منتديات غرام ترفيه غرام نكت - ضحك - وناسة - فرفشة هع ماعندي سالفه ( المرحله النهائية \ اقصفني واقصفك )
أنا أنثى ©؛°¨غرامي فعال ¨°؛©

السلام عليكم أقلطووووو والي مايرد السلام بينجلد
هع ياشين الي يتميلحون بلمنتديات وهم ماعندهم سالفه <~ عارفه نفسها

أول شي قصم أني ماعندي سالفه ومنزله قصفي لأجل أرجكم رجا مبرحا <~ أعرفكم تنرجون على أهون شي
أممممم وش عندك اليوم يا أنوثه هنا وش بتقولين <~ مضيعه الموضوع هذي بديتها أيه صح خياليه تقول لنا أقصفو التماسيح ولازم نقصف

تعبت من التفكير - من بقصف بلأول <~ أول مره أشوف أحد يتعب من التفكير

أول شي عندنا تمساح أمه دايم متوطيه ببطنه ولقبه بلمنزل السربوت الصغير ماعنده سالفه ولاشغله غير قصف الفرشات ياشينه نفسي أقصفه فنبدأ فيه

أرعصه ......
من وهو صغير مأكول حقه معقد من شيء أسمه أخر العنقود يحب الفول وذبة الوجه والقوط باي<~يرحم أمك غير عن قوط باي تعقدت ترى منها
المهم الله يرجكم رجتوني بعد محولات عده لتسلق منزل أرعصه وأجتياز كلاب الحراسه والبودي قروووود <~ حلوه قروود
المهم تمكنا من التقاط صوره له وهو يلعب ولابس لبس الرياضه <~ متحمس الأخو


وأنا خارجه من منزله الا القى لكم أم أرعصه فقررت أسوي معها لقاء صحفي <~ أمحق صحفيه
أنا \السلام عليكم خاله أم أرعصه
أم أرعصه \بسم الله وش هل ملاك الي نزل من السماء
أنا\خالتي أستحي ترى <~ ياشينك
أم أرعصه \يازين الي يستحون أقول يابنتي بنت منو أنتي باجي أخطبك <~ ماعندها تفاهم على طول خطبه
أنا\لا خالتي أستحي ممكن طلب خالتي
أم أرعصه\طلب قولي ميه وش رأيك ندخل داخل ونتقهوى
أنا\لا خالتي خلينا هنا أحسن <~ خايفه أرعصه يشوفها ويفضحها
خالتي بسألك عن أرعصه
أم أرعصه \يا مجاب الغراب لأمه <~ قلبت مصري
أنا\ليه خالتي سلامات
أم أرعصه \وش أقول لك يابنيتي هل مسود الوجه دايم فاضحنا وبكل مكان يبغا فول حتى عند الجيران من يومين عند أم الدحمي مسوي لنا مناحه يبغا فول كل الناس تاكل كورسون <~ أم متطوره تعرف الكورسون
الا هو يبغا الفول أقوله وش تفطر يقلي فول وش تتغدا الفول وش تتعشى الفول ولو تطور ياكل كبده <~ أمحق تطور
أنا \حاولي ياخالتي تفطميه عن الفول <~ أما تفطمه شايفتيه بزر
أم أرعصه\والله حاولت يابنيتي ومن يوم ماتعرف على منتدى غرام ماشي مع ولد مب عاجبني أسمه هاوي مساوي مدري بس أسمه غريب
أنا \ليكون قصدك ساهي
أم أرعصه\أيه هذا يابنيتي
أنا \أيه عرفته هذه صاج المنتدى بملاكوه حقته
أم أرعصه \تكفين يابنتي وترى تكفى تهز رجال والله تعبت وأنا أتوطى ببطن هل أرعصه لأجل يهجد ويعقل ويبطل دلاخه وسربته بس مافي أمل <~ أمل ولا وفاء ههههههه
....تكفين عقليه باين عليك عاقله <~ أيه هين
أنا \مايهمك ياخالتي تعقيل ولدك علي <~ قصم ماعندها سالفه
أم أرعصه \أيه عقليه ولا قصم بزوجه <~ ناويه على ولدها تبغاه يهبل ببنات الناس


أستراحه ودردشه
الموهيم مدري وش بقول أيه قصم أنو في كم وحده لابشه بحلقي بهل منتدى أن كانو سحالي ولاتماسيح وقصم بعد لقائي مع أم أرعصه قررت أقثف الجهتين <~ ماعندها حل وسط
الموهم عندنا واحد أسمه الساهي صاج راسنا بملاكوووه المشكله أنو مو بس هو الي صاجنا حتى ملاكوووه صجتنا معه يوم توقلي لها كيفك تقولك أوب كويثه تقولي لها طسي على جنب توقلك أنتي وحثه ماحبتث قسم صجتني بلثاء الي تنطقها والمشكله لو مانطقتها ما أحبها يعني هل ثاء حلووه عليها بس هم بعد صجاتنا فيها <~ مب عاجبها شي أحد يشوتها بررره
ودايم أسأل خياليه هل ملاك متى بتكبر تقولي ملاك ودهآ تكبر بس الحظ مو مآشيّ معهـآ الله يعين بس
وعدنا السحليه المتنكره بزي تمسوح لو أطول راسها لبستها هع <~ ياشين الي يخافو
وجيل هل خايسه الي ما أشوف رقعه وجهها بقصفي ياربي وش أسوي
بس راجتني يلفاس حقها قصم لو قربتي علي لأرسل لكي قملتي <~ أي قمله يرحم أمك
تذكرون يوم خياليه قالت أنها تبي تربي قمله فقررت أسوي مثلها أبغا أعرف أحساسها وأخذت القمله وكل يوم راميتها بشعر وحده من السحالي ولما تخلص تديني رنه <~ قملة مفلسه >~ قصم أني مرجوجه أدري ماجبتو شي جديد


باك من الدردشه
نعود الى لقائنا مع تماسيحنا الكرام أوبس نسيت أسماء المقصوفين <~ من زوود الفهاوه
برب بروح أشوف الأسماء لأجل أقصف هع
باك
هع عندنا واحد أسمه الزين يفرض نفسه هع <~ وش تحسين وأنتي تقولي هع >~ مدري <~ قايله لكم مرجوجه
بعد البحث والتدوير والتطوير والتحوير قررنا قصفك يالشين وبحثنا عن صورك وعلومك وأخبارك أتضح لنا بعد التدوير أنك من مشجعين نادي السحالي وأنك تمساح أمنيه حياته يصير سحلاوي وبعد محولات عده لاتصبح سحلاوي ورفضنا بشده لأنضمامك لأنك شين قررت أنك تصير تمسوح متمسح
هذه يا أخوات الشين يفرض نفسه جبت لكم صورته يوم قدم لأنثى الخيال ملفه لأجل يقنعنا بأنه سحلوووووي وهم رفضوه


دايم الدووم ملصق فينا ياشينه ويقلدنا بكل شي <~ قصم أنها أوب كويسه ثح
وأخر التقليد يسوي نفسه عروس هههههههههههههههههه
بعد السؤال والمحورات أكتشفنا أنه كان أمنية حياته يحس بشعورنا يوم نلبس الفستان الأبيض وقرر يلبسه <~ بس لو أنك حالق شنبك كان بلعتها لك

فاصل للدردشه
بقول لكم قصه لي زمان قصم كل ما أتذكرها أموت ضحك وتراها قصم قصه صدق هذه يا أخوان زمان وأنا صغيره <~ حلفي أنك كنتي صغيره
وأنا عمري 6 سنوات وأخوي الأصغر مني عمره 4 سنوات كان بحواش بيتنا مرجيحه وأتمرجح فيها دايم الموهيم في يوم من الأيام وأنا جالسه أتمريحج وأمي تنشر الغسيل بلحوش وكان عندنا خروف صغير فوق السطح وأنا جالسه أتمرجح الخروف ينط من فوق السطح وقصم بالله ينزل وراي على طول وأنا من غبائي مفكرته أخوي الدلخ الصغير وأقوله دحمي وخر عني دحمي أبغا العب<~ من زود الفهاوه وقصم بالله وما أسمع لكم غير صوت أمبببببببببببببببباااااااع
وربي أقوم مثل المجنونه وأصرخ وأمي تجي تركض تشوفني وش فيني وتلاقي الخروف على المرجيحه وتضحك وفضحوني بكل العائله ولله الحمد وأبوي من خوفه علي لأني حلمت كوابيس ذبح الخروف الصغير وأكلناه هع والى الأن أسأل نفسي نفس السؤال الخروف كيف يوم نط مامات وقعد عايش سبحان الله
لا وماقلت لكم يوم أبوي بلعيد ذبح خروف الأضحى <~ أدري تقولو عن أبوي متوحش بس وش أسوي مأمن أنه لازم خروف الأضحى هو يذبحه >~ أيه هين
وبعد ماقطع راس الخروف قام الخروف يجري وقصم ومن بعدهااااا أبوي ماذبح خرفان يخاف يذبحها تقوووم تجري
هههههههههههههههههههههههههههههههههههههههههه

هههههههههههههههههههههههههههههه

ههههههههههههه<~
تذكرت منظر أبوي يوم قام الخروف يجري كيف شكله خايف <~ أوب نذله تتشمت بأبوها <~ نعن أبو دارك فضحتي أبوكي

باك هع من الدردشه
الموهيم بعد ما تحررنا عن الشين يفرض نفسه قررت أسوي لقائات صحفيه مع التماسيح بما أني نجحت وبأمتياز بتحقيقي الصحفي مع أم أرعصه <~ أموت وأعرف منو الي منجحك
أنا \السلام عليكم
كاتم الأهات\هلا وغلا بأنوثه وأنا أقول وش فيها الشياطين هربت أتاريه من الملائكه الجايه <~ الشياطين قصده التماسيح هع
أنا \تسلم أخوي بس لو سمحت لاتتغزل تراني جايه بشغل
هو \أيه تفضلي
أنا \وش أسمك
هو\ كاتم الأهات
أنا \ماهو قانونك بلحياه
هو \أترك التفكير جانبا وأستمتع بلدلاخه
أنا \مشاء الله دقيقه أخذ لك صوره شخصيه
هو\دقيقه بنادي ساهي يتصور معي


أنا\طيب وش حلمك بهل حياه
هو\أي سحليه تناظر بخشتي
أنا \مستواك الدراسي
هو \أولى أبتدائي وهل سنه عطوني ملحق مكفاءه
أنا\مشاء الله بلمبارك
هو \الله يبارك فيك عقبالك
أنا \وش رأيك بتماسيح المنتدى
هو \أكشخ شباب
أنا \طبعا ليش لأ أقول تدل الباب ولا مادله
هو \أدله
أنا \الي بعده أسمك
هو \بندر ويدلعوني بندروه
أنا \ماهو طموحك بهل حياه
هو \سندوتش كبده وبيبس
أنا\مشاء الله وش هوايتك
هو \التفحيط والتقحيص
أنا \وش رأيك بخياليه
هو\ خياليه أكوس وحده
أنا\أقول بررررررره صجتوني مالت عليكم
هو \ليه معصبه
أنا \سلامتك وش تاخذ وتطلع من هنا
هو \سندوتش كبده
أنا\خذ هذه عشره ريال ورح أشتري

ياربي والله طفشت من فهاوه ودلاخه هل تماسيح متى بيعقلو يعني وأنا طالعه أتمش بلشارع الا وألاقي بندر ومعه كاتم بندر جالس على السياره ويفحط وهذي صورته <~ يرحم أمك لاعاد تفحط


ترى مغطيه الوجه لأجل لاتنصدمو يابنات

فاصل لدردشه
من يويمن رحت حديقة الحيونات وبواسطتي طبعا صورت لكم هل صوره مع تمساح وحبيت أسدحها لكم هع

قولو مشاء الله وش هل جمال هذه نهايتكم يتماسيح المنتدى


نسيت أقولكم وبعد رحت أزور خياليه ولقيتها حايسه وزعلانه وتغني ويلاه ضاق الصدر ومعزوفه ماسألت عني ويلاه
والله خياليه زعلانه ومتضايقه وتراها عندها أمتحان يعني مو فاضيه لكم يعني الي وده يقصفها أنسب وقت الحين <~ أوب نذله
أنا \معليه خياليه كلها يومين وترد لنا عزف زف
خياليه \ ويلاه ضاق الصدر ومعزوفه ماسألت عني ويلاه
أنا\أووووه ترى صجيتني بهل أغنيه <~ ومير خياليه تطقني على راسي وتقول ويلاه ضاق الصدر ومعزوفه ماسألت عني ويلاه
أنا \أروح لجيل أصرف لي كنت جايه أسمعك الي كتبته بلتماسيح
هي \ ويلاه ضاق الصدر ومعزوفه ماسألت عني ويلاه

باك من الدردشه
أنا\جيل جيل لحقي علي
ومير جيل تيجي تركض وتاخذ فاسها
جيل\خير أنوثه من من التماسيح مأذيك
أنا \محد
هي \أجل وش بغيتي تنادي مالت عليكي
أنا \وعليكي بسمعك وش كتبت بلتماسيح
جيل \فووووووووووفوووووووفو<~ صوت تصفير
قولي ياشاعرتنا عاشووووووو

حنا السحالي مانرجع ورى
دايم قدام ورايتنا ماتنحنى
يالتماسيح وش نسوي فيكم
كل يوم قصف فيكم
ولسه باقي أمل ليكم
مابنخلي شي يهنيكم
كسرين خشومكم
ملوعين كبودكم
جايبن لكم الضغط والسكر
حنا السحالي مانرجع ورى
دايم قدام ورايتنا ماتنحنى
سحالي أسمنا ومب هينين ترى
أحسن لكم لاتحاولوا بنا
السلام ماينعرف عندنا
صبرنا ترى قليل هنا
والخلق بدى يضيق عندنا
دايم تنحاشون وتهربون مننا
نصيحه مني لاتحربوننا
ولاتجون بأخر الحرب وتبكون هنا
وحنا السحالي ومانرجع لورى
دايم قدام ورايتنا ماتنحنى

جيل \عاشت السحليه عاشت قصم أني أحبتس
أنا \لاداعي لاداعي

المستفاد
1/ أنا ماعندي سالفه <~ هاتي شي جديد
2/ياشين الي يتميلح بلمنتديات <~ عارفه نفسها
3/ عزف زف وحشتينا
4/الزعل ممنوع والعتب مرفوع هع
5/مو بكره الاقي قصة أبوي بلتوث أعرفكم
6/الله يرجكم رجتوني التقييم والباب على اليسار


«● خيـآلُ آنثــىُ ●» ©؛°¨غرامي مجتهد¨°؛©

ههههههههههههههههههههههههههههههه
هههههههههههههههههههههه

قصف رووووووووعه تسلم يدينك
ويعطيك العافيه وفالك الوسام

تحياتي :/
سع سع

Řăَmَă -} عضو موقوف من الإداره

ح ـجزززز

هههههههههههههه

$:


دأعــــسـ والقـــلب جامد سارح بجنونك

ههههههههههههههههههههههههههههههههههههه
ههههههههههههههههههههههههههههه

حلوووة مع اني ماقرتها كلها موب فاضي طويله بس رهيبه

خاااصه فضيحتك وفضيحة ابوكي خخخخخخخخخخخخ أمزح

بس شكلك خياااال وانتي جالسه تتمرجحين والخروف وراكي وموب دارية

خخخخخخخخخخخخخخخخخخخخخخخخخخخخخخخخ

يسلموووووووووووووووووو

ماكان الفراق اختياري ©؛°¨غرامي متألق ¨°؛©



ذي لوحدها حكاية كفووووووووووو ياسحلية وربي تندمت عاشي واحد مآآاسهبت السب في ارعصووة يسلموا احلى قصف والله

إرعصه عضو موقوف من الإداره

خخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخ

< فاقع ضحك خخخخخخخخخخخ

الله يرررررررجك يالخبلة وهـ يازين إسم أمي منوّر موضوعك خخخخخخخخ

عاد إنتي شايفه السروال الي لابسه متسلفه من اخووي .. فضحتينا خخخخخخخ
بس قصف رووووعه .. وتستاهلين احلا تقييم ^_^

تقبلي مروري ..

يلا قووط بااي


ياقلبيـ إبتسمـ ©؛°¨غرامي نشيط¨°؛©

هههههههههههههههههههههههههههههههههههه
أشــوي أنك ماتعرفيني <<< كان الحين مشهور ^_^ زي أبــوكي خخخخخخخخخخ

ماشاءالله من متــي وانتــي صحفيهـ <<<< نشبهـ >> خربتــي الأعب حقنـــا ^_^

يسلمووهــ قصــة رائــعه
فالك الوســام


~ d7mani ~ ©؛°¨غرامي نشيط¨°؛©




هههههههههههههههه


ههههههههههههههه


لو انا منك انزل اول صورة وامشي



الصورة قصف لحالها




يعطيك العافية ،،


• عـ ؟ـذبنے غيـابـگ, ©؛°¨غرامي فعال ¨°؛©







هههههههههههههههههههههااي


وربي انك تحفففففه


يعطيك العافيه








B a n d e r عضو موقوف من الإداره

ههههههههههههههههه
أما كبده ههههههههههههههههاااي
خلاص تراها سلف العشره هههههههههه
يعطيك ألف عافيه خيتوووو
بالتوفيق

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1