منتديات غرام أدبيات غرام شعر - قصائد - قصايد - همس القوافي لاباس ياعباس وان طاح دباس ولاباس ياحظ عجز لايقومي
أســــ الغنج ــــير عضو موقوف من الإداره

يسعد ايامكم يالغالين
هذي مشاركه اخترتها من بين عدة مشاركات ويمكن اسلوبي فيها مختلف عن بقية المشاركات السابقه وانا مسندها لواحد من اخوياي وهو مطلق بن سالم بن شويه السبيعي ,ويمكن الكثير مايعرف معنى بعض الكلمات بس ماهوب شغلي التغيير لازم مهما كانت الظروف تعبنا دايم غزليات غزليات قلنا نغير طيب اترككم مع القصيده:/
اقول:/
لاباس ياعباس وان طاح دباس  
  ولاباس ياحظ ٍ عجز لايقومي
ولاباس يادنيا العنا والتحساس  
  اصغر حلومي اخفت اكبرحلومي
اقوم !!أطيح ومقصدي للتنوماس  
  واشوف حظي في رداه محزومي
يامطلق افزع دام بالليل نسناس  
  عطني علومك واخذ مني علومي
ماغير ادوّج مثل محمود عباس  
  تايه ولا قضّى لِشعبه لزومي
نفسي بقصر ٍ راقي ٍ كله الماس  
  تحتي خدم والكل منهم خدومي
واحط للضيفان ملفى ومجلاس  
  مع شب نار ٍ والحطب كوم كومي
واكسب معاريف ٍ مع نايد الناس  
  واقضي لزوم اللي زمانه كتومي
اللي زمانه بالفقر حطّم الساس  
  ذيك الحرار للي غدت شبه رومي
واحط لي وضح ٍ تحذف التعوماس  
  وماهي حراسيسٍ تجيب الهمومي
واروح للمرتاع الى دق هوجاس  
  هوجاسي اللي خابره كل يومي
اللي على الحكه تعبي لي الطاس  
  وماهي نحوسٍ من قناها محرومي
هذي طراة العمر والوقت مساس  
  وابن آدم ٍ تاليه حدر الردومي
مهما تعلا في السما شبه قرناس  
  فلابد ماعفشه يعرّض لسومي



<<ترى قصدي لاكبرت وصرت شايب ماهوب ذا الحين هههههههههه
بقــــــــــــــــــلمي
أســــ الغنج ــــير


بنت الشايب ©؛°¨غرامي ماسي ¨°؛©

صح السانك اخوي اسير كلمات رائعه
مبدع دائما
يعطيك العافيه
تقبل مروري

أســــ الغنج ــــير عضو موقوف من الإداره

المشاركة الأساسية كتبها بنت الشايب اقتباس :
صح السانك اخوي اسير كلمات رائعه
مبدع دائما
يعطيك العافيه
تقبل مروري

اختي الغاليه
بنت الشايب
صح بدنك يالغلا
ومشكوره على اطلالتك الحلوه وتواجدك بمتصفحي يالغلا
يعطيك العافيه
وتقبلي تحيات وتقدير
اخووووووووووك
أســــ الغنج ــــير

دفء ©؛°¨غرامي فعال ¨°؛©

صح لسانك وعلا شانك

والنعم فيك يحق لك تفتخر بأخلاقك وتعاملك مع الناس

ربي يعطيك العافيه

النســـــري ©؛°¨غرامي مشارك¨°؛©

نفسي بقصر ٍ راقي ٍ كله المـاس
تحتي خدم والكل منهـم خدومـي
واحط للضيفان ملفـى ومجـلاس
مع شب نار ٍ والحطب كوم كومي


أخاف اذا صار عندك قصر ما عاد تعطينا وجه هههههههههه

صح لسانك شاعرنا

جزله من راس جزل بيض الله وجهك يالذيب

ورد ابن شويه لا رد نبيه تكفا

أســــ الغنج ــــير عضو موقوف من الإداره

اختي الغاليه
دفء
يعطيك العافيه
وصح بدنك يالغلا
وهذا من طيبك وطيب ساسك لاعدمتك
هذي مجرد اماني والا يمكن لو ان هذي الدنيا كلها عندي يمكن اتغير هههههههههه
لاعدمتك اختي وحبيت امزح معك
مشكوه وتقبلي تحيات تقدير
اخوووووووووووووك
أســــ الغنج ــــير

جنـــونـ أنثى ©؛°¨غرامي جديد¨°؛©

ولاباس يادنيا العنا والتحسـاس
اصغر حلومي اخفت اكبرحلومـي
اقوم !!أطيح ومقصدي للتنوماس
واشوف حظي في رداه محزومي


رائعة بروعه كاتبها

صح لسانك

خالص تحيااااااااااااااااتي

أســــ الغنج ــــير عضو موقوف من الإداره

المشاركة الأساسية كتبها تمّام المجماج اقتباس :
نفسي بقصر ٍ راقي ٍ كله المـاس
تحتي خدم والكل منهـم خدومـي
واحط للضيفان ملفـى ومجـلاس
مع شب نار ٍ والحطب كوم كومي


أخاف اذا صار عندك قصر ما عاد تعطينا وجه هههههههههه

صح لسانك شاعرنا

جزله من راس جزل بيض الله وجهك يالذيب

ورد ابن شويه لا رد نبيه تكفا

هههههههههههههههههااي
وين بروح منك يالدب والله ماني بقادر انت مكلبشني ههههههههههه
صح بدنك وماعليك زود
ومشكور يالسنافي ولو ان شهادة كل منا في الثاني مجروحه بس لاتعلم احد هههههههه
ياليت ابن شوية شاعر كان ابشر بسعدك
بس القصيده صار لها مناسبه لأني قابلته في موقف وهو من رجال كفو وسويت هذي الابيات بعد مامشيت منه وكان هو في نفس ذيك اللحظه على بالي اما شعره فمدري والله عن شعره لكنه رجال لحية غانمه شرواك
عمومآ لاعدمتك وبيض الله وجهك
على مرورك وتشريفك لمتصفحي
اخوووووووووووووووك
أســــ الغنج ــــير

أســــ الغنج ــــير عضو موقوف من الإداره

المشاركة الأساسية كتبها جنـــونـ أنثى اقتباس :
ولاباس يادنيا العنا والتحسـاس
اصغر حلومي اخفت اكبرحلومـي
اقوم !!أطيح ومقصدي للتنوماس
واشوف حظي في رداه محزومي


رائعة بروعه كاتبها

صح لسانك

خالص تحيااااااااااااااااتي

اختي الغاليه
جنون انثى
اول شي فياهلا مرحبا بك يالغلا
<<مستغرب ان عدد مشاركاتك وحده بس ليش؟؟يعني هل هذي اول حروف تكتبينها في متصفحي انا؟؟؟؟
عمومآ احرجتيني والله!!!
والله مدر وش اقول لك لكن حياك الله يالغلا وياهلابك وبتنويرك واطلالتك على موضوعي
بجد غمرتيني بتواجدك
مشكوره اختي وتقبلي
تحيات وتقدير اخوك
أســــ الغنج ــــير

ليالي العنا ©؛°¨غرامي ماسي ¨°؛©

صح لسانك عالقصيده
دووووووووووم مميز بشعرك
له نكهه خاصه حتى لو فيها صعوبه
بس من جد دون مجامله روعه
وانت مثل المطر ماتهل الا كل فتره

لاهنت ولاهان قلمك
ارق التحايا

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع و منتديات غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1