منتديات غرام ترفيه غرام نكت - ضحك - وناسة - فرفشة الدلاخه كنز لايفني ..[ فريق التمآسيح / اقصفني واقصفك ]
!صمـ.. المحب ..ــت! .. عِہزتِـے مُہهَـآبَہة .,!

قبل البدء في هذي الصرقعه وهذه الروايه الماصله وهذه الديباجه العريقه
حبيت اوضح لكم بعض النقاط وهي ان لجنه الحكام ماعندهم
سالفه

وإلا بالله من متى سعيد المهفه يحطوه في لجنه الحكام وهو حتى مايعرف يقرى ويكتب ؟
ومن هذا المنصب اناشد مدير عام الكره الأرضيه والكونقرس والإنتربول ومانشستر يونايتد وحرج بن قاسم وسوق الصواريخ انهم يشوفون له
صرفه أو حل قبل لآفجر الولاعه في خشمه

وأكسر المعسل حق ابو جهل على راس هشام وخياليه وامكن اتهور وأكسره على راس زهره التوليب <~ اكيد بتقولون وش دخلها
هالمسكينه ماغير منطقه في المنتدى العام وإلا الخواطر ؟؟


انا اعلمك زهره التوليب ايش دخلها ,, هذي الله يسلمكم اول شي انها سحليه وانا ملاحظ مااحد قد نتفها ومااحد قد ذب عليها ثاني شي لايغركم انها مسويه تكتب خواطر وحتى تسوي تصاميم < امحق تصاميم ..
بس اكتشفت انها مو هي اللي تكتب الخواطر واغلب مواضيعها سارقتهم اكيد بتقولون كيف عرفت فهمنا ياابو العريفه ؟؟
انا اقولكم ياملاحيس يا اغبياء يافاغرين ( جمع فاغر الله يرضى عليكم ) ياللي ماتعرفون كوعكم من بوعكم بس مو الحين بعد مااخلص موضوعي




والحين خلاص اقلبوا وجيهكم الموضوع انتهى << ملحوس هع


ماعليكم من ماسبق لان ماعندي ولا مقدمه للموضوع قلت ذا الكلام <~ أخلص ولا تكثر هرج ~> أبشر طال عمرك

في يوم من الأيام وكان هالكلام قبل ستين الف سنه يوم كانوا يدرسون الآولاد مع البنات < بالعامي خليطي
<< آآآآآآآآه ياذيك الأيـآم يوم مـآكان كل يوم أسحب معزوفه بشعرها حتى حلقته موس وبعدها كنت كل يوم اكتب وأرسم على صلعتها

المهم كانت ذاك اليوم على منبر الإذاعه العلامه الدافوره (انثى الخيال) وكانت تتحدث بصوتها الأجش المصاحب لصرير المكرفون
المزعج : اخواني الطلبه والطالبات هل تعلمون ان العضو الذي يستهلك 40 % من أوكسجين الدم هو المخ !!
ثم أختتمت قائلةً: و في الختام أشكر مديري الفاضل و أبائي المعلمين و خواتي الطالبات واخواني الطلاب .. مع تحيات صف ثاني متوسط ..
قزاكم الله خير قميعاً و شوووكرن ( عالطاري تراها مسجله في جماعة التوعية بعد ) !! ..
ثم عادت ( خياليه ) لصفها و كيسة سندوتش الفول تدودل من جيب مريولها البني
بعد إنطلاق جرس الحصة الثانية .. كانت قدماي تتسحب في قدومها إلى المدرسه و الغمص متربع على عيناي ( يعني من جدكم بحضر الطابور و اسمع الإذاعه بعد .. بس انا مجند وهشام ودحوم وتح تح يعلموني بأي شي يستجد في المدرسة حتى الإذاعة )

و ما إن وطأت قدمي عتبة المدرسة حتى أستوقفني الوكيل ( مِصعوِد * بكسر الميم وكسر الواو ياحلوين * ) وهو يلوح بخيزرانته مزاعقاً: إيش قومك متأخر و الحصص قدها باديه .. فين كنت ؟؟ .. ثم أردف متذمراً: الله يهبلك حمى تقطع شرايينك وان شاء الله بقعى تصوعش..
عقاب لك راح اسجل اسمك مع ( جماعة الفاغرين ) ذا الحينه ..
هيا روح وقف في الساحة تحت الشمس يا أمّ خبل !! << جماعة الفاغرين: الأسم البديل لصعوبات التعلم في مدرستنا ..
سميت بهذا الأسم نسبة لدلاخه ومصاله وكيلنا ( مصعود ) !!


وبعد وقوف حصتين تحت الشمس .. رحت لفصل الفاغرين و القى طلاب الصعوبات جالسين على شكل حلقة يتبادلون خبرات الغباء مع بعضهم و الأستاذه وفي روايه الأبله ( حمره الورد ) جالسه بينهم تسجل في ورقه ..
حسيت اني داخل على مركز إعادة تأهيل المدمنين مثل اللي يجلسون في الأفلام الأمريكية و يخقون لبعض !!

نطقت باربي (B@rb!e) وهي احدى الطالبات الدلخات المجتهدات في هذا الفصل الله يحفظاها وهي ترفع نظارتها بإرتعاش
قائلةًً: انا اليوم سمعت ( انثى الخيال ) في الإذاعة تقول" ان المخ يستهلك 40 % من أوكسجين الدم "..
و بصراحه حنا كرموز متوطن بها الغباء في المدرسه يستحيل نصدق مثل هالمعلومة خصوصاً ان ( انثى الخيال )
تقيس هالمعلومة على نفسها !!
فقاطعتها ( جيل) - الدلخه الثاني - قائلةً: يعني المخ حارمنا من الذكاء و من الدم بعد !! ..
ثم التفتت إلى حمره الورد هائجةً: طيب إلى متى يا أبله وحنا محرومين ..إلى متى و حنا نسأل و ما نجاوب الا على رد السلام .. إلى متى و المجتمع يتهربون مننا و يرمون أسئلتنا على بعضهم عشان
ما يضطرون يشرحون لنا الإجابة !! ..
إرتسمت إبتسامة الثقة على شفاة ( حمره الورد )
ثم قالت بنبرة مطمئنة وهي تمسك بريموت جهاز البروجيكتر: هدئي من روعك يا بنتي .. فقد أثبتت الدراسات بأنه لا يوجد عقل خال او كما نقول ( غبي ) .. بل ان الذكاء موجود في كل عقل و لكن بنسب متفاوتة و درجات مختلفة ..

و الأن اسمحوا لي بأن أعرض لكم بعض النماذج المعاصرة للغباء ..
و اتمنى ان تتمعنوا التركيز فيها لأني سأقيس ذكائكم من خلالها … فلنبدأ بأول صورة

وانا كل هالوقت مبلم جالس اشوف وش نهايه غبائهم



طمرت من مكاني ضاحكاً: ههههههههههههه وين ( لا تعبث بها ) و الوجه معبوث به خلقه اجعله في ذا النسر اللي يحلق فوق ثمه …
لا و رابط شماغه المقطع يعني اني انا إنسان عملي .. انا اقول بس لو يترك الإنتخابات و يخيط شنبه بطانية و يتغطى بها اصرف له ..
بصراحه المفروض يكتب بدال هالكلام اللي أسفل الصوره:
( أخي الناخب: هذه صورة من يمثلك في مجلس الشعب فلا تستفرغ عليها ) ههههههههه
صفقتني ( حمره ) بريموت البروجيكتر حتى تورم أنفي ثم أستطردت وهي تركب حجار الريموت:
لكل داء دواء يستطب منه .. إلا المصالة أعيت من يداويها !!




//

رجـآءً لا أحد يتليقف ويرد

<<< اضطريت انزل الموضوع على جزئين عشان الفيسات لازم 15 هع


برب


!صمـ.. المحب ..ــت! .. عِہزتِـے مُہهَـآبَہة .,!

شسمه ==// بـآكـ \== هع

ثم عرضت الصوره الثانيه


أشارت الأبستاذه بأشعة الليزر إلى وجه الرجل في الصورة قائلاً:
تمعنوا في ملامح وجهه المستاءة و الغاضبة لاسيما وانه يشعر بثقل الثلاث جحات (وفي روايه حب حب) فوق رأسه على الرغم من أن يداه خاويتان ..
كأنه (رذاذ )يوم تشيل القدر على راسها وتتمشى به في الحاره وماكن شي على رآسها< هذي حمره موب انا خخخخخ
يعني نستنتج من هالصورة ان الرجال ما أستغل ذكاءه في إستخدام يديه .. طيب خلونا نشوف الصورة اللي بعدها


إدارة منتديات غرام تفيدكـ بأن هذه الصوره مصغره ... إنقر هنا لعرضها بالمقاس الحقيقي ... المقاس الحقيقي 900x337 والحجم 95 كيلوبايت .
اضغط على الصورة لرؤيتها بحجمها الطبيعي

رمقتنا الأستاذه بنظرات حادة تخاطب ذكائنا الباطن ثم قالت: والأن .. ما ملاحظاتكم على الصورة اللي على يمينكم ؟ ..
فقاطعتها ( باربي ) قائلةً: انا الاحظ ان كاتب هاللوحة ما أستغل ذكاءه !! ..
فأستبشرت الأستاذه خيراً ثم قالت: أحسنتي يا بنتي و ما الذي لم يستغله كاتب هذه اللوحه ؟ ..
فأجابت ( باربي ) بنبرة الواثقه: انه ما أستخدم يديه مثل راعي الجح !! ..
عندها قاطعتها ( حمره الورد )غاضبة ً: يعني كاتبها بسرّه و معلقها بشعر خشمه … يا بقره سر غباءه في كتابه الإملاء ما تشوفين !!

نقزت انا وقلت : يعني سحليه وش ترجين منها ؟؟ نظرت إلي نظره جعلتني ارتعب وقالت : شكلك اشتقت للريموت ؟؟
بلعت ريقي وسكت
ثم أطرقت قـآئله طيب اللي في الوسط ايش رآيكم فيها ؟؟
صرخت بأعلى صوتها ( باربي ): حتى ذولا ما يبون يستغلون ذكائهم بعد ..
مع ان بصراحه قمة الذكاء انك تستخدم يديك في مثل هالوضعيات !! ..
فأستشاطت الأستاذه بغضب: الله يقطع ام ذا اليدين اللي شاغلتك .. ياختي صورة الجح راحت خلاص ..
شوفي لك ملاحظة ثانيه .. جبتي لي فاحس يا ( بارببي ) !!

ثم أخذت (حمره) تقلب قلمها وهي تتمتم بقراءة السطور في الصورة الآخيره: ( كاميرا سرية ) .. ( الحمام مراقب ) ..
ثم استطردت ساخرة: صارت بلكونة مهيب حمام لأن الخصوصية و السرية التامة من أهم متطلبات الحمام ..
و ذا الدلخ راسم كاميرا و يقول الحمام مراقب كأنه يقول لحد يدخل الحمام ابد .. اجل وشو له تصلحه يالهيس ؟؟ ..
انا بصراحه اشوف ان هذا نموذج لغباء فاحش.. ولا وش رايك يا ( باربي ) بهالكلام ؟

استوقفت ( باربي ) تمعنها في الصوره ثم قالت: انا اشوف ان اللزق مهوب قوي .. <= لو يحطون جـآئزه أفضل دلخ تأخذه باربي بدون منازع خخخخ
وهذا دليل ان اللي حطها ما أستخدم يديه مضبوط !! ..
لم تكد تنهي حديثها حتى صرخت الأستاذه في وجهها: يا ذا اليدين اللي امتحنتي أمنا عليها ..
هذا وانا موضح لك نقاط الضعف في الصورة يا تنكه !!
<< ماتلاحظون الوقت ذا كله وانا ساكت جالس اتابع هذه المخلوقات العجيبه الغريبه وخايف من الريموت

أطلقت الأستاذه ( حمره الورد ) تنهيدة عميقة ثم أدارت وجهها نحونا قائلهً: هاه وش تقييمكم للي شفتوه قبل شوي !! ..
بادرت ( باربي ) بالإجابه قائلهً: بصراحه انا حاولت اركز معك و استخدم ذكائي ..
بس ذكائي وقف بعد صورة راعي الجح !! ..
فقاطعتها (حمره الورد ) بسخرية: هذا على أساس أنك قبل صورة راعي الجح كنتي ذكيه ..
وانتي يا ( جيل) وش رايك ؟ .. أفاقت ( جيل ) من غفلتها قائلهً: ابد ..انتظر نماذجك اللي تقولي بتعرضيها !! ..
عندها أنفجرت الأستاذه ضاحكةً ثم تبعتها ضحكات ( باربي ) و ( جيل ) و انا مبقق عيوني بينهم مدري وش السالفة !!

وما هي الا لحظات حتى داهم الوكيل ( مصعود ) الفصل وهو يصرخ ملوحاً بيخزرانته: بقعاء تصوعكم ..
إيش مجلسكم هنا و الأستاذ قده غايب من أول الدوام ..
قسم انكم فاغرين .. و إنتي يا (حمره الورد) قوومي من كرسي الأستاذ قامت قيامتك يا أمّ خبله ..
هيا كلكم وقفوا في الساحة تحت الشمس << الظاهر لو يجي غيم في مدرستنا ما داوم الوكيل !


و بعد محاولات إستيعاب عديدة إستغرقتها مع نفسي وانا أتحسس الورمات في خشمي حتى أدركت بأن ( حمره الورد )
ليست إلا مجرد طالبه دلخه مثلها مثل الطلاب اللي عندها , فما كان مني إلا أن هبدت بالكرسي على خشمها قائلاً بهستيريا: حسي يالهيسه !!




الزبده من اللي فوق :

1- الله يقدرني واطلع من المسابقه (بوسآم)
2- الدلاخه مستوطنه عقول السحالي فهمها جبت علاج او سويت ماراح تستفيد شي
3- زهره التوليب والله انك اكوس وحده < يضبط وضعه لانه شاف صحن الحلى في يدها
4- الدراسه مع السحالي متعبه اذا احنا نعاني منهم في النت كيف في المدرسه ؟؟ واتوقع جبت لكم نماذج لغبائهم ودلاختهم
5- اكتشفت ان الوكيل حقنا مصعود نموذج للغباء لانه بعد ثلاث سنوات اكتشفت ان الساحه مظلله وماتطبها الشمس
6- راجع الفقره رقم (2) الله يرضى عليك
7- الدعوه كلها مزوح واللي ماهو عاجبه يراسلني على الخاص < طبعا الحكومه مالها دخل عشان السلبي موب حلو هع
8- (الخانه للإيجـآر)
9- ماتلاحظون اني ماكثرت من كلمه ( المهم ) مع انها هذي الكلمه هي بهارات المواضيع حقي
10- زهره التوليب ورذاذ مو نفسهم اللي عندنا في المنتدى << يرقع هع
11- مو تسني كثرت في الخلاصه ؟؟ هع



سي سوو ولاهنتوا ياحبايب اللي انتهى وبيطلع يفقل الباب وراه والله الجو حر تخبرون انا انسان رقيق << يااي خخخخخ

عوآفي

,/‘


VERCACE يــــا عيونه...¡!¡!¡

هههههههههههههههههههههههههههههههههههههههههههههههههه ههههههههههههههههههههههههههههههههههههه


الله يرج ابليسك يالجربان < انحاااااااااااااااااااااااااشت

منسدحة من الضحك هع

وربي قصف كذاااا


بس الوسااااام لنا

جـيــــــل عضو موقوف من الإداره

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههههههههههه
الله يرجك يالدب قصف خطير
أفاقت ( جيل ) من غفلتها قائلهً: ابد ..انتظر نماذجك اللي تقولي بتعرضيها !!
هههههههههههههههههههههههههههههههههههه
قطعوا حبل افكاري كنت سرحانه < برا هع
الله يعطيك العافية صمتمت وان شاء الله الوسام سحلاوي خخخخخخخخ
^_^

!! أنـثـى الـ خ ـيـآلـ !! حَرمٌ رآإشدُ إلمآجٌدٍ

هههههههههههههههه
هههههههههههههههههه
ههههههههههههههههههههه
هههههههههههههههههههههههه
ههههههههههههههههههههههه


برب
بكمل ضحك وبرجع

/


مجروحة حبيبي ©؛°¨غرامي فعال ¨°؛©

هههههههههههههههههههههههه حسبي الله على إبليسك كل ذا الدلاخه فينا واحنا ما ندري عالعموم مشكور وعيتنا للنقطه هذي بس مهما كاااااااااااااااااااااان التماسيييييييييييييييييييييح ما فيه أدلخ منهم في الوجود خلني ساكته لأطلع الفضاااايح وأكبر دليل إن السجالي موب دلووخ إنه معرووف كيييد الحريم وهذا يدل على عدم دلاختنا نحن السحالي بل على الذكاء والدهاء >> قامت تتفلسف اهجدي في ارضك بس الله يهديك
يسلموو

فيانكاH... ©؛°¨غرامي ذهبي¨°؛©

هههههههههههههههههههههههههههههههههههه





والله انك منتهي





بالتوفيق

!! كريستيانو البــ ح ــري !! .! الطہفہل المہدلل !.

!صمـ.. المحب ..ــت!

ياهلا والله وغلا
بنور الكون كله
تعال لك بوسه على جبينك
وقدامهم بعد ماعلي من احد هع

.

ومانشستر يونايتد
ههههههههههههه
ترى لي واسطه تسبيره عندهم <<< ابد مايتسذب
خخخخخخخ

وأكسره على راس زهره التوليب
اما توليبه
قسم انها قويه
صموت تبيني اكثر لك سواطير على شان تكسرها زين خخخخخخخخخ <<< بيتسطر

بس اكتشفت انها مو هي اللي تكتب الخواطر واغلب مواضيعها سارقتهم اكيد بتقولون كيف عرفت فهمنا ياابو العريفه ؟؟
هههههههههههههه
مستحيل توليب تسويها

<< آآآآآآآآه ياذيك الأيـآم يوم مـآكان كل يوم أسحب معزوفه بشعرها حتى حلقته موس وبعدها كنت كل يوم اكتب وأرسم على صلعتها
تخيل راس بنت مصلعه
شلون يصير شكله ؟ راسها بيطول مترين خخخخخخخخ

يعني من جدكم بحضر الطابور و اسمع الإذاعه بعد ..
ههههههههههههههه
اللي يسمعك يقول مهدي عمره حضر الطابور والاذاعه
ياشيخ اذا ماحضرت للمدرسه الحصه الثانيه ما ارتاح <<<< فاصل بالمدرسه
خخخخخخخخ

وهو يلوح بخيزرانته مزاعقاً
هههههههههههه
ياشين الخيزرانه
قسم اخذت 10 جلدات من مدرس الله لا يوفقه تهئ
خخخخخخخخخخخخ

و بعد محاولات إستيعاب عديدة إستغرقتها مع نفسي وانا أتحسس الورمات في خشمي حتى أدركت بأن ( حمره الورد )
ليست إلا مجرد طالبه دلخه مثلها مثل الطلاب اللي عندها , فما كان مني إلا أن هبدت بالكرسي على خشمها قائلاً بهستيريا: حسي يالهيسه !!
ههههههههههههههههههههههههههه
اما حموره سديقه نجوده دلخه ما اعتقد
يمكن اكثر من دلخه <<<< شف ذا جاك من اقصاها
خخخخخخخخخخخخ

3- زهره التوليب والله انك اكوس وحده < يضبط وضعه لانه شاف صحن الحلى في يدها
ههههههههههههههههه
وش رايك تقاسمني الحلا
ترى زين
يقول المثل عط الخباز خبه لو اكل نصه <<< وش دخل هاذي
خخخخخخخخخخخ

4- الدراسه مع السحالي متعبه اذا احنا نعاني منهم في النت كيف في المدرسه ؟؟ واتوقع جبت لكم نماذج لغبائهم ودلاختهم
هههههههههههههههههههههههههه
قسم انك فاصل <<<< لا يالمتعلق خخخخخخخخخ
حمدلله اللي الله خلقني ولد هع

- الدعوه كلها مزوح واللي ماهو عاجبه يراسلني على الخاص < طبعا الحكومه مالها دخل عشان السلبي موب حلو هع
8- (الخانه للإيجـآر)
كلنا نعرف المزح واللي مايعرفه هاته لنا ونعلمه كيف المزح
واللي مايعرفه لا يدخل موضوع المزح خخخخخخخخ <<<< عين العقل
خخخخخخخ

.

صموت احبك قدامهم خخخخخخخخخخ

تسلم على الصرقعه يالغالي
وان شاءالله تاخذ الوسام

ربي يقويك يالغالي

تحياتي لكَ

ليالي العنا ©؛°¨غرامي ماسي ¨°؛©

هههههههههههههههههههههههاي
هههههههههههههههههههههههههههههههههههاي

جدوووووووووووو مانت بهين قصف خطنطير
وقصم قصمات متسدحه ضحك
عرفت اللي كاتب القصف((جدتي مو))
ههههههههههههههههههههههاي
والله مانت بصاحي مو منك خخخخخ
اقول بس القف التقييم
والوسام لنا وانت تضحك خخخخ

-{تـحّ ـدوهـآ آلبـشٌ ـر‘‘ ©؛°¨غرامي ذهبي¨°؛©

...



حجز

< مشكله آلى يسرق من شبكه آلجيرآن ومبتلش مآيعرف يرد


/


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1