غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 21
قديم(ـة) 18-03-2009, 06:22 PM
FoFy FoFy غير متصل
عضو موقوف من الإداره
 
الافتراضي رد: رواية الدم اللي انطبع فوق خدي ماانمحا والكسر ماينفعه تجبير


الجزء الثاني

البارت الثاني

نزلت تحت واخذت نفس طويل .. الحريه اخيرن .. ناس وشارع وزحمه وانا لحالي .. فللله
بس كللله عرب .. خصوصا سعودييين .. فجأه سمعت صوت عبدالله :شجججججججججججججججججن
التفت كااان معصب مره ...
حطيت عيني بعينه على طوول .. مره كان شكله يخوف ويروع .. بلعت ريقي وقلت له :عبدالله شفيييييك ؟
سكت ثواني وهو يناظرني وعيونه شوي وتطلع .. بعدين نزل راسه وهو يتعوذ من ابليس .. فجأه كذا رفع راسه وهو مبتسم
وقال:وش فيك ما انتظرتيني ابدل .. يلا وين تبينا نروح ؟
جلست ثواني استوعب .. بعدين ابتسمت بفرح كبير مره .. عبود جاي يطلع معي .. ياحبي له يا نااس
قلت له بحماس:اي مكان ..
سكتت شوي بعدين تذكرت:وابوك ؟ ... سكت عبدالله شوي بعدها ابتسم وقال:لا تشيلين هم بكلمه وبقوله انوو بنطلع .. يلا
جلسنا نمشي ونسولف .. اشوف الناس تمشي .. وحده شقرا وراها وحده متحجبه .. اسمر وابيض .. عربي وغربي .. ناس كثيره منظر صار لي زمان ما شفته .. من زمان ما مشيت وسط الناس ومحد يقول لي لا تروحين منا ولا تلفين مناك .. من زمان ما حسيت بهالحريه .. تنهدت .. عبدالله كان يتكلم ويتكلم وانا بس امشي بجنبه وافكر وسرحااانه ..
فجأه مرر يده بسرعه قدام عيوني:شجن تسمعيني ؟
بديت ارمش بعيوني بسرعه وانا استوعب:هاه .. ايه وشو ؟
عبدالله اشر على بياع الايسكريم:تبين ايسكريم ؟
ابتسمت وانا اسلك:هاه ايه اوكي ..
راح يجيب لنا ايسكريم .. انا اتجهت للسور الي على البحر .. مو بحر بالضبط اكيد هذا النهر الي عند لندن .. السور هذا كان ممتد من الفندق لحد المكان الي احنا فيه الحين .. ولا احس انو بعدنا كثير بعد .. رحت وقفت .. سمعت صوت بنت صغيره
mome .. i want my Lollipop back
على طول فهمت وش تعني البنوته .. كانت تقول لامها ابي مصاصتي .. ناظرت الارض لقيت مصاصتها طايحه .. الام كانت تسحب بنتها معها وتقول
No .. Its dirty now
حرااام .. كانت امها تقول لها خلاص توصخت المصاصه والبنت متقطع قلبها عليها مرره مره كسرت خاطري .. فجأه جا عبدالله: شجونه خذي
التفت عليه وناظرته ماسك الايس كريم .. اخذته بسرعه ورحت للبنت ..
Take this ice cream sweety
ناظرتني امها كأنها ما ودها انها تاخذه .. شوي ابتسمت وقالت :
Thank you but we have some of the ice cream at home
قالت لي انو عندهم ايس كريم بالبيت ؟ بالله هاذي تصريفه .. نزلت للبنت وقلت لها
do you want it?
يعني قلت لها تبينه ... البنت ناظرت امها بخوف وهي مبوزه بفمها .. ناظرتني وهزت راسها بنعم وهي منزله راسها .. حطيت الايس كريم بيدها وعطيتها بوسه ووقفت .. الام ناظرتني بإبتسامه وشكرتني .. وانا رجعت وكنت مره فرحانه حسيت اني سويت شي عظييم مره .. البنت انبسطت وانا ما خسرت شي .. شعور جميل
كان عبدالله يناظرني وحده من يديه كانت بجيبه ويد ماسك فيها الايس كريم .. يناظرني بنص عيون وابتسامه صغيره .. رفعت حاجب وقلت:وش فيك؟
كبرت ابتسامته:يا المتوااااااااااضعه .. توني ادري انك تحبين البزرااان
نزلت راسي وانا مستحيه .. يعرف يحرج هالانسان:ما سويت شي بس عطيتها الايس كريم ؟
عبدالله مد ايسكريمه:اوكي خذي حقي
ناظرته:لا حقك
وكلمه منه وكلمه مني اخذته .. مسكته وما سويت شي جلست اطالع المويه والشمس مطبووعه عليها بشكل جذاب
ناظرني:ليش ما تاكلينه
قلت بأسلووب تأكيد:شفففففت يعني انت تبيه يا اللعاب
ضحك دقايق بعدين قال:مو هذا المقصد بس اذا ماع يصير مو حلوو ..
كشرت وقلت:عبود مالي خلق ايس كريم يا تاخذه انت يا برميه ..
ناظرني ثواني وقال من غير اي اهتمام:ارميه ..
ابتسمت وقلت:احسن ..
رميت الايس كريم بنهر التيمز .. نهر لندن .. تكون مكان الايسكريم دائره تكبر وتكبر وتجي وراها دائره اصغر وتكبر ووراها دائره بالمويه .. صار شكلها مره حلوو .. مع لون الشمس الذهبي والمويه تتحرك بشويش .. منظر روعه
تنهدت وقلت:منظر رومنسي ياخي
تنهد عبدالله:ياعيني بس توني ادري انك تعرفين للرومنسيه
حطيت راسي على كتفه:اسكت انت .. وه بس متى اعرس
تنهد:يمكن قريب
شلت راسي من كتفه بسرعه:الله يخلف عليك .. وش رايك نمشي ودي اشتري هدايا لصديقاتي ..
سكتت شوي وابتسمت
مشى هو :يلا
ناظرته :كل ما اسافر .. سكتت شوي وتنهدت وكملت ... كل ما اسافر تعودت اشتري هدايا لصديقاتي بس .. الحين
نزلت راسي بحزن .. دموعي بدت تتراكم بعيوني .. كنت اناظر جزمتي مغبشه من كثر الدموع .. ويد عبدالله تمتد لذقني .. رفع راسي وناظرني:متهاوشه معهم ؟
ابتسمت وانا احاول احبس دموعي:لا .. ما عندي اساسا .. وشقهت بشويش... ما عندي اصلا صديقات
قال:وين اختفو كذا فجاه يعني؟
تنهدت:وحده سافرت بره السعوديه وثنتين نقلوو .. وو .. لان ماما خذت جوالي صرت ما اكلمهم ..
شكله تألم .. لاني ناظرت بعيونه .. لكن على طول ابتسم : وانا مو صديقك
شكله يحاول يلطف الجو .. يا حليله .. ما عندي غيره اشكي له ولا اعتبر الي قلته قبل شوي فضفضه .. لانو هذا شي من بين اشياء .. كل شي كاتمته بقلبي .. واضغط على نفسي ولا اقول .. يارب صبرني بس
فجأه حسيت بعبدالله يتكلم:شجن صايره تخوفين بصراحه .. يعني ما سمعتيني وانا اكلمك ؟ شفيك كل شوي تسرحين وش تفكرين به
هزيت راسي بشكل طفولي خلاني اضحك على نفسي .. احيانا احس اني مجنونه .. قلت وانا مبتسمه :ولا شي
ضحك عبدالله علي .. دااايم يضحك وينرفزني .. ياربي عليييه .. فجأه كذا اشتغلت نغمة جوال ..
يا خفيف الروح ...... رفع عبدالله جواله وقال بسرعه : هلا يبااا
انا ارتعت .. اكيد ما قال له اننا طلعنااا .. وش هالوهقه اكيد بيهزأه ابوه بسبتي .. واكيد انا بتهزأ .. اففف يا ليل القلق والقرف وش ذا؟ يعني حالف بس ينكد كل شي ترا ما صار لنا نص ساعه من طلعنااا اف اف احس انه انسان متخلف .. عبدالله بعّد عني شكله ما يبيني اسمع وش يقولون .. تنهدت وجلست امشي بطريقه تبين اني طفشانه .. كنت اودي رجولي يمين ويسار وماده بوزي .. من يصدق اني بأوروبا بريطانيا لندن وحولي كل هالناس والمحلات وكلش .. و طفشاااانه .. يمكن مو طفشانه .. قلقانه اكثر .. يا ويلنا بس
جا عبدالله وهو مكشر .. ناظرني ثواني وقال:يلا نرجع ..
حطيت عيني بيعينه وقلت له:وش قالك؟ زعل ؟؟ .... تنهدت ونزل راسه وقال:لا ما زعل .. يقول ارجعو .. يلا
وابتسم وهو حاط يده ورا كتفي عشان امشي .. باين انه كان يسلك .. الله يستر بس والله اني اخاف من عمي اذا عصب .. وخصوصا لسانه .. مدري ليش ما طلع زي اخوه .. الي هو بابا .. فجأه كذا حسيت بصدى براسي ( ماهوب ابوك .. ماهوب ابوك ) .. صوت عمي ضل صداه يرن براسي .. من قال انه عمي بعد .. اقصد ابو عبدالله .. صادق يوم يقولها .. صادق ما كذب .. وانا عاااله عليهم .. اكره يجيني هالشعور بس وش اسوي ..
رجعنا وكلن ساكت كنا نمشي ومحد يناظر الثاني .. كنت اناظر الناس .. سعوديين كثير .. اعرفهم بالسوالف الطويله .. واللحيه الكثيفه نوعا ما عالذقن والشنب الخفيف .. وبعضهم اعرفهم من حريمهم .. قلييييييل اشوف متنقبه بس اعرف السعوديه بحجابها البايخ .. زي فاتن تمام ..
فجأه التقت عيني بعين واحد مملوح .. خقيت خقتن ماهي صاحيه .. الولد يجنن .. كان طويل مشالله واسمر شويه .. اممم يمكن حنطي .. ما دققت فيه كثير بس كان حلووو .. ابتسم لي ورفع يده بشويش وحرك اصابعه .. انا وقتها صرت مثل .. اي غبي بالدنيا انت جالس تكلمه نص ساعه بالنهايه يأشر على نفسه ويقول .. انت تكلمني .. ؟
بعد تتنيحه طويله رفعت يدي مثله وانا مبتسمه .. مشالله الله لا يضره حلوو .. ويرن جواله .. نغمتة عربيه .. يا حليله شكله مو اجنبي .. كنت جالسه امشي واناظر وفاهيه .. فجأه .. حسيت بشي كذا قدامي اول ما رفعت عيني لقيت عمود الاناره ما بيني وبينه الا شبر .. لو اني ما وقفت كان خشمي راح فيها
وقفت دقايق استوعب الموقف بعدها ناظرت عبدالله:الحين وش كان بيضرك تقول لي ترا قدامك عمود؟
ضحك شوي وهز راسه وهو منزله:ما كنت ابي اخرب الجو الي كنتي عايشته قبل شوي ..
خخخ شكله لاحظ اني خااقه على ابو شعر .. ههه فجأه سميته كذا ابو شعر لان شعره كثير وكيرلي يجنن .. حاولت امشي كويس .. مو ناقصه فشايل مع عبيد .. هذا جني يشوف ويسمع كلش شكله .. فجأه لقيتنا عند الفندق .. وقفت وانا مكشره ماودي ادخل .. بس وش اسوي اااااه وش هالهم الي اعيشه .. دخلت ورفعت جاكيتي الصوف الخفيف على اكتافي كان نازل .. ماني ناقصه تهزئ اكثر من الي بيجيني الحين ..
ركبنا الاصنصير وانا ودي انه يوقف فجأه خايفه من عمي .. لكن حدث ما كنت لا اتمناه وانفتح الباب .. شكلي ملزومه اوجهه بو عبدالله واتهزأ تهزئ ماني ناسيته .. دخلت جناحنا بعدها اخذت نفس طوييييييييييل وانا فرحانه .. ماهو هنا يعني شكلي بروح غرفتي من غير هواشات .. خلني ادخل بسرعه قبل ما يجي ويمسكني .. دخلت غرفتي بسرعه وقفلت الباب .. جلست ادور حول نفسي ورميت الشنطه .. وفصخت الجاكيت .. وشوي شوي وانا ادور فصخت الكعب الوردي .. لازم وردي .. احلا لون بالدنيا .. فجأه وقفت وانا اناظر المرايه .. انتثر شعري على كتوفي وغطا سيور الفستان الوردي .. احس اني مثل قبل تسع سنين .. بمكان غريب علي واقفه بفستان وردي اطالع نفسي بالمرايه .. سنادريلا .. عمري ما نسيت اميرتي المفضله .. بيني وبينكم .. لا تقولو بزر بس لحد الان عندي طموح اني اصير ساندريلا .. دايم البس طوق والم شعري مثلها اذا صرت بالغرفه لحالي .. دايم ارسم فيران على اغلفة كتبي الدراسيه .. دايم بس افكر بألامير الي بيمسك جزمتي .. ويجي ويتزوجني واعيش بسعاده بعد الهم هذا .. خربت افكاري فجأه يوم سمعت صوت عمي برا .. رحت للباب وحطيت اذني كان يصرخ على عبدلله .. ما كان لعبدالله هس بس انه اكيد يصرخ عليه هو .. يا عمري يا عبدالله طيب هو وش ذمبه .. من كثر ما صوت عمي عالي ويخوف انا ما عرفت اركز هو وش جالس يقول .. كل الي استوعبته دبجه بالباب وهدووء .. شكله طلع .. حطيت يدي على قفل الباب عشان افتحه واشووف وش السالفه الا سمعت صوت فاتن
:ما قلت لك انت ثور يعني لمتى بتتحمل كل هالتهزئ عشانها .. من يومك بالمتوسط هي الي تهبب وانت الي يجي كل شي على راسك
يا ربي حما** هي وش دخلها يعني وش لقفها فينا انا وياه ... بس يا عمري عليه شكل كلامها صح من زمان وانا الي اسوي وهو اللي ياكل التهزئ .. سمعت صوته يقول :فاتن .. روحي عني .. انا مبسوط كذا اوكي خلاص فكيني
كان يقولها بقهر .. باااين انه قهر .. طيب لو طلعت وكلمته الحين ؟؟ لالا ما اتوقع انها فكره كويسه لانو ... مدري بس كفايه الي جاه قبل شوي ابروح له الحين و .. بصراحه مدري وش بيصير بس الاحسن اجلس بغرفتي .. افففف باقي وقت طويل على ما يجيني النوم ..
وش هالطفش بس .. رحت وفتحت شنطتي ورميت كل الملابس عالسرير .. يلا اذا ما عندي شي اسويه خل اصف ملابسي بالدولاب .. جلست اصف واصف وانا طفشانه بس وش اسوي .. بكل مكان حبسه .. خلاص تعودت على الطفش ..
قضت الملابس .. والحين وش اسوي ؟ ارقص مصري واقول يا ناس طفشانه ؟؟ خخخ .. فيه تلفزيون هه نسيت .. رحت انسدحت عالسرير وجلست اناظر .. واناظر .. واناظر ..
صوت عصافير وشي مزعج غير ملموس خلاني افتح عيوني ببطء .. التلفزيون مولع ونور الشمس فوق عيني خلاني اكشر .. قمت وانا اتثاوب وناظرت حولي .. شكلي نمت امس من غير ما احس .. فجأه سمعت صوت .. آآي هذا بطني ... امس لا تغديت ولا تعشيت .. ناظرت الساعه .. كانت ثمان ونص ..
يا حليلي قايمه بدري .. رحت اخذت روبي ودخلت اخذ لي شاور عالسريع وطلعت جعدت شعري وبدلت بسرعه .. مرررره جايعه .. اول ما طلعت لقيت عبدالله طالع من غرفته ويحك عيونه .. شكله خطير وهو توه قايم .. شعره كشه وعيونه مفقعه خخخ
ناظرته وانا مبتسمه :هااااي صباح الخير
قال بصوت كله نووم:صباح النور ..
ضحك عليه بيني وبين نفسي :عبود ترا بنزل افطر ؟
التفت بسرعه وقال:طيب بس مو برا الفندق
انا ارتعت منه .. بس ما ينلام صادق هو .. لو طلعت هو الي بيتهزأ .. قلت بتقبل :اوكي ..
عبدالله:بالعاافيه
وانا اسكر الباب:الللله يعااافيك ..
نزلت تحت ورحت اطلب لي شي يوكل .. اععععععع جاايعه .. لو يعطوني حصان بنفسجي عنده جنحان ذبانه باكله ... ههههههههههه كان تيموون الي بتيمون وبومبا دايم يقولها .. مش بالضبط مره صح علي بس ههه احب هالعباره .. والله انه مفهي ..
فجأه كذا ... انتو تعرفون كيف شعور انكم تحسون ان فيه احد يناظركم .. انا التفت وانصدمت .. يا ويييييل قلبي هذا هو الانسان الخوقاقي الي شفته امس .. جالس يطالعني .. وش جابه هنا هو وخشته .. وه بس وه .. يجنن مشالله الله لا يضره شكلي بنظله ..
كنت احاول اتجنب اني اطالع فيه .. وجالسه انتظر الطلب يجي .. افففف طوووولو .. ابي اروح اجلس مابي اناظره يا ناس حلوو
اخيرا جا طلبي رحت جلست وانا اجرجر رجولي .. اول ما جيت باكل جا هذا الانسان بصينيته : ممكن اجلس معك .. ؟

يؤ يؤ يؤ وش اسوي ؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 22
قديم(ـة) 19-03-2009, 12:13 AM
صورة آنثى مجهوله .. الرمزية
آنثى مجهوله .. آنثى مجهوله .. غير متصل
©؛°¨غرامي مشارك¨°؛©
 
الافتراضي رد: رواية الدم اللي انطبع فوق خدي ماانمحا والكسر ماينفعه تجبير


waaaaaaaaaaaaaaaaw
مرررررررررررة روووعه
وتجنن
بس اللس سقهر هذي فاتن وابوووها
يفقعون التسبد >>لاتعليق

بس وهـ
تجنننن
ويله كملي وانا وراك >>حشى داخله حرب

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 23
قديم(ـة) 19-03-2009, 12:33 AM
صورة فخامة كبريائي الرمزية
فخامة كبريائي فخامة كبريائي غير متصل
©؛°¨غرامي مشارك¨°؛©
 
الافتراضي رد: رواية الدم اللي انطبع فوق خدي ماانمحا والكسر ماينفعه تجبير


الله مرررررررررررررررررررررررررررره حلو البارت ننتظرك يالغلا لا تطولي عليناااااااااااا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 24
قديم(ـة) 19-03-2009, 12:59 PM
صورة أثوووره ! الرمزية
أثوووره ! أثوووره ! غير متصل
©؛°¨غرامي فعال ¨°؛©
 
الافتراضي رد: رواية الدم اللي انطبع فوق خدي ماانمحا والكسر ماينفعه تجبير


روووعــــه
ننــتظرركـ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 25
قديم(ـة) 20-03-2009, 02:59 PM
FoFy FoFy غير متصل
عضو موقوف من الإداره
 
الافتراضي رد: رواية الدم اللي انطبع فوق خدي ماانمحا والكسر ماينفعه تجبير


لعيون
miss-angel
فخامة كبريائي
الوردة الذابله
باااااااااااااااااااااااااارتين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 26
قديم(ـة) 20-03-2009, 03:01 PM
FoFy FoFy غير متصل
عضو موقوف من الإداره
 
الافتراضي رد: رواية الدم اللي انطبع فوق خدي ماانمحا والكسر ماينفعه تجبير


الجزء الثاني

البارت الثالث

انا تنحت خمس دقايق وهو جلس على طووول ما انتظر رد .. بصرااحه انا مدري وش كان موقفي بس تنحت لانو اول مره تصير لي هالحركه .. ناظرني وقال:اذا عندك مانع بقوووم ..
ابتمست بسرعه .. طبعا ما عندي مانع .. قلت له وانا اهز رااسي:لا مافي مشكله
جلس يضحك وهو يخربط بأكله:صديق
انا عقدت حواجبي .. وشو صديق .. لا وينطقها مو بحرف القاف .. ينطقها قا .. اممم يعني مثل ( مقرود ) مدري وش جاب هالكلمه براسي خخخخ .. المهم هو وش يعني بكلمة صديق ؟؟
سالته وانا عاقده حواجبي:وش صديقه؟
ناظرني ورفع حاجب .. فكر شوي بعدين قااال : خربت المزحه ..
اناا ارتسمت على وجهي علامة استفهااام وش يخربط ذاا .. هو فهم اني ما فهمت وعلى طووول قال:يعني انتي قلتي مافي مشكله فأنا بغيت اسوي خفيف دم وقلت صديق. .... سكت شوي شكله درا اني لحد الان ما فهمت ..على طول كمل ......... كنت ابيها تصيير مافي مشكله صديق .. فهمتي ؟؟
انا خلاص ضحكتي على طرف فمي .. مسكين فشلته ههههههههههههه .. من جد خربتها حسيت اني غبيه .. مش مهم .. انا ما عرفت اكل وهو قدامي .. شعور انو فيه احد غريب معك يجيب القلق .. لو نزل عبدالله ولا عمي .. مشكله اكيد بيفهمون الموضوع غلط..
طيب هو صح اساسا ؟؟ انا مدري حسيت انو ما ينفع يجلس معي .. بس مافيه سبب واضح .. مدري انلحس مخي
قال من غير ما يرفع راسه وهو ياكل:انا اسمي .. ياسر
ابتسمت .. دقايق وقلت:عاااشت الاساامي
قال بإبتسامه مشابهه:عاشت ايامك ... وانتي ايش اسمك؟
لا اراديا قلت:شجن ... رفع حاجب .. سكت شوي وقال:حلوووو اسمك ..
انا حسيت انه استغرب من الاسم .. قلت على طول:الله يحلي ايامك .. لا مو شجن بالضبط .. اسمي شجون بس ... ما يعجبني تقدر تناديني شجن ..
ضحك شويه وبدينا نسولف .. بصرااحه انسان جدن تفكيره راااقي ومؤدب مره .. والجلسه معه ما تنمل .. لانو الساعه صارت 11 وانا جالسه ادور معه بالفندق .. وانا نازله على اساس اني بفطر وارجع ..
ناظرت الساعه:امممم يسور انا لازم ارجع لجناحي لانو بتروش وبنطلع انا واهلي
طبعا قلت له كذا لاني ما احب اقول قصة حياتي لكل من هب ودب خخخخخخ
قال:... اوكي بس .. انا مسافر بعد اسبووع .. والحين بروح ليفربول اسلم على ناس يقربون لي هناك .. وبصراحه ما ودي يصير مجرد لقاء عابر .. احب اكون صداقات انا ..
ابتسمت .. فهمت قصده الدوب يبي رقمي .. بس انا اساسا ما عندي رقم .. مسكت الكحل من شنطتي ومسكت يده وكتبت ايملي
قلت:هذا ايميلي ... بس انا مو مع النت كثير يعني ما ادخل واجد
هو كانت على وجهه علامة استفهااام لاني كتبت على يده بالكحل .. عاد وش اسوي ابي ارجع بسرعه قبل ما يلاحظ عمي اني مو باللجناح .. صحيح ما طلعت من الفندق بس ولو ..
هو لحد الان ما تكلم انا دخلت الكحل ورحت عنه:باااااي فرصه سعييييييييده
رقيت بسرعه ودخلت ما لقيت احد بالجناح .. طليت بغرفة فاتن غرفة عبدالله دورت بكل مكان ما لقيت .. امم شكلهم طلعو .. بصراحه قهر يجيبوني معهم ويتركوني بالفندق كني جنيه .. مو عيشه ذي اف ..
دخلت بدلت ملابسي وطلعت احوس بالجنااح .. دخلت غرفة عبوود احوس بأغرااضه .. مره حووسه .. توني ادري ان عبدالله انسان فوضوي .. دايم سيارته نظيفه مو مثل باقي سيارات الشباب كراتين مناديل بكل مكان وقوارير مويه فاضيه .. وفتافيت على المراتب مدري من وين جايه ... حتى بلبسه ما كان فوضوي .. الثوب ما يلبسه الا مع شماغ .. وحتى الشماغ لازم يصير مضبووط ميه بالميه مستحيل يتركه عادي .. واذا لبس كجول لازم كل شي منسق مع بعضوو مافي شي غير عن شي .. شكله اصلا ما يوحي انه انسان فوضوي لهادرجه ؟؟
جلست اناظر الغرفه من الباب دوره كامله لحد ما رجعت للباب من جديد .. اول شي سريره كان مره .. مو سرير ابدن .. نص المفرش مفتوح على جهه طايح منها الكومفرت حق السرير .. والوساده مع الكومفرت عالارض .. هذا اولا .. ثاني شي اللأبجوره بالارض .. مدري وش جابها بالارض .. والثلاجه فوقها قوارير كثيره ببسي وميرندا وقوارير مويه .. طيب ليش ما يرميها بالزباله وخلاص ؟؟
كانت شنطته مفتوحه وبداخلها حوسة ملابس وحولها ملابس منثره هنا وهناك .. لا والمشكله ما يراعي وش الملابس الي يصلح تصير مع هالحوسه ووش الملابس الي ما يصلح وحده مثلي تشووفها خخخخ .. وشراريب مرميه كلها عند الباب .. والفوطه معلقه عالباب ..
بعد ما القيت نظره على هالمزبله .. خخخخ دخلت جوا .. اناظر بفضوول اول مره ادخل غرفه تخص عبدالله .. قصدي من زمان مو اول مره .. لقيت دفتر وقلم عالكومادينه عند السرير .. جلست بشويش هالسرير ورفعت القلم والدفتر .. كانت الصفحه فاضيه .. فتحت صفحه وصفحه كلهم فاضيه .. وش يكتب هذا .. ناظرت الصفحه الي قدامي .. كان فيها خطوط بالازرق .. خطوط مو باينه .. يعني اكيد الصفحه الي بعدها هو كاتب فيها شي .. توني بفتح الصفحه الا سمعت صوت من عند التسريحه ..
امّال ايه امّال ايه .. امّال ايه امّال امّال ليه انا حيران ... ههههههههههههههه انا بغيت اموت ضحك.. يا قدم هالاغنيه قدماه .. ماتو الي يسمعونها .. خلاص اكلني الفضول اكل .. تركت الدفتر لا اراديا وقمت للتسريحه .. عقدت حواجبي .. كان قرد من بلاستيك .. قرد صغنون معه بيديه شي كأنه صحن يصفق به .. كان مصدر الصوت يطلع منه .. ناظرته كويس ورفعته وانا مره ملحوسه ..
قلت وعلى وجهي علامة استفهام كبيره:المدينه ؟؟؟
صوت من وراي :ايه المدينه ..
التفت بسرعه وبخووف خصوصا من هالصوت .. ارتعت بدايتن وحطيت يدي محل قلبي طاحت اللعبه من يدي .. كان عبدالله واقف عند باب غرفته رجله اليمين محل اليسار ورجله اليسار محل اليمين مدخل يديه بجيوبه ومسند كل جسمه عالباب ويناظر .. كان كتلة من اللون الاسود .. مجرد ظل من غير ملامح واضحه .. انا اخذت نفس .. روعني ابن اللذين من جد .. طيّر قلبي من مكانه .. استوعبت شوي الموضوع .. نزلت بسرعه اخذت اللعبه من الارض .. ناظرتها ثواني ورفعت عيوني له:من جدك انت ؟؟
جا عندي وهو مبتسم:ليش مستغربه ..
انا بديت اتذكر .. كنا بالمدينه .. اول ما جيت الرياض بأسبوعين يمكن .. مدري وش المناسبه اننا رايحين بس كانو فاتن وعبدالله معنا .. كنت تسعه وهو 11 سنه .. بعد ما اصريت على ماما انو ادخل ابو ريالين .. شريت انا هالقرد وعبدالله كوره .. اتذكر كويس البزر الطرار الي كان يناظرنا من اول ما دخلنا .. كنت خايفه منه يروع شكله .. طلعنا وانا مره مبسوطه بلعبتي .. قرد يغني ويصفق .. شي جديد وغريب علي .. انا كنت مشغوله بلعبتي احاول اكتشف اي شي جديد فيها .. كانت تغني وتصفق وانا اناظرها ومبسوطه ..
صوت طفل يبكي عكر علي فرحتي .. التفت كان عبدالله واقف يبكي وكورته بيده مفقوعه .. وقدامه الولد الي كان عند ابو ريالين اول ما دخلنا .. كان عبدالله يبكي من قلب على كورته الخظرا .. وانا اناظره ومعبسه بحواجبي .. مدري اول مره اشوف طفل قدامي يبكي مقهور .. ما تعودت على هالموقف .. حسيت ان بيدي شي اخليه يبتسم يمسح دموعه .. كان صوت صياحه مزعج لكن ازعاج نفسي اكثر من ماهو ازعاج معنوي .. رحت له بهدوء .. ما كانت علاقتي بعبدالله ذيك الوقت مره قويه .. لكن بعد هالموقف .. يوم رحت له ومديت لعبتي له وابتسمت بوجهه .. وقلت له حصل خير وراح الشر .. طبعا كنت اقتبس من كلام جدتي اذا صار لي شي مو كويس .. اخذها من يدي ومسح دمعته من خده ... وناظرها وهي تغني وتصفق .. بعد هالموقف مره صرنا اصحاب صار يعطيني واعطيه العب معه ويلعب معي .... انام عنده وينام عندي احيانا .. ؟؟!
لكن الي يفك الراس .. من ذاك الوقت لحد الان هي موجوده معه ؟؟ ماهو معقول .. ما تكسرت ما تلفت ما خربت .. ؟؟ مستحيل تجلس طول هالفتره .. انا بس كنت اطالع اللعبه واتذكر هالموقف .. وبراسي اسأله متزاحمه .. اصلا ليش يحتفظ فيها ؟؟
قال بعد سكوت طويل:من متى وانتي هنا ؟
رفعت راسي وناظرته .. كان فمي مفتوح فتحه صغيره وعاقده حواجبي لحد الان مستغربه هل هذي نفسها اللعبه من ذيك الوقت ولا وحده غيرها ؟؟
عبدالله:وش فيييك؟
انا:هاذي ... يعني ... وش سالفتها؟
عبدالله مسكها من يدي:ما تذكريين ؟
قاطعته الا ربع:الا الا.. بس هي ... هي نفسها ولا ؟
ضحك عبدالله فتره وقال وهو يطالعها:مو بالضبط .. انكسرت هي ورجعت حاولت الزقها بس ما نفع .. بعدها كذا حطيتها بدروج الغرفه بس صارت ما تشتغل .. و الشهر الي راح كنت رايح اعتمر مع ابوي وشفت لعبه مثلها .. وشريتها .. هاذيهي الجديده .. القديمه غير شويه ..
ابتسمت:اهااا .. مسكتها من يده وانا اطالعها .. يمكن مو هي نفسها بس على الاقل هاذي اللعبه الي بيدي لها بصمه بدفتر ذكرياتي .. يا حليله غريبه لحد الان محتفظ فيها .. ليه ؟؟ انا فكرت كويس شكل الولد من جده يحبني ولا ايش سالفته .. حاولت اسأله كم مره لكن ما يعطيني جواب واضح ولا احس ان السالفه تصلح لانو .... يعني ما يصلح يحبني وبس احنا اصحااااب ..
عبدالله انسان ... انسان رائع بكل ما تحويه هاذي الكلمه .. فجأه قطع حبل افكاري:شجونه من متى وانتي هنا ؟
ابتسمت وقلت:قبل شوي جيت اشوف العفسه الي انت مهببها فيذا ..
رفعت بطرف اصبعي بلوزه : ايش هذا ؟؟
ناظرني بأبتسامه صغيره على جمب:تي شيرت ابيض؟
رميته من اصبعي وانا اطالع غرفته:وليش ما تخلي الروم سيرفس تدخل تنظف ؟؟
قال وهو يطالع الغرفه:ماحب احد غريب يلمّس اغراضي ابدن ..
قلت بحاجب مرفوع:ماااااافي مجاال ... قم بس قم خلنا ننظف
الولد بان على وجهه علامة الصدمه:وش ننظف
ناظرت حولي:المزبله الي انت عايش فيها ..
ضحك علي وقال:بنسافر اليوم بالليل ماله داعي ننظف
انا صارت على وجهي علامة استفهاام:وش نسافر ؟؟
عبدالله:خلاص بنرجع للسعوديه
عقدت حواجبي وكشرت:اهاا .. طيب وين عمي وذولا ..
عبدالله:الحين بيجون ..
انا كنت ابي اعرف ليش بنرجع:طيب وش السبب تونا جايين ؟
تنهد عبدالله:ابوي ومزاجه .. الله يهديه
قلت بخيبة امل:ايه الا .. انا بروح غرفتي ..
توني بطلع الا مسكني:شجون
التفت بسرعه:هلا ..
تنهد شوي .. وناظر الارض ثواني رفع راسه وهو مبتسم وقال:سلامتك ..
ترك يدي وهو يتنهد .. انا كنت عارفه انو عنده حكي وده يقوله .. رحت غرفتي وانا افكر ليش عمي يبينا نرجع بهالسرعه ... الله اعلم .. يعني من الحين اببدى اوسوس بالكلام الي كان بين ماما وبابا ذيك اليوم .. انا كنتت مابي افكر فيه اطول فتره ممكنه بس وش اسوي .. ما دام اني برجع بدري خلاص لازم اعرف وش السالفه ..
الليل جا ورتبت اغراضي ودخلت ملابسي بشطنتي .. طلعنا للمطار وانا اناظر شوارع لندن .. وش هالسفريه البايخه .. لو اني قاعده والله العظيم اصرف لي .. جيت بس عورت راسي وضيقت صدري اكثر من اول .. اففف
اول ما دخلت الطياره رحت لمكاني وجلست جمب الشباك وغمضت عيوني .. ابي ارتاح شو يا ناس ابي ابتسم مره تصير ابتسامه من قلب .. وش هالحياة البايخه .. مره خقنتني العبره وكان ودي اصيح من غير اي سبب مقنع .. تجيني حالات فجأه احس ان الدنيا شينه وما تنبلع وخلاص توصل معي وابكي كثير ... لكن زي ما قلت من غير اي سبب مقنع ..
طاحت دمعتين .. وحده نزلت لحد ما استقرت فوق بلوزتي والثانيه مسحها عبدالله:ليش تبكين ؟
فتحت عيوني لقيته جالسه جمبي ويطالع فيني .. حسيت اني اكرهه واكره الدنيا كلها .. بس خلاص مابي احد وصلت معي اناا .. لفيت وجهي عنه وطلعت الايبود حقي من شنطتي وشغلت اغنية ساعات .. جلست اناظر انوار لندن كل مالها وتصغر وتصغر وتصغر .. كنت محتاجه ابكي واطلع شوي من الي في قلبي .. حاسه بشي فيه شي بيصير انا متأكده .. مابي ارجع .. مابي اموت من القهر قدام ماما وانا اترجاها تقول لي وش جالس يصير لي بحياتي ..
غمضت عيوني من جديد واخذت نفس طويل .. صوت راشد بأذاني .. كلمات جتني بالصميم .. ساعات احس ان الفرح محال ولا يمكن يحين ..... مستحيل يحين بالنسبه لي .. سعادتي الوحيده كانت .. لمن جيت للرياض .. لكن ما دريت انها بتكون بداية لطريق طويل خالي من اي معنى للسعاده ..
يمكن تقولون اني ابالغ .. يمكن تحسون ان مع كل الاحداث الي صارت لي كنت مو حزينه ابد .. لا .. كنت احاول من ورى كل هالاحداث اني ادور على شي يخليني ابتسم وخلاص .. دفعت نص عمري .. نص عمري ادور على هالابتسامه .. لكن شكلها اغلى بكثيير ..
صوت عبدالله يكلم المضيفه ... وبزر يبكي .. وواحد يتهاوش مع زوجته بالمرتبه الي ورانا .. وصوت كابتن الطياره .. قمت وانا مكشره .. حصلت نفسي على كتف عبدالله .. ناظرت ساعتي .. شكلي نمت ساعتين .. تثاوبت وانا اتعدل بجلستي .. التفت علي عبدالله:صح النوم ..
ابتسمت له:صح بدنك ..
بعد الترويقه هاذي قت اسولف معه ... شويه انام شويه ارجع اسولف شوي نتهاوش وما نكلم بعض .. لحد ما اعلن كابتن الطياره انو بنهبط الحين بمطار الملك خالد الدولي .. قبل ما اربط حزامي رحت لبست عباتي .. ما كانت تفرق لو لبستها او لا .. نفس الشي االفرق انها بتكون فستان مش بنطلون .. لفيت طرحتي بسرعه ورجعت مكاني ربطت الحزام .. جلست اطالع من الشباك الرياض كل مالها وتكبر .. اشتقت لها .. ما طلعت منها الا شويه بس يمكن لانو .. صار لي سنتين ما طلعت منها .. تعلقت فيها .. نزلنا من الطياره .. مشيت بالمطار .. طالعت الناس .. هذولا سعوديين .. خلاص رجعت .. تنهدت وانا اطالع النافوره الكبيره .. كانو مطفينها .. يمكن لانو الحين الساعه ثلاث الليل .. ليش يفتحونها .. كانت سيارة عمي موجوده بمواقف المطار .. انا استغربت ليش ما في احد جاي يستقبلنا ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 27
قديم(ـة) 20-03-2009, 03:02 PM
FoFy FoFy غير متصل
عضو موقوف من الإداره
 
الافتراضي رد: رواية الدم اللي انطبع فوق خدي ماانمحا والكسر ماينفعه تجبير


يتبع
الجزء الثاني

البارت الرابع

ركبنا السياره كان عمي يسوق وعبدالله جمبه وورى انا وخالتي والي ما تنتسمى فاتن .. جلست ورا عبدالله عشان يمديني اسولف معه
قربت له وهمست:هيه عبيد ..
التفت شوي وقال بهمس:هلا
حركت يدي بسرعه كأني اقول له قرب:ليش ما جا احد يستقبنا ؟؟
عبدالله:مدري يقول ابوي فيه مشكله صايره بس ما قال وشهي
انا تسندت على مرتبتي بخوف .. لا يكون السالفه لها دخل بأبوي ؟؟ الله يستر بس .. طول الطريق وانا اهوجس لحد ما وقفت السياره .. ناظرت كويس .. هذا بيت عمي .. وش جابني انا هنا ؟؟ تكلمت بسرعه:عمي انا بروح بيتنا ..
نزل عمي من السياره وهو معصب ومو رااايق ابد:نومي مع فاتن وارجعي بكرا
انا نزلت وانا معصبه بس ماسكه اعصاابي .. هذا الي ناقص انام مع فاتن .. لحقت عمي بسرعه ووقفت قدامه:طيب بروح مع السواق خله يوصلني
صرخ بوجهي:مجنونه انتي الساعه اربع الا ربع الفجر .. ادخلي بس اف
انا ما رضيت تمسكت بموقفي:خلاص عبدالله يوصلني
قال عمي بلهجه مره تخوف وبإصرار اكثر:شجون ... ادخلي وانتي ساكته
انا تصنمت مكاني من الخوف .. مافي مجال للنقاش مع هالانسان .. مستحيل من سابع المستحيلات انام مع هالتبـ** فاتن .. ناظرتها بإستحقار قبل ما ادخل بيتهم .. بس هي كانت اسرع ومرت قدامي بكل وقاحه .. من جد ناس ما تربت .. دخلت خالتي وبقى عبدالله ينزل الشنط ... وانا عند باب الشارع انتظره:الحين ليش ابوك ما دخل السياره بالبيت .. وليش ما تخلي الشغاله تجي تدخل الشنط
عبدالله:ابوي مدري وش فيه مو رايق عشان يدخلها جوا البيت والشغاله في بيتكم .. ما نقدر نسافر ونتركهاا لحالها
تأففت وانا ادخل .. من زمان ما دخلت بيت عمي .. شكلهم رمموه .. ناظرت حولي اول ما دخلت .. تذكرت اول ما دخلت بيتنا يومني صغيره .. دخل عبدالله:وش فيييك؟
فصخت طرحتي وعباتي:بيتكم تغير ... تنهدت .. انا بروح انوم دايخه .. الله يعيني على اختك بس .. وين غرفتها ذا المخيسه
ضحك عبدالله علي ومشى قدامي للدرج:امشي
رقيت معه ووصلني لغرفة فاتن .. ضربت الباب ما فتحت .. ضربته من جديد ما فتحت .. جرب عبدالله يضربه كمان ما فتحت .. من جد حما** يقالها ميته على النومه عندها انا .. كنت عارفه انها متقصده ما تفتح ..
قلت بيأس:وين غرفة الضيوف بس ..
هز عبدلله راسه ومشى:الله يهديها .. امشي ..
رحنا لغرفة الضيوف .. حط عبدالله يده عالباب بس ما رضا ينفتح .. قال بيأس واضح:مقفووول
رفعت حاجب:طيب وين المفتاح ..
عبدالله:عند ابوي ..!
قلت بعفويه:خلاص جيبه
ناظرني فتره وقال:ابوي نام ..
انا:وش بيضرك روح شووف
وراح ولقى عمي نايم .. وطبعا سماجة عبدالله .. ما رضى يصحيه يقول مسكين تعبان .. وش اسوي بعمري انا ؟؟
رجعت نزلت بسرعه .. خلاص بنوم بالصاله .. هذا مكاني ..
شلت كل الوسايد الي عالكنبه وبقيت وحده .. نزل عبدالله بسرعه:وش تسوييين ؟
انسدحت وتلحفت بعباتي:بنووم ..
عبدالله بان عليه الاستنكار:بالصاله عاد ..؟.؟!
قلت بقهر:عندك حل ثاني ؟؟
عبدالله:ايه .. تعالي غرفتي
انا عقدت حواجبي .. وش يحس به هذا..بس هو على طول تكلم:وانا بنام بالصاله ..
انا:خير انا انام بغرفتك وانت تنام بالصاله .. رح ارقد بس
سحبني مع يدي وقومني :قووووومي لغرفتي وانا بنااام هناا
رجعت اجلس عالكنبه:لا ..
جا جلس جمبي وحط يديه بحظنه مثل:اوكي .. لا انا انام ولا انتي تنامين .. بنشب لك ..
تأففت:يووووو عبدالله والله العظيم ماني رايقه لك فيني النووم
بس ما تكلم وساكت ومو راضي يقوم .. يالله عليه يجيب الضغط .. ربع ساعه قم قومي قم قومي قم قومي .. يوم مره خلاص طفشت منه وافقت اني انام بغرفته .. ينرفز من جد .. تجيه اوقات الكلمه الي يقولها لازم تمشي .. دخلت غرفته .. الديكور تغير بس ترتيبه ما تغير .. دايم عبدالله يفضل السرير يكون بنص الجدار الي مقابل الباب .. وبجمب الباب بشويه الدولاب وخرابيطه الثانيه ومدري ايش .. كانت غرفته مرتبه والونها حلوه .. زي عادته .. رحت وجلست على سريره وانا احس بتأنيب الضمير .. تاركته ينام تحت وانا جايه بغرفته .. بس وش اسوي الولد اصر علي .. طفشني في حياتي .. طار عني النوم .. افف .. رفعت غطا السرير وانسدحت .. شميت ريحة عطره .. لاكوست اسنشول .. يا حليله عبيد .. عنده ذوق خطير .. تنهدت وتوني بغمض عيوني الا لفت اتنباهي شي على الكومادينه .. برواز صغير ازرق .. مديت يدي ومسكته وجلست اطالعه وانا منسدحه .. كانت الصوره انا وعبود .. كنت لابسه قبعة التخرج .. وحاطه يدي ورا رقبته وهو حاط يده ورا رقبتي ومبتسمين .. وانا كانت عندي دريشه بأسناني خخخ .. اتذكر هالصوره لمن تخرجت من الابتدائي .. يا قدمهاا .. عنده معرض تراثي الظاهر .. كل شي قديم بحصله عنده .. يحب يتمسك بالذكريات الحلوه والمره .. على عكسي تماما .. انا كل شي من الماضي يفرح او يزعل اكرهه .. فجأه حسيت اني بديت اغمض عيوني .. شوي شوي .. شوي شوي .. لحد ما دخلت عالم ثاني .. بديت احلم .. حلم ابيض .. زي الي شفته بالطياره .. لكن هالمره .. كان بابا مو مبتسم وفرحان .. كان يطالعني بحزن .. قال وهو ماسك يدي
هاله ... هاله يا شجون .. بعدها تلاشى بالظلام .. صحيت من النوم ورفعت راسي .. نور الشمس كان متسلل للغرفه .. ناظرت حولي .. انا وين .. ايه تذكرت انا بغرفة عبدالله .. بديت اتذكر الحلم .. هاله .. ليش يكلمني عن ماما الله يرحمها ..؟؟ ليش بس هو الي احلم فيه وهي لا .. انا بديت اهوجس .. لا يكون ما توفت .. لا يكون ماما حيه ؟؟ وليش يقولي هاله هاله .. ما فهمت ولا شي .. كل الي استوعبته خبطات على الباب ..
قلت بعبووس:مييين ؟
فتح الباب وطل براسه:صباح النووووور
ضحكت عليه .. رااايق من جد وقفت وتمغطت شويه وانا اتثاوب .. ناظرته بعد تتنيحتي الطويله حقت اول ما اقوم من النوم ..
انا:عبيد الساعه كم ؟
عبدالله يناظر ساعته:الساعه عشر الا خمس
كشرت:انا ما نمت الا اربع وانت مقومني عشر .. حسبي الله عليك
عبدالله رفع حاجب:انتي الي قمتي بروحك .. يلا غسلي وجهك والبسي عباااتك
حكيت عيوني:اوكي ..
نزلنا تحت وركب سيارته .. طبعا قدام خخخخخخ .. اول ما جا بيحرك السياره سألته:وين اهلك ؟؟
عبدالله:امي وفاتن ببيتكم
عقدت حواجبي:وش يسوون .. ؟؟
عبدالله:مدري ... هاه وش راااايك وين نفطر ..
انا مره فرحت:عبيد من جدك؟
استغرب هو:من جدي ايش؟
قلت بحماس:تدري اني من زماااااااااااان اوي اوي ما طلعت .. ياحبي لك يااخي ..
رحنا فطرنا في كودو الي عند السيفوي.. انا بغيت اذبحه على هالاختيار بس هو وقف وانا وحده دايخه ما استوعبت .. طبعا هزأته بس بالنهايه فطرت في كودو.. غيرت رااايي فيه .. هذا انسان ما عنده ذوق وغبي ..
عبدالله يضحك:ههه وش فيك .. زعلانه وتوك مفطره بعد
انا كنت مبوزه:لا تكلمني .. انا اكلت لاني جايعه .. يا الغبي جايبني كودو .. حسبي الله عليك ..
رجع يضحك مره ثانيه .. ياربي ينرفزززززز .. فجأه رن جواله ..
عبدالله:هلا يبا ... ايش ؟؟ ... لا والله ما ... مادريت .. اوكي اوكي هد اعصاابك والله كل شي بيصير تمام انت بـ .... اوكي على امرك .. جاييين جايين بالطريق احنا ... يلا ... مع السلامه
عقدت حواجبي:وينه ابوك وليش زعلان ؟
عبدالله ملامح وجهه تغيرت:ابوي ببيتكم .. تنهد ... الظاهر ابوك صاير له شي والله اعلم .. الحين هو ببيتكم وجايبين له ممرضه وشغله .. شكل السالفه ماهي هينه
انا مره خلاص حسيت قلبي وقف بمكانه .. كنت حاااااسه بشي .. دموعي لا اراديا تجمعت بعيوني .. اكيد هذا المرض الي كانو يتكلمون عنه .. ياااااااارب استر يا رب .. انا مره خاايفه ..
ناظرني عبدالله:شجون وش فيك تبكين .. ابوي اصلا داق يبيني اجيبك مو عشان عمي .. من قبل امس وعمي مريض .. وحالته الحين استقرت خلاص
انا سكتت شوي وهدت اعصابي .. بس ولو لحد الان ابكي ما اقدر اوقف دموعي.. ما فكرت في اي شي غير اني بنحرم من ابوي مره ثانيه .. ماااني مستوعبه اي شي ..
وصلنا عند بيتنا .. كان فيه كدلك اسود واقف .. وبجنبه واحد لابس ثوب ومشمر اكمامه .. من غير غتره او شماغ .. اسمراني حبتين وطويل .. انا نزلت من السياره وانا عاقده حواجبي .. من هذا ... مريت من جمبه وناظرته .. كااان مره حزين .. ملامحه فيها بؤس .. اول مره اشوف انسان الحزن باين بعيونه لهادرجه .. ناظرني وهو رافع حاجب بعدها تنهد وبعد عيونه عني .. جا عبدالله وهو يطالعه:يلا شجون امشي ..
دخلنا جوا عبدالله راح للرجال وانا دخلت من باب الحريم .. مدري قلبي كان يدق بقوه وخايفه .. مدري ليه وش هالشعور الغريب الي بداخلي .. بمجلس الحريم .. اسمع اصوات .. قربت .. لقيت ماما جوا وخالتي ام عبدالله وباقي خالاتي معهم .. و حرمه لابسه عباية راس .. وبجمبها بنت اعطيها مثل عمري تقريبا او اكبر .. وقفت عند الباب لا شعوريا وانا اطالع .. ما كنت اسمع وش يقولون بس اناظر كيف الدموع محبوسه بعيون ماما وخالاتي مكشرين ومدري ايش .. ناظرنتي ماما وووقفت:هاذي شجون جت .. تعالي يا ماما الحمدالله على السلامه
مشيت لماما مثل الطفل الخايف .. تعرفون كيف يحاول يبتعد عن الناس الي ما يعرفهم لحد ما يوصل لامه .. رحت لها وانا اطالعهم وبصوت اشبه بالهمس:الله .. يسلمك ..
الحرمه شفتها .. على طول خلاص عرفتها .. معقوووول ؟؟ اذا هي صدق الي في بالي اجل الي معها الحين .....
العنود..؟؟؟!؟!؟!؟؟!؟!؟!!!!
انا انشل تفكيري وانا اطالع البنت الي واقفه جمبها .. اناظر تفاصيل وجهها بحرص .. ذكريات ذكريات كثيره واقفه قدامي .. الشي الي ما ترك ابتسامتي تكتمل .. نظراتها لي .. كانت تناظرني بنظرات استحقار عمري ماقد احد بحياتي ناظرني فيهم ..
فجأه ماما تكلمت:شجن .. هاذي ام حمد وبنتها العنود .. نسيتيهم .. ؟؟
بدري يا ماما عرفت من زمان انهم هم .. معقوله انساهم .. ابتسمت وهزيت راسي بهدوء .. منهم ذولا عشان انساهم .. هذولا اهلي .. محد ضمني لحظنه بعد وفاة جدتي الا ام حمد .. محد شاركني لعبه يومني كنت مجرد نكره غبيه بمدرسى القريه غير العنود .. محد قد حسسني ان عندي ابو غير ابو حمد وقتها .. كلهم كانو عايلتي كل شي عندي بالدنيا حتى قبل وفاة جدتي .. معقوله انساهم .. انسى الناس الي فتحو لي بيتهم وانا مو بنتهم .. معقوله انسى العنود الي رضت بي صديقه رغم غبائي وفقري ؟؟ معقوله يا ماما ابنساهم .. لا مستحيل .. هذولا مثل الدم الي بعروقي اذا جف انا اموت بعده ..
وتمر الدقايق بطيئه كلها نظرات بيني وبينهم .. وش جابهم .. ؟؟ وليش بالذات لما بابا صار مريض .. لحظه اانا نسيت بابا .. التفت على ماما بسرعه:بابا بخير؟
طبعا كنت اقصر صوتي على قد ما اقدر .. مدري هو حيا ولا ايش .. هزت ماما راسها بنعم .. رجعت عيوني عليهم .. دزتني ماما بيدها على ظهري .. تقصد روحي سلمي عليهم .. مشيت بشويش ورحت لأم حمد ومديت يدي وانا مبتسمه :هلا خالتي ..
ام حمد كانت مره فرحانه .. مسكت يدي بقووه مره خخخ عورتني شويه:هلا بك زود يا بنتي .. مشالله .. مشالله كبرتي .. نسيتينا ؟
كانت تكلمني كأني لحد الان تسع سنين .. يا حبي لها .. قلت بعفويه:معقوله انساكم يا خالتي ..
لحد الان مو مستوعبه الي يصير الحين ابتسامتي كل مالها تكبر وتكبر لدرجة اني تخيلت ان وجهي بينشق من كثر ما انا فرحانه .. تبادلت بعض الكمات انا وام حمد .. بعدها التفت على العنود اسلم عليها .. كنت مره متحمسه .. كان ودي احظنها واقولها اشتقت لك موت وما افارقها بعد هاليوم ابد .. بس تفآجئت يوم مدت يدها بطريقه بايخه .. ونظرات الاستحقار لحد الان تناظرني فيهم .. اخذت نفس طويل قلت بعده:كيفك العنود .. وحشتيني ..
رفعت حاجب وهي تناظرني من تحت لفوق:تشتاق لك العافيه ..
قالت ماما:شجون وش رايك تروحين انتي والعنود غرفتك .. تسولفون شويه وكذا
انا فهمت من اسلوب ماما انها تبي تصرفني .. تبيني اطلع من عندهم .. ابتسمت للعنود:تجين .. ؟
التفت العنود على امها وكان باين على وجهها ملامح الترجي .. بس امها اشرت لها بيدها تجي معي .. رجعت التفتت بدون نفس وهي تتأفف ومشت معي .. مدري ليش كارهتني .. انا ما سويت لها شي ؟؟
رقيت فوق وانا مره مبسوطه .. منصدمه حبتين .. معقوووله هاذي الي تمشي بجنبي العنود ... ؟؟ لا ما اصدق .. فتحت باب غرفتي بحماس ابي اوريها انو عندي سرير كبير عندي حمام بجوا الغرفه عندي غرفة ثانيه للتلفزيون وللجلسه كانت زمان غرفة العاب .. ودي اوريها صندوقنا .. الي فيه اشياااء زمان العابنا وذكرياتنا الحلوه .. ابي اقولها شوفيني تغيرت ماعادني شجون الغبيه .. مفروض ما تستحقرني هي وو ... وحمد .. ليش ما سألت عنه ... الا ليش ما اسأل عنه
فصخت عباتي والتفت عليها .. كانت توها جالسه عالكنبه تناظر حولها .. رحت وجلست جمبها وابتسمت ابتسامه شقت وجهي نصين:كيفك العنود ؟
جلست تناظرني من تحت لفوق:زينه ..
بعد لحظه سكوت .. : اممممم .. كيفهم اخوانك ؟
قالت بدون نفس:وشله تسألين عنهم ما تعرفينهم كويس
قلت بسرعه:الا حمود .... اقصد حمد .. كيفه؟؟
وقفت فجأه بعصبيه .. انا مررره ارتعت منها .. كانت تصرخ وتقول:حمد .. والله طلع فيك ذرة طيبة وسألتي عنه .. لا حبيبتي ما عليك من حمد .. اذا تبين تعرفين احواله اسأليه بنفسك بعد ما ....
بعد ما ايش .. ليش سكتت .. ما عطتني فرصه اسألها حتى وش فيها طلعت بسرعه .. وش صاير .. يمكنها فاهمه اي حاجه هنا غلط ..؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 28
قديم(ـة) 20-03-2009, 03:38 PM
صورة أثوووره ! الرمزية
أثوووره ! أثوووره ! غير متصل
©؛°¨غرامي فعال ¨°؛©
 
الافتراضي رد: رواية الدم اللي انطبع فوق خدي ماانمحا والكسر ماينفعه تجبير


رووعــــــة,يسلموو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 29
قديم(ـة) 20-03-2009, 10:16 PM
صورة فخامة كبريائي الرمزية
فخامة كبريائي فخامة كبريائي غير متصل
©؛°¨غرامي مشارك¨°؛©
 
الافتراضي رد: رواية الدم اللي انطبع فوق خدي ماانمحا والكسر ماينفعه تجبير


روعـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــه مشكوره يالغلا ننتظركـ

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 30
قديم(ـة) 21-03-2009, 08:06 AM
صورة نونه الاموره الرمزية
نونه الاموره نونه الاموره غير متصل
©؛°¨غرامي متألق ¨°؛©
 
الافتراضي رد: رواية الدم اللي انطبع فوق خدي ماانمحا والكسر ماينفعه تجبير


يسلموووووووووووووووووووووووووووووووووووووووووووووو وووووووووووووووووووووووووووو ياعسل ..
لاتطولي بليييييييييييييييييييييييييييييز..
العنود وجع فقلب العدو ليش تسوي كذا ..


الرد باقتباس
إضافة رد

رواية الدم اللي إنطبع فوق خدي ما أنمحى و الكسر ما ينفعه تجبير / كاملة

الوسوم
ماانمحا , ماينفعه , اللي , الحل , انطبع , تجبير , رواية , والكسر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية لمني بشوق وأحضني بعادك عني يبعثرني / كاملة لمحت بعيونك غرامي روايات كامله - يتم نقل الرواية هنا بعد اكتمالها 740 28-05-2019 01:25 PM
رواية "جايب هالقساوة منين "منين ياطيب "رومانسية وأكشن جنان لاتفوتكم كاملة خيلآء أنثى ارشيف غرام 6 31-10-2008 10:14 PM
النقيب المقاتل عبدالله بن رواحة ابوعبدالله الخطيمي مواضيع إسلامية - فقه - عقيدة 10 01-12-2007 02:23 PM

الساعة الآن +3: 02:16 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1