غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 04-07-2009, 06:40 PM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


الجزء الثالث
الطرف الثاني ماتمالك نفسه وضحك ضحكه طويله
سديم عرفت الضحكه وعصبت : هذاا انت أنا أوريك يالدب
متعب : ههههههههههههههآآآي كشفتك الحمدلله ماتكلمي شباب ولا تعطي وجه
سديم : خير وش تبي متصل
متعب : طلعي لابتوبك برى في الحديقه استناه بس البسي العبايه عندي صاحبي
سديم : لازم البس عبايه ؟
متعب : وش رايك يعني
سديم : أقولك فكره كويسه
متعب : قولي مع اني عارف من الحين فكرتك مثل وجهك
سديم : بطلع حافيه يعني مابلبس لا جزمه ولا شيء وبطير كشتي وبجيكم بلبس الشغاله وبسوي نفسي مثل الحوله
متعب مااات ضحك على خبال اخته
متعب وتوه ساكت من الضحك : ويلي منك تبي الرجال يطلع من السعوديه بكبرها
سديم : اممم والله انها فكره مش بطاله
متعب : أقول عطيتك وجه بزياده طلعي الـ لابتوب وانتي ساكته
وسكرو الخط
وسديم راحت لبست عبايتها وحطت الطرحه على راسها بدون ماتلفها
وطلعت له الابتوب
بس عين جهاد عليها ( صديق متعب ) لانه أول مره يشوفها

ببيت أبو جاسم
أسيل بغرفتها معصبه وكل شوي تسحب في شوشتها مثل المجنونه
طقت الباب الخدامه
أسيل : مين
الخدامه: مدام سديم عشاء
أسيل: مابي شيء
الخدامه: بس انت لازم ياكل
أسيل : قلت لك مابي واطلعي وسكري الباب تفهمي ولا لا ؟
طلعت الخدامه ورجعت سديم تفكر
أسيل بقلبها : يعني ماأقدر أسوي شيء الحين .. حرام ماعندي الى هالشهر أقدر أسوي فيه اللي أبي .. وأكيد كله بنسافر فيه .. اووف حتى لو ماعندي شيء مابي اسافر .. أيطاليا شفتها مية مره وزياده الحين بعد
شوي ماتشوف الا الباب منفتح
أم جاسم : اسيل شفيك ماتبين عشاء ؟
أسيل : يمه مالي نفس
أم جاسم : ليه وش اللي مضيق خلقك ؟
أسيل : يمه تكفي مانبي نسافر هذا الشهر
أم جاسم : ليش وش عندك ماتبين تسافرين ؟
أسيل : آآآ .. ماعندي شيء يمه بس ايطاليا شفتها مية مره خلاص يمه تكفي مانبي نروح
أم جاسم : لا حياتي أيطاليا فيها احلى الماركات وهي روعه تبين ماتبين غصباً عنك بتجين
وطلعت وسكرت الباب بقوه

في مكان ثاني
وشخصيه جديده
في استراليا ..وفي الشتاء وقت الليل
كانت تتمشى في أحد طرق مدينة سيدني لابسه جاكيتها وقبعة وتطالع بالأرض وباين عليها الحزن ..وملامحها باين عليها البرد وصارت في خدودها حمرة الشتاء .. تبي بس توصل للفندق ..
تفكر متى ترجع لأهلها بالسعوديه ..وتنهدت آآآه يالغربه أتعبتي قلبي ماتوقعتك بهالصعوبه .. أبعدتيني عن أحبابي بسبب دراسه ..
كانت هذي ريماس ..راحت أستراليا عشان تبي ترفع راس أهلها بشهادتها ..عمرها 19 سنه .. أحوال عائلتها الماليه عاديه يعني قد حالهم مو شايفين خير ولا شايفين فقر ..ماتهتم كثير لشكلها .. بس هي حلوه .. بيضاء وشعرها ناعم يوصل لكتفها .. طولها متوسط .. تطمح أنها تاخذ الماجستير من برى
صدمت بواحد وطاحت .. حست أنه مثل الجدار تألمت بقوه لأن جسمه كان طويل وعضلاته كانت بارزه فـكان ضخم بالنسبه لجسم ريماس الصغير
ريماس :sorry, i can’t see you (المعذره لم أستطع رؤيتك)
ومشت عنه بسرعه
بعد دقايق وصلت ريماس للفندق
بدلت ثيابها ورمت نفسها على السرير .. ظلت تطالع بالسقف .. تفكر بأحبابها بالسعوديه .. من زمان ماكلمت أهلها .. وتنهدت بضيقه .. غمضت عينيها ونامت بسرعه من التعب ..!
أكيد صابكم الفضول انكم تعرفوا ليه ريماس ماكلمت أهلها من زمان .. بس بقول لكم إن شاء الله بتعرفو قريب ..
بس مابيدي أقول إلا الله يرجع كل المغتربين بالسلامه وربي يرجعهم لأهلهم سالمين غانمين ..


خلونا نتعرف على أهل ريماس ..
في السعوديه .. عائلة ريماس المكونه من بنت وولد والأب والأم
أبو فارس :
في الخسين من عمره .. مريض بمرض القلب .. دايماً تعبان .. حنون جداً وعطوف على الكل
أم فارس:
الأم الحنون .. وصف ينقص عن ماأقول عنها .. عابده مخلصه لربها .. أغلب أوقاتها على السجاده أو تقرأ في كتاب الله
فارس:
الولد الكبير والوحيد .. مو حلو بس مو شين .. عمره 23سنه .. يشتغل في شركة أبو متعب .. لكنه بالنسبه لأبو متعب مجرد موظف لا أكثر .. هادئ جداً وبارد .. وأحياناً يطنش اللي يكلمونه بدون سبب
ريماس :
وعرفتكم عليها من قبل ..

خلونا نشوف حالتهم بالبيت ..

وقت العصر كان توه فارس راجع من الشركه ..
راح بدل ملابسه وجلس في الصاله وقعد يشاهد ..
تذكر أمه وأبوه ماشافهم للحين ..
لكنه تأفف من حالهم ولا تحرك من مكانه ..
بعد مده .. مرت عليه أمه .. بس شافته رفعت يدينها تدعي له .. (يارب أحفظ ولدي ووفقه أنت الكريم بالعباد)
فارس بس شاف أمه أبتسم وقام لها باس راسها ..
فارس : كيفك يمه اليوم
ام فارس بأبتسامه باهته : الحمد والشكر لله على كل حال
فارس : يمه وين أبوي ؟
أم فارس :في الطابق الثاني في غرفة أختك
مليون علامة تعجب على راس فارس ..!
وش يسوي أبوه بغرفة أخته ..!
وعلى طووول طيران راح لأبوه
فتح الباب شوي شوي ووقف مذهوول ..!
أبووه ماسك لعبة ريماس لما كانت صغيره ويبكي جنبها ..!
مدام كذآ ..!
ليش حلف عليها انها ماتتصل ..!
ليش مايبيها حتى تشوف رقم البيت ..!
مليون سؤال في بال فارس
راح فارس حط يده على كتف ابوه وباس راسه
أبو فارس بس شاف ولده زاد البكي ..
فارس : يبه ليش تسوي في نفسك كذا ؟ ترى كلها كم شهر وترجع لنا
أبو فارس وهو يحاول يكتم دموعه :ياولدي مابقى من العمر شيء ..أختك بعيده بالغربه .. لها ثلاث سنوات ماشفناها ولا شافتنا ولا حتى كلمناها
فارس : طيب يبه مدام كذا ليش حلفت عليها انها ماتدق ؟
أبو فارس :ريماس بنتي وانا ادرى عنها .. أنت أسمع وأحكم .. إذا صرت تعبان .. أختك بتتعب نفسيتها ومابتذاكر زين وتجيب علامات زينه .. ويمكن تحمل مواد بسبب تعبي .. ويزيد وجودها بالغربه .. أنا ادري أننا إذا كلمناها بتزيد معنوياتها وبتفرح .. بس مثل ماقلت كلها كم شهر وترجع
فارس سكت مذهول من أبوه ..
كيف أن سببه مو مقنع بالنسبه له .. بس سكت مايبي يطول الموضوع
وقام تروش وطلع من البيت ..!

بعد يومين ..
لآ جديد عند شخصيات قصتناا
لكن بإختصآر
أمجد وغرام
أصبحو روح في جسدين ..!

خلونا نشوف أمجد
كان مع الشباب ..
مجتمعين ببيت أبو جاسم ..

امجد بس يسمعهم ويبتسم لأن باله مو معاهم

فهد وهو يرفع حاجب : جاسم يرحم أمك حتى مآتجيب لنا شوية شكلاته أو أي شيء ترى أكرام الضيف واجب
جاسم بمزح : ولله مابيفلسنا ألا أنت
فهد بس سمع نبرة صوت جاسم قام يضحك : اللي يسمعك قاعد على قلبك كل يوم عندك بالبيت
جاسم : أيييه ولله خايف تاكل كل شيء أن جبت لك شيء بعدين مايبقى لي شيء تبيني اموت
فهد : لا تموت ولا شيء ياأخي أقولك أحسن حل ؟
جاسم : إذا انت اللي بتعطيني الحل ضمنت الموت .. بس قول
فهد : بسيطه صير طرار في الشوارع
جاسم : تخسي يالدب مو جاسم ولد أحمد الـ.... اللي يصير طرار
فهد هنا مات ضحك : ليش على راسك ريشه (ويقلده) ياجاسم ولد أحمد الـ....
جاسم : لا فوق راسي تاج
راكان : شباب ترى أنا دقايق وقايم
جاسم : خير ان شاء الله اشك انك ناوي تموت
سلطان : إلى أكيد ناوي يموت
راكان : عندي مشوار مع الأهل
جاسم : يوووه خل يروحو مع السواق
راكان : لا انا بوووصلهم
الكل أستغرب من راكان بس مشااها له
وأمجد مو متحمل القعده معاهم يبي يكلم غرام
أمجد : أنا بعد شويات وأروح
سلطان : خير ان شاء الله كل واحد أنسحب لا أسحبكم من شوشتكم وأمسح بكم الأرض
جاسم : عاااش سلطان اللي مسوي فيها قوي
سلطان برز عضلاته وغمض عينينه : أحم احم أكيد قووي
أمجد : بجد شباب ترى امي موصيتني آخذها لمركز نسائي .. وأنتوا ادرى ان ماعندنا سواق ..!
جاسم : توصلها وترجع
أمجد شافها فرصه لان بيصير يمديه يكلم غرام ساعه على الاقل
أمجد : مو مشكله .. عن أذنكم ..

نشوف الحال عند غرام
كانت مع جوري في غرفتها يسولفو ويضحكوا مع بعض
جوري : غرام حبيبتي أبي مويه لا هنتي
فتحت غرام الثلاجه اللي بغرفتها بس شافت الماي مخلص
طلعت من الغرفه عشان تنادي الخدامه تجيب مويه
ولما رجعت للغرفه
شافت جوري وكأنها تخبي شيء .. بس ماأهتمت .. لان ثقتها بجوري عمياء .. صداقه طويله كيف ماتصير ثقتها عمياء ..!
بس الله يعينك ياغرام لسه ماتدري وش تخبي لك جوري ..!
غرام انتبهت لجوري متوتره
غرام : جوريووه شفيك ؟
جوري بتوتر : لآلآ مافيني شيء بس وين الماي ؟
غرام : الحين بتجيبه الخدامه
توها جوري بتتكلم إلى جوال غرام رن فـسكتت جوري
غرام تباعدت عن جوري لأن المتصل كان امجد
غرام : آلووو
أمجد : ياهلا بصاحبة أحلى ألووو
غرام انحرجت وطالعت في جوري
طبعاً جوري فهمت أن المتصل كان أمجد لأن غرام قالت لها انها تكلمه ..
جوري بصوت واطي وبنبره كلها سخريه : خذي راحتك حبيبتي اعتبريني ماأسمع شيء
أمجد حس أن معاها حد :مين معاك ؟
غرام : جوري .. البنت اللي كانت معاي بالكوفي
امجد : أهاا .. طيب قولي لها تسجل بمنتدى عمي
غرام : خلاص اوكي بقول لها وبسجل معاها بنفس الوقت
أمجد : يلاا انا بسكر وأول ماتطلع من عندك دقي علي .. بآآي
غرام : طيب .. بايات

جوري وهي مبتسمه بسخريه: وش بتقولين لي
غرام جابت لابتوبها من الدولاب
غرام : بقولك تسجلي بمنتدى عمه
جوري والضع عجبها زياده : بسجل لو يكون أوطى منتدى
غرام استغربت بزياده من جوري .. لآلآ مو طبيعيه البنت اليوم ..!
غرام : اوكي الحين بفتحه لك وبسجل انا وانتي سوى

سجلت غرام هي وجوري ..
وبستبق الأحداث وبقول لكم أنه بعد مده صارو معروفين في المنتدى ..!

غرام كان أسمها : رُوحيے تنآديگْ
أما جوري : رٌمح آلشقىآ

خلونا نعرف أكثر على متعب
كان يتمشى على الكورنيش مع صديقه ورفيق دربه [رائد]
((رائد عمره 22سنه .. عريض وخشمه حاد .. حواجبه مرسومه .. عيونه لوزيه عسليه .. شعره بني كيرلي ))
متعب كان يمشي وهو حاط يدينه في مخبى بنطلونه
رائد : متعب أنا حاس ان فيك شيء ..!
متعب تنهد : لا مافيني شيء
رائد مسك كتوف متعب : تخبي علي ..! صدقني يامتعب فاهمك خلي بنت الناس في حالها ..! متعب أنا عشت اللي انت عشته ..! بس هي بترجع ..! مو مثل اللي حبيتها ..! مستحيل ترجع (وتنهدبضيقه)
متعب : السموحه منك رئود ماحبيت افتح ذا الموضوع ..!
رائد ابتسم : لا عادي هذا الشيء مر بالنسبه لي لكني ماأقدر أنسى
متعب شاف أبتسامة رائد فـ أبتسم له ..

لكن أسئلتي ..
وش تخطط جوري ..!
ومين اللي يفكر فيها متعب ..!
وآرآئكم وتوقعاتكم تهمني ..!


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 05-07-2009, 02:19 AM
صورة رهوووفا الرمزية
رهوووفا رهوووفا غير متصل
©؛°¨غرامي نشيط¨°؛©
 
الافتراضي رد: أعرف أني أحبك وفيك أموت روايتي الأولى


يسلمووووووووووووو
مشكور حبيبتي على البارت

بانتظارالبارت القادم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 05-07-2009, 03:39 AM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


تسلمي حبيبتي رهووفا على المتابعه

وإن شاء الله البارت الرابع قريب

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 08-07-2009, 02:52 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: أعرف أني أحبك وفيك أموت روايتي الأولى


"



هلآ وغلآ نورتي
والله يعطيك آلعآفيه

بآلتوفيق



"

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 08-07-2009, 03:30 AM
صورة أسـيـر النـايـف الرمزية
أسـيـر النـايـف أسـيـر النـايـف غير متصل
¨°• عيــــــ الذيب ــــــون •°¨
 
الافتراضي رد: أعرف أني أحبك وفيك أموت روايتي الأولى


يسلموو يالغلا أبدعتي

يعطيك الف عافيه


تحياتي:
أسيـــر الروح

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 09-07-2009, 12:15 AM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


تسلموو حبايبي على المرور
لا عدمتكم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 09-07-2009, 03:32 AM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
رد: أعرف أني أحبك وفيك أموت روايتي الأولى


وهذا بارت لعيون المتابعين
سامحوني لأنه قصير بس حبيت أحط لكم بارت

الجزء الرابع

تطورت علاقة أمجد وغرام
وكل واحد يحب الثاني أكثر
وصارو مثل طيور الحب
وعلى المسن ..
نك غرام : يآويل حآلي منك أنـآ a
ونك أمجد : خبروها اني ميت في هواها .. خبروها اني اذوب في شذى صوتها

أمجد انتبه لتسجيل دخول يآويل حآلي منك أنـآ a وشق الأبتشآمه شبرين من الوناسه
وعلى طوول طيران لها

خبروها اني ميت في هواها .. خبروها اني اذوب في شذى صوتها :
ياهلا والله باللي لفا تو مانور المسن حبي
يآويل حآلي منك أنـآ a :
منوور بوجودك حياتي
أخبارك ؟
خبروها اني ميت في هواها .. خبروها اني اذوب في شذى صوتها :
والله قبل دقيقتين مالي خلق وزفت بس من شفتك كيف تبيني ماأكون بخير ؟؟
يآويل حآلي منك أنـآ a :
عسى دووم ياقلبي
خبروها اني ميت في هواها .. خبروها اني اذوب في شذى صوتها :
يدوم حبي لك وحبك لي
انت أخبارك ووش مسويه ؟؟
يآويل حآلي منك أنـآ a :
مدامك بخير أكيد أنا بخير
خبروها اني ميت في هواها .. خبروها اني اذوب في شذى صوتها :
حبيبتي
يآويل حآلي منك أنـآ a :
لبيه
خبروها اني ميت في هواها .. خبروها اني اذوب في شذى صوتها :
بطلبك طلب بس ياليت ماتزعلين علي منه
يآويل حآلي منك أنـآ a :
أطلب كلي لك
خبروها اني ميت في هواها .. خبروها اني اذوب في شذى صوتها :
طيب توعديني ماتزعلين وماتاخذي عني فكره غلط ؟
يآويل حآلي منك أنـآ a :
مجوود تكفى قول خلاص تراني خفت
خبروها اني ميت في هواها .. خبروها اني اذوب في شذى صوتها :
ياحلو اسمي على لسانك
لا تخافي ولا شيء
بس
ابي اشوفك ؟
غرام تفآجأت من طلبه ..!
يآويل حآلي منك أنـآ a :
لا سوري حبي ماأقدر
خبروها اني ميت في هواها .. خبروها اني اذوب في شذى صوتها :
تكفي حياتي وربي مابسوي شيء وإذا ماتبيني حتى المسك مابلمسك بس ابي أشوفك
يآويل حآلي منك أنـآ a :
لالا مو على كذا بس وربي أعذرني ماأقدر
أمجد من قلبه أستاء
يبي يشوف اللي قلبه عشقها
يبي يشوف اللي ذاب في هواها
وكيف مايبي يشوفها وهي اللي قلبه حباها من النظره الأولى
خبروها اني ميت في هواها .. خبروها اني اذوب في شذى صوتها :
طيب غلاتي براحتك
يآويل حآلي منك أنـآ a :
مجووود لا تزعل مني طيب
خبروها اني ميت في هواها .. خبروها اني اذوب في شذى صوتها :
وأنـا أقدر ؟ (وجه يرفع حواجبه هع )
غرام ضحكت ضحكه من قلب
وقالت بصوت مسموع : أحـــبه

"هل نسيتني ام انني لازلت في الذآكره"
متعب على السرير
حاط يدينه تحت راسه ونايم على ظهره
يفكر فيها
وقلبه ينادي بأسمها
"عذبتيني .. حبيتك حب صادق .. وربي مابكرر غلطتي .. بعدتي عني وصرت 3 سنوات أفكر فيك "
ومر شريط ذكرياته
كان على البحر مع أصحابه
فجأه شافها
شافها مع واحد
وأشتعلت نار الغيره في قلبه
عض شفته بقووه لدرجت انها تمزقت
ضغط على الكرسي بقووه
وده يقوم يقتل اللي معاها
فجأه شآفها ماسكه يدينها وتقرب له
هناا كان شوي ويموت من الغيره
بس تمالك نفسه
وقام راح لسيارته
وقام يسوق بسرعه جنونيه
وأخيراً هدأت أعصابه
قام يفكر
//
ياريماس تخونيني ..!
تخونيني وانا اللي حبيتك من كل قلبي ..!
كنت مستعد أعطيك قلبي لو قلتي تبيه ..!
لكن ماتوقعتها منك ..!
\\
رسل الكلام لها
ولما شافته تجمعت الدموع بعيونها
تجاهلت اللي معاها
وابتعدت عنه بهدوء
وراحت اتصلت لـ متعب
متعب رد عليها : ولك عين تدقي علي يالخاينه
ريماس انصدمت ..!
لالا مو متعب اللي تعرفه ذا ..!
قتلتها كلمة خاينه ..!
ريماس وبصوت كله بكي : متعب تكفى فهمني شنو صاير انا مافكرت ولا لحظه أني أخونك
متعب تقطع على صوتها كذا
بس قال بنبرة سخريه : عدااال .. وتكذبي بعد هاا ؟
ريماس يزيد بكائها : طيب فهمني وش شفت مني ؟؟
متعب : لا ياشيخه وتردي بعد ..! واللي كنتي معاه من شوي شتقولين عنه
ريماس أستوعبت : متعب هذاا اخوي فارس
متعب : وتتوقعي مني أصدق ؟ أنسي واحد أسمه متعب .. وأنسي أنك كنتي تعرفي واحد اسمه متعب
ريماس : قسم بالله انه اخووي
متعب بصراخ : أنسيني ولا تحاولي تدقي على الرقم هذا مره ثانيه فاااهمه ..!
وسكر الخط
ريماس صابها انهيار عصبي
وسط أنظار الكل
حبيبها يتركها
وفارس راح لها بسرعه وهو خايف عليها
بالمستشفى
لما صحت ريماس تذكرت اللي صار بينها وبين متعب وبدأت تبكي بهستيريه
فارس كان معاها بالغرفه بس هي ماأنتبهت له
كل همها متعب
كيف طاوعه قلبه يتركها بهالسهوله
فارس : ريماس قولي لي كل شيء وربي ماراح أسوي لك شيء ولا بقول شيء بس ابي أعرف شاللي صار لك
ريماس هزت راسها بمعنى "لا"
وفارس تركها براحتها بس كان حاط بباله انه مصيره يعرف وش اللي حصل
وبالفعل قالت له
لانها عارفه ان فارس يؤمن بالحب ومايقول شيء
وفارس بدون شور ريماس وبدون علمها أخذ موبايلها وأخذ رقم متعب
وكلمه ..!
فارس: السلام عليكم
متعب:وعليكم السلام
فارس : معي متعب؟
متعب : إي نعم خير اخوي ؟
فارس : أنا أخو ريماس
متعب : والمطلوب مني ؟
فارس : أتهمت أختي بالخيانه بدون ماتعرف كانت مع مين وتدري نهايتها ؟ أختي بالمستشفى دحين وعندها انهيار عصبي .. تدري انك انسان وقح ؟ من جدك حبيتها من قلب ؟
متعب جن جنونه لما سمع انها بالمستشفى وبصوت مقطع : ر..ر..ريماس .. بالمستشفـ..ـى
فارس : إي بالمستشفى وش اللي يهمك بهذا الشيء هاا ؟
متعب : أقدر .. أكلمها ؟؟
فارس دخل لغرفة أخته وعطاها الموبايل
ريماس طالعت فيه مستغربه
بس اخذت الموبايل من عنده
ريماس وبصوت كله تعب : ألووو
متعب بتردد: ريمااس
ريماس تجمعت الدموع بعينها لما سمعت صووته
ريماس : نعم
متعب : ريماس ارجوك سامحيني .. الشيطان وسوس لي وماعرفت شنو اسوي .. انتي عارفه اني احبك واغار عليك موووت .. أحبك ياريماس تكفي لا تشيلي بخاطرك علي
ريماس والكلام كأنه مو طالع من قلب بنت حنونه .. كأنه من حجر أصم ..
ريماس : انت ماوثقت بي كيف أكمل حياتي معاك ؟ مستحيل أعيش مع أنسان مايوثق بي .. متعب .. كمل حياتك بدوني .. أنساني وأنا بنساك ..!
متعب كان هذا الكلام بالنسبه له أقوى من السهم اللي انغرس بقلبه
متعب : وعد مني ماأحب غيرك وماأنساك .. اوعدك ياريماس وانا اكيد بكون قد كلمتي
ريماس : اتمنى تلقى اللي يستحقها قلبك
وسكرت الخط "
قطع على افكار متعب صوت الباب وهو ينفتح بقوه
متعب معصب : مااتعرفين تطقي الباب ؟
سديم : أوووف وش ذي الاخلاق وبعدين ليه اطق الباب دامي عارفه انك بتدخلني
متعب : خير وش بغيتي
سديم : بمقدمات ولا بدون ؟
متعب : بدون لا تطوليها وهي قصيره مالي خلقك
سديم : اووووووه وش ذا شكله الاخ طايح في الحب بس حبيبته مو عاطيته وجه
متعب انصدم من سديم وارتبك لانها جايبتها صح
متعب : إذا ماتكلمتي اطلعي بره
سديم : يووووووووه اخلاااااق زفت ويقولو صيري مثل اخوك الكبير
متعب ضحك على خفيف من دلاخة اخته
متعب : أي ووش فيه اخوك الكبير وش زينه
سديم : اللهم لا شماته اما عاد وش زينه غلطان بالنمره
متعب : طيب وش عندك جايه
سديم ضربت يدها على راسها : مدري نسيت إذا تذكرت برجع
وطلعت
متعب ضحك بقووه من جد دلخه ذي البنت

خلينا نشووف جوري ..!
معلومة بسيطه .. جوري ماعندها اخوان وامها مطلقه وابوها دايماً مسافر
يعني الحياة عندها فرري

جوري كانت حاطه الابتوب على سريرها وفاتحه المنتدى
وتسولف مع عم أمجد في الشات اللي تبع المنتدى
كانت مسميه نفسها رمح الشقى بدون زخرفه مثل اسمها بالمنتدى
وعم امجد كان اسمه قلبي لك
كانت جوري مستانسه وتسولف عادي مع الكل
بس بعدين شوي كتبت : اووووووف صاير ملل
ماشافت إلى على الخاص
قلبي لك :
ضيفيني خل نسولف على المسن لاني انا بعد ملان وأيميلي .............
جوري ابتسمت بخبث وأضافته في ايميل ماتستخدمه كثير
وتمت تسوولف معاه وتاخذ وتعطي
(اعرفكم على عم امجد أسمه رياض .. طويل اكتافه عريضه شعره اسود ناعم حنطي رموشه طويله و كثيفه )
شوي شوي تفاجئت جوري بالكلام اللي قاله رياض
وأبتسمت بخبث ..



أنتظروني ..!


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 09-07-2009, 03:38 AM
عشقتك منذ زمن عشقتك منذ زمن غير متصل
©؛°¨غرامي جديد¨°؛©
 
الافتراضي رد : أعرف أني أحبك وفيك أموت روايتي الأولى


نحن في الانتظار

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 09-07-2009, 04:17 AM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


حيآك عشقتك

وإن شاء الله بحاول احط لكم بارت الجمعه ولا السبت

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 09-07-2009, 04:38 AM
صورة رهوووفا الرمزية
رهوووفا رهوووفا غير متصل
©؛°¨غرامي نشيط¨°؛©
 
الافتراضي رد: أعرف أني أحبك وفيك أموت روايتي الأولى


مشكورة على البارت الحلو وبليزززززززززززز كمليه

أعرف أني أحبك وفيك أموت روايتي الأولى

الوسوم
أموت , أحبك , أعرف , أند , رومنسيه , روعه , وفيك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : طبع الحياة حزن و فرح .. و طبع الورود شوك و زهور / كاملة krkr G!rl روايات كامله - يتم نقل الرواية هنا بعد اكتمالها 308 26-10-2018 05:46 AM
روايتي الأولى عواصف تجتاح حياتي رومنسية جريئة وعائلية حور عبد الله أرشيف الروايات المغلقة - لعدم إكتمالها 14 02-07-2013 01:49 AM
روايتي الأولى : وقف و دق السلام قدامك ظفارية فديت دلعي أرشيف الروايات المغلقة - لعدم إكتمالها 9 09-11-2010 09:55 PM
دنيتي ما تسوى بدونك / روايتي الأولى ! صدىآ الإحسآس ! أرشيف الروايات المغلقة - لعدم إكتمالها 46 07-01-2010 08:47 PM
روايتي الأولى / بحر الهوى يا سامعين ماله دوى..مايروي قلب العاشقين مهما روى # الجوري # أرشيف الروايات المغلقة - لعدم إكتمالها 21 18-09-2009 01:33 AM

الساعة الآن +3: 04:00 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1