غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 24-04-2009, 04:02 AM
صورة كيوت ميمي الرمزية
كيوت ميمي كيوت ميمي غير متصل
©؛°¨غرامي مشارك¨°؛©
 
الافتراضي رواية ضمى الليالي / من تأليفي



بسم الله الرحمن الرحيم



اعضاء منتدى غرام الكرام

روايتي الاولى اضعها بين يديكم

علي اجد النقد والتوجيه منكم

فما اريد الا آرائكم بكل صدق

وكل الشكر لمن رفع هذا الصرح

فلهُ جزيل الشكر والعرفان والامتنان

روايتي الاولى

ضمى الليالي

اهديها لصديقاتي الصدوقات

وفآء[......
ميشو [........



البــــــارت الاول


...../ انت اشتقول
......./طال عمرك ذا اللي صار ولازم قبل 12 ساعه
تكون خارج المملكه انا رتبت لك سفريه بعد 5 ساعات
......../ كيف ؟ حاول تسوي شي
......../آسف طال عمرك حاولنا قد ما نقدر بس
الموضوع وصل السلطات وبكرا من الصبح بيطلبونك
للتحقيق وبعد 12 ساعه بيتعمم خبر منعك من السفر
......../والشركات والشغل وبصراخ كلم المحامي ؟؟؟
........./المحامي يقول حاول تصفي اللي عندك من اموال
وتحطه بحساب مو باسمك لانهم اكيد بيحجزون على
كل ممتلكاتك وبيتجمد حسابك
"قفل من مدير اعماله وافكاره توديه وتجيبه
" اخذها معاي لالا وشوله اغربها وهي مالها ذنب
طيب عند مين اخليها يا ربي وش اسوي يارب ألهمني
اكيد لو سا فرت الكل بيطمع فيها ولو دخلت بحسابها مبلغ
اخاف احد يحجز عليه يا رب وش اسوي ظغط على الجوال
اللي بين ايدينه لين ما صارت يده بيضا وافكاره توديه وتجيبه




بنفس القصر بالجناح الآخر
لميآء : اقول طيري بس خليني اكمل
سعاد : لموو وربي مو قادره ما ابي اذاكر عفيه
عليك يا شطره سولفي معي
لميآء : هي انتي مجنونه بكرا اول يوم بالاختبارات
لو ما حليت راح اصاب باحباط
سعاد : اووووما احباط يالدافوره عادي اذا ما حليتي
قولي خيرها بغيرها ولا تذاكرين اليوم الثاني
لميآء: وربي انك فاااااظيه فارقي بس
سعاد :لمووووووو حبيبتي بطلبك طلب صغنون
لميآء:اخلصي بس لا يكثر
سعاد:جوالك الثاني وينه فيه
لمياء: شوفيه هنا ليش
سعاد:فيه رصيد
لمياء:ايه
سعاد:لمووووووووووو حبيبتي حوليلي
رصيد بليييييييييييز وربي ما عاد اطلبك
لمياء: ههههههههههههههههه خير انتي كنك تشحدين
لمياء: الرصيد وصاحبته تحت امرك بس فارقي
سعاد:اووووك يا لبى روح روحك لحظه اخر سؤاله
لمياء:اخلصي
سعاد: متى بتنامين
لمياء:يوووووه شكل ما بها نومه بواصل اكيد
اوك باااايوووووو
بايات


"لميآء العالي .... جذاااااااااابه درجه اولى ملامح حاده
سمرا اكثر ما يجذب فيها نظرتها عميقه لابعد الحدود ذوووووق
تحب تصميم الديكورات ومبدعه فيها "





وفي مكان ثاني تتاجج ليالي العاشقين با جواء مشحونه بالعواطف
ندا : حبيبي خلاص بكرا وراك دوام روح نام
عناد: امممم طيب قولي اول تحبيني
ندا : اكيد مو انت خطيبي وحبيبي وزوج المستقبل... حبيبي
عناد : يا لبيه عيون حبيبك امري
ندا:ابها من غيرك بالحيل شينه متى بتفتك من الرياض وتجي تعيش بمكانه
عناد: يصير خير تصبحين على خير يا حبيبة حبيبك
ندا وهي تشوف الانتظار اوكي حبيبي وانت من اهله باي
وقفلت
وردت ع الخط هلاااا
مين ؟؟؟؟؟
ماجد :افا يا ندوش عريس الغفله نساك صوتنا .............................



عند عناد قبل ما ينام "" يووووووووه يا ندا لو تدرين قد ايش احبك
ولو تدرين بفرحتي فيك ليت ظروفي الماديه كانت احسن من كيذا
وربي ما كان قصرت عليك يالله انام ابركلي من هالهواجيس ودامها تحبني اهم شي ""





لميآء : هلا
سعاد : هيييييييييه نمتي يالله الساعه 7
لـ:لا بس غفيت شوي يالله يالله خلاص صحيت
باب الجناحه يدق .. غريب مين جايني الحين وربي
لو الخدامه لتتكفخ كم مره اقولهم لا يجون ينضفون
وانا فيه تمشي بسرعه وهي تتحلطم وتتوعد وتفتح الباب
الا وتصرخ زياد
زياد: وقلبه تعبان يناظرها بنظرات حنيه يا عيون زياد يا عيون اخوك انتي
لمياء :زياد فيك شي يا قلبي مو بالعاده تجيني هنا
بضحكه شبه ميته امم طيب ممكن ادخل
لميآء : هههههههه حياك اخوي تستأذن في بيتك

"زياد العالي من كبار الشخصيات اكبر تاجر مخدرات
واعمال حره
عمره 38 يتيم الاب والام مقطوع من شجره قبل ما يموت
ابوه تزوج وجاب لميآء ومات وربى هو اخته قلبه حجر يدم
ر مين ماكان بطريقه ما عرف قلبه طريق
للحنيه الا مع اخته الكل يخافه ويهابه "
زياد : وش لونها حبيبة اخوها اليوم ؟؟
لميآء: وربي يا زياد اني خاااايفه حدي
اليوم اول يوم بالاختبارات النهائيه مواصله من امس ومانمت

سحبها من يدها وبحركه سريعه منه لمها
بحنيه وباس راسها قال سامحيني يا خوك لو يوم قصرت بحقك
لمياء واللي بدا الخوف عليها زياد وش فيك ليش تخوفني ؟؟
بعدها عنه ناظرفيها وابتسم لا تخافين
ارفعي راس اخوك اهم شي دراستك
زياد:متى بتروحين
لميآء: الحين خلاص بس ابدل بذاكر شوي مع البنات قبل الاختبار
زياد:طيب لا تطولين انا اللي بوديك اليوم استناك في السياره
لمياء:حاظر
في السياره الفخمه هو جالس وهي بجمبه والسايق
بيوديهم الجامعه يطلع زياد 10 الاف ريال ويمدها لمياء
اقول لمووو خذي هذي
لمياء وهي مستغربه منه بس انت اول مره تعطيني كيذا دايم تحطها بالبنك زياد وش فيك ؟؟؟
ما فيني شي بس ما يمديني امر البنك خذي
اخذتها وعلامات الاستفهام ماليه راسها ونزلت الجامعه وقبل
ما تنزل سمعته يقول ويمكن ما يحسبها سمعته
الله يحفظك
توجه للمكتب اول ما دخل
سامي سامي يازفت تعال هنا بسرعه
سامي / سم طال عمرك
زياد / تتذكر الرجال الشباب اللي دفعت الديه عنه يوم كان في السجن
سامي متنح ......
وبصراخ يملا المكان تذكرته ؟؟؟؟؟؟
سامي يهز راسه ايه طال عمرك تذكرته
بسرعه جب لي وين يشتغل فيه
بسسسسسرعه




ووسلامتكم

ابي تفاعل تكفون ما ابي اتحطم من اول محاوله

وبكرا ان شاء الله انزل البارت الثاني

تـ ح ـياتي

كيوت ميمي


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 24-04-2009, 09:24 AM
صورة ღ Zain ღ الرمزية
ღ Zain ღ ღ Zain ღ غير متصل
©؛°¨غرامي نشيط¨°؛©
 
الافتراضي رد: رواية ضمى الليالي .. من تأليفي .. كامله


روـآيه رووعه .

خطييرهـ .

ننتظرك ..:)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 24-04-2009, 09:40 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية ضمى الليالي .. من تأليفي .. كاملة


,’


بسم الله



بدآية حلوة
يعطيك العـــآفية


موفقة إن شـــآء الله


و لآ هنتـــي






,’


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 24-04-2009, 11:32 AM
صورة كيوت ميمي الرمزية
كيوت ميمي كيوت ميمي غير متصل
©؛°¨غرامي مشارك¨°؛©
 
الافتراضي رد: رواية ضمى الليالي / من تأليفي


Zain

تسلمين يا قلبي ما انحرم من طلتك

الزعيمه

حياك حبيبتي ما انعدم من طلتك


البــــارت الثاني

سعاد / بوووووووووووووووووووووه
لمياء / بسسسسم الله وربي خرعتيني
سعاد / سلامة قلللللبك يا بنت العالي عساك ذخر لنا
لميآء / حركت شعرها بطريقه ولا اروع لابسه بلوزه نااااعمه
لبني بكرفيتا مقلمه اسود ولبني ع تنوره اسود وشوز سبورت
شعرها اسود ومقصوص مدرج بطول ظهرها رفعته فوق ذيل
حصان وقالت يالله تاخرنا ع الشله
وفي الكفتريا وع طاولتهم لميآ سعاد / هااااااااااااايو بنات
البنات / هايات
...... /هاه لمياء كيف المذاكره معاك
لمياء / ماشي الحال الحمد لله
سلوى / اكيد بيمشي الحال في كل ماده عندك مدرسه كيف ما يمشي
سعاد / يهبيييييي عليك اذكري ربك
لميآء/ تعودت على هالنظره في عيونهم فما همها الوضع بس قالت
اصلن ذا الترم ما اخذت ولا مدرسه
سلوى / ياهوه سرتي تخافين من العين عدتك سعاد
لمياء /وهي تموت بالجلسه مع الشله بس ذولا الثنتين
دايم يوقفو لها
قالت ياله بنات انا وسعاد بنروح نذاكر تحت الشجره
سي يو بعد الاختبار وتسحب سعاد هيا سعاد
سعاد والقهر حارق قلبها ليه ما خلتيني اادبهم
لميآء/ لا يا بنت الحلال ما لنا ومال المشاكل وبعدين
عادي تعودت ع غيرتهم نو بربلم
وتبي تروق مزاج سعاد هاه قلبو وش تشربين طالعت
لها سعاد وقامت لمياء تسبل بعيونها وترفع يدها بسسسسسسرعه
دام العرض قائم والا لاتحلمين
سعاد وهي تبوسها في خدها وربي ان قلبك اطيب قلب شفته بحياتي

.................................................. .....................................


سامي / طال عمرك جبت وين يشتغل في يشتغل سكرتير في وحده من الشركات الصغيره
زياد / طيب اعطي السايق العنوان والحقني بالاوراق للسياره
سامي / وهو موفاهم شي لا تروح له طال عمرك نجيبه عندك
زياد / وبصوت عالي لا يخلو من تعب يستقر جوات قلبه
انا تكلمت بسسسرعه
سامي / امرك


.................................................. ........................................


عناد / وهو منهمك في تنظيم الموعد ويكتب ع الجهاز وندا في باله ليش
ما ترد عليه اكيد نا يمه
زياد / السلام عليكم
عناد / وعليكم السلام ويلف الكرسي
ويشوف زياد يفز واقف سم طال عمرك ادخلك ع المدير
زياد / شلونك يا عناد انا جاي عشانك ما ابي المدير
عناد /حياك طال عمرك تفظل وهو على نار داري
ان زياد العالي ما جاه الا وراه شي كايد لا يكون
بس يبي المية الف اللي تدينتها منه لالا ما اتوقع المده
ما انتهت وبعدين هو قال ما يبيها
واخيرا تكلم زياد / وكانه عرف عناد بشنو يفكر شوف
يا عناد تعرف اني اعطيتك 200 الف في ظروف لو
ما كنا فيها ماكان يمدينا عرفنا يعض ولا يمديني شفتك
عناد / والكلام كل ماله يزيده خوف
زياد / وانا الحين ابي الميه الباقيه
عناد / بس المده اللي اتفقنا عليها ما خلصت
زياد/ انا مسافر بعد ثلاث ساعات ولازم تدبرها
عناد / والدنيا سودة بوجهه وداري ان زياد يقدر يدخله
السجن وداري ان محد من اهله بيوقف معه كيف
يوقفون معه وحالهم بحاله واردى
بس طال عمرك وربي اني ما املكها الحين اعطيني مهله
يومين واحاول قاطعه زياد انا متنازل عنها بس عندي شرط
واعطيك قد الميه عشر مرات بس تتزوج اختي الحين ؟؟؟؟؟؟
عناد / وهو مو مستوعب ولا فاهم قال وشووو
ما فهمت ممكن توضح لي طال عمرك
زياد / قوم معي وانا اقولك بالسياره
عناد / كل شي اهون عنده ولا انه ينرمي
بالسجن حاظر طال عمرك استاذن وخرج معه

................................................

ندا / يا هلا والله صباح النور
محمد / ايوا اكذبي علي وقولي نفس الكلام لخطيبك
ندا / امحق خطيب
محمد / اوووف لذي الدرجه تكرهينه
ندا :/ حطم احلامي كيف ما اكرهه انا بس اجاريه عشانه
يموت علي ويحبني
محمد / وليش تكرهينه وش سوا لك
ندا / تزوجني وانا كنت ابي واحد غني يعيشني
ملكه يعززني مو يعيشني في فقر
تخيل يقول يا قلبي لو نعيش بشقه ثلاث غرف اهم شي انا سواا
محمد / هههههههههههههههه احنا عندنا الشقه وبسخريه
ام الثلاث غرف اصغر جناح
ندا / يا بختها اللي بتتزوجك بتعيش اميره
محمد / وش يشتغل رجلك
ندا / يووووه لا تقول رجلك يفور دمي يشتغل سكرتير
بشركه مهردعه حالتها حاله راتبه 5200 في الشهر
محمد / هههههههههه الله يعينك تدري ان 5000 اصرفها
بيومين وش حادك ع ذا الفقر
ندا / وتقلد كلام ابوها ولد عمك ويحبك ومالك غناة عنه
ستر وغطا لك يوووووووووه تعبت كل ما قلت اجلو الزواج
قالو ولد عمك يبيه بالصيف كل ماقلت ما ابي اكمل دراسه قالت امي
ولد عمك اذا اخذك الرياض بتكملين عنده
محمد / اذا تزوجتي بتجين الرياض انا بعد بالرياض
ع الاقل اشوفك يا حياتي لو من بعيد
ندا / عناد انتظار يله باي
ندا / هلا عناد
عناد/ وقبل ما يدخل السياره عند زياد صباح الخير حبيبتي
من تكلمي ع الصبح
ندا / صباح النور صديقتي
عناد / زين يا عيون حبيبك انا بقفل جوالي عندي شغل مهم
خفت انك تتصلين وتقلقين قلت اطمنك اول
ندا / تقول بنفسها اوووخص يالمهم والله شكل احد هاوشك
عشان كيذا قالت زين حبيبي انك طمنتني الله لا يحرمني منك
عناد / وارتسمت على شفايفه ابتسامة رضا
يالله حبيبتي سلام
زياد وهو يناظر في عناد اللي تغلب على بشرته السمار شعره شوي
طويل مو مهتم بنفسه اكمام ثوبه مرفوعه شكله رجال شقاي والاهم
من كيذا عنده غيره على الحريم ويتذكر زياد اليوم اللي عرف فيه عناد
كان يدافع عن وحده ما يعرفها حاول يغتصبها في واحد من شوارع الرياض
المظلمه والبنت تصارخ وعناد سمع الصوت وما قدر ما يوقف ويشوف السالفه
وبنفس الوقت كان زياد طالع من غير الحرس ومن غير السايق كا يبي يكون لوحده
بذيك الساعه المتاخره من الليل وشاف كل شي قدامه كيف ان عناد وقف في وجه ثلاثه
عشان يدافع عن البنت قتل واحد منهم وهربو الباقين واخذو البنت معاهم
غمض عيونه وهو يتذكر كيف كان يتابع القضيه وكيف ان الموضوع انقلب
علي عناد وانسجن خمس شهور وديه 200 الف ويتذكر كيف دفع عنه الميتين
وطلعه من السجن ومن وقتها وعناد يحاول يسدد الدين ذا بالتقصيد وفي كل مره
يجيب مبلغ كان يقوله مسامحك بالباقي فتح عيونه على صوت عناد
طال عمرك فيك شي ؟
شوف يا عناد على قد ماشفت من رجال اعمال
من الطبقات الراقيه ووووو ماقد شفت رجال بشهامتك
ونخوتك عناد وهو مستغرب التناقض اللي يتكلم به زياد
شوي يمدحه شوي يقول جب الملغ قال هذا من طيب اصلك طال عمرك
ابيك تتزوج اختي وشوف يا عناد هي اغلى شي بحياتي
ولو مو واثق فيك ما كان امنتك عليها
عناد وهو دوب يستوعب بس انا خاطب وزواجي في الصيف
زياد / خطيبتك مملك عليها يقطع كلامه ويقول
خالد ع المحكمه ودينا
عناد / ايه بنت عمي وما اقدر اتزوج غيرها
ما ترضاها على اختك تاخذ متزوج
زياد / وهو يغمض عيونه بقوه ويرجع
يفتحها الشرع محلل اربع واختي عاقله
ما بتقول شي انت لازم تكون على بينه انامسافر بعد ساعتين
وما بقدر ادخل السعوديه مره ثانيه اهم شي بدنيتي هي اختي
عيوني اللي اشوف فيهم
ولو رحت الكل بيطمع فيها اظيف
اني مقدر اتركها مع سواقين وخدم
واظيف انهم بيحجزون على ممتلكاتي كلها وبيجمدون حسابي
واخاف يجمدون حسابها بعد عشان كيذا انا مقدر اخذها واغربها
جامعتها دراستها ما اقدر
بنزل 2 مليون بحسابك ويمسك يده عناد واللي يرحم امك ابي
فزعتك لا تردني اختي مالها ذنب باي شي سويته بحياتي
عناد / وحس ان الموضوع فزعه اكثر مما هو رد دين
وتذكر ندا بلحظه شالها من باله يوم تذكر كيف زياد ساعده
والا كان يمديه مرمي بالسجن لحد الحين
وبابتسامه حلوه يطمن فيها زياد قال ابشر وانا اخوك اختك في عيوني
زياد وكنه ارتاح شوي امانه برقبتك والامانه تبرت منها الجبال
انك ما تجرحها بكلمه ولا تزعلها تراها حساسه تكفى يا خوي

.................................................. ..............................

سعاد / هاه لمو بشري وش سويتي
لميآء/ يوووووووووه مرررررررررره جنان الاختبار الله يسعدها
الدكتوره اسألتها وناسه وانتي
سعاد / لموووو وربي وربي لو ما اعرفك ومتأكده منك كان قلت
انك شريتي الاسأله من ذي المصريه قبل الاختبار
يووه لمو انا حامله معي الماده للترم الجاي وبمرتبت
الشرف بعد
لمياء / وتظحكين بعد الله يرجك
سلوى / احلام شوفي تظحك الحقيره اكيد حلت الاسأله زفت
احلام / ههههههه غبيه انتي وش حلت اتوقع اممم ورقتها فاضيه
بس تلاقينها شاريه اجوبة الدكتوره بفلوسها واكيد الدكتوره
بتحل لها وتعطيها الفل مارك
سلوى / يا قهري ليتني بالغز اللي هي فيه
احلام / وهي تناظرها بكره يا جعل ربي يمحق
عزها هي واخوها يا رب


.................................................. ..

وهم طالعين من المحكمه وزياد يبتسم من قلب مبروك يا عناد
عناد وهو حاس بالغصه انه تزوج على حبيبته وبنفس الوقت
ما يبي يخرب على زياد الله يبارك فيك يا اخوي
زياد / بقيت المهمه الاصعب عند لمياء ما تدري عن شي
انا طيارتي الساعه 11 وهي ما تطلع من الجامع هالا الساعه وحده
يعني انت اللي راح تقولها
عناد / وحس ان الدنيا بتدور فيه كيف بيتفاهم مع بنت دلوعه
كيف بيعيشها بالخرابه اللي هو فيها ولو اشترالها بيت بفلوسها
ما يقدر يقعد معاها ما يرضى يعيش على مره مهما كان هورجال
قال زياد الله يهديك وش اقولها
زياد / عناد تكفى انا موقفي صعب وربي ما ابي اشوفها تلومني
ولا اسمع صوتها وهي تبكي وتترجاني ما اتركها ادري ان اختي
مدلعه بس عاقله يمكن تثور كم يوم بعدها راح تهدأ انا بعد ما اخلص
الحين أحول المبلغ في حسابك بعلن افلاسي واسافر
عناد طيب اشلون كيف بتركب معي السياره وهي مي عارفه اني زوجها
زياد انت روح مع السواق وانا بكلمها وبقولها اني احتجت السواق بشغله
وارسلت لها صديقي وبقولها اني اعطيتك رقمها عشان تقول لها وين مكان سيارتك

عناد وكنه اقتنع طيب وملابسها واغراضها
زياد انا مشيت كل الخدم والبيت اكيد بيحجزون
عليه تكفى خذ معك شركه وروح البيت مع السايق
وخذ غرفتها لها ما تقدر تنام بغير غرفتها
عناد / وهو مقهور بس انا مو بعجزان اشتري لها غرفه
زياد / وهو يظحك وربي داري بس اذا ثارت ودخلت ولقت
غرفتها صدقني بترتاح وتهدأ صدقني
باقي اريع ساعات سو اللي قلت لك عليه
ولا تخلي العمال يمسكون ملابسها انت شيلها
عناد امرك طال عمرك يسلم عليه توصل سالم
زياد عناد وللمره الاخير اقولك لميآء روحي فيها
امانه عندك ليوم الدين امانه يا عناد
مشى وقل للسواق يوصل عناد البيت بعد ما
اخذ رقم الحساب حق عناد
عناد وما زال واقف مكانه ويناظر في ولا شي معقوله
زياد العالي اللي هيبته تملا المكان والكل يحترمه يترجاني كيذا
بس يا ترا وش سوااا عشان ينحاش ؟؟؟؟؟؟؟؟؟؟؟

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 24-04-2009, 01:57 PM
صورة ღ Zain ღ الرمزية
ღ Zain ღ ღ Zain ღ غير متصل
©؛°¨غرامي نشيط¨°؛©
 
الافتراضي رد: رواية ضمى الليالي / من تأليفي


حلو ـآلبـآت .

ننتظرك قلبي .

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 24-04-2009, 08:15 PM
صورة كيوت ميمي الرمزية
كيوت ميمي كيوت ميمي غير متصل
©؛°¨غرامي مشارك¨°؛©
 
الافتراضي رد: رواية ضمى الليالي / من تأليفي


تسلميلي عيوني

لآ عدمت وجودك

:)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 24-04-2009, 09:11 PM
اخوها عله اخوها عله غير متصل
©؛°¨غرامي مشارك¨°؛©
 
الافتراضي رد: رواية ضمى الليالي / من تأليفي


الروايه شكلهارروعه من بدايتها

ننتظر رده فعل لمياء علي موضوع زواجها

تكفين لا تتطولين علينا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 25-04-2009, 01:25 AM
صورة كيوت ميمي الرمزية
كيوت ميمي كيوت ميمي غير متصل
©؛°¨غرامي مشارك¨°؛©
 
الافتراضي رد: رواية ضمى الليالي / من تأليفي


اخوها عله

حياك حبيبتي

من عيوني يا قمر ما راح اطول

لآ عدمت طلتك


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 25-04-2009, 07:59 AM
شعـ((الحلوهـ))ــوله شعـ((الحلوهـ))ــوله غير متصل
©؛°¨غرامي مجتهد¨°؛©
 
الافتراضي رد: رواية ضمى الليالي / من تأليفي


يسلمووووو على الروايه باين انها روعه من البدايه
لميا حبيتها احسها كيوووووووت
عناد مره اعجبتني شخصيته ونخوته
ندى ووووووووووع مااستلطفتها ابد حقيره مره وماتستاهل عناد
مره متحمسه للبارت الجاي وتسلمين يالغلااا


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 25-04-2009, 02:01 PM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد: رواية ضمى الليالي / من تأليفي


.,

يآهلآ والله


يعطيك العافيه



نورتي


..

رواية ضمى الليالي / من تأليفي

الوسوم
الليالي , تأليفي , رواية , كامله
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
قررت أموت بحبك ( العنود و خالد ) / بقلمي ، كاملة عنودة غرام روايات كامله - يتم نقل الرواية هنا بعد اكتمالها 1444 19-05-2011 03:07 PM
رواية أسيرة حب / بقلمي L.A.F أرشيف الروايات المغلقة - لعدم إكتمالها 13 03-11-2010 12:05 PM
رواية أبوس راسك يا زمن ما عاد فيني للجراح / بقلمي !! مـ ع ــزوفة حـزن !! أرشيف الروايات المغلقة - لعدم إكتمالها 1926 25-04-2009 09:42 PM
فتيات في زوبعة الحياة / بقلمي ^ الجوهــــره ^ أرشيف الروايات المغلقة - لعدم إكتمالها 27 02-03-2009 03:00 PM
توأم و لكن ! رواية رومانسية جريئة من كتابتي و تأليفي نفسي تفهمني أرشيف الروايات المغلقة - لعدم إكتمالها 117 19-07-2008 07:20 PM

الساعة الآن +3: 11:56 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1