غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 09-04-2009, 03:04 AM
صورة الـ ج ـوري الرمزية
الـ ج ـوري الـ ج ـوري غير متصل
©؛°¨غرامي مبدع¨°؛©
 
Post رواية ذنبي إني لقيط / كاملة


حينمآ تقسو آلقلوب.. وتمتلئ آلصدور بنآر آلآنتقآم..




وآلضحية طفولة بريئة.. وضيآع هوية..




في زمن قآسي.. وآنآس لآ ترحم..



أهلآ وسهلآ بكم في آولى روآيآتي



~ " ذنبي إني لقيط " ~



ـ : ألف مبرووك يا ناصر تستاهل والله
ناصر: الله يبارك فيك
الكل يبارك له الترقية، صارت له من بين 4 موظفين.... صار له 3 سنوات يشغل هنا والحين صار رئيس قسم.... المنافسين اللي معه باركوا له.... بس واحد منهم كان يناظره بحقد....
طلع من الغرفه اللي هم فيها وراح لمكتب المدير.... دخله السكرتير ع المدير....
سعيد: السلام عليكم
أبو فايز: وعليكم السلام... خير يا سعيد
سعيد: أنت ظلمتني يا أبو فايز
أبو فايز: ليش
سعيد: ساويتني بناصر... كل الموظفين قالوا إني أنا اللي أستحق أكون رئيس قسم... لأني أشتغل هنا من 3 سنوات
أبو فايز بطولة بال: حتى ناصر من 3 سنوات وهو هنا
سعيد: أنا قبله بكم شهر و...
أبو فايز: أسمع ناصر يستاهل ذا المنصب لأنه أحسن منك... وأنا حطيتكم في أكثر من أختبار بس أنت للاسف مو قد ذا الحمل
سعيد يحاول يضبط أعصابه: ليش الظلم... عشان ناصر يقرب لك
أبو فايز: حتى لو ناصر أخوي ما أظلم الناس عشانه بـ...
قاطعه سعيد: خلاص يبو فايز... أنا من اليوم بقدم استقالتي
أبو فايز: سعيد... لا تخلي شي مثل هذا يدمر مستقبلك
سعيد: أصلا أنا من زمان ناوي أترك العمل... مع السلامة
طلع سعيد وهو مقهور.... شاف ناصر يسولف مع الموظفين وهو مبسوط.... ناظره بحقد" هين يا ناصر.. أنا اللي بحرق قلبك ".... قدم استقالته وطلع وبراسه ألف فكرة....
انتهى الدوام وطلع ناصر.... راح لبيته ودخل وشاف عياله محمد وأحمد لحالهم.... شالهم وحطهم ع الأرض وجلس قبالهم.... مو قادر يفرق بينهم إلا بالوان ملابسهم....
باسهم وقال: هلا بحبايب بابا... حمودي حمتوو شلونكم
جات الجازي: كويسين... شلون أبوهم
ناصر: ههههههه أنا مبسوووط... بطير من الفرحة
جلست الجازي جنبه: إن شاء الله دوم... بس فرحني معك
ناصر والفرحة مو ساعيته: باركي لي صرت رئيس قسم
فرحت الجازي: جد؟؟... مبرووك ألف ألف مبروك
ناصر: الله يبارك فيك
الجازي: وش تطلعاتك
ناصر: أفكار كثيره في راسي... ما بعد أرتبها
وقفت الجازي: على ما ترتبها... قم بدل ملابسك وأنزل تغدا
ناصر: افااا بس
غمزة له الجازي وقالت: العزومة في الليل
ناصر: أنتي تختارين المطعم وأنا أدفع الحساب... أي عزومة هذي
الجازي: هههههههه وش أسوي منيب موظفة
ناصر: ما عندي مانع... تدرين دق علي ريان وقالي أقولك أنه يبي يطلع مع العروسة قبل يوم العرس
الجازي: على ايش مستجعل أخوك... بكرة لولو عنده
وقف ناصر: طيب والكتاكيت وين بيروحون اليوم... لا تقولين معنا للمطعم
الجازي وهي تروح للمطبخ: لا بخليهم عند العروس... تفكر فيهم بدل ما تفكر في بكرة
ابتسم ناصر وهو يناظر الجازي.... راح فوق وهو يحس براحه أنا أخوه أختار ليلى أخت الجازي.... أكيد ريان بيرتاح مع ليلى مثل ما هو مرتاح مع الجازي....

بعد يومين....
رجعوا من القاعة اللي كانت فيها الصباحية.... سوو الصباحية عشاء عشان العروسين....
دخل ناصر وزوجته مع الخدامة والعيال.... الجازي خذت عيالها من الخدامة ونومتهم.... دقايق إلا الكل نايم من التعب....
ناظرت الخدامة الساعة 2 ونص.... قامت وراحت لعند باب غرفة ناصر والجازي.... مثل ما فهمهما سعيد اللي شافها تطلع زبالة البيت.... وقالها الخطة وأغراها بملبغ ما تحلم فيه....
فتحت الباب، كان الهدوء سيد المكان خصوصا أنه وقت شتاء.... مشت بخفة لعند أسرة التوام اللي عمرهم 7 أشهر.... شالت الطفل محمد بحذر رفعت راسها للأوظة.... وشافت أسوارة ذهب، فكرة أنها تسرقها.... عشان يصير عندها فلوس أكثر مع فلوس سعيد....
راحت لها وخذتها حطتها على بطن محمد.... ولفته وطلعت لأنها خافت إنا حد يصحى ويشوفها.... نزلت تحت وخذت عباية الجازي ولبستها وغطت وجهها بالحجاب أنها سعودية.... دخلت محمد تحت العباة ومن خوفها نست تاخذ الأسوارة....
طلعت من البيت وركبت السيارة اللي تنتظرها.... ووصلتها للمكان المطلوب نزلت وراحت للرجال اللي واقف عند سيارته....
ناظر عيسى بالحرمة اللي جايه له.... استغرب قالوا له خدامة مو سعودية.... وقفت الخدامة قباله وكشفت وجهها وقالت: جيب فلوس مال أنا
ابتسم عيسى بخبث: وين الولد
طلعت محمد من تحت العباية وقالت: وين فلوس
مد لها الفلوس وخذ محمد وركب سيارته ومشى.... بغى يغمى ع الخدامة لما شافت الفلوس 10 الاف ريال في يدها.... التفتت تمشي بس تذكرت الأسوارة.... والتفتت لعيسى وشافته مشى.... أنقهرت راحت عليها فلوس الأسوارة....
مشى عيسى وهو منزعج من صوت صياح محمد.... " يا الله ايش ذا البلوى.. كيف أسافر للرياض بالطيارة وهذا معي.. ما لي إلا القطار ما يدققون كثير.. وأختي أنا أعرف أتفاهم معها "....
دخل عيسى الشقه وقال: السلام عليكم
أخته خولة: وعليكم السلام... وينك من 2 طالع وايش هذا اللي معك
عيسى: اللي معي قطوو... بعد ايش شايفه ولد صغير
خولة: من ولده
جلس عيسى وحط محمد جنبه: هذا الله يسلمك ولد صديقي... هو جاي هنا مع زوجته وصار لهم حادث... سبحان الله ربي سلم الولد... ودق علي صديقي عشان أخذ الصغير لأهلهم في الرياض لأنهم ممكن يطولون هنا عشان العلاج
شالته خولة بحنان: يا حياتي... ايش أسمه
عيسى بدون تفكير: إبراهيم
خولة: الحين مو صديقك أسمه إبراهيم
ارتبك عيسى: هااه لا هذا واحد ثاني... - وقف: عموما بنمشي بعد ساعة للرياض و...
قاطعته خولة: عيسى ناظر أسوارة
استغرب عيسى بس قال بسرعة: يمكن حقت أمه... أسمعي لا تغيري له ملابسه... خليه يروح لأهله بها الملابس
خولة: اوكيه
ناظر عيسى أخته وهي تسكت الصغير.... تذكر بنتها اللي ماتت من كم أسبوع وهي بعمر ها الولد.... وهو جاب أخته هنا عشان ترفه شوي عن الحزن.... دخل غرفة وهو يسب نفسه لأنه سوي جريمة بشعة.... بس عشان كم ريال....

صحت الجازي من صوت صياح ولدها.... ناظرت الساعه 3 الفجر.... وش عنده ولدها يصيح ذا الوقت.... وبعد دقايق يصيح أخوه معه....
قامت وهي تغالب النوم وشالت أحمد من السرير: حمتوو حبيبي ليش تصيح... -هزته وهي تقرب الرضعة من فمه: بس حبيبي الحين يصحى حمودي
التفتت لسرير محمد وما شافته ظنت أنا النوم لاعب فيها.... شغلت نور بسيط وما شافت محمد.... انقبض قلبها محمد مو موجود.... طلعت من الغرفة وبيدها أحمد.... راحت لغرفة الخدامة ومن غيرها بيشيله....
بس طاح قلبها لما اختفت الخدامة .... دارت في البيت وقلبها مقبوض.... المطبخ، الحمام، الغرف ما فيها احد.... رجعت لغرفتها ووجها غرقان دموع....
وقفت عند جهة ناصر وقالت: ناصر... ناصر أصحى يللا قم
ناصر مقهور وين تجيه الراحة مع توأم.... واحد يصيح ويصيح الثاني معه.... قال وهو مغمض عيونه: خييير
الجازي بصياح: الخدامة
عطاها ظهره وقال: ايش فيها
الجازي وهي تصرخ: الخدامة خذت محمد... خذت محمد... - كررت الجملة عشان يستوعب....
لف عليها وقال: ايش تخربطين
الجازي بقهر: يا ربي منك... قم الخدامة خذت ولدك وهربت
جلس ناصر: دوريها عدل
الجازي صياح أحمد واختفاء محمد وترها.... سحبت الغطا عنه لأنه مدفي نفسه فيها.... قالت بعصبية غريبة عليها: تحرك دق ع الشرطة... أنا دورتها وما لقيتها... قم لا تسوي فيه شي
أخيرا قام ناصر وقال: أنتي متأكدة
جلست الجازي ع السرير وهي تصيح: إيه
لبس ناصر البيجامة وطلع بنفسه يدورها.... ما شافها حتى بالتهوية والشارع ما لها أثر.... لأنها هربت من بدري.... دخل البيت ودق ع الشرطة....
الإزعاج في كل مكان وتجمهورا الجيران.... والكل يطلع سالفة على كيفه.... خذت الشرطة جواز الخدامة عشان الصورة.... وطلبوا أحدث صورة لمحمد.... وأحدث صورة له وجه اخوه أحمد....
الشهود شافوا حرمة طلعت من البيت الساعة 2 ونص.... بس ما كان معها ولد.... ناصر خمن أنها الخدامة وأكيد أنها مخبية الولد تحت العباية....

وصل عيسى مع أخته ومحمد لبيتهم....
عيسى وهو يفصخ البالطوا: أسمعي أنا بطلع أنام... ما أبغى أي إزعاج
خولة: ومتى تاخذ الولد لأهله
عيسى وهو رايح فوق: لا صحيت أخذته لأهله
خذت خولة محمد معها للغرفة ونومته.... ناظرت السرير الفاضي وعرفت إنا زوجها في العمل.... حطت راسها ونامت لأنها تعبانة....
.
.
.
يتبع


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 09-04-2009, 03:53 AM
صورة غرامي الدلوعه الرمزية
غرامي الدلوعه غرامي الدلوعه غير متصل
©؛°¨غرامي مجتهد¨°؛©
 
الافتراضي رد: روايتي من نوع آخر / ذنبي إني لقيط


من البدايه باين انها حللووووه

واسمها شدني

ننتظرك يالغلا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 09-04-2009, 04:43 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: روايتي من نوع آخر / ذنبي إني لقيط


,’



بسم الله



بدآيتهآ حلــوة
حسبي الله عليهـــم :(
القهـــر يتسبب بـ مصآيب


يعطيك العــآفية
موفقه إن شــــآء الله



,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 09-04-2009, 05:35 AM
صورة أغلى أحساس الرمزية
أغلى أحساس أغلى أحساس غير متصل
©؛°¨غرامي مشارك¨°؛©
 
الافتراضي رد: روايتي من نوع آخر / ذنبي إني لقيط


بدايه موفقه انشاءالله
اتوقع إن محمد اهوه اللقيط

مشكوووره

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 09-04-2009, 08:31 AM
صورة التركوآز الرمزية
التركوآز التركوآز غير متصل
кάωάii..♠«
 
الافتراضي رد: روايتي من نوع آخر / ذنبي إني لقيط


بدايه حلوه <~تحب الروايات إلي هيك

يسلمو..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 09-04-2009, 11:00 AM
صورة عيون المها.. الرمزية
عيون المها.. عيون المها.. غير متصل
©؛°¨غرامي جديد¨°؛©
 
الافتراضي مرآآ حمآآس كملي ..


كملي قلبــوو ..
شكله بيكوون فيـها كثيــر اكشـن ..
متحمسـه اعرف شنــو راح يصير لمحمد ..
ننتظــرج خيتـوو =)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 09-04-2009, 11:31 AM
مدمنة قصص* مدمنة قصص* غير متصل
©؛°¨غرامي مشارك¨°؛©
 
الافتراضي رد: روايتي من نوع آخر / ذنبي إني لقيط


الجوري بداية رووعه الله يعين الناس قلبهم مليانه حقد

نحن في انتظار البارتي الثاني

موافقه ان شاء الله

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 09-04-2009, 11:55 PM
صورة النمله المتمرده الرمزية
النمله المتمرده النمله المتمرده غير متصل
©؛°¨غرامي مجتهد¨°؛©
 
الافتراضي رد: روايتي من نوع آخر / ذنبي إني لقيط


روايتج روعه بس احس ان الاحداث تمشي بسرعه
ننتظرج خيتو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 10-04-2009, 04:32 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: روايتي من نوع آخر / ذنبي إني لقيط


,’



هلآ وغلآ نورتي :)
موفقه آن شاء الله


’,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 10-04-2009, 12:52 PM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد: روايتي من نوع آخر / ذنبي إني لقيط


,.


آعجبنـي العنوآن
واعجبتني البدايه


بالتووفيق


.,

الرد باقتباس
إضافة رد

رواية ذنبي إني لقيط / كاملة

الوسوم
آخر , لقيط , ذنبي , روايتي , نوع آخر
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2004 09-10-2011 04:55 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ ضمني بين الاهداب روايات - طويلة 2005 23-06-2011 08:16 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 07:47 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1