غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 29-04-2009, 05:30 PM
صورة ذيب اتحادي الرمزية
ذيب اتحادي ذيب اتحادي غير متصل
©؛°¨غرامي متألق ¨°؛©
 
الافتراضي رواية فهد و نوره / بقلمي ، كاملة




رواية فهد ونوره روايه سعوديه</
هذي رواية فهد ونوره
الجزء الأوال ....

نوره بنت مملوحه وبريئه إلي درجه السباهه بأولى ثانوي عندها اخت واخ اكبر منها ( نجود-ماجد) وكم بزر اصغر منها . في رمضان كانو بيروحون لمكه بعتمرون هي وامها ونجود وماجد فيوم كانو في مطار جده من الزحمه ضاعت عنهم وزياده على كذا كانت متغطيه فانواع السباهه وجوالها بشنطتها وشنطتها مع امها تورطت قامت تناظر تروح تجي مالقتهم قال مافيه الا اني اخذ جوال أي احد مشت شويه لقت حرمه واقفه ومعها كم بزر

نوره: ياخاله انا ضايعه عن اهلي وودي بس اكلمهم عشان اشوف وينهم

الحرمه: والله ياحبيبتي جوالي مافيه بطاريه بس انتظري هنا خمس دقايق يجي ولدي فهد وتكلمين من جواله

واقل من خمس دقايق والا فهد مقبل ( يمكن عمره مايتعدى 18 سنه وسيم طوله حلو اسمر غمازاته تجنن ومركب بريسس تقويم )

ام فهد: فهد عطني جوالك هالبنيه-تأشر على نوره– ضايعه عن اهلها وتبي تكلمهم

ويطلع فهد جواله من جيبه ويعطيه نوره من الربكه نست نوره رقم ماجد اخوها تحاول تتذكر عجزت قالت مافيه الا اني اكلم جوالي دامه معهم وتدق ولا احد يرد تذكرت انها حاطته عالسايلنت ياربي وش هالورطه ماحفظت رقم جوال امها ولا نجود اختها ولا حتى ابوها اللي بالرياض ماحفظت غير رقم ماجد ونسته بعد وتناظر ساعتها والا لها ساعه ونص مضيعه اهلها وماسكه ذا الجوال تضغط رقم وترجع تمسحها

ام فهد : عسى ماشر وش فيك حبيبتي؟؟

نوره وخانقتها العبره : نسيت رقم جوال اخوي وهو الوحيد الي كنت حافظته من جوالات اهلي...

ام فهد : طيب دقي على بيتكم

نوره :مافيه احد وجوالي مع الوالده لكني حاطته عالصامت

ام فهد تناظر ساعتها : وجهه اهلك على مكه ان شاء الله ؟

نوره: ايه

ام فهد : اكيد حاجزين لكم سكن بس تدرين وينه فيه ؟؟

نوره: بالهوليدي ان

ام فهد : فهد ياابوي

فهد : سمي يمه

ام فهد : حجزنا وين

فهد : بالهوليدي ان

ام فهد : تدرين يا ........؟

نوره: نوره ياخاله اسمي نوره

ام فهد : توكلي معنا ومايصير خاطرك الا طيب وبنحطك عند اهلك واحتياط ارسلي مسج خبريهم انك مشيتي لمكه

نوره: بس !!

ام فهد : لا بس ولا شي بس يالله مشينا

نوره : ان شاء الله

ويطلعون من المطارويوقف فهد تاكسي وحمل الاغراض وركبو قبل لايمشون قال واحد من البزارين انه يبي حمام ويقول الثاني انه يبي حمام بعد راحت ام فهد ومبزرتها للحمام تاركه فهد ونوره بالسياره وسواق التاكسي شافهم مطولين قام نزل يسولف مع اخوياه , فهد وده يقول شي ......

فهد : من وين يانوره ؟؟

نوره متروعه : وش عرفك في اسمي ؟؟!

فهد : سمعتك وانتي تقولينه للوالده بس ماقلتيلي من وين؟؟

نوره من دون نفس ترد لانها موصله معه ومالها خلقه : من الريـــــــاض

فهد التفت ورى عليها : وشفيك !

نوره : مافيني شي

فهد : الا فيك شي

نوره : من متى المعرفه عشان تمون وتسولف

تكتم فهد ولاعاد نطق جت ام فهد وركبت هي وعيالها السياره كانت شوي صككه فاخذت نوره بزر صغينون وحطته على رجولها على بال مايركبون كلهم المهم قامت ام فهد تقول : هاتي نواف لا يضايقك –( نواف ذا البزر اللي بحضن نوره مايتعدى ثلاث سنين عمره )- ونوره تقول : خليه ياخاله لا يضايقني ولا شي ومضت اول ربع ساعه وهم رايحين لمكه بهدوء تام مااحد ينطق نوره تسأل نواف

نوره: وش اسمك يابابا ؟

نواف : نواف ..... مين انتي ؟؟؟

نوره : انا نوره

نواف: نوره مين ؟؟

نوره : نوره الفلاني (قالت عايلتها )

لحظتها التفتت ام فهد على نوره وقالت : نوره ايش .... نوره : نوره الفلاني

ام فهد : بنت سليمان الفلاني ؟؟x

نوره : ايه

ام فهد : ابو ماجد ماغيره

نوره : ايه تعرفون ابوي انتم ؟؟

ام فهد: ايييييه عشره عمر كان مع المرحوم كان رفيق له درسو سوا

نوره : ومن ينقالكم ياخاله ؟؟

ام فهد : الفلان

نوره : سعود الفلان ايييييه تذكرت هذا الله يرحمه عزيز على الوالد

وطول الطريق وهم داقينها سواليف ام فهد ونوره وفهد ساكت بس مستمع وصلو لمكه ونزلو الفندق

نوره : معليه ياخاله تخلين فهد يسأل عن اهلي ان كانو جو والا لا

ام فهد : ابشري ان جا فهد بقوله

جا فهد قالتله امه : رح واسال ان كان وصلو اهل نوره والا لا

فهد : ابشري يمَه

راح فهد وسأل والاهم مابعد وصلو ضاق صدر نوره شوي المهم رقت معهم لشقتهم ودخلو ونوره مافكت غطاها وام فهد فصخت عبايتها وااخذت راحتها وكان فهد رايح يجيب عفشهم

ام فهد : خذي راحتك يانوره اعتبري نفسك في بيتك

نوره مبتسمه : تسلمين ياخاله

ام فهد : افتشي ماعندك احد فهد مب من كبره توه بثاني ثانوي

نوره ماصدقت تطلع هالكلمه منها بلاها انكتمت , فكت نوره طرحتها وحطتها على كتوفها بس مافصخت عباتيها وقعدت على الكنبه وام فهد رايحه جايه تجمع وتحط وتشيل دخل فهد ولقى نوره بوجهه قاعده سطل حست نوره ان الولد بلم فقالت خلني اضيع اموقف

نوره : ماجو اهلي

فهد مبقق عيونه : لا بس حطيت خبر عند الرسبشن انهم اذا جو يدقون علينا هنا بالشقه ....... وطلع جواله ومده لها

نوره : وشو

فهد : خبري اهلك انك معنا

نوره : ارسلت بمسج يوم انا بمطار جده

فهد : قوليلهم انك مع اهل سعود الفلاني

نوره : طيب ... ومدت يدها بتاخذ الجوال وهو ماشال عينه عنها خاشه مزاجه مره ... ونوره قاعده تكتب مسج ويرن الجوال وتناظر والا هو رقمها وردت على طول

نوره : هلا

نجود : وينك فيه

نوره : انا مع اهل سعود الفلاني

نجود : هي هي من جدك انتي

نوره: والله العظيم

نجود : طيب للان انتي بجده

نوره : لا انا الحين بمكه ... وانتم

نجود :حنا ندور عليك يالشيخه للان بجده طيب وينك فيه بمكه

نوره: بالهوليدي ان

نجود : اوكي حنا ساعه ساعتين وبنجي الا تعالي جوال مين هذا ؟؟

نوره: جوال فهد ولد المرحوم بعدين ترى مب وقت اسئلتك الغبيه هذي

نجود : طيب باي

نوره: باي
روايت حب فهد ونورة ...لحضه اذا اعجبتكم الروايه قولو لي وانزل لكم الجزء الثاني اللي عجبه الموضوع الرجاء تقيمه


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 29-04-2009, 07:15 PM
صورة easy_1409 الرمزية
easy_1409 easy_1409 غير متصل
©؛°¨غرامي مشارك¨°؛©
 
الافتراضي رد: روايت فهد ونوره


يالله تكفين نزلي الجزء الثاني

مرره حلوه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 29-04-2009, 07:18 PM
صورة ذيب اتحادي الرمزية
ذيب اتحادي ذيب اتحادي غير متصل
©؛°¨غرامي متألق ¨°؛©
 
رد: روايت فهد ونوره


1 شكرا
2ماني بنت انا ولد يعني لازم يكون الكاتب بنت
3 ابي تفاعل الاعضاء والله مايصير مشارك واحد 14 مشاهد والله مايصير معي حق ولا لا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-04-2009, 01:39 AM
صورة ABeedoo الرمزية
ABeedoo ABeedoo غير متصل
©؛°¨غرامي مشارك¨°؛©
 
الافتراضي رد: رواية فهد ونوره


سلااااااااااام ...

هلا اخوي قطوط ...

الروايه حلووه ... بس ياليت لو تنزل بارت ...
واذا انت تنزل في ايام محدوده اعطنا خبر متى تنزل البارتات ..
اوكييه ...

الروايه حلووه تسلم ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-04-2009, 10:29 AM
صورة ذيب اتحادي الرمزية
ذيب اتحادي ذيب اتحادي غير متصل
©؛°¨غرامي متألق ¨°؛©
 
الافتراضي رد: رواية فهد ونوره


كل يوم انزل بارت او بارتين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 30-04-2009, 10:54 AM
صورة ذيب اتحادي الرمزية
ذيب اتحادي ذيب اتحادي غير متصل
©؛°¨غرامي متألق ¨°؛©
 
الافتراضي رد: رواية فهد ونوره


[move=left]البارت وصل [/move]







جزء الثاني
الجزء الثاني من الروايه اذا مالقيت تفاعل ماراح انزل...جد
فهد كان قاعد يسمع كل كلامها واعجبته زياده

أذن العشا جت ام فهد وقالت لنوره :بنروح نصلي تجين معنا ؟؟

نوره تنتظر فهد يشيل عينه : خاله معليه اكلمك شوي .... فهمها فهد وقال: يمَه بسبقك وباخذ فارس اخوي معي

ام فهد : توكل على الله .... وطلع فهد واخوه

ام فهد : آآآمري

نوره : خالتي انا مااصلي فخليني مع نواف بحاجه اقعد مع نواف

ام فهد : ايييه على العموم كنت باخذ نواف بس دامك بتقعدين خلاص خليه معك

قعدت نوره مع نواف وصار يموت فيها ( بزر ونشب ) جت ام فهد وعيالها من الصلاه ودخلو وسلمو

فهد : شكلنا يمَه بناخذ عمرتنا الفجر اقل زحمه

ام فهد : ايه والله زحمه موووت تصدقين يانوره صليت عالدرج ... الا صح يانوره يقول فهد ان اهلك كلمو

نوره ..عرفت نوره ان الاخ كان قاط اذنه : يقولون ساعه ساعه ونص وهم هنا ان شاء الله

ام فهد : الله يوصلهم بالسلامه انا بنزل بدور أي سوبر ماركت بجيب اغراض وباخذ فارس معي تبون شي؟؟

فهد : اجي معك يمَه؟؟

ام فهد : لا خلك هنا عشان اذا جو اهلها يكون فيه احد

نوره ودها يضف وجهه : عادي ياخاله ترانا في مكه خله يروح معك

ام فهد: لالا خليه هنا ... الا وش تبون عشا

فهد : بيتزا مشتهيها من امـــس

ام فهد : يالله يافارس قم مع السلامه .... وصكت الباب

فهد كان قاعد على كنبه ونوره على كنبه ثانيه طبعا وكان على حضنها نواف وفيه النوم وكان الجو هاااادي ومحد يتكلم ... نام نواف وقامت نوره وشالته وحطته على السرير ورجعت قعدت عل كنبتها (( عاجبها فهد بس مسويه ثقل ))

فهد : نام ؟

نوره : ايه

فهد وهو يختبر نوره : عساه يكمل للصبح

نوره:......

فهد : ماتوقعت شكلك كذا

نوره باستهزاء : ليه متوقعني حلوه

فهد : لا كنت متوقعك شينه بس طلعتي العكس تماااااااما

نوره وحمرت خدودها : من ذوقك

فهد : لا والله جد

نوره وخلاااااص تقطعت : شكرا

فهد : صف كم انتي؟؟

نوره: اولى ثانوي ..... وانت؟؟

فهد : ثاني ثانوي

نوره : علمي والا ادبي؟؟

فهد : علمي اكيد

سكتو شوي ..............

نوره: كن اهلي طولو

فهد ماد جواله : خذي كلميهم

نوره قامت بتاخذ الجوال وصقعت ركبتها بالطاوله

فهد : عسى ماتعورتي

نوره: لالا

فهد مد جواله مره ثانيه : تفضلي

نوره اخذت الجوال والا هو كاتب رساله :لاتفهميني غلط بس والله اعجبتيني واسمحيلي احفظ رقمك عندي

نوره : منتب صاحي هذا واهلنا عشره

فهد : لاتردين الحين فكري

نوره : لا وانت ووجهك تبيني اكلمك هذا اللي ناقص

فهد: ولو ماتبين اكلمك من عيوني بس اسمحيلي بالمسجات

نوره : ماهقيتها تطلع منك

فهد: والله انك خشيتي مزاجي بس لو سمحتي لاتفهميني غلط

نوره : قفل على الموضوع

سكت فهد ... دقت نوره على جوالها وردت اختها

نجود : هلا

نوره : وينكم طولتو ؟؟

نجود : تونا مطولين صار فيه شويه لخبطه وتأخرنا

نوره : يعني متى بتجون

نجود : على حدود الساعه وحده

نوره مقاطعتها: وخير ان شاء الله بقعد عند الناس

نجود : عادي كنهم اهلك ذولا ... تدرين لو صار أي شي جديد بكلمك

نوره : لحظه لحظه الحين اذا سكرت منك تقفلين جوالي فاهمه وياويلك تكلمين منه كلمي من جوالك …تخاف على رصيده تخاف يخلص ههههههههههههههههه

نجود وهي تضحك : طيب مع السلامه

نوره : بااااااي ...... وبسرعه ارسلت الرساله اللي كن كاتبها فهد لجوالها ورجعتله الجوال

فهد : بتنامين عندنا اليوم؟؟

نوره الله لايقوله: يمكن

فهد: ممكن اسأل

نوره من دون نفس : اسأل

فهد: انتي ليه كارهتني مع انك ماتعرفيني وهذي اول مره تشوفيني

نوره تصرف : انا بروح اشوف نواف عشان لو قام ماينهبل بالظلام

فهد : خليك قاعده هنا ودي اسولف

نوره: ياخي وش تبي ؟؟!

ويوم ردت عليه نوره والا هذا نواف واقف عند الباب يعرك عيونه وفيه الصيحه على طووول راحت له نوره وشالته وضمته وباسته وهو مستسلم لها ... ورجعت قعدت على الكنبه .. وفهد يقول في نفسه ( ليتني مكانه )...
ان شاء الله وهذي التكمله
توقعاتكم وش بيصير بين فهد ونوره اهله راح يوبخونه ولا لا


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 30-04-2009, 12:04 PM
صورة حبر القمر الرمزية
حبر القمر حبر القمر غير متصل
©؛°¨غرامي فعال ¨°؛©
 
الافتراضي رد: رواية فهد ونوره


واو رووعه
نتظر التكمله على احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 30-04-2009, 12:20 PM
صورة ذيب اتحادي الرمزية
ذيب اتحادي ذيب اتحادي غير متصل
©؛°¨غرامي متألق ¨°؛©
 
الافتراضي رد: رواية فهد ونوره


على فكره انا انزل كل يوم بارت اوبارتين

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 30-04-2009, 01:47 PM
صورة بنت ابو متعب والي يتحداني الرمزية
بنت ابو متعب والي يتحداني بنت ابو متعب والي يتحداني غير متصل
©؛°¨غرامي جديد¨°؛©
 
الافتراضي رد: رواية فهد ونوره


يسلمووو ع الروايه

بليز كملي

دمتم بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 30-04-2009, 04:23 PM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية فهد ونوره


,’


بسم الله


يعطيك العـــآفية
يآ ليت توضح لنــآ إن كآنت من كتآبآتك أو منقولة ؟!!


موفّق إن شـــآء الله


لآ هنت


,’


الرد باقتباس
إضافة رد

رواية فهد و نوره / بقلمي ، كاملة

الوسوم
ونوره
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية يا لبى البرائة يا ناس / بقلمي ، كاملة wrbyahbh..aa روايات كامله - يتم نقل الرواية هنا بعد اكتمالها 2773 22-09-2017 06:05 AM
رواية ورود الأمل برائحة الألم / بقلمي ، كاملة !.شموخ.! روايات كامله - يتم نقل الرواية هنا بعد اكتمالها 428 21-09-2017 06:08 AM
رواية أنا جرحه عندي رقه و الحنان بقسوته / بقلمي ، كاملة كريزي وماخذه الدنيا ايزي روايات كامله - يتم نقل الرواية هنا بعد اكتمالها 294 11-08-2017 04:01 PM
رواية يا رب تخليه و تبقيه لعنين ترجيه / بقلمي ، كاملة فاقدة غالي روايات كامله - يتم نقل الرواية هنا بعد اكتمالها 2041 18-02-2017 02:26 AM

الساعة الآن +3: 12:54 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1