غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 19-06-2009, 09:05 PM
صورة •غٌـمـوضٌ ـآٍْاْلٍْــورد• الرمزية
•غٌـمـوضٌ ـآٍْاْلٍْــورد• •غٌـمـوضٌ ـآٍْاْلٍْــورد• غير متصل
©؛°¨غرامي مجتهد¨°؛©
 
الافتراضي رد: خطاي اني وفيت وما عرفت العب على الحبلين ( رواية رومانسية جريئة حزينة ) بقلمي


اقتباس:
المشاركة الأساسية كتبها نونه الاموره مشاهدة المشاركة
يسلموووووووووووووووووووووووووووووووو ياعسل ..
وباينن على القصه أنها رووووعه ..
عبير شخصيتها عجبتني ..
فهد الله يستر منه ..
حاتم الله يعينه ..





يسلمك ربي يا امورتنا
اشكر لك تفاعلك وان شاء الله ما اخي بظنك
منورة عيوني


•غٌـمـوضٌ ـآٍْاْلٍْــورد•


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 19-06-2009, 09:07 PM
صورة •غٌـمـوضٌ ـآٍْاْلٍْــورد• الرمزية
•غٌـمـوضٌ ـآٍْاْلٍْــورد• •غٌـمـوضٌ ـآٍْاْلٍْــورد• غير متصل
©؛°¨غرامي مجتهد¨°؛©
 
الافتراضي رد: خطاي اني وفيت وما عرفت العب على الحبلين ( رواية رومانسية جريئة حزينة ) بقلمي


اقتباس:
المشاركة الأساسية كتبها أحلام طفل مشاهدة المشاركة
يسلمو حبيبتي الروايه خيال

ام تركي لازم من حركات زوجه الاب يعني

اريج ههههههه هبال ورجه درجه اولى بس حبوووووووووبه

خالد ياقلبي مشغلينه سواق عندهم

ندى وناصر مبرووووووك

ملاك وماجد الله يحميهم

تركي عجبني رده على امه هي مزوده الموضوع مره

عبير ياناسووووو

فهد شو ناوي عليه ؟

ومشكووووووووره


هلا بالطفولة وعذوبتها
يمكن عرفتو اغلب الشخصيات بالقصة
والجزء الخامس راح يوضح صور كثيرة
منورة ياقمر


•غٌـمـوضٌ ـآٍْاْلٍْــورد•


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 19-06-2009, 09:14 PM
صورة •غٌـمـوضٌ ـآٍْاْلٍْــورد• الرمزية
•غٌـمـوضٌ ـآٍْاْلٍْــورد• •غٌـمـوضٌ ـآٍْاْلٍْــورد• غير متصل
©؛°¨غرامي مجتهد¨°؛©
 
الافتراضي رد: خطاي اني وفيت وما عرفت العب على الحبلين ( رواية رومانسية جريئة حزينة ) بقلمي


الجزء الخامس


*
*
*




مجتمعين بالصالة يسولفون وعبير لازقة بابوها ومو مخلية ولا شي الا موصيته يجيبه لها من عند امها
وهي تحس العبرة خانقتها لانها مو قادرة تروح معاه هالاسبوعين عندها ضغط محاضرات واختبارات
وابوها رايح يقعد عند زوجته سارة 3 اسابيع وهالشي رافع ضغط ام تركي اللي حرقتهم بنظراتها
وودها لو تقوم وتفجر فيهم اثنينهم..
خالد وهو ملتفت لعبير: خلاص عبير والله ابوي مو ناسي شي لاتغثينه وحتى لو نسى كل يوم اعرفك
بتتصلين وتوصينه
ابو تركي: خلها تتدلع علي وتطلب اللي تبي هذي الغالية.
فاتن اللي ماتواطن عبير ابد: اي هي الغالية واحنا بنات البطة السودا .
ضحكت اريج وخالد << لانهم يحسون ان تفكيرها غبي
اما تركي اكتفى بنظرة سكتت فاتن وخلتها توجه نظرها لامها تستنجد فيها
وام تركي مكتفية بالصمت << مسوية الطيبة الحنونة قدام زوجها
ابو تركي : شدعوه يبه كلكم غالين علي وامكم الخير والبركة
ام تركي: ماعليك فيها يا ابو تركي هالبنت خبلة وتقط كلام ماتوزنه
ابو تركي وهو قايم : يالله انا رايح الحين ... والتفت لتركي وكمل: انتبه لخواتك وامك ومايحتاج اوصيك
عليهم اكيد مو محتاجين شي وانت موجود
تركي: ابشر طال عمرك ماحنا مقصرين وانت خيرك مغرقنا .
ابو تركي: وانتبه لاختك عبير مابي شي يكدر خاطرها
خالد هنا نط بالسالفة : افا عليك يبه عبير بعيوننا
عبير اكتفت بنظرات امتنان لخالد وهي قايمة تسلم على ابوها اللي توجه للطايف هالكم يوم اللي بيقعدهم
هناك



************




توها مخلصة محاضرتها وزهقانة وتحس روحها طلعت من ضغط الدروس عليها اريج خلصت
محاضراتها من بدري وطلعت مبكرة
اتصلت عبير بسوجير اللي قال لها انه ينتظرها برا
لبست عباتها وطلعت له وهم بالطريق قالت له يوقف عند الصيدلية تبي تشتري لها كم غرض
نزلت تشتري اغراض وهي ماتدري عن هاللي يناظرونها .... اختارت الاغراض اللي تبيهم وحاسبت
عليهم وهي طالعة استوقفها صوت يتكلم بطريقة مقززة : وش عنده القمر مستعجل
عبير توترت وحست انها بتموت من خوفها سرعت خطواتها وتوجهت للسيارة بدون ماتنطق بحرف
ركبت السيارة ونطقت بخوف : سوجير بسرعة البيت
وهم ماقصرو طبعا مطاردة وراها ( كثير من الشباب الله يهديهم اذا شافو بنات مع سواق يطاردونهم
بدون تفكير بعواقب هالشغلة ولو كل واحد فيهم فكر بخواته ماسوى اللي سواه )
عبير وهي تلتفت للسيارة اللي وراهم ومو راضين يتركونها بحالها صرخت بتوتر: سوجير ضيعهم روح
اي مكان ما ابغى يلحقوني للبيت
سوجير قعد يلفلف من حي لحي لحد ماضيعهم وتنفست عبير الصعداء وحست نفسها ارتاحت
وقالت له: خلاص روح البيت
وصلت البيت وهي مرتاحة ومالقت احد بالصالة الظاهر مقيلين غير ريم اللي من شافت عبير طارت لها
عبير اللي تموت بهالبنية لمتها وباستها وريم تتدلع عليها : عمتي ابي حلاو سوفيني قعدت عاقلة
وماكسرت حازة ..
عبير اللي حاسة انها مرهقة ماحبت تكسر بخاطر ريم وضحكت على برائتها : يلااا تعالي معايه الغرفة
واختاري اللي يعجبك..



**********




بعد صلاة العصر ام تركي لابسة عباتها ونازلة تبي تروح لامها تسلم عليها وتبي ترجع قبل المغرب
خواتها اليوم بيجتمعون عندها
ركبت السيارة واستلمت سوجير تحقيق وش سوت عبير وش ماسوت ووين راحت ومن هالسوالف
وهو ماقصر طبعا قال كل السالفة لها سمعت له ام تركي وسكتت وهي تتوعد بداخلها لهالعبيروه ان
ماكرهتها بعيشتها ماتكون نورة بنت سعد << الله يستر منك بس...



*********




بعد صلاة المغرب تجمعو بنات عبدالعزيز عبير واريج وندى وفاتن اللي جايات من بيوتهم
وغادة مرة تركي اما ملاك اعتذرت لانها هاليومين تعبانة
وشوي الا داخلات عليهم خالاتهم شيخة وهيا مع بناتهم واجتمعو الكل سوالف وضحك واريج اللي
توزع العصير وتصب القهوة وام تركي مقهورة من عبير اللي ماقامت تساعد اختها
ناظرتها بعيون مليانة حقد : عبير قومي صبي القهوة وانتي من اليوم شايفة اريج تكرف وقاعدة؟
عبير بطبعها ماتعرف لهالسوالف امها كانت مدلعتها وماتخليها تشيل شي << لاحد يستغرب
حتى انا ما اعرف اصب قهوة خخخخخخخخخخخخخخ
اريج تبي تلطف الأجواء: لا خليها مرتاحة يمه انا ماشكيت لك
ام تركي : ايه هذي تربية امها مو فالحة الا بالمغازل وقلة الحيا
عبير فتحت فمها مصدومة من اللي تسمعه وتجمعت الدموع بعيونها لاشعوريا وعجز لسانها ينطق بحرف
واللي صدمها اكثر كلام فاتن اللي مثل السم : تبي تغازل تروح تغازل عند امها احنا الحمدلله دايم رافعين
راس اهلنا وماعمرنا التفتنا لهالتفاهات .
عبير اللي فهمت ام تركي وش تقصد جات تبي تتكلم لكن سكتتها ام تركي : مايحتاج تقولين شي
سوجير علمني كل شي صار ومرة ثانية لاعاد تسكتينه بكم ريال لاني اعرف كيف اطلع الكلام من بطنه
فاتن اللي امها معلمتها السالفة ومزودها عليها بعد :يمه انتبهي لاريج لاتلعب بمخها وتغيرها علينا
عبير ما اتحملت كلامهم الجارح وظلمهم لها راحت ركض لغرفتها والدموع مغرقة خدودها
اريج اللي تحب عبير وتعرفها وتعرف شلون اخلاقها : يمه كذاب وربي كذاب انا اعرف عبير ومستحيل
تسوي شي غلط
فاتن: حبيبتي تمثل البراءة قدامك بس من وراك الله اعلم وش مسوية
اريج انفجرت بوجه اختها : انتي جب ولا كلمة وربي كذاب هالحقير وانا اوريكم فيه شغله عندي
وطلعت تلحق عبير اول ماوصلت غرفة اختها لقتها ذابحة نفسها من الصياح
عبير اول ماشافت اريج رمت نفسها بحضنها : اريج اقسم بالله ماسويت حاجة والله العظيم كذاب كملت وهي تشاهق من الصياح ... والله هم اللي لحقوني وقلت لسوجير يتوههم عشان مايعرفون البيت
اريج وهي تهدي بإختها: ماعليك فيه هالحقير شغله عندي بس انتي لاتزعلين نفسك ولاتاخذين على
خاطرك من كلام امي تراها ماتدري واكيد هالعلة مكبر السوالف براسها << والله انك على نياتك يا اريج
عبير هزت راسها برضى وقالت لها : خلاص روحي اجلسي معاهم انا ابغى انام شوية مانمت من لما
رجعت من الجامعة
اريج ما اعترضت طلعت وسكرت الباب وهي تتوعد بسوجير
اما ندى شخصيتها كانت ضعيفة ومترددة وماتعرف تتخذ قرار صح مو عارفة تلحق اختها وتهديها
تخاف امها تزعل عليها وبنفس الوقت مو مقتنعة بالكلام اللي سمعته وتعرف عبير مو هذا تفكيرها
بس ماقدرت تتكلم بعكس اريج اللي صريحة واللي في قلبها على لسانها وماتخاف من احد
وفاتن مايحتاج اقول سوسة وبانت شخصيتها من كلامها اللي ما تراعي فيه احد
نزلت اريج ولقت الكل مبسوط ويضحك ولا كأنه فيه وحدة مقطعة نفسها صياح والسبة كلامهم
جلست بدون ماتعلق او تتكلم لانها عارفة لو تكلمت بتخرب عليهم ضحكهم ووناستهم ..



*********




الساعة 12 ونص تقريبا بالليل كان خالد توه جاي البيت لفت انتباهه غرفة اخته عبير شاف الباب مو
مسكر مرة فحب انه يمر عليها يسولف معاها شوي قبل ينام ..
لكنه تفاجأ اول مافتح الباب بغرفتها اللي مغرقها الظلام الدامس والهدوء الغريب ومايعكر صفو هالهدوء
الا صوت النحيب المتقطع ...
ارتعب خالد وفتح النور وشاف اخته متكورة على نفسها ومقطعة عمرها صياح
خالد بخوف: عبير عسى ماشر وش صاير؟
عبير التفتت لاخوها وبدون ماتتكلم رمت نفسها بحضنه وكملت صياح
خالد اللي زاد خوفه: عبورة وش السالفة خوفتيني احد صاير له شي
حركت راسها بلا وهي تحس الكلام مخنوق ومو راضي يطلع
خالد بقلة صبر: عبير نشفتي دمي تكلمي وريحيني
عبير قالت السالفة كلها من يوم طلعت من الجامعة لحد ماصار اللي صار ببيتهم وقدام خالاته
خالد تنرفز وقام وهو مولع : وربي لاوريك فيه هالحقير ماعاش اللي يتكلم على اختي وانا حي<< لو
تدري انها امك وش بتسوي؟؟.....
خالد نزل وهو واصل حده راح لغرفة السواق وطق الباب بقوة
المسكين سوجير قام مفزوع من نومه وش هالمصيبة اللي جايته
خالد اول ماشافه مسكه مع فانيلته والشرر يتطاير من عيونه وهو يسب ويتوعد
وهالمسكين صار يرتجف من الخوف وهو مايدري وش السالفة
هدى خالد شوي وسأله وش صار مع عبير اليوم
سوجير اللي تفاجأ من الاسئلة الزايدة اليوم كذا مرة صارت معاه ويا ما شباب طاردو البنات معاه
ليش هالمرة كل شوي احد يسأله << اريج طبعا ماخلتها بقلبها وراحت توريه وهو أكد لها كلام عبير
تكلم سوجير وقال كل شي صار بالتفصيل وهو يطالع بخالد اللي الصدمة الجمته عن الكلام
عمره ماتوقع انه الغيرة راح تعمي قلب امه وتلفق كلام على اخته
رجع لها مرة ثانية وتكلم معاها يبي يهديها ويقول لها انهم مصدقينها ولا تشيل هم شي( طبعا ماقال لها
اللي اكتشفه عن امه مهما كان امه ومايرضى تتغير صورتها بعيون اخته)
عبير ارتاحت من كلام اخوها هي كان كل خوفها انهم يصدقون هالكلام لكن اتضح لها انه مو مصدق الا
فاتن بس وتركي مايعرف بالسالفة وماجد اصلا مشغول عنهم بزوجته وبيته.
خالد بحنان يفيض من عيونه : خلاص نامي الحين وارتاحي ولا تعالي ننزل تحت نقضيها سوالف
ونشوف لنا اي برنامج او مسلسل نتابعه.
عبير اللي تحس بامتنان ماله حدود لأخوها الغالي: لا خلاص روح ارتاح انت ونام وانا كمان ابغى انام
من يوم رجعت من الجامعة مانمت
خالد: زين اللي يريحك .... تصبحين على خير قال هالكلام وهو قايم يبي يطلع يروح لغرفته
ووقفه صوت عبير وهي تناديه التفت لها : سمي
عبير: لاتقول لامك حاجة ما ابغاها تحس اني قاعدة اسوي مشاكل في البيت
خالد اللي فهم اللي بخاطر اخته: لاتشيلين هم انتي ولاتفكرين بالسالفة اعتبريها شي وراح
هزت عبير راسها بإيه وطلع هو وسكر الباب.
عبير قبل ماتحط راسها وتنام ماتدري ليش حست انها محتاجة تتطمن على امها وتشكي اللي بخاطرها
لاحد يفهمها خصوصا ان امها اتصلت فيها 3 مرات وماردت عليها وهي اول مرة تسويها بس ماتبي
امها تسمع صوتها وهي تدري ان امها بتعرف انها متضايقة وماراح ترتاح وماتبي تزيد هم لامها فوق
هم بعدها عنها....
راحت فتحت اللاب وفتحت المسن شافت كذا شخص اوف لاين ماطول انتظارها الا وطلعت لها اشارة
محادثة
*(اذا اردت شيئاً بشدة أطلق سراحـہ فإن عاد اليگ فہو لگ
الے الأبد وإن لم يعد فإنـہ لم يگن لگ من البدايہ )
هلااااا عبووووورة منورة

*«·$وصرنّا·· ﮕبآر مثل ماﮔنّا نتمنى والغريب شصآر رجعنآ نتمنّى لو إنّآ بس بقينآ صغآآر
هلااااا حتوم اخبارك؟


*(اذا اردت شيئاً بشدة أطلق سراحـہ فإن عاد اليگ فہو لگ
الے الأبد وإن لم يعد فإنـہ لم يگن لگ من البدايہ )
الحمدلله تمام انتي كيفك؟

عبير تنهدت وقررت تقول كل اللي بخاطرها وترتاح

*«·$وصرنّا·· ﮕبآر مثل ماﮔنّا نتمنى والغريب شصآر رجعنآ نتمنّى لو إنّآ بس بقينآ صغآآر
حتوم ابغى اقول لك حاجة بس اوعدني الكلام بيني وبينك ما ابغى احد يعرفه
وخصوصا ماما

*(اذا اردت شيئاً بشدة أطلق سراحـہ فإن عاد اليگ فہو لگ
الے الأبد وإن لم يعد فإنـہ لم يگن لگ من البدايہ )
ايش فيك عبير قولي والله محد راح يعرف

عبير قالت له كل اللي صار معاها بالتفصيل وماتدري ليش هالشخص بالذات
كلامه مثل البلسم لجروحها يهون عليها اصعب الأمور ويحسسها ان الدنيا بعدها بخير

*(اذا اردت شيئاً بشدة أطلق سراحـہ فإن عاد اليگ فہو لگ
الے الأبد وإن لم يعد فإنـہ لم يگن لگ من البدايہ )
لا يهمك احد انتي تربية عمتي سارة اللي ماعندها اغلى منك وكلنا عارفينك واخوانك كمان
يعني لاتشيلين هم اي كلام ينقال ومادام ظلموك ربي مايضيع حق احد

*«·$وصرنّا·· ﮕبآر مثل ماﮔنّا نتمنى والغريب شصآر رجعنآ نتمنّى لو إنّآ بس بقينآ صغآآر
بس انا لسى في الأول وياخوفي بكرة وش ناوين عليه

*(اذا اردت شيئاً بشدة أطلق سراحـہ فإن عاد اليگ فہو لگ
الے الأبد وإن لم يعد فإنـہ لم يگن لگ من البدايہ )
محد راح يقدر يغلط عليك وانتي عندك اخوانك ماراح يوقفون مع الغلط مهما كان

*«·$وصرنّا·· ﮕبآر مثل ماﮔنّا نتمنى والغريب شصآر رجعنآ نتمنّى لو إنّآ بس بقينآ صغآآر
بس ماراح يكونون ضد امهم افهمني انت

*(اذا اردت شيئاً بشدة أطلق سراحـہ فإن عاد اليگ فہو لگ
الے الأبد وإن لم يعد فإنـہ لم يگن لگ من البدايہ )
صدقيني عبورة ربي يحبك ولانه يحبك يبتليك وانتي مؤمنة بربي اذا ضاقت فيك الدنيا
ارفعي يدك وادعي له هو اللي بينصرك لو كل العالم كانو ضدك

عبير ارتاااحت كثير من كلام حاتم كملت سوالف معاه شوي واستأذنت منه تبي تنام وهي مرتاحة حيل
والهم اللي كان جاثم على صدرها انزاح....








الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 19-06-2009, 09:17 PM
صورة •غٌـمـوضٌ ـآٍْاْلٍْــورد• الرمزية
•غٌـمـوضٌ ـآٍْاْلٍْــورد• •غٌـمـوضٌ ـآٍْاْلٍْــورد• غير متصل
©؛°¨غرامي مجتهد¨°؛©
 
الافتراضي رد: خطاي اني وفيت وما عرفت العب على الحبلين ( رواية رومانسية جريئة حزينة ) بقلمي


*****************




في الطايف وبالتحديد عند ام عبير وابو تركي قاعدين يتغدون بالصالة ( سارة تزوجت ابو تركي ارضاء
لوالدها اللي كانت الديون مثقلة كاهلة بآخر عمره وكان وده يسدد هالديون قبل مايموت وهذا اللي صار
لان ابو تركي عرض عليه يزوجه بنته مقابل مهر كبير شوي وهو رضى وكلم بنته اللي ماقدرت
تعترض خصوصا انها تشوف ابوها تعبان والموت يطلبه قريب )


سارة ماكانت تحب ابو تركي بالأول وشرطت تسكن بالطايف قريب اهلها وابو تركي اعترض بالأول
لكن في النهاية وافق ارضاء لرغبة زوجته وربي رزقهم بهالبنت الوحيدة وكثر ماحاولت سارة تتعالج
لكن كان الجواب واحد انتي مافيك شي يمنع الحمل وكل شي بإرادة الله ومرت فيها السنين ورضت
باللي قسمه ربها لها
ابو تركي : جهزي عمرك هالسنة برمضان اول اسبوع من الإجازة بنجي نقعد كم يوم منها ناخذ عمره
ومنها نغير جو شوي
ام عبير: ان شاء الله اهم شي عندي بنتي تكون مرتاحة واللي يريحها انا اسويه
ابو تركي : ماتقصرين والله يا ام عبير ادري فيك راعية واجب
ام عبير اكتفت بابتسامة رضا لهالرجل اللي تقدره وتحترمه يكفيها خيره اللي مغرقهم
حتى اخوها مو مقصر معاه ومو مخليه يحتاج احد وهو موجود




*************




عبير اليوم رايقة وجوها تمام بعد سالفتها اللي صارت قبل اسبوع والاوضاع رجعت استقرت
ومحد رجع فتح الموضوع معاها وام تركي اكتفت باللي قالته وقتها وماعاد قالت شي ثاني
راحت للمطبخ تبي تشوف اريج وينها بعد مامرت عليها بغرفتها ومالقتها
لقتها بالمطبخ تجهز القهوة والحلى والتمر
عبير: الله الله فين العرسان بس عنك ست بيت ماشاء الله
اريج: اي وش على بالك مثلك انتي يالدلوعة اللي حتى قهوة ماتعرفين تزينينها
عبير ضحكت : هههههههههههههههه خلاص انتي راح تعلميني كذا انا اغار منك
اريج: ابشري بس انتي خذي المبخرة وروحي بخري المجلس الخارجي بعد االصلاة
خالد عازم خوياه وجايينه يلااا بسرعة
عبير طلعت من المطبخ للصالة ومنها فتحت الباب تبي تروح للمجلس الخارجي اول مافتحت الباب
صدمت باللي طلع بوجهها فجأة وكادت تطيح من يدها المبخرة
رفعت راسها وشافته يطالعها ومانزل عينه عنها
التقت عيونهم لثواني حستها عبير دهور ويوم حست بغلط اللي قاعد يصير رجعت لورا وسكرت الباب
وهي تحس نفسها متسارع وتحس بأنه يسمع دقات قلبها من ورى هالباب
فهد كان واقف مكانه ومو مصدق اللي صار له صحيح هو جاي ويتمنى يشوفها بس شوفتها
بهالشكل ماكانت اصغر احلامه
ضاع بعالمه وتفكيره ونسى اللي انبح صوتها وهي تناديه ومستغربة سكوته المفاجيء
فهد اللي وعى من هالعالم الوردي الجميل على صوت رهف اللي تناديه: هـ.... ــهلا رهف
رهف: وينك فيه صار لي ساعة اصوت لك ومو معاي
فهد يدون تركيز: رهف اكلمك بعدين مع السلامة ,,,, وسكر من دون مايسمع ردها
رهف استغربت وقعدت تناظر جوالها : وش فيه هذا الله يستر وش اللي صاير
تنهدت من قلب ورمت جوالها وراحت تقعد مع اهلها << ياقو قلبها مادري كيف تواجه اهلها
وتضحك معاهم وهي تخونهم الليل والنهار




************




عبير رجعت المطبخ وهي مصدومة وساكتة اريج تحرك يدها قدام عيون عبير: هييييييييه انتي اكلمك
عبير : هااااه
اريج: وش فيك رجعتي بسرعة ما امداك تبخرين المجلس
عبير لازالت سارحة بوجهه اللي جذبها : ماقدرت
اريج تنرفزت : اووووووف وش صاير خالد وينه
عبير اللي توها تستوعب مكانها: ماقدرت اطلع في صوت رجال برا
اريج: زين دقي على خالد يمكن خالي فهد ما اتوقع خوياه جو هالحين
عبير على طول اتصلت بخالد اللي جا اخذ منها المبخرة وطلع للمجلس
وعبير طلعت غرفتها شوي تستجمع افكارها اللي تحس شوفة فهد شتتها
ماتدري ليه تحس بسعادة خفيفة انها شافته ماكانت تدري باللي شافت الموقف كله
وماحست الا فيها وهي داخلة وتصارخ: شووووفي يابنت سويرة علمن ياصلك ويتعداك
خرابيطك خليها للغريب اخوي لاتقربين له ولا تحاولين تعلقينه فيك لانه مو حاصل لك
عبير انصدمت من هالكلام وهالمرة ماسكتت تنفست بعمق وتكلمت بهدوء: خالتي والله ماسويت حاجة
هو طلع في وجهي اول مافتحت الباب وسكرته على طول
ام تركي : مايهمني هالكلام كله انا حذرتك وانتي وحظك ولا والله ماتلومين الا نفسك
وطلعت وسكرت الباب بكل قوتها
عبير فزت من صوت الباب وقالت ودموعها بدت تجري بلا توقف على خدودها
زفرت بآهه ورددت : حسبي الله ونعم الوكيل
حسبي الله ونعم الوكيل
حسبي الله ونعم الوكيل




***************


اليوم الاثنين اعلن التلفزيون السعودي ان يوم غد الثلاثاء اول ايام شهر رمضان المبارك
عبير اللي نزلت فرحانة على اصوات اريج وندى وخالد يباركون لامهم وابوهم بهالمناسبة
دخلت عليهم وسلمت: السلام عليكم
وراحت تحب راس ابوها : كل وعام وانت بخير
ابو تركي: وانتي ان شاء الله بألف خير يبه
وراحت لام تركي وحبتها على راسها: كل عام وانتي بخير ياخالة
ام تركي بابتسامة صفراء باهتة : وانتي بخير ان شاء الله
راحت جلست جنب خالد واريج وهنتهم بالشهر الا على دخلة تركي وزوجته وعياله توهم
جايين من بيت خالته زوجته رايحة تزور اهلها وتسلم عليهم
سلمو عليهم وقعدو والكل كان مستانس وفرحان
قامت اريج ترد على تليفون البيت وقعدت حول الخمس دقايق تسولف وتضحك
بعدها التفتت على امها وقالت : يمه تعالي كلمي خالي فهد يبي يبارك لك بالشهر
عبير لاشعوريا من سمعت اسمه علت وجهها ابتسامة خفيفة لكنها اخفتها خوفا من ان احد يلمحها
ويفهمها خصوصا بعد تهديدات ام تركي لها
قطع سرحانها صوت جوالها وابتسمت من قلب لما شافت بيت خالها متصلين
ردت بكل لهفة وهي تمشي مبتعدة عن جمعة اهلها : الوو هلا والله
مرام بكل لهفة: كل عام وانتي بخير عبورة
عبير: وانتي بخير يارب كيفك وكيف خالي وخالتي وهدول ورنو وحتوم وهنود
مرام وهي تضحك: كلنا تمام بس مشتاقين لك والله
عبير: ان شاء الله كلها اسبوعين وانا عندكم ناوية اكنسل آخر اسبوع دراسة .... مروم ماني
قادرة اتخيل رمضان من غيركم
حاتم اللي اخذ السماعة من اخته: ولا احنا متعودين بس وش نسوي كل عام وانتي بخير يابنت عمتي
عبير ضحكت على سوالف حاتم: وانت بخير يارب كيفك حاتم؟
حاتم بلهفة : انتي تعالي الطايف بس واحنا كلنا بنكون بخير
عبير: ان شاء الله ربك يسهلها بس انتو ادعو لي
حاتم : الله يوفقك يارب خذي امي تبغى تكلمك
ام حاتم: عبووورة حبيبتي كل سنة وانتي طيبة
عبير: وانتي طيبة يارب
ام حاتم: كيفك حبيبتي وكيف دراستك ان شاء الله مبيضة الوجه
عبير اللي اشتاقت لاهلها كثير وتحب ام حاتم لانها تحسها مثل امها: الحمدلله على كل حال
كيفكم انتو وكيف خالي عسى السكر بس مو متعبه؟
ام حاتم: خالك مافيه الا العافية الحمدلله
عبير ودمعتها على طرف عينها: خالتي ما اوصيك على ماما لاتخلونها لوحدها
ام حاتم : عبير تقولي لي انا ذا الكلام امك اختي وهذا بيتها وطول عمرها معانا وماراح يتغير شي
عبير اللي ارتاحت من كلام ام حاتم: يارب يخليكم لنا يلا خالتي ما اطول عليك بروح اجلس مع بابا
واخواني
ام حاتم : سلمي على اللي عندك كلهم وباركي لهم بالشهر
عبير: ان شاء الله خالتي
ام حاتم: يالله حبيبتي فمان الله
عبير : مع السلامة ........ وسكرت وهي تناظر بجمعة اخوانها وخواتها حول امهم وابوها وماتدري
ليش حسدتهم على هالجلسة اللي طول عمرها تتمناها




*
*
*












انتهى الجزء الخامس
انتظر تعليقاتكم وارائكم


•غٌـمـوضٌ ـآٍْاْلٍْــورد•

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 19-06-2009, 09:50 PM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: خطاي اني وفيت وما عرفت العب على الحبلين ( رواية رومانسية جريئة حزينة ) بقلمي


مشكورة يالغلا على البارت الحلو .... ام تركي وفاتن ياكرهي لهم حرام عليهم الظلم لكن الله يمهل ولايهمل

عبير الله يعينها على ماابتلاها .......... في انتظار البارت القادم ياعسل

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 19-06-2009, 10:51 PM
صورة ~~ملاك اليل~~ الرمزية
~~ملاك اليل~~ ~~ملاك اليل~~ غير متصل
©؛°¨غرامي مشارك¨°؛©
 
الافتراضي رد: خطاي اني وفيت وما عرفت العب على الحبلين ( رواية رومانسية جريئة حزينة ) بقلمي


يسلموووووووووووووووووووو يا عسل

بارت ولااروع


عبير: يالله عليه مرررررره تهبل هالبنت بس الله يعينها على ام تركي

فهد : ما حبيته بالرغم من وسامته بس ما حبيته خلي يبطل شغل البنات هذا بعدين يصير خير

خالد : حنون يسلمي قلبه ياريت اخوي مثل <<< هههههههه طماعه

اريج : فديته قمر في اسلوبها حتى فى دفاشتها

حاتم : ما اتوقع انو يحب عبير بس مجرد شوق لها وهي مش موجوده


انتظرك البارت الجاي

تحياتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 19-06-2009, 11:32 PM
خوالي عمامي خوالي عمامي غير متصل
©؛°¨غرامي مشارك¨°؛©
 
الافتراضي رد: خطاي اني وفيت وما عرفت العب على الحبلين ( رواية رومانسية جريئة حزينة ) بقلمي


غموض ولله جاني قهر غير طبيعي في البارت على ماكان البارت
روعه على ماكان وجهي احمر من الحره


ابوتركي : تكفى لاعاد تغيب بنتك في خطر من عجوز قريح


ام تركي : حرتني ولله انقهرت منها ماتخف ربي عندها بنات والله يمهل ولايهمل تحورين كلام السواق وتفضحين البنت وتشوهين سمعتها عند خواتس
خوفي ربتس ولله اعجيزاتنا اجاويد مدري منوين طلعت ذا الحيه
لا وتهدد عبير ماتقرب اخوها روحي ياشيخه من زينتس انتي وخوتس عله مثلتس الله يستر على عبير ويعمي عيونتس عنها
كلش ولا ذا الماصله فاتن تكفين من زوجها ادعيله اللي متحملها ولله ياهي غثيثه كني قريت ان ماعندها عيال الهي في عمرتس وعالجي نفستس جعلتس ماتشوفينهم اذا تصلتي على ذا الضعيفه خوفي الله عشان يرحمتس ربي ويرزقتس الذريه وه بس غثتني الله يغثها احسها امعه قل وين قال معكم مالها راي


خالد : اسمحلي موقفك سلبي الامر مهوب سهل لو كنت ماعرفت بسالفت امك سكت عنك لكن عارف ان امك تكذب واجها عشان ماتتمادا ولله وطلعت اريج هي الرجاله وقفت في وجه امها قدام الحريم ولا ولعنت خير السواق لله درتس جوجو

تركي : ليت الموضوع واصلك ولله انت اللي بتجيب حق عبور خاصه ان بوك موصيك تكفى يابوريم خلك قريب منها

فهد : انت منيب داعيه عليك تدري ليش احس بتكون صماما الامان لعبير
واذا ضامتها الدنيا بتكون لها سند

عبير : لاتكونين يقلبي سلبيه ردي على عجوز قريح ولاصح تربيتس تمنعتس بس مايمنع ان امتس ويوتس يعرفون بفعلها معتس
لاتتركينها تمادى
الكل معتس ابوتس واخوانتس وخواتس وبناقص فاتن وكسبي بعد اخوها فهيدان في صفتس وامها احسها عجيز حنون تبي سعادة وحيده فهد يعني بلعربي ياعبير منتيب في موقف ضعف القوه معتس


اتمنى حياة مشرقه العبير وحياة سعيده الغموض
حفظك الله غموض الورد في الانتظار


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 20-06-2009, 12:03 AM
صورة •غٌـمـوضٌ ـآٍْاْلٍْــورد• الرمزية
•غٌـمـوضٌ ـآٍْاْلٍْــورد• •غٌـمـوضٌ ـآٍْاْلٍْــورد• غير متصل
©؛°¨غرامي مجتهد¨°؛©
 
الافتراضي رد: خطاي اني وفيت وما عرفت العب على الحبلين ( رواية رومانسية جريئة حزينة ) بقلمي


اقتباس:
المشاركة الأساسية كتبها وردة الزيزفون مشاهدة المشاركة
مشكورة يالغلا على البارت الحلو .... ام تركي وفاتن ياكرهي لهم حرام عليهم الظلم لكن الله يمهل ولايهمل

عبير الله يعينها على ماابتلاها .......... في انتظار البارت القادم ياعسل

هلا وغلا عيوني

مشكوووورة غلاتي على هالوجود العذب

دمتي بود



•غٌـمـوضٌ ـآٍْاْلٍْــورد•



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 20-06-2009, 12:07 AM
صورة •غٌـمـوضٌ ـآٍْاْلٍْــورد• الرمزية
•غٌـمـوضٌ ـآٍْاْلٍْــورد• •غٌـمـوضٌ ـآٍْاْلٍْــورد• غير متصل
©؛°¨غرامي مجتهد¨°؛©
 
الافتراضي رد: خطاي اني وفيت وما عرفت العب على الحبلين ( رواية رومانسية جريئة حزينة ) بقلمي


اقتباس:
المشاركة الأساسية كتبها ~~ملاك اليل~~ مشاهدة المشاركة
يسلموووووووووووووووووووو يا عسل

بارت ولااروع

عبير: يالله عليه مرررررره تهبل هالبنت بس الله يعينها على ام تركي

فهد : ما حبيته بالرغم من وسامته بس ما حبيته خلي يبطل شغل البنات هذا بعدين يصير خير

خالد : حنون يسلمي قلبه ياريت اخوي مثل <<< هههههههه طماعه

اريج : فديته قمر في اسلوبها حتى فى دفاشتها

حاتم : ما اتوقع انو يحب عبير بس مجرد شوق لها وهي مش موجوده

انتظرك البارت الجاي

تحياتي

يسلمك ربي ملوووكة

انتي الاروع وتواجدك الارقى

بالنسبة لحاتم راح تعرفين بالبارتات الجاية

اذا اللي يحسه حب او مجرد شوق

منورة يالغلا




•غٌـمـوضٌ ـآٍْاْلٍْــورد•





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 20-06-2009, 12:25 AM
صورة •غٌـمـوضٌ ـآٍْاْلٍْــورد• الرمزية
•غٌـمـوضٌ ـآٍْاْلٍْــورد• •غٌـمـوضٌ ـآٍْاْلٍْــورد• غير متصل
©؛°¨غرامي مجتهد¨°؛©
 
الافتراضي رد: خطاي اني وفيت وما عرفت العب على الحبلين ( رواية رومانسية جريئة حزينة ) بقلمي


اقتباس:
المشاركة الأساسية كتبها خوالي عمامي مشاهدة المشاركة
غموض ولله جاني قهر غير طبيعي في البارت على ماكان البارت
روعه على ماكان وجهي احمر من الحره

وانا ما الومك اللي سوته ام تركي مو شوي






ابوتركي : تكفى لاعاد تغيب بنتك في خطر من عجوز قريح

امممم راح اكتفي بالصمت وبتعرفون بالبارتات الجاية


ام تركي : حرتني ولله انقهرت منها ماتخف ربي عندها بنات والله يمهل ولايهمل تحورين كلام السواق وتفضحين البنت وتشوهين سمعتها عند خواتس
خوفي ربتس ولله اعجيزاتنا اجاويد مدري منوين طلعت ذا الحيه
لا وتهدد عبير ماتقرب اخوها روحي ياشيخه من زينتس انتي وخوتس عله مثلتس الله يستر على عبير ويعمي عيونتس عنها
كلش ولا ذا الماصله فاتن تكفين من زوجها ادعيله اللي متحملها ولله ياهي غثيثه كني قريت ان ماعندها عيال الهي في عمرتس وعالجي نفستس جعلتس ماتشوفينهم اذا تصلتي على ذا الضعيفه خوفي الله عشان يرحمتس ربي ويرزقتس الذريه وه بس غثتني الله يغثها احسها امعه قل وين قال معكم مالها راي

ههههههههههههههههههه ياحبي لك والله وصدقيني يمهل ولا يهمل

خالد : اسمحلي موقفك سلبي الامر مهوب سهل لو كنت ماعرفت بسالفت امك سكت عنك لكن عارف ان امك تكذب واجها عشان ماتتمادا ولله وطلعت اريج هي الرجاله وقفت في وجه امها قدام الحريم ولا ولعنت خير السواق لله درتس جوجو

مثل ماقلتي خالد عيبه طيبته الزايدة ومايحب يجرح احد
بس راح تشوفين له مواقف تشرف

تركي : ليت الموضوع واصلك ولله انت اللي بتجيب حق عبور خاصه ان بوك موصيك تكفى يابوريم خلك قريب منها

تركي راح يكون له بالمستقبل الراي الفصل .... وبتشوفون

فهد : انت منيب داعيه عليك تدري ليش احس بتكون صماما الامان لعبير
واذا ضامتها الدنيا بتكون لها سند

ممكن ......

عبير : لاتكونين يقلبي سلبيه ردي على عجوز قريح ولاصح تربيتس تمنعتس بس مايمنع ان امتس ويوتس يعرفون بفعلها معتس
لاتتركينها تمادى
الكل معتس ابوتس واخوانتس وخواتس وبناقص فاتن وكسبي بعد اخوها فهيدان في صفتس وامها احسها عجيز حنون تبي سعادة وحيده فهد يعني بلعربي ياعبير منتيب في موقف ضعف القوه معتس


عبير توها بالأول وممكن لو تهورت يكون الكل ضدها
يعني شوي هي معذورة

اتمنى حياة مشرقه العبير وحياة سعيده الغموض
حفظك الله غموض الورد في الانتظار



اللهم آآمين يارب ومن يقوووول

منورة غلاتي

لا خلا ولا عدم





•غٌـمـوضٌ ـآٍْاْلٍْــورد•






الرد باقتباس
إضافة رد

خطاي إني وفيت و ما عرفت ألعب على الحبلين / بقلمي ، كاملة

الوسوم
الحبلين , الغة , اريج وبندر , اروج & بنيدر الدوب ..^^ , ترجعيين بالسسلامه يالغــلا <اشتقنا لـ طلال ونورة <هناكـ مافي مكان خخ , بقلمي , ياسر والجوهرة , جريئة , حزينة , خطاي , رومانسية , روابط البارتات صفحة 244 / حبك ما يشرفني , رواية , عبير وفهد , عرفة , وفيت
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
صحيتي بداخلي توك و كنتي نايمة بروحي / بقلمي ، كاملة غرامي الدلوعه روايات كامله - يتم نقل الرواية هنا بعد اكتمالها 886 17-08-2016 07:30 PM
خاطري مكسور من قسوة زماني / بقلمي ، كاملة هبآل تآيم روايات كامله - يتم نقل الرواية هنا بعد اكتمالها 120 31-07-2012 12:11 PM
رواية إذا غرورك يمنعك تعتذر لي تعال جنبي و إبتسم لي و أسامح / بقلمي ، كاملة |{ بنت كلآس }| روايات كامله - يتم نقل الرواية هنا بعد اكتمالها 273 24-06-2011 03:18 PM
حكومة الحب / بقلمي ، كاملة عاشقة_الحروف روايات كامله - يتم نقل الرواية هنا بعد اكتمالها 67 20-01-2011 06:20 PM
مجلس الروايات للإستفسارات و الطلبات ؛ !! أنـثـى الـ خ ـيـآلـ !! روايات - طويلة 3973 07-10-2010 01:10 PM

الساعة الآن +3: 08:13 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1