منتديات غرام روايات غرام أرشيف الروايات المغلقة - لعدم إكتمالها أول رواية لي / حبيتك وذي غلطة ، حسافة حبي و إحساسي للكاتبة :e7trt.a3br
e7trt.a3br ©؛°¨غرامي جديد¨°؛©

السلام عليكم
اخباركم بنوتاات
طبعاً حبيت انكم تشاركوني اول رواية لي وهي [ حبيتك وذي غلطه .. حسافه حبي واحساسي ]
وان شاء الله تعجبكم الروايه
يلا نبدا

بسم الله الرحمن الرحيم

الشخصيات

اشواق :عمرها 22 سنه، حبوبه ، دلوعه،حلوه :عيونها كبار ،شعرها طويل و مدرج ، لونه

كستنائي ، جسمها حلو،طويلة وتدرس في الجامعه .

مها :عمرها 20 سنه،حبوبه ،حلوه :بشرتها صافيه ،وشعرها طويل ولونه اسود ،وطوله عادي ،والجسم حلو ،ولا اتحب معنى الدلع وهي طبيعيه وتدرس في الجامعة

منيرة: عمرها 17 سنه و مغرورة مب مثل خواتها ،وعليها جمال مب طبيعي ،وهي دلوعه امها وابوها <<لأنها اخر العنقود تدرس ثاني ثانوي .

خالد : اكبر واحد فيهم عمره 25 سنه ،وهو الوحيد ولد والباقي بنات، و مزيون والبنات يموتون عليه ،يشتغل مدير في الشركة مع ابوه <<لانه اهو انجح من عيال عمامه ..

ام خالد اسمها لولوه: ما تفرق بين عيالها من صغير لين كبير وتحبهم ،و تتمنى احد منهم يتزوج << بس كل واحد يقول توالناس ع الزواج.

ابو خالد اسمه سعد :يحب عياله بس طبعاً يحب اكثر وحده منيرة لأنها اخر العنقود ،ويحب ولده خالد لانه هو الوحيد ولد وله شخصيه قوية يتميز من بين عيال اعمامه و خواله ، و نجاحه بين عيال عمه .

================================================== ==========
عائشة : عمرها 20 سنه حلوه –مغرورة ، وهي البنت الوحيدة لا عندها اخت و اخو ،ودلوعة امها و ابوها وتدرس في الجامعة.
ابو فضل اسمه احمد : و يسمونه بو فضل ما عنده الا عائشة و ما يقدرون يسمونه بو عائشة ، بس يحب عائشه ويخاف عليها من النمله .
ام عائشة اسمها ساره: ما عندها الا عائشة هي حياتها ودنيتها ،وتخاف عليها من نسمه الهوا .

================================================== ============
محمد :عمره 22 سنه ويدرس برع ونفس الوقت يشتغل في شركة ابوه الي في لندن و مزيون و بنات لندن ميتين عليه ، مشتاق حق قطر و يبوس ترابها اول ما يوصل الدوحة وبعد مشتاق حق امه و ابوه و نور اخته الصغيره.

نور :عمرها 19 سنه، وتدرس في الجامعة، و مزيونه طالعه ع امهـا ويحبونها اكثر من محمد لأنها اخر العنقود ، وااكثر وحده معاها مها بنت عمها << يعني توام روحها .

ابو محمد واسمه جاسم:يحب يجوف عياله مستانسين ومرتاحين ، و مدلع نور اخر دلع .

ام محمد واسمها مريم : تحب اعيالها وتحب تسافر وتتعرف ع الناس ، وتحب محمد لانه الاكبر واول ما تشتاقله تسافر عنده.



================================================== ===========
فاطمة يتيمة :(.. امها اسمها مي . ابوها واسمه علي.. واخوانها : عيسى : 9 سنوات – هيا : 12 سنه – الجازي : 17 سنه ماتوا في حادث سيارة وكان عمرها 20 سنه ، الحين 22 سنه ، وأشواق توأم حياتها (: ، اما مها وعائشة مثل صديقاتها .


================================================== ==========

فجر بنت طبيعيه مثل مها لا تحب تتدلع ولاشي، وفجر تحب تتهاوش مع مشاعل توأم روحها ،فجر اخت نوف الصفيره بـــس لها كل شي لأنها دلوعة امها و ابوها <<يعني اخر العنقود ، وكل ما تطلب شي دقايق ويكون عندها وعمرها 15 سنه ،حلوه و طويله وشعرها قصيرر وتحب تلعب كوره سله يعني بالعربي سبوورت .


سلمان عمره 24 سنه يشتغل مع ولد عمه عبد العزيز في شركات ابوه و عمامه ،وهو مزيون ،ويحب يتغشمر مع بنات عماته وخالاته ،و اكثر وحده يتغشمر معاها عائشة لأنها صديقته الصدوقة <<يعني توأمه من كانوا صغار ، ويحب ظبيه صديقه بنت عمه اشواق لأنها حلوه وبريئه و دلوعه بس ريم اخته و مشاعل يكرهونها ،ويكرهون التراب الي تمشي عليه .


نوف اكبر وحده فيهم متزوجه وعندها توام بنت و ولد وعمرهم 3 سنوات وزوجها عنده شركات في الدوحة وبرع الدوحة و اسامي عيالها : العنود على اسم امها و سحيم على اسم ابوها .

ام سلمان اسمها العنود و ابو سلمان اسمه سحيم: يحبون عيالهم وعيال نوف والناس يحسدونهم عليهم.


================================================== ==============
مشاعل بنت حلوه و مغرورة وشعرها قصير وناعم ولونه اسوود وتحب تتحرش في بنات الناس عمرها 15 سنه كبر فجر توأم رووحها ومعاها في السكوول.


عبد العزيز عمره 24 سنه ويحب يقهر منور( منيرة ) لأنها مغرورة من اختها مها لأن الكل يحبها ويحب يقلدها في كل شيء ، ويحب مها لأنها مب مثل بنات عمه كل وحده مغروره من الثانيه ومها من جمالها و برائتها وطيبتها قدرت تاخذ قلبه ،وهو يشتغل عند ابوه و عمامه في الشركات .

ام عبد العزيز اسمها: شريفه و ابو عبد العزيز اسمه:محمد: الكل يحبهم من كثر طيبتهم .


================================================== ========
"الجزء الاول"

كانت مها قاعده في مجلس الشباب و كانت امطوله ع التلفزيون وماسكه الريموت في يدها واليد الثانيه ع خدها و سرحانة في بنت عمتها نور وتكلم نفسها : ليش اليوم نور متضايقة ؟

ودخل عليها خالد وهو يناديها بس ما سمعت قال اكيد سرحانة وراح وراها وعند اذونها وصرخ بصوت عالي حتى هز اساس البيت وهي ماسكه قلبها فزت من مكانها خايفه ومعصبه وقالت وهي اتصارخ عليه :خلود لا تصارخ في اذوني مره الثانيه كم مره اقولك اففففف .

خالد وهو يضحك ع شكلها :هههههههههههـ امي تبيج ـههههههههه.

مها اتقلد ضحكته وهي طالعه : هههـ يعني امي تبيني اتصارخ فذوني .

خالد :لانه من مساع وأنا أناديج و أنتي سرحانة .

خالد مسك يدها قبل ماتطلع من مجلس الشباب وقال: مهوووي في شنو كنتي سرحانة ؟؟.

مها متفاجأه من لقافة خالد ومسكت يده وهو ماسك يدها الثانيه عشان ما تفلت منه ومسكت يده بقوه وشلتها وقالت: انت اشعليك .

وخالد عصب لانها مسكت يده بقوه وشالتها ،ومسك كتفها بيد واليد الثانيه ضربها ع رأسها وقال : مب طالعه لين ما تقولين فاهمه .

مها منصدمه من تصرف خالد اول مره يتصرف جي : و انا مب متكلمه وشيل يدك.

خالد كان يبي ينفزها وقال : مب شايل يدي لين ما تقولين .

ودخلت اشوق عليهم وجافت خالد و مها يصارخون على بعض وقالت : خالد مها اشفيكم تصارخون .

خالد او مها تكلمو مع بعض وقالو:

مها قالت : جوفي اخوج وسكتت .

اما خالد قال : جوفي اختج شمسويه وسكت .

واشواق : اشفيه اخوج ؟

مها : يبيني اقول وش سرحانة فيه وش دخله ؟

اشواق تضحك ع اشكالهم الي اتضحك : ههههـ وانت اشفيها اختك؟

خالد سكت لأنه ما عنده شي يقوله :............... .

مها : آآآآي شيل يدك افففف.

اشواق : خالد شل يدك.

خالد:أوكي .وشل يده خالد:قولي.

مها:شقول؟

اشواق : شتقول

خالد : مالج شغل انتي انا اكلم مهوووي ماكلمتج

مها : افففففف مب صاحي وانت اكبر منا وتسوي جي عيل شخليت حق اليهال

خالد: اليهال الي مثلج

مها : افففف ملغ خلني اروح غرفتي احسن لي.

اول ما طلعت قال خالد : صج ياهل .

اشواق :والله محد غيرك الياهل .

خالد وهو يطلع قال حق اشواق: انطمي انتي محد كلمج اففف اروح ارتاح احسن لي من امجابل ويهج . وطلع
اشواق خذت الريموت الي كان ع الكرسي الي مها كانت قاعده عليه
وفرت عmbc max
وكانت مها في غرفتها منبطحه ع السرير و جافت الاب توب ع الطاوله قامت خذت الاب توب وفتحت المسن جافت نور داخله وكان نكها!؟
! جروحي تنزف احزاني !؟!مها كان نكها:
(لي قلت احبك اسكتي و احضنيني: هلا وغلا

...:اهلين والله و حشتيني موت مهووووي


لي قلت احبك اسكتي واحضنيني :و انا اكثر تعالي امس كنت معاج ما مليتي مني

!؟! جروحي تنزف احزاني !؟! ...:افا اتملل من روحي ولا اتملل منج

ودخل عليها محمد


محمد توه راجع من لندن عشاان ولد عمه عبدالعزيز مسووي حفله عووده

محمد: قومي سوي لي كباتشينو

نور : اشتغل عندك عشان اقوم اسوي لك

محمد : انا اخوج الوحيد واتقولين لي جي افا ما هقيتها منج ..امحق اخت

نور : خلاص كسرت خاطري باروح اسوي لك ولا يهمك..انا كم محمد عندي؟

محمد : هذي نور الي اعرفها

نور وهي توها بتقوم من مكانها بس تذكرت مها

؟!؟جروحي تنزف احزاني !؟!:برب

لي قلت احبك اسكتي واحضنيني : تيت

نور راحت تسوي حق محمد الكباتشينو

ومها طلعت من المسن لانها ما نامت من امس بسبب التفكير

اما اشواق كانت قاعدة في مجلس الشباب و كانت لابسه بنطلون وردي و تيشرت ابيض مخطط بالوردي وعليه رسمه بنت و هاده شعرهاالكستنائي الناعم ودخل عليها ولد عمها محمد :هلا و الله ببنت عمي.

اشواق منحرجه منه وقالت في نفسها صج انه ما يستحي على ويهه ولا بعد يقول هلا والله وهي ساكتة ما تكلمت :................

محمد وهو يناضرها وحس انها مستحيه منه وقال:خالد موجود؟

وفجأة دخلت عليهم مها وهي لابسه برمودا احمر و تيشرت ابيض وعليه شفايف حمره وكانت رافعه شعرها طريقة ذيل حصان يعني طالعه ملاك ..ولف عليها محمد وقال في نفسه :كل ووحده احلى من الثانيه لا بالله توهقت : هلا مها شلونج ؟

مها : الحمد الله تمام وانت شلونك<< البنت ماخذه راحتها

محمد : الحمدالله تمام

واشواق و اقفه في مكانها ولا تتكلم ولمحت منيرة داخله وضحكت

منيره كانت لابسه تشيرت كات بنفسجي ومرسوم عليه بنت على البحر و برمودا ابيض ورابطه شعرها ودخلت جافت مها ومحمد واشواق وقالت : اشواق ومها امي تبيكم

محمد : اشلونج منيرة

منيرة صار ويها احمر من الفشيله : تمام وطلعت بسرعه ولحقتها مها توه اشواق بتطلع وقال لها : نادي خالد و انتي رايحة

اشواق : اوكيه

اول ما طلعت اشواق قال احلى وحده فيهم منيره حلوه و دلوعة

ودقايق دخل عليه خالد : هلا محمد

محمد : اهلين وينك من مساع و انا انطرك

خالد : السموحه كنت مع الولده

محمد : يله مشينا

خالد :مشينا

..

..

.

ام خالد تنادي بناتها بصوت عالي : مها ،اشواق،منيرة.

مها :نعم يا اغلى ام في الدنياا .

اشواق وهي نازله من الدرج الثاني :نعم يا احلى ام في الكوون

منيرة : نعم ياغزال البيت

مها وهي تضحكـ على كلام منيرة:هههههـ غريبة امي اتنادينا كلنا ايش صاير في الدنيا ؟.

ام خالد : كل وحده تروح تبرز لأن احنا معزومينـ في "فندق شرق" لأن عبد العزيز رجع من لندن .

اول ما سمعوا عزيمة كل وحده شاقه الحلج

مها : مو اول مره يرجع ولدهم من السفر كل اسبوع يروح لندن و يرجع الدوحه فماتفرق

ام خالد : لا لأنهـ اكتمل المشروع الي سووه في لندن وهو اكبر مشروع عنده

منيرة: عشان اتعرفون عبد العزيز مب ........... محمد

مها بعصبيه : لا قولي بعد خالد عشان اقوم اذبحج هني بعد واللهـــ

ام خالد : اقول كل وحده اتروح تبرز عشان ماروح عنكم الحين .

كل وحده راحت غرفتها كلهم ابرزوا الا مها

دخلت منيرة على مها اول ما جافتها مها صفرت وقالت : احلى أحلى .

منيرة صار ويها احمر :مهووي للحين ما برزتي

مها: والله ماعرف شختار اففـ

مها : اشرايج تختارين لي ؟

منيرة : ماعندي مانع

مها ضمت منيرة وقالت : احبج يا احلى اخت في الدنيا و هاذي بوسه

منيرة: اففف اشكثر عندج فساتين ، قومي ادور على فستان ولا بدله عدله ولمحت فستان احمـر قصير

منيرة: امسكي هذا حلووو

مها: جيبيه خليني اروح ابدل

مها دخلت غرفه الملابس الي في غرفتها عقب خمس دقايق طلعت.

منيرة : يهبل عليج

مها تبي تقهر منيرة : شي طبيعي حلوو علي و انا امحليته اكثر .

منيرة : عاش واثق، اقول روحي سوي الميك اب .

مها راحت تتمكيج وتسوي شعرها ودخلت عليهم اشواق : اففف مهوووي للحين ما برزتي .

مها : اشرايكم اسوي شعري كيرلي

اشواق : سوي كم خصله بس لا تسوينه كله .

مها : اوكي

ام خالد دخلت عليهم : يا حلوكم والله

منيرة هي عند ظهر امها و ضمتها : اكيد حلوينـ لأنه طالعين عليج .

وكلهم طلعوا من غرفة مها و راحوا الصالة الي تحت

مها وهي اتنادي الخدامه : سميرة

سميرة : نعم مها

مها :روحي اكوي دفه ( الدفه = العبايه ) مال انا

اشواق : حتى انا

سميرة : اوكــــي

منيرة وهي تلبس العبايه رن التلفون البيت وشلته : هلا.

خالد: مب طالعين يعني انا من مساع انطركم تحت والله احرك

منيرة :خلاص الحين نازلين لا تتحرك

خالد:اوكي


ياترا شنوو راح يصير في الحفله ؟كل شي صار في الحفله راح تعرفونه في الجزء الثاني من القصه =)

الزعيـ A.8K ـمه ©؛°¨غرامي ماسي ¨°؛©

,’



بسم الله
و عليكـــم الســـلآم و رحمــة الله و بركـــآته



يعطيك العــــآفية
موفقه إن شـــآء الله




,’


VEN!CE يـآرب مآلـي ســـوآكـﮯ

’,



وعليكم السلآم والرحمه
هلآوغلآ منوره غرام وآلقسم ^,^

بدايه جيده
موفقه آن شآء الله



’,

جود الدنيا ©؛°¨غرامي فضي¨°؛©

بداية موفقة

بانتظار البارت القادم

تحياتى

e7trt.a3br ©؛°¨غرامي جديد¨°؛©

مشكوورين وان شاء الله راح انزل البارت الثااني قرييب =)

نونه الاموره ©؛°¨غرامي متألق ¨°؛©

يسلمووووووووووو دياتك ياعسل..
ننتظرك..


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1