ثلاث سنين وانا اخطط لهذا اليوم يابو سعود ..
تيسر حالي وجاهز اوفي وعدي بوقته ..
وفجئه جتني تتعذر تقول اتاخرت الوعود..
وانا مستغرب واسمع كني وعدها خنته..
حسبت انها تمازحني وتتصنع جفا وصدود..
ضحكت بوجهاها من قلب مع انها بايخه النكته..
وقالت ارضى بالواقع قلبي ماهو المعهود..
تغير كل شي صوبك نصيبي ماظن انت..
ولكن تكفى صدقني ويشهد ربي المعبود..
ترى ماخنتك بغفله ولا كلمته وشفته..
بصراحه اهلي قالوا لي بانه ولد اصل الجود..
وجتني امه بالصوره وبكلمات المدح اخته..
سكت وقلت هي فرصه مدام الجود في الموجود..
وقالوا كل من حولي علامات الرضا سكته..
وانا فكرت دآم امه واخته ماعليهم زود..
أكيد إني براضيهم اذاوافقت واخترته..
واراضي اهلي واخواني مدام ان الفرح مقصود..
عطيت الناس انا كلمه ومعاهم وقتي حددته..
ولا أقدر أغيره تراه عند العرب منقود..
اوافق وأعتذر باكر واقول الراي غيرته..
تبي تشرح لي المنقود تصدق عاد يابو سعود..
تبيني أقتنع وارضى بحال عمري ماعشته..
أنا ماني بقايلها عساه يفرش ثراها ورود..
بعد ماحطمت قلبي وطعم الموت جربته..
عزفت فستانها اشواق وفي ثوبه عقارب سود..
ونار تحرق الكوشه وتحرق بيتهم حتىه..
وموت بليلة الدخله يبرد حرتي ياكود..
ولا احس انها بحضنه يلامس خد لا مسته..
علي أهون إذا ماتوا ولا بنفس السرير رقود..
ترى صعب علي اتخيل اللي ما تخيلته..
عسى قاع الثرى يقسى ويتحول صخر جلمود..
وحفار القبر يرفض يسوي فوق مقدرته..
ترى دخلة عديم الذات تلوع حتى كبد الدود..
ومن خان العهود ومات تعافه حتى مقبرته..
عسى ربي يجازيهم حبل من مسد ممدود..
يعلقهم من اطرافه وفوقه نار وتحته..
أنا ماني حقود وشين وماني من نسل نمرود..
ومن حط نفسه بوضعي يقول اللي انا قلته..
مدام الفعل له ردة فعل والله ابشري بردود..
بدعي دامني حيٍ وبغرس للدعا نبته..
وبسقيها نزيف القلب ودمع مارحم الخدود..
وتكبروالثمر ثاري من اللي خانني صنته..
انا نذر علي اكتب وافجر من القصيد رعود..
وأسمع كل البشر صوتي عجبته وللا زعلته..
واردد للي يسمعني اذا حبيت حط حدود..
انا حبيت دون حدود وشوف اللي تكبته..
ثلاث سنين انا ابني وجات صوره بكل برود..
خذت مني شقا عمري وحلم قلت حققته..
ثلاث سنين انا اخطط لهذا اليوم يابو سعود..
وتوافق من كلام أخته وصوره اربعه فـ ستـ..ـ..ـه..


(((( أتمنى انها تعجبكم بصراهحهـ اثرت فيني وحبيت انقــلـ..ـها لكمـ )))))