غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 21-08-2009, 03:45 AM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


الجزء السادس

في مكان ثاني
دخل البيت بفرحه
ورغم رزانته وثقله ماقدر من الوناسه
يناطط على الكنب ويقول ياأهل البيت بتووووصل بكره ..!
رمى شماغه وانسدح على الكنبه
وغمض عينيه
يتذكر ايام ماكان يعاندها وهي تعانده
والحين
بترجع وعندهـاا شهاده فخر له ولأمه وأبوه
قطع حبل أفكاره أمه وهي جايه مستغربه
أم فارس : خير وش فيك ؟
قام فارس باس امه على راسها ومسك يدها وجلسها ع الكنب وجلس جنبها
فارس : يمه جا اليوم الي نستناه كلنا
أم فارس بأبتسامه : أي يوم ؟
فارس : يووه يمه ماتدرين ؟
أم فارس : اللهم أجعله خير .. وش صاير تراك اقلقتني ..!
فارس بضحه : يمه من جدك ماتدرين ؟
أم فارس : لا ياولدي ماأدري ؟
فارس : بكره التاريخ ...........
أم فارس : ويعني ؟
فارس بصراخ وابتسامه عريضه : يمه بكره ريماس بترجع
قامت أم فارس من الكنبه
ام فارس : كلووووووووووووويش بتنور بيتها .. يمه فارس روح جيب لنا شوية بخور بعطر البيت واليوم لازم انظف غرفتها
فارس أبتسم لحماس أمه
فارس : إن شاء الله يمه
في هذا الوقت جا أبو فارس
أبو فارس بتعب : وش عندكم مستانسين ؟
فارس : ليه يبه حرام نستانس ؟
أبو فارس : لا مو حرام الله يزيد فرحتكم بس فرحوني معكم
أم فارس بأبتسامه واسعه : بكره بترجع ريماس
أبو فارس أبتسم بتعب : حياها الله
وطلع عنهـم
ام فارس نزلت راسها بأسى
بس بسرعه نست أبو فارس وقامت تجهز لرجعة بنتها وفلذة كبدها ريماس

..

بيت ابو متعب
سديم بصراخ : يبــه
ابو متعب رافع حاجب : وصمــــه لا تصارخين هزيتي البيت من صوتك .
سديم بحزن أصطناعي : أفاااا خلاص مابي شيء بروح
ابو متعب بضحكه : لا شدعووه تعالي حبيبتي
سديم بصوت مايسمعه إلى أبوها : لالا تغار امي
أبو متعب : وجع إذا على كذا خلاص روحي
سديم ضحكت : لالالا خلاص يبه سحبت كلامي
أبو متعب : طيب اختصري الموضوع وقولي شعندك
سديم : يبـه بس أبي أعرف وش أخبار الشركه
ابو متعب بتعجب : الشركه ..؟!
سديم : إيه الشركه
أبو متعب رافع حاجب: أي شركه
سديم : يوووه يبه وش فيك شركتك
أبو متعب : من متى تهتمي للشركه
سديم : لا بس عندي مخططات والشركه عامل اساسي في السالفه
أبو متعب: لا يكون تبي تسوي عملية سطو
سديم : يوه شدعوه يبه لو هي بنك يمكن فكرت أسوي عملية سطو يشهدها التاريخ .. لا وبعد بيقولو بنت صاحب البنك اللي سطت على البنك اوووه تخيل يبه عجبني العنوان شرايك تسوي بنك بس عشان أسـ.....
أبو متعب : بس بس بس عورتي راسي
سديم : يالله عطيني اخبار الشركه
أبو متعب : ماني قايل لك شيء الشركه بعديها من مخططاتك ولا تدخلي نفسك في شيء مايخصك
سديم : هوووووووف زين
أبو متعب : لا تنافخين
سديم : زيـــن

في الطابق الثاني
في مكان تعجز الكلمات عن وصفه
حيث هناك قلبين
بنعومة الحرير
وببياض اللؤلؤ

غرام : لا عاااد
أمجد : أيـه يلاا قلبي
غرام : مجووود صعبه
أمجد : لا مو صعبه أن كانت عشاني
غرام : لا شيل هالشيء من بالك
أمجد : حبيبتي
غرام : لبيـه
أمجد : ترديني ؟
غرام : حياتي طلبك شبه مستحيل أني أسويه .. أنا ماكنت بتصل عليك وانت عارف .. انت شوف لما عطيتني رقمك كيف اني ماأخذته .. والحين تبيني أقابلك ..!
أمجد : كبرتي بعيني .. طيب عادي بالمستقبل بشبع منك
ضحكت غرام بدلع
أمجد بصراخ : يالبي هالضحكه ياناااااس
غرام : مجوودي شوي شوي
بهاللحظه دخلت عليها سديم
تأففت غرام
غرام : خلاص جوري بكلمك بعدين جات سديموه
سديم : لالالالا مو لازم تسكري الخط بكلمك شويتين وبروح
غرام نزلت الموبايل من أذنها
وأمجد صار يسمع كلامهم
غرام : خير آنسه سديم ؟
سديم : حبيبتي غرام .. بما انك تدرين أن بيت عمي بأيطاليا و..
غرام : اختصري الموضوع
سديم : زيين .. الموضوع بأختصار ان اسيل تبي ترجع وماني عارفه اخطط لهاا
غرام : بسيطه
سديم بأبتسامه : أيوه ..؟!
غرام : أقتلكِ وبيرجعون بأسرع وقت عشان يحضرون العزا
سديم : هـ هـ هـ سخيفه وليه ماأقتلكِ أنتي محد يحتاجكِ
لمـآ قالت سديم كذا أمجد صار وده يصرخ ويقول : أنا ابيها لانها حياتي وإذا ماتت حياتي كيف أبحيا ؟
غرام : لا حبي انا كثير يحتاجوني ويتمنوني كفايه اني غرام بنت مشاري الـ.... وخلااص قلبي من غير مطرود
سديم : الله يقلعك
غرام : طسسسسي
سديم : زييييين
وسكرت الباب بقووووووه
غرام رجعت تكلم أمجد
أمجد : توي أعرف أسمك الكامل
غرام : ههههههههههههه عادي
أمجد بشك : بيت عمك بأيطاليا
غرام : أيوه
أمجد : عندك ولد عم أسمه جاسم ؟
غرام بصدمه : تعررفـه ..!
أمجد : أيييه ذا صديقي
هنا صار قلب غرام يدق بقوه
غرام : اهاا
أمجد : وي ونااسه بتقرب منه عدل ههههههههه
غرام ضحكت بنعومه ..
ذيك الضحكه اللي مايتحملها قلب أمجد ..
ويذووووب عليهـآآ ..

......................

كـان جالس بأحد الكراسي في بحر الكورنيش
مع أعز أصحابه
تنهد .. آآآآآآآآآآآآآآه
وبهذي الآه ..
حس رفيق دربه بعذابه
حط يده على كتفه وهمس : أنسى
متعب : ماأقدر يا رائد ماأقدر وعدتها اني ماأنساها .. هي الوحيده اللي بتسكن قلبي
رائد : ماأقدر أقولك شيء صراحة .. كلامك يسكتني
متعب : شف ذا الكرسي اللي حنا عليه
رائد : وش فيه ؟
متعب : هنا كانت مع أخوها
رائد : متعب مو لمصلحتك تسوي بنفسك كذا .. حتى لو البنت تحبك وعلاقتكم مستمره مع بعض مابتقدر تتزوجها .. بكل بساطه ابوك مرح يوافق لانها مش من طبقتكم ..
متعب : مايهمني أحد .. وحتى لو مو من طبقتنا ابوي مرح يوقف بوجه سعادتي
رائد : تتوقع ..! أنا ماأتوقع .. بيختلف تفكير ابوك من ناحية الزواج وبيقولك انت مليون وحده تتمناك
متعب : رائد .. مافي حد فاهمني كثرك .. بس افهم اني ماأقدر أنساها .. 3 سنين وهي مبعده عني وأنا افكر فيها وكل يوم ضميري يأنبني لتركها .. ساكنه عقلي وروحي وتفكيري .. وتقولي لي أنسى ..! كيف أنسى كيف يا رائد ؟
لف متعب للجهه الثانيه
ورائد سكت وهو من داخله متعذب على حال صديقه
مره وحده ماشاف إلى متعب واقف
وقف معه
وقعد يناظر بالجهه الي يطالع فيها
لكن مافهم له
رائد : متعب وش فيك ؟
متعب وبصوت متقطع : هـ ـ ـ ـ ـذا .. هذا .. أخوهـاا ..!

....................

بـ إيطاليـاا
أبو جاسم بصراخ : ياأهل البيت تعالو بسرعه
اسيل راحت له
ابو جاسم : وين امك
أسيل : جايه
أبو جاسم بصراخ : تعالوووووو
جاسم نزل من الطابق الثاني بسرعه لدرجة انه كان بيطيح
وأم جاسم ماهمها راحت له وهي تمشي شوي شوي
أبو جاسم : جهزو اغراضكم ترانا بنرجع السعوديه بكره
هنـاا أسيل أبتسمت ابتسامه واسعه لكن فرحتها اللي بقلبها أكبر
وكأنهم قالو لها بتتزوجين اللي تحبينه ..!
أم جاسم بصدمه : أيشششششش ..! ليه ..!
جاسم ماأبدى للموضوع أي رأي لأنه مايهمه بقى هنا ولا رجع للسعوديه
أبو جاسم : أبو سـالم توفى .. ولازم احضر العزا وانتي عارفه انه أبو صاحبي ماأقدر ماأحضر
أم جاسم بعصبيه : الحين تخرب وناستنا عشان هذا العجوز شيء طبيعي انه بيموت مابقى عمر لغيره اعوذ بالله
أبو جاسم هنا وصل حده ورفع يده بيمد يده عليها بس باللحظه الاخيره مسك نفسه وقال بعصبيه : اللي تتكلمين عنه غصباً عنكِ أبو صاحبي وانتي تسكتين وتروحين تلمين اغراضك (وبصراخ أعظم) فااااااهمه ..؟!
أم جاسم خافت منه أول مره يكون عصبي كذا وهو ماعمره عصب عليها بكل بساطه هي اللي تتحكم به .. عشان كذا ماحبت تطولها وهي قصيره
ماتبي تطيح كرامتها قدام عيالها
ناظرت بأبو جااسم بحقد ومشت عنه
جاسم : أنا أبطلع اشبع من الجو (وبسخريه ) قبل لا نروح للبرد والأمطار الغزيرة والثلوج المتساقطه بالسعوديه
أسيل ركضت للاب توب تقوول لـ سديم
وجاسم لبس جاكيته وطلع
حط يدينه بمخباه وراح لمكانه المعتاد
راح جلس عند البحر
وبعد شوي
جات جلست عنده جوليتا
جوليتا : مرحبا
جاسم بدون مايطالعها وحتى بدون مايبتسم : مراحب
جوليتا : امممم احسك انسان غامض على الاقل ابتسم .. وجودك عند البحر دايماً يحسسني ان الهموم تتثاقل عليك شوي شوي ومثل ما البحر غامض أنت بعد غامض بداخلك الكثير لكنك ماتتكلم
جاسم عصب من تدخلها : هذا شيء مايخصك والرجاء لاعاد تتدخلين في اموري
جوليتا : أبدي رأيي
جاسم : الحمدلله بكره مرح اشوفك
وخلاها وسط حيرتها ومشى

.......................

أم فارس بخرت البيت من اليوم
تستعد لعودة بنتها
ومبسووطه على الآخر لرجوعها

.......................

وناستها ماتقل عن وناسة أهلها
وطلعت من الفندق ..
تبي تودع الغربـه ..
تقول للناس انا برجع لاهلي ..
انا بعد عندي اهل مثلكم ..
وهم يحبوني وينتظرووووني ..
التقت بذاك الشاب ..
ابتسمت لك ابتسامه واسعه
جيسي بأبتسامه : مبسوطه على غير العاده
ريماس : بكره برجع لأهلي ولـ وطني
جيسي انصدم
ماتوقع انه من تقرب لها بتبعد
وياليت تصده
إلى بتبعد خالص ومابيشوفها
بان الحزن على عينيه
وابتسم لها ابتسامه صفراء
جيسي والدموع متجمعه بعينه : يعني ماعاد اشوفك ؟
ريماس وهي خايفه من حالته الي انقلبت 180ْ درجه : يؤسفني ان جوابي يكون لا
جيسي : ريماس
ريماس: نعم
جيسي : لآ خلااص ولا شيء .. عن اذنك ..
أنسحب بهدوء .. لأنه عارف أن عيونه بتفضحه ..
فقرر انه يروح أفضل من انها تعرف وتصده
التفت لها وناظر لها
يبي يثبت بعقله صورة لهاا
قبل مـااا .. ترحل
أمـاا هي
استغربت من طريقته
لكن ماشكت بشيء
لانها حاطه ببالها توها تعرفه
وماتعرف عنه الكثير
طالعت بالسماء الصافيه وابتسمت ابتسامة تذوب
تحس ان ابتسامتها لزمتهااا
بينمـاا هو
راح عنهاا وقلبه بيطلع من مكانه
يحس ان الدنيا بتضيق بدونها
يحس انه ماصبر لوجوده بالدنيا إلى عشان شوفتهاا
بس الحين بتروح لبلدها
ابتسم بسخريه وردد بباله : أكيد أنها بتروح لبلدها بيوم من الأيام وتفكيري الغبي نسىآ هذا الشيء

...................

طالع بالمكان اللي يطالع فيك
لقى واحد مبسووط جالس قريب من البحر
طالع برفيق دربه
رائد : وش تفكر به ؟
متعب: بروح له ابي أكلمه
رائد : مجنوووون وش بتقول له
متعب: ماأدري يا رائد أبي أتطمن على اخبارها
رائد : أنت عارف أخبارها هي بالغربه الحين والله العالم متى بترجع
متعب ناظر بـ رائد
رائد : تعرف أسمه بالأول ؟
متعب: أكيد
مشى متعب بدون مايسمع رد رائد
بينما رائد رفع يدينه بيأس وجلس يراقب وش بيصير
وبقلبه يردد : الله يستر
متعب يمشي لـ فارس
حس انه يبي يعتب عليه انه خلاه يشك بحبيبته
فارس شاف متعب جاي له
استغرب
بس ماأعطى الموضوع أي أهميه
متعب : السلام عليكم
فارس: وعليكم السلام
متعب : أكيد تذكرني
فارس بسخريه : وأنـا اقدر أنسى
متعب انصدم من طريقة رده ..!
مآتوقع أنه يرد بذي الطريقـه ..!
لف متعب بيروح
متعب : عن اذنك انا الغلطان اني جاي لك
فارس مسك يده : لا ياخوك اسمح لي بس تدري ان اختي من يوم صار اللي صار وهي بالغربه مانشوفها ولا تشوفنا ولا حتى تتصل لنا
متعب منصدم : ماتعرفون اخبارها ؟
فارس حط يده على شعره ونآطر فوق : ماأعتقد يهمك
متعب بصدمه أكبر : يهمني
فارس ناظر فيه : من أي ناحية يهمك ؟ أنك تلعب بقلبها مره ثانيه ولا تجرح مشاعرها ؟ أو تشك فيها ؟؟
متعب ماتوقع رده كذا
حط يده على راسه وحس بدوخه
أختل توازنه لكن فارس مسكه
رائد من شافه كذا راح له على طول
شافه مغمى عليه
رائد طالع بـ فارس بأحتقار
رائد : وش قلت له ؟
فارس : مو وقته قووم خل نوديه المستشفى
رائد : روح معي ابي اعرف منك السالفه
فارس : مو مشكله
وأخذو متعب للمستشفى
وبعد دقايق قليلة وصلو
وأخذو متعب للطوارئ
بينما رائد وفارس جلسو على الكراسي ينتظرون النتيجه
وقطع الصمت سؤال رائد : وش قلت له
فارس : تقدر تقول كلام تحطيم
رائد : عن أختك صح ؟
فارس : مابيننا مواضيع ثانيه
رائد بأنفعال : أنت ماتفهم انه يحب اختك وثلاث سنين من فراقها ماهزت اي شيء من مشاعره ؟ ماتدري اني عجزت اخليه ينساها وهو مو راضي وكل مره يسكتني بشيء ؟ مو فاهم اني كل مره اجيب عذر يخليه ينساها بس هو مو مهتم لي وماسكنت بقلبه الا هي ؟
فارس كان يسمعه وعلى محياه الأندهاش .. أحتار وش يقول له .. ماتوقع انه لسه يحبها ..!
وبعد ثواني طلع الدكتور
وراح له رائد على طول
رائد : طمني يادكتور
الدكتور : انت وش تقرب للمريض ؟
رائد : صديقه .. ليش متعب فيه شيء ..؟!
الدكتور : تفضل على مكتبي وبقول لك كل شيء
رائد : خير اللهم خير
رائد التفت على فارس وفارس أشر له أنه بيروح
راح رائد مع الدكتور
الدكتور : المريض وش كان يعاني ؟
رائد : ماكان فيه شيء بس كان يسولف مع واحد من الاصحاب ومره وحده طاح علينا
الدكتور : يسولف معه وحطمه ولا وش السالفه ؟ المهم المريض بيعاني من اكتئاب
رائد بتعجب: اكتئاب ؟
الدكتور : أيوه أكتئاب يعاني فيه فترات طويله من الحزن والمشاعر السلبية الثانيه وعلى ماأعتقد مسبباته الحزن أو الأسى أو خيبة الأمل أو الوحدة
رائد : والعلاج ؟
الدكتور : بيصير عندنا هنا أسبوع على الأكثر وبنعرضه على دكتور نفسي وبيحاول يعرف وش اللي سبب له الأكتئاب ..
رائد : طيب أقدر أشوفه ؟
الدكتور : أيه تقدر تشوفه لكنه مابيحس لك ولا بيسمعك رغم انه مو نايم لكنه في صدمه
رائد : طيب .. مشكور وماتقصر
الدكتور ابتسم له ومارد عليه
رائد راح لـ متعب
رائد : كذا تخوفني عليك .. أدري أنك ماتسمعني بس كيف أبحيا بدونك وانت اللي شاغل فراغي اللي ببالي وبقلبي ؟
باسه على راسه ومشى عنه
شوي الا هو يرن جوال متعب اللي كان رائد ماخذه عنده
شاف رائد أن المتصل غرام الروح
اختبص لأنه عرف انها اخته
تردد يرد ولا لأ ؟
إذا رد بتتفشل أخته وبيتفشل هو
وإذا مارد بيقلقون عليه
رد عليها
ومامداه يتكلم الى وهي متكلمه
غرام : عمى بعين العدووووو ياشيخ كل ذا مستانس اني اتصلت مو عارف من وين يردون ؟
رائد مامسك نفسه وضحك
غرام انصدمت من الصوت وسكرت على طول
وثواني وصلت لها رساله من : الشيخ متعب
انا آسف اختي غرام إذا صدمتك بس بصراحة انا رائد صديق متعب لأن متعب بالمستشفى
تجمعت الدموع بعيون غرام لما شافت الرساله
وعلى طول رسلت له
وش فيه متعب وليه بالمستشفىآ وبأي مستشفى ؟
رائد شاف الرساله وضحك
ورد عليها :
تطمني أخت غرام بس متعب عنده أكتئاب وهو بمستشفى الـ....
غرام شافت الرساله واستغربت ..!
عمره متعب مابين لهم ان فيه شيء
وردت :
الله يطمنك بالخير أخوي رائد
أما رائد أكتفىآ بأبتسامه وطلع من المستشفى متوجه للبيت

................

نزلت من غرفتها بعجله وبأرتباك واضح
تنادي على امهـاااا عشان تخبرها
ام متعب : خير وش فيك تصارخين ؟
غرام : يمه متعب بالمستشفى
ام متعب ضربت يدها على صدرها : وي وش فيه ولدي ؟
غرام : معه أكتئاب .. يمه البسي عبايتكِ بنروح له
سديم كانت تسمع كل شيء لأنها كانت بالصاله بس هم مو حاسين لها
تجمعت الدمووع بعينها ورددت ببالها : أعرف كل شيء

................

رجع من المستشفى لبيتهم بالليل
بدل ثيابه ورمى نفسه على السرير وجلس يفكر
فارس: معقوووول لسه يحب ريماس ؟
حط راسه على المخده ودقايق الى هو رايح بسابع نوومه عشان يروح الصباح ويستقبل أخته

................

أما ببيت ابو متعب
كانوا توهم راجعين من المستشفى
وام متعب تبكي على ولدها
وتحاول تعرف وش اللي صار له مره وحده الا هو كذاا
وغرام وسديم يحاولون يهدوهـاا

................

في الصباااح

راح فارس يستقبل ريماس
وثواني قليلة الا هم يعلنوا عن وصول الطائره الواصله من استراليا
ريماس نزلت من الطائره وهي مبتسمه مبسووطه لرجعتها لديارها وأهلها
راحت تركض بشووق تبي توصل لأهلهااا
وشوي صدمت بشخص كان واقف وطاحت
تأففت وقآلت : أنآ آسفه
وقامت وشافت الشخص وحطت يدها على شفاتها وتجمعت الدموع بعينها
يشششبه متعب مره
اما هو ماقدر يشيل عينه من عليها
اول مره يشوف وحده بجمالها
: حصل خير أختـي
ريماس : .........

يكفي إلى هنـآ ..
أنتظروني ..


  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 22-08-2009, 06:05 AM
صورة الهوارة والدلعونا الرمزية
الهوارة والدلعونا الهوارة والدلعونا غير متصل
©؛°¨غرامي مجتهد¨°؛©
 
الافتراضي رد: أعرف أني أحبك وفيك أموت روايتي الأولى


واووووووووووووووووووووووووووووووووووووو بارت فعلا كتير حلو وطوووووووويل وما قصرتي الله يسلم اناملك يارب وما يحرمنا منك يا الغلا
تحياااااااااااااااااااتي وودي مع حبي
وكل عام وانتي بالف خير
رمضان مبارك

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 22-08-2009, 07:25 AM
صورة miss دلوعه الرمزية
miss دلوعه miss دلوعه غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


حلوووووووووووووووووووووووووووه مررره تسلمين ياقلبي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 22-08-2009, 07:33 PM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


انتوآ أحلىآ
لآ عدمتكم

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 22-08-2009, 09:45 PM
عذبة الرواح عذبة الرواح غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


حلوه ومشكوره

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 22-08-2009, 10:13 PM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


أنتـي أحلىآ ..
ربي لآ يحرمني منـكم ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 26-08-2009, 12:32 AM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


أعتذر ..
مابكمـل الروآيـه ..

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 27-08-2009, 04:08 AM
صورة الهوارة والدلعونا الرمزية
الهوارة والدلعونا الهوارة والدلعونا غير متصل
©؛°¨غرامي مجتهد¨°؛©
 
الافتراضي رد: أعرف أني أحبك وفيك أموت روايتي الأولى


خسااااااااااااااااااارة بس معك حق

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 27-08-2009, 08:18 AM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


اي صعبه اني اكمل وسط اني اتعب حالي ومحد متابعني
بس تسلمي والله الهواره
فيكِ الخير وربي

  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 27-08-2009, 02:52 PM
مبدعة إحسآس مبدعة إحسآس غير متصل
©؛°¨غرامي جديد¨°؛©
 
الافتراضي رد: أعرف أني أحبك وفيك أموت روايتي الأولى


يؤ ياقلبي عليك ..
طبعي ماأحب اكسر خاطر حد ..

إن شـآآآء آللـه لعيوونك بكملها بس يمكن أطول شوي لأن ماعندي وقت كثير برمضان
وبجيب بارت طويل

أعرف أني أحبك وفيك أموت روايتي الأولى

الوسوم
أموت , أحبك , أعرف , أند , رومنسيه , روعه , وفيك
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
روايتي الأولى : طبع الحياة حزن و فرح .. و طبع الورود شوك و زهور / كاملة krkr G!rl روايات كامله - يتم نقل الرواية هنا بعد اكتمالها 308 26-10-2018 05:46 AM
روايتي الأولى عواصف تجتاح حياتي رومنسية جريئة وعائلية حور عبد الله أرشيف الروايات المغلقة - لعدم إكتمالها 14 02-07-2013 01:49 AM
روايتي الأولى : وقف و دق السلام قدامك ظفارية فديت دلعي أرشيف الروايات المغلقة - لعدم إكتمالها 9 09-11-2010 09:55 PM
دنيتي ما تسوى بدونك / روايتي الأولى ! صدىآ الإحسآس ! أرشيف الروايات المغلقة - لعدم إكتمالها 46 07-01-2010 08:47 PM
روايتي الأولى / بحر الهوى يا سامعين ماله دوى..مايروي قلب العاشقين مهما روى # الجوري # أرشيف الروايات المغلقة - لعدم إكتمالها 21 18-09-2009 01:33 AM

الساعة الآن +3: 06:20 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1