سيرا ماديرا ©؛°¨غرامي مجتهد¨°؛©

السلام عليكم ورحمة الله وبركاته

ماحب اتفلسف باللغه العربيه .. فباتكلم بلهجتي .. :)

موضوعي يخص التربيه ... تربية البنات في مجتمعاتنا

يعني لكل ام .. لكل اخت .. لكل اب .. لكل اخ ... لكل هؤلاء


يمكن اللي بقوله اشياء تعرفونها قبل .. بس هذا مجرد تذكير


ترى اهم شي تعلمون البنت قبل ماتعلمونها العيب .. علموها الثقه .. مو كل شي تسويه عيب عيب عيب

لان في بعض الاحيان اذا تعرضت لتحرش من قبل احد الاقارب تخاف تتكلم .. لان بتكون خايفه ان الاهل

يضلمونها .. وذاك دام جافها ساكته بيمارس فعلته بحرية .

فدرجه التشدد في التربيه هذي اكبر غلط .. خلوها تعيش طفولتها .. زرعوا في نفسها الثقه .. عشان تكون قد

الثقه .. مو تعيشونها في سجن مغلق من جميع الجهات .. ماتعرف الا كلمة عيب .. وكلمة عورة .

ترى كل هالاشياء تزعزع ثقتها بعمرها .. لا تبالغون في خوفكم .. ولا ترخون في انضباطكم .. ترى والله يمدحون الوسطيه .. :)

وترى حتى ان اخطأت في فعله .. ماتحبسونها طول حياتها .. وتقعدون تذكرونها بفعلتها كل ما اتيحت لكم من فرصه .

لو عندكم حرامين .. اثنين .. تشاركوا في سرقه وحده .. الحرامي الاول انسجن سنتين .. والثاني خذوه تحفيظ القران .. خذوا بيده .. وساعدوه على تجاوز مشاكله الماديه .. وتعرفوا على اسباب سرقته وحاولوا يحلونها معاه عشان مايكرر فعلته .. بذمتكم .. من اللي راح يتغير اكثر خلال هالسنيتن الاول او الثاني !! .. (( امحق تشبيه ))

انا مو قاعده اتكلم عن نفسي .. لان الحمدلله اللي رزقني بعايله متفهمه وعشت طفولتي والحمدلله على اكمل وجه .. ومازلت اعيشها .. :)

لكن اتكلم عن بعض اخواتي وزميلاتي اللي فعلا طفولتهم كانت مجرد جحيم .. لان غالبا ماينتهي بهؤلاء البنات .. يكونون امهات مستقبليات .. بيربون اجيال مثل ماتربوا .. وهكذا ..

فانا اقول دايما جلسوا مع بناتكم .. او اخواتكم .. او بنات اخوكم .. بنات اختكم .. واجلسوا معاهم بحيث تكونون معاهم بنفس المستوى .. وخففوا من مستوى صوتكم بحيث يكون في حنيه.. بس ماتقولونه بطريقه تخوفون فيها البنات .. يعني قولوها بابتسامه .. :) .. وقولوا لهم .. ترى انتي بنت شجاعه .. قوية .. وانا احبج .. واللي يضرج بشي .. راح اضره (( مو تدخلون بالتفاصيل مثلا : بعطيه بوكس اكسر له حنجه .. او بقتله وبوزع لحمه حق الكلاب . باختصار بلا حماس زياده )).. وماراح اسمح لاي حد يضرج بشي .. واذا عندج شي قولي لي .. ماراح اقوله لحد (( او شيء من هذا القبيل )).. :)

ترى وقع هالكلمات البسيطه كبير على نفس البنت .. >> كأني تفلسفت كثير :)

عالعموم اتمنى ماطولت عليكم .. بس لولا اهميه الموضوع كان ما كتبته


نـادرة الـوجـود ♥الــحــرف الــتــاســع والــعــشــريـن ♥

/

صباحك ورد

في اي معامله بين طرفين

يجب تتطبيق مقولة لا تكن لين فتعصر

ولا قاشي فتكسر

فلسفه راقيه

يسعدك ربي

ودي

المدرب 25 ©؛°¨غرامي مشارك¨°؛©

تسلمين سيرا
يعطيج العافية
مشكورة علي الموضوع


RASHLAM ©؛°¨غرامي مجتهد¨°؛©

مشكوره اختي ويسعدني ارد على الموضوعك الجميل<<بتكلم بالفصحى ماعلي منكم
موضوع التفرقه بين البنت والولد موضوع حساس جدا واغلب العوائل ما تحب تتكلم فيه لأنهم خلاص مقفلين على حكمه عندهم هي البنت بنت والولد ولد مع انك لو سألتيهم عن تعريفها عقدو حواجبهم وقالو لك خلاص اقطعي الكلام هذا الي تربينا عليه
يعني البنت مثل الزجاج اذا انخدشت يبقى غلطها طول العمر معاها واذا حاولت تتناساه ذكروها فيه
والولد مثل الجدار (اسفه على التعبير بس هذا الي دايم يقولونه) مهما جته صدمات يستمر وياجبل ما يهزك ريح
لا ويهونونها عليه يقولون طيش شباب وبيعقل والبنت ينطبق عليها مثل (غلطه الشاطر بعشره) تبقى حبيسه غلطتها طول العمر
والسبب الرئيسي هي التربيه ونظره المجتمع والعادات والأعراف الي طفحنا منها
وهذا الي يخلي بعض البنات يتمردون على الواقع وتجيب لها بلوى لأهلها بس عشان تنتقم منهم او تثبت لهم انه مهما ضيقتو على وراقبتوني انا اقدر اسوي الي ابيه
والتربيه الصحيحه هي الي تعطي البنت الثقه بس مو في الصياعه وروحته لوحدها لأي مكان انا اقصد يعطونها حريه التعبير عن رأيها ويطلبون مشورتها في بعض الأشياء مو شرط ينفذونها بس يحسسونها انها مهمه عندهم وانها ما هي مجرد عاله عليهم ينتظرون متى يزوجونها ويقعدون يرددون بعض الأمثال الي تهدم نفسيتهامثل(هم البنات للممات) والبنت هم حتى وهي مع زوجها واذا تعدى عمر الوحده فوق 25 تدمرت نفسيتها من الهمز واللمز الي تسمعها حتى من أقرب الناس لها بأنها عانس وماهي مرغوبه
ليش تلومونهم اذا صادقت اي واحد وانتو السبب مو هي تبي تريحكم من همها على قولتكم
طولت عليكم بس فيني حره على بنات جنسي الي كل ما اسمع قصصهم يحترق قلبي عليهم
انا اشوف ان اهم شي يساعد البنت على الاستقرار النفسي والبعد عن دروب الهلاك هي اولا حنان الأب والأخوان
لانها اذا شعرت ان في احد مهتم فيها من عزوتها وسندها والله ولا الف واحد يقدر (يخطف قلبها بكلامه المعسول)
ونقطه اخيره ودي اوضحها هي ان الأهل ما يهتمون كثير بتربيه الولد تربيه صحيحة لو يضيقون على الولد ويراقبونه ويفتشون جواله ويشوفون وين يروح ووين يجي ولو كانت المجتمع ينظر للعيب على انه عيب من غير ما يفرقون بالنظر لشخص الي سوا العيب
ما كان حالنا كذا
اللهم احفظ شباب المسلمين <<<ذكراً وأنثى

عين الحب والصدق موصوف ©؛°¨غرامي فضي¨°؛©

يسلموووووو
1000شكر لك

عـيون الـحب ©؛°¨غرامي مشارك¨°؛©

صراااااااااحة موضوع قمة في الرووووووووعة

سلمتي وسلم طرحك

تقبلي وودي

عاشق عيون الحب ©؛°¨غرامي مشارك¨°؛©

الله يعطيك العافيه على الموضوع الرائع

تقبلي مروري

عاشق عيون الحب ©؛°¨غرامي مشارك¨°؛©

الله يعطيك العافيه على الموضوع الرائع
تقبلي مروري

~ طُهْرْ ..! ©؛°¨غرامي مجتهد¨°؛©

،’

كلام ج‘ ـميل ’’

،’

يعطيكـ العآفية ‘‘

،’


سيرا ماديرا ©؛°¨غرامي مجتهد¨°؛©

اشكر كل شخص شارك بكلمة في موضوعي

:)


أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1