منتديات غرام روايات غرام قصص - قصيرة إدعي علي بالموت / خيالية
Řăَmَă -} عضو موقوف من الإداره

آلسلآم عليكم:.

اليوم نقلت لكم هآلروآية الجنان و رآح أنهيها إن شآء الله بأقل مـن أسبوع

للكآتبة
ấŜĦάห ặŁ7Θβ

.. .. ..



الموهيم الروآية حلووة مرآأ

بعنوان
..*أدعي علي بآلموت*..



،/آلبآرت الأول/،


في المستشفى الهادي الخاصه...وفي وقت ولادة بدرية بعملية قيصرية...!

حامد:يالله يارب تسهل عليها وتولد بالسلامه..ياربي هون عليها وفرحني
بدر:امين يارب العالمين..ياخوي اهدي شوي تعال اقعد وان شا الله ربك بيهونها وتولد بالسلامة ويجي الياهل بخير
حامد:الله يسمع منك..والله ياخوي اني خايف عليها من هالعملية مايمدحونها يكافينا شرها..
بدر:لاحول ولاقوة إلا بالله العلي العظيم..يارجال شفيك تفاول عليها اذكر الله وان شا الله خير ودعواتك انت بس

وبعد أربع ساعات من العملية يطلع الدكتور من غرفة العمليات ويركض له حامد
وبدر...

حامد:هايادكتور بشرني عسا العملية نجحت وعساهم بخير
الدكتور:الحمدلله ياحامد العملية نجحت بفضل ربك ولا جان الأم والولد في خبر كان بس الحمدلله تعدينا الخطر،،وألف مبرول على ماجاك
حامد:ألف شكر وحمدلله يارب ع هالنعمة ويبارك فيك
بدر:ألف مبروك ياخوي واخيرا صرت عم..يتربى بعزك وعز امه يارب وتشوفه رجال
حامد:يبارك فيك ياخوي وعساني اشوف عيالك قول امين
بدر ‏:امين يالغالي..ها ياخوي وش ناوي تسمية؟
حامد:بسمية رائد..واشوفه رائد بديرته يحميها
بدر:عاشت الأسامي والله يابورائد حلو هالاسم...!


بعدها بساعة انقلوا بدرية للغرفة وهي في وضع البنج وراح لها حامد عشان يتطمن عليها..ومرت ساعات لطلوع الفجر وصحت بدرية من نومها..وشافت حامد قاعد عندها يناظر بجمالها اللي ماخذه كل عقله...

حامد:الحمدلله ع السلامه حبيبتي ومبروك ماجاج
بدرية:الله يسلمك حبيبي ويبارك فيك..وينه ولدي ماشوفه الله يخليك عمري جيبه لي أبيه..أبي اشوفه
حامد:من عيوني يالغالية يام رائد الغالي ألحين ركض اجيبه لج يابعدي
بدرية :الله اسم رائد يجنن حبيبي..حياتي الله يخليك جيبه لي أبي احضه ابي ابوسه
حامد:ياحظه بس،،ألحين ولايهمج اجيبه لج ثواني بس...


راح حامد يجيب رائد لأمه ولايشوف الممرضه تغير له ملابسه وتلفه وتجهزه عشان يرضع من حليب امه ..اخذه حامد منها من بعد ماخلصت ووداه لأمه.<<<لازم تكتب التفاصيل الممله

حامد:ها رؤدي يلاحبيبي روح لأمك خل تحضنك وتشبع منك..ياروح البابا انت
بدرية:بسم الله عليه ربي يحفظه لي ويخلية..ياحياتي وعمري ‏،شوفه حامد يجنن ولدنا
حامد:أكيد يجنن دامه شبيه أمه...الله يخليكم لي
بدرية آمين يارب...انزين حبيبي متى بيطلعوني
حامد:مادري..بس يقول الدكتور بعد أربع أو خمس أيام على خير..عشان عمليتج حبي
بدرية:على خير ان شا الله حبي

مرت الخمس أيام وطلعت بدرية من المستشفى وراحت بيتها وصار حامد مايفارقهم إلا بحزات الصلاة وطلباتهم من برا وحتى انه اخذ اجازه عشان يتفرغ لهم...

أم رائد ونعم الأمهات شالت البيت وزوجها وولدها فوق راسها وحطتهم ع كفوف الراحه ...

ومرت سنتين وكبر رائد وصار يمشي ويركض سوا حس وصوت وحوسه ولوية بالبيت كان عمه بالاسبوع يزورهم مرتين لأنه يدرس بالجامعه وساكن في بيت بروحة..وهو واخوه مالهم أحد من بعد وفات أمهم وابوهم في حادث سياره

بدر:ياعمري اسم الله عليه رئودي صاير يجنن
حامد:اي اسم الله عليه مالي حياتي فرح وربي عسالله يحفظه لي
بدر:امين يارب تشوفه معرس ويملي لك البيت احفاد
حامد:امين بس قبل اشوف عمه معرس ويملي لي البيت يهال
بدر:ههههههه شفيك ياخوي انا بدرس ماني فاضي لزواج
حامد:دامك تشتغل الصبح وتدرس العصر ليش ماتزوج وزوجتك بتريحك وتساندك ماهو حرام هالشي
بدر:تصدق توني أقول لنفسي لما شفت رائد يركض تمنيت اتزوج واشوف عيالي يركضون اقبالي..بس صعبه ياخوي
حامد:الله كريم بيرزقك ان شا الله ربي..بس ماهو صعب انت وافق وانا ياخوك لك مني كل مصاريف الزواج وحتى البنت موجوده..
بدر:موجوده! من هذي تعرفها انت تعرف اهلها
حامد:رفيجة بدرية..اسمها خلود مدرسة انجليزي مع بدريه بنفس المدرسه
بدر:دامها رفيجة بدرية والله ونعم الحريم..بس متردد من الزواج
حامد:صدقني ياخوي بترتاح اسأل مجرب ولاتسأل طبيب وقلت لك مصاريف الزواج علي وانا قدها..بس خل اشوفك معرس وأرتاح ويتطمن قلبي عليك
بدر:خلاص يالغالي شورك وهداية الله انت حدد يوم نروح لأهلها ونخطب البنت والله يكتب اللي فيه الخير يارب
حامد ‏:امين يارب والله يوفقك ويسعدك ويهنيك
بدر ‏:امين وتسلملي يابورائد...



إذآ عجبتكم .. ..

قولوا لي أنزل بآرت.. ..


Řăَmَă -} عضو موقوف من الإداره

آلسكوت علآمة الرضآ يلآ رآح أكمل..


البآرت الثآنـي


بدر دار في راسه سالفة الزواج وقال لنفسه خل اتزوج وأكمل نص ديني وأرتاح بعد ان لقيت انسانة تهتم فيني وتحبني..
وحامد أصر على أخوه انه يتزوج عشان يتطمن عليه ويفرح فيه...
ومرت الأيااااااام....
وكان بدر طالع من البيت لجامعة مستعجل لأنه تأخر ع المحاضره...
وكانت في بنت طالعة الثانية بعد مستعجله لأنها تأخرت ع خواتها بالسوق...
كان بدر ماشي بسيارته والبنت ماشيه بسيارتها والجو معتفس من الحر يعني الواحد ضغطه واصل ثلاثميه وستين ،،وقفت البنت عند الاشاره الحمرا وكان بدر مستعجل حتى انه مانتبه للاشاره وفجأه صدم بسيارة البنت...
طااااااااااااااااااااااااااخ...!!!!



البنت:يمه..آآآي راااااسي....!
بدر:اوووف ياربي شسويت انا يامالي للعمى ان شا الله ،،،اوف ودم براسي لا بالله راحت علي المحاضره أنا اشهد اني راسب بالاختبار..ياربي شهالحظ
البنت:يووووووووووه تأخرت ع خواتي حرام ذابحهم الحر...خل انزل اكسر راس هالزفت اللي خرب علي..
بدر:لاحول الله بروح اشوف اللي بالسياره لايكون ماتو بتوهق عاد



نزلت البنت من السياره ولاتشوف سيارتها رايحه فيها من ورا متعفسه حيل...
ونزل بدر يتأمل بالحادث وحمد ربه ان محد صار فيه شي


البنت :يامال العمى ان شا الله..انت ماتشوف عيونك وين شنو أعمى انت من ماخذ عقلك يالغبي ياللي ماتعرف تسوق وربي حمار اللي معطيك الليسن...
بدر:يؤيؤيؤيؤيؤ شوي شوي علي يابنت الناس شفيج ماصار شي..الحديد تعور والله يعوض..قولي الحمدلله انج حيه بس
البنت:لا والله سيارتي راحت فيها وتقول ماصار شي من وين اصلحها انا ها قولي...؟
بدر:افا عليج بس ياختي أنا الغلطان وأنا أصلحها لج بس أنتي لاتزعلين ولاتعصبين
البنت:أنا بتصل ع اخوي ويجي يتفاهم معاك
بدر:اوك اللي تشوفينه سويه أصلن خلاص الوقت ضاع وراحت علي محاضرتي وان رسبت بيكون ذنبي برقبتج..!
البنت:وأنا شكو فيك مشكلتك والله ان رسبت ولا نجحت ماتهم..وبعدين انت الملقوف طاير ماتشوف
بدر:وأنا قلت لج اهتمي..مالت بس[وراح وقف بعيد عنها شوي]
البنت:آلوووو قوه خالد شلونك... تعال أنا سويت حادث عند الاشاره القريبه من بيتنا وسيارتي تعفست من ورا
خالد:[بخوف وصدمه]وانتي صار فيج شي تعورتي؟
البنت:لامافيني شي بس لاتخاف علي أختك مثل البخت
خالد:خلاص حبيبتي ألحين بجيج...بس من اللي دعمج؟
البنت:واحد ولد شاب شحلاته حليو من اليوم أزف فيه وهو ساكت
خالد:ههههههههههههه الله يغربل بليسج يلا سكري جايج
النت:ههههههه اوك يالغالي انطرك


بعد نص ساعه وصل خالد وشاف بدر وتفاهم معاه ع السريع وأخذ خالد بطاقة بدر المدنية ورقم تلفونه عشان يضمن الأخ انه يصلح سيارة اخته وبدون شرطه ولا عوار راس<<<<ياحلو التفاهم بس...
وبعدها راح بدر لجامعه مع خالد عشان سيارته ماتمشي خربت
ومن وصل دخل القاعه قعد بمقعده وسرح بالبنت...
بدر في نفسه يقول..آآآآخ بس ياحلو هالبنت جمالها مو طبيعي أنا اشهد انها صكت ع بنات الجامعه كلهم..اسحرتني وشكلها بتاخذ قلبي ياويلي بس لو أعرف من هم أهلها لخطبها بس صعبة انا وين وهي وين ..يالله خل اشوف دراستي وبلا هالتفكير المراهقي
وتابع بدر محاضرته اللي طافته نصها بس الحمدلله قدر يلحق وياخذ من ربعه الدروس..
رجع بدر البيت مع رفيجة وصله بطريقه...واتصل ع حامد

بدر:آلو...قوة حامد شلونك؟
حامد:هلا بالغالي..أنا الحمدلله بخير..انت شلونك..؟وشفيه صوتك تعبان
بدر:لاموتعبان أنا بخير الحمدلله..بس اليوم وانا رايح الجامعة تأخرت ع محاضرتي وسويت حادث مع بنت
حامد:شنووووووو انت صار فيك شي؟أنت وين ألحين؟لاتخوفني عليك طمني وقولي أنت وين بجيك ألحين؟...
بدر:لااااااا ياخوي...مافيني شي بصحتي انا..بس السياره تعورت لازم أصلحها وفوق هذا سيارة البنت بعد بصلحها ع حسابي تفاهمت مع اخوها وباجر بروح اعطيه فلوس بس أبيك تجي معاي..
حامد:أشوا الحمدلله ياربي..من عيوني حبيبي بجي وياك باجر...بس أحسك تعبان..أحلفك بربك مافيك شي..؟
بدر:والله مافيني شي..تطمن بس دايخ بنام يلا تصبح على خير
حامد:وانت بخير يابعدي ونوم العوافي
بدر:الله يعافيك ياخوي..مع السلامه
حامد:مع ألف سلامه يالغالي

بعد ماسكر بدر الخط كانت الساعة اثنعش بليل انسدح بفراشه وفكره سرح بالبنت وصار يهوجس مع نفسه ويتخيل ويخطط..وماحس ع نفسه إلا لماسمع الأذان...مرت هالأربع ساعات كأنها ثواني بالتفكير فيها..وصار يقول لنفسه...
*هذي مرت أربع ساعات وانا افكر فيها لو انها عندي كل العمر بحسه ثواني والأكيد مراح أشبع منها...بس الله كريم خل نصلي ونعين من الله خير*
وبعد الصلاة راح لفراشه ينام وعند الساعه ثمان الصبح..رن جواله ولا هو خالد..


بدر:آلو..هلا خالد..
خالد:هلا بالحبيب..صباح الخير..شلونك
بدر:صباح النور..أنا الحمدلله بخير..أنت شلونك عساك بخير
خالد:الحمدلله ياخوي بخير ونشكر الله
بدر:ياعسا دوم يارب
خالد:يسلمو حبيبي..المهم لاتنسى الوعد ع الساعه تسع ان شا الله
بدر:لامو ناسي ان شا الله..بمر عليك ونروح الكراج وجم يطلبون بدفع وان شا الله خير
خالد:أوك ..ويعطيك العافية أخوي وماتقصر يالغالي..


وبعدها راح بدر ع الموعد واخذ سيارته للكراج وواعد خالد انه يلاقيه هناك ويجيب سيارة أخته..وبعد ماتلاقوا صار..!


بدر:هلا والله بأخوي..وين سيارتها
خالد:كاهي اللي واقفه هناك..وأنت سيارتك وينها
بدر:والله داخل بالتصليح وطالبين مني سبع امية دينار بروح شركة التأمين عشان يدفعون هالمبلغ
خالد:الحمدلله انك مراح تخسر عليها انت
بدر:شلون ماخسر وسيارة اختك ع حسابي أنا صج توهقت يارجال..بحاول ادبرهم
خالد:ومن قالك بتدفع أنت...أصلن ماكون رجال أنا ان خليتك تحط فلس واحد..وبين الأخ وأخوه مافي هالسوالف
بدر:أجل ليش متصل وتقول ع الوعد وماخذ بطاقتي..في شي وانا ماعرفه
خالد:لا والله مافي شي..بس أنا حبيت اتعرف عليك ويشهد الله اني حبيتك وسويت هالشي عشان اتقرب منك ووالله العظيم هذا قصدي..بس شكلك انت ماتفاهم
بدر:لا والله وهذي الساعه المباركه اني اتعرف عليك وأكون لك صديق وأخ
خالد:تسلم يالغالي وأنا لي الشرف


وفجأه طب عليهم هالهندي الميكانيكي وعلم خالد ان السياره تصليحها بسبع امية دينار وضحك بدر...

بدر:هههههه ماشا الله نفس السعر..شهالكراج أسعارهم موحده
خالد:ههههههه والله يمكن الظاهر

وبعدها صاحب خالد بدر وبهاليوم تغدوا مع بعض واستانسو..و الساعه ثلاث العصر...اتصل حامد ع بدر ..

حامد:قوه بدر..شلونك
بدر:هلا حبيبي أنا الحمدلله بخير..حامد أنت مو قلت بتجي عن اليوم وينك عسا المانع خير.؟
حامد:ماعليه يالغالي راحت علي نومه وبليل ماخلانا ننام رائد ماغير يبجي فيه حراره ووديته الطبيب وألحين الحمدلله
بدر:يابعد عمري هالولد سلامته حبيبي اسم الله عليه..وألحين أكيد انه زين طمني الله يخليك
حامد:لا ألحين الحمدلله الحراره انزلت وكاهو قاعد يلعب عندي..المهم أنت شصار معاك طمني
بدر:لا الحمدلله الهم اللي كنت شايله انزاح طلع أخوها ولد حلال وهو اللي دفع لأخته بس انه كسب رفقتي وكان هذا طلبه ..لافلوس ولاهم يحزنون والله انه طيب ياحليله
حامد:الحمدلله يارب الله يساعدك ياخوي بكل خطوه بتخطيها ويوفقك يارب
بدر:اي والله الحمدلله..وتسلم يالغالي
حامد:ها ياخوي متى ودك نروح نشوف اهل البنت
بدر: ها ...!صج وهقه ... ماعليه أحس هالأيام معتفس من الجامعه وفوق هذا السياره..أنت بس عديها لي هالأيام وأنا احدد لك يوم واعلمك
حامد:على خير ان شا الله اللي تبيه يصير ولايهمك
بدر:تسلم ياخوي..ويخليك لي يارب ..يالله حبيبي بنام لي جم ساعه أحس بتعب
حامد:اوك نوم العوافي

ونام بدر من الساعه أربع ونص ألين الساعه اثنعش بليل من دون مايحس قعد من نومه مفزوع بتأخير الوقت ولحق انه يجمع صلاته..ومرت اسبوع على سيارته..وراح أخذها وبعدها بأيام راح السوق وشرى ألعاب لرائد وراح لبيت حامد

بدر:السلام عليكم ياجماعه
حامد:هلا والله بالغالي وينك ياخوي توك تبان..؟
بدرية:اي والله توه يبان البدر ياهلا فيك والله
بدر:هلا..ماعليه هالسيارة والجامعه خذوا وقتي سامحوني ع القصور..إلا وينه رائد..جايب له هدايا
حامد:رئود نايم..بس يابخته يجيبون له هدايا واحنا لنا الله
بدر:هههههه صير ياهل وابشر بالهدايا
بدريه:ههههههه حمودي بس ياهل عندي شاطر
حامد:هههههه أنا اشهد وابصم لكم بالعشر
بدر:هههههه يعني تعترف بعد
حامد:اي عيل شلون عيل
بدر:المهم ياجماعه انا حددت يوم نروح نشوف فيه اهل البنت
حامد:هذي الساعه المباركه ومتى عاد
بدر:بعد يومين يعني ع يوم الخميس ان شا الله
بدريه:لحظه لحظه شصاير..شسالفه حامد
حامد:يووووووه نسيت اقولج ان ان انا من فتره قلت لبدر ان نشوف له البنت الحلال ونزوجه وبصراحه أنا مافكرة إلا بخلود رفيجتج
بدريه:الله جان زين والله هذا أحلى خبر وربي..من زمان مافرحنا والله
بدريه:بسألج عنها هي حلوه سنعه جم عمرها سولفيلي عنها
بدريه:شوف هي حلوه ومو بس حلوه إلا تجنن جمالها مو طبيعي مزيونه ما شا الله عليها وشعرها يغطيك كلك ..عمرها خمسه وعشرين اصغر منك بسنه وسنعه بصراحه وهي الوحيده اللي تشوف وتشيل امها وأبوها الله يواليها الخير والعافيه
بدر:ماشا الله هذا اللي أنا أبيه..هي تشتغل معاج؟
بدريه:اي معاي بنفس القسم الانجليزي
حامد:الحمدلله ان الله هداك ع
الزواج ودش بمخه..يالله نبي نفرح
بدر:ان شا الله يارب والحمدلله
بدريه:الله يكتب لكم النصيب ويوفقكم ربي ويهنيكم
حامد:أمين يارب العالمين
بدر:[يبتسم] الله كريم والحمدلله


ومرت هاليومين على خير وحامد وبدرية تزهبوا لروحه ومروا ع بدر وراحوا بيت أهل خلود..طبعا من بعد ما اتصلت بدريه ع أم خلود واتفقت معاها..وصار اللقا ..دخلت بدرية عند الحريم بالصاله..وشافت أم خلود وخواتها وسلمت عليهم ودخل حامد وبدر لدوانية وشافوا أبو خالد وولده الصغير فواز

حامد:السلام عليكم يابوخالد
أبوخالد:وعليكم السلام ..ياهلا والله بورائد
بدر:القوه ياعمي
أبو خالد:ياهلا بولدي بدر
بدر:ياهلا فيك عمي
حامد:شلونك فواز وشلون الدراسه معاك
فواز:هلا فيك حبيبي الحمدلله بخير وماشي حالي بالدراسه
حامد:الحمدلله عسى الله يوفقك
فواز :تسلم يالغالي والله يوفق الجميع
أبو خالد:فواز ياولدي روح نادي اخوك خالد وينه
فواز:ان شا الله بدق عليه يايبه
أبو خالد :تقهو يارجاجيل..حياكم
حامد:تسلم يابو خالد ويعطيك العافيه

وبعدها بدقايق دخل عليهم خالد...!


جود الدنيا ©؛°¨غرامي فضي¨°؛©

مررررة رووووعــــــة


كــــمليهاااااا بليـــــززززززززز


يسلموووووووو

كادي>>>>>2 ©؛°¨غرامي جديد¨°؛©

يسلموووووووووووووووو كمليها الله يعطيك العافيه

Řăَmَă -} عضو موقوف من الإداره

هآلبآرت لعيونكم

البارت الثآلث


خالد:السلام عليكم ورحمة الله وبركاته
ردو عليه الكل:وعليكم السلام ورحمة الله وبركاته
أبوخالد:هلا وغلا في أبوطلال..عاش من شافك يارجال
أبو طلال:ياهلا فيك عمي عاشت ايامك والله
أبوخالد:ياجماعه هذا خالد أبوطلال زوج بنتي الكبيره..وخالد ولدي للحين ماجا شبلاه ماشفته يابوطلال
أبوطلال:توني كنت أكلمه بالجوال يقول انه ماقدر يطلع من دوامه الظاهر انه محجوز عندهم
أبو خالد:خير ان شا الله تفضل قهوتك
حامد:يابوخالد..جاينك أنا وبدر وأم رائد بطلب وان شا الله ماتردنا
أبو خالذ:ماعاش من يردك ياولدي تفضل قول شنهو مطلبك ومن هالخشم
حامد:تسلم يابوخالد..والله جايين نطلب ايد بنتك خلود لأخوي بدر على سنة الله ورسوله وهذا بدر قدامك مو ناقصه شي أبد كامل والكامل الله
أبوخالد:والله والنعم فيكم ياعيال وأبوكم كان رفيق دربي ومانسى رفقته كان رجال شهم الله يرحمه..وبدر من أشوفه كأني اشوف أبوكم والشاهد الله
حامد:ماشا الله عليك يابوخالد للحين تذكر الوالد الله يرحمه
أبوخالد:هو في أحد ناسيه أبوك ياولدي مزروع بقلبي وعقلي..والحمدلله ان بدر بيكون من نصيب بنتي..وأنا أشهد من هاللحظه اني متطمن عليها معاه
بدر:تسلم ياعمي الله يخليك لنا يارب وبنتك بعيوني
أبو خالد:أنت والنعم فيك وأنا أبوك...رجال وعن ستين رجال..ماعليك قاصر..
حامد:هذا من طيبك يابوخالد..بس علمني متى تردون علينا خبر بموافقة البنت وأمها وانت يابوها
أبو خالد:والله عن نفسي أنا موافق وابد ماقول لا..بس عطنا مهله يومين ثلاث بالكثير أشاور البنت وأمها وان شا الله خير ويكتب لكم النصيب يارب
حامد:أمين يارب..نبي نفرح فيه واشوف عياله
بدر:ان شا الله والله يقدم اللي فيه الخير

وبعدها كملوا سوالفهم وضحكهم يتذكرون زمان أول...
وفي الصاله عند الحريم..كانت أم خالد وأم رائد والبنات اللي هم خوات خلود الأربع..لكن خلود وينها ياترا...؟

أم خالد:ياهلا فيج يام رائد شلونج وشلون رائد معاج ان شا الله مايعذبج
أم رائد:الحمدلله بخير وأما ع رائد مشيب راسي بس سكتي...مايسكت ألين نجيب له اللي يبيه..أبوه مدلعه حيل
أم خالد:الله يخليه لكم يارب وتشوفينه معرس
أم رائد:أمين يارب...وأنتي شلونج يام خالد وشلون البنات معاج ان شا الله محد مجننج
أم خالد:أنا الحمدلله بخير...والبنات ماشي حالي معاهم لاشفتهم ارفعو ضغطي والسكر رحت نمت عنهم وخليتهم
أم رائد:ههههههههههههه ياحليلهم والله..انزين خلود وينها ...ماشوفها
أم خالد:خلود لمارجعت من الدوام نامت وللحين نايمه
أم رائد:أمحق عروس بس..ذابحها النوم هالبنت...بس مع هذا مالومها المدرسه متعبه
أم خالد:اي بعد عمري هالبنت مريحتني الله يريحها...ويوفقها يارب
أم رائد:امين يارب..عاد ماندري شصار معاهم بالدوانيه
أم خالد:ان شا الله كل خير
أم رائد:ان شا الله يارب نفرح فيهم قولي أمين
أم خالد:امين....

وفجأه اتصل أبو رائد ع زوجته يقول لها يلا تم كل شي وبنمشي
وسلمت أم رائد ع أم خالد وابتسمت لها وقالت ان كل شي صار تمام والفرح مالي قلوبهم بس الراي الأهم عند خلود..
صارت الساعه ثمان بليل وقعدت خلود من نومها وطبعا الكل يعرف وأما هي ماتدري شالطبخه...والكل يطالع منها ومستانس

خلود:بسم الله شفيكم تطالعون فيني جذي لايكون فيني شي يضحك وانا مدري
ريم:اي..في أشيا وايد تضحك خخخخخخ
خلود:يالسخيفه أنتي اوريج..يمه...يممه...يمممممممممه وينج؟
أم خالد:هلايمه..هلا حبيبتي..هلابعمري
خلود:بسم الله الرحمن الرحيم هذولا شفيهم...أنا الظاهر قاعده احلم..!
خل ارجع انام واقعد يمكن صج أحلم ولا خل أروح لأبوي يمكن احسن منهم
أبوخالد:هلا هلا والله خلود الغاليه تعالي اقعدي عندي بسولف معاج شوي
خلود: شصاير بالعاده من اقعد من نومي تطيحون فيني زف من قلب وهالمره غير يالله يارب يجعله خير!!!!!!!!!
أبو خالد:هههههههه ياحليلج يابنتي ..خير ان شا الله بس انتي تعالي بقولج سالفه
خلود:الله الموضوع فيه سالفه بعد نقعد شورانا ..خير يبه قول شسالفتك
أبوخالد :سالفتي اللي هي فيج..المهم اليوم جاني واحد مع اخوه تقدم لج واخطبج مني
خلود:شنووووووووووو؟ من صجك يبه واخيرا بتزوج وناسه ماني مصدقه
أبوخالد:هههههههههه الله يغربل بليسج وتقولينها جدامي ماعليه بمشيها لج...بس ها شتقولين موافقه ولا لأ ؟
خلود:شنو ماوافق مجنونة أنا إلا موافقه ونص ماصدق ع الله أنا بس منهو هالطيب اللي مافكر إلا فيني جزاه الله خير بياخذ اجر من ربه
أبو خالد:هههههههههه الله يقطع سوالفج ..هذا هالولد يكون اخو زوج رفيجتج بدرية
خلود:هاااااااااااااااااااااااا ماني مصدقه رفيجتي حبيبتي وعمري وحياتي بتزوجني لحماها يابعدي..صج اثبتت لي صداقتها حبيبتي هذي ماتنساني فديتها بس وناسه بكون معاها
أبوخالد:الله يخليكم لبعض يارب...هاحبيبتي موافقه
خلود:اي موافقه يبه
أبوخالد:ألف مبروك يابنتي وعسى يوفقج ربي معاه
خلود:يبارك فيك يبه ويخليك لنا يارب


من بعد موافقة خلود ع بدر مرت هالليله وهي بس تتخيل شلون شكله مزيون ولاشين متين ولا ضعيف طويل ولا قصير..وياترا بعجبه ولا لأ...
وبعدها بيوم اتصل أبو خالد ع حامد وعطاه موافقتهم وحددوا انه يشوفها وتشوفه وبعدها بيتمون الملجه وبعدها بأيام صار اللقا...!


جود الدنيا ©؛°¨غرامي فضي¨°؛©

بــــاااارت روووعة



يسلمـــوووووو

Řăَmَă -} عضو موقوف من الإداره

هآلبآرت عشآنكِ

البارت الرابع


ابو رائد وام رائد وبدر جهزوا انفسهم لبيت ابوخالد...
وفي بيت أبو خالد الكل جهز وخاصة خلود من وناستها راحت الصالون عشان تكشخ...
وكل أهلها ناطرين بدر عريس الهنا خخخخخ..والكل حضر بس ماعاد خالد <<هالولد ماغير يحجزونه بالدوام من زود المحبه الظاهر...
المهم فجأه رن جرس البيت،،،

أبوخالد:ياهلا وغلا باللي لفانا نورتوا داركم
أبورائد:ياهلا فيك يابوخالد
أبوخالد:تفضلوا الديوانية وانتي يام رائد حياج داخل بالصاله ام خالد داخل تنطرج...

ومن بعد مادخلوا الرجاجيل الدوانية وام رائد الصاله...
شوفوا شاللي صار...!

أبو رائد:شخبارك يابوخالد طمني عنك؟
أبو خالد:الحمدلله بخير ،وانت شلونك؟
أبو رائد:الحمدلله بخير ونعمه
أبوخالد:الحمدلله،وانت ياولدي يابدر شلونك عساك بخير؟
بدر:ياهلا فيك ياعمي أنا الحمدلله بخير بصحتي وعافيتي
أبو خالد:الحمدلله،وهذي الساعه المباركه فيك ياولدي
بدر:ساعتك ابرك ياعمي وتسلم
أبو رائد:ولدك خالد وينه ماشوفه
أبوخالد:والله مججوز الله يعينه
أبو رائد:يعين الجميع وعسا الله يوفقه
أبوخالد:أمين يارب
أبورائد:ها يابوخالد متى بيشوف البنت بدر؟
أبوخالد:ألحين اذا وده ولايهمكم
بدر:تسلم ياعمي والله ودي اشوفها بصراحه
أبوخالد:أبشر وأنا ابوك مايصير خاطرك إلا طيب وهذا من حقك،بس دقايق اعطيهم خبر وأرجع لك

وراح أبوخالد لأم خالد وخلود وعلمهم ان بدر بيشوفها طبعا خلود ذبحها الخجل وايدها صارت ترجف من الخوف وطبعا هالشي طبيعي بكل بنت،،

أبوخالد:ياخلود يابنتي أنتي بهذيج الغرفه مع أم رائد وامج طبعا بالصاله معاي انا وبدر ماتطلعين لما اجيج واخذج بيدي فاهمه؟
خلود:ان شا الله يبه ولايهمك
أبوخالد:الله يوفقج ويخليج لي


دخلت خلود الغرفه وراح أبوها لبدر واخذه بيده لصاله وسلم ع عمته أم خالد وقعد وشوفوا شصار عاد....!!

أبوخالد:تفضل ياولدي اخذ راحتك انا رايح اجيب خلود واجي
بدر:ان شا الله عمي <دقات قلبه واصله اميه وعشرين
خخخخخخخ
أبوخالد:تعالي يابنتي شوفيه ويشوفج


دخلت خلود مع ام رائد الصاله ولما شافها بدر فز من مكانه منصدم،،وهي من الصدمه راح عنها الخوف وتنحت فيه..

بدر:هذا انتي...؟؟؟!!!!
خلود:هذا انت شجابك بيتنا وشكو تخطبني
بدر:هااا وانا شدراني ان البنت هو انتي!!
أبوخالد:[متعجب منهم]شسالفه ياخلود تعرفينه انتي؟
خلود:ها يبه لأ لأ ماعرفه
ام رائد:بسم الله شصاير بينكم وياخلود شفيج عليه؟
بدر:ياعمي مافي شي أنا لا عرفها ولاتعرفني بس انا هو اللي سويت معاها حادث وسبحان الله صدفه والله
خلود:صدفه يعني ماكنت تدري انا من؟
بدر:لا والله ماعرف والمشكله اخوج خالد صار رفيجي بس ماشوفه عندكم كله محجوز لو اني شايفه جان عرفت حتى سألي ام رائد
أبوخالد:ياسبحان الله،الله جمعكم وشفتوا بعض قبل لاتقدم لها وتخطبها مني
أم خالد:ياسبحان الله هذا النصيب ياعسى ربي يوفقكم
ام رائد:سالفتكم عجيبه سبحان الله مكتوب انكم لبعض
بدر:[وهو يناظر خلود ويبتسم ومن قلب مستانس لأنه ماتمنى غيرها] تسلمون يالغاليين
خلود:[وهي ميته خجل وفرحانة]عن اذنكم بروح
أم خالد:يابعد عمري انتوا وياحلو هاليوم بس اني اشوفكم جذي
أبوخالد:اي والله ،الحمدلله ياربي
بدر:عمي ياليت أخذ اوراقها ونروح نملج
أبوخالد:ياحليلك يابدر مستعجل
بدر:ههههه شسوي اكيد مستعجل ،وشرايك باجر تتم الملجه على خير ان شا الله
أبوخالد:ان شا الله ياولدي وموفقين يارب
أم رائد:الله يوفقهم

طلع بدر راح لأخوه هو وعمه واتفقوا على كل شي،،
خلود منصدمه ومستانسه بنفس الوقت وتقول [اوف ياحظي من قدي اخذ هالمزيون بس سبحان الله من شفته اول مره قلبي لهف له وصار مكتوب ومقدر لي بس الحمدلله يارب]
وراح ابو خالد جهز اوراق بنته وخالد لما عرف بالخبر استانس وقال ان بدر خوش رجال ويستاهل اخته
وجا ثاني يوم وراح بدر وحامد وابوخالد وخالد وتم عقد الزواج على خير،وسوا عشا والكل فرح لهم ومرت الأيام. .


اتصل بدر على عمه أبو خالد وكان يبيه بطلب .....!


بدر:السلام عليكم
أبو خالد:وعليكم السلام ورحمة الله وبركاته..هلا ياولدي
بدر:هلا فيك عمي شلونك وشخبارك ان شا الله بخير
أبوخالد الحمدلله ياولدي أنا بخير ...وانت شخبارك وشلونك؟
بدر:الحمدلله ياعمي انا بخير تطمن،بس بغيت أمركم واجيب المهر والشبكة
أبوخالد:ياهلا فيك حياك الله ومتى مابغيت تجي بأي وقت العين اوسع لك من الدار
بدر:تسلم يالغالي،بس بطلبك طلب وياليت ماترد ولدك
أبوخالد:أنت تامر يابدر بس قول تفضل
بدر:والله ياعمي مدري شقول مستحي منك
أبوخالد:أفا ياولدي تستحي من أبوك قول أمر وماعاش من يردك
بدر:بصراحه ودي اخذ خلود ونطلع نتمشى ونتعشى وان شا الله مانطول نرجع
أبوخالد:والله ياولدي هذي زوجتك ألحين وحقك تاخذها وتطلعون تستانسون ماقدر اقولك لأ
بدر:صج ياعمي يعني موافق نطلع مع بعض؟
أبوخالد اي موافق ونص..بس باخذ رايها واتصل فيك واقولك ماشي
بدر:ان شا الله عمي خلاص انطر اتصالك على خير
أبوخالد:ان شا الله ياولدي يلا فمان الله


من بعد المكالمه راح أبو خالد لخلود...

أبوخالد:ياخلود يابنتي تعالي لصاله أبيج بموضوع
خلود:ان شا الله يبه ع أمرك بس خل أخلص من اللي بيدي واجيك ع طول
أبوخالد:لاتطولين علي بارك الله فيج
خلود ان شا الله يبه[وبعدها بدقايق وبصوت عالي تقول]...... كاااااااااااني خلصت يبه جاااااااايتك
أبوخالد:يلا تعالي بسرعه
خلود:هلا بالغالي أمر شنو موضوعك
أبوخالد:أمج وينها؟
خلود:مادري بالمطبخ الظاهر
أبوخالد:روحي ناديها بسرعه
خلود:ان شا الله.....يمه يمممممه وينج تعالي ابوي يبيج
أم خالد:هلا هلا يمه جايتكم كاني
أبوخالد:تعالي ياحرمه بسرعه بتأخر ع الصلاة
أم خالد:هلا شفيك خرعتني خير
أبوخالد:خير ان شا الله بس حبيت اقولج انتي وبنتج ان بدر اليوم جاينا وبيجيب مهر البنت والشبكه
أم خالد:هذا الخبر الحلو وعلى البركه ان شا الله،الله يهنيج يايمه
خلود:تسلمين يالغالية يخليكم لي يارب
أبوخالد:بس في شي بعد
أم خالد:خير ان شا الله شنو هالشي
أبوخالد:بصراحه ياخلود بدر بيشوفج ويقعد معاج وخاطره تطلعين معاه السوق وتمشون وتعشون بس حبيت اخذ رايجه عشان اتصل فيه واعطيه خبر،ها شقلتي موافقه
خلود:ها يبه لا من صجك أنا استحي مستحيل اطلع معاه ألحين لا مابي واذا بيشوفني يشوفني قدامكم وهالشي من حقه
أبوخالد:الله يكملج بعقلج يابنتي كبرتي بعيني والله
خلود:ليش يبه انت ماودك اطلع معاه؟
أبوخالد:بصراحة اي ماودي والله مابي الجيران يتحجون عليج يابنتي انتو توكم مالجين هالشي يبيله وقت ع الأقل
أم خالد:اكيد يبيله وقت وعفية ياخلود عسى ربي يستر عليج من كل شي
خلود:اللي تامرون فيه أنا حاضره من لي غيركم يخليكم لي يارب
أبوخالد:ويخليج لنا،خلاص انا بتصل على بدر وأقوله بعد صلاة العشا يكون عندنا،ويالله انا بروح اصلي العصر فمان الله
أم خالد:على خير ان شا الله وتقبل الله يابوخالد


بعد الصلاة اتصل ابوخالد على بدر...!

أبوخالد:القوه ياولدي
بدر:هلاعمي الله يقويك،ها بشرني ان شا الله خلود وافقت نطلع؟
أبوخالد:والله بصراحه ياولدي لأ ماوافقت وانا اسف ماعليه تقول انها تستحي وانكم توكم مالجين وهالشي تو الناس عليه
بدر:لاياعمي عادي هذا رايها وانا احترمه ولاحقين وانا اسف ع طلبي استعجلت فيه سامحني
أبوخالد:لاياولدي لاتقول جذي هذي زوجتك ومن حقك بس اعذرها
بدر:عاذرها والله بس ماعليه ان شريت لها تلفون يعني لازم نتعرف ع بعض
أبو خالد:اكيد لازم واشتر لها محد بيردك ياولدي
بدر:تسلم ياعمي خلاص بعد صلاة العشا بكون عندكم
أبوخالد:على خير ان شا الله وحياك الله
بدر:الله يحييك ياعمي يلا فمان الله

بعد المكالمه راح بدر لسوق وشرا لها احسن الجوالات واختار لها احلى الأرقام وطبعا كل شي غالي ومايغلى عليها وصار وقت أذان العشا وراح بدر لمسجد وإلتقا بعمه وبعد الصلاة راحو للبيت

أبوخالد:تفضل يابدر حياك
بدر:زاد فضلك ياعمي،شلونج خالتي ان شا الله بخير
أم خالد:الحمدلله ياولدي نشكر الله،وانت شلونك عساك بخير؟
بدر:الحمدلله بخير دامكم بخير
أبوخالد:تفضل تقهوى ياولدي،وانتي يام خالد نادي خلود خل تشوف زوجها
أم خالد:ان شا الله يابوخالد دقايق ونجيكم


جود الدنيا ©؛°¨غرامي فضي¨°؛©

بــــااارت رووعة


يسلموووو

Řăَmَă -} عضو موقوف من الإداره

هآلبآرت عشآنكٍِ

البارت الخامس


راحت أم خالد تنادي بنتها وبدر بالصاله ناطرها بلهفه وشوق وبأيدا اكياس الهدايا والشبكه اللي هي الذهب وبعدها بدقايق جت أم خالد وماسكه بيدها ايد خلود وطبعا خلود طايحه بأم الخجل لدرجة ان خدودها حمر وأم خالد اهمست بأذن خلود وقالت
أم خالد:[بهمس] يلاحبيبتي روحي اقعدي عند زوجج
خلود:[بخجل] ان شا الله يمه
بدر:هلا والله شلونج يالغالية
خلود:الحمدلله بخير وانت شلونك
بدر:انا بخير دامج بخير
خلود:ياعسى دوم يارب
بدر:وياج يالغاليه،ياعمي تفضل هذا المهر لها سبع آلاف دينار وهذا هي شبكتها بأربع آلاف
أبوخالد:هذا وايد ياولدي وكثر الله خيرك
بدر:خلود تستاهل ياعمي هذي الغاليه
أم خالد:الله يوفقكم يارب واشوف عيالكم قولوا امين
بدر:امين يارب،خلود تفضل هذا جوال وشريحته فيه وبعد رقمي خزنته داخله وان شا الله يعجبج الجوال
خلود:مشكور يالغالي ماقصرت
بدر:هذا واجبي ان اجيب لج كل شي تستاهلينه،وتفضلي بعد هذي هديه بسيطه مني لج
خلود:[بخجل] تسلم والله ويخليك لنا
بدر:يسلمج ربي ويحفظج لي ومايغلى عليج شي
أبو خالد:أمين يارب ومشكور ياولدي

من بعد ماعطا بدر خلود كل الهدايا وصاروا يسولفون ويضحكون ودخل عليهم خالد واستانسوا ومرت عليهم ثلاث ساعات بفرح وبعدها راح بدر لبيت وعقله عندها وراحت خلود لغرفتها وقلبها بيده ...

خلود:[وهي قاعده بغرفتها بروحها] ياحلو هالذهب يجنن والساعات الذهب حلوه،يابختي بس...خل افتح الهديه اكيد شي حلو .....واااااااااااااو عطر يجنن....اووووف ريحته تدوخ..ما شا الله عليه بدر ذوق من قلب فديته وحتى الجوال يجنن ونعومي


وفجأه رن الجوال ولا هو مسج مكتوب فيه...

أعجبتــــــني طيبتك وحاولت أجاريك،،

معجب أنا ياصاحبي من لقيتــك،،
هذا شعوري يعتبر بين أياديـــك،،

خايف تشك بمقصده وماهقيتــك،،
وهناك كلمه صادقه قلتهافيــــــــك،،

بلهجتي أقـــــولهالك
"فديييييييتك"

وعجبها هالمسج وطارت من الفرح بس استحت انها ترد عليه بمسج ومرت ساعه وهو حس انها ماتعرف شنو ترد عليه وبعدها طرش لها مسج ثاني...

أضيق لامنك تباطيت عني
ماتدري انك تجرح القلب لاغبت

قرت المسج وفكرت تراسله وطرشت له هالمسج

أدري تحسب أني نسيتك يابعد حالي!
وتحسب أن بعد المسافه تنسيني هواك
أسمع ترى بقولها بصوت عاااااالي
{مشــتاقــلـك}
وعمر القلب ماينسى غلاك!
ونسيت أقولك؟!
آآآآسف على قله سؤالي؟!؟
بس أعرفي أن المشاعر على طول وياك


قرا المسج وطار من الفرح
وطرش لها مسج وقال تصبحين على خير يا أغلى الغاليات...
ومرت هالأيام على خير وماغير هالمسجات تفضفض مشاعرهم لبعض ومر شهريه ع هالحال وفجأه بليله من الليالي اتصل بدر على خلود....

بدر:السلام عليكم
خلود:[صوتها يرجف]وعليكم السلام ياهلا
بدر:شلونج يالغالية
خلود:الحمدلله بخير،انت شلونك
بدر،أنا بخير الحمدلله من سمعت صوتج
خلود:تسلم يالغالي وعساك دوم بخير
بدر:اجمعين يارب،مادري شقولج بس حبيت أتصل واسمع صوتج واعلمج اني حددت موعد العرس على خير
خلود:[مو مصدقه]صج احلف متى؟
بدر:هههههه شفيج مو مصدقه لايكون مستعجلين
خلود:ها لا عادي ههههه
بدر:فديت هالضحكه ياناس والله احبج
خلود:[انقلبت خدودها حمر]حبتك العافيه
بدر:بعد أربع شهور بيتم العرس ان شا الله،علمي امج وابوج ع موعد العرس حبيبتي
خلود:ان شا الله على خير وبعلمهم،ويلا تأخر الوقت مابي احد يسمعني وانا احاجيك
بدر:اوف ليش عاد انا زوجج وعادي
خلود:لا موعادي وانا اصلن ماحب ماعليه اسمحلي
بدر:على أمرج يالغاليه تأمرين أمر انتي
خلود:مايأمر عليك عدو يلا تصبح على خير يالغالي
بدر:وانتي من اهله حبيبتي ونوم العوافي


من بعد هالمكالمه كل من راح فراشه ونام وبثاني يوم علمت خلود ع موعد العرس واستعجلت بتجهيز اغراض عرسها ومرت هالأربع شهور على خير..وبعدها ....


أبورائد:باقي ثلاث أيام على عرس بدر والله وكبر اخوي وصار معرس الحمدلله يارب
أم رائد:الله يهنيه يارب معاها وتشوف عياله يارب
أبو رائد:أمين يارب
أم رائد:اقول حبيبي أبيك توديني السوق عندي اغراض ناقصه محتاجتها بالعرس
أبو رائد:من عيوني حبيبتي انتي،إلا أقول رائد وينه ماشوفه؟
أم رائد:رائد توه هني كان بسم الله وين راح هالولد خل اقوم اشوفه وين!
أبورائد: شنووووو ياويلي على ولدي خل اقوم معاج
أم رائد:[تنادي على ولدها] رااااااااااائد حبيبي وينك يمه
أبو رائد:رئوووووووووودي يابابا وينك حبيبي
أم رائد:ياربي هالولد وين راح
أبو رائد:خل ادوره فوق اكيد يلعب فوق
أم رائد:يلا شناطر امشي فوق


راحو فوق ودوره ومالقوه وفجأه رن تلفون أبو رائد...

أبو رائد:ألو...هلا يابو فايز خير
أبو فايز:الخير بوجهك يابورائد،بس الله يهداك شلون تقعد بالبيت وولدك بالشارع لا خدامه تشوفه ولا عيون تحرص عليه
أبو رائد:ولدي وينه ألحين ضاع مني فجأه وقاعد ادوره أنا والمره
أبو فايز:ولدك معاي ألحين بس لو الله ولو ماشوفه إلا جان دعمته سياره ومات اسم الله عليه
أبورائد:[وهو بيفقد عقله]وين انت ألحين رائد وينه صار فيه شي علمني
أم رائد:[وهي تضرب بكفها ع خدها ومتخرعه ]يمه ولدي شفيه ياحامد
أبو رائد:خلاص يارجال انا نازلك


راح أبو رائد لأبو فايز واشكره على اللي سواه وشاف ولده مفزوع ومتخرع واخذه وسما عليه ودخل البيت وخذت الأم ولدها وصارت عيونها عليه اكثر من أول،وراح أبو رائد صلاة ركعتين حمد ربه على ان ولده ماصار فيه شي...
وفي بيت بدر...اتصل ع خلود...!

بدر:ألو حبيبتي...
خلود:هلا حبيبي شلونك؟
بدر:أنا بخير إذا قلبي بخير
خلود: قلبك..مو بخير
بدر:أفااااااااااا مو بخير شفيج حبي عسا ماشر حبيبتي قولي شفيج ترا أموت
خلود:وي اسم الله عليك من الموت ياعل يومي قبل يومك،أمزح ياقلبي مافيني شي
بدر:توقفين قلبي وتمزحين ها بس ماعلي اوريج بعد باجر
خلود:يمه شقصدك لا يكون بتطقني
بدر:والله مدري افكر اطقج ولا اسطرج ولا اسوي اي شي بس اوريج مردوده
خلود:منت بهين والله وانا بعد اوريك
بدر:لاااااا من صجج عاد اوك نشوف من اللي بيرجف جسمه ويحس بخوف بليلة عرسه هع
خلود:[تقول بقلبها] أنا اشهد اني بموت من الخوف...ههههه اي نشوف ياحبيبي
بدر:هههههه اي ماعليه نشوف ياحلوتي
خلود:[وجها صار مثل هذا]>>>
بدر:[قلبه صار مثل هذا ]>>>


وصاروا يسولفون ويمزحون ويضحكون ألين الفجر وكلن نام على صوت الثاني واغرقوا بأحلامهم...
وبعدها بيوم تم ‏ العرس على خير وافرحوا الأهل‏ وكانت الدنيا مو واسعتهم وفي هالليله في بيت بدر وخلود<<<

بدر:ياهلا بكامل الزين هلا بقلبي وحياتي نورتي بيتج يابعد عمري
خلود:أهلين فيك ابن عمي <<<خخخخخخ امزح اقصد تقول وهي مستحيه طبعا<<حلفي
تقول:يا هلا فيك حبيبي النور نورك
بدر:بعد عمري انتي ياحلوج بس
خلود:حلت دنياك
بدر:قلبي
خلود:لبيه
بدر:احبج
خلود:ها
بدر:وهوا ببطنج<<<مالها شغل الكاتبه تعلمتها من غيرو
خلود:[وهي معصبه]شنوو أشوف بدينا!!
بدر:ههههههههههههههههه وربي امزح معاج حبيبتي بس اموووووت فيج لما اشوفج معصبه دايم اتذكر يوم الحادث انجن عليج
خلود:لا والله تستفزني من اولها ماعليه اوريك من ألحين انا بغرفه وانت بالصاله
بدر:يمممممممممه منج منتي بهينه بس ماتقدرين تخليني انام بالصاله ادري ميته علي
خلود:اي حدي حدي ميته ماتشوفني اموت بدونك،اقول أنا رايحه داري ابدل احسن
بدر:وانا بعد بروح داري ابدل هع
خلود:لا والله انا ببدل أول ان دخلت ياويلك<<<صج ماهي بهينه البنت باسها قوي
بدر:كيفي بدش هذي داري ياماما
خلود:وداري بعد ياحبيبي
بدر:يفداج حبيبج واهله يابعد هالكون واللي
خلود:[ذابحها الخجل وتبتسم]
بدر:ياعسا دوم هالبسمه،يلا حبيبتي بدلي عشان نتعشا
خلود:ان شا الله حبيبي من عيوني
بدر:فديت هالعيون اللي مجننتي


وبعدها تعشوا احلى عشا على ضو القمر والشموع والجو البارد الرومنسي كانت احلى ليله بحياتهم



من بعد الفرح والزواج...عاش بدر مع خلود أحلى اثنين ..عيشها عيشة الأميرات..وكل شي غالي يرخص لها وماخلى عليها قاصر...ومر زواجهم سبع أشهر..وفي يوم من الأيام..كان بدر راجع من الدوام وخلود بالمطبخ تجهز له الغدا...


بدر:خلوووووود حبيبتي قلبي حياتي وينج..تعالي أبيج بسرعة..
خلود:هلا والله حبيبي..أنا بالمطبخ..دقايق والغدا جاهز..بس انت روح استحم وبدل وتعال
بدر:ياعمري ياروحي تعالي خلي اللي بيدج وتعالي بسرعه أبيج
خلود:خير ان شا الله حبيبي كاني جيت شفيك عمري
بدر:مافيني إل العافية ياروح بدر انتي
خلود:عيل شفيك مستعجل وبسرعه وتعالي أكيد في شي
بدر:لا بس ياحياتي جايب لج هدية..اخذي هالكيس شوفي شنو بداخله
خلود:الله..هالكيس كشخه أكيد في شي حلو بداخله خل أشوفه



فتحت خلود الكيس ولا بداخله صندوقين هدايا افتحت الأول ولقت فيه خاتم مكتوب عليه حرفين داخل قلب طبعا حرفه وحرفها واستجنت عليه وافتحت الثاني ولقت عطر ريحته تجنن وتدوخ بقوة واستغربت بإسم العطر (قلب خلود وبدر)


خلود:حبيبي من وين جبت هالعطر وشلون اسمك واسمي وشدراهم اللي سوه في حبنا ... أما غريبه
بدر:هههههههههه شفيج عمري أنا أصلن اللي وصيت عليه واخترت هالإسم ..حياتي أنا أحبج وأموت فيج ولو تطلبين عيوني ماتغلى عليج يالغالية
خلود:[ماقدرت تقاوم نفسها من هالكلام وفجأه دمعت عيونها وضمت بدر بقوة] ياحياتي يابدر الله لايحرمني منك وربي أنا ماستاهل هذا كله ياليت أقدر اوفي لك هالجميل
بدر:ياحياتي أنا يكفيني اهتمامج فيني... انحرمت من أمي وانا صغير وربي عوضني فيج الحمدلله...وكل هذا ماتبيني اقدم لج شي...أنتي دنيتي<<<<ماخذتها من فلم هندي يامسكين بس يبجي
خلود:أحبك هالكلمة أحسها شوية بحقك وربي..لوفي اكثر قلتها ...بس الله يخليك ويحفظك لي... حبيبي خل أقوم احط لك الغدا كل شي مخلصته


قامت خلود...ومشت تبي تروح للمطبخ وفجأه حست بدوران وانطقت بإسم بدر وطاحت مغمى عليها...ركض لها بدر مثل المجنون واخذها بحضنه بالأرض...<<<< يكسرون الخاطر آآآ ياويلتها بس


بدر:[بذهول وفزع] خلود حبيبتي عمري شفيج تكفين ردي علي..خلوووود شاللي صار لج قلبي قومي قعدي ردي علي حبيبتي


وبصوت عالي ينادي الخدامه


بدر:انجيييييييييي...تعااااالي بسرعه جيبي معاج ماي بسرعه...خلود حبي ردي علي تكفين وربي أموت بدونج عمري خلووووووووووود
انجي:بابا هذا ماي...شنو فيها ماما ..ليش موت ماما قومي ليش ماكو كلام؟
بدر:[سمع الموت وعصب ع انجي]جيبي الماي ياعل الموت بعينج اسم الله عليها يلا انقلعي هناك الله ياخذ وجهج يالبقره


ورش الماي على وجه خلود وماكو فايده وحس بنفسه بيصير مجنون وصرخ بإسمها بعالي الصوت ...وصار يهز كتفها ألين ردت روحها وفتحت عيونها.. والمسكين صار يمسح دموعه مو مصدق انها وعت واقعدت


بدر:حبيبتي الحمدلله انج صحيتي...عمري شفيج قومي أوديج المستشفى
خلود:[دايخة ومو مستوعبه شي]حبي شصار فيني احس بدوخه قوية شفيني اوف
بدر:عمري لاتخوفيني عليج قومي معاي المستشفى...أبتطمن عليج...أتعذب ان شفتج جذي تكفين قومي
خلود:حبيبي مو قادره أشيل عمري... احس بدوخة أقولك أبي أنام
بدر:عمري نامي بس امشي معاي المستشفى...، يا انجي تعالي يامال الموت اللي ياخذج روحي افتحي الغرفه يلا بسرعه
انجي:انجين انجين بابا شنو موت حرام أنا اكو بجا كتير هناك يبي أنا حرام
بدر:أقول امشي وانتي ساكته لا سطار ع وجهج


وشال بدر خلود وأخذها الغرفه وبدلت ملابسها وراح وداها المستشفى وادخلو ع الدكتور


بدر:السلام عليكم...يادكتور...أبيك تشوف زوجتي طاحت علي بالبيت
الدكتور:وعليكم السلام يابني أوهلا..يامدام حاسه بأيه؟
خلود:مادري دكتور كنت قايمه بروح المطبخ وماحسيت إلا بدوخه قوية وبلوعة..وقتها حسيت بنفسي على الأرض واغمى علي
الدكتور:بسيطه ان شا الله أنا حكتب لها تعمل تحاليل وان شا الله خير
بدر:خير دكتور شفيها..لاتخرعني
الدكتور:هههههههه فيك أيه يابني دي أعراض الحمل والمدام حامل بس التحاليل لازمه عشان أتأكد وأشوف عندها ايه...اتطمن يابني مافيش حاقه تخوف خير ان شا الله
بدر:هااااااا حااااااااااااااامل ..احلف ماني مصدق وربي...يلا حياتي قومي نعطيهم التحاليل
خلود:ها حامل...؟!!!
الدكتور:ايوه ياخلود حامل وألف مبروك بس لازم نعمل التحاليل دي..
خلود:وااااااي ماني مصدقه اني حامل <<<<خخخخ ياحليلها مستانسه
بدر:اي حبي شفيج ..يلا ياحياتي نقوم في مرضى غيرج لاتعطلين عليهم يلا قومي نسوي التحاليل..شوي شوي امشي عمري<<<خخخ اللي يشوفها يقول بشهر التاسع



راح بدر ودا خلود لغرفة الملاحظه عشان تعطيهم التحاليل وحطوا لها المغذي وبعدها بأربع ساعات اطلعت نتيجة التحليل وتأكدوا بالحمل وطار بدر من الفرح وماصدق خبر وخلود ميته من الوناسه...
كتب لها الدكتور بعض الفيتامينات والمقويات..واطلعو من المستشفى وراحو السيارة

خلود:ياحياتي لو تدري شكثر مستانسه بس..
بدر:وأنا لوتدرين شكثر فرحان وطاير من الفرح ...ماني مصدق بصير أب ان شا الله
خلود:وانا بصير أم..وناسه..حبيبي ودني عند أمي بفرحها بهالخبر تكفى
بدر:من عيوني ياحياتي أنتي تامرين أمر..اطلب وتدلل على قلبي ياعمري انتي
خلود:يسلم لي عمرك ياقلبي


وبعدها وداها لأمها...وراحت لها وفرحتها بهالخبر وطبعا الكل استانس...

خلود:يمه مستانسه انتي...؟
أم خالد:أكيد بستانس شفيج أنتي...خلود الغالية تحمل وماأستانس إلا بطير من الفرح
بدر:خالتي الله يخليج لنا تكفين قولي لها مابيها تشتغل بالبيت ولاشي عندنا بدل الخدامة ثنتين...أهم شي عندي راحتها
خلود:لا والله أنا اخليك تاكل من ايد الخدم مجنونة أنا هذولا مامنهم آمان
بدر:ان شا الله آكل من المطاعم بس انتي لاتتعبين
أم خالد:الله لايحرمكم من بعض..يايمه ياخلود خلاص اسمعي كلام زوجج دام هو خايف عليج احمدي ربج غيرج يتمنون هالشي ماشا الله عليكم<<<<قاصده أبو خالد أبد مو مهتم فيها خخخخخخخ


بدر:اي والله ياخالتي قصدج كل من يتمناني احم احم
خلود:شنهو؟ ماعليه يابدر احسابك بالبيت <<<ياويله بتسطره انا اشهد انه راح فيها
بدر:ههههه امزح حبي شفيج عادي مو جذي خالتي
أم خالد:اي اي جذي ونص ياولدي ههههه
خلود:لااا والله معاه انتي بعد انزين ماعليه بعديها لكم
بدر:هههههه ياحلوج وانتي معصبه استانس عليج
خلود:اي وناسة عندك أنا !
بدر:هههههه ماعليه اعرف شلون اراضيج،يلا حبيبتي نمشي البيت ،اترخص انا ياخالتي من جيت من الدوام وانا تعبان حتى اني مارحت الجامعه والله
أم خالد:الله يعينك ياولدي ويوفقك يارب
خلود:امين،يلا بدر وانا بعد احس بتعب وابي انام،يلا يمه مع السلامه وديري بالج ع نفسج
بدر:مع السلامه خالتي
أم خالد:الله معاكم وماتشوفون شر ياحبايبي فمان الله


راحو بيتهم واهم بالطريق اتصل بدر على حامد اخوه

بدر:لاحول هذا اتصل عليه مشغول بعرف ليش شاغله
خلود:ا شفيك معصب حبيبي
بدر:مو معصب حياتي بس انا طبعي ماحب اتصل واشوفه مشغول يرتفع ضغطي
خلود:ياسلام..أمرك عجيب ...بس اسم الله عليك وعلى ضغطك حبيبي
بدر:ها .... يافديتهم أنا بس

وفجأه اتصل حامد ع أخوه

بدر:يووووو مزعج هذا اتصل
خلود:بسم الله مو انت تبيه
بدر:ألوووووووو أهلين بالغالي ابو الغالي
أبو رائد:ياهلا فيك،ياخي وينك اتصل فيك مشغول ليش عاد ترفع ضغطي
بدر:ههههههه احلف انك تتصل علي
أبو رائد:لا مدري يمكن اجذب اي اتصل فيك مشغول ليش
بدر:وانا بعد اتصل فيك مشغول واثاري نتصل ببعض
أبو رائد:هههههه صج عاد خير شبغيت ياخوي
بدر:لا لا قول انت اول شبغيت
أبورائد:لاحول الله لاتعاند ترا مالي خلق تعبان..
بدر:وأنا تعبان ومالي خلق بعد
أبورائد:ياحبك للعناد أنا اقول رائد طالع لمن اثاريه لك
بدر:ههههههههه عيل ولد عمه بيطلع لك
أبو رائد:شقصدك ترا مافهمت شي حدي مقفل مونايم عدل من الوناسه
بدر:اي وناسه واي نوم شتخربط انت
أبورائد:بدريه حاااااااامل وماتبيني استاسن يالدايخ
بدر:مبرووووووووووك ياخوي يعني مع خلود تولد؟
أبورائد:خلود شكو انا أقول انك دايخ
بدر:والله محد الدايخ إلا انت ياخي استوعب معناه ان خلود حامل
أبورائد:مبروووووك بتصير ابو ما شا الله ..الله يهون عليها..ماشا الله مع بعض طلعو حوامل
بدر:اي والله ربي يهون عليهم ويقومهم بالسلامه..يلا ياخوي أنا بالطريق للبيت وقدامي زحمة أمة لا إله إلا الله
أبو رائد:أوك ياخوي الله يحفظك ودير بالك بالدرب وان وصلت اتصل علي
بدر:ان شا الله ياخوي فمان الله
خلود:بدرية حامل...؟
بدر:اي حبيبتي..مع بعض ما شا الله حوامل وان شا الله بتولدون مع بعض
خلود:وشدراك ان بنولد مع بعض يالذكي...بس فديتها بعد عمري الله يهون عليها..ياحياتي
بدر:ليش مو مع بعض..شلون؟ مو تسع اشهر وانتوا مع بعض حوامل
خلود:ياحبيبي...مو كل الحريم يولدون بشهر التاسع في ناس بالسابع
بدر:بالسابع شلون ؟ مافهمت..! بس شكله مايكتمل الجاهل
خلود:صح مايكتمل بس يحطونة بالشيشة ألين يكتمل لشهر التاسع ويطلعونة
بدر:أها توني استوعب....اوووووووف شهالزحمة هذي...حشا نمل مو سيارات شوي والسيارات فوق بعضهم ..شوفي الهندي الخبل ودي اسطره مايعرف يسوق
خلود:شفيك معصب اركد لا تسوي فينا حادث مو ناقصين
بدر:اذكري الله...شفيج انتي
خلود:لا إله إلا الله محمد رسول الله بس الحذر واجب وانت بس اركد
بدر:ان شا الله حبيبتي ولا يهمج جم خلود عندي انا
خلود:وحده ومدوختك
بدر:انا اشهد
خلود:شنهو ؟ وتعترف بعد ماعليه
بدر:ههههههه لا امزح حبيبتي ...فديت المعصب انا
خلود:انتبه لطريق وبلا غزل بنص هالزحمه ترا مايليق ها
بدر:خخخخخخ اي والله مايليق


و عآش الحب بيناتهم

أنتهى .. ..





الزعيـ A.8K ـمه ©؛°¨غرامي ماسي ¨°؛©

,’


بسم الله
و عليكم السلآم و رحمة الله

يعطيك العــآفية على نقلك
قصة حلوة




,’


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1