غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 02-04-2009, 12:29 PM
صورة عنفوآن مخيله الرمزية
عنفوآن مخيله عنفوآن مخيله غير متصل
©؛°¨غرامي مشارك¨°؛©
 
الافتراضي الوداع أول أيام الرحيل / بقلمي


السلام عليكم ورحمة الله وبركاته

هذا أول مواضيعي وإن شاء الله .. إنه مو آخرها

هذي روايه من تأليفي أنا ( عنفوآن مخيله )

أتمنى إنكم تتكرمون بقرائتها .. وإن شاء الله إنها تحوز على رضاكم

والحين ببدأ بعرض الأجزاء لكم

لكن بالبدايه .. أحب أنوه .. لأي شخص يحب ينقلها .. يذكر إسمي ( عنفوان مخيله ) ككاتبه لها دون أن يهضم حقوقي فيها .. لآني بصراحه ماراح أحلل أي شخص ينبسها لنفسه



أخليكم مع الأجزاء


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-04-2009, 12:34 PM
صورة عنفوآن مخيله الرمزية
عنفوآن مخيله عنفوآن مخيله غير متصل
©؛°¨غرامي مشارك¨°؛©
 
الافتراضي رد: الوداع أول أيام الرحيل ( روايه سعوديه )


الجزء الأول

بمدرسة البنات الثانويه
تحديداُ .. صف ثالث ثانوي ..

البنات قفل راسهم من الرياضيات وقلقهاا..
وماعادوا يستوعبون شي .. يعني انواااع الدروخه ..

الأستاذه: هاه فهمتوا ..؟؟
والبنات مالهم حس من التعب
الأستاذه: ايه؟؟ فيه ايه ؟؟ مالكوا اتكتمتوا ؟؟
دلال: يا أستاذه صدعت روووووسنا .. يعني حتى بآخر الحصص رياضيات ..
منال: من جد .. وليتها أساسيه كل ماشفتوا فراغ عبيتوه ..
الأستاذه: هو انا جايبه مناهجكم من عندي ؟؟ انتوا تالته لازم تتعبوا ..
هديل: اووف خلاص خلاص روقنا .. كملي يا أستاذه خلينا نخلص تكفين ..

لمى حست بدوخه وتعب .. وقامت تبي تطلع من الفصل
لمى: أستاذه معليه بس تعبانه شوي وأبي أروح الحمام ..
الأستاذه: انا مش عارفه ازاي حتخشوا جامعه .. روحي روحي ..

طلعت لمى وهي تتثاقل خطواتها .. وتحس الدنيا تلف فيها ..
فتحت باب الفصل وطلعت ..
هديل إلتفتت لها .. وشهقت ..



..............................




بيت أبو مهند

أم مهند تنادي ساعه على مهند .. وهو مايرد
طلعت من المطبخ وراحت لغرفته ولقته بسابع نومه ..
أم مهند جلست تصحي فيه والأخ مو حاس ..

أم مهند: يامهند قوم تكفى أذيتني
مهند متنح: ياليل وشو يمه بنااام تكفين ..
أم مهند: رح جيب أختك وبعدين إرجع نام ..
مهند: شوفي الساعه كم باقي نص ساعه على طلعتها
أم مهند: وانت ساعتك بسنه خلصني رح الحين
ورجعت أمه للمطبخ .. وهو يتأفف وميت نوم ..



...........................




بالأوتيل جالس سامي وشلته المصون
حمد: هاه نطلب الحين ..؟
ساره: ياليت جوعانين
عادل: انا فدى الجوع ..
نوره: ههههه من قدك ياساره ..
ساره: لا انا ودي أسمعها من سامي ..
سامي وهو قرفاان: اففف اقول روقيني من هالسوالف .. وبعدين انتوا وش بتطلبون
فطور؟ ولا غدا ؟ وش نظامكم الحين وقت أكل ؟
حمد: يابن الحلال هد عمرك وترانا جواااعه..
سامي: جواعه !! .. اطلبوا خلصونا ..
عادل: انت من مزعلك ع هالصبح ..
سامي: ماحد يلا بس اطلبوا ..
نوره: وانت يعني ماتبي شي ؟
سامي: لا بآخذ توركش كوفي ..




..............................




الأستاذه مخترعه: بسم الله .. مالك ياهديل ..؟؟!!
هديل تصرخ: لمى
وانتبهوا لها البنات وقاموا بسرعه ..

لمى فجأه داخت وطاحت بألارض وماعادت تتحرك

منال: لمى وش فيك ؟؟
دلال: نادوا أحد ولا جيبوا عطر بسرعه
جات المشرفه والمديره يشوفون لمى
المديره: بسرعه خلونا جيبوا لنا عطر .. وخلونا نوديها المستشفى
هديل: لا ليه مستشفى يمكن الحين تقوم ..
المديره: لاطبعاً لازم هذي مسؤوليه علينا .. اطلبوا الاسعاف لها..
هديل جلست تبكي من خوفها على لمى

المديره: خذوا هديل الحين وبسرعه ساعدوني خلنا نوديها حنا.. أسرع.. بدال الاسعاف
دلال خذت هديل ودتها غرفة المشرفه عشان تهدى وترتاح ..

المديره خلت المساعده تكلم أهل لمى وتعطيهم خبر




..................................




بيت أبو خالد
نهى توها راجعه من الجامعه وهلكانه
وعلى طول تركض عالمطبخ

نهى: وشو الأكل .. لايكون ماخلص ..
أم خالد: لا اله الا الله .. خلص امشي احط لك
نهى: اي ميته جوع ..
أم خالد: والله يابنتي من عرفتك وعرفتيني وانتي ميته جوع .. الله يخلف علي بالجنه
نهى: اووه يمه كله أكل
أم خالد: تغدين ماعاد تدخلين من الباب
نهى: بسم الله علي .. يلا بغير واجي أتغدا ..

نهى وهي طالعه فوق .. صادفت خالد ..
نهى: ماشاء الله راجع مبكر ..وش عندك؟
خالد: لا ابد بس اليوم مداوم بالبيت..
نهى: ليه ؟؟!!
خالد: ودي اريح .. مايصير ؟
نهى: ايه ايه كفوك يلا وخر عني .. ابي اغير وانزل اتغدا
خالد: والله اني شاك فيك ..
نهى مستغربه : ليه ؟!
خالد: اضن ان بمعدتك دود ..
نهى: وجععع حتى وجع .. بسم الله علي
خالد: يعني معقوله ..! عص وتاكلين اكل الشر ..!!
نهى: يممممه الله يكفيني شرك .. انا الغبيه واقفه اكلمك .. وخر بس وخر
خالد: بوخر لاتاكليني بطريقك.. ماني بايع روحي ..

راحت نهى تبدل بسرعه ورجعت تتغدا

نهى: هاه يمه وين الأكل ..؟
أم خالد: حطيته لك بالصاله ..
راحت نهى ولقت خالد
نهى: ياليل
خالد طالعها بنص عين وهو يضحك

نهى: خالد حط هذيك القناه اللي يجي فيها المسلسل ..
خالد: ابي جمله مفيده .. بعدين انا بتابع المباراه
نهى: اقول هات بس انا احطها .. وخلك من المباراه .. روح لدلال بس بتطلع الحين ..
خالد: تو باقي لها ..

شوي ويدق جوال نهى
نهى: هااااه .. وش تبين أكل ..
خالد قرفان منها: الله يحوم كبدك ..
نهى: يوووه طيب طيب .. يلا طسي ..

سكرت نهى ولفت على خالد
نهى: يلا انت الثاني رح جيب اختك ؟
خالد: الحين ؟! .. ليه باقي؟
نهى تصارخ: وش يدريني انا ...؟
خالد: وجع قصري حسك
نهى : مادري عنكم اذيتوني ابي اعرف ليه ماتكلمك بدال ماتكلمني ؟؟
ماعندك جوال ولا ماعندك ؟؟
وبعدين عجل وياها صديقتها دلال بتجي
خالد لف ع نهى: والله ؟
نهى: يمه خلني اتهنى بغداي طس لها وفكني
خالد قام: بطس .. جعلك تغصين ..

خالد طلع من هنا ونهى اللي تغص غصه .. ربي رحمها ما ماتت




..................................




المديره (سمر) والمشرفه (ليلى) ودوا لمى المستشفى ..
وجلسوا ينتظرون الدكتور يفحص عليها ..
سمر: كلمت ندى (المساعده) اهل لمى قبل مانطلع ولا ؟؟
ليلى: الا شفتها تكلمهم..
سمر:اي زين .. ان شاء الله مافيها شي ..
ليلى: ان شاء الله .. تبين اجيب لك شي تشربينه..
سمر: خليني انا وياك نروح نجيب شي ونرجع لها..

وراحوا يشربون شي ويجون ..




.......................................





مهند قبل مايطلع جاته أمه تبكي
مهند: يمه وشفيك بسم الله ؟؟!!
أم مهند: مدرسة أختك كلموني يقولون تعبانه .. امش بسرعه ودني المستشفى ..
مهند: ليه المستشفى وش صاير ؟؟!!
أم مهند: مادري مادري يلا بسرعه خلنا نروح ..
مهند: يلا يلا بس سمي بالله لايجيك شي انتي بعد ..
أم مهند: لا اله الا الله .. عجل تكفى ..

وراحوا للمستشفى





........................................



بالفصل... جالسين هديل ومنال ودلال ..وضايقه صدورهم على لمى..
منال: تهقون وش فيها ؟
دلال:مادري والله .. ان شاء الله بس دوخه وتروح ..
هديل: رجعت تصيح
دلال: ياربي.. هديل تكفين عاد.. مافيها شي ان شاء الله
هديل تمسح دموعها: ان شاء الله
الأستاذه انتبهت لهم
الأستاذه: تفضلوا اطلعوا برى

والثلاثه متنحين ولاكأن احد يكلمهم

الأستاذه: ايه مابتسمعوش ؟؟
البنات انتبهوا انها تطالع فيهم
منال: انتي تكلمين مين ؟!
الأستاذه: بكلم مين يعني انتوا ؟
منال: وليه نطلع ؟!!
الأستاذه : عشان بتتكلموا ..
منال: لا والله .. تكفين قولي قا ..
دلال قرصت منال عشان تمسك لسانها
دلال: معليه حنا اسفين ..
الأستاذه: اصرفها فين دي ؟؟
منال بصوت واطي: انا اشهد انك ماديه ..
هديل وسط دموعها جلست تضحك من كلمة منال
منال: يابنت الحلال وش بلاك انتي؟؟ خايفين على رفيقتنا وجلسنا نهدي هالقطوه (تقصد هديل)
الأستاذه: انتي بتشتمي ؟؟
منال مفتحه عيونها: وش اشتم..؟
الأستاذه: امال اي القطوه دي ؟
البنات جلسوا يضحكون
منال: انا اشهد انك ماتخبرين وين ربي حاشرك معه ؟
القطوه ذي الله يرج مختس .. بسه ياختشي..
الأستاذه: انتي بتتكلمي ازاي ؟
منال: من فمي ..
الأستاذه: ايه ياست منال بتستعبطي عليا ..
منال: هذا فرق اللهجات وتكفين يرحم امتس تروقينا ..
الأستاذه: ماشي يامنال ..
منال بصوت واطي: الله لايمشي لك حال ..

دق باب الفصل ودخلت المشرفه عشان يطلعون هديل ودلال ..

منال: على وين يالخاينات ..؟
دلال: بروح مع هديل ..
منال: خذوني ..
هديل: ياليت تجين ..
منال: ولا اقولكم خلوني احسن لا امي تدبغني .. الوعد الليله عندي ..
دلال: اوكي يلاباي ..
وراحوا هديل ودلال


................................



كان شكله قلقان ويدور على شي .. دخل بهدوء لغرفة لمى
شكله أنيق وملامحه رجوليه وجذابه حيل ..
خصوصاً نظرة عيونه .. أحلى مافيه ..
شاف شكل لمى .. كانت ناعمه .. وبريئه وهي نايمه ..
ماقدر مايقرب منها .. ويمسح على راسها وخصلات شعرها الناعم..
كانت أجمل من الجمال .. وغصب عنه بقى يناظر فيها ..

شوي ورجعوا سمر وليلى
سمر: شكله الدكتور طلع ؟
ليلى: يمكن جاوا اهل لمى وهو يكلمهم ..
سمر: امشي اجل ندخل نشوفها ..

دخلوا وشافوا .. رجال واقف عند لمى .. وإستغربوا ..
سمر بصوت واطي: من ذا ؟
ليلى: يمكن اخوها !
وفجأه إلتفت هو لهم ..

لما إلتفت جلسوا يطالعون فيه وهم متنحاااااات لآبعد حد..
هذا وهم مربيات أجيال .. الله يعين المراهقين ..

شوي وإستوعبت سمر نظراتهم وتتنيحتهم
سمر: لو سمحت إنت أخوها ؟
ياسر: لا ..
ليلى: هاه ؟ اجل وش جالس تسوي هنا ؟
ياسر: اللي تشوفونه ..
سمر: ماتستحي ؟؟!! تفضل إطلع برى .. وهذا وحنا نحسبك محترم
ليلى دقت يد سمر وساسرتها
ليلى: وش جايك كنك موشايفه خير .. تلاقينه واحد قليل حيا خلنا نطلب الأمن لايجون أهلها ..
سمر: طيب طيب
سمر: تفضل اطلع برى يلا .. قبل ما أنادي لك الأمن ..
ياسر: ناديهم ..
ليلى : لا ياشيخ !! .. قوي والله ..
ياسر: ممكن تقصرون حسكم .. ماتشوفون البنت نايمه
سمر: شف بعد فوق شينه قواة عينه ..بأي حق تدخل هنا إنت
بهالوقت صحت لمى وإنتبهت لهم
لمى إنتبهت لياسر: ياسر ؟ .. وش جابك ..
ياسر دنق لها : الحمدلله عالسلامه جيت أتطمن عليك ..
لمى: الله يسلمك .. انا طيبه بس أبي ارجع البيت

سمر وليلى ماعادوا فاهمين شي
سمر: ارتحتي شكله يعرفها ..
ليلى : يوه وش يدريني انا ..؟

لمى سمعت اصواتهم بس مافهمت وش يقولون .. وطالعتهم ..
قربوا منها .. وتحمدوا لها بالسلامه ..
ليلى : ياخوي تونا نسئلك تقول مو اخوها .. ليه يعني تقول انك مو اخوها ..
وتخلينا نغلط عليك كذا ..
لمى عقدت حواجبها وطالعت ياسر
ياسر: انا ماكذبت انا مو اخوها ..؟
سمر بتنهبل: اجل انت مين وشلون تدخل عليها ؟؟
ياسر: الحين انتوا ماتعرفون تتكلمون بأسلوب زين ؟؟
قولوا مين انت من الأول وفكنا .. يعني اذا مو اخوها.. خلاص ما أحل عليها !

بهالوقت دخلت أم مهند ومهند
أم مهند على طول راحت تضم لمى
أم مهند: يابعد قلبي وش فيك..
لمى: مافيني شي دخت بس ليه البكي؟
أم مهند: أكيد مافيك شي؟
لمى: والله مافي ..
مهند: سلامتك حبيبتي
لمى: الله يسلمك ..
انتبه مهند لياسر وسلم عليه
وأ مهند شكرت سمر وليلى .. عاللي سووه ..
أم مهند: لا اله الا الله .. قلبي بغى يوقف ..
لمى: بسم الله عليك ..
مهند: قومي يمه نقيس ضغطك ..
لمى: اي يمه تكفين عشان خاطري
ياسر: انا اقول تقيسين الضغط .. وبعدين تروحون البيت ..
وخلوا لمى انا بوديها تتغدا .. لآن هالدوخه من قلة الأكل ..
مهند: انت كلمت الدكتور ؟؟
ياسر كان يصرف الموضوع: اي اي كلمته انتوا بس روحوا وماعليك
أم مهند: هاه لمى حبيبتي تروحين مع ياسر ..؟
لمى: انتي روحي ريحي تكفين ..
أم مهند: زين اجل .. انتبه لها تكفى
ياسر مبتسم: بعيوني ..

طلعوا مهند وأمه.. وسمر وليلى قاعدين شكل اللقافه ذابحتهم يعرفون من ياسر هذا
ياسر حس فيهم وغمض عيونه وجلس يضحك
لمى مستغربه: وش فيك ؟
ياسر: سلامتك .. اقول يا أستاذات مشكورين ماقصرتوا والله ..
ليلى: لا ابد ماسوينا شي ..
ياسر: لمى نروح ولا تبين شي ؟
ياسر: لا تبي سلامتكم خلاص انا وياها ..
سمر وليلى بيموتون قهر
لمى مبتسمه: مشكورين وماقصرتوا معاي والله .. ادري تعبتكم
ياسر رجع يضحك ضحكه خفيفه
ياسر: حبيت بس اقولكم تطمنوا على لمى .. لآني بحطها بعيوني ..
تعرفون عاد ... ( سكت شوي ورجع يكمل )
ماعندي أهم من زوجتي
سمر وليلى إنصدموا من كلمته

لمى طاح وجههاااااا

ليلى :زوجتك؟؟؟؟؟؟!!!!!
ياسر بتمثيل: اي .. فيها شي ؟
سمر: لا بس ماكنا ندري ان لمى متزوجه ..

لمى ماتدري وش ترد شوي تبتسم وشوي تلف وجهها .. تنرحم من قلب

ياسر: الموضوع ماله فتره ..
سمر وليلى : الله يوفقكم
ياسر: تسلمون .. وأي خدمه آمروني .. لانكم ماقصرتوا ويا لمى
سمر: لمى بنتنا .. ولازم نهتم فيها
ياسر: فيكم الخير .. حتى انا ماقصرتوا فيني ..
لمى مافهمت كلمة ياسر .. عكس سمر وليلى لقطوا وجيهم .. وإستـأذنوا وإطلعوا



إنتهــــــى الجــــــزء


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-04-2009, 12:35 PM
صورة عنفوآن مخيله الرمزية
عنفوآن مخيله عنفوآن مخيله غير متصل
©؛°¨غرامي مشارك¨°؛©
 
الافتراضي رد: الوداع أول أيام الرحيل ( روايه سعوديه )


الجــــــــــزء الثـــــــــــاني


طلعوا سمر وليلى ولمى مو فاهمه شي ..



لمى: ياسر وش صاير ؟
ياسر: مو صاير شي حبيبي
لمى: وشو ماقصروا فيك ؟؟؟
ياسر: ههههه اقولك إذا طلعنا ..
لمى: طيب... من قالك اني بالمستشفى ؟؟
ياسر: مساعدتكم ندى ..
لمى: وش معنى كلمتك إنت بالذات ؟!
ياسر بمزح: اممم هذي غيره ؟؟
لمى: لا .. بس غريبه !
ياسر: يمكن لأن هي الوحيده اللي تعرف عيلتنا .. وتدري عن زواجنا ..
لمى: بعد غريبه ..
ياسر: مثل ماتبين .. يلا شرفي عاد الحين ..
لمى: وين ؟
ياسر: بالأول ..بنسوي شوية فحوصات لك .. وبعدها نطلع نتغدا ..
لمى إنصدمت: ليه الفحوصات ؟؟
ياسر: عادي عشان نطمن عليك ..
لمى: اكيد ؟؟
ياسر: اكيدين .. بس لاتقولين لآهلك اخاف امك تدري وتتعب ..
لمى: طيب



وقامت لمى عشان تسوي الفحوصات اللي طالبها الدكتور




(((((ياسر عاش برفاهيه .. كان من عيله مرتاحه
.. رجال بمعنى الكلمه ..وسيم .. عاقل .. يد أبوه اليمين بشغله .. رغم وجود أخوه الكبير ..
إنسان متواضع وراقي بتعامله .. وأطيب قلب بإخوانه ..
ياسر كان مقضي حياته شغل ونوم ولعب .. بإختصار الولد عاش مراهقته بس بحدود
ياسر كان نمط حياته واحد .. لين جا يوم .. وإقترحت عليه بنت أخته الزواج
ما أبدى إهتمام كبير بالفكره .. كثر إهتمامه .. مين تكون البنت ؟
ورشحت له لمى .. اللي عرفتها عن طريق ندى (مساعدتهم بالمدرسه)
ماكان عنده مانع ووافق .. بس لما بنت أخته تكلمت عن لمى
وشافها أول مره .. تغيرت كل نظرته .. من يومها .. إذا كان في شي ياسر يحبه بحياته فـ هو لمى
رغم إن أهله ما قتنعوا كثير..وكانوا معارضين تقريباً .. عشانها صغيره نوعاً ما عليه .. وأخته رفضتها
عشان مستوى أهلها المادي مايقارن أبداً بمستوى أهل ياسر ..
يعني كانت من عيله جدا متواضعه وقنوعه .. ورغم كذا ياسر مافرط فيها
وكان بالأول معجب بكل شي فيها لحد ماحبها .. وصارت الأولى والأخيره بحياته



أما لمى .. البنت الحلوه العاقله الحبوبه .. اللي كانت مختلفه حياتها تماماً عن ياسر
لمى كانت من عيله متواضعه جداً .. وهذا كان أهم أسباب معارضة أهل ياسر
زواجه منها.. وخصوصاً أخته مريم .. اللي كانت تتعالى على لمى وأهلها ..
رغم كل هالمعارضات .. لمى وياسر كانوا أحلى مثال للحب)))))



وراح نتكلم قدام عن عوايلهم بالتفصيل




...............................



ركبوا دلال وهديل سيارة خالد وسلموا
خالد: تأخرت عليكم ..؟
هديل: لا ..
خالد: هدوله .. وش فيك ؟؟
هديل: مافي شي ..
خالد:مو عادتك ؟ أحد مزعلك ؟



بدت هديل الفلم الهندي ودلال تسكتها



دلال: تدرين يبي لك تصفيق .. ماصارت .. خالد لو سمحت عطنا جوالك ..


خالد ماسك نفسه من الضحك ع أسلوب دلال وعطاها الجوال


دقت دلال على بيت لمى وقالت لها أمها .. إنها طلعت تتغدا ..
سكرت دلال من أم لمى ولفت على هديل ..


دلال: إرتحتي الحين .. انتي هنا فاتحه مناحه .. والأخت طالعه تتغدا
هديل تمسح دموعها: جد ولا تكذبين علي ..؟
دلال: ياحول وربي كذا قالت أمها ..
هديل: طيب خلاص ..
خالد: وش صاير فهموني ؟
هديل: لمى تعبت وودها المستشفى
خالد: سلامات ليه ؟!
هديل: ماندري للحين ما كلمناها من تعبت ..
خالد بمزح: دام إطلعت تتغدا راحوا أهلها يغذونها اجل ..
هديل: سخيفه ..
خالد: هههههههه


وكملوا الطريق للبيت


لمى .. هديل .. دلال .. منال ..ياما إرتبطت أساميهم ببعض
كانوا فعلاً صديقات حقيقيات .. وأكثر من خوات
اللي كان يميز لمى وهديل نعومتهم خصوصاً هديل
مسمينها (بسه) من نعومتهاا وحبوبه مع الكل .. مع إنها تكره البسس وماتطيقهم
لمى كانت ناعمه داخلها وشكلها .. وجاذبيتها كانت تحليها ..
منال دايم لسانها طويل .. لكن داخلها قلب أبيض مايكره أو يحقد ..
دلال عندها لسان لكن اكيد مو طول منال ..لكنها بريئه كثيروخوافه نوعاُ ما ..



كل وحده فيهم عندها قصه بحياتها مختلفه عن الباقين ..
بقولها لكم قدام شوي ..


..........................................



سامي توه داخل البيت لقى أمه وأخته جالسين يتقهون
أم سلطان: بدري .. كان ماجيت ..
سامي يتأفف: ليه ؟ وش تبون ؟
أم سلطان: من يومين ماشفتك وينك فيه ؟؟
سامي: يمه ترى موناقص ..
أم سلطان: استغفرالله .. مافيك أمل تبطل هالحاله اللي انت فيها .. اتق ربك ياخي ..
سامي: يمه مو ناقص محاضراتك المعتاده ..
أم سلطان: انت ماتستحي تكلمني كذا ؟
سامي: وليه أستحي ؟
مريم(اخت سامي): خير انت وش فيك .. قصر حسك احسن لك ..
سامي: وانتي وش دخلك ..
مريم: انا اكبر منك وتحترمني .. ولاتعلي صوتك على أمك ..
سامي: أقول انا مو بنتك وتبين تربيني ..
مريم: الله يكرم بنتي عنك .. كلكم لا انت ولا اخوك ماكنكم متربين ..
سامي يضحك يإستهزاء: وليه مو عاجبك ياسر .. عشان حبيب أمه خذا وحده ماتعجبك هاه .. يلا يلا بس فكيني .. إنتي ماتنعطين وجه


ومشى سامي وترك مريم تفرك قهر بعمرها ..


مريم معصبه: انتي ليه ماتقولين لأبوي عنه هاه؟؟
أم سلطان : تبين ارفع ضغطه .. يجيه شي بسبته .. خلاص كيفه يسوي اللي يبيه
مريم: زين كلمي سلطان خليه يتفاهم وياه .. ومع الثاني ..
أم سلطان: حرام عليك وش فيه الثاني ؟؟
مريم: هالخايسه اللي ماخذها.. انا مادري وش يبي فيها ..
أم سلطان: خلاص طيب حتى انا بالأول عارضت .. والحين مرة اخوك يعني سدي الموضوع
وانتبهي يسمعك ياسر .. يسوي لنا سالفه
مريم: هذا اللي ناقص بخاف منه .. هو داري اني مابيها .. لكن يصير خير..




هالبيت بالترتيب .. مكون من سلطان أخوهم الكبير .. اللي عياله بعمر سامي وياسر ..
إنسان حكيم جداً .. وعاقل بحكم العمر .. الأب الثاني لإخوانه .. والأقرب لهم ..
لآنه متفهم الجميع .. وكل إخوانه يحبونه .. عنده بنت وولد .. راح يبينون قدام..



مريم البنت الوحيده بالعيله .. دلعوها أهلها بزياده عشانها البنت الوحيده ..
لسانها سليط وما أحد يسلم منه .. مغروره وشايفه عمرها ..
من كثر غرورها .. ماكملت بزواجها وتطلقت وجلست ببيت أهلها ..
وماعندها إلا بنت وحده عايشه عند أبوها ..

ياسر .. أعتقد تكلمت فيه قبل وبينت شخصيته ..

سامي آخر العنقود .. وسيم كثير بنفس الوقت عايش حياته بكيفه
لاحسيب ولا رقيب ... يعني أكثر واحد يعانون أهله منه ...
بإختصار الولد مخربها .. وتعبوا أهله ينصحونه .. ولكن لاحياة لمن تنادي..
يحترم سلطان ويحب ياسر كثير.. يعني عشان ياسر مستعد لآي شي .. ومأدب مريم بلسانه ..





..........................................



خلصت لمى الفحوصات وكانت رايحه مع ياسر يتغدون
ياسر من ركب وهو يدندن رجعت بلطفك وذوقك رجعت ورجع شوقك
لمى أقلقها من كثر مايزن فوق راسها


لمى: اوف ياسر مامليت وكلها جملتين .. وفوق هذا غبااار ..
ياسر حس بنفسه وضحك: انا اسف .. كان مفروض اسولف معك ..
لمى تمنت لو ماتكلمت: لا عادي بس غَير الاغنيه.. ولا طَول الجمله ..
ياسر: من عيوني .. المهم هاه وش مشتهيه تاكلين..؟
لمى: مادري اي شي .. اللي تحبه ..
ياسر: امممم اعرف مطعم قريب من هنا .. اكلهم رهيب ..
لمى: اوكي نروح له ..


ورجع ياسر يدندن ويضحك على لمى



.........................................


اول ماوصلوا هديل ودلال .. طلعوا غرفة هديل
هديل لبست وطلعت لبس لدلال ..

هديل: يلا كويكلي البسي... انا بنزل اجيب لنا غدا وارجع ..
دلال: لاتنسين الفلفل ..
هديل: طيب .. ولاتنسين جربي تكلمين لمى من جوالي
دلال: طيب


بعد مانزلت هديل تجيب الأكل


خالد كان واقف جنب غرفة هديل .. بدا يقرب منها ..

(خالد الأخ الكبير .. تحمل مسؤولية أهله بعد ماتركهم أبوه ..
وتزوج وحده ثانيه وسافر لمدينه ثانيه بعيده عنهم ..
خالد جدا رومنسي وهادي وكان من زمان معجب بدلال بس هي ماتدري ..

نهى أهم صفه فيها إنها أكوله وفوق هذا عربجيه ..
كنها ولد مو بنت لسانها أطول من لسان خالد وماتخلي حقها ..
بس ممكن بالغلط تجي لها حالات أنوثه ..

هديل زي ماقلت ناعمه كثير ودلوعه مره .. كل ماشافت شي صرخت
ودايم يعقلون على دلعها ..



...............



............................................


منال اول مابدلت وصلت .. على طول فتحت النت ..

منال: واااو هذا هو اون ..

كلمته منال
منال: مرحبااااااااا
الشاب: مراحب .. اهلين
منال: اخبارك ؟
الشاب: تمام وانتي ؟
منال: مره تمام .. لك وحشه ..
الشاب: حتى إنتي ..
منال: بغيت منك شي ..
الشاب: اوكي




...........................................




ياسر ولمى كانوا توهم مخلصين أكل
ياسر: هاه حبيبي عجبك الأكل ؟
لمى: اي حلو .. بس أكل أمي أحلى ..
ياسر: ههههههه انا مفروض موديك تاكلين مندي ..
لمى: لاااا .. لايكون مو عاجبك أكل أمي ؟؟
ياسر: لا عاجبني ..
لمى: اشوا ..
ياسر: ياناس عالعصبيات .. زين نروح الحين ؟
لمى: اي تأخرت ..




.......................................



خالد قرب بيفتح الباب ..

وفجأه

هديل: وش تبي؟!!
خالد: بسم الله ..
هديل: وش تبي الحين ؟
خالد: ولا شي ولا شي ..


مشى خالد بسرعه قبل لاتحقق معه هديل
دخلت هديل وشافت دلال تحوس بالغرفه

هديل تطالع اللي لبسته دلال : دلال وش هالكشكول ؟؟
وقفت دلال: ليه ؟
هديل: ازرق وابيض واصفر واسود ... لا الليله هلاليه اتحاديه ..
دلال: اقول روحي بس لا اقوم عليك .. هاتي بس ناكل ..

خلصوا الأكل ونزلت هديل ترجع الأكل ..
دلال سمعت صوت خالد ينادي هديل ..
وصوته كل ماله يقرب من الغرفه .. وحست الباب بيفتحه احد ..
راحت بسرعه للحمام وقفلت الباب .. وخالد كان واقف برى.. وفاتح الباب
خالد إستغرب مو سامع صوت .. ودفعه فضوله يطل على الغرفه ..
طل ومالقى أحد ..دلال جات بتطلع وتلاقي الباب علق بعد ماقفلته وعيى ينفتح ..





نزل خالد يدور هديل لقاها بالمطبخ ..

خالد: إنتي هنا ؟
هديل تحوس بالمطبخ: ليه ؟
خالد: اناديك ساعه بغرفتك مو فيه ..
هديل وهي ملقيته ظهره: وش تبي ؟
خالد: دلال راحت ؟!
هديل: لا .. المهم وش تبي ؟
خالد : لا ! وينها مو بغرفتك ..
هديل: اجل وين ؟؟
خالد : مادري حتى شفت الغرفه يوم مليت اناديك ولا احد يرد مالقيتها ..
هديل: متأكد ؟.. انا من اول مانزلت بالمطبخ وشايفه الباب .. ماطلعت ..!
خالد: دروت كل مكان مافي احد ..
هديل شهقت: لايكون سمعت صوتك ونطت ..
خالد: بالله ؟؟ اقول وشرايك تاكلين هوى .. ياشارلك هولمز ..
هديل: زين خلنا ادور عليها ..




................................................



رجعت لمى البيت لقت الكل مقيل .. دخلت غرفتها وبدلت وريحت عالسرير ..
لفت وشافت جوالها .. لقت 20 مكالمه ..

لمى: الله وش صاير .. لقت بعضها منال وثلاث ارباعها هديل ..
جت بتكلم هديل .. ولقت منال تدق ..
ردت وهي تضحك ..

لمى: هلا وغلا ..
منال: ياااااااا ماني قايله وينك ؟
لمى: كنت طالعه .. توني جايه ..
منال: وين داجه ومع مين ؟
لمى: طلعت أتغدا .. مع ياسر ..
منال: مايمديني .. عقباااالي ..
لمى: آميييييين
منال: طيب ليه دختي .. انتي مو ماكله الصبح ؟
لمى داخت من جديد: شكله كذا ..
منال: زين الليله عندي مو تنسون ..
لمى بتعب : طيب..
منال: وش فيه صوتك ؟
لمى: مادري بس يمكن ابي انام عقب الأكل ..
منال: خلاص روحي نامي أستناك بالليل ..




...............................................




ياسر بالسياره سرحان بعالم ثاني .. ويفكر بكلام الدكتور له
وصار يكلم نفسه ..

ياسر: الله يستر .. من كلامه ..


رجع يتذكر كلام الدكتور عن لمى ..
حس بضيقة صدر والعبره خانقته ..


إنكتم ياسر وصار يدعي : يارب مايكون فيها شي ...

وصل البيت ونزل وراح غرفته قبل مايشوف أحد ..
جلس عالكنب و شال الغتره .. ورجع للتفكير ..
سمع جواله يدق وشافه بلا مبالاه ..
بس لما شاف رقم لمى ضاق صدره أكثر ..
بنفس الوقت ماقدر مايرد عليها ..


ياسر يحاول يعدل صوته: هلا حياتي ..
لمى: حياتك مره وحده ..
ياسر: اكيد حياتي ودنيتي وكل ما لي ..
لمى إنبسطت واستحت : تسلملي حبيبي ..
ياسر: شلونك الحين أحسن ؟
لمى: بعد ماسمعت صوتك صرت أحسن ..
ياسر: من زين صوتي يعني ..
لمى: مايكفي إنه عاجبني ..
ياسر: يكفي ونص ..
لمى: اجل وشرايك تغني لي ؟
ياسرمايبي يردها: من عيوني ..
لمى: يلا اجل سمعنا ع ذوقك ..
ياسر يغني ويحس دموعه بعيونه: ياشوق أنا قلبي لهوف على الليالي المقبله
أخاف تطري لك ظروف وأخاف حبي تجهله

ياسر بعدها ماقدر يكمل أكثر .. وحست فيه لمى








باقي طبعاً شخصيات ماكلمتها .. بس بخليها بالأجزاء اللي بعدها ..

يمكن تساؤلاتكم الحين ..
وش فيها لمى ؟
وايش بيصير بدلال وخالد ؟
وسالفة منال ؟
وايش قصة كل من هالشخصيات ؟


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-04-2009, 12:36 PM
صورة عنفوآن مخيله الرمزية
عنفوآن مخيله عنفوآن مخيله غير متصل
©؛°¨غرامي مشارك¨°؛©
 
الافتراضي رد: الوداع أول أيام الرحيل ( روايه سعوديه )


الجــــــــــــــــــزء الثــــــــــــالث

هديل وخالد ساعه يدورون واخر شي نزلوا الصاله .. ومو دارين عن دلال المسكينه

هديل راح نفسها وتهاوش: اوف منك اكيد اكيد البنت انتحرت ولا صار فيها شي ..
خالد شوي ويدوس ببطن هديل
خالد يعلي صوته: هذا اللي ربك مقدرك عليه .. وبعدين وش سويت انا ترى ماسويت الا ناديتك ..
هديل تهاوش: ابد ماسويت شي ضف بس كله منك ..
وصار خالد يحلق هديل كنه بزر بيكفخها ..
هديل صارت تركض لغرفتها .. وسمعت صوت باب الحمام كنه في احد يفتحه ..
هديل عاد ودلعها خافت مايحتاج
هديل قامت تصرخ صرخة الدلع المعتاده
دلال تناديها من الحمام: هديل يمال الوجع انا دلال الباب انقفل علي افتحيه بموت خوف ..
هديل: انتي وش دخلك ؟؟
دلال: خليني اطلع واوريك .. فتحي الباب لي ساعه هنا ..
هديل : يااررربي .. استني اشوف خالد ..

وراحت تنادي خالد يفتح الباب

خالد: دلال انا بسحب الباب لبرى وانتي حاولي تفتحين القفل بشويش ..
دلال: ياربي ماني عارفه المفتاح قوي ..
خالد تحمس: يامااااما شوي شوي .. بعدي لاتخافين لو نكسره بنفتحه .. يلا حاولي






.............................................




سامي جا بيدخل لغرفة ياسر وسمع صوته .. لما غنى وحس كنه يبكي ..
حط يده عالباب وقرر يدخل .. بس منعه صوت جواله ..


سامي: يووووه وقتها ذي .. وش تبي ؟؟


بعد شوي عن غرفة ياسر ورد عالجوال

سامي: نعم ياعمه ؟
نوره: ههههههه اخبارك
سامي: تمام .. وش عندك ؟
نوره: وش فيك طيب تتكلم من خشمك ..؟!
سامي: والله انا كذا .. عندك شي ؟
نوره: طيب انا عندي وش يروقك ..
سامي بعدم إهتمام: وشو ؟
نوره: تذكر الموضوع اللي تكلمنا فيه ..
سامي: تستهبلين تكلمي زي الناس ..
نوره: البنت اللي كلمتك عنها ..
سامي تحمس: ايوا ؟
نوره: الحفله الجايه بتكون فيها ..
سامي: حلووو .. بس ما كأن المده بعيده ..
نوره: اللي يبي يتحمل ..
سامي: اممم طيب ..
نوره: ما استاهل شي عاد ..
سامي بضحكه: آمري بس ..




............................................




نهى قامت من النوم.. وجايه ناويه تذبح خالد وهديل من الأصوات ..



دلال أخيراً إنفتح الباب .. وبقت بالحمام تستنى خالد يطلع من الغرفه ..
إلا وتطب نهى عليهم ..


نهى دخلت غرفة هديل وتصارخ: عممممممممممممى حتى عمى ..
هديل تصرخ بدلع: هيييه لاتدعين..
خالد عصب: انتي وش قومك ؟
نهى: ماتعرفون تسدون فمكم ..؟
خالد : انا بطلع وخري بس

وطلع خالد وتركهم ..

نهى انتبهت لدلال: وش فيكم ؟؟ وش مخلي خالد عندكم ؟؟
هديل: اوف منك .. باب الحمام إنقفل ع دلال وخالد فتح الباب ..
نهى: لا فيه الخير عنتر ..
هديل: يلا بس طسي .. اذيتينا بصراخك ..
دلال: هديل عطيني مويه بسم الله علي مت خوف ..
هديل: يوه ياعمري نستني هالعله ..




وراحت هديل تجيب مويه مقري فيها لدلال






.........................................



لمى إستغربت من صوت ياسر شلون تغير ..


لمى: ياسر .. فيك شي ؟؟
ياسردمعه على خده: لالا مافيني شي حبيبتي .. بس تدرين زمان ماسويت تمرينا الصوت ..
لمى ما إقتنعت: ياسر .. علمني إذا تحبني قولي .. فيك شي ؟
ياسر يبتسم: ياحياتي ياااابعد قلبي.. مافيني شي صدقيني ..
لمى: طيب .. اممم قلت لك إني بطلع اليوم ..
ياسر: امم لا ..
لمى: اجل هذاني قلت ..
ياسر: هههههه عاش مصرف .. ياعيوني آمري لو تبين حتى أوصلك وأرجعك ..
لمى: ياناااس عليك .. فديتك والله .. مابي شي بس المهم موافق ..
ياسر: لمو .. قولي يابنات عليك بدال ياناس ..
لمى انقهرت شوي: بعد ؟ بنات بعينك حتى بعينك ..
ياسر ماسك الضحك: ليه ؟ تكفين قولي ..
لمى: كش عليك .. يلا باي ..

وسكرت بوجهه وجلس يضحك .. راح بدل ورجع .. وكلمها ماردت

بهالوقت دق باب الغرفه ودخل سامي

ياسر: ياهلا وغلا .. عاش من شافك ..
سامي ضم ياسر: ياخي وربي اشتقت لك ..
ياسر يبتسم: ياجعلي قبلك .. عاد تدري ما اشتاق لك ابد ..
سامي: هههههه مقبوله منك .. وش اخبارك ؟
ياسر: تمام وينك ماشفتك من كم يوم ..
سامي: ابد مع الشباب ..
ياسر: الشباب او الشابات ..
سامي: وش شاباته ياخي .. كان زين فيه .. المهم اخبار حبيبة القلب ..
ياسر: زعلانه ..
سامي: افا .. ليه ؟
ياسر: عادي .. هذا حلاة الحب ..
سامي: اي مايمديني عالحب .. المهم بسئلك .. من تكلم تو ؟
ياسر إستغرب: لمى .. ليه ؟!
سامي: امم ياسر انا من شوي .. من غير قصد سمعتك تغني وبعدها حسيت بصوتك كنك تبكي ..
ياسر إرتبك: لا يمكنك توهمت ..
سامي نزل راسه وإبتسم
حط سامي يده على كتف ياسر: ماراح تعلمني فيك ياخوي ..
ياسر سكت ..
سامي: قول لي .. وعد الكلام بينا ..


وقال ياسر السالفه لسامي



سامي: اوف .. مادري وش اقولك .. بس خلنا نصبر لين يطلع التحليل وبعدين نشوف وش نسوي ..
ياسر: مادري خايف..
سامي: طبيعي بتخاف .. متى النتيجه ؟
ياسر: بكره ؟
سامي: زين بجي معك ..
ياسر يبتسم: الله لا يخليني منك ..
سامي: ولا منك يا إحبيبي ..
ياسر: المهم انا بقيل .. وبقوم بعد ساعه عندي مشوار .. فـ ياليت تعطيني عرض مقفاك ..
سامي: هذي اخرتها انا ما اقول غير الشرهه على اللي معطيك وجه ..
ياسر: ههههههه طس طس بلا كثرة حكي ..



وراح سامي يقيل هو بعد


..............................................




صارت الساعه 6 المغرب .. دلال رجعت بيتها عشان تلبس وتروح مع البنات لمنال ..


أم دلال دخلت الغرفه ولقت دلال تتجهز



أم دلال: حبيبتي وشدعوا تدرين من الصبح ماشفتك ؟
راحت دلال تحضن أمها
دلال: والله مشتاقه لك ..
أم دلال: وينك أجل .. ياعمري انا ما اقولك لاتروحين ولا تجين .. بس خليني اشوفك ..
دلال: يمه انا ما احب اقعد بالبيت عشان رجلك ذا ..
أم دلال: يابنتي والله ماقلت شي .. بس خليني اشوفك ..
دلال: إن شاء المهم عاد .. انا بطلع على ما أمر هديل ونمر لمى ونوصل لمنال حوسه ..
دلال : يلا ياعمري باي ...

باست دلال أمها وطلعت


........................................




لمى تقريباً خلصت وتستنى البنات يمرون.. ودق جوالها ..



لمى: هلا هدوله ..
هديل: يادبااااااااااااااااااااااااااااااااا .. انتي وينك .. فيك شي الحين ؟
لمى: لا ياقلبي تمااام تطمني ..
هديل:مت خوف وبكي عليك ..
لمى: الله لا يحرمني منك ..صرت بخير تطمني ..
هديل: ياشينك ما اتطمن الا اذا شفتك ..
لمى: زين وينكم عشان تشوفيني ؟
هديل: الدبا دلال توها ماوصلت .. (شافت دلال تدق) هذي هي تكلمني شكلها وصلت..
الحين بنجيك تجهزي ..




اول ماسكرت لمى من هديل .. لقت ياسر يدق ..
وطنشته لما تذكرت سالفة العصر ..
شوي ووصلها مسج .. فتحته وكان من ياسر ..



(( اوكي.. زي ماتحبين لاتردين ..
بس ياليت تشوفين وش في لك عند باب البيت .. ))



لمى ماتدري ليه قلقت .. وبسرعه راحت تشوف وش عند الباب ..


إنتهى الجـــــــــــــزء


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 02-04-2009, 12:37 PM
صورة عنفوآن مخيله الرمزية
عنفوآن مخيله عنفوآن مخيله غير متصل
©؛°¨غرامي مشارك¨°؛©
 
الافتراضي رد: الوداع أول أيام الرحيل ( روايه سعوديه )


الجـــــــــــــــــزء الرابــــــــــــــــع




دلال أخيراً وصلت لهديل عشان تاخذها ..
هديل: وينك انتي ؟
دلال:غثني العله اللي بالبيت ..
هديل: اوف منه .. وش يبي ؟
دلال: زوج أم .. وش تبين يطلع منه ؟
هديل: لاعاد .. حرام عليك في رجال أم وزوجات أب .. أحسن من الأهل ..
دلال: بس اكيد اللي عندي مو واحد منهم ..
هديل: روقي روقي .. اقولك كلمت لمى اشوا طيبه ..
دلال: الحمدلله كان ذبحتيني الحين ..
هديل: كيفي صديقتي وأحبها ..
دلال تعلي صوتها: لا والله .. لايكون بس انتي وياها اللي صديقات ..
هديل تمسك يد دلال: وربي انكم كلكم احبكم اكثر من نهى الدبا ..
دلال: طبيعي بتحبينا اكثر منها .. اختك ماتنبلع .. العبي غيرها يامااما ..
هديل: هههههه حرام عليك مولهذي الدرجه ..
دلال: الا هالدرجه ونص ..
هديل بخبث: طيب وخالد ؟؟
دلال: لا والله ذا يازينه ..
هديل إبتسمت
دلال تكمل هذرتها: ياحليله يوم فك لي الباب (ترفع يدها) الله يفك لك ابواب الدنيا والآخره ياخالد ..(لفت ع هديل وضربت بطنها) قولي آمين ..
هديل تعورت: آآآي شوي شوي ..
دلال: قولي آمين ..
هديل: آميييييييييييين .. ياحليله أخوي مابقى الا تحبينه ..
دلال: ومن قالك ما احبه ..؟
هديل: من جدك ؟
دلال: اي والله .. مهند ومؤيد وخالد .. كلهم احبهم ..
هديل بعباطه: هاه ؟ كلهم ؟
دلال تطالع هديل بنظره: الله يخلف على امك مثل اخواني يادرج ..
هديل: يعني تحبين خالد زي اخوك ؟
دلال حست بشي: هديل وش فيك انتي ؟
هديل: لالا ولا شي .. خلي سواقكم بس يسرع تأخرنا على لمى ..

.............................................

لمى فتحت الباب ولقت سيارة ياسر قريبه من الباب .. طالعته وإستغربت ..
بعدين أشر لها ع أرضية الباب .. طالعتها وإنصدمت من اللي شافته ..

لقت ورده مغلفه .. وكيس ذهبي داخله حبات شوكلت .. وكوفي ملزق عليه كرت

فتحت الكرت

( اذا كنت انا غلطان بجي لبابك وأعتذر
وإن بغيتي لك الرضا أنا أشتريه
بس الزعل تكفين ما أبي بعمرك يمر
إسئلي خفوقٍ يبغاك ولو تعوفيه
يعلمك: مسكين ياسر إقبلي منه العذر
ندم و ماقصد اللي فهمتيه
وجاي يقولك وبإختصار
مافي روحه ولا متحرك لين تسامحيه )

لمى شافت الشعر من هنا .. وتقطعت على عمرها ضحك من جهه ثانيه ..وياسر يشوفها ومبسوط ..
شافت لمى ياسر .. وصارت تأشر له ..
وكأنها تقول له: انت مجنون ..
رد عليها: مجنون فيك ..

لقت لمى ياسر يدق على جوالها ..
لمى: هلا
ياسر: اخيراً رديتي ..
لمى: هههههه تستاهل ..
ياسر: لا ياشيخه ..
لمى: لا امزح ..
ياسر: من جدك كنتي زعلانه ..؟
لمى: لا مو زعل .. غيره بس ..
ياسر: علي ؟؟
لمى: اكيد حبيبي .. من عندي غيرك اغار عليه ؟
ياسر بهدوء: خلاص .. وعد ماراح ازعلك ..
لمى: اذا تبي ماتزعلني لاعاد تكتب شعر مره ثانيه
ياسر: ههههه اكيد فاشل بس قلت اضحكك شوي
لمى شافت هديل تدق عليها

لمى: اقول حبيبي هديل تدق علي شكلها قربت ..
ياسر: طيب .. لمى انا برجع اخذك .. لاترجعين مع خوياتك
لمى: طيبو واهلي ؟
ياسر: مكلمهم ماعليك
لمى : خلاص اوكي انتبه لنفسك

دخلت لمى بسرعه تلبس عباتها ومشى ياسر ..
ياسر كان ماشي وهديل ودلال جايين وانتبهوا له ..

هديل: ماترد ..
دلال: خلك خلك .. شوفي الطخااامه ياويل حالي ..
هديل: قصدك هذا ؟ .. وه يجنن .. من هذا ؟
دلال: منهو ؟
هديل: الحلو ..
دلال: يادرج انا اقصد سيارته مو هو ..
هديل: نعم ؟؟!! .. الحمدلله مخليه زينه وتطالعين سيارته ..
دلال: اقول بس وين لمو ؟
هديل: قلت لك ماترد .. بس السياره خذت عقلك ..
دلال: هذي هي طلعت ..

ركبت لمى وسلمت عليهم .. عقب تحضن من هديل ..

هديل: وحشتيني ..
لمى: ياعمري
دلال: شخبارك الحين ؟
لمى: تمام ..
هديل: لممممى فاتك شفنا من شوي واحد مره يجنن ..
لمى: وين ؟

دلال: هنا من شوي بشارعكم .. لون سيارته كنه غامق..
لمى فهمت: وهاه حلو ؟؟
دلال: انا عجبتني سيارته يا لمى... احيه بس
هديل: الحمدلله !! .. لا والله يالمى هو ماشاء الله وش زينه ..
لمى ماتت ضحك
دلال: ياختي جد يازين سيارته ليه الضحك ..؟
لمى: هذا ياسر يا مهبل ..
دلال وهديل: هاه .. والله ؟
لمى: وربي ..
هديل بزعل: لمو زعلتي ؟
لمى: ليه ؟؟!
هديل: عشان عجبني ..
لمى: هههههه لا ياعمري .. بالعكس زين رجلي حلو ..
هديل: ههههههه ياحبيلك الله يخليه لك..
دلال: لمى خليه يدورنا مره بسيارته بالحاره ..
لمى: هههههههههه ابشري بالرياض كلها لو تبين ..


ومسكوها سوالف لين وصلوا بيت منال


وصلوا وسلموا على منال .. وسحبتهم المجلس ..

دلال: ماشاء الله وش ذا كله ؟؟ صايره سنعه مو عادتك ..
منال: لأني مشغوله مالي خلق اروح واجيب واحط ..
دلال: هاه .. وش عندك ؟
منال: تعالوا تعالوا بس اوريكم ..


البنات كلهم جلسوا جنبها ..حطت اللاب توب على رجولها وقامت توريهم ..

هديل: وشو هذا ؟؟
دلال: من هذا ؟؟
منال: اللي قلت لكم عنه ..
هديل: اهااا .. ايوا عرفته .. وريني بشوف ..
منال: استنوا بوريكم ..
لمى: طيب وبعدين ؟
منال: شوفوا وش خذيت منها ..
دلال: منتي صاحيه ..
هديل شهقت: رقمه ؟ مهبوله انتي ؟؟
منال: عادي هذا شبه مشهور يعني .. بداية فنان .. بستهبل عليه وبس قضينا ..
لمى: منال بلا هبال .. بتجيبين لعمرك مشاكل ..

منال: ماراح يصير شي .. بكلم يعني بكلم ..
هديل: واذا كلمتي ؟ وش اخرتها ..
منال: قلت لكم بستهبل .. بكلم الحين ..
دلال: ههههههههه يلا خلنا نشوف ..
لمى: هيه وش تشوفون ؟
هديل: من جد بنات مانبي مشاكل ..
منال: اوص اوص بس .. انتوا سكتوا .. دلال بسرعه تأكدي مافيه احد وسكري الباب ..
دلال: يلا يلا بشوف ..

دقت منال وحطت سبيكر .. ورد عليها ...

الرجال: هلا ..
منال: انت ليش ترد ؟؟؟
الرجال: نعم ؟!
منال: اقولك ليش ترد ماتفهم ..؟ فاضيه اصرف يلا يلا بسكر ودق انت ..
الرجال: يا انتي داخله بقوه ..

البنات تسدحوا ضحك ..

منال: يلا ماعندي فلوس دق انت ..
الرجال: حتى انا فقران ..!!
منال: رجال وفقران !
الرجال: انا ..
منال: الا قحطي ..
الرجال: ماتعرفنا طيب ..
منال: ماعرفتني !
الرجال: عرفيني إنتي ..
منال: انا الجوري ..
الرجال: اهااااا .. حيا الله هالصوت ..
منال: الله يحيك ..
الرجال: متى بشوفك عاد ؟
منال: قريب ..

لمى صارت تأشر لها تسكر ..

منال: اقول عشر دقايق واكلم ..
الرجال: اكلمك انا ؟
منال: اشوف طلعت الفلوس ؟
الرجال: اي اكيد ..
منال: لالا انا بكلم ..
الرجال: براحتك ..

سكرت منه والتفتت لـ لمى ..

لمى: إنتي صاحيه ؟؟
منال: لمى تكفين .. لاتخافين مافيها شي ..

..............................................




ياسر جالس بالكوفي مع ربعه .. أنواع الأصوات والإزعاج

ياسر قرب من سلمان ومقصر حسه


ياسر: سلمان أبي أسألك عن شي ..
سلمان : اي آمرني ..
ياسر: بسألك عن المستشفيات برى ..
سلمان: ليه في شي ؟؟
ياسر: لالا بس محتاج معلومات .. وقلت بحكم شغلك مافي غيرك يمكن يفيدني ..
سلمان: طيب إنت قول لي معلومات عن ايش بالضبط ؟ وافيدك ان شاءالله ..

دق جوال ياسر ولقى أخوه سلطان ..

ياسر: دقيقه يالغالي ..
سلمان: خذ راحتك ..



ياسر: هلا والله
سلطان: شخبارك ياولد ؟
ياسر: هههههه للحين ياخوي ولد .. ماكبرت ؟
سلطان: اجل كذا .. كل هالقطاعه .. وين ووين عشان اشوفك ؟
ياسر: آسف يابعدي العذر منك ..
سلطان: غداك عندنا بكره ..
ياسر: بكره ؟ والله مادري ..
سلطان: لا مادري ولا غيره بكره خميس .. وانا قلت لهم غداك عندنا .. وحتى دانه بنتي تبي لمى تجينا بعد ..
ياسر: انا ابشر .. بس لمى مادري .. تدري ياخوي انا مملك عليها وهي مو ببيتي ..!
سلطان: لا انت ماعليك .. دانه ماراح تقولها تجي وياك .. بتعزمها بروحها ..
ياسر: اها .. اجل ماراح تدري اني بجيكم ..
سلطان: لالا مانبيها تنحاش ..
ياسر: ههههههه خلاص .. أي وقت ؟
سلطان: ابد البيت بيتك لو تجي من 6 ..
ياسر: بيت عامر يارب ..
سلطان: خلاص متى نشوفك ..
ياسر: بعد صلاة الظهر اذا مناسب ..
سلطان: نستناك أجل .. وخل سامي يجي وياك ..
ياسر: ان شاء الحين اكلمه ..


سامي كالعاده جالس مع شلته .. لما كلمه ياسر

سامي: اوص ولاكلمه .. سمعتوا ؟ هذا ياسر أخوي ..
عادل: وش فيك إنت تخاف منه ..
سامي: اسكت بس ..
عادل: الله اكبر مادري من ياسر عاد ..
سامي عصب: إحترم نفسك ولا تفكر تجيب سيرته على لسانك ..
ورد سامي على تلفونه


ياسر: وينك ؟ توك ترد ..
سامي: ما انتبهت ..
ياسر: اي طيب .. سلطان عازمنا عالغدا بكره ..
سامي: يوه بكره عاد معزوم .. ماراح اقدر ..
ياسر: تكفى عاد ملزم هو لاتفشلني معه ..
سامي: خلاص مثل ماتحب .. عشانك بعتذر من خويي ..
ياسر: خلاص اجل اخليك .. إسمع سامي ليه ماتجي وياي ..؟
سامي: وين ؟؟
ياسر: هنا انا جالس مع ربعي .. تعال معنا ..
سامي: امممم بس مادري ياياسر انا مو داخل وياهم ..
ياسر: معليه عاد انا ودي هالمره تجي بعرفك على واحد ..
سامي: طيب قل لي وينك ونص ساعه وأجيك ..


...............................................


ساره: نوره سامي يقول انك بتجيبين له .. لمى من جدك إنتي ؟؟
نوره: اي .. فيها شي ؟
ساره: انتي كم مره قلت لك .. خلي سامي لي ..
نوره: انتي صاحيه ؟؟ الولد مايبيك بصريح العباره .. افهميها عاد وضفي عمرك ..
وبعدين لمى صيده سهله وحلوه .. ومعانا بفصل واحد ..
ساره: وش معنى هي يعني ؟
نوره: لآني اعرف وش يعجب سامي ..
ساره: وانا ماني صديقتك ..
نوره: صديقتي بس بالمصلحه مالي صاحب غير نفسي ..
ساره: طيب يانوره يصير خير ..
نوره: ساره اسمعي مني وخلك من سامي .. سامي مايبيك لاترمين نفسك عليه ..
وإذا أنا إستفدت صدقيني حتى إنتي بتستفيدين ..
ساره: بس انا أحبه ..
نوره: فاهمه .. حنا خلينا نستفيد من لمى .. قبل ماتخلص هالسنه .. وبعدها إشبعي بسامي ..
ساره: طيب لكن والله .. لو يتركني عشانها ياويلك ..
نوره تقول بداخلها : الله اكبر اللي يسمعك ميت عليك !!


.............................................

نص ساعه وسامي واصل عند ياسر سلم عالشباب وجلس وياهم

ياسر: شف ياسامي هذا سلمان خويي طبيب ..
سامي: ماشاء الله .. تشرفنا ..
سلمان: الشرف لي يالغالي ..
ياسر: وهذا عبدالكريم أخو سلمان ..
سامي: حياهم الله .. طبيب بعد ؟
عبدالكريم : الله يحيك .. لاوالله انا محامي ..
سامي: اها ماشاء الله ..
سلمان : هذا سامي أجل .. نسمع فيك ولانشوفك ..
سامي: عسى بالخير بس ..؟
عبدالكريم: والله ياسر ماجاب طاريك الا بكل خير ..
سلمان: اي والله ياهو يحبك .. ربي يخليكم لبعض
سامي يطالع بياسر: وانا من عندي أغلى من أخوي ..
عبدالكريم: ماشاء الله .. الله يتمم عليكم ..
ياسر وسامي : آمين


.............................................


هديل: يعني من جد منال وش تحسين فيه وانتي تكلمين ذا ؟
منال: والله ما أحس بشي ..
دلال: شوفي منال ترى لو بقيتي كذا بتجيبين لعمرك المشاكل ..
منال: هديل ودلال إنتوا بالذات لاتكلموني بهالسيره ..
البنات إنصدموا من كلامها
دلال: وش معنى ؟
منال: ولا شي بس خلاص سكروا الموضوع ..

هديل ودلال إستغربوا من منال وشالوا بخاطرهم لمى حست إن فيه شي
بس مابغت تعلق ومنال متوتره ومعصبه

دلال: هديل خلينا نمشي انا تعبانه
هديل: حتى انا تأخرت
لمى: بدري بنات وين ؟
هديل: معليه لمى إنتبهي على نفسك وصحتك أكلمك ان شاء الله
لمى حست فيهم: طيب أجل لاوصلتوا كلموني
منال حست بغلطتها: بدري
دلال: من عمرك

وعلى طول ماخذوا وقت وإلبسوا وراحوا


لمى قعدت 10 دقايق ساكته وبعدها نطقت

لمى: هديتي ؟
منال بتنيهده: هاديه
لمى: وش فيك عالبنات .. ترى ماقصدنا الا مصلحتك حنا خايفين عليك
منال: ادري
لمى: اجل وشفيك .. حرام كسرتي بخاطرهم كذا .. يعني حنا جايين ننبسط ويا بعض مو نتهاوش .. خصوصا دلال طلعتي حرتك فيها تكفيها عيشتها
منال بدت تخنقها العبرة: والله إنتوا منتو حاسين فيني أنا متعذبه أكثر منها

لمى رحمت منال حست فيها شي وقربت منها

لمى: ياقلبي وش معذبك ؟
منال: ولا شي إنسي اللي قلته
لمى: لا ماني ناسيه .. علميني

بهالوقت دق جوال لمى وكان ياسر

لمى: هلا ياسر
ياسر: لمى انا عند الباب
لمى: بس ...

لمى كانت بتقول اني برجع مع هديل وإستوعبت إنها راحت

ياسر: وش فيك ؟
لمى: لا ولاشي بس ماقلت لي أجهز
ياسر: معليه إجهزي الحين انا مستنيك برى

وسكرت منه .. لمى ماكانت تقدر تقوله أبي أجلس لآنه أكيد بيسأل ليش
وسؤال ورى سؤال بيعرف سالفة منال

لمى: منال حبيبتي ياسر برى ما أقدر أقوله يتأخر عشان مايسأل وشفيني
بس برجع أكلمك وأبيك تعلميني وشفيك خلاص ؟
منال: إن شاء الله
لمى إبتسمت وحضنت منال

لمى: مافي شي يستاهل زعلك .. اوكي ؟
منال دمعت عيونها: ان شاء الله .. الله لايحرمني منك
لمى: ولا منك ياقلبي
منال: يلا اطلعي لاتتأخرين
لمى: اوكي


طلعت لمى وركبت السياره
لمى: السلام عليكم
ياسر: عليكم السلام والرحمه
لمى: معليه تأخرت
ياسر: لا حبيبي ماتأخرتي .. بس خذي

وعطى لمى الكوفي والدونات

لمى إستغربت

لمى: ليش ؟
ياسر: كنت مار وشفته .. قلت دامك تحبينه أجيبه
لمى: ياسر وش السالفه لك يومين مو طبيعي
يعني غريبه انت اللي بترجعني وجايب لي دونات وكوفي.. لايكون تحسبني باقي زعلانه ؟
ياسر: أول شي انا اتفق معك انا مو طبيعي .. انا احبك .. ثاني شي لاتكبرين الأمور
انتي على طريقي ومو حاب ترجعين مع السواق ويا صاحباتك
لمى : طيب بحاول اقتنع


ياسر إكتفى يبتسم لها

بعدها بشوي دق جوال لمى

لمى: هلا دانه
دانه: هلا يالقاطعه .. وش اخبارك وش دنياك فيه؟
لمى: الله يسامحك والله مو قطاعه بس مشغوله بالدراسه
دانه: الله يوفقك .. وش أخبارك ؟
لمى: بخير الحمدلله إنتي كيفك ؟
دانه: والله تمام .. بس بغيت منك شي
لمى: آمري
دانه: قولي تم عاد
لمى: إن شاء الله
دانه: غداك عندنا بكره
لمى: مدري والله ..
دانه: اقول خلاص خذيت الوعد مافي أعذار
لمى: خليني اشوف أهلي قبل
دانه: أمك كلمتها وتمت الموافقه ماعندك عذر ثاني
لمى: خلاص على خير إن شاء الله
دانه: المؤذن يقول الله اكبر اشوفك عند الباب
لمى: هههههههه على خير
دانه: يلا ياحلوه وسلمي لنا على عموو يامرات عموو
لمى ولع وجهها: الله يسلمك
دانه حست فيها: ههههههه يلا حبيبتي مع السلامه
لمى : الله وياك


ياسر البريئ ما سأل لمى عن شي

لمى: دانه عازمتني بكره عالغدا
ياسر: لا ؟
لمى: اي ومكلمه امي ومخلصه كل شي
ياسر: زين حلو .. بس بكره ما اظن اقدر اوديك
لمى: مو مشكله مهند يوديني
ياسر: اوكي

.................................................. .



وجات ظهرية اليوم الثاني قامت لمى من النوم ولبست وعدلت عمرها
شوي إلا مكلمتها دانه
لمى: هلا دانه
دانه: المؤذن قال الله اكبر وأقام وسلم وخلص وإنتي ماجيتي
لمى: ههههه طالعه الحين
دانه: عجلي يلا
لمى: اوكي


.................................................. .


ببيت سلطان جالسين ياسر وسامي وسلطان وولده أحمد يتقهون

سلطان: يالله حيهم .. تو مانور البيت
ياسر وسامي: الله يحيك
أحمد: مابغيتوا تجونا عاد ؟
ياسر: وهذانا جينا
سلطان: انت خلك مو مقصر سامي اللي ماينشاف
سامي: والله اشغال ياخوي
سلطان: لا انت قطوع .. لكن ماعليه
سامي: السموحه منك
سلطان: مسموح


شوي ويدق الباب


سلطان ينادي: مين ياعيال ؟
دانه: هذي لمى يبا
سلطان: افتحو لها عجلوا
دانه: ان شاء الله


سامي: لمى جايه ؟!
ياسر: ايه .. وشفيك ؟
سامي: مدري .. ليش ماجبتها وحنا جايين ؟
ياسر: ماقلت لها اني معزوم عند سلطان
سامي: اهاا
سلطان: قم سلم على مرتك
سامي: ايه صح قم قم ههههه
ياسر بصوت واطي وهويضحك: حسابك بعدين
سلطان: يلا قم .. احمد قم سوا طريق لعمك
احمد: ان شاء الله .. حياك
وقام ياسر


.............................................

لمى كانت توها فاصخه عبايتها والتفت ولقت ياسر بوجهها

لمى: وش جابك؟!
ياسر: يعني بس انتي اللي تنعزمين ؟
لمى: ياسلام ولا قلت لي ؟
دانه: ههههه انا وابوي اتفقنا
لمى: لا والله قصدك انتي وابوك وعمك ثلاثتكم
ياسر يجلس : وشرايك مو اتفاق حلو ؟
لمى: لا مو حلو
دانه: عمي لقط وجهك ههههههه
ياسر: زين اوريكم
دانه ولمى بقوا يضحكون

............................................

مر اليوم الثاني بسرعه ع الكل الا ياسر ويمكن سامي بعد
بهاليوم بيعرف وش نتيجة الفحوصات اللي سوتها لمى
وعقله يروح ويجي بالتفكير


بالمستشفى جالسين بغرفة الدكتور يستنونه يجي

سامي يحط يدها على يد ياسر ويهديه

سامي: ان شاء الله خير
ياسر: الله يسمع منك



............................................

بالمدرسه هديل ودلال مالهم حس غير العاده ومنال بعد مو قادره حتى تعتذر لهم

لمى بتلطف الجو: اقول البريك بيخلص وانتوا ساكتين وش فيكم ؟
دلال: مافي شي نقوله ولا نسويه
هديل: ليت اليوم كله يخلص بسرعه

شوي وجايتهم نوره

نوره: هاي بنات
منال: هلا !
نوره تقعد جنب لمى: كيفكم ؟
منال: الحمدلله
نوره: اخبارك يالمى ؟
لمى: الحمدلله
نوره: يقولون تعبتي الاربعاء ؟
لمى: اي شوية دوخه
نوره: اها سلامات
لمى: الله يسلمك
نوره: عاد انا مسويه دي جي الشهر الجاي وبتجين اكيد
لمى: ما اتوقع
نوره: لا وش هالكلام ؟ بتجين ان شاء الله لازم
لمى: يصير خير
نوره: وانتوا بعد بتجون وياها
منال: اذا الشهر الجاي يحلها الف حلال
نوره: اوكي ياحلوات سي يو اجل
وراحت نوره
منال: دفعة مردي والهوى شرقي


.................................................. .

ياسر وسامي انصدموا من كلام الدكتور لهم

ياسر خانقته العبره: شلون كذا ؟؟ وش هاللي تقوله انت متأكد ان هذي فحوصات لمى؟؟
الدكتور: هالأشياء مافيها خربطه ولعب .. عالعموم اذا حاب نعيد التحاليل من أولها
سامي عصب: وش تعيدونها من أولها معناته انكم مو واثقين من شغلكم
الدكتور: حنا واثقين ومتأكدين بس عشان انتوا توثقون

ياسر بعالم ثاني ومو حاس بأحد .. شلون كذا .. متى .. لمى لمى .. لا ما اتخيل



إنتهى الجــــــــــــــــــــــزء


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 02-04-2009, 01:38 PM
صورة عنفوآن مخيله الرمزية
عنفوآن مخيله عنفوآن مخيله غير متصل
©؛°¨غرامي مشارك¨°؛©
 
الافتراضي رد: الوداع أول أيام الرحيل ( روايه سعوديه )


،



بإنتظــاركم



،

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-04-2009, 02:38 PM
صورة ~ راما ~ الرمزية
~ راما ~ ~ راما ~ غير متصل
©؛°¨غرامي مشارك¨°؛©
 
الافتراضي رد: الوداع أول أيام الرحيل ( روايه سعوديه )


واااااااااااااااااااااااااااي

تجنن فديتك والله

ننتظرك ياليت ماتطولين

تحمست اعرف وش فيها لمى

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-04-2009, 06:33 PM
صورة عنفوآن مخيله الرمزية
عنفوآن مخيله عنفوآن مخيله غير متصل
©؛°¨غرامي مشارك¨°؛©
 
الافتراضي رد: الوداع أول أيام الرحيل ( روايه سعوديه )


راما

،


هلا ياقلبي

تفداك العافيه يالغاليه

إن شاء الله .. ابشري ماني مطوله


،

حياك ربي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 03-04-2009, 07:47 AM
صورة عنفوآن مخيله الرمزية
عنفوآن مخيله عنفوآن مخيله غير متصل
©؛°¨غرامي مشارك¨°؛©
 
الافتراضي رد: الوداع أول أيام الرحيل ( روايه سعوديه )


ماعجبتكم الروايه ؟!

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 03-04-2009, 08:59 AM
صورة ~ راما ~ الرمزية
~ راما ~ ~ راما ~ غير متصل
©؛°¨غرامي مشارك¨°؛©
 
الافتراضي رد: الوداع أول أيام الرحيل ( روايه سعوديه )


الا تجنن

بلييييييييييييز كمليها

متحمسه مع الأحداث

انتظرك

الوداع أول أيام الرحيل / بقلمي

الوسوم
أيام , الرحيل , الوداع , روايه , سعوديه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
وقفة أقتران الإيمان بالعمل الصالح في كتاب الله قلب حنان مواضيع إسلامية - فقه - عقيدة 15 17-11-2010 03:40 PM
ثلاث انواع من الوداع ملامح هدوء مواضيع عامة - غرام 24 12-02-2010 11:18 PM
الوداع *§ ظبيآنيـــة §* ارشيف غرام 15 13-10-2009 03:21 AM
قلت الوداع وقال لا لا تروحين اميرة احلامي شعر - قصائد - قصايد - همس القوافي 11 11-08-2009 07:48 AM
ليلة الوداع...بقلمي |سحر الغرام| خواطر - نثر - عذب الكلام 13 19-06-2009 01:02 AM

الساعة الآن +3: 07:57 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1