ĠāŀĂ ©؛°¨غرامي جديد¨°؛©

هااي .. روايه اعجبتني وحبيت تشاركوني فيها...واذا فيه تفاعل راح انزلها كامله ...

السلآم عليكم ورحمة الله وبركـــــــــــاته ...

مدخـــل ....}

تعجبينـــي ... في غروورك واعتزازك ...
وتتعبينــي ... في ميوووولك وانحيازك ...

مسآء الخيرات والمسرات عليكم جميعا .. اول معانقه بين قلمي وقلوبكم احببت ان تكون احداثها مقتبسه من الواقع ...

اتمـــنى ان تحوز على اعجابكم .. وعلى فكره نتقبل النقد البناء>>غير كذا مانقبل خخخخخ ...

نبدأ بتعريف بسيط بأبطالنــــا ....

الجد:عبدالله: (ابو ياسر : عنده اربع بنات ... واربع عيال ... عيالهـ:

ياسر:ماسك شركات ابوه .. متزوج وعنده عبدالله اللي مبتعث لامريكا يكمل دراسه،،وجمان اللي باخر سنه بالثانوي ...

خالد:يشتغل مع اخوه ياسر بالشركه.. متزوج وعنده بنت وولد .. فهد ومدى .. فهد اولى ابتدائي .. مدى سادس ابتدائي ..

جهاد:موظف بشركة الاتصالات.. عزاااابي ههههه ..

مشعل:يدرس برا مع ولد اخوه عبدالله ...

التعريف بالبنات وازواجهم ....:

عائلة ابو سيف ....

ابو سيف(خآلد):هالانسان ماخذ للحياة معنى اخر ... يعني مثل مانقول مطنشش... لكن حد الجد جد ..ماهو شديد بالحيل على اولاده ولاهو راخي لهم الحبل... معطيهم حريتهم بس على حدود ... وبحكم ظروف عمله فهو كثير مايكون خارج السعوديه ... رزقه ربي بستة عيال وراح نتعرف عليهم .. ...

أم سيف(فاطمه):انسانه طيبة وحبوبه لكن لما توصل المسأله لاحد اولادها هنا نقول ستوب ... مررره فله وعايشها جوها....لكن مع ذلك فيها من العصبيه مايهز بلد ....

سيف(20سنه)اكبر اولادهم ،، انسان وسيم ،، اسمر ،، ملامحه نجدييييه ،، اقرب اصدقاءه له ولد عمه مآهر ،، يدرس في الجامعه تخصص طب ... شديد حبتين على اخواته

مهـا(17سنه)اكبر البنات ،، جميييييله شعرها لنصف كتوفها ولونه غجرري،،بشرتها بيضا،،جسمها كويس،حساسه لابعد درجه،،تدرس سنه ثاني ثانوي ...

سعود(15سنه):جذااااااااااااااب بالحيل،يدرس سنه ثالث متوسط،،عكس اخوه بأشياء كثيره بالمظهر والجوهر،،انسان فلآوي وكل شي عنده ايزي ..

عهود(15سنه)توأم سعود،،لكن مابينهم أي تشااااااابه،،انسانه تحب الوناسه وسعة الصدر،حساسه وابسط كلمه تجرحها لكنها قويه وماتبين اثر الجرح فيها،وطبعا تدرس سنه ثالث متوسط ...

هيا(7سنييين)البنت الدلوعه،،فيها شبه كبير من سعود،وغير كذا شيطاااانه خخخ،،اولى ابتدائي ..

عبدالعزيز:4سنيييين)اخر العنقود،،للحين مايدرس ....


العائله الثانيه ....

ابو سعد(نايف)متزوج من زوجتين ... الاولى ام سعد والثانيه ام ثامر ... وهو مسافر مع ام سعد برا الديره ،، وام خلود وبناتها بالبيت ،، وهو كل شوي يطل عليهم

نتعرف على ام ثامر(نوره/اخت فاطمه)تملك قلب يسع الدنيا ومافيها من مشاكل وهموووم،،لها طاقه وقدره على التحمل اكثر من اختها..حنووونه على بناتها وماتبي شي ينقصهم... ولها اربعة بنات وولدين ...
ثامر(28سنه)عذاب هالمخلوق،اسمر،جسيييم،شعره السايح يزيده جاذبيه،له نظره قويه تطيح اللي مايطيح

خلود(23سنه)بنت جمييله وذربه اقرب وحده لامها وقت الازمات خخخ،،تدرس قسم اقتصاد ...
نهى(21سنه)تملك علامات جمال كثيره،طيوبه ولكنها قوية شخصيه،تدرس قسم رياضيات ..

فواز(19سنـه)عكس اخوه تمااااما،،ابيض وجسمه حلو لكن مو مثل جسم ثامر،شعره حلو لكنه مايطوله ((لزوم السبايكي والحركات خخخ..،قوي الشخصيه ، مايرضى على اخواته خصووصا جنى،،حقه مايتنازل عنه،متعته انه يذل اللي قدامه،،،فيه قساوة قلب وتمرد وطغيااان ...

جنـى(16سنه)تدرس اولى ثانوي زي مانقول الدلووووعه، ،ماخذها من صفات فواز اخوها الكثيييير لانه اقرب واحد لها،اخذت من تمرده وقساوة قلبه،،لكن فوق هذا تملك صفات طفوليه،شقيه ومشاكسه،وملامحها بريئه كثييير،تجذب الواحد بجمالها الناعم وبرائتها،واحب الاحفاد لجدها ...

ساره(عمرها سنه ونص اصغر اخوانها ...


ابو عبدالله(محمد:انسان فري ... عياله عنده الدنيا ومافيها ... رزقه ربي بثلاث بنات وولدين .. لو قالوا الصيف برد قال مووت جمده ...

ام عبدالله(هيا/اخت نوره وفاطمه:كانت قبل انسانه مليانه حيويه وكلمتها ماتتثنى ، بس اخذت اللحين من طبايع زوجها خخخ

عيالهم ...

عبدالله :: اولى ابتدائي ....

ماجد::صغير مايدرس ...

ايمان:سادس ابتدائي ...

ربى:رابع ابتدائي ...

دلع:ماتدرس ...

وبقية الافراد راح نتعرف عليهم مع الاحداث ...

نبدا بسم الله ...


صحت وشافت الساعه 9 باليل .. قعدت على السرير بتذمر،،،غسل وجهها وتوضت وصلت المغرب والعشا ونزلت تحت ... مالقت احد بالبيت .. اتصلت على نهى لكنها ماردت ،،واتصلت على فواز ...

جنى:آلووو

فواز بنبره حزينه:اهلين جنى ..

جنى مستغربه نبرته:فواز وينكم صحيت ومالقيت احد بالبيت ...؟!

فواز .........لآتعليق ..

جنى وهي خانقتها العبرى : فوازوووه تكلم وينكم فيييييييييييه!!!!!!!

فواز وهو كاتم ضحكته:جنى ،، انتي انسانه متعلمه ودارسه،،
جنى: وبعديين ؟؟

فواز: انسانه دارسه وصاحيه الساعه9 ويوم اربعا ومالقت اهلها بالبيت يعني اكيد اهلها عند خوالها يالذكيه ..

جنى:يابااااااااااااااااااااااااااااااااااااايخ .. وليه كل هالمقدمه هذي اللي مال امها داعي .. بس اصبر علي انا اوريك .. وسكرتها بوجهه وهو يضحك على هبال اخته اللي عمرها ماراح تعقل ..

سلطان صديق فواز الروح بالروح : على ايش تضحك انت وخشتك ؟

فواز : على اختي ..

سلطان وبين الرعب على وجهه:لااااا يكون نهووووه ..

فواز وهو يضحك على شكل صديقه:لآلا هذي جنى ..

سلطان اشووا

فوااز:افااا بس ياسليطيييين افاااااااا..ماهقيييتك تخاف من بنت ...

سلطان:ياشيييييييييخ روقنا اختك ذي يسمونها بنت .. هذي شبح كاسر ،، هذي عن عشر رجال ..

سكت فواز وهو يبتسم فخر بأخته ...

صعدت لغرفتها وهي تفكر تروح او ماترووووح ... فكرت تتصل على مها وتسألها اذا هي موجوده او لآ .. وهي تطلع رقم مها فاجأها اتصال من امها....

جنى:هاي مااااام ...

ام ثامر:اهلين جنى .. هاه وينك تبين اتصل على ثامر يجييك .. مع ان البيت مو بعيد وعاويدك تجين على رجلينك ..

جنى:لايمه انا بجي اللحين بس كنت بسألك .. مها موجوده ؟

ام ثامر:اييه موجوده ..

جنى شكت بالوضع وتكلمت بخبث:مااااامي متأكده ...؟

ام ثامر : اتصلي عليها وتأكدي ... اخر زمن والله البنات يشكون بأمهاتهم .. وطراااااااخ..سكرتها بوجهها وجنى ميته ضحك على امها

اتصلت على مها ..

مها:اهلييييييين وسهليييييين جنّوووو .. كيفك ؟

جنى:هلآ بك حبيبتي ، آم فاين .. يو تووو ..؟

مها:مي توو سويتي .. هاه وينك تأخرتي عليييينا كلنا قاعدين ننتظرك ...

جنى:يعني انتي في بيت جدي ؟؟

مها:ايييييه يلآ تعالي بسرررعه ..

جنى اووكي تن منتز ...

مها: اووكي .. باي ..

وراحت جنى واخذت شاور سريع وطلعت كالعاده تمشي على رجلينها لان بيت جدها مو بعيد عن بيتهم ..

لما وصلت سلمت على الجميع .. سألت:اجل وين مها والبنات ؟

ساره(جدتها):البنات فوق في غرفة خالتك منى ...

جنى:اهاااا..اوكي انا صاعده لهم ...

فاجأتها امها بضحكه قووووووويه .. جنى واللي ماألتفت عليهم وطيرت عيوونها ...

ام ثامر:جنوو حبيبتي سامحيني غصب عني ..

أم عبدالله:اسكتي خربتي المفاجأه ....

جنى لفت وهي متخصره:اوووه ماي قااااااااد .. شامه ريحة مؤامره هناااااااااا ... اعترفوا ايش فييييه ؟

ام سيف اصعدي فوق وانتي تعرفين احنا مسوينها مفاجأه ...

ردت عليهم جنى بأبتسامه مكر وتوعد وصعدت فوق .... صعدت لغرفة منى وفتحت الباب ولقتها فاضيه .. راحت لغرفتها اللي في بيت جدها برضو لقتها فاضيه .. دارت على غرف البيت كلها .. وماحصلتهم ..

نزلت وهي تفكر ... ام سيف :جنى ماودك تتركين العبايه والا معجبك شكلك فيها ...؟

جنى : هاه ! الا صح نسييت هههه

ام عبدالله : ليش ماقعدتي مع البنات فوووق ..؟

ام ثامر خلاص هبلتوا في بنتي ههههههه

جنى:اعترفوووا وش السالفه ؟

عطوها اشكل ورجعوا يسولفووون،،قامت جنى بتروح لجدها بس بعد ماحصلته،،استغربت ... ومن زود الطفش صعدت لغرفة خالها وحبيبها واللي فاهمها بالحيييل...مشـــعل... مشعل خالها اللي اصغر من خلود اختها،،راح يكمل دراستها بأمريكا .... دخلت للغرفه وتذكرت اشيااااء كثيره .. نزلت دمعه ومسحتها بسرعه وضحكت على عمرها:ههههه انا ليش اصيح !! من جد انا غبيه ... بدال ماادعي له الله يوفقه وينجحه ويرجعه لنا بالسلامه قاعده اضيع وقتي ... تنهدت من قلبها .. اااااااااه ميشوووو الله يرجعك لنا بالسلامه ...

وتذكرت البنات .. ورجعت عصبت ... ونزلت وهي في طريقها تقول بينها وبين نفسها لازم احط لهم حل .. يايعلموني وينهم فيه يااعلم جدي عليييهم ...

ونزلت وبوووسط الصاله قالت بأعلى صوووووتها ... شووفوووا عاد .!!!! بتقولووون لي هم وينهم والا اروووح للشارع واقرب سياره تسدحني وذنبي في رقابكم انتوا وبناتكم !!!!!

الجده : يووه علموها ترا مجنونه وتسويها ...
ام سيف: هههههههه البنات مجتمعين عن مها وعهود في بيتنا مع بنات عماتهم ..

جنى وهي في قمة استغرابهم:من متى ..........؟

ام سيف وهي كاتمه الضحكه على شكلها:من المغررب ...

ام عبدالله:احسسسن هذا مصير اللي يغط بالنوومه هههه..

الجده:مها قبل شوي متصله تقول انها بترسل لك السواق اللحين ..

جنى وهي ترفع كم عبايتها وتطالع الساعه لقتها عشر .... رفعت راسها ومررت بصرها بهدوؤ ع الجميع وبأعلى صوووتها:لااااااااااا الله يجزاها بالجنه تذكرتني زييييييين والله ... وطلعت جوالها واتصلت على ثامر اللي حب ينرفزها بس سمع نبرة صوتها ماتساعد فجالها بسرعه ...

ركبت وسكرت الباب بقووة:على بيت عمي عبدالله ... التفت لقته يطالعها بجمووود صرخت فيه:يلااااااااااااااااا..

ثامر:فيه شي اسمه لو سمحت ...

جنى :................

ثامر : وش فيك ...؟

جنى انت اللي وش فيك ..؟ بتوديني والا لا ..؟

ثامروهو يطالع قدامه:سوووري ..

جنى:اصلا انا الغبيه ليش مااتصلت على فواز من اووووول

ثامر:من جد غبيه ... ليه ماتصلتي عليه على طول حلاّل المشاكل ..

جنى:كنت بأتصل عليه بس اسمك طلع قبل..ومدت له لسانها ونزلت ..

ضحك ثامر على اخته ... بس تكدر خاطره لما فكر ببرائتها في زماننا هذا ... زمان المصالح..زمان دفني وادفك .. يقتل هالبرائه .. تنهد والتفت يدور اخته بقاها تخانق فواز اللي كان توه واصل بيت جده وضحك عليهم ...

فواز وهم بالسياره وهو يشرب بالكوفي:الا انتي وش فيك ..؟
جنى :اخواتك وخالتك وبنت خالتك خاااااااااااانووووني ....وبدت تطلع دموع التماسيح ههههه

فوااااز مسوي متأثر:افاااااااااا ليش وش سووا ...

وحكت له كل السالفه وهو بس يضحك .... وهي تهاوشه .. وقطع هواشها سيارة اخوها لما وقفت عند باب بيت خالتها ام سيف ...

جنى:فواااز حبيبي ..

فواز:عيونه ..

جنى:وش تحس به ..؟

فواز : ليه .؟

جنى بصراااخ:قلت لك ابي ارووح لبيت عمي عبدالله مو بيت خالتي فطووووووووم

فواز:ههههه احلى يافطوم شوووفي شووفي..وهو يأشر من شباك اللي جنب جنى..شوفي هذا سيف بأعلمه انك تقولين عن امه فطووم..وحرك حواجبه لها ...

جنى بغرووور:والله مو ذنبي ذنب امي ساره اللي سمتها فطوووم ..

ضحك فواز عليها وهو ينزل يسلم على سيف ... جنى انقهرت من سيف اللي ماعبرها ولافكر يسلم عليها .. وتوعدته بداخلها لما تشوفه ...

اخذها فواز ووصلها لبيت عمها عبدالله،،وكانوا بنات عمها كلهم عند ملاك بنت عمهم عبدالله ...نزلت جنى وصعدت للصاله اللي فوق على طول لان البيت مافيه الا البنات وهم فوق .. صعدت للدرج وهي ترقص على انغام اغنية مي سليم سيبه وهي تسمعها من فوق .... وصلت للبنات وعلى طول مسكتها رقص والبنات يصفقون لها..لان معروف عندهم جنى ورقصها المصري الحلوووو ..

ملاك:رقصني ياقدع ... نوقف عند ملاك شوي .. ملاك بنت جذابه .. لكن ستايلها ستايل اولاد .. شعرها بووي .. كل لبسها سبووورت لكنها حكيمه وقت الجد وكل البنات يحبونها لانها راعية فزعات .. واذا اجتمعت مع جنى تصير بلاوي ..

وقضوا البنات سهرتهم وانبسطوا،،وجنى بتحريض من البنات طبعا قررت تزعل وتسوي اضراب وتنام عندهم ..

الساعه 3 الفجر كانت نايمه في غرفة ملاك والبنات كلهم في الغرفه .. ماقدرت تنام من ازعاجهم ..

جنى وهي معطيه البنات ظهرها :بنات تكفون قصروا اصواتكم عجزت انام ...

محد رد عليها

رفعت صوتها شوي:بنااااات بليييييييييز

محد عطاها وجه هههه

لما عصبت خلآص ...:قعدت:بنااااات عييب قصروا اصواتكم !! وين الانوثه ؟ ماتقدرون ان فيه انسانه هنا متزاعله مع اهلها وتبي تنام ... اوووف ... وجت بتنسدح بس تذكرت شي ورفعت راسها والتفتت لملاك وقالت لها:بعدين انتي..حق الضيف ثلاث ليااااال..المفرووض لاشفتيني ابنام تطلعين وتطلعين البنات برااااا عشان اخذ راحتي !!!

قامت ملاك وهي حاضنه المخده الصغيره:يلآ بنات ؟

ابتسمت جنى بكبر وقالت:لالا عاد مو لهالدرجه يعني ... لفت عليها ملاك بتكشيره:مالت عليك بنروح نجيب لنا شي نشربه ورااجعين .. ورمت المخده عليها .. جنى تبي ترد بس جوالها رن ... طالعت الساعه 3 ونص الفجر من اللي يتصل عليها هالوقت ؟؟؟ طالعت شاشة الجوال شافته رقم غريب ... ماردت لان مو منعادتها ترد على الارقام الغريبه .. وغطت بنومتها ..

صحت على صرااخ ملاك ...:جنوووووووووه يامال الجني قووومي شوفي اخوك اقلقنا هو وسيارته .. صحت جنى وسمعت فواز يضرب لها بوار يبيها تنزل ... طلت من الشباك وضحكت على شكله .. اتصل عليها وقال:

فواز:جنوووووووه يلا بسرعه لي ساعه انتظرك ... _وهو مازال يضرب بواااري هههه_

جت بترد وتفاجأت باللي سحب الجوال منها وضحكت ...ملاك:فواازوووووووووووه وربي لاأنزل واكسر لك هالسياره اللي فرحان فيها .. خلاص اختك هذي غبيه ماراح تفهم لو تضرب من اليوم لبكره ،،ولفت على جنى:وانتي يلآ حووووولي لاخوك..اووووف عايله تجيب الهم .. ورجعت انسدحت ..

جنى : هههههههه مجنووونه ... رفعت الجوال لاذنها .. :خير عمي فواز وش تبي ..؟

فواز :انتي اللي وش تبين ؟؟ نسيتي اليوم خميس ؟

جنى تسوي نفسها مو فاهمه:وخير ياطير .؟

فواز:ناسيه ان اليوم جمعة خوالك ..؟

جنى:انا مووو رااايحه ... بصراحه انتوا عايله مالكم امان ... وسمعن ملاك تتمتم لها:ايه كفو بنت العم >>حتى وهي نايمه فيها شر هههه

فواز:ياجنى ياحبيبتي اخلصي علي اذا رحتي هناك تفامي معاهم على كيف كيفك .. بس انا وش ذنبي احرقتني الشمس حرااااااام ..

جنى حنت على اخووها:اووكي دقايق ..

وصلت لبيتهم...وقعدت عن امها بالصاله ...والساعه كانت11ونص .. طالعتها امها :يلآ حبيبتي روحي خذي لك شور والبسي وخلصينا..تراك دايم تأخرينا ...

جنى:سووووووووري يمه .. انا عزة نفسي ماتسمح لـ ... توها بتكمل كلامها مادرت الا باللي يسحبها ويبوس راس امها ويجلس مكانها ..

جنى:هيييييييه انت خييير انشاااالله ...؟

ثامر وهو يطالعها من فوق لتحت:اقووول روحي تسبحي والبسي اخلصي علينا ..

جنى : ومن قال اني بأروح ...؟

ثامر وبين على وجهه انه عصب من جد :انتي الظاهر عطيناك وجه زياده عن اللزوم ... يلآ فوووووووق اشوف .. التفتت جنى تستنجد بفواز اللي اشر لها براسه انها تسمع كلامه وتصعد وماتعاند ...

صعدت ودخلت غرفة خلوود:اهلييين جنوووو وينك امس والله مو ناقصنا غيرك ....

جنى بحرقة دم:قوووووولي والله !!!! اييه لانكم ماشالله عليكم علمتوني..قلتولي ياجنى ترا بنجتمع عند مها..خووووووووونه

خلوود:هههههههههههههههههههههههه

جنى:اييه اضحكي .. بلآ ضرووس ان شااااااااااالله

خلوود:هههههههههههههههههههههههه

جنى:بس يكفي ......

خلوود:ههههههههههه الا تعالي سمعت تو صراخ ثامر .. خير ان شالله ..

جنى عرفت انها تبي تستفزها .. لذلك طلعت وراحت لعند اختها نهى ...ولقتها مشغله المسجل لاعلى شي ومتحمسه مع الاغنيه حده ..

جنى بعصبيه : تفووو على اللي سماك اخت

نهى بمفاجأه مصطنعه:اووووووه جنو حبيبتي وينك امس قلبي ؟

جنى:نهووووووووووووووووه بلآ استعباااااااااااااااط

نهى رحمتها:ههههههه طيب اطلعي ممكن ودي البس ...

جنى طلعت وسكرت الباب بأقوى شي ...

ثامر من تحت بالصاله : جنـــــــــــــــــــــــى خيييييييير ان شالله بتكسرين الباااااب ...

جنى:والله حبيبي انا قاعده عند امي لآتقعد تسوي لي سي السيد..رح تزوج وسو اللي تبيه ... قلــــــق

ثامر اللي بغى يرد عليها الا ان امه قاطعته:صدق ثموري حبيبي وش ناقصك خلنا نزوج ونفرح فيك ..

ثامر:يمه عن اذنك بألبس لآأأخركم انا هالمره مو الجنيه هههه

ام ثامر:بسسم الله على بنتي .. وانت وين بتروح مني اصبر علي بس ..

على الساعه 12بالتمااام كانت الصاله فاااضيه...نزلت من فوق وهي لآبسه بنطلون برمودا جينز..وتيشيرت ابيض في كتابات بالاصفر والفيسفور والفوشيآ .. ومجعده شعرها ولآمته بمسكه كبيره من ورا .. ومنزله غرتها..وحطت كحل خفيف وقلووس .. وشابكه سماعات الاي بود وعبايتها بإيدها..وقفت بالصاله ..:والله حاله يهاوشون لهم ساعه وبالاخير هم اللي يتأخرون ..

لبست عبايتها وقعدت تدندن مع الاغنيه ....:
(متى اشوفك نظر عيني ..
تنور عمري وسنيني ..
انا مالي سواك ..)

نزل بهاللحظه ثامر ..:اووه اوووه وش صاير بالدنييياااااااااا الانسه جنى اول من خلص لبس .. لالا لازم نسوي احتفال كبييير يدرون عنه اللي بأمريكا(يقصد فارس وعبدالله
جنى اكتفت انها تطالعه من فوق لتحت وتلف عنه بغرووور ...

ثامر سكت عنها ... وصلت نهى ..:سلااااااااام اخواني الاعزااااااء

جنى بنفس وضعيتها ... وماردت السلام ... ثامر وهو يطالع جنى:وعليكم السلام ..

نهى تاشر براسها على جنى..بمعنى وش فيها ... ثامر رفع كتوفه بمعنى ماادري ...

نزل فواز:هاااااي ..

جنى:هااايااااااااااات .. هلا والله بعزووتي لاظامني الدهر هلا وغلاااااااااا

ثامر وهو مطير عيونه:خير ....!!!وانا وشووووو؟

فواز:لو سمحت حقوق الطبع محفوظه .. لاتحاول تقلدني ..

ثامر طالعهم اثنينهم ورفع راسه لفوق :الحممممممدلله على نعمة العقل والدين

جنى انقهرت منه ... بس عدتها لانها ناويه تزعل زعل صدق وتعلم جدها ههههه شريره ..

اكتمل عددهم...وراحوا جنى ونهى بسيارة فواز ... وام ثامر وخلود مع ثامر ...

وصلوووو وكانت مها بإستقبالهم ...:هلااا والله هلاا بالزعلانيييين ..

جنى:هششششششش اسكتي انتي اصلا انا حالفه مااطب بيتكم بعد ..

مها:افااا لهالدرجه !!!

جنى:اييييييه خير وش تحسبيني عديمة احسااااس ..

مها:ههههههههههه حشاك .. وانتبهت لفواز وثامر اللي دخلوا فتغطت ..

فواز : مهوووه..يقولوون مزعله جنى .. خييييييير وش عندك ...؟!

ثامر:ايييه صح .. ناويه تحفرين قبرك بإيدك ....
مهاا:فدييييييييت سيف يجي يدافع عني اللحين ...

جنىبابتسامة مكر:ليييه نسيتي انه اخوووي هو بعد ..._وتذكرت موقفه معاها امس_الا هو وينه ؟
مها:مابعد جى ... لييش ..؟!

جنى:لآ بغيت اسلم عليييييييه _وبينها وبين نفسها انا اووريه _ ولفت على اخوانها يلا ندخل نسلم على امي ساره؟

فواز وثامر:مشينا ...

هذا اول بارت .. بارت الثاني بعد الردوود ...

جود الدنيا ©؛°¨غرامي فضي¨°؛©

بداية موفقة

بانتظار البارت القادم

تحياتى

موج الذكريات ©؛°¨غرامي فعال ¨°؛©

بداية جميله

يعطيكِ العآفيه
بأنتظار البارت الجاي

ĠāŀĂ ©؛°¨غرامي جديد¨°؛©

تسلمووون على هيك مرووور ....

على فكره الروايه منقوله >>للأمانه يعني ...

وهذا بارت جديد لعنووونكم

ĠāŀĂ ©؛°¨غرامي جديد¨°؛©

دخلوا فواز وثامر وجنى مع بعض عشان يسلمون على خالاتهم وجدتهم .. وصادف ان سيف اللي هو اخوهم من الرضاعه كان موجود وجالس جنب جدته .. جنى بينها وبين نفسها_هههااي والله وجتك الفرصه لحد عندك ياجنووو_قامت جنى وسلمت على جدتها وطنشة سيف ..
سيف:هيييييه هييييييه خييير عيب عليك اخوك الكبير انا على فكره ..
جنى:لا هذا اخوي الكبير >>وهي تأشر باصبعها على ثامر ..
سيف:اقول تعالي سلمي علي وحبي راسي بعد ..
جنى:معصصصصصي،،اذا انت عرفت تسلم علي سلمت انا عليك ...
سيف يحاول يفهم قصدها،،ولفت انتباهه فواز:اييه ليش ماسلمت على اختي امس وهي معي بالسياره
سيف اصلا ماكان منتبه لها انها معاه بالسياره بس لقاها فرصه وقال وهو يرجع راسه على ورا:يااخي مالي خلق اختكم ذي ..
جنى فهمت قصده:والله سويت خير انك ماسلمت لاني من جد كانت حايمه كبدي بدونك اجل اذا شفتك وش بيصير فيني..وطلعت تاركه سيف وسط ضحك الجميع ..

طلعت جنى عند البنات اللي كانوا قاعدين مع خالتهم منى(منى اصغر خالاتهم وهي كبر خلود بس تخصص علم نفس
منى:هااه بنات وش استعداداتكم للإمتحانات ترا مابقى عليها الا اسبووع

عهود بضييق:يوووه ياشيخه روقينا مالنا خلق ..
جنى:من جد الله يستر هالسنه احس اني بأغرررز
مهآ:الا قولي بنفححححححط .. حدنااا ضايعييين
منى واللي ضاق خلقها على بنات اخواتها،ماكان ودها تسمع هالكلام منهم:انتم بس عدووا هالسنه ولكم مني سفره ماصارت ..
جنى بحمااس:جد منووووه
منى وهي رافعه حاجب:خيير منووه اصغر عيالك انا ...
عهود:مادري ليه ماني مرتاحه لك ..
مها بنظرات شك:حتى انا احسها تاخذنا على قد عقولكم ..
منى بغروور:مو انا اللي اقول كلمه مو قدها .. انتم انجحوا لكم سفره ولا احلى..لآوفيه مفاجأه بتنبسطون عليها كثيير
جنى دعت ربها يكون احساسها صح والمفاجأه نفسها اللي في بالها ...

يوم السبت..آخر اسبوع من اسابيع المراجعه ..
في المدرسه جنى تكلم صديقتها وتوأم روحها واللي تفهمها من نظره:اووووف الله يهدييك منوووول لو انك مخليتنا نغيب احسن لنا..
منال:ياشيخه يعني وش وراك .. لاتقنعيني انك اذا قعدتي بتذاكرين ..
جنى بحماس:تدرين منى تقول انجحوا ولكم سفره ماصارت ولآفوق كذا تقول فيه مفاجأه ..
منال استنتجت من لمعان عيون جنى شي:تتوقعين خالك مشعل بيرجع ..؟!
جنى بصرااخ:يااااااااااااااااااااااااااااااااارب
منال وهي تحط ايدها على فم صديقتها لاتفضحهم:طيب طيب خلاااص فضحتينا قوومي نرووح الفصل ..
جنى قامت وهي تضحك على صديقتها طول عمرها خوافه وعلى انه لهم سنتين وهم صديقات الا ان منال مااخذت من جرأت جنى ودبلوماسيتها ابدآ ..
بدت الامتحانات .. وبدا القلق .. جنى وعهود ونهى ومها وفواز وسيف وسعود وجواهر الكل كان يبذل اقصى جهد عشان يطلعون بأحسن نتايج وتووفي خالتهم بعهدها ..
منى بغرفتها تكلم نفسها بطفش : اوووف ماادري ايه خلصنا امتحانات بدري .. والله طفشت .. فكرت تتصل على البنات تشوف احوالهم ..
اتصلت على بنت اختها نوره وردت عليها خلود:اهليييين منى ..
منى:هلا والله .. وش عندك مرووقه .؟
خلود بعيون حالمه:تعرفين شعور الانسان اللي يتـكي في بيته وهو مريح باله ويششووف غيره بيقطع الكتاب من المذاكر ...
منى عرفت انها تقصد اخوانها:هههههههههه الا وش اخبارهم ..؟
خلود:كويسيييييين شادين هالسنه حييل .. مادري وش عندهم ..
منى:احسن لهم خليهم .. الله يوفقهم ..
خلود:امين ..
وقعدوا يسولفوون وبعدها كل وحده راحت تدور لها شغله ..
في اخر يوم من ايام الامتحانات ..
الساعه3:30
جنى تنزل للصاله ومعاها كتابها .. وتتفاجأ بفواز قاعد عند التلفزيون مكتابه جنبه ..
جنى:خيييييير سي السيد وش عندك .؟
فواز انتي اللي وش عندك؟
جنى:اوووف ياخي طفشت ودي اذاكر بس مااقدر ..
فواز بعدم اهتمام:عادي هذا انا لي ساعه احاول افتح الكتاب بس عذاب الضمير ذابحني ..
جنى:الضميير.؟لييش .؟
فواز:الاستاذ مايستاهل احد يذاكر له .. طنششششي بس ولاتذاكرين هي جت على اخر يوووم ترا محد يذاكر>>من زين النصيحه هع
جنى:وانت قلتها ...
بعد الامتحانات في بيت ام ثامر كانوا كل البنات مجتمعين ...
جواهر:بناااااااات والله خايفه من النتايج ...
مها:حتى اناا والله ..
جنى:بس انتي وياها احنا ماصدقنا نعطل عشان تكدروون خواطرنا ..
منى:احلى ياخواطرنا..وهي تلتفت على خلود:وش عندها اختكم اليوم .؟
خلود:كالعاده منهبله ..
جنى اللي طنشتهم وقامت شغلت المسجل ...
يوم الاربعا صحت الصبح وهي في قمة توترها وخذت لها شور سريع وبدلت ملابسها ووقفت قدام المرايه تطالع شكلها وعيونها باين عليها الارتباااك وقالت وهي تكلم نفسها:هااه ياجنى وين قوتك ؟ مو انتي اللي قبل تضحكين ع البنات وخووفهم..بعدين انتي قدمتي زين بالامتحانات ليه خايفه من النتيجه..اقنعت نفسها وراحت لثامر تبي تصحيه مالقته بغرفته ونزلت للصاله لقته قاعد ويشرب كوفي كالعاده ..
جنى نزلت لحد ركبه وهي ضامه يدينها بعض:تكفى ثموووووري حبيبي ودني اللحين ..
ثامر بدون مايطالعها:لا خير تونا الساعه سبع ،،
جنى:بس انا ودي اروح اللحين ..
ثامر وعينه بعينها:خايفه ..؟!
جنى واللي ماحبت تعترف لاحد بخوفها:لا وليش اخاف وبإبتسامه هاديه:تقدر تقول متحمسه..
ثامر:دامك مو خايفه اجل اقعدي شوي .. بعدين مو قلتي لي انك مواعده صديقاتك على الساعه8 .؟
جنى تضرب راسها بخفه:يووه نسيت .. وطلعت جوالها اتصلت على منال وقالت لها انها بتطلع بعد نص ساعه وراح تمر على البنات كلهم ..
جنى بعد ماقفلت الخط:ثمووري بعد نص ساعه اووكي ..؟
ثامر:نوو..ساااااعه بالتمااام ..
جنى:يووه وش ذا مايصييير كذااا ...!
ثامر : والله هذا اللي عندي اعجبك اهلا وسهلا ماعجبك بكيفك ..
اقتنعت جنى وقعدت بهدووء ... لفت انتباهها جمال اخوها..توها تنتبه لملامحها الرجوليه..وطرا في بالها سؤال..ثامر اللي رفع راسه بالصدفه :ههههه عسى ماشر ..؟
جنى : ثامر انتي لييش ماتتزوج ..؟!
ثامر:ولييش اتزوج ..؟
جنى وعيونها بتطلع لقدام : نعم ..؟ ولييش الرجال يتزوجوووون يعني ..؟
ثامر حب يحرق اعصابها وببراءه مصطنعه:وليش يتزوجون ..؟
جنى حست بإحراج وسكتت ...
ثامر:هههههههه...مره ثانيه لاتتفلسفيين .. وهو يوقف..يلا مشينا ..
جنى:على وين ..؟
ثامر خييييييييير على المدرسه نروح نشوف سواد وجهك ..
جنى بغرووور:نشوووووف ..
وصلت للمدرسه وحست بخوف غرييب..كأنها اول مره تدخلها...استجمعت قواها وتوكلت على الله وراحت للمراقبه المسئوله ..
المعلمه:اسمك .؟
جنى:جنى نـآيف .....
المعلمه وهي تدور شهادتها زجنى مغمضه عيونها من الخوف ..
المعلمه تمد لها الورقه :مبرووك
جنى التفت وراها ..
المعلمه:اييه انتي هههههه وش فيك
جنى اخذت شهادتها وشافت درجاتها بإنبهاااار ماكانت متوقعه ان كل هذا يطلع منها ..
وطلعت طيران لصديقاتها اللي كانت نتايجهم ماتقل حلاوة عن نتيجتها ...
وركبت للسياره وهي تصررخ على ثامر : شف سواااااااااااااد وجهي ..
ثامر وهو كاتم الضحكه سحب الشهادهوطالعها ورماها عليها وهو يمشي بالطريق ..
ثامر:الله يخلي البراشيم ..
جنى:برااااااااااااشيم لك انت واشكالك ..
ثامر وهو يضحك:هههههههههه يلآ عقبال فواز ونهى ..

sa@d ©؛°¨غرامي مشارك¨°؛©

بدايه حلوه الله يوفقك وننتظر باقي الروابه بس لاتطوالين

موج الذكريات ©؛°¨غرامي فعال ¨°؛©

بارت يجنن
تسلمي
لاعدمناكِ

ĠāŀĂ ©؛°¨غرامي جديد¨°؛©

وهــذا احلى بارت فديتكم ..

من لمحته بعيد يمشي فز قلبي وقلت اعرفه ...
يووم انا قربت منه هذا خلي هذا وصفه ...
بعد ماطوول غيابه التقينا دون موعد ...
واحلى شي ان الحكايه كلها صدفه في صدفه ..


كانت الساعه 11 الصباح .. صحت ولقت جوالها جنبها .. فتحته وحصلت رساله منها .. ههههه ماتترك عوايدها ..

(نجاااح ونجحنااا لاوبأحسن نسب بعد،،يلا ياحلووو ورينا وعدك)

ردت منى تكتب مسج حق جنى ...
(لا ياحلوه بعدكم مانجحتوا كلكم .. والا نسيتي فواز وجواهر نتايجهم تنزل بالنت الليل .. يعني لما الليل يحلها ربك)
رصت جنى اسنانها على بعض بقووووة من القهر ... ووكلت امرها لله ..

باليــــــــــــل ..

ثامر وخلود ونهى مجتمعين عند اللابتوب .. بينما فواز مسوي روحه مشغول بالتلفزيون وهو بالحقييقه خايف حده ..

ثامر:فوازووه رقم جلوسك بسرررعه ...

فواز:لا بعد انا بأكتبه ...

ثامر:ارحمناااا ياشيييخ ..

كتب فواز الرقم ورجع لمكانه بهدوء ... وبهاللحظات طلعت امهم من المطبخ وجنى نازله من الدرج .. قالوا بصوت واحد:هااااااه بشرررروا !!!؟

فواز:هههههه تووي ادري اني مهم كذا ..

جنى بتكشيره:مو عشانك عشان السفره ياعم ورقصت له حواجبها ..

فواز يستهبل:هاهاها

بهالوقت خلووود شهقت ... ونهى قعدت تفرك عيونها .. وثامر متحمس وداخل بالشاشه ..

فواز حس انه بخطر .. قام:انا استأذن ....

ثامر بحزم وجديه معهوده مع اخوانه:فواااااااااااااز

فواز رجع مكانه:سم ..

قام له ثامر :الله يفشلك قول امين ... 98,55..ليه ماكملتها للـ99 وفررحتنا ..

فواز مصدوم مو مصدق .. وجنى من كثر فرحتها راحت وضمت اخوها وهي تصرررخ وامها تدعي ربها وتشكره اللي فرحها بنجاح عيالها ...

قامت نهى اتصلت على جواهر ...

نهى:اهليييييين جوجو ..

جواهر بضيق:هلا نهى

نهى:هااه بشري كيف النسبه ..؟

جواهر:مثل فيسي ..

نهى بخوف:لآ عاد .. كم يعني ...؟

جواهر95...

نهى براحه:زيييييييييين ياشيخه احمدي ربك والله نسبتك حلووة ..

جواهر بقهر:بس مو مثل اخوك الصعيدي ...

نهى:هههههههههههه وصلكم الخبر ..

جواهر:الاتهزيئ وانتي الصادقه .. خليها على الله بس ...

نهى:الحمدلله على كل حال .. المهم .. لاتنسين بكرا الجمعه عند مها بالبيت لان منى بتقول لنا وين السفره اووكي ؟

جواهر: اووكي .. يلا باااي ..

نهى:باي ..

اليوم الثاني ... الساعه 3 العصر ...

نهى:يلااااااا قومي خذي لك شوووور لاتأخرينا ..

جنى:نو نو نو سووووووووري ماي سستر انا حالفه ماأطب بيتهم بعد ..

فواز وهو ياكل عنب : اييه كفوو اختي خليك كذا عندك كبرياااء ..

نهى:انت اسكت وكمل بلع يالدووووووووووب

فواز:لو سمحتي لاتكلميني انا جايب98,55جيبيها بعدين تعالي نتفاهم ..

نهى بصراخ:جنوووووووووه احنا بنروح اللحين عمرينك ماجيتي ..

جنى:هذااا هو .. يلا بااااايوووو

بعد صلاة العصر ... رن جوالها .. طالعت الرقم وضحكت ..

جنى ببرود:نعم ..؟

مها:جنووه وينك وربي مالك داعي ..

جنى:بلييز انا زعلانه لاتكلميني كذا ...

مها:ههههههههههههه افهم من كلامك انك ماودك تدرين وش مفاجأة منى ..؟؟

جنى بنفس البرود:ياخبر اليوم بفلوس ...

مها:جنووه والله الجمعه بدونك ماتسووووى

جنى : ههههههههه قولي كذا من اووول ...

مها:ههههههه مانستغني ..

جنى:اووكي انا بجيكم بعد المغرب لان السواق اللحين مو فاضي ..

مها:لاخلاص ارسل لك سواقنا مع سعود ..

جنى:اوووكي يلا باي ..

مها:باي ...

اخذت لها شور بارد ..وجعدت شعرها لانها مالها خلق الاستشوار هع..ولمته بطريقه فوضويه زادتها انوثه ... ولبست بنطلون جينز برموده مع تيشيرت بدون اكمام ابيض وفيه مرسوم فيس اصفر كبير ... كان شكلها مررررررره كيوووت خصوصا انها ماحطت شي غير الماسكرا والقلوس ..

سعود وهو داخل البيت:ياااااااااأهل البيت ...

جنى وهي نازله من الدرج:ياااهل هالبيت بأشكي بنتكم ..

سعود:هلا والله هلا وغلا بأختي الغااااااااليه

جنى تجاهلته:امش ولايكثر ..

تحطم سعود وراح وراها هع ..

في بيت الخاله ام سيف ..

جنى:وييييييينها منى تأخرت علينا .. اللي يشوفها كذا يقول بتسفرنا لليابان على غفله ..

عهود:ايييييييييه والله اني داريه ماعندها سالفه خلتنا نكرف وسحبت علينا..

مها بعصبيه:لاوالله مو على كيييييييفها تعبنا وذاكرنا وبالاخير نطلع بلوووشي .. لالالالا

وبهالوقت دخلت مها مبسووطه ومعاها تذاكر ..

رمتها على الطاوله .. سحبت جنى وحده منها ... تذكرة سفر لدبي ..

جنى:واااااااااااااااااااااااااو واخير بنروح لدبي كلنا مع بعض ..

مها بعدم تصديق :جد؟

منى:وش رايكم بخالتكم .؟؟

عهوود وهي تضمها:احلى خاااااااااااله بالدنيااا ..

منى:لاوالمفاجأه الثانيه احلى واحلى ...

ايش تتوقعون منى مجهزة لهم ...؟

وبمييين راح تلتقي جنى بهالسفريه ..؟

وكيف راح يكون وضعهم ..؟

كله بالبارت القادم ان شالله ...

جود الدنيا ©؛°¨غرامي فضي¨°؛©

روووعة البارت

بانتظار البارت القادم

تحياتى

الزعيـ A.8K ـمه ©؛°¨غرامي ماسي ¨°؛©

,’



بسم الله
و عليكم السلآم و رحمة الله و بركآته



يعطيك العـــآفية
يآ ليت تذكرين إسم الكآتبـ / ـة ؟!
موفقة بنقلك إن شــــآء الله




,’


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1