غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 18-05-2009, 01:18 AM
صورة رومنسيه حالمه الرمزية
رومنسيه حالمه رومنسيه حالمه غير متصل
©؛°¨غرامي مشارك¨°؛©
 
الافتراضي رد: أحباب في مقبرة الحب


سحر من يوم ماسمعت الصوت عرفت من اللي جاء..
الولد:تتهمني بشيء ماسويته
معاذ:خلاص فكـهـ..
السيكروتي:لا مابتركه
معاذ:انا اخوها قلت فكـه
سحر:لاااا خله يتعذب يستاهل
معاذ مسك يدها وضغط عليها..:قلت فكه
سحر تطالع فيه يعني فك يدي :...
معاذ يشد على يدها اكثر:قولي للرجال يفكه
سحر:فكـــــــــــــــــه بس فكنــــــــــي
سحبها بقوه وركبها السياره وقفل الباب بقوه ومشي بسرعه....
سحر للحين ساكته تشوف النهايه معاه..معاذ ينتظر منها كلمه وحده عشان يوريها شغلها
سحر:من سمح لك تركبني سيارتك..؟؟
معاذ:.....
سحر:وش جابك انت مثل ابليس تطلع بكل مكان؟؟يلا وقف السياره ابي انزل..
معاذ:.....
سحر:وبعدين ليش ماتخليه ياخذ جزاته..
معاذ يصارخ بكل صوته:انتي حمااااااااره هذا لو راح الشرطه بينادونكـ هناك ويفتحون محضر ويسوون تحقيق
سحر سكتت شي لكن تبي تعانده:......طيب عادي بروح
معاذ:ايييييييه هذا اللي نقص عيال الفهد يدخلون مراكز شرطه...واللي ناقص بعد انها بنت اللي تدخل..
سحر:عاااادي
معاذ:لاتقووووووووولين عادي
سحر:طيب لاتصاااااااااااارخ
لحظه صمتـ..
سحر:نزلني هناااا
معاذ :....
سحر:ترى بفتح الباب وانزل
معاذ زاد السرعه عشان ماتقدر:....
سحر:مين انت عشان تركبني في سيارتكـ..؟؟وبأي صفه ان شالله بسرعه وقف
معاذ مسوي مركز في السواقه:....
سحر:معاااااااااااذ ماني بفايقه نزلني هناااا
معاذ اتلذذ يوم سمع اسمه من لسانهاا:.....
سحر ضمت رجولها وحطت راسها بينهم.. تحاول انها ماتبكي قدامه لكـن خانتها دموعها...بدأت تبكي بدون صوت فجأه علي صوتها شوي قلب البكا لشهيق...
معاذ خرج برا جده وراح لبحـر بعيد(خليج سلمـان)....يعرف انها تحب البحر كانت هذي اول مره سحر تروح لهذا المكـان وحب يوديهـا هنـا لأنه يعرف انها تحب البحر...لكن مايعرف انها بغت تروح البحر وجاء هو في وقته..
معاذ وقف السياره اسند جسمه عالمقعده وصار يطالع في البحر ويسمع لها وهي تبكي..سحر كانت تبكي وماهي راضيه توقف او موقادره توقف بكـا وكأن لها سنييييييين مابكت وتبي تطلع كل اللي بقلبهااا..
نزل معاذ من السياره مـاقدر يجلس في السياره كان صوتها وهي تبكي يقطع قلبه ويخليه يندم على كل شيء سواه وضميره يئنبه اكثر واكثر...

بعد فتره نزلت عنده..
سحر:وديني البيت..
معـاذ:مابي اروح الحين...
سحر:ودني وارجع
معاذ طلع سيجاره:مابي اروح
سحر استغربت يوم شافته يدخـن:...طيب متى بترجع
معاذ:مدري وقت مابي ارجع برجع
سحر من بين اسنانها:معااااااذ لاتلعب بأعصـابي
معاذ ينفخ من السيجاره:مالعبت فيهااا
سحر دمعت عيونها:رجعني البييييييييييت
معاذ طالع في فيها :سحورتي ماني مرجعك وانتي كذاااا
سحر نزلت دموعها:لاتقول سحورتي ماني بسحورتكـ
معاذ:إلا سحورتي
سحر حطيت ايدها على وجههاا ورجعت بكت:لاااااا
معاذ راح عندها ووقف قدامها:ليش تبكين؟؟
سحر طالعت فيه ومن بين دموعها:لك عيييييين تسأل...
معاذ:ايه لي عين اسأل..ليش تبكين انا ماقلت شيء
سحر:انت ماقلت انت فعلت....اكرهك معاااااااذ اكرهك انت دمرتني ماخليت فيني شيء ...انت كسرتني انت معااااذ تتخلى عنـي تتركني وتخليني لحالي معاذ اللي من يوم ماكبرت عالدنيا وانا ماعرف غيرك اخ واخت وام واب وكل شيء بحياتي..انت تروح وبكل بساطه وتتخلى عني عشان مهاوشه بسيطه وياليتها كانت هوشه إلا كان دلع وتغلي ..ياخساره فيك كل شيء ...ياليتك يوم رحت عني رحت لأحد ماعرفه إلا لآقرب الناس لي اختي من لحمي ودمي خلصواااااا البنات (مسكته من ثوبه وقالتها بحرقه)معاااااااااااذ انت قتلتني ناقصه عمر...والله قتلتني
تركته وطالعت في البحر وصارت تسمح دموعها...
يـابنت ماقد سمعتي وش يسوي الحب فيني...يهزنـي هز ويخليني اطيح من طولي
ضمها مـن ورى وحط راسه على كتفهااا وخانته رجولتهـ..
مـعاذ:لاتعاتبييين تكفييييين...والله غلطااااااااان غلطه كبيره ياسحر تكفييييين سامحيني والله كل لحظه كنت بعيد عنك ندمان عليها كل مكان اروحه احس روحك فيه كل شيء اسويه انتي موجوده فيه...سامحيييييينيييييي الله يخليك سامحيني عشان كل شيء بيننا سامحيني ابيكـ تسامحيني سحورتي تكفيييين انا تعباااااااان من بعدكـ واستاهل والله العظيم استاهل لكـن انتي ارتاحي خليني اتعب لوحدي وانتي ارتاحي خليني اشيل همي وهمكـ تعبي وتعبكـ ابيكـ تضحكيييييين وتنسين الهم والضيقه ابيك تطلعين من الحزن اللي فيه سحر مابي اكون السبب في تعاستك الله يخليك سامحيني....
سحر:والله صعب علي ماقدر
لف معاذ وجهها عليه:تكفييييييييين طلبتكـ
سحر تطالع في الارض:معااااااذ ماقدر والله ماقدر
معاذ:لاااااا لاتقولين كذا سحورتي تكفيييييين
سحر:..........
معاذ مسك وجهها ورفعه وحط عينه بعينها:لاتعذبيني اكثر..
سحر ضمته ودفنته وجهها في صدره:والله احبكـ....
معاذ ضمها بكل قوته وكأنه يبي يمتلكها لنفسه مايبي أي احد يقرب منها...سلم على راسها
معاذ:سحورتي حيييييييل تعبان...محتاجكـ
سحر:ياليت أقـدر
معاذ:ليه..؟
سحر بعدت عنه وقفت بجنبه واسندت راسها عليه وصاروا يطالعون البحر
سحر:اللي انكسر مايتصلح معاذ...
معاذ:لاااا بنصلحه ...
سحر:واللي يسلمك قفل الموضوع....ليش تدخن؟؟
معاذ:ليش يعني بدخن....مايحتاج تسألين..
سحر:الحين صوتك مايصير حلو
معاذ:عادي
سحر:موعادي عندي
معاذ:ليش؟؟
سحر:مين يطربني بعدين
معاذ:حنيت لصوتكـ...غني لي
سحر:غن انت اول
معاذ: امري وش تبين..؟؟
سحر:اللي تحس به الحين
معاذ:عسـاك بخير كثرمايحمل احساسك ناويا خير كثر ماقلبي يتمنى تكون بخير..تعبت اسأل عليك الناس واطمن قلبي والاحسـاس..
سحر:خلـنا مني..طمني عليك مانام الليل من خوفي عليك..انت طيب هذا هو اللي يهم انت طيب و غيرهذا مايهم..
معاذ:وحشتني سواليفك وحشة شوفتك اكثر كل ليله مع طيفك حبيب الروح انا اتحسر اتحسروحشتني سواليفكـ..
سحر:ادري مابلقى بدالك لاتفارقني ياترى شاللي جرى لك بس تطاردني..تدري ماحبيت غيرك وعمري مانسيت خيرك حتى لو زادت عيوبك تبقى اغلى حب..
معاذ:سحورتي..
سحر:قلبها..
معاذ:اتزوجيني..
سحر:انسى
معاذ:لييييييش..؟
سحر:قفل الموضوع مالي خلق مهاوشه
معاذ:ماني مقفله..ليش؟؟
سحر:إلا الزواج مابيصير..
معاذ:طيب لييييش؟؟
سحر:معاااااااااذ قلت لا يعني لا
معاذ:اكيد فيه سبب
سحر طارت فيه:اسباااااااااااب موبسبب..اول شيء كلام الناس ثاني شيء كنت زوج اختي
معاذ:وش يعني؟؟من متى تهتمين لكلام الناس؟؟وانا كنت زوج اختك..
سحر:الناس ماترحم الواحد..تبيني اتزوج زوج اختي وش بيقولون..؟؟وبعدين وش اللي كنت..انا مارضى على نفسي
معاذ:ترضين وشو؟؟
سحر:معااااااااااذ ماني بقايلهـ...
معاذ:سحر ترى انا ماقربت من اختكـ..إذا هذا الشيء اللي ماتبينه فأنا ماقربت من اختك ابدا حتى بوسه ماخذت مني..
سحر تطالع فيه بنص عين مومصدقه:....
معاذ:انتي ماشفتي ورقة الطلاق...كاتبين فيها اني مادخلت عليها يعني اختك مثل ماجات رجعت..اختك بنت
سحر:مابي مابي اتزوجك
معاذ:موبكيفك..
سحر:اصلا زياد مابيرضى وانا مابي اتزوجك...بالله في وحده تتزوج زوج اختها..مجنون انت
معاذ:الناس بتعيش حياتكـ؟؟؟تجلسين طول العمر منكده على نفسك والسبه الناس..
سحر:أيــه..
معاذ:اقوول عالعنـاد
سحر:إلا بعاااااند
معاذ:سحوووور
سحر:معوووووذ

صغير كنت وانت صغـيرون حب عرفته بنظارات العيون قالوا ترى ذولا يحبون ومن الصغر لما يكبرونمعاذ قرب منها وحط وجه بوجههاا:لاتعصبيني
سحر:إلاااااااا بعصبكـ..
معاذ:قد اللي تقولينه..؟؟
سحر:وقدووووود
معاذ شالها ونط عالبحـر وهي تصاااااارخ:معااااااااااذ لااااااااا مابي الهوا باااااارد
معاذ:عشاااااااان ماتتحدين..
نزلها بوسط البحر ...وغطسها داخل المويه ورجع رفعهاااا...طبعا هي خلااااااص بتموت من البرد..
سحر:حراااااام عليك
معاذ:تتزوجيني..؟؟
سحر:لااااااااااااا
رجع دخلها بالبحروهي تصااارخ..
معاذ:وش قلتي؟؟
سحر:لااااااااااااا
هالمره دخلها بحر وموراضي يطلع راسهااا يبغى يكتم نفسها..
معاذ:غيرتي رايك؟؟
سحر:لااااااااا
معاذ:لاتعاندني مانتي قدي
سحر:إلا قدك وقدووود
معاذضمها وصخر بكل صوته:احبــهااااااا يانااااااااااااس
سحر:هههههههههههههههه
معاذ:إلا أقوول ماودك تكملين دراسه ولا عاجبتكـ الجلسه كذا..
سحر:إلا ان شالله هالسنه برسل اوراقـي..
معاذ:وين؟
سحر:بريطانيا
معاذ:مع مين؟
يحر:مع مين يعني..لحالي
معاذ:ماحد بيروح معك
سحر:لاياشيخ احلف..قالو لك طفله لازم احد معي
معاذ:انتي بنت
سحر:وش الجديد؟؟معاذ تكفين لاتفتح سالفه جديده وكأنك موبداري بالحـال
معاذ:نتفاهم بعدين خلنـا نروح الحين..
سحر:مشينـا
.................................................. ......


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 18-05-2009, 01:27 AM
صورة رومنسيه حالمه الرمزية
رومنسيه حالمه رومنسيه حالمه غير متصل
©؛°¨غرامي مشارك¨°؛©
 
الافتراضي رد: أحباب في مقبرة الحب


..اضحكي يالدينـا وفرّحي قلب ماشاف منكـ غير العنـا..


في البيت...
معاذ:يمــــــه يمــــــه
أم معاذ:وش فييييييييييك؟؟وش صار؟؟
معاذ ضم أمه وسلم عليها:يمــه انا حييييييييل مبسوط
أم معاذ:واخيراااااااا الحمدلله الحمدلله ورجعت مثل ماكنت
معاذ:ااه ااه مرتااااااااااااااااااح
فرح:وش سر الفرح؟؟
معاذ:وجهك طبعاااا
فرح:والله وراك شيء كبيررررررر..
معاذ:هههههههه فاهمتني عفيا عليكـ
فرح:والله شكيت في الموضوع
أم معاذ:تكلمو زييييييييين؟؟
معاذ:يمه انا قريب بتزوج
أم معاذ:هذي الساعه مباركه انا بدور لكـ ..
معاذ:لااااااااااا عروستي عندي يمه
فرح:ههههههههههه عرفتهااااااااااااااا
أم معاذ:منهي؟؟
فرح:مو كأنها قويه شوي
معاذ:ماهمني في الناااااس..مشيت ورى كلام الناس ومافادني شيء
أم معاذ:منهي البنت وانا بقرر..
معاذ:هي وحده تهبـل تاخذ العقل ..
فرح:انا بقووول سحر الفهد
ام معاذ حطت يدها على قلبها:وشووووووووووو؟؟
بعدت معاذ عنهااا وصارت تطالع فيه..ومعاذ يطالع في فرح..
فرح:يمه وش فييييييك؟؟من جد من مشي ورى كلام الناس ماربح شيء..طالعي خشتك ولدك كيف مبسوط اليوم
أم معاذ:يعني خلصوا بنات الناس يوم ياخذ ذي...على موتي تاخذ البنت ذي وبكون غضبانه عليك طول العمر
معاذ عصب :يمه خذيها من اخرهااا ترى انا اعرفها من زمااااان وماني ماخذ غيرهاااا..ذي البنت اعرفها من يوم عمري 17 ومو معقوله الحين يوم بتزوجها تجين توقفين في طريقي..انا من يوم مابعدت عنها تعذبت في حياتي مو كذب ولانفاااق ذي حقيق هانا تعلقت فيها لدرجه الجنووون..وتزوجت اختها إلا فيها كل المواصفات اللي تعجبك ولاتهنيت معها دقيقه وحده والحين اسمي مطلق والسبه هالغلطه اللي غلطتهاا انا قلت اللي عندي والكلام بيوصل لأبوي..
راح لغرفته وسعاد صارت ساكته ومصمنه..وجات فرح وكملتها على امها
فرح تبغى تقلد معاذ في العصبيه:وانا بتزوج واحد اعرفه من ايام الطفوله عجبك عجبك ماعجبك مو شغلي والكلام بيوصل لآبوي..
ماكملت كلامهاا إلا وجات عليها امها وكفختهااا تماااااااام..
.............................................

.................................................. ..........
في بيت محمد الفهـد..
زياد راجع هو وخالد من الدوام..
طبعـا خالد خلاص اتعود على ان بيته هذااا بس يروح بيت ابوه ينام لكـن كل حياته هنـاا..وهم تعودو عليه لأن كان دايم مع ابوهمـ..
دخـل هو وزياد..
كانت سمر وسحر جالسين
سحر:وقسم بالله احس الحيـاه رجعت لي مدري ليش..
سمر:انتي وش عندك من يوم مارجعتي وانتي مبسوطه بشكل مو طبيعي..
سحر:هههههههههههههههه سر المهنه
زياد ضرب سحر في راسها وجلس:سـلاااام
وجا خالد بيجلس وضربها في راسها:سلاااااااام
سحر:وجع وجع كسر ورم ان شالله في اليد ذي انت على هو
زياد:احترمي الكبير يابنت..
سحر:احترم الصغير وبعدها تفلسف
زياد:وين زوجتــي؟؟
سحر تغمز له:فوووووق
زياد غز لها:وش فييييييه؟؟
سحر:لحق على عمرك..
زياد:باااي بااااي
خالد:حلو الني ولوك الجديد سمر
سحر:احم احم عيب عيب ترى مافي محرم..
سمر جالسه بتعالي وثقه بالنفس..طالعت في سحر بنص عين وشمقت..
سحر:هونك لاتصطيح عينكـ
خالد:لوسمحتي مارضى انااا
سحر:اموووووووت انااااا
سمر:بنننننننت
سحر:اخــــــــق..
سمر فتحت عيونها اكثر:....
سحر:اذووووب بصراحه بترك لكم المكــان وبطلع اصرف شيء اسويه عشان ماروح فيهااا..
طلعت على غرفتهـااا تلحق على معاذ تكلمه..
سمر طبعا قصه شعرها خلته قصير مدرج على وجهها وبودي كير ومناكير يعني مسويه ستايل جديد..
خالد:سوسو شكلك يهبــــل..
سمرطالعت فيه بنص عين وابتسمت..
خالد:تكفـى اضحكي مثل اووول سمعيني ذيك الضحكه اللي تشرح الخاطر..
سمر:ههههههههه
خالد:ياقلب قلبك اناااا
سمر:ههههههههه خلووّود
خالد:عـاد تعرفين وش دي الحين؟؟
سمر:وشو؟؟
خالد:اجيب المملك ونتمم كل شيء..
سمـر:هههههههههه انا بطلع
قامت بسرعه ولحقها ومسكها من يدها..
خالد:تعالي تعالي وين؟
سمر:ماتشوف نفسك وش تقوول
خالد:يالبى اللي تستحي ..
سمر وجهها احمر:فك ايدي خلني اطلع
خالد:طيب اطلعي البسي وانزلي لي بسرعه انتظرك في السياره
سمر:وين بنروح؟؟
خالد:موشغلك
طلعت لبست ونزلت وراحو على مطعمـ وهناكـ جلسوا يتكلمون على كل شيء يعني اتفقوا خلاص...
خالد:سمر والله احبك احبك احبك
سمر:خالد من جد خلاص من يوم ماجينا وانت تقولها..
خالد:سمر وين دلعكـ؟؟والحركه الزايده عندك وويين؟؟
سمر:هو انت تعطي الواحد فرصه؟
خالد:هههههههههههههههههه
سمـر:والله ماتخليني اقول كلمتين على بعض..
خالد:هههههههه طيب خلينا في المهم الحين انا بكره بكلم زيـاد لكن يوم يجيك على طول واقفي مفهووم وبصـراحه انا مابي زواج مره مره ...تعرفين الحـاله اللي خارجين منها
سمر:ايه حتى انا والله مالي نفس بشيء كبير مره..
خالد:الحين عطيتك فرصه يلا تدلعي
سمر:ههههههههههههههههه ماقدر ماقدر..
وصـل الاكـل..واكلوا وبعدها رجعوا عالبيت..طبعا هنـااااكـ للحديث بقيه دخلوا الحديقه وجلسوا فيهااا
سمر:خلودي..
خالد:روحه
سمر:ودي اقلك شيء
خالد:قووولي
سمر:خالد ترى بعدني بنت
خالد:وشوو؟؟
سمر:انا بعدني بنت معاذ ماقرب مني..
خالد راح وجلس جنبها وضمها:اصلا هذا شيء مايهمني ابدا..اهم شيء انكـ ترجعين مثل اول واحسن
سمر اسندت راسها على صدره وبكت:تعرف خلودي ماما وحشتني حييييييييييل..انت رحت وهي راحت والحين بابا..
خالد صار يلعب بشعرها ويحاول يهديها:خلكـ من هالكـلام الحين ..فكري بالمستقبل وبس وان شالله نعيش ونجيب احلا عيــال بالكون تخيلي كيـف..
قاطعته سمر:الحين انا ابكي وانت تقول عيال..؟؟
خالد:وش فيك لاتصارخين طيب انا ابي اسليك واضيع الموضوع عشان تنسين
سمر من بين دموعها:هههههههههههههه في احد يغير الموضوع كذا
خالد:ماجمل ان تبتسم والدموع في عينكـ
سمر:هههههههههههههههههههههه
وطبعـا جلسوا طول اليل على هذا الحــال..
.................................................. .....


جنــاح زيـاد &شذى..
دخــل زيـاد بسـرعه اغرته سحربكلامهـااا..
زياد:شذاوووي..
شذى طلعت من الحمـام وهيبكـامل اناقتهااا من بعد ماقصت شعرها وعملت بلياج وبودي كيرو مناكير
شذى:هلا..
زياد فتح فمـه شاف شكـل جديد قدامه:..!!!
شذى:هههههههه وش فيك
زياد:لبييييييييييه..وش ذا ؟؟وش اشوف اناا؟؟بحلم ولا بعلم؟؟
شذى:ههههههه علمـ طبعا
قرب منها زياد:وش الحلا ذا؟؟
شذى: ليش يعني انا زمان شينه..
زياد:يخسى من يقول كذاااا
شذى:هههههههههه وش رايك في النيو لوك؟؟
زياد:عذااااااااااااب والله عذاااااااااااااب
شـذى:تستاهل تعذب اكثــر
زياد:افاااااااااا...
شذى بعدت عنه وجلست عالكنبه:افاااا عليك انت مانفذت طلبـي..
زياد:أي طلب؟؟
شذى:تهاوشت مع سحر مره ثانيه..
زياد:ياربي يالهسحـر وراي وراي
شذى:هههههههههههه حلال فيكـ
زياد:تكلمت معها لكن موراضيه تفهمـ وطريقتها معي تنرفزني نظارتها لي
شذى:تعاملك مثل ماتعاملها..
زياد:شذى انا الحين موطايقهااا..لكـن خليني مع الايـام اكيد بتغـير..
شذى:اوووكـي براحتكـ...لكن ليش تكذب علي..
زياد:ههههههههههههه وش فيك تعيدين وتزيدن في الموضوع..خلنا منها الحين
شـذى حطت يدها على وجههاا:لاتطاااااااالع فيني كذا
زياد:هههههههههه كيف اطالع..؟
شذى:طالع مثل الخلق..
زياد قرب منها وسلم عليها:انتي زوجتي اكيد بطالع فيك كذاا
××××××××××××××××××
...........................
عنـد سحــر ..
طلعت على غرفتها واتصلت على معاذ..
معاذ:هلا وغلا
سحر:هلا فييييك
معاذ:وش تسوين؟؟
سحر:ولا شيء..انت؟؟
معاذ:بنـام..
سحر:نوووم االعوافـي تصبح على خير
معاذ:تبين شيء مني؟؟
سحر:سلامتكـ....ايييييه ابي
معاذ:ههههههه داري والله
سحر:ودي اغنـي
معاذ:غني من زمان عن صوتكـ..
سحر:من غيرسلام انا مش بنام طول مانت مش جمبي حالي وقولت عليه ومش حداريه ارحم بقى قلبي ولا ايه ولا ليه انا هتألم ولاايه ولا ليه خذ عمري ياعمري وعمري عليه..
معاذ:.....
سحر:وش فيك ساكت؟؟
معاذ:ابي انام انتي شايفه الساعه كم؟؟
سحر:ايه 12 ونص
معاذ:ايه يعني ابي انااام
سحر:والله عندي لك سالفه مره حلوووه
معاذ حط الجوال على اذنه وغمض عيونه:همممممم
سحر:اسمـع سالفه مره خطيره ...
فجأه تسمع صوت واحد يشخر
سحر:معااااذ
معاذ:zzzzz
سحر قفلت:انقلـع لاتكلمني يوم تصحى ..
معاذ:هههههههههه بتصل وبتردين
في الصبـاح
الشركـه..
خالد:زياد
زياد بين الاوراق:هلا
خالد:بغيتك في موضوع
زياد:وكأن الحين وقته
خالد:موضوع مهم
زياد:تكلم
خالد:أنا أبي اتزوج اختك سمر
زياد رفع راسه من الاوراق:وشووو؟
خالد ساكت وكأنه متوقع الرفض:..
زياد:ليش تبي تتزوجها؟؟
خالد:عشان ابي اتزوجها
زياد:يعني حنيت عليها من بعد ماتطلقت
خالد:لآآآآآ..انا من زمان كنت ابيها لكن ماحصل نصيب والحين جاتني الفرصه
زياد فرح لأن مابيلقى احسن من خالد:خير ان شالله..طبعا القرار الاول والاخير بيدها..وحنـا مابنلقى احسن ووو(فجأه قلب اسلوبه في الكلام)ياااخي ماعرف وش اقوول طس عن وجهي الحين خلني اكمل شغلي ويوم اروح البيت بسألها
خالد:تصدق انك قليل ادب...في احد يقول لنسيبه كذا
زياد:الله والنسيب..لو مابتاخذ اختي كان قلت انك اخوي وانا امدري
خالد:ههههههههههههه
زياد ضرب بيده في المكتب:الحييييييييين على شغلك
خالد:وجــع امحق مدير..خلني اكمـل ضحكتي
زياد يأشر عالباب:عالمكتب
خالد:والله كأني ماطلبت ايد اخته جاي اطر عندك..
في الظهــر..
معاذ يتصل بسحر..
سحر وهي نايمه:الوو
معاذ:صح النووم
سحر:بعدني ماصحيت
معاذ:طيب اصحي وش منومك للحين
سحر:وش تبي؟؟
معاذ:انا الحين بجي
سحر:ليش؟
معاذ:بكلم زياد
نطت من فوق السرير:وشوووووووووو؟
معاذ:هههههه
سحر:معااااااااذ لاتسويها..ترى والله لاقول مالي صلاح..مجنون انت مجنون مالقيت تروح إلا لزياد قسم بينحرني وينحرك معي..
معاذ:الله الله
سحر:معاااااااااذ انا مابيك مابي اتزوجك ولا ابي اشوف وجهك
معاذ:وانا ابيك وابي اتزوجك وابي اشوف وجهك
سحر:انت بأي وجه تجي ؟؟تراك قبل كنت زوج اختي ..استحي على دمك تجي تخطبني من اخوي وانت قبل كنت زوج اختي
معاذ:الله يسـامحكـ هذي جزاااتـي عشان ابي اريحك...
سحر:مـابي الراحه من وراكـ..
معاذ:سحر عدلي اسلوبك معي
سحر:استحي على وجهك ولاتجي
معاذ عصب منها:والله ياسحـر لاجـي واطلب ايدك وإذا مارضي لاخذك غصب عنك ..
سحر:معااااذ والله كبيره قدام الناس
معاذ:ماااااااااالك صلاح في الناس
سحر:خلاص مو لازم نتزوج الزواج مو كل شيء
معاذ:مو شغلكـ مع السـلامه
.....
قامت بسرعه وراحت لسمـر
دخلت عليها ولقتها نايمه فتحت الانوار
سحر:سمر سمر سمر
سمر:هممممممم..طفي النور
سحر:قووومي ابيك ضروورري
سمر:همممم
سحر سحبت اللحاف :سممممممممممر
سمر:هاااااااااا
سحر يدينها ترتجف:الحقي..معاذ المتخلف بيجي ويكلم زياد يبي يتزوجني
سمر:وشوووووووو؟؟معااااااذ يتزوجكـ
سحر تفرك ايدينها:اييييه
سمر:هذا صاحي؟؟
سحر:وقسم بالله انا خايفه لو قال لزياد..بيقول بينكم شيء واخاف يعرف باللي كان بيننا اول
سمر: وش صار بالضبط؟
قالت لها كل اللي صار..
سمر:سحرر..بقولك شيء وانتي بكيفكـ بعدين..ترى ماصار شيء بيني وبين معاذ ابدا وغير كذا معاذ تزوجني لكن قلبه كان معك كان يتوقع لو تزوجني بينساك..سحر صدقيني مابتلقين مثله والله مالك في كلام الناس من متى تتهمين لكلامهم..اهم شيء انتي تبينه وهو يبيك؟؟بعدهاا مايهم احـد وسحر انتي تعرفين نفسك ..اكثر وقت تكونين مبسوطه مع معاذ هذا شيء واضح عليك....
سحر اتنهدت:..
سمر:هذي حياتك وبيدك تنبسطين فيهـا وبيدك تدفين نفسكـ
سحر:والله مره قوووويه ماقـدر..مدري
خرجت وراحـت لغرفتهـا لبست وغيرت ملابسـهاااا ويوم طلعت لقت زياد وخالد رجعوا
شذى:كيفكـ؟؟
زياد:بشوفكـ مافي احسن منـي
شذى:ههههههههه دوم يارب
خالد:الغداء جاهز؟؟
زياد:لاوالله..قالوا لك زوجتي شغالتكـ انقلع بنفسك وخذ غداكـ
شذى:هههههههه لالاعـادي ..ايه جـاهز
سحر:سلااااام
خالد:الله جابك..حضري لي غداء
سحر:وشووو؟؟كأني اسمع شيء غلط
زياد:طلبت الاكل من العنوان الغلط
سحر:ها ها ها ياثقل دمكم
سحر:ها ها ها ياثقل دمكم
نزلت سمر بكل روقان موداريه عن الدنيا..
زياد:الله جابك ابيك في موضوع
سمر :ابي افطر الحين
زياد:الحين حزت غدا مو فطور..قولو لشغالات يحضرون الغداء شوي وراجعين
أخذ سمر وراحو جلسوافي الصاله الثانيه..
زياد دخل في الموضوع بسرعه:سوسو قلبي ..خالد طلب ايدك مني اليوم الصبح ابيك تفكرين وتاخذين وقتكـ وبعدها تردين علي..
سمر:انا مواقفه
زياد:بعدي ماعطيتك وقت تفكرين
سمر:انت وش رايك؟؟
زياد:والله بصراحه الولد مافي مثله..ولد حلال والله
سمر:دام رايك كذا انا بمشي بشورك
زياد:لالا هذا زواج مابيك تمشين بشوري وبعدين لو صار شيء لاسمح الله تقولين هذا انت..انا ماجبرك ولا
سمر:طيب وانا مواقفه خلاص..
زياد:ماتبين تفكرين
سمر:لاااا
زياد:لايكون بينكم شيء؟؟
سمر:هههههههههه
زياد:الله يخسك انتي وهو ههههههههههه
.......
سحر:ماشالله هذا مصدق نفسه
خالد:يحق لي
سحر:مانك بس ماعندك ماعند جدتي
خالد:هو انتي تعرفين جدتك؟؟
دق الباااب....دخل معاذ
معاذ:السلام عليكم
الكل:وعليكم السلام
معاذ:غريبه وين الباااقين؟؟
زياد:ماغريب الا الشيطان..حنا هنااا
معاذ:هههههه هلا فيكـ..كيفكـ؟
زياد:تمام الحمدلله
جات شذى:يلا الغدا..
قاموا كلهم وهم ع السفره وكل واحد مشغول بشيء
سمر وخالد يبادلوا بعض نظرات حب وغزل ودلع
سحر خااايفهـ وتطالع في معا بنظرات ترجي لاتتكلم ومعاذ معاندها ويسوي نفسه مو فاهم
معاذ:احم احم انا ابي اخطب سحر..
الكل:!!!!!
زياد ماستوعب:وشوو؟؟
معاذ:انا أبي اتزوج اختك سحر
زياد:انت صاحي؟؟
معاذ:وبكامل عقلي
سحر:استحي على دمك
معاذ:موشغلك
زياد:معاذ انت كنت زوج سمر والحين بتتزوج سحر؟؟
معاذ:ايه وش يعني؟؟
زياد مصدوووم:معاذ أنت مطلق اختي وتبي اعطيك الثانيه؟؟
معاذ:اييييه
سحر قامت وقفت:ان مااااااابيك
معاذ:مو بكيفك
سحر:إلا بكيفي ..انا مارضى اتزوجكـ
معاذ:انت تحبيني وبترضين؟؟
سحر:لامااااا حبك ..انت مولي
معاذ:لاتكذبين..
سحر:ماكذبت..مابيك وانتهى
معاذ:وايام زمان
سحر طالعت في زياد المندهش:ايام مراهقه مو اكثر..
معاذ:ماظن ان المراهقه تخليك تزعلين على زواجي من سمر
سحر:مازعلت
معاذ:لاتضحكين على نفسك انا اعرفك أكثر منهم كلهمـ...سحر لاتكابرين قدامهم انتي تبيني وانا ابيك
سحر:انا قلت اللي عندي انت من كل الرجال مابيك
طلعت فوق وصارت تطالع وتشوف ردت فعل زياد..
الكل:!!!!!!
معاذ:اظن عرفتوا كل شيء
زياد:انا ماقدر إذا اختي ماتبيك وانا ما بيك (طالع في سمر) وخصوصا انك كنت زوج سمر
سمر:انا موافقه يتزوج سحر
الكل:؟؟؟؟؟؟؟؟؟؟؟؟
سمر تكلمت وقالت كل شيء عشان تريح معاذ من انه يقول لأنه مو عارف كيف يتكلم
سمر:اساسا سحر ومعاذ يعرفون بعض من زمان ..وبعدين جاتهم فتره تهاوشو فيها وبعدها امه قالت بخطب لك وافق لكن مادرى اني انا اللي بيخطبهاا..وفي فتره الزواج ماكان باله معي وطول الوقت يفكر في سحر وفي الاخير تفاهمنـا وتطلقنـا بهدوء..
خالد:انا برأيي لو هو صادق ماله داعي ذا كله..
سمر:أنا عن نفسي موافقه وسحر الحين تكابر مو أكثـر لكن هي تحبه مره..
شذى:أهم شيء موافقتها..
زياد قام وراح لسحر:سحرررررر
طلع ولقى سحر واقفه في الدرج وتطالع في فيه..منتظره يقرب منها ويعطيها كف أو كفوف
زياد:سمعتي وش قال؟؟
سحر:ايه
زياد:صدق ولا كذب؟؟
سحر:ايه صدق
زياد:كيف عرفتينه؟؟
سحر تكلمه وتنتظر الضرب:مره تهاوشت انا وياه بالسوق ومن بعدها تعرفت عليه
زياد:كم كان عمرك؟؟
سحر افتكرت ايام زمان:13
زياد:صدق؟؟!!!
سحر:ايه..
زياد:اجل بتتزوجينه
سحر:نعمــــــــ؟؟
زياد:دامك تحبينه ليش تكابرين..
سحر:بس انا ماااااااابيه
زياد:إلا تبينه واضح في عيونك
سحر:الناس وكلامهم
زياد:أجل الناس لو عرفت كيف تعرفت على شذى وش بتقول؟؟
سحر:لكـن..
زياد:خلاص ماله داعي..كم تعبنـا ؟؟خلينـا نرتاح شوي
..................................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 18-05-2009, 01:30 AM
صورة رومنسيه حالمه الرمزية
رومنسيه حالمه رومنسيه حالمه غير متصل
©؛°¨غرامي مشارك¨°؛©
 
الافتراضي رد: أحباب في مقبرة الحب


بع ـد كم يووومـ

اتصلت عليه..
سمر:الوو
خالد:هلا والله
سمر:لودي بيبي وينك؟؟
خالد:انا مع العيال...تبين شيء
سمر:لاسلامتك بس اتطمن
خالد:ههههههههه لبى اللي يتطمن
سمر:يحق لي اتطمن اخاف عليك
خالد:الله الله من وشو؟؟
سمر:من كل شيء
خالد:ههههههههههه
سمر:انتبه على نفسك حبيبي مفهوم
خالد:ابشري
.....
في الحديقه
شذى:زياد
زياد:روحه
شذى:ابي اقلك شيء..
زياد:امررري
شذى مسكت بيده وحطتها على بطنها:وش تحس فيه؟؟
زياد:وشووو؟؟
شذى:ههههههههه
زياد:لاتقوليييييييين
شذى دمعت عيونها:ايه
زياد:حاااامل؟؟
شذى:اييييييه
زياد شالها واخذ فيها لفه:بصييييييييير اب
شذى:ههههههههه بس خلاص لايصير فيه شيء
زياد:اموت وراه لو صار فيه شيء
شذى ضربته على ظهره:سلامتكـ بعيد الشر عنكـ...
زياد:بسووووي حفله بيجيني ولد ...وش نسمييييييه؟؟
شذى:الاولاد بكيفكـ والبنات علي
زياد:بسمي الولد..اممممممم محمد على اسم ابوي
شذى:الله احلا الاسمـاء..لكن البنات احلا
زياد:ههههههههههههههه
شذى:الحين هذا كل همك اللي ببطني..
زياد:اكيييد هذا جزء مني
شذى:أنا عندي شيء اهم
زياد:أفااااا..أهم من ولدك؟؟
شذى:ايه
زياد:وشووووو؟؟
شذى:أقرب مني..
قرب زياد وشذى حطت فمها عند أذنه..
شذى:احبك احبك احبك احبك
زياد صرخ بكل صوته:أناااااا أحب شذااااوي..شذاااوي لي لوحدي يانااااااااس ياعاااااالم احبهاا موووووت
شذى:هههههههههههه
رجع وشالها وصار يدور
...
جالسه في السياره وحاطه يدها على خدها وتطالع فيه
سحر:الحين متى بترضى علي..؟؟
معاذ:.....
سحر:اعتذرت وتأسفت وسلمت وسوويت كل شيء وانت موراضي ترضى..
معاذ:......
سحر:شغل اف ام احسن من السكوت اللي فيه
طلعت اغنيه احلام جديد
وصارت سحر تغني معاها وتطالع في معاذ وتنطط في السياره وترقص وانواع الهبل..
سحر: مابه جديد إلا انت في صحوة كنت في نومتي كنت انت ياشاغلاًَ هالبال..
يالحب وايامه ياشهره وعامه لو في الغلا هامه كان انت في هالعال ...
لو في الصدر قلبين اسكن بهم الاثنين وان جاز لك بالعين اسكن بها يالغال
ياهناك وهنيـا الشمس والفيـا القلب بأيدي يشكي عليك الحال
صوت لك ياللي فيك العمر كلي غيرك انا من لي
معاذ:اهجدي عشان السيارات
سحر:ههههههههههه رضيت ولا ازيد
معاذ:.....
سحر صارت تدق:قولوا له اني حيل مابقى لي حيل
معاذ:خلاص رضيت بس اهجدي ههههههههههه
سحر:واخيرااااااااااااااا مابغيت
معاذ:عشان تتأدبين..
سحر:ماااااااااااالت عليك
معاذ:لاتقولوا ماقدر اجيبه لاتقولوا هذي صعيبه..اجيبه يعني اجيبه لو كان تحت الحراسه
سحر:هههههههههههه نصاب والله
معاذ:اجيبك يعني اجيبك هههههههههههه
............................................


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 18-05-2009, 01:32 AM
صورة رومنسيه حالمه الرمزية
رومنسيه حالمه رومنسيه حالمه غير متصل
©؛°¨غرامي مشارك¨°؛©
 
الافتراضي رد: أحباب في مقبرة الحب// كامله


صافي النيه ينذل وينهان ...لكن يبكّّّي الغير على ذله وحقرانه

(محمد)7 سنين

(ديالا)4سنين

محمد يلعب كوره:يبه تعال العب
زياد:لايبه ماقدر
محمد:اقول يارجال اقلط وانت ساكت
زياد:ولدي بدوي اصل
شذى:طالع لابوه
ديالا:وانا ماما تالعه مين؟
شذى ضمتها:انتي طالعه لمـاما ياروح ماما
ديالا:ماما انا انتي..؟
شذى:ايه انتي شبهي
ديالا:عتيني لوووج>>روج
شذى:ههههههههههههه قولي كذا من البدايه
زياد كان يلعب وماله نفس..
محمد:اقووول بتلعب زين ولا رح اقعد
زياد:يلا استعد الحين بهجم(شات الكوره بعيد)
محمد:رح جيبها
زياد:رح انت
محمد:منوووو طيرها انا و انت ؟؟
زياد:اناااا
محمد:دامك انت ..رح جبهااا
زياد:لا احسن عطني كف
محمد:لو مو الحرمتين ذولي كان وريتك شغلك
زياد عصب وراح وقف عنده:احلف ياشيخ
محمد ضربه في بطنه:ههههههههههه امزح معك يارجال
زياد:اييييييه احسب
محمد:لاتحسب عد هههههههه
.........
تقابلنـا على دلع وغرور...وتعلمنـا أن النفوس ماتهمها المظاهر

(طلال)

7 سنييين

خالد:شوفي ولدك لعاب من يوم هو صغير..
سمر:ماراح بعيد طالع لآبوه
خالد:هههههههه اوريك فيه..طلووووول حبيب بابا
طلال كان يلعب مع وحده بنت ويضحك ويدلع عليها
طلال جا لآبوه معصب:كم مره قلت لك لا تقول طلوول
خالد:وش فيك ادلعك..
طلال:موقداااااام البنات
سمر:نعم؟؟
طلال:مو قدام الناس
سمر:تعال هنا وش تسوي مع البنت رح والعب مع العيال
طلال:حرام ياماما البنت لوحدها قلت اسليها
سمر:ماشالله ماطلبت منكـ..يلا عند العيال
طلال يطالع في ابوه:كله منكـ اف يااااربي
....

يالحب الكبـير احكي للجيـل الجديد..عن قلبين في المحبه ماعرفوا للفرقى طريق

(ارجوان) 6 سنيين


معاذ:جووونا
ارجوان:هلا بابا
معاذ:وش تسوين؟؟
ارجوان:انتظر سيف ولد الجيران...ودي اكفخه
معاذ:ليش؟؟
ارجوان:كذا موعاجبني
معاذ:بس مايصير يابابا نضرب الناس عشان مانحبهم
ارجوان:وش اسوي طفشانه
معاذ:ههههههه روحي تجهزي بنروح عند خالو زياد
ارجوان:صدق؟؟لايكون خاله سويمر جايه
معاذ:ايه كلنـا بنتجمع
ارجوان:الله والبلشه الحين
معاذ:ليش؟؟
ارجوان:الحين يجي طلول وانا ماطيقه ..
معاذ:انتي تحبين مين ..إذا كل الناس ماتطقينهم ولا يعجبونكـ يلا توووكلي من وجهي
سحر:لاتصارخ عليهاااا
معاذ:ماتسمعين بنتك وش تقول؟
سحر:وشو؟؟
مهاذ:تقول تبي تطق العيال عشان مايعجبونها
سحر:هههههههههه الله يسعدها تاخذ حقها بيدها
معاذ:احلفي بس..بكره تجي مسويه مشاكل في المدرسه
سحر:ههههههههههههههه
معاذ:ايه اضحكي اضحكي
سحر:شكلك حلو وانت معصب..
معاذ:الحين انا فين وانتي فين؟؟
سحر:ههههههههههههه
معاذ:سحووووور
سحر:نعم نعم؟؟وش سحوور ذي..كأني قاتله لك احد من اهلكـ
معاذ:اسف ..سحورتي
سحر:ايه العب علي بكلمتين
معاذ:افاااااااا..وانا اقدر
سحر:طبعا لااا
معاذ:ياحبي لك
سحر:ههههههههه
ارجوان:ماودكم تقومون الحين عشان نروح ..
...............
في بيت محمد الفهـــد

محمد يلعب بالكوره وجا طلال واخذها منه..
ارجوان:و ش فيك قم خذها منه؟؟
محمد:لا ماحب اتهاوش معه..هو أقوى مني
ارجوان:انا اوريك فيه..طلوووووووول
طلال:هلا حبي
ارجوان:حبك ابليييييس ان شالله (مسكته من تي الشيرت ولصقته بالجدار)عط محمد كورته
طلال:وانا أبي العب..
ارجوان:لا ماتلعب
طلال:بعطيه بس تلعبين معي
ارجوان:اقووول عطه لافقع لك وجهكـ الحييين
طلال :طيب اتركيني اختنفت..
محمد:شكرا
ارجوان:ولو تمون ياولد الخال..العب وانا بتفرج عليك
محمد:طيب
ارجوان:محمد
محمد:هلا
ارجوان:اغني لك
محمد جلس جنبها:صوتك حلو
ارجوان:انت اسمعه وقول رايك
محمد:طيب
ارجوان:وعيوني تشتاقلوو والقلب يحنو له حبيبي حبيبي حبيب قلبي محمد..
محمد:الله حلووو ..كمليها
ارجوان:لالا بس هذا المقطع حلو
محمد:ليش؟
ارجوان:عشان اسمك فيه
محمد:تسلمين ..تلعبين معي
ارجوان:يلااااا..
...
طلال:وجع وجع جعله مايتهنا فيها ان شالله..(طالع في ديالا اللي تلعب بعروستها)دوللي
ديالا:نعم
طلال:تحبيني..؟
ديالا:ايه مثل حمودي
طلال:طيب حبيني اكثر من حمودي
ديالا:ليس؟؟
طلال:عشان حمودي يحب ارجوان اكثر منك
ديالا زعلت :حمودي يقول يحبنا كلنـا مثل بعضنا
طلال:يكذب عليك..خلاص حبيني اكثر من حمودي عشان نصير مثلهم
ديالا بزعل:تيب
طلال:ليش زعلتي؟؟
ديالا:عسان حمودي مايحبني ملله كثير مثل جونا..
طلال:انا احبك اكثر منه..(عطاها بوسه)
......
سحر:سويمر لحقي ولدك يغازل بنت اخوي
زياد:منووو؟؟طلووول..
سحر:ايييييه الله الله عطاها بوسه يكبرها عند ربي
شذى:سحر عن الفتنه الزايده..حرام عليكـ
سحر:هههههههههه
سمر:مالت عليك غيرانه..
سحر:وليش اغار طالعي بنتي كيف خشتها من يوم ماقلنـا عند زياد نطت من الفرح ولبست بسرعه..
معاذ:الله يستر بس..
خالد:هذا الجيل فاسد..
زياد:جداااااااااا..
دق جوال سحر..
سحر:الووو
العنود:الوووووووووو
سحر:عنيييييييييييييد
العنود:وحشتييييييييني
سحر:وانتي اكثــــــر ياقلبي
العنود:سحررر انا وهنادي والهنوف وخلود بزواجنـا وعيالنـا جااايين عندكمـ جهزوا لنـا كل شيء..
سحر تكلم اللي عندهاا:العنودوهنادي والهنوف وخلود بزوجاهم وعيالهم جايين عندناااا
الكل:لااااااااااااااااااااااااااااااااااا

انتهت احبـاب في مقبرة الحب

وانتهـت معهـا حكايـات اخذتنـا بعيدا عن واقع الحيـاه

جعلتنـا نطلق لمخيلتنـا حريتهـا في قول ماتريد

اطلقت مخيلتنـا إبداعهـا من ما تعلمته من واقع حياتنـا وجسدته في شخصيات خياليه

احببنـاهم وكرهنـاهم وبكيـنا معهم وضحكنـا عليهمـ

وفي الاخيـر تعلمنـا الكثير منهمـ

(إذا أردت شيئـا وبشده فأطلق سراحه فأن عاد إليك فهو ملكـ لك

وإن لم يعـد فهو من الاسـاس ليس ملك لك)

هكـذا الحب إذا أردت ان تلعم ان كان حبيبك لك فاطلق سراحه..فأن عاد فهو لكـ

...

أريــد أن أشكـر كمـ جمعيـا على دعمكم لي

فكـل كلمه قلتموهـا لي ، أثــرت بي مهمـا كانت بسيطه

واخــص بذكري

صديقتيي

(رووووودي& بسوووووومـه)

فهم من ساعدونــي ووقفوا بجـانبي واكبر فضـل لرواياتي يعودي إليهمـ

وقفوا في كل خطوه معـي وضعوا أفكـارهم وآرائهم ..

ولا أنــسى شكـر أحبـابي الاعضـاء والزوار فلولا الله ثم انتم لـمـا وصلت رواياتي لهذا الحد..

لقد جف قلمـي وجفت معه كلمـاتي

وهــا أنا أقف خاليـه من عبارات الشكـر

ولكـن

لاأقف خاليه من المشـاعر

إذا لم يستطع قلمي عن التعبير عن مدى شكري

فأتمنـــى ان تسطيع مشاعري الوصول لقلوبكمـ

..

تحيـاتي:-هلووو-(دجه ورجه وفله)

The end


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 18-05-2009, 04:50 PM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: أحباب في مقبرة الحب


نهاية روووعة وسعيدة

يسلموووو على الرواية

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 20-06-2010, 08:49 PM
صورة B8aua Roo7 الرمزية
B8aua Roo7 B8aua Roo7 غير متصل
©؛°¨غرامي مشارك¨°؛©
 
الافتراضي رد: أحباب في مقبرة الحب


يسلموووووووو على رواية ..روعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 77
قديم(ـة) 04-03-2020, 05:59 AM
صورة عاشقة ياسمين الرمزية
عاشقة ياسمين عاشقة ياسمين غير متصل
©؛°¨غرامي متألق ¨°؛©
 
الافتراضي رد: أحباب في مقبرة الحب / كاملة


تسلم ايدك حبيبتي ووفقك الله

رواية جميله وممتعه

الرد باقتباس
إضافة رد

أحباب في مقبرة الحب / كاملة

الوسوم
ابداااااع متألق , خياااااااليه , جريئه , حزينه , روعة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : أبي أنام بحضنك و أصحيك بنص الليل و أقول ما كفاني حضنك ضمني لك حيل / كاملة ازهار الليل روايات كامله - يتم نقل الرواية هنا بعد اكتمالها 6846 09-02-2020 10:31 PM
إنجبرت فيك و ما توقعت أحبك و أموت فيك / بقلمي ، كاملة مفتون قلبي روايات كامله - يتم نقل الرواية هنا بعد اكتمالها 6277 08-08-2019 05:44 AM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM
مقبرة تشاوشييا شيطونة بس حلوة مواضيع عامة - غرام 5 21-09-2009 03:12 PM

الساعة الآن +3: 12:40 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1