غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-03-2009, 09:55 PM
صورة &ثلجه فوشيه& الرمزية
&ثلجه فوشيه& &ثلجه فوشيه& غير متصل
©؛°¨غرامي مشارك¨°؛©
 
مضيت في دروب الحب كني غريبة / للكاتبة saad lbrahim ، كاملة


مضيت في دروب الحب كني غريبة

مقدمة بسيطة
مضيت دروب الحب كني غريبة
ولا ادري وين قلبي موديني
تعبت وصرت فيه والله غريقة
ونهاية دربي كتبتها بيديني
في هالقصة بتشوفون التضحية والحب الحقيقي بتشوفون كيف اللي يحب من قلب بيضحي لاجل اللي يحبة بتشوفون تحكم الاهل وسيطرتهم الين بتوصل بتشوفون الانسانية والشر والخير وانهم مايلتقون في طريق واحد ابدوالحقد والكره يعني كل شئ بيتجسد في قصتي المتواضعة وابطال القصة بتتعرفون عليهم تدريجيا يعني كل ماصار شئ وظهر لنا شخص بعرفكم علية لان فية ناس بتستمر للنهاية وناس بتختفي وناس بتظهر بالمنتصف ويمكن تاثر وناس يمكن تظهر وتختفي فعلشان كذا فضلت اني اكتب القصة وبالتدريج نتعرف على شخصياتها


الجزء الاول

في العاصمة الرياض وبالتحديد يوم الاثنين في بيت عيلة ابو حمد نايف العتيبي وكالعادة مثل كل صباح تروح الام نورة ام حمد تقوم عيالها للمدرسة تدخل الام غرفة بنتها ريم خلني اعرفكم عليها (ريم هذي بنت حبوبة جدا طيبة دمها خفيف مافي احد مايحبها تمتلك القلوب بسرعة عمرها 19 سنة تدرس اخر سنة ثالث ثانوي علمي طموحها تدخل طب اطفال وذي امنيتها من الصغر تسعى لتحقيقها وحيل حساسة هالبنت وبسبةحساسيتها تحس الناس كلهم يكرهونها تحب الحب وتعيش للحب)
ام حمد::يمة ريم قومي الساعة 5 والسواق ينتظر تحت
ريم::اممممممم يمة بس خمس دقايق تكفين
ام حمد::يوم اقولك خليك من السهر ونامي تقولين بقوم ماعليك يالله قومي بعدين حرام عليك كل يوم السواق ينطق تحت بسبتك
ريم ومن تحت اللحاف::اية يمة ذالحين اقوم وبعدين خلية ينطق شوي مو ياخذ راتب خلية يستاهل كلي وم يطقني الظهر
ام حمد::وش هالكلام ياريم حرام عليك الرجال جاي يترزق الله وانتي تقولين كذا وتشد ام حمد اللحاف من على ريم وتنقز ريم من قو الشد لانها كانت ماسكتة في يدها
ريم::ياحووووووووووووول يعني كل يوم مدرسة مدرسة وقومة صبح اااه بس متى ارتاح من امدرسة والدراسة متى يقولون ريم تعالي خوذي نتيجتك ولاتورينا وجهك والله بسوي حفلة وقتها متى بس
ام حمد::ان شاءالله يجي هاليوم بس انتي شدي حيلك لاتنسين انك ثالث يعني اخر سنة وبعدين ماباقي غير شهر على الامتحانات ابيك ترفعين راسي مثل كل سنة
ريم::زين اذيتونا كل يوم والثاني انتي ثالث وانتي ثالث ترا وربي طفشت ومليت وتقووم من فراشها تروح لحمامها وتبي تدخل الا هو مقفل تطق الباب
ترد مريم من جوا الحمام::نعم
(اعرفكم عليها هذي مريم اخت ريم الصغيرة واخر العنقوود والدلوعة عمرها 11 سنة وتدرس في خامس ابتدائي)
ريم::وانتي بالله ماعندك غرفة وفيها حمام وش عندك رازة هالوجه بحمامي يوميا
مريم::ياختي كيفي اروح أي حمام بالبيت
تروح ريم للحمام اللي بالصالة الا محمد اخوها في الحمام
(محمد اخو ريم اصغر منها ب6 سنوات هو بسادس وعمرة 12 سنة)
تطق ريم الباب::محمدوووة وصمخ يالله خلصني اطلع بسرعة ماصارت طفشتني وانت ناقع صارلك ساعة بالحمام وراي عفسة وكريموة بيااذينا بزامورة
محمد من جوا الحمام::اقول انطقي واستني شوي بعدين ليه ماتروحين حمامك؟
ريم::يوووه والله انك فاضي تناقش على هالصبح حمامي فية الاخت مريم تتحمم وبعدين يعني ماتبي تطلع وتتكتف ريم قدام الحمام
محمد وهوطالع::انتي ليه دووم معصبة خلك ايزي ياعزيزي زاعط الدنيا بطاقة فيزي ويمشي من جنبها يغني ويرقص ويمد لسانة لها كل شوي
ريم وهي معصبة::وانت لك ارض تغني بهالصبح اية ماوراك مس كعبول والا ماغنيت
محمد::بالله احد يشوف وجهك ومايغني مهبول هذا وبعدين على طاري كعبول وش اخبارها حية ميتة منبعد عمايلك انتي وشلتك
ريم وهي تدخل الحمام::ذي بسبعة ارواح ماينفع معاها شئ ابد
وتصك الباب بقوة خلا كل اللي في البيت ينزون وابوها قام مفزوع من نومة وراح يركض الصالة
ابو حمد:خير ان شاءالله وش فية ووش اللي انفجر
(ابو حمد هذا عندة شركة مقاولات كبيرة يشتغل فيها وهو حيل طيب وحبوب يحب مرتة وعيالة عندة بالدنياعيالة اربعة هم حمد وريم ومحمد ومريم ابو حمد ابوة متوفي وعندة اخوان من ابوة بس علاقتة هو اولادة فيهم سطحية بالاعياد بس وبالمناسبات وامة حية وعندة اخت منها اسمها مها تدرس في الجامعة سنة ثالثة علم نفس)
مريم وهي مطلعة راسها من باب غرفتها وحاطة البشكير على راسها::ماصاير شئ باباتي بس انت خابر بنتك الشيخة ريم ودفاشتها
ريموهي طالعة من الحمام وتتكلك باستهزاء: تكفين يالناعمة انتي اقول مالدفش غيرك
مريم::يحصلك تصيرين ربع مرايم انا الليدي مريم كان ماتدرين صح باباتي
ابو حمد::صح ونص بعد
ريم وهي مادة بوزها وتسوي نفسها زعلانة::اية اية داع عن حبية القلب مريوم وانا ياحافظ لك الله اهي اهي وهي تمثل انها تبكي وينك ياحمد وينك ياقلب وروح اختك ماحد يحبني في البيت غيرك وينك
ابو حمد:: بسم الله علينا انتي ريم وش فيك تقول عجوز ماكلين عشاها وبعدين اذيتينا بهالاسطوانة اليومية وانا كلكم احبكم وكلكم عيالي وانتي الريامي الغالية ريم الفلا
ريم من يوم ناداها الريامي انبسطت وابتسامتها شقت الحلق لانها تحب الناس ينادونها بالاسم هذا وتروح عند ابوها تضمة وتحب راسة::يعلني ماخلا منك يالغالي
ابوحمد::ولامنك يالله روحي البسي لاتتاخرين
مريم غارت من الحركة وراحت وجابت مشطها وتروح عند ابوها اللي كان جالس بالصالة وتضمة وتحب راسة وتجلس في حضنة::باباتي باباتي مشطلي شعري
ابو حمد::ياروح باباتي انتي تامرين امر كم مرايم عندي انا الا هي وحدة وبحضني ويقعد ابو حمد يسرح شعرها ولانة ناعم وقصير فمااخذ من وقت
ريم في هالوقت جلست تلبس وتتجهز وهي قدام المراية جالسة تربط شعرها ذيل الفرس لان شعرها طويل حيل يوصل الى نص فخذها ومرة ناعم لونة الطبيعي بني فاتح وكان خيال عليها وهي تناظر في المراية دار هالكلام في بالها>فديت هالجمال والله يعلني ماخلا من نفسي وهي تبتسم<(ريم جميلة جدا يعني لازم اللي شوفها تشدة غصب وين ماتروح تغطي على الكل بيضاء طولها مناسب عيونها كباروعسليات الرموش حيل كثيفة والحاجب خط على العين كانة مرسوم رسم خشمها صغير شوي بس كانة حد سيف مناسب جدا مع وجهها والفم كانة حبة عنب من صغرة وحلاوتة وجسمها متناسق تمااما يعني مليان شوي بس حلو وفوق كل هذا هي معجبة بنفسها حيل وعزتها كبيرة جدا)
مريم::ريموة ريموووة
ريم تنتبة وتنز وتطيح علبة الواقي من يدها::بسم الله علينا وش هالدفاشة خرعتيني
مريم::ههههه الا اقول البس أي بوت العنابي والا الابيض والا اقولك العناب يعلي احلا ومناسب لي
ريم تطالع مريم بتعجب منها::الحمدالله والشكر خبلة لاصارك مقررة ليه تسالين وبعدين الاوان مي ممنوعة عندكم؟؟
مريم::لا ياستي يخسون يمنعونهم
الا شوي يسمعون صوت زامور كريم
ريم::يالله مريم الحين كريم بيغثنا من الصبح ويفتح لنا محاظرة بالهندي عاد افهمي اذا تفهمين
ينزلن البنات ويركبن السيارة وكالعادة فتح لهم كريم اسطوانة صباح الخير على قولة لو اخر انا مرة ثاني انا مافي ودي انتي مرة ثاني والا مافي يجي ظهر وريم ومريم سادات اذانهم وتحركت السيارة طبعن في هالوقت محمد سا اذانة ونايم بسابع نوومة قدام عند كريم
وفي الطريق
ريم::كريموة كريموة شغل المسجل على الاف ام الحين برنامج خديجة الوعل خلني اصبح على صوتها فديتها
كريم::ناهي ليش انتا في اخر انا مافي شغل
ريم::اقول شغل لااعلم بابا عليك
كريم::الم بابا انا مافي مشكل
ريم::انا مافي علم بابا كبير انا في علم بابا حمد عليك
كريم::لا كلاص انا في شغل ويشغل كريم الراديو وهو يتحرطم عليهم كم كلمة بالهندي وريم ومريم ناقعات من الضحك علية
وقفت السيارة عند اشارة وكانت ريم لاصقة في الشباك وسرحانة ووقفت عندهم سيارة بي ام دبليو والا فيها ولد يزبط بشماغة وكل شوي يناظر في ساعتة وعاد ريم عندها فضول تبي تشوف وش يسوي متنحة في واللي ساعدها ان سيارتهم مكتومة يعني ماحد يشوفها وشوي الا يصد ويطالع مع الشباك بيشوف الاشارة وصار ابد مقابل ربم طبعن هو مايشوفها بس البنت متنحة فية وريم من شافتة جا يغمى عليها من جمالة
ريم::ااااه ياقلبي وترمي بنفسة بقوة على الكرسي
مريم وبفزع::خير وش فية من مات
ريم انتبهت على حالها::انتي على طول من مات مافي شئ بس تذكرت شغلة
مريم::الحمدالله والشكر خبلة
ريم::اقول مالخبل غيرك
وكملو دربهم ووصلو لمدرسة ريم ونزلوها ودخلت المدرسة ووهي تشلح بعباتها وجالسة ترتبها وبالها مو معاها مع الولد اللي شافتة تحسة مو غريب عليها
نورة تجي من بعيد::هلا والله بالريامي فديت هالطلة
ريم::........ ماردت عليها لانها مانتبهت ببالها مو معها
ونورة وهي تصير قدام ريم وتاشر عليها::هية نحن هنا ياعالم ياناس ياخلق ريم اكلمك من الصبح وش فيك
ريم::هاه هلا والله اسفة مانتبهت عليك
نورة وبنغزة::اللي ماخذ عقلك يتهنا فية
ريم وبشوية انفعال::وش هالكلام نورة انتي تعرفيني زين قال ماخذ عقلي وماماخذ عقلي
نورة وهي مستغربة من اسلوب نورة::هدي يابنت الحلال ماقلنا شئ كلتيني بقشوري اقول امشي للفصل قبل ماتجي كعبول
((هذي نورة من شلة ريم الكبيرة بس علاقة ريم فيها مو قوية حيل))
ويروحن للفصل وتدخل ريم الفصل بهدوء على غير العادة يعني لاسلام ولا صجة زي كل يوم وتحط شنطتها على كرسيها اللي كان جنب الجدار وبجنبها صديقة طفولتها ونصفها الثاني سارة استغربت سارة من ريم ومن تصرفها جت وقربت منها
سارة وهي تهز كتف ريم::ريم ريم
ريم:.....
سارة وبصوت عالي::الريـــــــامي
ريم وتنز من مكانها الشئ اللي خلاها تطيح الطاولة::هلا اية وشو وش صاير
سارة::وش فيك من الصبح وانا اناديك لية ماتردين
ريم::مدري والله وش فيني
سارة ::خيروش فية خوفتيني
ريم::بعدين بقولك مووقتة الحين الا صح يالدبة ليه اتصل فيك امس ماتردين علي لا على الجوال ولا على البيت
سارة::اية امس والله امس انا فرحانة جا نواف من السفر وطول امس وانا عندة والجوال بغرفتي
ريم::نواف جا الله يعينك علية اكيد غثك امس بطلباتة اللي ماتخلص
(ريم ماتحب نواف من يوم وهي صغيرة والسبب هو لانه من صغرها وهو بس يغايضها ومهاوش الا الان كل ماشافو بعض)
سارة::حرام عليك والله انة طيب وحبوب
ريم::اية هين طيب وحبوب الا شر العالم كل فية تدرين سارة اليوم شفت واحد وانا جاية في الطريق يطيح الطير من السماء حلو مرة بس مادري لية من شفتة وانا احس اني اعرفة شكلة مو غريب
سارة وهي تبي تغايض ريم::الا ريم من متى ماشفتي نواف
ريم:: وععع وش هالسؤال
سارة ::انتي جاوبي وبس
ريم::من قبل سنتين يعني من يوم سافر ايام اول ثانوي
سارة::تجل لوتشوفينة الحين تنجنين علية فديتة محلو زيادة احلى من اللي شفتية
ريم::مالت على هالنواف اقول ((بس ريم ماتقدر تنكر ان نواف حلو وكل بنات عماتة وخالاتة ميتين علية وحتى بنات المدرسة))
ومضى اليوم بالمدرسة عادي وفي نهاية الدوام
سارة:: اقول ريم
ريم:: هلا ياقلبي
سارة::فديت قلبك الغالي..اسمعي يوم الاربعاء عندنا عزيمة علشان ردة نواف عاد ابيك تجين مع اهلك مو مثل كل سنة نسوي لة عزيمة وحضرتك ماتجين حتى امي منزعجة
ريم::افكر
سارة::لا سنو تفكرين تكفين
ريم::اجي بس بشرط
سارة::تامرين امر انتي
ريم::مايامر عليك لاعدو ولا ظالم بس هالنواف لااشوف خشتة ان شفتة رجعت البيت
سارة وهي تتكلم على نفسها::انتي بس تعالي وبتشوفين شغلك معي انتي وياه اصلا انا ابيك تشوفينة ويشوفك
ريم::خير وش تقولين لنفسك استجنيتي
سارة::لا مافية شئ اقول على هالخشم
((سارة وام سارة وابوها يتمنون ريم لنواف ونواف لريم لانهم لايقين على بعض وهم عارفين البنت من صغرها ويحبونها كلهم وكمان البنت حبوبة وحلوة ماتتعوض))
في بيت ابو نواف فيصل الاحمد
سارة تدخل البيت من المدرسة::السلام عليكم وترمي بروحها على الكنبة
نواف::وعليكم السلام شوي شوي على الكنبة اشتكت منك ياحرام
سارة::تكفى عاد انت ماحد طلب رايك..الا نواف كم باقيلك وتخلص دراسة
نواف::باقيلي سنتين غير هذي السنة
سارة::حلو يعني يمديلي اظبطكم
نواف::هية انتي وش تخربطين تظبطين من
سارة::لا ولاشئ اقصد اظبط شغلي تعرف انا ثالث الحين الايمة عزمتي ام حمد انا قلت لريم ويوم قالت ريم ناظرت نواف
نواف من سمع طاري ريم::وععع مادام ريم هنا بتخرب عزيمتي
ام نواف::حرام عليك ياوليدي ماسوت لك البنت شئ البنت حبوبة وحلوة وصراحة انا ودي انها تكون من نصيبك بس انت الله يهديك
نواف::الله يهدي الجميع بس يمة لو بنات الكون كلهم ينقرضون ومايبقى غير هالريم مااخذتها المغرورة
(اية صح نسيت اعرفكم على نواف نواف الحين عمرة 21 سنة يدرس في امريكيا ادراة اعمال في جامعة اكسفورد باقي لة سنتين ويخلص هو الحين مستوى ثالث وهوشاب وسيم وحلو جدا صفاتة صفات امير طويل وابيض عيونة شوي كبار الرموش كثيفة الحاجب خط على العين خشمة طويل ونحيف فمة مرسوم رسم وجسمة ماشاءالله علية رياضي لاهو سمين ولانحيف وايام ماهو صغير يشبة لريم كثير فكانو الناس يوم يشوفونهم يحسبونهم اخوان وهو مثل ماقلنا مايواطنها البنت ماسوتله شئ دووم يقول كذا بس مايدري ليه مايحبها)
سارة::نواف حرام عليك
نواف::لاحرام ولاشئ
سارة::اقول مامنك فايدة الا يمة انا جيعانة ابي غدا
ام نواف::الحين بحط الغدا الساعة 2 بيجي ابوك بروح اجهز الغدا
سارة هنا استغلت غياب امها::نواف بسالك انت ليه ماتحب ريم مع ان البنت ماعمرها سوت لك شئ؟؟
نواف تفاجا من سؤالها اللي هو نفسة دوم يسال حالة هاللسؤال ومو لاقي له اجابة::بس كذا ماحبها من الله
سارة::طيب ليه ابي سبب مقنع البنت حبوبة وطيبة ونعرفها من صغرنا متربية معنا
نواف ويطفش::ياحوووووول مادري ليه فكينا من هالسيرة
في بيت ابوحمد
ريم::يبة يبة
ابو حمد وهو يقرا الجريدة::نعم
ريم::يبة اكلمك انا نزل الجريدة تكفى خمس دقايق بس
وينزل ابو حمد الجريدة ويحطها على الطاولة::وهذي الجريدة نزلناها خير وش تبي الريامي حبيبة ابوها
ريم::فديت ابوها انا بس يبة تدري ان ماباقي غير شهر واخلص دراسة عاد ابيك لاهنت تحجز لنا على مكة على طول اول مانقضي اختبارات علشان ابي ارتاح هناك عند الحرم
ابوحمدبابتسامة مفتخر ببنتة اللي عرف يربيها::الف طلب مثل هالطلب انتي بس خلصي ومايصير خاطرك الا طيب عاد ابي النسبة ترفع الراس مثل كل سنة
تقوم ريم وهي فرحانة يتحب راس ابوها::ربي لايحرمني منك يالغالي وعلى هالخشم ان شاءالله
وتروح ريم غرفتها وكانت الساعة 7 المغرب صلت المغرب وراحت فتحت النت وفتحت على المنتدى والماسنجر تبي تشوف قصايدها اللي نزلتهم بالمنتدى والرد عليهم ريم تكتب شعر ومايدري عنها الا سارة بس واخوها حمد لانه احيان يصححلها الاخطاء اللي فيهم
شوي تدخل عليها نورة اللي تعرفت عليها بالمنتدى وارتاحتلها
>&*دموع الليل*&<
هلا وغلا بالريامي
@شووق العيوون@
هلا فيك
>&*دموع الليل*&<
صراحة ريم قصيدتك اللي نزلتيها بالمنتدى حلوة وقوية بعد
@شووق العيوون@
عيونك الحلوة نورة
>&*دموع الليل*&<
تدرين ريم من زمان ودي اتعرف عليك والحمدالله هذا انا تعرفت عاد اتمنى تقبليني اخت لك
@شووق العيوون@
ولو يالغالية حتى انا
>&*دموع الليل*&<
بعرفك علي زين انا اسمي نورة ادرس في ثالث ثانوي علمي ساكنة في الرياض
@شووق العيوون@
ههههه شف الصدفة مثلي بس اللي غير الاسم
>&*دموع الليل*&<
جد وناسة اجل بنفهم على بعض بسرعة
@شووق العيوون@
تدرين نورة انا مرتاحتلك كثير
>&*دموع الليل*&<
تسلمين والله من طيب اصلك
>&*دموع الليل*&<
انا في اول العطلة بروح مكة
@شووق العيوون@
ههههههههههههه
>&*دموع الليل*&<
وش فيك تضحكين ماقلت شئ يضحك
@شووق العيوون@
اضحك لاني حتى انا بروح مكة اقول وش رايك اشوفك هناك ومنها اسوي نفسي عرفتك صدفة بالحرم واعرفك على الوالدة
>&*دموع الليل*&<والله فكرة حلوة حتى نقرب من بعض اكثر
@شووق العيوون@
بس انتي متى مارحتي اتصلي علي وخبريني وانا بظبط خطة ماتخرش المية
>&*دموع الليل*&<هههههههههههههه حلوة ماتخرش المية بنشوف خططك يام الافكار
@شووق العيوون@
عاد انا استاذن بروح اذاكر كم كلمة وبنام لاني حيل تعبانة
>&*دموع الليل*&<
اوكي فمان الله
@شووق العيون@
فمان الكريم
في بيت سارة وبالتحديد في غرفتها كانت هناك وعندها نواف جالسة تسولف هي وياة عن دراستة ووش سوا في امريكيا
سارة::اقوول نواف اعترف كم حبيت شقرا هناك
نواف::وععع من زينهم
سارة::معقولة ولا وحدة
نواف وهو متنرفز::سارة وش هالكلام انتي تعرفيني زين انا بحياتي ماكلمت بنات ومغازل تبيني هناك اقعد اطالع بنات انا رايح ادرس وبس
سارة::طيب طيب كلتني بقشوري بس بختبرك بس تدري نيال اللي بتاخذها وياليت تكون اللي ببالي
نواف:: الا هالخبلة مستحيل اخذها لو تنطبق السماء على الارض
ماكمل نواف كلامة الا برن جوال سارة وتطالع الشاشة وتقعد تضحك
نواف::بسم الله عليك يااختي وش فيك تضحكين لايكون انهبلتي من يوم جبنا سيرة الخبلة
سارة::انت طالع الاسم اللي بالشاشة وتدري ليه اضحك
وتورية الجوال
نواف::الريامي ياحوول ذي مامدانا جبنا سيرتها الا هي متصلة زين الي مانطت مع الباب
سارة تضحك وترد وتحطة على السبيكر ونواف جا ينحاش بس مسكتة سارة وقعدتة على السرير وحطت اصبعها على فمة بمعنى اسمع ولا تتكلم:.....
ريم::وجع وتضحكين انتي وهالوجة ماتستحين على وجهك ياللي فيك مافيك ناقعتني صارلي ساعة اتصل وماتردين لو اني جاية بيتكم مانقعتيني كذا
سارة وهي كاتمة الضحكة::هدي يابنت الحلال بس كنت عند نواف وجوالي بالغرفة من يوم ماسمعته جيت
ريم::وععع وانتي لك ارض تجلسين مع ثقيل الدم هذا
سارة::فديت اخوي مافي اخف من دمة وسالفة العسل بس كنت اساله عن جيني
هنا نواف نقع من الضحك لانة عرف اختة تبي تشوف ريم وش تقول حتى هو صار عندة فضول يبي يشوف ردة فعلها هو صدق كان يتهاوش معها بس اذا احد من الحارة تعدى عليها او بنات خالتة لانهم كانو مايحبونها كان يدافع عنها
ريم وبانفعال::ومن جيني هذي
سارة::اعصابك شوي شوي وانتي ليه تبين تعرفينها مو نواف مايهمك
ريم:: اية صح مايهمني ماه داعي اعرف خلية يعرف جيني وكرستين بعد انا قايلة ان اخوك سوالف
سارة وهي ماسكة روحها ماتبي تضحك::لا مانبي كرستين بس نبي جيني فديتها هذي ان شاءالله بنزوجه اياها بصراحة انا شفت صورها كثير حلوة وحبوبة وكلمتها قبل شوي
ريم::ماشاءالله عليك مبسوطة انتي ووجهك وتتفدين بعد وتقلد صوت سارة باستهزاء كلمتها قبل شوي اقول مالت عليك
سارة::هدي يابنت الحلال عادي مافيها شئ مرة اخوي
ريم وبعد ماعصبت::اقول فكيني منك ومن سيرة اخوك خلية لجيني حبيبتة نسيتيني لية انا متصلة اية صح بسالك تروحين معي بكرة بقص شعري عقدني صراحة
وهنا نواف نط يانفعال::لا لا لاتقصينة
>نواف يحب الشعر الطويل وخاصة شعر ريم ايام ماكنو صغار كانت كل ماتبي تغايضة تقولة بقص شعري وهو يسكت عنها<
ريم::سارة من عندك اللي يقول لاتقصينة
سارة انحرجت من نواف وقانت تناظرة بعيونها وهو انحرج لان لو بتدري ريم انه سمعها بتزعل كثير::هلا هاه مافي احد بس التلفزيون
ريم::علينا ياسارة تلفزيون ويقول لاتقصنة سارة نبرة الصوت مو غريبة علي اعرفها زين هذا نواف صح
سارة هنا تورطت عرفت ان مالها مهرب لان ريم طول عمرها معهم وتقدر تميز صوت نواف اللي فية بحة شوي::اية هو توة دخل عندي وسمعني يوم اقولك لية بتقصينة وعلى باله بقص شعري تعرفين نواف يحب الشعر الطويل
ريم عدت السالفة وماعطتها اهمية::عاد هو وش دخلة ظالملقوف
سارة::اقول ريم امي تناديني على العشاء استاذن انا وياويلك ان قصيتة بقص عمرك ترا
ريم::اوكية يالغالية مابقصة صرتي انتي والزمن علي بس ترا بروح اصبغة
زقفلت السماعة وتنهدت وحمدت ربها ان ريم ماحست بشئ وصدت صوب نواف اللي كان يتسحب يبي يطلع من الغرفة::تعال تعال انت بالله زين عليك اللي سويتة كنت بتفضحني قدام البنت
نواف::وش اسوي تقول بتقص شعرها عاد تعرفين كلش والا شعر ريم الا صح الحين وين وصل
سارة::اااه منك ويقول ماحبها ومستحيل اتزوجها ولاتجيبولي سيرتها
نواف:: الا ماحبها بس شعرها احبة لوين واصل
سارة بغمزة::يالنصااااب شعرها واصل الى نص فخذها
نواف::اكيد حلو
سارة::يانواف انت لو تشوف ريم مابتعرفها الحين حيل تغيرت واحلوت عن قبل
نواف في باله هي من يوم صغيرة حلوة اجل كيف الحين بس مغرورة
وراح نواف لغرفتة وهو يفكر بريم وبمواقفة معها وهو صغير


يالله انتظر ارأكم وتوقعاتكم اشوو بيصيير في الجزء الثاني..؟!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-03-2009, 10:08 PM
!! لوران !! !! لوران !! غير متصل
©؛°¨غرامي مشارك¨°؛©
 
الافتراضي رد: مضيت في دروب الحب كني غريبة.. للكاتبه saad lbrahim


ولله حلوهـ بدايتها

كملي وحنا معكـ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 10-03-2009, 01:39 AM
صورة قلبـــي مايكفــي تكون فيه الرمزية
قلبـــي مايكفــي تكون فيه قلبـــي مايكفــي تكون فيه غير متصل
©؛°¨غرامي فعال ¨°؛©
 
الافتراضي رد: مضيت في دروب الحب كني غريبة.. للكاتبه saad lbrahim


مشكوره شكله حلوه بس انا ماقريته
بس باقراه وقت مااكون فاضي
وكمليه اذا كان عندك وقت
و مع تحياتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 11-03-2009, 01:02 AM
صورة سجينة حب الرمزية
سجينة حب سجينة حب غير متصل
©؛°¨غرامي ذهبي¨°؛©
 
الافتراضي رد: مضيت في دروب الحب كني غريبة.. للكاتبه saad lbrahim


.
.

يآهلآ فيك عزيزتي
بدآيه ممتآزه :)
موفقه بآذن الله
منوره آلقسم ^،^

.
.

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 11-03-2009, 08:12 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: مضيت في دروب الحب كني غريبة.. للكاتبه saad lbrahim


,’


الله يعطيكِ آلعآفيه
موفقه بنقلك
وبتمنى تكون كآمله


,’

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 11-03-2009, 01:20 PM
صورة &ثلجه فوشيه& الرمزية
&ثلجه فوشيه& &ثلجه فوشيه& غير متصل
©؛°¨غرامي مشارك¨°؛©
 
الافتراضي رد : مضيت في دروب الحب كني غريبة.. للكاتبه saad lbrahim


الجزء الثاني

>>صرختي تحتج في وجة المصير...شافت الدنيا وسمعت حسها<<
طلع نواف من عند سارة وراح لغرفتة وعلى طول سدح على سريرة من التعب لانة طول اليوم يفر لانة اشتاق للرياض وتعب من السلام على اصحابة يم سدح نفسة اخذ يتقلب الا شوي يجي في باله صوت ريم وهي تقول بعصبية من جيني هذي قعد يضحك شوي ويفكر طيب ليه عصبت اذا على قولتها سيرتي ماتهمها بس يمكن علشاني تربيت معها وريم معروفة حتى على اخوها تغار وهنا تذكر نواف موقف صار قبل سنتين يام ماكانو مسافرين هم وبيت ابو حمد للاردن كانو طالعين نواف واختة سارة وحمد وريم خلني اعرفكم على حمد(حمد اخو ريم الكبير عمرة الحين 23 سنة يدرس في اخر سنة بلندن برمجة كمبيوتر وانتاج برامج متعلق باختة ريم كثير وهي كمان تحبة اكثر من نفسها هو شبة ريم بس شوي اسمر وطويل حيل حلو بعد <<هه العيلة كلها حلوة لان الاب والام جميلين>>يحب بنت خالة امل يموت عليها ويسميها القلب وحتى هي تموت علية وهو يكتب الشعر)
المهم كانو رايحين مكة مول يحضرون سينما بعد ماخلص الفلم راحو لحدى الكافيات علشن يتقهوون هناك وهم جالسين على الطاولة جتهم اللي تاخذ الطلبات يعني بنت كانت
البنت::لو سمحتو ممكن اعرف شو طلباتكن
حمد::بالله اللي يشوف هالوجة القمر يعرف يطلب بينسى كل شئ
البنت::مرسي الك كتير من زوئك والله
حمد::لا ذوق ولا شئ هذا الصدق صح نواف
نواف ::صح ونص
البنت::شو انت ماتخاف مرتك بجنبك وجالس عم تتغزل فيني
حمد::عادي وش فيها صراحة انا انسان مااقدر اقاوم الجمال اسمعي خليني اقولك نكت علشان اشوف هالابتسامة الحلوة يقولك محشش وقفوة بنقطة تفتيش قالولة شارب قال لا لحية ههههههههه
البنت::ههههههههه دمك كتير خفيف
هنا ريم فارت لانها من الصبح تغمز لحمد يسكت بس مو راضي
ريم:: اقول حمد خلك على جنب وحنا حريم ونتفاهم مع بعض ماعندنا رجال يكلمون حريم وانتي وهي تناظر البنت بالله ماتستحين على وجهك تكلمين الرجال كذا واحد لايعرفك ولا تعرفينة وبعدين خوذي الطلبات وجيبيها وياليت ماتكونين انتي اللي تجيبينها ياليت يكون رجال جيبي 2 موكا و2 هوت شوكلت
البنت فاتحة عيونها من كلام ريم ومنحرجة::ههههههه شكلك بتغاري علية كتير بس عنجد بيحقلك
ريم::اية زوجي مالك دخل واغار علية انتي بس فكيني وجيبي اللي طلببناة والا بنمشي
هنا سارة وحمد ونواف نقعو ضحك على ريم والموقف اللي سوتة
حمد::حرام عليك الريامي كليتي البنت بقشورها ماسوت شئ
ريم::وين ماسوت شئ وهي مستانسة على سوالفك وانت حضرتك مبسوووط وجالس تخفف دم عليها طيب ان ماعلمت القلب عليك وبعدين اخوي ومن حقي اغار عليك
حمد::لا كلش والا القلب بس اقول ربي يعين اللي بياخذك بعاني منك و
قاطعتة ريم::اللي بياخذني ان سوا سواتك والا بس طالع تطليعة مو تكلم يترحم على عمرة انا مو لعبة عندة ياخذني ويطالع غيري
نواف::الله يكون بعونة راح فيها اجل خلنا نجهز ميزانية من الحين علشان كل يوم بنزورة بالمستشفى هههههه
حمد وسارة::ههههههههههههههههههههه
ريم تقلد صوتة::الله يعينة بنجهز ميزانية بنزورة كل يوم بالمستشفى اقول ماحد طلب رايك بالموضوع
ــــــــــــــــــــــــــــــــــــــــــــــــــ ــــــــــ
يوم تذكر هالموقف مات ضحك بس برضو حز بنفسة لان دايم هو وياها هواش مستحيل يتكلمون بهدووء مع بعض ومع ذكرياتة حط راسة ونام
مضت اليومين بسرعة وجا يوم العزيمة في بيت ابو حمد
ريم::يمة يمة
ام حمد::هلا يمة
ريم::يمة انا بروح بيت خالتي ام نواف علشان اساعدهم وراح البس هناك ترا يعني ماراح ارجع
ام حمد::اية عفية عليك بنيتي بس غريبة وش عندك بتروحين هالمرة
ريم::صراحة كنت مابروح بس تفشلت يوم اتصلت علي خالتي ام نواف عاد انا استحيت منها وانتي تعرفين معزتها عندي غلاتها مثلك لاني بعد متربية عندهم
وراحت ريم لبيت ام نواف اية صح نسيت اقولكم تراهم جيران الجدار بالجدار يعني خمس دقايق الا هي عندهم دقت الجرس وفتحت لها الخدامة ومن يوم مادخلت البنت ماخذها راحتها شلحت عبايتها وكانت لابسة بنطلون جنز ازرق فية لمعة على الفخذ وتي شرت تركواز ومعاها كيسها فية الملابس اللي بتلبسهم للعزيمة
سارة::داني داني
داني الشغالة::نئم ماما
سارة::ماما بعينك من اللي دق الجرس
تبي داني تنطق الا بدخلة ريم عليهم المطبخ::تغطو تغطو الملكة ريم وصلت
سارة وام نواف:هههههههههه ماتجوزين من لقافتك
سارة::وان شاءالله ليه نتغطى
ريم::بكل بساطة علشان عيونك ماينعمون من نوري ومن جمالي فديتني
ام نواف:: معها حق بيتي فديتك انتي وجمالك يالغالية
ريم تروح تضم ام نواف وتحبها على راسها::فديتك انتي الغالية يعلني ماخلا منك
ام نواف::وبعدين ياريم ليه ماكنتي تبين تجين للعزيمة يعني لازم انا بنفسي اكلمك
ريم::والله اسفة ياخالتي وخلاص امسحيها بوجة سارة الخربان واوعدك ماعودها مرة ثانية وبعدين بشوف غلاتي عندك
ام نواف::وهذي يبيلها كلام انتي مثل عيالي نواف وسارة(ام نواف ماعندها غير نواف وسارة بس)
ريم هنا استحت
سارة ::ياعيني عيني وانا وين رحت لحظة لحظة
ريم تغني وتثخن صوتها شوي::لحظة لحظة من عطاااك الحق تنساني وتروووح
سارة::هههههههه الحمدالله خبلة
ريم::طالعة عليك اقول خالتي عن اذنك بروح اودي ملابسي لغرفة سارة وبنزل اساعدك تبين شئ توصين شئ
ام نواف::لا ياعيون خالتك
سارة::الحمدالله والشكر ليه رايحة باريس توصين شئ
ريم تمد لسانها لسارة وتروح لغرفتها تحط اغراضها وتنزل ومثل ماقلت ماخذه راحتها لان مافي احد بالبيت ماراح يجون الا بعد المغرب
تنزل ريم وتروح لمجلس ترتبة مع سارة
ريم::سارونتي روحي جيبي المبخرة لاني خلصت ترتيب
سارة ::دقيقة بس خليني اتكتك المكتبة زين لان نواف عفسها وهو يدور على اوراقة
ريم::ياحول وذا كل شئ لازم يتعبث فية واوراقة ماله غرفة يحطهم فيها
سارة تبي تغايظ ريم::ياختي حر بيتة وين مابغى يحط اغراضة
ريموبعصبية::طيب شوي شوي علي ماتسوى هالكلمة اللي قلناة شبيتي تقول كبريت وعلى من على حبيب جيني
هنا سارة نقعت ضحك يوم سمعت جيني معناة ريم صدقت::هههههههههههههههههههههه
ريم::اعصابك لاتنفلتاسمعي الحين الساعة 4 ونص انا بروح البس وانتي اجلسي شوفي خالتي اذا تبي شئ والحقيني اوكي
سارة::اوكي
صعدت ريم لغرفة سارة اللي كانت بجنب الدرج من جهة اليسار وجهة اليمين كانت غرفة نواف يوم جت تبي تدخل غرفة سارة الا لاحظت ان غرفة نواف بابها شوي مفتوح
ريم::غريبة نواف مو في البيت وغرفته مفتوحة مستحيل هذا لو طلع للشارع يفتح الباب قفلها خلني اروح اشوفها <<جتها اللقافة والفضول
وراحت لغرفة نواف افتحت الباب وانبهرت بالغرفة وترتيبها هي تعرف ان نواف ذويق بس ماتوقعتة بهالشكل
ريم::والله هالمغرور طلع حركات
دخلت الغرفة وجلست تطالعها اعجبها ترتيبها ولونها كان بيج تعتيقتة بني شوي والغرفة كلاسيك ومن الخشب الاصلي المطلي بالبني اللامع والابجورات منظمة وعلى جنب فية طاولة فخمة عليها بعض الاوراق واللاب توب وتحتة استريو كبير بس اللي عجبة اكثر شئ ولفت نظرها ان في زاوية بالغرفة فاضية مافيها غير كرسي هزاز واباجورة صغيرة وعندها كومدينة صغيرة راحت هناك لفت نظرها ان على الكومدينة دفتر صغير حلو حيل غلافة من الخشب مغطى بمخمل عنابي ومحفور علية اشعاري الحلم البعيد وعلية قلم خشبي محفور علية نواف
صراحة الدفتر اثار فيها الفضول وجلست على الكرسي وفتحت الدفتر على اول صفحة وجلست تقراه لقت باول شئ مكتوب
نواف فيصل الاحمد(الحلم البعيد) استغربت من لقبة الحلم البعيد كملت قراية لقت مكتوب بيتين شعر
انا قلبي يحب الحب...غدا في رحلتة مجروح
وعانا قلبي من البعد..من غيبة وليف الروح
يوم قرت البيتين قالت في نفسها:معقولة نواف يحب ومن ذي اللي يحبها ومعذبتة والا صح نسيت يحب جيني اكيد كاتبة لها بس صراحة ماتوقعتة شاعر عمرة ماقال لنا انا اخبرة يحب الشعر بس ولا مرة قال لنا وفتحت الصفحة اللي بعدها لقت خاطرة مؤرخة بتاريخ 1/5/1419 يعني باول سفرتة لاامريكيا قبل سنتين وقرتها
المغرورة
طفلة صغيرة في حينا..ذات عيون عسلية وشعر طويل..ينسدل على ظهرها كما ينسدل الستار الاسود في ظلمة الليل..تتعبني شقاوتها..ويتعبني ضحكها الذي يتردد في مسمعي دائما..ولكنها مغرورة بطبعها..تحبني تارة عندما ادافع عنها وتحمر وجنتاها لذالك..وتكرهني تراة اخرى.. وانا لاادري لماذا ادافع عنها وعن غرورها..لا احب احد ان يؤذيها ولكن لااحبها..لا ادري ماهذا التناقض ولكنها طفلة مغرورة..
قرت هالخاطرة وسرحت في عالم الخيال من يعني نواف هنا معقولة انا لا لا مو انا بس الا انا نفس صفاتي وانا صغيرة لكن اورية الكريه انا الحين مغرورة انتبهت هنا لحالها انها لسا بغرفة نواف ومالبست وهي قالت لسارة تلحقها للغرفة فبسرعة قامت ورجعت الدفتر زي ماهو وسكرت الغرفة وراحت لغرفة سارة ودخلت ومالقت سارة حمدت ربها انها مالقتها جلست تلبس لبست تنورة قصيرة وفيها قصة من تحت لونها سماوي وعليها رسمةورود زهرية مرة حلوةوانيقة ولبست معاها بلوزة وردية حفر وكانت طالعة مررررة حلوة ولبست معاهم صندل زهر ريم من النوع اللي يحب يطقم شوي وهي جالسة تبي تمكيج نفسها الا تجي سارة
ريم::لا والله بدري كان ماجيتي احسن بعد
سارة::لا اله الا الله ماشاءالله تبارك الرحمن طالعة تهبلين
ريم::عيونك الحلوة
سارة::صراحة انا مااجامل لو يشوفك نواف بينجن
ريم::ردينا على نواف
سارة::خلاص سكتنا وتحط يدها على فمها بس بقلبها>>ان ماخليتك تشوفينة ويشوفكمااكون سوير <<
وتلبس سارة مثل ريم لانهم مقررات يطقمون كالعادة وطلع اللبس على سارة حيل نعوووم
خلصت ريم مكياج وكانت حاطة مكياج خفيف كحل ومسكرة وشدو وردي وحطت رووج خفيف هذا اللي حلاها زيادة وريم من النوع اللي مايحب المكياج تحب تظهر بطبيعتها
سارة::عز الله انخطبتي اليوم شوفي نفسك طالعة حيل حلوة
ريم::اقول اسكتي الحين اصدق عمري
ام نواف من تحت::سارة سارة تعالي يمة
سارة ::طيب جاية يمة وانتي انطقي هنا لحد ماارجع
نزلت سارة تحت لاامها تشوف وش تبي شوي الا يدخل نواف
نواف::سارة ابي كريم الشعر وينة
هنا جت لسارة فكرة جهنمية::كريم الشعر اية شفة في غرفتي على التسريحة
نواف::حبيبتي انتي روحي جيبية انا تعبان
لا وين اجيبة بتخرب الخطة سارة::روح انت جيبة ماتشوف اني مشغولة
نواف::رحنا وامرنا لله
يروح نواف لغرفة سارة بهالوقت كانت ريم واقفة بجنب سرير سارة ومعطية ظهرها للتسريحة جالسة تسوي عرض ازياء سمعت الباب تنفتح وصدت ريم على بالها سارة
ريم::وينك لية تا.... سكتت ريممن اللي شافتة معقولة اشوفك بعد هالسنتين اشوفة ياربي متغير ومحلو بزيادة
هنا الاخ نواف تنح فيها وجلس يطالع فيها من فوق الى تحت<<قوي عين وفي بالة معقولة ذي ريم الا هي انا اعرفها ملامحا ماتغيرت كثير بس محلوة كثير وهذا شعرها ااااه على شعرها
هنا ريم انتبهت لحالها وعلى طول سحبت اللحاف حق سارة اللي بجنبها وغطت نفسها
ريم::لو سمحت اطلع برا انت وشلون تتجرا تدخل ماتدري ان فية احد
نواف::لا والله مادريت انسة ريم بعدين قولي الحمدالله على السلامة اولا كلتيني
ريم::اقول اطلع برا واستح على وجهك لااصرخ الحين وبعدين حضرتك من علشان اتحمدلك عالسلامة
نواف::بسم الله علي كلتيني اعرفك خبلة تسوينها بس قبل مااطلع حبيت اقولك شغلة شعرك ياويلك تقصينة مفهوم وقبل لايطلع التفت ياخذ الكريم ولقا على التسريحة شال وردي على طول عرف انة لريم لانة خابرها وهي صغيرة تحب الشالات ولازم تحط شال على رقبتها وتسوي فية حركات مدري وش اللي خلاة يمد يدة وياخذة وطبعن ريم ماتدري انة اخذة لانها متغطية باللحاف يومجا بيقفل الباب
ريم::نواف
نواف::هلا
ريم وبنبرة غضب او حزن او استهزاء ماقدر يميز::سلم على حبيبة القلب جيني
نواف وكاتم ضحكتة ويبي يغايض::بس كذا ماطلبتي شئ وسكر الباب
ريم::بعد مستانس يوم ذكرت اسمها المغرور التافه الحقير
ريم وبصوت عالي::ساااااااااااااااااااارة ساااااااااااااااااااارة يالسخيفة
نواف نز وهو على الدرج من صرختها::الحمدالله والشكر خبلة
سارة وهي تصعد فووق تبي تشوف ريم الا يمسكها نواف على الدرج::وانتي ليه ماقلتيلي ان هالخبلة بغرفتك
سارة مسوية نفسها ناسية::نسيت والله مرة ثانية مابنسى ليه وش صار اشوفك اخوي مافييك شئ
نواف::ليه داخل حرب انا
سارة::اقول مارمت عليك شئ
نواف::لا ابدا وبعدين وش دخلك يالسوسة مو قايل لك شئ ويروح ويخلي سارة
سارة تسوي حركة طيب بيديها::هين يانواف ان ماخليتك تقر وتعترف مااكون سوير
الا صوت ينززها::سااااااارة وصمخ
سارة::نعم جيت ياويلي رحت فيها خلني اجهز للمعركة اللي بتصير اشهد ان لا اله الا الله وان محمدا رسول الله توكلت على الله وتفتح الباب
ريم::لااااااااه بدري بعد استانستي الحين يوم اقولك مابي اجي الا تعالي وماراح تشوفينة
سارة::هدي شوي وبعدين يعني اذا شفتية
ريم::لا والله عادي يعني عندك وبعدين ليه ماقلتي ان في حدبغرفتك
سارة:: والله نسيت وبعدين هو كان مستعجل يبي ياخذ اغراضة وبيروح االاستراحة لان الرجال الحين يجون
وشوي الا ياذن العشاء وتقوم ريم تصلي هي وسارة وبعد ماخلصو
ريم::شوفي هالمرة بعديها لك لكن مرة ثانية ان سويتي فيني هالحركة لااعرفك ولاتعرفيني
سارة::افااااااااااااااا انا سوير حبيبتك تزعلين مني
ريم::اااااااه منك نقطة ضعفي مابزعل بس ترا بسويلك مقلب محترم
سارة::هاه لا خلاص حرمت بعدين والله صدفة
ريم::سارة اقولك تصدقين نواف محلو كثير زمان عنة
سارة وبنظرة مكر::ماقلتلك محلو
ريم::اقول امشي اسمعي خالتي تنادينا شكل الحريم جو
الا بدخلة مريم عليهم
مريم::الملكة مريم وصلت قومو وقفو احتراما لها تررن لاللا
سارة::الا وش عندك انتي واختك كلكم ملكات اليوم
ريم::يحقلنا بنات نايف العتيبي
مريم::المهم انتي وصديقتك خالتي تقول انزلو الحريم وصلو
سارة وريم::طيب نزلنا
نواف وهو في الطريق رايح للاستراحة يفكر بريم وباللي شافة
معقولة هاذي ريم احلوت وكبرت كثير بس ماتغير اسلوبها المغرور كالعادة بس والله ضحكتني يوم سالت عن جيني هههههههههههه ياحرام صدقت بس تستاهل ويفتح المسجل على الاف ام وتطلع اغنية عبدالله الرويشد تعال ويرفع المسجل ويقعد يغني معها
ضمت العزيمة على خير والبنات انبسطو فيها لانهم جابومسجل وجلسو يرقصون طبعن القائدة ريم وصارت الساعة 1 اخر ناس بقو بيت ام حمد
ام نواف::والله تعبت اليوم بس ماشاءالله البنات ماقصرو
ام حمد:: أي والله ربي يعطيهم العافية
سارة:::ااااااااه ياني تعبت تعب ورقصت رقص بس وناسة
ريم::الا وناسة ونص وش رايك في رقصي متحسن صح
سارة::والله طلعتي رقاصة من ورانا
مريم::وانا بعد اعرف ارقص
سارة::وانتي ناطة عرض بحلوقنا
ام حمد::يالله يابنات نروح البيت
ام نواف::وين بدري اجلسو شوي
ام حمد::والله الحين يجي ابو حمد للبيت وانتي بعد ارتاحي تعبتي حيل
ام نواف::طيب فمان الله
ام حمد::فمان الكريم
وراحت ام حمد وبناتها لبيتهم وعلى طول ريم لغرفتها وحطت راسها ونامت من التعب حتى مووضوع نواف نستة
وسارة نفس الشئ راحت ونامت على طول
وكذا خلص يوم الاربعاء على خير بس الحين


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 11-03-2009, 01:23 PM
صورة &ثلجه فوشيه& الرمزية
&ثلجه فوشيه& &ثلجه فوشيه& غير متصل
©؛°¨غرامي مشارك¨°؛©
 
الافتراضي رد : رد: مضيت في دروب الحب كني غريبة.. للكاتبه saad lbrahim


اقتباس:
المشاركة الأساسية كتبها !! لوران !! مشاهدة المشاركة
ولله حلوهـ بدايتها

كملي وحنا معكـ
مرورج الحلو خيتوو..

يعطييج العافيه..

منوررة..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 11-03-2009, 01:27 PM
صورة &ثلجه فوشيه& الرمزية
&ثلجه فوشيه& &ثلجه فوشيه& غير متصل
©؛°¨غرامي مشارك¨°؛©
 
الافتراضي رد : رد: مضيت في دروب الحب كني غريبة.. للكاتبه saad lbrahim


اقتباس:
المشاركة الأساسية كتبها حيران و ادور عن حبيبه مشاهدة المشاركة
مشكوره شكله حلوه بس انا ماقريته
بس باقراه وقت مااكون فاضي
وكمليه اذا كان عندك وقت
و مع تحياتي
العفوو..

تسلم خيوو..

ان شاء الله راح اكملهاا..

منورر..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 11-03-2009, 01:28 PM
صورة &ثلجه فوشيه& الرمزية
&ثلجه فوشيه& &ثلجه فوشيه& غير متصل
©؛°¨غرامي مشارك¨°؛©
 
الافتراضي رد : رد: مضيت في دروب الحب كني غريبة.. للكاتبه saad lbrahim


اقتباس:
المشاركة الأساسية كتبها سجينة حب مشاهدة المشاركة
.
.

يآهلآ فيك عزيزتي
بدآيه ممتآزه :)
موفقه بآذن الله
منوره آلقسم ^،^

.
.

هلاا والله..

تسلمي هذا من ذوقج..

ان شاء الله..

منور بوجودكم والله..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 11-03-2009, 02:44 PM
صورة &ثلجه فوشيه& الرمزية
&ثلجه فوشيه& &ثلجه فوشيه& غير متصل
©؛°¨غرامي مشارك¨°؛©
 
الافتراضي رد : رد: مضيت في دروب الحب كني غريبة.. للكاتبه saad lbrahim


اقتباس:
المشاركة الأساسية كتبها ven!ce مشاهدة المشاركة
,’


الله يعطيكِ آلعآفيه
موفقه بنقلك
وبتمنى تكون كآمله


,’

الله يعاافييج..

تسلميين والله..

لاتخافي كامله..

منورة..

الرد باقتباس
إضافة رد

مضيت في دروب الحب كني غريبة / للكاتبة saad lbrahim ، كاملة

الوسوم
للكاتبه , مضحة , الحب , دروب , lbrahim , saad , غريبة..
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قصة سالفه عـشق / للكاتبة : طير الشوق ، كاملة سـ ع ــودية حـ ي ـل روايات كامله - يتم نقل الرواية هنا بعد اكتمالها 194 13-07-2018 12:19 PM
هذي وردة للهوى هذي جروحك / للكاتبة : shams abudhabi ، كاملة روح زايــــد روايات كامله - يتم نقل الرواية هنا بعد اكتمالها 55 13-08-2016 12:13 PM
القسمة والنصيب .. خيانتي / للكاتبة : لا أريد مجاملة , كاملة ♫ معزوفة حنين ♫ روايات كامله - يتم نقل الرواية هنا بعد اكتمالها 84 11-08-2016 07:53 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 04:37 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1