غروب الشمس ^_^ ©؛°¨غرامي جديد¨°؛©

السلام عليكم

احب اطرح روايتي الجديده
وهي تختلف عن باقي الروايات في المضمون
كتبتها بالهجه العاميه


واتمني ان تنال الاعجاب







معاناة امرأة في رجل



في المستشفى وبتحديد في غرفت العمليات الكل يترقب وينتظر ....
......في الاستراحة أبو خالد على أعصابه وخالد واقف عند باب العمليات ينتظر

أبو خالد راح عند خالد والتوتر واضح على وجهه
أبو خالد : خالد يا بوك أنا كلمت عمك راشد يجي رح معه وخذ سلطان معك
خالد : لا يبه أبنتظر معك
ابو خالد : اسمع الكلام…….انـ
وشوي خرجت الممرضة من غرفت العملية الكل راح عندها خالد وأبوة
ابو خالد : ها بشري
الممرضة : مستر مبروك بنت مررررررررررره هلوه
ابو خالد : الله يبارك فيك ....ها كيف مدام كويس........
الممرضه: ايه مستر كويس واجد زين
خالد : أخيرا ما بغت البنت تجي
وشوي يطلع ابو خالد من جيبه 500ريال ويعطيها
الممرضة : شكرا مستر أنت في واجد كويس
خالد : الله خمس ميه مرة وحد وأنا أطلبك في 100 ما عطيتني ليت أنا من بشرك
أبو خالد يضحك ويطلع 500 ثانيه من جيبه :وهذي لك انبسط يا لله
خالد مصدوم يبه ما ني مصدق أحس إني أحلم 500 مرة وحد
وصار يطلع في الفلوس
أبو خالد علامك تطالع فيها شققت الفلوس
خالد : بس أتأكد أنها 500 أخاف أنها تكون 50 وأنا مدري
أبو خالد : ههههههههههههههه لا تخاف 500

خالد : ها يبه وش نسميها
ابو خالد : سارة
خالد: سارة......................ليش سارة يعني
أبو خالد: على اسم جدتك.......الله يرحمها يالله ندخل الحضانه نشوف اختك
خالد بفرحه :يا لله

أحداث القصة تدور حول سارة البنت الوحيدة من بين ثلاثة أولاد
خالد الكبير وبعدة سلطان وبعدة متعب وبعده سارة وبعدها نورة نورة تجي في نص القصة
عاشت سارة عيشه مترفة مع أخوانها وأبوها إلي يملك مجموعة شريكات لكن كان في طبعها شي من الصبيانيه لتعلقها باخوانها


غروب الشمس ^_^ ©؛°¨غرامي جديد¨°؛©

البــــــــــــــــــــــــــــــــــــــــارت الأول

في الصبح و مثل كل يوم أم خالد فتحت عليها الباب
أم خالد: سارة ...........سارة ........سارة
سارة ترد بكسل : هااااااااااااء ......
أم خالد : قومي يمه تشطفي والبسي تأخرتي على المدرسة
سارة : يمه دخيلك تركيني أبي أنام .........ما رقت من البارح
أم خالد : وأنا ليش اتعب نفسي
راحت عندها ورفعت البطانية وسحبتها وخرجت
سارة : يمه لاااااااااااااا ما أحب كذا هاتي الغطاء ........يووووووووووووووه
وقامت من فراشها وراحت عند أخوها خالد ودخلت معه تحت البطانيه
خالد وهو يتقلب فجاء حس شي بجنبه
خالد : بسم الله
سارة : خير.........أشفيك شايف جني
خالد :سوير ما ني ناقصك اطلعي من تحت لحافي
سارة ترد بخشونه : أقول يابو الشباب محد جاء يمك ريحنا
خالد : سوير قومي من فراشي
سارة : يا شينك وأنت تلزق محد جا يمك
خالد : نعم أنتي على فراشي يا شاطرة
طلت سارة بتصنع : ايييييييه صح شكلي غلطت

وخرجت وسحبت بطانيت خالد معها
خالد : أنتي هي هي وين رايحه هتي بطانيتي

خرجت ولا ردت عليه
وطبيعي خالد توجه لسرير سلطان وإنسدح بجنبه
وسلطان: اعوذ بالله من الشيطان الرجيم خالد
خالد : نعم
سلطان : ايش نعم ...............انت نعم
خالد : اسكت عني خلني ارقد شوي قبل امي ما تجي
سلطان: ورى ما ترقد في فراشك
خالد : سوير اخذت بطانيتي
سلطان : وانت ما تقدر عليها جيت عندي
خالد : ياربي اقول ابقوم عنك احسن لي
وقام وسحب لحاف سلطان وخرج
سلطان : خالد ........خالد ........بلا نذاله هت الحاف .......يؤؤؤؤؤؤؤؤ يا لله مشينا عند متعب

متعب سريرة صغير ولحافة على قده دخل عليه
سلطان كان جسيم ومليان برك على سرير متعب وفز متعب من سريرة
متعب : بسم الله ........ايش انت تبي تذبحني
سلطان : اقول ضف وجهك ابي انام
متعب : لحول واحنا كل يوم على هذا الحال سلطان قوم من فراشي قسم لتشوف شي ما شفتها
سلطان : ارقد محد ردك
متعب : من جدك انت وين ارقد أخذت ثلاثة أرباع السرير.......هي هي انت يدب قوم
سلطان بكل هدؤاء : دب.. اقول احترم نفسك وماااااااااني قايم
متعب :طيب أنا اوريك
ويروح متعب للمطبخ ويجيب جاك ماء ويكبه على سلطان ويشرد للحمام
سلطان تعود على جاك الماء ولا يتحرك من مكانه ويكمل نوم

تجي ام خالد وتسحب البطانيات من الجميع وتروح غرفتها وتقفل عليها
سارة: يمه حراااااااااااام ابي انام هاتي اللحاف
ام خالد : اقول لو ما بتقومين ابوكي يقومك
سارة : مابي مدرسه
ام خالد : نعم ........ايش ما ابي......... سوير وش عندك في المدرسه
سارة: يمه .........تبين الجد المديرة قالت ما تدخلين الفصل غير بولي امرك
ام خالد : خير ان شاء الله واحنا ما نكف من مصايبك
سارة : يمة ليش كذا
ام خالد تقلدها بعصبيه : يمه ليش كذا .....سارة تراني مو ناقصة انا حامل وانت بتولدين قبل موعدي
سارة : خلاص خليني أغيب اليوم
ام خالد : تحلمين قدامي أشوف على الحمام تشطفي وصلي وانزلي للفطور وأنا بجهز حالي أروح معك .......الله يصبرنا عليك بس

تعالوا نتكلم عن أخوان سارة
خالد: :::::>>> اكبر الأولاد عمره 23سنه مرح للغاية شعره اسود طويل لين تحت الأذن عيونه واسعه وخشمه طويل ومرسوم كنه سلة سيف يعني وسيم بالحيل مسوي سكسوكه مثل باقي الشباب طالعين فيها يشتغل في شركه مدير علاقات عامه ويحب سارة بجنون

سلطان :::::>>21سنه اولي جامعه ثاني أفراد العائلة هو جسيم مليان يحب الأكل اقصر من خالد بقليل لكن فيه جمال رائع خلها يفرح بنفسه ويصير أكبر مغازل الرياض جسمه على ضخامته إلا رياضي

متعب :::::>>>19سنه اخر سنه بالثانوي يحب الهواش وجاهز لأي فزعه لقبه ابو الفزعات صاحب مكيده ويحب نفسه كثير طويل مثل خالد وياخذ من خالد وسلطان في وسامتهم دمه ثقيل >>>>الله يعنكم عليه في القصه
ساره راح تتعرفون عليه في نص الحكايه

وفي الصاله كان العراك بين متعب وسلطان
سلطان : ثاني مرة اشوفك تكب الماي اشقق اذونك تشقق
متعب : وانت لا ترز وجهك عندي كل يوم يا ثور
سلطان بعصبيه : اقول احترم نفسك
خالد : بس......... بس بلا اهواش
سلطان :انت اسكت ماحد كلمك وثاني مرة ماعد اشوفك عند فراشي
خالد : لحوووووووووووووول
سارة : بس .....بس ....شباب وتاليتها.... ترى صجيتونا كل يوم هواش
خالد : انتي ياسوير راس البلاء
سارة ردت بخشونه وهي تروح عنده وتضرب على صدر بظهر اصابع كفها خالد : اقوووول يابو الشباب ريحنا وروق المنقاء
خالد : قسم هذي البنت بتخبل فيني....... هي انتي تراكي بنت مو ولد ايش هذي الحركات والله وبصبع مني اشوتك اخر الصاله
سارة بنفعال : هي جرب حضك شوف مد يدك وانا اوريك
خالد قام من مكانه وشلها فوق رأسه وصار يلف فيها الصاله وسارة تحاول تمسكه من شعرة وقدرت تحط ايدها على رقبته وشدت عليها خالد توجع من مسكتها وقف ونزلها وبعدها لفت ايده وخالد مستسلم ومبسوط عليها ونزلت علية وحطت ارجولها تحت رجوله وعنقلته وهو مستسلم لها ويضحك
خالد وسط ضحكاته : وربي انت بنت مو عادية انت كيف مجليسنك في المدرسه خخخخخخخخخخخخخ
ام خالد تدخل الصاله وتهاوش ساره: لا لالالالالاء انتي بتجبين اجلي .....ياربي ارحمني الله ما رزقني ببنت الله رزقني بالولد
سارة : ليش يمة هذا الكلام انا بنتك
ام خالد: نعم أي بنت شوفي حالك
سلطان : شوفي شعرك كيف معتفس
ساره ترد وهي تروح للمرايه : اشوف والله شعري طال شوي يمة اليوم بروح عند الحلااق أوه اقصد عند المشغل
متعب : لا حلاق ازين بس البسي ثوبي وتوكلي محد بيدري عنك اصلا لو دخلتي المشغل الحريم بيصيحون ( وصار يقلد صوت الحريم ) ...يوة وش مدخل هذا الرجال علينا
سارة : تتريق انت وجهك تعال يبلك كف يعدل راسك
متعب : لا لا تسلم يابو الشباب ولا لاء ام الشباب
سارة تعصب وتروح عند متعب وعلى رفعت يدها يدخل ابوها عاد لما يدخل ابو خالد سارة اجباري توقف ولا تقول كلمه وتعدل هدامها وتصير مؤدبه
ابو خالد : يالله تجهزوا انا بروح السيارة مابي تأخير
ولف على سارة سمعتي ياسارة
سارة بهدؤاء : ايه يبه
وعند باب المدرسه ساره وامها ينزلون من السيارة
وترح امها رأساً على غرفت المديرة وسارة لطابورها
كالعادة هي تجلس بجنب زميلاتها جواهر
جواهر : سوير علاامك تأخرتي
ساره :على بال ما وصل ابوي اخواني
جواهر تناظر الباب : ساره امك جات ؟
ساره :ايه
جواهر:طيب ايش بتسوين ام البنت إلي ضربتيها جات
ساره بدهشه :احلفي
جواهر :والله
سارة :ياولي اقول انا بروح الحمامات تجين معي
جواهر :طيب
وتسحبت جواهر وسارة ورحوا الحمامات
جواهر : تعالي انتي ايش بتسوين
سارة :اصبر بس اعلمك الشغل العدل
وتطلع سارة من جيبها قروش وتحك جسمها وعطت جواهر تسويلها
جواهر : انتي مجنونه كذا تشوهين جسمك
سارة :احسن يالخبله بطلع اللغلط عليها
جواهر :ياسلام وجسمك يأمر فيه
سارة :لا تخافين يومين وتروح
جواهر: طيب ليش كذا
سارة :اقولك والله لو ابوي درى عن الهوشه والله معد تشوفيني في ها المدرسه
جواهر :والله اخبل من مخك مافي دام انتي عارفه كذا ليش تضربين البنت
سارة ترد بعصبيه : افقعت مرارتي كل يوم ترز وجهها ويا شينها يوم تلزق ......احبك وما احبك وجع
جواهر :طيب قولي لأ مها كذا
سارة: لا يا صويحبتي انا اعلمها شغلها انا عندي تربية عدله إذا امها ما ربتها
جواهر :اقول تركي عنك الهواش صجيتينا من كثر هواشك
وبعد ما خلصت من حك الهلل عدلت حالها واستعدت لمواجهت ام البنت
وبهدوء راحت لطابورها وهي ماسكة يد جواهر وقفت وباين الخوف في عيونها


غروب الشمس ^_^ ©؛°¨غرامي جديد¨°؛©

البــــــــــــــــــــــارت الثاني
عيونها
وبعد لحظات المراقبة نادت على سارة وطلعتها من بين الصفوف
وخرجت من بين الصفوف والأنظار عليها
لها مشية مميزة فيها شي من الخشونه رافعة أكتافها وصدرها وكانها داخله ميدان حرب
سارة : نعم انا سارة
المراقبة تطالع فيها من فوق وتحت : تعالي واري مكتب المديرة
وراحت غرفت المدير ودقت الباب
المديرة : تفضلي
دخلت وشافت امها والمرشدة والبنت وامها
سارة : السلام عليكم
ام البنت انذهلت من منظر سارة بنت طويله واكتافها عريضه وشعرها قصير زي الولد عيونها واسعة وحواجبها كثيفة وملامح وجهها واقفة وفي شعر خفيف على الشارب كانت ولد في صورة بنت ولابسه تحت الفستان بنطلون جنز عشان لشمرت فستانها ماتبان رجولها
ام البنت : لا لا لا معقول هذا شكل بنت هذي متأكدين انها بنت
سارة : لو سمحتي احترمي نفسك
المديرة : بس ولا كلمة ضارب البنت وتتكلمي بعد .................يا ام سارة ترى بنتك مفصوله
ام سارة بدهشه : مفصوله...... لا الله يخليك
سندس بدهشة : لا ابله الله يخليك انا متنازله عن الشكوه
ام سندس: نعم نعم ما تشوفي وجهك اقول انطمي ........لا ياحضرت المديرة الولد هذي لزم تتأدب
ام سارة : ولي يخليك لا تفصليها اخر مرة معد تعاودها
وتروح عند سارة وتمسكها من أذنها وتشدها
المديرة : اسفة اولا ً بنتك هذي مو اول مرة تضرب بنت يمكن فوق العشرة تفقش لي وحدة وتكسر يد وحدة
وثانياً منظرها مو منظر بنت بصراحة...... شوفي بالله شوفي والله لو لبستها ثوب محد عرف أنها بنت لا وحاطة كحل اسود على فمها تقول شنب
ام سارة : لا بنتي ما تسوي كذا بنتي حتى الكحل ماتحطه في عيونها
المديرة : انا اوريك انه كحل
وقامت من مكانها وجابت مناديل وصارت تفرك في فم سارة ويطلع المنديل ابيض
انحرجت المديرة ورجعت لمكانها
وبكل هدواء تقدمت سارة
سارة : معليش اتكلم؟؟........... ابي ادافع عن نفسي
المديرة : ولك عين كمان
سارة : تبين تفصليني افصلي....ماهمني ... بس اعرفي اسباب إلي خلاني اضربها ها يا سندس اتكلم ولا انت تتكلمي .........قولي لهم ليش ضربتك
سندس : ............................................
سارة :اكيد بتسكت ماعندها جواب وبعدين انا ربي خلقني كذا عاجبكم عاجبكم مو عاجبك مع السلامة

وخرجت من غرفت المديرة وشالت شنطتها وراحت للحمامات ودخلت واحد منها وانزوت على نفسها في زاويه وجلست وضمت رجولها لصدرها وصارت تبكي وشوي وتجي جواهر
جواهر : سارة ...........سارة ........افتحي انا جواهر
سارة مسحت دموعها وأخذت نفس وخرجت
سارة: هلا جواهر ايش إلي نزلك من الفصل
جواهر: قلقت عليكي ها بشري
سارة :الكلبه فصلتني
جواهر: مين الكلبه
سارة :مديرة البلاء إلي عدنا
جواهر : يؤؤؤؤؤؤؤؤؤؤؤؤؤؤ بالله احلفي
سارة : والله..... والحين دخيلك اطلعي فوق هاتي كل أغراضي مالي خلق حتى اطالع البنات
جواهر : سارة لا اموت إذا طلعتي أنا تعودت عليكي انتي صديقتي الوحيدة
سارة : وانا بعد والله ما يصبرني على هذي المدرسه غيرك
جواهر :طيب اجلسي
سارة: اقولك المديرة فصلتني
جواهر : لا انا شفت امك تترجها وتسلم على راسها عشان تجلسين
سارة فتحت عيونها وبدهشه : ايش متى
جواهر: توي شفتها
سارة خرجت من الحمامات معصبة وعلى غرفت المديرة وشاف أمها تترجى المديره عشان بس تخليها تكمل الترم
المديرة : طيب لكن تكتب تعهد انها ما تتعدى على البنات
سارة : انا مايشرفني اجلس في مدرستك (وراحت عند امها باست راسها ) والله ما تذلي نفسك عشان هذي الاشكال......... يالله يمه المدارس الاهلية على ظهر من يشيل
المديرة : احنا مايشرفنا تجلس عندنا بنت مثلك اقصد ولد و الاشكال هذي احسن منك يال*****............
سارة وهي طالع راحت عند المديرة وسكتها كف وخرجت تاركة الدهشة على وجه الجميع سحبت ملفها و اتصلت على ابوها وعند الفسحة كانت تودع جواهر إلي بكها بكي سارة
سارة : لاتقطعيني يالغاليه
جواهر: سارة امانه اجلسي
سارة : ابد ما اقدر
وضمتها سارة بحزن وبكوا الاثنين كان شكلهم مؤثر دمعت منه عيون البنات وفجاءه جات سندس وفكت جواهر من يد سارة وضمتها
سندس : سامحيني والله مو بيدي والله احبك احبك

سارة دفعتها بقوة: سندس لاتحديني اضربك اسمعي يابنت الناس انا مو حقت شواذ فهمتي
ورمت الغطاء على وجهها وخرجت



وفي البيت دخلت غرفتها وشوي دقت أمها عليها الباب
سارة : هلا يمه ادخلي
ام خالد : سارة ابوك في الصاله يبيك
سارة بخوف : انا
ام خالد : ايه
سارة : ايش يبي
ام خالد :انتي روحي بس
ونزلت عند أبوها بخطوتها الثقيله خايفة من ردت فعل ابوها دخلت الصاله وكان أبوها جالس وفي يدة الباكور (خيزرانه ) بدا الخوف اكثر
سارة: هاااااء يبه امي تتقول ناديت
ابو خالد : تعالي اجلسي قدامي
سارة : ليش
ابو خالد : اقول تعالي اجلسي قدامي
سارة :امرك يبه ........( بخوف تسال).يبه ليش ما رحت دوامك
ابو خالد : امك تقول فصلوك من المدرسه
سارة: ايه
ابو خالد : ممكن اعرف السبب
سارة :.................................
ابو خالد : بتكلمين ولا هذا بينطقك
سارة :...................................
ابو خالد : شكل جلدك يحكك يبلك مطرق
ورفع الباكور بيضربها
ساره: خلاص خلاص ابقول
ابو خالد : هي تكلمي
سارة : ضربة بنت
ابو خالد: وليش ضربتيها
سارة : ضربتني وشوف كيف جسمي منها
ورفعت البنطلون
سارة : شوف كيف جسمي من الضرب
الاب سكت شوي وناظرها بتمعن : والمديرة ما سوت شي
سارة : لا طلعت الغلط عليه
سكت الاب وعلى دخلت الام ومعها الشاي
ام خالد : اسمع يا ابو خالد مالنا غير المدارس الاهلية البنت في اولي ثانوي
ابو خالد: نعم ايش قلتي حضرتك مدارس اهليه
ام خالد : ايه تعليمهم احسن وان شاء الله تتوفق
ناظر فيها ابوها بتمعن
وبعدها قامت سارة : ابروح اشرب مويه
واندست خلف باب الصاله تسرق السمع
ابو خالد : بنتك ما اعجبتني وبعدين ماعندها غير البناطيل نفسي يوم اشوفها بفستان ولا تنورة
ام خالد : يابوا خالد البنت عايشة وسط اولاد اكيد بتاخذ طباعهم
ابو خالد بنبرة حادة :ماعندي هذا الكلام فاهمة الحين تطلعين وتشيلين كل ملابس الورعان إلي في دلابها
ام خالد : امرك بس انت روق والحين انت روح جيب العيال من مدارسهم
ابو خالد : طيب جيبي لي مفاتيح السيارة
ام خالد : انشاء الله الحين بقوم
ومع وقفت امها طلعت غرفتها وسكرت الباب وعلى طول على دولابها فتحته لقته بناطيل وتشرتات
سارة : والله صادق ابوي حتى تنورة واحدة ماعندي
اصلاً ما اطيق التنانير والارواب طيب ايش اسوي مالي غير ادس شويت بناطيل عشان امي ما تشوفها
ودست من بناطيلها اربعة وعلى فتحت الباب أنهت المهمه
سارة : امي
ام خالد: اشبك انفجعتي
سارة : انا لا
ام خالد: يالله افتحي دولابك
سارة : ليش
ام خالد : ابوك قال ولا بنطلون يجلس في دولابك وملابس العيال هذي تخرج من دولابك
سارة : بس كذا ما يبقي لبس عندي
ام خالد : معليه البسي من عندي
سارة : نعم..... من عندك.... يمه قسم بيتفطسون ضحك
ام خالد : اقول لايكثر بس تعالي ساعديني
سارة : يمة طيب خلي لو واحد......يعني يعني على الاقل البجامات
ام خالد مطنشتها وتفتح في الدولاب وتطلع في ملابسها
واحد وراى الثاني : حشي مو جايبه بنت وش لك بترقات الكورة عسي تلعبين كورة وانا مدري
سارة : يمه هذي البسها يوم المباريات
ام خالد : الحمد الله والشكر وش الله حادك تلبسيها
سارة : كذا مؤازرة
ام خالد : اقول بس افتحي الشنطة خليني احط الملابس
واخذت الملابس كلها واعطت سارة روب من اروابها وخرجت
اخذت سارة الروب ولبسته وطلت بحالها بالمرياء وكان شكلها غريب عليها تحس انها مو طبيعية وكانها تلبس ثوب مو ثوبها على طول فسخته ولبست البنطلون وجاء وقت الغداء ووصل اخوانها من المدرسه ونزلت والكل استغرب وجودها باليت
سارة : خير ليش تطالعون شفتوا جني
ورحت عند خالد وبخشونه : وخر عني ابي اكل
خالد : طيب شويه علينا يا ابوا الشباب
دخل ابو خالد الصاله وبنظرة غاضبه : سارة
سارة بخوف : هاااااا ابوي
ابو خالد : وش لبسه
سارة : ايش ابوي
اخوانها بستغرب : ابوي اشبها سارة
ابو خالد : متعب جيب لي الباكور من المجلس
متعب : ابشر يبه
متعب في لمح البصر جاب الباكور وصار ابو خالد يضرب في سارة وخالد وسلطان يفرعون ومتعب جالس يتفرج ويضحك
خالد عشانه الكبير قدر يمسك ابوة
وسارة شردت على غرفتها وقفلت الباب وجلست تبكي وبعد فترة
خالد : سارة ............سارة .........افتحي انا خالد
سارة : خير وش عندك
خالد : ابيك في كلمة راس
سارة : قول من عندك ماني فاتحه الباب
خالد : طيب لو قلت عشان خاطري
ساره : يحوووووووول هااااء خير وش تبي
وعلى فتحت الباب يدخل خالد ويشيلها ويطير فيها
سارة : بس بس خالد نزلني وشذا اقول منت صاحي نزلني
خالد : لاتزعلي ياقمر ياعسل ياوردة هذا البيت وياريحانت وعطر خلودي
سارة : وع يشينك كنك تغازل بنت
خالد : ههههههههه اجل انتي وش ولد
سارة : لا يالحبيب انا اختك مو حبيبتك
خالد :إلا حبيبتي ونص ايش رايك
سارة :اقول اخلص اخلص وش عندك
خالد : ابد بس ابعرف ايش بك اليوم سمعت امي تقول طردوك من المدرسه
ودخل سلطان عليها غرفتها
سلطان : أحلى وش ذا الغرفة سارة تصدقين من زمان مادخلت غرفتك
سارة : كملت وش عندك انت بعد
سلطان : ابد بس ابشوف غرفتك من زمان مادخلتها
وصار يدور في غرفتها ويمسك الصور إلي على الجدار
سلطان : اها ياحبك لسيارات والله وانا ولد ماعلقتها على الجدار وبعدين وش هذي صورة الهلال
خالد : تشجع الاخت
سارة : ايه عندك مانع
خالد : لا ما عندي بس ابي اعرف ايش صار
سلطان : ايه ابي اعرف انا بعد تقول امي ضاربه البنت حرام عليك تأذين الجنس اللطيف
سارة : تستاهل
خالد : ليش ايش سوت
سارة : اسمعوا بقولكم السالفة من اولها بس ها محد يدري هون حفرنا وهون طمرنا
سلطان : حركات يا اسوريه المهم قبل كل شي حلوة البنت
سارة : مالت عليك ايش حلوه اقول سلطان بره ياللله بره من غرفتي
سلطان : محد جيعان عليك بس احكي يااااااااااااااااالله احكي
سارة : طيب اسمعوا
وحكتهم قصتها وخرج من عندها سلطان بعد ما نشف ريقها وخلاها توصف البنت وصف وبقي خالد
خالد : سارة ابيك في موضوع
سارة : خيييييييييييييير
خالد : ايش خير سارة بالله طلي في نفسك احس اني اكلم واحد من الربع مو بنت
سارة: خالد ولي يسلمك يكفي عصات ابوي ما ني ناقصة
خالد : طيب فهميني ليش ما تلبسين مثل امي نفسي اشوفك بتنورة بفستان قسم بيطلع شكل روعة بتهبلين فينا
سارة : خالد
خالد: سم ياعمري
سارة: شفت الباب
خالد : أي باب
سارة : باب غرفتي
خالد : ايه
سارة : اقضب الباب ابي ارقد
خالد : طردة
سارة : وبشلوت بعد يالله فارق
خالد : قسم مدري كيف بتزوجين مدري من باخذك
شكله بتجلسين في حلوقنا
سارة : اذلف
وخرج خالد وتركها في حيرتها مع مريتها
وصارت سارة تكلم مرياتها حبيبتها
سارة : يامرايتي حيروني عذبوني يحسبوني ابي كذا لكن وربي غصب عني احس اني كذا مرتاحة احس اني ولد مو بنت شعور داخلي يجبرني اتحرك كذا اتصرف كذا حاولت والله حاولت ومحد فهمني احس اني البس ثوب مو ثوبي ولا راح يكون اهااااااااااااااااااااه تعبت يليت هم يفهموني ابوي اكرهه من قلبي عمري ما حسيت بحنانه دايم يخاصمني ودي يعاملني مثل خالد بثقة واحترام دايم يضربني ويزفني اهاااااااااااااااااااااااااااااه ياتعب قلبي من وين الراحة ياسارة مالك احد يفهمك لاا ام ولاا اب
ونامت ماسكة مرايتها

* **************************
وفي الصباح استعدت لمدرستها الجديدة وكالعادة لبست البنطلون والبلوزة ودخلت امها عليها الغرفة
ام خالد : سارة يمه فصخي هذا اللبس ابوك ليشوفك يجب خبرك
سارة : يمه تحت العبايه محد شايف

ام خالد : الله يسعدك يمه لتجيبين لي الكلام ابوك بيرجعها على راسي
سارة : طيب البلبس التنورة فوق البنطلون لكن افسخة لاا
ام خالد : ماعليه المهم البسي ابوك لايشوفك
سارة: طيب
وراحت المدرسه الاهليه هي وامها ودخلو قسم الثانوي كان البنات يطالعون سارة بنبهار شكلها قريب من الولد ولها شارب خفيف البعض خاف والبعض شده هذي البنت وصار عندهم فضول يعرفونها وسجلت في المدرسه الصف الاول ثانوي ودخلت فصل 1\1 ثانوي ومعها الوكيله
البنات تعجبوا ولا احد كلمها وطلت فيها المدرسه بتعجب
الوكيله : هذي سارة محمد ال***** طالبه جديدة في المدرسه اتمني ترحبوا فيها يابنات
المدرسه : هلا فيكي بنات شوفوا لها مكان
كل البنات خافوا منها لكن في بنت تجرات وقال سارة تجلس جنبي
سارة في نفسها "" شكلها ما يطمن وينك ياجواهر بس تشوفي حالي "
وراحت عندها سارة ونظرات التخويف عليها جلست جنبها البنت خقت على سارة وعجبتها وانبسطت انه محد عارض
ومر اسبوع لسارة في المدرسه بين عذاب نظرات البنات وبين تجمع الشواذ حولها في المدرسه وكانت تلقي صعوبة في الجلوس لحالها ونفسها تكفخ البنات بس ما تقدر عشان لا تنطرد من المدرسه
وفي ويم وهي في طابور الصباح إلا جاتها بنت من وراها وضمتها وغمضت عيونها بيدينها وسارة انفجعت وانصدمت ولفت عليها بتضربها إلا ...................


غروب الشمس ^_^ ©؛°¨غرامي جديد¨°؛©

البــــــــــــــــــــــارت الثـــــــــــــــــــــالــــــــث ..
وفي ويم وهي في طابور الصباح إلا جاتها بنت من وراها وغمضت عيونها بيدينها وضمتها وسارة انصدمت ولفت عليها بتضربها إلا .
فتحت عيونها بدهشه وماصدقت
ساره : جواهر موووووووووووووووووومعقول
جواهر : ليش مو معقول انا وراك وراك وين ماتروحين
ساره لمتها بحنان : هلا هلا برفيقت عمري
وجواهر : وحشتيني يا دبه
ساره : انتي اكثر وربي احس اني ضايعه بدونك
جواهر : لاتخافي خلاص انا معك على طول
ساره : بجد جواهر
جواهر : ايه بس لو تدرين ايش سويت بس عشان ينقلوني في مدرستك
ساره : هااااااااااا ايش
جواهر : قلبت راس ابوي وامي وسويت مشاكل مثل ايامك
ساره : هههههههههههههه وربي انك خطيره
جواهر : اجل يبعدون عني رفيقة عمري
ساره : فديتك يا طوايف ساره
كان حوارهم طويل رغم ان الجميع في الطابور مشدود للأذاعه المدرسيه لكن ساره وجواهر ما اعطوها إهتمام وجلسوا يسلوفون لين وقفهم طلوع الطوابير للفصول
البنات كانوا مندهشين سر تعلق ساره في جواهر وخاصه الشواذ لحضوا ان ساره كثير متعلقه بجواهر وبتسد عليهم باب الإحتاك فيها

وفي الفصل
ساره : نوال معليش تغيرين مكانك......ابي جواهر جنبي
نوال بصدمه : ليش ساره جاك مني شي
ساره : لا والله بس ابيها جنبي ممكن
نوال : اسفه هذا مكاني ولا ابي اغيره خليها تروح ورى جنب خلود
ساره بعصبيه وتهديد : بس انا ابيها جنبي
جواهر تسحب ساره وتوشوشها : بس بس ساره خلاص ما ابي اجلس هنا بروح المكان إلي بجنب هذي خلود
ساره بصوت علي : مارح تروحين مكان تعالي بجنبي .......{طلت في نوال وشدتها من ملابسها } تسمعين انتي ولا لاء قومي عند خلود احسن والله ما تشوفين شي يسرك
جواهر : بدينا هواش انا وش جابني ماكنت بعيده احسن
وشوي توقف خلود : ساره انا بروح جنب نوال انتي وصحبتك تعالوا هنا
لفت عليها ساره وجلست فتره تطالع فيها كأنها اول مره تشوفها
جواهر : هي هي انتي اشبك خلاص البنت تقول بتجي مكانك
نوال : موعلى كيفك انا ما بيك جنبي
لفت عليها ساره واعطتها نظره : انتي ايش في راسك
نوال خافت من نظراتها : ولا شي بس بس اااااانااا حرر
وشوي تقرب خلود من ساره وتطالع فيها: ساره مكاني موجود عندك روحي انتي وصحبتك انا اتصرف مع نوال
ساره ماردت ولا بكلمه بس اعطتها نظره فيها ابتسامه مرتبكه
وراحوا الاثنين مكان خلود وخلود جلست مكان ساره
وطوال اليوم وساره ماشات عيونها من خلود وكأنها اول مره تشوفها
وصارت تحس بشي غريب كل ماشافت خلود
ورجعت البيت وكل التعب فيها من اليوم إلي كان كله حماس جيت جواهر كانت أمنيت ساره لكن ايش سالفه خلود ؟؟؟؟؟؟؟
صعدت حجرتها وغيرت ملابسها حاولت تلبس ملابس امها لكن عيت عليها نفسها ولبست بيجامه بيضاء ونزلت المطبخ تاخذ لها اكل عشان تتغداء في غرفتها
أم خالد تدخل المطبخ : خير خير وش جابك عند القدور
ساره : بغرف لي غداء
ام خالد : وراك ماتتغدين معنا
ساره : يمه ابوي مايحب البناطل عليه وانا ..........
ام خالد : اقول ابوك صار يستفقدك كل يوم مالي شغل لو جالك غرفتك ووراك شغلك
ساره بحسره : تكفين يمه ما احب القمصان والتننانير وربي اكرها
ام خالد : مالي شغل لو سال ابوك بقول تتغداء في غرفتها
وطلعت ولا اعطتها فرصه للكلام
وعلى السفره مثل ماقلت ام خالد استفقدها ابوها
ابو خالد : وين ساره
ام خالد :والله في غرفتها
ابو خالد :وليه معد تتغدى معنا
ام خالد اخذت نفس وسكتت : والله يا ابوا خالد البنت كل يوم تتغدى في غرفتها
ابو خالد :وليش ان شاء الله
ام خالد :عشان الحكم إلي فرضتها عليها
ابو خالد :نعم نعم ...........خالد يابوك اطلع وناديها وربي إلي خلقني لو ماتنزل الحين غير مكسر الباكور على ظهرها
خالد :الحين يبه ابشر بس هدي انت
طلع خالد عندها ودق الباب
خالد : ساره............... ساره
ساره : خيررررررر خالد وش عندك
خالد :افتحي بس ابيك
وقامت وفتحت الباب ويدها كلها زفر الغداء
خالد:حشي ولا الخدام ليش تاكلين لحالك
ساره :تسوي روحك ماتدري
خالد :لا ادري بس ايش بتخسرين لو لبستي روب حالك حال البنات
ساره :خالد ولي يعافيك اطلع وصك الباب وراك
خالد :ماني طالع
ساره:وليش ياااااااااااااااااالحبيب
خالد :لن ابوي متحلف إذا مانزلتي بيطلع ويصلخ جلدك طراق
ساره بس سمعت طاري ابوها ارتجفت : من جد
خالد :وربي
ساره :طيب .....طيب الحين بنزل قوله الحين بتنزل
خالد : لا تنسين البسي قميص من عند امي
ساره : الحين اروح دولابها والله يستر
خالد : يلله انا بنزل
واول ماخرج خالدعلى طول راحت غرفت امها واخذت قميص كان مرمي على السرير ولبسته فوق البجابه ونزلت بعد ماغسلت يدها
وعلى دخلتها ابوها رفع راسه : اشوف ايش لبسه
ساره : ثوب يبه .........اوه اقصد قميص
طبعا الكل في الصاله كاتم ضحكته ولا يقدر يطلعها وساره تقرها على وجههم .. اكلت لقمتين وعلى طول اطلعت وكانت الدموع محبوسه في عيونها دخلت غرفتها وسحبت مراتها وجلست تناظر في شكلها ودموعها تنزل على خدها لين نامت والمرايه بيدها
وبعد الغداء راح خالد عند ابوه في المجلس لقيه جالس متمدد قرب جنبه وسلم على راسه
خالد : بيه
إبو خالد : هلا يا ابوك
خالد : ماتشوف انك قسيت شوي على ساره
ابو خالد : يبوك لازم تتعلم البنت مصيرها الزواج وين بتتدخل بيت رجالها وهي مثل الولد اختك ياخالد صارت صوره منكم والشرها مو عليها على امك إلي ماعرفت تربيها خلتها وسطكم لين اخذت طبايعكم
خالد : لايبه امي ماقصرت بس ساره من زود تعلقها فينا صارت كذا
ابو خالد بحسره : لو كان عندها اخوات بنات
خالد : امي بعدها ما احملت وجلست سنين تتعالج ان شاء الله يرزقها بالبنت
ابو خالد : امين يابوك
خالد برجاء ويسلم على رأس ابوه : تكفي بيه خف عليها شوي
ابو خالد : خلاص يا بوك لكن لاشوف البناطيل عليها
خالد يسلم على رأس ابوه : الله لايحرمنا منك ومن طيبك ....يالله يبه تامرنا شي
ابو خالد : لا ياولدي روح الله يرضي عليك
وفي غرفت ساره صحت على دق الجوال
ساره بكل نوم : هلا
جواهر : نايمه
ساره : جواهر خير الحين احد يدق
جواهر: عندي لك سالفه
ساره تعدلت من فرشها : ها خير
جواهر : اريقه تسمعين
ساره : ايه
جواهر : متأكده
ساره : جواهر اخلصي..........ولالابسكر
جواهر : خلاص انتي ما ينمزح معك
ساره : متصله في الظهاري وتمزح ..........اقووووووووووول بتتكلمين ولا لاء
جواهر : خلاص خلاص بقول
ساره : قولي
جواهر :اليوم وانا طلعه من باب المدرسه شفت اخو وحده من البنات
ساره : طيب
جواهر : رمالي رقم
ساره : ايش ايش اقول حكي من اول
جواهر : طيب اسمعي ياستي
وفجاء خالد يدق الباب على ساره
ساره : جواهر بابي يدق اكلمك بعيدين باي وقفلت بسرعه
خالد : ساره صاحيه
ساره : ايه إدخل خالد
خالد : اسمعك تتكلمي
ساره : ايه هذي جواهر
خالد برتباك : جواهر صحبتك
ساره : ايه
خالد :كيفها اخبارها
ساره : الحمد الله تمــ..... تعال هنا وش دخلك في خويتي
خالد : لا بس اسال حرام
ساره : لا مو حرام بس العاده ماتسال عنها
خالد : طيب خلينا من جواهر الحين انا كلمة ابوي
ساره : عن
خالد : عن موضوع لبسك خلينا نتفق
ساره: على ايش
خالد : انتي رافضه حكاية الرواب والتنورات
ساره : ايه خالد وربي اكره البسها
خالد :طيب في بناطيل للبنات البسيها
ساره: وابوي بيرضي؟؟؟؟؟
خالد: معليك خليه عليه بس انتي تجهزي العصر بنزلك السوق اليوم اسلمت اول راتب ولك منه نصيب
ساره : فديت انا ذا الخشه خشمك
خالد : حش الله لايلوم ابوي .....يلله خشمك خشمك
وخرج خالد وريحها من هم كان على قلبها لكن في شي مشغل تفكير ساره
هو خلود هذي البنت رغم وجودها في الفصل لكن عمر ساره ما التفتت لها ولا اخذت أي حيز من انتباهها تحس بشي غريب يوم تشوفها وكانها ماتبي تشيل عينها عنها ولا تغيب عنها
ساره في نفسها "" اوه ايش فيك ياساره اول مره يصير معي كذا
خليني ادق على جواهر ""
ساره : الو
جواهر بكسل : يالله يشينك مالقيتي تتصلي غير الحين
ساره تضحك : ليش
جواهر :توه دخل النوم عيني
ساره : تستاهلين زي ماصحيتيني
جواهر : عندك شي مهم
ساره : لا
جواهر : اجل باي
ساره : تعالي هنا ماقلتــ..........الو الو
جواهر : طوط طوط
ساره : نذله انا اوريك
وحولت الجوال صامت وحطته في الدولاب :طيب يا جويهر مصيرك تصحين هي دقي لين تكسرين الجوال مابرد عليك ........
ودخلت فراشها ونامت لين جاء العصر وراحت السوق واشرت كم بنطلون بعدما تهاوشت مع خالد على الالوان هو يختار بنك واحمر وهي سماوي واسود
وفي المدرسه وداخل الفصل
ساره : تعالي هنا ايش قصه اخوا البنت
جواهر : اااااااااااااه يا ساره واحد يهبل مره شفته تجمدت مكاني ولا تحركت
ساره : وين هذا
جواهر: عند باب المدرسه
ساره :طيب
جواهر : المهم شافني خقيت كتب الرقم ورمه لي
ساره تطالعها : ايه وبعدين
جواهر: لا تطالعيني كذا بصراحه ماصدقت يوم رمي الرقم اخذته ودخلت المدرسه
ساره : وعسي دقيتي
جواهر : لا اااااااااااا مادقيت
ساره :الرقم معك
جواهر: ايه
ساره : عطيني ياه
جواهر : خذي
ويوم عطتها الرقم شقته جواهر صرحت :لييييييييييييييييييييييييييش حرااام عليك
ساره : والحين وريني اخته
جواهر : معرفها
ساره : اجل كيف عرفتي انها اخته
جواهر : هو قالي ..........ها لا لا بس تخمين
ساره : اقول جواهر قري الحين ايش قلتي له متى اتصلتي عليه
جواهر ترد بخوف : امس يوم رجعت من المدرسه اخذت جوال امي ودقيت عليه
ساره : يالملعونه جوال امك
جواهر : ايه ليش
ساره : امك ماتخافين يدق ولا يرسل لها والله انك تحفرين قبرك بيدك
جواهر: لا اخذت الشريحه بس وسويت مقلب انها انسرقت
ساره : وليش مادقيت من جوالك
جواهر : عشان جوالي دايم في يد خواني
ساره : ايش قلك
جواهر : والله انها بس خمس دقايق عرفت اسمه وقلي ان اخته في المدرسه وكل يوم يجي ياخذها
ساره : وانتي شفتي اخته في السياره
جواهر : لا
ساره : ياويلي منك كملي كملي
جواهر : وقلت له اسمي منال
ساره بتريقه : ايه يا منال
جواهر : وقلي ابي اسمع صوتك كل يوم وصوتك حلو كلام كثير مرررررررره حلو حسيت اني ما ابي اقفل الجوال
ساره : جواهر انتبهي على نفسك ترى يمكن كذاب لا عنده اخت ولا شي جاي بس يصيد ويلعب
جواهر : وانتي ايش دراك
ساره : لن سلطان اخوي شاطر في ذي السوالف واعرف كل حركات المغزلنجيه........جواهر نصيحه من اخت ابعدي عن ذا الطريق
جواهر وفي صراع داخلي : طيب طيب بحاول
ويوم رجعت من المدرسه دخلت عند سلطان
سلطان : هلا هلا بسوير الله ما احلى الروب عليك
ساره : فاضي سلطان
سلطان : ايه
قامت شمرت الاكمام ورفعت روبها لين نص وسطها عشان تجلس على السرير جنبه وبان بنطلونها الرياضي إلي لونه ازرق وابيض >>>>تشجع الهلال فديتها
سلطان : لا لا خربتي كشختك
ساره : اقول خلك من الكشخه بس بسالك
سلطان : قولي ياعيني
ساره : لو اعطيتك رقم تطلع لي راعيه
سلطان : رقم منوه
ساره : رقم مزعج وحده من البنات
سلطان فز : بنات من منهي
ساره : تعرف اكبر غلط اني جيتك
سلطان يمسك يدها : تعالي تعالي بس اقعدي وقولي وربي لخدمك
وتطلع الرقم : خذ هذا الرقم اعرف منهو راعيه
يطلع سلطان : ابشري بس عليمني بالسالفه كلها
ساره : والله لقولك كل شي يوم تجيب الاسم

ومرت ايام وكل يوم جواهر تتعلق في نواف طبعا ماكانت تقول لساره أي شي عن مكالمتها مع نواف عشان ماتمنعها تكلمه وكانت ساره مبهوره بخلود إلي صارت ماتفارق عيونها
وفي يوم وفي الصرفه لبست جواهر عباتها من بدري
ساره : على وين
جواهر : هاااااا بشوف اسمي جاء ولا لاء
ساره : ماتسمعين المكرفون ينادي
جواهر بربكه :إلا بس احيان اخوي مايوقف السياره قريب
ساره تطالعها وحاسه انه في شي: طيب اطلعي وشوفي لكن جاء ادخلي وقولي لي انه جاء
جواهر بعجل : طيب طيب
وهي شايله شنطتها من غير ماتدري طاح الجوال
ساره سحبت الجوال وبشويش لين ماشافت جواهر بعدت
وفجاء يدق جوال ساره ويطلع سلطان
ساره : الو هلا سلطان انت بره
سلطان : لا الحين بيجيك خالد استأذن من دوامه انا في البيت وابوي اخذ السياره
ساره : سلطان
سلطان : هلا
ساره : ايش صار بموضوع الرقم
سلطان : ايه صح نسيت عرفت راعيه هذا واحد كان يدرس معنا في المتوسط سمعته مره شينه
ساره : كيف شينه
سلطان : امممممممممم كيف اقولك يعني راعي بنات ووجاب رؤس بنات قبايل في الارض
ساره : اها طيب طيب الحين قفلت انت عشان محد يشوف الجوال
سلطان: خلاص وعلى العموم خالد كلها نص ساعه ويجيك باي
ساره : باايات
طلت في الجوال حق جواهر وفتحت رسايل الجوال وقرتها
" حبيبتي منال وحشتيني كثير ............متى اقدر اشوفك "
" منول قلبي انا اليوم تعبان مقدر اجي المدرسه .......بكره نتقابل ياعسل "
" منال حبيبي انا بكره انتظرك عند البقاله إلي جنب المدرسه بس ناخذ لفه بالسياره وارجعك ..........لا تخافي قلبي ما حبيب يضر حبيبته "

اخر رساله خلت ساره تنجن طلت في الرقم إلا نفس رقم نواف وفي نفسها " هذي المجنونه بتركب سيارته "
وبسرعه لبست عباتها وخرجت مثل المجنونه تجري تلحق خويتها لتهور وتركب معه في السياره


غروب الشمس ^_^ ©؛°¨غرامي جديد¨°؛©

اعطوني رائيكم
ولو عجبتكم خلوني اكملها
ولا على قولتهم اشيل قشي واقلامي ودفاتري واطلع


تقبلوا تحياتي
غروب الشمس


copy twins ©؛°¨غرامي مجتهد¨°؛©

هههههههههههههههههههههههههههههههههههههههههههه اخاف تكون جواهر
ابداعتي
تسلم ايدك
البارت جميل

copy twins ©؛°¨غرامي مجتهد¨°؛©

تسلم ايدك والله حلوة وسارة اكيد بتخاف علي جواهر

مشاعري لك وحدك {,, سَقى الله ودِي لكــ َ ......بين الخـَـــَـلايقَ✿

يسلمووووووو
روعه وجنان
ويعطيك العافيه
ونتظرك يالغلا
لاتطولي البارت


عطيت ولاخذيت ©؛°¨غرامي فعال ¨°؛©

ابداع منقطع النظير

اول مرة اقرأرواية وتشدني من اول بارت

مشكلة سارة مثل بنات كثير يتربون بين عيال وتصير تصرفاتهم صبيانية

مع هذا سارة عاقلة ورزين اعجبتني ما تخبي عن اخوانها شئ

ان شاء الله تلحق على جواهر قبل لا تتهور


ننتظر ابداعك على احر من الجمر


دمتي بحفظ الرحمن

الزعيـ A.8K ـمه δЯέαмş
مستشــ¸.·* غرام *·.¸ـــاري

,’


بسم الله
و عليكم السلآم و رحمة الله



يعطيك العـــآفية
موفقة إن شـــآء الله



,’


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1