غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 221
قديم(ـة) 08-08-2009, 02:42 AM
صورة ஐ றάℓόỠόķά ஐ الرمزية
ஐ றάℓόỠόķά ஐ ஐ றάℓόỠόķά ஐ غير متصل
©؛°¨غرامي مجتهد¨°؛©
 
الافتراضي رد: ثقيلة مزحة الدنيا


مشكورهـ جوجو والله ريحتيني ياقلبي
من امس وانا اهوجس فيهاا..ههه

ويسلمووو..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 222
قديم(ـة) 08-08-2009, 09:32 AM
J00J00 J00J00 غير متصل
©؛°¨غرامي جديد¨°؛©
 
الافتراضي رد: ثقيلة مزحة الدنيا


العفوو ماسويت شي

عدوووووو بلييييز اليوم السبت وينو البارت؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 223
قديم(ـة) 08-08-2009, 01:01 PM
صورة دوسريه بكل فخر الرمزية
دوسريه بكل فخر دوسريه بكل فخر غير متصل
©؛°¨غرامي جديد¨°؛©
 
الافتراضي رد: ثقيلة مزحة الدنيا


ويـن الباااارت !!!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 224
قديم(ـة) 08-08-2009, 08:02 PM
صورة #مجنونه حبيبي# الرمزية
#مجنونه حبيبي# #مجنونه حبيبي# غير متصل
©؛°¨غرامي متألق ¨°؛©
 
الافتراضي رد: ثقيلة مزحة الدنيا


عدوووووووووووووووووو نبي بااااااااارت مرره

متحمسسسسسسسسسسسسسسسين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 225
قديم(ـة) 08-08-2009, 10:06 PM
صورة ميمي كيوت والشفايف تـوت الرمزية
ميمي كيوت والشفايف تـوت ميمي كيوت والشفايف تـوت غير متصل
©؛°¨غرامي جديد¨°؛©
 
الافتراضي رد: ثقيلة مزحة الدنيا


عدووو
بااااااااااااااارت حلووو مثلك تكفييييييييييييييييييييين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 226
قديم(ـة) 09-08-2009, 02:18 AM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا


اسفه انا مسافره ولا عندي ووقت ادخل النت
وهذا بارت لـ عيونكم
=)


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 227
قديم(ـة) 09-08-2009, 02:23 AM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي آح‘ـس آلقُُلب م‘ـآيْْنََبض ۋعُُ‘ـآف آلدم شرٍٍيْْآنََه ..=(



الجزء العشــرون..!


(آح‘ـس آلقُُلب م‘ـآيْْنََبض ۋعُُ‘ـآف آلدم شرٍٍيْْآنََه ..=( )
"وَردَهْ حَمــََََرآء"~

وهي حاطه يدها على خدها تفكر بأختها الصغيره .. وين ممكن تكون .. نادتها وحده من الدكاتره :هيـــــله!
التفتت هيله لـ هيفا : أهلا هيفـا ..
هيفا :هيله .. وينك يختي يبونك في قسم العظام
هيله بضيق :مالي خلق يختي ..
هيفا تجلس جنبها :وش فيك ؟
هيله عضت شفتها .. يكفي الدموع الي نزلت منها..لازم تكون قويه .. قالت :جود لين الحين مالقيناها
هيفـا تمسك يدها .. وتبتسم :لاتخافين ! .. بتلقونها إن شاء الله ..انتي ادعي ربك




يعـــني لْمتى بأإتحـــملْ ؟!


نزلت من السياره وهو معاها .. وقفت وقامت تترجاه :تكفى تكفى ياماجد والله اخاف يمسكووني الشرطه
ماجد : لاتخافين .. انا هنا ومحد بيمسك وحتى لو مسكوك اقدر اطلعك بطريقتي

طالعته اكيد واحد مثلك القانون عنده مثل الذبانه يكشها وتروح .. شي طبيعي انه بيقدر يطلعني .. او بالاصح ينحشني!
وقفت عند بوابه الفيصليه .. كانوا في شلة شباب يحاولون فالسكيورتي يبون يدخلون .. لما فقدوا الامل رجعوا ومروا من جهتها ..
طالعت ماجد اللي كان يطالعها بنظرات حاده خافت ولحقتهم بس انهم بعدوا
خافت لا يسوي فيها شي
جلست وهي تنتفض .. تحس انه بيغمى عليها من الخوف ودقات قلبها المب طبيعيه .. جوا 2 شباب واحد لابس ثوب والثاني بدله وقفتهم
جود :تبون تدخلون صح ؟
كانت عينها عليهم شوي وعلى ماجد شوي
ابو بدله :أي ليه؟
جود :مستعده ادخلكم
ابو ثوب يطالع ابو بدله :أيووه
جود :بـ 500 ريال !
ابو بدله :حشششششى!! 500 عاد
ابو ثوب :هالـ 500 مناب دافعينها جوا ندفعها .. وخري يرحم لي والديك !

واتعدوها ..اتجهت هي عند ماجد وقالت :عيـوا يقولون 500 كثير
ماجد سكت شوي ثم قال : انتي توك جديده!..المنتفيين دخليهم بميه بس..اما اللي تحسينهم كثار ولا اغنياء 500 زي ماأتفقنا
جود : ليش كثار
ماجد :الكثار بيقطون مع بعض وبيدفعون ..والغني ماراح يهمه يالله توكلي وشوفي شغلك!




وهي طالعه من الشركه كانت شبه آخر وحده .. فيصل ماطلع بس ان مابقى احد .. وصلت للسيارتها ..لما ركبت فصخت حجابها .. وعدلت شعرها ..
حاولت تشغل السياره بس ماأشتغلت
ناظرت حق البنزين ..ضربت الدكسوون وهي تقول :damn!..نسيت اعبي بنزين!

نزلت .. وهي نازله شافت فيصل وفي يده شنطه ..فكرت تطلب مساعدته .. بس هونت ..
طلعت جوالها بتدق على ام حسن تجي وتتصرف لأنها ماتعرف كيف تتصرف في مثل هالمواقف
سمعت
- أيش المشكله ؟
التفتت له ..أستحت لانها فصخت حجابها .. حتى قام يطالعها بنظرات خلتها تحس على دمها .. سوت نفسها كانها مضيعته
جوان تصرف:دقيقه ادور حجابي ..
لما طلعته ولبسته وهي متفشـــله مره ! .. قالت له :إيش قلت؟
فيصل طالعها ..تنتظره يتكلم ..بس مافي امل ..ركزت على عيونه يعني انا اتكلم رد علي ..ولا تكلم .. حست الدم يفووور داخلها ..احتقرت نفسها على حركة فصخة الحجاب .. وكأنه يقول "أستحيتي مني ولا استحيتي من ربك "
اساسا من زين حجابها .. حتى ماغطت وجهها ! .. بلعت ريقها وهي تقول :I forgot the mobilization of fuel tank
فيصل حط شنطته وقال : دقيقه ورآجع

يوم راح ..حست كأن شي كان طابق على صدرها وراح رجع ومعاه العده .. فتح خزان البـنزين عندها
جلس على ركبه وبدا شغله ..كانت تطالعه وهو يشتغل .. لولا الحاجه كان صرخت فيه وقالت لاتساعدني! انا لو علي ماأشتغلت عندك
طالعته كان طويل اطول من حسين ..بس حسين اجمل ! ..واخف دم ..تحاول تبين ان حسين احسن منه
مع ان واضح ان فيصل أكبــر من حسين
مو عمـراً
لآ ! .. كل شي .. واهمهم عقـلاً .. كان قميصه راحع على ورآ ومبين شوي من ظهره بحجم كـم سآنتي ..وباينه رقبته المصقوله بشكل جذاب وهو مدنق وهو يناظر فالخزان ويعبيييه ..وشعره القصييير مره جآي شوي منه عليها (على رقبته) ..
قام وصار ينفض يديه ونطلونه :خلصنـا !
جوان صحت من تأملها ..وقالت بإحراج :ثانكس! .. I am very grateful to you
فيصل :العفـو !

اخذ عدته وراح
وهي ناظرته لين وصل سيارته ومشـى !




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 228
قديم(ـة) 09-08-2009, 02:24 AM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا


فـــي يوم الزواج !
كانت خجل في قمة توترها .. وندى عندها من الظهر .. ونجلا نامت عندها
خجل جالسه وتنتظر الكوافيره ودمعته في طرف رمشها :ياربيييييه!.. وش اسوي يعني
نجلا وهي تناظر فستانها اللي كان لونه نيلي وومن غير اكام او سيور .. ومن فوق مثل الكرستالات الكبار .. وشعرها ويفي ومسويته شنيون تحت وميكاجها ناعم على نعومة وجهها
نجلا : خجيـل .. تراك توترين نفسك كذا
خجل :خايفه .. الحين وين امي طيب ؟
نجلا :امك تحت مع المشرفـه
خجل : أهـاا !



(أحبك) يابـعـد كل الملا

وحبي لك عنا لعشاق غـير





في قلبي حـزن ياروح الـغـلا

حـس بالـحـب والقدر الكبير





حط الباقه عالسرير وهو يحاول ينظم عملية التنفـس عنده

طق طق
- ادخـل
دخل يزيد وهو لابس ثوبه ومعدل عوارضه .. أبتسم وهو يشوف الباقه الكبيره :كشخه يالرومنصي
فـراس مبتسم : اليوم احلى يوم بـ عمري! .."تنهد"..ياخي وربي شعور حلو احلى من يوم اتخـرج
ابتسم يزيد لأخوه :ههه تتخرج اجل .. هذا اللي يقولون عنه "خانه التعبير" .. المهم وأخيراً ربي جمعك بحبيبة القلب..كنكم لميس ويحيى ههههههه
فراس:ههههه
ببتسامه باهته :ماناقصنا في هاليوم الا ...أمـي وربي تكمل فرحتنا ..

بهتت ابتسامة فراس وحس يزيد على نفسه وقال بضحكه:خخخخ فجأه حسيت اني خربت عليك .. "وضرب على كتف اخوه"..يالله وش عليك ياعريس خجل اليوم بتجي عندك وتصير زوجتك رســـمي!
فراس:يــــالبـآه ياحبيبة القلب!




فديت أس ـمك . انا و رس ـمك~
وأرض .. تشرفت
بخطـآك
فديت ع ـيونك .. و لونك ..
و ص ـوتك .. لي وحــش اذني
فديـت أح ـساسك و ق ـلبك~
وريحه عطــــر../ انفاسك
وذيـك الضحكه.. لي منــك
عن الدنيا تغيبني~




دخلت غرفة اخوها .. كان نايم ..انتبهت للجوالها اللي كان على تسريحة جواهر ..اخذته فتحت القفل حقه ..
لأنها بالحيل مشتاقه للـ بندر
رسلت له مسـج ..
حطت الجوال
وطـلعت

/

رن جواله بنغمة مسج .. رفعه وعين اخوه الكبير تلاحقه .. فتح المسج وميل شفته بـ ملل
- يـــــاليل
سعود :وش فيك ؟
بندر يمد له الجوال :هالمسجات ماتوقف ..
سعود ياخذ الجوا ل: من مين ؟
بندر يهز كتوفه :مدري ..اقـرا.. وشف كل الرسايل من هالرقم نفسه

سعود يقـرا : أحبكْ}-كثرٍ مآ ملت قصآيدي من آلتكرآر

أحبك}-كثر مآ الشآعرٍ تمنّى حب جمهورٍه . . . !

بندر :مراهقيين ياخي
سعود يضحك:ههههههههه .. طيب يمكن تحبك جد؟
بندر :منهي ذي بس؟
سعود يدور مسج ثاني لها :مدري عنك ..انت شف منهي اللي تحس انها تحبك .."وكمل يقـرا".. تدرٍيّ وٍشْ أقسىْشيّ فيْ صدرٍ مشتآ إ أقْ؟!

لا صآرٍ شوٍوٍوٍقه مآ درٍىْ عنه~{غآ إ أليّ!!

بندر:مافيه احد
سعود : طيب مافكرت تدق عالرقم ؟
بندر :لا ياخي هالاشكال متنعطى وجه .. من زمان وهي ترسل وانا معطيها اكبر اقنوور حتى رساله مافكرت ارسل
سعود :ههه يابردك ياشيخ .. لوه انا من اول مسج داق ياأهزء يا أهـزء
بندر:هههههههه ياحِمـــش!




صيغة سُّؤٍال !

. . .وللأسّف مالهـــــَـَـَـَـــا حلْ=(

. . . . . . . . --{فرق الأمّل عنْ الألـــَـَـَـَـَـم" غلطَّة إملآءْ~




- انا بشوف لك حل ..بسفرك ولا أ.وجك اقرب بنقـالي يضفك عني
مرام تطالعه .ولا ردت .. في الوقت اللي المفروض يوقف معها اخوها .. هذا هو يبي الفكـه منها
عبدالله :تسمعيـــــــن انتي؟
مرام هزت راسها : إيه أصلا طول عمري اسمع .. حتى ماقد تكلمت
عبدالله : ولا بعد ! ..

طلع وهي انسدحت .. وخصلات شعرها القصير جت عالسرير .. تخيلت لو عبدالله بلغ عن إيمان وش بيصير لها .. هل بتتنآزل ؟
أكيد لا ! .. بس عبدالله مايبي يبلغ خوفاً من دخول اقسام الشرطه والجرجره عندهم ..




نجي للبيت تناسـينآه شوي
اللي هو بيت ابو سطام .. طبعـاً بما إن مامر الا يومين من موتة ابو سطام ..
كان البيت في حالة حزن وهـم .. والعزا في ثاني أيامه

كل الغرف كانت فاضيه لأنهم يستقبلون المعزين ..مشعل ومتعب قايمين بالرجال في المجلس ..ومعاهم مالك وخالد عيال عمهم وعمهم ابو خالد

أما عـزآ الحريم .. ماكان قايم بـ العزآ الا ام خالد مرة عمهم .. وبناتها هيا وعليـا ومرة مشعل الجآزي.. هيا ملازمه ملاك ولاتركتها ..

هيـا ومعاها الاكل :ملاك حبيبتي كـلي ..
ملاك وعينها على الجدار .. ولا صدر منها أي تعبير ..:.......
هيا خانقتها العبره:ملوكه! ..تكفييين لا تسوين فيني وفي نفسك كذا ..كلي يرحم والديك
لكن لا رد !

قامت وحطت الاكل عالتسريحه .. شافت الاستريو وبجنبه سي دي للشيخ العجمي .. اخذته وشغلته وكان على سـورة الكهف
طلعت وسكرت الباب


~{.. فيني أهـ ..!

لو أزفرهآ .. بكَى ـآ حزني على حزني..||


- على وين
رفع مشعل عينه للولد اخته اللي انعكست صورته على نظارته الأرمني ..سكر باب سيارته وقال :رآيح للسطام لي يومين ماشفته
متعب : بعيي يشوفك اخوي وأعرفه
مشعل ناظره :انت قايل له
متعب خنقته العبره :انت تدري يامشعل إني اعتبر سطام اخوي وابوي وكل شي ..وكنت ابي احد ألجأ له بعد ماعرفت الخبر
مشعل اللي كان وده ينط مع الشباك ويتوطى في بطنه :بـزر انت؟ الرجال فالسجن وملظووم وفي حال مايلعم به له إلا الله تجي تغثه بهـ الخبر ..ليه بشاره هي؟؟؟؟؟
متعب نزلت دمعته :مشعل ترا اللي فيني مكفيني ..ماأبي زياده الله يعافيك
سكر مشعل الشباك ..وراح للسجن



خذنـيّ{غ ر قْ!


خذنـيّ من الحزنْ|الـأرقْ!



و آصررخْ بـ موجڪْ فـ المدىَ‘,



. . | علييييلْ!



و. .بـ علآجـہْ شررقْ!!







جالس يستغفر .. وتوه مسكر سجادته ومصلي ..صلى كم ركعه يطلب ربه فيها ..رفع يديه للسمـآ وطلب ربه
سطام جلس مقابل للقبله ولف شماغه عليه رقبته وصار يـردد : اللهم فارج الهم . كاشف الغم . مجيب دعوة المضطرين. رحمن الدنيا والآخرة ورحميهما . أنت ترحمنيفارحمني رحمة تغنيني بها عن رحمة من سواك

ثم صار يردد : لا إله إلا اللهالعظيم الحليم . لا إله إلا الله رب العرش العظيم . لا إله إلا الله رب السموات وربالأرض ورب العرش الكريم .. "ثم قال" ..لا إله الا انت سبحانك إني كنت من الظالمين

رفع يده للسماء وقال يبتهل ..بكل ذل وتضـرع للربه : اللهم إليك أشكوضعف قوتي وقله حيلتي وهواني على الناس .. "نزلت دمعته" ..يا أرحم الراحمين أنت رب المستضعفين .. وأنتربي إلى من تكلني .. إلى بعيد يتجهمنى ؟ أم إلى عدو ملكته أمري .. إن يكن بك غضب عليفلا أبالي ..غير أن عافيتك هي أوسع لي .. أعوذ بنور وجهك الذي أشرقت له الظلمات وصلحعليه أمر الدنيا وأمر الآخرة ..أن يحل على غضبك.. أو ينزل بي سخطك .. لك العتبى حتىترضى.. ولا حول ولا قوة إلا بك

كانو في 2 معاه فالسجن يسولفون ..هو مافكر يحتك بأحد معه هنا ..يحس بالضيق خانقه ..بس عقب كل صلاة وسبحان الله ..كن الدموعه اللي كانت حار صارت بارده وغسلت قلبه ..صار مرتاح ..تنهد وهو يترحم على ابوه اللي موته كسرت له ظهره .. وهشمت له قلبه ..
لفت نظره واحد منهم كان جالس يتنحنح شوي وبـدآ يغني :لا تغرك ضحكتي ولاأسلوبي ..اعرف أعـزاز النفوس من الرديه ..كم ناس وفولي وكم ناس أغدروني وكم كسبت بطيب نيه سوء نيه ..ناس من المخادع ماتتوبي وناس بياض وصداقتها نديه ..ناس استغلتني وناس استغلت جيوبي وناس أتطالع ولكنها عميه ..كل هذا والجروح تزيد صوبي والمجامل والتملق ..والخطيـــه !

طالعه سطام ..صحيح انه كان يغني وكلمات الاغنيه ماكانت حب وغيره ولا كان فيه موسيقـى بس عالاقل يحترم وجود سطام ..اللي كان يدعي ورافع يده
كلماته جت فالصميم بصراحه ..بس معد يهمه دامه استشعر ان الله معه ..وليه يخاف دامه مظلوم .. والله حرم الظلم على نفسه وينصر المظلوم حتى لو هو كـافر ..يعرف إن هالقوه اللي جته وهالقدره على إخفاء الحزن من ربي
صدق إن امر المؤمن عجيب ..حتى اقسى اوقاته رحمه ..يعني لو هالمصايب ماجته كان مالجأ لـ ربه الرحيـم !
أبتسم له وهذي اول إبتسامه من زمان ماأبتسم وقال بلباقه :لو سمحت !
التفت له الرجال وكمل سطام :انا جالس أصلي واستغفر واهلل ..وأدعي
الرجال :طيب ؟
سطام :وش اللي طيب؟ انا ادعي وانت تغني شلون تجي؟
سكت الرجال ودخل واحد من الرطيين وقـال :سطام فهد آلـ"........"
قام وقال :انا سطام!
الشرطي:زياره!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 229
قديم(ـة) 09-08-2009, 02:26 AM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا





ڷـآتٍمثَڷ دِۈرُ ../ عَـآإشِقْ !


ۈٍڷـآتّقۈٍڷَ ~| آنَڪِ בَـنٍۈُنْ


آنٍتُ قـآإسٍيُ [ آنَتِ نـآسٍي !


إسـآڷْ آڷڷٍيُ يعرٍفۈَنــــ=(ـــڪِ



طلعت من الحمام . وآلمها النفسي يغطي على آلمها الجسدي .. حاطه يدها على ظهرها وتحس بآلم شديييد ينهش لها عظامها ..
جلست عالسرير .. وهي تبكي على ابوها .. ماتدري كم لها حابسه نفسها في غرفتها حتى اهلها ماراحت لهم الا اول يوم ..وكرهت الجلسه هناك
بس الحين تبي تروح لهم ماتدري ليه

انفتح الباب ودخل منه احمد .. اللي كان لابس ثوبه مع شماغ وعقاله في يده وشماغه صاير على كتفه
رآح لها وهو يشوف وجهها اصفر .. جلس جنبها وقال :أكلتي شي ؟
نوره : لآ !
احمد :لالازم تاكلين نوره
نوره :مالي نفس .. من يشتهي يآكل يـــا أحمد !
ضمها احمد وهي كانت تصيح ..وهذي حالتها من درت عن مـوتة ابوها

/

وهي راكبه جنبه في سيارته ..كانت متوتره وهو اكثر منها
نوره :احمد وش فيك ؟ وجهك مب زين
ابتسم :وش فيني مثلاً ..عادي !

وصلـوا للبيت – بيت ابو سطام- التفت للاحمد وقالت واوصالها ترجف :احمد من الاخير ..اهلي وش فيهم ؟
احمد مسك يدها :مافيه م شي وربي .. بس أبيك دخلين
فتحت الباب وركضت للباب ..ولما شافت الناس ..والجو جو عـزآء صرخت وجلست عالارض تبكي !
ركض لها احمد وجآ من ورآه مشعل اللي مايدرون وين كان من الاساس ..بس المهم انه شاف الموقف..
شالوها وهي تصرخ وتسأل :ملاك ماتت ؟
مشعل :لا يانوره ماماتت
احمد :أهدي يانوره .."ومسك يديها وخلاها تقابل وجهه" ..أبوك اللي مات
صدمه خلتها تنشـل ..
نوره وهي يالله تطلع من شفايفها :أبـوي ؟

/

حرقَتُ النَفْسِ الحَزِينة ,
ماتطفيِها / دُمُوع!
دُور فَرحِي قفَّلت .. والحُزن
بطَّل ألف باب"



أول مادخل كان مرتبك ..اول مره يدخل مكتب واحد من عيال صاحب الشركه وولي نعمته
كان المكتب هـدوء وهوآء المكيف المركزي معطي جووو للمكتب رآيق مره .. وهالشي خلآه يسترخي

- تفضل عبدالله .."وقال وهو يتذكر"..اسمك عبدالله صح؟
عبدالله :إيه نعم طال عمرك

رآح له وجلس .. طلب له بندر عصير ريلآكس وتفآح ..
اول ماجا العصير قال بندر ببتسامه وأسلوب خلآ عبدالله يرتاح ..ليه لا وهذا تخصصه بعد البكلريوس ..ماخذ ماجستير برآ ويفهم بهالاشياء

بندر :في البدآيه إبي اقولك اعتبرني صديق اخو صغير .. اللي تبي ..بس مب ولد ابو سعود !
عبدالله وهو مايدري وش السالفه :إن شاء لله
بندر : تتذكر يوم تجي لأبوي وتطلب منه سلف ؟
عبدالله بتسآؤل :أيه ؟
بندر :انا اقدر اسلفك .. بس ابي أعرف التفاصيل بالظبط ..
عبدالله :انت كنت موجود يوم كلمت ابوك ! ..انا قلت لك اختي مريضه
بندر تسند وطالعه بنظره ثم قال : طيب ..ابي اشوف الموضوع من كذا زآويه ..انا إن شاء الله مسافر عن قريب .. وأقدر اخذك انت اختك معي بحكم إني رآيح لألمانيا وفيها مستشفيات حلوه ..بس زي ماقلت لك ماأقدر اساعدك وانا على عمآي

عبدالله :يعني يتقدر تساعدني ؟ ..بس المشكله فلوس السفر على العلاج ..ماتوفي
بندر :عآدي لـ الله
عبدالله :......

مايبي يقول شي ..بالنسبه فلوس كبيره جته لي عنده من غير مقابل .. ماتكلم ولا شي
بندر :بس وش مرض اختك ..
عبدالله :والله مدري شقولك يابندر ! .. بصرآحه المرض اللي في إختي
وسكت
يدوّر كذبه .. قال يحاول يشتت بندر :اختي يبي لها علاج نفسي وجسدي .. ماأظن انك بتقدر على هذا كله
بندر :انت ماعليك يــآخي بس قـل لي
عبدالله بكل غبآء : بصراحه اختي تورطت في قضية مخدارت ظلم ..عن طريق وحده من صديقاتها .. وانا ابي اعالجها برآ
بندر :طيب مافكرت بستشفى الامل ؟
عبدالله :إلا ..بس مانبي فضايح احنا ناس مستورين ..وبعدين يكفي فضحتنا فالحي
بندر :ليه ؟ وش فضيحته؟
عبدالله تدارك الوضح ومسك لسانه :ولا شي ! .. بس اقصد مخدرات يعني

عرف بندر ان عبدالله يكذب ! .. كمل عبدالله بس هالمره يمثل دور الاخو الخايف على اخته :وابي اعالجها علاج نفسي ..إختي ماتطلع من البيت ونفسيتها ما يلعم بها الا الله .. لأنها مظلومه وهالشي مهب سهل ياخوك!




عـ الساعه 1ونص
عنده هـو

شهق بصوت وآطي كنه نسى شي
بندر :وش فيك ؟
فراس : جايب للخجل ورده ونسيتها فالبيت ..ياخي رجيتووني ونسيت نفسي بعد
بندر :منتب سهل بالرومنسي!! .. وش وردته؟
فراس يقوم :تكفى بمآ إن الرجاجيل رآحوا يتعشون بروح البيت ..بجيب الورده واجي ..ان سأل عني احد قل فالحمام
بندر :ههههههه طيب !

أحس الحب شي أصغر من آللي بينك وبيني
أحس الحب شي أصغر من آللي بينك وبيني
أحسالحب شي أصغر من آللي بينك وبيني
أحس الحب شي أصغر منآللي بينك وبيني


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 230
قديم(ـة) 09-08-2009, 02:27 AM
صورة عاد انا اللي احبكـ الرمزية
عاد انا اللي احبكـ عاد انا اللي احبكـ غير متصل
©؛°¨غرامي فعال ¨°؛©
 
الافتراضي رد : ثقيلة مزحة الدنيا


وهي واقفه قدام المرآيه وتطالع شكلها الملائكي .. أبتسمت لها نجلا وهي تقول :يالله ترا سكروآ الانوآر
التفت خجل على نجلا وهي شوي وتصيح وبـ يالله تتنفس .. :نجلا وربي خآآيفه
نجلا تمسكها مع يدها :وش خايفه منه ..just do it
خجل وهي تمشي وتقول :بسم الله بسم الله بسم الله بسم الله
نجلا التفت وهي مستغربه :حشششى شايفه جني انتي مب حريم
ماقدرت خجل إلا انها تضحك :هههههههههه

سطــآم
سطـــــآم
سطــــــــآم

في هاللحظه اللي كانت خجل واقفه فيها ورآ الستاره وماسكه الورده حقتها .. رجعت لها الذآكره يوم تروح للصحآرى بلآزا .. وتشوف اللي أسمه سطام
مسكت راسها وهي تقول :يآربيييييه أطلع من رآسي تكفى بلييييز !!

يابوي ..|~
خلوني علـى ڪـيفـي اختـار
يابوي هذا العرس
مابـه غصيبـه

يابوي|~
لاآ ترمون قلبي*
علـى النـار
وتصير بكـره ياجماعـه مصيبـه

يابوي|~

انا الليعارفه كل الاسـرار
قلبي وانا ادري فـي دواه وطبيبـه





وهو يسوق سيارته ومبتـسم .. ويطالع الورده ويطالع الطريق وهو متجهه للقصر .. وهو ماسك الخط وماشي ويحس ان يبي يطوي الوقت ويختلـي بها ..وأخيرا خجل صارت له ..له لحاله خـلاص !



آحيـان , ودي أترتفع لـ السمآ فوُوُق .. أطييير/ أبعدً


مآأشًوف من آلخلآيق


غيــرك


- يـاهوو يكفي تصوير
بندر يجلس على ركبته ..ويصور كرسي فراس اللي كان خالي : اصبر اصبر يابن الحلال
ناصر :بنـدر ياخي ارحم كاميرتك ! .. وقسم بالله لوني منها كان انحشت منك من زمان
بندر من غير لايناظره وهو يصور:اشوى انك مب هي
طارق:ههههههه ..
رن جوال ناصر ..طلع الجوال كان المتصل شهد !
استـأذن وطلع برا القصر ورد عليها
ناصر:هلا والله وغلا بهالصووت!
شهد :أهليييين .. كيفك حياتي؟
ناصر يمشي للسيارته :الحمدالله تمام .."بهمس ذوبها"..يوم سمعت صوتك
شهد خقت وقالت مستحيه :... اممم انت بالزواج ؟
أبتسم:إيه !.."وكمل يكذب"..لو كنتي فيه ياشهد ..دخلت مع ولد عمي للزفه كل البنات عيونهم علينا .. ويوم لزمت علي امي ارقص كلهم قاموا يصفرون ..
عصبت شهد :إيش؟..وانت ليه تدخل؟
ناصر:ولد عمي لازم اوقف معاه
شهد:ليه عزاء هو ولا ذبيحه توقف معاه .. وبعدين عيب تدخل ياأخي هذا زواج بنت عمك مو اختك عشان تدخل
ضحك ناصر:ههههههههه
زعل : ليه تضحك ؟
ناصر يضحك : هههه امزح معك حبيبـي! اساساً ولد عمي مابعد دخل .."طالع الشارع وهو يشوف سيارة فراس جايه من بعيد ".الطيب عند ذكره

آحس بدآخلي ~ آشيآء كثيره ...{ صعب اترجمهآ !

مايدري ليه سرت رعشـه في جسمه ..وحس انه بيشتـاق لـ خجل ! .. او مشتاق لها حيييل اكثر من أي وقت لما ماتكون معاه
نزلت منه دمعـه مايدري سببها .. تنهد من أعمـاق أعمـاقه وهو ينطق بإسمها :أحبـك يـاخجل!
هـل سبب دمعته ..ضيقة صدر؟

الضِّيقه آهـ هـ هـ يا الضِّيقه ..
الضِّيقه إنِّك تِحِب~
الضِّيقه إنك تلاقيه كل يوم
بـ / حقيقه ..~
الضِّيقهإنِّك تِقول نُكْته ,,
لـ/ أجْل تِضَحْكه ..~
وإنت تَدْري بـ / داخلِك إنها
{ مَليقه }
الضِّيقه إنِّك تحبَّه وهُو
يِعْتِبْرِك " شَقيقه "
الضِّيقه إنِّك تِتْظاهَر بـ / عَدم الشُّوف
وإنت في داخلِك تشِب
×حَريقه ×
الضِّيقه إنِّك تِكْتِم[ دَمْعةٍ ]
خَنيقه ..~

بلع ريقه وهو يمسح دموعه بشماغه .. الحين قرب مره وبيدخل عليها .. هذا هو يشوف القصـر
شماغ زواجه تبـلل ..من فـرحته ! ..أبتسم وهو يحس الرؤيـآ ضبابيه من دموعه ولا يدري السبب ..هل هي فـرحه خلت دموع "رجـال" تنزل!
هل الحب عنده وصـل لـ هذي الدرجة
رفع الورده الجوري الحمـرا بيـده..من الباقه اللي بجنبه ..أبتسم وهو يشوف فيها خجل حبيبته .. شمها وهو يتخيل ردة فعلها

بـــــــــس!

كانت على يمينه جايه سياره مسسسـرعه..كان طالعه من الشارع ..جايه من بين اضواء للتصوير ..وبين القصر (قصر الرياض)..يعني من الحاره توه ملتفت ..وبس فـات الاوان ..صدمته السياره وخلته ينحرف عن المسار ..
ويطلع عالشارع الثاني .. وباقي السيارات هشمت الباقي منه

ماطلع من سيارته اللي تكسرت وصارت مثل العجينه .. الا يده اللي كانت باينه من كومة الحديد ..وهي شـايله وردة خجــل !

ما أبيے أڪثر ألجِّڪ
قول بسمـξـهآ : " أحبڪ" // ..

...............وبـξـدَهَا يمڪـ ... أموت

...................وبـξـدَهَا يمڪـכּ... أموت

.......................وبـξـدَهَا يمڪـ... أموت



"صرخ بأعلى صوته والكل التفت واتجه له" - فــــــــــــــــرااااس!


طاح منه الجوال وهو متابع المنظر من الاول .. أسبل قامته وهو يرتعش مثل المجنون من بعد هالمنظـر اللي كلمة مؤلم شويه عليه .. مقدر اوصف شعورهم الحين .. لأن كلمة شعور أصغر من اللي يحسون به
كل اللي كانوا قراب منه ركضوا له .. اول واحد يزيد وبعده طارق وبندر لانهم كانوا عند الباب ..


»"أبي ارتاح يآ دـيا اבـس بضيقه"«
«تخنقنـﮱ»..!
وش آلـﮱ صـآبنـﮱمـدري..!
ڪذآ فـجآهـ آحـس آلڪـويـرفضنـﮱ..!!


وهي تنـزل الدرجات والشاعر يمدحها بكلماته !.. انهـى هالكلمات وبدت الموسيقى الكلاسكيه اللي كانت تمشـى على انغامها .. كانت مبتسمه ..بس شي ناقصها ..
مشت والدقايق اللي كانت تفصلها عن الكوشه كأنه دهووور .. اول ماوصلت بدوا الناس يسلمون عليها

نجـلا وفيها الصيحه :مبرررروك
ندى تقاوم دموعها :ترا توك مباركة لها
خجل تضحك وتصيح في نفس الوقت :ههههههه .. عادي!



نهـــــآية البارت !

كثير منكم مآيرد
مرآح اجبر احد يرد >كنك تقدرين عاد
بس اللي إبييه منكم دعـوه في ظهر الغيب بس
وإن رديتوا ماأقول لا ههههه

الرد باقتباس
إضافة رد

ثقيلة مزحة الدنيا / كاملة

الوسوم
مزحـہ , الدنيـآ , ثقيـلـہ
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
جنون العشاق من أول نظرة الوردة الأنيقة أرشيف الروايات المغلقة - لعدم إكتمالها 38 09-11-2010 10:24 PM
الدنيا ما تسوى سعوديه والدلع ليه ارشيف غرام 8 05-07-2009 01:01 PM
لا تغرنكم الحياة الدنيا اليقـيــــــــــــن مواضيع إسلامية - فقه - عقيدة 14 21-04-2009 12:28 AM
شوفوا الدنيا عيونه *مزون شمر* منقولات أدبية 6 29-07-2008 03:35 AM
لاتوجد سعادة كاملة في هذه الدنيا دنيـــا ومن يدري؟؟ مواضيع عامة - غرام 22 06-07-2008 04:12 PM

الساعة الآن +3: 04:33 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1