اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 16-04-2009, 01:41 AM
صورة أسـيـر النـايـف الرمزية
أسـيـر النـايـف أسـيـر النـايـف غير متصل
¨°• عيــــــ الذيب ــــــون •°¨
 
B10 بين أيديا واحس انك بعيد


السلام عليكم ورحمة الله وبركاته
ّمــقدمــهـ ّ

كم هي جميله تلك اللحظات اللتي تجمعك بمن تحب
وكم هي قاسيه عندما تخطفه منك كالبرق
وكم هي اقسى عندما يكون حبيبك بين يديك
ولاتشعر الا ببعده يزداد ويزيدك حزنا" على حزن
روايتي جمعت لحظاتها بالسعاده والدموع والحزن والفرح
وبين معاناة الحب ومعاناة الوداع
.................................................. ..........................................
البارت الاول
.
ريناد وهي تحب راس امها:أحلى صباح على أحلى ماما بالدنيا
حنان:صباح النور على احلى بنوته تعالي حبيبتي أفطري
ريناد:لا ماما مستعجله تأخرت عالجامعه ريلان وينها؟
حنان:ريلان عندها محاظره بدري وطلعت من ساعه . طيب خذي لك شي على الاقل
ريناد:لا انا قلت للخدامه قبل اللبس تجهزلي هوت شوكلت بأشربه بالطريق ولا رحت هناك اكلت شي من الكافيتيريا
حنان:براحتك حبيبتي وانتبهي لنفسك
ريناد وهي طالعه :ان شالله مع السلامه
خلوني أقولكم شوي عن هالعائله
:
ناصر الاب مرره طيب وحنون صاحب مستشفى كبير وهو أستشاري فيه
حنان الام بالضبط زي زوجها فالطيبه والحنيه عندها دكتوراه بطب الاسنان كانت تشتغل مع زوجها بالمستشفى اول ماتزوجت ويوم جابت العيال قررت تتفرغ لهم تماما" وتترك شغلها وهذي كانت رغبه منها بدون أي ضغوطات من زوجها
فيصل الولد الكبير أستشاري اطفال عمره 28 سنه متزوج من بنت عمه غزل ثقيل وماعنده خرابيط بس طيب وحنون ويحب زوجته كثير
نواف أصغر من فيصل وعمره 26 سنه جراح في نفس المستشفى شخصيه حلوه ومرحه بتتعرفون عليه من الروايه وبتحبونه
عزام وهو أصغر الاولاد عمره 24 سنه ويدرس طب بس هو غير اخوانه راعي بنات وخرابيط هو وولد عمه طلال وبدر ولد خالتهم داهيه لا أجتمعواعنده توأم اللي هي ريلان شخصيه حلوه وتحب اللي حولها كثير ودايم مبديتهم على نفسها هي مخطوبه لولد عمها فارس بس لسه ماتزوجوا لأنها شارطه عليه ماتتزوج الا لما تخلص دراستها وهي اخر سنه طب الحين
وأخر العنقود والدلوعه عند كل العايله ريناد وعمرها21 وتدرس طب زي باقي العايله وبخليكم تتعرفوا على شخصيتها مع الاحداث
:
نرجع للأحداث
في الجامعه
ريناد:صباااحووو سكر على أحلى بنات
جود:صباااحووو عسل على الرايق
ريناد:ههههه انا دوووم رايقه
جود:انا اشهد بنت خالتي مافي زيها
ريناد:باقي 10 دقايق على المحاضره وانا مافطرت
ليان :افاا بنت عمي مافطرت الحين اطلبلك أحلى فطور
ريناد:تسلميلي يالغاليه
.................................................. .....................................
مها:طلال
طلال:.........
مها:طلااااال
طلال:.................
مها وتطق طلال على راسه بالمخده الصغيره:طلييييل ووجع عمري ماشفت اثقل من نومك
طلال:همممم يمه شفيك من صباح الله مقومتني
مها:قوم لاتتأخر على جامعتك
طلال:يمه ماعندي محاظرات
مها:بلا كذب وقوم عزام تحت وقالي ان باقي ساعه على محاظرتكم تحمل شوي هذي أخر سنه وبترتاح
طلال:يمه عزام مخرف وبعدين من قالك بنرتاح واحنا بنصير دكاتره انا من اول ماكنت ابي طب بس انتوا اللي اصريتوا ندخله انا وعزام
مها:والله محد مخرف غيرك هنا قوووم يلا بلا هذرا زايده يعني وش فرقك عن اخوانك
طلال:لاااحووول خلاص هذاني قمت وبعدين فرقي انهم شاطرين وداخلينه عن قناعه وانا مااحبه
مها :يلا خذلك دوش وصل وانزل والله يعين المرضى اللي تحت يدكم انت وعزام
طلال وهو قايم ويتحلطم:حاااضر قمت ولا شفيها التجاره هذا بدر مرتاح 4 سنوات وخلص مو احنا 7 سنوات نفحط بالطب ولا يبون نسافر ونرجع استشاريين ابببببدا" انتم تحلمووون ماراح اسافر
مها:ومن جاب طاري السفر الحين؟
طلال وهو داخل الحمام ويسكر الباب و يتكلم من وراه:انتم اللي جبتوه سفر مني بمسافر
مها وهي طالعه من الغرفه:لا حول ولا قوة الا بالله مشكلة ذا الولد لا عصب يجيب كل السوالف ويخلطها ببعض الله يعين مرة بتاخذه
امممم خلونا شوي نوقف عند هذي العائله
منصور الاب يصير اخو ناصر وهو نفس صفات اخوه بالضبط واستشاري زيه بعد بنفس المستشفى لانه ملكهم اثنينهم
الام مها تصير أخت حنان وبعد نفس اختها بكل شي ماتفرق عنها ابد
فارس الكبير عمره 28 كبر فيصل وصديقه بعد
هشام كبر نواف عمره 26 وتخصصه نفس تخصص نواف بعد صديقه ومايفترقون ابد وكانهم توأم ونفس شخصيته بالضبط
طلال طبعا"صديق عزام وكبره عمره 24 وهو وغزل توأم
ليان وكبر ريناد عمرها 21 يدرسون مع بعض نفس التخصص
رهف أخر العنقود عمرها 17 وتدرس اخر سنه ثانوي علمي وناويه عالطب
ماشالله هالعايله فيها وسامه وجمال بناتهم وعيالهم وأحلى اثنين فيهم هم طلال وعزام وهذا الشي مساعدهم على خرابيطهم
صح نسيت اقولكم عن غزل هي الوحيده اللي من العايله مادرست طب بس ماراحت بعيد هي تدرس صيدله ومره شاطره وقادره توفق بين زوجها ودراستها
حنان ومها عندهم اخت بس متزوجه واحد من برا العايله أسمها مهره عندها صالون تجميل واتيلي زوجها تاجر وعنده شركه يشتغل فيها هو واولاده
وعندها
متعب عمره 27
بدر عمره 24
جود عمرها 21 ونفس تخصص البنات
راح تتعرفون عليهم من الاحداث
أعرف طولت عليكم بالشخصيات بس مع الاحداث بتحفظونهم وبتحبونهم
:
طلال:اوووه ماودي احضر المحاظره
عزام:ولا انا
طلال:أحلف ياشيخ اجل وش له مقعدني من صباح الله وماخليتني اعرف انام
عزام:عشان نروح نفطر
طلال:لا ياخطير وليه اجل قايل لامي عندنا محاظره
عزام:تراك زهقتني بكثر اسألتك كنك بزر انطم شوي بعدين ياخي انت عارف خالتي اكثر مني لو قلت لها بنفطر بتعطيني محاظره والجامعه ودروسكم واخوانكم احسن منكم وحتى البنات وانت عارف مايحتاج اقول
طلال:في هذي انت صادق اجل روح على اقرب مول نفطر فيه
عزام:وهو كذلك
.................................................. .......................
فالجامعه
ريناد:يوووه هالدكتوره اكره محاظرتها يااختي احسها يطول الوقت معها
جود:ايييه صادقه بس بالله مو تفهم
ريناد:والله بصراحه من هالناحيه ماراح اظلمها
ليان :خلاص عاد طلعنا من المحاظره مافي داعي تتكلمون عنها
جود:طيب عمتي
ريناد:بما انو اليوم الاربعاء وش رايكم تجون تنامون عندي بالويك اند
ليان:امممم مااعرف خليني اقول لماما وبابا وارد لك خبر
ريناد:طيب بس جيبي رهف معك وانتي جود؟
جود:حتى انا اشاورهم وارد لك خبر
ريناد:خلاص انتظر اتصالكم اليوم
الهنوف:هاااي بنوتات كيفكم؟
البنات بأصوات متفرقه:تمام الحمد لله وانتي؟
الهنوف:عال العال نشكر الله
ريناد:كيفك مع الصيدله؟
الهنوف:ااااه هم صعب وربي يابنات صعب
ليان:الله يكون بعونك وعون اختي
الهنوف:اميييين
جود:الا وين غزل مااشوفها معك؟
الهنوف:جا روميو ياخذها
ريناد:غريبه والمستشفى؟
العنود:ماخذ استأذان وجاي
ريناد:ههههه وربي هالاخو هذا اللي مايقدر يصبر عن زوجته خطير
ليان:الله يرزقني واحد زيه مايصبر عني دقيقه
جود:امييييين وانا معها
.................................................. ..........
عزام:قووم ياخي ماشبعت
طلال:يعني انت شايف قدامي اكل وشايفني اكل
عزام:لا بس اقول يمكن ماشبعت وتبي تفطر مره ثانيه
طلال:وش قالوا لك عني
عزام:ياخي مافي احد وين الناس
طلال:تعال بالليل وتعرف يالذيب
عزام:وهو كذلك
طلال:ياخي وش جايك على هالكلمه أحس اني ببرنامج عالم البحار لما تقولها
عزام:ابد امس سمعت ابوي يكلم واحد من اخوياه الدكاتره وقاله وهو كذلك عاد خويك حفظها
طلال:هههههه وربي مانت بصاحي
عزام:طالع عليك يابن العم
طلال:اقول قوم بس زهقت
.................................................. .............
فيصل:هاحبيبتي وين تبين تتغدين؟
غزل:عادي حبيبي على ذوقك
فيصل:تثقين بذوقي؟
غزل: اكيد اثق بذوقك لو ذوقك مو حلوا مااخترتني زوجه من بين كل البنات
فيصل:اخخخخ مقدر ارد لانك صادقه
.................................................. ...................
فالمستشفى في مكتب ناصر
ناصر:والله ياخوي يامنصور هالولد بيجنني غييير عن اخوانه
منصور:لا تشكيلي ابكيلك والله همك من همي عزام وطلال فوله وانقسمت نصين عله على القلب
ناصر:الله يهديهم ويصلح حالهم
منصور:ان شالله مراهقه وتعدي
شوي الا يطق الباب
ناصر :تفضل
النيرس:دكتور ناصر هذي الملفات اللي طلبتها
ناصر:مشكوره حطيها على المكتب
النيرس:حاضر
منصور:في احد عندي بالعياده
النيرس:لا دكتور
منصور :وين دكتور نواف؟
النيرس: عنده عمليه هو ودكتور هشام
منصور:طيب مشكوره تفضلي
النيرس:عن اذنكم
بعد ساعتين
نواف:اووووف العمليه كانت صعبه اول مره اجرب عمليه من هالنوع
هشام:الحمدلله نجحت
نواف:ايه والله الحمدلله
هشام:متى مناوبتك؟
نواف:بكرا
هشام:زين ياخي ماودي اناوب لحالي
نواف:وانت بعد بكرا؟
هشام: أيه
نواف :اجل من مناوب اليوم؟
هشام:روميوا وفارس
نواف:ههههه الا على طاري روميوا قبل ادخل العمليه دورته مالقيته
هشام:طالع يغدي جولييت قصدي اختي العزيزه غزل لانه ماراح يشوفها عالعشا اليوم
نواف:الله يهنيهم
هشام:انا جوعان قوم ننزل الكافتيريا ناكل لنا شي
نواف:يلا
.................................................. ..................
المغرب
ريناد نايمه ويرن جوالها المتصل ليان
ريناد:هلا ليونه
ليان:هلا بنت عموو باين بعدك نايمه
ريناد:لييه الساعه كم؟
ليان:6 ونص المغرب
ريناد تقوم متخرعه:اوووف شفيهم خلوني لهالوقت
ليان:طيب حبيبتي زين اللي دقيت دامهم مخلينك
ريناد:اي والله
ليان:طيب بس كنت بقولك ان بنجي بعد صلاة العشا انا ورهف
ريناد:جد وناسه حياكم الله حبيبتي
ليان:الله يحييك الا جود بتجي؟
ريناد:لسه مادقت
ليان:اجل بدق عليها اسألها
ريناد:طيب ورديلي خبر
ليان: اوكي يلا اجل بروح اجهز اغراضي وانتي قومي خذيلك دوش وصلي وصحصي لي
ريناد:ههههه حلوا صحصحي لي ابشري
ليان:مع السلامه
ريناد:مع السلامه
.................................................. .........................
مهره:بدر
بدر:سمي يمه
مهره: يمه بدر جود تبي تروح بعد صلاة العشا بيت خالتك حنان وانا باخذ السايق الحين وماني براجعه الا متأخر
بدر:تبيني اوديها يمه؟
مهره:ايه فديتك ودها
بدر:ابشري يالغاليه كم مهره وكم رهف
مهره:تسلم لنا
بدر:الله يسلمك بس خليها تجهز بدري لاني بوصلها وبروح لعزام وطلال
مهره :ان شالله الحين اقولها
.................................................. .............
ريناد وهي نازله من الدرج:واااااو اشم ريحه اعشقها
ناصر:ياحبي لبنتي وياحب بنتي للقهوه
ريناد:ههههه بابا حبيبي تغار من القهوه
ناصر:ايه دامك تشمين ريحتها من فوق وتنزلين عشانها ماتبيني اغار
ريناد وهي تجلس جمب ابوها:يابعدي انت بالقلب
ناصر: اللعبي علي ولا انا صار لي ساعه قاعد ماطرا عليك تنزلين لين جابت امك القهوه
ريناد:ههههه ماما توك جايبتها
حنان:ايه ونزلتي على طول
ريناد:اجل خلوني اروح اجيب لكم من الحلا اللي مسويته
حنان:ياحليلها جد لا قالوا اخر العنقود سكر معقود
ناصر:الله يخليها ويحفظها
ريناد:واحلى حلى من أحلى بنت لأحلى ماما وبابا
ناصر:يلا يارنوده ذوقينا
ريناد:تفضل وبأصب لك معه قهوه
ريناد:تفضلي ماماتي
حنان:تسلم يدك حبيبتي
نواف:الله الله حلى وقهوه وحركات ونواف اخر من يعلم
ناصر:سلم بالاول
نواف:السلاااااام عليكم
الكل :وعليييكم السلام
نواف:يلا الحين عطوني من الحلى والقهوه
ريناد:ابشر كم نواف عندنا
نواف:تسلمي لي يادلوعتي
ريناد:تفضل هذا الحلى وهذي القهوه
نواف: أكلتي؟
ريناد:لسه
نواف:طيب خذي لك وتعالي اجلسي جمبي
ريناد:طيب
حنان:ها نوافي وش رايك بطعمه
نواف:بصراحه خطير من وين جبتوه؟
ناصر:رنوده مصلحته
نواف:اكشخ اختي منتي بسهله والله تعرفين تصلحين حلويات
ريناد:لا وماشفت شي تراي ماني بهينه بالطبخ
نواف:اجل ذوقينا طبخك
ريناد:ابشر بس انت اقعد معنا على وجبه وانا اطبخ لك
نواف:اذا فيها بتطبخين لي ابقعد بس توسطيلي عند الوالد يأذنلي اطلع من الدوام
ريناد:متى مابغيت بس عطني خبر قبلها واذا على الوالد مابيقول لا
نواف:اووووكي وتسلم يدك على هالحلا
ناصر:دام واسطتك عند رنوده ابشر بعزك
ريناد:فديتك وربي
نواف:تسلم اجل السبت انا عندك اتغدا
ريناد:خلاص صار.ماما اليوم البنات بيجون يباتون عندي الى الجمعه
حنان:حياهم الله
نواف:اي بنات؟
ريناد:بنات عمي وجود بنت خالتي
نواف:اهاا
غزل:مساءالخير
الكل:مساءالنور
نواف:غزل تعالي ذوقي حلى ريناد تراه مايتفوت
غزل:جد اجل ذوقيني رنوده
ريناد:ابشري ماطلبتي
ناصر:شخبارك غزل ماشفناك اليوم ابد
غزل:بخير عمي الحمدلله
نواف:يلا ياجمعه انا استأذن
حنان:على وين يمه؟
نواف: بروح أخذ لي دوش و بطلع مع هشام وبعدين عشان غزل تاخذ راحتها وهي تاكل
ناصر:ولا تتاخرون وانا ابوك
نواف وهو يحب راس ابوه ويطلع غرفته:ابشر يالغالي
حنان:الله يحفظهم
الكل:امييين
ريناد:ها غزل وش رايك؟
غزل:بصراحه لذيذ حبيبتي رنوده ارفعي قطعه لفيصل
ريناد:ابشري وبعد باخذ قطعه لريلان مسكينه قاعده تدرس فوق عندها امتحان السبت
حنان:الله يوفقها
ناصر:وانتي رنود ماعندك امتحانات؟
ريناد وهي شايله الحلى لأختها وطالعه فوق:لا بابا لسه انا مابديت
ريناد تطق باب غرفة اختها
ريلان:تفضل
ريناد:ها رورو كيف المذاكره؟
ريلان:والله صعب خايفه
ريناد:الله يوفقك تفضلي ذوقي طبخ اختك اللي مايمديك تسوين زيه
ريلان:واو شكله لذيذ وبعدين مو لازم اسوي زيه اهم شي اكل منه
ريناد:ريلان ترا البنات بيجون يباتون عندنا احسبي حسابك تسهرون معنا انتي وغزل بما ان زوجها مناوب
ريلان:ان شالله
.................................................. ................
بعد ساعه البنات راحوا عند ريناد والعيال طلعوا
بدر:عزامو روح للملكه اليوم مايتفوت
عزام:وهو كذالك
طلال:شوف اخر مره اسمع انك قاعد ويا عمي منصور وهو يكلم ربعه الدكاتره
بدر:الله يعينا عليه بعد اسبوع بيقلب مسلسل مكسيكي
عزام:ماعليكم مني
طلال:ايه صح نسيت اقولكم
بدر:شنو؟
طلال:منتداي افتتحته
عزام:لا حلوا اجل اليوم نحط المنتدى مع الرقم
بدر:عزام بيستغل المنتدى اسواء استغلال
عزام:لاتتفلسف لأشوتك برا السياره
طلال:وهو كذلك
عزام:لا ماتنقال مع كلامنا يالدلخ مكانها غير
طلال:شدراني عاد من كثر مااسمعك تقولها ماعدت اميز متى تنقال
بدر:بلا من دلاختك
طلال:اقول الخلا انت معه اشوف حولتوا علي
عزام:لا نزلنا عليك هه هه هه
بدر:عزام براااااا بدت سخافتك
عزام:ووش تنتظرون انزلوا
طلال:وقف السياره بالاول
عزام:اييه صح نسيت ان بعدي اسوق
بدر وهو يطالع عزام بنص عين:ينكت الحبيب موقادر اتحمل سخافته اكثر
.................................................. ........................
عند البنات
ليان:تعالوا نشبك شوي
جود:انا جبت لابتوبي
ليان:وانا بعد رهف وريناد جيبوا لابتوباتكم وتعالوا نستهبل
ريناد:طيب
ليان:شفت عند طلال ورقه فيها رابط
جود:وناسه حفظتيه؟
ليان:ايه حفظته بجوالي
رهف:بالله وش اللي وناسه بالموضوع؟
ريناد:ياالبقره الضاحكه هي قصدها تبي تعرف وش اللي يدخلون عليه العيال
رهف:اهااا
جود:نقليني الرابط
نقلتها ليان الرابط وفتحته كل وحده من لابتوبها
ريناد:هذا منتدى اسمه منتديات طلال
جود:اي والله وباين انه جديد لانه مافي الا كم عضوا بس ولا فيه مواضيع واجد ومشاركات
ليان:معقول يكون المنتدى لطلال؟
رهف:الا اكيد ميه بالميه
ريناد:انا بسجل
جود: وانا بعد
ليان:وانا بعد بسجل
رهف:وانا معكم
بعد 5 دقايق
ريناد:سجلتوا بنات؟
جود:لالسه
ليان:وانا بعد
ريناد:وانتي رهف؟
رهف:أسمي صبوووحه
ريناد:هههههه يخرب بيتك يالرجه وش صبوحه؟
رهف:مدري هذا اللي خطر على باللي
ليان: وانتي ريناد؟
ريناد:ماادري لسه ماسجلت
رهف:وش تنتظرون؟
ريناد:مدري وش اسجل باسمه
ليان:حتى انا محتاره
جود:اممممم بنات وش رايكم نستهبل؟
ريناد:شلون؟
جود:نصبر الى بكرا ونشوف العيال اكيد بيسجلون وخلونا نسجل بنفس أسمائهم
ليان:بنات طلال شابك
ريناد:شدراك؟
ليان:هذا هو المدير العام يعني طلال
جود:طيب وش اسمه؟
ليان:احلى سعودي
رهف:أحلى يالواثق
ريناد:اجل انا بسجل بأسم أحلى سعوديه
ليان:ايه سجلي خلينا نشوف هالخبل وش بيسوي
ريناد:لحظه
بعد 5 دقايق
ريناد:سجلت خلوني الحين احط طلب ترحيب واشوف
,,,,
عند العيال
عزام:الله يرجك ياطلال من كثر مانت فرحان بمنتداك جايب الاب توب هنا
بدر:ياخي وش عليك منه خلنا نشوف شوي الاعضاء الحلوين اوبس قصدي العضوات الحلوات
طلال:واااو وحده مسجله بنفس اسمي أحلى سعوديه
عزام:طيب حاطه طلب ترحيب
طلال:ايه
بدر:وش تنتظر رحب فيها
طلال:وهو كذالك
عزام:تعجبني طلول هذا مكانها بالضبط
طلال:ادري اني خطير
بدر:حط الترحيب بلا هذرا زايده
عزام:طلال بعد ماتحط الترحيب خلنا نسجل يمكن احد يسجل بنفس اسماءنا
بدر:ايه صادق انا بسجل بأسم عزيز النفس
عزام:وانا قلب طفل
طلال:اذا انت نموذج للطفوله انا اقول على الطفوله السلام
عزام يطق طلال على راسه:وش تقصد؟ بعدين انا قلت لقب نك نيم يعني مو جد يالثور
طلال:عزام ورا الفاظك قايله كذا ياخي تسنع
عزام:لا تكفى لو غيرك قايل اصدق بس طلال اببببددددا" انت تتكلم عن الالفاظ اخر واحد
بدر:انتم ليه كلا تتناقرون يلا خلونا نسجل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 16-04-2009, 01:43 AM
صورة أسـيـر النـايـف الرمزية
أسـيـر النـايـف أسـيـر النـايـف غير متصل
¨°• عيــــــ الذيب ــــــون •°¨
 
الافتراضي رد: بين أيديا واحس انك بعيد


ممكن ردودكم وارائكم على الروايه قبل انزل البارت الثاني
وابي توقعاتكم للأحداث الجديده

تحياتي
أسيـــر الروح

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 16-04-2009, 01:57 AM
صورة آلعَنودَ الرمزية
آلعَنودَ آلعَنودَ غير متصل
©؛°¨غرامي مبدع¨°؛©
 
الافتراضي رد: بين أيديا واحس انك بعيد


يسلمو على البارت
والروايه جنان
ياليت تكملينها

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-04-2009, 02:15 AM
صورة أسـيـر النـايـف الرمزية
أسـيـر النـايـف أسـيـر النـايـف غير متصل
¨°• عيــــــ الذيب ــــــون •°¨
 
الافتراضي رد: بين أيديا واحس انك بعيد


يسلموا على مرورك يالغلا
بنتظار ردود باقي الاعضاء
وان شالله قريب راح انزل بارت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-04-2009, 02:34 AM
صورة قلبـــي مايكفــي تكون فيه الرمزية
قلبـــي مايكفــي تكون فيه قلبـــي مايكفــي تكون فيه غير متصل
©؛°¨غرامي فعال ¨°؛©
 
الافتراضي رد: بين أيديا واحس انك بعيد


مشكورة حبيبتي على الرواية الجنان و مو بس جنان الا روعه
وفي منتهى الجمال و ياليت تكملينها بسرعه

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-04-2009, 02:48 AM
صورة أسـيـر النـايـف الرمزية
أسـيـر النـايـف أسـيـر النـايـف غير متصل
¨°• عيــــــ الذيب ــــــون •°¨
 
الافتراضي رد: بين أيديا واحس انك بعيد


يسلموو خيوو حيران على المرور
وان شالله البارت الثاني قريب

جاري الانتظر على باقي الردود

تحياتي
اسيـــر الروح

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-04-2009, 04:37 AM
ياقلبيـ إبتسمـ ياقلبيـ إبتسمـ غير متصل
©؛°¨غرامي نشيط¨°؛©
 
الافتراضي رد: بين أيديا واحس انك بعيد


ننــتظرر البــارت

وين وصنــا في ...........
يسلمووهـ


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-04-2009, 10:46 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: بين أيديا واحس انك بعيد


,’


بسم الله


يعطيك العــــآفية
موفق إن شـــآء الله بروآيتك




,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-04-2009, 03:48 PM
صورة أسـيـر النـايـف الرمزية
أسـيـر النـايـف أسـيـر النـايـف غير متصل
¨°• عيــــــ الذيب ــــــون •°¨
 
الافتراضي رد: بين أيديا واحس انك بعيد


يسلموو ع المرور الرائع
بس ترا حدي زعلانه لانوو مافي ردود كثير

وهذا البارت الثاني

عند البنات
ريناد:رد طلال يابنات
فتحوا البنات كل وحده لا بتوبها على المنتدى ثاني مره
ليان:هههئئئئ شف شكاتب اللي مايستحي
ريناد:هههه وربي مو صاحي ولد عمي عيني عينك حبيتك من اسمك يالغلا
شوي الا يدخلون ريلان وغزل
غزل:احلفوا شعندكم كل وحده بلابتوبها
رهف:غزل تعالي شوفي
ليان تشوت رهف عشان تسكت
غزل:وش اشوف؟
رهف:ها لا بس اقول شوفي اشكالنا
ريلان:طيب اجل لاخلصتوا من النت نادونا نتسلى معكم
رهف:طيب
ريناد:بسم الله شفيها ذي؟
ليان:مين؟
ريناد:شوفوا اللي ردت بعد طلال
رهف:ريناد اقري وش كاتبه مالي خلق اقرا
ريناد:كاتبه اهلا بك في منتدانا كضيفه ثقيله على قلوبنا وحاولي تغيري اسمك
تحياتي مجروحه منك
رهف:خير شفيها ذي؟
ليان:ردي عليها
ريناد:لحظه
بعد دقايق
جود:وش كتبتي؟
ريناد:مشكوره على ترحيبك اختي مجروحه منك واذا كنت ثقيله عليك صبي علي موي واصير خفيفه واذا على اسمي انا ماكذبت هذا واقع وانا احلى سعوديه
تحياتي احلى سعوديه
ليان:ههههه هبله انتي وربي
ليان:بنات في اثنين سجلوا ورا بعض تتوقعون بدر وعزام؟
جود:الحين يبين خلونا نقرا طلب الترحيب
ريناد:اقص ايدي اذا ماكان قلب طفل عزامو
جود:اجل عزيز النفس اخوي العزيز بدر
ليان:اجل انا بسجل بأسم عزيزة نفس
جود:وانا قلب طفله
,,,,
عند العيال
بدر:يخرب بيت ابو النك اللي زي كذا
عزام:بدر فاتح بلوتوثك؟
بدر:لا مسكره اخاف احد يضايقني
عزام:تستهبل؟
بدر:وش رايك؟
عزام:طيب اي نك فيهم اللي عجبك؟
بدر:لا ياشيخ اللعب غيرها عشان تاخذها؟
عزام:لا وربي بس ابي اعرف عشان ماارسله
بدر:أسيرة قلبك
عزام:يخرب بيتها
بدر:اصبر ابرسلها
بدر ارسل من يوم ماشفتك وحبيتك دخلتي قلبي بلا استأذان
عزام:بدر تعرف هي اي وحده؟
بدر:لأ
عزام:اجل ليه كاتب من يوم ماشفتك؟
بدر:عشان تصدق حالها
عزام:الذيب مايهرول عبث
بدر:ارسلت
عزام:طيب اقبل
بدر:قبلت
عزام:يخرب بيتها راسله اغنيه
بدر:لا ومو اي اغنيه خليك جمبي
عزام:ياحليلها خفيفه
بدر:ابرسلها رقمي
طلال:تعالوا شوفوا في بنات مسجلات بنفس اسمائكم
عزام:احلف
طلال:وربي
بدر:اشوف ايه صادق
عزام:شالسالفه ؟ شكلهم شله
بدر:يعجبوني
عزام:يبشرون بعزهم عطني ادخل ارد على ترحيبهم
.................................................. ...........
ريلان:بنات ماكنكم طولتوا اقعدوا معنا شوي
ليان:هاذا الاب وطفيته
ريناد:وانا بعد
جود ورهف:وانا طفيته
ريناد:بروح اجيب شي نشربه
ليان:خذيني معك
ريناد:تبون شي معين؟
غزل:سوي لي قهوه فرنسيه مدري وش جايني عليها بس ابي اشربها وابي معها فراوله
ليان:فراوله وقهوه فرنسيه مايناسب يااختي العزيزه
غزل:وربي مدري وش جاني لازم اكل فراوله واشرب قهوه فرنسيه
رهف:يمكن تتوحمين
غزل:وانا حامل عشان اتوحم
رهف: اقول يمكن
ريلان:خلاص اجل سوولنا كلنا قهوه فرنسيه
ريناد:طيب
.................................................. ..
فالمستشفى
فيصل:ياربي زهقت
فارس:زهقت ولا اشتقت خلك صريح
فيصل:اخخخخ المشكله انك فاهمني
فارس:هههه الله يعينك على حبك
فيصل:اختك هذي مدري شمسويه فيني ياخي اعشقها من قلبي وربي
فارس:بصراحه دامها اختي اكيد تنحب
فيصل:متى اشوفك يافارس تعد الساعات والدقايق لجل ترجع البيت لأختي
فارس:يوووه لو علي من اليوم
فيصل:ياخي استح احشمني انا واقف لوح قدامك
فارس: والله ماهميتني تراها زوجتي وملك عليها
فيصل:ولوو
فارس:تلايط وانا اخوك
فيصل:حتى تهزيئك محترم
فارس:كلي محترم بس ليتك تعرف قدري
النيرس جايه ركككككض:دكتور فيصل دكتور فارس في حاله مستعجله باين انه حادث شديد تعالوا بسرعه
فيصل:يلا يلا جهزوا غرفة العمليات جايين
.................................................. .............
اخر الليل العيال كل واحد رجع بيته والبنات نايمات
يرن جوال بدر
بدر: الوو
مرحبا:....
بدر:هلا والله من معي؟
معك لوجين امم أسيرة قلبك:.......
بدر:هلا وغلا
لوجين:هلا فيك
بدر:بصراحه ماتوقعتك بتدقين بهالسرعه
لوجين:يعني اسكر
بدر:لالالا شنو تسكرين وانا ماصدقت اسمع هالصوت
لوجين بيماعه:اجل ليه تقول ماتوقعت تدقين بهالسرعه؟
بدر:بصراحه حبيبتي انا اول مره اكلم وحده ومالي بهالسوالف بس اول ماشفتك ماقدرت اقاوم جمالك
لوجين:معقول شاب مثلك اول مره يكلم
بدر:اييه بصراحه انتي اول واخر بنت
لوجين:اذا كذا معذور طيب انا لازم اسكر
بدر:بينا الوو
لوجين:اكيد
بدر:تصبحين على خير يالغلا
لوجين:وانت من اهله
بدر:ياحليلها صادق عزام يوم يقول خفيفه
..........................................
عند طلال
طلال:طيب الحين انتي ليه معصبه؟
ندا:وش لون ماتبيني اعصب وحده مسجله بنفس اسمك بالمنتدى وتقولها حبيتك من اسمك يالغلى وماتبيني اعصب
طلال:عااادي طيب يعني انا اللي قلت لها تسجل بنفس اسمي هي سجلت من نفسها البنت
ندا:يعني تبي تفهمني انك ماتعرفها
طلال: وربي مااعرفها
ندا:طيب بحاول اصدقك
طلال:ندا وبعدين؟
ندا:خلاص خلاص اصلا" انت تدور اي شي عشان تتهاوش معي وتسكر
طلال:موهذا القصد بس انتي اللي مو راضيه تصدقين
ندا:انا مجروحه منك ياطلال
طلال:لاحووووول بنبداء باسطوانة كل يوم
ندا:طلال
طلال:ندا كم مره فهمتك ان احنا مجرد اصدقاء يعني مو نحب بعض
ندا:بس انا احبك
طلال:ياندا افهمي اصدقااااااااء يعني أصدقاء تحبين اجيبها بلغه ثانيه لجل تفهمينها
ندا:خلاص خلاص كفايه بيجي يوم وبتحبني فيه
طلال:لاجا ذكريني وبعدين انا قايل لك من اول اني احب بنت عمي وابيها بس انتظر لين اتخرج واخطبها
ندا:طيب وش اللي ببنت عمك احسن مني يخليك تحبها وتخليني؟
طلال:كل شي
ندا:طيب ياطلال طيب هذا وانا اللي حبيتك وعطيتك كل شي وتروح لوحده ماهي داريه عنك ابد
طلال:مولازم بكرا بتدري.وبعدين خلاص عاد انا بنام بكرا وراي قعده من صباح الله بروح المستشفى
ندا:شتسوي فالمستشفى؟
طلال:عندي موعد اسنان
ندا:طمني
طلال:طيب يلا سلام
ندا:سلام
.................................................. .....
عند غزل
فيصل وهو يبوس غزل على خدها:مساء الخير حبيبتي
غزل:مساء النور يعطيك العافيه حبيبي
فيصل:أشتقتلك
غزل:وانا بعد
فيصل:وانتي شنو؟
غزل:وانا زيك
فيصل:زيي في ايش؟
غزل:فصول عاد
فيصل:فديت اسمي على لسانك بس انتي شنو؟
غزل:مشتااااقتلك
فيصل:فدييييتك وربي
غزل:فيصل تعشيت؟
فيصل:ايه الحمدلله تتوقعين بقعد الى 3 بدون عشا
غزل:وش كلت؟
فيصل:معجنات وعصير
غزل:وشبعت؟
فيصل وهو يرش من عطره:أيه
غزل:بالعا
وماأمداها تكمل كلامها ألا راحت الحمام ترجع
فيصل وراها وماسك اكتافها
فيصل:سلامتك حبيبتي وش فيك؟
غزل:فيصل ابعد عني ريحة عطرك تلوع كبدي
فيصل:طيب هذا انتي اللي جايبته يعني على ذوقك
غزل:فيصل تكفى ابعد روح خذلك دوش و غير بدلتك
فيصل وهو يبعد ويفسخ بدلته وياخذ الفوطه:طيب طيب بس انتي اهدي
راح فيصل دخل ياخذ دوش وغزل تطلع له بجامه
فيصل وهو طالع من الحمام:غزل حبيبتي وش جاك فجئه؟
غزل:ماادري حتى لما تعطرت الصباح وطلعت لاعت كبدي وجلست ارجع
فيصل:خلاص حبيبتي اخر مره اتعطر منه بقطه
غزل:أحسن
فيصل:طلعتيلي بجامه
غزل:أيه خذها
.................................................. ........................................
الصباح
ليان:رينادو قومي عاد
ريناد:يعني مافي غيري قعدي الباقي
ليان:انتي قومي بالاول بعدين اقعدهم
ريناد:وش هالنذاله
ليان:عشان تنزلين قبلنا تشوفين اذا مافي احد
ريناد:من هالناحيه تطمني طلال عنده موعد اسنان واكيد راح ونواف فالمستشفى هو وفيصل
ليان:يعني الطريق امان؟
ريناد:ايه انزلي الحين تلاقين ماما تفطر لحالها افطري معها
ليان:طيب
ليان وهي نازله من الدرج ولابسه بنطلون جينز وتي شيرت وردي وقاعده تغني بصوت واطي
ليان:ابي حبك معي يكبر وابي اهواك انا اكثر وابي اهديك انا دنياي كل الي عليه اقدر
وفجئه وبدون ماتنتبه صقعت بشي خلاها تطيح على ورا
ليان وهي تصيح:اااي
نواف:اسف اسف كنت مستعجل ماتوقعت بقابل احد
ليان تبكي وماقالت ولا كلمه
مد يده نواف ورفعها عن الارض
راحت ليان الغرفه رررركككض وهي تبكي
نواف:ياربي وش هالملاك اللي صقعت فيها هذي حقيقه ولا خيال في احد بهالحلا ماشالله لازم اعرف هذي مين
حنان من ورا نواف:نواف يمه بسم الله عليك وراك تكلم عمرك؟
نواف:ها لايمه مافيني شي
حنان:وش رجعك ليه مارحت المستشفى؟
نواف:نسيت جوالي ورجعت اخذه
حنان:اجل يلا يمه اخذه وروح لاتتأخر على مرضاك
نواف:تامرين يالغلا
حنان:مايامر عليك ظالم
ريناد:ليانو بتتكلمين ولا شلون طيحتي قلبي وراك تبكين؟
ليان:قلت لك مافيني شي
جود:معقول كل هالدموع بدون سبب
رهف:ليان ياربي لو ماتكلمتي بطقك
ليان:شتبون خلاص عاد
ريناد:لاموخلاص انطقي
ليان وهي توريهم يدها:طحت بالدرج حتى شوفوا
جود:شفيك يالحوله ماتنتبهين
رهف:انتي مطفوقه
ريناد:بس عاد انتوا البنت تتألم وانتوا تهزئونها
.................................................. ............................
طلال فالمستشفى حقهم والدكتوره لبنانيه وباين صغيره توها متخرجه
الدكتوره:شو عم بيألمك ياسيد طلال
طلال:قلبي يادكتوره
الدكتوره:ييي بس انا طبيبة أسنان مني طبيبة ألب
طلال:عم بمزح شو بنا
الدكتوره:شو دمك خفيف
طلال:أعجبك
الدكتوره:لاكن مين بيعجبني ازا انت ماأعجبتني
طلال:طيب خلاص عاد عالجيني مستعجل
الدكتوره:ليش شوعندك؟
طلال في نفسه:هذي اللي ماتنعطى وجه قامت تحقق
الدكتوره:سيد طلال
طلال:عيونه
الدكتوره:ييي تسلم عيونك
طلال:دكتوره انا ماعندي ألام بس انا اخذ مواعيد كل فتره عشان أتطمن على وضع أسناني انهم سليمين
الدكتوره:طيب افتح تمك لا شوفون
طلال وهو يفتح فمه يلا بس بسرعه
بعد 5 دقايق
الدكتوره:يخزي العين عنك لك اسنانك كنون لولو
طلال بصوت واطي:الله اكبر من عيونك
الدكتوره:شو عم بتؤل؟
طلال:اقول انتي اللي اسنانك زي الولو
الدكتوره:شكرا هزا من زوأك
طلال:طيب الحين اروح؟
الدكتوره:بعدنا ماشربنا شي
طلال:لا المره الجايه مستعجل الحين
الدكتوره:عراحتك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-04-2009, 03:49 PM
صورة أسـيـر النـايـف الرمزية
أسـيـر النـايـف أسـيـر النـايـف غير متصل
¨°• عيــــــ الذيب ــــــون •°¨
 
الافتراضي رد: بين أيديا واحس انك بعيد


عااد الله الله بالردود لاتخيبون املي

وابي توقعاتكم للأحداث الجديده

تحياتي
أسيـــر الروح

الإشارات المرجعية

بين أيديا واحس انك بعيد

الوسوم
مجددا , بعيد , نايس
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
هانحن نعود لكم مجددا فهل من مرحب ؟ .هہٌـٌاوٌىٌہ حٌہٌزنٌ سجل الأعضاء - للتواصل بين الأعضاء 26 20-04-2009 06:01 PM
برنامج محول الصوتيات والفيديو الجديد أزو ميديا jerrar ارشيف غرام 4 19-09-2008 05:58 AM

الساعة الآن +3: 01:23 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1