غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 15-05-2009, 09:40 AM
صورة ضـٌכـِيَّــۃْ صَـمٌـِتّ الرمزية
ضـٌכـِيَّــۃْ صَـمٌـِتّ ضـٌכـِيَّــۃْ صَـمٌـِتّ غير متصل
©؛°¨غرامي مشارك¨°؛©
 
الافتراضي رد: روايه انتي نسيتي وكيف انا انسى روعه حب وغرام واحداث رهيبه


اقتباس:
المشاركة الأساسية كتبها وَرْدَةْ آلحُبْ مشاهدة المشاركة
يسلموووو

ننتظرر التكملة
اهلين يا قلبووووو
يلا دقايق والبارت نازل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 15-05-2009, 09:42 AM
صورة ضـٌכـِيَّــۃْ صَـمٌـِتّ الرمزية
ضـٌכـِيَّــۃْ صَـمٌـِتّ ضـٌכـِيَّــۃْ صَـمٌـِتّ غير متصل
©؛°¨غرامي مشارك¨°؛©
 
الافتراضي رد: روايه انتي نسيتي وكيف انا انسى روعه حب وغرام واحداث رهيبه


هذا الفصل الجديد حبيبااااتي
يارب يعجبكم
×××
فتح عيونه ببرود .. من بعد صلاة الفجر مو قادر ينام
حاس بقلق ما يعرف مصدره !
تعوذ من الشيطان و و طالع في سرير اخوه الي كان نايم بهدوء ..
هادي : سامر ..
سامر : ...............
هادي بصوت اعلى : ساااامر ..
سامر : همممممم !
هادي : قوم يلا
سامر قلب للجهه الثانية : ليه كم الساعة ؟
هادي طالع في ساعة يده الي كان حاطها على الطاولة القريبه من سريرة : الساعة 8 حكم
سامر بدون استيعاب: 8 صباح !
هادي : لا 8 عصر
سامر غطى وجهه بالبطانية : هادي مو وقت مصالتك خليني انام
هادي : افففففففف طيب
قام هادي و حاس شوي بالغرفة و دخل للحمام يآخذ دش ع السريع و لما طلع لقا سامر لسه نايم
حس بإحباط و قرر انه يطلع من البيت ..
هادي : ساامر أنا طالع
سامر : .............
هادي : سووويمر أكلمك أناا
سامر بملل :اففف ..طيب خلاص اطلع سمحت لك
هادي : ههههه كأني استأذن يعني!
سامر : وش مدريني عنك!
هادي : يلا تعال معاي نغير جوو
سامر : فيه أحد صاحي فهالعالم يتمشى هالوقت ؟
هادي :بتجي ولا لأ ؟
سامر : لا طبعاً
هادي بغضب : احسن
و طلع من الغرفة مر على غرفة سامي و شاف النور مطفي تذكر لما طلعوا لصلاة الفجر كيف كان شكله تعبان و قلق فما حب يزعجه ..
وقرر انه يطلع لحاله ..
أول ما طلع لقا سامي في وجهه
هادي : صبآآح الخير
سامي الي كان توه فاتح باب سيارته : اش الي مصحيك في ذا الوقت ؟
هادي بتصنع : هذا سلمك الله انا من قوة حاسة لسمع عندي سمعت طقة باب غرفتك وانت طالع فقمت من النوم وزي ما تعرفني ما أقدر انام إذا انقطعت نومتي ..
سامي : هههههههههههههه ما أقدر انا ع الي نومهم خفيف !!
هادي ابتسم ابتسامة عريضة : اش على بالك أجل !!
سامي : ايه اصلاً من كثر ما نومك خفيف اقعد نص ساعة بس اصحي فيك كل يوم ..
هادي : لا يكون مستكثر النص ساعة بس ..؟
سامي : أبداً
هادي : هههههههه غيري يقعد ساعه ولا ساعتين
سامي : ههههههههههه .. انقلع يلا عطلتني
هادي : تكفى يا رجل الأعمال المهم
سامي : يعني حلوة وقفتنا في الشارع نسولف !
هادي : وش مدريني عنك ! لي ساعة اقول اخوي القعيطي بيعزمني ع الفطور
سامي : هههههههه انا قعيطي !! الحين لو تموت مو عازمك على شي طول عمرك
هادي : هههههههه لا ما عاش من قال عن أخوي قعيطي
سامي طالع في ساعته : تأخرت كله منك ..
هادي : هههههههه احسن
سامي ركب سيارته و فتح الدريشه : في امان الله
وانطلق بالسيارة و هو متخوف من مقابلة العم تركي
.................................................. ..................
((حبيبي آسف ازعجتك // حلو صوتك قبل لا تنام // سمعته وانشرح صدري // وكأني شفتك بعيني))
وسام كانت في غرفتها تفطر و لما سمعت صوت الجوال يدق فزت ترد : سـم يبه
سالم : وسام عندي كم ملف في مكتبي ابيك توصلهم الشركة ..
وسام : هنا .؟ أقصد في مكتبك الي هنا
سالم : اييه وانا ابوك .. لا تتأخرين ابيهم الحين ضرورري
وسام : ابشر ..
سالم : لا تنسين تسكرين الباب زين اذا طلعتي
وسام : على أمرك ..
سالم : يلا مع السلامة
وسام : مع السلامة
قفلت السماعة و تنهدت , طالعت في الفطور و حست ان شهيتها تقفلت و قامت و خلت أكلها
و توجهت لمكتب ابوها ..
وسام الوحيدة من بناته الي عندها نسخة من المفتاح ..
فتحت الباب و دخلت راحت جهة المكتبه ولا لقت شي , توجهت جهة المكتب ولقت ملفات و جداول حسابية ..
اخذتها معاها و طلعت و سكرت الباب بالمفتاح الي معاها و رفعت جوالها و اتصلت على السايق ..
كومار : نأم ؟ (نعم؟)
وسام : كومار تعال
كومار : تويب بس في أبي بانزين اول (طيب بس بأعبي بنزين أول)
وسام : لا تتأخر بعدين بابا في جنجال ..
كومار : تويب (طيب)
سكرت وسام و ضحكت في داخلها على ذا الكومار الي ما يدري وين الدنيا ..
و في هذي اللحظة طرت عليها خطة شريرة و هي انها تصحي اختها جمان قبل لا تطلع من البيت ..
دخلت وسام غرفة جمان حتى بدون ما تطق الباب ..
لقت ملابسها حقت امس مرميه ع الأرض و الدنيا في غرفتها عفسه ,
البلوزه في أول الدنيا و العباية في آخرها , تأملت شوي في جدران الغرفة الي ملتها جمان بصور الممثلين و الفنانين خصوصاً
(تيم الحسن) و (سلاف فواخرجي)
تخيلت وسام لو انها هي الي مسويه هالحركة في غرفتها .. كيف راح يذبحها ابوها !!
ضحكت بهدوء .. يذبحها كلمة قليلة باللي ممكن يسويه فيها ..
خرجت وسام من غرفة جمان و هي تتذكر بقية اخواتها (ارجوان) و (بيان)
غمضت عيونها و قالت : ليتني مثلكم ..
((حبيبي آسف ازعجتك // حلو صوتك قبل لا تنام // سمعته وانشرح صدري // وكأني شفتك بعيني))
وسام : نعم كومار ؟
كومار : يلا انا تهيت (انا تحت)
وسام بإستهزاء : طيب اقعد تهيت حتى أجي ..
كومار : تويب
لبست وسام عبايتها الي كان تفصيلها غريب شوي , مثل ثوب الرجال بس بدون جيوب
و لفت الشيله على راسها بطريقتها المتعادة وهي انها تخلي جزء من الامام طالع شوي ..
طبعاً وسام ما تعترف بنقاب أو غطا .. بس تتحجب
طلعت من البيت و لبست الزبيري حقتها و ركبت السيارة
كومار : وين روه (وين روح؟)
وسام : الشركة ..
كومار : تويب ..
.................................................. ...........................
قاعدة في غرفتها و الدموع ما فارقت عينها من ليلة امس ..
منال جالسة على سريرها و منثره حواليها صور لها مع امها و ابوها -الله يرحمهم-
منال : لو انتم عندي الحين كان ما قدر هذا السعود يرفع يده علي .. الله يرحمك يابوي رحت و تركتني وحيده اعاني غيابك
وينك انا مليت من الدنيا مليت .. ليه يا ابوي تتركني لحالي معاهم .. ابي اشوفك لو ليوم واحد .. ابي اشوفك يا الغالي ..
غمضت عيونها و نزلت الدموع أكثر و أكثر مر طيف ايهم على بالها : ايهم السبب .. ايهم السبب
هو الي خلاني احبه .,تعلقت فيه , هو الي دق علي مو انا الي دقيت عليه .. هو الي ......... آآآآه
ليه راح يخبر سعود بالي صااار ليييييييه !!
لهالدرجة مافيه ثقة بيننا .. و حتى لو ما كان يحبني و يحب أثين , مو من حقه ان يقول لسعود أي شي ..!!
حرام عليك يا ايهم الي سويته فيني .. حسبي الله عليك و نعم الوكيل .. حسبي الله و نعم الوكيل فيييك ..
((لييييه اذا حبيتك أكثر زدت قسوة .. و ان دريييت بحاجتي لك زدت جفوه))
منال دق قلبها مع دقة جوالها ..
مين ممكن يتصل فيها هالوقت !!
نطت للشنطة الي كانت مرميه فوق الطاولة و سحبتها و طلعت منها الجوال وشافت اسم المتصل ..(رجــــاء)!!
استغربت ..؟ وش تبي رجاء منها في هذا الوقت ؟!!
ردت بملل و حاولت تخفي نبرة صوتها الحزينه : الوو
رجاء : الو مين ؟
منال : هلا رجاء .. وش تبين ؟
رجاء : اوه منال .. اسفه غلطت .. لا يكون ازعجتك بس
منال :لا عادي
رجاء بمكر : اقول منال وش فيه صوتك عسا ما شر ؟
منال : وش رايك .. داقة علي الساعة 8 و مصحيتني من احلاآ نومه .. تبين صوتي صوت اليسا يعني !!
رجاء بتنهيده : هههه .. لا حبيبتي صوتك أحلآآ ..
منال :وانت ليه مو نايمه ..؟
رجاء : هاا .. لا بس .. ايه .. انا كنت بأدق على صديقتي .. و اسمها تحت اسمك بالضبط
منال : اهاا .. اوك حبيبتي ما أأخرك عن زميلتك
رجاء : سلمي لي على جدو و تيته
منال : يوصل ان شاء الله ..
رجاء : أقول منوله ..
منال : هلا ؟
رجاء : فاتك امس وش مسوي ايهم
منال (اللهم طولك ياروح) : وش مسوي ايهم بعد؟
رجاء تحاول تنرفز منال : امس متصل على أثين الظاهر بينهم شي و يخبونه عني ذول الكتاكيت ..
منال : وانت ما انخطبت للحين !!
رجاء بشهقه : وش قصدك يعني ؟
منال : ولاشي ..بس اثين لسه صغيرة ابي اأمن مستقبلك انت الأول
رجاء : تطمني حبيبتي .. انا في بيت اهلي مو عاله على أحد ..
منال : ايه رجاء ما قلت لك ..!
رجاء : وشوو ؟
منال : خلاص كل شي بوقته حلوو ..
رجاء بلقافه : لاااا قولي وشوو ؟
منال : خلاص بروح انام .. مع السلاامة ..
رجاء : باااي
قفلت منال بسرعه قبل ما تقول اي كلمة لرجاء تندم عليها بعدين ..
الكل يعرف ان رجاء ما تحب منال و منال تبادلها نفس الشعور لأن رجاء تحب تقلد منال بمشيتها و حركاتها و كلامها و دلعها
حتى لما شافت منال تصبغ شعرها احمر راحت و صبغت شعرها احمر .. بس لأن طبيعة لون شعر رجاء فاتح أكثر من لون شعر منال طلع
لون شعرها مايل للبرتقالي و انقهررررررررررت من منال مررره ..
منال مسكت جوالها و قلبت فيه و مسحت كل رسالة جاتها من ايهم و مسحت حتى اسمه في الجوال (مجرد احلاام) ..
ابتسمت و مسحت دموعها و قالت : ليه انا حزينه عليك !! انت ما تستاهلني أصلاً .. حتى أثين كثيرة عليك .. يمكن رجاء تصلح لك
و ضحكت بألم ..
رجعت و ضمت الجوال : لا ما أقدر .. ما أقدر اتخلاآ عنه ..
((لييييه اذا حبيتك أكثر زدت قسوة .. و ان دريييت بحاجتي لك زدت جفوه))
رمت منال الجوال عن صدرها بسرعه لأنه دق فيه و هي تضمه ..
طالعت في اسم المتصل : ( أميرة الورد )
ليان :منوله صاحيه ؟
منال : هلا ليوونه ..
ليان : ادخلي المنتدى بسررررعه
منال : يوووه ليان مو فاضيه له ..
ليان : اقولك روحي تحبك منزل خاطرة جديدة ..
منال : لااااااا .. من جد ؟
ليان : ايه والله ..
منال :لحظة خلي روحي تحبك الحين و اسمعيني
ليان : وشوو ؟
منال : حزري مين دق علي اليوم ؟
ليان : مين .؟ ايهم ؟
منال بحزن : لا
ليان : أجل من ؟
منال : رجاء
ليان : له له له .. من جد ؟
منال : والله ..
ليان : وش تبي ذي في حياتها ؟
منال بضحكة : مدري تقول غلطت بالرقم
ليان : اييه من زود حبها لك تغلط في الرقم
منال : ليان متى بتجين عندي .. محتااجه تجيني ضروووري
ليان : حتى انا عندي شي مهم بأقولك عنه
منال :تعالي اليوم ..
ليان : اوك بقول لماما ..
منال : يا ويلك اذا ما جيتي
ليان : كم بنت خاله عندي انا ..
منال : خمسه
ليان : هههههههههه .. لا يعني انت اغلاهم
منال : ايه هين صدقتك
ليان : يلا عاد بلا دلع .. انا بروح ارد على روحي تحبك
منال : طيب روحي .. باااي
ليان : باااي
منال بقلبها (الله يخليك لي يا ليان .. صوتك رد فيني الروح الي فقدتها امس)
بعدين نطت تجيب الابتوب حقها عشان تدخل المنتدى
.................................................. ......
تــــــــــــــــاابع

×××

له ساعه ماسك جواله و وجهه اكتسته حمره مخيفه
سعود : نزوجها يعني نزوجها .. هذا هو الحل الوحيد
أم أثين : بس أهلي ما راح يرضون .. اسمع مني يا سعود و
سعود بغضب : لا .. مو على كيفهم , ذي ما ينفع معاها كذا .. تدلعت بما فيه الكفاية
أم أثين : الحين انت معصب .. اذا هديت اتصل فيني
سعود : اسمعيني ..
أم اثين : انت الي اسمعني .. الحين سكر السماعه و ارتاح شوي لأنك من امس ما نمت و بعدين يحلها الف حلال
سعود : انا جتني فكرة ..
أم أثين بمكر : وش هي ؟
سعود : نزوجها هي و ايهم و نفتك
أم أثين بخيبة أمل : ايهم ما يبيها .. امس متصل علي عشان يسأل عن أثين
سعود :محد قاله يتصل عليها و .....!
أم أثين قاطعته : نزوجهها مشعل .. هذا الحل الوحيد
سعود : بس مشعل !!
أم أثين : مشعل يحبها و هي أكيد بعد الزواج بتحبه .. و ترى كل الشباب في بداية حياتهم لعابين بس بعدين يتعدلون
سعود : مشعل راعي خرابيط ولا اتوقع ان منال و لا حتى اهلي يرضون
أم أثين : وانت بتنتظرها ترضى ؟
سعود : و ابوي ؟
أم أثين : ابوي خله علي .. المهم احنا لازم ما نتأخر و نشوف الولد اذا شاريها لسه ولا لأ ..
سعود حك جبهته : خلاص أجل .. في الليل أمرك و نتفق على كل شي
أم أثين : اي ليل .. ؟ تعال لي المغرب
سعود : طيب خلاص
أم أثين : يلا مع السلامة
سعود : مع السلامة
.................................................. .................
في سيارته متجه لشقته أو مصنعة الصغير .. طلع المفتاح من جيبه و تذكر موضوع مهم
هاني : هلا جمال
جمال : اهلين فيك
هاني :وينك ؟
جمال : في البيت وانت ؟
هاني : انا رايح الشقة
جمال : اييه .. ترى البنقاليين يبون معاشاتهم
هاني :طيب مو هذا موضوعنا
جمال : اجل وش تبي ؟ فلوس ما عندي
هاني : مابي منك فلوس .. ابي اعرف وش سويت بموضوع سامي
جمال : هذا ولدك الي كان عنده المفتاح ؟
هاني : ايه هوو
جمال : انا عندي سفره لتركيا بعد كم يوم
هاني : تخلص الموضوع قبل تسافر
جمال : لا .. اخلصه اذا رجعت
هاني : جمال .. !! انا بأقعد اهوجس حتى تجي !!
جمال : لا تخاف .. أول ما اجي ما راح تسمع حس لسامي بعد كذا
هاني بفرح : يعني بتخلصني منه !!
جمال : للأبد ..
هاني : حلوو ..
جمال : يلا توصي شي ثاني
هاني : سلامتك
جمال : يلا مع السلامة
هاني : مع السلامة
.................................................. ................
قالت للسواق اسرع بإفتراض ان الشارع فاضي هذا الوقت من الصباح
السواق حاول يهدي عند الاشارة ..
وسام : حرك حرك مافيه أحد عند الاشارة
كومار ما صدق خبر و انطلق بأسرع سرعته ولا انتبه للسيارة الثانيه الي كانت ماشيه من اليمين و طــرآآآآآآآآآآآآخ
صدمت السيارة بسيارة شاب كان مسرع بنفس الطريقة ..
الشاب ما صار له شي و نزل بسرررعه من السيارة و نط يشوف اش صار لراعي السيارة الثانيه
لقآ السواق داخل وجهه ضارب في (المقود) و ينزف دم
فتح الباب الثاني و لقا البنت طايحه ووجها مايل لتحت .. حس بخوووف
و دق على الاسعااف بسرررعه و على أول واحد طرى على باله في هذي المصيبه ((سامي))
دخل للسيارة و عدل وجهه البنت الي كان مايل و في هذي اللحظة البنت استعادة وعيها
وسام فتحت عيونها ولما شافت وجه هادي خافت : مين .. مين انت ؟
هادي بفرح : الحمدلله على سلامتكم .. انا .. انت
وسام تأملت في ملامح وجهه بعدين طاح راسها على فخذينه ..
هنا هادي حس انه انصفق كف .. و خاف لا تكون ماتت : يا آنسه .. يا آنسة
الله يستتتتتتتتتتتترر
×××

تعبت خلوو التكملة بعديــــــــــــــن

^_____^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 15-05-2009, 09:45 AM
صورة ضـٌכـِيَّــۃْ صَـمٌـِتّ الرمزية
ضـٌכـِيَّــۃْ صَـمٌـِتّ ضـٌכـِيَّــۃْ صَـمٌـِتّ غير متصل
©؛°¨غرامي مشارك¨°؛©
 
الافتراضي رد: روايه انتي نسيتي وكيف انا انسى روعه حب وغرام واحداث رهيبه


×××
هذه الدنيا ..
تأخذ منا ضعف ما تعطينا
تسرق سعادتنا و لهفتنا ... تركض بعيداً لعالم من الأحلام الورديه
لنجد انفسنا بين شتات الحب و غطرسة الزمن
ثم يعاود الزمن القسوة و يطرح ما هو أكبر و أعظم منهاا ...
تستميت على بوابة الحزن انفسنا لنجد حولنا بقية من الناس
قد اقفلت الدنيا طريق حياتهم , سواء عاطفياً أو عائلياً أو حتى مهنياً ..
و يتعرض البعض منا لفقدان ذاته بين حطاام الماضي البعيد
الدنيا خداعة .. تخطف الأبصااااار و تعلقها بقلب واحد
و لقب واحد و هدف واحد و مصير واحد ..
ثم .. تبقينا على قارعة الطريق .... بلا هدف ..بلا أمل ..بلا طموح .. و أيضاً ..بلا حب ..
هنا ستجدون بقية بوحي .. فهل اجدكم ؟
×××
ليان بقلبها : آآه يا (روحي تحبك)
ليتني اعرفك حقيقة كان جيت عندك حملت كل هالهم الي في صدرك
أبي ارد عليه بس ما اعرف كيف اجاريه
أكيد منوله بتجاريه , اصلاً ذول الاثنين روعه في قسم الخواطر
ضحكت بخبث و قالت و مضحكين في قسم النقاش .. لازم يتهاوشون
(صعــــبة المنـــال) >>> سجل دخوله في الماسنجر
ليان ابتسمت و كلمت منال في الماسنجر..
(ان لم تكن ذئباً .. عادي كن حمار) = دع
(صعبـــة المنـــال) = هههههه دعين
(ان لم تكن ذئباً .. عادي كن حمار) = منووله ادخلي شوفي الخاطرة الجديدة
(صعبـــة المنـــال) = اوك الحين داخله
(ان لم تكن ذئباً .. عادي كن حمار) = اخوي مشعل يسلم عليك هع
(صعبـــة المنـــال) = انقلعي انت و اخوك
(ان لم تكن ذئباً .. عادي كن حمار) = هههههه لا تعصبين امزح معك
(صعبـــة المنـــال) = تعرفين انك ماصله هذا الصبآح ؟
(ان لم تكن ذئباً .. عادي كن حمار) = ههههههه انا رايقة .. ما تشوفين التوبيك ؟
(صعبـــة المنـــال) =هههههههههه
(ان لم تكن ذئباً .. عادي كن حمار) = ما قلتي لي وش تبي رجاء منك ؟
(صعبـــة المنـــال) = مدري عنها .. !
(ان لم تكن ذئباً .. عادي كن حمار) = اكيد وراها سالفة
(صعبـــة المنـــال) = ليوونه .. تحسين ان روحي تحبك ما عنده سالفه اليوم !!
(ان لم تكن ذئباً .. عادي كن حمار) = ما اسمح لك تسبين روحي تحبك ..
(صعبـــة المنـــال) = هههههههههههه طيب
(ان لم تكن ذئباً .. عادي كن حمار) = صح تذكرت
(صعبـــة المنـــال) = لا تكفين .. الا ذاكرتك لا تستعملينها
(ان لم تكن ذئباً .. عادي كن حمار) =هههههههه هين هين يا الدبه .. ما راح أقولك شي بعد كذا
(صعبـــة المنـــال) = هههه لا امزح حبي قولي
(ان لم تكن ذئباً .. عادي كن حمار) = خلااص فاتك القطار هع
(صعبـــة المنـــال) = ههههههه طيب انا بروح أرد على الي روحه تحبها و أجي
(ان لم تكن ذئباً .. عادي كن حمار) = بسرررعه بقولك سالفه
(صعبـــة المنـــال) = وشوو ؟
(ان لم تكن ذئباً .. عادي كن حمار) = لا اذا رديتي اقولك
(صعبـــة المنـــال) = لا تقولين لي احسن
(ان لم تكن ذئباً .. عادي كن حمار) = ههههههه لا تعصبين طيب بأقولك
(صعبـــة المنـــال) = وش عندك ؟
(ان لم تكن ذئباً .. عادي كن حمار) = لعبت على يوسفوه
(صعبـــة المنـــال) = يؤيؤ .. مين يوسفوه ؟
(ان لم تكن ذئباً .. عادي كن حمار) = يوسف ما غيره .. ولد خالتك
(صعبـــة المنـــال) = لا والله .. كانها مو خالتك بعد !!
(ان لم تكن ذئباً .. عادي كن حمار) = خخخخ المهم اني لعبت عليه
(صعبـــة المنـــال) = وكيف لعبتي عليه ان شاء الله ؟
(ان لم تكن ذئباً .. عادي كن حمار) = عادي .. تذكرين شريحتي القديمه
(صعبـــة المنـــال) = ايوه ؟
(ان لم تكن ذئباً .. عادي كن حمار) = دقيت عليه منها , وسولفت معاه
(صعبـــة المنـــال) = يؤ يؤ .. و اعطاك وجه ؟
(ان لم تكن ذئباً .. عادي كن حمار) = الصراحه في البداية لا ,بعدين اخترعت له سالفه مدري كيف دبرتها و هو صدق
(صعبـــة المنـــال) = وش قلتي ؟
(ان لم تكن ذئباً .. عادي كن حمار) = التفاصيل اذا جيت عندك هع
(صعبـــة المنـــال) = يووه ما فيني صبر ليانووه قولي
(ان لم تكن ذئباً .. عادي كن حمار) = أبد .. قلت له ان اسمي لجين و اني احبه من زمااان و اني اخت صديقه
(صعبـــة المنـــال) = من جددددددددددددد ؟؟؟
(ان لم تكن ذئباً .. عادي كن حمار) = ايه والله
(صعبـــة المنـــال) = صدق انك مجنووونه !
(ان لم تكن ذئباً .. عادي كن حمار) = هههههههههههههه
(صعبـــة المنـــال) = والحين وش بتسوين ؟
(ان لم تكن ذئباً .. عادي كن حمار) = بأرد له دين قديييم بس
(صعبـــة المنـــال) = صدق ان ما عندك سالفة .. بروح ارد على ابو روح احسن لي
(ان لم تكن ذئباً .. عادي كن حمار) = يا لبى قلبه الكاتب ..
(صعبـــة المنـــال) = انت شريرة .. يعني ما تحبين يوسف اتركيه في حاله
(ان لم تكن ذئباً .. عادي كن حمار) = ما راح اتركه حتى اوفي له الدين
(صعبـــة المنـــال) = كيفك بس اذا توهقتي لا تقولين منوله ساعديني
(ان لم تكن ذئباً .. عادي كن حمار) = ههههه ليه اتوهق تحسبيني زيك
(صعبـــة المنـــال) = وش قصدك ليانووه !!
(ان لم تكن ذئباً .. عادي كن حمار) = ههههههه ولا شي ..

(صعبـــة المنـــال) = طيب طيب يا الدبه .. انا اوريك اذا جيتي
(ان لم تكن ذئباً .. عادي كن حمار) = افااا .. لا منولتي انت قلبك طيب و تحبيني خخخ
(صعبـــة المنـــال) = ههههههههههههه
.................................................. ...............
فتحت عيونها بكسل , أول شي وقع عليه نظرها العلب اللي جتها هدايا ليلة البارحه
والي بنظرها ما كان لها داعي أبداً ..
رفعت يدها لفوق بعدين نزلتها عدة مرات عشان تحس بشوية نشاط و راحت الحمام اخذت لها دش سريع
و طلعت و هي تحس بالجووع الشديد ..
لبست تنوره جينز زرقاء و تي شيرت بنفسجي و رفعت شعرها الكستنائي لفوق و قررت تنزل تآكل لها شي
أول ما طلعت من الغرفة لقت في وجهها عمتها (حصة)
فرح : صباح الخير ..
حصة : اي صباح ..! صرنا ظهر
فرح بخجل : امس سهرنا في الليل
حصة : ايه ايه .. طيب قولي لسلفيا تجيب لك فطور
فرح : آآ .. فطروا البنات ؟
حصة : اي بنات ؟ قصدك حنان ؟
فرح : ايه حنان و نوف
حصة بغضب : لا حنان لسه نايمه
فرح ما فهمت ليه عصبت عمتها : طيب و نوف ؟
حصة بنفس الغضب : يووه منك.. وانت دايماً اسئلتك كثيرة كذاا !
فرح حست انها غلطت بشي : آآ .. طيب انا بروح افطر
حصة قاطعتها: شفتي الهدية الي جابتها لك مها أمس ؟
فرح : لا .. لسه ما فتحت الهدايا
حصة : يالله قد ايش انت بارده يا فرح .. للحين ما فتحتيها ؟
فرح : ما فيه وقت .. امس أول ما دخلت غرفتي حطيت راسي و نمت
حصة بحماسه: تدرين مها صديقتي شاريه هديتك من ماليزيا
فرح تسايرها :بالله !
حصة بنفس الحماس: اييه .. لما عرفت انك بتجين عندي كانت في ماليزيا و شرت لك الهدية
فرح بدون اهتمام: ما قصرت والله
حصة خاب املها من برود فرح : انا بروح اصحي حاتم ..
فرح : طيب
لفت فرح و هي تسمع عمتها تتنهد !!
و كملت طريقها للمطبخ و هناك لقت عمتها نوره ..
فرح : مساء الخير
نوره : اهلييين .. مساء الخيرات
فرح بإبتسامه : شلونك عمتي ؟
نوره ردت الابتسامه : الحمد لله تمام .. وانت ان شاء الله ارتحتي بالنومه أمس ؟
فرح : الحمدلله ..
نوره :عساا ما ازعجوك المفحطين أمس .. ؟
فرح : ليه امس كان فيه تفحيط
حنان دخلت المطبخ بهدوء :اووه .. امس تشجيع قام جنب بيتنا
فرح لفت على حنان : اهلين نووني مساء الخير ..
حنان بتثاؤب : مساء الخيرات ..
فرح : ليه أمس كان فيه مباراة عشان يشجعون ؟
حنان : في أي عالم عايشه انتِ ؟ ما سمعتي امس وسام وهي تتكلم عن المباراة ..
نوره و هي تعطي العصير لسلفيا عشان تحطه ع الطاولة: خلو المباريات الحين و تعالو افطروا ..
فرح جلست على الطاولة المستطيلة الي عليها الفطور و سألت عمتها: وانت بتفطرين معانا؟
حنان طالعت بسرعه في فرح : لالا .. أكيد انها افطرت من زمااان
فرح بتعجب : آهآآ ..
نوره طالعت في حنان بعدين اعطت عدة اوامر لسلفيا و طلعت من المطبخ
حنان : ايه ما قلتي لي فروحه أمس سلمتي على عمي عبد العزيز ؟
فرح : بغيت اروح له بس ...
حنان بتعجب : بس ايش ؟
فرح تسترجع الي صار لها امس و كيف حاولت تروح المجلس و لما سمعت اصوات رجال (اعمامها) ظلت ترجف من الخوف و قررت ترجع للبنات ..
حنان : هييييه .. وين مسرحه !!
فرح انتبهت لحنان : هاا ؟
حنان ترفع شعرها الي كان منسدل على وجهها : لااا البنت مو معااي أبد ..
و بغمزه : مييين شاغل بالك ؟
فرح بتنهيده : لااا وييين راح بالك ..
سوسن دخلت المطبخ و لما شافت البنات حطت يدها على خصرها : تفطرون من دووني ..! جد سخيفات وانا قعدت انتظركم
فرح قامت من الكرسي بتعجب .. أمس سوسن طلعت للملحق و سكرت على نفسها فيه , ما رضت تطلع لأحد و اليوم بكل حيويه نازله و تسولف معاهم ..
سوسن بتعجب من وقفه فرح : وش فيك فرووحه وقفتي , ترى بس امزح !!
حنان : لا الي يعيش في هذا البيت يشوف هوايل
سوسن طالعت في حنان : وش قصدك يا الدبه !!
حنان : انت مو زعلانة من مها ؟
حصة دخلت على كلمة بنتها : وش فيها مها .. ؟
.................................................. ................
...............................

دخل المستشفى و هو في قمة الغضب ..
يهرول بسرعة لعند الاستقبال و يسألهم اذا كان الخبر الي وصلوه له صحيح !
يأكدون الاستقبال الخبر الي ينزل عليه زي الصاعقه و يخبرونه برقم غرفة بنته و يرووح
لجهة الغرفه بسرعه كبيرة ..
بالرغم من كبر سنه إلا انه كان سريع جداً ..
وصل للغرفة بدقايق معدوده و شاف عندها رجال واقف راح له بسرعه و سأله : هذي غرفة مين ؟
الرجال اشفق على هذا الشايب الي باين في عيونه اللهفه
هادي : مين تبغى يا عمي ؟
سالم : هذي مو غرفة وسام ؟
هادي بتعجب : انت ابو المريضه !!
سالم بغضب : انت مين ؟
هادي : انا الي صدمتهم بالسيارة ..
سالم مسك هادي من ياقة ثوبه و صرخ عليه : انت !! انت الي حاولت تقتل ولدي !!
هذا ولدي الوحييييد .. هذا الوحيد الي انا اعتمد عليه .. انت ما تعرف هذا وش يعني لي .. انت ما تفهم ..
كيف يعطون واحد زيك رخصة !! قولي انت وجه أحد يعطيك رخصة قيادة !! قووولي وش ....
هادي مصدوووم من ردة فعل الرجال و أي ولد يتكلم عنه !!!!!!
قام مسكه من يده و قال بإحترام : يا عم انت غلطان
سالم فك يده من ثوب هادي لأنه لمس في كلامه احترام و حس بالاحراج : غلطااان ؟؟
هادي بنص ابتسامة : الي هنا بنت مو ولد
هنا سالم ما تحمل و حس انه بيدوخ و حط يده على جبهته فقام هادي مسكه بسرعه و جلسه على الكراسي الي كانت جنب الغرفة
و في هذي اللحظة طلعت وسام بسرعه من الغرفة بعد ما لبست عبايتها و حاولت تلف البوشيه على راسها بس ما قدرت تلفها زين لأن يدها مجبره ولأنها سمعت صوت
صراخ ابوها استعجلت بالطلعه
أول ما شافها ابوها راح لها و قام يتحسس ملامح وجهها !!
وسام .. وسام .. انت بخير ؟!
وسام إبتسمت لأنها حست بخوف ابوها عليها
قالت بخشونه : ولدك الوحيد .. أكيد بيطلع رجااال
سالم طالع في الجبيرة الي كانت على يد بنته و بعدين سحبها من يدها الثانيه لحضنه و همس : خفت اليوم اني افقد ولدي الوحيد
هادي طالع في المنظر الي قدامه ..
يشوف بنت ! و تتكلم مثل الأولاد ! ابوها يقول انها ولد ! و الدكاتره يقولون انها بنت !
وسام رفعت بصرها على هادي و حست بالاحراج من الموقف الي جرا .. فقامت من حضن ابوها و اتجهت للغرفة
بس ابوها مسكها من يدها : وين يا وسام .؟
وسام : بروح اظب اغراضي عشان أجي معاك
سالم : و كومار وش صار عليه؟
وسام بشهقه : والله مادري
هنا هادي قال بصوت عالي : سواقكم ما فيه الا العافية بس شوية غرز في راسه
سالم التفت على هادي :والله يا ولدي ما ادري وش اقولك ..
هادي : انا الي مادري وش اقولك يا عمي .. بس صدقني سواقكم هو الي كان مسرع و الغلط راكبه 100%
وسام : ايه يبه انت كنت مستعجل على ملفاتك و ما حبيت اتأخر عليك
و هذا الرجال لما صدمنا كان يمديه يتركنا و يهرب بسيارته ولاحد بداري عنه لكنه ظل معانا ..
سالم طالع في هادي بخجل : والله ما اعرف اشكرك ولا اعتذر منك على موقفي !
هادي حك خده بسبابته : لا تعتذر ولا تشكر .. كانت الصدمه غلطه و حاولت بجهد اني اصلحها ..
سالم : هذا من طيب اصلك .. ولا لو كان غيرك
هادي قاطعه : اي واحد بيكون بمكاني بيسوي نفس الشي
وسام : لا يخوي مو أي واحد يسوي الي انت سويته
هادي تأمل في وسام ..
كانت ملامح وجهها حلوة , حلووة مووووووت , بس كانت خشونتها مخليه فيها طابع مقزز
و هذي نظرة هادي لها !
سالم : انا بروح اتطمن على كومار و اشوف متى بيطلعونه ..
بعدين طالع في وسام و قال : انت ضب اغراضك و الحقني
وسام : على أمرك يبه
سالم ابتسم ابتسامة رضاا بعدين شكر هادي بحراره و راح يتطمن على سواقه
وسام كانت راجعه للغرفة بس تذكرت شي و شهقت : الملفات بالسيارة .. أكيد انهم سحبوها
هادي الي كان رايح تذكر الاوراق الي حملها معاه من السيارة : لا انا اخذتها
وسام ركضت لجهته لأنه كان بعيد شوي عنها: الاوراق و الملفات معاك ؟
هادي رجع لورا و فهمت وسام حركته و لكنها ظلت تطالع فيه : لو سمحت الأوراق معاك ؟
هادي هز راسه بالإيجاب :ايه في السيارة .. بأعطيها ابوك
وسام هزت راسها و ابتعدت عن هادي لكنه ناداها و لفت : نعم ؟
هادي : انا آسف على هذي الجمله بس "شخصيتك تناديك ارجعي لها لأنها فاقدتك.. و الضعيف بس هو الي يتنكر لذاته"
وسام شهقت لكلمة هادي .. اما هادي اعطاها ظهره و انصرف عنها و همس بداخله : الحمدلله على سلامتك يا قمر ..
..............................................

.................................................. .................
السكرتير : ممكن تباشر معانا في العمل الحين استاذ سامي ..
سامي : كذا ..! بدون ما أقابل العم تركي ؟
السكرتير : ايه .. الاستاذ تركي عنده اجتماع ..
سامي : داري ان عنده اجتماع مو أنا هنا من الصباح و الحين صرنا ظهر
السكرتير : ايه أول ما طلع من الاجتماع الاول وبلغته انك هنا قال خلوه يجي بكرة و يباشر عمله و دخل اجتماع ثاني ..
سامي بضحكة: اهاا .. طيب هذي ملفاتي اذا حب يشوفها ولا شي
السكرتير : خلها هنا و انا بأدخلها له اذا خلص الاجتماع ..
سامي : اوك .. الحين وين اروح ؟
السكرتير : الحين روح بيتكم تغدا و عاين خير و بكرة تعال عشان تستلم شغلك
سامي :طيب .. ممكن اعرف شي واحد ؟
السكرتير : وشوو ؟
سامي : وشوو شغلي ؟ يعني ايش بأشتغل ؟
ضحك السكرتير و قال : أكيد الاستاذ تركي اذا خلص اجتماعه بيشوف اوراقك و يقول للأستاذ نواف يعطيك الوظيفة المناسبة لك ..
سامي : آهاا ..
السكرتير : تقدر تتفضل الحين يا أخ سامي ..
سامي : طيب ..
اتجه سامي لباب الخروج و تذكر انه قفل جواله من الصبح عشان المقابلة ..
طلع سامي الجوال من جيبه و قعد يطالع فيه عشان يدخل الرمز , و في ذي اللحظة صدم سامي رجال عرفه من أول ما شافه
سامي : احم .. آسف
نواف رفع حاجبه : مو انت سامي ؟
سامي ابتسم : اييه سامي
نواف مد يده مصافح : هلا والله
سامي صافح نواف : اهلين فيك
نواف : شخبارك ؟
سامي : الحمدلله بخير .. وانت شعلومك ؟
نواف : بخير دامك بخير ..
اشر نواف لسامي يعني تفضل: حياك سامي .. تفضل على مكتبي
سامي : لا والله اخاف اعطلك
نواف بجديه : لااا توصل لعند مكتبي بعدين تروح بدون قهوه ! ما يصير !!
سامي بضحكة : تقهويت عند السكرتير حتى تعبت
نواف : ههههههه .. انت هنا من زمان ؟
سامي بإحراج : ايه جيت هنا اقدم على طلب وظيفه
نواف بتعجب : وظيفه ؟
سامي : ايه و قال لي السكرتير ان اوراقي بتجي لك
نواف : انت مو متوظف ؟
سامي : الا .. بس ... للأسف قرشعوني ((طردوني))
نواف حس بإحراج سامي : اييه تبي تنورنا و تشتغل عندنا
سامي : الله الله عاد فيني
نواف : افاا علييك ..
دقت نغمة الرساله في جوال و سكرها سامي بدون ما يشوفها بعدين سكر جواله كله..
سامي : الحين أنا استأذن
نواف : ويين ؟
سامي : عندي شوية شغلات ابي اخلصها
نواف : على راحتك .. بس تمرنا أكيد عشان تخلص اوراقك
سامي : ياليت تتطلع عليها
نواف : أكيد راح اشوفها اليوم
سامي : يلا سلااام
نواف : مع السلامة
خرج سامي و نظرات نواف تلاحقه , نواف انطوائي بس انفتح قلبه لسامي ما يدري ليه !!
حس ان عنده شخصيه قويه و اسلوبه في الكلام رهيب .. حتى لما احرجه نواف كان سامي صريح ولا حاول يتلاعب بالكلام
.................................................
قام من نومه و هو رآآآآيق ما يدري وش سالفته اليوووم مع الروقاان
يمكن لأنه نام كثير !!
طالع في الساعة لقاها 3 و نص ..
تأخر مرررره على شغله !!
ايهم رمى راسه على المخده و همس : وش المشكلة اذا غبت اليوم .. فيه ألف موظف في الشركة
بعدين حك راسه و سحب نفسه من فوق السرير و غسل وجهه و اسنانه و لبس بنطلون جينز اسود و بلوزه تي شيرت ابيض و عليه بلوزه سودا مفتوحه ازاريرها
و قرر انه يدق على سامي عشان يطلعون سواا ,بس لما اتصل على سامي لقا جهازه مغلق ..
ايهم : يااليييل .. وقتك تقفل جوالك ؟!!
طالع يمينه لقا الابتوب على الطاولة ..
من زمآآآآآآن ما فتحه .. يمكن له اسبوع تقريباً , فقرر انه يفتح النت يطقطق عليه شوي حتى يفتح سامي جواله
فتح الآبتوب و نزل اغآآني محمد عبده و لعب كم لغز فلاش و بعدين فتح الماسنجر
ابتسم ابتسامة واسعه لما شاف كل اللي موجودين مبلككين ..
شوي و دق عنده الماسنجر بأنه استلم رسالة جديدة من احد المنتديات الي مشارك فيها
و تذكر انه من زمااان ما شيك على الايميل حقه ..
ففتح علبة الرسائل و لقآآ كثيييييير بس شدة انتباهه رسالة وحده ..
مكتوب عليها (اهداء للي غدر بي &)
ما همه العنوان كثييير تجيه رسايل كذا .. بس هذا الرمز مألوف عنده !!
هذا الرمز الي دايماً تحطه منال تحت رسايلها حقت الجوال ؟
فتح الرسالة على عجل و لقا بطاقة فلاشية فيها اغنية لماجد المهندس
×××
بعد هذا العمر كله
اكتشفت أنك تسلا
يا هي في حقي كبيرة
و أنا يا غافل لك الله
روح روح الله حسيبك
تدعي لطفك و طيبك
ناوي تتسلى بقلبي
على ما يرجع حبيبك
ذنبي في رقبتك يا قاسي
ما وراك الا المآسي
ياللي ما خفت الله فيني
يوم تلعب باحساسي
×××
البطاقة مرسوم عليها ظل بنت ولا يبان منها الا دمعتها الي تنزل ..
؟؟؟؟؟؟؟؟؟؟؟؟؟؟؟؟؟
تتكر الف علامة استفهام في عقل ايهم !
وش سالفة هذي البطاقة !!
وهل ممكن ان منال هي الي مرسلتها ؟
بس ليييييش ؟؟
.................................................. .............................
مشعل : من جد يا خالتي ؟
أم أثين بمكر : عمرها خالتك وعدتك وعد ولا نفذته !!
مشعل : بس كذا انت بتقدمين لي فرحة العمر ..
أم أثين : ايه لأني احسك ولدي يا مشعل ..
مشعل : بس اخاف يسوون مثل المره الجاية و يردوني ؟
أم أثين : تطمن .. هذي المره هي بتجي تبوس رجلينك عشان تتزوجها
مشعل : آآه ماني مصدق .. مناال بتصير لي
أم أثين : ما عليك الا تتقدم .. و انا اضمن لك انها بتوافق 100%
مشعل : انا خوفي مو من منال أنا خوفي من جدي ..
أم أثين : وش فيه جدك ؟
مشعل : اخاف يردني .. هو أكيد بيردني لأنه ما يحبني .. و دايما يقول لي اني موب كفوو
أم أثين : ما عليك .. اذا منال قالت انها تبيك ما فيه شي راح يعترض طريقكم بأي شكل من الأشكال
مشعل مو مصدق عمره :أخيراً .. أخيراً
أم أثين : بس انتبه .. انت الحين لازم توريهم انك خوش رجال و يعتمد عليك
مشعل : بس كيف ؟
أم أثين بخبث : يعني لازم تترك طلعاتك للبحرين الي مالها داعي كم يوم و تترك روحتك للقهوه و السهر براا و تترك اصحابك
مشعل : لااااااا خالتي ما اقدر ..
أم أثين بعصبيه : بس كم يوم حتى يقتنع جدك ..
مشعل بإبتسامة : صاار ..
و بعد تفكير : ايه و عندي فكرة بعد حلوة
أم أثين بفرح : هاا ؟
مشعل : بأروح أصلي في المسجد الي يصلي فيه جدي
أم أثين بخيبة أمل : اففف منك .. انت الي بتخربها , الحين بيتكم وين و بيت جدك وين! بيعرف انك منافق
مشعل بتفكير : ايه والله صح
أم أثين : اسمع انت لا تسوي ولا شي الا الي اقولك عليييه و بسسسس فااهم ؟
مشعل : ولووو
أم أثين بضحكة : و مبروك عليك يا عرريس
مشعل بفررررررررررررررررررح: احم احم .. الله يبارك فيك
أم أثين : يلا قفل الحين لأن بعد شوي بيجيني خالك سعود
مشعل : لا تنسين تقنعينه يا خالتي
أم أثين : ما عليييك .. ابشر
مشعل : تسلميييييييين يا اغلاا خالاتي
ام أثين : بس اذا دق عليك خالك سوي عمرك ثقيل و لا تغلط و تقول اني كلمتك
مشعل : لحظة .. وشلون ثقيل يعني ؟
أم أثين : يعني اذا قالك لسه شاري منال .. قول هي باعتني يا خالي
مشعل : لالالا .. اخاف تطير من يدي
أم أثين : يووووه منك ليه ما تفهم .. سوي الي اقولك عليه و بس
مشعل : طيب بس ان طارت من يدي يا خالتي
أم أثين : ما عليك .. اذا طارت من يدك عطيتك رجاء بنتي
مشعل : لاااا تكفين ..خلاص امزح معاك
أم أثين : ههههه قلعه والله ما اعطيك بنتي
مشعل : هههههههه والله ما آخذ بنتك
أم أثين : يلا الحين بأقفل سعود انتظار عندي
مشعل : بااااي
سكرت أم أثين و مشعل تشقق من الفرحه .. ليه لأ و هو الحين قريب من منال عمره الي عاااش عمره يتمناها ..
هو فعلاً يكلم بنات و عنده ألف وحده يحبها .. بس منال يحس انها هي الوحيدة المناسبة انها تكون شريكة عمره ..
..................................................
"شخصيتك تناديك ارجعي لها لأنها فاقدتك.. و الضعيف بس هو الي يتنكر لذاته"
"شخصيتك تناديك ارجعي لها لأنها فاقدتك.. و الضعيف بس هو الي يتنكر لذاته"
"شخصيتك تناديك ارجعي لها لأنها فاقدتك.. و الضعيف بس هو الي يتنكر لذاته"
هذي الجملة ما عادت تفارق خيال وسام أبد أبد..
طلعت من المستشفى و جلست في البيت لحالها و تحديداً في غرفتها هي تكره المستشفيات
حتى كومار أحسن منها لأنه بات الليلة في المستشفى ..
بس لما عرض سالم على وسام انها تبقي في المشفى عصبببببت هي تكره هذا المكان من يوم هي صغيرة ..
حاولت جمان انها تقعد معاها عشان تسليها بس وسام رفضت و قالت انها تبغى ترتاح في غرفتها
بس حتى لما حاولت تنام طار النوم من عينها ولا بقي الا نفس الجملة .. تتكرر في مخها
"شخصيتك تناديك ارجعي لها لأنها فاقدتك.. و الضعيف بس هو الي يتنكر لذاته"
وش يقصد يا ترى !!
لا يكون يقصد اني أنا جباانه ؟!!
لا ما اتوقع ..
آآآآآآآآآآه
ذاك الرجال غير أي رجال ثاني
فيه قوة .. قوة غير طبيعيه ..
مسحت يدينها بكفينها و همست بسرعه : حتى أنا قوي .. ابوي رباني على أني اكون قوي
و رجعت تنهدت ..
عمرها ما حبت اسلوبها هذا .. ما حبت انها تتملك شخصية الولد
بس .. ابوها لو يدري !
هو رباها على انها كذا ..
غمضت عيونها تتذكر لما كانت في الابتدائي و تروح للحلاق ..
كانت طفولتها خاليه من الشرائط البيضا
خالية من الظفاير
خالية من الدلع
ما فيها ولا شي يدل على انوثتها
كانت تحسد اخواتها .. جمان و ارجوان و بيان على كل شي
لأنهم ناعمات و دلوعات
تحسدهم حتى على اساميهم ..
كلها دلع و انوثة
بس هي اسمها (وسام) !
هو صحيح يركب على بنت و ولد ..
بس تحس انه ولادي أكثرر
تنهدت بقوووووة و دفنت وجهها في المخده و غاصت في عالم من الدمووع
.................................................. .................................
فرح تقلب بين الهدايا عشان تطلع هديه مها
حست ان عمتها حصة زعلت لما دخلت المطبخ و سألتهم وش فيها مها ...
الكل سكت وقتها و نظرات حصة دارت في وجوه الموجودين بعدين طلعت بغضب ..
سوسن كانت جالسه ع السرير مع فرح ..
سوسن : لقيتيها ؟
فرح : مدري أي وحده ..
سوسن : غريبه ما عليها بطايق الهدايا !!
فرح بإبتسامة : انا نزعت البطايق عشان اتفرج عليها
سوسن : ههههههه فيه أحد صاحي في العالم ينزع البطايق ولا يفك الهديه
فرح : هههههههههه فيه ليه لأ
سوسن : طيب بأقلب معاك بالهدايا يمكن يكون حظي احسن من حظك و الاقيها
جلست سوسن جنب فرح و قامت تقلب بالهدايا و فتحت هديه من بين الهدايا
سوسن : فروووووحه شوفي
فرح بفرح : وشوو ؟
سوسن : هديتك ذي .. جوال خطييير
فرح : يووه منك على بالي انك لقيتي هدية مها
سوسن : يا بنتي اقولك جالك جوال و شريحه بعد .. الظاهر ذي من خالي عبد العزيز
فرح بتفكير : بس انا ما سلمت عليه !!
سوسن : عادي يمكن ساره حطتها مع الهدايا
فرح : ايه يمكن ..
سوسن : انت عندك جوال ؟ اقصد من أول ؟
فرح : لا ما عندي
سوسن : أجل وش تنتظرين اشبكيها يالله و سجلي رقمي عندك
فرح : ههههههه حاضر يا ست سوسن
سوسن و هي تساعد فرح في تركيب الشريحه و تشغيلها:هاااه مبسوطة
فرح : ايه .. ذوووق مره عمي فديته
سوسن رفعت حاجب : كيف تفدينه وانت ما تعرفينه ؟
فرح : لا تدققين كثيييييييييرر
سوسن : ههههههه فديتك
فرح أول ما شغلت الجهاز و بدون تفكير اتصلت على رقم بيتهم القديم : .......................
فرح : الووو
سامر : هلا
فرح : آآ .. سامر ؟
سامر انشقت شفاته من الفرحه : ميييييين فرح ؟؟
فرح : اييه فرح
سامر بلهفه : اهليييييين فروحه وش اخبارك .. ان شاء الله بخير
فرح : بخير عساك دووم بخير
سامر بتفكير : لحظة فرح .. من وين تتصلين ؟
فرح : هذا رقمي الجديد .. سجله عندكم عشان هشومي و سلوم يدقون علي
سامر : حااضرين للغالين .. كم فرح عندي أنا !
فرح بإحراج خالطه الحزن : تسلم ..
سامر : الووو .. الووو .. فرح
فرح ما قدرت تتحمل و سكرت الخط و دخلت في دوامه من الدموع صوت سامر ذكرها في حبه لها
ذكرها في مصيبتها
ذكرها في فيصل
ذكرها في ايامها السودا
فتح عليها ابواب كثيرة كانت ناسيتها
دمعتها حرقت خدها .. بس مافيه أمل ترجع الماضي
سوسن لما شافت دمعة فرح حضنتها بسرررعه و قالت : وش فيك فرح !
.................................................. .............
.............................................
................................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 28-05-2009, 01:12 PM
صورة ضـٌכـِيَّــۃْ صَـمٌـِتّ الرمزية
ضـٌכـِيَّــۃْ صَـمٌـِتّ ضـٌכـِيَّــۃْ صَـمٌـِتّ غير متصل
©؛°¨غرامي مشارك¨°؛©
 
الافتراضي رد: روايه انتي نسيتي وكيف انا انسى روعه حب وغرام واحداث رهيبه


×××××××××××××××××××××××××××××××××××××××××
جالسه تدوور في غرفتها .. من ليلة البارحه ما طلعت منها
ولا في نيتها تطلع , ما تبي تشوف وجه سعود !!
ما تبي تواجه الحقيقة المره الي حطها فيهاا ..
تأففت عده مرااات و قالت : يااااااربي جوعاانه ما عاد فيني اتحمل
من امس ما اكلت شي غير قطع شوكولاته كانت حاطتها في غرفتها
جلست ع السرير و فتحت النت ..
كاااانت تعبااانه تبي بس تشوف ليان و تسولف معاها
رددت بصوت عالي : كله منك يا ليووونه الدبه.. قايلتلي امس انك راح تجين لي ولا جيتي
افففففف ما احبك ..
فتحت الماسنجر ولا لقتها .. تضااايقت مرررررررررره
و قررت آخر شي انها تفتح المنتدى الي دايما هي متواجدة فيه
و أول ما سجلت دخولها لقت رساله خاصة من روحي تحبك !!
ضحكت بصوت عالي نساها همها ..
وش يبي ذا .. أكيد قرأ ردي على خاطرته أمس !
فتحت الرسالة الخاصة و زي ما توقعت .. كان مقتبس ردها و كاتب كلام تحته
( لا اقول ان خاطرتي هي الأمثل في العالم .. ولكنها أفضل من ((خرابيش الدجاج)) التي تكتبينها انتِ
ان اردتي يمكنني مساعدتك لحل المأساة .. عفواً .. خواطرك
على هذا البريد :
(تم حذف الإيميل لأن عرضه مخالف لشروط المنتدى)
تحياااتي)
منووله حست انها انصقعت كف لما شافت رسالته ..
انقهرررررررت قههههر موو طبيعي أبداً
هذا وقح .. يقول عن خواطري الي يتسابقون الأعضاء لقرائتها خرابيش دجااج !!
انا اوريه , بعدين وش مفكرني معطيني ايميله ..!
طيب طيب يا ابو روح .. عسى روحك تروح ان شاء الله و افتك منك
يعني ما يكفيني ايهموه ابو المصايب جااي انت تكمل علي ..
سكرت الرساله و رجعت تحوووس في المنتدى
ما كان فيه أحد متواجد الا بعض الاعضاء الجدد الي ما تعرفهم زيين
رددت بملل : يووووه ليييه فاااضي .. وش اسوي بعمري انا .. زهقانه و زعلانة و فوق هذا بموووت جوع , و لياانووه العله مقفله جوالها ..
حطت كم موضوع للنقاش ودها تتضارب مع روحي تحبك ..
انتظرته كثييييييير بس ما دخل ..!
طرأ على بالها فكرة شينه بنظرها .. بس الانسان في لحظة من اللحظات ينشل تفكيرة من كثر الزهق
و يبي يسوي أي شي يتونس فيه و يوسع فيه صدره ..
منال بهمس : الحين اضيفه و اوريه شغله .. باهزئ فيه و بعدين بأعطيه بلوك و ديليت .. اتونس فيه اشوي حتى تجي ذي الليانووه
××××××××××××××××××××××××××××××××××××


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 05-10-2009, 12:10 AM
صورة miss_7la الرمزية
miss_7la miss_7la غير متصل
©؛°¨غرامي مشارك¨°؛©
 
الافتراضي رد: روايه انتي نسيتي وكيف انا انسى روعه حب وغرام واحداث رهيبه


ننتظر التكمللللللللللللللللللللللللللله بليييييييييز..
تحمست مرره..
miss 7la

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 03-11-2009, 06:39 PM
اموونهـ اموونهـ غير متصل
©؛°¨غرامي جديد¨°؛©
 
الافتراضي رد: روايه انتي نسيتي وكيف انا انسى روعه حب وغرام واحداث رهيبه


؟؟؟















جاري الانتظااااااااااار

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 05-03-2010, 09:54 AM
صورة كنت اعرفك الرمزية
كنت اعرفك كنت اعرفك غير متصل
©؛°¨غرامي جديد¨°؛©
 
الافتراضي رد: روايه انتي نسيتي وكيف انا انسى روعه حب وغرام واحداث رهيبه


السلام عليكم
انا كنت متابعتك من خلف الكوآليس
بس سجلت مشانك ..

تكفففففففين لآتتأخرين علينا ..

بـ أنتظآرك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 05-03-2010, 12:28 PM
صورة كنت اعرفك الرمزية
كنت اعرفك كنت اعرفك غير متصل
©؛°¨غرامي جديد¨°؛©
 
الافتراضي رد: روايه انتي نسيتي وكيف انا انسى روعه حب وغرام واحداث رهيبه


ويييييييينك

تأخرتي علينا ,, عسى المانع خير ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 14-04-2010, 01:24 PM
صورة ضـٌכـِيَّــۃْ صَـمٌـِتّ الرمزية
ضـٌכـِيَّــۃْ صَـمٌـِتّ ضـٌכـِيَّــۃْ صَـمٌـِتّ غير متصل
©؛°¨غرامي مشارك¨°؛©
 
الافتراضي رد: روايه انتي نسيتي وكيف انا انسى روعه حب وغرام واحداث رهيبه


^^^^^^^^^
ان شاء الله قريب انزل البارتات.....

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 27-12-2010, 10:48 AM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: روايه انتي نسيتي وكيف انا انسى روعه حب وغرام واحداث رهيبه


اقتباس:
3 / إغلآق الموآضيع :
تُغلق الروآية في حآل طلب صآحبـ / ـة الموضوع الأصلي ‘ تأخره ‘ توقفه ‘ تجآوزآت في االردود

يُــــــغـــــلــــق

الرد باقتباس
إضافة رد

رواية إنتي نسيتي وكيف أنا إنسى / الكاتبة : روح الطفولة ، كاملة

الوسوم
خيال ..رومانسيه.. سعوديه
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6275 12-03-2019 03:42 PM
رواية عشق الطفولة / الكاتبة : مشاعر , كاملة اعظم شوق روايات كامله - يتم نقل الرواية هنا بعد اكتمالها 12 18-01-2014 04:14 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 1999 25-08-2011 01:29 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
مجلس الروايات للإستفسارات و الطلبات ؛ الزعيـ A.8K ـمه روايات - طويلة 2042 24-02-2010 04:37 AM

الساعة الآن +3: 05:44 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1