غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-06-2009, 05:41 AM
صورة بسمة طفلة الرمزية
بسمة طفلة بسمة طفلة غير متصل
©؛°¨غرامي مشارك¨°؛©
 
أمانة لا تجي منك مواقف تجرح الإحساس / بقلمي


بسم الله الرحمن الرحيم

والصلاة على أشرف الأنبياء والمرسلين

اتيت ولا أملك غير قلمي الذي سأنثر حبره في صفحات هذا المنتدى الرآقي

رواية آمانه لاتجي منك مواقف تجرح الأحساس للكاتبه بسمة طفلة

يسعدني أن اتلقى أراءكم وأنتقداتكم بصدر رحب

الراويه :
أمانه لاتجي منك مواقف تجرح الأحساس ... أنا من غيرك اشكي له إذا صار الزمن قاسي

وأمانه لاتخليني على همي أعد خطاي ... أنا قلبي يعذبني وفكري بالسماء سارح

وأمانه لاتخبيني إذا نفسك تبي فرقاي ... أنا مابي يجي لي يوم وأكون لعزتي جارح

_____________________________________________

مريم : ريمووووووه ياغبيه

ريم:والله ما الغبي الا انتي

مريم : حسني كلامك

ريم : لا والله تسبيني وتبينني اسكت

مريم بغرور : أيوه أكيد

ريم : مابقى الا هذي

دخلت مرام وشافتهن يتهاوشن

مرام : نفسي بيوم أدخل وأشوفكن ماتتهاوشن

مريم وريم ناظرنها بنظرات أجرام وهن ناويات عليها

مرام فهمت نظرتهن

مرام : أفركككككككييييي يابنت........وطلعت من الغرفه وهي تركض

البنات:هههههههههههههههههههه

ريم : الا وش كنتي بتقولين لي ؟؟

مريم : كنت بقولك ليش مانتصل على بنات عمي ونطلع لأي مكان

ريم : والله فكره روووع

-----------------------------------------------------------
عائلة أبو محمد

الأب ( أبو محمد) ناصر : حنوون ويحب اولاده بالمره ويحب يمشي رايه

الأم ( أم محمد) جواهر : مغروره ودايم رافعه خشمها وتحب الطلعات والفشخره

محمد: عمره 25 سنه مملك على بنت عمه ندى وهو شخصيه هاديه بالمره ويشتغل بالشرطه
شعره بني طويل لرقبته وهو اسمر شوي وعيونه خضراء وحاده وجسمه عضلات وهو طويل شوي

مريم وريم : توأم مهبل ومرجوجات بالمره يعني ودك دايم تجلس معهن على خفة دمهن ودايم يتهاوشن لكنهن يحبن بعض أعمارهن 21
شعورهن طوال لين الفخذ تقريبا وسمر شوي وعيونهن خضر وهن نحاف بس جسمهن مليان وطولهن متوسط

أحمد : مخبول مثل خواته ويحب الضحك والفرفشه عمره 20 سنه
شعره بني طويل شوي يعني لين تحت الأذن وهو اسمر شوي وعيونه خضراء وجسمه رياضي وعضلات وطوله متوسط

مرام : آخر العنقود سكر معقود مثل خواتها مهبوله ومرجوجه عمرها 17 سنه
شعرها بني لين رقبتها قاصته الفراوله وسمراء شوي وعيونها خضر وجسمها حلوو

-------------------------------------------------------

ونزلن للصاله شافن مرام تتابع برنامج بملل

ريم : مرومه نبغى نطلع مع بنات عمي تجين معنا ؟؟

أبو محمد : لا أبغى أتكلم معكم... وين الباقين ؟؟

مريم : ماما كالعاده طالعه ومحمد بمكتبه وأحمد ببيت عموو

أبو محمد وهو يطلع الجوال. : مريم بابا روحي نادي أخوك...وانتي ياريم أتصلي على أحمد

مريم وريم : من عنوني

أبو محمد بأبتسامه : تسلم عنونكن

أبو محمد : آلووو

االطرف الثاني : نعم؟؟

ناصر ( أبو محمد ) :تعالي للبيت انتظرك

جواهر : لا انا بحفله وحده من خوياتي مو الحين اجي

ناصر : انا ماأطلب منك انا أأمرك وإذا ماجيتي الحين والله يكون معك حساب ثاني

جواهر : اووووف طيب

ناصر سكر الجوال بوجهها

محمد ومريم وهم يطلعون من الأصنصير

محمد : سم يبه تقول مريم أنك طالبني

ناصر : مو بس انت أبغاكم كلكم......أجلسوا

ريم : بابا يقول احمد مسافة الطريق وانا جاي

5 دقايق كل العائله مجتمعه بالصاله

جواهر : وش الشي الي مخليك تتصل علي عشان اجي

ناصر ناظرها بنظره حاده ولا عبرها :أسمعوا ياعيالي بما اننا بالعطله الصيفيه وماعندكم شي قررنا انا وأخواني اننا نسافر بكم للمكان الي انتم تبون

البنات وأحمد بصراخ: هييييييييييييييي

ناصر بحده : بسسسسسس

جواهر بقهر : الحين انت مناديني من هناك علشان تقول كذأ؟؟

ناصر : ايه وإذا ماعجبك الله مكثر الجدران

جواهر انقرهت وسكتت ماقدرت ترد عليه لأنها تعرف انها المهزومه دائما..وطلعت فوق

ناصر : والحين وين ودكم تروحون ؟؟

ريم : إيطاليا

أحمد ومرام ومريم : بريطانيا

ناصر : وأنت يامحمد ؟؟

محمد : الشور شورك يبه

ناصر : خلاص بريطانيا بريطانيا

ريم بحزن : لاااااا

مريم بشماته : خخخخ ياحوووووولي خخخ هع هع

ريم : انتي جب ولا كلمه

ناصر : على الأقل سوو أحترام للي قدامكم

البنات : آسفين بابا

مرام : طيب ياحضرة الوزير ممكن الحين نطلع ؟؟

ناصر بأبتسامه : أكييييد .. وقبل لاأطلع بقولكم قولوا لخالتكم علشان يتجهزون

مريم بأستغراب : ليه عموو سعيد وافق ؟؟

ناصر :لا مايدري بس مو على كيفه يحبس بناته وزوجته..يالله سلام ( وطلع )

محمد : عن أذنكم

البنات اذنك معك

أحمد : أكيد اذنه معه اجل وين بتكون

محمد طلع ولاعبرهم ولا بأبتسامه

أحمد : اووووووف الله يعين مرته عليه

محمد سمعه : سمعتك

أحمد : خخخخ

أحمد : يالله حتى انا بطلع ...بايوو

البنات : بايات

مريم : مرام انتي أتصلي على شذى وسحر ..وانا بتصل على ندى ..وانتي ياريم أتصلي على ألماس

ريم ومرام : اووووووك

كل وحده راحت تتصل

---------------------------------------------------------

عائلة أبو فيصل

الأب ( أبو فيصل ) فايز : اب حنون على اولاده ولا يرد لهم طلب

الأم ( أم فايز ) نوره : ربة بيت حنونه جدا على اولادها و زوجها وأولادها أغلى شي عندها بعد وفاة اهلها

فيصل : عاقل وثقل عمره 25 سنه وهادي يشتغل مع بشركتهم
شعره أسود فاحم لين أذنه وهو لونه اسمراني شوي وعيونه عسلي فاتح وحاده وجسمه رياضي وطوله متوسط

الماس :عمرها 23 سنه خفيفة دم وطيووبه على نياتها وخجووله
شعرها بلون الشوكلاته لين نص ظهرها وهي مو سمراء ولا بيضاء وعيونها عسلي فاااتح وجسمها حلو وطويله شوي

ريماس : خفيفة دم وعربجيه عمرها 18سنه ومرجوجه درجه أولى وهي جريئه
شعرها لين كتوفها كستنائي وهي مو سمراء ولا بيضاء وعيونها عسلي فتح وجمسها حلو وطولها متوسط

-----------------------------------------------------

عائلة ام راشد

الأب ( أبو راشد ) أبراهيم متوفي له 16 سنه

الأم ( أم راشد ) ناديه : حنونه بالمره على اولادها وصايره لهم الأم والأب وهي دكتوره

راشد : شخصيته نفس شخصية أحمد ونفس التفكير بكل شي عمره 19 سنه
شعره لين رقبته لونه أسود وهو ابيض وعيونه رماديه وجسمه رياضي وطوله متوسط

شذى : عمرها 17 سنه مرجوجه وخفيفة دم وحبوبه بس لسانها اطول منها
شعرها بني وطويل لنص ظهرها وهي بيضاء وهي نحيفه وقزماء شوي


----------------------------------------------------

عائلة أبو ماجد

الأب ( أبو ماجد ) فواز: صارم وعصبي لكنه حبوب وخفيف دم

الأم ( أم ماجد ) بدريه حبوبه وتحب أولادها مرره

ماجد : شخصيته مثل شخصية محمد بس خفيف دم >> من عاشر قوم( اقول لا يكثر ) عمره 24 سنه
شعره لين رقبته وبني فاتح وهو مو ابيض ولا أسمر بس يميل للبياض وعيونه سود وجسمه معضل وطوله متوسط

سند وفهد : توام عمرهم 23 فهد كل ماشاف سند ومريم ينفر منهم ولا يحب يجلس معهم وبيتضح ليش بالأجزاء الجايه
شعرهم اسود لين اذانهم وهم سمر شوووووي وعيونهم بني فاتح وأجسامه معضله وطويلين شوي

ندى : خطيبة محمد هاديه وناعمه بالمره عكس بنات عمها خخخ عمره 20 سنه
شعرها اسود لين خصرها وهي بيضاء وعيونها بني فاتح وطولها متوسط وهي نحيفه شوي

سجى : مرجوووجه ومثل شذى لسانها اطول منها وعمرها 18
شعرها قصير وقاصته الفراوله ولونه اسود وهي بيضاء وعيونها سود وطولها متوسط ونحيفه شوي>> يسمونها بياض الثلج
--------------------------------------------------

بـــالـــمـــمـــلـــكـــه

البنات منقسمات لقسمين

(سجى شذى وريماس ومرام سحر )

( ساره ريم ومرام وندى وألماس)


---------------------------------------------

عائلة أم فاارس

الأب ( أبو فارس ) سعيد : حق بنات وخمر ومتسلط على زوجته يصحيها بضرب وينومها على ضرب

الأم ( ام فارس ) حنان: اسم مسمى هي القلب الحنون والأخت والام والصديقه وكل شي لأولادها وهي تصير أخت جواهر

فارس : 25 سنه يشتغل بمحطه بعد جهد جهيد حصل على هالوظيفه وهو طيب بالمره بس إذا عصب بعد عنه
شعره أشقر وويوصل لين رقبته وعيونه زرق وهو ابيض شوي ومعضل وطوله متوسط

ساره :20سنه حنوونه وطيبه بس انه مرجوووجه درجه اولى
شعرها لين فخوذها اشقر وعيونها زرق وهي بيضاء وجسمها نحيف وطويله شوي

فراس : عطالي بطالي عمره 19 سنه يحب الضحك والفرفشه
شعره أشقر يوصل لين رقبته وعيونه زرق وهو ابيض شوي ومعضل وطويل شوي

سحر : بريئه على نياتها احيان تحسها بيبي عمرها 17
شعرها اشقر لين خصرها وعيونها زرق وهي بيضاء ونحيفه مررره وقزماء شوي

سديم : 10 سنين : مـــفـــقـــودهـ لـــهـــا خـــمـــس ســـنـــوات شخصيتها عنيده وقويه مايهمها احد
شعرها طويل لين نص ظهرها وعيونها زرق وهي بيضاء ونحيفه وطوله متوسط

------------------------------------------


تااااااااابع


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-06-2009, 05:49 AM
صورة بسمة طفلة الرمزية
بسمة طفلة بسمة طفلة غير متصل
©؛°¨غرامي مشارك¨°؛©
 
رد: رواية / آمانه لاتجي منك مواقف تجرح الأحساس للكاتبه ( بسمة طفلة )


( للعلم عائلة ابو محمد وابو ماجد وابو فيصل أثرياء مرره عكس عائلة ابو فرااس الي محتاجين )

ريم : الحين شذى وسجى يفشلننا هن وألسنتهن



مريم بأستهبال : منهن شذى وسجى



ريم : بلا استهبال يعني انك ماتعرفينهن



مريم : ياغبيه علشان مايحسبونهن يقربن لنا ونتفشل



البنات هعهعهعهعهعهع



ندى : بنات تعالن ندخل هذا المحل



وضلوا على هالحال من محل إلى محل



-------------------------------------





كانوا كل الشباب مجتمعين ببيت أبو ماجد



سند : هيه شباب شنو رايكم نطلع



ماجد : طيب وين نطلع



أحمد : لأي مكان ولا ماودكم تشرون ملابس للسفره



الشباب : الااااا



احمد : طيب لا تتقطع احبالكم الصوتيه



فهد : وين نروح طيب ؟؟



راشد : امممم المملكه ؟؟



الشباب : اوكيييييييييييي



راشد : هياااااا هبووو



فهد : ليه رايحين لحرب



راشد : يمكن



احمد : أقول أمشوا ولا يكثر





انقسموا الشباب لقسمين



( أحمد وراشد وسند وفهد )



( محمد و فيصل وماجد)



محمد : شباب وش رايك نروح للكوفي ؟؟



فيصل : يالله شمينا



ماجد : شمينا ولا مشينا



فصيل : الي انت تبي



محمد : اقول أمش انت وياه ولا يكثر



---------------------------------------



بالجهه الثانيه



سجى : خلااااااااااااص تعببت تقطعت رجولي ياناس ياعالم والله تعبت



مرام حطت يديها على وجهها من الفشيله لأن الناس تناظرهم



مرام : الله يفشلك ياغبيه الله يفشلك



شذى : خلاص بتصل على البنات نقول لهن خلونا نروح للمطاعم



مرام : اوكي اتصلي انا بروح اشوف اكسسوارات الجوال هذي



شذى : طيب ياعبده



مرام : عبده بس على الأقل ابيض منك



سحر : الحين بتروحين ولا لا ؟



مرام : الا يالله باااااي



وراحت عنهم ودخلت المحل



وهي تدخل نشبت عباتها بالباب



مرام : اووف ذا وقتها ذي بعد ...وبعد جهد جهيد طلعتها...وطبعاً عباتها أنفتحت بس هي مانتبهت لها

وهي كانت لا بسه بنطلون جينز لنص الفخذ وبلوزه بينك فيها رسمة ميكي ماوس



وكانوا شباب وراه...وهي مو معطيتهم وجه



الشباب ( 1 ) : ياحلو ممكن تعطينا وجه



الشباب (2) : حلفت انك تاخذي الرقم



الشاب (1) : عليها عيون آه من عيونها



وماحس الا ببقس على بطنه



الشاب ( 1) : قدها



..............: قدها وقدود بعد..وقسم بالله إذا مارحت الحين والله مو حاصل لك طيب



الشباب خافوا وراحوا



التفت عليها



راشد معصب: وانتي معجبك الوضع هاه..لا وبعد العبايه مفتوحه لا والله خوش

قال بعصبيه وشبه صراخ : سكريها يالله



سكرتها ودمعتها بطرف عينها



راشد بعصبيه اكبر : قدامي يالله قدامي اشوف لاأكسر راسك



مرام غطت وجهها بيدينها وبكت



راشد (الله يلعنك ياأبليس) : مرام آآ



مرت من عنده ولا عبرته وراحت لدورة المياه وغسلت وجهها وراحت عند البنات



راشد طلع من المحل وحط حرته بالمغازل>>> ماكأنه مكفخ الشباب الي قبل شوي ^_*



-----------------------------------------------



راحت مرام لدورة المياه وغسلت وجهها وطلعت لجهة البنات



راحت للبنات وجلست بهدوؤ بدون ولا كلمه



سجى : من وين نزلت السكينه



ريماس : متأكدين ان هذي مرام ...وهي تكلم مرام .......هيه انتي مرام ؟؟



مرام خزتها ولا فتحت فمها بولا حرف



ريماس وهي مسويه نفسها خايفه : لا ياماما اخاف انا لاتناظريني كذا



ساره : خخخخخخخخخخخخخخخخخ حلوه منك يابمبا



ريماس بعصبيه مصطنعه : بومبا بعينك بلى



ساره ببرائه مصطنه : وش فيه بومبا يهبللل



ريماس : يهبل بلى بشكلك



سحر : الحين ممكن اسئل سؤال



سجى : لا



سحر : ليش دايم تتهاوشون ؟؟



سجى : قلنا لك لا ليش تسألين



سحر طلعت لسانها لها ولا قلت ولا شي



مريم : خلاص اوص



ريم : اسمعوا كلام شيختكم



الماس : تخسي



مريم : انتي من كلمك



الماس : مادري بس احب ادخل نفسي بكل شي



مريم : بلاك ملقوفه



ساره : ريم الساعه كم ؟؟



ريم : الساعه 10:30



ساره وهي تشهق : ياويلي الحين ابوي يجي



الماس : أتصل على فيصل يوديكم ؟



ساره وهي متفشله : إذا مافي كلافه ياقلبي



الماس وهي تطلع جوالها وتتصلل على فيصل



الماس : الوووووو



فيصل : هلا هلا والله وغلا



الماس : اقول انت وينك ؟



فيصل : بالمملكه ..تبغين شي ؟؟



الماس : قود ..تودي ساره وسحر بنات اخت خالتي جواهر؟؟



فيصل : بنات اخت خالتي جواهر ؟...والله ياهي مشوار



الماس : بتوديهم ولا لا ؟؟



فيصل : خلاص بس انتم وينكم



الماس : حنى برضو بالمملكه



فيصل : اهاا بس كيف اعرفها



الماس : الحين اخليهم يطلعون عند الباركينق



فيصل : زين تسوين .. بس ايش شنطتها علشان اعرفها



الماس : لونها بني



فيصل : اوكي سيوو



الماس : باي



الماس : ساره قلبي روحوا للباركينق وهو بيعرفك



ساره : اوكي ... مشكوره ياقلبي



الماس : مابيننا شكر



--------------------------------------------



راشد : اوووف والله من الملل خليني اطلع احسن لي



طلع وراح للبيت او القصر



اول مادخل شاف بوجهه امه



ناديه: هلا والله بولدي تو مانور المكان



راشد : النور نورك يمه



ناديه : جهزت للسفره ؟؟ تراها الخميس الجاي واليوم الأثنين



راشد : معليك يمه .... يالله سلااام....وطلع فوق



ناديه : وش فيه ذا ؟؟؟؟؟



---------------------------------



راشد بغرفته يدور طريقه يعتذر فيها لمرام



راشد : امممم ايش اقول لها ايش اقوووول امممممممم اوووووووووف راسي صدع من كثر ماأفكر انام أحسن لي



وراح ينام بدون مايبدل ملابسه



---------------------------------



فيصل توجه لبنتين وحده معها شنطه البنيه وهي ساره والثانيه طبعا سحر



فيصل : انتي ساره ؟



ساره : يس



فيصل : انزين يالله اركبوا



ركبوا ورا



ووداهم لبيتهم



اول مادخلوا شافوا بوجههم ابوهم ووجهه مايبشر بالخير



----------------------------------


ترقبوا الجزء الثاني ..!

وش راح يصير بسحر وسارهـ .. ؟

راشد هل بيلقى طريقه يعتذر لمرام ؟؟

مرام بتقبل أعتذار راشد ولا لا ؟؟

وش راح يصير ببرطانيا ؟؟

------------------------------------

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-06-2009, 07:14 AM
صورة بسمة طفلة الرمزية
بسمة طفلة بسمة طفلة غير متصل
©؛°¨غرامي مشارك¨°؛©
 
رد: رواية / آمانه لاتجي منك مواقف تجرح الأحساس للكاتبه ( بسمة طفلة )


19 مشاهده ولا رد ؟؟

وش هالظلم ؟؟؟؟؟
حرام عليكم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-06-2009, 07:53 AM
صورة عذرا ياقلب الرمزية
عذرا ياقلب عذرا ياقلب غير متصل
©؛°¨غرامي مشارك¨°؛©
 
الافتراضي رد: رواية / آمانه لاتجي منك مواقف تجرح الأحساس للكاتبه ( بسمة طفلة )


يسعد صباحك بسمةطفلة بصراحة شدني الموضوع وبداية موفقة بعدين نزلي اكثر من بارت عشان يتحمسون في الرواية حلوة متعوب عليها ننتظر بارت تويل

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 01-07-2009, 01:12 AM
صورة بسمة طفلة الرمزية
بسمة طفلة بسمة طفلة غير متصل
©؛°¨غرامي مشارك¨°؛©
 
الافتراضي رد: رواية / آمانه لاتجي منك مواقف تجرح الأحساس للكاتبه ( بسمة طفلة )


مشكوره قلبووو على المرور والتشجيع


نورتي صفحي يالغلا

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 01-07-2009, 01:35 AM
h1ama3d h1ama3d غير متصل
©؛°¨غرامي مشارك¨°؛©
 
الافتراضي رد : رواية / آمانه لاتجي منك مواقف تجرح الأحساس للكاتبه ( بسمة طفلة )


ماشاءالله هذا وهي أول قصة يابسمة طفلة

يعطيك العافية بسومه

بالنسبة للتوقعات

وش راح يصير بسحر وسارهـ .. ؟
والله مادري ههههه
راشد هل بيلقى طريقه يعتذر لمرام ؟؟
انا اتوقع انه بيعبر لها عن ندمه
مرام بتقبل أعتذار راشد ولا لا ؟؟
اتوقع بتقبل اعتذاره
ويكون بينهم قصة حب
وش راح يصير ببرطانيا ؟؟
احس انه الشباب والبنات راح ياخذون راحتهم ببريطانيا


يعطيك العافية على القصة

ياليت تنزلين البارت بأسرع وقت

تراني متحمس للقصة


واأنا أول المتابعين

تقبلي تحياتي:

حـ3ــمــ1ــد

h1ama3d

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 02-07-2009, 06:57 AM
صورة بسمة طفلة الرمزية
بسمة طفلة بسمة طفلة غير متصل
©؛°¨غرامي مشارك¨°؛©
 
الافتراضي رد: رواية / آمانه لاتجي منك مواقف تجرح الأحساس للكاتبه ( بسمة طفلة )


مشكووووووور اخخوي على المرور



منور وشكرا لك علـ توقعاتك منووور

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 02-07-2009, 05:15 PM
صورة بسمة طفلة الرمزية
بسمة طفلة بسمة طفلة غير متصل
©؛°¨غرامي مشارك¨°؛©
 
رد: رواية / آمانه لاتجي منك مواقف تجرح الأحساس للكاتبه ( بسمة طفلة )


( الجزء الثاني )



ماجرحته خفت من نفسي عليه وجرحني..!

بعد ما الكل رجع لبيته

الساعه 4 الفجر

مريم كالعاده مخاوية دموعها الي لها 3 سنين ملازمتها

مريم : ااه مليت وربي مليت من هالحاله....اتصل ؟؟ ولا لا ؟
خليني اتصل وش اخسر

مسكت جوالها : لالالا يمكن نيم ...... بس هو يسهر

بتصل والي فيها فيها

------------------------------------

فهد جالس على الـ TV بجناحه

رن موبايله

شاف المتصل ( مـــريـــم ) رجف قلبه ورجف معه باقي جسمه

متصله ؟؟؟ بعد كل الي قلته ؟

انا اكرهها وش تبي تتصل ؟؟

لا انا ماأكرهها انا احبها

لالا وش احبها خلصوا البنات احب ذيك الشيفه

وقف الجوال عن الرنين لكن ماأمداه يرتاح الا وهو رن مره ثانيه

فهد بجفاء وقلبه يعوره وحاس بيضقه وكتمه : نعمممممم ؟ خير مو انا قايل لك لا عمرك تتصلي على هالرقم مره ثانيه

مريم وهي تشاهق : الله يخليك فهد اسمعني طلبتك..

فهد : خير

مريم وهي تبكي : وش فيك متغير ارحم قلبي المعذب حرام عليك .

فهد بغرور : انا مليتك وغيرتك لقيت الي تسواك وتسوى عشره من امثالك

بكت قهر وبقوه
وسكرت الجوال بقهر كبير

فهد رمى الجوال بتعب وهو يعاتب نفسه ليييه قلت لها هالكلام ليه يافهد

ابغى اكلمها بس ماأقدر ماأقدر ماأحب اتكلم معها


--------------------------------------

مريم رمت الجوال على الأرض لين تكسر وهي تبكي بقووووه

وش... فايدة ...دموعي
وش فايدة... بكايا ...وصوتي ...العالي
خلاص ....محد ....داري عن..... حالي
ومحد ,,,حاس ..... بهمومي.... واحزاني
ليش ...اشكي... ومحد حاس ...بعذابي
ضاقت ...الدنيا بي ...وكتمت ...على انفاسي
صدمات ....عمري.... خلت الحجر... قلبي
وروحي ..تتنهد... آهــــاتها.. ومحد ....داري
-------------------------------------

ريم انقبض قلبها حست ان مريم فيها شي

تعرفون احساس التوأم

راحت لجناح اختها وفتحت الباب شافت الجناح ظلام الا من نور غرفة النوم

وهي تدخل : مريووم...وشافتها مقطعه نفسها من البكاء

راحت تركض لها : بسم الله عليك ياقلبي وش فيك

مريم وهي تبكي بقوه : ريم ابغى اموت مابي اعيش مابي هئهئ

ريم : طيب وش فيك ؟؟

مريم قالت لها السالفه

ريم :؟؟؟؟؟؟؟؟؟؟؟؟؟؟؟؟؟؟؟معقوله ؟؟؟؟؟؟؟؟؟؟؟؟؟؟؟ لكن الي اعرفه فهد يموت على تراب رجولك وهذا الكل عارفه

مريم بأبتسامه سخريه : ضحك عليكم مثل ماضحك علي .. الصراحه ممثل بارع

ريم : طيب ياقلبي انتي الحين نامي

سددحتها على السرير وانسدحت جنبمها وناموا سوا >> سوا ولا موبايلي ( موب وقتك )

----------------------------------

قالت وهي تهزها من كتفها : ساره سارونه قومي بسك نووم

ساره وهي تفتح عينها بكسل وتحس جسمها مكسر من الضرب ومن نومة الأرض

ساره : الساعه كم ؟؟

سحر : الساعه 1:20

ساره : ابوي طلع

سحر : من زمان.....ساره

ساره : عيون وقلب وأمعاء ساره

سحر: وععع خلي امعائك لك ......ليش خليتي بابا يضربك ولا يضربني امس ؟؟

ساره : توك صغيره ماتعود جسمك على الضرب

سحر : انا مو صغيره

ساره تسكتها : طيب

-------------------------------------------

اكيد ودكم تعرفون وش صار بعد مارجعوا من السوق

اول مادخلوا شافوا ابوهم بوجيههم

سعيد وهو شبه صاحي : وين كنتوا

ساره بخوف : بالمول

سعيد : مع منو ؟؟ اكيد مع اخوايكم ياقليلات الأدب

وفصخ عقال وبدا ضرب بساره

سحر وهي تسمك يد ابوها : بابا اتركها بتقتلها

دفع سحر لين طاحت بالأرض وبدا فيها ضرب لكن ساره وقفت قدامها

سعيد : وخري ياحيوانه لا اطيح بك ضرب يابنت الكلبه

بس ساره ضمت سحر لها علشان مايضربها

وسعيد طاح ضرب بساره لين مازرق جسمها

واكيد تسألون عن ام فارس وينها هي كانت ببيت ابو ماجد

سعيد تعب من كثر مايضربها وراح لغرفة الجلوس ونام

سحر وهي تقوم ساره وتبكي بحرقه

سحر : قومي ساره تعالي للغرفه قبل مايجي

ساره : الي يسمعك يقول مايعرف يفتح الباب

سحرر عصبت هذا وقتها تستخف دمها : اقول امشي امشي بس

------------------------------------------

مرت أيام بدون مواقف تذكر

وجاء اليوم الي الكل ينتظره

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 02-07-2009, 05:19 PM
صورة بسمة طفلة الرمزية
بسمة طفلة بسمة طفلة غير متصل
©؛°¨غرامي مشارك¨°؛©
 
الافتراضي رد: رواية / آمانه لاتجي منك مواقف تجرح الأحساس للكاتبه ( بسمة طفلة )


------------------------------------------



الـــخـــمـــيـــس



غرفة ريم



مريم وهي تصارخ : ريموووووووووه وين جاكيتي الأسود



ريم وهي منشغله تطلع ملابسها من الدولاب : مدري عنك



مريم : شنو ماتدرين انتي اخذتيه مني



ريم : اممممممم بالدولاب الثاني



مريم وهي تدور بالدولاب : حشى كل ذولي ملابس



ريم : بس مو أكثر من ملابسك



أحمد وهو يدخل عليهن وفاضي ماعنده لا شغل ولا مشغله : هاي



ريم : احمدوه انقلع عن وجيهنا مو فاضين لك



مريم : ليش ماتروح تجهز شنطتك ؟؟



احمد : مجهزها من زمااااااان



ريم : ياسعدك



احمد : محد قالك ماترتبينها امس او الي قبله



ريم : مالك دخل والحين لو سمحت ممكن تطلع



احمد : طيب لاتصيحين يانانا



ريم بعصبيه تخاذ الصندل وترميه على احمد..بس احمد طلع قبل مايجيه الصندل



احمد : اووووف ولد مو بنت



-----------------------------------



سجى : ندى ياحيوانه ياكلبه ياسلقه



ندى عصبت عليها : أحترمي نفسك يابزر وش تبين؟؟



سجى : وين الأكياس الي امس بغرفتي



ندى : مدري عنك انتي وملابسك



سجى : الا تدرين



ندى : سجى ياحيوانه برااااااااا



ومسكت سجى من ملابسها وتطلعها من الغرفه وتسكر الباب



ندى : اعوذ بالله مكثر كلامها هالبنت



---------------------------------



ريماس : لموسه حبيبتي قلبي عمري حياتي وكل دنيتي



الماس : ياشين المصالح وش تبغين



ريماس : ألغى جزماتك الي امس اشتريتيهن



الماس : ايه حلمي بس



ريماس : ياحسافة الكلام الحلو الي قلته لك



الماس : تعرفين اني ابرفض والحين يالله انقلعي عن وجهي



ريامس : امحق اخوه ... وطلعت



-----------------------------------



سند يدخل ملابسه بالشطنه بعشوائيه وبدون ترتيب



دخلت عليه امه



بدريه : حبيبي جهزت ملابسك



سند : هذاني اجهزها



بدريه شافت الشنطه وشهقت : وش ذا



سند ببرائه : ملابس يعني وشوو



بدريه : اعرف انها ملابس وش قالوا لك بقره



سند وهو يبوس راسه : لا حشاك يمه



بدريه: وش هالحوسه خلني ارتبها عنك ورح شف خواتك تجهزن ولا لسى



سند : ان شاء الله



-------------------------------------



سحر وساره الي كانن يرتبن شنطتهن وملابسهن قليله بالمره



شنطه لهن كلهن



وطبعا هن بس الي بيسافرن ومعهن فراس



ام فارس رافضه تروح



وفارس عنده شغل



--------------------------------



سحر : بس هذولي الملابس ؟؟؟



ساره : وش نسوي طيب ذولي ملابسنا



سحر : اقول تعالي خلينا نقول لفارس يودينا بيت خالتي جواهر قبل مايروح



ساره : فاااااااارس فارس



فارس : نعم



ساره : طلبتك ودينا لبيت خالتي جواهر



فارس : اوكي بس وين فراس ولا مو مسافر



طلع فراس من غرفته المشتركه مع فارس ومعه شنطته : الا بسافر ونص



بالسياره

فراس : على فكره فارس



فارس : نعم



فراس : تراني شلحت بعض من ملابسك



فارس بقهر : لا وتوك تقول بعد ؟؟؟



فراس : عادي اخوي وأمون



فارس : تمون بعينك بلى



----------------------------------



فيصل وماجد الي كانوا عند محمد بالمجلس



فيصل : عطشاااااااان رح جب لي مويه



محمد : رح أنت



فيصل : عيب عليك أنا ضيفك



ماجد : امحق ضيف كل يوم ناط تقول ضيف



فيصل : انت محد كلمك



محمد : البيت بيتك فيصل



فيصل : كل أوص



محمد : الأوص مايوكل



فيصل : طيب انزلع ... وطلع



ماجد : الحمدلله والشكر على نعمة العقل



--------------------------------



فيصل دخل المطبخ وانصدم من البنت الي واقفه كانت ملااااك


---------------------------------


تتوقعون فيصل من شاف ؟؟


كيف رحلتهم لبريطانيا ؟؟


----------------------


لا تقرون وتطلعون ردوا بليز..!

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 06-07-2009, 05:35 AM
صورة نونه الاموره الرمزية
نونه الاموره نونه الاموره غير متصل
©؛°¨غرامي متألق ¨°؛©
 
الافتراضي رد: رواية / آمانه لاتجي منك مواقف تجرح الأحساس للكاتبه ( بسمة طفلة )


يسلمووووووووووووووووووووووووووووووووو دياتك ياعسل ..
وننتظرك بس مو تطووولي ترى عندي عقده من الي يطووولو..


أمانة لا تجي منك مواقف تجرح الإحساس / بقلمي

الوسوم
آمانه لاتجي منك مواقف تجرح الأحساس بسمة طفلة
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
مجلس الروايات للإستفسارات و الطلبات ؛ على شاطئ النسيان روايات - طويلة 2025 07-12-2010 05:39 PM
اشحن لي واعرض لك ( يا لها من جملة ) ارجوكـــــــ جفت دموعي ارشيف غرام 1 05-07-2009 11:04 PM
اشحن لي واعرض لك حقا ابكاني بشده mno ارشيف غرام 1 05-07-2009 08:56 PM
خمسه مواقف تعجبني بقلمي الخاص حصريا على منتديات غرام الاء الشايب مواضيع عامة - غرام 13 17-01-2009 01:26 AM
موسوعة اشعار اغاني راشد الماجد ..,,!! (TXT) عزت ابو عوف ارشيف غرام 1 26-08-2007 06:44 PM

الساعة الآن +3: 08:47 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1