اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 01-07-2009, 01:11 PM
صورة دلـع دبي الرمزية
دلـع دبي دلـع دبي غير متصل
©؛°¨غرامي جديد¨°؛©
 
الافتراضي بالهداوه يا دوا المشتاق خذني بالهداوه / كاملة


.."*..بالهداوهـ يا دوا المشـتاق خذني بالهداوهـ .."*...


السلام عليكم ورحمة الله وبركاته..





شحاااااالكم .. عساكم بخيير



اخلييكم ويا القصه وان شاءالله تعيبكم

سطان ( بو محمد )
حصه ( ام محمد )
محمد البجر 22س / حمد 19س / وديمه 17س / فلاح 16س / فاطمة 14س / منصور 4س

:
تعريف العايله :-
 بو محمد : اسمه سلطان عنده الخير مثقف متخرج من جامعه برى لبلاد ويحب حرمته وعياله ومدلع بناته لين قالن بس، بنسبه حق شكله على ايامهم كان مطيح البنات من حلاته ما شاء الله عليه جمييييييييييييييييل وااااااااااااااااااااااايد عيونه، طوله، اسلوبه كل شي.
 ام محمد : اسمها حصه ام حنونه محبه وطيبه حلوووه وااااااايد عاد كله صوب وغمازاتها بصوب ما شاء الله عليها..
 محمد : عمره 22 سنه يشتغل ويدرس شكله حلوووووو عذااب ما شاء الله عليه ويقولون ماخذ شبه من امه طويل ضعيف هادي بدوي يحب البر البوش وهوايته الصيد بالصقور.
 حمد : 19 سنه شاب كشيخ وعيونه شرات عيون ابوه وساع ضعيف طويل فيه غمازات يحب البر راعي حواطه ومولات ويحب يتكشخ ويلعب بالسيايير راعي سوالف وربشه عكس اخوه محمد الهادي وشعره طويل ودوم امه اترمسه فشعره لكنه هو خبر خير هوايته ركوب الخيل ، يدرس فالجامعه لكنه فاشل ما يحب الدراسه وتراه ما قد رسب.
 وديمه : 17 سنه ثانويه عامه – علمي – ربها عطاها جمال ما شاء الله عليها عيونها مثل عيون ابوها واخوها حمد ومنصور الصغير ، هاديه وراعية سوالف وربشه بس على هدوء، دولعة ابوها ، انسانه حشيم ورزين طويله ضعيفه فيها غمارات شرات حمد شعرها طويل اسود ونعيم.
 فلاح : عمره 16 سنه يدرس فالمدرسه 2 ثانوي شكله حلووووو طالع على امه طويل مب ضعيف ومب متين حلو جسمه ما شاء الله عليه ، يحب الرياضات وخاصه مطالع هالكوره وشرات محمد يحب البر والبوش.
 فطامي : 14 س حلوه بعد جسمها صغير يعني كيوت طويله بس مب وايد ولا هب قصيره وضعيييفه ضعيييفه عقولت يدتها يايبينها من المجاعه ما تاكل، تدرس فالمدسه.
 منصور : اخر العنقود عسل معقود عمره 4 سنوات الكل يحبه هوايته اللعب واللعب واللعب.
(( بشكل عام اذا الابو والم حلوين ما شاء الله عليهم وما ينقصهم شي فالجمال وفي نفس الوقت محد كامل غير الله سبحانه وتعالى بس ساعات يعطي حد جمال العايله كلها اتسميهم عايله عيال ظبيان ^_^ )) .

:

المسا وقبل العشا .. رن التليفون وربعت فطامي عسب اتشله (( شغلتها )).
فطامي : ألوه ..
سلامه : السلام عليكم ورحمة الله وبركاته.
فطامي : وعليكم السلام والرحمه.. مرحبا
سلامه: المرحب لا هان اشحالج فطامي.
فطامي : ابخير وسهاله ومن صوبج
سلامه: طيبه طاب حالج .. أقول فطامي وين ودووم ؟
فطامي: فوق صبري بزقرها .
سلامه: اوكيك اترياج ..
وسارت فطامي تزقر ودوم لانه سلامه بنت عمها وبنت خالتها اللي كبرها تترياها على الخط.
وديمه : مرحبا ملاااااااايييين ولا يسدن وان زادن فلا باس يفدنج بنت سالم
سلامه: المرحب باجي الغاليه كل هذا حقي واشحالج فديت روحج ربج الا ابخير ولا تشتكين باس
وديمه : لا من باس ولا من ياس ومن صوبج الغاليه
سلامه: إلا بالمثل
وديمه: يا حيج والله
سلامه: الله يحيج ويـبجيج شوه عندج ؟
وديمه: فاضيه يالسه على هالاب كالعاده واسولف على هالمسن
سلامه: انا من ابطله ألاقيج واونج بنت علمي
وديمه: علمي الا بالطاري لووول
سلامه: اقول عيل شيلي قشج وتعالي بيتنا بدون أي نقاش اترياج يالله سلمي فمان الله الساعه 8 عند باب بيتنا بترياج خاري فالحوش
وديمه : حووووه... حتى ما خليتيني اتنصخ ... صبري بتنصخ (( وخذت نفس قوي )).. والخيبه.. شوه المناسبه؟
سلامه: ملانه والثانويه مخربه نفسيتيه واباج تين عنديه محد فهالعايله مقرب اليه كثرج يالله.. .
ودوم: والله ما ادري بتخبر هليه اول خلاف برد عليج بخبر ... بس ما فيه على خوج منصور انتي اتعرفين
سلامه: ما عليج منه كله يحاوط برى ما يقر تعالي وبعدين نحن بنيلس فحجرتيه
ودوم: اوكيه برياج
سلامه: فمان الله
وسارت ودوم اتشاور امها وابوها وطبعا وافقوا فطرشت ودوم مسج حق سلامه اتقول فيه:

" سلامي اقولج بيكم وافقوا بتزهب خلاف بضهر من البيت "

وعقب ما اتزهبت واتكشخت وحطت ثيابها سارت صوب حجرت اخوها محمد تتلاحقه قبل لا يسير بقعه معروفين الشباب ما يحبون يقرون فالبيت.
محمد : امنوه ادخل الباب مبطل
وديمه: مساء الخير خيوه
محمد: مسا الخير خيتوه... شو بلاج
ودوم: اباك اتوديني صوب بيت عمي سالم
محمد: اشله ما وراج دراسه اونج علمي والا تتحريين عمرج خلصتي امتحانات وانتي ما بديتي اصلا
ودوم: لا بسير وبدرس فيا سلامي اونه نفسيتها خربانه وانا بعد ونبا انغير جو وانشجع بعض ماماتيه وباباتيه وافقوا انزين
محمد: هيه يعني انته يا محمد ما يخصك امايه وابويه وافقوا وانته امنوه عسب اتعاند هاه ودنيه وانته صاكت
ودوم: لاوالله محشوم اخويه عزيز وغالي فديتك والله لو ما تباني اسير خلاص بيلس يالله برياك كله ولا زعلك
محمد: يالله وين عباتج عندج 5 دقايق بتلبس كندورتيه وبنزل
ودوم: يالله يعلنيه ما اذوق حزنك انا زاهبه وعباتيه تتريانيه تحت
محمد : اوكيه انا ياي سبقينيه
ودوم: اوكيك

وسارت وديمه بيت عمها وفي السياره
كان محمد مشغل أغنية ميحد اليديده بالهداوه

"بالهداوه يا دوا المشتاق خذني بالهداوه
لا يزيد بك الدلع حتى حدود العنجهيه
لا تخلي بين طرفي والمنام أكبر عداوه
يا جمال اهل البداوه والضفاف الساحليه
احمرار الوجنتين وخد تضفيه النقاوه
مثل ما بدر(ن) كما التحت العيون الساحريه
بين عيني والحلى في غيرك استار وغشاوه
مالغيرك في عيوني يا عيوني جاذبيه
كل هذا الكون والعالم بلا شوفك فضاوه
والحروف اللي بلا اسمك ما نسميها ابجديه"

وديمه : الله اغنيه ميحد ليديده
محمد: هيه بالعاني حاطنها
وديمه: يالله فديتك اتعرف انها اتعيبنيه
وتمت تسمع الاغنيه طول الدرب

"شوفني ضايق وجرحي منك لا تنساه داوه
قبل ما ايكون الخفوق فحبك الطاغي ضحيه
يوم اناديلك في صمت الحب بوجود الخلاوه
قلبي المكسور من طول الجفا يفرض عليه
يا مشقيني معك ليت انتقاسم هالشقاوه
لين تعرف ما جرى واتحس بالاحساس فيه
يا حبيبي يا غرامي يا ظنيني يا غناوه
لا تخليني بقايا انسان وامشاعر خليه
دام فيك العطف واحساس الرخا خل القساوه
لا تخيرني ما بين البعد او حوض المنيه
اطوي صفحات العتب وافتح معي صفحت صفاوه
يا غلا احمد دمت لاحمد دام هالدنيا مديه
بالهداوه يا بعد عمري عليه بالهداوه
مد لي كفك وصال وخذ معك روحي هديه"

ووصلت بيت عمها سالم
محمد : يالله عادي درسي زين... وردي السلام عليهم
وديمه: ان شاء الله فالك طيب.. وسلامن يبلغ ان شاء الله ليش ما بتنزل ؟
محمد : لاء مشغول شويه مره ثانيه ان شاء الله
وديمه: ان شاء الله يالله برايك

في بيت سالم بو سعيد
بعرفكم بالعايله قبل لا انكمل:-
ابو سعيد ( سالم )
ام سعيد ( عاشه )
( لطيفه 24س / سعيد 22س / أحمد 20س / منصور 19س / سلامه 17س / سلطان 15س / زاهره 14س )
 لطيفه : 25 سنه معرسه وعندها بنت اسمها عاشه عمرها سنه نص وولد اسمه عمر عمره شهرين ما خذنها واحد يقربها من صوب امها حلوووه واااايد ما شاء الله عليها عيونها كبار ضعيفه بس هب وايد طويله
 سعيد : 22 سنه شكله حلو يعني مب شين(( ما يخرب ولد سالم ^_*)) يشتغل بدوي راعي بر وبوش ودومه ويا اخو وديمه محمد كله مع بعض وهوايته الصيد باللصقور وتربيه الحيوانات ما خلى حيوان ما شراه و حطاه في عزبتهم اللي فالبديع ( منطقه فالعين كلها عزب )
 أحمد : يدرس ويشتغل حاشر البقعه يبا يعرس راعي سوالف يحب اليلسه ويا الشواب اتعيبه رمستهم وكله يحاوط برى ويسهر لين الصبح ويا الشباب على العراقيب ويلعبون بالسيايير يعني خبال ما عنده هوايه بنسبه حق شكله بعد حلوووو ما شاء الله عليه
 منصور : 19 سنه كبر حمد ولد سلطان أكبر مغازلجي طالع غير عن العايله راعي سوالف وربشه شكله عذاااااااااااب من الخاطر وحلووو هو وخوه أحمد مطولين شعورهم.
 سلامه : بنت الثانويه العامه – أدبي – ربشه وحركات وحشيم حلووووه بعد هوايتها الهذربان والضحك
 سلطان : هااااااادي هذا ولد امه حنوووون على امه وابوه وااااايد شكله بعد حلوووو شويه متين امسامي على سطان عمه
 زاهره : اخر العنقود دلوووعه وبزايه جمالها عادي
(( سلطان وسالم اخوان حصه وعاشه خوات يعني اخوان ما خذين خوات ويقربون حق بعض وكانوا عايشين من زمان في بيت واحد بيت ام وابو سلطان وسالم، وما شالله سلطان وسالم يتشابهون ونفس الشي حصه وعاشه وحلوووين واااااااااااااااايد عسب جيه عيالهم يو شراتهم حلوووين بس باقي العايله عادي عيالهم عاديين جمال عادي ومعروف انه عيله سالم وسلطان عيال ظبيان ^_* ))

وانرد مره ثانيه
سلامه : مرحبا بطارش لفاكم.. عد قولي وارتييكم.. دوم واعيوني جداكم لا ولا قلبي نسيكم
وديمه : السلام عليكم
سلامه : عليج السلام والرحمه يا مرحبا واتوايهن
وديمه : المرحب لا هان الغاليه شمسيتي
سلامه: طيبه طا حالج قربي محد غريب
وديمه: جريب جيه بيتيه هذا ما يحتاي
وداخل سلمت على خالتها وعمها وعلى الكل
ام سعيد: مرحبا والله ببنتيه الغاليه اشحالج فديتج واشحالج هلج مناك وتواليج ربهم الا ابخير
ودوم: ابخير ويسرج حالهم وما يشتكون لا من باس ولا من ياس
ام سعيد: يا حيكم يالله اتعشن وخلاف سيرن فوق ودرسن الله يوفقكن ما ابا الهيكن
ودوم + سلامه : ان شاء الله
ويلسن تحت وقصرن الدوب
بو سعيد : زهّور سيري طالعي العشى حطنه والا لاء شو تبن اتريقنا اياه وزقري امج من خاري منوه ايحوط فاليل فالحوش الا جان السكن
كلهم : ههههههههههههههههههههههههههههههههههههههه
زاهره ( زهّور) : ان شاء الله ابويه
وسارت اتخبر البشكاره عسب اتحط العشى
وبنسبه اللي فالصاله بو سعيد وولده سعيد و سلامه و وديمه وسلطان وزاهره
بو سعيد : هاه بناتيه متى بيبدن امتحاناتكم
ودوم : يوم الاحد مب هذا الياي
بو سعيد : هيه عاد درستن شي وال
سلامه : افا عليك ابويه كلنا الكتب اكل
بو سعيد : هيه اشوفج متنتي هالايام
وديمه : هههههههههههههه صدق عميه الا من كثر الرقاد والهذبان متنت والا الكتب يا حليلهن مفرووورات
ولانه ام سعيد هابطه
ام سعيد : يالله العشى
بو سعيد : زين اتصدقتوا علينا
ام سعيد : عن الرمسه ويالله سير اغسل اييدك وسير حجرة الطعام يالله عيال سعيد سلطان يالله ودووم وسلامي وزاهره بعد يبالكن زقر
كلهم: يالله يايين
بو سعيد وسعيد ساروا وخلاف لحقوهم سلطان وزاهره وام سعيد، ودوم وسلامي تمن فالصاله يطالعن الفلم تراه من زمان ما طالعن التلفزيون وما صدقن لحظه افراج..
وشوي ولانه منصور هابط الصاله
منصور : السلام عليكم
كلهن : وعليكم السلام
سلامي : منصور يالله سير العشى زاهب توهم سارو يتعشون
منصور: وانتي
سلامي : بني
منصور : ويا هالعيون اللي امبحلجتنهن .. انا ما ابا عشى بسير فوق (( منصور ما انتبه انه ودوم موجوده لانه لوانتبه جان بدى يتياحد وياها
صح نسيت اقولكم ودوم ومنصور يتكارهون كره محد كرهه ابنادم حتى العدو ما بتكره جيه و دوم من يتلاقون تبدأ الضرابه وعفكره دوم منصور اللي يبدأ ما يداني يسمع اسمها ولازم يغيض ابها ودوم يحاول يصيحها ومن يسيرون بقعه لازم يتخبر عنها اذا بتسير هو ما يسير وهي بالمثل وساعات ابروحه يدورها عسب يضارب وياها ما يرتاح ولا اييه ظينه لين ما يضاربها عسب جيه يوم رمست سلامه وديمه تباها تيي بيتهم وديمه قالت ما فيه على خوج منصور ))
سلامه : عراحتك .. يالله ودووم خلينا انسير نتعشى
وديمه : اوكيه
منصور كان ساير فوق سمع اسم ودوم رد ما وحاله من اتخطى باب الصاله رد مسوي عمره يدور شي ..
وعند باب الصاله
منصور : اوه حد عندنا اشعنه ما اتقولين سلامي (( يرمس وهو يطالع ودوم )) اشحالج ودوم:
ودوم : يسرك الحال ومن صوبك
منصور : طيب
سلامه : يالله سير فوق ادريبك
منصور: كيفج هو اسير فوق والا تحت ما لج خص تفهمين ولا لاء يالله (( .. ورد يطالع ودوم ..))
والا عندنا اليوم هاه
ودوم : هيه
سلامه: يالله عن الاستهبال وخلنا انسير ورانا دراسه .... منصوووروكانت ام سعيد سايره تزقر سلامه وودوم.
ام سعيد : سلامي... ودوم
سلامه : لبيه امايه بني الحينه...... منصوور
منصور: قابضنج انا ذلفي
سلامه: يالله ودوم خطفي
وسارن يتعشن منصور سار فوق بدل كندورته ونزل
ام سعيد: منصور وين ابها بويه
منصور: عند الشباب
ام سعيد: ويديه والعشا
منصور: ما اتشهيه
ام سعيد: عراحتك الغالي عاد لا اتأخر
منصور وهو مستعيل: ان شاء الله الوالده ...... (( وحبها على راسها ))..... فمان الله
وسار .. خلصوا العشا، وديمه وسلامه سارن فوق اونه عاد عسب يذاكرن شويه .. الساعه 12:05 الصبح منصور توه حادر البيت، سار فوق صوب حجرته وهو خاطف ولانه يسمع صوت ياي من جحرة خته سلامه
منصور في خاطره : شو هالحشره خيبه لين الحينه سلامي واعيه.. امنوه اترمس بسير اطالعها.. لا صدق هيه ثانويه الحينه واظني تدرس.. الله يوفقها وسار يوطي راسه ويرقد تعبان.

اليوم الثاني في بيت بو محمد

الكل يالس تحت الصبح الا حمد
بو محمد : اقولكم يا هالربع وينه بو شهاب ما اشوفه عنبوه لين الحينه راقد.
ام محمد: ما يندرابه يا بو محمد اتلاقيه سهران البارحه هذا وانا اموصيتنه
بو محمد: فطامي سيري سيري شوفيه واذا ريتيه راقد قوليله بوك يباك بسه رقاد
فطامي : ان شاء الله باباتيه
وسارت فطامي فوق
بو محمد : هاه محمد ما شي علوم خبر
محمد: لا والله امس سرت العزبه اطالع الخيول ولانه يقولي البيدار وحده منهن تعبانه يبتلها البيطري وعطاها دوا عاد ما ادلها اليوم شصبحت
بو محمد : هيه عاد شو قال فيها
محمد: ما ادريبها يقول بنصبر يومين خلاف بيرد يفحصها جانها غدت اشوى خلاص وجانها الا مثل ما هيه ما ادري شو بيسويبها
فلاح: أي وحده منهن
محمد: ظبيه
فلاح: حرااااااام عاد هاي اللي انا احبها
محمد: ان شاء الله الا اتغدي ابخير
بومحمد : عاد طالعها لا اتخليها
محمد: لا ان شاء الله اليوم بسير اطالعها .. سويتله ابوبكر من شوي يقولي يشوفها اخير عن امس
بومحمد: هيه زين...
فلاح: بسير وياك خلاف.
محمد: ما عليه
ام محمد: بلاها ظبيه
محمد: هب صاحيه
ام محمد: يبتلها الدختر
محمد: هيه عطاها دوا واليوم بسير اطالعها
ام محمد: يا ربيه ما ادري شو شاطنك على هالعثره والعباله اسميك ادورهن
بو محمد: برايه عراحته بو جسيم
ام محمد: حد قاله شي لكن ابا راحته معثر عمره عليهن
محمد: يعيبنيه
ام محمد: يوم الا يعيبك عراحتك الغالي امبونه محد جبرك على شي ولاحد بيجبرك
وفوق في حجرة حمد..
فطامي: حمد عاد يالله قوم عذبتنيه ابويه يباك
حمد: يعلج الحشره ربي وانته والي قدره... ضهري اقولج تعبان عنبوج ما تسكتين شو ما كله...(( ولحف راسه وصد الصوب الثاني ))
فطامي وهي اتمط اللحاف وهو متقبض فيه واخر شي شلته عنه
فطامي: قم ابوك يباك ما تفهم يقولك بس رقاد اذا ما ييت يا ويلك
حمد: ذلفي.. يالله جلبي ويهج انا لو بتم اقاوم بيطير الرقاد. ليش هو بيتريا طار وخلص من سمع صوتج الخايس (( كان متغيض عليها )) .. ذلفي يالله الحينه بنزل
فطامي: انزين بس انقفض
حمد: ما يخصج انقفض والا ما انقفض يالله فارجي
وفرها بالمخده وضهرت وقام حمد اتسبح وبدل ثيابه ولبس كندورته ونزل تحت

في بيت بو سعيد

ودوم: اااااااااااااااااه تعبت راسي عورنيه ولا فهمت شي من الاحياء خاصه درس الوراثه
سلامه: هيه حتى نحن في ادبي يعطونا اياه بس بالعكس سهل
ودووم: حياتي انتي نحن يعطونا اياه بتفصيل انتي الا خطافي وكمن مسأله نحن ا لعواز يا ربيييييييه
جان ما افره وامسك الكيمياء بدرس الكيمياء العضويه يبالها اشويه هي والحيويه اسميها لعواز شو الله خلاني ادخل علمي
سلامي: شو رايج اتغيرين واتقولين لهم اسفه ما اروم امتحن ما ابا علمي
ودوم: هاها .. اقول ترانيه اليوم بسير بيتنا ما فيه اضيع وقت واااايد انا من ييت ولا استفدت شي غير تضييع وقت وانتي اتعرفيني كيف ما اداني الدراسه زين اخلص لي نص صفحه وهاي اخر سنه وابا افتك
سلامه: اوووووووووهوووووو انزين عراحتج صدقج والله سنه كامله ضغط واخر شي ما نفلح ما باقي شي
اوكيه بس عقب ما اتعشين
ودوم: اوكيه
سلامه: يالله قومي نتريق
ودووم: هيه والله انا مستويه ايووع هالايام
سلامه : الا شراتيه
ونزلن تحت عسب يتريقن

وانرد حق بيت قوم بو محمد

الكل يسولف ولانه حمد حادر الصاله
حمد : السلاااام عليكم
الكل: وعليكم السلام ورحمة الله وبركاته
سار ووايه (( سلم )) عليهم
بو محمد: عنبوه شو هذا رقاد هالكثر
حمد: تعبان ابويه ما رقدت
بو محمد: شو متعبنك ما احيد وراك شغل والا حرمه وال حلال وال عيال
حمد: لا بويه سهران ويا الشباب
ام محمد: شو قتلك االبارحه ما تسمعها الرمسه تراك
حمد: السموحه الغاليه تدرين ما حسينا كنا انسولف ونضحك
ام محمد : هيه خل السوالف يلهنك عن سماع رمستيه
حمد نش وحب امه على راسها: لا والله يا ام محمد ما اطيع وانا بو شهاب ولد سلطان
ام محمد : هيه هيه الا رمسه لكن فعل ما انشوف
حمد: ما اطيعين بنت حمد
بو محمد : منقود على الفتى رقاد الضحى هاذي رمست لوليين عاد انا ما اذكر وصوفهم لكن يوم بتسير عند يدك سيف بيخبرك
حمد : الحينه عاد غير عادي عندها العرب
بو محمد: عوبد الله انا دارس ومتخرج من برى ومثقف لكن ما سويت سواياكم
حمد: السمووووووحه وهات راسك احبه سامحونيه نسيت انكم بدو ما عندكم هالسوالف يالله ما عليه هليه ما القى الدوُره منكم.
ام محمد: شو بعد بدو وهلك.. المذهب ذهب والمعاني حروف ايها يا بو شهاب لو بغيتك غير
وتموا يرمسون

في نفس الوقت في بيت بو سعيد
الساعه 11:15
ودوم وسلامه فالصاله
سلامه : انيتا.. . انيتا
انيتا (( البشكاره )) : نعم
سلامه : وين ماماه..
انيتا : ماماه روخ برى ويا سعيد
سلامه : هيه انزين وبابا
انيتا: بابا بعد روخ
سلامه : حليلهم وال كلهم روخ يا حيج يا انيتا اسميج سوالف ويا رمستج الغاويه
ودوم: هههههههههه يا بنت الحلال خليها فقيره
سلامه: هزرج ... ما تبيني اضحكج عليها طشونه تراها طماشه ويا رمستها وانا ما بديت
ودوم: قلعيها عنج خلينا انخلص وانسير فوق
سلامه: انزين... انيتاااا
ودوم: طالع
سلامه : لا والله ما بقولها شي بس بتخبرها امنوه فالبيت
انيتا: نعم
سلامه: امنوه داخل البيت
انيتا : محد سعيد وسولطان وماما روخ أحمد الحينه روخ صديق مال هو يجي زهور ومنصور فوق نوم
سلامه : هيه.. ما عليه برايج سيري
وشوي ولانه منصور نازل من فوق متسبح وحاط السفره (( الغتره )) عجفه (( كتفه )) لانه شعره الطويل خرسان مىء (( مااي )) وكان شكله عذااااب كالعاده و سار صوب الصاله عسب يتريق
منصور ما انتبهه على وديمه : صباح الخير
كلهن : صباح النور
ويلس صب له جاهي
سلامه : منصور لو سمحت ممكن اتسير تتريق فالصاله الثانيه لو سمحت
منصور : ليش؟
سلامه: بس جيه
خلاف انتبه انه حد هنيه ..
منصور : هيه ثره حد هنيه.. جنها الا بايته عندنا وانا اقول حشرت دياي فاليل عنبوكن ما ترقدن
سلامه: ما يخصك عاد ممكن تضهر.
وقف وطالع كرسيه اللي يالسه عليه كان يستهبل
منصور: اتصدقين ما اشوف مكتوب اسمج عليه دورت بس ما لقيت خلاص يعني بيلس
((ويلس ))
سلامه : عن الاستهبال
منصور: ليش اتحرييني شراتج انا ما سديت البقعه كلها انزين ويالله دام النفس عليج زينه وايد راعيتج لانه بنت سالم بن محمد وال انتي محد يدزلج ويهه
سلامه : يا اخي انا ما فيـ
قاطعها
منصور : اشحالج وديمه اونج يايه تدرسين
ودوم : ابخير.. وانته شو رايك يعني
منصور : لا واضح سيماههم في وجووهم من كثرت الدراسه
سلامه : استغفر الله العظيم
منصور : بلاج انتي بعد قلت شي غلط
سلامه : دخيل والديك لا تبدأ ادريبك ما اييك ظينك لين تتياحد ويا ودوم
منصور : حشى لله انا يالس اتريق عوره ما اتشوفين
سلامه: لا حشاك
منصور: يا حيج وال كم يوم بعدج بتيلسين عندنا
سلامه : ما يخصك واليوم بتسير شو رايك
منصور : محد رمسج انتي الها لسان ترمس
سلامه : انته بلاك جيه كله حاط دوبك من دوب لبنيه شو تباها
منصور: باكلها اتصدقين
سلامه: هاها والمطلوب اضحك
منصور: لا تبتسمين
سلامه: سخيف
منصور: شراتج
وديمه سلامي يالله انسير فوق
منصور: هيه سلامي سيرن فوق سبحان الله يمكن اتنور الصاله لانها حاليا مظلمه وابا اطالع زين عسب اتريق عراحتيه
وديمه: طبــيه لا اتناقشينه يبا يستفزنا
منصور: حووه انتي شو طـبيه بعد هاذي (( خلى جاهيه وسار ووقف جدامها ))
وديمه : منصور لو سمحت انا لين الحينه ساكته عنك وال اعرف شغلي وياك
منصور: خفت يا ويلي لا دخيلج راويني
وديمه: لو سمحت ظك هنه
منصور: وال.................................

شو اتوقعون يتسوي بينهم؟؟
وسلامي بتروم اتسوي شي؟؟
تتوقعون سلامي بتخبر امها عن منصور؟
ومنصور بيخليهن ؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 02-07-2009, 04:21 AM
صورة VEN!CE الرمزية
VEN!CE VEN!CE غير متصل
يـآرب مآلـي ســـوآكـﮯ
 
الافتراضي رد: رواية إماراتية / بالهداوه يا دوا المشتاق خذني بالهداوه


"



وعليكم السلآم والرحمه
نورتي القسم
والله يعطيك العآفيه
بس يآريت توضحين آذ الرواية منقوله ولا من كتابتك :)

بآلتوفيق




"

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 02-07-2009, 09:56 AM
صورة آلشقرآ .~ الرمزية
آلشقرآ .~ آلشقرآ .~ غير متصل
©؛°¨غرامي ذهبي¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


,.


يــآهلا والله وغـــلآ

يعطيك العافيه
بالتوفيق ان شاء الله


.,

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 02-07-2009, 06:03 PM
صورة دلـع دبي الرمزية
دلـع دبي دلـع دبي غير متصل
©؛°¨غرامي جديد¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


الروايه من كتابة وحده من الاهل ^^


وتسلموون ع المرور

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 04-07-2009, 02:52 AM
صورة دلـع دبي الرمزية
دلـع دبي دلـع دبي غير متصل
©؛°¨غرامي جديد¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


ماعيييبتكم القصه ؟؟؟؟؟؟؟

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 04-07-2009, 03:12 AM
صورة SiLeNcE.TeArS الرمزية
SiLeNcE.TeArS SiLeNcE.TeArS غير متصل
©؛°¨غرامي فعال ¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


دلع
يسلموووو على القصه
وبنتظار تكمله
تحياتي


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 04-07-2009, 04:41 AM
صورة رهوووفا الرمزية
رهوووفا رهوووفا غير متصل
©؛°¨غرامي نشيط¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


بليييييييييييييييييييييييييييييييز نزلي البارت بسرعه حبيبتي والله مااقدر استحمل وااااااااااااااااايد
عشان الروايه واااااااااااااايد روووووووعه

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 04-07-2009, 03:57 PM
صورة دلـع دبي الرمزية
دلـع دبي دلـع دبي غير متصل
©؛°¨غرامي جديد¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


نزلت لكم البارت الثاني .. وان شااءالله اشوف التفااعل



واشحالكم بعد....
بس كل ما انزل بارت بتأخر في تنزيله مب حلوه على طول انزل و ورى بعض ما بيكون فيه حماس صح ^_^ >> هذا اذا عيبتكم قصتيه

واخليكم الحينه وان شاء الله ايعيبكم..... وفانتظار ردوودكم و تواصلكم معايه









البــــــــــــــــــــــارت....... ))(( 2 ))((.........

منصور: خفت يا ويلي لا دخيلج راويني
وديمه: لو سمحت ظك هنه
منصور: واذا ما ظكيت شو بتسوين
وديمه : اهوووه يا هاذي بلشه (( صدت صوب سلامه )) قلت لج ما ابا ايي الا عسب اتفادى هالاشكال
منصور: حووووه انتي اييييه شو اشكال ما اشكال احترمي عمرج تفهمين مب انا اللي اتقولين له هالرمسه تسمعين وال ..........................................

كان بيكمل كلامه وال سلامه ما سكتنه وادزه لانه كان وين وديمه اظك هو يظك جدامها
سلامه : بسك عاد خلاص قلت اللي عندك ارتحت الحينه يالله خلنا انسير
منصور: لا بعدنيه ما كملت كلامي فيا هاي
وديمه : هاي الها اسم انزين
وخطفت عنه وسارت فوق عقب ما طالعته بنظره
سلامه : ارتحت الحينه فججت راسك يا حيك خلاص بسك ودزته وهي معصبه عليه..
منصور حط سفرته على جتفه لانه سلامه عقتها يوم كانت ادزه .... رقن فوق وقبل لا ترقى سلامي لفت عليه
سلامه : ها ويهي ما خبرت عليك ياللي ما تستحي
منصور: لا دخيلج روعتينيه انسه سلامه
اتغيضت وسارت
منصور خلى جاهيه وسار ركب سيارته الرنج(( بيضاء عليها رقم بوظبي أحمر رباعي )) وضهر

فالسياره منصور حاط اغنية ميحد الناس للناس

"خلك معـــــي خلي ترى الناس للـناس
وضـدي تراه ضــدي ومعايه معايــــه
أحسبك دايم فانـــــــفاس لانــــــــــفاس
وانته ضيا عيني ومنــــايه منايــــــــــه
لا تسمـع العاذل وسواس وســــــــواس
ومن علتي انتي شـــــــــــــفايه شـفايـه
لو طال هجرانك فلا باس لا بــــــــاس
غلطـــــان واستاهل داويـه دوايــــــــه
السهم من عينك وامواس لامــــــــواس
وانا اناديــــــــلك دمــــــايه دمـــايـــــه
سمعتي الموشي وارجاس لارجـــــاس
واللي جـــرى منـــــــك كفايه كفايـــــه"

تليفونه رن وجان يقصر على الاغنيه لانه كان مطول وفاج الدريشه
منصور: مرحبااااااا الساااااااااااع بو سنيده
راشد : المرحب لاهان واشحالك
منصور: ابخير ونعمه ومن صوبك
راشد: ابخير واسهال وين فالدار
منصور : الا هنيه تونيه ضاهر من البيت
راشد: ياحيك وين ابها
منصور: احوط
راشد : حد عندك
منصور: لا والله اروحيه
راشد : هيه عيل تعال هنيه كلنا فالقهوه نترياك
منصور: الشباب كلهم هناك
راشد : هيه حتى حمد ولد عمك
منصور : الهرم ما قاليه ما عليه الحينه ياي
راشد : جيه ما سوالك ولا سويتله
منصور : لاء تونيه قاعد من الرقاد اتريقت ريوق بن عروه
راشد : هيه طويل الذروه
منصور : يشلك ان شاء الله ... وضهرت
راشد : عيل نترياك ..
منصور : بلاه حمد اسمعه يقول شي
راشد : ما عليك امنه يقولك دهديه تعال
منصور : جذاب.. صدق شو قال
راشد : تعال وبقولك..
منصور يالله ياي
راشد: فمان الله
منصور: فمان الكريم

وسار القهوه وفي دربه رد طول على المسجل وكانت اغنيه ميحد وين يالغايب

" وين يا الغايب عن ولوفـك
قاطع(ن) ما تـــذكر أولافــك
مرت اسنين عـــــــــــشوفـك
وانظري بالعين ما شافـــــك
بك تغلي لو بك اظروفـــــك
لو حسود(ن) بالوشى لافـك
صرت لا اشوفك ولا الوفك
واعتلي في راس مشرافــك "

فاليل في بيت بو سعيد

وديمه: يالله بنزل تحت
سلامي : صبري بنزل وياج ترانيه خليت وحده من البشكارات ينزلن قشارج تحت
وديمه: ثانكس
سلامي: يور ويلكم.
ونزلن تحت
وديمه : يالله خالفتنا العافيه بسير
ام سعيد : ما قصرتي الدوب بنيتيه
وديمه : بسير خالتيه ورانا دراسه وما باجي شي على الامتحانات
ام سعيد: جيه ما درستن.
وديمه : لا خالتيه درسنا بس احسن كل واحد اروحه جيه لازم بنيلس انسولف
ام سعيد: ليكون سلامي ما خلتج تدرسين
سلامه: لا امايه والله درسنا
وديمه: لا حليلها خلتنيه
ام سعيد : اشوى يا حيها .. عراحتج الغاليه جان بتسيرين وسلمي عليهم هناك
وديمه : يبلغ ان شاء الله
سلامه تبا اتخبر امها شو سوى منصور
وديمه وبصوت واطي اترمس سلامه : لا خلاص لا اتخبرينها فضيحه
سلامه : لا خليني عسب يتأدب هب دوم جيه ما اباج اتعافين تين صوبنا بسبته.
وديمه: لا ما عليج خلاص
ام سعيد : بلاكن شو بتخبرنيه... ليكون منصور سوى شي وال ضايقها
وديمه طالعت سلامه وسلامه قالت : ما يخصني اروحها عرفت انا شفتيني قلت شي
وديمه لطمت سلامه على ايدها
ولانه منصور حادر
سعيد : ولد حلال
منصور : شو المستوي بلاه منصور..
سعيد : امك اتخبر جانك عذبت ودوم كالعاده
منصور طالع سلامه
ام سعيد : عذبتها مسود الويه
ياي منصور بيرمس ولانه وديمه ترمس
وديمه : لا خالتيه ما قالي شي اصلا ما شفته.... (( جان يطالعها بنظره ...>> دومهم ويا هالنظرات ))
ام سعيد : اشوى ذاك اليوم وصيته وهزبته لين قال بس
منصور : اميه
ام سعيد : لا هب امك يوم انته جيه
منصور : لا حوووووووووول... انا بضهر يالله فمان الله
سعيد : منصور....
منصور: هلااا
سعيد : ألقط لووووول
منصور : اضّحك واااااااااايد ويا هالراس.... (( وسار وهو ساير كان يقول ويتحرطم )) يا ويل حاليه كله انا كله منصور وضهر من الصاله
ام سعيد : منصور
منصور : لبيه الوالده
ام سعيد : لبيت فمكه ان شاء الله
منصور : اميييييين ويااااااااااااج يالغاليه
ام سعيد : وين ابها فاليل
منصور : عند الشباب
ام سعيد : يا هالشباب ما يخلصون
منصور: هههههه جيه حلاوه يخلصون اسميج سوالف بنت حمد... يالله فمان الله
كلهم : فمان الكريم
وكان محمد هو اللي ساير اييب وديمه وضهرت خاري عقب ما وادعتهم ويوم سارت عند السياره تركب كان منصور يسلم على اخوها ركبت السياره وساروا البيت ومنصور ركب الرنج الابيض وضهر

يوم الخميس الصبح
بيت بو محمد
ام محمد : وين فطامي
فلاح : سارت فوق
ام محمد : شو اتسوي سير.. سير ازقرها
فلاح : ان شاء الله
وسار يزقرها...في حجرت وديمه
وديمه: انزين وخلاف
عواش : ما شي هزبتها لج هزبه ما تبا غيرها هب انا اللي اتسوي ويايه هالحركات اللي شرات ويها
وديمه : حراااام بس اتصدقين اجديتي فيها ما تستاهل الا جيه دواها عسب تصطلب
عواش : عيل اخليها رغيد هب سهله الحركه اللي سوتها وانا بنت عرب ما ارضى على عمريه افا عليج اعجبج
وديمه : محشومه عن هالاشكال.. اقول صبري عنديه خط
عواش : اوكيه بس هب تبطين ما فيه اضيع هالدقايق ورايه دراسه احياء
وديمه: هههههههه اونج عاد صدقتج يقولج الحق الجذاب لين بابه يالله صبري
شمه : الوه.. مرحباااا الساااااع
وديمه : المرحب لا هان الغاليه واشحالج شميم
شمه : ابخير ونعمه ومن صوبج
وديمه : طيبه طاب حالج
شمه : شو اتسوين ؟ رمستي حد ؟ درستي؟ لعبتي ؟
وديمه : يالله مطوله من استجواب.. اولا ما اسوي شي يالسه ترانيه اارمسج الحينه وثانيا رمست عواش الحينه هيه على الخط تتريانيه حليلها وثالثا الدارسه ما شي حالها اتسلم عليج كثير السلام
شمه : يا حيج والله وال عواش على الخط يا حيها علومها السباله دقيتلها امس قالولي راقده
وديمه : عيل صبري بشبك الخط وهزبيها على راحتج
بعد ما شبكت الخط
وديمه : ويا مرحباااااااا بكن ملااااااااااين
شمه + عواش : المرحب لا هان
شمه : اشحالج العوش ربج ابخير يالخايسه
عواش: اوب اوب بخير ونعمه ومن صوبج صراحه تونيه متسبحه ما احيد خست بهسرعه
شمه : هيه اطنزي اونج راقده هاه قولي ما تبين اترمسني
عواش : لا والله صدق رقدت تدر................
وديمه ما خلتها اتكمل
وديمه : حوه انتن عنبوكن ما اتحشمن لا ولاجني موجوده خلاص عيل بسكر ورمسن عراحتكن وال اشعنه ما ادقن حق بعض
عواش : لا فديتج محشومه
وديمه : صبرن حد يدق الباب....امنوه الباب امبطل ادخل
فلاح : مسا الخير
وديمه: مسا النور
فلاح : شو اتسوين
وديمه: ارمس فالتليفون
فلاح : هيه جيه عندج اجازه من الدراسه
وديمه: يالله ذليتونيه ما يسوى عليه ثانويه عامه جنيه داخله حرب
فلاح: حووه انتي هب اتهازبين ويا هالراس مسويتلنا فيها شي يالله ابويه يباج تحت
وديمه : اوكيه دقايق بسكر وبيي
فلاح : لا هب دقايق الحينه اصلا من تسمعن طاري الوالد المفروض تنقزن تحت مب تنزلن بالدري
وديمه : خيبه انزين سير انته بودع اربيعاتيه وبنزل
فلاح : جيه بتودعينهن ما بتشفينهن مره ثانيه
وديمه : يعلك الحشره يالله اجلب ويهك قلت بيي
فلاح: يحشرج.. أي صفحه
وديمه : هاها والمطلوب اضحك سوري ما فيني ضحكه
فلاح : هب لازم تضحكين يالله انقفضي ..... وسار عنها عقب ما غلس عليها
وديمه : حشى ازعاج هالولد ... سوري اتأخت
عواش : لا عادي لو ما رديتي
شمه: هيه كنا نرمس انسينا انج على الخط عنبوه طولتي
وديمه : السموحه والله فليّح اخويه ارذانيه يقول الوالد يبانيه سامحونيه بسكر
شمه + عواش : عادي.. تيك كير
وديمه: اوكيك يو تو... درسن عدل وعن الهذربان
شمه : اوكيه.... اقول عواش بدق لج عسب انكمل السالفه سيري انتي ردي عليه الحينه بـدق
عواش : اوكيك تم
وديمه : يالله عيل سامحونيه بسكر... فمان الله
عواش+ شمه : فمان الكريم

وما بقى الا يوم على الامتحانات
الكل يالس تحت الا حمد كالعاده خاري
بو محمد : هاه الغاليه وال باجر تبدأ الامتحانات
وديمه : هيه بويه والله زايغه يا ربييييييه الله يستر
بو محمد : لا اتروعين ولا شياته وان شاء الله بتحلين انتي امبونج سويتي اللي عليج خلاص خلي الباقي على الله
ام محمد : لا اتخافين اتوكلي على الله وان شاء الله نفرح بذيج النسبه العوده يا رب
الكل : امييييييييين
بو محمد : يالله فديتج سيري فوق زهبي عمرج حق باجر ودرسي اللي عليج باجر ورقدي زين عسب اتقومين نشيطه
وديمه : ان شاء الله باباتيه... يالله تصبحون على خير (( وسارت اتوايهه امها وابوها ))
الكل : وانتي من هله

والصبح
ام محمد : سرياتي... سرياتي..
سرياتي (( البشكاره )) : نعم ماماه
ام محمد : وين ودووم..
سرياتي : فوق
ام محمد : سيري زقريها خليها تنقفض وراها دوام
سرياتي : جين >> بلهجة البشكارات و = انزين لوووول
فالصاله
بم محمد : هاه وينها بنتيه
ام محمد : فوق ما حدرت بعدها
بو محمد : هيه
ام محمد : طرشت البشكاره تقفضها اسمينيه مرتبشه
بو محمد : هيه جنج انتي اللي بتمتحنين هب هيه ^_*
ام محمد : هيه ما يهمك انته
بو محمد : امنوه يقول
وديمه حادره
وديمه : صبااااااااااح الخير
الكل : صباح النور
ام محمد : وينج عنبوه هب حاله ما وراج امتحان
وديمه : هيه امايه بس هذا دوبي
بو محمد : لا تربكينها خليها ... ما عليج من امج خلصتي راجعتي
وديمه : هيه بويه بس احس عمريه بموت
بومحمد : عن الارتباك عسب اتعرفين اتحلين عيني من الله خير
وديمه : ان شاء الله عاده امنوه بيودينيه
بو محمد : افا عليج انا بوديج عيل بخليج على تجلى الدريول وال خوانج
وديمه : يالله يعلنيه افداك يا سلطاني
ام محمد : ايهااااااا حشمي عنبوج وين الاحترام ابوج هذا هب وحده من الربع عيب
وديمه : السموووحه ابويه
بو محمد : يا بنت الحلال خليها
ام محمد : كله منك مبزنها خل عنك ويالله نش ودها عن لا يفوتها الامتحان
بو محمد : ودايم الحقي بتاكلنا امج يالله اتريقي بسرعه خليني اوديج واسير عندي شغل هبابنيه
وديمه : هههههههههه فديتكم ان شاء الله باباتيه
خلصت وسارت بتضهر
ام محمد : فديتج سمي باسم الله واتوكلي على الله واقري الحمد والمعوذات واية الكرسي وادعي بهذاك الدعاء
اللهم لا سهل الا ما جعلته سهلا وانت تجعل الحزن اذا شئت سهلا ولا اتروعين واذا ما عرفتي شي خليه وحلي اللي اتعرفينه ولا تنسين اتراجعين واقري وطلعي اخر وحده خذي وقتج عالفاضي عاطينكن وقت خذي راحتج فيه هب تضهرين اول وحده ابعمرج و............
قاطعها بو محمد
بو محمد : هيه انزين اوكيه ان شاء الله كل شي بيستوي ما عليج .... يا محاضراتج اللي ما اتخلص لو البنيه هب متروعه بتتروع يالله يعينج يا ودووم
وديمه : هههههههههههههههههههههههههههههههههههههههههههههه ان هههههه شاء الله امايه ههههههههههههه
ام محمد : خل عنك يالله سر
وديمه : بو محمد جنها الوالده ازعلت
بو محمد : جنها
وديمه : شو رايك انراضيها
بو محمد : هزرج ^_*
وديمه : هيه
بو محمد : خلاص وقاطعته ام محمد : يالله اونكم اتراضونيه لا اتحاولون يالله اسروحواعن اتأخروون
وديمه + بو محمد : يالله خالفتنا العافيه عليج
ام محمد : لا احترمتوها

في بيت بو سعيد
سلامه : أحمد أحمد قوم نش ورايه امتحان ودنيه بتأخر دخيلك
أحمد : خلي الدريول يوديج
سلامه : يا ربيه منك الدريول محد وابويه وسعيد من امس هب فالبيت فدبي
أحمد : خلي منصور يوديج تعبان انا
سلامه : عنبوه دومكم تعابا ما ترتاحون اللي يسمع وراكم هم وعباله
أحمد : ايهاااااا عيل ما شي سيره قوليلهم تعبانه
سلامه : هيه الا بيسمعون كلاميه فديتك يالله...
أحمد : يالله ما فيه اوديج دوري غيري
وسارت سلامه عند امها اتصيح واتخبرها
سلامه : يا ربيييييييه
ام سعيد: بلاج اتصيحين
سلامه : محد عنديه ايودينيه المدرسه وما باقي شي عن الامتحان حراااااااااام اذا رسبت انتم السبه حرااااااام عليكم مستقبليه
ام سعيد : يا ربيه بلاج وينه احمد واشعنه ما اتقولين له
سلامه : قلت له الخايس يتحرى كل العرب شراته كسالى
ام سعيد : شو هالرمسه شو امخيسنه عيب عليج هذا خووووج... اييييهاااااااا المذهب ذهب والمعاني حروف
سلامه : والله شو تبيني اسوي اشوف مستقبليه بينهدم وتبيني اسكت
ام سعيد : لا اشعنه تسكتين اظاهري خاري سوي مظاهره لين المدرسه
سلامه : امايه تطنزين عليه حراااااااام عليج
ام سعيد : شو اسويبج خبرينيه ومنصور وينه
:
شو اتوقعون احمد بيشفق على سلامه وبيوديها؟
سلامه بتلحق على الامتحان وال ما بتسير؟ وال بتوصل متأخره ؟
الام شو بتسوي بتخلي بنتها اتصيح ؟
امنوه بيودي سلامه منصور ولا أحمد ؟
ومنصور شو بيسوي عقب ذاك اليوم؟





:
وفانتظار ردوودكم المميزه اللي تفرحنيه ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 04-07-2009, 07:23 PM
صورة رهوووفا الرمزية
رهوووفا رهوووفا غير متصل
©؛°¨غرامي نشيط¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


روووووووووووعهـ يالغلا

جنااااااااان

ننتظرك على احر من الجمر

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 04-07-2009, 09:27 PM
صورة دلـع دبي الرمزية
دلـع دبي دلـع دبي غير متصل
©؛°¨غرامي جديد¨°؛©
 
الافتراضي رد: رواية إماراتية / بالهداوه يا دوا المشتاق خذني بالهداوه


تسلمين فدييتج ... وف انتظار ردود باقي الاعضااء ^^

الرد باقتباس
إضافة رد
الإشارات المرجعية

بالهداوه يا دوا المشتاق خذني بالهداوه / كاملة

الوسوم
.."*... , .."*..بالهداوهـ , المشـتاق , اماراتيه , بالهداوهـ , خذني , رواية
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
رواية غصب عني / الكاتبة : شوق المشتاق ، كاملة !! زهور الريف !! روايات كامله - يتم نقل الرواية هنا بعد اكتمالها 1073 11-02-2017 06:16 AM
و للأيام قرار آخر / كاملة Ramadi73 روايات كامله - يتم نقل الرواية هنا بعد اكتمالها 79 13-01-2016 05:12 PM
مجلس الروايات للإستفسارات و الطلبات فقط [ الإقتراحات ممنوعة ] ؛ روح زايــــد روايات - طويلة 2018 20-05-2011 10:18 PM

الساعة الآن +3: 07:20 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1