منتديات غرام

منتديات غرام (/)
-   شعر - قصائد - قصايد - همس القوافي (https://forums.graaam.com/11/)
-   -   أنا بدعت القصايد والجزايل كلها من هجوس (https://forums.graaam.com/186192.html)

الشيـــخي 09-03-2009 11:30 PM

أنا بدعت القصايد والجزايل كلها من هجوس
 
قصيده سريعه )(

[poem font="simplified arabic,5,purple,normal,normal" bkcolor="transparent" bkimage="https://forums.graaam.com/images/toolbox/backgrounds/4.gif" border="double,9,purple" type=2 line=0 align=center use=ex num="0,black"]
وقعـت يا ضب متربي ما بين العرفجه والطعــوس=وقعت في قبضتي والله يعينك أين أين الفـــــراار
أنا بدعت القصايد والجزاايل كلها من هجـــوس=مثل الكواكب تدوم وكل كوكب ثابت ٍ في مداار
شهادتك (سادسه) قّرب , تعلّم يا حليـلك دروس=والدر قاع البحر ياللي تدور للصدف والمحـار
لا تحلف ايمان وتزيد الحلوف احذر تراها غمـوس=أيمان تهوي بمثلك في جهنم, تحترق وسط نــار
القزم مهما يحاول يرتفع ويصير ظـمن الرؤوس=تصعب عليه القضيه , والمعالي ورث ناس ٍ كبار
الفرس بايران دوله مارقه معروف دولة مجـوس=واحمد نجادي تحزم بالمدافع يوم شــاف الحصار
ما ودي اجرحك يا بنت الهلالي والخلايق جلوس=أخاف دمعة عيونــك تلهب الخديــن والدمع حـار[/poem]

نسيت اقول انها للشاعر الجهبذ اسير ( الغنج )
وانتظر رده كتبتها في ثلث ساعه فاتوقع بكره ورده جاهز
يالله اسير نبي الحماس والدعوه تسليه 0000

أســــ الغنج ــــير 10-03-2009 03:28 AM

رد: أنا بدعت القصايد والجزايل كلها من هجوس
 
مرحبا والله ومسهلا يالشيخي
وتعليقك اللي تحت كان فيك تتركه وتبحث عن اطيب منه اذا ماهو كايد عليك
<< عالعموم ارجو من الاخوان المشرفين مايتعرضون الشيخي وقصيدته على كبدي مثل العسل وانا متقبل وماابغاها تنحذف او تعدل خلوه ياخذ راحته !!!
لكن ودي اسألك سؤال اخوي هل أنت ماعندك الا هذا الطرق؟؟؟؟
عالعموم كنت اتمنى انك جبت بيتين وانا ارد عليك ببيتين !!
عالعموم
طيب يالشيخي استلم:/
[poem font="simplified arabic,6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ويامرحبا يالمضبّب وانتبه تراك مامعك موس=لاتظلم الناس يخفاك الحكي يخفاك وضح النهار
زبن حظك زبنه تراك يوم اخطيت شفتك تحوس=وبنت الهلالي تنادي لامها وتقول حطي خمار
ومن شاف بضعتك راح وصد ماعادطلع فلوس=دوّر على قدك وحاول تجيب تجيب ملبس كبار[/poem]


أســــ الغنج ــــير
سموحه لخاطرك!!
شكلكم تبغونا ننزل موضوع متخصص للمحاوره!!!!!!!!!!!!!!!!!

الشيـــخي 10-03-2009 01:07 PM

رد : أنا بدعت القصايد والجزايل كلها من هجوس
 
(المضبب) هههه << فقر لغوي في المفردات

الطرق هذا طرق طويل ويحتاج الثراء اللغوي للشاعر
ولا تنسى انه ذاك الطرق اللي خلاك تشــوه المتصفحات وتحذف وتقص
علشان تغطي على اللي انت خابر هههه
وهو الذي جعلك في ردك هذا تكرر الكمات الاتيه
(ترااك تراك , يخفاك يخفاك , زبن زبنه , تجيب تجيب) في رد من اربع ابيات فقط
وهذا يعد ضعف إن لم يكن عيب فا1ضح في الشعر 00000 ؛؛

عموما محاوله لا بأس بها
وترا لي عليك فضل اني درستك ذا الطرق 00


موضوع مخصص للمحاوره
وش استفيد انا منه ؟ لن يضيف لي جديد
المستوى واضح



شكرا لك


ملحوظه : أحقاق للحق كانت المشرفه همسه (على ما اظن) غايه في الموضوعيه والحياد
فلها شكري واحترامي 000

زهره التوليب
الكلام الغير لائق ماهو للحأنا تعرفين من راعيه

فاذا كتبتي سبب خلاك تحذفي اكتبي سبب منصف بدون مواراه وانتقي من الكلمات
المعبره فلستي من يعلمنا اللائق وغير اللائق 00000 شربنا السمو والفضيله وجميل القول مع حليب امهاتنا
ولكن لكل مقام مقال 00000
رغم احترامي لك ولشموخ قلمك 000

شكرا

أســــ الغنج ــــير 11-03-2009 06:36 PM

رد: أنا بدعت القصايد والجزايل كلها من هجوس
 
وانا اشكرك وكل الطاقم الاداري ياللي علمتني اللحن وماعلمتني المعنى لأنه يجهلك اللعب وماتعرف الا الطرق هذا والمفروض انك ماقلت فقر لغوي لالا المفروض انك تكلمت عن نفسك وقلت فقر معنوي!!!
وانت مثل ذاك الذي مايعرف من النجوم الا سهيل
واعرف ان ماعندك الا هذا الطرق الله لايجزاه خير من عطاك اياه ههههههه
واعرف انك نزلته في البيتين اللي انت تقول
وبذكرك ان كانك نسيت انك نزلته بعد في هذه المشاركه:/

بهرتني يااا صقر شيهان يوم( أتحلق) إبلاااااا جنااح 00
ياا ضب مرباك وسط البر بيـن العرفجـه والطعـوس
يا صقر , كم صقر حلق وارتفع (لاكنَ) بعدين طااح 00
أحذر تمهّل ولااا تسـدل جناحينـك بوقـت الشمـوس
واشغلتني بهذا في كل مره
ياا ضب مرباك وسط البر بيـن العرفجـه والطعـوس
الحين تحسب انك ماخليت ولابقيت ؟؟؟؟؟؟؟
ياخي ياخي والا بلاش النقاش معك لايجدي انت عنادك اكثر من شعرك بس رح لولد عمك ابراهيم خله يغذيك شوي!!!
ومسألة شعري ومايخصني فيكفيني شهادة خمسة شعراء وهم من اكبر وماابغى اقول انهم اكبر علشان كذا قلت من اكبر المتواجدين في السعوديه وقطر
بس في النهايه اقول لك ((رح اخبز المعاني عند الخباز ولاتشغلني))
تحياتي ومع السلامه واسف انا مشغول ماعندي استعداد لنوعيه مثل كذا مع احترامي لهم
آخر تواجد لي هنا
أســــ الغنج ــــير

روح وظل 12-03-2009 01:28 AM

رد: أنا بدعت القصايد والجزايل كلها من هجوس
 
اقتباس:

زهره التوليب
الكلام الغير لائق ماهو للحأنا تعرفين من راعيه

فاذا كتبتي سبب خلاك تحذفي اكتبي سبب منصف بدون مواراه وانتقي من الكلمات
المعبره فلستي من يعلمنا اللائق وغير اللائق 00000 شربنا السمو والفضيله وجميل القول مع حليب امهاتنا
ولكن لكل مقام مقال 00000
تأكد من معلوماتك أخوي
لأني ماحذفت لك شيء وماكتبت لا لائق ولاغير لائق

:)


اعتذر لك ولاسير لأني مضطرة اقفل الموضوع ..


الساعة الآن +3: 06:16 AM.


موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات


SEO by vBSEO 3.6.1