غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 05-06-2009, 06:36 PM
صورة # الجوري # الرمزية
# الجوري # # الجوري # غير متصل
©؛°¨غرامي جديد¨°؛©
 
روايتي الأولى / بحر الهوى يا سامعين ماله دوى..مايروي قلب العاشقين مهما روى


السلام علييكم

شحاالكم ؟؟!

شخبااركم ..؟!

ان شاءالله بخيير .!!

انا احب اقرى الروايات وكتبت رواية وفي ناس حنوآآآ علي إلا انزله عندكم وان شاءالله يعجبكم مثل ماعجب غيركم ..!!

روايتي الأولى // بحر الهوى يا سامعين ماله دوى..مايروي قلب العاشقين مهما روى

خيآآنة ,, حب ,, غدر ,,, غرآآم ,, هيآآم ,, صداقة لاتنتهى ..!!

قد نمر بهذا الأشياء في حياتنا لكنها في حيات ابطالي رسمت بالحبر ولن تذهب عن حياتهم رسمت ولن تمحى مع مرور الأزمنة ومع مرور العواصف والرياح تبقى منحوته تلك الكلمات ع الصخور مها حاولنا ونحاول يبقى ذكرى في الذاكرة محفورة مبصومة بلأيدي قصة حب لاتنتهى قصة صداقة ابدية قصت خيانة ,غدر,كذب الخ ...


الرواية قطرية ........!!!

راح انزل اول جزئين واذا عجبكم قولوا لي علشان اكملل وانشاءالله احصل منكم التشجيع ع تكملت الرواية

الجزء الأول قصير لكن الأجزاء الباقيه العكس

شخصيات القصة
عايلة غانم
ناصر وعمره 24 سنة
خالد وعمره 22 سنة
دانة عمرها 19 سنة
مها وعمرها 16 سنة
حمد وعمره 9 سنوات

عايلة سلطان
محمد وعمره 25 سنة
سارة وعمرها 22 سنة
مريم وعمرها 19 سنة
احمد وعمره 18 سنة


الجزء الأول

بيت ابو ناصر الفجر اليوم الأحد (الساعة5:5 ص)

مها كانت نايمة ودانة كانت عند الدريشة تراقب العصافير وكان يهب هوى بارد وفجأه يروح فكرها بعيد قبل 5 سنوات
امها نورة: يما شوفي انا طالعة حطي بالج ع اخوج حمد .... امها كانت حامل في الشهر السادس .....
دانة: انشالله يما
امها نورة: يالله حبيبتي انا رايحة تامرين ع شي
دانة :لا سلامتج يما
امها نورة وهي تتغشا: الله يسلمج من الشر
دانة تلحق امها علشان تسكر الباب من وراها امها طالعة لبيت خالها سالم كان عندهم عزيمة وعازمينها ع العزيمة ..... امها نورة كاانت تمشي وهي تراقبها من الدريشة امها نورة وصلت لسيارة يات تبي تفتح باب السيارة وسيارة كانت ع الشارع العام والباب ع الشارع وتمر سياارة مسرعة وتدعمها دانة مادرت ألي تشوفه حلم ولاعلم دعمتها بالقوووة

دانة : يـــــــــــمــــــــــــااااااااااااااااا
وهي تصيح وتصاارخ راحت لعند الباب وفتحة بالقوة ومن قوة ضربة الباب ضربة في المزهرية وطااحت وتكسرة ماكانت تدري شنو تسوي راحت وشافتها جثة طاايحة ميتة راحت ولمتها وويها كل دموع ثياببها تقطعت وويها تشوة جسمها كل دم والدم وصخ ملابس دانة صااحة دانة : يــــــــــمــــــــااااا لا تخليــــــني تكفين علشــــــاني يما طـــول عـــمرج تقـــــــولين مــــارح اخليكم طول عمري بظل واقفه ينبكم لين تموتون لاااااااااااا لا تموتين لاتخلينا لااااااااااااااااااا كلنا نبيج يـــــــــــــمـــــــــــاااااااا اخـــــــذي روحـــــي لـــــــــــــكن لاتمــــــــــوتين يــــــــمـــــاااا علشاااني
وظلت ع هالحال لين يات الأسعاف وشلتها دانة كانت لامه امها ومب راضيه تهدها لين وخرتها الشرطة
الرياال اللي كان يسوق السيارة اسجنوه

دمعة عين دانة يوم تذكرت السالفة راحت الحمام (الله يعزكم) وقعدت تغسل ويهها وخذت لها شور ع السريع طلعت ولبسة ثيابها ونزلت تحت ع الساعة 6 ألا ربع ألا ناصر قاعد في الصالة
دانة :صباح الخير
ناصر اخوها اكبر واحد عمره 24 سنة يشتغل في شركة ابوه وعمه طويل وعريض ووسيم وشعره يوصل لين رقبته ويحب البر والقنص
ناصر: صبااح النور
دانة : الا وين خلود
خالد: هع سمعتكم تحشون فيني
خالد شعره اسود غامق وناعم وواصل لين رقبتة وويه مايل للأسمرار خشمة نفس سلة سيف هو نفس خشم دانة وارثينها من امهم نورة الله يرحمها طويل والكل يمدحه يموووت في شي اسمه سيااراات وعلشان هشكل رفض يشتغل بشركة ابوه ويشتغل بشركة حق السيارات.....
دانة شعرها اشقر ناعم واصل شعرها لين خصرها وعيونها ناعسة وحواجبها خلقة ربي مرتبة وحلوة وضعيفة وبيضة وبياضها مناسب لي لون شعرها ولها غمزتين في خدودها تبين اذا ضحكة ولا اذا تكلمت واااايد حلووين عليهاا ...

دانة: هههههههههههه لالا بس سالة عنك ولا حراام
خالد: لا حسبالي ألا وين ابوي
دانة: بداره
خالد: شفيه مانزل لحد الحين
دانة : الحين بينزل
خالد: اها
خالد: نصور وشفيك متضايق
ناصر يطالعه بنص عين: مافيني شي
خالد: علينااا ابوي رفض يشتري لك الصقر ألي تبية صح؟؟!
ناصر: وأنت اشدراك
خالد: وفي شي ينخش عني كل شي اعرفه
ناصر: اي بسم الله منك سااحر بل عليك
خالد: هههههههههههههه بسم الله منك ومن عيونك
ناصر: بس بس اسكت حشا عليك مب لسان راديو من صباح الخير مشتغل لنا
خالد: الرجاء اضغط ع زر اطفاء الراديوا داام انا راديو
نااصر: اللهم طولك ياروح وتاليتها معاك يالشيخ خالد
ألا بالوالد داخل عليهم من باب الصالة قاموا علشان يسلمون عليه
بوناصر: وشفيكم عسا ماشر هواش من الصباح
خالد: لا مااشي
راح بوناصر عند الطاولة الفطور يات لهم مها وسلمت عليه طبعا حمد قاعد والخدم يجر جرونه من سريرة عشان يقوم للمدرسة مها اول ثنوي اما دانة اولى جامعة
( حمد له صديق عمره ولد جارهم سلمان في نفس السنة انولدو وفي نفس اليوم مايفارجة كله وياه حتى في المدرسة)

نزل حمد وراح وسلم ع ابوه
بوناصر: المره الثانية ماابيك تنزل اخر الناس
حمد وهو يفرك عينه: انشالله
كلا بوناصر وخلص
بوناصر: يالله انا رايح الشركة يالله نصور بتيي معاي ؟؟
ناصر: لايبا عندي كم شغلة اخلصها وبعدين اروح الشركة
بوناصر: ع راحتك (يطالع العيال) تامرون على شي انا طالع
ردوا عليه: لا سلامتك
طلع بوناصر ....
خالد يغمز لنصوور: علينا
ناصر يطالعه: في شي
خالد: اي سو نفسك ماتعرف
ناصر: لاحول ولا قوة الا بالله ماتقول شنو تبي ونخلصني
خالد: وشفيك ماقلنا شي
نااصر: انت وبعدين معاك ماتقول شنو عندك وتخلصني بروحي عندي شغل قد شعر راسي
دانة خلصة اكل : الحمدالله
مها: بالعافية
قامت وراحت دارها علشان تلبس ثيابها
خالد: خلني ساكت احسن لي من عوار الراس
خالد بس يبي ينرفز ناصر مايبي شي ثاني
ناصر: اي والله فكني من ثرثرتك( قاام من ع الطاولة ) مع السلامة
وطلع وركب سيارتة وراح
حمد خلص الأكل يات الخدامة ولبسته شنطته وركبته السيارة اما مها لها سيارة خااصة فيها وطبعا دانة نفس شي ودريول وخدامة طبعا كل يوم عباية شكل وجوتي شكل لأن ابوهم وارث من الشركة الملاين ومن طبقة الرااقين وعايلتهم معروفة في الدوحة والشركة معروفة في الخليج الكل يعرف ابوها حتى في المدرسة وسيارة لازم تكون كشخ bmw وتوها نازله متطورة لونها اسود واذا حبت تغير السيارة محد يقدر يقول لها شي ولها حساب خاص ابوها كل شهر ينزل لها مصروف حق حاجاتها الخاصة ومايقصر اما دانة عندها كدلك اسود مخفي بس ابوها مايبي يشتري حق ناصر الصقر لسبب بتعرفونة من القصة ولا مايهون عليه ناصر اكثر واحد يحبه هو ويا دانة يسميها نور البيت اما ناصر هو ذراعه اليمين وكله يمدحه ......

نروح عند (عايلة سلطان بومحمد) اخو بوناصر ( الساعة6:20 ص)

سارة كانت مقفلة باب الغرفة و تسولف في التليفون مع رفيقتها شيماء وكانت غايبة هي ورفيقتها حتى اختها مريم

شيماء: حبيبتي الحب مو عيب وشفيها لو خذتي الرقم
سارة: قلت لج ما اقدر يعني افهمي
شيماء: ياحبيبتي اسمعي كلامي لو مرة
سارة: صكري الموضوع ممكن
شيماء: لاحول ولاقوة ألا بالله خلاص كيفج حشا عليج عنيدة وراسج يابس
سارة: اي وعنادي عاجبني
شيماء: والله عااد كيفج يلاا بااي
ساارة: بااي
وصكرو من بعض
سارة قامت وطلعت لاب توب من الشنطة وفتحته وادخلت المسن
كانت تسولف معا ربعها يات تبي تصكر الماسن ألا باضاافة من ايميل غريب سوت له قبول تبي تعرف منو ذي في خاطرها ( والله مب فااضيه بعدين اعرف منو ذي اللي ضاايفني ) يات تبي تصكر ألا بلأيميل ألي ضايفها يطرش لها رسالة
........ : السلام عليكم
سارة تأففت مب الحين وقته
سارة : وعليكم السلام
........ : اخباارج؟؟!
سارة : بدون مقدماات من وين يايبة إيميلي
........ : اولا كلميني بأحترام ثانيا انا ولد مو بنت
سارة تنرفزت من كلامه : ماارديت علي
........ : لين ذيكي الدرجة مهتمه
سارة : اي
........ : من وااحد من الربع
سارة : وشدراه بإيميلي
........ : وانا وشدراني
سارة : شوف انا مو ويه لعبة انا اللي بعلمك كيف تلعب العبة ع اصولها جان تبي تلعب العب ع غيري لأني بخليك تشوف الويل وأحسن لك تحذف ايميلي
........ : وليش كل هالظن
سارة: ههههه ليش كل هالظن هذا مب ظن هذي الحقيقة ولا ليش ضايفني
........ : ضايفج لنتعرف وبيني وبينج شفتج ذاك اليوم في الجامعة وحبيتج وقعدت ادور ايميلج لين حصلته
سارة : ياسلام تدري منو انا ؟؟!
........ : وليش شايفة حالج علي
سارة: انت شكلك ماتعرف منو انا فا أحسن لك توخر عني فااهم ولا اللي مثلك مايفهم يااحقير
........ : ( وجه مصدوم) اول مره حد يقوول لي حقير
سارة: اي بظل اقولك حقير لين تكره نفسك واليوم اللي ضفتني فيه
وعلى طول سوت له بلوك وديليت الريال انصدم من كلامها في خاطره ليش ياسارة؟! ليش ؟! انا شنو سويت لج وحس نفسة واايد متضاايق يبيها وهي راافضة راح خذا كاابة وسويج سياارته ونظارته الشمسيه ......

آه يا قوى قلبه تجرحني من قلب وتروح
أه قلي وربك من علمك درس الجروح
ما جاك مني يجرحك ولاجاك مني يألمك
ليه القسى قلبك نسى
اتعبتني وليه التعب
واجهني لو مره بسبب
قولي انا شسويت فيك
هذا وانا قلبي عليك
ليه الجفا وكلي وفا

سارة راسها يعورها منه في خاطرها( لا أله ألا الله صج يقهر بس والله ان عرفة منو هذا ماني رااحمته وهو الي ياب لنفسه) قامت من ع السرير وصكرت لاب توب ونزلت تحت وراحت عند الصالة اللي قااعدة فيها مريم وقعدت ع الكرسي اللي جنب مريم وكانت تفرفر في قنوات التلفزيون

في الشركة بومحمد وبوناصر ( الساعة 7:45 ص )

بومحمد كان مشغوول ويا الأوراق اللي يبيلها توقيع دق الباب
بومحمد تفضل إلا بمحمد ولده
محمد: تفضل الملف اللي طلبتة يبا
بومحمد وهويتصفح الملف: اها خلاص انت روح شوف شغلك
الا جواال بومحمد يرن
بومحمد: محمد تعاال رد يبا ع الجواال وقوله اني مب فااضي
محمد رد ع الجوال: الوو
.......: الوو السلام عليكم
محمد: وعليكم السلام
.......: لوسمحت انت ابو أحمد
محمد: هذا جواله بس انا ولده
......: انا شرطي المرور الولد مسووي حاادث وتعرفنا عليه من بطاقة الصحية اللي في بوكة
محمد ظل منصدم : وين الحين
......: الحين نقلناه لمستشفى حمد الصحية
محمد: اصاباته خطيرة
......: والله ماادري بس حسب كلامهم انه ياته الأصابات قوية
محمد: اوكي اوكي خلاص انا يايكم
...... : اوكي

صكروا الخط
بومحمد خااف : وشفيك اصابات ومادري ايش شنو شساالفة
محمد متوتر مايدري شنو يسوي : احمد مسوي حاادث
بومحمد: شنوو؟؟؟
محمد: والحين في المستشفى ولأصابات قوية
بومحمد: قووم قووم
في المستشفى ( الساعة 8:00 ص )
الدكتور: انت ابو الولد
بومحمد: اي
الدكتوور: الاصابات كانت اوية ( قوية ) بس تعدت مرحلة الخطوورة هو الحين في غيبوبة
بومحمد: يعني مافي اصابات خطيرة
الدكتور: ليكي عنده كزا كسر في رجله اليمين وشوية رضوض في باقي جسمه واحتمال انو مش حيأدر يمشي مرة تانية على رجلوو
بومحمد : لاحول ولاقوة إلا بالله
الدكتوور تنهد : الأمل بالله كبير
بومحمد : ونعم بالله

في بيت بومحمد الساعة 8:5 ص
رن تليفون البيت الا بمريم ترد
مريم: الوو
محمد بنبرة حزينة: الووو
مريم: محمد شنو فيك
محمد : أحمد .....
مريم: وشفيه احمد؟؟!
محمد: سووى حاادث
مريم: هاااااااا
محمد: والحين هو في المستشفى الأصابات يات خفيفة لكن هو في غيبوبة ألحين
مريم : شنووو ؟؟!
محمد: اللي سمعتيه
مريم: احنا بنييكم ألحين
محمد: كيفكم يلااا بااي
مريم: بااي
ام محمد كاانت طالعة من المطبخ تقريبا سمعت المحادثة
ام محمد: شنو فيه؟؟
مريم وهي تغطي بيدها ويها وتصيح : احمد سوو حاادث
ام محمد انصدمة قعدت تصيح : ماااااااااااريتااااااااا
ماريتا : نأم شيكه(شيخه)
ام محمد: قولي .. لعبد الغفور ييب السيارة ..عند الباب
ماريتا: جين شيكه
وبسررعة انتشر الخبر عند العايلة

في ( لندن ) الساعة 3:30 ص ( العصر)


عاشة دخلة ع ريم كاانت توها راادة من الجامعة (عاشة اخت نورة المرحومة وريم بنت اخوها مولودين في نفي السنة بس ريم اكبر بشهرين )

عاشة: ريم لحقي
ريم: هلاا في شي (وهي تصكر الكتاب )
عاشة: عبدالله يبيني اطلع معاه اليوم
ريم مصدوومة لأنه اول مرة تقوول هالكلاام وبعدين هم من عايلة كبيرة ومحترمين
ريم: وانشالله وافقتي
عاشة: خخخخخخ اكيييد اي
ريم: عاشة ترانا مو اي الناس الكل عارفنا لا تسوين هالحركات ترى بكرة ان درى ابوي والله ليوديج في دااهيه
عاشة: خخخ لا تخاافين مب دااري
ريم: انزين ماتدرين ان حراام
عاشة: ادري انه حرام بس تراها طلعة عاادية
ريم: تقصدين طلعة العاشق والولهانة
عاشة: هههههههههههههههههه اممممم يمكن
عاشة قامت من مكانها وهي تمشي
ريم: بس انا حذرتج وانتي كيفج
عاشه عطتها بسمة
ورااحت غرفتها وخذت لها شور واستشورة شعرها وطلعت لها جينز وبلوزة طويلة لين ركبة مشمشية وياي وسيعة ع الجسم حلو عليها وحزام بالوسط d&g ياية ع لون مشمشي وذهبي وطالع عليها روعة وحطت لها مكياج حددت عيونها بالكحل السائل وحطت ضل ماايل ع لون بلوزتها وبلشر وردي وقلوس وردي وااايد فااتح ولبسة لها كعب عاالي وشيلة وردية وطااالعة عجيبة يوم نزلت تحت ع الساعة 4:30 ص وشافتها ريم سكتت وقالت
ريم : ادري ياعاشة انه في يوم بيجرحج وبتقولين ريم قالت وادري قي يوم بيدوس على شرفج وعلى سمعتج روحي ويوم بتين عندي وتقولين لي كلامج صح ....
عاشة: بنشووف
وطلعت وراحت محطة الميترو الي جنب فلتهم ونطرة الميترو بعد 10 دقايق وصل وركبة لين وصلة المحطة ألي وعدها عبدالله يتلاقون فيها نزلت تدور عبدالله حصلته توه نازل من السلم الكهربائي راحت عنده هو ضل في مكاانه منبهر من جمالها وقال في خاطره خلني العب فيها دامها سهله ولاما اخلص منها حراام اخليها جي بقطها ع وااحد من ربعي اللي طايحة حظوظهم والله لعلمج شاايف واايد حاالج يا بنت حمد مدت له يده وسلم عليها راحوا حديقة ع البحيرة وقعدوا مع بعض يتبادلون السوالف قعدوا ع وحدة من الكرسي الي ع البحيرة كانت البحيرة ملياانة بط .. عبدالله : لحظة ياروحي رايح وراد لج ... عاشة: اووك .. ياها وياه اسكريم عطها وقعدوا ياكلون الأسكريم يوم خلصوا ..

عبدالله: حبي شراايج نروح نتعشى في المطعم
عاشه: كيفك حبيبي ..
عبدالله: اووك يالله قومي
قاموا وراحوا المطعم بعد ماكلوا وخلصوا وصلها عبدالله بسيارته ع الساعة 9:30 ص
بعدها راح ال casino المرقص وطلب له بيره كاان حده سكراان فهد رفيجة قعد يدور عليه لين ماطرى عليه المرقص اللي داايم يرووح هناك رااح له عبدالله حوالي 7 بيرات شاارب يات وحدة شقرة وقعدت جنبة وطلبت لها بيرة كاانت وااايد حلووة كانت لابسة تنورة قصيرة وبلوزة كت التنورة لونها اسود ولها قصة فرنسية عجيبة اما البلوزة لونها ذهبي ودااخل عليه لون اسود وتشكيلة طاالعة عليها عجيب غير البوت الكعب اللي لابستة كاان واايد حلوو ومسوية شعرها رفعة انتبهت لنظرات عبدالله التفتت عليه وعطته بسمة عبدالله انتبة بس ماوعى ألا حد ماسكة بيدة

فهد: وين يارياال صاار لي سااعة ادق ع جوالك ماترد
عبدالله: شنوووو .... تب ... ي ...... فيني في شي
فهد: لاا انت راايح فيها تعال اقول
عبدالله مايعرف شلون بس يقوم يخبط يمين ويساار فهد شله و وداه الفندق

شنو بيصير لأحمد بيقوم من الغيبوبة ولا لا وعاشة الي ذابت في نظرات عبدالله والي حبتة من اول نظرة والمجهول ألي يحب ساارة شنو بيصر فيهم ....؟؟؟!

في الجزء الثاني بتعرفون ؟؟

وانتظر ردودكم بفرااغ الصبر .!!


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 05-06-2009, 07:00 PM
صورة # الجوري # الرمزية
# الجوري # # الجوري # غير متصل
©؛°¨غرامي جديد¨°؛©
 
الافتراضي رد: روايتي الأولى / بحر الهوى يا سامعين ماله دوى..مايروي قلب العاشقين مهما روى


الجزء الثاني



عاتبت قلبٍ صوبك يسوق ..
شوقٍ صدوقُ وجد منساك ..
من الزعل واللوم مرفوق ..
تشره وانا اللي بالحيل مشتاق..

بيت بوناصر ( 1:34 الظهر)

دانة كانت قاعدة تطالع التليفزيون ومها قاعدة تكلم رفيجتها لولوة ...

لولوة : مها حبيبتي هالسنة ابوي قرر يسفرنا فينا
مها: وااااو تصدقين العام كاان خاطري اسافر فينا بس ابوي الله يهدية قاال لاا
لولوة : ليش؟؟!
مها: لأنة محد كاان رااضي يسافر معانا
لولوة : تأمرين ع الشي أيبة لج من هناك
مها : لا فديتج
لولوة : بتوحشيني
مها : وأنتي بعد
لولوة : يالله مابقى غير شهر ونفتك من المدرسة
مها: اي والله
لولوة : هاا بديتي تراجعين للامتحانات
مها: اي بديت
لولوة: اهاا
مها : اوكي يالله اخليج الحين تأمرين ع شي
لولوة : لااا سلامتج
مها : الله يسلمج يالله باااي
لولوة : باااي

وصكروا من بعض

دخل خالد : السلاااام عليكم
دانة ومها : وعليكم السلاام
خالد : نصوور ما يااا
دانة : لاااا
خالد : اهاا
دانة وهي مااسكة جوالها : شفيها سوير ماترد علي لاهي ولامريوم
خالد : ليش مادريتي ..؟؟!
دانة : لااا
خالد: احمد سوى حاادث والحين هو في غيبوبة
مها من الخرعة ولا شعوري : هــــــــــــااااااا
اما دانة بلعة ريقها من الخرعة
دانة : وياتة ضربات خطرة
خالد : ماادري بس هذا اللي فهمت من محمد

نااصر دخل : السلام عليكم
الكل : وعليكم السلام
خاالد : شفيك اليوم تأخرت
ناصر : كنت انطر ابوي يخلص الملف الي عنده
خالد : وابوي وينة
ناصر : الحين ياي في الطريق
خالد : نصوور ابي افاتحك بموضوع
ناصر : مب الحين مب فااضي
خالد : يعني متى ..؟؟!
ناصر : لارجعت من االمستشفى
نطت مها ودانة : تاخذنا معاك
نااصر : اوكي بس العصر تبرزون مب فااضي انطركم
مها : اوكي
دخل بوناصر وناصر راح فوق يبدل
بوناصر : السلام عليكم
الكل : وعليكم السلام
بوناصر : انا رايح فوق ابدل وانزل حطوا الغدا بسرعة
دانة : انشالله
راح وبدل ونزل وتغدوا مع بعض
دانة دخلت غرفتها ع الساعة (3:7 العصر)
راحت خذت لها شور وطلعت لها جينز وبلوزة من just cavailli مايل ع الون الذهبي والفضي وحطت لها كحل وقلوس شفاف لأنها تبي تمر اول شي ع الستي تروح ترجع بدلتها ولبست فلات لونة ذهبي اما مها بعد ماخذت لها شور طلعت لها جينز وبلوزة من فيرساتشي كاان عجيب ع جسمها كان ماايل ع البني ودرجاته ولبست معاه حزام ولبسة كعب من just cavailli طلعوا بعد ماستأذنوا من ابوهم وركبوا سيارة دانة الكدلك كان مخفي ونزلوا الستي راحت رجعت البدلة الي شرتها دانة كانت متغطية راحوا نكست يشفون الأشياء الجديدة وماطولوا ....

دانة : وييييييييييييييييي
مها: شفييج ..!
دانة : نصوور
مها : شفيه ..؟؟!
دانة : عيدميلاده بعد بكرة
مها : اي والله تعالي ننزل في محل الجابر للساعات نشتري له سااعة حلووة
دانة : اوووك يالله
نزلوا تحت ودخلت داانة محل الجابر راحة ع زاوية الي ع اليمين كانت تشوف الساعات الموجودة للرجاال لفت نظرها ساعة رفعة الغشوة من ويها ياها مسج والتفتت الجهة اللي فيها مها فتحة مسج كانت تمشي بشويشوي تلحق مها تبي ترويها الساعة فجاة تدعم جسم ضخم ارفعة عيونها ألا بوااحد يوم شافها تغيرت ملامح ويها واللي انجذب لعيونها دانة ارتبكت
دانة : اسفة
ونزلة الغشوة من ويها وصكرت المسج مها كانت تشوفهم من بعيد الرياال قعد يطالعها لين وصلة عند مها وقعد يطالعها مها شاافته شلون يطالع مسكة بيد دانة بالقوة وطلعتها برع المحل
دانة : بشويشوي شفيج ؟؟وهي تجر ايدها
مها : ما شفتيه شلون يطالعج
دانة : والله كاان يطالعني ؟!
مها : عيل .. يالله نرجع تلاقين نااصر ينطرنا
دانة : اووف منج خلينا شوي نشتري له هديه
مها : عيد ميلاده مب اليوم بعد بكرة
دانة : اووف منج
وركبوا السيارة اول ماردوا ناصر لقاهم عند الباب
ناصر : بغيت اروح عنكم انتوا وين رحتوا ؟؟
دانة : رحت ارجع ملابسي
ناصر : انزين يالله اركبوا سيارتي
راحوا وركبوا السياارة

في نفس الوقت بيت بو محمد ( الساعة 5:10)

سارة كانت في صالة تنطرالسايق لين يصف السيارة كانت ويا ماريتا والباقي في المستشفى ارجعت علشان تاخذ اغراض احمد شكت سارة في شي ناسيته وفجاة تذكر جووال امها اللي نستة في غرفتها رااحت تيبه ألا بجوالها يرن كاان رقم غرريب وردت عليه
........: الووو
سارة: ........
........: ههههههه ادري ماتقدرين تتكلمين مع اللي مثلي مقامج مايسمح لج من يوم يومج وانتي ماتخلين العنااد عنج عذبتني ساارة قسم بلاه عذبتيني معااج لكن مستحييل اخليج
سارة قاطعتة : جب ياحيوااان
وصكرت الجواال في خاطرها(حشا من ذي اللي يلاحقني لا اله الا الله ) نزلة تحت معا جواال امها وركبت السياارة وراحوا
الرياال ألي كلم ساارة بعد ماصكرت في ويهه زعل وااايد بس خطرت ع بااله فكرة ابتسم وراح وخذا سويج السيارة ونظارتة الشمسية وطلع وركب سيارتة ودق تليفون .........

ليه الجفا وانت الوحيد بحياتي
مدري تغلي أو دلع منك وفنون
يازين ارحم حالتي ياغناتي
يكفي تعذّب واحد فيك مفتون
حرمتني حتى الخشوع بصلاتي
واسهرتني يوم الاوادم ينامون
عقلي ثقيل وكان أحلى صفاتي
وخليتني أمشي مع الناس مجنون
يالغالي لو في وصالك وفاتي
راضي ولا أقبل غير قربك وممنون
الموت عندك راحتي وامنياتي
ومعك الدقيقه تنشرى بالف مليون
ترفّقيبي لين اكتب وصاتي
واطلب سماح اللي يبي منّي ديون
ومن بعدها لو تحكم بمماتي
عمري وكل اللي تبينه لك يهون

في السيارة عند سارة

سارة كانت قاعدة عند الدريشة وكانت سرحااانة ممكن يكون من اللي يلاحقها وفجأة يقطع حبل افكارها صوت جوالها ألي يرن ردت

سارة: الوو
شيماء : هلااا والله
سارة : هلاافيج
شيمااء : شحاالج؟؟
سارة : الحمدالله بخير وأنتي؟؟
شيماء : بخير داامج بخير, وشفيه صوتج تعباانة من شي
سارة : لا مااشي
شيماء : اكيييد
سارة : ايي
شيمااء : اهاا , ألا انتي وين
سارة : رايحه المستشفى عند اخوي
شيماء : سلااامات عسى ماشر
سارة : الشر ماييج مسوي حاادث
شيماء : وشخبااره؟؟ الحين
سارة : في غيبوبة
شيماء : لاحول ولاقوة ألا بالله يالله انشالله يقووم بسلامة
سارة : الله يسلمج
شيماء : يالله تامرين ع شي
سارة : لاسلامتج
شيماء : يالله مع السلامة
سارة : مع السلامة
وصكروا من بعض
وصلوا المستشفى وراحت عند امها وابوها راحت عند امها وعطتها الأغراض اللي طلبتها تيبها لأحمد وصلوا دانة ومها وناصر راحوا وسلموا ع عمهم ومرت عمهم راحوا البنات عند سارة ومريم اما ناصر راح عند محمد ام محمد : سارة يما تعالي
سارة : لبية يما في شي ..؟؟!
ام محمد : ليش مايبتي ماي .؟!
سارة : ويييي نسيت اييبة
ام محمد : انزين اتصلي حق عبدالغفور خليه اييب مااي
سارة : انشالله
سارة تدق ع جواله مايرد
سارة : يما ماادري شفية مايرد
ام محمد : انزين نزلي تحت وشوفيه وين
سارة : انشالله
ونزلت تحت لقتة قاعد ويا ربعة يسولفون دقت له لقته مايرن فأشرة ع عبدالغفور انتبه راح لها
عبدالغفور : نأم شيكه (نعم شيخه)
سارة : وين جواالك صاار لي ساعة ادق ع جوالك ماترد
عبدالغفور : اسف شيكه انا ينسى داخل سيارة
سارة : انزين روح البيت وييب من عند ميري غرشتين مااي وكباار
عبدالغفور : اوكي

سارة ظلت واقفة تنطر الأصنصير سمعت صوت ياي من وراها
........: نسيت الكل واطريتك ولا ادري انا من وين
شاب الشعر في راسي ولون الثلج هو الون
دخيلك افهمي قلبي او لازم اقول تكفين
مهره انتي واخترتك وغيرك والله ما يسوون

سارة انصدمت : ........
........: ليه كل تسكتين تكلامي ليه كل تجافيني لو تطلبين روحي اعطيج اياه بس تكلمي
سارة ردت عليه : سكوتي مو لأجل [ ضعفي ] أنآ بطبعي مابآلي
مآنزل نفسي لأشكآلكـ [ برستيجي ] ما يسمح لي
........: تدري روحي مايبي غيرك ..... وروحي تتعب بلاك
سارة تنرفزت من كلامه : خلصني انت شنو تبي مني (قالتها بطريقة تنرفز منها )
........: ليش سارة ليش انا شنو سويت لج علشان تعامليني بهاالطريقة
سارة : اولا انا اعرفك ...؟؟!
........: لاا
سارة قاطعتة : عيل خلاص وخر عني طول الوقت طايح مغازل في العالم
........: احلف بربي مافي احد غيرج موجود بقلبي
سارة : العب العب شكلك ماتعرفني منو انا ..؟!
........: ألا اعرفج
سارة : زين دامك تعرفني بنت منوو فا أحسلك لا تقعد تلعوزني بتصالاتك الممله ومسجاتك السخيفة ألي مثل ويهك
وعطته ظهرها وركبت الأصنصير بدون ماتطالعة
في خااطره ليش ياسارة ليش انا شسويت فيج علشاان تعامليني بها الطريقة
لو شفتني .. وشلون .. كان إنكساري ؟؟
ماظنتي .. تقدر ... عن عيوني .. تروح !!!
لكن .. حسافة .. منت .. بالحال .. داري ,,
تضحك .. مع العالم .. وأنا .. كلي جروح !!
ياروح روحي .. يابرودي .. ونـــــــاري ,,
ياروح روحي .. مابعد غيبتك .. روووووح !!

في خاطره ليش ياسارة كل ما اشوفج تزيدين لي الجروح وتأفأف ع حااله
اما سارة راحت عندهم وهي حدها نتضايقة من الرياال اما مها كانت واايد زعلانة وساندة راسها ع الطوفة وفجأة وحدة من الممرضات تطلع من غرفة احمد ورايح صوب غرفة دكتور وهي تركض خافوا
ام محمد: بسم الله ع وليدي وشفيه شفيها هاذي تركض ليكون صاار له شي
ابو محمد: لالاتقولين جيه تعوذي من الشيطان انشالله خير
ام محمد من الخرعة قعدت تصيح ومحمد يهديها الدكتور ياي مسرع وماعطاهم ويه علشان يكلمونة يعرفون شنو السالفة ألا باذان المغرب راحوا يصلون الكل كاان يدعي حق احمد بعد ماخلصوا راحوا لأحمد كانوا ينطرون الدكتور وبعد نص ساعة طلع الدكتوور ويها مبتسم
الدكتور : الولد قاام من الغيبوبة اللي يبي يشوفة يدخل واحد ورى الثاني
ابومحمد: الله يبشرك بالخير يادكتوور
الدكتور: الحمدالله ع سلامتة
بومحمد: الله يسلمك
واول واحد يدخل عليه ابوه وبعدها امه ومحمد وناصر وسارة اما دانة رفضة ندخل عليه يا وقت مها تدخل عليه اول ما دخلت شافتة كلش تعبان يات ووقفت احذاه احمد كان يطالعها وكأنة يبي يقوول شي
مها: الحمدالله ع سلامتك
احمد: الله يسلمج
مها تمسح ع مكان الجرح اللي في ايده اليمين : مايعورك
احمد يطالعها : كان يعورني بس الحين بلمسة ايدج خف الألم
مها تطالعه: ليتة فيني ولا بفيك
احمد: لالاتقولين جيه تزعليني عليج
مها استحت وصدت ويها
احمد قال الشعر ألي مها داايم تقووله له :
من يومني صغير اعشقك و أتأملك
حتى تفرعن بي غلاك و سادنـي
كبرت احبك بس صـرت اتخيلـك
غبـي تعلمنـي غـلا و اجادنـي

من أولا أشوفك و اعشق آدللـك
واحب خيط العـذر لامـن قادنـي

مها ماقدرت ترويه الدموع يات تبي تنسحب بس احمد انتبه عليها ع طول مسك ايدها : ليش؟ الدموع تراها والله غاللية علي
مها: ما اقدر اشوفك هالشكل
احمد يا يبي يتكلم لكن مها سحبت ايدها وطلعة ومن حسن حظها انا محد انتبه ع دموعها نرووح عند اللي دعم دانة كاان سرحان ويتذكر شلون كانت عيونها حلووة وناعسة طلع له دفتر وكتب هذا البيت كان قارية في ديوان واحد من شعراء .....

سلام الله على ذيك العيون الناعسات السـود
تحاول تخفي الآلام عني بس أنا اظهرهـا
يطالع كحلها الجاهل يحسبه للهوى مقصود
وهي تخفي إنكساراتٍ بتكحيلـة محاجرهـا
سواد الكحل من سود الليال وظلمها المحشود
ليالٍ ماسلم مخلوق مـن طعنـة خناجرهـا


نهاية الجزء الثاني


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 05-06-2009, 07:05 PM
همسه بلا لمسه همسه بلا لمسه غير متصل
©؛°¨غرامي فعال ¨°؛©
 
الافتراضي رد: روايتي الأولى / بحر الهوى يا سامعين ماله دوى..مايروي قلب العاشقين مهما روى


رووووووووووووعه كملي يالغلا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 05-06-2009, 07:08 PM
صورة # الجوري # الرمزية
# الجوري # # الجوري # غير متصل
©؛°¨غرامي جديد¨°؛©
 
الافتراضي رد: روايتي الأولى / بحر الهوى يا سامعين ماله دوى..مايروي قلب العاشقين مهما روى


تسلمييين فديتج

ولاهنتي ع المرور وانشاءالله قريب العاجل البارت الثالث راح ينزل :)


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 05-06-2009, 09:02 PM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: روايتي الأولى / بحر الهوى يا سامعين ماله دوى..مايروي قلب العاشقين مهما روى


"


وعليكم السلآم والرحمه
هلآ وغلآ نورتي غرآم والقسم
الله يعطيكِ العآفيه
موفقه آن شاء الله



"

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 05-06-2009, 09:20 PM
صورة بنت كوول تكره السكوول الرمزية
بنت كوول تكره السكوول بنت كوول تكره السكوول غير متصل
©؛°¨غرامي مشارك¨°؛©
 
الافتراضي رد: روايتي الأولى / بحر الهوى يا سامعين ماله دوى..مايروي قلب العاشقين مهما روى


رووووووووووووووعه بلييييييييييييييييييييييييز كملي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 06-06-2009, 01:48 AM
صورة # الجوري # الرمزية
# الجوري # # الجوري # غير متصل
©؛°¨غرامي جديد¨°؛©
 
الافتراضي رد: روايتي الأولى / بحر الهوى يا سامعين ماله دوى..مايروي قلب العاشقين مهما روى


اقتباس:
المشاركة الأساسية كتبها ven!ce مشاهدة المشاركة
"


وعليكم السلآم والرحمه
هلآ وغلآ نورتي غرآم والقسم
الله يعطيكِ العآفيه
موفقه آن شاء الله



"

النور نورج
ويعافيك ولاهنتي ع المرور فديتج عطرتي الصفحة :)

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 06-06-2009, 01:49 AM
صورة # الجوري # الرمزية
# الجوري # # الجوري # غير متصل
©؛°¨غرامي جديد¨°؛©
 
الافتراضي رد: روايتي الأولى / بحر الهوى يا سامعين ماله دوى..مايروي قلب العاشقين مهما روى


اقتباس:
المشاركة الأساسية كتبها بنت كوول تكره السكوول مشاهدة المشاركة
رووووووووووووووعه بلييييييييييييييييييييييييز كملي
ان شاءالله من عيوني :)

ولاهنتي ع المرور

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 06-06-2009, 03:09 AM
صورة جود الدنيا الرمزية
جود الدنيا جود الدنيا غير متصل
©؛°¨غرامي فضي¨°؛©
 
الافتراضي رد: روايتي الأولى / بحر الهوى يا سامعين ماله دوى..مايروي قلب العاشقين مهما روى


بداااية موفقة

وبانتظار البارت القادم

تحياتى

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 06-06-2009, 04:44 PM
صورة # الجوري # الرمزية
# الجوري # # الجوري # غير متصل
©؛°¨غرامي جديد¨°؛©
 
الافتراضي رد: روايتي الأولى / بحر الهوى يا سامعين ماله دوى..مايروي قلب العاشقين مهما روى


تسلمييين ع المرور وان شاءالله راح انزل البارت بأقرب وقت

:)

روايتي الأولى / بحر الهوى يا سامعين ماله دوى..مايروي قلب العاشقين مهما روى

الوسوم
ماله , مهما , الأولى , العاشقين , الهند , انشاءالله تنال ع آآعجابكم , دوى..مايروي , روايتي , سامعين
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : تعلمت أزيف ضحكتي و القلوب أسرار / كاملة يمقن رآح يمقن جآْء !! روايات كامله - يتم نقل الرواية هنا بعد اكتمالها 190 16-06-2012 09:42 PM
روايتي الأولى : حب الطفولة دلوعة اخوي أرشيف الروايات المغلقة - لعدم إكتمالها 28 13-12-2010 08:31 PM
روايتي الأولى : ليه كل ما أشوفك تحصل مصيبة ! مرام الامورة أرشيف الروايات المغلقة - لعدم إكتمالها 141 28-07-2010 02:43 AM
أتاني الهوى قيصر الشعر العربي شعر - قصائد - قصايد - همس القوافي 20 05-03-2010 11:40 PM
تيسير الكريم الرحمن في تفسير كلام المنان سورة الفاتحة والبقرة حلومي5555 ارشيف غرام 3 08-05-2009 10:26 AM

الساعة الآن +3: 11:30 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1