غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات إدارية - يُمنع طرح اقتراحات > ارشيف غرام
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 06-05-2009, 04:13 PM
شعلولــــه26.. شعلولــــه26.. غير متصل
©؛°¨غرامي مشارك¨°؛©
 
الافتراضي أغليه يعني أعشقه ، أعشقه يعني أموت فيه


مسااااااائكم ورد يامن يعلم الورد العبير.... ..أنا شعلولــــــة26 وأرحب فيكم ياأعزائي بأول رواية من تأليفي: ((اغليــــــة يعني اعشقة..اعشقـــــــة يعني أموت فية)) طبعا بتكون روايتي عاطفية بما أن عمري 19 ومحور الرواية هم الشباب والصبايا وما بينهم من مشاعر حب..أمل..الم..دموع..ضحك وهبال وصرقعة!!! وعذراً على أي تقصير لأنها تجربتي الأولى... هلا وغلا فيكم وحياكم الله معنا بأول بارت للرواية... .................................................. .... ..*(اغليــــــة يعني اعشقة..اعشقــــــة يعني أموت فيه)*.. (الشخصيات الرئيسية) *عايلة فهد(بوسلطان).. سلطان27سنة\مهند25سنة\نيهار22سنة\الماس20سنة\ ريماس18سنة... *عايلة عبدالرحمن(بوتركي).. تركي27سنة\طلال25سنة\نوار17سنة... *عايلة سطام(بوفهد).. فهد26سنة\الياس24سنة\قمر21سنة... *عايلة أختهم هنـــد(أم نايف).. نايف26سنة\مشاعل19سنة\مها17سنة... ....والباقي سيرد ذكرهم في الرواية.... .................................................. ................ (الجزء الأول) ....في المجمـــــــع.... وقف الياس قدام البنت وعينة بعينها:ليه سويتي كذا؟؟؟ صرخت البنت بكل وقاااحة:مو تشوف نفسك حلو وشعرك طويل تقوم تترفع علينا...ومشت البنت بسرعة.. جا إياد بسرعة وبأيده علبتين اسكريم :الياسوووووووة وش سويت مع البنت فشلتنا؟؟!!ماتترك هالدشرة اللي عليك؟؟؟ الياس:اقول ورا ماتفكنا من هذرتك..اسمع وش صار.... – أياد حدة متحمس:هااااة وش صار يلا قووول؟؟ الياس:جالس أناظر بجوالي وانتظرك تجيب هالايسكريم اللي شكلك بتستوردة من سويسرا.. إياد:هههههههه حلوووووووة الياس مسوي فيها معصب:الله لايحلي أيامك خلني أكمل السالفة... جت البنت وتتميع وتتدلع كني فاضي لها وتقول وش هالحلا عطنا وجه ومن هالكلام..سويت نفسي مااسمع الاوتمد لي ورقة فيها رقمها إياد:اووووووف من جدك تتكلم؟؟؟!!!!!! الياس:أي والله ..شفت عاد؟؟!!! إياد:طيب وش سويت؟ الياس:قلت لازم أعطيها درس في الآداب ..عطتني الرقم الا أخذت الورقة وقطعتها ورميتها بوجهها الا وترفع أيدها وتعطيني ذاك الكف اللي صار قدامك.. إياد يضحك:من جد ماهي بصاحية!!!أنا قلت يمكن أنت اللي لاحقها.. الياس:لاعاد صحيح فيني شوية دشرة بسبب هالشعر وهالجنزات والقصات بس ماني بقليل خاتمة حتى اركض ورا بنات خلق الله .. إياد:ياللة ياللة مشينا لايصير شي ثاني ونصير بجد فرجة في المجمع... ................................. بيت أم نايف.... أم نايف:يايما ياحبيبتي لاتبكين والله دموعك غالية علي لكن مابأيدي حيلة.. مشاعل وعيونها حمرا من البكي:يايما هالكلام مايصير يعني أروح لولد عمي أقول لة تعال أخطبني لان أبوي يبي يتخلص من ولد خالي وحاطك سبب!!! أم نايف بيأس: يامشاعل يابنتي وافقي على اللي متقدم لك تراه ماينرد وأبوك مابيزوجك لولد خالك.. ضمت مشاعل ركبها وحطت راسها بين رجليها وهي تشهق من البكي... راحت أم نايف جنبها وجلست عالصوفا وتواسي بنتها وتحاول تخفف عنها وتقنعها :يامشاعل انا عارفة ان ولد خالك يبيك من سنين بس هذا أبوك وش السواة معاة معيي وماهو راضي وهاللحين يمدح في هالولد ويقول أقنعيها توافق لأنة ماينرد ..رفعت مشاعل راسها وقالت لوالدتها:شفتي يعني مو السبب ان عمي قايل يبيني لولده..يما فاضل مايبيني لويبيني خطبني وش ينتظر؟؟؟ يما سلطان اللي يبيني مو فاضل ..يما سلطان شاريني.. أم نايف:والله كلامك صحيح يابنتي لكن أبوك الله يهديه مدري علامة على سلطان؟؟ حطت مشاعل راسها على مخدتها ورجعت تبكي وأم نايف ماهانت عليها دموع بنتها وقررت تكلم بونايف زوجها هالمرة كلام جدي وتبي نهاية لموضوع بنتها.. ............................ صعدت الماس بتروح غرفتها وهي ماشية بالسيب سمعت ضجة قايمة بغرفة ريماس وفتحت الماس الباب بقوة:بوووووووووو ريماس:اللة ياخذ شيطانك روعتيني ياشيخة الماس:أقول شكلك مخربطة بالعنوان أنا الماس ماني شيخه! ريماس:هههههههه باااايخة الماس:مقبولة منك ريماس:الله!!!!صايرة عاقل؟!وش طاري عليك؟ الماس:لا ولاشي..ماعلينا قولي لي وش هالازعاج؟مقومة البيت من صوت هالموسيقى المزعجة ريماس وهي تسبل بعيونها وتستعرض بجسمها:طبعا يااختي هاذي لوازم الرياضة الماس:يعني ماتعرفين تسوين رياضة إلا بالإزعاج؟ ريماس:أي لازم حتى اتحمس واناقز الماس وهي تهز راسها:الله يخلف على عقلك رمتها ريماس بالمخدة لكن هالمرة الماس ماهربت من الغرفة كعادتها ولاضحكت..اتجهت الى الصوفا وجلست عليها وحطت أيدها على خدها وسرحت بخيالها ريماس تناظر بأختها وماخفت عليها نظرة الماس اللي فيها شي من الحزن سحبت ريماس ورق منديل ومسحت وجهها وفتحت سحاب بلوزتها وربطتها على خصرها واكتفت بالبلوزة الكات الداخلية لأنها تحس بحرارة من التمارين وراحت جلست جنب أختها وقالت بهدوء:الماس في شي؟؟ الماس عيونها بالأرض ريماس:أكلمك وين رحتي؟! رفعت الماس عيونها:هااااااة؟؟؟ ريماس:أقول اللي ماخذ عقلك؟!! الماس:لاولاشي ريماس:علينـــــــــــا؟؟؟ تكلمي قولي وش اللي مضايقك؟ أشوف خاطرك ماهو بطيب! الماس:لاولاشي بس ماادري وش هالافكار اللي تجيني هاليومين؟؟!!يعنــــــــــــــــي... ريماس:الماس وش هالالغاز؟؟وضحـــي.. الماس تتكلم بداخلها:ياربي مدري أتكلم ولامالة داعي؟؟ بعدها طردت هالافكار من راسها وقررت تتكلم.. درات وجهها لجهة أختها وعدلت جلستها وقالت:ريماس اممممم ماادري لكن أحيان أحس إني تسرعت بموافقتي على خالد بالزواج ..يمكن مومناسب لي ريماس باستغراب:حرااام عليك كل هالوقت اللي قضيتية بالتفكير وتقولي انك تسرعتي؟؟؟!!! بعدين كيف تقولي مو مناسب لك وانتو لسى ماشفتو بعض ولاحتى مقابلة وحدة..مجرد خطبة تقليدية وتلبيس خاتم خطوبة وملكتكم بعد كم أسبوع لأنة في سفر عمل الماس:اخاااف إني مااحبة ريماس:لاتزوجتية وعرفتية بتحبينة..والحب موكل شي الماس:أنتي وش تخربطين؟؟الابموضوع الزواج الحب هو كل شي.. ريماس تناظر بأختها وسرحت شوي بأفكارها ...قطعت الماس عليها حبل أفكارها:ياهوووووة وين ذلفتي؟؟؟ ضحكت ريماس:ذلفك الله الماس بضحك:خوش أخت!! قمزت لها ريماس بابتسامة:أعجبك الاوبدخلة أم سلطان عليهم... ريماس:هلا بست الحبايب وقفت الماس وتقلد اختها وقامت تغني.. ست الحبااااايب ياحبيبة...يااغلى من روحي ودمي...ياحنينة وكلك طيبة...ياربي يخليكي ياامي..يااااااااااااااااربي يخليكي ياامي صرخت ريماس وايديها على أذانها:بس بس وش هالنشاز؟؟؟ أم سلطان تبتسم على خفة دم بناتها وهبالهم :ماتشبعون مناقر وهذرة ياللة العشا جاهز انزلو أبوكم ينتظر الماس:جا سلطان؟ أم سلطان : على وصول الابجية سلطان من المسجد بعد ماصلى العشا..ودخل بالصالة وسلم على أبوة وحب راسة..وجلس عالصوفا ونزل شماغة ووجهة مبين علية إرهاق وأبوة يناظر فيه.. بوسلطان:مدري وش عاجبك بها الشعر اللي شي طويل وش قصير؟؟ حلق شعرك عدل وانا ابوك لما كنا بعمركم كان الوالد مايتركنا الاوحنا قرعااان .. سلطان:يبة أول تحول بعدين كذا أريح لي ..وحط ايدية على راسة وجلس يضغط على جبهته ..نزلت أم سلطان من البنات:وشفيك يمه ؟عسى ماشر؟ سلطان بحنان:سلامتك يمه شوي صداع ..اخذ حبتين ويروح.. أم سلطان:اجل قوم يمه بدل ثيابك وتعال العشا جاهز... ؛؛؛؛؛؛؛؛؛؛؛ ..الساعـــــــة 9،15 صباحا..بالمدرسة الثانويـــــــــــة.. ..بمجرد مارن جرس الفسحة الاوالبنات ركض برا الفصول يبون هواا ولعب وسوالف.. طلعت نوار علبة العدة من الشنطة وحطت المراية عالطاولة وخطت الكحل بعيونها الواسعة ونزلت خصلات من شعرها الناعم القصير وليست قبعة لأنة فصل شتى وهي تموت بالقبعات والجزم السبورت.. نزلت بسرعة من الدور الثاني وهي تأشر على صديقاتها رنا وليان وراحت تركض لهم:هاااااااااااااي رنووو رنا:هايين..وراك مسرعة لاحقك جني؟ نوار وليان:ههههههههه نوار:كيفك ليان؟ ليان:أنا تمام وش هالحلا وش هالزين اقوووول؟؟؟ بقى كحل بالسوق ماحطيتية بعيونك؟؟!! نوار:يووووو حرااااااام عليك تعرفيني من يوم يومي مااحب عيوني الابالكحل رنا تعلق تبي تستفز نوار:مع هالقبعة صايرة ولد مو بنت نوار تبي تحرق دمها:وشفيهم الأولاد؟ ماكنك كل ماشفتي واحد حلو انهبلتي علية وقالت تقلد صوتها..الله ياريت يجي يخطبني ليان:ههههههههههه والله رديتي عليها نوار:افا عليك نحن لها رنا:لاواللة هاللحين ماتفقتوا إلا علي ؟؟!! جات ريماس ومها وطبوا عليهم من ورا good morning نوار:good morning ازيكووو يابنات؟؟؟ ريماس تقلدها:دحنا بخير نحمد ربنا كملتها مها:مرسي اوي اوي أنتي إخبارك أية؟ نوار:ههههههه تماااام ليان:نحنو هنا ريماس:كيف حالك ياحلوة؟ ....وكملوها لعب وسواااااااااااااالف.... .................................................. ....... طلع فهد جوالة من جيب ثوبه وهو متمدد على الأرض بالصالة وحط كم مخدة تحت راسة واتصل على سامي..(سامي صديق فهد الروح بالروح ومثل الأخوان) فهد بكل حماس:الووووووووووو سامي:درينا أنة الووو فقعت طبلة أذني!! فهد:هههههه نجيب لك بدل الطبلة بيانووو سامي:ههههههههه ياثقل دمك ياشيخ فهد:أعجبك.. المهم حبيت اذكرك بموعدنا اليوم المسا بنوقع الأوراق للمشروع سامي:أنا مانسيت وبجهز الأوراق المهمة..طيب بتجيني والاانا اجيك؟؟ فهد:ألا أنا بجيك..لو عليك روحتنا ماتصير7 تتحول الى9 سامي:افااااا لهالدرجة عندي خلل بالمواعيد؟؟؟ فهد:أي دايم نظام المتزوجين كذا سامي:احلــــــــى ياعزابي أنت فهد:اجل مثلك؟ سامي:اهاا يللا اذلف موفاضي لك هاللحين فهد:هههههههokنلتقي المسا ..مع السلامة.. سامي:بحفظ الله.. قمر وبأيدها كاسة الشاي تقدمها لآخوها :عسى ماشر أشوف ضحكك واصل للسطح؟! فهد:ابد بس اكلم سموي اذكره بالموعد قمر فااااتحة عيونها:أي موعد؟؟؟!! ابتسم فهد ابتسامة خبيثة وهو يرفع بحواجبه:موعد غرامي قمر:هههههههه أنت؟؟!! قول كلام ثاني ..لا أنت شايل الحريم من راسك مدري ليه؟؟ فهد:أن حطيت بنت براسي عزاللة فشلت بشغلي الحريم مايتركون للرجال وقت يحك فيه راسة.. قمر:هههههه والله انك غريب!!! اقووول اشرب الشاي أحسن شي.. .................................................. . ...بيت بوسلطان... ريماس طبت على سرير أختها:أقول الماس؟ الماس بدون نفس:نعـــــــــم؟؟؟ ريماس:بلاك شي عافاني الله شو هالرمسة هاي بعد؟؟؟ الماس:ههههههه احلـــــــى عالاماراتي امووووت انا.. ريماس:شفتي؟ هذا انا عدت مزاجك الماس:طيب قولي وش عندك؟ ريماس:وش اللون اللي ودك تلبسية بيوم ملكتك؟ انا احس السكري حلووو مرررة ونعومي.. الماس:احلفي بس!!!وشو سكري هي ليلة ملكة ولاليلة عرس؟؟؟ لاانا افكر في البرتقالي الهادي او الاحمر لانة يليق لبشرتي البيضا ..وسرحت بخيالها وهي تقول بداخلها:ولو ان ودي البس اسود لأني حاسته حداد موفرح ..مع أنة شاب كويس وطموح بشغله لكن مدري ليه أحس أني تسرعت؟؟!! وقطعتها ريماس بهبالها المعتاد:وش عليهم البيض يناسب عليهم كل شي مو مثلي!!! الماس:بالعكس السمار يجنن بعدين أنتي موسمرا أنتي صاحبة بشرة قمحية أو مثل مايقولون حنطاوية ...وتمددوا ثنتينهم عالسرير وكملوا سواااالف إلى المغرب.... ؛؛؛؛؛؛؛؛؛؛؛؛؛؛؛؛؛؛؛ ؛؛؛؛؛؛؛؛؛؛؛ بمجرد ماصلى سامي فرض المغرب إلى راح ركض عالغرفة..يدور بمفاتيح الدرج الخاص بالأوراق المهمة يبي يجمع الأوراق اللازمة للتوقيع.. ورن جوالة:هلافهد فهد:هلابك عجل أنا قرب بيتك بسرعة الله يخليك تأخرنا أنحاس سامي وهو يجمع أوراق هنا وهنا ونادى على زوجته :عهووووووود الشماغ بسرررعة وراحت تجيبه بسرعة من الغرفة الثانية ومن ربشتها تعثرت رجلها وطاحت بالأرض وصرخت.. فز سامي من مكانة واوراقة بأيده ونسى درجة مفتوح:عهود علامك بسم الله عليك صار لك شي؟؟ عهود:لاحبيبي خذ شماغك ويللا لاتتاخر..اخذ سامي شماغة وركض عالباب... عهود راحت للغرفة بترتاح شوي وشافت الدرج مفتوح ولأول مرة!! جمعت كم ورقة طايحين بالأرض الاوتطيح عينها على اللي بداخل الدرج...!!! ........ياترى وش بتشوف عهود؟؟؟؟؟؟؟!!!! ......................................

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 06-05-2009, 04:36 PM
مليت انا دنياي مليت انا دنياي غير متصل
©؛°¨غرامي جديد¨°؛©
 
الافتراضي رد: اغليه..يعني اعشقه..اعشقه يعني اموت فيه..


بدايه حلووه بس ياليت تكبرين الخط وتخلين سطر بين الكلام
عشان نقدر نقرا


موفقه باذن الله

تحيتي
مليت انا دنياي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 06-05-2009, 04:48 PM
سكــــــرهـ في زمن مــــــر سكــــــرهـ في زمن مــــــر غير متصل
©؛°¨غرامي مجتهد¨°؛©
 
الافتراضي رد: اغليه..يعني اعشقه..اعشقه يعني اموت فيه..


بليييز بعدي بين السطور ,,,,,,,,,,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 06-05-2009, 06:58 PM
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: أغليه يعني أعشقه ، أعشقه يعني أموت فيه


,’


بسم الله
مسآءك بالمثل شعلوله


يآ ليت تكملينهـــآ بـ الموضوع الأول لـ نفس الروآية
https://forums.graaam.com/196652.html#post6922987
و مثل مآ قآلوآ اللي قبلي يآ ليت تستخدمين الـ enter بين كل جملة و الثآنية



موفقة إن شــآء الله



,’


الرد باقتباس
إضافة رد

أغليه يعني أعشقه ، أعشقه يعني أموت فيه

الوسوم
رواية سعودية رومانسية جناااااااااااان
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
أغليه يعني أعشقه .. أعشقه يعني أموت فيه شعلولــــه26.. أرشيف الروايات المغلقة - لعدم إكتمالها 6 12-05-2009 07:07 PM
أعشقه ويعشق غيري قلب ميت من الإهمال خواطر - نثر - عذب الكلام 14 18-02-2009 06:23 PM
تابع / ماذا يوجد بخاطرك الان العين الكحيله العاب - مسابقات 2174 14-03-2008 03:56 AM
كؤس الغرام لعمده المصريين عمده المصريين شعر - قصائد - قصايد - همس القوافي 8 22-11-2006 11:08 PM

الساعة الآن +3: 04:31 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1