اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 71
قديم(ـة) 17-12-2011, 09:29 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه


يتبـــــــــــــــــــــع

في بيـــــــــــت بو سعيد الصــــــبح
وديمه نشت واتسبحت واتكشخت
وديمه : منصووووور... منصووور حبيبي قوووووم
منصور راقد من الخاطر تراه امس فليل الساعه 2 ساروا يحوطون هو و وديمه والساعه 5 ردوا البيييت
وديمه : منصووووووري قووووم لو سمحت وال ترانيه بسييير عنك تحت
منصور راقد... وديمه مطت اللحااااف عنه
منصور : ودووووووووووووم خلينيه ارقد
وديمه : ما شي رقااااد كلهم ساييرييين دبي بايتين هناااك الا نحن قووووووووووم
منصور : انزييييين بنلحقهم خلاااااااف بس خلينيه ارقد
وديمه خلته وسارت تحت حليلها يالسه برووحها..
يلست فالصاله تحت وكانت اترمس شمووووه واتسوووولف فيااااااهااااااا.......
شوي ولانه منصور هابط عليها
وديمه طالعته وتمت اتسووولف عادي مع اربيعتها
منصور : سكرييي
وديمه : انزييين شمووووه متى بتينا هااااااه
شمووه : هه عشان يقصبونيه هاااااااه.. مشكله حركات الاستهبال بعد.. انتي لمعرسه المفروض اتلوطين علينا (( اتلوطين = اتخطفين او اتزورين ))
وديمه : لحوووووول الحينه بنذل انا على هالسالفه
شمووه : محد قالج.. يالله متى بتيين اتريااااااج تراني
وديمه : بدور لج يووووووم كيوووت جيييه مثليه وبيييج
شمووه : يوم الا كيوووت مثلج ما بنلاقي ويعني مفلسين منها ييتج
وديمه :لا والله شوووووووووو قصدج
منصور: سكرييييييييييييييييييييييييي اقووووووووووووووووووولج
شمووه : قصدي انتي محد شراتج يا الحويييذق يعني يوونيييك
منصوووري : بتسكرييييين وال
وديمه : شمييييييم بسرمج بعدييييييييييين اوكييييييييييييه
شموووووه : اوكيييييك... سلمي على سلامي.. وتيك كيييييييير
وديمه : يبلغ.. يو تو
وسكرت عن شمه
منصور : سااااااااعه سااااااااااااااعه
وديمه : نعم شو تبا
منصور سار ويلس عدالها : امممممممم يقوووووولوووووووون منصووووور يبا ودوووووم
وديمه : هيييييييه.. ويقولوووون منصوووور خلى ودوووم بروحها يالسه من الصبح
منصور : انتي تعالي شو موعنج جيه من وقققت عنبوووه كم الساعه راقده امس هاه هووووووب قرب 5 الصبح
وديمه : ما ادري والله بس نشييييييت..
منصور : واهووووون علييييييييج ما اشبع رقااااااااد هاه )) وانسدح على ريلها ((
وديمه : انته شو رايك.. تعال بقوووولك..
منصور : ووووت
وديمه : اترمسه راشد بن عميير انته
منصور كان منسدح على ريلها وطالعها : وانتي شلج هااااااه
وديمه : لا اتخااااااااف انا ما يهمني غييييييييييرك..وبعدين انا على ذمت واحد اموووووت فييييه ولا اموووت في غييره .... )) وحطت ايدها على عيووونه ((.. بس ولد خالي ومن فتره ما شفته
منصور : حتى انا ... تدرين افكر اسويله واسلم عليييه
وديمه : هيه هيه يزااااااااك الله خيييير تدري صلة الرحم واجب
منصور : سمعي بقوووولج غنااااااااااتيه عقب ما نتغدى بنسييير ترانا اوكييييه
وديمه : انزييييييييين ^^

كلهم ساييير دبي
بو محمد وفرييييجه / بو سعيد وفريييجه / بو علي وفريجه / اليده واليد ومطر
اما اللي تموووا.... رفيعه ما سارت يلست فالبيييت تدرووون حااامل والحينه في شهرها...

في دبي دار الحــــــــــــــــــي...

عبادي : عيووووووووووزييييه الحقي تعااااااااااااااااااااااااااااااااالي.. بسرعه
اليده : لا لا ما فييييييييييه... شو تبا
عبادي : برااااااااوييييييييييج شي
اليده : ريوووليه اتعورنيه.. تعال تعال همزنيه ميرانه ما فيها خيييير اتهمزنيه هبابها للهذرباااااان
عبادي : برااااااايج عيوووزيه بيفوووتج.... )) وضهر عنها ((

عبادي وحمد ومحمد ومطر و وسيف والشباب العزابيه من العايله متيمعييين في شقه برووحهم يسولفووون ويخقووون شوي ولانه حمد ياه اتصال من رقم ما يعرفه اول شي اتحراه واحد من الربع متصل من تليفون اخوه جان يشله على طول
....... : السلام عليكم ورحمة الله وبركاته >> يرمس بطريقه هاديه جديه
حمد : عليكم السلام
....... : اشحالك
حمد : بخير يسرك الحال ...
...... : عرفتني
حمد : لا والله منوه الاخ
...... : ما عرفتني.. انته مش حمد
حمد : هيه نعم
...... : بعدك ما عرفتني
حمد : ليكون راعي راس الخيمه
...... : يعني عرفتني
حمد : هوووو ولا
..... : هي هو.. واشحالك..
حمد : ابخيير يسرك حاليه ومن صوبك.
.... : الحمدلله.. واشحالك واشحال الاهل
حمد : كلهم ابخير ونعمه.. يا مرحبا
..... : وين ؟؟؟ جيتوا راس الخيمه
حمد : فالعين
..... : ما جيتوا راس الخيمه
حمد : لا والله ما سرنا... )) ويلس حمد يسوي حركات حق عبادي يقوله ان راعي راس الخيمه (( سالم ))
عبادي يوم درى مات من الضحك.. بعديين بخبركم سالفة سالم راعي راس الخيمه....

سالم : بسألك كم كيلو لين أبوظبي
حمد : والله في حدود تقريبا اكثر عن 250
سالم : بعيد ولا قرييب
حمد : ساعتين ساعتين وشي
سالم : خييييييبه بعييييد وااااايد
حمد : حق واحد فاضي هووب بعيد حق واحد مشغول بعيد
سالم : هيه.. من يومين كنت فالعين هناك عند جامعة البنات جامعة الامارات انزل حد من الاهل
حمد : هيييه
سالم : وانا باجر بسيرابوظبي عندي شغل هناك شوي.. اقولك وين بيتكم
حمد : فالمسعودي
سالم : هيه.. يمكن امر عليكم باجر اسلم
حمد : هيه (( وسوا حركه لعبادي )).. حياك
سالم : عااادي يعني..
حمد : هيه عااادي عوبد الله
سالم : انا بروح ابوظبي وبعدين بمركم
حمد : مرحباااابك خوي
سالم : هيي
حمد : عيل شي فخاطرك
سالم : لا سلامتك
حمد : فمان الله.. )) وسكر عن سالم ((
عبادي : ههههههههههههههههههههههههههههههههههههههههههه
حمد : يا الهرم.. كله منك..
عبادي : منوووه.. أأ..>> يسمي سالم (( أأ )) لانه كل ما يبا يرمس يقول أأ خلاف يرمس..
حمد : هيه أأ
عبادي : في ذمتك.. سالم راعي راس الخيمه
حمد : هيه
عبادي : ههههههههههههههههههههههههههههههههه شو قالك
حمد : يا اخي لعوزني هذا.. كله منك يا الجلب
عبادي : ههههههههههههههههههههههه وانا شو سوييييت
حمد : يارك الله ما سويييت شي... عنبووه عيل اتسير تعطيييه رقميه عقب ما جذبت علييييه
عبادي : هههههههههههههههههههههه انزين تعال شو قالك قوووووول
حمد : شو قاااال
عبادي : كل شي
حمد : اول شي قال السلام عليكم << ويلس يقلده كيف قالها وعبااااااااااادي ميييييييييييييت من الضحك علييييه من الخاااااااااااااطر.. وتم حمد يقوله شو قاله وعبادي يعلق علييييييه
حمد : اونه قالي كم كيلو لين بوظبي
عبادي : انزين
حمد : قلت له اكثر عن 250 كيلو
عبادي : انزين جان قلت له 400 كيلوووو
حمد : تستهبل حضرتك...تعااال الحق اتخبرنيه وين بيتنا
عبادي : هيه وشو قلت له.. خبرته ويين
حمد : قلت له فالمسعودي ههههههههههه
عبادي : يا الهرم بطرشه صوبنا هااااااه.... سبال وااااااااحد اشعنه تجذب علييييييه حرااااااااام الجذب يا السبال
حمد : هههههههههه انزين ونحن وين عنكم هاه...
عبادي : انتو ف منازف شو يابكم المسعوووووودي.. غربلااااااااااات جذبك
حمد : هههههههههه ما يخصنيه شرات ما بليتنيه به.. خله باجر يمسي علييييكم يبا يسلم اونه
عبادي : جان قلت له نحن فالقوووع
حمد : يا اخي بعييد
عبادي : خله.. والله لو منك جان قلت له كان بيتنا فالعوق خلاف اتحولنا وسرنا ام الزمول >>> منطقه نائيه على قولت ولد عميه عبادي دوووم حاشرنا عليها يبا يودييي يدوووه وامايه هناك يكشتهن وهاي البقعه معروف انها قطعة ارض فاضيه لا شير ولا زرع.. مكان حق السجووووووووووون.. منطقه بعييييييييده ما يسمحووون لحد انه يدخلها....
حمد : لااااا والله...
عبادي : هو ما اتصل ليه.. لو اتصل براويه شغل الله
حمد : تعال يا اخي هذا مرذنيه (( مرذنيه = ملعوزنيه )) .. دوووم يتصل بيه ما ادري شو عنده اسمييه بليا مووونه.. وانته ليش ما يتصل لك..
عبادي : ما ادريبه.. لا تدري مره وحده اتصل ليه عقب ما ردينا ذاك اليوم من راس الخيمه اقصب.. لعوزته ضهرت له قرووووووون هههههههههههههه من ذاك اليوووم تاب ما يتصل بيه..
حمد : جيه شو قلت له
عبادي : ما خليييت شي ما قلت له
حمد : والحينه شو الحل . واذا اتصل باجر
عبادي : تدري لو اتصل ليه بحوله عالنعيمي..
حمد : هههههههههههههههه اسمييه بيراويييه شغله
عبادي : الا... تدري بيقووووله... اييييييييييه شوووووو عندك هااااااااااااااااااااااااه... اووووووووووووووومف.. عنبوووووه ذا الشييييييفه... اشعنه دااااااااااااااااق الخاااااااااااااااايس.. وبيطيييييح فيه هزااااااااب ههههههههههههههههههه
حمد : هههههههههههههههههههههههههههههه انزيين تعال يوم بيتصل انا بحوله عليييك
عبادي : وانا برد اوحله عليييك
حمد : لاه.... بنيلس انحوله على بعض..
عبادي : لا حوله عليه وانا بحوله على النعيمي... وبيتوووب ما بيتصل..
حمد : في حياااااااااااتي ما شفت ابنادم مثله
عبادي : انته تدري ليييش دوووووم يدق لك
حمد : ليييييييش
عبادي : تراه ذاك اليوووووم قلت له انك تشتغل في منصب عوووووووود وااااااااااااايد فالدوله وكل شي بايدك
حمد :ها ها ها ضحكتنيه... جييييه اتحراه صدقك يعني
عبادي : قالي هذا مستحييل هذا صغيير وذاك الوقت كنت توك مضهر الليسن يمكن ما ادري بعدك ما ضهرت الليسن...
حمد : هاه شفت ما صدقك
عبادي : لا صدقنيه قلت له لو اتشوفه صغييير لا يغرك هوو من زمااااان ما شاء الله عليه
حمد : لحووووووووووول....... انزين حتى لو ما قلت له انيه في منصب عوود تراه يديه وابويه وعموومتيه ما شاء الله عليييهم كلهم في منااااااااااصب عووووووده فالدوللله.. يعني ما غير شي
عبادي : هوو ما يدري انه يدك ولا عموومتك انهم في مناصب عووده..
حمد : ياااااا ربييييييه..
عبادي : لمح لك انه يبا شي ولا شياته
حمد : لاااا ابد
عبادي : اصبر علييييييه بييك هنيه وبيطلبك
حمد : لاااااااا حراااااام تظلمه يا اخي ..
عبادي : لا في حياتي ما شفت شرواه...
حمد : شوف لين باجر الله بيفرجها.. اذا يى يا حياااااااه...
عبادي : تعال ليش ما قلت له نحن هوووب فالعين..
حمد : اوووووووه نسسسسييييييييت.. اذا اتصل باجر بقوووله... وبعديين هو قال يمكن يخطف علينا هوووب اكيييييد
عبادي : حليله اسميييه ضحكنيه هههههههههههههههههههههههههههههههههههههههههههه
حمد :اضحك اضحك

سمعوا بخبركم سالفته هي مستويه من زمااان .. كانوا فرييجنا قوم ام محمد وعيالها وام سعيد وعيالها واليده وعبادي وام علي سايرااات صوب خصب فعمان بس جييه كشته وساروا من حدود راس الخيمه اقرب لهم وهم هووب سايرين يباتون .. لا بس جيه كشته يوم واحد وبيردووون ويوم وصلوا راس الخيمه ام علي ما ادري من وين ضوت واحد من راس الخيمه مواطن جنه ما ادري والله.. بس يشتغل يونه فالشرطه.. كان يسوق سياره مرسيدس موديييييييل جدييييييييييييييييييييييييييييييييييييييييييييييم وداهم لين الحدوود وهو اللي اتعبل بالجوازات والاوراق يخلصهن عالسريع عشان يسيرون هالريال كان يرمس بطريقه هاديه وكل ما يبدا الكلام لازم يقول أأ.. عشان جيه عبادي يسميه (( أأ )) وعقب ما دخلوا واتخطوا حدود عمان كان هالريااااال ساير فياهم اسمه سالم ما ادري شو رزه ولا يمكن ام علي قالتله يوديهم منطقة خصب يمكن لانه ما يدلونها.. يعني كل شي كان بيد ام علي ويوم وصلوا جيه بقعه نزل وقف سيارته وبندها وسار عند ام علي وقالها انه سيارته ما اتسير فاليبل فهوو بيركب معاهم اونه بحجت انه الدريول ما بيعرف يسووق فاليبل... المهم وركب فياااهم عبادي ركب فيا حمد مره هو يسوق ومره حمد يسوق... وكان ملعوزنهم .. جنه في حياته هالريااال ما ركب نسيان وكل مره يوقف ويسير صوب حمد وعبادي ويقولهم حرك حرك اونه امشوا.. عبادي فوووول عليييه في تتطور اسمه تليفووون وسالم يقدر يقول حق ام علي تتصل ابهم عسب يسرعوون.. وبعديين هم اصلا يسرعووون بس كم يباهم يمشوون على قولت عبادي.. عبادي كان يقووول لو هو فلبلاد يعني فالامارات جان راواه كيييف السرعه هووو عبادي وحمد اللي يقولهم حرك ولا ما اتعرفون اتسووقووون.. يعني تصرفاته كانت غرييييييبه صدق من الخاااااااااطر.. من جيييييه عبدي يعلق عليييييييييييييه واااااااااااااااااااااااااااااااايد...

وعقب الغدا منصور ووديمه ركبوا السياره وساروا صوب دبي دار الحــــــــي .. ويوم وصلوا ما ساروا عند فريجهم لا ساروا يحوطون برواحهم شويه...
والعصـــــــر
كانوا مستأجريييين بقعه عالبحر... كلهم في بيت واحد الشباب رباعه وحجرهم فوق والحرمات والبنات رباعه وحجرهم تحت ..
ام سعيد : سلامي... سيري طاعي خوووج اسوييله مغلق.. جانه راقد وعييييه اباه
سلامي : وييييين اسييير عند الشباب
ام سعيد : وين محد حمد وعبادي وسيف ومحمد هووب هنيه محد غير اخووج راقد وولد عمج فلاح
سلامي : هيه يوم اقولكم بسير فوق اتقولون وين تبيييين عند الشباب سايره فوووق هووب جنه دووم فياهم
ام سعيد : ايييييييهاااااااااا.. انزين يالله سيري فوووق وطاعي خووووج
وسارت سلامي فوق.. وفوق قسم لشباب العايله وقسم لأحمد والنيره وقسم ماخذينه لمنصور ووديمه
دقت الباب وطبعا كان مفتووح تراه ما يقفولونه تراهم في بيت واحد.. وسارت صوب الصاله لقت واحد حاط المخده تحت ومنسدح جنه كان يطالع التلفزيون ولابس كندوره بيضا وملحف راسه بالسفره وكان لونها احمر..
سلامي : لا حووووول ما دريييت انك ترقد جيه يا سعيييد عنبووه قلت الحجر ما ترقد فيييهن..
وسارت صووبه محد كان هناااااااك امره من الشباب.. الكل ضاهر
سلامي سارت صوب سعيد تبا اتوعييين...
سلامي : سعييييييييييييييييييييييييييييييييييييييييد.. سعووووووووووووووود قوووووووووووووم
ما شي رد
سلامي : سعدنه.... سعووووووووووووووووووووووووووود... قوووووم نش اماااااااايه تبااااااااااااااااك
ما شي رد اللهم اتحرك واشويه بس
سلامي سارت ويلست عداله وحطت ايدها على صدره ويلست اتهزه تباااااااااه يقووووووم هوووب طايع يقوووم...
سلامي اتغييضت : هييييييييه لوووووووو حرمتك جااااااااااااان نشيييييييت اتفز من بقعتك ... انته بتقووووم ولا شووووووووو.... وال متعود دووووم تسمع من كلااااااااام الحب... يالله عاااااااااااااد..
ومطت السفره ولقت واحد يطالعها ويضحك...



لقت واحد يضحك ويطالعها.. قفط ويهااااااااااااااا وحمرت واستوت مثل اشااااااااااارت المروووووور
ما عرفت شو بتسوي من الخاااااااااااااااااااااااااااااااااطر استحت



طالعها وضحك وقالها

محمد : براض عليييه )) ويلس .. وهيه تمت متيبسه محلها يعني يالسه عداله هووب مستوعبه اللي استوى هو يلس وطالعها .. وضحك.. واستانس انها عداله.. امره ما شي بينها وبينه تدرون تتحراه سعيد خوها ((.... اولا انا هووووب معرس وثانيا انا هوووب سعيييد
سلامي انتبهت انها يالسه عداله نشت من مكانها واستحت ويت بتضهر
محمد تم يطالعها وهو يضحك...

نزلت تحت وهي تنتفض ومتفشله من اللي استوى.. وتمت كله اتفكر وسرحانه فالمووووقف المحرج اللي استوابها.....

عقب محمد نزل تحت
محمد : بييث وين ماما.. يدووه..
بيث : مناكي في حجره يدووه
محمد سار حجرت اليده ولقى امه ويدته وسلامي وخالته ام سعيد يالسات
محمد اتحنحن قبل لا يدخل... تدروون لو اهله الواحد لازم يتحنحن هووووب يدخل الا جيييييه لا حيا ولا مستحى جان حرمه هناك من المحارم عليه وتتغشى ودخل فجأه الا جييه يعني تدرووون وهذا المذهب زيييين يوم الواحد اقصد الريااييل يوم بيهبطون بقعه ولا شياته يا يتحنحنون ولا يهودون
المووووهييييييييم


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 72
قديم(ـة) 17-12-2011, 09:30 PM
صورة روح زايــــد الرمزية
روح زايــــد روح زايــــد غير متصل
مستشــ¸.·* غرام *·.¸ـــاري
 
الافتراضي رد: بالهداوه يا دوا المشتاق خذني بالهداوه


محمد : احم احم.... هوووووووووووود
اليده : اقرب الغااااااااااالي محد غرييييييييييب
محمد : مسا الخـــــــير
اليده : مسا النور والسرووور الغالي..
وسلم عليها على راسها.... سلامي شافت محمد منيه تمت تتنافض مناك ومحمره من الخااااااااااااطر
ام محمد : جيه ما سرت فياهم
محمد : ما سرت رقدت
ام محمد : هيييييه يا حييييييك
وتموا يسولفون وسلامي موطيه راسها عقب الموقف اللي استوى خلااااف يت سالفه العرس وجييه عاد يلست اليده محتشره على محمد
اليده : وانته شو اتريا ما اتعرس هااااه
محمد : جيييه حد قالي وانا قلت لا
ام محمد : عيل ليش يوم انقولك اتقول خلاااف
محمد : هيه انزيين هوووب الحينه انا بعدنيه صغيير
اليده : لاء... هوووب صغيير.. عنبوه اللي كبرك واللي اصغر عنك عرسوا .. سعيد واحمد ومنصور عرسوا ..
محمد : الله يهنيهم...
اليده : آآآآآآآمييييييييييين... لكن يالله بنسير اندور لك بنت الحلااااال الي اتيوزلك
محمد : لا لا ادوريييين...
اليده : جيه ما ادور
محمد : اماااااااايه خلااااااااااااف بلاااااااااااج جييييه
ام محمد : عمتيه عيزت انا من كثر ما ارمسه ما يسمعها الرمسه
محمد : لحووووووووول....
اليده : سمعي نحن بندور له ولا علينا منه.. وبنيوزه
محمد : اماااايه انزين بعرس.. بس لا ادوريييين
اليده : ان ما دورت كييف بتعرس هاه
ام محمد وام سعيد ضهرن خاري لانه حرمه يتهن اتزورهن وحده من دبي يعرفوونها منصوريه
وتم فالحجره محمد واليده وسلامي
محمد يضحك : الحرمه موجوده ما يحتاااي ادوريين ..>>> وطالع سلامي..
سلامي انتبهت عليه انه يطالعها ويقصدها بالرمسه بس هيه يعني مش متأكده اذا كان يقصدها صدق ولا لاء .. استحت ونزلت راسها
اليده : واااااااااااااااااااااااايه يعلني ما احلمك... منوووه هاي اللي تباااهاااا... خسك الله ثرك اترمس من ورانااااااا.. ااحيييدك حشييييييم
سلامي ضحكت
محمد انتبه انه سلامي ضحكت وفي خاطره (( فديييت هالضحكه مغوااااهااااااا يا ربييييييييه.. ))
محمد : لا امايه.. بلاااااااج جييييه.. قولي استغفر الله.. لا لبنيه موجووووده.. وانتي اتعرفينها.. وحده من الاهل..
اليده : منوه هيه عاااد
محمد : وحده قرييييييييبه وااااااااايد ودووووم اتشوفينها..
اليده : ايهاااااااااااااااااا منوه عاده
محمد : خلااااف بتعرفينها... << محمد ما حب يحرج سلامي..
سلامي استحت وضهرت... ويلس محمد يطالعها وييضحك عرف انها حست انه يقصدها وهو هذا اللي يباه

النيره تعبت شويه وردو العييين..
وفالليل وصلهم خبر انه النيره ربت ويابت بنت بس بنت قاصر يعني ما كملت شهورها وعفكره رفيعه حامل قبل النيره.. بكمن شهر ..... النيره امره ما اتقر.. على عكس رفيعه كله يالسه وما تضهر امره الا اذا السوق او عند اهلها
النيره عقت بنت ما كملت شهورها وعقت لبنيه .... و لبنيه مثل ما قلت لكم قاصر واكييد بيحطونها فالحضانه لانه بعدها ما اكتملت...
دروا بالسالفه وردت ام سعيد العين هي وعيالها..ويلسوا هناك عندها وعقب يوميين احمد والنيره فرحانيين عندهم ياهل بس متروعييييين على اليااااهل.. وفجأه يى الخــــــــــــــــبر انه لبنيه مااتت.. ماتت عقب 4 ايام من الولاااده.. شلوا لبنيه ودفنوها ... عصفووووره من عصاااااااافير الجنه .. النيره كله اتصيييح واتصيييح مستويه حالتها حاله.. قبل النيره تجحل وتتعدل.. استووووت امره ما تجحل ولا ترمس ولا شياته يالسه برووحها .. النيره الاجتماعيه وراعية السوالف والحبوووبه والمرحه فجاه استووت ما ترمس ولا شياته حزييينه على بنتها اللي حملت فيها شهوور وتعبت بها .... حزنة على ضناهاااااااااااااااا.. اول فرحتهااا..
الموووووهييييييم مرت الايااااااااااااام والايااااااااااااااااااااااااااااااااااام..
ووديمه ومنصور مثل السمنه مثل ما يقولون على العسل.. عايشييييييييييييين حياااااااااااتهم سعييييييدييييييين....
لين يى الخبر.. انه رفيعه ربت تراها في شهرها.... ويابت بنت وسموها على يدتها ام ابوها عاشه...
الكل فرحاااااااااااااان اول حفييييييييده فالعاااااااااايله سواء من جهة الابو او الام.. طبعا العرباااان ما شاء الله ما وقفت من بيييت بو سعيد اتعرفون يوم حد يربي يزوروووونه ويهنوونه ويتحمدوون له بالسلامه...
فليل كانن حرمات تحت... والكل تحت في بيت بو سعيد.. وديمه كانت يالسه فوق عند ريلها لين يت البشكاره وقالت لها انه حرمات تحت...وديمه نشت واتعدلت شويه.. اصلا هيه بدووون ما تتعدل غااااااااااااويه ما شاء الله عليها ما اتخرب بنت سلطان... سارت ولبست شيلتها واتعطرت كالعاده هيه توها متعطره.. لكن ردت واتعطرت مر ثانيه ويلست اتخطف جدام منصور سايره راده.. ويوم يت بتنزل منصور يطالعها بكل حب...
منصور : وديمه..
وديمه لفت علييه : عووووووونك حبيبي
منصور : عااااااانج ربج....
شللها :
محـــــــــــــــــلى العطـــــــــــــــــــــــر ونفحـــــــــــــــــــــــــــــــــــــــــة العــــــــــــــــــــــــــــــود
هيــــــــــــــــــــمان أنا فيـــــــــــــكم هيـــــــــــــــــــــــــــــــــاما... >> ويسوي حركات
هيـــــــــــــــجت قلـــــــــــــــــــبن كاتـــــــــــم اعــــــــــــــــــــــــــــــــــــــــــــــــ ـــــــــــهوووووود
وافـــــــــــــــــــــضيــــــــــــــــــــــــ ــــــت لــــــــــكـ كـــــــــــــــــــــــــــــــل الكـــــــــــــــلامــــــا


وديمه ضحكت وضهرت خاااااااري.. منصور انسدح على الشبريه بكندورته ويلس يفكر ويذكر ايااام قبل


في بيت بو محمد
ام محمد وبو محمد يالسين فالصاله .. محمد ياي من خاااااري ومستاااانس.. هبط عليهم وسلم
محمد : الله حيييييييييهم
ام محمد + ابو محمد : الله يحييك ويبجييك
ام محمد : العرب اتسلم...
محمد : سلاااااااااااااااااااااامن عليييييييييييييهم شوابنا الغااااااااااااالين
ام محمد : كل خرى الهوووووش منوه شواااااااااااب.. هاااااااااااه.. بعدنا صغااااااااار
محمد : الله يعطيييكم طولت العمر.. لا عاد الحينه ناوي أخليكم يدوووده انا
ام محمد : لا لاء
محمد : والله... )) وسار يلس عدالهم ((.... اميه ابويه انا ابا اعرس
ام محمد شاقه الحلج وفرحااااااااااانه من اللي تسمعه : صدقه
بو محمد : زييييين غااااااااااااااااااايته امره يا بو جسيييييييم
محمد : هيه صدق.. واباكم من باجر اتسيرون اتخطبون ليه
ام محمد : عاد اصبر وين انخطب ونحن بعدنا ما دورنالك
محمد : ما يحتاي ادورين الحرمه موجوده
بو محمد : منوه
محمد : بنت عميه سلامه
ام محمد + بو محمد : ونعم السااااااااااااااااااااااع..
ام محمد : زيييييييين ما اخترت يا الغااااااااااااالي.. امره من باجر بنسير انخطبها لك
بو محمد : فااااااااااالك طييييييييييييب امره..
محمد : فالكم ما يخييييييب.. وترانيه مستعيييل انا يعني ابا املج ابسرعه وابا العرس فاقرب وقت ممكن
ام محمد : صك الدعنه عاد هذا عرس وانته اول فرحتيه
بو محمد : جيه وديمه اول فرحتج
ام محمد : لا من الشباب هو اول فرحتيه..
بو محمد : اسمع بويه.. نحن ان شاء الله باجر بنسير وبنرمسهم فلبنيه... والا انك مستعيييل سامحنيه.. عراحتهم ما بنجبر حد
محمد : انزين لا تجبروون بس يعني لو اتكون الملجه الاسبوع الياي زييين
ام محمد : خلهم يشااورون لبنيه اول بادي واتوافق وخلاف يصيير خييييير
محمد : جيييييه ما بتواااافق... غصبن عندها بتواااااااااافق... محمد بن سلطااان بيضوي راسها واتقولين ما بتوااااافق
ام محمد : لا ما شي غصب.. لكن البنت لولد عمها... ولا بتخيير عنه
محمد : ما عليييه عيل ان شاء الله باجر بنسييير صح
بو محمد : ان شاء الله
محمد : يالله عيل تصبحووون على خيير
ونهي عنهم فوووق اونه بيرقد ... تقدرووون اتصدقووون انه محمد بيرقد من وقت.. انا ابروحي متسغربه... لايكووون هذا من الفرحه.... يالله يفرحه دوووووووووووم بو جسييييييييييم... اسميييه الا مخااااوي شما.. محد شراته...

اما عند شبابنا ثلاثي العايله...
عبادي وحمد كانوا فالمووول يحاوطووون هالمره محد فياهم من ربعهم حتى منصور هوووب فياهم
كانوا يالسين فالستار بوكس ويطالعووون متمللين محد فياهم متجابليييين كل واحد يطالع الثاااني
حمد : قم خلنا نضهر
عبادي : صدقك والله ما عندنا شغله متمللين.. وهذا منصور النذل اشووفه هالايام كله مسوي طافااااات
حمد : يا اخي حتى حميد ومحمد وسعيد ما ادري شو ياههم.. مالهم شييفه..
عبادي : هييييييييه يا بو شهاااااب بقينا برويحاتنا << اونه عاد يمثل
حمد : خل عنك الرمسه وقم
عبادي : تعال شووو رايك انسير عند عيووزيه انسووولف فياهاااااااا اسمييييه ما شي عقبها فديييييييت روحها...
حمد : ههه الله يعيينها علييك.. يالله
ونهيوا صوب عليا يدتنا

اما عن راشد بن عميـــــــــــــر رد مثل لاول سوالف وحشره ومغاااازل وعااااااااادي ولا جنه حب في يوم من الايام وديمه... يعني شووو بسوي... خلااااااااااااص.. لو انه ما نسى حبه ولا عمره بينسااااااااااااه لكن شو بيسوي يعني يهدم حيااااااااااااته على شي ما يقدر له حيله ولا حوووول.. بالعقل يعني...

بو محمد ومحمد وحمد واليد كلهم ساروا عند بو سعيد يخطبوووون سلامي لمحمد...
وشاورا البنت وطبعا واقفت بس ما قالت لهم هيه.. تدرووون البنات يستحن.. ^^ ..
المووووهيييم واستوت الملجه والربشه والكل فرحاااان وسلااااامي ميته فرح.. محمد بياخذها.. ^_*
وعقب عرسوا وسافروا شهر العسل فرنسا لانه سلامي تبا اتسير هناك.....

عوااااشي الصغيرونه الحينه بتكمل 7 شهور يعله مليووووون سنه يا رب.. والكل فرحان ابها... ولانه الخبر بالنيره انها حامل مره ثاااانيه وهي الحينه في شهرها الخامس وباقلها 4 شهووووور عن اتربي... ومرت هالاربع شهور وربت الحمدلله النيره ويابت ولد مثل القمر سموووووه سالم على يده... واحمد بيطيييييييييييير من الفرحه..
وهقب تقريبا سنه ونص من عرس منصور و وديمه.....

منصور كان توه ياي من خاري وسار فوق عند حرمته... دخل
منصور : سلاااااااام علييييييييييج غنااااااااااااتيه..
وديمه طالعته وابتسمت : عليييييييك السلااااااام..
منصور : اتولهت عليييييييييييييييييييييييييييييييييييييييييييييييي ييييييييييييييييييييييييييج
وديمه ضحكت ونشت ... منصور اتقرب منها وحبها على خدها تدرون يسلم عليها...
وديمه : توك ضاهر وحالك اتولهت عليييه
منصور : انا اصلا ما اروووم على فراقج ثااانيه كييييييف ما تبينيه اتولهه عليييييييييج...
وديمه مسكت راسها حست عمرها مدوخه
منصور : وديمه !!!!!!!! شو فييييييييييييييج
شوي ولانه وديمه طايحه مغمى عليها منصور ما خلاها اطيييح على طووول مسكهاااااا.. اتروووووع عليهااااااااااااااا بغى يمووووووووت ما عرف شو يسوي حااااااااااااااول انه يوعيهااااااااااااا ولا شي لكن ما شي فاااااايده... خلاف سار واتصل بامه اللي كانت يالسه فالصاله هيه وسعيد ولدها.. وخبرها.. سعيد سار وشغل سيارته... ام سعيد سارت ويابت عباتها.. منصور شل حرمته ونزلت تحت وركبها في سيارت سعيد وركبت الام وسار منصور طااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااااااير الدخــــــــــــــــــــــــــــــــــــــــــــــ ــــــــــــتر .. ورقدوا وديمه عندهم.. ومنصور وام سعيد على اعصابهم.. منصور يطالع حرمته وهووووب رايم يتحمل
ام سعيد : ايلس الغالي ما علييهاااا شر ان شاء الله اشعنه موووقف
منصور : امااايه انا مااا اروووم اشوفها طايحه .. امايه كانت اترمسنيه عااادي... يا ربييييييييه.. وين ذلفوووا هذيلااااااااا.. خس الله نظااااااااااامهم..
ام سعيد : وط صوتك بلااااااااااك متغييض
منصور : جييه ما تبينيه اتغييض وغناتيه مرقده ما اعرف شو ياها
شوي ولا الدكتور هابط عليهم...
الدكتور : ما عليها شر ان شاء الله.. نحن سوينا لها تحاليل.. وكل شي زين
منصور : عيل ليش طايحه.. طالع حتى ما فجت عيونها
الدكتور : هذا شي طبيعي
منصور اتغييض : شو طبيعي انته بعد....
ام سعيد : منصووووووور.. عييييييييب علييييييييك...
الدكتور : عادي يا حجه ما بنلومه...
منصور : ممكن اتقولنا شو فيها الحينه
الدكتور ضحك : بقوولك ولا تزعل يا منصووور.. مبرووووك بنتكم حامل
منصور سمع الخبر انصدم وفي نفس الوقت مااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااات من الفرحه
ام سعيد ميييييييييته بعد من الفرحه : الله يبشرك بالخيــــــــــــــــــــــــر يا ربيه
منصور هوووب مصدق ولا عرف شو بيقول ولا شو بيسوي : انزين دكتور.. يعني هذا شي طبيعي انها تتعب.. يعني.. اففففف.. اقصد
الدكتور : هههههههههههه ايوه.. شي عادي وخاصه اذا كان اول حمل لها..
منصور : اي شهر هيه الحينه
الدكتور : بعدها ما كملت شهر... يعني تقريبا اسبوع وبتكمل شهر
ام سعيد : الحمدلله...
منصور : انزين متى بنضهرها..
الدكتور : لا خلها عندنا.. عشان صحتها.. شكلها ما تتحمل.. فاحسن اتخلوونها عندنا كمن يوووم

خلاف درت وديمه انها حامل عقب ما نشت وفرحت من الخاااااااااااااااااااااااااااااااااااااااااااااطر ...
ويلست اسبوع تقريبا خلاف ضهرت من الدختر وردت البيت.. الكل بارك لها .. واستاااااااااااااااااانس وفرح
عبادي وحمد متخبلييييييييييييييييييييين.. فرحاااااااااااااااااااااانيييييييين..
سلامي ومحمد ردوا من السفر ودروا انه وديمه حامل استانسوا.. وباركوولهم

عقب كمن شهر.. ضهرت الكرشه الحلوووووووه.. وحاليا وديمه فالشهر السادس...
كانت يالسه فوق في حجرتها فالليل تتريا ريلها اللي سار يتشرى لها وله عشى من المطعم..تراه ام سعيد وبو سعيد واليد واليده وام محمد وبو محمد وسلامي ومحمد وحمد وزاهره وسلطان وفلاح كانوا سايرين العمره ومحد في بيت بو سعيد.. غير النيره واحمد وسعيد ومنصور ووديمه اما رفيعه كانت سايره عند اهلها بتبات يومين هناك... احمد والنيره كانوا سايرين دبي يتشروون وبيردوون فمحد فالبيت غير وديمه ومنصور..
اتعشوا وخلصوا..
منصور : يعني انتي الحينه شي كائن غريييب فيييه.. شو اتحسييين
وديمه تضحك على ريلها : ما احس بشي
منصور : ما يرافسج
ودديمه : ههههههههههههههههههههههه بعده...
منصور : لييييش يرافس بعد
وديمه : هيه..
منصور : ما يعورج
وديمه : لاء بس يقرقط هات ايدك
منصور عطاها ايده وحطت ايده على بطنها شوي ولانه منصور حس بشي واتروع وسحب ايده بسرعه
وديمه: ههههههههههههههه بلااااااااك
منصور : شو هذا..
وديمه : البيبي يرفس
منصور : قوووووووولي والله..
وديمه : والله
منصور ضحك : فديييييييييييييييييييييييته..)) ويلس اونه يرمس البيبي ((.. حبووووبي لا اترافس عييب هاي امك.. وبعدين انا ابوووك..
منصور يوم قال كلمة ابووك حس باحسااااس.. تدرووون يعني قبل ما كان راعي مسؤوليه ولا شي...همه عمره الحينه بيكون مهتم من حرمه وياهل بعد
منصور : سمعي اذا ولد بنسميه محمد.. واذا بنت بنسميها عليا
وديمه : وانته شو تبا ولد ولا بنت
منصور : اللي ايي من الله حياه الله..
وديمه : هيه جيه احسن عن لا تنصدم خلاف وتزعل
منصور : انا ازعل... انا ما يهمني ولد ولا بنت همنيه انتي يا الغاااااااااااااااااااااليه ربيه يقووومج بالسلااامه
وديمه : انته اتحبنيه
منصور يغااايض يسوي مثل حركاتها : امممممممممممممم... اممممممممممممممم
وديمه : واتفكر بعد
منصور : هيه لازم افكر تدرييييييين بعد
وديمه : ما علييييييييييييييك.. )) وزعلت عليه نشت وسارت الحجره الثانيه وقالت له((... انا برقد هنيه وانته ارقد هناك ولا ابا ارمسك تسمع...
منصور : زعلتي
وديمه : وانته شو رايك... لو سمحت ما ابا ازعااج )) سكرت الباب وقفلته ((
منصور : ويييييييييييليييييييييييييييه زعلتها.. اسميها ما تقهر شي.. عيل انا ما اقول شي يوم اتسوي بي جييه.. مشكله دلع البناااات بعد
نش وسار ودق عليها الباب
وديمه : نعم
منصور : فجي الباب بقووولج شي
وديمه : ما بفج انا زعلااانه عليييك
منصور : انزييين فجي طشووونه بس بقووولج شي
وديمه : مابا فج تبا قووووول محلك
منصور : لا لازم اشوووف عيووونج.. فديت عيوونج انا
وديمه : سوووووري.. انا برقد لا تزعجنيه
منصور : ودوووووم عن الدلع عاااااد
ومرت الليله ومنصور في حجره ووديمه فالحجره الثانيه واصلا هيه هووب زعلانه بس مثل ما يقوولن دلع وبنات وعلى قولتها تبا اتسوي اكشن شووويه
والصبح وديمه نشت وفجت الباب ودخلت الحجره الثانيه كل اقشارها هناك..
ما لقت منصور.. شوي ولانه واحد واقف وراها
منصور : احم
وديمه لفت ويهها وشافت واحد يطالعها ويضحك ومسكها من زنودها وشللها

بالهدواه يا دوى المشتاق خذني بالهداوه
لا يزيد بك الدلع حتى حدوود العنجهيه
لا تخلي بين طرفي والمنام اكبر عداوه
يا جمال اهل البداوه والضفاف الساحليه
احمرار الوجنتين وخد تضفيه النقـــاوه
مثل ما بدر(ن) كما التحت العيون الساحريه
بين عيني والحلى في غيرك استار وغشاوه
ما لغيرك في عيوني يا عيوني جاذبيه
كل هذا الكون والعالم بلا شوفك فضاوه
والحروووف اللي بلا اسمك ما نسميها ابجديه
شوفني ضايق وجرحي منك لا تنساه داوه
قبل ليكون الخفوق بحبك الطاغي ضحيه
يوم اناديلك بصمت الحب بوجود الخلاوه
قلبي المكسور من طول الجفا يفرض عليه
يا مشقيني معك ليت انتقاسم هالشقاوه
لين تعرف ما جرى واتحس بالاحساس فيه
يا حبيبي يا غرامي يا ظنيني يا غناوه
لا تخليني بقايا انسان ومشاعر خليه
دام فيك العطف واحساس الرخى خل القساوه
لا تخيرني ما بين البعد او حوض المنيه
اطوي صفحات العتب وافتح معي صفحت صفاوه
يا غلى (( منصور )) دمت (( لمنصور )) دام هالدنيا مديه
بالهدواه يا دورى المشتاق خذني بالهدواه
مد لي كفك وصال وخذ معك روحي هديه
منصور : بعدج زعلانه
وديمه : اصلا منوه قالك انيه زعلااااااانه.. ازعل من العاااااااالم كلها الا حبيبي ما ازعل علييه )) خلته وسارت عسب تسبح واتبدل ثيابها ((
منصور يوم سمع هالرمسه ضحك وطالعها ونزل راسها..
منصور : انا هالبنت بتجتلني بغلاااااااااااااااااااااااهااااااااااااااااااااااا اااااااا

وعقب شهور.. ربت وديمه ويابت ولد وسموووه محمد... منصور متخبل على حمووووودي...بيموووت من الفرحه...

وعقب ما ضهرت وديمه من المستشفى تحت فالصاله..
منصور شال حموودي ويحوط به
ام سعيد : واااايه منصور بلاااك عالصبي اتحووط به ايلس
منصور : احبه...
ام سعيد : الله يهنيك به.. بس هوووب زين للياهل هاته عطه امه..
وديمه : اماايه ما يسمع الرمسه.. يوم يصييحه يعطيينيه ايااااه ما يخليييه يرقد
منصور : مثل ما هوو ما يخلينيه ارقد فالليل من الصايح اللي ما يوقف حتى انا ما بخليه يرقد ^_*
ام سعيد : ايهااااااااااااااا يا منصور.. عنبوووك رياااااااال انته
منصور : وهو شوووه >> اونه يستهبل
وديمه تضحك عليهم... واطالع ريلها وولدها وفرحانه
شوي ولانه حمووووووودي يصيييييييح
ام سعيد : هاللي تبااااااه..
وديمه : منصوووووووور.. شو سويييييييييت بحموووووووووودي
منصور : ما شي تراكم اتشووفووون شو اسوييبه... بس هووو بزاي.. بفره فالعزبه جادنه يضهر على يده خامز هوووب بزاااي
وديمه : لا والله بتفر ولديه فالعزبه..
منصور : هيه بفره..
ام سعيد : اش... تيسر انته اتفره.. بفرك قبله
منصور : افااااااااااااااااا انا ولدج
ام سعيد : ومحمد ولدك بعد
منصور : فديييييييييته يا ربيييييييه...

سلامي حامل وفالشهر الثالث ومحمد فرحااااااااااااااان من الخااااااااااااااااطر
فريج عمير خطبوا لحمدان وراشد خوات مزروعيات من هل بوظبي والعرس قريييب ان شاء الله...

حمدان حرمته اسمها شمسه وراشد حرمته اسمها روضه...................

اما عبادي وحمد تراهم بعدهم.. ما يفكرووون بالعرس امره عايشين حياتهم اللي اتعرفونها كله سوالف وطماااشه....
اليده مثل ما هيه ما اتغيييرت.. بعفويتها واسلوبها وحشمتها ومحبت العرب لها...

اليده : عباااااااااادي.. عبيييييييد
عبادي : يااااااا لبييييييييييييه...
اليده : لبيت حايه.. قم بنسير غمض خلاف بنخطف على مساجن
عبادي : غمض ومساجن.. وين تبين عيووووووزيه
اليده : ايييييييهاااااااااااااااااااااااا ما تنصر عن هالرمسات المخالفه
عبادي : اي رمسات مخالفه عيووووووزيه.. ليكون اتعدت الاشاره الحمرى وزخها الرادار ^_*
اليده : فضل عنك.. قم قم بشووووفك جرب السياااااره... بسير اهزب البيدار ام جاتل 5 من دبشيه (( دبش = عنز وهوش ))
عبادي : هوووو جتل
اليده : منوووه غيره يقولي ماتن 5 يعلني بلااااااااااه خلاااااااااافه
عبادي : هههههههههههههه شو رايج انحطه فالدبه وانودييه الشرطه عند العامري بعد
اليده طنشته وسارت غمض وهزبت البيدار وخلاف خطفت على مساجن طشونه... وهاي هيه اليده مثل ما هييييييه.. الله يعطيييييهااااااااااااااا ياااااااااااااا ربييييييييييييه طولت العمر.. ان شاء الله
مطر بيعرس قريييب خاطبيله وحده خيليه تقربلهم من صوووووب يدتهم بس من بعييييييييييييييد بعييييييييد وهالخيليه اسمها فاطمه اخت ثاني الشرطي اذا تذكرونه اللي كان يبا يخطب وديمه قبل...
وعاااااااااااااااااشوا حيااااااااااااااااتهم فرحاااااااااااااااانيييييييييييييين كالعاده .. كل يوم مغامره طبعا من مغامرات عبادي سواء مع اليده او مع حمد او مع ربعه ^_*

ودمتم سالميييييييييييييييييييييييييييييييي





الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 73
قديم(ـة) 18-12-2011, 03:02 PM
صورة jojo 94 الرمزية
jojo 94 jojo 94 غير متصل
©؛°¨غرامي جديد¨°؛©
 
الافتراضي رد: بالهداوه يا دوا المشتاق خذني بالهداوه


شكرااااااااااااااااااا على التكملة .... تسلمين :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 74
قديم(ـة) 29-01-2012, 07:45 PM
صورة امجاد جده الرمزية
امجاد جده امجاد جده غير متصل
©؛°¨غرامي متألق ¨°؛©
 
الافتراضي رد: بالهداوه يا دوا المشتاق خذني بالهداوه / كاملة


روووووووووعه
ابدااااااااااااااااع
تسلم ايديك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 75
قديم(ـة) 11-06-2012, 04:57 PM
بسمه منك تحيني بسمه منك تحيني غير متصل
©؛°¨غرامي مشارك¨°؛©
 
الافتراضي رد: بالهداوه يا دوا المشتاق خذني بالهداوه / كاملة


تسلم أناملك حبيبتي
رواايه روووعه 
و ننتظرر المززيد منك
اجمل تحيه لك مني
بسمه منك تحيني ..

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 76
قديم(ـة) 27-07-2013, 08:05 PM
king of you king of you غير متصل
©؛°¨غرامي جديد¨°؛©
 
الافتراضي رد: بالهداوه يا دوا المشتاق خذني بالهداوه / كاملة


يا لللببببى تجنن تسلم ايددجج والله 3<!!!

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 77
قديم(ـة) 28-07-2013, 01:55 AM
صورة اأصصغر خقققققققققة الرمزية
اأصصغر خقققققققققة اأصصغر خقققققققققة غير متصل
©؛°¨غرامي مشارك¨°؛©
 
الافتراضي رد: بالهداوه يا دوا المشتاق خذني بالهداوه / كاملة


الرواية قمة قمة في الروعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 78
قديم(ـة) 03-09-2013, 11:50 AM
صورة شيخة العين الرمزية
شيخة العين شيخة العين غير متصل
©؛°¨غرامي جديد¨°؛©
 
الافتراضي رد: بالهداوه يا دوا المشتاق خذني بالهداوه / كاملة


السلام عليكم
انا عضو جديد في المنتدى .
وانا قرية الروايه جدااا جميلة .
واتمنى لج يا اختي دلع دبي المزيد من التميز

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 79
قديم(ـة) 07-05-2016, 06:59 PM
stary stary غير متصل
©؛°¨غرامي فعال ¨°؛©
 
الافتراضي رد: بالهداوه يا دوا المشتاق خذني بالهداوه / كاملة


روايه رائعه
وفقتي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 80
قديم(ـة) 10-10-2017, 06:10 AM
صورة عاشقة ياسمين الرمزية
عاشقة ياسمين عاشقة ياسمين متصل الآن
©؛°¨غرامي فعال ¨°؛©
 
الافتراضي رد: بالهداوه يا دوا المشتاق خذني بالهداوه / كاملة


جميله ما شاء الله

شكرا حبيبتي ويعطيك العافيه

الرد باقتباس
إضافة رد
الإشارات المرجعية

بالهداوه يا دوا المشتاق خذني بالهداوه / كاملة

الوسوم
.."*... , .."*..بالهداوهـ , المشـتاق , اماراتيه , بالهداوهـ , خذني , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية غصب عني / الكاتبة : شوق المشتاق ، كاملة !! زهور الريف !! روايات كامله - يتم نقل الرواية هنا بعد اكتمالها 1073 11-02-2017 06:16 AM
و للأيام قرار آخر / كاملة Ramadi73 روايات كامله - يتم نقل الرواية هنا بعد اكتمالها 79 13-01-2016 05:12 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 07:21 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1