سموة المشاعـر ©؛°¨غرامي مشارك¨°؛©

ازعجونا في اللغه وهي سهله بس المشكله في المعلم, فقع روسنا بالقواعد والفاعل والمنصوب والناصب والحرامــــ ــــي ..


لكن انا جيتكم وبعلمكم بدون وجع راس يالله نبدأ:


افرض واحد ضربك على مصبعك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا


هل تحب جبنة بوك= لاحظ بوك بس نوع فاخر +بوك= book = كتاب
هل تحب الكت كات= لاحظ كات بس نوع بناتي فاخر+كات=cat =قط >>> جعله يمشخكم
هل تحب شاي= لاحظ شاي = shy = خجول <<<<<< يعني تقدار تقول : i'm shy <<<<<<<<< انا خجول


وانتي واقفه تطالعين المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
الجواب: فار مر
فار مر ,,,, معنها مزارع ,,,,, ككك; farmer <<<< مزارع



من مايعرف الرئيس الأرهابي ( بوش ) بوش -بوش = push = يدفع _يعني = يدف = وتلاحضونها على الأبواب


يعني تقدار تقول= ادفع الباب او دف الباب = push the door = بوش ذا دور


كلمه ثانيه:واحد يقولك: كيل تفاح تصير قوي_ كيل برتقال _كيل موز


لاحظ ( كيل ) كيل -كيل = تعني = يقتل او اقتل = kill مثال = اقتلني = كيل مي = kill meاو= اقتله = كيل هيم= kill him


كلمه ثانيه:


واحد يطق الباب وش تقوله: اكيد تقول ( مين) مين مين مين
mean = مين = تعني = معنى = او قصد = كأنك تسئل وش معنى كلامك او وش قصدك
مثال: تسئل واحد وش قصدك ؟ what do you mean = وات دو يو مين
كلمه ثانيه:



وعلى فكره كلمة = com الي تشفونها في الرابط = تعني = شركه = وهي اختصار كلمة = company


تسمعون البزر يقول الى امه : ماما يالله قوه البيت = قوه قوه = ياقليب قليبوه
المهم واضح معنها لكم :
go = كوه = قوه
يالله نروح= let us go = ليتس قوه




كف = فيه احد ما جاه كف على وجه ؟ انا بصراحه تصفقت لين دخت


كف= معنها = كحه . كف = cough تقدار تقول= i have cough = اي هاف كف = انا عندي كحه او سعال


مذر كير = من مافيه من البنات مايعرف مذر كير = طبعا نوضحها للشباب = هذي ماركه تهتم بملابس الأطفال او اسم


محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم


مذر كير= عباره عن كلمتين دائما النساء ينطقونها ومايدرون انهم يتحدثون الأنجليزيه بطلاقه , نقسم الكلمتين


مذر = ام +ماما +امي= الي تبون تسمونها= مثال / هذه امي = this is my mother = ذس از ماي مذر


كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو


انا اهتم = i care = اي كير


باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان


هورس = حصان = horse باوار= قوه =power


ركزوا معي في تركيب الجمله = انا عندي حصان = i have horse =


لاحظوا = i have = متكرره , i have = انا عندي
يعني حطها في بداية الجمله وحط اي شي عندك = مثال / سياره + كتاب + اي شي = i have a car = انا عندي سياره


الرئيس الأمريكي السابق ( بيل كلينتون )


بيل + bill = فاتورة = يعني وانت في المطعم تبي الفاتوره تقول= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبر عمرك


بلوتوث = واواواواو
bluetooth = معروفه مايبي لها طقة عصاة , بس اللي كثيرين مايعرفونه انه وش معنها ؟
بلوتوث تعني = الناب الأزرق = او لو حبيتوا نقول الضرس الأزرق ماشي,
بلو= blue = ازرق
توث= tooth =الناب او الضرس





هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي


سيف = سيف معروف اذا بغيت ترقص في العرضه مع الشيوخ لازم تجيب معك سيف وتنتبه لاتخبط الي جمبك


سيف= save = يحفظ او يحمي او ينقذ = يعني تقدار تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر


فار = مخلوق نذل يصعب مسكه الى اذا جبت له قطو لأن القطو رجال ومايخاف اما نحن الرجال الله يخلف علينا والله ننحاش وتوصل انه ننقل من الحي كله ونترك له البيت ملعون الوالدين


فار= far = معنها = بعيد = تقدار تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدار تقول= u are very far =يو ار فيري فار = على كيفكم


ني = اللحم ني او الدجاج مو مستوي ني
ني= knee = معنها = ركبه


بس ماعليكم من حرف الكاف في بداية الكلمه ماينطق =k nee = تنطق = ني


كان = ( كان) ياما( كان) في قديم الزمان تركي وا م كشه , بس ( كان ) فيه ام القنازع وخربت عليهم


كان = CAN = يستطيع او يقدر = انا استطيع = I CAN


ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه



أتمنى الموضوع يعجبكم..
واستفدتم منه انا عني استفدت اكثير ههههههه

روبي الشرقيه ©؛°¨غرامي مشارك¨°؛©

من جد طريقه كثير سهله للي مستصعب اللغه تسلمين حبيبتي

تشارلز ديكنز عضو موقوف من الإداره

I assure you that this subject is good and nice and you have to put entertainment in learning English to be fun Thank you سموة المشاعر


ღ∙• وَينـφـِا έـيُونٍـﮓ •∙ღ [[ ♥ ]] t3ėβт Ṁή ąĻώăŁāĤ .. ● •

ههههههههههههه هههههههههههه هههههههههههههه

من جد طريقه مصرقعه

بس تضل في كلمات تدوخ الراس

معي اختي في اول ابتدائي

كل يوم اعلمها 10 كلمات من افلام الكرتون

لانها قريبه لهم ويفهموها بسرعه

زي (سبايدر مان)

دوم يتابعوه ويعرفو انه الرجل العنكبوت

بس لو سأتهم وش معنى سبايدر بالعربي ما يعرفوا

عشان كذا ترجمتلها وش معنى سبايدر ووش معنى مان

وكذا كل فلم كرتون تسألني عنه

واحين ما شاء الله صار عندها قروب من الكلمات

وان شاء الله تطلع اجسن مني

(^_^)

وبالتوفيق للكل

سلملم


سموة المشاعـر ©؛°¨غرامي مشارك¨°؛©

روبي
صح كلامك ..يعطيك العافيه
تشارلز
صحيح افضل طريقه للتعلم تجمع بين التعلم والترفيه عشان ماتمل هههه
وينها عيونك
يعطيك العافيه ههههه واااصل تعليمك حلوه طريقتك والاطفال ترسخ بذهنهم بسرعه هالطريقه

اشكر لكم مروركم اللطيف
دمتم بخير

●! شٍَــآإهِيَنٍّ !● مستشــ¸.·* غرام *·.¸ـــاري

يعطيك العافيه


من جد اسهل طريقه لتعليم الانجليزيه


موضوع حلو حلو حلو جدا


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1