اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 31
قديم(ـة) 10-10-2011, 01:01 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه


..×'؛..\\ ......... بيت بومحمد ((سلطان ))......// ..×'؛..

بو محمد : فلاح هات تليفونيه بطالع منوه مطرش مسج
فلاح : ان شاء الله بويه .....) ويابله الموبايل (
بو محمد فجأه ابتسم وفرح : وينها ودوم زقروها
فلاح : شو طلعت النتايج
ام محمد : بشرنا ربها انجحت
بو محمد : قلت لكم زقروا ودوم يالله
فلاح : انزين...) وسار يزقرها (
فلاح : وَدَيــّــمْ
وديمه : بلاك..
فلاح : ابويه يباج تحت بسرعه بسرعه
وديمه : شو المستوي..
فلاح : ربعي شي مهم
وديمه : صدق والله شوه
وسارت تربع تحت
وديمه : عونك ابويه... شو في خاطرك ) طبعا وهي مرتبشه ما تدري شو السالفه (
بو محمد زعلان ومغندم (( مغندم = زعلان )) : عانج ربج ... طلعن النسب
وديمه : لااااااااااه سيماهم على وجوههم... ابويه خلاص لا اتقول عرفت.. والله حرام ونزلت دموعها وضهرت برى الصاله تبا اتسير فوق
بو محمد : ازقرها وين سارت هاي
ام محمد : لا اتقول ما يابت نسبه
فلاح : ودوم تعالي ابويه يباج
وديمه : ما عليه قوله السموحه منه بس ما اروم ابا ايلس بروحي
بو محمد ضهر لها : ودوم
وديمه : ابويه والله خلااااص
بو محمد : طالعيني انزين وخلاف سوي اللي تبينه
وديمه لفت وبه : لبيه
بو محمد : لبيتي حايه (( حاجه ))..... مبروووووك
وديمه : على شوه مبروك...ما استاهل
بو محمد : اشعنه ما تستاهلين
وديمه : هيه نجحت بس نسبه خايسه .. يا الله
بو محمد : انتي شفتيها
وديمه : لا بس من نظرتك
بو محمد : بلاها نظرتيه .. فرحان لانه بنيتيه يابت النسبه اللي ترفع الراس مبروووووك يا الغاليه
وديمه : ابويه انته شو اتقول كم يبت
بو محمد : 92.6 % >>> علمي
وديمه فجت حلجها : امنوه هاي انا صدق ............... وربعت عسب تلوي على ابوها
فلاح يضحك : مبرووووووووووووووووووووووووووووووووووووووووووووووو وك
ام محمد : يالله فديتج يا ربيه مبروووووووووووووووووووووك ... يالله يا سلطان طيحت قلوبنا عند ريولنا
بو محمد : ما عليه رديه الحينه... مبرووووووووك غناتيه
وديمه لاويه على ابوها ومتيه صياح : الله يبارك فيك يا الغالي
ام محمد : بسك خلني الوي عليها
وديمه ضحكت ولوت على امها
ام محمد : فديت روحج مبروووك يالغاليه تستاهلين
وديمه : الله يبارك فيج حبيبتي امايه
فلاح : هيه عيل ما بقى حد هنيه انا بعد دوري
وديمه ضحكت : واقدر اخليك ) وسارت تلوي على اخوها (
فلاح : مبروووووك مره ثانيه
وديمه : الله يبارك فيك عقبالك الغالي
فطامي نازله من فوق لانها سمعت الحشره تحت وفي نص الدري..
فطامي : بلااااااااكم روعتونيه شو المستوي
فلاح : تعالي باركي لاختج نجحت ويابت 92.6 %
فطامي : صدق والله ) ونزلت تربع عسب اتبارك حق ختها (
فطامي لوت على ودوم : مبروووووووك ودوم عاد نبا حفله
وديمه : الله يبارك فيج عقبالج... وانتي ما همج غير الحفله
فطامي : لا همي كل شي لوووووووول
وديمه : ههههههه سباله
بو محمد : وليش اتصيحن انتن
وديمه : منوه بعد يصيح
بو محمد : امج
فلاح : خلها من الفرحه لازم اتصيح
وردت ام محمد تلوي على بنتها مره ثانيه
بو محمد : سيري سوي لخوانج وبشريهم
وديمه : ان شاء الله ......وسارت تتصل
محمد : مرحبا
وديمه : السلام عليك
محمد : عليج السلام مرحبا
وديمه : محمد اشحالك
محمد : يسرج حاليه ومن صوبج
وديمه : طايره من الفرح
محمد : عساااه دوووم...
وديمه : انزين ما سألت ليش
محمد : ليش ؟؟
وديمه : طلعن النسب
محمد : مبروووووووووووووووووووووووووووك
وديمه : الله يبارك فييييييييييييك يا ربيه
محمد : هاه كم يبتي ؟؟؟
وديمه : ختك الحلوه يابت....... كم تتوقع
محمد : 85%
وديمه : لااااااااااااااااااااااا
محمد :يالله قولي
وديمه : ودوم يابت 92.6 %
محمد : مبروووووووووووووووووووووووووووووووووووووووك يالله الحينه ياي البيت
وديمه : اترياك
وسارت تتصل حق حمد
حمد : الوه
وديمه : السلام عليكم
حمد : وعليكم السلام والرحمه
وديمه : حمد اشحالك
حمد : بخير يسرج حاليه
وديمه : وين؟؟
حمد : فشوارع العين
وديمه : ابشاره
حمد : شو
وديمه : شو تتوقع
حمد : ما ادري يالله رمسي
وديمه : امممممممممم نجحت
حمد : مبروووووووووووووووووووك.. كم يبتي
وديمه : 92.6%
حمد : مبروووووووووووووووووووووووووووووووووووووووووووووك صدق انج اختي طالعه عليه شاطر
وديمه : هيه صدق
حمد : انزين برايج الحينه مشغول
وديمه زعلت : اها يعني ما فرحت اوكيه
حمد : والله انيه فرحت ودوم لا تزعلين
وديمه : لا كيف ازعل على بوشهاب اخويه... برايك
حمد : الله يحفظج
حمد يونه مشغول كان يبا يشتري هديه حق اخته عسب ايكون اول واحد يهديها

..×'؛..\\ ......... بيت بوسعيد ((سالم ))......// ..×'؛..

سلامي : لحقوا ضهرن النتايج
ام سعيد : وين هنّ
سلامه : ما ادري بس الحينه اربيعاتيه دقن اونه ضهرن النتايج
ام سعيد : بنسير نتشرى جريده
سلامه : لا امايه فالجريده بعدهن ما ضهرن بس يطرشونهن مسجات
ام سعيد : واشعنه ما طرشوهن لنا
سلامه : اكيد طرشوهن عند ابويه
ام سعيد : هاتي تليفونيه بسوي له
أحمد كان يبا يضهر مستعيل
أحمد : يالله بسير انا شي في خاطركم
سلامه : لا لا
أحمد : بلاج جيه شو المستوي
سلامه : هاه .. هيه... أأأأأ...... التوايج طاحن
أحمد :؟؟؟؟؟؟؟؟؟؟؟؟؟؟
سلامه : عنوي (( اقصد )) النتايج ضهرن
أحمد : هههههه انزين بلاج جيه
سلامه : مت رو عه (( متروعه )) يا ربيه خلاص انا ما ابا نتايج عفتهن
أحمد : هدي هدي ... ان شاء الله خير
سلامه : ان شاء الله
وتوه بيضهر بيلبس نعاله
ام سعيد : سلاااااااامي
سلامه : لا خلاص انا بسير اكيد راسبه
ام سعيد : مبرووووووووووووووووووووووووووووووووووووووووووووووك
سلامه : صدق والله... صدق
أحمد رد يوم سمع مبروووووووك
ام سعيد : فديتج يا ربيه تعالي
وسارت تلوي على امها...
سلامه : امايه كم يبت
ام سعيد 89.9 % >> ادبي
سلامه : صددددددددددددددق.. وصاحت
أحمد ابتسم : سلامي مبروووووووووووووووووك
الام كانت اتصيح وسارت سلامي صوب اخوها وجان يلوي عليها
سلامه : الله يبارك فيييييييييييييييييييييييك..... يا ربيييييييييييه مت من الروعه
احمد : ودوم ما شفتيها كم يابت
سلامه : لااااااء الحينه بدق لها
أحمد : وبشريني
سلامه : انزين
احمد ضاره من البيت منصور حادر لانه ناسي شي بيشله وبيضهر ولانه يلاقي الام اتصيح شوي
منصور: امايه بلاج اتصيحين ؟!!!!!!!!!
ام سعيد : ما بلاني الا العافيه
منصور : لا صدق
ام سعيد : ختك
منصور : منو منهن
ام سعيد : سلامي
منصور اتروع : بلااااااااهاااااااااا
ام سعيد : نجحت
منصور : يالله روعتينيه قلت فيها شي ورى هالصايح... انزين لا اتصيحين
ام سعيد : يا بوك اصيح من الفرحه
منصور : كم يابت ؟؟؟؟؟؟؟
ام سعيد 89.9 %
منصور : يا حيها بن سالم وينها بسير ابارك لها
ام سعيد : داخل اترمس ودوم بنت عمك
منصور سار صوبها
سلامه طالعته.. منصور سار صوبها ولوى عليها
منصور : مبرووووووووووووووووووووووووووووووووووووووووووووووو وك يا الدبه وثرج مب هينه
سلامه : صبري ودوم......... الله يبارك فيك... والله اكبر عليك عن تضربني عين ^_*
منصور : ههههههه عيني انا بارده اللي اضربه ابها ينجح
سلامه : هههههههههههههههه ثااااااااااااااااانكس منصور
منصور : العفو ..... يالله عيل انا بسير مستعيل
سلامه : برايك.....سوري ودوم اتأخرت عليج
وديمه : لا عادي.....
سلامه : هذا منصور يى عسب يبارك ليه
وديمه : هيه يا حيه... اقولج بخليج التليفون حاشر البقعه اكيد حد من الاهل وال اربيعاتيه
سلامه : والله صدقج حتى انا من الصبح التليفونات ما وقفت
وديمه : اوكيك.. برد ارمسج بباي
سلامه : الله يحفظج
عواش يابت 80.3% وشميم يابت 72.1 % لطوف يابت 77.3%
و سالم ولد خالهم محمد هو ادبي ياب 80 %

وقبل الغدا محمد حادر وكان يايب هديه حق ودوم بوكس عود ولونه ذهبي وفيه خطوط واشياء خمريه حلوووه طالع شكله حمد توه ياي...
وديمه : الله محمد مشكوووور وسارت تلوي عليه ولانه حمد داخل اونه يبا يسبق محمد
حمد : يا اخي انته شو جيه
محمد : ههههههههه سبقتك
وديمه : شو المستوي
حمد : اوني ابا اكون اول واحد يعطيج هديه
وديمه : ههههههههههه فديتك يا ربيه عادي المهم انك فكرت ابيه
محمد : انتي ما تدرين به حاشرني انته وين انته وين
وديمه : يعلني ما اخلا منكم يا ربيه
محمد : ونحن بعد
وديمه : حمد انته قلت لي انك مشغول
حمد : مشغول بالهديه
وديمه : هيه عسب جيه......... وجان استحي ثااااااااااااااااانكس

العصر
بو محمد : تراه بنسافر يوم الاحد اتزهبوا
وديمه : ابا اسير عيل السوق
ام محمد : عنبوج من يومين راده من السوق
فطامي : انا بعد
بو محمد : ما عليه بخلي محمد يوديكن
ام محمد : اسميك انك ما بقولك شي الرمسه ضايعه عندك
بو محمد : بلاج انتي خليهن
فلاح : ابويه بو خلفان يباك
بو محمد : وينه
فلاح : هناك
بو محمد : وين هناك عن اتكون مخلنه موقف خاري... ايها يا فلاح جان قربت به فالميلس اللي خاري
فلاح : انزين هناك هو
بو محمد : سر طالع حمد وتعالوا عندنا.... ام محمد انا بسير طرشوا لقهوه ولفواله
ام محمد : امره ازهله و كله بيكم
بو محمد : يزاج الله خير
منصوري : أتامي تعالي...
فطامي : شو تبا
منصوري: منيه بلاويج >>> (( بلاويج = براويج ))
فطامي : شو حبيبي ... وسارت فياه

يوم الاحد الكل متزهب عسب يسافرون بيطيرون من مطار بوظبي الساعه 2 فليل (( الصبح ))
فريج بو محمد وبو سعيد واخوهم راشد بو علي
اللي ساروا
عايله بو محمد كلها (( بو محمد / ام محمد / محمد / حمد / ودوم / فلاح / فطامي / منصوري ))
عايله بو سعيد كلها بعد (( بو سعيد / ام سعيد / سعيد / أحمد / منصور / سلامه / سلطان / زاهره))
عايله بو علي (( بو علي / ام علي / علي وحرمته / سيف / عبيد / ميروه ))
وسار معاهم اربيع أحمد ... بعدين بتعرفونه

وطبعا لازم يضهرون من العين من وقت عسب يوصلون بوظبي وخلاف يسيرون المطار

اللي وداهم المطارمطر عمهم اللي مب معرس اخو بو محمد وبو سعيد وبوعلي >> تذكرونه
ودريوليه ثنينه و ريل لطيفه بنت سالم وثاني اللي يشتغل فالشرطه

وصلوا المطار واتوادعوا مع لطيفه وريلها ومع ثاني
فالطيــــــــــاره......
وديمه اتدور كرسيها
وديمه : النيره لقت بقعتها وعدالها زهّــور
سلامي : لقيت مكاني
ميرووووه : وانا بعد لقيته
وديمه : حظكن بتيلسن عدال بعض وانا وين ؟
وسارت ادور ولقت كرسيها ويوم رفعت اعيونها ولانه واحد شباب يالس عدال الكرسي اللي بتكون هيه يالسه فيه يعني هيه وواحد بيكونون عدال بعض
وديمه في خاطرها : ياااااا ربيييييييه انا كيف بيلس هنيه...
ولفت الريال ويهه واطريح عينه في عين ودوم لانها كانت اطالعه هي مب منتبه على عمرها انها اطالعه وتمت اطالع وسرحانه
وهو يطالعها ومستغرب منها

منوه تتوقعون ايكون هالشباب
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
وديمه انتبهت انه هالريال اللي يالس يطالعها جان تستحي واتنزل راسها... شوي وحست انها اتعرف هالريال
ردت رفعت راسها ولانه..........
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
منصور ولد عمها سالم
وديمه : اشوى انك انته ..
منصور : بلااج
وديمه : اقول اشوى انك انته.....
منصور : ؟؟؟؟؟؟؟؟؟؟؟؟؟؟؟؟؟؟؟؟؟
وديمه سارت بتيلس لانها العرب تبا اتمر : يا ربيييييييه اتروعت
منصور : اترمسيني
وديمه : هيه بعد ارمس منوه
منصور : ليكون هنيه بقعتج
وديمه : لسوء حظي
منصور : وحظي
وديمه : منصور تدري
منصور : لاء ما ادري
وديمه : احمد ربيه انك انته مب حد غير.... يالله اسميه لو حد غير جان افتضحت
منصور في خاطره : بلاها لبنيه ليكون النسبه أثرت فيها !!!!!!!!!!!!!!!؟؟؟؟؟؟؟؟؟؟؟؟؟؟؟؟!!!!!!!!!!!!!!
وديمه : الحينه وين بلاقي حد يبدل بقعته
منصور : انا بدورلج
وديمه : هيه احسن بعد
منصور : تدرين بعد ابا الفكه ما ابا الكشته تخترب
وديمه : ما برد عليك
ونشت من بقعتها
منصور : اقولج لو اتبدلين مع وحده بيكون احسن
وديمه : هيه ان شاء الله ما عليه اتريا.... يا حبك للمغازل
طالعها بنظره وسارت عنه
وسارت صوب زاهره والنيره تراها سارت معاهم
وديمه : مرحبا
النيره : المرحب لا هان
وديمه : امممممم ممكن اطلب طلب
النيره : طلبي فديتج
وديمه : ممكن زهــّــور اتبدلين معايه
زاهره : ليش
وديمه : انا مكاني عدال منصور وابا ايلس فيا النيره
زاهره : منصور عاد ............ امممممممممممم
وديمه : يالله عاد زهووور اخوج هذا
زاهره : اوكيه
وسارت تيلس عدال منصور وودوم يلست عدال النيره
منصور : اووه زهـّــور هنيه .. ما لقت غيرج
زاهره : مب عايبنك
منصور : والا انتي اللي بدلت ويا ودوم
زاهره : شفت عاد
ام محمد : يالله يا سلطان ولدك يالس وايصيح واجعه
بو محمد : بلاك منصور انته جيه بتيلس ولا اردك البيت...
منصوري : وااااااااااااااااااااااااااااااااااااااء وااااااااااااااااااااااااااااااااااااااااااااااااا اااااااااااااااااء
ام محمد : بزقر ام دويس عليك يالله اسكت عن لا تي واتشلك
منصوري : ما ابااااااااااااااااااااااااااااااااا فجيني
بو محمد : اييييييييهاااااااااااااا يا منصور بلاك جيه مقلوع
ام محمد : فطامي زقري بيث راسي عورنيه منه خليها اتشله
فطامي : اوكيك ماماتي
وسارت تزقر البشكاره >> (( بشكارتهم الفلبينيه هيه الوحيده اللي شلوها وخلو الباقيات فالبيت طبعا بشكارة قوم بو محمد اما قوم بو سعيد و بو علي ما شلو حد ابد الا علي شل بشكارتهم عشان عياله يعني عندهم بشكارتين
بيث و سالي اللي سارن))
النيره : مبروووووك ودوم...ما شاء الله عليج فرحت لج
ودوم : الله يبارك فيج الغاليه..
النيره : عيل نتريا الحفله
ودوم : افا عليج لاااااازم
النيره : هيه لازم بنت علمي وفالتسعينات
ودوم : حتى لو فالسبعينات لازم بسوي حفله...
النيره : وسلامي بعد بتسوي
ودوم : هيه
النيره : بتسوننهن مع بعض
ودوم : تدرين فكرنا جيه حتى امايه وخالوه قالت جيه بس انا وهيه رفضنا لانه نبا انسوي حفلتين ^_*
النيره : صدق بنات خخخخخخخخخخ
ودوم : لا والله وانتي ولد هاه لوووووووووووووووووول
النيره : يا السباله
ودوم : النيره فاتج
النيره : شووووووووووووه
ودوم : سلامي وميروه مع بعض يالسات انا كرسيه كان عدال منصور
النيره : انزين
ودوم : كان منصور لاف ويهه ويوم سرت ادور بقعتيه لقيت واحد يالس عداليه اتروعت قلت خيييبه عيب وانا اشقايل بسير حذاه (( عداله )) وتميت مستبقره واطالعه ومب منتبهه هو لف ويهه وتم يطالعنيه مستغرب ليش اطالعه
النيره : هههههه انزين
ودوم : اقولج يوم انتبهت انه الريال يطالعنيه استحيت ونزلت راسيه مب متعوده اتم اطالع الرياييل وما اشل عيني عنهم واخر شي انتبهت انه منصور..
النيره : ههههههههههههه الحمدلله انه منصور ولا حد غيره
عند ميروه وسلامي
سلامي : وين ودوم الحينه
ميروووه : ما ادري قومي انطالعها
سلامي : يالله
وسارن يطالعنها ولانها عدال النيره يالسه
سلامي : هاه ودوم ما شاء الله وياج النيره اكيد نسيتينا
ودوم : لا والله بالعكس
النيره : اقول العرب اتسلم اول
حبيت اقولكم (( النيره ودوم وسلامي وميرووه ويزوي شلة العايله ... ودوم وسلامي وميرووه شلة أهل الابو يعني من صوب الابو ..... وودوم وسلامي والنيره وحمدوه ويزوي شلة أهل الام يعني من صوب الام ))

سلامي : السلاااااااااااااااااام عليكم واشحالج النيره
النيره : يسرج حاليه...
ميره : اشحالج النيره
النيره : ابخير واشحالج انتي
ميره : بخير وسهاله
النيره : اقول تعالن هنيه بدلن مع حد عدالنا
سلامي : وين انبدل
ميره : طالي أحمد وحمد يالسين عدالهم سيري قوليلهم أحمد اخوج
سلامي : اوكيه .....
وسارت صوبهم عسب اتبدل
سلامه : احم سلاااااااااامن عليكم
أحمد + حمد : عليج السلام
أحمد : بلاج اتحوطين عنبوج قري بقعتج نحن شباب وعادي انحوط ما حطنا...
سلامي : انزييييين انزيييييين
حمد : مبرووووك النسبه سلامي
سلامه : الله يبارك فيك يا ربيه
أحمد : يالله ذلفي فضحتينا
سلامي : ممكن طلب
أحمد : بعدين
سلامه : لا الحينه...
أحمد : خيباات ان شاء الله بلاج
سلامه : ممكن اتبدلون الاماكن فيانا
أحمد : ليش
سلامه : انا وميرانه نبا نيلس عدال قوم ودوم
أحمد : هيه
حمد : اوكيه... يالله أحمد قم نش
أحمد : لا ما بقوم عنبوه تراهن دوم متجابلات واذا يلسن هنيه بيجلبن الطياره من حشرتهن
حمد : يا رياااااااال خلهن قم العرب بتخطف وختك ما بتحرك لين ما اتوافق
أحمد : جيه ما بتتحرك لين ما اوافق غصبن عنها
سلامه : انزين غصبن عني... دخيلك بدل
حمد : برايه اذا ما بيبدل انا ببدل ......... وقام من محله
سلامه : يالله يا حمد انته اللي فاهمني
أحمد : حوووووووووووه شو هالرمسه
حمد : قم نش
أحمد : انزين .......... وبدلواا الاماكن
ووصلوا بسلامه وساروا الفندق
كل واحد جناح
وديمه والنيره وسلامي وميروه مع بعض يبن يرقد في نفس الحجره اترفون البنات
بس ما لقن فاستون حجرتين ودوم والنيره مع بعض سلامي وميره مع بعص بين الحجرتين باب مخلينه مفتوح اللي يبا يدخل من عند قوم ودوم صوب قو سلامي يقدر والعكس صحيح
خطف اليوم الاول الكل تعبان ومرهق ما صدقوا يدلون حجرهم وساروا وارقدوا لين اليوم الثاني

اليوم الثاني........

النيره : يالله قومن عبرت السفره الا فارقادكن يوم بتردن لبلاد رقن انيه نبا انطالع
وديمه : خمس دقايق
النيره : هيه ما عليه.... سلامي نشي
سلامه : وعي ودوم قبل
النيره : ايهااااااا انا بيلس لكن يهال عنبوكن.... ميروووه نشي
ميره : شوي بس
النيره معصبه : ذلفن انا بسير عنكن ........ وضهرت عنهن
كلهم يالسين الحريم والرياييل ومن الشباب : محمد وسعيد وفلاح وسلطان و منصوري وعلي وحرمته وسيف هذيلا موجودين
لكن أحمد ومنصور وحمد وراشد وعبيد ما نشوا بعدهم رقود
النيره : السلاام عليكم
الكل : وعليكم السلام والرحمه
ام محمد : شصبحتي بنيتيه
النيره : يسرج حاليه ومن صوبج
ام محمد : طيبه طاب حالج
ام سعيد : النيره وينهن البنات ما ين
النيره : راقدات حايلتهن ينشن ما ينشن
ام محمد : هيه حتى الشباب ارقود محد نش
ام سعيد : ويونهم يبون يحوطون ويتكشتون... خسها الله من كشته يوم الا كله ارقاد
النيره : هههههههههههههههههههه
وخلاف نشوا كل شوي حد ايي من الشباب ومن البنات
ساروا يطالعون البقع اللي عدال الفندق وخلاف ردوا عشان الغدا
عقب الغدا
وديمه : ايييييييييه قومن انسير تحت فالكوفي
ميره : يالله
سلامي : بعدين شو رايج
النيره : حوووه شو كوفي
وديمه : جيه اتحرين عمرج فلبلاد
النيره : انا بيلس هنيه
ميره : يالله انسير
ودوم : اوكيه... هاه سلامي الحينه بتين
سلامي : شوي وبلحقكن
النيره : وانا بيي معاها
وديمه : اوكيك
وسارن وديمه وميره
وديمه : طالعي منوه هناك
ميره : جنه فلاح وسلطان
وديمه : وينه تليفوني
ميره : فيديج
وديمه : لووووووووول ما حسيت به اتروعت.... شو اتسوين
ميره : اطالع منو فاج لبلوتوث
وديمه : حتى انا بطالع
ميره : طالي النكات اضحك هههههههههه
وديمه : منو هذا نكه ..× ما استقــبلــ ×..
ميره : هههههههه انا هاذي............ سمعي..... هذا نكه ... امممممممم ما عرفت اقراه
وديمه : هههههههههه وين بتقرينه اساميهم علـــّـــه
ميره : وهذا عربي.... )) عنـ *******050 الازعاجـ ((....
وديمه : متفيجين حاطين ارقومهم
ميره : هزرج حد من الشباب اللي فيانا
وديمه : ما ادري شو درانيه بس محد من اخوانيه
سلامي والنيره يايات صوبهن
وديمه : نورت البقعه
سلامي والنيره : بوجودج الغاليه
سلامي : شو اتسوين ميروه
ميره : اطالع اللي فاجين بلوتوثاتهم واضحك على النكات
النيره : متفيجات ما عندكن مونه
ميره : سمعن واحد حاط نكه عن الازعاج وحاط رقمه
وديمه : اونه اتقول يمكن واحد من الشباب اللي ساروا فيانا
سلامه : عيل اشوف الرقم ............ عرفته
ودوم : شو عرفتي
سلامه : الرقم ...هذا منصور خويه
ميره : صبري بطرش له عيل بغايضه
وطرشت له اغنية

" الله يا دار زايد كـــــــيف محلاااااها
يا ناس حلوه وقلبي مغرمن فيهاااا
كـن القــــمر يوم يضهر من محيااااها
في غايت الحسن يسلم كف بانيهاااا "

وديمه : شو طرشتي
ميره : اغنية ميحد الله يا دار زياد

عند منصور وحمد وعبادي
منصور : امنوه هذا مطرش لي بلوتوث
عبادي : فج طالعه
حمد : شو نكه
منصور : ..× ما استقــبلــ ×..
عبادي : انزين استقبل
ولانها أغنية دار زايد
منصور : لا وبعد ميحد يا حافظ امنوه هذا اكيد انته عبادي
عبيد : لا والله عنبوه لو ما فيك عيون
منصور : حمد
حمد : اعمي انته
منصور : امنوه....
عبادي : شكله من الامارات
منصور : يوّلـــي

اليوم اللي عقبه كان اول يوم حق بداية السياحه فالدول اللي سارولها
طبعا نشوا الصبح واتلبسوا واتيمعوا تحت فالفندق وياهم المرشد السياحي وحوطهم حسب الجدول اللي مسونه ألهم

فاليل يو تعبانين الفندق.. يالله يتعشوا ويرقدون لانهم باجر وراهم بعد حواطه

اليوم الي عقبه....
الصبح..
وديمه : انا بنزل تحت سير اتريق
ميره : انا بعد
سلامي : صبرن بسير وياكن
ميره : وين النيره ؟؟
وديمه : النيره راقده برايها يوم تبنا بتتصل وبنخبرها
وسارن تحت الكوفي
وديمه وميره وسلامه يالسات فالكوفي أحمد واربيعه حادرين الفندق لابسين بنطلون وقميص كاب ونظاره شمسيه ومطقمين فاللبس
سلامه : واااايه فديت أحمد محلاته
وديمه : والله طالع كشخه
سلامه : لا اتغازلين اخويه
وديمه : ههههههههههه شو اغازل انتي بعد ....ماصخه تراج
ميره : طالعن مطقمين بعد
سلامه : شو رايكن انطقم
وديمه : ما عندنا نفس اللبس... تدرين فالسفر الثانيه بنطقم
ميره : ما احب اقلد حد
سلامه : يالله انتي بعد خقاقه تراج
عبادي وحمد ومنصور رباعه يايين من خاري وساروا يقعدون عدال طاولة قوم ودوم
عبادي : يالله ابا ارد لبلاد
منصور : وحالك توك ياي
حمد : بلاها ما عيبتك البقعه هنيه
عبادي : يعني مب عوفه
منصور : ههههههههههه حليله ما حصل حد يغازله
عبادي : خرووون بعد انته
حمد : ههههههههه اقول بلاه الريال مغندم
عبادي لف ويهه صوب قوم ودوم
عبادي : ميرووه
ميره لفت وييها صوبه : بلاك
عبادي : وانتن شو ميلسنكن هنيه وين هلكن
ميروه : فوق
منصور : هيه الحينه برى لبلاد بيرتغدن عادي يقعدن فالكوفي لكن لو فالبلاد لا حدهن البيت
ميروه : يالله يا منصور حاسدنا
سلامه : لا يبون الشي حقهم ابروحهم
منصور : جب انتي
حمد : شو رايكم نيلس فياهن... شلو طاولتكم وسيروا صوبهم.... عنبوكم فضحتونا عند العربان ويا هالبغيم
(( اصواتكم العاليه ))
عبادي : شورن طيب... يالله انتوا ما عندكم سالفه... وقام
منصور : حووه انته يطنز ابنا وانته صدقت
عبادي : خبله انا جدامك ادري انه يطنز بس فكره حلوه انا بسير يالله تعالوا
حمد : شو تعالوا قر بقعتك
عبادي : والله صدق بنضحك يالله انتوا ملل هنيه بنطنز على البنات شوي
وسار صوبهم ولحقوه قوم منصور وحمد
ودوم : بلاكم شو المستوي
عبادي : بنيلس معاكم شويه
ميره : حياكم
عبادي : جيه بنشاوركن وين بنيلس بنيلس
سلامه : اووووب
وديمه امجابله منصور
وديمه : سلامي هذاك أحمد صح
سلامي : وينه
وديمه : اللي واقف عدال الباب
سلامي : ما ادري
وديمه : نفس لبسه
حمد : وانتوا شو تبونهم هاه
وديمه : لا أسأل بس
ميره : عبادي... ضك كرسيك شويه عن لبسي
عبادي : يالله اسميكن عباله لبسي ولبسي
وديمه : سمعوا سمعوا

" هيـّمن على أرقى الجمــــــال ولمــــهـ
جمع ثقافـات البــشر في تاجـــــــــــــهـ
قمـــه علـــــــــــــــى قمه وذوقه قمــــهـ
ذوق وجمــــال وغرت(ن) وهــــــاجـهـ
طـــرف(ن) كحيـل وفي رموشه سمــهـ
والعود يسبي داجه وديبـــــــــــــــاجــهـ
وخصر(ن) مثل كسره وراها ضـــــمهـ
وفتحه على حد السكون اتــــــــــــواجهـ "

ميروه : رووووعه
سلامه : والله انها طر
عبادي : يالله يا البنات ما عندكن سالفه
حمد : لا تراك تبا تيلس عندهن ونحن ما عندنا سالفه
منصور : انسير وانخليه عندهن بروحه
حمد : هزرك
عبادي : حوووووووووووه شو بروحه اتحروني ما اصبر بلاكم عادي تراه
حمد : منصور قم قم خلنا انسير
منصور : يالله
ودوم : حليله عادي عبادي ايلس بنسولف وياك اتعيبنا سوالفك
حمد : حوووه حشمي
عبادي : خلها ما يخصك
حمد : جيه ما يخصنيه
عبادي: يا خي فيها الخير ... مب شراتك انته واللي وياك
منصور : تدري لو هب حشمت حمد لحطك تحت ريلي
عبادي : لا دخيلك راوني كيف بتحطني تحت نعالك
منصور : يالجلب
حمد : خله خله
عبادي : يالله خواتيه شي فالخاطر بسير اتعرفون حمد ومنصور ما يستغنون عنيه
الكل : سلامتك
عبادي : يعني ما تبوني ايلس
الكل : لا عادي وين تبا على راحتك
عبادي : متأكدين
ميره : يعني اذا متروع ايلس
عبادي : هزرج
ميره : امممممممممم بعد التحليل وجدت انه افضل حل
عبادي : خس الله تحاليلج
حمد : يالله عبادي انسير
عبادي : يالله ياي
منصور : جيه ما قصرت الدوب عندهن
عبادي : مره ثانيه
وديمه : سلامي مب توهم مضاربين
سلامه : شباب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 32
قديم(ـة) 10-10-2011, 01:10 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه



الباااااااااااااااارت (( 10 ))
فليل........
ام محمد : فطامي سيري طالعي بيث وين
فطامي : خاري اتحوط فيا منصوري
ام محمد : قوليلها لا اتسير به بعيد عنا
فطامي : انزين هي هنيه عدالنا اتحوط
ام محمد : اقولج سيري طالعيها
فطامي : انزييييين
زاهره : ماماه وين ابويه
ام سعيد : سار ويا عمج سالم وراشد ومحمد وسعيد وسيف يتمشون
زاهره : وانتن ليش ما تتمشن
ام سعيد : وين انتمشى شو اتحرين في حارات العين نحن
ام علي : اسمينا ما انتعوض عقب الامارات
ام محمد + ام سعيد : صدقج
وديمه وسلامه والنيره وميروه واليازيه كلهن يالسات على الكراسي تراهم فالحديقه والحريم عالكراسي اللي عدالهن
الشباب يتمشون بعد (( منصور وحمد وعبادي )) (( أحمد واربيعه ))
عبادي : ما ادري بس ابا ارتبش
حمد : حد قابضنك ارتبش
منصور : بس بعيد عنا عن لا اتفضحنا
عبادي شل غرشة ماي
حمد : شو تباها
منصور : بعد شو يباها بيشرب
حمد : هذا شكل واحد بيشرب
عبادي : بسير اجبها (( اجبها = افرغها .... امممم ما اعرف المعنى المرادف لها بس اجبها وخلاص ^_* ))
منصور : على امنوه
عبادي : عل ميروووه
منصور : اصبر عيل بشل وحده انا
عبادي : لا اتقلد
منصور : يالله بنرتبش شويه عليهن
عبادي : توك اتقول بفضحكم...
منصور : انزين انزيييين فكنا
عبادي : حمد شل وحده انته بعد وجبها على ودوم
حمد : ختيه ما اتهون عليه اخرسها جدام العرب
منصور : جيه نحن نكرهه خواتنا يعني
حمد : ابصركم مع خواتكم انا ما فيه
عبادي : يا ريال كله ما فيك
حمد : ولا اقولكم بجب غرشة ماي على فطامي......
منصور : كيفك بس يالله انسير
النيره : امنوا بتسير ويايه
وديمه : وين
النيره : بشتري كولا وحلاوه وبطاطا حقنا ترانا يالسات وبناكل ونحن هنيه
وديمه : هيه زين
اليازيه : انا بسير
سلامه : وانا بسير وياج
النيره : ودوم وميروه بتن
ودوم : لا بنيلس هنيه نترياكن
وسارن يتشرن
عبادي بصوت واطي : هذيه ميرووه بسير صوبها
منصور : تعال حتى سلامي عدالها انته تعال منيه وانا منيه
) ودوم وسلامي لابسات نفس اللبس ونفس اللون ومنصور يتحرى ودوم سلامه ما انتبه عليها لانه كان وراها يعني عاطيتنهم مقفاها (

عبادي : صبر ميروه نشت صبر
ميره سارت صوب امها لانه زقرتها
منصور : اوكيه انته اترياها هناك وانا بسير صوب سلامي الحينه دام ما عندها حد خخخخخ
عبادي : هيه احسن لانه لو مع بعض بيكشفنا
وسار منصور صوب ودوم
وياها من ورا ودوم كانت تلعب بتليفونها... وبكل هدوء فج غرشة الماي وصبها فوق راسها
ودوم اتروعت وصارخت ونشت من مكانها التليفون طاح من ايدها...... منصور يضحك
ودوم لفت ويها ولانه منصور اللي جاب عليها الماي........
منصور : ويييه غلطنا فالعنوان
ودوم معصبه : أي عنوان هااااااااااااه ما اتشوف يعني
منصور : اتحريناج سلامي
ودوم : لا والله صدقتك....
منصور : يالله مب مشكله عادي اتعيشين وتاخذين غيرها
ودوم : بعد ..... بدال ما اتقولي اسف
منصور : على شوه
ودوم : قسم بالله ارواويك... ) تمت اطالعه ولا خوزت عينها عنه
منصور : شو تبين اتعرفين
ودوم : اخر شي افكر فيه
) وسارت ودوم متغيضه عسب اتبدل ثيابها ..... منصور مستانس يعني عادي عنده ودوم ولا سلامي (
ميروه انتبهت على عبادي وانه بسويبها شي وجان تربع عبادي ضحك وعرف انه اخته كشفته فربع وراها واخر شي رشها بالماي
ميره : عبادي يالسبال ما عليه ) وهي تضحك (
عبادي : لوووووووووووول شو رايج دش سريع
ميره : جيه شايفني ما اتسبح
عبادي : لا اتصدقين.... العرب هنيه تشكى من ريحتج لوووووول
ميره : لا والله ما عليه برايويك مردووده يا ولد امي وابوي
عبادي : ونحن فالانتظار ^_*
وسار عنها صوب منصور
حمد بعد نفس الشي كانت فطامي مندمجه فالسالفه ويا زاهره وما وعت بعمرها الا خرسانه ماي ضحك عليها حمد وسار..... ما قالت شي بس كلته بلسانها الطويل
حمد : انتي ازعااااااااااااااااج محد يغايضج
فطامي : هيه لو حد مخرسنك ما قلت شي... اوكيييييه حموووووود
حمد : حمووووووود في عينج ) طنشها وسار (
واتلاقوا الشباب وتموا يضحكون على سالفة منصور
ميره لحقت ودوم وعرفن انهن تعرضن لمؤامره من قبل الشباب وقررن الانتقام
سلامي : وين هن وين سارن توهن هنيه
النيره : وهذا جنه تليفون ودوم....
اليازيه : جنهن سارن داخل !!!!!!!!!!
سلامي : خلينا انسير صوبهن
عقب نص ساعه
وديمه : ميروووه قومي انسير بنرد الحركه عليهم بس اقوى شويه
ميره : اوكيه بس انا ما يهون عليه خويه بس برشه بالماي
ودوم : كيفج
سلامي : ههههههههههههههههههههههههههههههه شكرا يا ودوم خذتي المقلب بدالي ادري اني ما اهون عليج
ودوم : لا والله .... انتي لو شفتي الناس كيف يطالعونا يا ربيه والله افتضحت وعورنيه ويهي
سلامي : فديتج والله
وسارت ودوم وميروه يدورن منصور وعبادي
ميروه : ودوم... هكم مناك
ودوم : يالله....) وسارت صوبه ويت من وراها وبشوي شوي (
طبعا كانت فاجه العصير )) شاريه عصير مانجو عود شويه و وشاله وياها تراب >> انتقام قو ((
ميروه سارت صوب عبيد وودوم سارت صوب منصور ...... عبادي انتبه انه ميره يايه وعرف انها بتنتقم وسار يربع... منصور استغرب بلاه الريال ربع ما انتبه انه ميروه يايه صوب اخوها طبعا كانت تربع عسب تلحقه
شوفوا عبيد كان واقف مجابل منصور فقدر يطالع انه حد ياي اما منصور لا لانه كان عاطنهم مقفاه
عبادي قبل لا يربع كان يبا ينبه منصور انه ودوم يايه بس ما رام على طول ربع
منصور شاف ميره تربع فعرف انه الانتقام ^_* وسار بيلف ويهه ولانه ودوم وراه اتجب العصير عليه
وطبعا العصير انجب على ويهه وثيابه...
وديمه : لوووووووووووول احسن
منصور مسك ايدها ووخلى ايدها اللي ماسكه العصير ابها اتسيرصوبها يعني بدال ما اتجبه عليه ينجب عليها
العصير وطبعا خيسها وتم يضحك عليها
ودوم : لااااااااااااااااااااا بس خلااااااااااااااص ... منصوووووووووووووووور....فج ايدي انزين يا الماصخ
منصور : والا تبين اتخيسني هاه
ودوم : يا السبال خيستنيه
منصور : هيه شو اتحرين انتي اتعاملين مع منصور ولد سالم
وديمه : انته شوه غبي
منصور : هيه بكون غبي اذا خليتج اتخيسيني
سارت فرت التراب اللي فيدها
منصور : وبعد يايبه تراب..ههههههههههههههههههههههههههههههههه مسكين حالج
عبادي توه ياي طبعا ميروه ما رامت تلحقه وتعبت
عبادي : خيسووووك حليييييلك
منصور : اطيع انته
عبادي : اوه ودوم ليش جيه مخيسه عمرج عصير ياهل انتي ياهل
ودوم عصبت
منصور : ههههههههههههههههههههههه تعبت من كثر ما اقولها عيب يا ودوم اتخيسين عمرج ما تسمع رمستيه اتقول عايبنيه
ودوم : لا والله......... ما عليه منصور
ميره توها يايه وتعبانه وشاله الغرشه
منصور : هههههههههههههههههههههه ميروه.... شو بلاج من وين يايه ههههههههههههههه
عبادي : يا خي كانت رياضه فنانه من زمان ما ربعت اتصدق
منصور : يا حيك والله ......
عبادي : يا حليلكن افكاركن هاي جديمه.... حاولن مره اخرى شو اتحرنا
ميره : ما عليه عبادي... ما عليه....... ودوم يالله انسير
عبادي : منصور شكلك يضحك وعليك العصير عاد عصير مانجى
ميره : هههههههههه منصور الحينه بيستوي ويهك لزج
منصور : عادي انزين على الاقل قدرت اصد الانتقام ورديته على راعيته
ودوم : ما عليك منصور انا براويك ) وفرت العصير على ريله كان بعده فيه شي وسارت (
منصور : ااااااااااااااااييييييييي خيبه
عبادي : ههههههههههه داسوا ريله
منصور : ما عليه بروايج وشل غرشت العصير
عبادي : منصور حرام عليك خلها والله
منصور : والله لجبه على ويهها براويها
وسار صوبها ووقف جدامها هي وقفت وتمت اطالعه وهي معصبه وحزينه في خاطرها : يا ربيه كيف بدخل الفندق جيه يا الفضايح انا ما اتحمل جيه كله عندي ولا النظافه والاناقه
منصور : بخليج اتسيرين والغرشه ما خلصت.... مب انا اللي تنداس ريله
ودوم : انزين يالله خيسنيه اترياك
منصور : جيه بشاورج وباخذ الاذن ) وجبه على راسها بكل هدوء وبدون مقاومه (
ودوم : مشكوووووووووووووووووور منصور
منصور : العفو تعالي كل يوم
ودوم : هي ما عندي شغله غير مجابلك وعععععععععععع ) وسارت عنه (
عبادي : والله ما اتسير صوبها خلها....
منصور : يالله خيستنيه
عبادي : وانته ما قصرت فيها
فالحجره
سلامي : هههههههههههههههههههههههههههههههههههههههههههههههههه ه ودووووووووووووم
ودوم طنشتها وسارت عسب تسبح
النيره : وين يجرن خيوط الخيبه
ميره : يالله ليش جيه ما انروم لهم
سلامي : ههههههههههههههههههههههههههههه ياحليلكن كنتن شادات حيلكن
ميره : جب انتي
النيره : عنبوكن ما اتخيلن تتياحدن فيا شباب والله لو حد يدريبكن انه بعمركن
ميروه : جيه انا كنت اضارب اخويه ما اضارب حد غريب وعادي
سلامي : هيه قصدكن ودوم ومنصور صح كلامكن
أحمد شاف منصور
أحمد : ههههههههههههههههههههههههههههههههه منصور شو مسوي بعمرك
عبادي : تدري يقول عصيرهم غاوي ما عندنا منه فالبلاد ومن كثر الزطاطه جبه على عمره
منصور : جب انته
أحمد : هههههههههههههههه سر اتسبح فضايح ..
عبادي : تدري مفتضح امشي حذاه
منصور : ليش عيل واقف عداليه يالله اذلف...
عبادي : هههههههههههههههههههه
وسار منصور عسب يتسبح ويبدل ثيابه
عقب.................
وديمه : ما عليه انا براويه منصور هب هو هاه ما علييييييه
سلامي : انتي ما تستسلمين
ودوم : لاااااااااااء
النيره : سكتي عنها انتي تدرين كيف لبنيه ما اتحب حد يسويبها جيه ما اداني
ميره : شو بتسوين ؟؟؟؟؟
ودوم : باجر تشوفين... واذا مب هنيه عاد حتى لو فلبلاد المهم بردها
النيره : خيييييييييييييييييييييييبه
سلامه : ادريبج ودوم انتي لو تزعلين شوي وبترضين
ودوم : ما عليه بنشوف
عند قوم عبادي...........
عبادي : منصور ...
منصور يالس يلعب بتليفون : هاه
عبادي : اليوم اشوفك غير
منصور : كيف
عبادي : مستانس
منصور : ليش بس اليوم انا مستانس وباقي الايام زعلان
عبادي : عق التليفون ورمسني عدل
منصور : هاه عقيناه...
عبادي : لاء اليوم غير... خاصه عقب مقلب ودوم
منصور : ؟؟؟؟؟؟؟؟؟؟؟؟؟
عبادي : ويا هالاستفهامات...... من يوم جبيت الماي على ودوم وعقبه اشوفك غير
منصور : في شوه غير
عبادي : اااااايهااااااااااااا..... اسمع يوم حاولت ودوم اتجب العصير انا كنت متوقع انك اتغيض واتشل البقعه على راسك بس كنت بالعكس فرحاااااااان... منصور بسالك
منصور : هلا
عبادي : اتعيبك ودوم
منصور : شوووووووووووووووووووووووووووووووووووووووووو
عبادي : ما ادري بس قوم
منصور : اتخسي ما لقيت غيرودوم قول حد غير
عبادي : لو عيونك قالتلي حد غير جان قلت
منصور : شو عيوني جيه ليكون اشتكت لك وانا ما ادري
عبادي : عن الطنازه وارمس عدل
منصور : والله رمستك الماصخه اونه اتعيبنيه عاد ودوم امحق
عبادي : وشو فيها ودوم انا اتعيبنيه
منصور فاج اعيونه مستغرب
عبادي : لا اتشوفي جيه.... انا قلت اتعيبنيه اخلاق وشكل وهيئه وسوالف واسلوب ومذهب ...انته تدري انه انا ودوم دوم انتغايض ونتمصخر ساعات انتعاون على خوها حمد وهيه اتعامليني مثل اخوها وانا بعد
منصور : والحين اتحبها
عبادي : منصور فيه فرق بين انك اتحب واحد وانه يعيبك واحد وبعدين اذا احبها مثل ميروووه الدبه عمريه ما بفكر غير عن هذا والكل يعرف هالشي حتى امها وابوها ما اتشوفها ما اتغشى لا منيه ولا من سيف
منصور : هيه
الكل اتعشوا وخلصوا والشباب تموا يسولفون منصور وحمد ساروا يرقدون
منصور تم يفكر في كلام عبادي وما قدر يرقد... واخر شي قال : مالت عليج يا ودوم عاد انا واحبج يعععععععععع... انا ما انكر انيه احب اضارب وياها ويوم اطفر احاول اسير عندهم عسب اتياحد فياها وساعات يعيبنيه اشوفها ارتاح واستانس اذا شفتها متغيضه واذا كنت متغيض والا معصب احب اعق حرتيه فيها ليش ما ادري واحس اذا هي مب موجوده الجو يكون فاضي وبارد بس انا متأكد انيه اكرها

الصبح..................
ساوا يتحوطون طبعا مع المرشد وقبل الحواطه ساروا يتريقون وعقب ما خلصوا نشوا عسب يتحركون
حمد لقى وهو ساير برى الفندق تليفون على الطاوله اللي كانت البنات يالسات عليها عرف انه تليفون ودوم سار وشله
حمد (( طالع فاره تليفونها يا حافظ عليها ))

ودوم : صبرن ... وينه تليفوني
سلامه : جنج خليتيه عالطاوله اللي كنا يالسين عليها
وسارت الطالعه وما لقته
سلامي : هاه وينج لقيتيه
ودوم شوي وبتصيح : لااااااااااااااااااااااااااااااااء ظني حد شله
سلامه : لا اتقولين.. وانتي اشعنه مخليتنه وسايره عنه
ودوم : اتحريته في مخبايه
النيره : وينها ودوم... يالل قفضوووها بيسيرون عنا
ودوم يتهن
سلامي : هاه ريتيه
ودوم : لااااااء يمكن حد شله
وفي نص الدرب
حمد وسار صوب ودوم
حمد : بلاج زعلانه
ودوم : تليفونيه خليته على الطاوله فالفندق وجنه حد شله
حمد : لاااااااااا والله ... واشعنه تنسينه
ودوم : اتحريته في مخبايه
حمد : ما عليه بشتريلج غيره ما اتهونين عليه اشوفج زعلانه
ودوم : فديتك والله... انا ما همنيه غيره انا همي الارقام والمسجات والاشياء اللي فيه لاااااااااااا
حمد : محد قالج.........

فاليل
حمد سار واشترى تليفون لعبه وغلفه يبى يسوي مقلب في اخته وسار صوب حجرت اخته ودق الباب
النيره : سلامي سيري طاعي منو على الباب
سلامه : انزين .......... وسارت وفجت الباب
حمد : السلام عليكم
سلامه : علييييكم السلام هلااا حمد
حمد : وين وديمه
سلامه : داخل
حمد : شو اتسوي
سلامه : يالسه على الاب توب زعلانه
حمد : اكيد على التليفون
سلامه : هيه بعد على شوه
حمد : انزين عطيها هذي القرطاسه قوليلها من خوج حمد
سلامه : اوكيه وانا ما لي وحده ^_*
حمد : بعدين
سلامه : يا زطك ... انزين
حمد : زطي هاه..... هيه ما عليه بنشوف عقب
وسار.... سلامه شلت الكيسه وعطتها حق ودوم
ودوم : شو هذا .؟؟؟؟؟
سلامه : اخوج عطاني اياها قال حقج
ودوم : حمد
سلامه : يس
ودوم : فديته عرفت شوه
سلامه : شوه ؟؟؟
ودوم : تراه وعدني يشتريلي تليفون بدال اللي ضاع اونه ما يحب يشوفنيه زعلانه
النيره : فجيه بنطالعه اكيد عندهم اشياء حلوووه
سلامه : ليت منصور مثله
ودوم : انا خويه محد مثله (( يونيك )) يعني فريد من نوعه
ميره : عن الهذربان وفجيه
ودوم : اوكيه ) وفجته (
سلامه : الله مرتب بعد حركاااااات حمد
ودوم : شكله حلو..
النيره : بشوف....) شوي وضحكت ( ههههههههههههههههههههههههههههههههههههههههههههه
ودوم : بلاج
سلامي + ميرووه : بلااااااج
النيره مدت ايدها عسب يطالعنه ميروه مسكته وعرفت انه لعبه
)) صندوق فيه تليفون والتليفون حلو شكله اتقولون صدقي ويوم حد يمسكه اونه يتكسر يعني تنقز الشاشه والفصوص يطيحن لكنه يرد مكانه ((
ميروه : هههههههههههههههههههههههههههههههههههههه
سلامي : طالع بدوّر تضحكن...
وشافته هي وودوم وجان تضحك سلامي
سلامي : هههههههههههههههههههههههههه الحينه عرفت يوم قال حمد ذيج الرمسه ههههههههه
ودوم : هههههههههههههههههههههههه ما عليك يا حمد ) شلته وضهرت خاري (
سلامه : وين
ودوم : بشكره على الهديه الحلووووه
وسارت تحت فالحديقة وكان واحد يالس بروحه عاطنها مقفاه يرمس فالتليفون
وديمه في خاطرها : هيه ما عليه يا حمد ) وسارت صوبه بتعق البوكس والتليفون عليه (
وفرت البوكس فثـبانه (( جدامه )).....منصور كان خاطف وشاف ودوم ......
الريال اتروع وطالع فوق ولانها بنت .....ودوم عرفت انه هذا مب خوها حمد واحد ثاني جان اتفج عيونها
امنوه يكوووون ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟
منصور (( شو هالخبله امودنها عند الريال ما اتوب هاي لا وفرت عليه شي بعد ))
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
الريال منوه الي فرت عليه ودوم البوكس ؟؟؟؟؟؟؟؟؟؟؟؟؟؟؟؟؟؟؟؟؟؟
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
^
طلع اربيع احمد ... ودوم استحت لانها اتعرف هالريال
ودوم في خاطرها (( ليش كل مره يصير لي موقف ويااااااااه يا الفضايح لا ويطالعنيه بلا غشوه خييييييييبه ))
الريال سكر عن اللي كان يرمسه وهو كان يرمس امه وخوز البوكس ووقف
منصور يطالع منصدم
الريال : مرحباااااااااااااا
ودوم اتلعثمت ما عرفت شو بتسوي ولا بتقول : سوري والله اتحريتك واحد اعرفه
الريال : لا عادي ليت كل يوم جيه بتغلطين
ودوم : لا والله
الريال : امنوه اتحريتيني حمد بن سلطان
ودوم : !!!!!!!!!!!!!!!!!!!!!!
الريال ضحك : تدرين ما اتوقعتج جيه حلوووه
ودوم : تبا الصدق انته واحد عادي نغلط عليه وما نعتذر منه
هزاع : افاااااااااااا
طنشته وسارت
هزاع : ما تبين البوكس (( الصندوق ^_* ))
ودوم : خله حقك ) وسارت عنه وهي مفتشله على الموقف ومتغيضه من كلامه (
منصور كان مفوّل
منصور : عبادي عندي شغل شويه صبر هنيه برد عليك
عبادي : شو شغله هنيه انته فلبلاد ما عندك شي هنيه بيكون عندك
منصور علا صوته عليه : مااااااا يخصك تسمع
عبادي : !!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ودوم تمشي منزله راسها اتفكر بالموقف اللي استوالها مب منتبه باللي جدامها وجان تدعم شي

شو اتوقعون هالشي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
^
^
^
^
^
^
^
^
^
^
^
^
^
^
^
^
^
^
^
^
^
^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 33
قديم(ـة) 10-10-2011, 01:11 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه


ودوم طبعا اتروعت وجان ترفع راسها وايديها اتعرفون كيف صح ولانه منصور واقف جدامها
يعني دعمت منصور
وديمه : بسم الله الرحمن الرحيم
منصور : من امنوه مني
ودوم : شو ما اتشوفني امشي يعني
منصور : وانتي ليش تمشين ومنزلة راسج ها شو مسويه
ودوم طالعته باسغراب : وانته شو يخصك منزله راسي وال رافعتنه انته مب ولي أمري
منصور : شو كنتي اتسوين عند هذاك الريال
ودوم ارتبكت : أي ريال
منصور معصب >> كلهم معصبين فهالجزء ^_* : لا تستهبلين وقولي
ودوم : ما كنت اسوي شي وانا ما كنت عند ريال اوكيه
منصور : لا ما اشوف انا اتصدقين.... اقووووولج شو كنتي اتسوين عند هزاع
ودوم : اسمه هزاع
منصور : والخيبه اتخيبج انا ارمسج شو تبينه هزاع ولا غيره رمسي عن لا اتشوفين شي(ن) ما شفتيه في حياتج
ودوم : وانته شو يخصك هاه... كم مره اقولك انته مب ولي امري ما تسمع
منصور : لا ما اسمع... جاوبي احسن لج
ودوم : ما بجاوب وانته ما يخصك اوكيه ) لفت ويهها عنه وسارت طبعا ما خلاها ولحقها .. ومسكها من ايدها بقوه ويرها صوبه (
منصور : يوم ارمسج مب ادبرين عنيه تسمعين
ودوم : اييييييييييي فجني يا المااااااصخ
منصور : ما بفجج لين ما اتخبريني شو تبينه سايره صوبه
ودوم : قلت لك انته ما لك يخصك مب ولي امري تسمع وال لااااااااااااااااااااااااااااء
منصور عطاها كف قوووي لانها ما تبا اتقول ولانهاعلت صوتها (( خلاص وصل حده من الغيض )) ودوم طالعته باستغراب ومفوله في نفس الوقت...
ودوم : كيف تتجرأ
منصور : أتجرأ واقص راسج بعد
ودوم : يالخايس.... فج ايدي
منصور : خاس يلدج انتي اذا ما قلتي الحينه ليش كنتي سايره عنده بتندمين
ودوم : وانته شو تبانيه هاه ما يخصك.... قسم بالله اكرهك متى بفتك منك
سارت وعضته بقوو عسب يفج ايدها وفجها لانها عورته وسارت تربع وسار يربع وراها
ويوم وصلت صوب الحجره قدر يرد يمكسها ورد عطاها كف ثاني
منصور : اتعلمتي تعضين بعد
ودوم : يا السبال فجني اكرهك اكرااااااااااااااااااااااااااااااااااااااااااااااا ااااااااااااااااهك ما تسمع
شوي ولانه صوت ام سعيد
منصور مخلنها لازقه فالباب ولاوي ايدها بالقووو شوي وبيكسرها : والله يا ودوم لعرف ليش كنت عنده ذيج الساعه بروايج امنوه اللي ما له خص... تم يطالعها وخلاف سار وخلاها
سلامه : شو هالحشره عند الباب
النيره : سيري طالعي
سلامه : اشتغل عندج اذا حد دق الباب اطرشيني هناك وانتي شو فاريولج
النيره : يلسي انا بسير
وسارت ولقت ودوم يالسه عند الباب واتصيح
النيره فاجه عينها : ودوووووووووم بلااااااااااااااااااااااااااااااااااااااااااج
ودوم يالسه واتصيح
النيره : ودوم رمسينيه بلااااااااااااج دخيلج
سلامه وميره سمعن النيره متروعه وجان يربعن عندها
ميره : النيره بلاج.... ودووووووووم
سلامه : بلااااااهااااااااا
ومسكنها ودخلنها داخل..حاولن يرمسنها وهي ما اترد عليهن
النيره : فديت روحج بلااااااااج
وديمه سارت تلوي على النيره
ميره + سلامي : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
النيره : فديييييتج قوليلنا شو فيج لا اتمين جيه
وديمه : خلااااااااص خلونيه وسارت صوب حجرتها ولبست بجامتها وانسدحت على الشبريه اونها بترقد
عبادي : ها منصور خلصته شغلك
منصور : بعدنيه
عبادي : افااااا..
حمد : بلاها ايدك ..؟؟؟ منو عاضنك
عبادي : جيه ويا منوه مضارب.. هذا شغلك !!!!!!!!
منصور : ما يخصكم..... وشاف أحمد وهزاع وسار صوبهم
أحمد : هاه منصور علومك
منصور : طيبه
أحمد : بلاها ايدك منوه عاضنك
منصور : ما عليك ابا ارمس اربيعك شوي
أحمد : ؟؟؟ شو تباه
منصور : قلت لك ابا ارمسه شوي رمسه بيني وبينه
هزاع : ما احيد بيني وبينك رمسه
منصور : مب لازم ايكون
أحمد : بلاكم وانته شو تباه
هزاع : ما عليه ... أحمد بردك لك
منصور : لا باكلك انا
أحمد : شو هالرمسه حشم..
منصور : والله مب متفيج لك انا الحينه
وسار هزاع ومنصور شويه بعيد
هزاع : هلااااااا ببطل ليوا
منصور : عن الطنازه... جاوبنيه
هزاع : شوه
منصور : شو كنت اتسوي فيا لبنيه
هزاع : أي بنيه
منصور : عن الاستهبال وجاوب
هزاع : ؟؟؟؟؟؟؟؟ أي بنيه
منصور : ما عليه بسايرك انا وبجاوبك.. البنيه اللي فرت شي كانت عندك يوم كنت بروحك وكنت انته ماسك بوكس
هزاع : اممممممم ............... هيه .. بلاها
منصور : شو كانت اتسوي عندك
هزاع : ليش هي اختك
منصور : ما يخصك لا اتجاوبنيه بسؤال ..
هزاع : ما شي
منصور : مب عليه احسن لك ترمس وال بخبر أحمد انك انته الريال اللي غازلها في ليوا وبعدك عقب ما عرفت انها تقربله بعدك يالس اتغازلها
هزاع : لا تروعت... ليش انته وااايد اتهمك.. ليكون اتحبها واتغار عليها
منصور : جب... بترمس ولا
هزاع : يجبك...شو بتسوي يعني
منصور : يوم بسوي بسوي ارمس دام النفس عليك طيبه
هزاع : لو انته هب اخو أحمد جان عرفت اتصرف وياك..
منصور : جاوب
هزاع : تتحرانيه حمد ويت صوبيه
منصور: كيف تتحراك حمد شو شايفني جدامك يعني
هزاع : اذا ما اتصدق سير اتخبرها.. وبعدين تبا اتصدق صدق ما تبا كيفك انا مب مجبور احلف واذا اتحبها واتغار عليها سير اتفاهم وياها مب اتم تتياحد ويا العرب انزين ) وسار عنه (
منصور تم يفكر بكلامه ورد الفندق

اليوم الثاني
الكل يالس يتريق
ام محمد : النيره بنيتيه وينها ودوم ؟؟؟
النيره : فالحجره
منصور من طروا ودوم رفع راسه وطالعهم
ام محمد : اشعنه ما تبا ريوق
النير : والله ما ادريبها يا خالتيه قلت لها قالت ما اشتهيه
ام سعيد : وااايه ما يستوي.. الحينه بسير اوديلها ريوق
ام محمد : والله ما اتنشين عنبوه فيها ريول جان تبا بتي برايها
سلامه : انا بودي لها برايكن
وسارت صوبها
فالحجره
ودوم يالسه على الاب توب اتصمم وتسمع اغنيــــة

:: بــــت اسهــــران الليل وانوح وارضف الونات باصياح ::
:: ابكي ودمع العـــــين منضوح فوق وجنات الخد وضـاح ::
:: رحت الطبيب وقالـــــي روح فالصيدليه دواك ما طـاح ::
:: كم واحدن شرواك ميروح ومن الهوى ما حصل اربـاح ::

سلامه : الله الله يا ودوم كل هذا وامنوه هذا اللي بتي اسهرانه عسبه اكيد انا ^_*.... ويه طاعي عيونج ... يااااالله فديتهن من عيون اشعنه جيه مب راقده شكلج....
ودوم : هلااااااا سلامي ...
سلامي : ما قلتيلي بلااااج فديت روحج
ودوم : ما بلاني شر الحمدلله
سلامي : الله محلاه من تصميم بس ليش جيه حزين !!
ودوم : صدق..
سلامه : حووه عن الاستهبال
ودوم : لا ما حسيت انه حزين
سلامه مسكت الاب توب ووحطته عدالها : ودومتيه شو فيج والله ما رمت اضغط عليج قلت ابا ارمسج اروحج قوليلي شو فيج شو صاير سرتي امس ورديتي مضايقه شو استوى...
ودوم : ما شي ما فيه شي لا اتحاتين
سلامي : جذبي عراحتك بس انا ما بصدقج اوكيه واذا انتي ما تبين اتقولين ليه كيفج ما بضغط عليج رغم انيه صدق حاطه في خاطريه انج اتغبين عنيه شي مضيقبج
ودوم (( شو اقول لها يالله اقولها اخوج ضربنيه امس وتم يباغم عليه وضهرنيه جني وحده صايعه اوووووهووووو الله يخسك يا منصور خلاااص اذا تكرهنيه برايك ما قلت لك حبنيه حبك برص يا ربيه وبعدين هو شو يبانيه ليش اتغيض وكيف شافنيه وانا ما غلطت.. لا يمكن غلطت انيه وقفت ورمسته السبال واسمه هزاع بعد المشكله طلع اربيع احمد وبعده ما يحشم... انزين الحينه منصور شو يخصه ابيه ما احيده يمتحن منيه في شي بلاه مستوي شلق ))
سلامي : انزين ودوم برايج طنشي عراحتج هذا ريوقج... يالله انا بسير مع السلامه
ودوم : سلامي
سلامه : هلاااااا
ودوم : فديتج والله ما تزعلين بقولج تدرين اني ما اروم ما اخبرج
سلامه : لا فديتج انا ما ابا اجبرج على شي انتي ما تبين اتسوينه
ودوم : امنوه قال جابرتنيه حبيبتي انا محد يروم يجبرنيه على شي وانا بنت سلطان بن محمد
سلامه : بدينا الخقه ^_^.... انزين يالله اسمعج فديتج
ودوم خبرتها السالفه
سلامه : هذا منصور ملغووووث.... براويج فيه
ودوم : لا دخيلج طبيييييه كيفه اخر همي
سلامه : هيه صدق اخر همج وانتي امبوزه من امس ومب طايعه اتريقين
ودوم : لا بس ما عيبنيه شو يبا يمسكنيه يعرف انه عيب ومن المحارم
سلامه : ما عليج انا براويه
ودوم : خليه ما فيه عليه خلاف ما ابا السالفه تكبر احسها سخيفه مثله
سلامه : عراحتج فديتج بس ما اباج تزعلين ولا اتحطين في خاطرج ما اتهونين عليه ) وسارت تلوي عليها (
ودوم : لا خليت منج يا ربيه ادريبج بنت سالم
شوي ولانه النيره داخله
النيره : يا سلاااااااااااااااااااااااااام ما انروم شو رضيتوا ... الحمدلله....
سلامه : وهي اتروم تزعل وانا موجوده
النيره : جيه وانا وين سرت
ميرانه داخله
ميره : وانا
ودوم : ههههههههههههههههههههه محد مثلكن فنانات
سلامي : هيه بس ما ادقن عود اما انا هيه لانه عندي امتيازات
ميره : جب جب جب امتيازات قالت
ودوم : عن الخريط سلامي
سلامي : افااااااااااااااااا خلااااااااااص انااااااااا بسير بتم بلا بنات عم وبنات خال خلاااااااااااااااااص >> اونها اتمثل
ميره : ههههههههههههههههههه مقطوعه من اشيره يعني
سلامي : امممممممممممم جنه جيه
النيره : هههههههه اوكيه خلاص عرفنا السالفه... يالله ودايم يالله اتلبسي خلينا نظهر
ودوم : ما فيه
النيره : عيل والله لتضهرين وريلي على ريلج اليوم وال ترانيه بزعل عليج
سلامه : يالله الحينه ما اترومين اتقولين شي
ودوم : انزين
برى محمد اتلقى حق ودوم
محمد : وين ودايم وشبلاج اليوم ما ضهرتي
ودوم : موجوده احوط فيا البنات
محمد : يا حيج كلهم داخل يتخبرون عنج
ودوم : تتخبر عنهم العافيه.... وين ساير؟؟
محمد : بسير الكوفي عند سعيد وسيف يتريونيه تحت
ودوم : اها يا حيك
محمد : الله يحييج... يالله عيل برايج
ودخلت ودوم عندهم
ودوم : السلااااااااااااام عليكم وصباح الخير
الكل : وعليكم السلاااااااام وصباح النور
ام محمد : ياحيج يوم اتصدقتي علينا ويتي
ام سعيد : قربي فديتج تبين ريوق
ودوم : ^_^ لا خلاص اتريقت
النيره : وغصبن عنها بعد
ام محمد : اجديتن فيها يوم ريقتنها غصب
منصور تم يطالع ودوم وهي كانت تضحك وعيونها يبين عليهن الضيجه حتى لو ما تبا اتبين
ودوم : اهون عليج ماماتيه
ام محمد : هيه اتهونين عنبوه تبين تختفين مره ما اتعيشين
سلامي : صح لسانج
ام محمد : صح بدنج ^_*
ام سعيد : انزين يام علي وخلاف
ام علي : ما شي شلت افلوسه وشردت
ام سعيد : هب هينات بعد يزاه اشعنه ياخذ برى لبلاد وينها بنت داره ما ياخذها
سلامه : صدق حرمااات ^_*
ودوم : هههههههههههه
عقب ساروا ر يتحوطون
ميره : الله
سلامه : شو ؟؟
ميره : عيونيه حلوات اليوم
سلامه : خسج الله اتحرى المنظره حلوه
النيره : ههههههههههههههههه
سلامه : النيره قصّج ظاهره
النيره : والله ما انتبهت
ميره : حووه خطفوا عنا
وبعدين يلسوا في مطعم يرتاحون.. وقبل لا يكملون
ودوم : انا بسير اشتري كافي
سلامي : اوكيه انترياج
ودوم : جيه ما بتن فيايه !!؟؟
النيره : لاء ما فيه ورانا حواطه
ميره : وانا بعد سوري
سلامه : خلاااص بنترياج هنيه
ام محمد : وين بتسيرين
ودوم : ماماتيه بشتري حلاوه بسررررعه وبي
ام محمد : اروحج
ودوم : جيه بكون جدام عيونج ماماتيه
ام محمد : سيري ولا تبطين
ودوم : ثااااااااااااااانكس
ام محمد : يالله انقفضي
وسارت ودوم
عبادي : حمد أختك وين بتسير ؟؟
حمد : وينها
عبادي : هناك بروحها
حمد : درانيبها بسير صوبها
وسار حمد صوب امه يتخبرها
حمد : اميه...وين سارت بنتج اروحها ... عنبوها ما اتشاور
ام محمد : لا فديتك شاورتنيه وانا خليتها
حمد : ابروحها يا امايه اتخلينها اتسير
ام محمد : ان شاء الله ما عليها باس وانا هنيه وما بتسير بعيد..... لا اتقولها شي فديتك
حمد : والله يوم الوالده راضيه انا ما لي رمسه عقبها نقدر انقول شي لو هب يايزلنا (( يايزلنا = راضين فيه = عاجبنا ))
ام محمد : فديت روحك يا الغالي
محمد وسعيد وسيف وأحمد يالسين يسولفون وبو علي وبو محمد وبو سعيد وعلي يسولفون بروحهم لكنهم كلهم عدال بعض ... فلاح وسلطان بعد ....زاهره وفطامي ويزوي مع بعض...... الامهات وحرمت علي مع بعض.... النيره وميره وسلامه وكانت ودوم فياهم قبل لا تنهي (( تنهـّي = اتسير )) حمد وعبادي ومنصور .......... منصوري وبشكارته بيث يتحوطون وفياهم عيال علي وبشكارتهم
وديمه ما لقت حلاوه فالمحل اللي عدالهم فسارت اللي عداله وطبعا مب بعيد .....
ودوم اختارت الحلاوه وخلصت وحطته على الطاوله اللي يحاسبون عليها وتمت تتريى واحد جدامها عسب تتدفع افلوس.... اللي جدامها انتبه انه هاي وحده يعرفها ..خلص وشل كيسته ويوم لف ويهه ودوم كانت صادّه صوب اهلها اطالعهم عشان ما اضيّـعهم وخلاف حست انه اللي جدامها خلص ويوم لفت ويهه ولا اتشوف هزاع..
طبعا هو ابتسم لها ودوم ما عرفت تبتسم ولا لاء..... سار مسك كيستها وعطاها اياه
هزع : دوج
ودوم : مشكور... ممكن ابا احاسب
هزاع : خلاص دفعت عنج
ودوم : كييييييف
هزاع : خلاااص دفعت بعد شو كييييييف
اللي يشتغل قالها انه الريال دفع عن مالها اتخبرته كم وقالها
هزاع طالعها : يالله انا بسير
ودوم : هزاع صبر
هزاع (( اتعرف اسميه... زقرتنيه.. هيه زقرتنيه .... كم بعيش... يا ويل حاليه انا )) : لبييييييييييييييييييييه
ودوم استحت انها زقرته (( انا شو سويت كيف ازقره يالفضايح اسمينيه ضيعت المذهب خيبه اتخيب العدو صدق ما استحي بلانيه انا جيه مب من عادتيه ))
هزاع : لبيييييييييه زقرتينيه
ودوم وسارت وعطته فلوس الحلاوه
هزاع : لا والله.... والله ما خذتهن...
ودوم : كيفك هو
هزاع : ما تبينهن فريهن ) وخطف عنها بيسير (
سارت ودوم وراه وعطته الكيسه حطتها على الارض جدامه
ودوم : عيل خلاص ما اباها الحلاوه ) وسارت (
تم يطالعها وهي خاطفه جدامه ويضحك
حمد وعبادي يسولفون منصور انتبه انه ودوم يايه ووراها هزاع.. ومحد انتبه غيره
عبادي : تدري حمد اقولك فنشوا عيال المدرسه والسبه انا هههههههه اقولهم يالله نشرد يقولون :" والله شورك وهداية الله "........ أي هدايه عنبوه الشرده هدايه ههههههههههه
حمد : ههههههههههه حليلهم متسبب عليهم
عبادي : لا تدري الصبح يوم ني المدرسة كلنا نرقد في سياييرنا ويوم الساعه 10 انش واسير اوعيهم كلهم... اتصدق انا اوعيهم... وندخل المدرسه والساعه 11:30 نضهر
حمد : شو الفايده عيل اداوم
عبادي : لا بس انسير انراويهم ويوهنا وخلاف نضهر
حمد : الله يعينهم
عبادي : مره كنا في حصة عربي وانا دوم اطفر بالاستاذ يوم يقول انا اليوم بعطيكم درس اقوله انا اليوم ابا درسين ما ابا واحد كيفي يا اخي انا ابا درسين بتقول حق مخي درس ما بفهم... قالي اسكت يا عبيد .. قلت له ما بسكت انا ما اروم اسكت.. المهم ويوم الامتحان قالي اسمع يا عبيد اكتب على الورقة اسمك ولا اتحل فيها شي ابدا لا اتجاوب...
حمد : هيه عسب يحطلك صفر
عبادي : لا شو صفر قالي لا اتحل وانا بنجحك ويوم اخر السنه ولانه حاطلي 93 انا ضحكت ... اقولك قالي عبيد انا بحطلك 100 اذا بدك قلت له اوكيه حط ... قالي بشرط ما اشوف ويهك مره ثانيه فكل حصه طول السنه
حمد : ههههههههههههههههه حليله هب عرسله خليته ضيعت له ذهنه الريال
عبادي : مره قلت حق ثنينه بنتلاقى خاري.. عاد هم ما صدقوا وضهروا برى المدرسه.. شردوا... الاخصائي درابهم وجان يلحقهم .. اونه شو مضرنكم يالله ردوا وخلاااف سيده ياني الصف قالي عبيد... انته ما اتبون ادريبك انك انته اللي مشردنهم.... حليليه ما كنت ادري انهم شردوا ....تدري حمد انا يوم قلت لهم بنتلاقى خاري قصدي فالساحه هب برى المدرسه وهم خلاااف ما سكينها عليه
حمد : ثرك هب هين يا ولد راشد
عبادي : عيل شو اتحرى.... منصور بلاك انته جيه ساكت ما ترمس انا حلجي عورنيه من كثر الرمسه
حمد : هيه صدقه اشوفك يالس ومصكت
منصور : لا اسمع سوالفكم
عبادي : هيه واضحك والدليل يالس الحينه ميت ضحك
منصور : سوالف غبيه ما يحتاي اتعب عمريه فالضحك
حمد : بلاك بلاك انته
منصور : ما شي... ) ونش عنهم (
عند قوم ودوم
النيره : وينها حلاوتج اشوفج فاضيه
ودوم : ما لقيت
النيره : عنبوه ابطيتي وبعدج ما لقيتي
ودوم : تبين سيري طاعي
النيره : خيييبه بلاج انزين خلاااص ما نبا شي
سلامه : بلاج ودوم
ودوم : اريولي عوتنيه يالسه ادور حلاوه واخر شي ما الاقي
سلامه : هيه عشان جيه زعلانه...
ميره : ما يسوى طبيها ....
هزاع سار صوب منصوري الصغير وعطاه حلاوه حقه وقاله سر عط ختك هالكيسه ) الكيسه مالتها اللي ما شلتها (
منصوري سار ويوم وقف هزاع كان منصور في ضهره
هزاع ابتسم له : هاه منصور ... شوفي خاطرك
منصور : سلامتك
هزاع : هيه ادري انا شوفي خاطرك بس برايه في خاطرك ) وسار عنه (
منصوري : ادووم دووج
ودوم : شو منصوري
منصوري : هاه
ودوم : من وين.. منوه عطاك
منصوري : هذاك الليال >> (( الليال = الريال بس بلهجه اليهال ^_* ))
ودوم يوم شافت الكيس عرفت انه من هزاع لانه هو كيسها اللي كانت تبا تاخذه
سلامي : الله حلاااوه النيره .. ميروووه يالله شو تبن
ماخلت مجال حق ودوم انه اتحاول اترده عليه
خلاص شلنه وكلنه
حمد : هاه منصور وين سرت ما استويت اتقر عندنا
منصور : لا ما شي سرت اطالع شي ورديت..
عبادي : يا حيك.... حمد اشوف عندك تليفونين ليكون ضهرت بطاقة دو
حمد : لااااااء هذا تليفون ختيه ودوم
عبادي : شو يابه عندك ؟؟
حمد : امس كانت ناسيتنه على الطاوله قبل لا انسير انتكشت
عبادي : حليلها اكيد يالسه ادوره
حمد : الا صاحت عسبه وشلت البقعه عراسها
عبادي : واشعنه ما اترده عليها
حمد : فاتك امس سويت ابها مقلب اشتريت تليفون لعبه وحطيته في بوكس لونه وردي وعطيتها اياه
عبادي : ههههههههههههههههههه حليلها اكيد فرحت به
حمد : هيه
منصور (( بوكس وردي..... ليكون رمست هزاع صح ..... لا لا ))
حمد : انزين منصور شو قلت
عبادي سار صوب اذن منصور وباغم فيها : منصووووووووووووور
منصور : حوووووووووووووووووووووه عنبوك اسمع انا هب اصمخ
حمد : هيه تسمع وانا من الصبح ارمسك... ما ادري شو بلاك ليكون متصوب
منصور : اتخسي الا انته
عبادي : هيه ولا شايفلك شيفة غاويه من هنيه
منصور : وين بيهن الغوى الله يخليك
عبادي : بعد الناس اذواق
وساروا يتحوطون وفليل
ودوم توها بتحدر باب الفندق..
حمد : ودووم
ودوم : لبييييييييه
حمد : لبيتي في مكه.. دوج
ودوم : امييييين وياااااك شو بعد... ما فيه واحد من مقالبك... يسد اللي استوى امس
حمد : ههههههههه لا لا هذا تليفونج ها اتأكدي انا هب ساير بقعه واذا هب هو سوي اللي تبينه
ودوم : تليييييييييفوووووووووووووووووووونييييييييييييييييي ي.... يا اخي ليش انته جيه حرام لو تدري بس شو استوابيه بسبته
حمد : شو اتسوى
ودوم : هاه.... لااا ما شي... الحمدلله يوم ريته بغيت اموووووووووت
حمد : عيل ما اشوفج متي
ودوم : يالله عاد
وسارت صوب اللفت تبا اتسير الحجره اتريح تعبانه وكان منصور بعد واقف عند اللفت تراه فيه لفتين وكل واحد منهم واقف عند واحد ودوم اتقكر ومنصور يفكر ولا واحد منهم انتبه على الثاني
انفج باب منصور وودوم ودوم ركبت اللفت منصور لف ويهه عادي صوب الي واقف عداله واللي يبا يركب اللفت ولانها ودوم خلى لفته وسار صوب ودوم ... وديمه كانت ضاربه فص عسب يسكر باب اللفت منصور حط ايده وجان ينفج الباب ..رفعت راسها ولانه منصور اللي ماسك باب اللفت ركب وسكر الباب
ودوم تمت لافه ويهه عنها ومبوزه ولازقه اخر شي تبا اتكون بعيده عنه
منصور : اشحاله هزاع ربه ابخير
ودوم : !!!!!!!!!!!!!!!!!!!!!!
منصور : ان شاء الله عيبج اللي فالكيسه.... بقوات عين بعد مخلين منصوري المرسال
ودوم مطنشه
منصور : اكييييد ذووق هزاع حلوووو صح
ودوم : انته ما بتسكت عنيه
منصور : واذا ما سكت شو بتسوين
ودوم : اففففففففف انا تعبت منك...
منصور : صدق والله تعبتي حراااااااام وجان تغضنينيه
كان بينفج باب اللفت وتبا تضهر بس هو وقف جدام الباب ودق الفص اللي يسكر وسار طابق فوق
ودوم : خووووووووووووز
منصور : ليش متروعه من الصدق
ودوم : منصور بقولك شي انته ليش حاط انيه ارمسه والا انيه صايعه...
منصور : لانج جيه
ودوم : لا والله
منصور : شكله عايبنج الريال
ودوم : منصوووور حشم..
منصور : سوري انا ما اعرف احشم للي ما يحشم
ودوم : اوووووهوووووو منصور احسن حل ما اريد ايكون بيني وبينك رمسه خلاااااااااااص
منصور : صدق والله ليييييش انا ما اتحمل ما ارمسج >> يطنز
انفج باب اللفت....
ودوووم وقفت عند باب اللفت : تدري اتمنى اليوم اللي بفتك منك
منصور : فأحلامج..
الساعه 1:35 فليل
النيره :ورى باجر بنرد لبلااااااااااااااااااااااااااااد
ودوم : يالله فديت ترابها والله ما شي عقبها لو نحتشر نبا انسير برى لكنها في قلوبنا ولا نبا انفارقها والله ما شي مثلها.................. الله يرحمه اللي باننها
النيره : ويطول بعمر الحي
ودوم : اميييييييييين
سلامه اتوايج من الباب
ودوم : بسم الله شو اتسوين
سلامه : حشرتكن واصله عندنا عنبوكن ما رقدتن
النيره : لااااء وانتي شو موعنج...ووين ميرووه
سلامه : انا اصلا ما رقدت عسب انش وميرانه راقده راسها يعورها
ودوم : هيه .... تعالي
النيره : سلامي ما باركتي لودوم
سلامه : مبروووووووووووووووووك كلولولولوش
ودوم : يعلج الفضايح قصري صوتج
سلامه : الله يبارك في حياتي
النيره : واااايه بدال ما اتقولج اتقولين حق عمرج
سلامه : ^_*.... انزين على شو صدق
النيره : لقت تليفونها
سلامه : مبروووووووووووووووووووووك... اللوال اللوال
ودوم : الله ياول علينا وعليج الغاليه ثاااااانكس
سلامه : يالله جان جتلتينا عليه
ودوم : يالله انا برقد ورانا نشه باجر...
سلامي : يالله عيل تصبحن على خير
النيره : وانتي من اهله


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 34
قديم(ـة) 10-10-2011, 06:09 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه



البااااااااااارت (( 11 ))

ودوم : يالله انا برقد ورانا نشه باجر...
سلامي : يالله عيل تصبحن على خير
النيره : وانتي من اهله
كلهم رقدوا ودوم اتفكر تقريبا كانت الساعه 3وربع (( شو هالحركه اللي سوالها هزاع صدق ما يستحي كيف يتجرأ يعطيها خويه ويقوله عطها أختك... خيييييييبه.... بس صراحه شكله فنااااااااان... ودوم شو هالرمسه عيب عليج استحي شو اتقولين عييييييييييب .... هب من عادات العرب جيه.... بس صراحه ما ادري... ومنصور شو سالفته انا مب قادره افهمه ....اوهووو احسن ليه ارقد واستعيذ بالله من وساوس الشيطان ))
اليوم اللي عقبه

كانوا يالسين تحت
ودوم : سلامي قومي نشي
سلامي : وين
ودوم : في خاطريه اشتري فريرو
سلامي : هيه والله انا مشتهيتنه
وسارن يتشرن
هزاع يرمس اربيعه خالد
هزاع : خلوووود والله يا اخي ما ادري شو صابني احس اني متصوب
خالد : يوم قلت لك اتقولي لاء
هزاع : والله اني ما اتحمل ما اشوفها... احس عمري بمووووت
منصور كان يالس عدال هزاع فالطاوله اللي عداله يشرب جاهي
منصور (( احس موووت عسب افتك من شيفتك ماصخ واحد اونه متصوب ))
خلص منصور جاهيه ونش وما سمع هزاع يوم يقول
هزاع : تدري خلوووود احس دووم تستويلي مواقف وياها يالله متى بنرد لبلاد عسب اخطبها من اهلها
خالد : بهسرعه
هزاع : يا اخي ما اتحمل وبعدين هذا ولد عمها اخو احمد مرذني مب مخلنيه .... شكله يحبها
خالد : ليكون حاس انك اتطالعها ومنجذب لها
هزاع : ما ادريبه.... يذلف لا يدانيني ولا ادانيه... بس ابا اقهره واخطبها.... >> يقصد ودوم
منصور ما كان يدري انه ودوم هيه اللي ضوت راس هزاع
عقب
منصور وحمد وعبادي يالسين رباعه
حمد وعبادي يسولفون... منصور ساكت
منصور (( انا شو اباها ودوم ما يخصنيه فيها ولا في هزاع... وهزاع شو ذنبه اعامله جيه.... انا اللي اعرفه انيه اكره ودوووم ... وفي نفس الوقت احب اتياحد فياها حلوووه شكلها يوم تتغيض ..... يا ربييييه بلانيه انا احس عمريه زودتها.... اوووووهووووو احسن حل اني اتجاهلها تماما... انا ما ادري ليش ضربتها ذاك اليوم شو اباها ما احيد توصل عمريه اتياحد وياها لين الضرب .... لا هالمره بطنشها تماما... من الخاطر ولا بتياحد وياها ولا كنها موجوده ))
حمد : عبادي تدري واحد هنيه يالس وسرحان ما ادري وين وصل.....
عبادي : توه بيركب الطياره بعده ما ودصل
منصور انتبه انهم يرمسون عنه
منصور : يالله منكم اقولكم خلونا نتمشى خاري يالله قومي وما اريد اسمع اسالتكم يالله
وساروا يتمشون وتم منصور عادي يسولف ويضحك ويطنز يعني رد منصور الاولي

ودوم وسلامي والنيره وميروووه ومنصوري الصغير يالسات في الحديقه ودوم وسلامي ومنصوري يتمشن وخلاف تم منصوري يبى ياخذ له لعبه وحاشر البقعه
سلامي : قومي خلينا نشتريله لعبه
ودوم : اوكيه
وسارن يتشرن لعبه
ودوم : هاه حبيبي اختار شو تبا
منصوري احتار شو بياخذ ولو الود وده جان شل المحل كله ^_*
ودوم : هاه شو اخترت...
منصوري : هيه اليد هذي
ودوم : اوكيه... هو مت ذيس ون
وخلصن وساروا
سلامي : ودوم طاعي هذاك شو يسوي
ودوم : وين....
كان واحد يسوي حركات وجيه ودوم كانت تبا اتصوره وصورته
ودوم : يالله انسير...منصوري حبيبي يالله......... منصور...
ودوم : سلااااااااااااامي
سلامي : بلااج
ودوم : منصوري ما ادله وين سار لحقي >> شوي وبتصيح
سلامي : قومي اندوره شو ميلسنج
وسارن متروعات يدورنه
سلامي : هكو أحمد بسير اقوله عسب يدوره
ولفت ويهه ولانه ودوم مب عدالها سلامي في خاطرها (( خيبه جان ما ضاعت هي بعد )) وسارت سلامي صوب أحمد
سلامي : أحمد.. أحمد
احمد اتغيض (( هاي كيف تي هنيه ما اتشوف انه عنديه اربيعيه ))
احمد : بلاااااج
سلامي تنتفض
أحمد : بلااااج تنتفضين رمسي
سلامي : منصوري...
أحمد : بلاه
سلامي : ضااااااع الحق..
أحمد : واشقايل ضاع
هزاع : خل عنك الاسئله وقم بندوره... وين اخر مره كنتوا وياه
سلامي : انا ودوم سرنا عسب نشتريله لعبه وكان عدالنا وخلاف ما لقيناه
أحمد : وودوم وينها الحينه..
سلامي : اخر مره كانت ويايه اتصيح وادوره
أحمد : كيييف اتخلينها ارووحها ..
سلامي : ما خليتها اوحها لفيت ويهيي شوي خلاف ما لقيتها
أحمد : يعني ضاعت بعد
سلامي : ما ادري
أحمد : سيري سيري نحن بندور ولا تضهرين برى بعمرج
سلامي : ابا ادور وياكم
احمد : ما اشي يالله سيري ولا اتخبرين حد يا ويلج... خاصه لكبار ولا الامهات... خالتيه بتموت
سلامي : ان شاء الله
وسارت تيلس فيا قوم النيره ميروه وطبعا يالسه اطالع ولا اتسولف يمكن اتحصل منصوري
هزاع : أحمد سر انته مناك وانا منيه واللي بيلاقيهم يتصل بالثاني
أحمد : اوكيه
ودوم (( يالله فديتك يا منصوري... كيف ما انتبهت عليك وانته ليش اتسير.. يالله وين بلاقيك الحينه... افففففففففف ))
سلامي ما رامت اتم ميلسه سارت صوب قوم حمد
سلامي : حمد
منصور تم يطالعها
حمد : لبيه !!!!!!!!!!
سلامي : لبيت حايه دخليك ألحق
حمد : شووووووه
منصور : بلااااج
عبادي :؟؟؟؟؟؟؟؟؟؟
سلامي : اسمع أحمد قالي ما اخبر حد بس انا ما رمت بس دخليك لا اتخبر حد اباك ادور منصوري ضاع وودوم سارت ادوره وضاعت وياااه
حمد : كيييييييييييييييييييييييييييييف ومتى ؟؟؟؟؟؟؟؟؟
سلامي : لا اتخبر دخيلكم سيروا دورووهم....
عبادي : محد يدلهم
سلامي : ما ادري أحمد واربيعه ساروا يدورونهم
منصور : وانتن كيف ضاع منكن
سلامي : كنا نتشراله لعبه وخطف عنا ولا شفناه وبعدين كان زحمه
حمد ما اتريا على طول سار يدور
عبادي : حمد اصبر بنسير فياك ) حمد مطنش وسار يدور (
عبادي : وودوم وينها الحينه....
سلامي : يونا بنسير اندوره ويوم شفت أحمد سرت اخبره ويوم لفيت ما لقيت ودوم
عبادي : يعني ضاعت هاه
سلامي : دخليكم ما ابا حد يعرف سيروا دورا وانتوا سكووووووت
منصور : وانته بعدك تسأل قم خلنا اندور
وساروا يدورون...... شوي ولانه مطر يصب
سلامي (( بعد مطر الله يعين ... ياااااااااااارب تسترها معانا يااااااااااااااااارب ))
أحمد يدور من صوب ... حمد يدور من صوب... منصور... عبادي... وهزاع من صوب....
هزاع لقى ودوم وسار صوبها
ودوم (( خيييبه انا الحين ضعت وين بدل ارد... يالله.... ومطر يصب بعد... يا ويلي شو بيستوي ))
هزاع : وديمه
وديمه سمعت اسمها.. حد يزقرها ابتسمت.. ولفت ويهه (( حد يزقرنيه هيه حد وينه... ))
هزاع : وديمه وراج
ودوم : هزاع...... ) كان منصور بن سالم يدور ولقى ودوم ويوم كان بيسير صوبها شاف هزاع عندها ... على طول سار صوبها (
هزاع : كنا اندورج انتي ومنصوري.....
ودوم : ولقيتوووه .....
هزاع : لاااااااااء
ودوم : يالله.... ) وتمت اتصيح (
هزاع : دخليج لا اتصيحين الحينه نحن يالسين اندوره اهم شي لقيناج .. يالله قومي خلينيه اسوي لأحمد اخبره اني لقيتج.. وخلاف بنسير وياج اندور منصور
منصور : هاه ودوم انتي هنيه
هزاع لف ويهه (( هذا شو يابه... يا ربيه كنت فرحان بدونه ))
ودوم : منصوري .... ما ادله
منصور : ادري كلنا اندور انا وحمد وعبادي....
هزاع اتصل بأحمد وخبره انه لقى وودوم وبأنه منصور اخوه بعد عندهم
منصور : يالله تعالي....
ودوم : ما ابا
منصور : اقولج تعالي...
ودوم : ما ابا اريد ادور منصوري
منصور : وديمه عن لعناد اللي فيج تعالي عن لا امطج من كشتج
هزاع : منصور هد.... اقول تعالي بنوديج الفندق ونحن الشباب بندوره.... ما عليج انتي والحينه مطر... يالله
ودوم : بس..
هزاع : ما عليه يالله قومي...
منصور : حوووه اترمسها وانا موجود عنبوك حشم....
هزاع : منصور ... تبا تضارب .. عادي بنضارب.. بس هب الحينه بعدين...
ودوم : يالله... ) وتمت ميته صيااااااااااح ... لفت ويهه..وشافت شي... واتيبست عظامها (
منصور : حوووه انتي يالله
هزاع طالع صوب البقعه اللي ودوم اطالعها.. ولقى منصوري يصيح وعنده حرمه عيوز اترمسه على طول سار صوبها وشل منصوري عنها عقب ما عرف منها انه لقته يصيح وحاولت اتعرف هو من وين ووين اهله بس هو ما طاع يرد عليها وشكرها وشله... ودوم من الفرحه اريولها ما شلنها.. هزاع يابه صوبها
وكان شالنه ومنصوري لاوي على هزاع....
هزاع : ليش حبيبي اتسوي جيه
منصوري ميت صيااااح
هزاع : وهذا خوج ريناه
ودوم ما حست بعمرها الا وسايره صوب هزاع وماسكه اخوها ولطمت ايد هزاع بالغلط ما حست لانها كانت تبا اتشله وبعدين شوفت منصور نستها كل شي حواليها.. وتمت تلوي على خوها وهي واقفه جدام هزاع
منصور (( عنبوهم لا خيال ولا مستحى ))
ودوم : فدييييييييييييييييييييييت روووووووووحك يالغالي... ليش اتسير عنيه.... كنت بموووووووووووت
منصوري لاوي عليها ويصيح...
منصوري : أدووووووووووم.....وااااااااااااااااااااااااااااااا اااااااااااااااااااااء
ودوم : لبييه يا الغالي
ويلست وتمت لاويه على اخوها
منصور اتغيض من الخااااااااااااااطر .. سار وشل منصوري من ايدينها... وقفت وجان يتم واقف يطالعها..
هزاع يطالع... ودوم (( اكيييد بضربنيه ))
منصور : اذا بعدج مطوله ويا هزاع يلسي.. وجان تبين اخوج اتدلين الدرب وخطف عنها
ودوم (( حست انها سوت حركه بايخه واستحت خاصه انها واقفه جدام هزاع نزلت راسها وسارت صوب منصور متغيضه منه وفرحانه لانها لقت اخوها ))
هزاع ابتسم لودوم ولحقهم.. واكيد اتصل حق أحمد وخبره انهم لقوهم فثنينه وأحمد اتصل بعبادي وحمد وخبرهم
منصور (( والله كنت بضربها... بس ما عليه بطنش لانها ما اتهمنيه..بطنش ولا جنه شي استوى..... ))
ودوم (( انا شو سويت اليوم... خيييبه اسميه منصوري خلاني بلا ذهن اتروووعت حسيت عمري بمووووت لا وبقوات عين سايره صوب هزاع ووواقفه عنده انزين استحي على وييهج لا وجدام منصور... اوهوووو الحينه شو بيفججني من لسانه... الله يعيني اليوم بيذبحنيه ولا بيخبر حمد ولا محمد يسويها.. يا كرهه ليه ... يولي.. هو اصلا يبا سبب عسب يتضارب ولا ما همه اللي استوى اليوم ويا هزاع .... اهم شي لقيت الغالي ))
وصلوا الفندق وهم خرسانين ماي
سلامي ربعت صوب ودوم ولوت عليها
سلامه : وين منصوري
ودوم : عند اخوج السبال

عقب الكل عرف انه منصوري ضاع طبعا عقب ما لقوه... وتموا محتشرين....لكن الاهم انهم لقوه.. وسار كل واحده حجرته عسب يرقد تدرون بيرددون الاماااااارااااات

الصبح... اليوم بسيرون المطار

محمد : وينه فلاح.......
سيف : توه خاطف منيه..
محمد : يا الله جاني قلت له لا اتحرك من بقعتك....
سيف : بسير اطالع قوم امايه هبابنا نلحق عالطياره
محمد : برايك انا بسير اسنع هناك فيا سعيد
سيف : اوكيه سر
ودوم : سلامي يالله انقفضي
سلامي : يايه صبري..
ودوم : الكل تحت الا نحن هنيه (( ودوم كانت واقفه عدال باب الحجره ))
سلامي : يالله انزين قلت لج يايه يايه
سيف شافها
سيف : ودوم .... بعدكن هنيه
ودوم : هلااااا سيف.. هيه هاي ما طاعت اتخلص لعوزتنيه
سيف : منهيه ميرانه
ودوم : لا سلامي
سيف : هيه... يالله انقفصن انزين....
ودوم : اوكيه.....
وسار عنهن خلاف سارن صوب اللفت يترينه يوصل
ودوم : لو ما ييتي يعني فضحتينيه سيف لقانيه اتحرطم
سلامي : انزين ترانيه قلت لج يايه
ودوم : اشعقبه
سلامي : اقول انا وانتي بنيلس عدال بعض فالطياره
ودوم : اكييييييد ما فيه بعد اسير ايلس عدال منصور يععععععععع
منصور كان وراهن... يبى ينزل بعد بس ما رمس رغم انه سمع بالعاده ما يسكت على اتفهه الاسباب يتناقر فيا ودوم....
ودوم : انا اخووووج عظم في حلجي ما اتحمله ولا اتحمل طاريه
لفت وييها ولانه منصور وراها (( يالله اكيييد سمع الحينه بيبدأ وبيضارب.. اوووووووووفففففف.. لا وسالفة امس بعد ... يالله منه ))
ركبوا اللفت... ودوم ساكته ومنصور ساكت سلامي ما بغت ترمس...
ودوم (( يااااارب ما اسمع صوته... بس ما فيه والله يعذبنيه ))
منصور كان ساكت وفج باب اللفت وضهر قبلهن ولا فج حلجه برمسه
ودوم تمت اطالعه مسغربه
ودوم : سلااامي
سلامي : هلاااااااا
ودوم : غريبه اخوج ما قال شي وانا متأكده انه سمع اللي قلتله
سلامي : حمدي ربج مب هذا اللي انتي تبينه
ودوم : هي احسن فكره..
وساروا المطار

فالطـــــياره
ودوم يالسه عدال سلامي... وعدالهم حمد وعبادي وورى قوم عبادي منصور وأحمد
ومحمد يالس عدال هزاع سعيد عدال سيف النيره وميره مع بعض
عبادي وحمد وودوم وسلامي كلهم يسولفون مع بعض
ودوم : عبادي انته سوالفك تحفه
عبادي : شو تحفته بعد
سلامي : هههههههههههههه يعني حلوه
ودوم : ما عليه تعال انته ليش قبل تشرد من المدرسه
عبادي : بس جيه
حمد لف ويهه صوب منصور وأحمد ويلس يسولف وياهم
عبادي : تدرون انه اتفنش 45 طالب والسبه انا
ودوم : هههههههههههههههههه مساكين شو تباهم
عبادي : مره انا وثنينه غيري كنا نبا نشرد اقولج انا وواحد طفينا من فوق اليدار الثالث نشب فاليدار (( نشب = علق ))
ودوم + سلامي : ههههههههههههههههههههههههههههههههههههههههه
عبادي : ما رام حليله يرقى ولا ينزل.. عاد تمينا انمطه ما رمنا لين ما يى الاخصائي وكشفنا اقولج سرنا وخليناه ناشب بقبسته (( بقبسته = ابروحه ، ناشب = عالق))
سلامي : اسميكم ربعت بوووووش
حمد : انته ومغامراتك فالمدرسه لو اتسوي كتاب بتربح فيه
عبادي : هزرك....
ودوم : هههههههههههههههههههههههههه
سلامي : صدق سوالف..
حمد : بعده هذا ما ايي بزار من سوالفه الباقيه خبرهن يوم تشرد شو اتسوون
سلامي : هيه هيه قول
عبادي : فديتني انا وسوالفيه محلاهن
ودوم : كله نفس السوالف وعن المدرسه
عبادي : عيل ما بقول خله فهوادج
ودوم : افاااااااااااااااا اسولف ويك
سلامي : ما عليك قول قول
عبادي : لا كنا نشرد وانسير الدكان ونشتري بيبسي وشلق.. وانرد المدرسه ونيلس نشرب بيبسي ونفر شلق ويوم يتخبرونا انقولهم نبا نفرح.. عنبوه... حتى البيبسي ما يخلونا نشرب عيل شو يبونا نشرب برتقال ومانجى هذا ما نبا نحن
ودوم : والله انا اللي غاضننيه الاستاذه والاداره
عبادي : يوم اتلاقى وياهم الحينه يقولون المدرسه هب شي عقبك لول لها طعم الا حلااااااه
سلامي : حليلهم حسوا بفراقك
منصور يالس يسولف مره ويا أحمد ومره ويا حمد ويطنز وخلاف ويا عبادي لانه البنات يسولفن رواحهن
سلامي : اسميه عبادي علووووووم
ودوم : هيه...
ووصلوا لبلاااااااااااد.... وصلوا الامارااااااااااااااااااااااات فديت طاريها انا...

عقب يومين
..........................في بيت بو محمد.............................
بو محمد : شو رايكم انأجل الحفله لين أول شهر 8 بيكون الجو زين ان شاء الله.. ونحن بعدين حاجزين ونبا انسافر
ام محمد : صدقه ابوكم الحينه العربان مسافره ومحد فالبلاد وانا يوم ابا اسوي حفله اسنحي ما اعزم عربانيه والحرماات ما شاء الله وايد اللي بعزمهن
ودوم : كيفكم عااادي عنديه
بو محمد : فديتج يالغاليه
ودوم : عادي باباتيه
بو محمد : ويوم بنسير ايطاليا بنشتريلج الفستان من هناك بعد شو تبين
ودوم : ما اتقصر يالغالي......
ام محمد : وحتى فطامي بناخذ لها من هناك
فطامي : الله....... انزين متى بنسافر
بو محمد : يوم الله بيكتب لنا بنسافر
ام محمد : اقولكم باجر اتزهبوا بننهي صوب يدكم ويدتكم فضحه عليكم ياين من الصفر ولا سرتوا اتسلمون عليهم وبعدكم بتسافرون مره ثانيه
بو محمد : هيه صدقها سيرا باجر
محمد وحمد داخلين
محمد + حمد : السلام عليكم
الكل : وعليكم السلام
فطامي : خلااااص اجلناها الحفله لين عقب ما انرد من السفر
حمد : هيه احسن جيه
محمد : انا سرت طالعت كل شي ويوم بنرد بسلامه كل شي بيكون زاهب....
ام محمد : ان شاء الله ... اقولكم باجر اتزهبوا بنسرح صوب يدكم بنسلم عليه فضحه
حمد + محمد : ان شاء الله

والضحى اتلبسوا وساروا صوب قوم يدهم محمد
عقب السلام
اليده : ما شي عقب بلادك ...
ودوم : هيه امايه بس غير يوم اتسافرين
اليده :حشى ما بضهر من بلادي الا من العين ما بشبر وااااااااايه شو عقبها داري
اليد : حتى لو تبين وين اترومييين انتي يالله من الحوش لين حجرتج لين الصاله لا وبعد بتسحيب.. الله يعينها مارتا >> (( مارتا البشكاره (( اثيوبيه )) ... ))
اليده : بخبرك انته بلاك جيه
حمد : فطامي نشي هاتي ماي
فطامي : انزين
محمد : ابويه سرتلها العزبه
اليد : هيه لكن يا بوك هالبيادير لعوزينيه.. خسهم الله
محمد : جيه..
اليد : امس البنقاليه اضاربوا وا لبلوش اللي فالمزرعه..
محمد : واشعنه
اليد : غربلاتهم... اشدرانيبهم اونه ما يشتغلون
بو محمد : ابويه انا مرمسنهم قلت لهم سيروا نظفوا المزرعه الشرجيه وخلاف ردوا على المزرعه الثانيه
(( عزبة قوم بو محمد واليد مع بعض والعزبه بعد ))
محمد : انزين هذا بابوه محتشر متصل من صباح الله خير يقول البوش امنوه لهن .. اونه شالراي فيهن
اليد : اشقايل امنوه الهن تراهم دحب الصقاع والرقاع
محمد : درانيبه.... قلت له بابا بيرمسك انا ما خصنيه....
بو محمد : اليوم العصر بخطف عليه
اليده : وايه فطامي بسج من هالسقم اللي تصرطينه (( تصرطينه = تبلعينه ))
فطامي : حلووووو اميه تبين
اليده : لا والله حشى ما ارومه انا هذا
اليد : انتي وين فيج ضروووس كانن العام ثنينه والسنه طاحن
ودوم : هههههههههههههههههه حليلها حرام عليك
اليده : يا ويلي عليك وانته بعدك بضروووسك
اليد : هيه باقي وثنينه واحد فوق والثاني تحت بعدهن
اليده : خييبه لين الحينه معمرات
اليد : هب هااااج الله..... عنبوج اتغارين.. هيه لين الحينه... لكن ما اضني بيصبح بهن ..
ودوم : ليش هههههههههههه
اليد : جيه ما تدرين عين يدتج والقبر... بيطيحن باجر ضروووسيه
ودوم : ههههههههههههههه
حمد : ما عليك يديه بوديك الدختر وبيركبون لك ضروس يداد محد استعملهن وكاملات
اليده : يعلكم السقم.. شو ضروووسه بعد والله ان ركـّـب انه ما يطيح التراب عليه... شلوه عندكم
ودوم : ههههههههههههههههههههههههه
حمد : ليش يدوه
اليده : اخخخخخخخخخخخ
اليد : جزتــنــيه
حمد : ههههههههههههههه

في بيت بو سعيد...................
سلامي : انا ملاااااااااااانه ما عندي شي اسويه افففففففففففففففف
أحمد : بلااج تتحرطمين
سلامه : ملاااااااانه...
أحمد : يلسي على اللاب توب.. رمسي اربيعاتج....
سلامه : مالي بارض حق شي
أحمد : كيف والله....

عبادي ومنصور راكبين رباعه في سيارة عبادي.. ويحاوطون في شوارع العين دار الزيــــن ^_^

عبادي يمشي شرى الخبله فالشارع يمين يسار ويصيرح هرنات حق الهنود اللي يمشون فالشارع ويعطيهم فول ليت... شوي ولانه سياره وراه تعطيه فول ليت
عبادي : هذا شو عنده يعطينا فول ليت...
منصور : ما ادريبه
عبادي : بنوقف انطالعه
ودخلوا باركنات عسب يطالعون شو يبا اللي عطاهم فول ليت... وهو سوالهم طاف وحدر فالشيشه عسب يصب بترول......
عبادي : انا براويه
و عصب ولحقه ودخل الشيشه وياه.. وسار وقف وراه عطاه فول ليت وروح عنه
عبادي : شو يتمصخر هذا
الريال فج الباب وما نزل.. اصلا هو فجه لانه عبادي عطاه فول ليت
منصور : فج الباب راعي هذيج السياره
ساروا ووقفوا فباركن السبرماركت اللي في الشيشه
عبادي : بحوله
منصور : شو بتقوله
عبادي : بقوله الميزانيه خربانه... تمت اتسير يمين يسار >> وطبعا جذب لانه عبادي متعمد يسوق يمين ويسار
منصور : عيل يالله انحول
وساروا لين سيارة الريال .. والريال يوم شافهم حول
الريال : شو بلاك اتلف ايمين يسار فالشارع تلعب
عبادي : الميزانيه خربانه تمت اتسير يمين ويسار
الريال : الميزانيه ما بتسوي كل هذا... ) وسار عنهم يبا يركب السياره (
عبادي : يا الطيب.. لو عندك مشكله سر عن الضابط فلان فالمركز وبلغ عليه >> قالها وهو معصب.. يعني بصوت عالي
الريال : طلع الملكيه والليسن.......( وراواه بطاقته العسكريه وقاله ) ......وياك الرائد فلان


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 35
قديم(ـة) 10-10-2011, 06:11 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه


عبادي عطاه الملكيه والليسن وخلاف سار الريال واللي هو الرائد وبلغ الشرطه....
ابطوا يتريون ولا حد يى........ الرائد روح عنهم... عبادي ومنصور بغوا يلحقونه...... وكانت سياره توها يايه حولوا منها ثنينه قالولهم : وقفوا عندنا الملكيه والليسن.... منصور وعبادي وقفوا ونزلوا من السياره
المباحثيه : شو السالفه
عبادي : كنت ابا الف يسار وتمت تنتفض عليه السياره ورديت يمين ابا اوقف تم هو يعطيني فول ليت
وقفت له وروح عني... لحقته هنيه وتم يقولي ليش يالس تلعب فالشارع ويباغم عليه وقلت له اذا كنت غلطان سر بلغ عليه وانا مستعد اتحمل المسؤوليه >>> طبعا حرف شويه فالكلام اللي قالهه حق الرائد
المباحثي : انا ما اقدر اخالفكم لاني ما شفت شي ....برد عليك...) واتصل تليفون (
ويلسوا عبادي ومنصور يتريونه فالسياره..... ياهم وعطاهم الملكيه والليسن
المباحثي : الله الله في عماركم وحاسبوا
عبادي + منصور : مشكوور وطول عمرك.. وروحوا

قوم بو محمد ردوا بيتهم عقب ما اتغدوا في بيت يدهم محمد
فليل
ام محمد سارت بيت يرانهم فطامي وودوم ومنصور تموا فالبيت .. بو محمد فالعزبه سار ممع ابوه.. محمد وحمد وفلاح كل واحد منهم سار عند اربيعه...
سلامي اتصلت حق ودوم....
ودوم : انزين سلامي تعالي بيتنا
سلامي : ما فيه
ودوم : عن المصاخه كله انا ايكم... وبعدين محد فالبيت غيري انا وفطامي ومنصوري
سلامي : انزين حتى لو حد عادي بس متعايزه اتحرك
ودوم : اترياج.. يالله
سلامي : اوكييييه
وسارت بيتهم....وتمن يسولفن ويتمصخرن وطالعن فلم ورمسن فالمسنجر مع اربيعاتهن...
حمد توه ياي
حمد : السلام عليكم
ودوم + سلامي : عليكم السلام
ودوم : هاه حمد ييت
حمد : هيه.. وين امايه
ودوم : سارت عند قوم ام خلفان
حمد : هيه... انزين سيري خبري البشكاره اتزهب العشى الحينه بيون قوم عبادي
ودوم : عبادي بيي
حمد : بس اشعنه اتخبرين يالله سيري .... صدق شاري انا بعد من المطعم سيري شليه حطيته عالطاوله
ودوم : اوكيك.. وين بتعشون فالميلس
حمد : هيه.. مب اللي برى اللي هنيه
سلامي : انزين سلم
حمد : اوه حد هنيه
سلامي : خييييييبه كل هذا وما اتشووووف..
حمد : ههههههه السموووحه مستعيل بسير فوق
سلامي : انزين ما نبا منك شي بس السلام عليكم اشحالكم
حمد : عليكم السلام ونحن ابخير
سلامي : ههههههههه انزين يالله سر.. اقولك منصور بيي
حمد : هيه
ودوم : يالله سلامي بتين
سلامي : عيل بيلس اروحي
حمد : اباكن اترتبن كل شي
سلامي : وليش هالحشره الا منصور وعبادي
حمد : انزين يستاهلون عيال عميه
عبادي ومنصور يوا..... حمد فوق... وسلامي فالمطبخ ودوم توها ضاهره من الميلس مشغله الليتات
ولانه منصور وعبادي داخلين
عبادي : هووود هالبيت... السلام عليكم... حد هنيه
ودوم : هدا اقرب.. عليكم السلاام .... هيه عيل فاضي
عبادي : واشحالج بنت عميه
ودوم : يسرك حاليه ومن صوبك
عبادي : طيب طاب حالج...
منصور : واشحالج وديمه
ودوم : ابخير الحمدلله ومن صوبك
منصور : يسرج الحال
عبادي : جيه ما اتقولين لنا قربوا
ودوم : قربوا... تعال ما يحتاي انتوا من هل البيت وادلون كل زاويه فيه بعد ليش اقولكم
عبادي : اونج عاد استويتي حرمه...
ودوم : لا والله انا بنيه
عبادي : وامنوه مخلص الثانويه.. هاه... الحينه بنسميج البنت الجامعيه
ودوم : يوم بدخل ذيج الساعه قول.. يالله اقرب
منصور كان مطنش ودخل... طبعا دخلوا الميلس... حمد نزل وسار صوبهم وتموا يسولفون وخبروا حمد السالفه اللي استوت عليهم من شوي وخلاف ودوهم العشى
منصور خلص عشى وسار بيقوم
حمد : جيه قمت
منصور : بسيه يعلها نعمتن مديمه
عبادي : عنبوه ما كلت شي
منصور : ما عليه انته كل عني وعنك انا بطني ما فيه أي بقعه خليه
حمد : بالعافيه عليك
منصور : الله يعافيك
ودوم كانت ضاهره من حمام الميلس حاطه كلينكس لانه كان بس واحد الباقيات خلصن يى منصور يبا يدخل ولانه ودوم جدامه.. ودوم شافته (( الله يستر الحينه بيبدأ ادريبه.. افففففففففففففففففف ... بطنشه ))
منصور تم يترياها لين ما تظهر... وظهرت وسارت صوب سلامي.... ولا فتح ثمه بكلمه
وتمن يالسات فالصاله يسولفن وحاطات قناة نجوم وكانت أغنية ميحد اليديده قمـــــه

هيـــــمن على أرقـــــى الجمــــــــال ولمــــهـ
جمــــع ثقافــــات البشـــــــــر فـــي تـــــاجهـ
قــــــمه علـــى قمـــــــــــه وذوقــــه قمـــــهـ
ذوق وجمــــــــــــــال وغــــرت(ن) وهاجهـ
طــرف(ن) كحـــيل وفي رموشــــه سمــــهـ
والعـــــود يســـــبي داجـــــه وديــــــــــباجهـ
وخصر(ن) مثل كسـره ووراهـــــــا ضــمهـ
وفتحــه علــــــى حـــد السكــــون اتواجـــهـ

ودوم : عذااااااااااااااااااااااااااب هالاغنيييييييييية
سلامي : عذااااااااااب الا ... قولي طررررررررر
ودوم : اتعذبنيه
عبادي داخل : ههههههههه بلاكن محتشراااااات
حمد : عنبوكن قصرن على الصوووووت
ودوم طولت

أهتـــــــــم من همـــــــــــه وهمي همهـ
ومنهاج قلبي منهجه منهـــــــــــــــــاجهـ
دمه علــــــــى دمي ودمــــــــــــي دمهـ
اهوا الدوا وانــــــــــــــا طبيب علااجهـ
حمد : حوووووووووووه قصري
ودوم : عذاااااااااااااااااب والله
عبادي : انزين عذاب بس هدي
منصور : اوه سلامي هنيه
سلامي : هيه امره ما اتسلمون ما جنه ليه رب
منصور + عبادي : السلاااام عليكم واشحالج
سلامي : لوووووووووووووووووول
ودوم (( بلاااه منصور.. ليش جيه متغير... شو فيه ... يعني متغير من صوبي بس... لكن تصرفاته هي العاديه وخباله.. وعادي بس ما جنه يشوفني... شو بلاااااااااااااه مب طبعه.... يالله مب حلوووو جيههه ))
سلامي : ودووووووووووووووووووم
ودوم : هاه
عبادي : حليلها .. وين وصلتي
ودوم : وين
حمد : ههههههههه خلها.....
منصور : يالله انسير
عبادي : يالله
حمد : سكرن الباب..
ودوم : ان شاء الله
عالساعه 10 سلامي سارت بيتهم....ودوم سارت حجرتها وتمت اتفكر....
(( بلاه منصور.. مب حلووو جيه.. يعني لول استانس يوم اضارب وياااه احلى شي.. جيه اكشن وشرار.. ليش الحينه ما يسبنيه... هذا اللي اباه ... بس.. لااااا... ما ادري.... انزين هذي ثاني مره جيه يسوي...يمكن ما يستوي موقف... لا لا لا.. قبل يوم كنت اسير بيتهم... وهو ما يدريبي اني عندهم ويوم يسمع اسميه حتى لو مستعيل يرد عسب يتياحد ويايه.. يعني يعيبنيه الضرابه وياااه... اهوووووو شو بلاااااااااااه... المشكله يكرهني بالقوووووو... يالله الحينه انا ميته عليه.... اففففففففففف ... انا لييييش جيه افكر فيه... صراحه انا ما عرف من عقب سوالف هزاع احسه غير يعني كان يهزبنيه بالقوووو وهو مب جيه طبعه يعني ما يهمه... يالله حتى مب قادره افهم تفكيري وانا في شوه افكر... ااااااااااااااااااااااااااااااااااااااااه ..... ليكوووون... لا لالالا ))

عقب كمن يوم
هزاع واهله في بيت قوم ودوم
عقب ضهروا ودوم فوق يالسه على الاب توب اترمس اربيعاتها فالمسن
ام محمد سارت فوق عندها
ام محمد : هاه بنيتيه انتي هنيه
ودوم : هيه امايه.. فديت شي فخاطرج
ام محمد : هيه تعالي خلي الكمبيوتر عنج
ودوم : انزين اميه صبري بقولهم برب
ام محمد : بعد شو هذا
ودوم : لا ما عليج رمسي امايه يالله اسمعج
ام محمد : فديتج يالغاليه والله وكبرتي..
ودوم : ؟؟؟؟؟؟؟؟ بلاااج امايه
ام محمد : لا تستعيلين...اليوم يونا عرب
ودوم : انزين
ام محمد : هزاع وهله اتحيدينه اربيع أحمد
ودوم : امممممم هيه اللي سار فيانا يوم سافرنا
ام محمد : هيه...يوا عسب يخطبونج حق هزاع
ودوم فاجه عيونها منصدمه
ام محمد : هاه فديتج شو قلتي...نحن قلنا لهم امهلونا اسبوع بنشوف لبنيه وخلاف بنرد عليكم... فديتج لا تسرعين اتشاوري ويا عمرج وشوفي... خذي راحتج... يالله الحينه انا بسير عنج... فكري
وسارت عنها.... ودوم مب رايمه اتصدق....
(( هزااااع... ليش.... والله ما اعرف شو اسوي انا اصلا ما اريد اعرس.... يا الله..... انزين هزاااااع فنااااااااااااان ومحد مثله بس.... المشكله مغازلنيه .... اوووووهووووووو شو اسوي الحينه ))
عقب كمن يوم سلامي دلقه حق ودوم ... لانه الخبر انتشر بين العايله... خاصه عند ام سعيد لانها اخت ام محمد
سلامي : مبرووووووووووووووووووووووووووووووووووووووووووووووو وووووووك
ودوم : على شوه
سلامي : جب يالله الحينه يتستوين عروووووووس
ودوم : هيه الله يبارك فيج بس بعدنا ما ردينا عليهم
سلامي :انزين انتي مواقفه
ودوم : والله ما ادري
سلامي : يالله عرسي.. ابا اشوفج عرووس رغم انه متفقات انه انعرس مع بعض بس يالله سامحتج
ودوم : سلاااااامي.. بلاااااااج انتي.... هيدي....
وتمن يسولفن مع بعض...
يى الوقت اللي لازم ودوم اتقرر (( اتواقف او ترفض ))

في بيت قوم بو سعيد
ام سعيد – سلامي – أحمد يالسين فالصاله
منصور حادر
ام سعيد : هاه فديتك وين
منصور : مب بقعه بيلس عندكم...
سلامي : انزين امايه قوم ودوم ردوا على الريال
ام سعيد : ما ادريبهم اليوم قالت ختيه بيردون عليهم
أحمد : تستاهل ودوم......
منصور مستغر شو السالفه
سلامي : ما اتخيل ودوم عرووووس
منصور فج عيووووونه
ام سعيد : يالله بالمبارك عليها.. وعقبالكم ان شاء الله...
أحمد : اميييييييييييييين... يالله الوالده شدي حيلج ودوريلنا
ام سعيد : ترانيه ادور لك.......
منصور : شو المستوي
أحمد : بنت عمك ودوم خطبوها
منصور : شووووووو... صدق.... ومنوه خطبها
سلامي : واحد اسمه هزاع
منصور : ليكون اربيعك هذا اللي سار ويانا
أحمد :هيه
منصور ما عرف شو يسوي وسار فوق حجرته وتم يفكر
منصور (( معقوووووووله ودوم بتعرس وبمنوه هزاعوووووه...... لاااااااااااااااء مستحيييييييييييييل....
))
وما رقد الليل بطول يفكر..
الصبح متسبح ومتلبس وواقف جدام المنظره يتسفر...
(( معقووووله.. لا ما بخلييييه ما عليه ارااااويهم... والله ما ياخذها )) >> منصور قالها بدافع الكرهه وخاصه انه ما يبا هزاع يناسبهم..
وسار تحت صوب حجرت امه ودق الباب
ام سعيد : امنوه ادخل
منصور : السلام عليج اميه ..
ام سعيد : عليكم السلام ... فديتك تعال.....شو في خاطرك
منصور : اميه الحينه صدق بنت عميه انخطبت
ام سعيد : هيه
منصور : اماااايه انا مب موافق
ام سعيد : وايه انته اللي بتاخذها..... خلها
منصور : عيل والله ما خذها
ام سعيد : يابويه.. بلااك شو هالرمسه.. عنبوه بنقطع نصيبها
منصور : عادي... كم واحد خطبوها قبل... وانا قلت والله ما ياخذها هزاع
ام سعيد : بلاه هزاع....
منصور : ما يخصنيه... ما ياخذها يعني ما ياخذها
ام سعيد : نحن ما خصنا... يمكن ردوا عليهم الحينه
منصور : والله لو خذها لدعمه واحطه تحت التاير وانتي كيفج
ام سعيد : يا ويليه منك... الحينه بلااااك
منصور : اقوووووووووووولج ما ياخذها يعني ما ياخذها وخلااااااااااص
ام سعيد : منصور ابويه استهد بالله... بتخبرك انته تباها
منصور مستغرب: هاه ... لا لا ما اباها
ام سعيد : عيل ليش ما تباها تاخذ هزاع
منصور : بس...خلاص اميه انا حلفت وان ملج تراه بيصبح ميت وانتوا ابصركم انزييييييييييين
) وضهر من الحجره متغيض (
ام سعيد : الله يهديك ياالغالي بلاك جيه.... يا ربييييه شو بسوي
منصور فالرنج راكب (( انا بلانيه جيه... شو سويت... اشعنه ما اباها اتعرس.. ذلافن ذلفها... شو اباها ... لااااااا والله انه هزاع ما ياخذها يخسي الا هو... ما عليه انا اعرف شو بسوي... اراويج يا ودوم انتي وهزاع ))
وخبرت بو سعيد بالسالفه
ام سعيد : ما ادريبه بلاه الولد.. ما نباه يحطهم في ذمته
بو سعيد : ما عليج بسوي له وبخليه يرد البيت وبرمسه
وفليل رد منصور البيت
بو سعيد : منصور تعال اباك
منصور : عونك ابويه
بو سعيد : عانك ربك... اباك شويه
منصور : امرنيه الوالد
بو سعيد : ما يامر عليك عدو... صدق الحينه ما تبا الريال ياخذ وديمه
منصور : هيه
بو سعيد : وليش
منصور : بس جيه..
بو سعيد : حاط عينك عليها
منصور : منوه انا لاه
بو سعيد : عيل ليش ما تباها اتسير في نصيبها
منصور : ابويه انا قلت والله يا هزاع ما ياخذها
ام سعيد : انزين اشعنه
منصور : انا قلت والله ما ياا خذها وخلااااااااص
بو سعيد : انزين ما بتقولنا ليش... عوبد الله نبا انعرف .. الا منيه والدرب ما تباه ياخذها
منصور : اوكيه سيروا خطبوها ليه
ام سعيد : ويديه تراك اتقول ما تباها
بو سعيد : منصور ابويه العرس مب لعبه
منصور : ادري... انا اباها... يالله خطبوها وال انا بسير... اليووووم... امره
ام سعيد : يا بويه صك الدعنه بلاك جيه
منصور : والله لدعمه اذا ما خطبتوها.. خلاااااص ) خلاهم وضهر عنهم (
ام سعيد : بلاااه الصبي..
بو سعيد : الله يهديه.. ما ادري بلاه.. انتي لا اتقولين شي باجر بعدنا بنشوفه خليه يهدى
ام سعيد : هذا ولديه ادريبه والله ليسويها وويسير يدعمه ..عنيد
منصور كان ساير بيت قوم عمه سلطان.. ودوم كانت يالسه خاري
على الاب توب...
هزاع توه ضاهر من بيتهم.....
ودوم شافت سياره عرفت انها منصور.. عادي كملت .. منصور شاف وحده لانه كان بيوقف سيارته في بيتهم وبيركبون حمد ومنصور ويا واحد من ربعهم...وعرف انها ودوم وسار صوبها
ودوم حاطه اغنية حمد العامري.. الرمش اريشا

" بالعيون السود والرمش اريشــــا....ارسلك ربي الخفاق عــــــــــذاب
لا حشى ما لي بهوى غيرك حشــا.... الغدير العذب منتب الســـــــراب
في نشى ودك وبه قلبي انتــــــــشا.... دونكم ما بين غربه واغـــــتراب
ساقيني شوقي لكم سوق الرشــــــا.... او كما سوق الروايح للسحـــــاب "

منصور : يا حيج يالسه هنيه.. لا وطربانه بعد
ودوم اتروعت ورفعت راسها : بسم الله.. وقصرت على الاغنية
منصور : يا حيج
ودوم : انته ما اتعرف اتسلم ... شو هالاسلوب
منصور : ليش مب عايبنج
ودوم : لا مب عايبني
منصور : ما يهمني....
ودوم : وانته كيف تي هنيه وانته اتشوفنيه ابروحي..
منصور : كيفي
ودوم : لا مب كيفك استح على ويهك (( وفي خاطرها : الله رد مثل قبل هيه هذا منصور اللي اعرفه ))
منصور : هيه صح الحينه مب كيفي خاصه يوم هزاعوه خطبج
ودوم : لو سمحت خلااااااص... ما له داعي هالرمسات.. وانته مب ولي امريه
منصور : مب ولي امرج ومب ولي امرج.. شو رايج انج ما بتاخذين هزاع
ودوم : وليش ان شاء الله
منصور : اها يعني تبينه
ودوم : ما يخصك اباه ولا ما اباه
منصور : هاه ويهي ان خذتيه (( ومسح على لحيته )).. وبراويج يا ودوووم منصور منوه والله لراويج ما عليه خليني بس اسوي اللي في بالي وخلاف بعلمج الادب
خلاها وسار لانه شاف سيارة اربيعهم يت
ودوم (( بلاه هذا شو يراوينيه.. كيفه هو... يالله شكلي عطيته عين ورد مثل قبل.. يالله ))

شو تتوقعون يستوي.....
هزاع بياخذ ودوم.........؟؟؟؟؟؟؟؟؟؟؟؟
منصور ...... بيخليهم ؟؟؟؟؟؟؟؟؟؟؟؟
بيسافرون ولا لاء........؟؟؟؟؟؟؟؟؟؟؟؟؟؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 36
قديم(ـة) 10-10-2011, 06:15 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه



البااااااااااااااارت (( 12 ))

اليوم الثاااني.....
ام سعيد وبو سعيد يالسين تحت والساعه 11 منصور حادر من تحت
منصور : السلااااااااااام عليكم شوابيه
ام سعيد + بو سعيد : عليكم السلام ورحمة الله وبركاته
منصور : واشحالكم...
ام سعيد : يسرك حالنا.. وانته شحالك
منصور : رقييييييييييييص
ام سعيد : سبحان مغير الاحوال
منصور : بلاااااااج عيوزيه
ام سعيد : اص صه عيوزك وين تبا بعدنيه شباب....... ابوك يمكن ايكون شيبتك
منصور : ههههههههههه الوالد تسمعها شو اتقول
بو سعيد : هيه اسمعها... ما عليها الحينه انا شيبه جان فيج خير قومي بنربع بنشوف امنوه بيسبق
منصور : هههههههههههههههههههههههههههه
ام سعيد : ما ريت غير هالحل.... هيه ادريبك ما عندك رد.. تدري بعمرك
بو سعيد : لا بشوف منوه يسبق.. لو انا شيبه ما بروم اربع بتفدع عظاميه بعدنيه ما ظهرت من الباب
منصور : ياااااااا حيكم والله سوالف ثركم ههههههههههههههههههه
ام سعيد : خل عنك الحينه... منصور ابويه.. اسمعنيه
منصور : لبيييييييييييييه
ام سعيد : لبيييييت حايه... فديتك الحينه صدق رمستك البارحيه
منصور : أي رمسه >> نسى لانه مب مهتم فالسالفه
ام سعيد : بنت عمك.. ودوم
منصور : بلاها
ام سعيد : ويديه شو جيه انته
بو سعيد : شو قلت لج
منصور : هيه...
ام سعيد : منصور بويه
منصور : اميه انا رمستيه وهب عايدنها اباكم اليوم في بيت قوم عميه... اتصلي بخالوه وخبريها وباجر بنصبح انا والوالد هناك وانا اللي بوديه
ام سعيد : انته بلاااااااك جيه... هاه...
منصور : اميه اذا ما سمعت انج مرمسه خالتيه... بتسمعين خبر الحادث.. وانتي ابصرج
ام سعيد : كفاك الله.. شو هالرمسه...
بو سعيد : منصور ... يوم انته ما تباها... اشعنه اتخطبها الا جيه.. يا بويه العرس هب لعبه وانته بعدك 19 سنه
منصور : في السن عنده طشـّــه اقصور....... وفي السمت بنعده من لكبار >> بيت من قصيده معروفه اتخبروا شوابكم عنها ^_^
ام سعيد : والنعم بولديه.. لكـّن..
منصور : لا لكن ولا غيره... قلت اللي عنديه.. وخلااااص... يالله برايكم بنهي
بو سعيد : وين
منصور : اهوم
بو سعيد : سر
ام سعيد : انا ترانيه هب مرمستنهم... ابويه هاي مب أي وحده هاي من لحمك ودمك بنت عمك وبنت خالتك بعد.. لا اضرها..... يا بويه فكر..
منصور : عراحتج الغاليه لكـن الريال بيندعم وانتي ابصرج
ام سعيد : والله ان دعمته لا اترمسنيه ولا اتوايهنيه وبزعل عليييك
منصور : افااااااااااا يالوالده الحينه عسبته بتزعلين
ام سعيد : هيه يا بويه هاي روح.. وانته ملغووووث كله هوف هوف...وال اركبوا وال العصا... شو هالحاله
منصور : انزين يالله برايج

منصور ركب السياره وسار (( والحينه شو الحل.. انا ما اباها ودوم بس غياض... وامايه الله يهديها ما اتهون عليه اتحلف الا جيه... اوووووهووووو وانا بعد ما انصرّ... ما عليه الحينه هم مب مصدقين.. يتحرونيه باللعب .. انزين انا ما ابا اخذها ليش اخذها... اخ كيييف بعيش مع وحده ما اداني طاريها.. بس خلاااص انا اعتبرته تحدي بأدبها وخلاف بخليها... بس لازم اخلي هليه يحسون ولا يصدقون انيه صدق صدق اباها وشارنها... انزين قلنا لحمي ودمي بس لا انا براويها... )) وصاح التليفون ولانه عبادي

بيت قوم بو محمد
ودوم : متى بنساااافر عنبوه قلتوا اسبوع وخلاف بنرد
ام محمد : عقب يومين
ودوم : صدق اميه قولي والله
ام محمد : شو قولي والله... عنبوج امج بجذب عليج
ودوم : فديتج والله لااااااا نحن متعودين جيه انقول
ام محمد : امحق عاده عز الله ما هضلتي شي(ن) زين
ودوم : انزين اشعنه ما قلتوا لنا
ام محمد : نسيت
فطامي : ودوم تعالي بسرعه فووووووق
ودوم : ليييييييش
فطامي : براااويج شي يالله انقفضي اترياج
ودوم : اوكيييييه يايه.. ) وسارت تربع (

وقبل السفر بيومين......
ام سعيد : جان ريتي يا ختيه..
ام محمد : عاده ما ادري شو بنقولهم..
ام سعيد : الولد مصر انه ياخذها...
ام محمد : تدرين عقب يومين بنسافر...ما عليه بنتشاور فيا بو محمد ونحن ما بنتخير عن منصور... وعقب بنرد عليكم ان شاء الله بنشوف طريجتنا
ام سعيد : هيه ما عليه بس بنحيرها الحينه.. حتى نحن جيه بنسافر..
ام محمد : على خير ختيه.. شي فخاطرج
ام سعيد : ذخيره الغاليه يالله فداعت الله
ام محمد : فداعت الرحمن

بو سعيد : هاه شو قالت..
ام سعيد : قالت ما عليه عاده بتشاور ويا خوك وبتشوف كيف بتعتذر منهم... وما بيردون علينا الحينه.. مشدوهين فالسفر... انزين صدق ما ينلامون .. وانا ما بغيت ارمسها الحينه كضت السفر.. لكن كانوا بيردون على العرب ياموافقين يا لاء وقلت بتلاحقها قبل عسب انحيرها لين ما انرد من السفر خلاف بنشوف طريجتنا
بو سعيد : هيه زين اجديتي.. يعني اموافقين
ام سعيد : هيه اكيييييييد..

ودوم : يالله انا بسير ارقد..
ام محمد : رتبتي كل شي
ودوم : هيه امايه.. كل شي زاهب
ام محمد : يا حيج ابرك بعد... يالله برايج رقدي
ودوم : اوكيييك يالله تصبحين على خير
ام محمد : وانتي من أهله
وسارت ترقد
ام محمد : وشالراي الحينه بالعرب
بو محمد : والله يام محمد ... ما ادري الشور شور بنتج امنوه تبا
ام محمد : لا شو امنوه تبا.. بتاخذ منصور ولد عمها يعني بتاخذه..
بو محمد : عنبوه انتي اللي بتعرسين ولا هي
ام محمد : جيه ولد عمها ولحمها ودمها بتخير عنه .. لا والله..
بو محمد : انتي ما فكرتي.. الولد بعده صغير لا يشتغل ولا شياته.. وين بيعيشها باجر بيصبحون مطلقين على اتفه الاسباب
ام محمد : ويديه منصور ريال امنوه قالك.. وبعدين منصور عنده الخير الحمدلله وبيعيشها مثل ما عيشها ابوها.. صدق انه ما يشتغل لكن ابوه مخلنه شريكه هو واخوانه من يوم هم صغار .. والحينه ما شاء الله عليه ريال .. وبعدين وايدين يعرسون 19 عادي ما فيها شي زد عن منصور هم... العرس ستر للولد وللبنيه
بو محمد : حشى كلتينيه محاضره هاي اختصري..
ام محمد : ما عليك.. انا قلت خلاااص بتاخذ منصور
بو محمد : عنبوه بلا ما اتشاورينها
ام محمد : لاه بعدها عزبه وين اتشاور بعد >> مب عزبه اللي يحطون فيها البوش والهوش ^_*... عـزبه يعني بعدها ما عرست امره ^_*
بو محمد : انزين رمسيها بس...
ام محمد : برايها لين عقب السفر.. الحينه نحن اموافقين انها بتاخذه
بو محمد : ما شي سيري رمسيها وطاعيها عرس هذا هب لعبه .... وشو بنقول حق العرب...
ام محمد : بنقولهم لبنيه من زمان محيره لولد عمها.. وسرنا شاورناه يباها ولا لاء... ان قال ما يباها تراها لهزاع وان قال يباها... خلااااااص ما كان فيه نصيب وان شاء الله يتوفق مع غيرها...

اليوم اللي عقبه ......
اتصلوا قوم هزاع ...قالولهم واستسمحوا منهم وخلاف ردوا بالخبر على ام سعيد
هزاع (( اااااااه يا وديمه .... ليش احمد ما قاليه انها محيره... وهو اول واحد درى انيه بخطبها ولا قاليه... لا لا لا.. ما ادري ....... افففففففف.. لتيها بس بنت عميه

::: يــــا ليتــــك اتكــــــون واحــــــد مــــــن بــــني عمـــــــي :::
::: واكـــــون انـــا الاولــــــــــــيّ بالحـــــق لمـــــــطالـــــــب :::

بو محمد : والعرب واستسمحنا منهم... ما بتخبرينها لبنيه
ام محمد : وين اخبرها الحينه يوم اتشوفنا مشتطين
بو محمد : خلي الشطه عنج وسيري رمسي بنتج
ام محمد : ما عليه سايره
في حجرة الام
ودوم : لبييييه امايه قالوليه تبينيه...
ام محمد : هيه فديتج تعالي يلسي عداليه
ودوم : ان شاء الله ) وسارت تيلس عالشبريه عدال امها (
ام محمد : بنيتيه... قوم هزاع اعتذرنا منهم
ودوم : ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ام محمد : هيه اعتذرنا.. قلنا لهم انج محيره حق ولد عمج
ودوم : صدق
ام محمد : الحينه استوى صدق
ودوم : منوووه
ام محمد : خالتج اتصلج عسب اتخطبج حق ولدها
ودوم : أي وحده
ام محمد : ام سعيد
ودوم فاجه اعيونها (( منوووه ... سعيد ولا أحمد ... لا أحمد لا لا لا مستحيل ما يفكر بهشي نحن شرى لخوان وعمرنا ما فكرنا بهشي.. هيه يمكن سعيد.... لااااااا بس ما اريد اعرس ... سعيد ما اباه ))
ام محمد : بلااااج
ودوم : ما شي امايه...
ام محمد : عاد انا قلت لهم اموافقين
ودوم : على شوووووووووه اموافقين
ام محمد : على منصور...
ودوم فاجه عيوووووووونها ومستغربه : شوووووووووووووووووووووه... منووووووووووووووووه ؟؟؟؟؟؟
ام محمد : جيه منصور اللي يى يخطبج....
ودوم : لاااااااااااااااااء اسفه... انا مب مواااااااااااااااااااااااااااااااااافقه قولي لهم نحن هب موافقيييييييييييييييييييييييييييييين لو ما اعرس طول حياتيه ما خذته...
ام محمد : وااايهي التراب... خلاااص ردينا عليهم ونحن اموافقين... جيه بعد مب موافقين
ودوم : جيه غصب هو غصب
ام محمد : هيه غصب... تبينه والا ما تبينه انا ما بغير رمستيه.. ومنصور بتاخذينه يعني بتاخذينه
ودوم : حرااااااااااااااااااااااااااااااااااااااام عليييييييييييييييييييييييييييييييييييج امايه ما اباااااااااااااااااااااااااااااااااااااااااااااااا ااااااااااه الخايس هذا
ام محمد : صخي... شو امخيسنه بعد
ودوم : امااااااايه اناااااااااااا مااااااااااااااااا اباااااااااااااااااه لو محد رياااااااااااااااااييل فالعالم ما خذته...
ظهرت وسارت تربع وهي اتصيح صوب حجرتها واتلاقت فيا حمد على الدري
حمد : ودوووم.....) طنشته ( ... في خاطره (( بلاها اتصيح..)) ... وسار صوبها
حمد : ودومه بلااااااااج
ودوم : حمد دخيلك اضهر عنيه ما ابا ارمس حد خلاااااااااااااااااااص
حمد : خيييييييييييبه.. ودوم انا حمد ...
ودوم : اعررررررررف دخيلك ضهر.. خلاااااااااص اضهر ) وسارت ضهرته وسكرت الباب وقفلته (
حمد فاج اعيونه مستغرب وحاس انها سالفه خطييييييييييييييييييييره مستويه واشتغب من اخته صدق صدق اتروع عليها ما عرف شو ياها وسار صوب امه
ام محمد : ها الغالي..
حمد : اميه ودوم سارت تربع فوق اتصيح بالقووو ما ادري شو ياها لحقي عليها
ام محمد : خلها برايها بتصيح اليوم بتسكت باجر
حمد : جيه تدرين انها اتصيح
ام محمد : هيه تراها صاحت هنيه
حمد : واشعنه اتصيح
ام محمد : اونه ما تبا ولد عمها
حمد : ؟؟؟؟؟؟؟؟؟؟؟؟؟؟!!!!!!!!!!!!!!!!!!!!... بلاه ولد عمها أي واحد من عمومتها
ام محمد : منصور... تراه اتصلت امه اتخطب ودوم حق منصور
حمد فاج عيووونه : شووووووووووووووووووووووووووووه
ام محمد : بسم الله بلاكم كلكم فاجين عيونكم واتقولون بسم الله...
حمد : برايج اميه ) وضهر خاري (
وركب سيارته (( ما اقدر اصدق... كيييييييييف... لالالاالا ........ يالله منصور يخطب ودوم ... ولا حد اتوقعها ابدا....... هذيلا ما يتقابلون عنبوه جنهم ضو وحطب ما يتلاقون ابد.. وان تلاقوا شرار ونار يضهر منهم... ما اصدق....... مستحيييييييييييييييل....... اشعنه منصور ما يخبرنيه ... امنوه هالمتصل ...))
حمد : مرحبا
منصور : السلام علييييك
حمد : عليكم السلام مرحبا
منصور : واشحالك...
حمد : يسرك الحال
منصور : حمد
حمد : نعم
منصور : الله ينعم عليك بخير.. بلاك...
حمد : ما شر
منصور : لا هب العادي...
حمد : لا بس كنت افكر
منصور : بمنوه اكييييييد ابيه... ادريبك اتحبينيه
حمد : سبحان الله كيف عرفت
منصور : العصفوره قالتلي..
حمد : يا حيك
منصور : وين
حمد : تونيه ضاهر من البيت
منصور : عيل انترياك
حمد : وين.. ومنوه وياك
منصور : فالستار بوكس اللي فكارفور... وعبادي ويايه
حمد : ما عليه ياينكم

وبعد دقايق وصل عندهم
عبادي : وياااااااا مرحباااااااااااني
حمد : المرحب باااااااجي....
منصور : اقرب اقرب
حمد : جرييييب..
عبادي : جيه بيت ابوك
منصور : جب انته ما فيك مذهب
وتموا عبادي ومنصور يتغايضووون وسوالف
عبادي : حمد !!!!!!!!!!!!!
حمد : هلاااا
منصور : ما احيدك ما اتسولف...
حمد : لا عادي
عبادي : قسم بالله فيك شي...
منصور : صدقه صدقه... شو فيك
عبادي : جيه بتغبي علينا عوبد لله نحن خوان الروووح بالروووووح وما بتقولنا
منصور : خله ادريبه اخر شي بيقول...
عبادي : لاااااااء الحينه
حمد : شو اقولكم يعني... ما شي
منصور : والله انك هب العادي
حمد : تبون الصدق
عبادي : لا ولد عمه... هيه الصدق بعد شوه
حمد : مشغووووووب
منصور : لا يا ريال قول غير جيه ومنهي هاي اللي شاغبتنك (;
حمد : اللي شاغبتني..
عبادي : خييييييييبه ثره صدق... حمد... مستحيييييييييل
منصور : يا ريااااال اصبر خلنا انشوف
حمد : لا لايسير فكركم بعيد... ختيه اللي شاغبتنيه
عبادي : ودوم ولا سلامي
حمد طالع منصور : ودووووم
عبادي : بلاااها
منصور حس بعمره فهم السالفه
حمد : لا بس منصدم من شي...
عبادي : اييييييييهاااااااااااا شو بلاااك جيه بترمس ارمس ما بترمس خلااااااااااص ..
منصور : برايه خله... يالله قوموا انسير انتحوط
وساروا
عند الباركنات... عبادي ركب سيارته
حمد توه ....منصور سار صوب حمد
منصور : حمد
حمد : نعم
منصور : عااادي كل شي فهدنيا يستوي حتى المستحييييل.... ولا اتفكر وااااااايد ...
حمد فهم على منصور
حمد سار بيتهم...
عالعشى
بو محمد : وينها غناة الروح
محمد : ما شفتها اليوم...
ام محمد : فوق ما طاعت تنزل
فطامي : هيه اتصيح
بو محمد : اشعنه اتصيح.. . فلاااح بويه سر طالع اختك بلاااها قولها ابوج يباج
فلاااح : ان شاء الله ابويه
ام محمد : برايها اتصيح من اليوم لين باجر...
بو محمد : لاااااااا هب بريها
محمد : بلاااااااج عليها اميه...
ام محمد : ما بلانيه شر ان شاء الله لكن البزى اللي هي فيه مغيضبي.. عيل وين بتلقى اخير عن منصور
محمد : انزين مب غصب هو
ام محمد : لاااء غصب
فطامي : شو السالفه
محمد : بس انتي من نرمس نقزت شو السالفه.... عيب عليج.. خلصتي عشى نشي يالله وسيري فوق
فطامي : باسم الله
ام محمد : صدقه خووج
فلااااح : ابويه قافله الباب ما طاعت اتفجه
بو محمد : ما عليه انا بسير لها
ام محمد : هيه انته بزها... انا قلت رمستيه وبس
وسار بو محمد عند بنته
بو محمد : ودووومتيه.. غناتيه فجي الباب انا ابوج
ودوم : ابويه دخليك خلنيه اروحي
بو محمد : والله مب ساير لين ما اتفجين الباب وارمسج
وسارت فجت الباب كله ولا ابوها.. شافته على طول لوت عليه وتمت اتصيح ازيااااده
بو محمد : فدييييت روحج ما اتصيحين انتي الغاليه
ودوم : باباتيه.. ) ما اتروم ترمس ميته صياح (
بو محمد : ودوم غناتيه لا اتصيحين خلااااص
ودوم : ابويه ما اباااه.. ما ابا منصوووووور
بو محمد : انزين خلااااص ما تبينه.... لا اتصيحين باجر نسافر واباج تفرحين
ودوم : وين بفرح وامايه مب مخليتني اعطي رايي وغصبن عني باخذه.. انا ما اباااه
بو محمد : وامنوه قالج بتاخذينه غصبن عنج وانا موجود لو ولد اخويه دامج ما تبينه ما بتاخذينه.. فديتج والله.. ما عليج انتي لا اتصيحين باجر بنسافر واباج تنسين كل شي وعقب ما انرد لبلاد اللي تبينه بيستوي.. شو بعد تبينه..
ودوم : عاد امايه
بو محمد : ولا علينا منها.. خلااااص انا ولي امج هب هي واللي تبينه انتي بيمشي.. وما عليج من حد دام ابوج واقف وياج
ودوم : فدييييييييييييييتك يا ربيه
بو محمد : هيه ابا اشوف هالضحكه... يالله نزلي اتعشي...
ودوم : ما اشتهيه
بو محمد : ترانيه بزعل ان ما نزلتي ويايه اتعشين
ودوم : ان شاء الله ........)) وفرحت لانه عرفت انه ابوها ما بيرضى يخليهم يغصبونها وكانت واثقه من الله ثم منه 100% ما بتاخذ منصور حتى لو امها قالت غصب ((
وقدرت ودوم ترقد مرتاحه عقب رمست ابوها..

والصبح
نشوا واتزهبوا وسرحوا صوب بوظبي....... اتعرفووون بيسافرووون تراهم
عند بيت عميـــــــر
ام خليفه : ياااااااا مرحباااااااا ملااااااااااين ولا يسدن في ذمتيه
ام محمد : المرحب لا هاااان واشحالج
ام خليفه : يسرج حاليه ومن صوبج..
ام محمد : يسرج حاليه ابخيير وبنعمه
ام خليفه : واشحالك يا بو محمد واشحال فريجك مناك وعربك
بو محمد : يسرج حاليه وحالهم
ام خليفه : واشحالكم محمد حمد فلاح... وديمه وفاطمه
كلهم : ابخير وسهاله
ام خليفه : قربوا قربوا...
ودخلوا الميلس وقربوا لفواله ولقهوه وكل شي...
ودوم سارت عند النيره .....
ودوم : هالنيره بنسافر هالمره وهلج وياج...
النيره : هيه والله احلى شي
ودوم : وجيه نحن هب هلج
النيره : عن الاستعباط هليه.. بس امج وابوج واخوانج غير
ودوم : وينها يزووي
النيره : فوووق بعدها ما خلصت
ودوم : يا حيها...
ودخل راشد الصاله..... وشاف ودوم وانشق بوزه من الفرحه
راشد : السلااااااااااام عليكم
الكل : وعليكم السلاااام
راشد : واشحالج بنت عمتيه
ودوم : يسرك حاليه ابخير وسهاله ومن صوبك
راشد : يسرج الحال.... اقول بيتنا منور..
ودوم : هيه شمس وليتات
راشد : امنوه يقوله.. لا نور غير قوي شويه.. وفيه شحنات حب مطايره
النيره : اوووووووهوووووووو راشد...
راشد : جب انتي علموووج بعد... يالله
ودوم : يالله انا بسير عندهم فالميلس
النيره : لا يلسي.. رشوووود انته سر هناك عنبوك سلم...
راشد : شو رشووود بعد ....جيه اصغر عيالج انا.. هب ساير اصلا انا يوم سمعت صوت الغالين ييت هنيه..
ودوم : يااااا ربييييييه
راشد : فديت اللي اتغيضوا
النيره : ودوم يالله انسير صوبهم
راشد : وديمه...
ودوم : نعم...
راشد : الله ينعم علييييج... ما شي سلامتج الغاليه بس ابا اسمع حسج... لا خليت من هالحس...
ودوم : يا الله يا راشد ... عنبوك حشم... عيب عليك..
راشد : واللي يشوفج وين يرووم يحشم... انا ما اتحمل جفى جيه
ودوم : الله يهديك يا راشد...
راشد : اميييييييييييييييييييييين
النيره : الحمدلله والشكر...
وسارن الميلس عندهم شوي ولانه راشد سار صوبهم وسلم عليهم كلهم ويلس وتم يطالع ودوم وما خوز عينه عنها

وعلى موعد الطياره ساروا وركبو الطياره قوم بو محمد وبو خليفه
وسافروا النسما و سويسرا ويلسوا في كل وحده منهن 5 أيام
عقب ما سافروا قوم بو محمد بيومين قوم بو سعيد سافروا صوب تركيا ويلسوا فيها 4 أيام وخلاف ساورا ألمانيا ولحقوهم قوم بو علي ويلسوا 5 أيام فيها
بو علي وبو سعيد في نفس اليوم اللي سافروا فيه صوب لندن.. قوم بو محمد سافروا ألمانيا اما قوم بو خليفه ردوا الامارات....وتموا قوم بو محمد فألمانيا 5 أيام بعد ..
اليوم الاخير في ألمانيا

ودوم : هلااااااااااااا سلاااااااااااامي دبوووووه من ضهرتي برى لبلاد ولا جنج اتعرفينيه
سلااااامي : والله ما افضى كله هياته برى وسياحه وحاله
ودووم : انزين حتى نحن
سلامي : حووووووه بدال ما اتسبين ليش ما ادقين انتي
ودوم : ترانيه انا اللي داقه بعد وين بعد ما ادق
سلامي : هيه يوم شفتي عمرج بتسيرين ايطاليا وبتشوفينيه هناك ..
ودوم : هههههههههههههه
سلامي : يعني صدق
ودوم : والله ما نفضى وانتي بروحج تدرين
سلامي : خلاااااص لا تعتذرين سامحتج.. بس لانيه طيبه
ودوم : هيه وااااايد



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 37
قديم(ـة) 10-10-2011, 06:16 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه


والصبحـ ..........
ساروا صوب ايطاليا...... واتلاقوا هناك قوم بو محمد.. وبوسعيد وبوعلي.... وعقب يوم لحقوهم قوم بو خليفه يعني بعد ما ردوا لبلاد.. ويلسوا كمن يوم... ردوا مره ثانيه وساروا ايطاليا
وهنيه بتبدأ الاحــــداث ......
نزلوا في فندق خمس نجوم في مدينة رومــــا

اول يومين ما ساروا بقعه بس فالفندق لين ما اتيمعوا الاربع عوايل
ودوم : الله انا احب ايطاليا من الخااااطر واحلى شي انه بنطول فيها
سلامي : اسمينا بنحوط من الخاطر وبنتشرى
ودوم : الله...
النيره : خيبه جنكن هب شايفات خير
ميروه : ما تدرين يعشقن الموضه والاناقه... أي شي اتخبريهن يعرفن كل شي يديد ونازل فالسوق.. صراحه هن الدليل التسوقي مالي
سلامي : الله واكبر هب هباااج الرب.. عنبووووج... قولي ما شاء الله
النيره : ههههههههههه ما شاء الله
ميروه : ما بقول جيه عيني على طول بتضربج...
سلامي : اقولج قولي ما شاء الله..
ميروووه : هب قايله
ودوم : بتموووت الحينه سلامي
ميروه : هههههههههههههههههههههه اذا ما لقت حد اترد
سلامي : كفاج الله.. صدق ساحره.. محد يطري شي عندج وال من ايلس عندج بدخن شبه دوووم وبقرى على عمري المعوذات بدال ما ايلس اسولف فياج
ودوم : خيييييييييييييييبه كل هذا يالله
ميروه : هههههههههههههههههههه مسكين حالج
سلامي : انا بسير خاري...
النيره : صدق انكن حشره.... انا بسير عند الحرمات بطالع علومهن... اسميهن علوووم
ودوم : سيري ولا اطولين
ميرووه : سلااامي بسير وياج
سلامي : قري بقعتج هب هباج الله... شو تبين انتي ام عيون محد يخاويج
ميرووه : هههههههههههههههههههههههههههههه
ودوم : جيه بتسير بروحج...
سلامي : وانتي
ودوم : بلى ميروووه هب سايره
سلامي : افففففففففففف... انزين
ميروه : لووووووووووول...
سلامي : بس ضكي هنا عنيه ما اباج تمشين عداليه لين ما اتفلين عليه ( الله يعزكم )
ميرووه : انا تفالي غالي (( الله يعزكم ))
سلامي : خسج الله...الا تفال... ما نباه عشان انتم نتسبح سنه بديتول وبترول
ودوم : ليييش كل هذا
سلامي : جيه تفالها هذا فتاك
ودوم + ميروووه : هههههههههههههههههههههههههههههههههههههههههههههههه
ميروه : مشكله لخبال
ودوم : يالله خلنا ننزل...
وسارن تحت........
راشد وأحمد وحمد وعبيد ومنصور يالسين رباعه يسولفون
البنات سارن يتمشن ويسولفن
عبادي : هههههههههههههه سيارتيه عافوها دومها بايته فالحجز
حمد : ههههههههههههه لازم عنبوه كم قلت مسوي حوادث في شهر واحد 10 صح
عبادي : لا 8 هههههههههههههههههههههههههه
منصور : هههههههههههههه
أحمد : هيه ذاك اليوم اتصلي ثاني وتم يتشكى منكم انته ومنصور....
عبادي : ههههههههههههههههه ما خبرك ذاكم اليوم يوم في كارفور
أحمد : لا بس خبرنيه يوم اتشلون الزولين واتودونهم المركز
منصور : ههههههههههههههههههههههه تموا متروعين يتحرونا صدق من أمن الدوله...
راشد : ثركم من هينين...
أحمد : هيه مفضحينا عند العربان
عبادي : هاه راشد تبا اتجرب سواقتيه
راشد : هيه عشان انفد عمريه
عبادي : طيع الشور سواقتيه زينه كلهم يمدحونها
راشد : بن عروه اتعرفه
عبادي : هههههههههههههه

فاليوم اللي عقبه ..........
بدت جولتهم الاولى وكانوا في مدينة رومـا طبعا وين الفندق اللي هم فيه.... وقبل لا تبدأ الجوله حب المرشد السياحي يشرح لهم الاماكن اللي بيروحونها عشان يكون عندهم فكره واضحه
المرشد السياحي : سنستمتع اليوم بمشاهدة المعالم السياحية الإيطالية حيث نشاهد لوحة الفنان العالمي مايكل أنجلو المسماة " الحساب الأخير " ونزور بعدها ميدان مارك الأثري الرائع وعلى طول نهر التيبر Tiber سنمضي إلى الساحة الرومانية حيث كانت الجيوش الرومانية تسير أثناء تحقيق الإنتصارات و نزور المسرح المدرج .
وطبعا ساور ويوم وصلوا الساحه الرومانيه
سلامي : الله حلوووو... هذ كانوا يعطونا اياه فالمدرسه اتحيدين
ودوم : هيه صح...
الحرمات والرياييل ساروا يمشووون يطالعون
ودوم تمت واقفه عسب اتصور بروحها
سلامي : يالله انقفضي نحن بنترياج انا بسير عندهم
ودوم : اوكيه بييكم...
راشد شافها اروحها وسار صوبها
راشد : حلووو المكان صح
ودوم لفت ويهه : هيه واااااايد
راشد : اتصورين
ودوم : شو اتشوف
راشد : انزين بلااج
ودوم : ما شي بس سؤال عبط
راشد : انزين سايري العبيط عقولتج
ودوم : ما اعرف اساير حد
راشد : يالله... انزين خلاااااص.. بس حبيت اسولف وياج...
ودوم : انزين
سلامي انتبهت انه راشد عند ودوم جان تضحك... هي ما اتعرف انه اخوها منصور يونه يبا ودوم
راشد : انزين ليش واقفه بروحج هنيه
ودوم : الحينه مب بروحي
راشد : ههههههههه ادري...
ودوم خلصت تصوير وسارت.. وسار وراها.... منصور شافهم لانه كان لاف ويهه يبا يطالع وشافهم بالصدفه
راشد : انزين صبري بلااج جيه
ودوم : وليش اصبر
راشد : وديمه
ودوم : نعم شو تبا بعد
راشد : يـــــا حبيبي حبـــــــك فدمــــي ..... وســـــط قلــــبي والشــراييني...
يــوم اشــــوفك ينجـــلي همــــي ..... ومــن عنـــى الدنــــــيا تنسيني...

ودوم : اوووووووووهوووووووووووووووو
راشد : لـــــيش الجــــفا يا جاسي... والصـــد والهــــــــــجران
واتعيشـــنــا بمـــآســــــي... وانتـــــــه كلــك حنـــــــانودوم طنشته وسارت
سلامي : وال راشد كان عندج هاه
ودوم : هيه
سلامي : واعلومه
ودوم : ما عنده علوووم
سلامي بخبث : شفته يرمسج... هاه شو من كلام الحب عقه
ودوم : يـــاحبيبي حبك بدمي وسط قلبي والشراييني... يوم اشوفك ينجلي همي من عنى الدنيا تنسيني
سلامي : يا عيني... حركاااااات ما استحيتي
ودوم : حووووووه انتي شو استحي اصلا ما دزيت له ويهه
سلامي : حلفي... شو قال ما سوى شي يعني
ودوم : ليش اجفا يا جاسي والصد والهجران.. واتعيشنا بماسي وانته كلك حنان
سلامي : اوووب اوووووب.... مسكين حاله ههههههههههههههه حافظ كل الاغاني عسبج
منصور كان ياي صوبهن عسب يشل من عند سلامي الكيمره وسمع الرمسه تقريبا كلها
منصور : سلااامي
ودوم لفت وشافته جان اتصد الصوب الثاني عقب ما طالعته بنظرت احتقار خاصه عقب هذيج السالفه
سلامي : ويه انته هنيه ما شفتك يوم ييت
منصور : اتهذربين تراج
سلامي : انزين شو تبا
منصور : ابا الكيمره...
سلامي : صبر...
منصور طنش ودوم من الخاطر... وهي اتوقعت انه يعلق او يقول شي بس ما اتكلم ولا قال شي
سلامي : هاه دوك...
وسار عنهن....
منصور في خاطره وهو ساير(( معقوله الحينه راشد يحب وودوم !!!!!!!!!!!... من متى... لا ويعطيها كاااش بعد.... كل هذا منك يا رشوود ولا يبين عليك... عاد ما لقى غيرها... ما ادري شو يحب فيها....))

خلصت الجوله وردوا الفندق.....
ودوم : الله حلوووه جولتنا اليوم باجر ما ادري وين بيودينا...
سلامي : نبا يوم انسير الالعاب
ميرووه : هيه نبا نلعب فالملاهي
سلامي : بخبرهم
ميروووه : احسن بعد... والله خاطرنا
فالليل ميرووه سارت ترقد والنيره عند الحرمات وودوم وسلامي يالسات يسولفن مع بعض فوق بس برى الحجره
عبادي كان خاطف وشافن بروحهن سار صوبهن
عبادي : وانتن اشله يالسات هنيه هاه
ودوم : انسولف
عبادي : عنبوه ما لقيتن غير هنيه الساير والياي يشوفكن...
سلامي : عادي انزين
عبادي : فخشمج عادي... يالله سيرن حجركن وال عند الحرمات
ودوم : لييييش
عبادي : ما شي ليش وكيف يالله جداميه
منصور كان يدور عبادي
منصور : انته هنيه شو اتسوي وانا ادورك
عبادي كان عاطي منصور مقفاه ولف ويهه صوب منصور وشاف انه عبادي عند قوم ودوم وسلامي
عبادي : هنيه اهزبهن
منصور : شو مسويات بعد
سلامي : ما سوينا شي...
عبادي : عنبوه يالسات هنيه شو قلـّـت ابهن البقع الساير والياي يخطف عليهن...
منصور : جيه طلابات
سلامي : لا والله
ودوم : يالله قومي انسير...
سلامي : توج ما تبين شو اللي غير
ودوم : الحينه ابا اذا ما بتين برااايج انا بسير
سلامي : ودوووووووووم
طبعا ودوم نشت من بقعتها وسارت
وفاليوم الثاني كانت جولتهم حلوووه
سلامي حست انه في شي بين ودوم ومنصور خاصه انه ما صار في ضرابه شرى لول وسألت ودوم
ودوم : لا عادي ما يهمني لازم اضارب وياه
سلامي : لا بس غريبه مب من طبعكم...
ودوم : انزين... سويتليه عواش يوم نحن انتحوط بس ما رديت عليها
سلامي : لييييييش
ودوم : ما سمعته
سلامي : حليلها متولهه عليها وااااااااايد هي وشميم
ودوم : فدييييتهن والله...بدق لهن باجر
سلامي : هي حتى انا ابا ارمسهن..

عقب
كلهم كانوا تحت الا ودوم قالت بتلحقهم....
وضهرت من الحجره وسارت صوبهم وكان وياها منصوري الصغيروني...
كان هناك حد عرب وواحد جنه كويتي واقف يرمس فالتليفون عند اللفت يترياه وودوم تتريى اللفت بعد ويوم وصل اللفت
الكويتي : اتفضلي
ودوم : لا عادي انا بنزل من هذاك
الكويتي : لا والله اشلون ما يصير...
ودوم ما حبت تاخذ وتعطي معاه وركبت اللفت ونزلت تحت ومنصوري فياها
وتموا يالسين يسولفون
ام محمد : ودوم فديتج سيري طاعي خوج وين
ودوم : توه ويايه نازلين من فوق يمكن عند بيث بسير اطالعه
ام محمد : هيه فديتج امره ما يطيع يقر هالولد
ودوم : ههههههههههههه اتعلم الهياته ههههههههههههههههههههه
وسارت اطالع اخوها....
ودوم : منصوري.. شو اتسوي حبيبي
منصوري : تووف وااايد حلووووو...
ودوم : هيه وااااايد... حبني
منصوري : لااااء
ودوم : ههههههههههه ليش
منصوري : بش
ودوم : فديييت اللي يقولون بش انا ههههههههههههههههه..... انزين حبيبي ماماه تباك
منصوري : اوكيه
ودوم : حركات بعد علمووك اوكيه ... اسمهيهم ما سووا فيك خير هههههههههه
وردت عند البنات...
منصور داخل من باب الفندق بروحه كان لابس بنطلون وقميص كت والالوان اسود وابيض حلووووووو ودوم طالعت صوبه وتمت اطالعه
ودوم (( ما شاء الله عليه شكله عذااااااااااااب احلى عن هزاع واحلى واحد اشووفه... صدق صدق جمييييل ما شاء الله عليه وراعي حركات بعد... الحينه كله مطنشني ولا يضارب ومسوي طاف.. احسن ذلفه... ما ادري احس انه يعيبنيه.. بس مش لدرجة انه ياخذنيه... افففففففف منه... يخسي الا هو ياخذنيه وبراويييه ))
لاحظ انه ودوم اطالعه بس طنش اخر همه ..............
اليوم اللي عقبه...............
بعد ساروا يحوطون ومنصور مطنش ولا جنه ودوم موجوده وكان ناسي انه فكر يخطبها مرتبش ويسولف عاااااادي اما ودوم محتره واتحرقص محلها

ساروا جوله في مدن ايطاليا
وكااااان حلووووووو
وكان المفرووض يتمون في ايطاليا قرب الشهر بس ما راموا لانه عمهم مطر اتصل من الامارات
يعني ما يلسوا وايد كمن يوم وردوا الامارات
مطر : خلاااااص عيل انترياكم
بو محمد : ما عليه ان شاء الله رد السلام عليهم ونحن ان شاء الله فاقرب طياره نرد
مطر : على خير ان شاء الله وانته رد السلام على فريجك اللي عندك كلهم..
بو محمد : يبلغ ان شاء الله... يالله فمان الله

بو محمد : يسلم عليكم خويه مطر كلكم
الكل : الله يسلمك ويسلمه من الشره
ام محمد : خير ان شاء الله شغبتنا
بو محمد : ما شي الا الخير.. بس بنرد لبلاد
بو سعيد : اشعنه ؟؟
بو محمد : الوالد هب صاحي ومدخلينه العنايه
بو سعيد : ابويه !!!!! بلااااااااه
بو محمد : ما ادريبه يقول تعب عليهم وشلوا الدختر..
ام محمد : ما قالك شو فيه
بو محمد : لا بس لازم انرد
ام سعيد : جيه فضحه علينا عميه فالعنايه ونحن انهوم هنيه
بو علي : عيل باجر خلونا انرد لبلاد..
محمد : بنسير انطالع حجز وبنيكم
بو علي : زين...
ولقوا حجز وردوا لبلاد
وعقب يومين من ردوا لبلاد
ودوم اترمس سلامي فالتيلفون
ودوم : يالله يقوم ابويه بسلامه
سلامي : امييييييييين ان شاء الله
ودوم : فطامي محتشره علينا يعلها فضحتنا
سلامي : ليش
ودوم : اونه ما اتهنينا ما وحالنا من سرنا ايطاليا ونحن هاي اللي فخاطرنا انسير لها واخر شي اونه ما يلسنا فيها الا يومين وخلاف ردينا
سلامي : اسميها ... نفاد السفر اهم شي ابونا وشوفه
ودوم : صدقتي والله.. تدرين ابا اسير له فالدختر بس ما يخلونيه يقولون ممنوع...
سلامي : غبيه انتي تراه فالعنايه وين بيدخلونج وبعدين كله ريااايييل عنده وين بتسيرين صدقهم
ودوم : ابويه وامايه ما استويت اشوفهم
سلامي : انا بسير عند يدوه ببات عندها شو رايج تييين
ودوم : اوكيه فديتها يدوه الحينه من بيغايضها لول هو دومه يطنز عليها
سلامي : ههههههههه اسميهم سواااااالف فدييييييييته يدي والله محد مثله والعرب كلهم يحبوووونه
ودوم : يالله ما عليه بسير فياج على الاقل انونس يدوه
سلامي : اوكيك.. عيل بخطف عليج أحمد بيودينا
ودوم: اوكيه اترياج سويلي يوم بتضهرين من البيت عسب اكون زاهبه
سلامي: على خير يالله برايج الحينه
ودوم : حافظنج الله

وسارن بيت يدهن
اليده : وديمه الغاليه هاتي تليفونيه
ودوم : ان شاء الله امايه ) وعطتها موبايلها (
اليده : ما اعرف اضرب الرقوم خسهن الله
سلامي : ههههههههه... شو تبين يدوه منوه تبين اترمسين
اليده : ابا اسوي لمطر ولا لراشد بطالعهم
ودوم : تبينيه اتصل عليهم
اليده : لاء مطر فديته حاط رقمه هنيه قالي يوم تبين تتصلين عليه غمزي هذا وخلاف الاخضر
ودوم : هههههههههههه هيه مخزن رقمه في رقم 2
اليده : هيه معلمنيه يوم ما بلاقي حد يضربليه الرقم انا اضربه بروحي
سلامي : انزين يدووه ضربيه والا خلينا نحن نضربه ولا نكفخه ^_*...... الحينه انتي هوب بروحج
اليده : فديتكن يا ربيه
ودوم : هاتي يدوه... ) واتصلت على مطر ورمسته واطمنت على ريلها (
عقب كمن يوم ضهر وابخير وسهاله ما فيه باس والحمدلله.... ورد يدهم العادي اللي ما فيه شي
اليده : واااااايه الحمدلله على سلامتك
اليد : الله يسلمج
سلامي : بويه تدري يدووه كانت محتشره ومتروعه عليييك
اليد : هيه يا حيها....
اليده : ووااايه سلامه شو هالرمسه
ام سعيد : عنبوها من رمسه عيب عليج
اليد : براااايها امره سلامه لحد يقولها شي...
اليده : يا حيك شو قالوا ياك
اليد : ما ادريبهم حطوا هالوايرات فيه وارذوني مرذاه
اليده : هيه الحمدلله يوم انك استويت ابخير... اتروعنا عليك
اليد : جيه اتروعون عليه ااتحريتونيه بموووت...
الكل : بسم الله عليك ... الله يعطيك طولت العمر والصحه والعافيه
اليد : لا بس كنت اررزكم وبعدين اتولهت على عيالج مرتغدين برى لبلاد... عنبوه اتحوشوا كلهم عنا ما بقى الا مطر يعلني هب بلاه
الكل : ههههههههههههههههههههههههه
اليده : شو اتروز بعد
الكل : تتولهه عليك العافيه

مر اسبوع...
ويى ثاني عسب يخطب وديمه ) تذكرونه ثاني ^^ (..... لكن طبعا ما طاعوا لانه لبنيه منصور يونه يباها...
ومنصور نسى تماما انه واحد اسمه هزاع خطب ودوم وهو رفض وشل البقعه على راسه.. وقالهم خطبوها ليه...

في يوم عرف عبادي عن السالفه
عبادي : يا خي هب زين منك جيه شو خليت حق الغريب
منصور : عبادي انته ما يخصك انا وكيفي.. وبعدين نسيت السالفه
عبادي : هيه لازم بتنساها لانك اصلا تلعب وبعدين مب عبالك يا خي مب زين منك تقطع نصيب لبنيه...
منصور : عبيد انته الحينه شو مشكلتك
عبادي : منصوور يا خي هليه وما يهونون عليه وبعدين ما فكرت فحمد ما فكرت فعمك ابوك خالتك امك اخوانك.. يا رياااال هلك هذيلا هب زين منك جيه الا قيس اتعذب عمرك واتعذب لبنيه معاك وانته يوم ما تباها غيرك يباها.. مب يعني انك تكرهااااا خلااااااص لازم اتعذبها..
منصور : اوووووووهوووووووو
عبيد : استهد بالله.. وصل عالنبي... منصور... المفروض هذي شرفك الحينه... مثل ما هي شرفيه.. يعني انا مثلا لو اكرها واتمنى لها كل سوء الحظ بس مب لدرجة اضرها.. منصور فكر شويه..حراااام عليك.. يا اخي اخر شي كنت اتوقعه منك.... ما حيدك جيه يا منصور... حتى لو تكرهه مب جيه.. مب لهدرجه
منصور : انزين انزين خلاااااااااااااص... مستويلي فيها ..
عبادي : هيه شو اتحرى..
فالليل ومنصور راد البيت تم يفكر ويفكر.. وحس انه كلام عبادي صح 100 % واللي يسويه أكبر غلط.. وقرر انه يهون عن الفكره الي هبطت راسه فجأه وكان بيتهور في شي غلط... خاصه انه منصور مب هذا طبعه ومب هذا اسلوبه ... منصور اكبر واحسن عن جيه
سار صوب حجرة امه ولقاها بروحها يالسه تقرا قرآن
منصور : امايه مشغوله برايج.. ويوم بتخلصين خبرينيه لانيه اباج ضروري.. برايج..
ام سعيد : صدق الله العظيم.. منصور ولديه تعال
منصور كان ضاهر ويالس يسكر الباب سمعها ورد دخل
منصور : هالوالد شمسيتي ربج الا ابخير.. ) ووخى عليها ووايها .... وخى = نزل (
ام سعيد : هالغالي شو في خاطرك..
منصور : خلااااااص بنت عميه ما اباها
ام سعيد : ويديه شو هالرمسه.. انته بلاك جيه...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 38
قديم(ـة) 10-10-2011, 06:21 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه



باااااااااارت (( 13 ))

منصور : خلااااااص بنت عميه ما اباها
ام سعيد : ويديه شو هالرمسه.. انته بلاك جيه...
منصور : لا امايه ما اباها من البدايه ما اباها ولا ابا اظلمها والعرس هب غصب وانا صغير الحينه وبعدنيه ادرس.. امايه ما اباهااا مب لازم اسباب
ام سعيد : هب صاحي انته ... شو هالرمسه.. اتسوي سوالف انته...
منصور : لا امايه انا ما اسوي سوالف..جيه غصب هو
ام سعيد : وااااااااااااااافضيحتيه... صك الدعنه شو بتقولهم الحينه امس ثاني ولد راشد سار يخطبها واعتذروه قالوله ولد عمها يباها
منصور : انزين يردون عليه ويقولون خلاص ولد عمها ما يباها..
ام سعيد : واااااااااااايه لا كثرت من رمسه... يوم قلنالك تلعب انته قلت لا منو يقوله..
منصور : خلاااااص فديتج اللي عنديه وقلته يالله برايج الحينه بسير ) وسار عنها (
ام سعيد : خس الله مذهبك يا منصور.. شو بنسوي الحينه...
وعقب رمست بو سعيد
بو سعيد : راعيهن... منوه يقوله والله لنسرح باجر الصبح وانخطبها له رسمي بطيب بالغصب.. بياخذها وهو حمار..وعقب ما انرمسهم على طول بنملج
ام سعيد : بنخطبها ما عليه لكن نملج.. توه ما خلص دراسه
بو سعيد : برايه لا يخلص امره تراه فلوس وعنده وخير وعنده والعرس وبنــيوزه... شو بعد... هب في لعبت انا...
ام سعيد : ولدك وبرايك وياه مايخصنيه.. انا الا اتلومت فختيه وخوك...
بو سعيد : امره لا اتلومين.. باخذها غصب عنه
وانتشر خبر خطبة منصور في بيت بو سعيد.. الا منصور ما يدري يهوم فالشوارع ولا رد الا متأخر فالليل كالعاده
فاليوم الثاني
في بيت قوم بو سعيد.....
بو سعيد : يالله ام سعيد انقفضي..
ام سعيد : يايه فالدرب....
بو سعيد : وينه ولدج منصور
ام سعيد : فوق جنه
سعيد توه حادر ....
سعيد : هاه بويه السياره خاري
بو سعيد : انتريا امك واخوك منصور
سعيد : وجيه ما نزل لين الحينه
أحمد توه حادر.
أحمد : مرحباااااااااااااااااااااااااااا
ام سعيد : عنبوووووك سلم... جيه زلمه
أحمد : ههههههههههه السلاااااااااااام عليكم
الكل : عليكم السلام
سعيد : وينه اخوك
أحمد : أي اخوو
سعيد : منصور
أحمد : جنه راقد
ام سعيد : ويديه شو راقد بعد...
بوسعيد : عنلاصداه السبال شو راقد بعد سر سر اسحبه وهاته
أحمد : ليش ابويه معصب جيه شو مسوي بعد
بو سعيد : سواد ويهه.. خله ايي العرب يتريووونا...
سعيد : هذا وين ويهه عرس
أحمد فاااااج عيووووووووونه : شووووووووووووه !!!!!!!!!!!!! أي عرس
سعيد : لووول ما دريت أخر الاخبااااااار
أحمد : لاااااااااااا.... وانا اخر من يعلم يعني
بو سعيد : جيه اليوم سايرين انخطب بنت عمك حقه
أحمد : شووووووووووه مب قادر اصدق.... منوه
سعيد : وديمه
احمد هنيه صدق ما رام يرمس وفج حلجه وعيونه
ام سعيد : بلااااااااك جيه...
سعيد : لا بس بنخطبها العرس مطووووول..
أحمد مب رايم يرمس...
ام سعيد : وانته يا سعيد متى بتعرس... نبا انشوف عيالك
سعيد : جرييييب ان شاء الله...
ام سعيد : لااااااء انته دوم جيه اتقول...
سعيد : ما عليه خلينا انخلص منصور... وخلاااف يستوي خيييير
ام سعيد : ان شاء الله .. ما انقول الا خير
بو سعيد : حد يسير يطالعه >>> قالها بصوت عالي لانه متغيض من الخاااااااااااااطر
ام سعيد : انا بسير
وفي حجرة منصور
ام سعيد : واااااااااااااااايه رااااقد... قم قم ثر..
منصور لا جواب
ام سعيد : منصووووور قم نش.. عنبوه متى راقد امس
منصور :هاه امايه
ام سعيد : شو هاه امايه قم عنبوك كلنا تحت انترياك وانته مرقد.. مستعيل ابوك بنسير
منصور : وييين ؟؟؟؟؟؟؟؟
ام سعيد : انخطب لك وديمه رسمي
منصور : هاااااااااااااه.. شوووووووووووووه
ام سعيد : بلاااكم من اقول رمسه كله شووووه...
منصور : لا متى وكيييف.. وانا شو قلت لج البارحه
ام سعيد : سر رمس ابوك انا ما يخصنيه
منصور : وانتي اشعنه امس ما خبرتيه ترانيه قلت لج
ام سعيد : ما يخصنيه سر رمسه بروحك انا ما ادخل بينكم..
منصور : يالله.. والحينه
ام سعيد : نش وخلص وانزل تحت ابوك متغيض
منصور : لا حووووول شو متغيض بعد انا بنزله ) وقام وهو بالبجامه (
ام سعيد : وين ساير.. اتلبس
منصور : لا لا امايه ما اريدها.. شو اتلبس
وسار تحت
بو سعيد : اييييييهااااااااااااا ثرك ما اتلبست..
منصور : صباح الخير ابويه
بو سعيد : انزين... يالله اركب..لازم اتلبس هب لازم
منصور : وين ابويه انا قلت لكم ما اباها شو امايه ما قالت لك
بو سعيد : راعيهن... قالتليه وال ما قالت.. والله لتاخذها... تبا ولا ماتبا
منصور : جيه غصب.. لا هب ماخذنها
سعيد : حووووووه ابوك هذا...
منصور : انتي ما يخصك جيه هب انته اللي بتعرس
سعيد : محد قالك تلعب شو اتحراه والحينه كم واحد متعذرينه عسبك.. وهب انته اللي حالف انه هزاع ما ياخذها
منصور : اقولك ما لك خص
بو سعيد : والله لتاخذها.. والله وانا حالف ان ما ييت الحينه ويانا وسرنا انخطبها لا انته ولديه ولا اعرفك ولا اطيح التراب عليه تسمعنيه ولا لاء..>>> الابو كان متغيض شو لعبه هي يباها ولا لاء
منصور : ابووويه ...
بو سعيد : جب ولا كلمه...>> مفول من الخاطر ومعلي صوته
سعيد : ابويه يعلني افداك هد والله هب زين مشان صحتك.
منصور : انزين اسمعنيه
بو سعيد : امره هب سامعنك...والله ان ما خطفت الحينه اتلبس وتنقفض انا بعمرك..
سعيد : سر بلاااك انته جيه
ام سعيد : ابوك هذا عيب عليك جيه
منصور نزل راسه لانه متعود يحترم امه وابوه واضطر يسير فوق يتسبح ويتلبس وينزل عسب يخطبون ودوم رسمي...
وفالسياره منصور قاعد ويفكر... (( يا ربييييه هذا اللي انا اباه... وابويه ما يهون عليه فديييته انه يزعل عليه اول مره يستويبي جيه... اوووووهووووووو... الحينه كيف باخذها...ما اقدر...افففففففففففففففف .. شو الحل الحينه...
في بيت بو محمد
الكل نسى سالفة منصور حتى ودوم خاصه عقب رمست ابوها... وخاصه انه محد رمس من قوم بوسعيد عقب هذيج المره (( يوم سار هزاع يخطبها ))...
وساروا وقربووبهم فالميلس..
بو سعيد : يا خويه ترانيه ياي اخطب بنتيه وديمه لولديه منصور...
بو محمد : تم الساع.. منصور ما بنقلى اخير عنه.. لكن الشور للبنيه..
بو سعيد : عراحتكم هذا ولدكم ورابي عندكم واتعرفونه.. وطالعوا لبنيه.. وتراه من لحمها ودمها
بو محمد : صدق.. لكن الراي رايها..
منصور في خاطرها (( هههههههههه الحينه بترفض.. خلااااااص عادي... خلهم يقولون لها.. وادريبها بترفض وخلاف لا الوالد ولا الوالده بيحتشرون عليه ولا بيحولفون عسب اخذها... ههههههههههههههه ))
ويلسوا شويه خلاف ساروا
بو محمد سار يبا يرمس بنته..
ام محمد : ما لها راي خلااااااص غصبن عنها..
بو محمد : انتي بلاج جيه خبرينيه تبين الفكه منها
ام محمد : لا منوه قال ابا الفكه منها لكن منصور محد مثله
بو محمد : معلوم.. لكن الشور شورها والراي رايها..
وسار صوبها وشاورها
ودوم : طبعا لااا ابويه انا قلت لك قبل...
بو محمد : ادري بس هالمره يو يخطبون رسمي
ودوم : لا ابويه انا ما اباه منصور...
بو محمد : عراحتج انتي فكري و عندج اسبوع
ام محمد : والله اتاخذه
بو محمد : حصه
ام محمد : ما عليه منك والله اتاخذه
ودوم : جيه امايه غصب..
ام محمد : هيه غصب.. جيه بتخيرين عن منصور
ودوم : امايه انا ما ابا منصوووووووووووووووور
ام محمد : من رمستي وايد ولا شويه منصور بتاخذينه يعني بتاخذينه وانا قلت لهم موافقين
بو محمد : اللي بيوليج الشور.. سالم اخويه ومنصور ولد اخويه ولا بنتخير عنهم كن هذي بنتنا واللي تباه يصير
ام محمد : اللي عاد بيسمع رمستكم..
عقب كمن يوم
ام سعيد ومنصور يوا صوبهم
ام محمد : ودوم.. اتلبسي وانزلي تحت انترياج انقفضي
ودوم : ليش منوه تحت
ام محمد : خالتج عاشه وولدها
ودوم : منصور
ام محمد : هيه انقفضي
ودوم : اسفه هب نازله ليش انزل ونحن هب موافقين
ام محمد : جيه الشور شورج والله اتنزلين والله اتاخذينه
ودوم : اماااااااااااايه
ام محمد : اص صه ما ابا اسمع أي رمسه زايده وانقفضي اقولج
ودوم اتلبست غصبن عنها ونزلت وهي مبوزه ودخلت الميلس
ودوم متغيضه : السلام عليكم
الكل : وعليكم السلام
ام محمد : تعالي سلمي.. عنبوج
ام سعيد : اشحالج بنيتيه
منصور يالس يطالع ويبتسم يعرف انها متغيضه
ودوم : يسرج حاليه
ام محمد : واشعنه موقفه يلسي
ودوم : لا هب يالسه.. بسير فوق
ام سعيد : وايه واشعنه ما تيلسين
ودوم : مشغوله شويه
ام محمد : شو شاغلنج .. ما عندج شي غير هالاب توب
ودوم : انزين... يالله سامحونيه
منصور يبى يضحك بس قابض عمره..ورن تليفونه..
ام سعيد : وين...
منصور : برد بطالع منوه وبرد..
وضهر وهو ضاهر عينه ما نزلت من على ودوم... ويوم خطف عدالها قالها بصوت وااااطي قاومي
كانت هي وافقه عدال الباب لانها تبا اتسير فوق..
وسارت...
وخلاف قوم منصور ساروا ..... ودا امه البيت وخلاف سار يحووط
منصور (( ياااااااا الله اسمينيه كانت فيه ضحكه دريت انها ما تبا تنزل... يالله قوليلهم انج هب موافقه... بس حرااااام والله انها غرااااااااام.. وسوالف والصراحه اتعيبنيه مب شوي واااااااااااااااايد... بس ما ابا اخذها... يا الله احس عمريه ما اكرها ... وهذا الاحساس من يوم انا فأول ثانوي..طول هالسنين امثل الكره... بس انا خليته.. عسب اضارب ويااها احب اضاربها.... هههههههههههه ... يالله اتريى الرفض.. هذا اللي اباه ))
وعقب كمن يوم
ودوم كانت يالسه فالميلس الدواري (( اللي خاري يعني يوم ايونهم رياييل ولا ربع محمد ولا حمد ولا فلاح يقربون بهم فيه )) منصور سار هناك يتريى حمد..
وكان يرمس فالتلفون ودوم سمعت حس خاري وكانت منسدحه .. لبست شيلتها وقامت ومنصور حدر رفع عينه شافها ابتسم.. ودوم عصبت ونزلت راسها واتريته يدخل عسب تضهر.. منصور تم وافق على الباب..
منصور : انزين سعيد برايك الحينه مشغول شويه.. برد ارمسك
سعيد : اوكيه فمان الله
وسكر عنه ... منصور : سلام عليج
ودوم مطنشه
منصور : اووووووب اكبر طاف.. انزين السلام على رسول الله
ودوم مطنشه...
منصور : حووووه انتي... تدرين ما فيه ...ودوم اتماسكي اوكيه.. لا تيأسين..
ودوم طالعته بنظره خامه ومشت عسب تضهر
ودوم : يا اتحدر يا تضهر.. لا توقف جيه ساد الباب ابا اضهر..
منصور : انزين واذا ما خزت شو بتسوين
ودوم اتغيضت : اففففففففففففففف منك.. والله اكرهك.. انته كيف تجرأ اتخطب هاه.. انا ما اباك لا اتحرى بعمرك انك تقدر تاخذنيه.. وال اتحكم فيه... يا بعده وانا بنت سلطان.. اتخسي الا انته
منصور : حووووووه حوووه.. حدج.. عيل والله غياض فيج لأخذج وغصبن عنج وبراووويج.. وخلينيه اخذج والله لراويج منصور امنوه واخليج تحترمينه غصب .. ها ويهي ... خلني املج.. وخلاااف بتولاج وبربيج من اول ويديد.. والله امبونيه غصب باخذج والا انا ما اباج ولا اتمنى وحده مثلج... وكنت الا اترياج ترفضين لكن الحينه غضبن عنج بتوافقين...
ودوم : انزين بنشوف.. ) وسارت عنه (
منصور تم كله يفكر بودوم.....


وعقب 5 أيـــام...
في بيـــت قوم بوسعيد
أحمد : اباااااااااااا أعرس
بو سعيد : حد قابضنك عرس الدرب طايح
أحمد : ابويه شو الدرب طايح ثرنيه ريتا الحرمه انا عشان اعرس
ام سعيد : يالله اسميك كلت افواديه من الحشره فديته بو عسكور ما حشرنيه كثرك
احمد : انا ما عليه من سعيد سيروا طالعولي حرمة يا اخي ابا اعرس.. حرام.. حرام
بو سعيد : لا هب حرام لكنك ما كل قرصك ني
ام سعيد : تدري خل انتريا خوك سعيد وانشاوره
أحمد : جيه شو اتريونه بعد.... انا اللي بعرس والا هو
ام سعيد : واااااايه خس الله مذهبك شو بعد انته اللي بتعرس والا هو... جيه خوك هذا... واكبر عنك... وبعدين بنطالعه جانه يبا يعرس عشان اندور لكم خوات وانيوزكم...
بوسعيد : لا ولدج ... أكل فواد من عرفته وهو يبا يعرس
شوي ولانه سعيد هابط
سعيد : السلااااااام عليكم
الكل : وعليكم السلام والرحمه
ام سعيد : ولمعونه ولديه
سعيد : الله يعينج الغاليه
بو سعيد : هاه لعلوم
سعيد : طيبه ومن صوبك الوالد
بو سعيد : الا مثلك
سعيد : جيه اليوم ما سرت العزبه
بو سعيد : هيه لا ما سرت انشدهت شويه هنيه كان عندي شويه اشغال
سعيد : هيه يا حيك ... انا سرت اييب الغطاسات اليوم
بو سعيد : لا خليت منك.. زين فكيتنا منهن
أحمد يرمس فالتليفون
ام سعيد : خلو عنكم الحينه الرمسه هاي
سعيد : عونج الغاليه شوفي خاطرج
ام سعيد : عانك ربك .. كل خير ان شاء الله.. أحمد حاشر البقعه يبا يعرس
سعيد : زين راي(ن) طيب.. يعله بالبركه.. ومنو اللي بياخذها
ام سعيد : جيه حتى انته نبا انخطب لك
سعيد : لا الحينه انا ما ابا
ام سعيد : ويديه اشعنه ما تبا.. ما شي بتعرس ابا اشوف عيالك
سعيد : يا امايه ما عليه عيله العرس
ام سعيد : جيه بنيوز أحمد وبنخليك.. لا... ولا يسطر في عقلك انه انخليك
احمد سكر عن اربيعه
أحمد : جيه ما تبا اتعرس يا خي عرس وخلنا انشوف نصيبنا
سعيد : تبا اتعرس عرس جيه حد قابضنك
ام سعيد : ما شي امره بتعرس وال ترانيه بزعل عليك وانته ابصرك
سعيد : فديت روحج ما تزعلين خلاص اللي اتشوفينه امره بنت حمد
بو سعيد : برايك خلفان برمسك خلاف ) وسكر عنه (
ام سعيد : هيه جيه اباك... خلاص عيل من باجر بدورلكم خوات
بو سعيد : هاه بتعرسون خلاص
ام سعيد : ان شاء الله
أحمد : ولدك امبونه ما يبا يعرس
بو سعيد : سعيد
أحمد : هيه
بو سعيد : والحين
ام سعيد : ييسر يقول لامه لاء
بوسعيد : جيه غصب العرس... ما يبا برايه
ام سعيد : لا هب برايه نبا انشوفه معرس وانشوف عياله يوم بيبهم لا خليت منهم
أحمد : ومن عيالي بعد امايه
ام سعيد : وعيالك يا ربيه
بو سعيد : حشى بعدهم ما يووا... انزين الحينه انتي اللي بتعرسين ولا هو
ام سعيد : ارتاح بتيك الدله.. ما علينا من رمستك انته وان شاء الله بدورلهم
بو سعيد : ومنصور شالراي فيه
ام سعيد : شو بعد شالراي.. تراه ودوم حقه
بو سعيد : متى بنيوزهم
ام سعيد : شوي بعدهم.. البنت تبا تدخل الجامعه وخلاف بنشوف.. والولد خله يخطف شويه وخلاف
بو سعيد : هيه على خير ان شاء الله



الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 39
قديم(ـة) 10-10-2011, 07:33 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه



في نفس الوقت
سلامي : فديتج والله ما اتصيحين .. ادريبج ما تبين منصور..
ودوم : افففففففففف.. ما اروم...
سلامي : ودوووووم خلاااااااااااص
ودوم : خلاص برايج ما اروم ارمس..
منصور داخل حجرة سلامي...
سلامي اتأشر عليه اتقوله صبر
سلامي : ما عليه يوم بتهدين برمسج.. فديتج لا اتصيحين.. اوكيه.. يالله برايج...
وسكرت عنها...
منصور : منوه اترمسين
سلامي : ما يخصك..
منصور : ودوم صح
سلامي : وبعد اقولك ما يخصك..
منصور : المهم.. قومي يالله
سلامي : وين..
منصور : ابويه يباج...
سلامي : وينه
منصور : تحت مستعيل..
سلامي : انزين
منصور : حوووه رمسيني عدل بلاج جيه... جنيه مسوي شي..
سلامي : جيه ما تدري شو مسوي..
منصور : لا شو مسوي ليكون جريمه وانا ما ادري..
سلامي : لا والله وتستهبل بعد.. زين.. خلك على هالاستهبال انزين...
منصور: جب يالله اونه اتسهبال.. رمسي عدل لا امطج من كشتج
سلامي : جان فيك خير مط
منصور ما يداني حد يتحداه.. ما يرضى على عمره يرفض التحدي.. وجان يمطها من كشتها
سلامي : آآآآآآآآآآآآآآآآآآآآآآآآآآآآآآآآآييييييييييييييييي يي ... والخيبه
منصور : اتخيبج ان شاء الله.. والله شو اتحرين بعمرج هاه..
سلامي : افففففففففففف منك
منصور : والله الا من البطره والشطره بتهازبين.. حشمي.. ويالله جلبي ويهج ابويه يباج..
وسارت تحت...

عند عبادي وحمد...
طبعا في سيارة حمد راكبين...
عبادي : ما ادري منوه متصل..
حمد : انزين شله وطالع
عبادي : لا من خارج الدوله
حمد : انزين رد..
عبادي : ألوووه ... ألووووه >>> بصوت عالي... حركااات
حمد : ههههههه شوي شوي عالريال... >> يتحراه واحد من الهنود
..... : المرحب باجي.. واشحالك
عبادي : ابخيييير... منوووووه
.... : هاه
عبادي : ألووووووه... حوووووووه
.... : مرحبا
عبادي : حووووووه... شو تلعب انته
حمد : بلاك عليه هههههههههههه
عبادي : ايييييه انته امارات امارات منيه... العين معلوم العين...
حمد : طالع اسميك فضحتنا
.... : (( يضحك ))
عبادي : حوووووووووه
..... : هذا تليفون سلطان
عبادي : لا..>> هنيه عرف عبيد انه واحد عربي وشلكه مواطن.. من رمسته وبدوي بعد وجان يستحي على طريقة رمسته
.... : سلطان
عبادي : لا لا هب سلطان هذا تليفونيه
..... : انته هب سلطان
عبادي : لا لا
..... : صدق والله.. انته منوه
عبادي : والله انا عبيد
.... : هيه.. اسمحلنا خويه
عبادي : لا مسموح خويه وبالحل
..... : مغلطين اتحريناك سلطان
عبادي : لا عادي دووم غلط تراه نحن محد يغلط علينا غير الهنود..
..... : هههههههههههه ما عليه.. كل يوم بدقلك.. شكلك سوالف
عبادي : هيه يا حيك..
.... : وال انته من العين
عبادي : هيه نعم..
.... : وانا من بوظبي... ما عليه برايك عيل واسمحلنا مره ثانيه
عبادي : يا حيك... لا الغالي مسموح وبالحل
) وسكر عنه (
عبادي : ههههههههههههههههههههههههههههههههههه.. افتضحت
حمد : مغروم تراك.. منوه
عبادي : شكله مواطن يرمس بدوي
حمد : هههههههههههه زين يوم استحيت وحشمت فضحتنا
عبادي : ما ادري من وين داق شلكه يدرس برى ومتصل حق حد من هله ولا ربعه..
حمد : شو فتح خطه..
عبادي : صبر بطالعه وبتصل بثاني وبتخبره
) واتخبر ثاني وقاله انه فتح خط البحرين (
عبادي : من وين تتوقع داق
حمد : لندن
عبادي : لااا.... من البحرين
حمد : والله
عبادي : هيه... اتصدق تم يضحك عليه... وقالي بدق لك كل يوم بسولف وياك..
حمد : ههههههههههههه ما حد سلم منك
كانوا يحوطون شمال.. وكانوا يمشون في طريق (( دبي – العين )) وصلوا عند مطعم طريف.. وخذولهم عشى..
حمد يرمس حميد.. عبادي دقله واحد من ربعه
عبادي : اشوفك اليوم فرحان... وين انته امس ووين اليوم
خالد : يا خي خلاااااص.. تدري الحينه خلاااص لا مسجات ولا تليفونات.. برمسها فالمسنجر
عبادي : بعد شو هذا مسنجر..
خالد : اترمس العربان فيه تكتب لهم شرى التليفونات
عبادي : هيه يعني عادي ارمس ابويه يوم بسير انا وامايه العزبه
خالد : هههههههههههههههه هيه
عبادي : زين تدري بعد هالايام التليفونات هب عرسلهن ما ادري بلاهن...
خالد : ههههههههههه اذا ابوك يعرف للمسنجر بيرمسك عادي
عبادي : جيه
خالد : ما عليك الحينه.. وين انته
عبادي : عند طريف...نتريا عشانا
خالد : جيه منوه وياك.. ووين ساير
عبادي : ولد عميه حمد... انحوط شمال
خالد : يا حيك.. اقول برايك الحينه جنه هذيج داقه بشوفها وبرد عليك
عبادي : انزين انزين.. ورد عليه خلاف
خالد : انزين .. يالله باي


فاليوم الثاني ...
العين الساعه 10:30
ام سعيد : سالم شو رايك ببنات خويه عمير رفيعه والنيره
بو سعيد : بلاهن
ام سعيد : انخطبهن لعيالك محد مثلهن يا حافظ
بو سعيد : شاوري عيالج وانا ما عندي خلاف
ام سعيد : خلاث اليوم برمسهم واذا بغوهن برمس حرمة خويه
وعقب الغدا شاورت عيالها
أحمد : انزين هب مشكله.. أهم شي عندي اتكون طويله.. ضعيفه.. بيضا .. شعرها طويل ونعيم..
ام سعيد : هيه عيل بنطلب لك تفصيل هوب جاهز.. ما شي جاهز ايوزلك
أحمد : ههههههههههههههه جيه امايه
ام سعيد : وانا صادقه بعد شو هالشروط.. انته شايفنهن بنات خالك بعد اشعنه هالرمسه
أحمد : لا امايه انا دوم اوصيج واخبرج عن شروطي.. عيل تبيني اخذ وحده الصبح اتروعني
ام سعيد : ايها شو هالرمسه بنات خالك مححد مثلهن فنانات ما شاء الله عليهن
أحمد : يدقن عوود لوووووووووووول
ام سعيد : خس الله رمستك الفارطه
أحمد : ههههههههههههههههه
سعيد : انزين متى بترمسينهم
ام سعيد : الليله ان شاء الله
سعيد : على خير ان شاء الله.. عيل برايكم بيسر احط راسي وارقد
ام سعيد : برايك الغالي سر ارتاح فديت روحك

في بيت اليد ( محمد )
اليد : يالله بسير العزبه
اليده : برايك سم باسم الله واستحيط بالله
اليد : ان شاء الله ....)) وسار العزبه ((
اليد : بابوه... بابوه (( بابوه اسم البيدار جان تذكرونه ))
بابوه : ها بابا
اليد : عشيتوهن البوش وال بعدكم
بابوه : لا الهينه
اليد : شو اتريون لين الحينه ما عشيتوهن ها.. يالله سر عشهن... حطوا 20 قلالت جت (( قلاله = وحده قياس محليه يستخدمونها للجت (( الجت = البرسيم ) )).... وحطوا يونيتين سبوس... عينوهن قبل
بابوه : انزين
اليد : شو اتريا موقف ها... سر بشوفك وخل اسلام ايي بنحلب البوش
بابوه : اوكيه

بو محمد : بسير العزبه حد بيسير ويايه.. هاه وديمه بتسيرين
وديمه : لا بويه حر هناك
بو محمد : جيه بنتيه ما بتسيرين .. افااااا تراه كنديشنات هناك
وديمه استحت من ابوها دوم تتعذره وجان اتوافق
وديمه : اوكيه بسير
ومنصوري يوم سمعهم عصب وتم يعزر ( يعزر = يحن ) عليهم يبا يسير وياهم
أم محمد : شلوه منصوري اشعنه بعد بتخلونه هاه
فلاح : ما فينا عليه امايه منوه بيسدّه هناك
ام محمد : ما عليك انته... وديمه بتسدّه
فلاح : هيه ما عليه وديمه هبابها تيلس تحت الكنديشن ( الكنديشن = المكيف ) ... حر عليها حليلها
وديمه : كيفي .. اوكيه امايه بسدّه ما عليج
ام محمد : هيه غدي حرمه
وديمه : فالج طيب
ام محمد : فالج ما يخيب
يوم الاربعاء.... الصبـــح
في بيت بو محمد
وبتحديد فالصاله...
وديمه يالسه عند الدريشه.. فطامي اطالع التلفزيون.. منصوري يلعب. حمد راقد.. محمد سار عند خيوله يطالعهن اللي فالعزبتهم اللي فلبديع ( مثل ما قلت لكم قبل لبديع منطقه فالعين بر وكلها عزب ) ...فلاح سار ويا ابوه كالعاده ومثل بعد ما قلت قبل فلاح كله ويا ابوه وين يسير هو يسير.. ام محمد اطالع الزراعه اللي فالحوش
وديمه : فطامي
فطامي : هاه
وديمه : اتصدقين الجو حلوو. مغيم لو انسير بقعه
فطامي : متفيجه انتي.. اقولج سكتي عني ابا اطالع هالفلم
وديمه : مالت عليج من اللي يسولف وياج
فطامي : عادي
وديمه : اففففففففف... ملل.. بسير خاري عند امايه
فطامي : هيه احسن بفتك من الحشره
وديمه : ايييه يهالوه عيب عليج سباله وحده.. )) وسارت عند امها فالحوش ((

عبيد : خلووود يا الجلب اشعنه يوم ادق لك ما اترد هاه
خالد : والله ما سمعته مقصر عليه
عبيد : عنبوه ما اتشوف مكالمه لم يرد عليها
خالد : يا ريال واشحالك بعد
عبيد : يسرك الحال وين
خالد : احوط
عبيد : يا حيك حد وياك
خالد : لا بروحي.. توني ظاهر من البيت.. وانته
عبيد : انا الحينه اصب بترول عند شيشة المسعودي
خالد : هيه يا حيك
عبيد : حوووووه ... اقولك برد ارمسك خلاف عندي خط
خالد : ما عليه برايك عيل
عبيد : فمان الله
وعالخط الثاني كان منصور
عبيد : ويا مرحبا
منصور : المرحب لا هان.. واشحالك
عبيد : يسرك الحال ومن صوبك
منصور : ابخييير وسهاله..
عبيد : يا حيك.. ما شي علوم ولا اخبار
منصور : ما شي..
عبيد : امره
منصور : نعم... وينك يا ريال من زمان ما شفنالك
عبيد : فالدار
منصور : اكرم انك فالدار
عبيد : والله جيه وين بسير
منصور :عيل ما انشوفك
عبيد : يا ريال ... وعلومك بعد
منصور : ما شي علوم... وين
عبيد : تونيه بظهر من شيشة المسعودي
منصور : هيه وين ساير
عبيد : ما عندي شغله الا حواطه.. وانته
منصور : والله ما ظهرت بقعه اليوم الا فالبيت
عبيد : غريبه..
منصور : اقول عبادي بخطف عليك اليوم العصر انزين
عبيد : خيييير لين العصر
منصور : ما عليه المهم ما بطول ابويه يزقرنيه برايك شي فالخاطر اماره حايه
عبيد : لا الغالي ما اتقصر.. شوفك
منصور : يالله عيل فمان الله
عبيد : فمان الكريم

في بو ظبي دار الظبي

ام خليفه : هاه بناتيه اتشاورن.... تراهم عيال عمتكم محد مثلهم
رفيعه : ان شاء االله امايه
النيره : اميه الراي رايج انتي وابويه واللي اتشوفونه سووه
ام خليفه : لا خليت منكن ... نحن اموافقين عليهم.. ودام انكن بعد موافقات... يعله بالمبارك عليكن وعليهم.. عيل بنرد عليهم تدريون يتريون الرد.. وأحمد مستعيل عالعرس حاشرنهم هناك اتقول امه

راشد يحوط ويا ربعه فالمارينا
راشد : حمدان قم خلنا انسير
حمدان : وين
راشد : بنحوط ملينا
صالح : لويش بتروحون
راشد : بتخاوينا يا حياك
صالح : وين
راشد : بنغازل
صالح : لا روحوا... انا ماني رايح
راشد : لويش ^_*
صالح : يعلك السلح.. ما تذكر ذاك اليوم وش سويت
حمدان : ههههههههههههههههههههههههههههه
راشد : ههههههههههههههه لا شو سويت
صالح : يا الهرم.. وتضحك بعد
راشد : لا صدق ما احيد عمريه سويت شي
صالح : اها ما سويت شيي مسكين
راشد : هههههههههههههههههههههههههههه
صالح : لا ما سويت شيي يا غير عطيت ذي العبده ام خنافر كبار ذي الخايسه رقم تليفوني... يعلها الحزن عذبتني.. حشره... والحينه غيرت الرقم والسبه انته
راشد : حليلها محد مثلها شفتها غاويه
صالح : فخشمك غاويه ... لويش ما تعطيها رقمك هاه
راشد : عاد قلت بسوي فيك خير.. تدري ذاك اليوم كسرت خاطريه
صالح : الخير اللي من وراك ما بغيه خله لك
حمدان : يحليلك كنت ذاك اليوم وايد متحمس وحاشر البقعه عليها هههههههههههههههههههههههههههههه

المغرب فالعين... في بيت بو سعيد
أحمد : وافقن
ام سعيد : هيه يعله مبروك عليكم يا ربيه
سعيد : الله يبارك فيج
سلامي : شو المستوي
ام سعيد : باركلي لخوانج بيعرسون
سلامي : مبروووووووووووووووووك .... صدق ... الله.. امنوه سعيدة الحظ
ام سعيد : بنات خالج عمير رفيعه والنيره
سلامي : والله... صدق.. انزين الحينه أحمد وسعيد بيعرسون مع بعض
أحمد : هيه
سلامي : والله مبروووووووووووك ) وسارت تلوي عليهم (
سعيد : شوي شوي علينا
سلامي : احمد وانته ليش مستعيل على العرس توك بتدخل 21
أحمد : ما يخصج كيفي
سلامي : مب قصدي والله ... بس قصدي اتهنى بشبابك شويه وبالعزوبيه
ام سعيد : وااااايه شو هالرمسه الماصخه تبينه يهيت فالشوارع يغازل بنات العرب
أحمد + سعيد : ههههههههههههههههههههههههههههههههههههههههههه
سلامي : جيه ما قصر
أحمد : جب انتي
سلامي : انزين خلااااص السموحه.. مبرووك عقبالي
ام سعيد : خسج الله يالماصخه اسميج الا ماصخه هب حامزه ومضيعه المذهب
سعيد : بدال ما انقولج نحن
أحمد : خبله تراها
سلامي : انزيييين منوه حق سعيد ومنوه لأحمد
ام سعيد : رفيعه لسعيد.. والنيره لأحمد
سلامي : هيه احسن لانه رفيعه اكبر عن أحمد وما اتيوز له ... اما سيعد كبره واتناسبه
ام سعيد : بنخبر ابوبكم عشان انسير صوبهم
سعيد : يا حيك اخيرا بتعرس يا احمد
احمد : هيه والله.... تعال حتى انته بتعرس
سلامي : جيه هو عادي عنده لكن انته اللي حاشر البقعه

فالليل الكل كان في بيت يدهم محمد
اليده : يعله بالمبارك عليهم يا ربيه
ام سعيد : امييييين يا عمتيه
ام علي : مبروووووك يام سعيد عقبال خوانهم وخواتهم
ام محمد : اميييييين ومبرووووووك
ام سعيد : الله يبارك فيكم وعقبال عيالكم

فوق
وديمه : مبروووووووك سلامي
سلامي : الله يبارك فيج
وديمه : الحينه النيره ورفيعه بيكونن عندكم يعني سوالف × سوالف
سلامي : جيه الدور ياينج
وديمه : فكينا
عمهن مطر كان خاطف يبا ينزل تحت
مطر : السلام عليكم
وديمه + سلامي : عليك السلاااام
مطر : واشحالكن
وديمه + سلامي : ابخير يسرك الحال ومن صوبك
مطر : يسركن الحال
وديمه : مطر وينك والله اتولهت عليك
مطر : موجود... تتولهه عليج العافيه الغاليه
سلامي : بتسير تحت
مطر : هيه كلهم يالسين ... وشو ميلسنكن انتن هنيه
وديمه : انسولف
مطر : انزلن تحت
وديمه : اوكيه .. صبر بنسير وياك
وسارن تحت
عبادي : يدوه سمعي
اليده : شو
عبادي : ما اتحدين هذيج العيوز المزروعيه اللي خبرناج عنها
اليده : ما ادري ... هيه يمكن
اليد : دراها.. اتخبروها عن عشاها اليوم بتقولك ما ادري.. يتدك عيوز مخورفه
اليده : وايه اشعنك انته...
عبادي : انزين تبين تسمعينها
اليده : هيه
عبادي : يالله

" العيوز : الحمد لله ... منو انته
الهندي : ماما انا في داخل اوزبه ( اوزبه = عزبه ) مال انتي
العيوز : هيه ... هيه
الهندي : هدا انتي في غنم يريد بيع... غنم.. انا في يشتري غنم
العيوز : لا... لا.. انا بيع غنم
الهندي : هدا في نفرات منيه واحد باكستاني هو يخبر واحد
العيوز : لا...لا.. انا هوب فيها العزبه... ما يبيعون انا لين آيي انا
الهندي : هو يخبر هدا نفر.. خبر هو واحد راس غنم 300 درهم هو يبيع
العيوز : لا..لا.. لايبيع.. ليش يبيع دون امره.. هاته هاته.. عطني اياه عطني اياه
الهندي : انا الحين داخل سياره.. انا في روخ.. انا يشتري 50 راس غنم الحينه يشتري من عند هو
العيوز : ويه لا عينت خير.. حسبي الله عليك
الهندي : هو.. هو
العيوز : هاااااااااااااه
الهندي : هو يعطي مشان انا 50 راس غنم واحد غنم في 300 درهم
العيوز : وايه حسبي الله عليه
الهندي : هادا في ثنينه بقر في هو يبيع مشان انا 1000 درهم
العيوز : وايه لا اتباركت... يعله ما يعين خير
الهندي : بعدين هدا هو واحد صديق يجي هو يروح داخل سياره.. هو يروح دوبي ( دوبي = دبي ^_* )
العيوز : ياكل خراه و....... ردهن ردهن... ردهن وال بشجي عليك عند الشرطه
الهندي : انا فلوس يعطي مشان هو ماما شو هدا
العيوز : يعلك الفلس... فلوس
الهندي : انا يعطي فلوس مشان هو الحين ... انا ما في مصخره ماما
العيوز: لا لا في مصخره.. ما في مصخره
الهندي : هو بيع
العيوز: سود ويه ابوك "

عبادي : ههههههههههههههههه وين يسود ويهه ابوه ابروحه اسود خلاف كيف بيطالعونه
الكل : ههههههههههههههههههههههههههههه

" الهندي : هو بيع 50 راس غنم وثنينه بقر
العيوز : واااااااايه يعلك ما تاكلهن
الهندي :وهدا واحد ناقه كبير اسود هو يبيع مشان انا بعد 10 الف
العيوز : وايه حسبي الله عليك... عنبوك بتورثنيه وانا حيه
الهندي : ماما انا شو يسوي
العيوز : يعلك السـَــوْ يسوك انته وهو فوقك "

عبادي : ههههههههههههههههههههه اونه يعلك السَــــوْوو

" الهندي : هو يشيل فلوس... هو يروح دبي ويا صديق مال هو
العيوز : الحين بعطن عليه.. الحين يايتنه
الهندي : انا الحينه بيجي داخل اوزبه ماما زين
العيوز : شلال يتك محيه من فوق.. بس بس "

الكل : ههههههههههههههههههههههه
اليده : حليلها .. هههههههههههه
عبادي : امايه..قالتله لا ليش يبيع دون امريه
حمد : يدوه تدرين امنوه اللي سوالها هالمقلب
اليده : لا
حمد : هي تستوي خالت امه
اليده : حليلها
اليد : هيه سووا بعيوزكم هذي بعد
اليده : بعمرهم .... واشعنه يسون بي جيه تباهم هاه
اليد : تراج مضحكه
الكل : ههههههههههههههههههههههه
وديمه : يدووه تدرين .. والله غاضنتنيه العيوز ... عاد كله ولا العيوز وحلالها... جان ماتت الحينه ولا استوابها شي.. الله فال خير ... يوم سووا فيها هالمقلب.. ما يستحي والله... انزين كله صوب والدعاء اللي دعته عليه صوب... عاد دعاء عيوز... خيييييييييبه
اليده : محد قاله.. واشعنه يسوي ابها جيه ... حتى فضحه عليه
سلامي : يدوه شو يعني شلال يتك محيه ؟؟.... ما ادري بعد اذا صح قلتها
ام علي : تدرين عمتيه الحينه عيال علي واحد منهم يدعي على اخوه يقوله يعلك السو..
الكل : هههههههههههههههههههههههههههههههههههههههههه
اليده : وايه اشعنه جيه
ام علي : هذا كله من عبادي دومه يهذر هالعيوز حليلها ودوم يسمعنا اللي توج سمعتيه
عبادي : هههههههههه محد قالهم انزين
اليده : منو منهم
ام علي : راشد يقول حق خالد
الكل : هههههههههههههههههههههههه

عقب كمن اسبوع
وديمه اترمس النيره فالتليفون
وديمه : النيره فديتج مبروك
النيره : الله يبارك فيج عقبالج يا ربيه
وديمه : شو خلصتي زهابج
النيره : بعدنيه
وديمه : يا حيج... متى بتحددون العرس
النيره : ما ادريبهم.. الشور شورهم.... تدرين اظني شهر 10
وديمه : هيه جريب يعني.. ما اتلاحظين انه بسرعه يعني احس انه ما يواحيج اتسوين شي
النيره : هيه صح
وديمه : بس تدرين احسن جيه كله سريع ^_*
النيره : ليش.. لا بالعكس
وديمه بخبث : تدرين الريل ما يتحمل...
النيره : هيه انزين.. تدرين اسمعهم يقولون أحمد حاشر البقعه
وديمه : هيه ريلج.. مسكين اكيد مستعيل.. تدرين من عرفته وهو حاشر البقعه يبا يعرس والحينه يوم بيعرس هب رايم يتريى شويه
النيره لا تعليق
راشد داخل
راشد : ها عروسنا شو اتسوين
النيره : صبري ودوم شويه
ودوم : اوكيه
راشد : عندج وديمه بنت عمتيه
النيره : شو تبا
راشد : انزين سلمي عليها
النيره : عشان جيه زاقرني
راشد : سلمي لا امط التليفون واسلم بروحي
النيره : خيبه.. هب مسلمه اوكيه .. عنبوك استح عويههك
راشد : هاتي عيل التليفون
النيره : ما ابا.. هلا ودوم برايج برمسج بعدين
ودوم: اوكيك بببببببببباي
راشد : شو جيه هاه
النيره : ماصخ ومضيع المذهب
راشد : ماللت عليج
النيره : اغصان الجنه ان شاء الله.. شو تبا ليش ياي
راشد : حتى نسيت من سمعت طاريها نسيت كل شي
النيره : فارج عيل
راشد : هيه ابويه يباج تحت
النيره : يايه




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 40
قديم(ـة) 10-10-2011, 08:35 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه



فالعــــــــين دار الزيـــــــــن والمزاييــــــــن مثلي ^_*
ام محمد : يوم الاثنين الياي الحفله
بو محمد : ان شاء الله
ام محمد : زهبتوا كل شي
بو محمد : هيه كل شي زاهب امره ما عليج غير اتعزمين
وديمه عقب ما سكرت عن النيره نزلت تحت
وديمه : مسااااا الخير
الام والابو : مسا النور والسروور
ام محمد : ها غناتيه عزمي اللي تبينه من اربيعاتج وابلاتج
وديمه : والله متى ثرها الحفله
ام محمد : الاثنين الياي
وديمه : الللله حلوووو.. اوكيه الحينه بسير ادق لهن
بو محمد سوا للمحمد تليفون
بو محمد : السلام عليكم
محمد : عليكم السلام مرحبا بويه
بو محمد : المرحب باجي.. واشحالك بويه
محمد : يسرك حاليه ابخير ونعمه..ومن صوبك الغالي
بو محمد : ما اشتكي من باس..
محمد : يا حيك... ها الغالي شو في خاطرك
بو محمد : اتخبرك الحينه حددنا متى الحفله
محمد : هيه أي يوم
بو محمد : اتقول امك الاثنين الياي تباها
محمد : انزين ما شي مشكله
بو محمد : عاد تتخبرنيه كل شي زاهب
محمد : تدري قبل لا انسافر سرنا انطالع كل شي.. بس باقي انأكد عليهم
بو محمد : هيه زين.. قلتلها كل شي زاهب بس عليها اتعزم...
محمد : ما عليه انا الحينه بسوي للدي جي.. وبسير اطلب صياني الحلاوه... وبسوي للفرقه
بو محمد : ما عليه وانا بأكد على المطعم اللي اخترناه
محمد : ما عليه... كل شي زاهب.. عاد ابويه... الجعادين اللي بتعقرهن سر طالعهن واعزلهن ...
بو محمد : هذا انته ما عليك معزولات والذبايح موجودات.. ما بنشتري من السوق الخير فاضل والحمدلله والكل يمدح ذبايحنا..
محمد : هيه صدق.. ما عليه الغالي.. امره فالك طيب.. وبسوي لهم وبرد عليك
بو محمد : ما عليه.. برايك عيل
محمد : مرحبا

.....

وتابعوا الحفله في الجزء الياي

يالله برايكم الحينه


البااااااارت (( 14 ))

قبل يوم الحفله....
الاحــــد الصبح....

بوظبي دار الظبي....
في بيت عمير......
اليازيه : يالله متى بنسير العين...
ام خليفه : سيري طاعي خواتج الحينه بنسير..وخلي البشكاره اتحط الشنط فالسياره
اليازيه : اوكيه
) تراهم بيباتون في العين عندهم بيت هناك .. بيباتون اسبوع واصلا هم سايرين عشان الحفله (
حمدان : اميه وينهن بناتج عنبوه هب يلسه عندهن .. من جيه ما اداني اودي حد
ام خليفه : فديتك الحينه بين..
حمدان : يعلهن
ام خليفه : فديتك ما تدعي... مصبحت ازقرهن واترياهن
النيره : يالله انسير
ام خليفه : يا حيج يوم هضلتي عنبوه هب يلسه عندج... وين رفيعه واليازيه
حمدان : يزوي سارت تطحن وعرست
اليازيه : انا هنيه ييت هاه
حمدان : لا جان يلستي ما يحتاي بنترياج بنت عمير
ام خليفه : يالله ركبوا ..
ونزلت رفيعه.. ومهــيــّـــر من الصبح يالس تحت يتريى
حمدان : يالله اذا ما شفت حد راكب بسير بروحي العين
ام خليفه : الحينه يايين.. يالله حد منكن يزقر البشكارات....
وخلاف ركبوا السياره... وفي طريق العين
حمدان كان حاط أغنية عمر العامري...

" نسيم(ن) هب ذكــــرني... بخل(ن) طول بفرقـــا
وليفن دار على بالـــــي... عليها انوح و اونـــــــــي
احبـه صدق من قلبــــي... رفيع الشــان واتمنــــــى"

ام خليفه : بنده بنده ... بسم الله نحن الحينه قابضين خط.. العرب اتحط قران وانته حاط لنا غنى
حمدان : اشعنه امايه ما عيبتج الاغنية ) وبندها (
ام خليفه : اقولك سو لخوك راشد شوفه وين ومتى بيضهر من بوظبي
حمدان : ان شاء الله
ام خليفه : ول سوا له وعطني اياه برمسه..
حمدان : انزين... ) واتصل..(
راشد : مرحبا الساع
ام خليفه : المرحب لا هان
راشد : امايه...
ام خليفه : هيه
راشد : مرحبا بج امايه..
ام خليفه : وين
راشد : في بوظبي دار الظبي
ام خليفه : شو اتسوي.. ومتى بتي هاه
راشد : خلاف
ام خليفه : شو خلاف بعد هاه الحينه تعال ما بتحضر الحفله
راشد : اكييييد بيي.. بس خلاف الحينه انا ويا الربع
ام خليفه : خلهم ربعك وتعال متى بتي فالليل متاخر
راشد : لا ما عليج بلحق
ام خليفه : هيه اسرع وانته ياي انزين
راشد : ههههههههههههههههههههههه
ام خليفه : يالله بشوفك ويـّه صوب العين الحينه... وعن السرعه... تراه العمر هب عود جت كل من حشيته نقض
راشد : هههههههه ان شاء الله الغاليه ولا يهمج
ام خليفه : هيه لا هب ما يهمنيه... انته ولديه..
راشد : يفداج ولدج يا ربيه امره فالج طيب...
ام خليفه : ما عليه سم باسم الله الغالي ويالله تعال لا تبطي
راشد : الحينه ياي ان شاء الله
ام خليفه : ان شاء الله.. ربي يحفظك يا الغالي
راشد : شي فخاطرج الوالده
ام خليفه : هيه عن السرعه
راشد : ههههههههههههه ان شاء الله
ام خليفه : عيل ما شي فخاطريه غير.. يالله فمان الله
راشد : فمان الكريم..
ويوم وصلوا رماح
حمدان شغل امارات اف ام يبا يطالع شو فيها.. وكانت أغنية بن روغه ... هلا بنسيم ...

" هــــلا بنســـيم(ن) هـــب من صـــوب اعربـــي... نسنس وهيـــــض مزملي وألحـــــانـــــــي
واذكـــــرت نفســـــــي مســــــار حبـــــيبـــــــي... فــــــــــي ليلة(ن) يهـــــنى بهـــــا الولهاني "
سار حمدان وبند الاف ام
ام خليفه : وايه اشعنه
حمدان : شو اميه
ام خليفه : اشعنه اتبندها الاغنية
حمدان : تراج ما تبين غنى
ام خليفه : لا لا خله خله هذا غاوي
الكل : هههههههههههههههههههههههههه
النيره : لازم بروغه

ويوم شغله....

تحــــكم عليـــــــه دون حق وواجــــبـــــي... شـــــــــروات وصــف(ن) قالها الهزاني
يــــا نـــاقتي وال العصا وال اشــــــربـــي... وال اصـــــبري عالجـــــود والحرمـانـي


ام خليفه : يا حافظ عليه.. سمعتوها... عيده عيده
حمدان : ههههه لا امايه هذا الاف ام
ام خليفه : جيه مب شريط.. اتحراه شريط
حمدان : لا امايه هب شريط
ام خليفه : ما عندك فالشريط....
حمدان : عندي بروغه بس نزلته امس وخليته فالبيت

ووصلوا العين .... فديــــــــــت الــ ع ــــــــــــــــين انــــــــــــــــــا

فالعـين مسكنيه وفالعين انا رابــــي
يعل شيخن بناها جنة الرحمن مثواه ... [[ حقوق القصيده محفوظه عنديه... ]] .....>>>> الا بيت واحد من قصيدتيه.. // بداية قصيديته \\...^_^

وساروا صوب بيتهم ونزلوا ورتبوا اقشارهم
العصــــــــر
سلامي اترمس ودوم
سلامي : قوم خاليه عمير هنيه فالعين
ودوم : هيه تراه حفلتيه باجر
سلامي : انزين لا تدرين انهم بيباتون هنيه
ودوم :هيه قالتلي النيره
سلامي : يا حيهم
ودوم : اقول برايج الحينه مشغوله شويه مشتطين فيا الحفله
سلامي : اوكيه برايج عيل
ودوم : فمان الله

في بيت عمـــــير اللي فالعين

ام خليفه : سري طالعي منو ياي اسمع تصيح هرن
اليازيه : اوكيه
وسارت طالعت من الدريشه
اليازيه : امايه هذا رشود يصيح هرن حق الطباخ
ام خليفه : جيه اصغر عيالج رشود عيب عيلج حشمي...
اليازيه : اسفيييين راشد بن عمير والنعم
ام خليفه : هيه اصتلبي
راشد حادر...
راشد : السلاااااااااام عليكم
ام خليفه : وعليكم السلام والرحمه مرحبااااا بالغالي
راشد : الله يرحبج عفضله يا الغاليه
ام خليفه : فديتك يا ربيه
راشد : هاه امايه ما اتعديت عن 150 السرعه بعد شو تبين
ام خليفه : يييييييييييه >> شهقت 100 وكم
راشد : 150 بس
ام خليفه : خيييييييبه وانا موصيتنك لا تسرع
راشد : امايه والله ما سرعت
اليازيه : لا اتحلف
راشد : جب انتي اشدراج.. امايه انا ما امشي جيه بالعاده اسرع عن جيه وهذا ابطأ شي عندي
ام خليفه : لا شو ابطأ شي.. عنبوه جانك طاير.. لا جان مشيت 120 انزين
راشد : ههههههههههههههه جيه امايه ما تبيني اوصل عنبوه 120 متى بوصل ..
ام خليفه : جيه شو وراك ..عنبوه طاير بالله يغير الله... هوب لازم نص ساعه وتوصل... يوم قلتلك اضهر ويانا ما طعت..
راشد : انزين... يالله انا بسير فوق .. نظفنها حجرتيه...
ام خليفه : ما وحالهن حليلهن كم بيرابعن ايلس هنيه بخلي ختك اتقولهن ينظفنها..
راشد : جيه شو يسون من الصبح
ام خليفه : يا حليلهن يابويه جانهن من الصبح ينظفن من وصلنا.. وبعدين البيت مغبر وايد من زمان ما ييناه من العام
راشد : عيل انا بسير احوط
ام خليفه : وين توك ياي عنبوك صك الدعنه... ما اتقرون فالبيت.. جنه ما عندكم بيت هايمين فالشوارع غيركم يدور بيوت وانتوا عندكم الخير وهايتين..
راشد : هههههههه اميه فديييييييت روحج انا.. تدرين بي ما اداني يلست البيت جني حريموه
ام خليفه : جيه بلاهن الحرمات الا هن ييلسن فالبيت.. والبيت الا الهن بروحهن
راشد : انزين ما بتأخر الغاليه بسير شويه وبيي
ام خليفه : سر ما اقدر لك حيله.. سم بسم الله
راشد : ان شاء الله
اليازيه : بسير وياك
راشد : وين.. صكي الدعنه ما شي سيره
ام خليفه : وااايه وين بتسيرين انتي بعد .. عيب قري جادنه بيسلم على ربعه ولا شي وين تبين مطوزله
اليازيه : لا حووول خلاااص ما نبا انسير
راشد : دواج.. يالله فمان الله
ام خليفه : فمان الكريم

عبادي ومنصور رادين من دبي سايرين فنيسان عبيد ((النسيان الابيض ^_^ ))

عبيد كان حاط أغنية......

قلــــــــــبي خــــــــذاه لـــــي ساكـــن دبــــي.... غر(ن) جمــــــــيل ومرهـــــف اسلوب
فتــّــــــان و بنـــــــــظرات يــــــسبـــــــــــي.... فــــــــايج على الخفـــــرات حـــــــبوب
واصبـــحت لا مــــيت ولا حـــــــــــــــــــي.... يـــــــوم ألتقــــــــي بـــــه اذوب واذوب
منهـــــا العــــــذوبت صافـــــــــــــي المــي.... مـن مبـــسمن بــو ريــــــج معـــــــذوب

خلاف كانت سياره كرزلر عليها رقم رباعي ازرق.. وراهم لازقه فيهم بالقوو وتعطيهم فول ليت... كانوا على خط التجاوز طريق ( دبي – العين ) طبعا
عبادي : شوف شوف ورى..
منصور : خيبه هذا ليش جيه لازق فينا
عبادي : ما بخوووز براويه شو يتحرى بعمره جيه شارع ابوه
وتمت السياره لازقه فيهم وتعطيهم فول ليت.. وعبادي ما خاز عنه تم محله يمشي... السياره (( كرزلر )) جاوزتهم على اليمين يوم ما طاعوا يلفون عنه وسارت جدامهم عقب ما جاوزت
منصور : شفت
عبادي : خسه الله.. خلافه
منصور : الحينه ما بيطيع يعطيك السيد عشان اتجاوز
عبادي : جي بترياه انا.. براويك
وجان يسير عبيد يمشي على الخط اللي فالنص تراه طريق (( دبي – العين )) ثلاث خطوط ، ثنينه خطوط عاديه والثالث خط التجاوز طبعا اللي يكون عاليسار >> اوني اعطي درس فالشارع والخطوط ^_*.. عبيد مشى فالخط العادي اللي فالنص.. سيارة الكرزلر ما طاعت اتخوز عن خط التجاوز يتحرى راعيها انه عبادي او راعي النسيان يبا يتجاوز خاصه انه في سياره ثانيه صالون عاديه تمشي على الخط الثاني (( اللي فالنص ))
جدام قوم منصور
عبادي : خل الشارع له السبال
وسار اتجاوز على اليمين وكانوا يمشون عبيد وراعي الكرزلر عدال بعض بنفس السرعه
منصور : عبادي لا اتحاول تراه لو يبا بيسير عنك
عبادي : ادري...انته طالع بس كيف يطنز السبال... خلافه
منصور : طبه طبه
عبادي : لو اميه هنيه (( قصده يدته )) جان نزلتله بعجويتها (( العجويه = العصا ))
منصور : هههههههههه
عبادي : هيه ذاك اليوم كنا انا وهيه سايرين دبي وما كان عندي ليسن هذيج الايام وجان يلف علينا واحد جنه لبناني..خلانا ندعم الصوب الثاني اقولك نزلت له وقلت له شو فيك انته شو فيك تميت اواجعه
منصور : بعد بليا ليسن وبطران اتهازب العرب
عبادي : هيه عيل عندي عيوز وولد صغير لو متنا ... المهم تم الزلمه يهازب وانا ارد عليه وجان اسير واظهر السبانه من ورى لحمار يهدد بعد.. اوني بروعه شوي ... ولانه امايه نزلت له بعجويتها وجان تتحرطم عليه زين ما ضربته
منصور : هههههههههههههههه.. شو قالت له
عبادي : انته ما اتشوف عنبوك جان نفدتنا.. يا الخلافه.. وخلى مطر لخبر عليك الشرطه
منصور : هههههههه حليله الريال ما فهم عليها صح
عبادي : وين بيفهم اميه ترمس بدوي
منصور : ههههههههههههههههههههه ويدوه دومها وخلى مطر
عبادي : هيه .. سرت لها وقلت لها بصوت واطي.. وين تزقرين الشرطه انا بليا ليسن بيعقوني وياج فالسجن
منصور : ههههههههههههههههههه انزين
عبادي : هههههههههه اونه اتقول لا ماعليك انا براويهم... خلافه وين يعقونا فالسجن وهو الغلطان.. ما جنه نحن الغلطانين بليا لسن لا ومن العين انحوط في شوارع دبي.. ههههههههههههه
منصور : هههههههههه انزين خلاف شو سوى..
عبادي : ما شي اتروع عقب ما هازبته .. وسار السبال

فاليــــــوم الثــــــاني
يـــــــــــــــــــــــــــــــــــــــوم الحفــــــــــــــــــــــــــــــــــــــــــــــ ـــــــله


كان براد ذاك الوقت والجوووووو روعه خاصه انه كان نازل مطر ومغيمه البقعه

كانوا مسوين ديكوووووووور روووووووووعه وحاطين الطاولات والكراسي خاري
حاطين الطاولات والكراسي مرتبينهن بشكل فنااااااان المهم مرتب اممممممم وحاطين ليتات على البيت مثل ليتات المعاريس و طبعا في بلونات مرتبه بشكل فنااان ومنسقه في ورود طبعا معدلينه بشكل رهييييييب والالوان روووعه واللي ساعدهم انه حوشهم وااااااايد عود وكانوا حاطين الكراسي جدام باب الفله وكانوا فارشين فراش تحت اذا اتعرفون الفراش اللي يحطونه في ارضية خيمة المعاريس نفسها
.... وبرى البيت مسوين مكان بعد حق الرياااييل (( من العايله ويرانهم وربعهم بس يعني ما عزموا رياايل واايد تدرون حفلة حريم اما الحريم ين من دبي وبوظبي واللي من العين يعني وااايداات )) ويابوا يويله وفرقة وعند الحرمات يت وحده مغنيه ونعيشات.... يعني جنه عرس مب حفله بس تستاهل بنت سلطان ^_*
سلامي : الله ودوووووم طالعه قمر.. باجر بيصبحون الخطاطيب على الباب
ودوووم : حبيبتي اصلا من زمان هم على الباب بس نحن ما نبا ^_*
سلامي : يالخقه...
ودوووم : وجنه انتي محد على بابكم ^_^....
سلامي : جيه تبين الفكه منيه
ودوم : لا والله
سلامي : اذا بنعرس بنعرس رباعه شو رايج
ودوم : اوكيه
النيره : طالع الماصخات يفكرن بالعرس..... ودوم صدق صدق طالعه فناااااانه المكياج والفستان حتى الحفله
ودوم : ثانكس
ميرووه : ودوووم قوم عواش وشميم ولطوف وميثه ين
ودوم : ياااااااااااا مرحبااااااااااااااا منوره البقعه
كلهن : بوجودج الغاليه.....
عواش : الله ودووووم طالعه روووووعه... اشعليج...
شمه : يه يه يه شهالجمااااااااااال ما انرووووووم كشششششخه اسميج
ودوم : من طيبكن والله يلسن يلسن سلااامي ميرووه لا اتخلنهن
ام محمد : ودوم تعالي سلمي شو جيه عيب عليج >> من بعيد تزقرها
ودوم : يالله يايه
عواش : الله يعينها ما بنشوفها وايد لازم تيلس على كل طاوله
شميم : هيه مب الحفله حفلتها خلاااااااااص

والحرماااات مكثرهن والسيايير والزحمه والحشره حتى الشرطه كانت موجوده هناك يعني كمن دوريه تقريبا 3 دوريات.... ومحمد وحمد كانوا ينظمون السير داخل البيت عند دروازت الباب اللي برى خاصه السيايير اللي تدخل عسب اتنزل الحرمات وخلاف سار محمد عند قوم ابوه يفازعه وفلاح وسلطان ساعدوا حمد... شوي حمد سار وخلى فلاح وسلطان هم اللي يتولون المهمه ^_^





الرد باقتباس
إضافة رد
الإشارات المرجعية

بالهداوه يا دوا المشتاق خذني بالهداوه / كاملة

الوسوم
.."*... , .."*..بالهداوهـ , المشـتاق , اماراتيه , بالهداوهـ , خذني , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية غصب عني / الكاتبة : شوق المشتاق ، كاملة !! زهور الريف !! روايات كامله - يتم نقل الرواية هنا بعد اكتمالها 1073 11-02-2017 06:16 AM
و للأيام قرار آخر / كاملة Ramadi73 روايات كامله - يتم نقل الرواية هنا بعد اكتمالها 79 13-01-2016 05:12 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 04:55 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1