غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > أرشيف الروايات المغلقة - لعدم إكتمالها
الإشعارات
 
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-06-2009, 03:37 PM
أعشقك لآخر نبض ينبضه قلبي أعشقك لآخر نبض ينبضه قلبي غير متصل
©؛°¨غرامي جديد¨°؛©
 
أعشقك لآخر نبض ينبضه قلبي / أولى رواياتي الرومانسيه


بسم الله الرحمن الرحيم
انا من عاشاقات الروايات اللي اقراها على هذا المنتدى الغالي و من كثر ما انا احب اقرى بديت أكتب في البداية مقالات و الحين الحمد لله قاعده اكتب رواية و هي تعتبر اول رواية في حياتي اكتبها طبعاً بمساعدة صديقتي و الاهل و الحمد لله على كل حال ، و حابه اوضح نقظة حقوووق الطبع محفوووظه لدى منتديات غرام و اللي حاب ينشرها في منتديات اخرى معليه انا راضيه بس بشرط لما اخلص الرواية على هذا المنتدى العزيز ،يحق حق اللي عجبته روايتي ينشرها بس االلي ينشرها و انا للحين ما خلصت تأليف الروايه و لا عرفتو النهايه في هالمنتدى فأعذروني راح اقطع الروايه و ماراح اكملها فخلو بالكم حقوق الطبع محفوظه عند منتدى غرام ...
انا حبيت انشرها في هذي المنتدى لأن عن جد روااياته تجنن و حبيت احط روايتي الاولى عندكم و اتمنى لكم حسن القراءة و الاستمتاع فيها و اتمنى تكون منافسه على الساحة الأدبيه
و ارجع اعيد كلامي هذي القصه حصريه فقط لهذا المنتدى و لن يسمح لأي شخص ان ينشرها خارج المنتدى إلا إذا تم الانتهاء من الروايه بأكملها على هذا المنتدى الغالي ^_^ و طبعا القصه راح تكون باللهجه البحرينه
طبعاً فيها القصه من بعض المواقف حياتنه اليوميه و في بعض المواقف من وحي الخيال

الجزء الأول

على أصوات تغاريد الطيور و على روائح أزهار الربيع و السماء الزرقاء الصافية و نسيم الهواء المنعش تحتفل عائلة أبو فارس بنجاح ابنتهم نور من الجامعة و اغاني و رقص و لويه عندهم اكيد الكل عارف بالجو شلون يكون فرفشه و وناسه ...
نور بنت عمرها 22 سنه توها متخرجة من الجامعة و اهي طيووبه وايد و دلوووعه حيل شيء اكيد لأنها الوحيده ما عندها اخت تشاركها بس اخوانها يشاركونها بكل شيء و غاثينها غث لكن دووم اهي اللي ترفع راية النصر لأن امها و ابوها على طول مدللينها و أما شكلها الخارجي فهي رشيقة و لونها حنطاوي و احلى ما فيها وجها الطفولي و عيونها العسليه و خشمها ما شاء الله عليه طويل و مسموت يعني ما شاء الله آية في الجمال و تموت في شيء اسمه السوق و تتشرى ثياب بالهبل لأنها تحب الثياب واايد و الأكسسوارات و احدث صيحات الموضه عندها

الحين نجي لأم فارس و أبو فارس
شيخه أم فارس مره طيبه حيل و حبوبه و اجتماعيه عمرها 45 سنة تحب عيالها وايد و تتمنى انهم يكونون على طول مستانسين و مرتاحين و تتمنى الخير للكل و حياتها كلها نور و ما ترضى أي احد يزعل بنتها أو يغثها بشيء اما شكلها الخارجي شويه لها كرشه من الحمل و الولادة و اهي بيضه و عيونها عسليه و خشمها بعد حلو بس مو مثل بنتها و بس هاي اللي اقدر اقوله لكم عن شكلها الخارجي بس بعد جميله اكثر شيء تحب تلبسه الجلابيات عشقها الجلابيات و نادراً ما تلبس بدلات في الأعياد بس تنافس بنتها نور تصير كأنها شابه ما شاء الله عليها

أما محمد أبو فارس فهو ريال مشهور بالبلد و شخصيته قويه لين قال الشيء على طول يتنفذ و عياله يموتون من الخوف منه لكن نقطة ضعفه اهي نور بنته لأنه يموت عليها فلما يجوفها تنعكس حالته الشديده لواحد طيب و حنون و حبوب واايد و رجال بمعنى الكلمه و الحين انيي حق مواصفاته الخارجيه اهو يعتبر اجمل واحد من اخوانه و خواته فهو يتميز بخشمه الملكي اللي عطاه لبنته نور و عيونه الناعسه و اهو طبعاً زقيرتي فيحب يتكشخ و يتعدل و يتصقل دوم البشت بإيده و القلم يطقمه مع البشت لازم و النعال بعد لازم يطقمها عشان يكون انيق و دوم كشخته بثوبه و له سكسوكه و طبعاً صابغها عشان ما يبين عليه العمر و عمره بصراحه 47 سنه بيني و بينكم

و الحين نجي لأخوان نور عندها 3 اخوان
طبعاً اكبرهم و شيخ الشباب فارس عمره 25 سنه متكبر و مغرور و مزيون وااايد و كل بنات الديره تموت عليه بس هو يكلمهم مو عن حب تقدرون تقولون للتسليه يسلي حاله و اهو يشتغل في الجيش و اللي يجوفه يقول كأنه ملاك ماخذ احلى الأشياء من ابوه و احلى الأشياء من امه فصاير جنه البخت لكن علاقته مب ذاك الزود مع امه و ابوه و اخته بالأخص لأنه محتر على الدلال اللي تحصله و اهو ما حصله فقرر انه يدلع نفسه بنفسه  فتوظف يوم كان عمره 20 سنه و دوم ينطط في شعره و يسوي آخر موديل القصات حق شعره ثيابه دوم كشخه بعد ما يحب يلبس دوم غتره و عقال بس في المناسبات و الأعياد دوم آخر موديلات الثياب تلاقونها في كبته و بس هاي اللي اقدر اوصفه لكم

و اخوه اللي اصغر منه عمره 23 سنه و اسمه نايف>>البطل<< عاد هالنايف ينافس نور في كل شيء لأنه غيوور و منزلته يوم عن يوم تكبر بعين امه و ابوه و اهو ستايله بدوي دوم بالحمدانيه قاعد او مغتر و كلش ما يداني بدلات و دوم في السفرات لبلدان اوروبا تجوفونهم يتناجرون اهو و نور لأنه كل عايلتهم نفس الشيء يلبسون يتفقون ذي اليوم ذي اللون إلا اهو يطلع لهم منور بالثوب و الغتره و اهو كلش ما يداني شيء اسمه انكليزي حتى في سفره نور تجوفونها تتصبغ الوان من الفشيله لأنه يتعامل مع الأنكليز بالإشارة و دوم يقول اللبيب بالإشارة يفهمون يعني تقدرون تقولون اهو السكر في السفره لأنه لو بدونه جان ما بيسوي جو و اهو خفيف دم و طيب و حنون و دوم يتناجر مع نور بس على غشمره و نور تحبه وايد و اهو بعد يحب اخته و يتمنى لها الخير من كل قلبه

و آآخر العنقود سكر منقود دلووووع امه و ابوه اسمه جاسم و عمره 18 سنه توه متخرج من الثانويه >>اهو صيف من وقت لأنه في مدرسه خاصه << و مواكب الموضه و آخر صيحاتها و شعره طبعاً ناعم و طايح على ويهه و جماله يتخبل الواحد لما يجوفه و خصوصاً رموشه طوال و حلوين و خشمه سيده بس اقصر بشوي من خشم ابوه بس اهم شيء يكون ملموم و احلى ما فيه غمازاته و الحمد لله دووم وسيم و يحب يتدلع عند امه جدام نور عشان يحرها انه اهو بعد دلوع مو بس اهيه دلوعه بس اهي تحبه مهما كان آخر العنقود لازم الدلال له و اهي عاذره امها و ابوها بس محبته ما تطوف محبتها لنايف و جاسم بعد يحب نايف و يعتبره قدوته اشوه بعد لأن متعلق فيه و ما تعلق بفارس لأنه شخصيته متكبره و دوم يجوفهم من طرف خشمه صج جسوم ساحر البنات بس اهو ما يعطي ويه حق احد لأنه يحس بالذنب انه يعلق وحده و يقص عليها اهم شيء عنده دراسته و مستقبله طبعاً اهله و اليمعه اهم شيء

الحين ببدي قصتي و اخط اقلامي لكتابتها
قبل الحفله نور كانت عندها الكوافيره رنا اللبنانيه تسوي شعرها و بتمكيجها
رنا:تخزي العين قمر 14 ما شاء الله عليك كأنك عروسه
نور: تسلمين حبيبتي (و اهي سرحانه تقول في قلبها أكيد الحمد لله جمالي من الله طبيعي هذي جذابه بس خربطت في فيسي و تبي تمشي سوقها)
و عليه رنا تسولف بروحها حست رنا انه نور تفكيرها طاير
رنا: بووووووه في وين سرحتي (و اهي تغمز لها) يتهنى الحبيب
اهني نور ماتت من الحيا و ويها تصبغ الوان من الحيا
و طول هالفتره نور ما جافت ويها بعد المكياج
طلعت من دارها من الحيا
و بطلت الباب إلا نايف لاصق ويها بالباب يبي يخرعها جود سمع الحوار
و يقول في قلبه (الله يسعدج يا ختي و اجوفج عروس إن شاء الله)
نور:آآآآآآآآآآآآآآآآآه
نايف:اش سكتي فضحتينه
نور: هذي انته خرعتي عبالي حرامي صبيت قلبي حسبي الله على بليسك ما تيوز عن حركاتك
و اهو ساكت و يجوفها و منبهر من جمالها
و تطقه نور على جتفه تقول له: بسك خز فيني اول مره في حياتك تجوف وحده حلوه مثلي
تم ساكت يفكر يبي يسوي دقه فيها
جرب و يود راسها خافت اهي قالت شفيه اخوي اليوم مب طبيعي
يقول لها :شفيج اختي مسخنه
و اهي مستغربه: ليش ؟؟؟
نايف: لا بس اجوف ويهج مب طبيعي الوان القوس قزح فيه أكيد مسخنه
عصبت نور:امبيييييه احلف قوس قزح
نايف: و الله
نور: لالالالالا ما يصير
يقول لها : شنو ما يصير خدودج هكي حمر من السخونه
نور: يا ويلي على حالي عاد ما بقى عن الحفله إلا ساعتين ما يمديني اعيده بروحي كله من هالرنوو قطتها على راسي و توها طالعه
نايف: هكي في الباركات اناديها عشان تلحقين عليها
نور: إيه إذا ما عليك كلافه
نايف بابتسامه خبيثه و حاس بالنصر : حاضر عمتي جم نووور عندي وحده و امووت على خشمها
نزل و اهو يغني و مفرفش على اللي سواه بنور
أما نور فحالتها حاله اختبصت ابها الدنيا
تقول: يا ويل حالي ليش جذي يا رنا الله يهديج و تقصين علي صايره عروس و نايف ابو الذوق كله يتطنز علي اكيد في شيء مب طبيعي و تمت عيونها تدمع على طول دشت الحمام و إلا قبالها منظره كبيره سيده اول ما دخلت عبالها ان احد في الحمام فخافت و ردت باب الحمام و ردت طقت بس محد يرد عليها اهني ماتت من الخوف و اهي تقول: يا ربي منو ذي اللي بالحمام ليكون وحده من المعازيم وصلت و مالقت احد يستقبلها فدشت الحمام بس ما جاوبت علي ليكووون و اهني فجت عينها .............................
نور:يمه لحقي علي لحقيني
أم فارس : ها يمه حبيبتي اشفيج تصارخين من اللي مأذيج قولي لي
نور: ي ي م مــمــــ ـــه بصوت مقطع
أم فارس اهني خافت و حطت يدها على قلبها : شفيج يا نور قولي لي اشصادج
نور: فــــ ــ ـــــــ ــــي
أم فارس: شنو فيه
نور:روحي حمممـ ــممامم ـــي
أم فارس و اهي تركض صوب حمام نور دشت الحمام ما جافت شيء طلعت من دار نور و نور طبعاً للحين ما جافت ويها بعد المكياج و نايف طلع من البيت عقب الجريمه اللي سواها
أم فارس : نوروووو و يهد ما في شيء حمامج (و بحنيه لبنتها لأنها صج خايفه ) ماما حبيبتي انتي شنو جايفه في الحمام ؟؟؟؟ من اللي خوفج
نور: بطلت باب الحمــ ــ ــــا م (و بلعت ريجها)
أم فارس : إيه
نور: جفت وحده مشاهدتني حلووه
أم فارس: انزين
نور: و خفت عبالي وحده من المعازيم وصلت رديت بعد دقيقتين اطق الباب و ما حد يرد علي فأكيد هذي مب بشر مثلنا
أم فارس: انزين ما قلتي لي اشلون شكلها حلوه
نور: يمه هذا وقتج الحين تتطنزين
أم فارس: تعالي معاي و انا معاج
نور: إن شاء الله بس انتي دشي اول
أم فارس : إن شاء الله
نور بطلت ليت الحمام عشان شوي ترتاح
أم فارس: يلا تعالي ما في احد إلا انا في الحمام
نور دشت الحمام و بطلت عينها من الصدمه
نور: يمه منو ذي
أم فارس : هذي العروس نور بنت محمد
نور بحياء: و الله هاي آنه شلون جذي
أم فارس : بعد شلون شحلوج جنج البخت
نور : تذكرت اخوها نايف و الكلام اللي قاله تمت تضحك بس سكتت
أم فارس خافت : شفيج يمه اشجفتي
نور: هين يا نيوووف اوريك تسوي روحك طيب و بتناديها رنوو لي
نور و اهي مستحيه تقول: و انا اقول اشفيه اخويي يخز فيني اثاريه معجب بجمالي بس خلني احرجه بعد
و طلعت موبايلها و كتبت له مسج : (انا اقول اشفيك مفهي في القمر طلعت منبهر بجمالي بس مردوده يا خوي ) اختك قمر 14 نوروو
و نايف كان بالطريج يدور و يغني لأن اليوم العايله بتتجمع وناسه إلا يسمع صوت مسج و اهو يغني يقول فديت إللي جك جك جكتني و استحى
بطل المسج إلا نوروو اخته و يوم قرى المسج تذكر اشلون كان شكله و اهو يجوف منبهر بجمال اخته و استحى فجأه انقبت شخصيته و ضحك و اهو يقول اما المقلب اللي كلتيه يا نورووو ههاااااااااي و طول على أغاني طربيه مال زمان اول
و تذكر لازم يرد البيت عشان بيون مال البوفيه بس خاف ان نورووو تجكه فدش من الباب الخلفي من البيت و يتمشى على اطراف اصابعه و اهوه رافع راسه يزعم يبي يسوي اتزان و مره وحده صرخ من قلب
و إلا نوروووو دايسه على ريوله
نور و هي تشرد: اشقلت لك ما قلت لك مردوده
نايف: بل بل بل عليج هاي ريل آدمي أو ريل فيل أكيد فيل و انتي من جم يوم بعد طالعة لج كرشه يالدبه (اكرهه شيء عند نورو احد يقول لها يالدبه بالعماله لأنه يبي ينرفزها)
نور: عدال عاد انت اللي رشاقتك كلش محطمه العالم بأسره
نايف: الحمد لله طول عمري معصقل و عصقلت زود بالجامعه مب مثلج يالدبه
نور: افففففففففففففففففف ,,,,,,, خلني امشي احسن لي من مجابل ويهك
نايف:افا بس النور كله زعلان مني بس معليه هذا و انا راد عشان اساعدها في تحضير الحفله (و تم يذكرها بأفضاله عليها)خخخخخ
و نور حن قلبها شوي بس قالت بجافيه الحين عشان مره ثانيه ما يعيدها
و توها بتطلع من باب المطبخ إلا نايف بسرعه وقف جدامها
إلا حط يده على الباب يمنعها ان تطلع
نور اهني عصبت و خافت و اهو مب مخليها تطلع
نور: شنو تبيني اسويه بسويه بس خلني اطلع من اهني الناس بيون الحين، اففففف بخيس من ريحة الطباخ
نايف: ما تطلعين
نور: على كيفك
نايف: إيه كيفي و إذا بتطلعين بشرط تطبعين هاللي يلمع و يبرق ابوزج على خدودي
اهني نور استحت شوي بس يلا نحبه على خدود و على راسه
بس خططت قبل هعع
نور و بابتسامه خبيثه:حااااضر يا اغلى اخو جم نيوووف عندي واحد و ملوع جبدي
جدمت عشان تحبه و فجأه صرخخخخخ نااااايف
نايف : آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآآآآآآآآآآآآآآآآآآآآآآى
نور: انا نور بنت محمد محد يتشرط علي فهمت و طلعت بسرعه
اما نايف المسكين غسل خده خبركم وسواس خاف يتسمم الريال هعع:حشى ضروش قرش مب بنت آآآخ جان ما سممتني حسبي الله على بليسج
و انا غبي اطلب من هالخبله هالطلب
اما نور فركبت فوق حق دراها و اهي تغني و مستانسه انها انتصرت :يو دان دان اللي دان واويله إبعد عن الشر و غني له .....
و إلا بدقة الجرس و دشت الريم و اختها المها بنات خالت نور
الريم بنت خلوقه و جميله ما شاء الله عليها اتينن و خفيفة دم و اهي كبر نور 22 سنه عمرها و تخرجت معاها ورشيقه راح اخلي التفاصيل في احداث القصه
اما المها عمرها 17 سنه هادئه حيييل و اخلاق و ادب اما من ناحية جمال فهي جميلة بس اقل مستوى من جمال الريم و آخر سنة لها بالمدرسه مدخلينها قبل سنها فبتتخرج في هذي السنه
و دشت الريم و اهي متعدله عدل و متزكرته و تتحلطم ع بارك السياره و إلا بنايف طالع من المطبخ
نايف : الحين انا المفروض اللي اتحلطم عليج يالجلبه بس هين ارويج
اما الريم من سمعت صوته وقف الدم اللي يمشي فيها من الحيا
و اهو طلع إلا جاف الريم بويهه اهني نايف صج صار ويهه اشارة مرور
نايف و اهو مجندس راسه مستحي: السموحه يا بنت الخاله عبالي نورووو الخديه لكن هين اوريها
اما الريم مسكينه مستحيه و اهو بعد ما رفع راسه بعد الأعتذار إلا قاعد يكلم ملاك مب الريم بنت خالته
تمو واقفين مشاهدين بعض و كل واحد ما يعرف شيقول حق الثاني إلا نور تقطع عليهم الجو
نور: هلااااااااااااااااااااااااااااااااا والله بأريامي
الريم بعد الموقف المحرج : هلا بــيـــج
و تمو يلمون بعض و نايف ميت من الحره
إلا نور تقول حق الريم: يااااااااي ما قدر على بنت خالتي ع الكشخه إن شاء الله انجوف كشخة العرس
الريم(وه وه بعد عرس و جدام نايف وااي يا ربي ويهي وايد تصبغ )
إلا نايف (واااي يا ربي تكون لي إن شاء الله يكون هالزين للمزيون فديتني و الله)
الريم: بعد انتي اشحلاتج تهبلين لو عندي اخو كبرج جان عرسناكم على بعض
نور: بعد شنسوي هذي حال الدنيا و انتي بعد عندي لج 2 نقي و اختاري
نايف بعصبيه و غيره : وراه حلاوه عشان تنقي
اهني نايف سكت حس انه احرجها و مشى عنهم
إلا نور تحاول تغير الجو
نور: حيا الله بنات خالتي العزيزات
الريم و المها : الله يحيج
المها : نور
نور: نعم
المها :بتيي بنت عمج فطوووم
نور: اكيد بتيي الحين طريتوها بتطلع لج على طول
و إلا بالصدفه صوت دق الباب و على طول ما تصبر سيده فتحته
فطووم: السلاااااااااااااااااااام
الكل : و عليكم السلام ورحمه الله و بركاته
فطووم: امبييييييييييه نورووو فديتج مـتأكده انج نور ؟؟
نور و اهي فاطسه من الضحك على خبال فطووم : لا هذا ظلي نور الأصليه يترجع لكم بعد الحفله لما تغسل ويها و تغسل شعرها
فطووم و اهي تنغزها: شغل عدل بنت العم حركات بالمكياج تسوين اغرائات ما قدر ما قدر بس يا نورووو اليوم بنعرسج خلاص ابي اجوفج و انتي عروسه يلا
نور و ويها متصبغ الوان من الحيا: فطووم بس جب يعني تستانسين لين تجوفين ويهي متصبغ من الحيا
فطووم: امووت انا في اللي يستحون فديت اللي ميتين من الحيا
نور: بسج عاد من هالكلام المعسول نسيتي في بنات اهني
و إلا الكل يضحك على خبال فطووم و قشمرتها
فطوووم: اهلاً هلا بأريامي ازيك عامله إيه
الريم : كويسه و الله اسأل عن حالك تصدقي بالله
فطوووم : إيــــــه؟؟
الريم: انك بنت حلال
فطووم: وه وه وه اعرفها نوروو الجلبه كله تحش فيني  لكن معليه ارويها
الريم و اهي تضحك: لا لا هههههه الله يهداج سيده بتحكمين عليها
فطوووم: بالإعدام تكفخاً
الريم: حرام عليج بس مهاوي تسأل عنج إلا انتي مدرعمه علينه
فطووم: وي فديتها مهاوي تسأل عني الالالالاي في احد يحاتيني
المها و اهي مستحيه: أكييد لأنه نحبج
قامت فطووم و لمت مهاوي لأن من زمان ما جافو بعض
و استانسو ياليمعه
نسيت ما عرفتكم على فطوووم شخصيه مرحه و حبوبه حيل و الكل يحبها و عمره8 1 في سن المها فعشان جذي هم اصدقاء مع بعض و بنفس المدرسه بس اعتقد انكم عرفتو شخصيتها من القصه
بعد نص ساعه صارت حديقة بوفارس متروسه من الحريم و لويه و ربشه عندهم و الكل يرقص و مستانس
نور: حيا الله من يهـ اسفرت و انورت
البنات: الله يحيج و يخليج و بيت مكه ايوديج
نور: شطورات حافظين الجواب
الريم: هههههههههه.. حسبي الله ع بليسج نورو مته بتعقلين
فطوم: لين انا عقلت خخخخخخخخ
المها: دام ع فاطمه و نور ما في امل يحل العقل عليهم
و حطو اغنية صدفه و الكل استخف عليها و كل من قام يرقص عليها حته الأمهات
نور:عاشت عاشت شيخه بنت جاسم حيوووها
ام فارس: سكتي حسبي الله على بليسج فشلتيني
نور: لا عادي يمه إلا انتي
ام فارس: ايا جليلة الحيا
نور: انتي الغاليه مرت الغالي
ام فارس: مشكوره
ام الريم: نوروو
نور: هلا خالتي
ام الريم: عقبال ما انيي حق زواجج
نور: آمييييييييييييييييييييييييييييييييين ... ربنا يسمع منكي يا خالو من بؤك لباب السما
ام فارس: ثقلي يا نورو
ام نواف: هههههههههه فديتها خليها محد غريب خلها تاخذ راحتها في تعبيرها
ام فارس: بس لا تطول صوتها توصله عند صديقاتي بالطاوله اللي يمكم
نور: افا عليج انا بنتج سبعه اعرف الاصول
ام الريم: كفو يا بنت اختي
و جان يحطون اغنية وسعو الملعب
وجان الكل يقوم عليها و يردحون بردحه

ماعدا ريمو لانه كانت سرحانة هع هع الا تسمع الاغنية وتقوم تردح ردحة مالها اول ولا تالي خخخ والكل مستغرب منها.
ام فارس: هذي ريمو المينونة يطلع منها كل ذي يطلع من ريمو ......كبرت والله و صارة اتعرف تردح هههههههههههههه... نورو واهي ترقص سمعتهم نور: بسكم حش فيني ترى استحي
عاد ام فارس : استحي ترى الحيه زين مو الدفاشة <<< تعطيها نغزة انه اهيه دفشة خخخخ
الريم:وييييييييييييو ويييييييييييييييو ... قطتها خالتي قويه قويه
و نايف يدور دار مادار البيت و يقول بنفسه: معقوله هذي الملاك اللي قابلتها الريم بنت خالتي والله تغيرت و حلوت وايد ما شاء الله عليها انا ليش ما فكر فيها و اقول حق نور اختي ...و ظل نايف يدور في الشوارع و راح ميلس ربعه
بو يوسف: حيا الله بو الشباب
نايف: الله يحييك شخبارك شعلومك
بو يوسف: يسرك حالي
محمد: هلااااااااااا و غلااااااااااا تو ما نور ميلسي
نايف: منور بوجودك
و قعد سوالف و ضحك ودردشه لي ما خلاص تأخر الوقت
نايف: والله انستوني بس انا الحين استأذنكم و القاكم على خير إن شاء الله ... مع السلامه
الكل: الله معاك
و طلع نايف و باله مشغول على الريم :ياربي خاطري اجوفها خاطري اجوفها... اف استغفر الله انا شقاعد اقول انا ليش افكر فيها هالكثر ...ليكون يانايف تحبها ...ههههه والله زمن قمت تحب ...انا شقاعد اقول ياربي بس صج انا الريم اتمناها تكون شريكة حياتي و عمري ودنيتي و فيها كل الصفات الزينه و هي طيبه وايد و انا احب طيبتها طالعه على ابوها الله يرحمه آآآآآآه ياربي من هالزمن والله معوره قلبي خالتي و بناتها بس إن شاء الله انا راح اوقف معاهم واساندهم واشاركهم افراحهم واحزانهم إن شاء الله يارب
وراح نايف للبحر و قعد يتأمل فيه و يجوف كل من مع زوجته و عياله و لمعة عيونه و راح بعالم ثاني ...عقبها ماوعى بروحه إلا و اهو يم بيتهم
و قعد يفكر اشلون بيفاتح اهله بالموضوع و ماتم شيء ما سوه بالشارع و الرايح و الياي يتضحكون عليه
و الريم ريولها عورتها من الردحه قالت بارتاح فوق بدار نور
الريم: نورو انا باذلف فوق
نور: ليش فيج شيء
الريم: لا بس رويلاتي تعورني من الردحه بانبطح في دارج و عقب بارد لكم إن شاء الله
ودشت البيت ووصلت عند الدري و توها بتصعد الدري إلا تدوس على طرف فستانها
و جان تطيح توها بتطب على الأرض إلا بإيد تلاحقت عليها و مسكتها ..................
يد منو هذي تتوقعون يد فارس او نايف او جسووم؟
و شنو راح تكون ردت فعل الريم من اللي صادها؟
شنو راح يصير للثنائي المينون نايف و نور؟

هذي الجزء الأول اتمنى انه نال على اعجابكم و إذا مو عاجبكم ما راح اكمل القصه كتبو توقعاتكم عشان تساعدني في الجزء الثاني ^_* 


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-06-2009, 06:12 PM
صورة رصيف الذكريات الرمزية
رصيف الذكريات رصيف الذكريات غير متصل
©؛°¨غرامي فعال ¨°؛©
 
الافتراضي رد: أعشقك لآخر نبض ينبضه قلبي>>أولى رواياتي الرومانسيه


وايد جننننننننننننننننننننننان بليز كملي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-06-2009, 06:30 PM
لانا 2009 لانا 2009 غير متصل
©؛°¨غرامي مشارك¨°؛©
 
الافتراضي رد: أعشقك لآخر نبض ينبضه قلبي>>أولى رواياتي الرومانسيه


معاك معاك
راح اكون من متابعين روايتك
بداية تحمس
ان سالله الي مسك الريم نواف
الصراحه كسر خاطري ان شالله يتزوجها اذا هو يحبها
تسلمين على البارت الحلو

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 16-06-2009, 05:08 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: أعشقك لآخر نبض ينبضه قلبي / أولى رواياتي الرومانسيه


"



هلآ وغلآ نورتي
والله يعطيكِ آلعآفيه
بدآية حلووة’

بآلتوفيق




"

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 16-06-2009, 11:38 AM
أعشقك لآخر نبض ينبضه قلبي أعشقك لآخر نبض ينبضه قلبي غير متصل
©؛°¨غرامي جديد¨°؛©
 
الافتراضي رد: أعشقك لآخر نبض ينبضه قلبي>>أولى رواياتي الرومانسيه


اقتباس:
المشاركة الأساسية كتبها رصيف الذكريات مشاهدة المشاركة
وايد جننننننننننننننننننننننان بليز كملي
تسلمين فديتج إن شاء الله على الاسبوع الجاي بحط البارت الثاني ^_*


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 16-06-2009, 11:42 AM
أعشقك لآخر نبض ينبضه قلبي أعشقك لآخر نبض ينبضه قلبي غير متصل
©؛°¨غرامي جديد¨°؛©
 
الافتراضي رد: أعشقك لآخر نبض ينبضه قلبي>>أولى رواياتي الرومانسيه


اقتباس:
المشاركة الأساسية كتبها لانا 2009 مشاهدة المشاركة
معاك معاك
راح اكون من متابعين روايتك
بداية تحمس
ان سالله الي مسك الريم نواف
الصراحه كسر خاطري ان شالله يتزوجها اذا هو يحبها
تسلمين على البارت الحلو
فديت المتحمسين آنه
اسمه نايف ترى مو نواف هعع
و إن شاء الله يتحقق حلمهم و يتزوجون
مع ان في احداث بالبارتات اليايه
هعع خطييييييره ....
اشكرج حبيبتي على المرور الحلو و لا تقطعين ^_^


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 16-06-2009, 11:44 AM
أعشقك لآخر نبض ينبضه قلبي أعشقك لآخر نبض ينبضه قلبي غير متصل
©؛°¨غرامي جديد¨°؛©
 
الافتراضي رد: أعشقك لآخر نبض ينبضه قلبي / أولى رواياتي الرومانسيه


اقتباس:
المشاركة الأساسية كتبها VEN!CE مشاهدة المشاركة
"



هلآ وغلآ نورتي
والله يعطيكِ آلعآفيه
بدآية حلووة’

بآلتوفيق




"
النور نورج حبيبتي
و الله يعافيج يارب
وتسلمين على المرور الرائع ^_^
لا تقطعين


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 16-06-2009, 03:28 PM
أعشقك لآخر نبض ينبضه قلبي أعشقك لآخر نبض ينبضه قلبي غير متصل
©؛°¨غرامي جديد¨°؛©
 
الافتراضي رد: أعشقك لآخر نبض ينبضه قلبي / أولى رواياتي الرومانسيه


وين حماسكم يا حلوااااات ^_^
عشان اتشجع و انزل لكم البارت الثاني ^_*


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-06-2009, 03:50 PM
صورة النمله المتمرده الرمزية
النمله المتمرده النمله المتمرده غير متصل
©؛°¨غرامي مجتهد¨°؛©
 
الافتراضي رد: أعشقك لآخر نبض ينبضه قلبي / أولى رواياتي الرومانسيه


الروايه روووووووووعه

تسلمين خيتو
في الانتظار ^^

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-06-2009, 04:55 PM
أعشقك لآخر نبض ينبضه قلبي أعشقك لآخر نبض ينبضه قلبي غير متصل
©؛°¨غرامي جديد¨°؛©
 
الافتراضي رد: أعشقك لآخر نبض ينبضه قلبي / أولى رواياتي الرومانسيه


اقتباس:
المشاركة الأساسية كتبها النمله المتمرده مشاهدة المشاركة
الروايه روووووووووعه

تسلمين خيتو
في الانتظار ^^
تسلمين فديتج على المرور
و لا تقطعين ^_^


أعشقك لآخر نبض ينبضه قلبي / أولى رواياتي الرومانسيه

الوسوم
(رومانسيه و حصريه على منتديات غرام)
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
بنات القبايل / كاملة داعجه العين روايات كامله - يتم نقل الرواية هنا بعد اكتمالها 63 28-07-2013 11:25 PM
رواية الفراق ألم لا يمحوه الزمن /كامله ورود بالمحبه لاتذبل روايات كامله - يتم نقل الرواية هنا بعد اكتمالها 215 09-03-2010 04:05 AM
ملك الرومانسيه رومنسيات قبل 1400 سنه عزوبي الى اخر رمق الحياة الزوجية - الحمل - مشاكل الزواج - خاص بالمتزوجين 13 01-12-2008 12:10 AM
الرومانسيه justwhy شعر - قصائد - قصايد - همس القوافي 8 26-05-2008 01:11 AM
اعرف شخصيتك الرومانسيه .: ديما :. مواضيع عامة - غرام 24 16-12-2007 10:49 AM

الساعة الآن +3: 06:32 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1