بحزن : لا والله دايما اقوله مايرضى
أم بندر:الله يهديه

في الصيرفي مول
بسام :ماجد امس شفت مبارة الهلال
ماجد ابتسم: أيوا من جد خطير القحطاني (يدق جوال ماجد نغمة دجاجه مع موسيقى)
بسام:ههههههههههه ماجد لمين هذي ؟
ماجد بضيق : مهووي في غيرها الله يعيني عليهااااا
بسام ضحك:ههههههههه صح والله ترفع الضغط>> >لوسمعتهم مها حتى نفس ماتخلييهم يتنفسوو
ماجد وهو يرد: نعم ايش تبي ؟؟؟
مها بدلع: اخوياااااااا اشفييييييك معصب؟
ماجد حط يده على خده : لاااااااااا أكيد في شي قولي ايش عندك ؟ البنات شافوا حركته ماتوو من الضحك
مها بصوت عالي: ياحماااااركلمني بأدب انا اكبر منك
ماجد وهو يبعد الجوال عن اذنه: بشويييييش صنجتييني عرفنا انك كبيره
بسام ضحك
مها شكلها حتفجر قنبله اليووم : طالع وراك ماجد
ماجد استغرب من دوون مايلف مسك بطررف الطاااوله بخووف : ليه راسلتلي ارهابييين ؟
مها وهي تضحك على شكله: ههههههههه لالالا انت طالع و بس
طالع ورى شاف بنات بس ماعرفهم الا لما شاف منار بدون طرحه ومها تأشر بيدها عليه قام من الكرسي
بسام انفجع يطالع فيه: ماجد اشفييك ليييش قمت ؟
ماجد جلس: مهااااااا ياحمااااااااره ليييييش جيتوا بدون امي وكانكم زاييديين نفر
مها :ههههههههههه هذي بيان اخت بسام وامي قالتلنا عادي روحووحنتعشى ونرجع
ماجد يطالع حولينهم كان مره زحمه كله شباب: لا ماتتعشوو هنا روحو مكان تاني لو تبوا أي شي دقوا عليا
مها انقهرت : أوكي أي اوامر تانيه احنا نطلع خلاص ارتحت
طوط طوط طوط قفل في وجهها >>ياويله
مها عصبت: ياحماااااار تقفل بوجهي طيب طيب>>>راح فيهااااااااا

راحوا البنات وعدوا من جنب ماجد وبسام ومها اشرت على دقنها يعني اوريك لماجد
بسام : هههههههههههههه ياويلك يامجوووود ماتنام اليوم
ماجد :ههههههههه فديتها زي العسل على قلبي >>>> حركاااااااااااااااات أنا لواخويا يكسر راسي
بسام مستغرب منه كييف علاقته مع أخوواته كدددا مو زيه و لوكان يدري بيان معاهم كان حيفجر السووق كلللله على راسهاااااااا

عند البوابة البنات شافوا مشاري وبدر واقفين مع شبااااب كتيرين مرره زحمه
منار تأشر: بنااااااات شوفوا هذا مو كأنوا مشاري؟
بيان شافتهم: أيوا وبدر معاه >> أكيييد مايفترقون عن بعض
ملاك بخووف: بسرعه ترى حيعصب علينا خاصة منار بدون طرحه
يتبع


سموووره ©؛°¨غرامي مشارك¨°؛©

وفي الجهه التاني
مشاري: شووووف بدرأخواتي الصايعات هناااا أنا أوريهم
بدر يدور:وووين ؟
مشاري وهو يأشر عليهم: شوفهم كمااااان منار مو لابسه طرحه طيب>>> اخر زمن بزر يتحكم

في سيارة ماهر
ماهر يكلم صاحبه جاسر: انت فينك انا اجيك
جاسر : لا لا أنا حتاخر اروح البيت اغير بعدين
ماهر: طيب يلا اشوفك في الاستراحه
جاسر: يلا باااااااااااااااي
وقفل
ماهر بضيق: متى تعقل ياجاسر والله تعبت منك الله يهديك جاسر مره داشروحقون بنات ماهر يبى يخليه يبطل هذي الحركاااااات كل بعد يووم في الدرره ولا في استررراحه والله اعلم ايش فيها

في بريطانيا
مهند: شباب قوموا نتعشى بالمطعم الي جنبنا
جاسم صاحبهم من الكويت: يلا مشيناااااااااااااا
فارس وهو طالع من الغرفه: فين شبااااااااب ؟
مهند :ههههههههههه أووووه نسينا فروووووووووووس
خالد من البحرين : رايحين نتعشى تييي ويانا ؟
فارس: أكيييد ولا ماتبوووني مو على كيفكم
مهند ابتسم: لا والله مين قال انت قدامنا ايش تبى كمان

في سيارة أبو محمد
مها بحزن : ياخساره ماتهنينا خربوو علينا الاولاد
بيان عندها فكرة : صح والله ايش رايكم نروح بيت خالي بيتهم قريب من هنا ؟؟
مها نطت: يلا دقي عليهم جنجال لف يمين > > >ماصدقت
السواق جنجال: طيب مدام
مها عصبت: أنا انسه مو مدام كم مره أقولك
ملاك : ههههه كدا ولا كدا يجي يوم و حتصيرين مدام
مها : مين قال أصلا أنا ماراح أتزوج
بيان وهي تكلم جود : مساء الخير ياعسل
جود وهي تقفل الاب توب: مساء الخيراااات والمسراااات
بيان : ههههههه كيفك جوده؟؟ وحشتيني
جود تبتسم : وانتي كمان فينك يالقاطعه؟
بيان : هههههه مين قال أنا الحين قدام بيتكم
جود وقفت: من جد!!!!
بيان: ههههه أيوه يابخيله افتحي الباب
بعد ما قفلت بيان
مها تطالع فيها: هاا ايش قالتلك ؟
بيان وهي تقفل شنطتها بفخر تأشر على نفسها : أكيد أنااا بيان تقولي لا>>>واثقه الاخت
ملاك تبتسملها: طبعا مين يقولك غير كدا الا الي مايشووف >>>>>>يا عيني
منار وهي تأشر: بنات مين هذا الخطير ؟؟؟؟؟؟
بيان وهي تطالع فيه تحاول تتذكره : اممم هذا الا تذكررته جاسر أخو جووود
مها: يجنن والله هذا الي خطب؟
بيان: لا هذا أصغر منه
ملاك اتذكرت: أيوا هذا صاحب ماهر كان يكلمه هذاك اليوم
بيان خبطتها: يالجاسوسه تتنصتي على أخوانك
ملاك دفتها: لا والله هو قالي انووو داشر وهوو طفش منه من كترر ماينصحه
بيان: اهاااا صح والله حتى جود تقولي كدا
منار متجننه عليه: من حقه كويتي يجنن موناقصه شي باين عليه شبعان
بيان: الفلوس مو كل شي يا حلووه > صح لسانك ههههههه
بعدين دخلوا بيت خال بيان واتعشوا عندهم طبعا بعد موافقة أمهاتهم
ورجع الكل بيته وناموو عشان بكرة جمعة االعايله

صحيت على صوت مدى تصرخ باذنها: يلا ملااات دوومي< يلا ملاك قوومي
ملاك وهي تفتح عيونها: ايش تبي مدى طفشتيني؟
مدى تسحب يدها: ماما تدول دومو نلوح بيت ددي< ماما تقول قومي نروح بيت جدي
ملاك قامت وراحت عند سرير مها تقومها
ملاك تشيل البطانيه عن مها: مها قومي بسرعه (جاء لها كف طير لها مخها)
ملاك وهي تمسك خدها: يا حمااااااااااره قوووومي والله اوريكي < كلو الا الكف ماتسكت عنه
سحبت شعرها ورمتها على الارض ومها عيونها طلعت مستغربه منها
مها وهي تقوم: آآآي يادبه عورتيني اشبك آآي رجلي كسرتيه مجننننونه
راحت ملاك ودخلت الحمام وسكرت الباب بقووه
أم محمد تشيل البطانيه: منار قومي قومي يابنت يلا منار أبوكي تحت يقول تعالوا ياويلك لو تاخرتي
منار قامت على طول ودخلت الحمام وأمها تضحك عليها<<تخاف من ابوهاااااااا

في بيت أبو بندر
أبو بندريشرب الشاي: قومي الاولاد يا ليلى علي عازمنا اليوم
أم بندر وهي تقوم: ان شالله الحين أصحيهم
راحت عند غرفة بيان تدق الباب: بيان قومي ابوكي يبغاكي تحت بسرعه>تعرف بيان نومها خفيف تصحى بسرعه
وبيان كانت صاحيه ماجاها نووم قامت وغسلت وجهها وغيرت ملابسها
بعدين راحت أم بندر تدق غرفة بنان بس شكلها ماتسمع نايمه دخلت عندها شافتها نايمه
أم بندر عصبت: بنااااااان قومي ولد عمك عازمنا جهزي وياويلك من ابوكي لو ماصحيتي
على طول قامت وجري دخلت الحمام >>>>خواااااافه
بعدين قومت بسام بعد جهدا جهيد عشانه كان نايم متاخر وبقي بدر الكسلان أم بندر: بدر قوم ياولد ابوك يبغاك تحت قووم
بدر يغطي وجه من النور: قوليلو أنا نايم
أم بندر عصبت راحت جابت مويه وكبته عليه وقاام مفجووع>>> مايقوم الا بالعين الحمراا

في بيت محمد
محمد: ساره حبيبتي صحي البنات ووليد عشاااان نرووح اوول شي بيت ابووويا
ساره كانت تمشط شعرها قامت وابتسمتله: تامر آمر حياتي الحين اروح اشوفهم
ضحى كانت صاحيه
والباقين بعد جهدا جهييد قاموو

في بيت أبومحمد
مها وهي نازله من الدرج ماسكه شعر ماجد: عشاان مره تانيه ماتفشلنا قدام صاحبك>>>تستحي البنت
ماجد وهوماسك يدها: آآي سيبي شعري يادجاجه
أم محمد جالسه في الصاله لما شافتهم قامت: مها سيبي شعر اخوكي ايشفيكم من صباح الله خير؟
مها وهي تبوس راس امها: تخيلي امي امس فشلنا ماجد قدام بسام وانتي ماترضيها لبناتك
أم محمد ابتسمت: فديته بسام ايش اخباره من زمان ماشفته>>>صرفتهااااااااا
ماجد وهويطلع لسانه على مها: بخير يسلم عليكي
منار تصرخ بصوت عالي: ماما ماابى اروووووووح
أم محمد وهي تجلس على الكرسي عشان تاكل: موبكيفك

في بيت أبوبندر
ابوبندر: ايش حتسوي بعد ما تتخرج من الجامعه؟
بسام كان جالس جنبه يتفرج على مباراه في الصباح : والله انا نفسي اكمل دراستي برى
أبوبندر مايدخل براسه يكمل بره خايف عليه ينخررب : ايش فيها الدراسه في السعوديه احسن من هناك ولا انت ايش تقول؟
بسام من اول حاطه في راسه لازم يخلي ابووه يوافق: ادري ابويا بس هناك القسم الي انا فيه احسن يوسف صاحبه دكتور بجامعه وانا مااروح لوحدي معايا رامي
ابوبندر رافع حواجبه: وماجد مايروح معاك ؟
بسام ابتسم: لاهو حيشتغل مع ابوه في الشركه
أبوبندر: وانت ليه ماتسوي زيه ولا ابوك مايهمك؟؟؟
بسام قام وباس راسه: لاوالله انت على راسي كلها شهور وراجع
ابوبندرطالع في بيان الي نازله من الدرج وابتسم وكلم بسام: وفين حتساافر ؟
بسام وهويطفي ال tv : بريطانيا
ابوبندر بعد تفكير: لما تخلص يصير خير
بيان بصوت عالي: حركااااات بسام تسافر وديني معااك
بسام : انا مو مجنون عشان افشل نفسي قدام الناس واول شي شوفي نسبتك ياثانويه عامه
ابوبندريبتسم: لا ان شالله الاولى على المدرسه
بسام قام: هههههههههههه اتحداكي اذا كدا اخدك لفه حول العالم
بيان فرحت صدقت نفسها : والله خلاص حتشووووف

في بيت بسمه
بسمه معصبه: بس ياهادي وخرعن بطني عورتني
هادي يضرب ببطنها: مافي مافي ماتجيبي نونووو
بسمة تمسك خدوده: هههههههههههه ياغيووووورر
راشد طلع من المطبخ معاه صينيه : يلاااااا الفطور جاهز
بسمة وهي تبتسم: ياحياتي ليه تعبت نفسك كان ناديتني ؟
راشد حط يده على بطنها: عشان الي في بطنك ياعمري يطلع وهو سليم
بسمة وهي تقوم: طيب بس ولدك هادي خليه يعقل بس يضرب ببطني
راشد مسك اذن هادي: من جد الكلام هذا ياولد والله اوريك
هادي يصرخ: أيوا بابا بعدين ماتدلعني
راشد:ههههههههههههههههههههههههههههههه
بسمة اخت بسام متزوجه راشد كويتي اخو أم جابرعندهم ولدين هاشم عمره 12يحب يطول شعره
وهادي عمره 9سنوات مرررررررره دلووع

في بيت أبومحمد
منارتصرخ وتصفر: ياااااالله مازن يفطرمعانا ماأصدددق (أم محمد خبطت رجلها برجل منار من تحت الطاوله)
أم محمد قامت تسلم على ولدها: صباااح الخيرررر
مازن يسلم على راسها: تسلمين يالغاليه (وجلس جنب ملاك)
يطالع في ماجد ويبتسم: ماجد بشويش الاكل مايشرد>>ليه هو خروف
ماجد كان مستعجل وهويبلع الي في فمه: مستعجل يامازن والله ماعندي وقت
مها : ههههه ايش عندك يامهم انت؟
مازن يشرب حليب طالع في مها فجأاه ابتسم وكلم ماجد: أيوا ايش عندك ؟ مها استغربت مرره ايش صاير اليوم غريبه مازن يبتسم لها وجهها انقلب
ماجد وهويقوم خبط يده في ملاك الي كانت تاكل وطاح منها الي بيدها وملاك طبعا ولععت : اروح مشوار مع بسام وراجع (وطالع في ملاك الي عصبت) ماعليش ملووك والله مستعجل
وباس راس امه: ماما لاتروحو شوي وانا راجع أوكي ماأطول(وطلع)
ماهرنازل من الدرج يمشط شعره شكله هذا كمان مستعجل: ماجد دايما مستعجل (شاف مازن) غريبه اليوم كانه زايد نفر صبااااااااح الخير نسيت هههههههههههه
مها قامت : ههههههه مدري اليوم صاير شي غريب في البيت
مازن: هههههه يعني ماتبوني واانا اقوول اكيد دحين يستقبلوني أحسن استقبال<<<< ياحراااااام
ملاك ابتسمت: لا يامازن هما مستغربيين بس من جد وحشتناااا زمان مافطرت معانا
مازن ابتسم لها: عشتي هذي الاخت الي تقدرر
مها طلعت من المطبخ ومعاها الشاي وامها وراها: واحناا مو اخواااتك
أم محمد عصبت: انتوا لازم تتضاربو كل يوووم لاتنسوا اليوم نروح بيت جدكم
منار رمت الملعقه في الصحن: ماما ماابى اروح امس اضاربت مع ضحى الدبه المعفنات كلهم معاها
ماهر : ههههه احسن و من حلاتك أنتي>>يبى يقهرها
منار عصبت قامت: انت ايش دخلك أنا اكلم ماما ولا شغل اللقافه بدأأأ
ماهر عصب خلاص قام أمهم تخاصمهم: بس ياأولاااد متى تعقلوا
ملاك قامت ماعجبها الوضع راحت غرفتها والباقيين هجدوووا

في بيت أبو بندر
بيان جالسه تمشط شعرها بغرفتها أمها دخلت عندها جلست على السرير: جهزي نفسك اليوم نروح بيت عمك
بيان عيونها طلعت: لا ماما ماابى اروح ماأحبهم يكرهوني
أم بندر : أنا مالي دخل كلنا رايحين تجلسي مع مين؟؟؟؟؟؟؟؟
بيان راحت جلست عندها وباست راسها: اروح عند ملاك
أم بندر قامت: طيب كلميها وشوفي يمكن اليوم هما كمان يطلعوا بيت جدهم
قامت بيان جرري وشالت جوالها
عسى ربي يخليك لعيوني وعسى ربي يخليني لعيونك حبيبي دنياتك صعبه بدوني ولاشي بدنيتي تسوى بدونك
عسى ربي يخليك لعيوني وعسى ربي يخليني لعيونك حبيبي دنياتك صعبه بدوني ولاشي بدنيتي تسوى بدونك
بيان : ههههههههههه ماغيرتها لسه هذي صارت قديمه
ملاك قامت كانت منسدحه على السرير ومشغله الاب توب: هلا ياااااااااااااعسل
بيان: انتي لسه ماغيرتي الاغنيه ياقديمه؟
ملاك تبتسم: وحتى حاطته نغمه على رقمك
بيان شالت المجله وتضحك:كمان اقول ملوك
ملاك عدلت جلستها:ايش ؟
بيان:حياتي اليوم حتطلعوا ماابى اروح بيت عمي؟
ملاك وهي فرحانه: أيوا بيت جدي
بيان انقهرت: طيب سلميلي على البنات وتشاووو
قفلت طوط طوط
ملاك وهي تطالع في شاشة جوالها: بسم الله أشبها هذي

في سيارة بسام
ماجد : هههههههههههه والله يعني ماوافق؟
بسام يضرب بكتفه:هايييي هاييييي لاتفاول عليا لسه ماقال شي
ماجد يتريق:كيف افاول بدون كوره
بسام:ههههههههههه مجنون
ماجد : زيك

محمد وصل بيت اهله
محمد وقف السيارة: اسمعي ساره أقولك من دحين مانبى مشاكل
ساره فتحت الباب وتبتسم له: طيب بس لو هي غلطت عليا انا مااسكت
محمد مسك يدها كانت حتطلع: لا ياساره اسكتي لوصار شي قوليلي اوكي؟
طالعت فيه ساره وابتسمت: أوكي
عشان يوم اضاربو منار وضحى بعدين ساره خاصمت منار وصارت مضاربه ومحمد يعرف اخته هي تحب المشاكل وخايف يضاربوا تاني
ضحى تصرخ: سجى افتحي الباب
سجى فتحته وطلعت قفلت الباب في وجهها
عصبت ضحى وطلعت وراها وليد كان وراهم بسيارته >>>>فرحاااان سياره جديده
دخلوا البيت مع رجتهم ضحى اتكلمت عنها وسجى عمرها 11 سنه مرره دلووعه
ووليد عمر17 مغرور شويه بس دمه خفيف
محمد بصوت عالي: بس يابناااااااااات (سكتوا على طول)
مازن قام ومدى شردت تخاف من سجى: هلاااااا محمد هلا نورتوا البيت
محمد يسلم عليه: أهليين منور بوجودكم كيييفك؟؟
مازن وهويمسك خدود سجى: بخير الحمدالله انت كيفك؟
محمد جلس: الحمدالله ساااره ادخلي المجلس فين اهل البيت ؟
مازن يأشر على المطبخ: أمي في المطبخ (ابتسم) ضحى ماتبي تسلمي عليا ؟
ضحى ابتسمتله وراحت تسلم عليه: مييين قال كيفك عمي؟
مازن :هههههه أنا بخير وبدون عمي فيين وليد ؟
وليد دخل: السلاااااااااام عليييكم

في غرفة منار
منار: هههههههههههههههه طيب شعووله بعدين اكلمك هههه طييب..بااااي
طق طق طق
منار:خشي مها يا مصلحجيه
مها دخلت : هههههه عندي لك بشارة بمليون
منار نطت: قولي والي يسلمك ااييش هو ؟
مها جلست جنبها: اخويه محمد جاء وضحاااااوي > مدت على اخر كلمممه
منار قامت: من جد خليني البس انا عارفه حتحش فيني عند البنات
مها طلعت قالت لملاك وراحت تلبس
في غرفة مشاري
وليد يشيل البطانيه عنه: مشاري يالدب قووم
مشاري يشوف مين هذا المزعج: وليد متى جيت ؟
وليد يضحك بصووت واطي : هههههه يلا قوووم شوف شكلك دحين جيييت

ماجد يفتح الباب: طيب اشوفك بعدين اليوم رايحين بيت جدي
بسام بطفش: اوكي سلملي على الشباب شوووف شكلووو محمد في بيتكم شوف سيارته
ماجد طلع من السياره يدور سياره محمد وشافه: الا اكيد دخل يلا اشوووفك
قفل السياره وطلع قفل الباب ورن جواله كانت بيان عطاها مشغول ومايدري كانت في وحده تراقبه من الشباك و بعيون حزينه
حافظه كل تصرفاته يوميا تشوفه تموت فيه بس هو مايدري عنها ومااقول مين
خلص البارت الأول وهاالله هاالله بالردود


VEN!CE يـآرب مآلـي ســـوآكـﮯ

,’



وعليكم السلام والرحمه
روايتك مكررهـ هنا
عطيني الاجزا الجديده اضيفها بدال القديمه
https://forums.graaam.com/173058-2.html


اسمحيلي للارشيف



’,

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1