منتديات غرام أدبيات غرام شعر - قصائد - قصايد - همس القوافي لاباس ياعباس وان طاح دباس ولاباس ياحظ عجز لايقومي
روحـي غريبة ©؛°¨غرامي نشيط¨°؛©

المشاركة الأساسية كتبها أســــ الغنج ــــير اقتباس :
يسعد ايامكم يالغالين
هذي مشاركه اخترتها من بين عدة مشاركات ويمكن اسلوبي فيها مختلف عن بقية المشاركات السابقه وانا مسندها لواحد من اخوياي وهو مطلق بن سالم بن شويه السبيعي ,ويمكن الكثير مايعرف معنى بعض الكلمات بس ماهوب شغلي التغيير لازم مهما كانت الظروف تعبنا دايم غزليات غزليات قلنا نغير طيب اترككم مع القصيده:/
اقول:/
لاباس ياعباس وان طاح دباس  
  ولاباس ياحظ ٍ عجز لايقومي
ولاباس يادنيا العنا والتحساس  
  اصغر حلومي اخفت اكبرحلومي
اقوم !!أطيح ومقصدي للتنوماس  
  واشوف حظي في رداه محزومي
يامطلق افزع دام بالليل نسناس  
  عطني علومك واخذ مني علومي
ماغير ادوّج مثل محمود عباس  
  تايه ولا قضّى لِشعبه لزومي
نفسي بقصر ٍ راقي ٍ كله الماس  
  تحتي خدم والكل منهم خدومي
واحط للضيفان ملفى ومجلاس  
  مع شب نار ٍ والحطب كوم كومي
واكسب معاريف ٍ مع نايد الناس  
  واقضي لزوم اللي زمانه كتومي
اللي زمانه بالفقر حطّم الساس  
  ذيك الحرار للي غدت شبه رومي
واحط لي وضح ٍ تحذف التعوماس  
  وماهي حراسيسٍ تجيب الهمومي
واروح للمرتاع الى دق هوجاس  
  هوجاسي اللي خابره كل يومي
اللي على الحكه تعبي لي الطاس  
  وماهي نحوسٍ من قناها محرومي
هذي طراة العمر والوقت مساس  
  وابن آدم ٍ تاليه حدر الردومي
مهما تعلا في السما شبه قرناس  
  فلابد ماعفشه يعرّض لسومي



<<ترى قصدي لاكبرت وصرت شايب ماهوب ذا الحين هههههههههه
بقــــــــــــــــــلمي
أســــ الغنج ــــير
رائعة وأنا أختك راقت لي كثيرا تدل على تفرد جميل ونفس شامخة

ماغير ادوّج مثل محمود عبـاس=تايه ولا قضّى لِشعبه لزومـي

تصوير يدل على شاعرية فذة لو لم تكتب الا هو لكفاك بليغ جدا جدا بصفق لك صدقت والله

واحط للضيفان ملفـى ومجـلاس=مع شب نار ٍ والحطب كوم كومي
واكسب معاريف ٍ مع نايد النـاس=واقضي لزوم اللي زمانه كتومـي

ماشاء الله الله يوفقك يارب وتحط هالمجلس ومايستغرب الكرم من اهله بس انتبه لايتغير رأيك


وموفق وفالك الوضح والقصر

ريم قوم



صمت العيوون ©؛°¨غرامي فعال ¨°؛©

صح السانك يا قلبي كلمات رائعه جداااا يسلمووووووووو يا الغالي
مع تحيات .. ميمو

رفيعة المقام ©؛°¨غرامي فعال ¨°؛©

صح لسااااااااااانك مدد بلا عدد

قصيده نادره من نوعها تدل على شاعر فحل


يعطيك العافيه ايها المدرسه تقبل اعجابي اخي المحترم

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1