منتديات غرام روايات غرام روايات كامله - يتم نقل الرواية هنا بعد اكتمالها شيطان الحب /بقلم التوائم عروس الظل وزغاريد صبايا؛كاملة
copy twins ©؛°¨غرامي مجتهد¨°؛©

السلام عليكم ورحمه الله وبركاته
القصه منقوله
علشان ابرئ ذمتي
بقلم
Maxim of twins

عروس الظل وزغاريد صبايا



][ ◊~~¤ ~~،،Enchanting twins

،،~~~~¤◊ []
((الفصل الأول ))

البيت صاير ضجة وخصوصا غرفة داليا..... لان كل صاحباتها مجمعين معاها اليوم....
موسيقى ..ورقص ..وحش وسوالف ....وحلويات وايس كريم وعصيرات من كل الانواع
يعني بلمختصر ((جمعة مراهقات بعمر 17))
فجأة ....وقفت الموسيقى .....
روان : ليــــــــــــــش وقفتي الموسيقى داليو ؟
داليا اشرت على ساعتها : الساعة تسع ونص ؟
ريم : اووووووووووه نسيت وقت جلسة الصراحة
داليا حركة شعرها بدلع .. وأبتسمت .....قامت طفت الانوار ولعت شموع
وكونو البنات حلقة ..
جلست داليا وسط البنات واخدت جوالها .....وبدت العبة
طلع الدور ان ريم تسأل روان .. بدت العبة هيك إلى ان وصل دور .......داليا وروان
روان سألت داليا :مريتي بموقف حلو وفي نفس الوقت صعب ...يعني مستحيل تنسيه ؟
داليا جلست تفكر (موقف حلو ..ومستحيل أنساه .....وفي نفس الوقت صعب ....)
ومن غير شعور جى في بالها الموقف الي صار الها من ((عدة سنوات))
مرة ....كانت داليا تلعب كرة سلة بملحق بيتهم .. كان الوقت قريب المغرب ..والجو كان حلو ..رمت داليا الكورة في السلة بس للأسف ماسددتها صح ....عصبت ورمت الكورة على الجدار ...أرتدت الكورة بعيد .....وملت داليا ترجعها .....وفجأة ماتشوف الا شاب طويل وسيم ...ياخدها وبكل براعه وبسهولة يسددها في السله ... تعلق بسله لدقيقة ونزل وهو يضحك ...
الشاب كان باسل ..ولد جيرانهم وصديق اخوها محسن الروح بروح ...
باسل : شرايش فيني ؟؟؟ أحلى لاعب صح ؟
داليا أخدت الكورة منه وبعصبية : مغرور .....الحين برويك
باسل " ههه .... بليز لاتحاولي ..... لعبش يخوف .... اخوي الصغير يلعب احسن منش ههه
داليا حاولت تلعب صح .... لكن للأسف تركيزها ضايع .....حاول ياخد الكورة منها لكن ماقدر ... داليا تعرف تحاور لكن مبتدأة بتسديد ....باسل يحاول ياخد منها الكورة ...وهو يقول : لاوالله زين تعرفي تلعبي ....
وداليا تضحك .....حاولت تسدد ضاعت منها الكورة ....واخدها باسل ....وسدد الرمية الأولى ...داليا مايأست ...حاولت مرة ثانية ....واخدتها .....وهالمرة ظلت معاها فترة طويلة ... باسل صابه اليأس ...وهو يحاول ياخدها من عندها ...وداليا تنرفزه ....
داليا : يالله يالبطل ... بنت تهزمك هههه .....وتدلعت بشعرها وهي تضحك ...أنتبه باسل انها قصت شعرها
باسل أبتسم فجأة ...وتقرب الها يحاول ياخد الكورة : داليا ...صايرة تهبلي بالقصير
داليا تلخبطت ..انحرجت ..انعفست خلقتها ...ماركزت وضاعت منها الكورة ...واخدها باسل وهو يضحك ....عصبت داليا ......ولأراديا تركض تسحب الكورة من عنده ....والتقت نظراتهم مع بعض .. وبالغلط اصطدمت جبتها .......بجبهت باسل .......أثنينهم أتالموا ....داليا أنحرجت بقووووة
وسكتت......داليا : اسفة ...
باسل : لا عادي ......
فجأة يسمعوا صوت محسن ينادي على باسل : باسلــــــــــــــــــــــــو
داليا أتبهدلت .... راحت تبي تدخل البيت ........الا باسل ينادي عليها : داليا ...... أنا..
ألتفت داليا ...الي يوقفها محسن
محسن : ويش قاعدة تسوي ؟؟
داليا : ولا شي .....
ودخلت البيت
نرجع إلى جلست الصراحه .......روان : يالله داليو ويشو الموقف ؟؟؟؟؟
داليا تفكر : ولا شـــــــــــــــــي (لسبب حبت تحتفظ بهذه الذكرى إلى نفسها وبس )وأخدت تفكر بينها وبين نفسها : من زمــــــــــان ماشفت باسل ولاسمعت اخباره ...ودي اشوفه
...........][ ◊~~¤ ~~،،Enchanting twins ،،~~~~¤◊ [].........
اليوم الي بعده ........
صحت داليا من النوم متأخرة .......لانها امس كانت سهرانة مع صاحباتها سهرة ولا أروع سوالف وحش وجنون وضحك .. نزلت الصالة وكانت الاخت مونسة على الاخر... تمشي وهي
تدندن بكم اغنية حافظتها ,, دخلت المطبخ ...وعند باب المطبخ ...... كان في كاس ماي بااااااااارد ......حست ان في احد قاعد يدور على اكل في الثلاجة ..وقالت في بالها هذا اكيد جوادو ماغيره ...... خلني اضحك شوي وتقوم تكب الماااي عليه ويصرخ : ااااااااااااه افف
((للأسف كان الوالد)) .. وتفطس ضحك على حال ابوها
الوالد وهو معصب : الله يغربل بليسش انتي ويش بلاش ؟؟؟!!!!!
داليا وهي تضحك : والله ماكان قصدي .. بس فكرتك محسنو.. قلت خلني اتسلى شوي
الوالد : الحين كل هالطول والعرض حسبتيني محسن
داليا :هههه لاني ماشفتك ههه
تجي الوالدة :عسى ماشر.. ويش صاير عندكم من الصبح صراخ وحالة ؟!
الوالد : الانسة داليا.. كبت فوق راسي كاس ماي باااااااااااااارد تقول ويش؟؟ حسبتني محسن!! الظاهر خايفة على الاكل بالثلاجة يخلص ههه
داليا : ليش انا فيل اساس تقول كذا ..( تسوي حالها زعلانة (اماه شوفي رجلش ويش يقول عني وانتي ساكتة ..خلاص... زعلت مابي فطور
الوالدة : حدك عاد ابوعلي هذه الغالية ها ؟
الوالد : اشوفكم اتعاونتوا عليي المفروض انا الي ازعل مو هي ؟
توها الوالدة بتتكلم الي تسمع صوت محسن وهو يضحك ويقول
محسن: فشلتنااااا هالسحالي يقدروا عليك ؟
الوالد: اي سحالي اي خرابيط والله مو فاهم عليك ؟!
محسن : اوووووه نسيت انك من العصر القديم .. طيب راح اشرح لك .. السحالي مصطلح يطلق على الانثى في هذا العصر ..أما بنسبة لشباب الكول فيسمونا بكل فخر(( تماسيح)) احم احم
الوالد : اهاااااااا وانا افكر بتقول شي مفيد طلعت تهربد وبس
هههههههههههههههههههههههههه <<داليا وامها
محسن بغضب : الشره مو عليك ....عليي انا الي جاي ابي اطورك عشان تواكب العصر
الوالد : اقول أسكت بس لا اسحب منك مفتاح السيارة ههه



بعد ماخلصت العائلة الفطور ......قامت داليا تشوف التلفزيون... وتغير من قناة إلى قناة مالقت شي تشاهده .....أما الوالدة راحت تسولف مع صديقتها أم صالح وضرب حش وسوالف في خلق الله ....عز الله راحت فيها الشرقية مابقه بيت الا حشو فيه إلي انخطبت والي مااتت والي ولدت والي والي .. تعرفو ا سوالف الحريم الي ماتخلص.......
الوالد قاعد يقرا في وحدة من مجلاته المفضلة ويشوف ويش اخر الاخبار عن الاسهم والسياسة
داليا : افففففف ملل انتظر الأجازة من زمااااااااان والحين ملانة مو عارفة ويش اسوي في عمري ...طاالعت الساعة ....شافتها 11 الظهر وهذه فطمو متى حظرتها بتجلس خلني اروح اشوفها
فاطمة عمرها 19 سنة اكبر من داليا بسنتين
داليا 17 سنة طولها متوسط جذابه وخفيفة دم مرحة ومحبوبة من الكل
فاطمة جميلة وتهتم في الأزياء طويله وذكية
محسن 22 سنة كوميدي لأبعد الحدود وسيم
علي كبير العائله 28 سنة يكمل دراسات عليا بالجامعه
قبل لاتركب داليا إلى فاطمة..... صاحت امااااااااه.. لايكون ماراح نسافر هالسنة ذيك السنة جلسنا بالبلد بس على حساب محسنو طايح الحظ راسب في ست مواد ....... لااماااااه هالسنة نبي نسافر نشوف العالم
الوالد : بعد كبت الماي البارد لاتحلمي تشوفي الشارع .....
داليا بحزن : حراااااااااام عليــــــــك والله مو قصدي
الوالد/: تبي تشوفي الشارع ؟؟؟؟؟
داليا / أكييييييييييييييد
الوالد اوكي افتحي الباب .. فتحته ....الوالد: شفتيه ..... سكري الباب واخد يضحك ضحك ماسكت من الضحك
داليا بعصبيه حست حالها غبيه !!!!!! تقول في بالها ياربي ابوي كانه واحد مراهق شوي ويصير واحد من ربع محسنو
عصبت ومشت وهي تدق الارض بقوة مابي اشوف شي مايحتاج نسافر
الوالد:طالع ذي عصبت ؟؟؟ بس حبيت انتقم منها ... بس والله ضحكتنا هالملسونة
عادي بعدين اراضيها بكم كلمة .....
الوالدة " انت ماتجوز عن سوالفك ابو علي .. مسكينة بنتي احس بشعورها "
الوالد :اكيد تحسسي لعبت فيش ايام الخطوبة ........وجلس يضحك لو ماسوالفي ماوقعتي في غرامي
الوالدة :يالله عاد ؟؟؟ واثق من حالك .... ترى حتى اني مرحة والله ويش رايك ابو علي؟
اخد يفكر يبي يلعوزهااا : امممممم شوي... على خفيف انتي مرحش مثل محسنو يوم هو في متوسط يعني في بداية نجومية المسخرة
عصبت وقالت: الغذا من المطعم اليوم
انصعق /:هي هي زعلتي صحيح؟ لالالا انتي اكثر وحدة مرحة ياعمرررري
الوالدة :الحين عمرك ها ؟؟؟؟....... (وضحكت) ههههههه شفت كيف لعوزتك ههه
نزلت داليا من فوق وهي كانت تسمعهم في الاساس
داليا :اخ منكم اخ بس طايحين في بعض غزل ونسيتوني اقول قوموا حجزوا الكم طيارة إلى شهر العسل الجديد بس
الوالد :والله فكرة ام علي!
داليا :بس لاتنسوا قبل كذا اليي جناح خاص ها ؟
وضحك الكل
نزلت فاطمة: شوووووو على وين شهر العسل لايكون داليوا انخطبت واني نايمة ...
قالت داليا: لايفوتش وحجزت الصاله بعد
فاطمة :افاااااا ولاتعزميني
داليا :اه اه اه لو شفتي رجلي يطيح الطير من السمااا
فاطمة :بسش احلام عاد ......ماتنحدي على شي ...على طول تنفعلي ....قومي حبيتبتي وجيبي فطوري
لو سمحتي ابي فطيرة جبن ... وكورسان .. وعصير برتقال إلى الحمية
داليا :الله كل ذا حمية .؟؟
ضحكت فطيم :اييييييي ليش اني احتااج إلى حمية قاسية ؟؟؟ طبعا لا..... خافي على نفسش كرشتش بدت تنمو هههههه
نزل علي وهو يدلك رقبته: صباح الخير
الكل صباح النور

لي :اماااااااه اليوم راح يجوا اصحابي.. هالله هالله بالغذااا ماوصيش احلى طبخة من احلى ايد بالعالم لاني بصراحة قلت الهم امي ستولت على قلب ابوي من غذاها وتحمسوا الشباب هههههه
الوالد : اشوف تطلع اشاعات من وراي يالذيب ؟!
علي : ماقلنا الا الصج يباااااا ... اشوفك وانت تاكله...... شوي وتاكل اصابيعك وراك هههه
الوالد : بالغت يولدي .... هو اكلها حلو وعجيب ... بس سويتني واحد مو شايف خير
علي: من يقول هالكلام اقص رقبته انت الخير واهله
الوالد :تسلم يولدي

الساعه 12 قبل وصول ربع علي ومحسن
قعدت فطيم وداليا في الصالون وهم يتكلموا عن سوالف المدرسة والجامعه
شوي وتدق روان صاحبة ...داليا بالمدرسة وصديقتها الحميمة وصندوق اسرارها
وتنسى داليا فطيم وتروح تسولف مع روان بالجوال وتاخدهم السوالف ركبت داليا إلى غرفه المكتبه وهي تسوالف مع روان وتقول :بكلمش على بيتكم الحين لاني ابي اخد راحتي بسوالف معاش الحين بدق
سكرت الجوال
قبل لاتدخل المكتبة قامت فاطمة تنادي داليا بصوت مرتفع لانها كانت تحت ودليا فوق :داليــــــــــــــوه وصمخ
داليا بصوت عالي:
لحظة يالمصون بجيب دفتري الكيمياء من المكتبة ( كان فيه رقم بيت روان الجديد )
توها بتدخل المكتبة فتحت الباب الي شافت صاحب محسن ورفيق عمره (باسل) بالمكتبه ..طالع فيها وهو منصدم ...وهي اختلعت وتبهدلت وتفشلت سكرت الباب بسرعه وراحت غرفتها وجهها صاااار احمررر وهي تسب وتلعن في اخوها الي ماقال الها عن باسل .......:يااربي فشلة اني وين اودي وجهي الحين ...؟؟؟؟؟؟ ولا لابسة هالبجامة على الاقل لو كنت كاشخة شوي كاااااااااان .. ولا شعري صاير كشة ~<<<<<<<<< طالعت المرايا لالا امشي الحال <<< فاضية صحيح
ذكرت كلامها أمس توها تقول في بالها .....وحشني باسل ..قامت تفكر من كم سنة ماشفته ؟؟في شنو قاعدة أفكر ؟؟ اصلا كنا جهال قبل .الحين العلاقة بينا صارت غير ..الحين أني صرت مرة .. >>>>البنت لسا مراهقة هع هع
في المكتبة ...][ ◊~~¤ ~~،،Enchanting twins ،،~~~~¤◊ []
........
باسل هذه داليا الي من شوي صوتها موصل إلى اخر الدنيا تبي دفترها الكيمياء ههه
والله كبرت ......وتغيرت ...(قام يفكر) أتوقعها لسا فاشلة بسلة هه...(باسل حن إلى ايام الطفولة ....والمراهقة ...كان دايم يسولف مع دليا ...لكن الحين الوضع غير )
مرت عشر دقايق وهو جالس لوحده يستنا محسن قام يدور في المكتبة ويتفحص الكتب من الملل
وفجأة انتبه إلى دفتر على طاولة قرا الي مكتوب عليه
داليا........ مادة كيمياء...... الصف ثاني\4 ثنوي علمي
صابة فضول يبي يعرف الي فيه .......قال غير دفتر كيمياء عادي مع انه حسه ان الشي عيب وخصوصي ..... قعد يتصفح الدفتر فتح على اخر صفحة( الاخ كانت عنده نظرية ان أخر صفحة في الدفتر تكشف عن شخصية صاحبه )شاف خاطرة واضح ان الخط خط داليا
وكانت الخاطرة بعنوان
((بحيـــــرةالعشق))
في عينيك .........أرى بحور العشق تنهال علي بأحلى كلام .......
وفي نظرتك أرى طقوس الحب تقام ......
من قال أن العشق حرام ....لم يعرف سحر الغرام؟؟
فبعينك ........أعرف أني موجودة
وأني أحد العشاق ......كنت ومازلت الملاك الذي يجثم في أحلامي
والعازف الذي يحرك أوتار قلبي .........
ويجعلها أنغام تخيم في أذني .........
بمجرد رؤيتك.. مشاعري تتدهور.. وتتشت ..
وتضيع مني الكلمات ..وأحاول أقتناصها .....وأصطيادها ......كما يصطاد الصياد الغزال ..
لقد كان طيفك يداعب مخيلتي الخصبة دون كلل أو ملل ..
لماذا لأن تختفي وتهجر موطن العشق؟! لماذا تتركني جثة مهملة..... تجلس على أعتاب موطن الذكريات؟؟(ذكريت ....داليا كتبتها غلط )
باسل :وااال كل هذا عشق الاخت عاشقة


فجأة حس بغيرة غير منطقية على داليا
انا في ويش قاعد افكر يمكن هي ناسختها من مكان او حافظتها او.. او...( قعد يحط احتمالات إلى كل شي)
وفي الوقت الي هو قاعد يفكر فيه شاف جنب الدفتر قلم وجت على باله فكرة مجنونة بس صمم ان هو ينفذها
كتب جنب الخاطرة تعليق (( إلى العاشقة الولهانة الخاطرة حلوة لكن كلها اخطاء املائية ومعانيها مو واضحة واتمنى انك تتحسني اكثر في الكتابة تحياتي صاحب الخيال * (( وسكر الدفتر
بعد مدة......
فتح محسن الباب : اسف تأخرت عليك لان كنت أسولف مع الوالدة
باسل : كان تأخرت بعد شوي يمكن ماتغديت بعد ..قوم اتغدى ...او اقول لك..... ليش بعد ماتسافر ههه
محسن : اخاف بس زعلت ؟؟
باسل بنظرة غريبة : انت شكلك ناسي ان انا باسل انا مازعل وقلبي طيب ولايحقد على احد
محسن : اقول بسك مدح يبو قلب ابيض ماقلت الي ويش ناوي تعمل في الاجازة؟
باسل : والله مو عارف بس افكر اروح البحرين يومين...... يعني مافي مشاريع معينة في بالي
محسن :اهاااااااااا يالله يبو الشباب خلنا نقوم نطلع شوي توا مهندو داق عليي يقول قابلوني في الكورنيش
باسل : طيب ويش ورانا

copy twins ©؛°¨غرامي مجتهد¨°؛©


][ ◊~~¤ ~~،،Enchanting twins ،،~~~~¤◊ []
في غرفة داليا ..... اقول فطوم كيف شكلي صاير <<<<< الاخت لسا تفكر في الموقف
فاطمة تبي تلعوز اختها :امممممممممم كيف بعد وحدة مشللة وجرفلية خخخ
داليا : صحيح انش وحدة ماتنعطى وجه.... اتحداش اني حلوة لو ويش كنت لابسة
فاطمة: اذا كنتي واثقة بحالش الى هذه درجة ليش مكلفة نفسش وجاية تسأليني ؟ ها
داليا : اممممم بس كذا ابي اشوف ذوقش .... بس طلعتي ... ماعندش ذوووووووق ههه
فاطمة : هههه لا اذا تبي الحقيقة .... عادي مثل
داليا : صحيح ؟؟؟؟؟؟؟!!!!!!!
فاطمة : أي صحيح
تنفست داليا الصعداء :ويييييييه الحين ارتحت
فاطمة طلعت داليا بنظرات غريبة: وليش مهتمة بحالش الى هذه الدرجة ؟؟؟أحنا في البيت يعني مو مهم !!
داليا : لالا بس روانو قامت تتلكم عن المظهر والجمال الطبيعي.. قمت افكر كيف شكلي في البيت ؟؟
وهيك شي وشكيت في حالي وضاق خلقي ..
فاطمة : وانا افكر السالفة مهمة طلعت باخية مثلش ههه
داليا : هههه
(بعد ساعتين طلعوا الشباب )
راحت داليا المكتبة تاخد دفترها وتدور الرقم وهي معصبة لانها ماشافت الرقم....... رمته على السرير
افففففف ملل لا طلعة ولا شي
(دقت على صديقتها روان )
داليا :هلا روانو لحقي عليي ملااااانة
روان : طيب ويش اسوي الش؟؟؟؟
داليا :شوف هذه وانا اقول مافي الا توأم روحي تسليني وتنصحني... طلعتي طايحة حظ الشره مو عليش عليي اني اللي وثقت فيش
روان : داليا ويش فيش اكلتيني امزح معاش هههه
داليا : هذا مزحش بايخ مثلش ههه لا عن جد ابي حل ؟
روان : طيب اممممم انتي ماعندش هوايات اكتبي......شاهدي... اقري.. اقعدي على النت
داليا : النت مليت منه... والتلفزيون مافي شي تعرفي حزة المدرسة درزن افلام الحين ولا شي
روان : خلاص مابقى الا الكتابة اكتبي ؟
داليا :طيب .. هي خلصتي رصيدي ههه يالله باي
روان : صج بخيلة هه اوكي باي
ترمي داليا بحالها على السرير وقامت تفكر ويش تكتب فتحت دفتر الكيمياء على الصفحة الاخيرة ونصعقت من الي شافته .........
مسكت الدفتر وهي متفاجأة قعدت تقرا الكلام وتعيده مئة مرة
قالت بينها وبين نفسها ...:من الفضولي ثقيل الدم الي يتجرأ ويقره خواطري ... اني ماخلي أي شخص مهما كانت منزلته يقره خواطري..... عصبت ولا بعد .....حظرته الاخ مصدق حاله جاي ينتقدني بعد .........قال اخطاء املائيه. قال....... لايكون معلم عربي واني مادري ؟

((إلى العاشقة الولهانة الخاطرة حلوة لكن كلها اخطاء املائية ومعانيها مو واضحة واتمنى انك تتحسني اكثر في الكتابة تحياتي صاحب الخيال))
عصبت ورمت الدفتر .. المعاني مو واضحه هذا لان هو شخص مو روامانسي قال معاني مو وضحه قال اففف .... بس يمكن كلامه صحيح ... اول مرة واحد يصارحني... على الاقل كان صريح
حاولت تهدي اعصابها وجلست تفكر مـــــــــن ؟! يمكن محسنو هو اكثر شخص يجلس بالمكتبه
وفجأة تذكر يمكن ....باسل ........... حست بالفشله وقالت لالالالا مستحيل مبين عليه واحد رزة وخوش ولد .... لو كان هو ؟!!!! ياربي وركزت على كلمة ( العاشقه الولهانة ) وجهها صار احمــــر على اصفر لو كان هو بتفشل ويش بقول عني .... ويش الي اكتب خواطر اعتزل المهنة احسن لي .... لحظة لحظة يمكن فطمو ... بسأل كل الي في البيت وممكن تكون روانو بعد من دون مادري لالالا هو قال صاحب الخيال يعني ذكر تمساح رجال ولد صبي > ويش في بعد كلمة ماقالتها الاخت برمجتها اختربت هه
يمكن روانو تبي تعمل مقلب فيني ماتجوز هالبنت خلني اتصل عليها
طوو طووووو طوووو ماردت وينها ذي بعد
روان : هلا داليو ويش تبي مو رصيدش مفنش ؟!
داليا: روانو ماتجوزي عن سوالفش ؟
روان متفاجأة:و يشووووو ؟
داليا : صاحبة الخيال هـــــا ؟
روان: ؟؟؟ مو فاهمة عليش,,,, أي صاحبه أي خرابيط؟ خيتو يبي الش تقضي وقت فراغش في أي شي لان الظاهر خرفتي
داليا :بليـــــــز روانو اني موصله حدي ومو ناقصتني ملاغتش



روان !!!!!! والله مو فاهمة عليش ... غناتو قولي ويش صاير؟
داليا : اني كاتبه خاطرة في اخر دفتري الكيمياء وشفت تعليق باسم صاحب الخيال هذا انتي او لا
بليزز قولي لاتكذبي عليي انتي او لا
روان : عجبني اسم صاحب الخيال ههه لالالا غناتي اني مادري عنش انش تكتبي خواطر بالاساس وليش اسوي حاجة زي جدي
داليا : متاكدة مو انتي ؟
روان : قسم بالله مو اني
)قصت داليا على روانو الي صار.........(
جلست روان تفكر: امممممم اسألي محسن ممكن هو؟؟؟
داليا: بس ليش محسنو يكتب هالكلام ؟
روان :امممم والله مادري بس عندي فضول اعرف من ؟
][ …………………….◊~~¤ ~~،،Enchanting twins ،،~~~~¤◊ []..........
.......بعد مدة نزلت داليا الى امها وختها وسألتهم الكل جاوبها بنفي
دخل محسن الصالون وجلست العائله تسولف.. والكل مونس ..اما داليا مو مع العائله بسوالف .....مخها كان في مكان ثاني
الوالدة قالت :يالله العشا جاهز قوموا على المطبخ
قام الكل اما داليا... ماسمعت امها تناديها فضلت بالصالون ....
فطيم : داليو قومي العشا جاهز
اختلعت داليا :اوكــــــي الحين جاية .....
فطيم : مين سعيدالحظ الي تفكري فيه ؟
داليا : هيهي ومين يعني غيرش؟
= والله تسلمي غناتي بس حافظي على صحتش عشاني قومي نتعشى
= صدقتي عاد ؟
= تفكريني غبيه مثلش قومي بس
وصلوا المطبخ ........
وفي نص العشا يدق جوال محسن يرفعه وضرب سوالف مع الي بالجوال وبصوت رفيع
بعد ماسكره سأله اخوه علي: من ذا الي تكلمه؟
= ماغيره صاحب الخيال
= صاحب الخيال ؟؟؟ من
= باسلو ...... حظرته عازمنا انا والأهل على حفل خظوبة اخته زهرة
تفاجأت داليا ......فطيم استغربت تقول في بالها :ويش فيها داليو منصفعه؟؟
داليا تقول في بالها ياويلي ويلاه انفضحنا ...... !!!!! ليش الملقوف يقره دفتري اففف
◊~~¤ ~~،، ،،~~~~ Maxim of twins◊~~¤ ~~،،<<حكمة التوأم ((أحكام القلب يستأنفها العقل دائما))



copy twins ©؛°¨غرامي مجتهد¨°؛©



عصبت وسألت اخوها بعفوية: وليش يعني أسمه بجوالك صاحب الخيال ؟
محسن : هو يحب نسميه بجوالتنا صاحب الخيال .... وبعدين ويش الي مدخلنش بنص السالفه ها ؟
= بس مليت واني اسمع سوالفكم حرام يعني نسولف معاكم
= لا مو حرام بس سوالف رجاجيل مو حريم
= هيههي السوالف تبقى سوالف سواء للحريم او للرجاجيل
علي : كلام اختك صحيح خلها تسولف معانا .. شكلها متضايق من الاجازة مسكينة لاتنكد عليها لا ألفخك كف ....
محسن :اشوف صرت محامي الدفاع عنها !!!!
داليا /:تسلم اخويي الله لايحرمني منك ويرزقني رجال مثلك يارب
داليا تكلم ابوها : متى راح نسافر ..... لاتنسى ( وهي تطلع في اخوها ) السنة الي فاتت ماسافرنا بسبب بعض من الناس
الوالد : والله وقت مناسب لمناقشة المكان الي راح نسافر فيه ... ويش رايكم ياولادي...... وين تبو تروحواهذه الاجازة ؟؟
الوالدة: والله الشور شورك يابو علي
الوالد :انا بشوف كلام اولادي وبعدين نقرر
علي : المكان الي تشوفه
فطيم امممم ماليزيا ؟
داليا : ودي اسافر الخارج بس مراعاة لظروفك المادية.... المكان الي تشوفه قريب هع؟
محسن :طالع ذي ظروفك المادية قصري لسانش لااقصه
داليا :ماقلت شي احب امزح ويه ابوي
الوالد :وهو يضحك والله حلو مزاحش بس انا راح اسفركم الى................ الى ماليزيا
فرحت داليا وفطيم :كـــــــــــــــــــووووول مشكور يأحلى ابو بدنيااااااا
الوالدة : ولدي محسن ... متى حفل خظوبة خت باسل ؟؟
محسن: مادري يمكن بكرة
:أي لازم يولدي اروح هذه ام باسل ماغيرها...... لازم اروح ابارك لها وتعرف علاقتنا بهم قوية جيران واصحابنا ومتربين عيالي وعيالها مع بعض ...... من يوم كنتوا صغار....
داليا :بجي معاش ..... زهور صديقتي ولو انها اكبر مني بس احنا صاحبات وبقول الى روانو تجي معانا
محسن : من متى وهي صاحبتش ؟
داليا : مو شغلك سوالف حريم
وضحكت عليه ..... امزح معاك من زمان يحظي..........
((بعد العشا......))
داليا ...اتصلت الى روان وخبرتها السالفه
روان :هههههههههههههههه (وهي مو ماسكة حالها من الضحك )
داليا : ليش تضحكي؟
روان : بذمتش ماتحسي الموقف يضحك؟
داليا : لا ليش.. جاي وينتقدني وعلى أي اساس..... وبأي صفة ؟
روان : يمكن قصده ينصحش مو ينتقدش..... وبعدين هو قال انها حلوة بس يبي الها تعديل
داليا : ومن قال اله اني ابي نصيحته ؟ وهذه خصوصية
روان : بس هو قالها باسلوب
داليا : انسان مغرور وملقوف
روان : الي يسمعش يقول باق منش حاجة شوي وتقتليه....... ترى السالفة ماتستاهل
داليا : وليش ماتستاهل؟ هذه خاطرتي وتعبر عن مشاعري وماحب احد يشوفها حتى انتي اعز الناس عندي ماقلتها الش
روان : طيب والله اني حاسة فيش غناتي لكن اعذريه يمكن لان هو مايدري انش ماتحبي احد يشو ف خاطرتش ......... احمل اخاك على سبعين محمل
داليا :يمكن...... بس يظل ملقوف
روان : ههه وظريف
داليا : ظريف ؟ ليش شفتيه عشان تقول كذا ؟؟؟؟؟؟؟؟ ...
روان : امممممم لا بس اسمه المستعار عجبني صاحب الخيال ....تحسي حق احد رزة وكووووول
داليا : خخخ اصل صاحب الخيال اسم سخيف ومو مميز وبايخ
روان : ههههه الى هذه الدرجة حاقدة عليه ؟؟؟
داليا : لا مو حاقدة
روان : طيب غناتي امي تناديني
داليا : اوكي بس قبل لاتقومي نسيت اقول الش بكرة راح نروح حفلة زهور ؟
روان : طيب على الساعة كم ؟
داليا : ثمان
روان: اوكي باي
داليا : باي
داليا تفكر ...أكيد باسلو بيسخر عليي الحين ...من يوم أحنا صغار وهو ملقوف ....وتخيلت وجها وفي أبتسامه ((ساخرة)) ...كأنه يسخر عليها ..وعصبت ...ومسكت المخدة وهي شوي وتصيح ....وتقول أفـــــــــــ أفــــــــ
أم بنسبة الى روان.......
بعد ماسكرت التلفون من عند داليا .....روان رفعت جوالها الي كان يدق بنغمة (اغنية كارول ومروان (يارب تكون .... ايامنا سوى ويظل على طول جامعنا الهوى .. يارب تكون يارب تكون)
روان وبصوت ناعم : هلا حبيبي ...هلا عمري ....ليش كل هالغيبة يلملقوف هههه؟؟





copy twins ©؛°¨غرامي مجتهد¨°؛©

....][ ◊~~¤ ~~،،Enchanting twins ،،~~~~¤◊ []..........................
في اليوم الي بعده الساعة سبع اليل كانت داليا محتارة ويش تلبس كل الي في كبتها طلعته ...مابقت بلوزةاو فستان اوتنورة او بنطلون ماطلعته
قبل ماتوصل فطوم الى غرفة اختها قالت ويش داليا خلصتي ؟؟ فتحت باب الغرفة وانصعقت
: دالياااااااااااااااااااااوه لسه ماخلصتي .؟ انتي شوفي الساعة كم (((( واشرت على ساعتها )))))
داليا ( شوي وتصيح *) والله مو عارفة ويش اختار ساعديني انتي خبرة في هالاشياء ؟
فاطمة : اه.......... اوكي شوفي هذه البلوزة مرة روعة عليش ولونها مناسب لش
داليا : طيب ويش البس معاها ؟
فاطمة : البسي معاها تنورة قصيرة عشان تبرز طولك وجسمك
داليا : اوكي مشكورة غناتي
فاطمة : العفو ماسوينا شي .... انتي بس روحي بدلي مافي وقت اكثر
داليا : طيب ..... زين اني استشور شعري .. والمكياج انتي الي راح تحطي الي صح ؟
فاطمة : اشوف استغليتيني انا ويش الي اجي غرفتش ( تبي تلعوز اختها )
داليا : فطووووووووم كملي معرفوش...... بليـــز..... والله متورطة ومو عارفة ويش اسوي بعمري؟... ارجوش بغسل المواعين عنش ....... وبرتب غرفتش ..و.....
فاطمة : هههههههههه لو تشوفي حالش وانتي تترجيني كان فطستي ضحك هههههه اقول روحي بدلي بس
داليا/: نحيييييييسة ههه اوكي
بعد مابدلت قامت فطوم تحط الميكب حق اختها
وبعد ماخلصت شافت داليا نفسها بالمرايا وهي متفاجاة طالعه حلــــــــووة اول مرة تحس حالها شيك .....ظلت خمس دقايق وهي تطالع في نفسها
قالت فطيم: اعرف اعمل ميكب صح ؟
قالت داليا :لان وجهي حلو صار الميكب حلو هههه
فطيم: ناكرة جميل يالمغرورة
داليا :امزح معاش خيتو مرة روعة مكياجش
بعد ساعه وصلوا بيت باسل .......
وكان الكل هناك مونس وخاصة زهرة كانت بجد حلوة ومستانسه لان خطيبها كان ولد عمها الي يحبها وجنن عائلته عشان بس ياخدها وتحقق حلمه اليوم
راحت داليا الى زهرة : مبروك خيتووو
زهرة :الله يبارك فيش عقبال مانشوف عروس
داليا : بدري عليي .... بيني وبينش .... اخاف من الزواج ....ومن الرجاجيل بشكل خاص ههههههه امزح وياش ..... اصلا الي بياخدني امه داعيه له هههه
زهور : هههههههه شرايش فيني طالعة قمر؟؟؟؟؟؟؟
داليا : افكورز ..... عقبال ماشوف دبتش وانتي حامل وببطنش قمر ثاني هه
زهرة : كلام باسلو تعيديه هههههه ...... مابي احمل من الحين توه الناس
روان طالعت في داليو وتقول الها بصوت نزيل:..... ماشاء الله التفكير واحد هههه .... تناسبوا الى بعض هههه
عصبت داليا وجلست على الكرسي الي جنبها وهي تقول :صدفة ....
دارت راسها والي تطيح عيونها على صورة معلقه على الجدار كانت صورة الى زهرة واخوانها لثنين باسل ويوسف زهرة في( الوسط) والعائله في الحديقة مصورة
كانت جنب باسل دراجته وجنب يوسف كرة قدم
وشعر باسل طاير ولونه بني....... صاير بصورة اشقر لان ضو الشمس منعكس عليه
قالت داليا في بالها: اذكر يوم اني صغيرة مسكينة منسحرة عليه كنت دايم العب معاه..... ياربي غباء.... اتوقع اني حبيته فترة من الزمن..بس كان يعاملني كني وحدة من ربعه ...يمكن لاني كنت العب معاهم كرة قدم هههه كنت احب العاب الاولاد.......
تذكرت مرة كانت تتتمشى جنب بيتهم وهو كان توه راجع من المدرسة قال الها :داليو تعالي برويش حاجه
داليا: ويش تبي باسلو؟؟؟؟ كان عمرها خمس سنوات وهو ثمان
تعالي ..... بقول الش سر
راحت داليا ودخلت معاه بيتهم انتظرته جنب المدخل....
دخل ورمى شنطته وطلع..... وفي ايده بوضة عطاها واحد وهو في ايده واحد
قال الها: ترى البوضة (أيس كريم ) حق يوسفو بس انا تفشلت عندنا ضيوف لازم نكرمهم ههههه
داليا بعصبيه: مناديني عشان كذا .....(تخليني اشترك وياك في جريمتك) ...ها ؟
باسل : داليو امزح وياش .... يالله عاد اتحدى ماتحبي هذه النوعيه ادري عنش تحبيه\
استحت:ها من قال ؟
بااسل :شفتش مرة تشتريها ههه يالله همي برويش السر
مشت وياه شوي الي يجي وراهم يوسف كان عمره 12 سنة :هي انتو ..... اختلعوا (ثنينهم قالوا انكشفنا ) فلحوا وركضو.... وراهم يوسف: وقفوا ياغبياء !!!!!
وباسل يضحك
قال باسل :تعالي برويش مكان سري ببيتنا ونزلت وياه
وقفت وهي تتنفس بسرعه من كثر الركض : وين هو ؟؟؟
وبكل قوته باعد مكتبة صغيرة بس ثقيلة .......ورى المكتبة باب قديم
فتحه وقال :يالله ادخلي
داليا :ماني اخـــــــــاف؟؟؟؟
طالع فيها بنظرة غريبه : جبـــــــــانة .... بقول الى الكل .. ان داليو جبانة..... داليو جبانه
تنرفزت :من قال .....مو جبانه .... وبدخل الحين تتحدى ولوحدي مايحتاج تدخل وياي .
مشت وهي تضرب برجولها الارض (حركت داليا اذا تعصب ) ودخلت وكان في ممر طويل مشت وهي خايفه دخل وراها وسكر الباب ظلم المكان شوي
قالت ليش سكرته؟
قال برويش الحين وكان عنده ولاعه شغلها ومشوا
وصلوا الى غرفه صغيرة وكان فيها مجسم الى سفينه هو صنعها ..... (فنان الاخ )وجنبها دفاتر واقلام والوان قال الها :هذه هو سري
ابتسمت وتوها بتتكلم الي يسمعوا صوت الباب والمكتبه تتحرك
الي هو يوسف سكر الباب عليهم....... انتقام لان اكلوا بوضته ( الايس كريم تبعه )
وهو فاطس ضحك
داليا خافت كانت بتصيح عصب باسل وراح يدفع الباب بكل قوته :يالغبي افتح الباب
هو يقول: لاتحلموا هذا انتقامي
داليا صاحت...... عصب باسل يالغبي وقام يسب فيه
ويوسف يضحك
باسل : داليو لاتصيحي بنطلع بس يبي يخوفش
داليا :كل منك لو ماكلنا البوضة ماعصب
شافت في عيونه نظرة حزينة ...... هو بس كان يبي يعطيها البوضة الي تحبه وهي تتهمه
يوسف اتصل اله صديقه على الجوال سمعوا رنة جواله وهو يقول الحين بجي الكم
باسل عصب زيادة
باسل : يوسفوه افتح الباب احسن الك
يوسف : .......
باسل : افتح البــــــــــــــــــــــــــــــــــــــــــاب!!! !!!
حقرهم وطلع .....
جلست داليا وهي تصيح نزل الها باسل: لاتصيحي داليو وطلع من جيبه حلاوة وقال ها خديه
داليا :مابيه .........
باسل صر عليها
داليا مسحت دموعها : طيب
مرة ساعه وهم محبوسين
بيت داليا دوروا عليها وابوها وامها واخوانها معصبين وين بنتهم
جا محسن يسأل عنها في بيت باسل بس ماحد شافها
وهم بعد يدوروا على باسل ولااحد شافه
بس يوسف الي كان يالعب كورة مع اصحابه في منطقه بعيدة....الي كان يدري عنهم
صارت الساعه 7 المغرب وماحد شافهم
في المقر السري
باسل كان قاعد وهو يدور في المقر على مخرج بس مافي
داليا اخدت حجرة وقعدت ترسم على الارض رسومات قال الها باسل ويش تسوي ؟
قالت من الملل ارسم وكتبت جنبهم التاريخ واليوم واسمها واسم باسل
طالع فيها وابتسم
فجأة يسمعوا صوت اختلعوا
وينفتح الباب وكانت ام داليا ومحسن .......معصب ومبين عليه تعبان وجنبهم ام باسل اول ماتقدموا ....حسوا الاهل معصبين... مشوا وهم خايفين
مسكت ام داليا .....داليا من ايدها بقوة وهي تصرخ عليها وتهزأها واخوها جرها من شعرها
كان باسل توه بيتكلم امه ضربت على ظهره بقوة
ورجعت داليا البيت وهي تصيح رمت بروحها على السرير وطاح الحلاوة الي من عند باسل طالعت من نافذة غرفتها على بيت باسل
قطع حبل افكارها وذكرياتها صوت روان وهي تقول من ساعة أناديش وينش ؟؟؟ وين وصلتي
طالعت فيها وهي تقول: ولاشي

copy twins ©؛°¨غرامي مجتهد¨°؛©

…………………◊~~¤ ~~،،Enchanting twins ،،~~~~¤◊ []..............
حست حالها غلطت يوم قالت عن باسل ان بايخ وسخيف وقعدت تفكر ليش اني اعصب بسرعه
بعد ماخلص العقد والكل بدا يطلع نادت زهرة على داليا راحت الها وحظنتها قالت الها
زهرة : داليا حبيبتي ممكن تجيبي جوالي من غرفتي نسيته؟؟؟؟؟؟سوري مابي أتأمر عليش بس انتي بحسبة اختي صح؟؟؟؟؟
داليا فرحت: اكيييييييييد
زهرة :غرفتي فوق جنب الحمام
ركبت واحتارت أي وحدة غرفتها... داليا كانت قليل مرة أذا تزور بيتهم.....كان في غرفتين جنب الحمام ..فتحت الباب الاولى.. وعرفت من شكلها انها غرفت الاولاد وشافت فيها السفينة الي كانت بلمكان السري بس كامله
وقفت خمس دقايق تطلع فيها وبعد مدة راحت غرفة زهرة....
كانت كلها بلون الوردي.. حست غرفتها حلوة مو مثل غرفتها خرابه قعدت تدور الجوال قامت تدور من بين الاغراض ولا شافته
قالت صحيح اني ذكية ليش مادق على جوالها ؟؟؟؟؟
وهي تدور على اسمها .......كان في احد يراقبها فترة ومشى
دارت راسها استغربت حست ان كان في احد ؟؟؟
دقت على الجوال وشافته جنب الكتب اخدته وهي طالعه شافت باب غرفة باسل مسكر
قالت شكله في احد داخل وقفت شوي وسمعت صوت حركة
نزلت ......
كان كلام داليا صحيح باسل كان يبي دخل غرفة اخته ياخد شريط بس استغرب يوم شاف بنت بالغرفه فدخل غرفته الين ماتنزل قام يفكر ...كأنها داليا؟؟؟؟
زهور : مشكورة غناتي
داليا :العفو
زهرة : اكيد شفتي غرفتي خرابه؟؟؟
داليا : شوفي غرفتي وتكلمي بعدين ههه
اتصلت زهرة على باسل تبيه يشتري الهم عشا
باسل رد عليها: مابنفتك منش مو انخطبتي قولي الى خطيبش يشتري الكم عشا
زهرة :لاوالله توني مخطوبة اتأمر على زوجي؟ لاغناتي ماراح تفتكوا مني الى اذا ولدت اول ولد
باسل :بل بل قلبي وجهش الحين بنزل ويش تبوا عشا ؟؟
زهور : داليو ويش تبي انتي وروان قولوا ترى باسل بالخدمة
داليا : اووووووو اكيد مدام صاحب الخيال هو الي بجيب العشا اجل راح نخسره نص ميزانيته هههه ( تعمدت تقول صاحب الخيال بصوت رفيع اساس يفهم انها قرت الملاحظة )ههه
باسل قعد يفكر شكلها قرتها لايكون زعلت بس
باسل : قولي الى صاحبتش صاحب الخيال كـــــــــريم
زهور : لاتنافق ...واجد عليك تشتري اليي ورود بمناسبة خطوبتي ههه
باسل يفكر بكفخش تفشليني ها بتشوفي لكن : طلباتكم ....يالله مو فاضي ابي انام \
زهور : اسكر وارد عليك
يوم نزل وقف عند الباب طلعت زهور اله
قال:ها ويش قررتو ؟؟؟ تعالي صح بقول الش يوم ركبت غرفتي شفت بنت بغرفتش
قالت :اييييي داليو ابيها تجيب جوالي ...لان فكرتك مو هني ..المهم ...
قالت الطلبيه
ويوم رجعت الغرفة
:اقول داليو كيف عرفتي ان اسم اخوي المستعار صاحب الخيال؟
داليا ( وهي مستغربة ( لالا لان اسمع اخواني يقولو صاحب الخيال قال وصاحب الخيال سوى وعرفت ان هو باسل ,,,,
زهور : اهاااااااااا
روان وهي تطالع في داليا بنظرة كأنها تقول والله انش مو هينة يا بنت بو علي هههه


copy twins ©؛°¨غرامي مجتهد¨°؛©



ااهاااااااااا
روان وهي تطالع في داليا بنظرة كأنها تقول والله انش مو هينة يا بنت بو علي هههه
داليا : بس شنوووووو
روان : لا ولاشي انتي روحي نامي الحين وارتاحي..............][ ◊~~¤ ~~،،Enchanting twins ،،~~~~¤◊ [].............
بعد مرور اشهر وبعد ماسافرت عائلة ابو علي الى ماليزيا وقربت العطلة من نهايتها قررو يرجعوا الى البلد
داليا قامت تخطط الى رجعتها وكانت ناوية تعزم صاحباتها كلهم لانها مشتااااااقة الهم وخاصة روان واشترت الى كل وحدة تذكار من ماليزيا
في الطيارة .... كانت داليا تسولف مع امها عن العزيمة وكيف تبي تستقبل صاحبتها
محسن : اوهو الحين بتصج راس امي هالدلوعة انتي كل شي في بالك تبي تسوي
داليا : وانت كل مرة اسولف مع امي تغصغص حالك يالغفيف
محسن : هاهاههاه اقول سكتي سكتي بس لا اخليش الحين تصيحي
داليا اشرت اله باصبعها (الاخت تستحقره (: انت انت تصيحني ؟ الظاهر ناسي من هي اني
محسن : لا مو ناسي ليش انتي تنسي ؟؟؟ في احد يشوف سبال بجمالش ينساش الي يشوفشش الصبح ماينام اليل تجيبي كوابيس لخلق الله
داليا ( عصبت ) : افففففففففف اماااااااااااه شوفي ولدش ويش قاعد يقول مصدق عمره الظاهر ماشاف وجه في المرايا عدل
ام علي : وانتوا وين ماتروحو تشابقوا عقلوا عاد الحين احنا مو في البيت فشلتونا وانت محسن انت اكبر منها صير عاقل عيب عليك
محسن : ويش اسوي اماه فاضي ماعندي شي مليت
داليا : وماشفتني الا اني تسل وياي الله وتسلية عاد؟..
محسن : اتحدا ش اذا ماسويت الك اكشن
داليا : خخخ هذا عندك اكشن فعلا انت صحراووي \
محسن :/ احترمي حالش عاد
جى الوالد وادخل :محسن خلاص اسكت عن اختك وانتي دالياو ماتجوزي عن طوالت السان
جت المضيفة وزعو الطعام على المسافرين وبعد مرور ساعات وصلت الطائرة الى البلد
وداليا خلاص ماعاد فيها صبر تبي ترجع البيت بسرعة وتكلم روانو وتشوف اخبارها
دخلوا البيت وكل واحد راح الى غرفته وداليا على طول تروح الى جوالها وتفتح وتدق لى صاحبتها مع اان كان يمديها تاخد معاها جوالها لكن ا تعمدت تتركه تبي الكل يشتاق الها <<<<تسوي حالها حركات
طووووووووووووط طوووووووووووط 00( يالله روانو رفعي والله مافيني صبر ))))
روان : الووووووووووووووووو وييييييييييييييييينش داليوووو ينحسة مشتاقة الش
داليا : شوي شوي عليي ترى اذوني راحت فيها من صوتش وانتي بعد والله مشتاقة الش تونا من شوي واصلين وعلى طول دقيت عليش
روان : والله تسلمين غناتي وانتي اكثر وربي ..... كيف كانت ماليزيا ؟؟؟؟؟ ويش صار معاكم\
واخبار الوالدة واخوانك واختك ؟؟؟؟؟؟
داليا : كلهم تمام المهم بكرة راح اعزم الكل على بيتنا ابي اشوفكم كلكم ..... اخبار زهورو والباقي
روان : كلهم تمام ....... بس

دالياو : اقول روانو بل حركات ماصخة وقولي
روان : والله ولا شي ليش عصبتي
داليا : علينا هالحركات ناسية اني اعرفش ولا يمديش تخبي عني شي
رواااااان ( مو عارفة ويش تقول قالت خلني اقلب السالفة مسخرة لان حست الوقت مو مناسب إلى هذه السالفة ))))))
ضحكت هههههههه بس كنت العوزش وافور اعصابش ......وقدرت هههههههههههه
داليا : هههه متأكدة والله انش فاضية مع ان السالفة مو داخلة مخي ابد
روان : صدقيني مافي شي لو في انتي اول وحدة تدريني
ام داليا : داليااااااا دالياااااااا
روان : يالله روحي إلى امش صار الها ساعة تناديش
داليا : اهاااااااا اي تبيها من الله اوكي باي
روان : باي
روان متوترة ومو عارفة كي تقول السالفة إلى داليا
ليش انا لمحت الها مو قادرة امسك حالي لازم اقول الها ........
داليا : ويش فيها روانو انا عارفتها زين........ اكيد في شي بس شنو الله اعلم
هين وراك وراك وزمن طويل اكيد راح اعرف ..... اخاف السالفة كبيرة والله قلبي معورني في احد صر اله شي ...... يارب خير يارب
رمت داليا بحالها على السرير ومن دون ماتحس غطت في سااابع نومه
جلست داليا من النوم وقامت تطلع في سقف الغرفة وفجأة ابتسمت لانها رجعت اخيرا إلى الوطن طالعت في النافذة وكان واضح ان لسا نهار قالت في بالها شكلي مانمت واجد لان لسا الوقت بدري طالعت في الساعة تشوفها اربع تفاجأت
الا نمت واجد احنا ثمان الصبح واصلني ....... يالله فوت صلاة الظهر
قامت وبدلت وصلت ونزلت شافت امها جالسة تكلم تلفون
مشت إلى المطبخ ونادتها امها : دااليا حبيتبي الغذا في الفرن اذا تبي
داليا : طيب .... اماه فطوم جلست لو لسا ؟؟
الوالدة : الا جلست
داليا : اها اجل اروح اناديها تتغدى معاي
داليا : فطووووووووووووووووم فطوووووووم وصمخ
الوالدة : وليش ماتركبي الها يعني؟؟
داليا : اممممم توني نازلة ملانة
هزت الوالدة راسها ورجعت تسولف مع صاحبتها
فطوم كانت قاعدة تقرة في قصة
بعدين سمعت صوت داليوا
فتحت باب غرفتها
وراحت عند الدرج : نعم ويش تبين صوتش وصل لبيت الجيران ووووويش؟؟
داليا : تعالي تغدي معاااااااي
فطوم : مشكورة غناتي بس ابي اكمل القصة وثاني شي تغديت خلي محسنو يتغدى معاش لان ماتغدى
داليا: ها عيدي ماسمعت ؟؟؟؟ تبني اتغده مع واحد مثل محسنو لالالا اتغدى بلحالي واجد احسن
فاطمة امممممم على راحتش ورجعت إلى غرفتها وقبل لاتدخل داليو صح بسألش كلمتي روان اليوم ؟
داليا : اي ليش؟
فاطمة : عرفتي الي صار (( تغيرت ملامح فاطمة ))؟
داليا انقبض قلبها : ليش شنو صار؟
فاطمة عرفت ان ...............روان....... ماحبت تقول إلى داليا عشان ماتعكر مزاجها
فاطمة : لا مو مهم الموضوع .... انتي روحي تغدي الحين بعدين اخبرش
داليا : لالالالالالالالالالالالالالا اكيد في شي انا حاسة قولي فطوم ؟؟؟؟؟
طيب بس اوعديني اول انك تتغدي والله عمري ماراح اقول الك ...
داليا : طيب
وراحت إلى المطبخ وبسرعة اكلت اكلها وتحس ان الاكل بيغص في حلقها وبعد ربع ساعة دخلت غرفة فاطمة
داليا : يالله فطوم قولي ماقدر اصبر اكثر من كذا ؟
فاطمة : سمي بسم الله ترى الحاجة تصير في اي بيت
داليا : فطموه بل مقادمات بايخة وقولي
فاطمة: ام داليا بلمستشفى .... وحالتها خطيرة
داليا :ااااااااااااااااه شهقت وحطت ايدها على فمها ودمعت عيونها وجلست لاأراديا على السرير
: حبيبتي روان اكيد الحين حالها يكسر الخاطر على امها وتبي احد يوقف معاها ... في اي مستشفى وكيف عرفتي ؟؟؟
فطوم : من صديقتي منال اهي تعرف عائلة روان عدل واصلا الخبر انتشر
داليا : طيب في اي مستشفى ؟
فطوم : في مستشفى سعد
داليا : انا راح اكلم روان واخبرها اني رايحة ماقدر اخلي صديقتي في هذه المواقف
فاطمة : اوكي بس قولي إلى امي اول وخلي محسنو يوصلش ويكون معاش مو عدلة بنت لحالها من غير رقيب ولا حسيب .. ويمكن اجي معاش
داليا : طيب

copy twins ©؛°¨غرامي مجتهد¨°؛©



][………….. ◊~~¤ ~~،،Enchanting twins ،،~~~~¤◊ [].................
في المستشفى .................
روان كانت طالعة من غرفة امها وملامحها متغيرة وو اضح الارهاق في وجهها
داليا : رووااااااااااااان
روان : داليووووووووووووووووه
وحظنوا بعض وكل وحدة متمسكة في الثانية بقوة وعلى طول روان تصيح وداليا وراها
داليا : ليش ماقلتي الي؟
روان : ماحبيت اعكر مزاجش انتي توش رادة من السفر
داليا : وليش من هذه الصديقة الي ماتشيل هموم صاحبتها اذا حتاجتها ؟
روان : .... ماحبيت اخرب عليش يومش
داليا : لاتقولي كذا روانو .. طيب وينها امش وكيف حالتها ؟
روان : الحمدالله احسن بواجد
داليا : الحمدالله ان شاء الله تقوم بسلامة واضح التعب عليش انتي تاكلي زين ؟ اتنامي زين ؟
روان : ايييييي لاتخافي عليي
وفي نص سوالفهم وصلت ام وشاب وكان طويل وحلو وكان طول الوقت يطالع في روان ومعاه باقة ورد كبيرة........ داليا حست ان بينهم شي ..... الام الي كانت معاه سلمت على روان بتحية حارة
الام : كيفش روان ان شاء الله تمام انتبهي لحالك بتي واي شي تحتاجي قولي واتصلي لا يردك الا لسانك..... الوالدة غالية علينا ولدي مهند ماراح يقصر..... متى احتجي شي تكلمي
روان : تسلمين خالتي والله انكم ماتقصروا ولا تحاتي ا ني مو محتاجة شي ابوي مو مقصر كلك ذوق
الام :انتي هني من زمااااان وشكلك مانمتي حبيبتي انا موجودة لاتخافي على الوالدة ردي البيت ونامي الك شوي وبعدين تعالي
رون : والله انك ماتقصري.......... اخوي بيجي بعد شوي ياخدني
الام : من هذه ياروان ........سامحيني بتي اخدتني السوالف ولا سلمت عليش\
كان مهند مستند على الجدار ويشوف الي يصير
داليا : عادي خالتي كل واحد
روان : هذه اعز صديقاتي وتوأم روحي داليا
الام : يحليلكم والله احسكم تتشابهون واضح ان علاقتكم قوية دوم ا شاء الله.... يالله انا استئذن اشوف الوالدة
دخلت الغرفة ودخل معاها مهند ....... وقبل لايدخل ابتسم إلى روان ابتسامة حلوة خلت روان منحرجة حدها مو عارفة كوعها من بوعها
داليا اتعجبت من الموقف وروان سوت حالها تبي تشرب ماي قامت داليا مسكتها من ايدها : تعالي روانو ويش سالفتش؟
روان : هاااااااااااااااااا ويش سالفتي ماعندي سالفة؟
داليا :ليش مفكرتني عمية ولا اشوف تتبادلوا نظرات ..وهومن ابتسم الش.. الدنيا مو واسعتش
صايرة تخبي عني هالايام واني كل سوالفي تعرفيها ؟ لكن الي يقول الش سر
روان : والله مافي شي بس هبالة بتضحكي عليي ( البنت لسا مستحية )
داليا : ههههههه انتي شوفي حالش عيونش وجهش احمر كانه طماطية الي يشوفش يقول تحبي
روان : صحيح؟؟؟؟؟ّ!!!
داليا : مو بس تحبي متولعة بعد ......
روان : هههه طيب راح اقول الك .......شفتي هذا الشاب الي دخل يصير ولد عمي واسمه مهند وكان كل يجي بيتنا يوم كنا صغار ويلعب وياي هو اكبر مني بست سنوا ت المهم ...
طبعا كان مهند قبل الأربع سنوات يسكن مع روان في نفس البيت يعني لان ابو روان وابو مهند أخوان اشتروا الهم نفس البنايه وكانت بلكونة روان تطل على بكلونة مهند ومن هني تبدي القصة
◊~~¤ ~~،، ،،~~~~ Maxim of twins◊~~¤ ~~،،(( عيون الناس مرأة نفوسهم)) انتظروا القصة

copy twins ©؛°¨غرامي مجتهد¨°؛©

.][ ◊~~¤ ~~،،Enchanting twins ،،~~~~¤◊ []............
لما كان عمر روان تسع ومهندو 15 كانت جالسة في بلكونتها تلعب مع ختها وكان مهند من يوم هو صغير يحب يرسم وصاحب خيال واسع ورومانسي شاف روان ..وتعود يكلمها ويسهروا مع بعض وهم يسولفوا من البلكونة حتى هي صارت متولعه في سوالفه
مرت اربع سنوات يعني صار عمرها 13 وهو 17 وهم على هذه الحال حتى مره هي تجلس تقره وهو يصورها وهي ماتحس سألته ويش تسوي؟؟؟؟
مهند : ماقلت الش هوايتي الجديدة ؟
شنو هي ؟
مهند :التصوير ان شاء الله راح تشوفيني عما قريب افضل مصور بالعالم وراح تفخري انش نسيبتي
ضحكت :هههه واثق من حالك
مهند :أكيييييد ويش رايش فيني انفع مصور؟!!
روان :اممممممم ...... يمكن ويمكن لا هههههه امزح معاك وأحلى مصور كمان
مهند= والله روان فرحتيني أهم شي رايش
روان :واللـــــــه ؟
مهند :اي والف والله
مهند : روان انا راح أقول الش شي ...) استحى وحط ايده على شعره (..... أنا
= روان مبتسمة :اي قول ويش فيك متلعوز؟؟
طالع فيها وفي عواينها ..... انا
جت اختها الكبيرة روانو من ساعه ادورش .. سكتت....... انتي هني...( طالعت في مهند على البلكونة الثانية ).........انتو ويش سالفتكم كل يوم هني ها؟؟ ..... كانت خت روان في عمر مهند تقريبا
روان :ولا شي بس كذا نسولف
مهند: اسف على الازعاج بس لان بصدفة انا طالع وشفت روان قمت اسلم عليها هي كانت بتدش بس اخدتنا السوالف
خت روان ماخلت مهند يكمل كلامه: اهاااااا بس .بس دشي روان الحين امي تبيش ..الحين
وهي معصبة دخلت روان بعد ماسلمت عليه
في اليوم الثاني من الفجر كانت روان صاحيه جلست تشتم الهوا وقعدت تسترجع الاحداث الي صارت وجلست تفكر ويش كان يبي يقول مهند ؟؟
قطع حبل افكارها صوت مهند وهو يقول :صباح الخيررر؟
اوتعت من غفلتها: صباح النور
مهند :فطرتي ؟
روان :لا لسـا مو مشتهية ؟ وانت ؟
مهند :ودي اعزمك على احلى فطور بس مفلس ههههههه طرار وأشرط خوش عزيمة صح ؟
روان :ههههه اقول اعزمني على سوالف
مهند :تأمري امر
روان :بقول الك...... شنو الشي الي كنت تبي تقوله امس ؟؟؟؟
سكت مهند: هااااا؟
روان :ويش فيك اختلعت ؟؟؟؟ في شي كبير ؟؟ عمي في شي؟؟؟؟
ضحك مهند/: فال الله ولا فالش لا بس.... مسألة قلبيه
روان :ها هههههه مسألة قلبيه ؟؟
مهند :روان بسألش انتي في مرة حبيتيه ؟؟
تفاجأت من السؤال سكتت تقريبا عشر دقايق ..... ماتوقعت هذا السؤال ...!!
مهند :اسف يمكن صرت جريء بس انا بصرااااحه ..صرت ...احبــــش
طالعت في وهي مو مستوعبة السالفه سكتت ماعرفت وش ترد عليه ....!!
طوال اربع .....خمس سنوات وهم على هالحال ولا مرة خطر في بالها ان تنشأ بينهم رابطة كذا
مع انها يمكن كانت تحس بشعور عميق تجاها......ظلت ساكته
كانت توها بترد عليه جى اخو الكبير طالع في روان بنظرة غريبه ونادى على اخو في داخل
مهند= روان اذا ماتحبيني قولي عادي انا راح اتقبل منش هالشي صحيح صعب على قلبي ....
نادى اخوه بعصبيه يالله بسرعه
سكتت ماعرفت ترد عليه عصب ودخل
دخلت غرفتها واول مادخلت ماشافت الا كف يصفعها من اختها
قالت ويش هاللكلام الي تتكلميه ... لو احد شافش يالغبيه .... انتي ماتستحي على وجهش
ماعندش حيا ولا ضمير .......ويش تبي الناس تقول عنه ؟؟؟؟؟؟ انتي لو ابوي شافش اوسمعش وانتي قاعدة ومهند يتغزل فيش
كانت الدموعه في عيونها قالت: لا احنا مانتكلم باهالكلام اصلا بس اليوم وهو مااكان قصده شي
أخت روان قالت: اسمعي اني بخلي السالفه سر بينا بس ماشوفش تقربي إلى البلكونة فاهمة ؟
سكتت ..... طلعت ختها
وجلست التصيح على السرير.......بعد ساعه كتبت رساله إلى مهند وردت عليه انها خلاص ماراح تقرب إلى البلكونة لان اختها ماتسمح لها وماتبي تسبب مشاكل وتكبر السالفة وتدخل العائله فيها اما بنسبة إلى انها عاشت قصة حب فردت عليه انها ولا مرة وبنسبة إلى مشاعرها تجاها ففضلت ان هذا الشي سر وخاص بها رمت الرساله إلى بلكونته .....ودخلت.......
بعد ساعه طلع مهند إلى البلكونة طالع في غرفة روان شاف نوافدها مسكرة مو عوايدها تسكرها جلس ينتـــــــظر.... ينتــــــــــظر..... مرة ساعــــــتين ........وهو ينتظر ..دخل
تقربت روان إلى نافدتها تشوفه اذا شاف الرساله للأسف ماشافها..دخلت ........
طلع مهند وهو معصب جلس على الكرسي وهو شارد ويفكر.......
وندم لان قال الها ......بعدين جلس يطالع في الارض بعد خمس دقايق .....انتبه إلى ورقة وفيها حجرة.....
شال الحجرة وقره الورقة وعرف انها من روان نزل ايده بخيبة امل
ورد عليها في رسالتها وقال الها .......
احترم رايش وانا واثق فيش واعرفش بنت ناضجة ومتفهمة
واسف على سؤالي الغبي واعتذر اذا ازعجتش ولا راح اعتب باب بلكونتي اسف لاني حطيتش بموقف محرج مع اختش واذا تبي اجي اعتذر إلى اهلش انامستعد
(واجابته بنفي مالا داعي الاعتذار)
وظلوا يترسلوا بالورق اسبوع.....
مرة مهند قال الها خلنا نتكلم على الايميل رسلت اله انها موافقه وعطاها ايميله بس مرة اخو مهند شاف رساله منها ومن هذا الموقف حدثت مشكلة عويصة بين العائلتين
قرروا عائلة مهند ان ينتقلوا من البيت ........
لكن روان ومهند يتوصلوا على الايميل .....وهذا الش لازال إلى الان ....من دون مايدري احد



VEN!CE يـآرب مآلـي ســـوآكـﮯ

,’


الله يعطيك آلعآفيه
موفقه آن شآء آلله



’,

الزعيـ A.8K ـمه δЯέαмş
مستشــ¸.·* غرام *·.¸ـــاري

,’


بسم الله
و عليكم السلآم و رحمة الله



يعطيك العــآفية
و حآبة أعرف إذآ هي كآملة أو لآ ؟!!



موفقة بنقلك إن شآء الله



,’

أدوات الموضوع
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1