غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 22-05-2009, 07:49 PM
صورة صمتي يخنق عبرتي الرمزية
صمتي يخنق عبرتي صمتي يخنق عبرتي غير متصل
©؛°¨غرامي مشارك¨°؛©
 
مستحيل أحب غيرك / كاملة


حبيت انقل لكم هالروايه من قلمي >> بس بنكي القبلي ههههههه << ان شاء الله تعجبكم ...

مستحيل احب غيرك ..
للكاتبه: حمالة الاسيه ..

الشخصيات :
بوعبدالله ((خالد)): انسان طيب و حنون .. عنده شركة مقاولات كبيره يديرها مع اخوانه ..
ام عبدالله((شيخه)): طيبه و ماتشل في خاطرها على احد ..
عبدالله ((البجر)): 28 سنه مدير الماليه في الشركه .. غاااااااوي ابيضاني طويل و عيونه سوده ..
حمدان: 26 دكتور قلب .. وسيم و عيونه عسليه على امه ابيضاني .. خقاق درجه اولى ...
جاسم: 26 سنه توأم حمدان يدرس في بريطانيا اخر سنه يتشابهون واااااايد و محد يقدر يفرق بينهم ..
ريم: 21 سنه تدرس في الجامعه فنون .. تعق الطير من سماه .. بيضه و عيونها عسليه على امها ..

بومحمد ((ناصر)): انسان قلبه كبير ..
ام محمد ((عاشه)): حنونه و ماتعرف درب للزعل ..
محمد ((البجر)): 27 سنه ضابط .. عيونه سوده بشرته بيضه و غااااااااااوي ..
طلال: 26 سنه يشتغل مهندس في احدى الدوائر الحكوميه .. و يشبه اخوه واااااااااايد بس عينه عسليه ..
دلال: 21 سنه ..صدفه حلوه انها انولدت في نفس اليوم اللي انولدت فيه ريم و هو الثنتين واااااااايد مع بعض .. تدرس اداره و اقتصاد ..

بوسلطان ((علي)): انسان حنون و طيب ..
ام سلطان ((مريم)): انسانه حكيمه و طيبه ..
سلطان ((البجر)): متزوج من بنت خالته ((العنود)) و عندهم ولد ((احمد)) خمس سنين مدير العلاقات العامه في الشركه ..
خليفه: 27 سنه طيار .. عيونه سوده على ابوه .. شعره شوي طويل بس حلو ..
هزاع: 26 سنه توأم روح حمدان و طلال .. يحب الشعر ..يشتغل في احدى الدوائر الحكوميه ..
هيا+نوره: توأم 20 سنه اول سنه جامعه اداره و اقتصاد ..

بوذياب ((ابراهيم)): مع اخوانه في الشركه و نفس الصفات طيب و متسامح ..
ام ذياب ((موزه)): طيوبه و حليوه ..
ذياب: 27 سنه وحيد امه و ابوه و يشتغل في الشركه .. وسييييييييييم ماشاء الله عليه ..

بو راشد((عيسى)): عنده شركه في ايطاليا ..
ام راشد: متوفيه من سنتين ..
راشد ((البجر)): 28 سنه خقاق درجه ثانيه بعد حمدان يدير الشركه في ايطاليا مايرجع الا مره وحده في السنه ..
حميد: 26 سنه غرشوب و عليه حركات و سوالفه حلللللللللللوه ..
اليازيه: 20 سنه مع هيا و نوره في الجامعه و حللللللللوه ..


يوم الاربعاء في بيت بوعبدالله ..
في غرفة حمدان ..
حمدان: اشتقت لك ياخي ..
جاسم: حتى انا ياتوأمي ..
حمدان: متى الرجعه ان شاء الله ؟؟
جاسم: والله لحد الحين مب متأكد .. و بعدين انت تعرف انها آخر سنه و علي شهاده و امتياز ان شاء الله ..
حمدان: الله يسمع منك ..
جاسم: شحال الاهل ؟؟؟
حمدان: و الله الكل بخير بس امايه كل ماتسمع طاريك تصيح ..
جاسم: ههههههههه ..فديتها الغاليه بكره باتصل لها ..
حمدان: لالالالا لاتتصل ...
جاسم: ليييييييييييش ؟؟؟
جمدان: بعدين بتقعد تصيح و محد بيقدر يسكتها ..
جاسم: عنلالالالالالالالالاتك يالخام تعرف نحاسه فيك بتصل فيها ..
حمدان: انت بس ارجع البلاد و برد لك بدل الصاع صاعين ..
جاسم: فديييييييييتك توأمي ..
حمدان: هيه هيه حق المصلحه مافي احسن عنك ..
جاسم: شفت عاااد طالع عليك ..
حمدان: يحصل لك تطلع علي انا دلوع الكل ..
جاسم: هههههههههههههه مبين كل دقيقه و الثانيه امايه تصارخ عليك ..
حمدان: خلك مني شحال احمدووووووه ؟؟؟
جاسم: بخير مايشكي باس ..
((احمد ربيع جاسم في الدراسه عمره 23 سنه كل صفات الجمال فيه)) ..
احمد وهو يصارخ: اصغر عيالك احمدووه يالسبال ولا لاعب معاك تيله ..
حمدان: لعنبوه هب اذن عليك شلون سمعت ؟؟؟
احمد وهو يسحب السماعه من جاسم: لا يكون على بالك مااسمع و اطرش مثلك ..
حمدان: ههههههههه شحالك الغالي ؟؟؟
احمد: الحمد لله مانشكي باس ..
حمدان: ها مافي شي مني مناك ؟؟؟
احمد: الا فيه كثر شعر راسك و كلهم عن جسيم ..
جاسم: شوووووووووو؟؟؟؟ .. احمدوووه عن الفضايح ..
حمدان: طبه و خبرني شوو السالفه ؟؟
احمد وهو ينسدح على ريل جاسم: الله يسلمك اخوك طايح على غرشوبه ..
جاسم وهو يصارخ: والله هي اللي تلاحقني ..
احمد: جذااااااااااااب...
حمدان: شو منو هذي اللي تلاحق اخوي ؟؟؟
احمد: الله يسلمك هذي وحده بريطانيه ...
حمدان: اوب اوب جسوم من قدك بريطانيه بعد اشوف غيرت الجنسيه الحين .. حلووه؟؟؟
احمد: يامحلاها تقول حق القمر خوز انا بيلس بدالك ..
جاسم: هي اللي تلاحقني لا و ترقم بعد ..
حمدان: هي اللي ترقم ولا العكس ..
جاسم: ما يمديني احفظ الرقم وااايد طويل ..
حمدان: هههههههههههههههههههه ..
احمد: لالالالالا الصراحه هي اللي ترقم بس شووو رقمها طويل ماينحفظ ..
حمدان: ههههههههه .. اريد اسمع السالفه من طأطأ ليين السلاك عليكم ..على قوله اخوانا المصريين ..
احمد: الله يسلمك السالفه صايره من 3 شهور كنا انا و جاسم في الكوفي شوب وقت البريك والا البريطانيه داخله الكوفي و عمدا مرت من عند طاولتنا ..
جاسم يقاطعه: احمد عن الفضايح ..
حمدان: انت اسكت يالسبال .. كمل اخوي ..و الله يعينك بعدين على غضب جسوم ..
احمد: المهم خطفت من عندنا و فجأه تخرطفت و توها بطيح الا الاخ جاسم يمسكها لا ووين من خصرها ..
حمدان: جسوم عند العيوز ..
جاسم: لالالا الله يخليك يالشيخ عشان تقصبني ..
حمدان: ان ماخليتها تهزبك ماكون توأمك ..
احمد: جان الحبيبه تصدق عمرها و من وقتها و هي تلاحقه شرق و غرب ..
جاسم: الحمد لله انها ماادل الشقه ..
احمد: ماادري اتنيذل و اخبرها ..
جاسم: بتنيذل عليك و بورطك مع الثانيه ..
حمدان: بريييييك منو الثانيه ؟؟؟
جاسم وهو يسحب السماعه من احمد : انا اخبرك ..
احمد: جسووووووووم الله يخليك ترى سالفتي محرجه ..
حمدان: دام انها محرجه خبرني ..
جاسم: اسمع ياتوأمي بعد سالفتي بأسبوع ..في واحد بريطاني معانا في الكلاس وااااااااايد يكره احمد ..
حمدان: ليييييييييييش ؟؟؟
جاسم: اللحين السالفه يايه في الطريج ..
احمد: جسوووووم الله يخليك بعدين بطيح من عينه ..
حمدان: لا تخاف يالحبيب بتظل معلق ...
جاسم: اسمع كنا في الكلاس انا كنت يالس في الصف الاول و البنت في الصف الثاني و بعدها في الصف الثالث احمد و الولد في الصف الرابع ..و الحمدالله انه ماكان فيه في الكلاس غيرنا ..
حمدان: انزين و بعدين ..
جاسم: المهم الولد حذف ورقه على البنت و طاحت على طاولتها عاد البنت التفت و شافت احمد يكتب و صدت و فتحت الورقه و كان مكتوب فيها ((انتظرج في الشقه ياحبي )) ..
حمدان: هههههههههههه و بعدين ..
احمد وهو يصرخ: جسووووووم لااااااا لا ترمس الله يخليك ..
جاسم: وقتها البنيه قامت و جابلت احمد و قعدت تتحلطم على راسه و ماوعى الولد الا بذاك الكف السنافي اللي فر مخه و راحت عنه و من ذاك اليوم كل ماتمر عندنا تخزه بنظرات صدقني حتى انا اخاف منها ..
احمد: انزين شوي اسوي اذا نظراتها تخرع ..
حمدان: هههههههههههههههههههههههههههههههههههه الصراحه طحت من عيني اللحين تخلي بنت تصك راسك بطراق ..
احمد: شفت شلون الحين طحت من عينه ..
حمدان: والله السالفه عيبتني تصدق بحط الموقف في كل المواقع على النت ..
احمد: كله منك جسووم صرت علج بحلج توأمك عنلالالالاتك يالخام انت و هو ..
و مره وحده جاسم و احمد صخوا ..و ماانطقوا بكلمه ..
احمد و التوتر باين على صوته: حمدان ارمسك وقت ثاني ..
حمدان: شوو استوى و وين جاسم ؟؟؟؟
احمد: هاااااا هيه جاسم راح المطبخ لأنه الاكل احترق ...
حمدان: خلاص ديروا بالكم على اعماركم ..
احمد: ان شاء الله امايه ههههه .. و صكر ..
و قام حمدان عشان ينام ..

اليوم الثاني يوم الخميس ...
رن جوال حمدان ..
حمدان: الووو .. مرحبا بك اخوي .. شووووو .. عشر دقايق و انا عندك .. فمان الله ..
بو عبدالله: حمدان وين ساير ؟؟؟
حمدان: عندي عمليه في المستشفى و لازم اسير ..
ام عبدالله: حاسب على عمرك لا تسرع ..
حمدان: ان شاء الله .. و سار ..

في المستشفى ..

دخل حمدان غرفة العمليات و المريض كان يتنافض و الدم مخيس السرير و الدكاتره ماقادرين يسيطرون على المريض .. بعد ساعه ظهر حمدان من الغرفه و شاف ام المريض جان تربع صوبه و هي تصيح ..
ام المريض: هاا دكتور بشر ؟؟؟
حمدان: انتي امه ؟؟
ام المريض: هيه بشر ولدي فيه شي ؟؟
حمدان: لا الحمد لله هو بخير بس عنده كسر في اليد و كدمات على ويهه و بتروح مع الوقت ان شاء الله ..
ام المريض: مشكور ..
و سار..

بعد صلاة العشى رجع حمدان البيت و كان تعبان حيييييل و شاف السيايير تارسه الحوي جان يقول في خاطره (( اجتمعت الشله الحين عزة الله بسير انام )) و دخل..
حمدان: مرحبا الساع بالحلوين ..
الكل: مرحبا ملاييين ولا يسدوووون ..
حميد: مشكور حمدان والله ادري اني حلوووو ...
خليفه: تهبا هباك انا احلى ..
هزاع: اشتغلوا ظرب و مظارب حنا ناقصين يهال في البيت كفايه حميد بعد انت ياخليفه ..
الكل: هههههههههههههههه ..
عبدالله: من وين ظاوي ؟؟؟
حمدان يتنهد: آآآآآآآآآآآآآه كنت في المستشفى ..
طلال: عسى ماشر ؟؟
حمدان: كان اليوم في واحد مسوي حادث و يده مكسوره بس الحمد لله هو بخير ...
محمد: شوو اسمه ؟؟؟
حمدان: امممممممممممممم صقر ابراهيم ..
ذياب وهو يفز من مكانه: شووووووووووووووووو ؟؟ اي غرفه هو الحين ؟؟؟
حمدان: في الطابق الثالث ليييييييييييييييش ؟؟؟
بدون مايرد ذياب على حمدان خذى سويج السياره و دعس و سار المستشفى ..
الكل كان مستغرب من ذياب بلاه ؟؟؟

اول ماوصل ذياب المستشفى سأل عن المريض ..و بعد ماعرف سار عنده فوق و كان خايف واااايد عليه .. دق الباب ..و طلعت له الوالده ..
ذياب: السلام عليكم ..
ام صقر: وعليكم السلام بغيت شي ولدي ؟؟؟؟
ذياب: هذي غرفة صقر ابراهيم؟؟
ام صقر: هيه ولدي هذي هي منو انت؟؟
ذياب: انا ربيعه ذياب ممكن اشوفه ؟؟؟
ام صقر: هيه ولدي تذكرتك مو انت اللي تغديت عندنا ذاك اليوم ؟؟
ذياب و بابتسامه تذوب الصخر: هيه انا ..
ام صقر: تقضل ولدي ..
اول ماسمعوا خوات صقر انه في ولد بيحدر الغرفه اشتلن و سارن الغرفه الثانيه .. دخل ذياب و شاف صقر على السرير .. و يده مجبسه و راسه ملفوف .. ضحك ..
صقر: عنلالالالالالالاتك يالخام ..
ذياب وهو يضحك عليه: الحمد لله على السلامه ..
صقر: الله يسلمك تفضل ..
ذياب: شوووو صار فيك ياريال ؟؟
صقر: الله يسلمك كنا على تل مرعب نتسابق ..و انقليت فيني السياره و الله ستر ماصار شي ..
ام صقر: شوووووووووووو كم مره خبرتك ماتسير هناك ..
ذياب: خخخخخخخ قفطه ..
و البنات يظحكون على اخوهم ..
صقر ربيع ذياب في الروح بالروح و يشتغل معاه حنطاوي بس سماره حلوووو ..
خوات صقر ..شهد و فاطمه ..و هم كبر ريم و دلال.. و حلوات ماشاء الله عليهم ..
ام صقر: فاطمه ..
فاطمه بصوت واطي: لبيه امايه ..
ام صقر: لباج قلبي الغاليه صبي جاي حق الريال ..
فاطمه: ان شاء اهلل .. و سارت صبت له .. اول ماكانت تبا تعطيه كوب الجاي هو لا اراديا رفع راسه و شافها .. واااااااااي تينن تذبح ولا عيونها اففففففف عجيبه .. بس استحى من صقر و نزل راسه ..
ذياب: تسلمين ختيه ..
فاطمه: يسلم غاليك .. و سارت دخلت الغرفه الثانيه عند اختها ..
صقر: قول حق حمدان مشكور و مايقصر ..
ذياب: افااااااااا عليك احنا اخوان لا تخاف بوصيه عليك يالياهل..
صقر: ههههههههههههه اخخخخ بطني عنلات صداك لا تضحكني ..
ذياب: خخخخ انا اقدر اضحك و انت لا .. انزين انت شلون فقدت السيطره على السياره ؟؟؟
ام صقر: انا اترخص منكم بسير عند البنيات .. و سارت ..
ذياب: قول لي شلون ولا تخبي علي انا اخوك ..
صقر: تقدر تقول بالي ماكان معاي ..
ذياب: عن اللف و الدوران شلون ؟؟؟؟
صقر: تذكرتها ..
ذياب: و انت اصلا متى نسيتها عشان تتذكرها خلاص ياولد الحلال البنت على ذمة ريال غيرك خلاص عاااااااد انساها ..
صقر و بدأ يعصب: هالريال ربيعي ياذياب ربيعي شلون تبيني اسامحه هو طعني في ظهري و تقول لي سامحه لالالالا مستحيييييييييييييييييييييل انا الغبي بعد خبرته اني احبها هو سار خطبها عشان ينتقم مني بسبب هالضرابه اللي صارت بيننا لين كنا في القهوه ..
ذياب: لو تعزني لو اني اخوك انساها ..
صقر: مااوعدك بس احاول ..
ذياب: خلاص انا اترخص .. و قام بعد ماسلم على صقر و ام صقر و سار البيت ..

وهو في الطريج اتصل فيه حمدان ..
ذياب: مرحبا الساااااااع ..
حمدان: مرحبا ملايين بلاك ذياب لييييييييييش ظهرت بهالسرعه ؟؟؟
ذياب: الله يسلمك هذا ربيعي صقر اللي يشتغل معاي بس ها مااوصيك عليه غالي على قلبي ..
حمدان: تامر امر يلا عاااااااد تعال حميد عازمنا على العشى ..
حميد يصارخ: شووووووووووووو ذياب ترى حمدان جذاااااااااااب لا تصدقه ..
ذياب: حمدان حط على السبيكر ..
ذياب: لا ياحميد حمدان مايجذب انا اعرفه ..
حميد: لا انت جذاااااااب مثله ..
طلال: افاااااااااا حميد يعني تكسر بخاطري ..
حميد: لالالالا عااااااااااد كله ولا انت اذا انكسر خاطرك محد يقدر يصلحه خلاص انا عازمكم و امري لله ..
هزاع: فديييييييييييييييييييييييتك حموده ..
حميد: انت جاااااااااااااب حق المصلحه مافي احسن منك ..
الكل: ههههههههههههههههههههههههههههه ..
عبدالله: شوووووووووووو رايكم نسير مطعم هندي ؟؟
محمد: فدييييييييييتك عبود تقرى افكاري ..
طلال: يلا قمنا ..
و ساروا الشبيبه المطعم و كلوا لين قالوا بس طبعا الاكل حار فكيفوا الشباب عليه و بعدين قاموا يتحوطون في الشوارع و كل واحد رد البيت الساعه 1 و نص الفجر .. و طبعا كلوا هزبه من الشواب هههههه..

اليوم الثاني يوم الجمعه دايما الغدى يكون في بيت بوعبدلله ..بعد صلاة الجمعه اجتمعت العائله كلها و كانت اللمه حلوه ..
ام عبدالله و الدموع في عينها: ماناقص الا جاسم .. و قامت تصيح ..
حمدان: تريدين ترمسينه ؟؟
ام عبدالله: هيه ولدي ..
اتصل حمدان في جاسم ..
جاسم: هلا والله يتوأمي شحالك ؟؟؟
حمدان: تمام الحمد لله انت شو الاخبار عندك و احمدوه ؟؟
جاسم: يسره حالك ..
حمدان: جاسم اماايه تبا ترمسك...
ام عبدالله تسحب السماعه من حمدان: جاسم شحالك يمه ؟؟
جاسم: بخير و بعافيه انتي شحالج و شحال الوالد ؟؟
ام عبدالله: الحمدلله الكل بخير ..
و قعد يرمسها نص ساعه و بعدين سكر و الحريم و البنات ساروا يجهزون الغدى ..

بعد الغدى ساروا البنات المطبخ عشان يجهزون السويت و جان يدخل عليهم حمدان ..
حمدان وهو يأشر على الكيكه اللي بالاسكريم: منو اللي تحبني اللي تموت فيني سوت هذي الكيكه خلى ابوسها على خدها ..
البنات سكتوا و طلعوا من المطبخ و مابقت الا هيا و ريم ..
ريم: الوالده تزقرني .. و سارت .. كانت متعمده تسوي هذي الحركه عشان تخلي حمدان و هيا بروحهم<< اما مصاخة البنات ..
حمدان: غناتي اذا انتي مسويه هالكيكه خبريني عشان ابوسج على خدج ..
هيا: هيه انا مسويتها و تهبا هباك تبوسني على خدي ..
حمدان: صبري علي لين اخذج ..
هيا: في احلامك .. و قبضت الصحن و ظهرت من المطبخ ..
و بعد ماكلوا السويت ..
بو عبدالله: حمدان ..
حمدان: عيون حمدان ..
بو عبدالله: تسلم لي عيونك سمعنا شله ..
حمدان: على هالراس و هذي الشله اهداء حق الغاليين ..

بنفس المكان لكني هالمــــــــــره وحيد
أبكي ألم وأقــــــــــــــــــول ليتك معايه
بنفس المكـــــان وما معي غير القصيد
أكتب عسى في يــــــــــوم تسمع ندايه
أكتب بإيد ٍ وأمســـــــــــح دموعي بإيد
أكتب وأقـــــــــول أحسن بك الله عزايه
أكتب وكل ما أكتب جروحـــــــــي تزيد
وش ذنب قلبه أجرحـــــــــــه م البدايه
أقرب من عروقـــــــــــــي مع إنك بعيد
وأقرب من إحساسي وفي وسط الحنايا
وأقرب من الآهات ومــــــــن كل تنهيد
وأقرب لعيني من عيــــــــــــون المرايا
إسمع حبيبي بعدنا والله مـــــــــــا يفيد
يا كيف ترضى لنفسك ولــــــــي شقايه
أرجوك إرجــــــع نبتدي بحب من جديد
بس لا تخلي شمعتي تـــــــــذوب كفايه
مرت ليــــــــــــالي عشت بلحالي وحيد
ياما وياما قلبي يكتب وصــــــــــــــــايا
ويقـــــــــول فيها كنت وما زلت يا سيد
إنت أجمل الإحســــــــاس وإنته النهايه
واليوم صرت أكتبك على أوراقي قصيد
من بعد ما كنت إنته أجمــــــــــل حكايه
شف هالمكان دايم أجـــي له وأنا سعيد
عل وعسى ألقاك صــــــــــــــدفه ورايا
بنفس المكـــــان أكتب وأنزف لك قصيد

و اقول و اتمنى ياليتك معااااااااايه..
و سوالم ..
بو ذياب: صح لسانك ..
حمدان: صح بدنك عمي..

اذن العصر و الشباب و الشواب راحوا المسيد و البنات صلوا في البيت .. بعد اذان المغرب راحوا الشباب حق صقر المستشفى ..
الشباب: سلاماااااااااااااااااااات صقور..
صقر: الله يسلمكم ..
حمدان: شحالك اليوم ؟؟
صقر: والله تمام الحمد لله ..
عبدالله: شو صار لك شلون سويت حادث ؟؟
حميد: اكيد كنت تفكر في وحده ..
هزاع: اكيد لأنه كل الحوادث اللي تصير في الشباب من البنات ..
صقر: هههههههههه لا كنت على تل مرعب مع واحد من الربع ..
طلال: شلون سويت الحادث انا اخبرك فنان في السواقه ..
صقر: كنت ابي احطم الرقم القياسي مع واحد بس صار عطل في السياره و انفجر المحرك و ماوعيت الا انا غايص في الرمل ..
الكل: هههههههههههههههههههههههههههههه ..
ذياب: انا اترخص بسير شوي و برجع .. و سار عنهم ..
فاطمه اخت صقر كانت عند الدكتور عشان تطمن على حالة صقر و طمنها الدكتور و خبرها انه بيظهر بعد يومين .. و هي راجعه الغرفه ماانتبهت و صقعت في ذياب ..و من الخرعه انعقت الغشوه ..
فاطمه: آسفه اخوي السموحه ..
ذياب: لا عادي مسموحه ..ممكن سؤال ..
فاطمه: نعم ..
ذياب: انتي كنتي عند دكتور صقر؟؟
فاطمه: هيه ..
ذياب: شو خبرج الدكتور ؟؟
فاطمه: الحمد لله هو بخير و بيظهر بعد يومين ..
ذياب: الحمد لله اوكي مشكوره .. و سار عنها ..

بعد نص ساعه كل واحد سار بيته و مر اليوم عادي على الكل ..

توقعاتكم :::
شو يبصير بعد اسبوع ؟؟؟؟
امتحانات البنات شو بتكون النتايج تبيض الويه ولا تسوده ؟؟؟
انتظروني في الجزء الياي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 22-05-2009, 11:07 PM
صورة صمتي يخنق عبرتي الرمزية
صمتي يخنق عبرتي صمتي يخنق عبرتي غير متصل
©؛°¨غرامي مشارك¨°؛©
 
الافتراضي رد: مستحيل احب غيرك / روايه رومنسيه باللهجه الاماراتيه ...


الجزء الثاني ..
مر الاسبوع عادي و سريع و كل يوم جاسم كان يتريا الساعه اللي بيرجع فيها البلاد صحيح لين قالوا انه الغربه صعبه .. بعد مرور شهر بدت الامتحانات الجامعه و الكل قام يدرس خاصه البنات .. بعد اسبوع و مابقى غير آخر امتحان على اليازيه و هيا و نوره ..

في الجامعه ..
البنات كانوا يتريون اهاليهم عشان ياخذونهم من الجامعه..
اليازيه: ها شو سويتي في الامتحان ..
شيخه: الحمد لله تمام و انتي ؟؟
اليازيه: تمام ان شاء الله العلامات الكامله ..
شيخه ربيعة اليازيه و هياو نوره جميله ماشاء الله عليها عيونها عسليه و بشرتها بيضه و شعرها يوصل لين كتفتها ..
هيا+نوره: السلام عليكم ..
شيخه+اليازيه: وعليكم السلام ..
نوره: ها شو سويتوا ؟؟
شيخه: والله كل شي تمام ..
اليازيه: متى النتايج ؟؟
هيا: الاسبوع الياي ..
اليازيه: شواخ بعد النتايج شو رايج تيين عندنا لانه بنات عمي يبون يشوفونج و منها نسوي حفلة نجاحنا ..
شيخه: اوكي .. بااااااااااي بنات انا الحين بسير ..
و سلمت عليهم و الكل فتحها مناحه لانه آخر يوم ..بعد ماظهرت شيخه من الجامعه و هي عند الباب شافت سيارتهم واقفه فسارت لها و كان في سياره نفسها في المواصفات و كل شي .. الاخت غلطت و دخلت السياره الثانيه اول ماافتحت الباب ..
شيخه و بكل عفويه: السلام عليكم عبود..
الريال اللي كان في السياره مستغرب منو هذي البنت ..
حميد: منو عبود ؟؟
شيخه انصدمت هذا مب اخوي ..
شيخه: انت مب عبيد ؟؟
حميد: لا انا حميد ..
شيخه نزلت راسها و ويهها احمر: السموحه اخوي .. و ظهرت ..
شافت اخوها و سارت له و هي محرجه .. ركبت السياره و هي ساكته ماانطقت بكلمه وحده و ويهها احمر حيييييييييييييييييل ..
عبيد: ترى السلام لويه الله و بعدين ليييييييييييش تأخرتي ؟؟..
شيخه: من باجر تسير تشتري لك سياره ثانيه ..
عبيد: لييييييييييييييش ان شاء الله لا يكون قاعد على بنك و انا ماادري ..
شيخه و هو تبي تصيح: قلت لك تغيرها يعني تغيرها ..
عبيد: انزين فهمني لييييييش ؟؟؟
شيخه: وااااااااااااااااااي يالقفطه شو هذي الفشيله الحين شو بيقول عني الولد ..
عبيد: اي ولد؟؟
شيخه: الله يسلمك ركبت السياره الثانيه بالغلط لانها نفس سيارتك و الولد اللي داخلها يشبهك وااااااااايد ..
عبيد: ههههههههههههههههههههههههههههههههههههههههههههههههه بذمتج ؟؟
شيخه قامت تصيح: يعني اجذب عليك ..
عبيد: لا محشومه اختي بس كنت اتخيل شكلج في الموقف ...
شيخه: ابي هديه ترضيه على الضحكه اللي ضحكتها علي ..
عبيد: غالي و الطلب رخيص على هالراس اغديج برع و مانرجع البيت الا الساعه 1 الفليل شو رايج ؟؟
شيخه: الله يخليك لي غناتي ..
عبيد: هيه هيه حق المصلحه مافي احسن عنج ..
شيخه: ادري طالعه عليك .. و ساروا ..

بعد ماركبت اليازيه السياره سلمت بس حميد مارد عليها كان منصدم من الموقف اللي صار.. جناااااااااااااااااااااااان هالبنت شو سوت بي قلبت كياني يالله حلوووووووووووه ..
اليازيه: حميييييييييييييييييييييد ..
حميد:هااااااااااااااااااااا بلاج تصارخين ؟؟
اليازيه: بلاك من ساعه و انا ازقرك ..اللي ماخذ بالك يتهني به ..
حميد: محد ماخذ بالي .. ها اخبار الامتحان ؟؟
اليازيه: والله تمام علامات كامله ان شاء الله ..
حميد: هيه اباج جذي تبيضين الويه على اخوج .. و ساروا البيت ..
حميد كانت حالته مب حاله باله كان عند البنت اللي شافها شوو حلوه ملاك نازل من السما ..

في بيت بو سلطان ..
بعد مارجعوا البنات من الامتحان كانت الساعه 10 فساروا ينامون لانه اخر امتحان ..

بعد اسبوع في بيت بوعبدالله ...
حمدان: ريمووووووووووووووووووووووه ..ريماني..
ريم: بلاك تزاعق خرعتني ؟؟
حمدان: ماظهرت النتايج ؟؟
ريم: امبلى ظهرت ..
حمدان: شووووو الاخبار ؟؟
ريم: اتصل بحبيبه القلب و اسئلها ..
حمدان: انزين ..
شل التلفون و اتصل بيت عمه بوسلطان ..
هيا: مرحبا ..
حمدان: مرحبتين هلا والله بالطش و الرش و الماي اللي في غرش منو ؟؟
هيا عرفت انه حمدان من حركاته : اخوي انت اللي متصل مب انا ..
حمدان: انا الشيخ حمدان و انتي اي وحده من التوأم ؟؟
هيا: هياوي ..
حمدان ماصدق غناة روحه تكلمه بعد هالغيبه الطويله: هلا بغناة الروح و القلب شحالج الغاليه ؟؟
هيا: بخير دامك بخير ..
حمدان: اخبرج شحال النتايج ؟؟
هيا: ترفع الراس و تبيض الويه ..
حمدان: شووووووووو ؟؟
هيا: لا كلها درجات كامله ..
حمدان: لا رفعتي الراس ياحرمة حمدان ..
هيا: جان اصدق عمري ...
حمدان: و لييييش ماتصدقين قريب ان شاء الله ..
هيا: حمدان اخليك الوالده تزقرني ..
حمدان: فديت اللي يستحون يلا مع السلامه ..
ريم: هابشر ؟؟
حمدان: مابخبرج اتصلي و تخبريهم .. و سار عنها ..
ريم: عنلالالالالالالالالاتك يالخام ..
حمدان: سمعتج .. و ظهر بيسر عند ربيعه جراح ..

يوم الخميس في بيت بو عبدالله ..
الكل كان مجتمع و مسوين عزيمه حق الناجحين و 4 ذبايح و البنات من العصر في المطبخ يسوون السويت .. و بعدين بدلوا ملابسهم .. ريم و هيا طقموا و كانوا البنات الباقيات كاشخات ..حتى الشباب ماقصروا ..بعد العشى ساروا البنات المطبخ عشان يجهزون السويت ..
اليازيه بخبث: انا بسير الوالده تزقرني .. و سارت ..
دلال+نوره: احنا بنودي الصحون ..و ساروا ..
ريم: هيا انا بسير فوق بعدل شيلتي و انتي جهزي الصحون ..و سارت ..
بعد شوي دخل حمدان و شالنه الهوى و يغني ..
حمدان: حسهم بين الانفاس و بالضلوع احتويهم ..و يكمل ..انتبه انه في حد في المطبخ و على باله اخته ريم فسار و حظنها من ورى و باسها على رسها ..
حمدان: فديتج ختيه مسويه هالكيكه عشاني ..
هيا ماعرفت شو تسوي ..و من الصدمه مانطقت بكلمه ..
حمدان: بلاج ساكته ابا اسمع حسج غناتي ..
و فجأه ..
ريم: حمدوووووووووون شو تسوي ؟؟
حمدان: يعني انتي مب ريم ؟؟
التفتت هيا: لا انا هياووووي ..
حمدان: الحمد لله الله ستر و ماسويت شي ..
ريم+هيا: شوووووووووووو لا و الله ؟؟
حمدان: اللهم سكنهم في مساكنهم بلاكم كليتوني بقشوري ..
و تدخل ام عبدالله عليهم ..
ام عبدالله: حمدان شوو تسوي في المطبخ ؟؟
حمدان: هاااااا اودي السويت الميلس ..
هيا و بخبث: خالتي ..
ام عبدالله: عيون خالتج ..
هيا و بكل براءه : حمدان طفر بي مايخليني اشتغل يعني انا شو اسوي كل مره اخبره لا بس هو ماشي فايده منه تعبت انا ..
حمدان: شوووووووووووووو جذابه؟؟؟
ام عبدالله: صخ انت ماتستحي على ويهك تلعوز شيخة البنات ..
ريم: لا و الله ..
ام عبدالله: انتي اسكتي هيا شيختكم ..
حمدان بصوت واطي: طبعا لانها حرمتي ..
ام عبدالله: شووووو ماسمعت رمستك ؟؟
حمدان: هااااااا .. لا ماشي بس اتريا هيا تعطيني الصحن عشان اوديه ..
و خذى الصحن و ظهر ..

في الميلس بعد ماتقهوا الرياييل ..
بو سلطان: شباب ..
الشباب: نعم ..
بو سلطان: يمدحونها اصواتكم ..
الشباب: هيه ندري ..<< يالخقه..
بو سلطان: انزين نبا نسمع شي ..
حمدان: غنيه ..
الكل: هيه ..
الشباب: فالكم طيب ..و غنوا(( احلى اثنين حق يوسف العماني )).. حمدان و هزاع يغنون و الباقي يطبلون و اللي ايوول و الفرحه و الضحك و السوالف شاله البقعه بس ماناقص الا جاسم هالمسكين المتغرب عنهم ..
بعد ماخلصوا ..
حمدان: نبا نسير البر ..
بوعبدالله: فالك طيب باجر اجهزوا..

في بريطانيا ..
جاسم و احمد كانوا يالسين في الشقه و جاسم صادته حمى قويه و كان وااااااااااااااااايد تعبان ماقادر يتحرك من مكانه و احمد قاعد يسوي له شوربه ..
احمد: يلا اشرب ..
جاسم: مابا مالها طعم ..
احمد: حلجك اللي مافيه طعم ولا انا تارس الشوربه ملح عشان تحس بالطعم ..
جاسم: هههههههههههههههههههه .. و يعطس .. اخخخخخخخخ خشمي ..
احمد: ههههههههههههههههههههههههههههه يلا اشرب ..
و قعد جاسم يشرب الشوربه ..

الساعه وحده في البلاد الكل سار بيته و كانوا متفقين انه بكره بيسيرون البر ..

اليوم الثاني ..يوم الجمعه ..
في بيت بوعبدالله ..
حمدان: هاااااااااا جهزتوا ؟؟؟
ام عبدالله: تريا شوي ..
حمدان: انا في السياره ..

في بيت بو سلطان .. بعد ماجهوزا ظهروا و تلاقوا العوائل في المكان المعتاد و بعد ماوصلوا فرشوا حصيرهم و يلسوا و الشباب جهزوا الجدور و الخضره و البهارات .. و البنات يجهزون السفره و الصحون و غيرها ..
هيا: شباب ابتسوا حق الكيمره ..
حمدان: لالالالا تصورين ..
هيا: ليييييييش اشكالكم حلوه و انتوا تطبخون ..
طلال: انتي من ؟؟؟
هيا: ماادري انت قول ..
هزاع وهو يعابل البصل و الدموع تارسه عينه: هياااااااااااااااااااااااوي تعالي قطعي البصل ..
هيا: شوووووووووو انت منو الشيخ اعرفك تعرفني لا مااعتقد ؟؟؟
الشباب: ههههههههههههههههههههههههههههههههههههههههههههههه ..
حميد: وااااااااااااااااااااااي ..قفطه ..
ريم: هاااااا شباب اي مساعده غير البصل ..
جان هزاع يخزها بنظره ..
هزاع: والله ماشي غير البصل ..
ريم: لا الشيخ مشكور خله حقك ..
دلال: طلولتي تبي مساعده غناتي ..
ذياب: شمعنى طلال؟؟
دلال: الناس مقامات ياولد العم ..
على الغدى ..
ام عبدالله: انا ابا اعرف منو مسوي المجبوس بدون اللحم ..
الشباب سكتوا لانهم عرفوا انه في شي ناقص ..
الشباب: حمدااااااااااااااااااااااااااان ..
حمدان: يالخونه انتوا ماتسكتون عنلاتكم ..
ام عبدالله: مالت عليك عنلالالالالالالالالالالاتك من ولد مافيه ملح الله ياخذ ابليسك ..
حمدان: حطي فيه فلفل بيصير فيه طعم ..
الكل: ههههههههههههههههههههههههههههههههههه ..
بوذياب: لالا شباب تسلم يدكم على الغدى ..
محمد: ندري عمي انه الغدى حلووووووو بدون ماتخبرنا ..
بو سلطان: يالخقه ماادري طالعين على منو ؟؟؟
بو عبدالله: بعد على منو علي انا اكيد..
بعد الغدى اتفقوا الشباب يسيرون يحوطون البنات فركبوا كلهم سياره بوعبدالله الستيشن و حمدان هو اللي يسوق .. حمدان حب يتنيذل فركب على تل و السياره تمشي على صوب.. و اللي تزاعق و الثانيه تصيح و الثالثه تهدد و الشباب فاطسين ضحك عليهم ..بعد ساعه من الحواطه و التخرع رجعوا ..
دلال: عنلالالالالاتك يالخام طيحت قلوبنا ..
حمدان يستهبل: وين وين ؟؟
ريم: عن الاستهبال يالسخيف ..
هيا: بخبر ابويه ..
حمدان: اشوف يلا سيري له لالا حلفت عليج تسيرين مااوصيج تخبرينه انه حمدان اللي سوى بي جي ..
نوره: تستهبل ..
و قعدوا يضحكون على سوالف حمدان و المقالب اللي يسويها في البنات ..
ذياب: شباب شو رايكم في سباق ؟؟
عبدالله: اوكي بس منو ؟؟
هزاع: انا بشارك ..
حمدان: و انا بعد ..
ركب حمدان سياره ابوه و هزاع ابوه .. و بدأ السباق بالاول هزاع اللي كان سابق بس في النهايه حمدان اللي فاز و اليازي تصور .. يعني باختصار الطلعه كانت رووووووووووووووعه .. بعد المغرب اشتلوا العوايل و راحوا بيوتهم ..

متى جاسم بيرجع البلاد ؟؟؟؟
شلون بيكون المقلب اللي سوه جاسم و حمدان في عبدالله ؟؟؟؟
شو الحال على حميد من بعد ماشاف شيخه ؟؟؟؟

ابي تفاعلكم ......

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 22-05-2009, 11:48 PM
صورة على وشك النسيان الرمزية
على وشك النسيان على وشك النسيان غير متصل
©؛°¨غرامي جديد¨°؛©
 
الافتراضي رد: مستحيل احب غيرك / روايه رومنسيه باللهجه الاماراتيه ...


بدااية موفقه كمليييها
لكن صدقيينيي جناااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ن
تكفييييييييييين كمليها

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 23-05-2009, 01:09 AM
شوؤيقآت شوؤيقآت غير متصل
©؛°¨غرامي جديد¨°؛©
 
الافتراضي رد: مستحيل احب غيرك / روايه رومنسيه باللهجه الاماراتيه ...


وه بث وه

صــــــــــــــــررآحــــــه الروآآآية رووووووعه


بليييييييييييز قلبييييييييي كمليهاااااااااا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 23-05-2009, 12:07 PM
صورة صمتي يخنق عبرتي الرمزية
صمتي يخنق عبرتي صمتي يخنق عبرتي غير متصل
©؛°¨غرامي مشارك¨°؛©
 
الافتراضي رد: مستحيل أحب غيرك / رواية رومنسية باللهجة الإماراتية


بعد مرور اسبوع على كل اللي صار ..

يوم الخميس في غرفة حمدان ..
حمدان: ها بو حمود متى الرجعه؟؟
جاسم: بكره ان شاء الله الساعه 12 بالليل ..
حمدان: تعرف اني احبك و اموووووووووووووووت فيك ..
جاسم: هههههههههههههههههههههههههههه الزبده شوووو تبا ؟؟
حمدان: ابا اخذ فترة نقاهه ..
جاسم: و المطلوب ؟؟
حمدان: اسمع باخذك من المطار بس هب قايل حق احد و بنبدل شخصيات شووو رايك في الفكره العبقريه ؟؟
جاسم: تصدق فكره حلوه لمدة اسبوع ..
حمدان: اكيد ..المهم شحال احمدووووه ؟؟
جاسم: مسكين حاله العاشق الولهان ..
حمدان: لييييييييييييييش ؟؟
جاسم: الحبيبه خطبوها ناس و هو المسكين اختبص هب عارف شو ردها ..هو خايف انه هي توافق والبنت تروح من يده عاد خبرك احمدوووه يحبها من هم صغار ..
حمدان: الله يعينه على الحب و بلواه ..
جاسم: من قلبك ياروميو ..
حمدان: اي روميو انت بعد هذا هزاع صاك علي مايخليني ايلس معاها ..
جاسم: منو انت عشان تيلس معاها ...
حمدان: اخخخخخخخخخ بس متى يجي اليوم و تكون فيه حرمتي ..
جاسم: قريب ان شاء الله ..
حمدان: و انت مافي مني مناك ؟؟
جاسم: لا يسير بالك بعد مافي احد ..
و قعدوا يسولفون لحد اذان الفجر بعد سار حمدان الصلاه و رجع ينام ..


اليوم الثاني على الساعه 1 بالليل سار حمدان المطار عشان يستقبل توأمه ..
اول ماوصل جاسم طار حمدان من الفرحه شعليه بياخذ فترة نقاهه ..
في السياره..
حمدان: و الله جسوم ماتغيرت ..
جاسم: اللي يقول انت اللي تغيرت ..
و شوي جان يرن جوال حمدان و المتصل كان عبدالله اخوه ..
حمدان: انت رد عليه ..
جاسم: بيعرف انه انا ..
حمدان: شلون بيعرفك و احنا عندنا نفس الاصوات يالذكي ..
جاسم: اعترفت اني ذكي.. الووووووووو نعم خير شووو تبا؟؟
عبدالله: جان مارديت بعد ..
جاسم: كنت افكر اني ماارد بس قلت حرام اخوي العود و كسرت خاطري ..
عبدالله: وينك ؟؟
جاسم: اتكشت وين يعني يالس عند البحر ..
عبدالله: انزين ارجع البيت لا تتأخر ..
جاسم: ان شاء الله امااااااايه .. و صكر ..
رجعوا حمدان و جاسم البيت و تأكدوا انه مافي احد و ساروا الغرفه ينامون ..

اليوم الثاني الساعه 12 الظهر وعوا الشباب من النوم ..
جان ريم تدق الباب ..
جاسم+حمدان: منو ؟؟؟
حمدان: خس الله بليسك اسكت ..
ريم: حمدوووووووووون تعال تغدى ..
حمدان: الحين ياي ..
جاسم: يلا انا بسير تحت و انت اظهر برع ..
حمدان: بااااااااااااااااااااااااي توأمي و الله يعينك و ان توهقت اتصل ..
و سار حمدان و طلع من الباب الخلفي للمطبخ و خذى سيارة جاسم ..

نزل جاسم تحت و باس امه على راسها و ريم على خدها ..
عبدالله: اللهم سكنهم في مساكنهم حمدان بلاك ؟؟؟
ريم: نازل عليه الوحي اليوم يبوسني على خدي بالعاده يقعد يطفر بي ..
جاسم: يعني لازم اغير الستايل شوي ..بعدين تملون مني ..
ام عبدالله: هاااا شحالك اليوم احسن عن امس ؟؟
جاسم: ليييييييييش امس شو صار لي ؟؟؟
بو عبدالله: يامسرع مانسيت امس كنت تعبان حيييييييييييييل و بطنك يعورك ..
جاسم: هااااااااااااااا صح صح الحمد لله اليوم احسن .. يلا الغاليه ترى انا يوعان ..
و قعدوا يتغدون ..

مر الاسبوع على خير و محد كشف جاسم و حمدان .. يوم الخميس حب جاسم يتنيذل على عبدالله جان يتصل به و يقول له انه طيارة جاسم بتوصل اليوم فـــعبدالله المسكين صدق و من الساعه 9 وهو في المطار و بعدين اتصل جاسم في عيال عمه و عزمهم على الغدى .. الساعه 12 نزلوا جاسم و حمدان و كانوا كاشخين على الاخر و ريحة العطر شاله البقعه و على دخلة عبدالله ..
عبدالله و هو معصب: امااااااايه وين حمدوووووووووووووون ؟؟
ام عبدالله: فوق في غرفته ..
توه عبدالله بيسير فوق الا حمدان و جاسم حادرين الصاله ..
عبدالله: حمدان ليييييش انت اثنين ؟؟
جاسم: ليييييييييش الطياره ماوصلت ؟؟
عبدالله: جسوم ؟؟!!!!!!!!!
جاسم: هلا والله باخوي شحالك يالغالي؟؟؟
عبدالله: متى رجعت ؟؟
حمدان: صار له اسبوع في البيت و محد داري عنه ..
ريم: شلوووووووون؟؟؟
جاسم: الله يسلمج انا ايلس عندكم في البيت و حمدان من الصبح يسير يتحوط برع و يتكشت مع ربعه تعرفون عشان اتعود عليكم و اعرف انتوا شو تسوون لين انا انا مب موجود و فديت قلبج اماااايه كله تصيح تبا جسيم الغالي..
عبدالله: الحين نقعتوني في المطار من الساعه 9 لين 12 و آخرتها انت في البيت .. انا اراويك ..
و قام يرابع و راهم في البيت ام عبدالله و ريم يدرون بخبالهم اذا اجتمعوا الثلاثي المرح البيت انقلب فوق تحت.. فساروا المطبخ يزهبون الغدى .. سلطان و خليفه و هزاع و طلال و محمد و حميد و ذياب حدروا عليهم و شافوا عبدالله يرابع وراهم ..
ذياب: حمدان بلاك صرت اثنين ولا انا مااشوف عدل ..
حميد: حووو شوووو يالسين تسوون ؟؟
و قف جاسم يسلم على عيال عمه و خبرهم السالفه و هم ناقعين ضحك على عبدالله المسكين اللي نقع في المطار ..
عبدالله: يلا خلونا نسير نتغدى تراني يوعاااااااااااااااااااااااان حدي ..
ذياب: هيه من الركيض ..
طلال: و من اليلسه في المطار..
الكل: ههههههههههههههههههههههههههههههههههههههههههههههههه ..

بالليل سوى بوعبدالله عشى بمناسبة رجعة جاسم .. ذبحوا ذبيحتين و البنات من العصر في المطبخ يسوون السويت لازم هذا الموال في كل عزيمه .. بعد المغرب كانوا كااااااااشخااااااات و كل وحده تقول الزود عندي .. بعد العشى لازم من طبايع حمدان يسير المطبخ حق السويت و يغلس على هيا شوي و امه تهزبه شوي و بعدين يظهر...
حمدان: اكيييييييييييييييييييييد هذي الكيكه سوتها هيااااااااااااااااوي ..
هيا: هيه ..
ريم: شو رايك تجربها ؟؟
هيا: لاااااااااااااااااااااااااااا ..
حمدان: بسم الله الرحمن الرحيم طلعت الوحشه وابويه عليج شوي شوي علي انا ريلج ..
هيا: حمدووووووووووووووون خلنا نودي الكيكه الميلس استح على ويهك شوي..
حمدان: كم مره اعيد رمستي دام انج حرمتي وين تبيني استحي على ويهي ..
جان تستحي هيا و تنزل راسها ..و يحدر جاسم عليهم المطبخ ..
جاسم: وين السويت؟؟
هيا: تفضل.. و تعطيه الصحن ..بالعافيه عليكم ..
حمدان: لااااااااا لا توديه هذي الكيكه اللي احبها حرام عليج هياوي ..
هيا: خذها جاسم ودها حلال عليك كلها لك ..
حمدان: و انااااااااااااااااااااااااااااااااا؟؟
هيا: انت ماشي لك يوز عن حركاتك و بعدين ..
جاسم: زين تسوين روضيه قبل ماتاخذينه .. و يظهر عنهم ..
و تدخل ام عبدالله و لازم الموال بين حمدان و امه في كل عزيمه ..
حمدان: اماااااااااااايه ..
ام عبدالله: شوو تبا ؟؟
حمدان: تعرفين اني احبج موووووووووووووووووووووووووووووت ..
ام عبدالله: زواج الحين لا ..
حمدان:اخخخخخخ ليييييييييييييييييييش ترى مااقدر اصبر عن غناة روحي .. و يطالع هيا ..
ام عبدالله: منو هذي اللي تبا تاخذها ؟؟
حمدان: وحده حلللللللللللللللللوه و طيبه و تعق الطير من سمااااااااااه احلى من ريموه وهي شيخة البنات ..
ام عبدالله: منو تعيسة الحظ اللي امها داعيه عليها ؟؟؟
هيا+ريم: ههههههههههههههههههههههههههههههههههههههه ..
حمدان: امااااااااااااااايه الله يخليج ..
ام عبدالله: على حسب البنت ..
حمدان: لالا البنت انتي تحبينها واااااااااااااااااااااااايد اكثر من ريماني ..
ام عبدالله: منو ترى صكيت راسي ؟؟؟
حمدان: هيااااااااااااااااااااوي ..
ام عبدالله: هذي الساعه المباركه بس مب الحين بعدين ..
حمدان عرف انه مافي امل يقنع امه فسكت و سار الصاله ..
بو ذياب: جاسم ..
جاسم: هلا عمي ..
بو ذياب: سمعنا صوتك ..
جاسم: فالك طيب ..
كنِّي خطا جيتك وقلبي أحْمِلَه ... حالي شغوف ولا تناظر لهفتي ..
سر الغرام اللي بقلبي تجهله ... وانته غرامك في حشايه ومهجتي ..
أنا عطيتك من غرامي أجمله ... وانته ولا حتى تحس بلوعتي ..
لو كان تدري بلِّي قلبي يحمله ... حبٍ صدوقٍ وانت عمري ومنيتي ..
حبٍ وفيٍ كل اقوله وارسله ... عبر الحروف وينقرا في نظرتي ..
ليلي سهر .. ليلي حزن ما أطوله ... لولا طيوفك به تخفِّف علِّتي ..
أسمع صدى صوتك وقلبي يسأله ... والقى ردودك هي عذابي وحيرتي ..
رجواك انا رجوى الليالي المقبله ... خل السعاده تبتسم في دنيتي ..
ملّيت من صبري وكثر الأسئله ... ودي أحس بطعم وقتي وراحتي ..
وانِّي بقلبك لي مكان ومنزله ... واهنا بحبِّي وتحقَّق فرحتي ..
يا ضي عمري وراحته ومستقبله ... يا تاج راسي لا تزوِّد حسرتي ..
وسوالم ..
بو عبدالله: صح لسانك ياولدي ..
جاسم: صح بدنك تسلم بويه..
و قعدوا يسولفون لين الساعه 1 بالليل و بعدين الكل راح بيته ..

بعد اسبوع اليازيه كانت عازمه ربيعتها شيخه على بيتهم و بنات عمها بعد ..
اول ماوصلت شيخه دخلت الميلس و استقبلوها البنات و يلسوا يسولفون و بعدين ساروا فوق غرفة اليازيه ..
شيخه: انا بسير اشرب ماي ..في احد ولا لا ؟؟؟
اليازيه: لا سيري الغاليه الدار امااااااااان ..
سارت شيخه تحت و دخلت المطبخ بدون شيله اونه مافي حد .. حميد دخل البيت عشان ياخذ له غرشة ماي و يظهر و مايدري انه اليازيه عازمه شيخه .. دخل المطبخ و شيخه معطته ظهرها ..حميد على باله هذي اليازيه ..
حميد: يزوي عطيني ماي من الثلاجه ..
شيخه تيبست مكانها و لا لفت ..
حميد: يزوي ابا ماي ..
شيخه: ان شاء الله .. و سارت صوب الثلاجه و منزله راسها عشان مايشوفها ..و ناولته الماي ..
حميد: تس.......................................... و سكت ..انصدم من اللي شافه لا مستحيل تكون هي لالالالالالا مستحيل .. و قلبه طبول و هي المسكينه بعد انصدمت و تذكرت الموقف اللي صار لها ..
حميد: انا مب عبيد ..
شيخه: ادري انت حميد .. و ربعت فوق ..
اليازيه: بلاج ترابعين ؟؟
شيخه: هااااااااااااااا ماشي سمعت صوت ريال ..
و قعدوا يسولفون و هي في عالم ثاني عالم فيه حميد و بس .. حتى حميد ماكان حاله احسن عن حالها كان في عالم ثاني عالم فيه شيخه بس المشكله مايعرف اسمها ..

بالليل بعد ماساروا البنات من عند اليازيه يلست تحت مع حميد و ابوها سار ينام ..
حميد: شحال الحفله اليوم ؟؟
اليازيه: و الله تمام ..
حميد: منو كان موجود؟؟
اليازيه: ربيعتي شيخه و بنات عمك ..
حميد في خاطره هيه و الله هي شيخه ..
حميد: يلا سيري نامي ..
اليازيه: تصبح على خير .. و سارت ..
حميد: و انتي من اهله ..

اليوم الثاني اجتمعت العوائل في بيت بوسلطان على الغدى ..
ذياب: ها بنات تبون تظهرون؟؟؟؟؟
هيا: هيه و الله من بدت الاجازه ماسرنا مكان ..
حمدان: استريحي ماعندنا بنات يظهرون من بيوتهم..
عبدالله: انت اسكت ترى الطلعه بتكون على حسابك ..
حمدان: اففففففففففف انزين ..
و قعدوا يسولفون و شالين البقعه ..

بالليل جهزوا البنات و ساروا السنتر .. اول ماوصلوا التقوا بربيعهم صقر بعد ماتعافى و سلوموا عليه و البنات سلموا على خوات صقر شهد و فاطمه ..و دخلوا كلهم فلم واحد ..

بعد الفلم ..
كانوا الشباب يالسين في ستاربكس في جهه و البنات في جهه ثانيه فحسوا بالجوع و طلبوا اللي يبونه و الحين دور اللي بيسير بطلب لهم ..
حميد: يلا عبدالله حبيبي ..
عبدالله: شوووووووووووووووووووو؟؟ انتوا اللي بتاكلون ولا انا ..
حمدان: اسمع ياخوي انت اكبر واحد فينا و الكبير مثل مايقولون يعطف على الصغير و انت طيب و قلبك كبير يعني تكسر بخاطر عيال عمك البزارين ..
خليفه: اخخخخخخخ ياحمدان طحت من عيني حنا الحين بزارين خسارة التربيه فيك ..
الكل: هههههههههههههههههههههههههههه ..
طبعا عبدالله مابيده حيله و سار يطلب لهم ..

عند البنات ..
نوره و هيا و ريم و دلال و اليازيه و فاطمه و شهد اختاروا اللي يبونه ..
ريم: يلا شهوده سيري طلبي لنا ..
شهد: شوووووووووو لا انتوا سيروا ..
دلال: افاااااااااااااااااا شهوده انا يايه اليوم على لحم بطني و بعدين اذا ماطلبتي لنا و صار فيني شي لا سمح الله بخبرهم هذي شهد اللي رفضت تطلب لنا ..
شهد: آآآآآآآآآآآآآآآآآآآآآآآآآآه انزين و امري لله ... و قامت المسكينه ..

عند المطاعم كان المكان ممزور شباب خبركم اجازه و شهد البنت الوحيده ..انتبه عليها عبدالله و سار لها ..
عبدالله: انا في خاطري اعرف شي وااااااااحد انتي شووووووووو تسوين بين الشباب ؟؟؟
شهد: تصدق قاعده اهز و ارقص ..اكيد ابا اطلب للبنات ..
عبدالله: شوووو رايج افصخ نعالي و تعطيني على ويهي بعد هااا شووو رايج ؟؟
هني سكتت شهد و ويهها انقلب اشاره المرور ..
عبدالله: انزين سيري يلسي و انا بطلب ..
شهد: و البنات؟؟
عبدالله: لا تحاتين بطلب حق الكل ..
سارت شهد و يلست على الكراسي و عبدالله بين كل دقيقه و الثانيه يشوفها مستانس اخونا ..

بعد العشى ..
هيا كانت سرحانه و البنات يسولفون و ماوعوا الا بواحد من الشباب يحط الرقم جدام هيا ..
الولد: فديت هالويه والله .. و سار ..
هيا كانت منصدمه و البنات بعد و على طول رفعت راسها لحمدان ..حمدان كان سرحان و صد راسه و شاف الموقف و صقر بعد انتبه و توه بينطق الا حمدان قايم ..
حمدان وهو ياخذ الرقم: انا اراويج فيه الحمار .. جان هيا تبتسم له عااااااااد هو نسى الدنيا غناة روحه تبتسم له .. و سار عند الولد ..
حمدان: لو سمحت اخوي ..
الولد: خير الشيخ ؟؟
حمدان: انا برد لك شيين ..
الولد:شوووووووووو؟؟
حمدان وهو يعطيه الرقم: اولا لا ترقم بنات الناس يدام اهلهم ..
الولد: و بعد؟؟
حمدان لف شويه و رجع عطى الولد بكس على ويهه .. طاح الولد و نزل حمدان لمستواه ..
حمدان: ماتشوف شر حبيبي .. و فر عليه حبة فاين و سار يلس ولا كأنه مسوي شي ..
حمدان: هااااااااا طلال حبيبي كمل و بعدين ..
طلال: امممممممممممممم ..شووو رايكم نسير البيت ؟؟
قاموا الشباب و ساروا و في نص الطريج ..
عبدالله: اووووووه نسينا البنات ..
حمدان: لالا لاتخاف انا بسير لهم.. و سار
حمدان: يلا بنات اشتلن ..
قاموا البنات ..هيا كانت موخيه راسها و تمشي ورى و حمدان عمدا يمشي قدامها دخلوا البنات محل و الشباب وراهم ..ماوعت هيا الا بواحد يلزق فيها و يمسك يدها جان ترفع راسها و تشوف حمدان ..
هيا: حمدان خوز يدك عني بلييييييييييييييييييييييييز ..
حمدان: بنسير عند هزاع و خلى يخوز يدي ..
هيا: شووووووووو حمدان الله يخليك ..انت شارب ؟؟
حمدان: هيه شارب من بحر حبج و بعدين ما بخوز يدي الا بشرط ..
هيا: اي شي بس تخوووووووز يدك ..
حمدان تشقق: اريد بووووووووووووووووووووووووووسه ..
هيا: شوووووووووو لا مستحيل ..
حمدان: تراهم داخل هذا المحل ..
عااااد المسكينه مابيدها حيله لانها عارفه انه حمدان مابيخوز يده الا يسوي اللي في راسه عنيد الولد و لا شعوريا باسته على خده و سارت صوب المحل و هي قافطه ..جان يزقرها حمدان ..
حمدان: هيا ترى كنت امزح معاج ..
هيا: لالا عادي .. و سارت جان يزقرها مره ثانيه ..
حمدان: هياوي ..
هيا: خير بغيت شي حمدان ؟؟؟
حمدان: يعني فيها شي لا قلت احبببببببببببببببببببج ..
استحت هيا و نزلت راسها و دخلت المحل و حمدان حط يده على مكان البوسه و ابتسم لانه عرف غلاته عند هيا و تسوي اي عشان ترضيه و بعد دقيقتين دخل المحل .. الله على الحب ..

وهو ظاهرين من المجمع عند السيارات .. الشباب ركبوا سيارة عبدالله و البنات ركبوا سيارة هزاع و سيارة حمدان كانت فاضيه عاد من سوء حظ هيا انه ماكان لها مكان في السياره ..
هزاع: حمدان ..
حمدان: شووو ؟؟
هزاع: عندك مكان في السياره ؟؟
حمدان: هيه بس ليييييييش ؟؟
هزاع: هيا مالها مكان ..
حمدان تشقق: اوكي خلها تيي ..
هزاع: هياوي سيري سيارة حمدان ..
هيا: شووووووووو لا مابا ..
عاد هزاع ماسوى لها سالفه و حرك ..
حمدان: يلا ركبي ..
هيا: ان شاء الله و امري لله ..

الشباب قاموا يتسابقون عاد حمدان اشتط معاهم و بدأ يسرع و هيا المسكينه ميته خوف .. بعد ما الشباب سبقوا حمدان هو ماوعى الا بشي يلتف حول خصره نزل راسه و انصدم لين شاف هيا لاويه عليه و دافنه ويهها في صدره و تشهق من الصياح ..
حمدان: بلاج .؟؟؟؟
هيا بصوت كله صياح: انا اخاف من السرعه .. و زاد صياحها ..
عاد حمدان ماقدر يتحمل و حط يده على راسها و ماحس الا بشي ناعم نزل راسه و شاف قصتها كانت باينه ..
حمدان وهو يعدل يلستها: لا تصيحين ترى دموعج غاليه علي حييييييييييييييييييل ..
هيا ساكته ماانطقت بكلمه و صياحها زاد و زاد .. حمدان في هاللحظه حس انه حقير و طايش لانه صيح غناة روحه و لاشعوريا حضنها بقووووووووو لصدره ..هيا استغرب من هالحركه ماتوقعت حمدان يكون بالهجرأه بس اسكتت .. جان يتصل هزاع حق حمدان ..
هزاع: ماصارت عاااااااااد واااااااايد تأخرتوا ..
حمدان: انت عارف اليوم اجازه و زحمة الطريج لا تخاف حنا قريب من البيت ..
هزاع: انزين لا تسرع ترى هيا تخاف ..
حمدان: هيه لاحظت ..
هزاع: اوكي يلا بااااااااااي .. و سد السماعه ..
حمدان و هيا طول الطريج ساكتين وما نطقوا بكلمه وحده هو نفسه استغرب ليييييييييييش سوى هالشكل ماكان يعرف انه جرىء لهالدرجه ..

عند باب البيت ..
حمدان: تصبحين على خير ..
هيا: و انت من اهله حط بالك على نفسك و لا تسرع ..
حمدان: دام انج طلبتي مني حاضر غالي و الطلب رخيص ..
هيا: يعني كنت ناوي تسرع صح ؟؟
حمدان: كنت ناوي اسوى سباق مع واحد من الشباب بس دامج طلبتي مني خلاص بخبرهم حرمتي مارضت اسوي سباق ..
استحت هيا و نزلت راسها ..
حمدان: فديت قلبج يلا باااااااااااااااااااااااي ..
سارت هيا بدون ماترد عليه .. هو وصل البيت و كان الكل رقود لانه الوقت متأخر دخل الغرفه و شاف جاسم يالس على المسن ..
حمدان: ها بو حمود شووو تسوي ؟؟
جاسم: ارمس احمدوووووووه ..
حمدان: صدق شوووووووو اخباره ؟؟
جاسم: و الله الحمد لله ..
حمدان: يلا انا بسير انام لاني تعبان حيييييييييييل ..
جاسم: لحظه شوي شوو كنت انت و هيا تسوون في السياره ليييييييييييش تأخرتوا ؟؟؟
خبر حمدان جاسم السالفه ..
جاسم: حرام عليك ياريال انت قاعد تاخذ اثم ..
حمدان: ادري ياجاسم ادري بس مااروم اصبر عنها خبرت الوالده يوزيني ترجع تخبرني لا انت كون عمرك و بعدين بيوزك اللي تباها ..
جاسم: صدقها الوالده ياحمدان بعدين البنت مابتروح من يدك بنفسه عمي قايل انه حمدان حق هيا و هيا حق حمدان ..
حمدان: انت ماتعرف شو اللي احس به و انا قربها مشاعري تتحرك انا اللي قلبي عمره ما نبض لوحده مثل هيا ..
جاسم: الله يجمعكم ان شاء الله بس يوز عن هالحركات.. يلا تصبح على خير انا بنام ..
حمدان: جسوم نام عندي اليوم ..
جاسم: ليييييييييييييييييش ماعندي سالفه ولا ماعندي سالفه ..
حمدان: اخاف يستوي بي شي من حب هيا ..
جاسم: والله و طحت طيحه ياحمدان خلاص غالي و الطلب رخيص بنام عندك و بنشوف اخرتها معاك ..

مر شهر على الاحداث اللي صارت و خوات صقر زادت علاقتهم مع البنات و الشباب بعد كل اسبوع يزورونهم ..

يوم الخميس الساعه 1 بالليل في بيت صقر ..
فاطمه كانت في غرفتها فوق و صقر و شهد كانوا تحت يطالعون تلفزون ..فاطمه حدرت على امها الغرفه عشان تعطيها دواها ..هزتها و هزتها بس ماشي فايده مسكت خدها جان تشوفها باااااااااااااااااااااارده و صرخت مره وحده ..
فاطمه: لاااااااااااااااااااااااا اماااااااااااااااايه رااااااااااااحت ..و تهزها ..
صقر و شهد سمعوا صوت صراخ فاطمه و ربعوا فوق ..
صقر: فطيم بلاج ؟؟
فاطمه: صقر الحق على امايه ماترد علي ..
قام صقر و وداها المستشفى و اتصل بأبوه ..
ملاحظه(( بو ذياب هو بو صقر تزوج ام صقر بطلب من ام ذياب عشانها مايابت غير ذياب و هي تعرف انه عندها ثلاث عيال يعني صقر و فاطمه و شهد يصيرون اخوان ذياب من ابوه بس ولا واااااااحد فيهم يعرف انه عنده اخو))..
بو ذياب: الوو..
صقر: بويه الحق انا في المستشفى مع الوالده ماادري شو فيها..
قام بوذياب و لبس و سار مع ام ذياب المستشفى .. بعد ساعه ظهر الدكتور و علامات الحزن على ويهه ..
الدكتور: البقيه في عمركم ..
فاطمه+شهد: لااااااااااااااااااااااااااااااااااااااااااااااااا ااااا ..
صقر خر على الارض و يصيح و بوذياب معاه و يحاول يهديه و ام ذياب حضنت البنات ..الساعه 2 بالليل ساروا الجماعه بيت بو ذياب بعد ماخلصوا الاوراق اللازمه..يلس صقر في الميلس مع بو ذياب و البنات في الصاله ..
فاطمه: لاااااااااااا مستحيل مستحيل امااااااااااايه تروح و تخلينا لحالنا..
شهد: سارت و خلتنا لحالنا ماااااااااااتت ..
ام ذياب: افااااااااااااا انا وين سرت ؟؟
فاطمه: سامحينا ياخالتي بس اماااااايه غير ..
ام ذياب: انا عارفه اني مااقدر اعوضكم عن حنان امكم بس دخيلكم اباكم تنادوني امااايه ..
فاطمه ارتاحت شوي من كلام ام ذياب ..

في الميلس ..
صقر كان منسدح على الكرسي و يصيح و بوذياب يتصل في ذياب بس مايرد عليه..
بوذياب: خلاص ياولدي ادعوا لها بالرحمه مب زين تسوي بعمرك جي ..
صقر: هذي اماااااااااايه يابويه مااتخيل الدنيا بدونها ..
بوذياب: اسمع ياولدي من يوم و ساير بتعيشون عندنا في البيت يلا تعال الصاله عندي شي ابا اخبرك انت و خواتك .. و ساروا الصاله ..
اول ماشافت شهد صقر لوت عليه و تصيح و ام ذياب لاويه على فاطمه و تصيح معاها ..انتبه صقر على صوره كانت موجوده على الطاوله الصغيره ..
صقر: ذياب.. بويه هذي صورة ذياب..
بو ذياب: هيه هذا الموضوع اللي بغيتكم فيه ذياب اخوكم العود ..
صقر و فاطمه و شهد انصدموا ماتوقعوا انه يكون عندهم اخوا كبير و منو ذياب ربيع صقر من الطفوله..
صقر: بويه هذا ربيعي الروح بالروح ..
بو ذياب: معقوله ماانتبهتوا حق تشابه الاسامي ..
ام ذياب: ولدي صقر ماتلاحظ انه ولا وحده من خواتك ما يشبهونك كلهن يشبهون ذياب ..
و شوي و يدخل ذياب عليهم ..
ذياب: السلام ........................................ و انصدم لين شاف صقر موجود ..
بو ذياب: اقرب ياولدي ..
ذياب: صقر انت شوووو تسوي هني ؟؟؟
صقر: اماااااااااااااااااايه توفت ..
انتبه ذياب على فاطمه و شهد و تذكر موقفه مع فاطمه .. ذياب كان يحب فاطمه موووووووووووت من بعد الموقف اللي صار له في المستشفى و فاطمه ماغابت عن خياله ولا دقيقه و الحين انصدم لين شافها موجوده عندهم ..
ام ذياب: تعال ولدي ايلس عندي و انا بفهمك السالفه ..
بو ذياب: ذياب انا تزوجت على امك بطلب منها لانها بعد ما انت فتحت عينك على هذي الدنيا مايابت غيرك و الحين حرمتي الثانيه توفت اليوم و صقر و فاطمه و شهد هم خوانك ..
الصدمه نزلت مثل الصاعقه على ذياب ..مستحيل البنت اللي حبيتها من كل قلبي و اللي اعتبرتها حبيبتي تطلع اختي لا مستحيل ..
صقر: ذياب حنا مالاحظنا الشبه بين الاسامي ..
ذياب: ادري بس شلون جي بويه انت دمرت حياتي ..
بو ذياب وهو مصدوم: لييييييييييييييييييش انا شووو سويت ؟؟؟
ذياب و الدموع تنزل من عينه: تتذكر يوم خبرتك اني ابا اتزوج ؟؟
بو ذياب: هيه و خبرتني انها اخت ربيعك ..
ذياب: اخت ربيعي هي فاطمه انا بغيت اتزوج فاطمه اللي هي اختي و الله ستر اني ماخذيتها حبيتها من كل قلبي و الحين تطلع اختي .. و سار عنهم و هو حالته حاله ..
فاطمه انصدمت من كلام ذياب معقوله كان يحبني معقوله ..

ظهر ذياب من البيت و سار صوب البحر ..
ذياب: لااااااااااااااا مستحيل ليييييييييش بويه خبى عني هذي السالفه لييييييييييييييييييش و الف سؤال و سؤال يدورون في راس ذياب ..

في بيت بوذياب بعد الحاله ماكانت تسر لا عدو ولا صديق ..
ام ذياب: صقر سير فوق ارتاح انت و خواتك ..
و سارت ام ذياب معاهم فوق ..البنات في الغرفه و صقر في غرفه ..على الساعه 3 الفجر قام صقر و خذى له شور سريع و طلع انسدح على الشبريه و يصيح و يفكر في حياتهم بعد امهم الله يرحمها ..بعد ربع ساعه ذياب رجع البيت و قبل مايدخل غرفته انتبه على النور اللي ظاهر من الغرفه الاخيره في الممر فسار صوبها و فتح الباب .. التفت صقر على ذياب اللي انصدم لين شافه كانت عيونه محمره من الصياح اول مره يشوفه بهالشكل و بهالحاله..
صقر: ذياب..
ذياب بصوت مبحوح: عظم الله اجرك اخوي..
صقر: اجرنا و اجرك يالغالي..
ذياب: وين البنات ؟؟؟
صقر: في غرفتهم ..
ذياب: اوكي قوم يلا نسير المسيد ..
و ساروا مع بوذياب ..
في طريج الرجعه..
بوذياب: سامحوني ياعيال كان لازم اخبركم من البدايه ..
ذياب+صقر: مسموح بويه ..

رجعوا البيت و سار بوذياب غرفته ينام و ذياب حلف على صقر انه ينام معاه ..
ذياب: انا بسير للبنات و برجع ..
و سار للبنات .. طق الباب ..
شهد: منو ؟؟
ذياب: اخوكم العود ..
فاطمه: اي اخو؟؟
ذياب: انا ذياب ممكن ادخل ..
قامت شهد و فتحت الباب و بعدين رجعت مكانها ..
ذياب: عظم الله اجركم خواتي ..
شهد+فاطمه: اجرنا و اجرك ..
ذياب: ابا انام عندكم اليوم ممكن؟؟؟؟
شهد: تفضل انت اخونا العود ..
سار ذياب و يلس على الشبريه و فاطمه حطت راسها على كتفه و هو حضنها و شهد حطت راسها على ريله و محد حس بعمره و ناموا .. ذياب تأخر على صقر فقام عشان يشوف وينه و لين دخل عليهم شاف شكلهم وهم راقدين ابتسم ..الله يديم المحبه و سار هو الثاني ياب له دوشق و فرشه على الارض و حط راسه و نام ..

اليوم الثاني الجمعه ..دخلت ام ذياب غرفة الاولاد بس مالقتهم و بعدين سارت غرفة البنات ..لين دخلت شافت منظرهم و هم نايمين ابتسمت و زقرت بوذياب اللي كان في غرفته ..اول ماشافهم ابتسم و نزلت دمعه من عينه .. بعد ماوعتهم وساروا الشباب سبحوا و بعدين ساروا المسيد حق صلاة اليمعه..

بعد مارجعوا من المسيد .. على الغدى ..
بوذياب: اليوم بخبر الباقي بالزواج ..
ام ذياب: انت متأكد ..
بوذياب: لازم يعرفون انه عندهم عيال عم غير ذياب..

وشو بيكون رد فعل الكل لين يعرفون بالخبر ؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 23-05-2009, 06:13 PM
أم الغوا أم الغوا غير متصل
©؛°¨غرامي جديد¨°؛©
 
الافتراضي رد : مستحيل أحب غيرك / رواية رومنسية باللهجة الإماراتية


هلااااااااااااااااااا قصة رائعة بس في ملاحظات الجوال ,,,,, في الإمارات يسمى الموبايل<<<<< خخخخخخخخخخ
تقبلي مروري عزيزتي >>>>>>>>>>>>

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 23-05-2009, 06:33 PM
صورة صمتي يخنق عبرتي الرمزية
صمتي يخنق عبرتي صمتي يخنق عبرتي غير متصل
©؛°¨غرامي مشارك¨°؛©
 
الافتراضي رد: رد : مستحيل أحب غيرك / رواية رومنسية باللهجة الإماراتية


اقتباس:
المشاركة الأساسية كتبها أم الغوا مشاهدة المشاركة
هلااااااااااااااااااا قصة رائعة بس في ملاحظات الجوال ,,,,, في الإمارات يسمى الموبايل<<<<< خخخخخخخخخخ
تقبلي مروري عزيزتي >>>>>>>>>>>>


احم هههههههه هلا >> و منكم نستفيد هههه

يسلمو على المرور يا قلبوو

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 23-05-2009, 10:58 PM
صورة صمتي يخنق عبرتي الرمزية
صمتي يخنق عبرتي صمتي يخنق عبرتي غير متصل
©؛°¨غرامي مشارك¨°؛©
 
الافتراضي رد: مستحيل أحب غيرك / رواية رومنسية باللهجة الإماراتية


في بيت بوعبدالله.. العصر ..
حمدان و جاسم و عبدالله كانوا يالسين في الحديقه يشربون جاي ..
جاسم: ماهقيتك تحب هيا لهالدرجه ..
عبدالله: انت شفت شووو صار للولد مسكين والله خشمه قام ينزف دم زين ماكسرته له ..
حمدان: والله محد خبره يرقم بنات الناس ومنو ماحلاله الا غناة روحي ..
جاسم: و الله و طلعت ريال ..
حمدان: حسبالك شراتك ياهل ..
عبدالله: هههههههههههههههههههههه حلوه حلوه ..
جان يرن جوال عبدالله ..
عبدالله: الووو ..
ذياب: مرحبا الساع ..
عبدالله: مرحبا ملايين ..
ذياب: شحالك عبدالله؟؟
عبدالله: بخير و انت ؟؟
ذياب: تمام ..
عبدالله: بلاك ذياب؟؟
ذياب: اليوم فليل حنا مسوين عشى و انا اتصلت في اعمامي كلهم فــشرفونا لو سمحتوا ..
عبدالله: لييش صاير شي ؟؟
ذياب: تعالوا و انتوا بتعرفون ..
عبدالله: فالك طيب خلاص ..
ذياب: باااااااي .. و صكر ..
جاسم: بلاه ذياب.؟؟؟؟
عبدالله: و اله ماادري بس اليوم عمي مسوي عشى و يبانا نيي عندهم موضوع يبونا فيه ..
حمدان: الله يستر ..
ساروا خبروا امهم و ابوهم .. و نفس الشي بوسلطان و بومحمد و بوراشد الباقي ..

بالليل الكل اجتمع في بيت بوذياب و اللي استغربوا منه زياده انه صقر كان موجود ولا هو و ذياب مافارقوا بعض موليه .. و البنات انصدموا لين شافوا فاطمه و شهد و في نفس الوقت استانسوا واااااااااااااااااايد لانه فاطمه و شهد ينحبون و سوالفهم ماتنمل .. في الميلس .. بعد العشى ..
بوعبدالله: بوذياب اخوي شوو السالفه ؟؟
بومحمد: بلاك شي مكدرك ؟؟
بوذياب: سمعوني لين الاخر ولا تقاطعوني ..
الشباب: بلاك عمي خرعتنا ؟؟
بوذياب: من بعد اربع سنين من زواجي من ام ذياب تزوجت وحده غيرها ..
ام ذياب: طبعا بطلب مني ..
بوذياب: و يبت منها ولد و بنتين اخوان ذياب ..حتى ذياب نفسه ماكان يعرف انه عنده اخوان الا البارحه ..
بوعبدالله: وين زوجتك و عيالك ؟؟؟
بوذياب و الدمعه في عينه: البارحه توفت زوجتي الساعه 1 بالليل و العيال بيعيشون عندنا في البيت ..
بوسلطان: منو العيال ؟؟؟
ذياب: صقر و فاطمه و شهد ..
الكل انصدم ..
بوعبدالله: ليييييييش ماخبرتنا ؟؟
بوذياب: حبيت الامر يكون سر ..و التفت على الشباب و البنات.. اباكم تحطونهم في عيونكم ترى هذول عيال عمكم بعد..
عبدالله: افااااااااا عليك عمي هم في عيونها و على راسنا ..
الكل استانس و خاصه الشباب و البنات اللي طاروا من الفرحه لانه عندهم عيال عم يداد على قولة حمدان .. و بعدين يلسوا يسولفون و يضحكون لحد الساعه 2 بالليل ..

اليوم الثاني في بيت بوعبدالله الساعه 12 الظهر ..
في غرفة جاسم..
جاسم: بذمتك..
احمد: ريال طول و عرض تكذبني ..
جاسم: و الله و كبرت يااحمدووووووه ..
احمد: الفال لك بومحمد..
جاسم: لا مااعتقد ..
احمد: انت لا تجهز الدوى قبل الفلعه شوو دراك يمكن يتغير شي ..
جاسم: الحين صار لي 4 سنين يااحمد و انا اعاني ..
احمد: انزين انت خبرت حد ؟؟؟
جاسم: لا طبعا ماخبرتهم ..
احمد: جاسم لازم حد يعرف شوو بتسوي اذا صار بك شي ..
جاسم: هانت هانت ..
احمد: انزين اخليك الحين..
جاسم: سلم على الخطيبه..
احمد: عنلالالالالالالالالاتك يالخام .. فارج فارج .. وسد السماعه في ويهه ..

في بيت بو راشد ..
اليازيه: بويه نبا نسير الله يخليك من زمان ما شفنا راشد ..
بوراشد: لازم اشاور اعمامج اول و بعدين ..
حميد توه داخل: السلام عليكم بالمزايين..
بوراشد+اليازيه: وعليكم السلام..
حميد: سمعت اسم راشد شو بلاه؟؟
بوراشد: مابلاه شي بس اختك تبا نسير تشوفه هالاجازه ..
حميد: صدقها بويه نبا نشوف راشد يعني الحين صار لنا سنه ماشفناه و بعدين الحين اجازه و الكل يسافر شو رايك تخبر اعمامي اليوم؟؟
بوراشد: ان شاء الله اليوم بخبرهم الحين يلا فارجو ابا انام ..
و روغهم من الغرفة ..
حميد لاحظ انه اليازيه وااااااااااااااايد تعبانه و عيونها حمره و كله تقول حر و حر ..
حميد: يزوي ..
اليازيه: هاااااا..
حميد: بلاج شي يعورج اشوف عينج حمره و ماقادره تصلبين طولج ؟؟
اليازيه: هااااااا لا مافيني شي بس شويه تعب و بيروح ..
حميد: متأكده ؟؟
اليازيه: هيه ..
حميد: انزين تعالي اوديج غرفتج ترتاحين ..
و مسك يدها و وداها الغرفه .. و توه بيظهر..
اليازيه وهي تصيح: حميد الله يخليك لا تهدني بروحي اباك تكون قربي ..
حميد: ان شاء الله غناتي لا تخافين خبريني شو فيج ؟؟
اليازيه زاد صياحها لين مسك حميد يدها ..
حميد: شو بلاج تصيحين ؟؟
اليازيه: والله مشتاقه لها حييييل اباها ياحميد اباها ..
حميد: استهدي بالله و ادعي لها بالرحمه يالغاليه ..
اليازيه: انزين لا تسير اباك اتم عندي ..
حميد وهو يمسك راسها: نامي الحين اوكي ..و ظهر ..

في بيت بوسلطان..
سلطان و هزاع و خليفه يالسين في الصاله بعد الغدى و يسولفون و الوالد و الوالده ساروا ينامون و العنود في الغرفه ترقد احمد ..
خليفه: واهل نبا نسافر هالسنه ..
هزاع: هيه ملينا قعدة البلاد يعني السنه اللي فاتت ماسرنا مكان ..
سلطان: انزين خبروا الوالد و خلى يخبر اعمامي ..
هزاع: ليش انت هب ياي ؟؟
سلطان: لا وين عندي شغل في الشركه ..
خليفه: انزين خلى العنود تيي معانا ..
سلطان: ماتبا تسير بدوني ..
خليفه: الله على الحب...
هزاع: انزين لا وعى الوالد من الرقاد بنخبره ..
خليفه: اتصل بحمدان و جاسم نبا نتحوط ..
اتصل هزاع بحمدان ..
حمدان: مرحبا الساع ..
هزاع: مرحبا ملايين ولا يسدون شحالك بو حمد ؟؟
حمدان: يسر حالك انت شو اخبارك و خلوف و سلطان؟؟
هزاع: والله الكل بخير اقول..
حمدان: قول..
هزاع: نبا نتحوط شو رايك ؟؟
حمدان: اوكي اجهزوا و عشر دقايق انا عندكم ..
هزاع: مايقول لا.. مع جسوم ..
حمدان:ههههه انا مااسير مكان بدون توأمي ..
هزاع: اوكي بعد عشر دقايق .. و صكر ..
خليفه: شووووووو؟؟؟
هزاع: قم اتلبس بعد عشر دقايق الاخ بيمر ..
قاموا هزاع خليفه يتلبسون و حمدان خبر جاسم و قاموا بعد كشخوا و طلعوا ..

وصلوا بيت عمهم و حدروا داخل ..
جاسم: هود هود ..
سلطان: اهدى ..
حمدان+جاسم: السلام عليكم ..
سلطان: وعليكم السلام ..
جاسم: شحالك بو احمد ؟؟؟
سلطان: تمام يسرك حالي منو انت ؟؟؟
جاسم: حزر فزر..
سلطان: ياخي ماتنعرفون ..
حمدان: تصدق حتى الوالده ماتعرف تفرق بيننا ..
سلطان: هههههههههههههه حتى الوالده ماتعرف تفقرق بين هيا و نوره..
جاسم: هههههههه وين يأجوج و مأجوج ؟؟
سلطان: فوق يلبسون ..
حمدان: بسير المطبخ ابا ماي .. و سار ..
دخل المطبخ و ماانتبه انه في احد ..سار عند الثلاجه و خذى له غرشه ماي ..هيا كانت توها طالعه من المخزن بس الله ستر انها لابسه شيله بيضه ..
حمدان: هلا بغناة روحي والله ..
(( ملاحظه حمدان يعرف يفرق بين هيا و نوره ... الحب و مايسوي ))
هيا تخرعت: بسم الله منو حمدان؟؟؟
حمدان: لا قرينه ...
هيا: تصدق هالتشبيه يليق عليك ..
حمدان: و انتي حرمته ..
هيا: جان اصدق عمري ..
حمدان: شحالج هياوي؟؟
هيا: والله الحمد لله بخير انت اخبارك ؟؟؟
حمدان: دام شفتج انا بخير ..
هيا: وين بتسيرون؟؟؟
حمدان: بنسير مع اخوانج المول ..
هيا: انزين طلبتك حمدان ..
حمدان: آمري و تدللي عيوني لج ..
هيا: تسلم لي عيونك بس ابا كيكه ..
حمدان: بببببببببببببببس ..
هيا: هيه بس كيكه كافي ع اسكريم ..
حمدان: غالي و الطلب رخيص اللي تبينه بس تعرفين انتي الكيكه اللي تسوينها احلى .. ..
هيا: تعبانه اليوم مااقدر اسوي و مشكور و ماتقصر اذا بتاخذ لي ..
حمدان: اوكي الحين انا بسير .. و سار ..
هزاع: انت وين كنت ؟؟
حمدان: في المطبخ اشرب ماي ..
خليفه: انزين يلا نبا نتأخر ..
هزاع: في احد بيخاوينا ؟؟؟
جاسم: هيه ربيعي احمد ..
خليفه: راعي السيكل ..
جاسم: هيه ..
هزاع: والله اشتقت له و لسوالفه ..
خليفه: شوو رايكم نقعد و مانسير..
من بعد حنة خليفه على راسهم ساروا المول و قعدوا في الكوفي شوب .. شافوا احمد قاعد ينتظرهم و ساروا عنده ..
احمد: السلام عليكم ..
الكل: وعليكم السلام ..
احمد: جان تأخرتوا زياده صار لي ساعتين اتحوط في المول لحالي تقول خبل ..
جاسم: اسمح لنا الغالي بس هذا حمدان قال نبا انقع احمدوه شوي ..
حمدان: شووووووووووو انا ماقلت هالكلام ..
خليفه: كم مره خبرتك لا تجذب حرام حرام ..
هزاع: يعني من وحنا صغار يعلمونا انه الجذب حرام انت لييييييييش مب راضي تفهم ..
حمدان: احمد ترضى علي ؟؟؟
احمد: لا افااااااااااااااا ماارضى عليك انت حمدان الغالي ..
حمدان: ادري ادري ..
جاسم: لا تعطيه فيس ترى بيتخقق علينا زياده ..
الكل: هههههههههههههههههههه ..
احمد: شو تبون تطلبون ؟؟
حمدان: هيه هيه مايفكر الا في بطنه ..
خليفه: انت الشيخ يعني ماتقصر ..
و بعدين كل واحد طلب له و قعدوا ياكلون و يسولفون .. جان تمر شلة بنات من عندهم ..كانوا كل وحده بالمكياج الكامل و القصه الظاهره و العباه الضيقه صدق الشباب تضايقوا منهم .. جان وحده منهم تخز هزاع بنظره ..
هزاع: دخلي قصتج لا احش شعرج اخليج تردين البيت قرعه ..
الشباب: ههههههههههههههههههههههههههههه ..
عاد البنات استحوا على ويههم و روحوا ..
قعدوا يسولفون وكل شوي يغلسون على احمد اللي من قال لهم انه بيتزوج و هم شاليين عليه ..
جاسم: احلف انك نويت اتزوج ..
احمد: والله و امس سرت اخطب ..
حمدان: منو ؟؟
احمد: بنت عمي ..
هزاع: و وافقوا ؟؟؟
احمد: اقول لك امس خطبتها تقول لي وافقوا ..
جاسم: الله يتمم عليك احمدوه و نشوفك معرس و بعدين ابو ..
احمد: الفال لكم ..
قبل مايطلعون ..
حمدان: صبروا شوي بسير و يرجع .. سار محل حلويات و خذى كيكه حق هيا و رجع..
جاسم: حق منو ؟؟؟
حمدان: مالكم شغل ..
و رجعوا البيت ..
حمدان: خلوف .
خليفه: نعم ..
حمدان: عطها هياوي ..
خليفه: لييييييييييش ؟؟؟
حمدان: قبل مانسير قالت لي انها تبا كيكه ..
خليفه: اوكي .. بااااااااااااااي .. و سار البيت ..و رجعوا حمدان و جاسم البيت ..


اليوم الثاني اجتمعوا العيله في بيت بوعبدلله على الغدى ..
كانت ام عبدالله معروفه بطباخها الحلو و كلوا من يدها ذاك المجبوس ..و بعدين ساروا البنات المطبخ عشان السويت و حدروا عليهم الشباب عشان يودون السويت حق الرياييل ..
بو راشد: اقول شو رايكم نسافر هالسنه ..
بو عبدالله: والله فكره حلوه ..
بو ذياب: نبا نسير ايطاليا تعرفون الفلل هناك جاهزه ..
بومحمد: توكلنا على الله عشان بكره نسير نحجز ..
بو ذياب: صقر انت و خواتك بتيون معانا ..
صقرك لا الغالي خالتي بتسير العمره و قلنا بنسير معاها بعد موافقتك ..
بو ذياب: خلاص توكلوا على الله انا ماعندي مانع ..
بو سلطان: شهوده..
شهد: نعم عمي ..
بو سلطان: يمدحونه صوتج..
شهد تستهبل: صدق مشكور عمي..
بو سلطان: عن الاستهبال سمعينا شله ..
شهد: استحي ..
بو محمد: من منو تستحين من الشباب الا هم يهال عادي غناتي ..
الشباب: شوووووووووووووووو؟؟
بو عبدالله: انتوا صخوا ..
شهد: ان شاء الله ..
تكلمني ونومك غالبنك***وأنا مابا السهر يتعب عيونك
دخيلك..سد خطك راجينك ***رجيتك باللي غلاك بونك
غضيضن بالهوى وصغير سنك ***من النسمة تتمايل غصونك
أداريلك ومن قلبي أحنك***وأخاف عليك من خافي شجونك
تقول القلب كيف انهيها عنك***يعاندني ولا يرتاح دونك
قتيل الحب وأشواقي دعنك***وأموت أن صار مغلق تليفونك
تكلمني ونومك غالبنك***وأنا مبا السهر يتعب عيونك...
(( حمد سالم العامري)) ..
شهد: و سوالم ..
عبدالله: ماشاء الله عليج بنت عمي غلبتي حمدان ..
حمدان: الصراحه هيه غلبتيني ..
تموا يسولفون و كل واحد رجع بيته الساعه 12 لانه بكره بيسيرون يحجزون ..


اليوم الثاني في بيت بو عبدالله..
بو عبدالله: عبدالله ..
عبدالله: لبيه الغالي ..
بو عبدالله: اتصل في عيال عمك شوف متى بيسيرون يحجزون ..
عبدالله: بنيسر العصر ..
بو عبدالله: خلاص ..
جاسم وهو نازل من فوق: السلام عليكم ..
الكل: وعليكم السلام ..
ام عبدالله: زين انك قمت من النوم ..
جاسم: والله شو اسوي يالغاليه كنت وااااااااااااااااايد تعبان ..
بو عبدالله: منو انت اول شي ؟؟
جاسم: انا جاسم ..
بو عبدالله: بلاك تعبان شي يعورك ؟؟
جاسم: لا بس مانمت امس عدل ..
عبدالله: لييييييييييييش ؟؟
جاسم: ماادري بس ماقدرت ..
ام عبدالله: انزين وين حمدان ؟؟؟
حمدان نازل من فوق: كأنه العيوز طرتني ..
ام عبدالله: عيز حيلك ..
حمدان: من قلبج ؟؟
ام عبدالله: هيه من قلبي ..
حمدان وهو يبوسها على راسها و ويهها و خدها المسكينه قطعها من التبوس مسكينه ..
حمدان: الحين خبريني ظاهره من قلبج ؟؟
ام عبدالله: خوز عني خلاص خلاص مب ظاهره من قلبي ..
بوعبدالله وهو يقوب من ام عبدالله: حمدانووووه خوز عن حرمتي ..
جاسم: اوب اوب بلاه الوالد يغار ..
بوعبدالله: اذا ماغرت على ام عبدالهه غناة روحي على منو اغار عليكم انتوا ..
ام عبدالله: خوزوا عني كلكم انا بسير انام ..
بوعبدالله: يلا انا وراج .. و ساروا فوق ينامون ..
حمدان: هاا عبود متى بتحجزون ؟؟؟
عبدالله: اليوم العصر ..
جاسم: وين ؟؟
عبدالله: ايطاليا ان شاء الله ..
حمدان: بس والله السفره مب حلوه بدون صقر و خواته ..
عبدالله: هيه والله ..

بعد اذان العصر الشباب ساورا يحجزون ..لقوا حجز الاسبوع الياي يوم الخميس بالليل الساعه 12 ..

لين رجعوا اجتمعوا في بيت بو عبدالله ..
في الميلس..
حميد: الحمد لله بنسافر ..
ذياب: هيه و الله ..
جان يرن جوال هزاع..
هزاع: الوو ..
هيا: شحالك هزاع؟؟
هزاع: بخير الحمد لله منو ؟؟
هيا: انا هياوي ..
هزاع: شو بغيتي غناتي ؟؟؟
هيا: نبا نسير السوق نتشرى حق السفر تعرف مايمدينا نخلص ..
هزاع: انزين اسمعي انتي اتصلي في بنات عمي و خبريهم اذا يبون بسيرون عشان كلنا نخلص اغراضنا مره وحده ..
هيا: بدون ماتقول اتصلت في الكل و قالوا اوكي ..
هزاع: ماتتعطل الاخت .. انزين شوو رايكم بكره نسير المول ..
هيا: انا ماعندي مانع ..
هزاع: خلاص انا بخبر الشباب و نشوف ..
هيا: اوكي يلا بااااااااااي .. و صكرت..
طلال: منو ؟؟
هزاع: هذي هيا ترى البنات يبون يسيرون السوق عشان يخلصون اغراضهم و حنا بعد نبا اغراض بعد ..
حمدان: خلاص بكره نسير المول ..
محمد: اقول حمدان وينه جراح مايبين ..
حمدان: اتصلت فيه مسافة الدرب و هو واصل ..
و شوي الا يدخل عليهم جراح محرج..
جراح: السلام عليكم ..
الكل: وعليكم السلام ..
جراح وهو يزاعق على حمدان: كله منك ..
حمدان: ليييييييييييييييييييييش شوووووو صاير؟؟؟
جراح: انت تباني اموووووووت صح ؟؟
حمدان: بسم الله عليك من هالطاري ..
حميد: بلاك تزاعق ؟؟؟
جراح: كنت قاعد في البيت توى بتعشى الا الاخ متصل تعال تعال اباك ضروري حتى عشى ماتعشيت شو هالحاله انت تبا نفادي ادري بك ماتحبني تكرهني ..
حمدان: شوو مااحبك الا امووت فيك ..
جراح: لالالالالالا لاتحاول انك تصلح خطأك ..
حمدان: انزين شو تبا اسوي لك ؟؟؟
جراح: حرام عليك انا على لحم بطني من الصبح ..
سلطان: و منو خبرك ماتاكل ..
جراح: اقول لك توى باكل الا الاخ اتصل يقول تعال ضروري ضروري الامر عاجل مايتحمل التأخير جان اقوم بسرعه على بالي الولد صاير به شي مالت عليك ..
حمدان: تراك حشرتنا شو تبا تاكل ؟؟؟
جراح: اي شي المهم اني اترس بطني ..
حميد: ناقصين متن حنا ...
قام حمدان و سار لمطبخ و سوى سندويشات و صب عصير حق الكل .. و رجع..
حمدان: تفضلوا هذا عشاكم ..
قعدوا ياكلون و يسولفون .. و بعدين كل واحد رجع بيته ..

اليوم الثاني العصر الكل كان مجتمع في المول ..
جاسم: ها بنات وين تبون تسيرون ؟؟
نوره: حنا بنتمشى و انتوا تعالوا ورانا ..
حميد: عنز عنز حنا وراكم ..
البنات: هيه ..
حميد: ببببببببل كليتوني بقشوري ...
دخلوا البنات اول محل و خذوا لهم جاكيتات ..ساروا محلات واااااايد و خذوا لهم ملابس و جواتي حق البرد ..و خذوا بدل طقم بس اللون غير ..
تقريبا قعدوا اربع ساعات و بعدين ساروا المطعمم يتعشون بعدين ساروا البيت ..

مر الاسبوع و الكل محتشر قاعدين يجهزون حق السفر اللي ناقصته شنطه و اللي ناقصه جاكيت و اللي و اللي يعني على آخر يومين قبل السفر الكل كان جاهز ..

شلون بتكون السفره ؟؟؟؟؟؟
محد يعرف شو مخبي له المستقبل ..
هالسفره بتكسر حواجز واااااااااايد و بتكون فيها مفاجأت شو هي ؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 24-05-2009, 09:27 PM
صورة صمتي يخنق عبرتي الرمزية
صمتي يخنق عبرتي صمتي يخنق عبرتي غير متصل
©؛°¨غرامي مشارك¨°؛©
 
الافتراضي رد: مستحيل أحب غيرك / رواية رومنسية باللهجة الإماراتية


الجزء الرابع ....
اليوم الموعود ..
يوم الخميس الساعه 12 ..
كانوا واصلين المطار و يتريون يزقرون عليهم عشان يركبون الطياره ..
ام سلطان: سلطان مااوصيك على العنود واحمد ..
سلطان: لا توصين حريص يالغاليه ..
بوسلطان: اذا بغيت شي اتصل بنا ..
احمد قام يصيح مايبا يفارق عمه خليفه..
احمد: بابا خليفه لا تسير انا اباك ..
خليفه: افااااااااااااااا الرياييل مايصيحون لا تخاف حبيبي برجع بسرعه ..
احمد: لا تنسى تييب لي هديه ..
حمدان: طاع هذا طرار و يتشرط ..
هزاع: ههههههههه حنا خلى نوصل بعدين ..
خليفه: بيب لك كل شي لا تحتاي انت..
احمد: انزين خلاص مع السلامه و لا ترجعون بدون هدايا .. و سار..
حميد: توه كان يصيح ..
ذياب: عشان تعرف العياره ..
محمد: انا دايما اسأل نفسي على منو طالع ؟؟
جاسم: بعد على منو على ابوه العيار..
سلطان: انا العيار يالشيبه ..
بوعبدالله: شاب شعر راسك يالسبال لا تسب ولدي كله ولا جسيم ..
سلطان: انا ماقلت شي و بعدين هو لييييييييييش يقول عني عيار ..
بوعبدالله: والله يقول الرمسه اللي تعجبه بس انت لا ...
جاسم: مسكين قفطه .. خخخخخ
الكل: ههههههههههههههههههههههههههههههههههههههههههههههههه ..

و نادوا على اساميهم و ساروا الا سلطان لانه عنده شغل ..الشواب و الحريم يلسوا درجه اولى و الشباب و البنات وراهم .. بعد ماركبوا الطياره البنات يلسوا عند بعض و الشباب عند بعض ..الرحله كانت واااااااااااايد طويله ..بعد مامرت ساعتين على الرحله بدلوا الشباب و البنات اماكنهم ..ريم و حمدان و جاسم و عبدالله مع بعض و هزاع و خليفه و هيا و نوره مع بعض و ذياب و طلال و محمد وحميد و اليازيه مع بعض..
هزاع كان كل شوي يطالع ريم اللي كانت حاطه راسها على كتف حمدان و حمدان حاط راسه على كتف جاسم و جاسم على كتف عبدالله ..عاد هيا اغتنمت الفرصه و خذت كيمرة الفيديو و تصور..
هيا تصور و تعلق: الحين حنا في الطياره من ثلاث ساعات الرحله واااااااااااااااااايد طويله و متعبه و الكل دايخ و نايم ..شوفوا الرباعي المرح ..و تأشر على الاخوان..كيوووووووووت شكلهم ..و تقرب الكيمره من ويوههم ..
طلال حب يتنيذل شوي فخذى من دلال كحلها ..
طلال: انا الرسام الكبير طلال و اليوم راح نرسم لوحه فظيعه على الويه البشري ..
خذى الكحل و قعد يرسم على ويه حمدان و هيا تصور و الباقي يضحكون على سوالف طلال و ويه حمدان ..
هزاع: خلاص عااااااد خيست ويه الولد..
طلال: يستاهل عنلاته الخام هذي رد على الحركه اللي سواها فيني على البحر..
دلال: شو السالفه؟؟؟
اليازيه: اكييييييييد سواد ويه ..
خليفه: سواد ويه و بس الا طلال المسكين خذى ذاك المقلب اللي مابعده مقلب ..
نوره: لييييييييييييش ؟؟؟
هزاع: الله يسلمكم تتذكرون يوم سافر جاسم عشان يدرس برع ..
البنات: هيه..
هزاع: كان طلال واااااااااايد متضايق لانه ماسلم على جاسم فسرنا الساعه 1 البحر ..
خليفه: كلنا اجتمعنا حول الضو الا طلال ابتعد عنا شوي و حليله يبا خصوصيه ..
حميد: عااد تعرفون حمدان و حركاته كان يبا يطلع طلال من المود التعبان اللي هو فيه ..
ذياب: قام حمدان لبس عباة امه و البرقع و غطى راسه و سار صوب طلال..
نوره: بذمتك ..
حميد: جان يقول له حمدان بلاك متضايق وليدي .. و خبره طلال السالفه .. جان حمدان يقول له ممكن توصلني البيت انا وحيده و محد عندي يوصلني ..المسكين طلال ماحب انه يرفض طلب العيوز و وداها البيت ..
خليفه: حمدان كان يدلي طلال بيتهم و طلال يقول في خاطره انا اعرف هالطريج ..
طلال: جان يوصلني بيت عمي بوعبدالله انا الغبي ماكنت ملاحظ و قلت له هذا بيتكم قالت لي هيه و قبل ماتنزل بست راسها احتراما لها و نزلت و جان ايي صوب الشباك اللي عندي ..
البنات: ههههههههههههههههههههههههههههههههههه ..
طلال: فتحت الشباك جان اشوفه يرفع البرقع و يشيل العباة و يقول لي مشكور على التوصيله وليدي..
هزاع: و حنا كنا نمشي وراهم بسياييرنا ..
طلال: عاد اقوم و اربع وراه في الفريج ساعه كامله اللي رايح و اللي راد يضحك علينا ..
اليازيه: والله حمدان عليه حركات ..
نوره: و انا اقول لييييييييييييش حرمة عمي ادور على عباتها ذاك اليوم و تصارخ و المسكينه الخدامه و هزبتها ..
قامت نوره بتسير الحمام تعدل شيلتها و نفس الوقت قام جاسم بعد و سار عشان يغسل ويهه ..و بالغلط هي كانت منزله راسها و دعمت جاسم و توها بتطيح الا يقبضها ..
جاسم: سلمتي ..
نوره: الله يسلمك..
مر الوقت و هم يسولفون و يضحكون و مابقى شي على الوصول ..قام طلال و خذى الكيمره عشان يصور حمدان وهو قايم من النوم ..قعد يهز حمدان لين قام ..
طلال: هاا حمدان ان شاء الله ارتحت ..
حمدان: هيه بس حسيت بشي يمشي على ويهي ..
طلال: اكيد كنت تحلم ..
قام حمدان و سار الحمام و في الطريج .. طلال بعده يصور ..الا بأجنبي يضحك على شكل حمدان ..
الريال: what is wrong with your face????
حمدان: what??? nothing..
الريال: some one was drowing on your face dude..
حمدان: what ??? .. و سار الحمام
و الشباب و البنات يضحكون عليه ..
دخل حمدان الحمام و شاف ويهه تخرع .. غسل ويهه و ظهر من الحمام و قعد عندهم ..
حمدان: منو ؟؟
طلال و بكل براءه يستهبل: لييييييش شو كان في ويهك الغالي ؟؟؟
عبدالله: شو كان يبا منك الريال؟؟
حمدان: منو؟؟
الكل: طلااااااااااااااااال ..
طلال: يالخونه ..
التفت حمدان حق طلال و قام له ..
طلال: لا تنسى سالفة البحر ..
حمدان: خلاص انا مااقدر ازعل عليك ..
ياتهم المضيفه و خبرتهم ييلسون في اماكنهم عشان الطيارة بتهبط الحين ..

بعد مانزلت الطياره دخلوا المطار و خلصوا الاجراءات و استقبلهم راشد و ساروا البيت ..
كان عندهم ثلاث فلل فله حق الشواب و الحريم اللي هي العوده و فله حق الشباب و فله حق البنات ..وصلت العائله وكل واحد دخل غرفته عشان ينام ..دخلوا الشباب و عقوا الشناط اللي مزرت الصاله ..اللي كان دايخ و اللي مايشوف جدامه .. حمدان كان دايخ و رايح فيها بدل مايركب الدري صقع في الطوفه ..
الكل: ههههههههههههههههه ..
ذياب: قلنا تعبان عاد مو ترقع في الطوفه ..
حمدان: اصلا الطوفه مكانها غلط ..
الكل: هههههههههههههههههههههههههههههههههههههههههههههههههه ه..
جاسم: تعال اوديك فوق.. و مسك يده و ساروا فوق ..
كل واحد سار غرفته و مب مفتكر في الثاني مساكين ناموا بملابسهم ..المطر كان ينزل طول الليل و الجو كان وااااااااااايد بارد ..

اليوم الثاني الساعه 10 قامت هيا من النوم و خذت لها شور سريع و سارت وعت البنات و بعدين ساروا الفيلا العوده ..
ام عبدالله: بنات سيروا وعوا الشباب ..
ساروا البنات و في طريجهم خذوا الكيمره معاهم ..
دخلوا و انصدموا من الصاله الي كانت وصخه ..امداهم يوصخونها ..
نوره: هياوي صوري ..
هيا تعلق: حنا الحين في صاله الشباب و بنسير نوعيهم من النوم .. الله يستر..
ساروا فوق و اول غرفه كانت غرفه حميد .. دخلوها..و هيا تصور..
اليازيه: بسم الله بلاه اخوي يلعب باليه وهو راقد ريله في صوب و يده في صوب ..
و البنات يضحكون عليه ..ظهروا من الغرفه و ساروا اللي بعدها كانت غرفة طلال..
كان متقرفص على عمره من البرد ..هذا و هيا كله تصور..
بعدين ساروا غرفة حمدان ..هالولد غير عن كل الناس ريله فوق و راسه تحت و يد في الشرق و يد في الغرب و ماكان متلحف لانه اللحاف في صوب ثاني سارت ريم و لحفته ..دخلوا بعدين غرفه ذياب بس تفاجئوا انه عبدالله راقد عنده بس ذياب على السرير و عبدالله على الكرسي .. هالولدين طريقتهم في النوم نفس الشي مكتفين يدهم و عاقدين حياتهم ملوك كانوا.. بعد غرفه ذياب قسم كامل حق هزاع و خليفه و محمد ..بعدين ساروا غرفة جاسم بس للاسف مقفوله ..
ريم: يلا بنات كل وحده تسير توعي اخوها ..
ساروا البنات و وعوا الشباب و بعد جهد جهيد قاموا الا جاسم اللي حاولوا معاه بس رفض يقوم من التعب المسكين ..

على الساعه 1 بعد صلاة الظهر دخلوا الحريم المطبخ و جهزوا الغدى ..
ام عبدالله: نوراي ..
نوره: نعم خالتي ..
ام عبدالله: سيري هاتي الصحون من فيلا الشباب ..
نوره: ان شاء الله ..
سارت نوره و جهزت الصحون بس تذكرت جاسم ..سارت له فوق .. طقت الباب..
جاسم: منو ؟؟
نوره: انا نوره يلا قوم الحين الغدى..
جاسم: ان شاء الحين ياي ..
ورجعت نوره الفيلا العوده ..

على الغدى توه جاسم حادر عليهم ..
جاسم: السلام عليكم ..
الكل: وعليكم السلام ..
بوعبدالله: جان ماوعيت ..
جاسم: شو اسوي يالغالي كنت تعبان حيييييييل ..
بوعبدالله: تعال كل ..

بعد الغدى ساروا البنات و الشباب عشان يرتبون اغراضهم ..
سارت هيا و ولعت فحم و بخرت غرفهم و الصاله و ملابسهم ..بعدين دخلت فيلا الشباب و شافتهم يالسين مافتحوا الشنط ..
هيا: و انتوا شو تتريون فجوا شناطكم ؟؟؟
هزاع: نترياكم ..
هيا: لييييييييييش ؟؟
محمد: عشان ترتبون اغراضنا ..
ذياب: و حنا بنيسر نتحوط برع ..
هيا: لا والله ..
حمدان: هيه و الله ..
هيا: انزين و امرنا لله ..
حميد: مب انزين عنزين..
هيا: يكسرونكم ..
سارت هيا و خبرت البنات و بعد نص ساعه بدوا الشغل في الفيلا كل وحده خذت لها شنطة اخوها و سارت غرفته و عدلتها ..هيا بخرت ملابسهم و الفرش و عطرتهم ..نوره سارت الحديقه قطفت رورد و وزعتها في البيت ..اليازيه تعابل المطبخ ..ريم الصاله..و دلال معاها ..بعد ماخاصوا البنات ترتيب الاغراض رجعوا الفيلا العوده دخلوا المطبخ و سووا سويتات بطلب من الشواب ..رجعوا الشباب الساعه9 بالليل و قعدوا معاهم و اللمه كانت وااااااااااااايد حلوه بس ماناقصها غير سلطان و العنود و احمد ..رن جوال جاسم وقام عنهم عشان يرمس على راحته ..
جاسم: مرحبا الساع ..
احمد: مرحبا مريين ولا يسدون شحالك الغالي ؟؟
جاسم: بخير الحمدلله مانشكي باس ..
احمد: ها وصلتوا ؟؟
جاسم: هيه وصلنا ..
احمد: جاسم متى بتخبرهم ؟؟؟
جاسم: ماادري قريب ان شاء بس ..........................
احمد: بس شوووووووو؟؟؟
جاسم: خايف من ردة فعل الوالد ..
احمد: انت فهمهم و اشرح موقفك ..
جاسم: ادري يااحمد بس كل يوم حالتي تزيد من سيىء لأسوء شووو تباني اسوي اخاف انكشف و هذا اللي انا مااريده كفايه انه اخوي حمدان دارس هالسوالف و يعرف كل شي يعني اذا عرف بيحرج عليه و بيقول انا اخوك ليييييييش ماخبرتني و من هالكلام و انت عاد عارف حمدان لا عصب فلفل ماتقدر ترمسه موليه ..
احمد: والله مااعرف شو اقول لك الله يكون في عونك ..
جاسم: هيه و الله ..
احمد: اخليك الحين بس حبيت اطمن عليك .. باااااااااااي..
جاسم: بااااااايااااااات .. و صكر ..
و سار قعد عند بحيره قريبه من الفيلا ..

الساعه 12 يالليل ساروا الشواب ينامون و البنات ساروا فيلتهم توها السهره بدت عندهم و الشباب كانوا برع يالسين في البيت الزجاجي و المطر بنزل بغزاره .. كانوا يسولفون و يضحكون ..
حمدان: ها جاسم شحال البنات عندكم ؟؟؟؟
جاسم فهم عليه: بخير يسلمون عليك ..
و الباقي مستغربين ..
طلال: منو هالبنات ؟؟؟
عبدالله: اخخخخخخ مواعدين و ماتخبرونا ...
حمدان: اخبرهم ولا لا ؟؟؟؟
جاسم: انا بخبرهم .. .. و خبرهم السالفه و الشباب يضحكون على احمد المسكين ..
محمد: و شو صار قبل لا تسافرون ؟؟
جاسم: اسكت سووا لنا مناحه البنت اللي كانت تكره احمد قامت تصيح و تقول له انت قصيت علي و ماادري شو و احمدوه المسكين ماله خص فيها ..
هزاع: و حبيبتك ؟؟؟
جاسم: حرام عليك انا ارافج هالخايسات ..
ذياب: اعترف ياجاسم شو سويت ؟؟؟
جاسم: يات لي و و قالت اباك تتذكرني كرفيقة دراسه و عطتني ساعه الماس..
ذياب: بذمتك..
جاسم: والله بس رفضت الساعه ..
و بعد ربع ساعه ..
حميد: طلال نبا نسمع شله ..
طلال: غالي و الطلب رخيص..
جاسم: لحظه بسجل بالجوال ..
طلال:
تمنيت الالم فيني بروحي ماهو بروحك ..
تمنيت احتضن جسمك و اعانق كل آلامه..
تمنيت الحزن ثوب(ن) اشيله من على سفوحك ..
و اقدم لك بداله ثوب صافي تزهي اكمامه ..
يهون الهم في صدري ينوح و لا ارى نوحك ..
يهون الدمع بي يسكن و تنسى الهم و آلامه..
ألم الهم و يالهم .. و يبقى شوقي لبوحك ..
و يبقى دفترك قلبي و انا صفحته و اقلامه ..
و تبقى ضحكتك عندي براءه تغرق جنوحك ..
تطيح بضحكتك دمعه تعيد الوقت و احلامه ..
تمنيت الفرح ليله تداوي علة جروحك ..
نتوه بحبنا لحظه ..نودع العالم و اوهامه ..
تمنيت الفرح عطر اشمه من شذا فوحك ..
تمنيت التقي وياك نعيش الحب و هيامه..
و تمنيت الالم فيني بروحي ماهو بروحك ..
تمنيت احتضن جسمك و اعانق كل آلامه..
و سوالم ...
جاسم: يسلم لي لسانك يالغالي ..
الكل: هههههههههه ..
جاسم صخ مره وحده و ويهه اعتفس .. و قام عنهم ..
حمدان يصارخ: جاسم وين ساير في هالبرد ؟؟؟؟
جاسم يلتفت صوب حمدان: اتركني بروحي ما فيني شي .. و سار ..
كان حاط يده على قلبه و يتألم ..
جاسم يكلم نفسه: آآآآآآآآآآآآه لالا مب وقتك .. و يصرخ آآآآآآآآآه ..
كان يمشي تحت المطر الغزير حتى جاكيته نساه كان لابس نص كم .. البرد كان يضرب في العظام.. احمد قلبه انقبض و اتصل به ..
احمد: مرحبا جاسم..
جاسم بصوت واطي: مرحبا بك ..
احمد: بلاك جاسم ؟؟
جاسم: ................ آآآآآآآآآآآآه..
احمد: لالا انا بتصل في اخوك..
جاسم: لالالا لاتتصل فيه ..
احمد: انت تبا تموت ؟؟
جاسم: لالا مب وقته الحين لو بس تشوفهم شلون فرحانين لييييييش اخرب عليهم فرحتهم ..
احمد: يعني سعادتهم على حساب حياتك ..
جاسم: اوعدني انك ماتخبر احد..
احمد: بس......
يقاطعه جاسم: اوعدني..
احمد: اوعدك بس اباك تهتم بنفسك ..
جاسم: مشكور..
احمد: اخليك الحين يلا باااي .. و سد السماعه من الضيقه اللي فيه..

الساعه 2 رجعوا الشباب الفيلا و كل واحد دخل غرفته الا حمدان اللي كان خايف على جاسم..بعد نص ساعه دخل جاسم الفيلا و كانت ظلام بس الضو كان مشتعل قعد عنده لانه كان بردان و ملابسه كلها ماي ..ماوعى الا بجاكيت ينحط على كتفه التفت و شاف حمدان ..
جاسم: بسم الله من وين ظهرت؟؟ ..
حمدان: وين كنت؟؟؟
جاسم: كنت اتحوط برع ..
حمدان: في هالبرد انت تبا تذبح عمرك ماهقيتك خبل لهالدرجه ..
جاسم: خلاص حمدان لا تصارخ ترى اللي فيني كافيني ..
حمدان: بلاك توأمي حد مضايقك خبرني ؟؟؟
جاسم: مابلاني شي شوية ارهاق انا تعبان بسير انام .. و قام ..
قام حمدان و قبضه من يده و كل واحد دخل غرفته ..

عند البنات..
بعد السهر و الضحك و السوالف كل وحده سارت تنام .. نوره فاتحه باب البلكونه و فاله شعرها و كانت الغرفه ظلام و هي واقفه .. بعدين سارت نامت ..

جاسم اللي كان يالس مقابل البلكونه انتبه لنوره قبل ماتسير تنام ..
جاسم: هذي نوره انا متأكد .. و قعد يتأملها ..فديتها والله حلوه ..
و فجأه...............
آآآآآآآآآآآآآآآه لا مب وقته ابا اشوفها آآآآآآآه ..قام وقف عشان يسير ينام على السرير بس ماقدر و طاح و الدموع تنزل من عينه ..تم منسدح على الارض صوب البلكونه ..باب البلكونه من قوة الريح مره وحده انفتح .. و ضرب في ظهر جاسم ..
جاسم: اخخخخخخخخ ..
بدون مايحس بعمره رقد عند باب البلكونه و الغرفه بارده ..وهو متقرفص على نفسه يرتجف من البرد ..

هذا هو اليوم الاول ان شاء الله عجبكم ...
جاسم شو بلاه ؟؟؟؟؟
و شلون بيكون اليوم الثاني ؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 25-05-2009, 05:56 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: مستحيل أحب غيرك / رواية رومنسية باللهجة الإماراتية


,’


بسم الله


يعطيك العــآفية
اقتباس:
حبيت انقل لكم هالروايه من قلمي >> بس بنكي القبلي ههههههه << ان شاء الله تعجبكم ...

مستحيل احب غيرك ..
للكاتبه: حمالة الاسيه ..
<~ ممكن توضحين لنــآ إن كآنت من كتآبتك أو منقولة ؟!

https://forums.graaam.com/96290.html

موفقة إن شـــآء الله


,’


الرد باقتباس
إضافة رد

مستحيل أحب غيرك / كاملة

الوسوم
مستحيل , الاماراتيه , باللهجه , رومنسيه , روايه , غيرك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات فقط [ الإقتراحات ممنوعة ] ؛ وردة الزيزفون روايات - طويلة 18339 04-08-2013 11:40 AM
مجلس الروايات للإستفسارات و الطلبات فقط [ الإقتراحات ممنوعة ] ؛ على شاطئ النسيان روايات - طويلة 2000 07-02-2011 10:36 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2001 06-01-2011 10:35 PM
إنتفض قلبي بغزال منصوري ( يصعب فتح الموضوع ) حبيبة دمعه مخنوووقه ارشيف غرام 16 08-05-2009 03:25 AM

الساعة الآن +3: 06:42 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1