اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 11
قديم(ـة) 05-07-2009, 02:11 AM
صورة SiLeNcE.TeArS الرمزية
SiLeNcE.TeArS SiLeNcE.TeArS غير متصل
©؛°¨غرامي فعال ¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


يسلموووو على البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 12
قديم(ـة) 06-07-2009, 05:54 PM
صورة دلـع دبي الرمزية
دلـع دبي دلـع دبي غير متصل
©؛°¨غرامي جديد¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


تسلميين ع الرد

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 13
قديم(ـة) 12-07-2009, 09:08 PM
صورة دلـع دبي الرمزية
دلـع دبي دلـع دبي غير متصل
©؛°¨غرامي جديد¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


باااااااارت (( 3 )))


ام سعيد : لا اشعنه تسكتين اظاهري خاري سوي مظاهره لين المدرسه
سلامه : امايه تطنزين عليه حراااااااام عليج
ام سعيد : شو اسويبج خبرينيه ومنصور وينه
سلامه : راقد بعد واصلا لو اموت ما بيودينيه عسب ذاك اليوم
ام سعيد : ويديه أي يوم واشعنه ما بيوديج
سلامه : خليها على الله
ام سعيد : ما عليه سيري غسلي عيونج وعدلي جحالج وانا بخلي واحد منهم ايوديج ما عليج امره وريحي وراج امتحان
سلامه : فديتج والله صدق الام حنون .. ان شاء الله ..(( ولوت على امها وسارت اتغسل عيونها ))
والام سارت فوق وطالعت منصور
ام سعيد : منصور ابويه قم نش
منصور : هاه امايه شو تبين
ام سعيد : شباك راقد انا قم اباك في مونه
منصور : وين أحمد قوليله انا تعبان
ام سعيد : دومكم تعبانين كفانا الشر والبلى قم اباك انته قم نش لا اتغيضبيه
منصور : انزين قمت
ام سعيد : ويديه قمت وانته متلحف ... قم ثر اشوفك دام النفس عليك زينه
منصور : اوووب ام سعيد متغيضه عاد لا اجبين لقهوه علينا ...
ام سعيد : خس الله مذهبك شو هالرمسه بثور انته والا اشوه ؟
منصور : بقوم (( وقام بس ما نزل من على الشبريه يلس ))
منصور : هاه الوالده (( وحبها على راسها )) ... السموحه.. شو بغيتينيه
ام سعيد : اباك اتودي ختك المدرسه
منصور : سلامي
ام سعيد : هيه حد غيرها عليه دوام
منصور : اتهبي الا هيه الخايسه والله ولا اوديها يزى ذاك اليوم السباله
ام سعيد : ويديه حشم اسميك الا مضيع المذهب شو هالرمسه بخبرك عنبوه هذا وانا جدامك عيل لو هب هنيه شو بتسوي بها
منصور : السموحه الغاليه لكن والله ما اوديها حلفت
ام سعيد : هذا وانا يايتنك لين فوق
منصور : عزيزه وغاليه لكني حلفت
ام سعيد : لا لو عزيزه وغاليه شرى ما اتقول جان سمعت رمستيه وخوزت الشيطان وقمت اتودي ختك حليلها لا دريول موجود وابوها محد واخوانها بعد متعذرين عنها
منصور : أحمد وينه هو الا راقد ما وراه شغله بعد... اميه يوم تطلبينيه ما اردج صح ولا لاء لكن الحينه اعذرينيه حلفت وعشان خاطرج *** بسير صوب احمد وبوعيه عسب يوديها
ام سعيد : ما طلبت منك اتوعيه اروحيه بسير اوعيه يوم الا هاي رمستك .. سر سر كمل رقادك وسارت عنه صوب حجرة احمد كان ايقولها السموحه لكنها امره طبته
وخلت احمد ينش غصب عنه
منصور في خاطرها : كله بسببها هالخايسه الحينه هاي ثاني مره اتحرج عليه الوالده وانا ما اتهون عليه ، خليها تي من المدرسه وبراويها
وركب أحمد السياره عقب ما اتلبس على السريع و ودى خته المدرسه
وفي المدرسه
وديمه: هاه سلامي بلاج اتاخرتي واشبلاهن عيونج
سلامي : لا اتخبرين
وديمه : افاااااااا
عواش: مرحبا سلامي اشحالج اسمينيه اتولهت عليج يا الدبه ... ويه ويه بلاهن هالعيون الحلوات
سلامي : ما عليكن هاه درستن وشو النفسيه
شمه : زفت ولله الحمد اقولكن من كثر الضغط .. قاعدت بشكارتنا ... استويت اغسل الحمام بدالها اقولج الكل تم يضحك عليه فالبيت اونه يقولون اخيرن استويت حرمه لو دروا جان من زمان خلونيه ثانويه عامه يطنزون عليه
شمه اتسولف واربيعاتها ميتات من الضحك عليها شوي ودق الجرس
لطوف : دق الجرس وقلبي دق وجان ازيغ
عواش : هدن هدن شربن ماي واتوكلن على الله
شمه : حوه لطوف عقي لكتاب بطول ايدج ما ينفع الدراسه الحينه اسميج مشتطه
لطوف : خلينيه
شمه : صدق بنت علمي ودحيحه ما تنلامين
الابله يلست تزقر البنات واتدخلن القاعه
شمه : حوووه لطووف بسج الكل دخل وانتي بعدج يا بنت الحلال دخلي لكتاب وياج اخاف يستويبج شي ولا شياته لا اتخافين بسويلج واسطه وبيقدرون الوضع لووووووووول
وديمه : ههههههههههههههه حرام عليج خليها لبنيه
شمه: يا بوج متروعه عليها
وديمه : ما عليها باس وخلينا انهبط القاعه انريح شويه ***
شمه : يالله

عقب الامتحان
سلامي : يالله بسترك يالله
وديمه : احس عمريه متروعه
سلامي : حتى انا اتصدقين سبحان الله ما ادري شمنه
وديمه : عن الاستعباط هذا
سلامي : ما اشوفهن ضهرن الله يستر
وديمه : امنوه يقول؟؟؟؟؟ شموه ضاهره اول العرب والابتسامه شاقه البوز
سلامي : عيل وينها ما اشوفها
وديمه : ما ادريبها ... اقول سلامي بلاج اليوم احسج زعلانه ومضيجه
سلامي : هيه والله
وديمه : افاااااااااااااا ما عاش من يزعل خويتيه خبرينيه ....
سلامي : محد اليوم طاع ايبنيه
وديمه : واشقايل وين دريولكم .. ابوج ... اخوانج
سلامي : الدريول اول امس مسافر ... وابويه وسعيد ساروا دبي من امس بايتين هناك عندهم شغل
وديمه : انزين عندج أحمد ولا منصور ما عندهم شغله
سلامي : هيه الا فالشور هم أحمد سرت له وحايلته ما طاع
وديمه : وهذا منصور ؟
سلامي : ما يسرت هو من يوم سرتي يطالعنيه بنظرات يتحرانيه خبرت امايه لانه ذاك اليوم هددته انيه بخبرها
وديمه : هيه يوم بت عندكم
سلامي : هيه ... لانه طاح برستيجه جدامج يوم هزبته امايه واصلا عقب ما سرتي بعد هزبتيه
وديمه : ويه .. بس تدرين دواااااه
سلامي : هيه وانا الضحيه هاه
وديمه : انزين وامنوه يابج
سلامي : أحمد عقب ما سارتله ماماتيه فديتها ....
وتمن ايسولفن وهن يتمشن فالساحه يترين الباب ينفج وسيارتهن تيي ولانه شمه منخشه بينهن
شمه : بوووو
وديمه + سلامه : اللهم سكنهم في مساكنهم
شمه : صدق اتروعتن حركات ثركن..*_^..
وديمه : لا بس زغنا
شمه : هيه الدرجه الثانيه من الخوف هيه فهمت
سلامه : اسميج انج
شمه : خل عنج هاه شو سويتن
سلامه + وديمه : الله يستر وان شاء الله خير
وديمه : وانتي ما شاء الله اول وحده من بنات صفوف علمي ضاهر لا وفرحانه بعد ان شاء الله دوم بنت محمد
شمه : هب هباج الله ... الله واكبر عليج ... اوووه راسي عورنيه ... بخلي يديدتيه عوشه ادخننيه شبه
وديمه : خييييييبه كل هذا اصلا يحصل لج الشرجف اذا ظربتج بعين حد اعطيه عين ولا يفرح
شمه : لا صدق صدق ما قلتي غلط حشاج
سلامه : حوه انتي كله ولا ختيه اصلا هيه عينها بارده ولا اتعرف تعطي عيون
شمه : عيل انتي
وديمه : ايييييييهاااااااااا يا بنت محمد لو بغيناج حرمه ***
شمه : حوووووه لا تسرقين رمسة عيوزيه حقوق الرمسه محفوظه لدى عيوزيه عوشه بنت خليفه
وديمه : ههههههههه والنعم والله بعيوزج .. بالعاني قلتها، انزين صدقها عيوزج غدي حرمه امفضحتنها عند العربان حليلها دوم تشّكاليه يوم ادق لج
شمه : اسميها هالعيوز ما تقى الدُوُره منيه فديتنيه
وشوي ولانه لطوف وعواش يايات
لطوف : الله يستر بس
عواش : يا كثر ما اتحرطمين
شمه : صدقها عواشي كله اتحرطمين
وديمه : اقول يت سيارتنا بسير ... هاه سلامي قومي
سلامه : وين؟
وديمه : ما بتخاوينيه
سلامه : لا أحمد بيي
وديمه : طيعي الشور تراه شوري طيب
سلامه : مشكوره الغاليه تدرين انه اصلا حتى لو ما اتشاورين بركب لكن الحينه ملتزمه بأحمد لو هو الدريول ما عليه امنه ما فيه عليه بييلس يحتشر عليه
شمه : هيه طالع ولا تعزم علينا
وديمه : شمووووه انتي اخر من يتكلم لانه يدتج ما اتخليج صح ولا لاء لانها اروحها تي تييبج واتوديج المدرسه
سلامي : صبرن بسير اطالع اخويه احس انه يا (( وسارت طالعت ولانه اخوها خاري ))... يالله خالفتنا العافيه عليكن درسن عدل ...
وديمه : صبري بضهر وياج
سلامي : يالله عيل لبسي عباتج
وديمه : يالله يايه
اتغشن وضهرن خلاف وعند السياره

كان أحمد ياي في سيارته (( نسيان يديد اسود 2007 عليه رقم بوظبي ليديد عذاااااااااب )) مبطل الدريشه وحاط اغنيه بس مب مطول عليها لابس نظاره شمسيه ارماني وكاب وبنطلون وقميص وكان شعره ضاهر من تحت الكاب جيه اتعرفون كيف كان عذااااااااب ما شاء الله عليه يرمس فالتيلفون وحاط ايديه اليمين عالسكان (( مقود السياره ))
وحده من بنات المدرسه خطفت دال سيارته وقالت حق اربيعتها
..... : طالعي .... مغواااااااااه اسميه صدق غرشوب
..... (2 ) : ايه عيب عليج
.......: انزين طالعي جانيه اجذب
...... (2) : صدقج بس عيب
...... : لو بياخذنيه والله يا وافق
..... (2) : يعلج يالماصخه.... ما يطالع اتصدقين شكله مب من اللي يغازلون
......... : اقص ايدي اذا ما كان من اللي يغازلون
...... (2) : عيل ليش ما يطالع وهنيه كله بنات
....... : ما ادريبه
وديمه وسلامي كانن واقفات عند السياره صوب دريشة أحمد
وديمه : يالله سلامي سلمي عليهم كلهم ما اخصلج حد وسلمي على أحمد ودرسي عدل
سلامي : يبلغ ان شاء الله ما تبين اتسلمين عليه اروحج
وديمه : لا انتي ردي السلام شكله مشغول يرمس فالتليفون
سلامي : ان شاء الله وانتي بعد درسي عدل
سارت سلامي بتركب
أحمد : اقولك بو هناد اصبر .. (( ولانه فاج الباب ويزقر وديمه ))
أحمد : وديمه ..(( كانت توها اتريا الدريول يوقف حذالها جان اتوايب ))
وديمه : لبيه
أحمد : لبيتي حايله ان شاء الله.... عنبوه ما اتقولين بسلم افاااااا واشحالج بنت عميه
وديمه : لا والله طرشت لك سلام خاص عند سلامي انا ابخير وسهاله ومن جداك
أحمد : خاص ولا عام لووول........... يسرج حاليه .... امنوه ياينج
وديمه : هههههههه الدريول والبشكاره
أحمد : خليهم ايسيرن وتعالي ركبي بوديج عنبوه ابروحج فياهم
وديمه : ما اتقصر لكن فيايه البشكاره ما فيه اعذبك برايك
أحمد : لا والله شو عذابه بعد يالله لا اتفيرين ابيه ويالله
وديمه : لا والله صدق
ونزل أحمد من السياره ولا شاورها وقال حق الدريول ايسير
ورد صوبها ووقف جدامها وقال : هاه الحينه امنوه بيوديج (( ابتسم لها وسار يركب سيارته لانه بابه كان مبطل ))
وديمه : اسميك
أحمد : يالله ركبي (( كان واقف توه بيحط ريله ))
سارت وديمه وركبت
سلامي : ويه وديمه عندنا يا مرحبا
وديمه : عن الطنازه مب متفيجتلج
أحمد يأشر لانه يرمس اربيعه.......
أحمد : يالله عيل بو هناد شي فالخاطر..
سيف : سلامتك وانته شي فخاطرك تامرنا بشي
أحمد : سلامت راسك وشوفك
سيف : الله يسلمك فمان الله
أحمد : فمان الكريم

...............................في بيت بو محمد ..............................
ام محمد : يالله يوفقج يا بنيتيه
فطامي : امييييييين فديتها والله متى بتي
ام محمد : طرشتلها الدريول والبشكاره
فطامي : والله انها غضنتنيه ما ترقد
ام محمد : يالله يحط في قلبكن الرحمه يا بنياتيه
فطامي : اميييييين
ولانه التليفون يرن
ام محمد : نشي فديتج طالعي امنوه
فطامي : ان شااااااء الله اميه
وردت على التليفون ولانه ابوها
فطامي : مرحببببببا بالغالي اشحالك
بو محمد : ابخير وسهاله الغاليه هاه وديمه يت
فطامي : لا بعدها باباه طرشنا الدريول والبشكاره عسب ايبونها
بو محمد : هيه حمد وينه
فطامي : حمد وفلاح ضهروا
بو محمد : وين؟
فطامي : ما ادريبهم
بو محمد : انزين وين امج حذاج
فطامي : هيه
بو محمد : عطيني اياها
فطامي : ان شاء الله... انزين باباه
بو محمد : لبيه فديتج
فطامي : محمد فياك ساير
بو محمد : هيه
فطامي : قوله شو بيـبليه
بو محمد : محمد اتقولك شو بتيبلها
محمد : قولها الله يعزك بعر(( الله يعزكم براز الحيوانات ونحن انقوله اكثر شي حق البوش والهوش )) في يونيه
بو محمد : ههه سمعتي
فطامي : هيه قوله بعر في خشمه
بو محمد : ما عليه عطيني امج
فطامي : اوكيك ويت
وزقرت امها
فطامي : الوالده الوالد يباج
ام محمد : يايه
ويلست اترمسه .. فطامي سارت المطبخ عسب اتقول حق البشكاره اتسويلها نسكافيه... ويوم ردت
ولانه امها اتقول
ام محمد : ما عليه الشور شورك وعراحتك انته شاور لعيال وجانهم يبون تراه يبون
وانا امره ما عليه خلاف
بو محمد : ما عليه انتي لا ترمسين يوم بتخلص وديمه امتحانات بنشاورهم وخلاف يستوي خير
ام محمد : ما عليه انته رمس خوك وقوله
بو محمد : ازهليه امره هو رمسنيه وابروحه يتريى سلامه اتخلص عسب يرمس
ام محمد : خلاص عيل يصير خير
بو محمد : برايج عيل وصلنا بننزل
ام محمد : الله يحفظك وسموا باسم الله وقول حق محمد عن السرعه
بو محمد : ان شاء الله فمان الله
ام محمد : فمان الكريم
فطامي : شووووه وين بلاها وديمه .. شو اتشاورون ؟؟؟؟؟؟؟؟؟؟؟؟؟؟؟؟؟؟؟

..................................في بيت بو سعيد................................
ام سعيد اترمس بو سعيد فالتلفون لانه مثل ما دريتوا من امس هو ولده سعيد بايتين في دبي دار الحي
ام سعيد : هاه رمست اخوك
بو سعيد : هيه رمسته...
ام سعيد : شو قالك
بو سعيد : قال ما عليه بيشاور ام لعيال اول بادي وخلاف بيرمس لعيال ...
ام سعيد : قلت له عقب ما يخلصن البنات
بو سعيد : هيه قال ما عليه ما ابها خلاف
ام سعيد : يا حيكم .. عيل انا ابا اخطف على ختيه حصه ام محمد متواعدات انسير صوب هلنا
بو سعيد : يا حيكن متى
ام سعيد : ما ادريبها قالت بتسويليه
بو سعيد : بتشلين حد من لعيال
ام سعيد : بخبرهم جان حد بيخاوينيه يا حياهم
بو سعيد : راين حي ردي السلام عليهم
ام سعيد : يبلغ... صدق اتسلم عليك لطايف
بو سعيد : هيه الله يسلمها وينها يت
ام سعيد : لا اتصلت اتسلم
بو سعيد : علمومها
ام سعيد : ما عندها علوم عيالها يتباغمون عاشينه فديتها اتصيح تبا تيي هنيه
بو سعيد : فديتها طالعه عليه
ام سعيد : هيه بتخلي امها وابوها وبتضهر عليك
بو سعيد : عيل عليهم
ولانه سلطان حادر
سلطان : امايه واحد يتخبر عن ابويه خاري
ام سعيد : اصبر بو سعيد... يقولي سلطان حد يتخبر عنك خاري
بو سعيد : امنوه
ام سعيد : ما ادريبه ... سلطان ابويه امنوه
سلطان : ما ادريبه كنت يالس ولانه يدق الباب يقول يبا ابويه
ام سعيد : شو قلت له
سلطان : قلت له محد
ام سعيد : مواطن/ وافد شو من العله
سلطان : ما ادله لابس كندوره وسفره
ام سعيد : يالله كلهم الحينه لبسوا هالكنادير وقالوا مواطن... سير طالعه شو يبا
بو سعيد : هاه شو قال
ام سعيد : يقول واحد لابس كندوره يى يدورك وقاله انك محد
بو سعيد : هيه ما اتخبره امنوه يقوله
ام سعيد : سلطان نشدته امنوه هو
سلطان : لا قالي سلم على ابوك وسار
ام سعيد : لاه ما اتخبره.... ما ايبولك خبر
بو سعيد : برايه جانه يبانيه بيي مره ثانيه ولا بيتصل عليه..... بخليج عيل مشغول شويه سلمي على لعيال وما اوصيج عليهم
ام سعيد : ان شاء الله.... ربيه يحفظك
................انرد حق وديمه وسلامي وأحمد....................
وديمه : يالله يا أحمد يعيبك اتشط بعمرك ..
أحمد : عراسج ما عليج انتي عنبوه انا هنيه وبتركبين فيا الدريول
وديمه : اسميك انك
أحمد : هاه شو سويتن فالامتحانات ربه سهل
سلامي : الحمدلله ان شاء الله خير والله يستر بس
أحمد : يالله يا حييج وانتي وديمه
وديمه : الحمدلله بس فيه شويت مطبات واشاير وتحفير
أحمد : هيه خطفتيهن المطبات والاشاير وظكيتي عن التحفير
وديمه : ما اطيع وانا بنت عمك
أحمد : هيه عيل ببلغ عليج
وديمه : شو مسويه
أحمد : رمستج ... اشاير ودنيا عنبوه
سلامي : ههههههههههههههههه هاي لغتنا انته اشدراك
أحمد : امحق رمسه
سلامي : وين هنه بيت عميه
أحمد : ادري بس بوديكن بقعه
وديمه : لاااا دخيلك ورانا دراسه
سلامي : هيه صدقها ما فينا يوم بنخلص
أحمد : يوم بتقبضن السكان ذيج الساعه الشورعندكن دامه عنديه هب حولكن
سلامه : هييييه فهمت وديمه عندنا لازم
أحمد : جب انتي جب
وديمه : بلانيه فديت روحيه
أحمد : ما بلاج الا العافيه هاي لبنيه فارطه
سلامي : افاااا انا فارطه
أحمد غمز حق سلامي وديمه ما انتبهت
وديمه : وين الحينه وين سايرين ؟؟؟؟؟؟؟؟؟

شو اتوقعون يستوي؟؟
أحمد وين بيودي وديمه وسلامه؟؟
سلامه اتعرف أحمد وين بيسير؟؟؟ يعني كانوا متفقين ؟؟
وشو سالفت رمست سلامه يوم قالت : هيه لانه وديمه هنيه ؟؟؟
فطامي بنت سلطان اتخبرت امها عشو يتشاورون امها بترد عليها ولا لاء وشو سالفتهم بعد ؟؟
والريال اللي يى عند بو سعيد شو يبا ؟؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 14
قديم(ـة) 13-07-2009, 12:11 AM
صورة رهوووفا الرمزية
رهوووفا رهوووفا غير متصل
©؛°¨غرامي نشيط¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


ربي يسلمك يالغلا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 15
قديم(ـة) 13-07-2009, 05:24 AM
صورة الزعيـ A.8K ـمه الرمزية
الزعيـ A.8K ـمه الزعيـ A.8K ـمه غير متصل
δЯέαмş
مستشــ¸.·* غرام *·.¸ـــاري
 
الافتراضي رد: رواية إماراتية / بالهداوه يا دوا المشتاق خذني بالهداوه


,’



بسم الله
و عليكم السلآم و الرحمة



يعطيك العـــآفية
موفقة بنقلك إن شــآء الله


و مية أهلين و سهلين




,’


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 16
قديم(ـة) 13-07-2009, 04:37 PM
صورة دلـع دبي الرمزية
دلـع دبي دلـع دبي غير متصل
©؛°¨غرامي جديد¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


ثانكس ع الخطفه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 17
قديم(ـة) 02-08-2009, 05:17 AM
صورة دلـع دبي الرمزية
دلـع دبي دلـع دبي غير متصل
©؛°¨غرامي جديد¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


بارت (( 4 ))

أحمد غمز حق سلامي وديمه ما انتبهت
وديمه : وين الحينه وين سايرين ؟؟؟؟؟؟؟؟؟
أحمد طول على صوت لمسجل ومطنش ولا حد رمس وكان حاط أغنية ميحد حمد مثل جميلي مسرعه اشويه وحلوووه

" مثل جميلي معك كمل جميلك مــــــــــعي
وانظر بعين الغضب والا بعين الرضـــــى
تسمع عن الاخطل وتسمع عــن الاصـــمي
لكن ابا اسمعك شــعر(ن) يـــــهز الفـضــى
لا تـــــــدعي ظــلم والله فوق يالمدعـــــــي
يالين تعدل وتــستوفي شوط القضـــــــــــى
ولا تشتكي قلــت الادراك قبل الوعـــــــــي
وخليك واعي وتترك كل شــتي(ن) مضــى
حضيت بي وانته تدري ويـــش هو موقـعي
لو كان غيرك حمد ربه على انـــه حضـــى
حرمتني صوتك اللي ل وصل مـــسمعــــي " وقصر لانه تليفونه صاح ( رن )


أحمد : مرحباااااااااا بالغاليه ) وديمه وسلامي اطالعن باستغراب ما فهمن (
...... : المرحب لا هان هاه فديتك انته وين
أحمد : فالشارع
....... : ويديه شو شارعه
أحمد : يعني راكب سياتيه وامشي فالشارع
...... : عنبوك وياها رمسه انزين يبتها اختك
أحمد : هيه فديتج ) بعدهن سلامه ووديمه يطالعن (
...... : انزين ومتى بتضوي
أحمد : يوم بودي بنت عميه بيتها خلاف بيي
..... : يا حيك لا اتأخر عسب ما تفرط عليهن الوقت حليلهن تعابا
أحمد : لا امايه ما عليج منهن ) سلامه ابتسمت ووديمه فهمت عليها كانن يتحرن أحمد يغازل جدامهن (
ام سعيد : لا عليه عن اتأخر تسمعنيه
أحمد : فاااااااااالج طيب عيوزيه
ام سعيد : عنبوك بعدنيه شباب
أحمد : ههههههههههه السموووحه الغاليه نسينا
أم سعيد : أهـا عن تنسى
أحمد : ان شاء الله
ام سعيد : يالله عيل برايك
أحمد : فمان الله
ام سعيد : فمان الكريم
أحمد : هيه وال اتحرنيه اغازل يا حيكن
سلامه : اقول الشيخ وين بتودينا ترانا تعبانات ما رقدنا هب شراتك شبعان رقاد
أحمد : لمي ثمج ما يخصج
وديمه : أحمد الشيمه والله ما رقدنا والله الحينه من شهر ونحن على هالحال نبا نرتاح ورانا ماده ثانيه والله يوم بنخلص ودنا وين تبا ما بنقول لاء انحصل حد يودينا وانقول لاء وطالعت سلامه هاه سلامي شو رايج
سلامه : هيه والله صدقها دخيلك
أحمد : سلامه انتي جب
وديمه : اشعنه حليلها
أحمد طالع سلامه : هي اتعرف اشعنه
وديمه : شو امسويتبه الريال
سلامه : ما شي فديت خشمي انا
أحمد : خسج الله وتتفديت عمرج
سلامه : هيه وديمه عادي اتفدا عمرها انا لاء
أحمد : كيفها انتي اتغارين
وديمه : خل عنكم هاه أحمد شو قلت
أحمد : بفكر
وديمه : دخيلك عشان خاطريه وغلاتيه عندك
أحمد : خلاااااااص خلااااااااص كله ولا غلاتج بردكن عشان خاطرج
سلامه : هيه
أحمد : يالله انتي بعد .....وطول على المسجل عقب ما رد.........

" شاغليني ابنظرت(ن) تشفي المشاعر بالوله
واجذبيني في عوالم تسحر القلب الحزيـــــــن
ادخلي بنور واثيري نار سرك تشعلــــــــــه
واسرجي النجوى اماني تكشف الكنز الدفـين
كل شي(ن) في حياتي لك يدين بمرحــــــــله
بصمتك فالروح ذكرى ما تواريها السنيــــن
تحضن احساسي طيوفك هو نزيل بمنزلـــــه
ولك حنين ما يفوقه فالبشر كل الحنــــــــــين
صادريني من ظلالك في خيالن اغـــــــــزله
تصبح الدنيا جناحه والخوافي به تبـــــــــــين
قربي صبرك وصبري فالليالي المـــــــــقبله
وابشري بسعد ليالي من بعد هم(ن) مـــعـين
الهوى لو كان نار الطيب مني بحملـــــــــــه
دام قلبك فيه نابض يا ضمير الطيبــــــــــين
انا من دونك سفينه والمواني محملـــــــــــه
موجك العالي متوه بالــسفينه والسفيـــــــــن
ودي انزل في فؤادك وادنوا منه واسـألـــــه
وين يا نبع المحبه عن اماني الوارديــــــــن
انا وانتي يا غناتي صرنا كل المســـــــــأله
ان سألتي وما سألتي صرنا احنا العاشــقين "

ووصل وديمه بنتها
أحمد : سامحينيه
وديمه : بالحل بس لا اتعيدها
أحمد : اوكيه تعالي كل يوم
سلامي : درسي زين وعن الهذربان
وديمه : اوكيك يو تو وثاااااااانكس عالتوصيله
أحمد : يا طويلة العمر لحساب 501 درهم
وديمه : سجل حساب
أحمد : اوكيه سلمي عليهم كلهم
سلامه : سلمي
وديمه : يبلغ وانتوا بعد سلمي ولا تحلمون فيه واااايد
أحمد : لا اذا حلمت ما برقد ما فيه ابا ارتاح وارقد
سلامه : ما عليج منه
وديمه : يا حظك اذا حلمتنيه
أحمد : ادري ***
وديمه : باببباي
سلامه : الله يحفظج
وساروا وهبطت وديمه البيت

و فاليل في بيت بو سعيد

سلامه نازله من الدري : خييييييبه راسي يعورنيه ما اروم اتحمل بينفج
ام سعيد كانت خاطفه سايره صوب الصاله : شمنه بنيتيه
سلامه : ما ادري.
ام سعيد : ها من قل الرقاد والسهر ... ما اتعيشين بعد يوم انقولج كلي كلي خبر خير
سلامه : امره ما اشتهي شي شو اسوي بعمريه
ودخلن الصاله
بو سعيد : هاه الغاليه بلاج رابطه راسج
سلامه : مسا الخير ابويه ... راسي يعورنيه ..... صدق متى يتوا ؟؟؟؟؟؟؟؟
بو سعيد : مسا النور... يينا العصر
سعيد توه حادر الصاله لانه كان يرمس فالتليفون فالحوش وجان يضرب سلامه على راسها
سلامه : اااااااااااااااااااااااااااااااااااااااااااااااااا اااااااااااااااااااييييييييييييييييييييييييييييييي ييييييييييي
سعيد : خييييييييييييييييييبه
ام سعيد : فديتك شو تباها راسها يعورها ما اتشوفها رابطتنه
سعيد : والله ما انتبهت... عاد من قوة الضربه
سلامه : هيه الحينه يالسه ادور في راسيه
سعيد : سلمي عليها
سلامه : هاها..
سعيد : تبين بندول
سلامه : ما ينفع تونيه ماكله
ام سعيد : كلتيها بدون ما تاكلين عيشه قبلها
سلامه : لا امايه كلت تفاحه وخلاف كلت البندول
ام سعيد : اشوى هب زين
سلامه : ادريبه ......... وسارت وانسدحت على ريل امها... ويلست الام اتهمز راسها عسب اتسير تدرس
أحمد ياي من خاري
أحمد : السلام عليكم
الكل : عليكم السلام
ام سعيد : يا حيك يوم ضويت ) ابتسم وسار يوايه ابوه واخوه وامه (
أحمد : واشحالك ابويه
بو سعيد : ابخير يسرك حاليه
أحمد : والمعونه سعيد
سعيد : تجفيك لمهونه
أحمد : يا حيكم ... هاه شو سويتوا هناك رب ريتوا اللي تبونه
بو سعيد : الحمدلله لكن يا بوك بعدنيه بتشاور وخلاف بنرد مره ثانيه
أحمد : هيه بس لا اتباتون لانه البيت بلاكم امره هب عند حد
ام سعيد : هيه ثرك دوم يالس فيه
أحمد : فديت عيوزيه انا شباب اتعرفين
ام سعيد : هيه كم مره اقولك عن هالرمسات الفارطه جدام ابوك
أحمد : أي رمسه فارطه فديتج
سعيد : اشعنه اتقولها عيوزيه جدام ابوك الحينه بطيح من عينه
ام سعيد : وانته بعد ما اتلم ثمك عنبوك زاد يالماصخ
أحمد : ههههههههههه حليله
بو سعيد : جيه ام سعيد ما تبين حد يقولج عيوز
ام سعيد : طالع الريال توه وصله الارسال
الكل : هههههههههههههههههههههههههههه
سلامه : علمووووها بعد ارسال وذبذبات
أحمد : هيه شو اتحرين عيوزيه عيل ) بالعاني عاد هالكلمه ( تعالي وانتي اشعنه مرقده على ريلها يالبزى نشي
سلامه : ما ابا عراسك وبرقد على ريل ابويه جان ما يسدك
ام سعيد : ايه حشمي عنبوج عيب شو هالرمسه
بو سعيد كان يحاول يتصل
سعيد : سلامه نشي سيري درسي ما باقلج شي بتخلصين وبتفتكين
ام سعيد : هيه صدقه اخويج نشي فديتج
بو سعيد : المرحب باجي... واشحالك ابويه
منصور : ابخير وسهاله ... اشحالك انته ابويه
بو سعيد : ابخير ونعمه.. وين فالدار من فير الله
منصور : الا هنيه
بو سعيد : وين عاده
منصور : عند الشباب فالمول
بو سعيد : قنصت شي ولا بعدك
منصور : هههههههههههههههههههههههههههههههههه ما يهمك ابويه .. شو فخاطرك
بو سعيد : ابطيت ابويه ما شفتك
منصور : فالعين انتوا
بو سعيد : ايها من العصر
منصور : خلاص الحينه بييكم الغالي
بو سعيد : ما عليه انترياك... فداعت الله
عقب نص ساعه
سلامه : عيل بسير فوق ابا ادرس ما فيني
ام سعيد : ما عليه سيري احسن لج
ويوم كانت توها بتركب الدري لانه منصور توه حادر من الباب ولمح سلامه جنها بتسير فوق سار صوبها
منصور : هاه بيت سالم اشحالج
سلامه : ابخير
منصور : انتي يا الخايسه حركاتج هاي مب علي تسمعين
سلامه : أي حركات بعد انته والله ما فيه عليك ياي من خاري ويهازب بعد
منصور مسكها من ايدها ويرها : اقول والله .. والله ان فكرتي بس تفكير انج اتعيدين حركاتج ما اتلومين الا عمرج اوكيه انا ما بضارب وياج لانه ابويه شافنيه يوم احدر ولا سلمت عليه والله حشمتن فيه بسكت عنج هالمره لكن والله ورفجتج يا اتشوفين شي(ن) ما يعيبج تفهمين.. دزها وسار عنها
سلامه : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

خلصن الامتحانات وافتكن

وديمه : يالله اسمينيه ارتحت
فلاح : شو سويتي فالامتحانات
وديمه : لا اتخبر الله يستر بس
محمد : جيه متى النتايج قالولكم..
وديمه : والله يا بو جسيم ما ادري قالوا بيطرشون مسج ترانيه اشتركت فالخدمه
محمد : هيه الله يوفقج عيل شو رايج انسير بقعه جيه انغير جو
وديمه : اسميه راي غااااوي وعيبنيه بدون ما اتقول شو هالبقعه
محمد : الوالد ولا الوالده بيخببرونكم
فلاح : تم
حمد توه حادر
حمد : السلام عليكم
الكل : وعليكم السلام
حمد : يا حيكم كلكم هنيه
فلاح : هيه
حمد : عيل وين الوالد والوالد ودلوعنا منصور
فطامي : ساروا صوب يدي ويدوه
حمد : هيه يا حيهم شوابنا
محمد : يتخبرون عنك ايقولون امره ما يخطف صوبنا ولا يسلم
حمد : يا بوك كله طايح عند الشباب ولا افضى
محمد : عنبوه بيلهونك ولا بيقبضونك عن هلك افااااااااااا يا بو شهاب
حمد : لا ان شاء الله باجر الصبح يوم بنش بخطف عليهم بعد ما فيها على الشواب وزعلهم
محمد : رايين حي وشل فياك فلاح وفطامي و ودوم
حمد : لا ما فيه عليهم
وديمه : افااااااا يا بو شهاب اهون عليك تونيه مخلصه امتحانات
حمد : لا والله كله ولا ودووم فالج طيب خلااااص
فلاح : هيه ونحن لاء
فطامي : هيه وديمه دوم وياه لازم
محمد : بسكم عاد انتوا اخوانه وبيوديكم كلكم
حمد : تعال وانته اشعنه ما اتوديهم
محمد : انا دوم عندهم وتونيه راد من هناك وباجر مشغول اشويه بسير فيا سعيد ولد عميه عندنا شغل شمال
وانته ما وراك مونه وامبونك الا ساير وبتسلم ما بيطيح نصك اذا شليتهم..
حمد : انزين ...
الصبح
حمد اتصل على منصور ولد عمه جانه بيسير فياه صوب يدهم ويدتهم ،منصور وافق وعرف انته حمد بيشل اخوانه بس يتحراه بيشل فلاح وفطامي ومنصور
حمد : فطامي وينها ودووم عنبوه اتاخرت
فطامي : الحينه يايه
حمد : فلاح سير شغل سيارتيه واركب من ورى لانه بنخطف على منصور ولد عميه ...... فطامي شلي منصور ولحقيه
فطامي : اوكيه
وشوي
حمد: يا حيج يوم اتصدقيتي ويتي عنبوه فضحتينيه الريال يتريا من الصبح
وديمه : انزين.. وبعدين أي ريال
حمد : وانتي شلج يالله عن الرمسه الزايده وركبي السياره.
وديمه : وين فلاح وفطامي
حمد : فلاح وفطامي ومنصور كلهم من الصبح فالسياره يتريونج
وديمه : شليتوا منصور.
حمد : هيه يلس يصيح ما هان عليه وجان اشله
وديمه : يا حيك
وساروا وركبوا السياره
وخطف حمد على منصور ولد عمه
وديمه : ليش خطفت على بيت عميه
حمد : منصور بيسير فيانا
وديمه : يا ربييييييييه
حمد : هاه بلاج
وديمه : ما شي
منصور الصغيروني مسوي حشره فالسياره ويا فطامي لانها اتراوشه
فلاح : حووه انتي صدعتينا عنبوج ياهل
فطامي : ما يخصك تسمع
حمد : يعلكم الحشره من جيه ما ادني اودي حد ويايه
وديمه كانت سرحانه اتفكر تختار بقعه عسب يسيرون لها
وركب منصور..
منصور : السلام عليكم واتوايهه ويا حمد وفلاح ومنصور الصغيروني
الكل: عليكم السلام
حمد : سامحنيه اتأخرت عليك
منصور : شسويبك عاده
حمد : هذا بدال ما اتقول مسموح
منصور : انزين وشو اخرك
حمد : بنت عمك اخرتنيه
منصور : فطامي هاه احيدج اول وحده تركبين السياره
حمد : لاء ودوم
منصور : هيه
وديمه كانت متغيضه قالت اكيد الحينه بيبدأ
منصور : اقولك يمعه سواليه يتخبر عنك يقول يسويلك وما اتشله
حمد : هيه ادريبه ما فيه عليه حشرنيه
منصور : هيه شو يباك
وتموا يرمسون وديمه قالت غريبه منصور ما علق وال حشم من حمد يالله احسن افتكيت من الازعاج
وصلوا بيت يدهم ويدتهم نزلولاوسلموا وفرحوبهم
اليده : عنبوه يا يو شهاب امره محد يشوفك
حمد : شو انسوي يدوه سامحينيه
اليده : مسموح الغالي..
منصور : يدوه انا احسن امنه ايي اسلم صح
اليده : هزري الا شراته
حمد : خيبه القط ويهك عن لا يضيح منه شي
اليده : شو هالرمسه القط والقط
كلهم : هههههههههههههههههه
وديمه : لا يدوه نحن الحينه يوم نبا انعايب على حد انقوله جيه
اليده : ويديه واشعنه اتعايبون هب زين العيب بلى ومن عيب ابتلى
منصور : لاااء يدوه مب انعايب عنبوج اتفهمينها غلط... لاء بس نتغايض يدوه
اليده : واشعنه اتغايضون اخوان انتوا
حمد : ما عليج منهم يدوه انا ما احب اغايض حد ابروحه البادي يعايب
منصور: ايييييهاااااااا امنوه اللي قال القط قبل
حمد : انته انا ريالن حشيم
اليده : صه عنبوكم بتضاربون جداميه حشموا
فلاح : يدوه وين يديه ما اشوفه
اليده : عنده ريالييل وعمكم راشد و مطر عندهم
منصور : مطر هنيه
اليده : هيه امس راد
حمد : الهرم ما اتصل ولا قال يى اراويه
اليده : ويديه اشّوه جيه
وديمه : ههههههههههه ما عليج منهم يدتيه واشحالج بعد
اليده : ابخير وسهاله هاه خلصتي كتبه
وديمه : هيه الحمدلله من يومين
فطامي : شو كتبه يدوه
وديمه : يالخبله يعني مدرسه
فطامي : هيه
حمد : اشدراج انتي
منصور : صبروا بسير بيي
حمد : لا تبطي
اليده : بلاه منصور
حمد : حد متصله
اليده : هيه واشحال هلكم وانته وين محد ايشوفك اتولهنا عليك فديتك...
حمد : تتولهه عليج العافيه يالغاليه
وديمه : انزين حمد سير عند الرياييل عيب عليك
حمد : ما فيه متولهه على يدتيه
اليده : لا فديتك عيب سير عندهم وخلاف تعال اليوم ما شي سيره الا عقب ما اتعشون خلاف ابصّركم وين تبون اتسيرون برايكم ربي حافظنكم
حمد : اممم ما عليه الغاليه ... فلاااح قم يالله انسير الميلس
وساروا و منصور سار يلعب ويا عيال عمه راشد و فطامي يالسه عند يدتها
وديمه : بسير طشونه وبيي
اليده : برايج الغاليه
سارت ودوم صوب الصاله ولانها تسمع صوت وشوي عرفت انه منصور ما فطنت الرمسه كانت الدريشه امبطله سارت صوب الدريشه ولانه منصور يرمس فالتليفون حست انه يرمس وحده وقالت في خاطرها: مب بعيده هذا يغازل شي عادي وردت عند يديتها ما اتحب تيلس تسـّمع العرب
ويلست اتسولف ويا يتدها وعماتها وبنات عمها

بنسبه حق اليد واليده بعرفكم بعايلتهم
اليد و اليده و عيالهم : العود راشد ويالس وياهم فالبيت معرس وعنده 3 بنات كبار معرسات بقت وحده بعدها ما عرست عمرها 18 سنه وواحد من الاولاد معرسين وباقي 2 بعدهم (( برد اعرفكم على عايله راشد بعدين )) / خلاف سالم (( بو سعيد )) / سلامه معرسه وعايشه في بوظبي لانه ريلها من هناك / فاخره و مريم معرسات بخوان في سويحان / سلطان (( بو محمد )) / واخر العنقود مطر مب معرس عمره 20 سنه

فاليل قبل العشا كلهم يالسن
اليده : وينه تليفونيه ..>> اطورن العيايز بعد موبايلات
منصور : تحتج امايه
اليده : ويه ما شفت جان كسرته
اليد : كسريه امه وافتكي اسميج كبرتي وعيزتي
كلهم : ههههههههههههههه
اليده : يا ويلي عليك بعدك شباب ثرك
اليد : انا ما قلت بس بعدنيه بقوتيه الحمدلله
اليده: جيه شايفنيه متكسره
اليد : لا بس ما اثورين ودومج بهالعجويه (( العصا ))
اليده : اسكت انته عن الحشره خلنيه اشوف
كلهم ميتين من الضحك
اليده : حمد ابويه كم رقميه
اليد : هههه حليلها من عيوز تبا رقمها وانتي اشدراج..
وديمه : يا ربيه بطنيه عورتنيه
اليده : ويديه من شو بخليهم يسويلج ينزبيل (( جنزبيل ))
كلهم ما توا ضحك
فطامي : بطنها عورتها من الضحك يدوه
اليده : ويديه اشعنه تضحك
اليد : تراج مضحكه
حمد : صدق شواب هههههههههههههههههه
اليده : وايه حمد ترانيه اقولك اكتبيليه رقميه بعطيه يارتنا تباه تبا اترمسنيه
اليد : اتعلمتي ترمسين فالتليفونات بعد يا حيج والله من عيوز
حمد : ان شاء الله وكتبه لها وعطاها
مسكته اليده : شو هذا كتبته زين
حمد : هيه امايه
منصور : امايه اتعرفين تقرينه
اليده : لا يا بوك اعرف اقرا قوران
اليد : منصور اسميك ....وين اتعرف تقرا هاذي
وديمه ما رامت ترمس من الضحك هيه وفطامي
حمد : فطامي ودوم بسكن عاد يالله جنكن من سنين ما ضحكتن
منصور : خلهن يا ريال
البشكاره يت : خلاص عشى
اليد : عيل يالله شباب منصور / حمد / فلاح يالله وانتوا بعد محد بيعزم عليكم يالله
وديمه : يدي وانا ما تباني اتعشى فياكم
اليد وهو يطنز : لاء الحرمات خلاف الريايل اول وينه ابويه (( منصور بن سلطان ومنصور بن سالم مسمايين منصور ابو يدهم محمد ، وعشان التوضيح تراه منصور الصغير اسمه منصور سلطان محمد منصور ال....ي )) (( الحينه واضح صح عسب جيه اليد قال وينه ابويه )).....
وديمه : منصوري هناك يلعب .....
اليده : ويديه شو منصوري بعد رمسي عدل سيري هاتيه
وديمه : السموحه اميه
اليده : مسموحه بس هب اتعيدينها يالله هاتيه عسب يتعشى فيا يده
وديمه : ان شاء الله وسارت يابته
عقب ما خلصوا وادعوهم وساروا يركبون السياره
فلاح ركب ورى حمد وفي النص فطامي وجدامها منصور الصغيروني حمد ومنصور العود بعدهم ما ركبوا وسارت وديمه ولحقوها حمد ومنصور صوب الرنج عسب يركبون
حمد ركب ووديمه ومنصور ساروا الصوب الثاني عقب ما عرفت وديمه انه فلاح ركب محلها لانها ما تبا تركب ورا منصور وكانت متغيضه على فلاح وفي خاطرها : فليّح السبال براويه فالبيت اقوله بس معاند ما عليه
حمد ركب وسكر الباب منصور توه ودوم اضاربهمم تباهم يبطلون الباب لانه منصور الصيروني قافل الباب وعايبنه
وديمه : منصور فج
منصور العود لف ويهه صوبها يطالعها
وديمه : لا هب انته خويه ... يالله عاد فج وال ما بعديك حلاوه ... فطيم فجي عد تستهبلين حضرتج
منصور العود ركب وفج عن ودوم لانه حمد يرمس فالتيلفون وفلاح بعد وفطامي عايبنها ومنصور الصغير امعاند وديمه استغربت ويه منصور يفج عنها
وركبت وديمه
وديمه : يالسباله اشعنه ما اتبطلين هاه
فطامي : منصور ما خلاني
وديمه : ما عليه منصور قو ودوم ودينيه ما عليه .... وانتي ياهل يغلبج واااايه سفيتي من بنت
فطامي : جب جب
حمد اشر عليهم لانه يرمس فالتيلفون
وديمه : منصور مشكور
منصور : العفو تعالي كل يوم
وجان يشغل منصور المسجل

وتم يبدل وخلاف وقفها على اغنيه ميحد اليديده يوم سمع
عازف الناي.. كلمات الشيخ احمد بن محمد بن راشد ال مكتوم ... الحان فايز السعيد........ غناء ميحد حمد / راشد الماجد / عبد المجيد عبدالله

وجان يطوووول عليها

" يا فكري المحموم مضيق مجــالك
ما هزّفك مطرب ولا عازف الــنـاي
سريت مع همك وفي ليل حالــــــــك
والهم غطاني من اقصاي لاقصــــاي
ضاقت بعيني واسعات المســــــــالك
يوم اندمج حبي بطيبة نوايــــــــــاي
جرحت قلبن بالمحـــــبه سعالـــــــك
يوم اعتبرتك كل كوني ودنـــــــــياي
مثلت له حبك وبالحب جالــــــــــــك
ويقول لك امر على الروح مـــولاي
قدمت روحي فالمتاعب فدالـــــــــك
اطلب رضا نفسك ولا همك رضاي"

منصور : اسميها طر
حمد : هيه والله اسميه ميحد مكسر التيم
منصور يسوي عمره ايوول
منصور العود لف وييه ولانه منصوري ايول يونه وجان ايول وياها حمد طالعهم من المنظره ..
حمد : هيه هيه منصوري يابس يابس عاش بن سلطان
فطامي ودوم يصفقن وفلاح يطالعهم ويضحك مب مرتبش يحس عمره تعبان وراسه يعوره
منصوري مط سفرة (( غترت )) منصور بن سالم وضهر شعره الطويل
فطامي تضحك عليهم منصور بن سالم يبا يشل سفرته من منصوري بس هب طايع سار وفرها جدام ودوم ودوم كانت صاده صوب الدريشه ولفت ولانه سفره جدامها سمعت منصور بن سالم يقوله هات سفرتيه عرفت انها سفرته منصور الصغير طايح عليها وزعلان ليش منصور العود اييول فياها يبا ابروحه ايوول حركات بعد اليهال
منصور بن سالم : منصوري خلاص ما بيول عطنيه سفرتيه
حمد : دواك حد قالك اتحدى منصور بن سلطان
منصور : السموحه طويل العمر اخر مره ما بعيدها
منصوري : لااااااااااء انته ليش يول
منصور : ليش يول عشان افازعك
منصوري : لاااء انته نت نايس
منصور : نايس ههههههه علمتوه نايس
حمد : هاي وديمه ما اتقصر فيه والفلبينيات اليي مكودات فالبيت
منصوري : اجديتوا
فطامي : قولوا ما شاء الله
منصور : منصوري انته ما اتحبنيه
منصوري : اليوم لاء
منصور : ليش
منصوري : ليش ايول انا خليني هيه هيه
منصور : حد يترجم لو سمحتم
حمد : جيه يرطن هو ....تراه يرمس عربي مواطن بدوي حتى النخاع
منصور : عيل ضوليه رمسه وحده بس
حمد : ما عليه منصوري ليش ما اتحب منصور كبير
منصور : كبير فخشمك تونيه شباب
منصوري : هو ايول لا يخليني هيه هيه ايول
حمد : هيه ايقولك ما اتحشمه انته يوم شيخك يتغيض انته تسكت
فطامي : هههههههههههههههه يا الجذب
حمد : خرون انتي بعد
منصور : واشعنه اتسكتها الا يوم شفت عمرك ما عرفت اضوي شي من رمسته اتلومنيه يالله يعلنيه افداك يا منصوري اشقايل احبك
حمد : فطامي شو ايقول ضويلنا رمسته
فطامي : ايقول ليش منصور ايول وما يخليه ايول
منصور : يا الجذب ما سكنك انا يا ولد سلطان
حمد : هيه صدقه الريال اشعنه ما اتخليه عراحته لازم اضيق عليه
منصور : ما يسوى علينا يا بوك حشى ما بنيول اهم شي ترضى علينا
حمد : غصبن عنك
منصور : يالكلب ما يخصك رمست رياييل بينيه وبين السّمي انته اشلك يالله
وسار يدور اغنيه عسب يراضي منصوري
منصور : منصوري شو تبا اغنيه
منصوري : عالي عالي
منصوري : شو هالاغنيه بعد
فطامي : شلها عالي
حمد : اسمع مترجمتنا
منصور : ويه اطوري وصلوا اغنية سما دبي والحينه يسوون غيرها وانته بعدك يالله عشان خاطرك

" شلها عالي صاحب الذوق
محمد اللي بتفكيره تهيا "

ما كملت الاغنيه والا وهم واصلين بيت منصور طبعا حمد قصر عليه وتم منصوري محتشر يباها الاغنيه
على باله منصور انه منصوري يباه
منصور : هاه فديتك منصوري بلاك اتصيح تبانيه
منصوري : لااااء ليد عالي عالي
حمد : خييييييييبه فالويهه القط.. عنبوك يا منصور ضيعت اليوم وايد من وييهك الله يعينك بس
منصور : جب جب ... وينها سفرتيه
وديمه : هاذيه ... (( طالعها بنظره وانتبهت عليه بس طنشت ... يت بتعطيه السفره لكن منصوري ما خليها منسدح فوقها ))
وديمه : منصوري قووم الريال يباها عيب
منصوري : لاء انا لاحبه ليوم
وديمه : انزين احسن لا اتحبه بس عطه السفره شوف خايسه يعععع
منصور: حوووووه خايسه فعينج
وديمه : في عيني اوكيه ما تباها منصوري حبيبي حقك السفره خلاص
حمد : انتو ايه حشموا ... منصوري عطه السفره
منصوري : لااااااااااااااء
منصور : برايه تفداه ولانه بعض الناس صكوها ما اباها جزيتها (( وطالع وديمه بنظره خايسه ))
وديمه : لك الشرف اصلا يوم الا بنت سطان بن محمد صكتها
منصور : لا دخليج ما اتحمل
حمد : ايييييييهاااااااااااا جداميه جيه عيل من ورياه اشقايل لمثي ثمج عنبوه اتياحدين ويا الريال عنبوكم كبار انتوا لو بعدكم يهال
منصور ضحك ووديمه اتغيضت خاصه من ضحك منصور زاد غيضها
وديمه : اوووووووهوووووووو لو دريت ما ييت
حمد : يالله عاد...... منصوري
منصور : حمد برايها السفره تفداه السمي يعلنيه افداه جان الا يباها وخاطره فيها امره واصله
حمد : هيه هب يديده لو يديده جان مطيتها منه بالغصب
منصور : اتخسي الا انته جان عينيه من السفر وشو رايك انها ايديده اول مره البسها عنبوه لو بعدك ما فيك اعيون ما اشوفها
حمد : خلاااص عرفنا انها ايديده
وتموا على هالحال
فطامي : حمد بسك عاد فلاح تعبان
حمد : بلاك فلاح
فلاح : ما ادري آنس عمريه تعبان وراسيه عورنيه
منصور : شفتك فالميلس والله انك
حمد : انزين جان رمست والله لخطفك عالدختر مناك وهناك
فلاح : ما رمست اتلومت فيديه ويدتيه وبعدين ما بغيت اعبل عليك
حمد : يالله يا فلاح كله ايهون فطامي اتهيسيه فيه حمى
فطامي : اضني (( وجان اتقوم وديمه واتهيسه ( تتلمسه ) ))
وديمه : هيه
حمد : سكر سكر الباب (( عسب منصور بن سالم )) .... وجانك بتخاوينيه يا حياك بس بنزلهن البيت وبوديه الدختر
منصور : لا والله بخاويك
حمد : هب اتخبرون امايه عن لا اتروع قولوا سرنا انحوط ويا منصور وخلاف بني
كلهم : انزين........ وساروا ونزلوا وديمه وفطامي ومنصوري ... وودوا فلاح الدختر
فطامي + وديمه : السلام عليكم
ام محمد : وعليكم السلام والرحمه
سار منصوري وعنده سفرت منصور وربع صوب امه يحبها
ام محمد : هاه منصوري وين سرت
منصوري : عند ادوه
ام محمد : الله وحبيتها
منصوري : لاء
ام محمد : وايه اشعنه
منصوري : مب حلوه ادوه
كلهم ضحكوا
ام محمد : عيب هاي يدتك... سفرت امنوه هاي
فطامي : منصور بن سالم
ام محمد : ويديه واشعنه يايبنها
فطامي : تراه سار ويانا فالسياره وخلاف منصوري يال سار منصور بيول وياه واتغيض عليه
ام محمد : اسميك انك صدق ولد ابوك شراته ضاهر... وينه عيل فلاح وحمد
فطامي : حمد سار..................



تتوقعون فطامي بتقول حق امها حمد وين سار؟
وديمه بتخليها؟
وفلاح شو بلاه ؟

انتظروا باقي الاحداث


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 18
قديم(ـة) 07-08-2009, 09:58 AM
صورة رهوووفا الرمزية
رهوووفا رهوووفا غير متصل
©؛°¨غرامي نشيط¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


يسلمو حياتي على الروايه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 19
قديم(ـة) 24-06-2010, 10:32 AM
بنت الابلاد بنت الابلاد غير متصل
©؛°¨غرامي جديد¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


جناااان القصة بس نبا منج باقي البارتات

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 20
قديم(ـة) 08-10-2011, 10:56 AM
صورة خـ ج ـل الرمزية
خـ ج ـل خـ ج ـل غير متصل
©؛°¨غرامي مشارك¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


لي عودة بعد ما أخلص قراءة

الرد باقتباس
إضافة رد
الإشارات المرجعية

بالهداوه يا دوا المشتاق خذني بالهداوه / كاملة

الوسوم
.."*... , .."*..بالهداوهـ , المشـتاق , اماراتيه , بالهداوهـ , خذني , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية غصب عني / الكاتبة : شوق المشتاق ، كاملة !! زهور الريف !! روايات كامله - يتم نقل الرواية هنا بعد اكتمالها 1073 11-02-2017 06:16 AM
و للأيام قرار آخر / كاملة Ramadi73 روايات كامله - يتم نقل الرواية هنا بعد اكتمالها 79 13-01-2016 05:12 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 04:54 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1