اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 20-04-2009, 11:09 PM
monaw monaw غير متصل
©؛°¨غرامي جديد¨°؛©
 
الافتراضي رد: ثقيلة مزحة الدنيا


اشكرلك رجوعك
كنت من متابعي الروايه
الاسلوب الجديد رائع
يعطيك الف عافيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 21-04-2009, 06:12 PM
سووسو_دلع سووسو_دلع غير متصل
©؛°¨غرامي جديد¨°؛©
 
الافتراضي رد: ثقيلة مزحة الدنيا


ياهلآ بالغاليه ..
/
رجعة بـ تميز ما شآء الله :)
آلاسلوب الثآني روعة ما شاء الله .. -> مانسيت الآول ^^

حالياً ماعندي توقعات ..
بس آتوقع أنوو سطاآم هوآ نفسه محمد ولد عبدالرحمن ..!!!

/

ترآني متابعة لكِ من أول :)
بس ما كنت مسجلة ... ومن فترة سجلت ..^^

حَفِظَكِ آلمَوَلَى


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 21-04-2009, 09:36 PM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا


الجـ[4]ـزء الاول

تسألنّيْ عن حاليْ .. !
[ وحيـد ] ..
[ وحيـد ] ..
[ وحيـد ] ..
[ وحيـد ] ..


ليـلاً .. !
مشت في اسياب المستشفى .. وصلت لـ الباب اللي انفتـح اتوماتيكيـاً .. وكأنه داري ان اخلااقها في راس خشمها ..ولا لها خلق تفتح الباب..لان خطر تحط حرتها فييه!.. وصلت سيارة السواق اللي تتـعامل معه ..

طالعت فـ مجمـوعة شباب حثـاله..يمكن سميتهم حثاله لـ مستواهم المادي..لان واضح مننوع سيارتهم أيـاً كان نوعها انها كشخه..مدري ليه أكـره هالنوعيـه ..اللي يولدونوابوانهم من اغنـى الرجال..واحنا..خلنا ساكتين بس..الله يرزقنا ويرزقالجميع..ماعطيتهم وجه..بعدوا عني..بس الى الان ماحسيت بـ الراحه..معد صرت اخاف منحركات الشباب لاني تعودت خلااص وكلامهم يروح فـ الهـوا.. لاني مثل الميت الكلامالمعسول والريق الحلوو معد يحركني..فقدت الاحسـاس الحلوو..وعلى قولة اختي اللي بـالثنوي "جـود" ..يمكن الانوثـه فقدتهاا..هـه ومعد يهمني..مافي انثـى ولا ذكر..الحين "الاقـوى" سواء انثى او ذكر..


تكره نوعيتهم .. وطبقتهم !..
اللي ماهمهم بـ دنيتهم غير وناستهم .. والفلووس تجيهم على طبق من ذهب
هذولي هم .. انولودا وبـ فمهم ملعقة ذهب ..
تكـررررهم !.. هذا اللي تعرفه انها تكرررهم .. وتبي تبيدهم من الوجود .. يحسبون نفسهم فووق .. وإحنا تحت !

الاسـم/ هيله سالم الـ"......"
العمر/ 22 سنه
الشهـاده/ طالبه جامعيه ..اول سنه طب ..


كملت طريقها ووصلت لـ بيتها اللي بـ حي هاادي تتفاوت فييه البيوت ..
دخلت وهي ترمي شنطتها .. شافت اختها "جود" منسـدحه ع الكنبه .. ومعها كتاب الادب ..

هيله :السـلام عليكم
اختها:وعليكم السـلام ..
هيله تفصخ عبايتها: الا وين امي؟
جود: فالمجلس مع ابوي .. توكله!

رقت فوق بعد ماقالت لـ أختها تقول لهم انها جت .. لبست لها بيجاما .. وانسدحت ع السرير ..
تقلبت كم مره بس ماجاها النوم مع انها دااااااااايخه .. سمعت الباب

طـق .. طـــق!

هيله : أدخـل
دخلت ام هيله ( ام عبدالله ) ... :مانمتي
هيله : لا..
ام عبدالله : اجل تعالي تعشـي .. نواشف
ابتسمت..ليه احنا عندنا آكل غير النوااشف ..
اعرفكم شوي على حيـاتي بس صبر خل اقول لـ أمي اني ماأبي شي : لا يمـه مب مشتهيه .. بس قولي لـ جود ترقي لي قهـوه !

امممم اول شي يمكن تستغربون ان عمري 22 سنه وانا في اول سنه لي بالجامعه .. انا دخلت معهد تمريض سنتين .. عشـأن كذا تشوفوني طلعت من المشتشفـى توو .. انا اشتغل ممرضه من الساعه 8 ليـلا .. وقبل كذا ادرس .. واتطبخ وارسـل لـ البيوت .. طبعا اسـاعد امي احيانا .. جود اختي تدرس في صف ثاني ثنوي !..
انسـانه متذمره بس طيبه .. واحيانا جد احسها مقدره حالتنا !

اعذرووني ودي اكمـل معاكم بس بتقهوى واشوف دراستـي بما ان مافيني النوم ..
ولا مجلسـكم ماينمل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 21-04-2009, 09:39 PM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا


الجـــ[5]ــزء الاول

في شـوارع باريس .. كنت اتمشـى وزوجي أحمد معـي .. رحنا لـ واحد من المطااعم تدرون ان اكل باريس ماعجبني مره ..هاليومين اللي جلستها.. اكلهم ..أستغفر الله !.. بس وش اسوي .. هذا اللي اقدر اكله .. ولا أبي افشل احمد ..

الاسـم / نوره فهد
العمـر / 21سنـه
الشهـاده/ ثالث ثنـوي علمي

احمد مبتسم: وش تبين تاكلين ؟
نوره : امممممم .. "وحطت المنيو وهي تطالعه"..انت وش رايك؟
احمد نزل عيونه ع المنيو حقه وهو يفكر: مدري والله .. خلينا ع السانديتشـات وش رايك؟
نوره تسندت وهي توكله مهمة الاختيار: خـلاص !..

لما طلبـوا ..ربع ساعه الا طلبهم وااصل .. أكلوا وهم يسولفون ..
احمد:عسـى عجبتك باريس في هاليومين؟
نوره تطالع المحلات اللي حولهم .. والناس الرايحه والجايه : حلـوه!.. بسس توني ماصار لي الا يومين .."ناظرته بـ إبتسامه حلوه"..مقدر احكم
احمد : إن شـاء الله بوريك كل شبر فيها .. وبـ تمليييييين منها

أبتسمت نوره .. نفذ وعده .. تذكرت قبل يوم كان يواعدها ان بيوريها كل المدن والدول اللي تبي تشوفهـا .. هذا هو بدا بـ باريس..

الاسـم/ أحمد الـ"......."
العمر/ 28سنه
الشهـاده/ ماكمل جامعه ..ويشتغل مع ابوه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 21-04-2009, 09:41 PM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا


الجـــ[6]ــزء الاول

طلعت من بنك وهي مساكه الملف اللي معها .. عدلت نظارتها وهي تزفـر بـ غضب .. : ششششـت!!
اتجهت لـ سيارتها وركبت وهي ترمي ملفها بـ عصبيه جنبها .. وأتجهت لـ بيتها ..
وصلت لبيتها او بيت ابوها .. دخلت وهي تفصـخ والبالطو .. حقها والحرمه المصريه طلعت من المطبخ في استقبالها ..
ام حسـن : أهـلا جوان .. إيييه الاخبـار
جوان تتـوجه لـ الصاله وترمي نفسها ع الكنبه اللي قبـال شباك يطل على منظر بفتـح النفس .. : ذيـر از نو جووووب (مافي شغل)
ام حسـن : ياخسـاره .. خيرها بغيرها
جوان:طفشششششت!..ذااااتس إإإت!
ام حسـن تروح المطبـخ وتجيب لها كاس ريـلآكس ..وتجي :تفضلي
جوان اخذت العصير .. وترقـى فوق ..

الاسـم / جوان عبدالكريم ..
العمـر/ 23سنه
الشهـأده/ بكلريوس إدارة اعمال

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 21-04-2009, 09:45 PM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا


الجـ[7]ــزء الاول




نزلت من سيارتها تاهو .. مسكت ملزمتها وهي تحس ان هالجوو الباايخ بيرفع لها ضغطها .. مشت لـ باب القصر وهي تأفف
"ياليل هالجوو .. ان لبست جاكيتي حر وان فصخته برد.. والله حاله!!!"

دخلت واتجهت لـ غرفتها .. فتحت الباب ورمت شنطتها الـ غوتشي .. وجلست على سريرها الملكي وفصخت جزمتها اللي نفس ماركة شنطتها والساعه بعد
ابتسمت وهي تتذكر كلام صديقاتها يوم يقولون

" ههههه وش عندها كلها صايره غوتشي .. شكله تقليييد "
"ههههه والله اليوم انتي مربحتهم"


ضحكت بينها وبين نفسها .. راحت لـ غرفة الملابس واختارت لها بيجاما دافيه لان غرفتها بـاارده
راحت لـ الشباك اللي كان ماخذ مساحة جدار كاااامل وهذا السبب اللي مخلي غرفتها بارده .. انسدحت وسكرت عينها بسلاااام.. بس سمعت صوت

اسمعك كمل كلامك
بعد احبك ايش قلت
تحسب اني يوم اطالع غيرك مسـ...

ردت بتثااقل لان فيها النوم :هلااا خجيييل
خجل: هلا نجلآ قلبتي .. وينك طلعت من محاظرتي مالقيتك؟؟
نجلآ:إييه قلت لك معد عندي شي الدكتوره اعتذرت .. توك طالعه انتي من محاظرتك؟
خجل:إييه
نجلآ: اهاا .. اجل وش رايك تستحين على وجهك وتقولين مع السلامه ..
خجل:ههههههه ليه ؟
نجلا:ابي انوووووم
خجل:هههههههه .. طيب مشـتاقة لس يختي ..
نجلا:تشـتاق لك العافيه .. بس جد فيني النوم
خجل ابتسمت:اوكي بس اول ماتقومين بليـز .. دقي علي .. ولا اقولك !..تعالي عندنا
نجـلآ:اوكيـه!..أشوف

سكرت من خجل .. وتلحفت زين .. مادريت الا رن جوالي مره ثانيه
يالييييييييل ماأطولك !!

المتصل >ندى

نجلا:هلااا
ندى:هلابك أكثــر
نجـلآ: وش تبين؟
ندى:أفاا !.. وش هالاخلاق
نجلا:وربي رااسي كبر الحمار مره فيني النوم ..
ندى : الله!.. ليه متى قايمه خبري بك فااخه نوم لين 9 .. "وكلمت احد جنبها".. لالا خالد .. مو هنـا
سمعت صوت اللي عند ندى : اقوووول تراني ماأشتغل عندك؟
ندى:يوووووه خلودي بلييييز يعني اشيل هذا الشي؟؟؟؟
خالد : وش علي منك المهم وين احطه؟
ندى: امممممممممم .. هنا .. ولا؟
خالد :مدري عنك

نجـلآ:اقول ندى
ندى:سوري نجووله تـأخرت عليك .. بس تو الدسك توب حقي جااي .. مسويه فورمات
نجلا: هذا خالد؟
ندى بنيره:إيييييه خااااااااااااالد
نجلا:بسم الله علي ليش تكلميني كذا؟
ندى: ابببد .. ههههههههههههههههههههههههه
نجلا:على.... هذااااك الشي
ندى:قلـة ادب ..
نجلا:اقول انا بنوم شكلك راعية طويله
ندى:وش ينومك يااااامال المشـق اللي يحمر ...
نجلا:اقول اسكتي اعرف حكيك انا .. طول عمرك وصخه !
ندى:ههههههههههه
نجلا:يالله ياقلبتي .. بدك شي
ندى: اييييييييه .. معي لك شي
نجلا ارخت هدبها وميلت شفايفها بـ ملل: هاه
ندى:ووجع!.. وش هالاسلوب
نجـلآ: هههه يلله عاد
ندى: امم .. خويلد اخوي يسلم عليك
نجـلآ:................................
ندى:هههههه وش فيك سكتـي
نجلا من ورا قلبها : بـ أي صفه يعني
ندى تدق: اخوك الكبيـر
نجلا:اقول لايكثر بس .. يلله مع السـلامه

ههههههه يوم سكرت من نـدى .. حسيت ان بطني يمغصني .. ااجل خالد يسلـم علي ..
يـ الله .. الله يسلمه من الشـر ..

الاسـم / نجـلآ صـالح آل "......"
العمـر / 22سنه
الشهـاده / طالبه جامعيه .. تخصص خدمه اجتماعيه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 21-04-2009, 09:51 PM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا


]
الجزء الثـــاني..!


وقف سيارته عند شقته .. لف لـ اللي معاه : الله يحيييك في بيتك .. اللي هو بيتي طبعـاً
ابتسم سطام: ههه ماتم حسنتك انت وجهك

نزلوا .. ودخلوا شقة مشعل اللي يعيش فيها لحاله .. لاحظ سطام ان شقته مرتبه وهالشي مب غريب عن مشعل
سطام: ياخي احيانا احسك متزوج بالسر
مشعل:ليه؟
سطام:نعنبـو عدواانك هذي شقة عزوبي؟؟..انا غرفتي وترتبها لي ملاك ولا نوره .. الله يذكرها بالخير..واحسني شاايل همهاا
مشعل :لاااااااااااا إله الا الله
ضحك سطام .. وكمل مشعل
مشعل: الا على طاري نوره وش اخباارها مع سي السيييد
سطام:تزقح
مشعل يجلس : اجل نوره اللي حدها الشفـآ تروح .."ومسوي شي"..باااااغي!
ابتسم .. :يااحبي لها والله .. طقاقها مع ملاك له فقده
مشعل اخذ الريموت .. وولع التلفزيون : الا بقولك .. وش مسويه ملاك .. اخبرها ثالث ثنوي..ماتعبت نفسيتها لان نوره تزوجت؟
سطام: مدري والله نوره توها يومين مسافره..بس والله ملاك ماقصرت اوديها لبنات عمي
مشعل:زييين .. بس لاتهمك ترا ذا البنات يحبون يتدلعوون على غير سنع



كانت منسدحه وتلعب بوحده من خصل شعرها البني .. وهي تسمع لبنت عمها تهـزء .. بس مب لمها ابد .. كانت غاارقه بـ أفكاارها .. بس واعيه لـ اللي جالسه تهـزء

نجلا: خجل ياحماااااار يافااااااهيه..يااامخ جـزمه..يـا
خجل بشوية عصبيه:نجلا خلاااص عاد ترا عطيتك و جـه!..مالي خلق سوق
نجـلآ: طيب ملكتك الاسبـوع الجااي .. وش بتلبسييين؟؟
ناظرت نجلا بـ وحده من نظراتها الحاده : ياختي خلاااص .. هالملكه صارت بدون رضاي...وشوله استعد..كلها كتب كتااب وخلصنا ماله داااااعي شكلياات..واخوك يبيني يبيني .. يعني متزينه ولالا
نجلا شوي وتقطع شعر راسها من القهر: اقول لا يكثر .. وقسسم بالله ان ماقمتي والله ياخجل والله ما أكلمك..شوفيني حلفت!!!
قامت خجل .. ورفعت سماعة التلفون .. ونجلا تناظرها تحتري تشوف وش بتسوي

خجل: آلوو سيرين..جيبي عبايه انا حق سـوق......ثاانكس

وسكرت ..:أرتحتي!
ماردت عليها ولفت تاخذ عبايتها من الكرسي اللي مزين غرفة خجل.. كان مثل الدائره مفتوحه ومعلق ع الجدار .. وشكله مره حلوو .. لبست العبايه ..وجت بتطلع
نجلا:انتظرك تحت!

وش سر هـ الشوق اللي يجيني !
.....قلبي طول وقته معك ما يبيني !


أسألك باللي اوجدك بالكون !!
أسألك بـ [الله]

إنك تقول وش يكون :
هو غرام .. احترام .. أو مرحلة الحب بـ جنون؟!

سكرت الباب بعد ماركبت .. وطالعت بنت عمها اللي كانت عينها ع الشـأرع .. مشـوا وطلعوا برا القصر .. وهم متجهين لـ سنتريـا ..
خجل: أممم .. نجلا..
نجلا وهي حاطه يدها على خدها:هممممم
خجل: زعلتي من كلامي؟
التفت نجـلا .. وقالت من ورا قلبها : لآ وش اللي يزعل
خجل بـ إحراج: لا لآني سبيت اخوك .. وقلت اني ماأبيه ومن هالحكي
نجلا : حبيبتي خجل..انا مب هذا اللي قااهرني.. انا اللي يقهرني لا شفت عمر اخوي ضاايع كله عشـأن يرضيك ويحبك وانتي قلبك مع غيره
خجل طالعت الشبـاك : نجلا .. "خنقتها العبره"..والله مب بـ يدي .. هذاك الانسـان ملكني من غير شور .."رجعت تطالع نجلا"..يعني تحسبين ماودي احب اخوك؟؟..ع الاقل فرااس يستـاهل مني كل حب و ود .. بس والله مب بـ يدي.. انتي تدرين اني مااقد حبيت فراس .. انا اعتبره اخـو .. أخـو لا أكثر ولا أقـل

نجـلا:........
خجل:نجلا لاتسكتين تكلمي تكفييين!
نجـلا تنهدت وعينها ع الشارع: الله يهديك غصب عنك .. هذا اللي اقدر اقوله
قربت لـ يد نجلا ومسكتها: بليييييز قولي انك مو زعلانه
طالعتها نجلا .. وابتسمت : لو بزعل منك زعلت من زماااان .."وبمرح"..يااحظك فيني بس
خجل ضحكت:هههههه انا اشهد



قالت وهي منزله راسها وتسكر طقاطق عبايتها : والله ودي اجلس اكثر .. بس متعب عند الباب ..
مدت بوزها : ياسفاابك والله
ملاك: طب هيوني .. روحي الحين قولي لـ بنت عمك جووييج .. اني شرهتن عليها .. اجل تسفهني وانا عندكم .. قـلة ادب
هيـا:ههههه .. عندها امتحان .. ماتعرفين الجوري الاخت علمي
ملاك:يااشين الكسلانين لابغـوا يسوون نفسهم دواافير
هيا: لا والله انها دفره .. ماشفتي نسبتها العـأم
ملاك وهي تطلع من الفله .. وتتـجه لـ باب الشارع: الله يعيني من متعبووه ..
هيـا:ههههههههه لين الحين راعي نعفقه اخوك؟
ملاك تلبس نقابها:ولييييين بكره .."تفتح الباب"..يالله تشـآو!

ركبت مع اخوها فالسياره .. كان جالس يحورف فالمسجل .. وكان مشغل راشد
ملاك: السلااااااااام !.."يوم سمعت الاغنيه"..وش عنده سطاااام
متعب طالعها: بس سطام يعني اللي مزااجه راشد
ملاك: لا بس سطام معروف .. هوو رااشد اخوااااان .. "وكملت تستظرف"..تصدق من كثر ماأحس انه يحب رااشد ويسمع له .. احسـه صار يشبه له
متعب:هههههههههههههههه لا وانتي الصاادقه يشبـه إيـأد اللي فالمسلسل التركي
كشرت ملاك: لا هذا انت رااعي مسلسلات تركيه .. محد مربح mbc غيرك
متعب يحرك السياره : وووووجعه تابعت واحد صرت مربح mbc
ملاك: إييييييه لعد تتابع شي الله يعافيك.. اتذكر مره تابعت مسلسل في رمضـان .. اعوذ بالله .. يعني من جد حمدت ربي ان المسلسلات حراااااااااااااااااااااام
متعب:ههههههههههههههه .. اقول وراك لاطعلتني برا؟
ملاك: يالييييييل..على بالي نااسي..الا بعد انت جايني 10 مدري 9 ونص .. مابعد شبعت من البنااات
متعب : مب لازم تشبعين..أهم شي سيرتي ووصلة الرحم
ملاك بـ نص عين:أرحمني يالوااااصل .. كم لك ماشفت عمي بـ الله!
متعب:اقول اسمعي ذا الاغنيه والله حلووه !




جلست على وحده من كرااسي الموجوده في المقهـى .. شغل التمريض مُـتعب وربي .. تحس ان ودها بس ترجع البيت وتناااام .. تتأأففت وهي تحط راسها ع الطاوله بعد ماتذكرت ان وراها كويز بكره ..

- مااااالو الحيلو زعلان
رفعت هيله راسها وابتسمت: هلا هيفـا .. مو عندك جراحه؟
هيفا تجلس وتسحب المنيو اللي ع الطاوله: لا وييين خلصت
هيله: يـ الله عقباال ماتيصيرين الممرضه حقتي هههه
هيفـا : هههههههههه لآ يختي التمرييض انواع البيااخه!...تخيلي في شاايب احاول اعطيه دوااه بس معيي!.."رصت اسنانها"..يقهـــــر!!
هيله:هههههه .. تحملي .. انا كل المريضين اللي يجون الدكتوره اسماء اغلبيتهم عجايز ..
هيفـا:هههه إيييييه شياااب الله يصلحهم
هيله اكتفت بأبتساامه هي تحب الشيااب ماتدري ليه ..
هيفا: إيووه .. من جااكم مرضـى اليوم
هيله :مدري غير الشيااب .. بس جايتنا بنت ام 18 سنه .. عندها هشاشه
هيفا:اووب!..18 عاااد
هيله:ياحليلك وين عاايشه .. الحين الكباار صااحين والصغار فيهم امراض .. تحمدي بس
هيفـا متعاطفه مع البنت: طب لييييه؟
هيله: من الببسي
هيفـا: يااا هـ الببسي .. ياخي دمـر أُمـه .. ولاحد لمك
هيله:هههه عاد انا اشربه
هيفا :بيني وبينك لا يطلع برا..حتى انا خخخخخ




دخلت البيت .. ودخلت مفتـاحي في جيبي .. شفت عيال اختي ..أختي هذي تصير توأمتي ..بس ماافينا ذرة شبـه!.. كانوا يلعبون بلايستيشن فالملحق..سمعت اصواتهم

" يااااااااكلب كم مره قلت لك لاتفوز علي؟؟..احترمني!..انا اكبر منك "
" انتي الزلااابه ماتعرفين تلعبيين!..اجل احد يعااف ارسنال ويختاار هالفريق مدري وش اسمه حتى"
"انت وش عرفك اصـلا شف لون بلايزهم حلوو "

ضحك عليهم أميره و عبدالعزيز .. دخلت الفله .. وشفت ملاك جالسه وتذااكر..ذا الموسوسه شفـوا شلون تذااكر .. لا وأدب..هي وين والادب ويييين

ملاك : الخيـل والليـل والبيداااااااء تعرفني.."وميلت شفتها نست وش بااقي"..بس انا ماأعرفـــــهم!

رمت الكتااب..بس حست بـ تأنيب الضمير الظااهر..رجعت اخذته ..:اقوول هالمتنبي يشعر وانا ابتلـش..مالت علييه وش اسوي له معجب في نفسـه مشكلته.. إفففف!.."فتحت على سؤال وقرته"..لماذا أُعجب الاندنوسيين ..أحم لا وش اندنوسيين..أندلوسيوون بـ شعر الصنووبري.."وسكرت الكتاب قبل لاتشوف الاجاابه"...امممممممم..وش دراااني عنهم انا..

ورمت الكتااب.. :إفففففف!..اكره الادب ..أكره النحـو..أكره الدراااااااااسه!

- السلام عليكم
من غير لاتناظره وعينها ع التلفزيون وبيدها الريموت بتعلي عليه:وعليكم السـلام

سطام: الا وين امي؟
ملاك:مدري

تركتها ورحت فوق لـ غرفتي..وانا في طريقي قلت : ذاكري ذاكري.. التلفزيون مهوب نافعك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 21-04-2009, 10:06 PM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا




◙◙◙◙◙





نزلت من السياره .. ووراها الشغاله الحبشيه وشايلة لها كم كيس..أبتسمت :تفضلي

نجلا: لا والله .. ابروح البيت .. معد الا خير

خجل:يوو صايره دجاجه احد ينوم .."ناظرت الساعه"..10 ونص

نجـلآ:لآ ماراح انام ..بس ماجلست بالبيت اليوم ابد .. يـ الله ابيك الحين تقوسين ملابسك

خجل:إن شاء الله .. وبعطيك الو لاتنامين

نجلا:اوك



يوم دخلت خجل .. راحت نجـلآ البيت .. لين متى يتضل خجل كذا .. قلبها ماايل لـ غير فراس .. هذا قدرها .. فراس لخجل وخجل لفراس من عمر الدنيا..تنهدت!.. صدق تخلف .. ماتوا اللي يسوون كذا .. تذكرت انها هي بعد بتواجه نفس المصير الا اذا صارت معجزه .. ولا راح تكون زوجـة ناصر .. اللي ماتكن له أي مشاعر ..



وصلت البيت .. فتح الحارس البوابه الكبيره .. ودخلت سيارتها نزلت عند الباب القصر..وراح السواق يلبق السياره فالباركنق..



دخلت وهي تدندن .. وتغنـي .. :يادنيا ياغراااابه..يادنيا ياغرابـه!..اللي لقى احبابه نسـ.....



- اقول اسكتي تكفييين ماصدقت خبر راشد منزل البوم تجين تخلينه يهوون

طارت عيونها:ليه؟

مشاري يقلد طريقة نجلا بالكلام: سووتك نشـاااز

انقهـرت نجلا منه .. لانه تدري ان مخارج الحروف عندها غير ..يعني مثـلا لما تنطق كلمه اخرها حرف الـ(هـ).. مثلا طاوله..تقول (طاولا) .. صوتها نااااااعم وشوي على دلع وغير متنصع بلعكس هي تبي تغير هالشي فيها بس مب رااضي يضبط معها

شكلها وصوتها يعطي وحده نعومه بس هي عكس..فيها نسبه لا بـأس بها من الـ"عربجه" ههه

وشوفـوا



قامت له ونطت فوقه..:وربي بيجيك كـف مشاااااااري

مشاري يضحك:ههههههههههههه طيب انا وش اسوي انتي تتكلمين كذا

نجـلا ووجها حمّر من العصبيه:انت غبي ..مـخ جزمه



- وش هالسبـه اللي طاايحه فيها..مخ جزمه!

نجلا تقوم عنه وتكلم اخوها يزيد..اللي توه داخل:يعني مخه في جزمته..او مخه جزمه..كل شي يضبط

مشاري يقوم:هههههههههه مشكله والله البنات اللي كذا.."ويقلد صوتها وطريقتها" ..سباااااتكم يااااااي

نجلا:مشاااااااااااااااااااااااااري!..وربي يجيك كف يحووس ملامح وجهك..

يزيد يجلس ع الكنبه ..:هههههه اعصاابك .. داايم يتهزا فيك وتعصبين اسفهييه

نجلا: لا ماراح (اسفهآآ) خل يتـأدب..

مشاري:ههههههه

يزيد:اقول مشاري اعقل احسن لك .. ولا والله ان ماتروح بكره المدرسه

مشاري:شكلي والله .. والله خلااص اخت نجلا .. حقك علي

اخذت نجـلا شنطتها الكبيره ومربعة الشكل .. ولفت عنه وهي لين الحين مقهوره منه .. يوم وصلت لـ السيب اللي بين الصالتين ..لفت :اقول يـزيد!

يزيد:هلا

نجـلآ: سوير هنا

ابتسم : لا .. ماشفتها يوم اجي

ارتاااحت .. اهم شي ان مرة ابوها مو هنـا ..

مشـاري:الخووووف مليييييح

لفت عنه ولا كلمته .. ورقت الدرج الوسيييع





يزيد:ماتعرف تسوي نفسها زعلااانه

مشاري:داايم كذا ..ولين جا بكره تحاكيني



- ترااااااااني اسمعكم !!!!



يزيد:هههههههههههههههههههههههههههههه





الاسـم / يزيد صالح آل "............."

العمر/ 21 سنـه

الشهـأده/ طالب جامعي ؛ هندسـه معماريه



الاسـم/ مشاري صالح آل "........"

العمر/ 18 سنه

الشهاده/ ثالث ثنوي علمي









◙◙◙◙◙





دخلت البيت وانا مره تعبـــانه .. رميت شنطتـي على الكنبه .. شفت اخوي عبودي جـأيعندي



- هيلــه ..ديتي؟..(جيتي)

أبتسمت هيله:ايه ديت وش تبي؟

رفع يدهيعطيها سياره انكسرت..اخذتها:من كسرها؟

هز كتوفه الصغـار:انا ديت ولقيتهاتدا..(كذا)

هيله:بس انا قلت ياعبود..ماأقدر اشتري لك زيها

عبدالله يحاولمايصيح:عادي..انتظر لين تديك فلوس

رحمته..مدري ليه احس نفسي سبب فـ فقرهم.. رجعت آخذ شنطتي.. طليت على امي اللي تطبخ ..



وبعدها طليت على أبـوي ..ابتسمتوتقدمت له ..

هيله :كيفك يبـه؟

ابو هيله :هلا هيله ..الحمدالله

مسكت يدهوبسـتها:انا بخير دامنـي شفتك

ابتسم:وكيف الشغـل معك؟

هيله :الحمدالله .."بـمرح"..ولو انه متعب .. بس معليش

ابو هيله :جعـلي ماأذوق يومك يابنتي

هيله:لايبـه ..جعل يومي قبل يومك.."تركت يده وضايق صدري بس من هالطاري"..انا بتركك ترتــاح



طلعت عنه.. مســألة اني اتخيل ابوي يموت هذي بعيده..لو يطلب روحي ..اعطيه ..بس اهم شي يعيشمعنـا لأننا بدونه ولا شي..لاتقولون مقعد ولا حول ولا قوة له..حـس رجـال بـ البيتعندنـا يسوى كثــير..

آآه الله يطوول بـ عمرك يبـه ..ويخليك لنا





◙◙◙◙◙



في احد مجمعات الريـاض!!

حط الببســي..وبلع اللي بـ فمه:ماأجمل ان يشبع الواحد

طارق:اكرمك الله

ناصررجع اخذ الببسي:الله يحييك

طارق:تـرا المره الثانيه عزيمتك علي..مهيب حاله كليوم انت اللي تعزمني؟

ناصر يتهــزا بـ حكيه:مايــباشر الاالدااشر

طارق:ههههههههههههههههههههههههه.. حـرام عليك .. انا كنت امزح معك يومأقولها

ناصر:ايه اشوى تراها في قلبي لين الحين

طارق:بسم الله عليك .. يالبعير..ودي ابوسك أعتذر بس كلي زفر

ناصر يأشر ع الحمام بـ يده اللي فيهاببسي:شف الحمام هناك..رح غسل وتعال حبـني

طارق ضحك:ههههههههه ودك ابوسكيعني

هز راسه بـ"أيه"..:يلله قم

قـام طارق:انا بقوم..بس عشان اغسل مبعشانك

مارد ناصر لانه يشرب ببسي..:بس بس..ماغير تقحين في هالببسي..شف وش كبره .. ناوي تخلصه؟

ناصر:عادي

طارق اخذ الببسي وحطه..:امش بس خل نغسسل..



يوم طلعـوا من الحمامات..مــروا بنات مراهقات ..فاتحين العبايه والشعر مستشور..واساور فسفوريه..



طارق بـ شفقه استهبال:لاحول!!..ياحياتي يتعبون نفسيــاً قبل لا يجوون

ضحك نــاصر بـ صوت عالي..طالعته وحده من البنات وابتسمت..تحسبه يبي يلفت نظرها

طارق:عشان خاطر هالتزين عطها وجه

ناصر:هههههههه مااعرف ارقم..

طالعته بـ نص عين:نعم اخوي؟؟..انت مفروض يخلونك تفتح مدرسه تعلم كيفية الترقيم..وهالبنات اللي مخرفنهم وين راحوا؟

ناصر:ذكــرتني بـ ولد عمينواف..يااحبي له

طارق:ما شفته نواف ذا الا..نسيت متى اخر مره..المهم هالبنات تعبـوا مساكين من التميلح .. عطهم زي حريمك اللي مخرفنهم

ناصر:مالي خلقهم ذا اليومين قفلت جوالي..بس فاتح حق الاهل

طارق:طيب معليش ورينـــا شطارتك!!

ناصربلع ريقه يستعد وهو يطالع البنت ..ثم دخل اصبعين فـ فمـه وصفـــر بـ صووت عـألي..طالعته البنت ووجهها احمـر.. مسك قلبه:أغـــــــدي كشنـه بـ اللبنه عند هالفسفوووري!!!

ضحكت البنت بـ غنج.. ومسكت يد صديقتها..

طارقق:نعنبـو بليــسك شكل الكوره اللي فوق طاحت ..

قصده حقت الفيصليه

ناصر يكلم طارق:هاهكذا؟

طارق:لا البنت خقت .. عطها رقمك

ناصر يحرك يده بـتطنيش:مرآهقه..ماأبيها

طارق:الا أحسن عمر....انا احب الطعشات

ناصر ضحك: تحبهم؟؟..لا والله عشان هم اللي بيعطونك وجه .. اوما اللي فوق الـ 20 ولا وحدهتعطيك وجه



طارق وهو يمشي ويمشي جنبه ناصر:لا والله الحين حتى الـ 30 ..انهبلت ..هي ع التربيه

ناصر:اقول سكر الموضوع..وين نروح

طارق:امش دامنا فـالدور الثالث..أبي ميغـا ستار..

ناصر:مشينــا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 22-04-2009, 02:17 AM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا






يوم الجمعه ..
بعد الصـلاة ..

طلعت من الحمام وهي تنشف شعرها البني .. وقفت عند المرايه وهي تتأمل شكلها .. تنهدت من قلبها وهي تتذكر ان بعد اسبوع الا يوم .."إعدامها".. أيه نعم إعداامها لانها خلاااص بتظطر تتخلى عن اقل شي يمنع قلبها من يحترق .. تدرون وش هالاقل شي؟؟..التكفـير..تفكر بالرجـال اللي من شافته وهي ماغير تفكر .. حااس لها كيانها حووس .. قلبها صار يدق وكأنه مايدق الا اذا تذكرته .. راحت لغرفة الملابس وطلعت لها لبس عادي .. عباره عن بنطلون سكنـي .. وبلوزه بينك .. اما شعرها عطته هـوآ بالاستشوار ..

نزلت تحت وهي تسمـع صوت امها تتكلم .. يوم وصلت تحت وضحت لها الصوره
قالت بصوت عالي شوي عشان ينسمع:ديمـآآآآآآ
ابتسمت ديمه :هلا والله خجييل..وينك من قبل الصلاة وانا هنا

يوم سلمت عليها .. قامت ام سعود ..:أبروح انوم لي شوي لين يذن العصر
يوم راحت .. قالت خجل:الا وينه سعود؟؟..ماأشوفه
ديمه : فالمسجد .."ناظرت ساعتها المرصعه بالألماس"..تلقينه 5 دقايق وهو عندك
خجل تناظر بطن مرة اخوها: الا اخت ديمـه .. متى ناويه تولديين؟
ضحكت بعذوبه وهي تتحسس بطها اللي كبر وبدا يبرز من كم شهـر : إن شااء الله بعد شهريييين
خجل: احلى شي اني بصيييييير عمـه .. الا ماقالوا لك بنت ولا ولد
سكرت ديمـه عيونها وهزت كتوفها .. يعني كأنها تقول "أدري بس ماراح اعلمك"
نطت خجل:يووووووووووووه بلا سخااااااافه عاد ديمووه
ديمـه:ههههههههههههه بتدرين مع النااس ..
خجل: اجل شووفي ان صااارت بنت ابي اسمها خجل زي اسمي
ديمـه:نعآآآآم اختي؟؟..وشو خجل؟..اصـلا انا اسمك هذا لين الحين ماتعوديت عليه مع اني مااخذه اخوك من 3 سنيين ..تبين اسمي بنتي علييييك
خجل:ولييه عيووني وش فيه اسمي..يكفي ان ابو سعوود اللي هو عمك وابو زوجك مسمييني
ديمه :والنعم .. بس لاااااء..أبسميها على امي...حصـه !
خجل طاارت عيونها: تبييييييييين بنت سعود آل "...."..اسمها حصه .. لالا
ديمـه:وش فيها امي..وه ياااحبي لها بس .. الله يرحمها ويسكنها فسييح جناته
خجل:آآآآآآآآآمين .. بس لا ..

سمعـوا الجرس يرن .. ثوااني ودخل سعود : الســـــلام
خجل:هلا وعليكم السـلام .. وراك ترن الجرس ماعندك مفتاح؟
سعود يجلس جنب زوجته : الا عندي بس نااسيه بالبيت .. دورت حارسكم مالقيته اخر شي رنيت الجرس
ديمـه: ومن فتح لك
سعود:الحاارس .. سمع صوت الجرس جاا يركض ..
خجل:طوووووول عمرك نسـآي عسى بس مايجي يوم وتنسى نفسك .. تسويها والله!
سعود: تستخفين دمك انتي وذا الوجه انا ذااكرتي اقوى منك
ديمه تناظره:صدق؟
ابتسم سعود لانه يدري انه اكبر نساي عرفه التااريخ .. وكلام خجل صـح!..وحتى انه يعتمد على زوجته في كل شي تقريبـاً




من بكـره .. الصبـاح ..
طلع من البيت .. وركب سيارته الجيب .. أتجـه لـ مكان شغله بس كـ العاده ..زحمـه!
شوي الا يرن جواله .. ابتسم وهو يشوف المتصل
المتصل> مشعل

سطام:هلا مشعل ..
مشعل:هلاااااا والله اجل قايم
سطام: ليه ماعندك دوام؟
مشعل:الا والله وهذاااني بالطريق بس قلت اقومك خبري بك زول ويالله تقوم!
سطام:منهو الزول مره ثانيه؟
مشعل:هههههههههههههههههههههه ..امزح ياخي لا تدف.."ويحط الجوال بالاذن الثانيه"..الا وشسمه ذا .. ماتبي امرك ..
سطام:والله معي سيارتي وش يرجعها..

كمـلوا سوالفهم الصبـأحيه المعتاده





- سعووود!..سعوود يـ الله قم وربي مافيني حيـل ..
سعود انقلب مع الجهه الثانيه:هاااا وش تبيييين؟
ديمـه:قم يالله شغلك!..
فتح عيونه .. وقام وهو مييييت يبي ينوم .. ديمه وهي تحط يدها على ظهرها والحمل متعبها:ماعليه ياقلبي ... شف ملابسك مكويه وخالصـه ..

قام سعود وأتجه لـ الحمام .. وطلع وكـ العاده ملابسه جاهزه.. من ثوب وشماغ لـ جزمه وانتوا بكرامه .. لما لبس وخلص اخذ له رشتين عطر من عطره إجنر .. طلع من الغرفه لقـى ديمه جالسه ع الطاوله حقت الاكل .. وكانت مجهـزه الفطور ..
ابتسم وهو يقول بينه وبين نفسـه " الله لايرحمني منك !!"

هذا هو سعود مع زوجته .. نقدر نقول مـدلع!..أكله يكون جااااهز .. وملابسه .. حتى بعض اغراضه مايدري عنها لان ديمه هي المسـؤوله عن كل شي يخص زوجها اللي مايقبل الشغالات ابد ..

الاسـم/ سعود حمد آل ".........."
العمـر/ 31 سنـه
الشهـاده/ بكلريوس حاسب


الاسـم/ ديمـه إبراهيم آل "........" >~ بنت عم سعود بس من مب على طول
العمـر/26 سنـه
الشهـاده / بكلريوس عربي

أول ماخلص .. قـام واخذ بوكه وطلـع ..

قامت ديمـه متجهه لـ الغرفه بتكمل نومتها انتبهت لـ مفتااح سعود حق السياره ههههههههه .. اخذته انحنت بـ صعووبه ..عشان بس تاخذه ورااحت عند الباب ..
فتحت باب الشقه لقت سعود يرقـى الدرج هروله يوم وصل عندها
سعود:معليـــش!..نسيت مفاتيحي .. هههههه
ديمـه تهز راسها..نساااي ووربي:نظـارتك معك؟
سعود هز راسه بـ:أيه.. بالسياره
ديمـه:اوك..الله معك
ابتسم لها ..وراح لـ الشغـل

سكرت باب الشقه اللي عاااشت فيها 3 سنين من عمـرها.. أبتسمت وهي تناظر الكنبه اللي قدام التلفزيون ..داايم يجلسون عليها .. رجعت بالذاكره يوم اول شهور جمعتهم

ديمه:سعوودي حبيبي
سعود ينااظر التلفزيون:همممممممممم
ديمه:ودي اطلب منك طلب..بس لاتقول لا بلــيز!
سعود: لآ
ديمه ضربته مع صدره بخفيف ودلع:يووووووه سعووووودي
سعود:هههههه طيب .. على حسب الطلب ..
ديمـه:شف .. انا أبي اجلس لي كذا كم ....مثـلا يعني .."ناظرت اصابعها"..اممم سنتين ..او على حسب يعني . .المهم لين اتخرج.."وطالعته"...ماأحمل
سعود:ليه؟
ديمه:ودي اكمل درااستي يكفي اني متـأخره خلقه بليييييييييييييييييز!
سعود ناظر التلفزيون ولا بان على وجهه أي إجاابه .. ضووق عيونه وهو يطالع ولا رد :..............
ديمـه طالعت التفلزيون يمكن في شي حمسـه بس مافي كان يطالع دعاايه .. رجعت طالعته :هاه .. وش قلت
سعود:امممممممممممممم موافق بس بشرط
ديمـه:أيش؟
سعود:اذا حسيت اني زهقت .. وودي بـ بزر تجيبين .. مب تقولين بكمل ومدري وش
ديمـه:ههههههههههههههه لاوالله احلف؟؟
سعود:عاااااد علمتك



الله لا يرحمني منه .. صحيح اني تزوجـته عشان اهرب من العيشه عند أخواني .. بس ربي عطاني زوج ..عوضني فيه عن كل سنوات الحرمان اللي شفتها عند اخواني..
الحمــــــد الله !



لامه كتبها .. وماسكه شنطتها الـ ALVIERO MARTINI..تمشي بالجامعه بدون هدف .. أستوقفها صوت
- خجآآآآآآآآآآآآآآل!

التفت ..وابتسمت :هلا والله ندووي!..على بالي غايبه اليوم
ندى وقفت جنب خجل : لا ..الا وين بنت عمك الشينـآآ.."طبعا تقلد نجلا فالنطق"..ولا ناويه تغيب؟
خجل : مدري عنها امس ماكلمتها
ندى:يؤ غريبـه!..متطاااقين؟
خجل:هههههههههههه .. لا بس مرة اخوي كانت عندنا ولهيت معاها ورحنا السوق نجهز لـ البيبي الجديد
ندى خقت:آآآآآآآآآلله!!..مشتهيه حس يـزر!!!!
خجل:هههههههه اسلفك بزر اخوي 3 ايام
ندى:يوم المنـى وفوزيه وبدريه وحصــــه!
خجل:منهم ذولي؟؟
ندى:هههههه اقول دقي على بنت عمك شوفي وينها!!!






رفع راسه عن المخده .. كل شوي يحط "غفـوه"..بس مايشبع نوم .. اخرتها قاام وحط "إقـاف".. .. دخل الحمام غسـل وجـهه..طلع ولبس لبس الشغل لا يجي الحين ابوه يلعـن خاامسه .. دق ع الحارس يطلع له سيارته من الباركنـق ..
اخذ نظارته وبوكه ومفااتيحه .. وطلع .. وهو ناازل شاف طاولة الاكل .. بس مب مشتهي .. يوم طلع شاف سيارته الـ مرسيدس ركبها وأتجه للـ الشركه

رن جواله
المتصـل>طارق

ناصر:هلا طاارق ...
طارق:هلااااا قمت اخيرا
ناصر وصوته محلو لان توه قاايم: وش تبي
طارق:عليك أخـلاق .. صرااااحه
ناصر:يااااااليل البثريييين
طارق:هههههههه لا بس ابوك سـأل عنك..
ناصر ياخذ نظارته من درج بالسياره:ووش قلت له
طارق:قلت له انك بالطريق
ناصر:اهاا حلوو اجل


اول ماسكر منه .. أتجـه لـ أقرب محل كوفي اخذ له كروسون .. وقهـوه .. واتجه للشركه ..





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 22-04-2009, 10:09 AM
سووسو_دلع سووسو_دلع غير متصل
©؛°¨غرامي جديد¨°؛©
 
الافتراضي رد: ثقيلة مزحة الدنيا


هــــلآ عدّوو ..:)

حلووو البآرت لآ إله إلا الله ...
بس تونا بالبداية .. مآفي توقعات أوو تعليقات ..:)

خجل .../ آتوقع انو زيجتها من أخوو نجلا ماراح تتم ..


دُمتِ بِحِفظ الرَّحْمَن

الرد باقتباس
إضافة رد
الإشارات المرجعية

ثقيلة مزحة الدنيا / كاملة

الوسوم
مزحـہ , الدنيـآ , ثقيـلـہ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
جنون العشاق من أول نظرة الوردة الأنيقة أرشيف الروايات المغلقة - لعدم إكتمالها 38 09-11-2010 10:24 PM
الدنيا ما تسوى سعوديه والدلع ليه ارشيف غرام 8 05-07-2009 01:01 PM
لا تغرنكم الحياة الدنيا اليقـيــــــــــــن مواضيع إسلامية - فقه - عقيدة 14 21-04-2009 12:28 AM
شوفوا الدنيا عيونه *مزون شمر* منقولات أدبية 6 29-07-2008 03:35 AM
لاتوجد سعادة كاملة في هذه الدنيا دنيـــا ومن يدري؟؟ مواضيع عامة - غرام 22 06-07-2008 04:12 PM

الساعة الآن +3: 09:25 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1