اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 41
قديم(ـة) 19-07-2009, 03:15 AM
صورة وردة الزيزفون الرمزية
وردة الزيزفون وردة الزيزفون غير متصل
مشـ© القصص والروايات©ـرفة
 
الافتراضي رد: جراح لن تلتئم / سعوود2001


يعطيك العافية على البارت الحلو ... امممممممم عندي احساس انو نايف راح يطلق زوجته ويتزوج غادة

في انتظار البارت الجاي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 42
قديم(ـة) 19-07-2009, 10:43 AM
عاشق قصص2001 عاشق قصص2001 غير متصل
عضو موقوف من الإداره
 
الافتراضي رد: جراح لن تلتئم / سعوود2001


ترا اذا قلتوا البارت قصير بوقف شهر >>>>>> يا شين المنه

من جد هذا اخر بارت نزلته في منتداي الاول يعني باخذ راحه اسبوووع

اتمنى لكم قراءة ممتعه ... اليكم مع التحيه ..








بعد الغداء و في مجلس الحريم .. ( 21)




ما كان فيه الا ام نايف و امل و ريم و ام ثامر و غادة ...
و طبعا كانت الكلام عن زوجة نايف ...
اللي يستفسرون عن سبب غيابها ..
ام نايف : قومي يا ريم شوفي الشغالات صلحو القهوة
و خليهم يحطون التمر في الصحون الجديده ...
ريم : ان شاء الله .. و قامت ريم للمطبخ و شافت دلال القهوة جاهزة
و رتبتها في ثلاث صياني مع فناجيلها و تمرها ...
و ارسلت الشغالة فيها لمجلس الرجال ...
طلعت ريم بتروح للمجلس و تراجعت .. و راحت لغرفتهم ...
شافت نعال ( الله يكرمكم اخوها نايف )عند باب غرفة الشباب
طقت الباب ما رد عليها .. راحت لسريره و شافته متغطي ..
ريم : نايف يالله قم القهوة عند الرجال ...و تهز فيه ..
جت بتشيل الغطا ( اللحاف ) بس ما قدرت
متمسك فيه و شكله نايم على بطنه ..غريبة مو عادتة نايف ..!!
راحت لرجولة اللي طالعه من تحت بسبب طوله ..
و جلست على طرف السرير . و حطت رجله على رجلها ..
و مسكت فيه بقوة و قامت تدغدغه باظافرها الطويلة ..
ما قدر وليد يمسك نفسه و ضحك ضحكه قويه و رفسها
بحركه لا اراديه ... طاحت ريم و هي مو مستوعبه
انه وليد و قامت و هي تبتسم ... : يا ساتر...على .. يك
و قطعت ابتسامتها بعد ما شافته و هجت مثل الصاروخ ....
و وليد ميت ضحك عليها ... يا حبي لك يا بنت عمي
خليتيني اضحك ضحك من زمان ما ضحكته ....
نسينا الحركات اللي تضحك ... و نسينا طفولتنا من اللي شفناه بشبابنا
عدل جلسته ... و نزل رجوله على الارض و راح يغسل وجهه
و طلع من الغرفة و هو عينه على غرفة البنات ..تركها و راح
لمجلس الرجال اللي دخل عليهم و هم يتقهوون ....
جلس على الكرسي و ما جنبه احد .. طلع جواله ..
و كتب رساله لها ..( طريقتك في تقويم النايم
طريقة مبتكرة اتمنى تكريرينها بعد زواجنا )
شرب فنجال القهوة من القهوجي .. و خذ له حبة تمر ..
و شوي تجيه رساله ... ( هذا اذا تزوجنا )
رد عليها ( بنتزوج يا بنت عمي ... بنتزوج )
ردت عليه ( يعني عادي عندك ان ارفضك و تطلبني للزواج !!! )
رد عليها ( بعد اللي صار قبل شوي ما في حل الا الزواج...
انتي فاجئتيني باحلى تقويمه قمتها )
ما ردت عليه ... و انتظر ... جا تركي بجنبه ..
تركي : شكلك مشغول وليد .....
وليد و بابتسامه : امر يا بو خالد وش عندك ..
تركي : ما يامر عليك عدو ...
باخذ رايك وليد ان شاء الله اذا نجحت هالسنه ان شاء الله
و خذت الثانوية العامة ودي اكمل دراستي برا ...
وش تنصحني باي دوله اروح له ابتعاث ....
وليد و هو يحط الجوال على الطاوله : شوف تركي مو مهم الدوله
كثر ماهم مهم العزيمه و الاصرار .. يعني اذا انت براسك موال
غير الدراسة .. فانصحك لا تروح ...اما اذا تبي دراسه و بس
فهذا يعتمد على تخصص دراستك .. كل بلد مشهور بجامعات متخصصه
تركي : انا ابي ادرس الادب الانجليزي ...و ادرس دراسات عليا
وليد : حلو و الا دب الانجليزي معروف عند مين !!!
تركي : اكيد عند الانجليز... وليد : اذن مالك الا بريطانيا
و احسن جامعاتها اكسفورد و كمبريدج ...
تركي و بتفكيرر :... افكر و بستخير ... مشكور يا وليد على النصيحه ..
وليد : ولو يا تركي ما سوينا شي ..
قام تركي من عند وليد ....و شاف الجوال ما فيه رسايل ..
ارسل لها ( يقولون السكوت علامة الرضا )
ردت عليه ( ردي بتسمعه بنفسك )
استغرب ردها ... وجلس يفكر... لا يكون ترفضه
لا مستحيل ... و الله مدري وش اللي براسك يا بنت عمي ...









في مجلس الرجال ..... (22)


بعض الرجال طلعوا من المزرعه و ما عاد بقى
الا اخوان ام انايف و اولادهم و ابو نايف و ابو وليد
و شباب العيله .. يدق جوال نايف .. و يشوف رقم غريب
كان بجنبه وليد .. و استغرب الرقم .. رد عليه : نعم
رد عليه صوت رجال يسوي نفسه امريكي يتكلم العربي
: مرحبا الاخ نايف ال****** .....
نايف : يا هلا أي نعم .... من معي ... !!!
: معاك السفارة الامريكية ....!!!
نايف و بتوجس : خير ان شاء الله ....
: خير ان شاء الله ... و لكن زوجتك دينا وليد ...
رافعه عليك قضية انك تسيء معاملتها
و بدها ترجع على ميركا ...
نايف و باستخفاف : اهاااا ..ممكن تعطيني اسمك لو سمحت .. !!!
: ما ..ما..ما فيه داعي تعرف اسمي ...
نايف : طيب ممكن اكلم المدام ...
: هي هلأ مو موجوده هون ...
نايف : اوكي اذا كانت موجوده قول لها
نايف برجعك لبلدك معززة مكرمة و مافي داعي
لحركات الاستهبال ...
: طيب و الولد !!!!...
نايف و ببرود : اذا تبي ولدها تجي تشوفه الله يحييها
بكل وقت مثل ما اشتاقت لاهلها و تبي تروح لهم ..
: احمم لكن هيدا ابنا ... نايف : و الولد مسجل باسمها
و الا باسمي ..!!!
: و الله ما بعررف شو بدي اأولك ...
نايف : على فكرة مكالمتك هذي مسجله عندي ...
و بكره ان شاء الله بتاكد اكثر اذا كنت من
السفارة الامريكيه ....... انقطع الاتصال فجأة ..
و التفت نايف على وليد .. و قال له كل اللي صار
وليد : تبي رايي نروح للبيت الان وتاخذ الاوراق
حقتك و حقت ولدك و حطها عندي او أي مكان امن ..
نايف و بهدوء : لا تخاف انا حاطهم عند امل اختي في بيتها
وليد : اجل ليش تفكر ...هي واضح انها ما انسجمت
مع الاهل هنا ..سفرها و ريح راسك ...
نايف : و من قال لك اني بخليها عندي ...المشكل عندي وليد ..
وليد : ولدك صغير عمره سنه و نصف و متعلق فيكم اكثر .
نايف و بتنهد : وليد متعلق بامي و ريم اكثر شي
و حتى تركي اللي ما يحب الصغار و صجتهم متعلق فيه .
وليد : نايف المشكلة مو بسيطه تفاهم انت بالاول معها
و نسقوا اموركم حتى ما يأثر على الولد ...
نايف و بعبوس : الله يسهل الامور ...بشوف بكرا وش يصير
وليد : يعني بتروح للبيت الليله ...
نايف : لازم اروح و بترك وليد عند اهلي و بشوف وش عند
ام وليد من المقترحات العبقريه ...
وليد : تبيني اجي معك ... ضحك نايف : لا وووين
انا بادبر نفسي و ان شاء الله اسمعك بكرا اخبار حلوة ..
وليد و بتردد : نايف ..... لو اخطب ريم تتوقع ترفض !!!
نايف و باستغراب : وش اللي ترفض .. انت صاحي !!!
وليد : انت عارف الصدفية اللي ..نايف و هو يقاطعه :
من جدك وليد .. و طيب لو جتك الصدفيه و انت متزوج يعني بتطلب الطلاق ..
و بعدين اختي مو سطحية لهالدرجه .. بالعكس تحب عمي و عياله
كلهم حتى ام ثامر تحبها ...وليد و بقلبه هذا البلا انها
تحب ام ثامر ... وليد :طيب لا تروح لحد ما اتكلم مع عمي
نايف و بضحكه : يقالك مستحي ..
وليد : لا مو حكاية مستحي ... ولكن حلو الواحد
يكون عنده واحد مثلك يشجعه ..
نايف و بضحكة : يا شين اللي ما يعرفون يخطبون هههههههههههههه
وقف وليد .... و اخذ نفس ... و راح لابوه و كلمه في اذنه
يستأذنه انه يخطب ريم .. ابو وليد و بفرح :
انا اللي بخطبها لك يابوي ... وليد و بتفهم : اللي تامر فيه طال عمرك
ابو وليد و بصوت عالي : يا بو نايف طالبك و قل تم ...
ابو نايف و بفزعه : تم يا بو وليد .....
ابو وليد : ابي الريم لوليد ....
ابو نايف و هو فرحان : ابشر بسعدك يا بو وليد الريم بنتك
و وليد ولدي ... هذي الساعة المباركة ...
وليد : تسلم يا عمي ...
ابو نايف و هو يناظر اخوه : متى تبي الملكة يا بو وليد !!!
ابو وليد و هو يلتفت على وليد : خير البر عاجله يا ولدي
و يلتفت على اخوه : الخميس الجاي و انا اخوك ...
ابو نايف : تم باذن الذي ما تنام عينه ...
وليد مو قادر يستوعب و يطالع بنايف اللي ابتسم ...
بهالسرعه .. بتصير الملكه ..وليد و هو متردد
: طيب ما يبون الفحص بالاول ...!!!
ابو نايف : ما عليه كل شي زين ان شاء الله و بيمديكم تسون الفحص
نايف و هو يوقف ... يالله انا استئذن بطلع عندي كم شغله ..
وليد و هو يمسكه على جنب : ياخي اصبر شوي
دق على ريم .. وشف رايها وش بتقول ..
قبل لا يتهورون الشيبان ...و نتفاضح ..
نايف و بتافف....: وش فيك انت اقول لك واثق من اختي ..
وليد : طيب تعال برا .. و دق عليها و حطها على السبيكر
بسمع موافقتها بنفسي ... نايف و هو يطالعه : وليد صاير شي
ما ادري عنه ..!!! وليد : بقولك بعدين .. بس انت دق الحين ..
و طلعوا برا و دق نايف على ريم
و خلاها على السبيكر : هلا ريم ..
ريم : هلا بنايف .. سم تبي شي يا عمري ..
نايف : ابد سلامتك بس عمي عبد العزيز قبل شوي
خطبك لوليد و ابوي وافق قلت بشوف رايك ...
ريم :..............................و سمع صوت شهقة
نايف : ريم بسم الله عليك وراك شهقتي ...
ريم و هي متفاجئه : لا بس انكبت المويه البارده علي ..
نايف : يعني موافقه و الا لا !!!!
و يطالع بوليد .. اللي رايح فيها من التوتر ....
ريم : ما ماادري .. نايف : وشو ماماماما قولي ايه او لا ...!
ريم : طيب لو اقول لا ما يصير شي لعمي عبد العزيز ..
حس وليد ان احد رامي عليه حصاة كبيره على راسه ..
نايف : يعني انتي ما تبينه ..ريم : مو حكاية ما ابيه
شكله هو ما يبيني لانه ارخص لي قبل لا يجي من السفر ..
واخاف ان عمي غاصبه على زواجه مني ....
نايف : ريم يا حبيبتي ,, الحين هو جاي يخطبك ...
و عمي و ابوي اتفقوا على الخميس الجاي يكون الملاك ..
ريم : ايييييييييييييش !!..ط طب عطوني فرصة ..
وليد اخذ الجوال فجأة من نايف : هلا ريم انا وليد ..
اذا انتي رافضتني قوليها الحين و لا تقعدين تلفين و تدورين ..
ريم :..................................
وليد و بجديه : اسمعيني انا الحين جاي
اخطبك و مافي احد مأثر علي
تبيني وافقي ما تبيني قولي لي لا ....
ريم ...............................
وليد : يعني موافقة ...!!
ريم و العبرة تشيلها : بس بشرط ...!!!
وليد : امري .. ريم و باندفاااع :
نسكن عند عمي و ما نطلع من البيت ابددددن
مهما صار .... وليد و بزفره : تم اللي تبين يا بنت عمي
و رمى الجوال على نايف اللي مطير عيونه ...
ورجع وليد و دخل مره ثانية عند الرجال ....














في مجلس الحريم .......(23 )



ام ثامر و بضيق : ودي اروح للبيت و اخاف عبد العزيز يزعل ..
ام نايف: ليش تروحين خلينا نجلس و ينبسطون البنات و العيال..
ام ثامر و بثقل: تعرفين يام نايف يبي لي ارتب الشنط ..
علشان السفر .. و استعد لنجلاء هنا بالبيت ...
ام نايف : ترحون و ترجعون بالسلامه ان شاء الله ..
ام ثامر و ببرود : الله يسلمك حبيبتي ..
ريم و هي تنغز امل لما سمعت كلمة حبيبتي ..
و بهمس و عيارة : احلى يا اخلاق ..امل و من تحت اسنانها
: يا زينك و انتي تعلقين .. نطت غاده : وش تقولين ريم ..
ريم : ابد يا حبيبتي و لا شي .. شفتي وليد يا حبي له
يقول للحصان بع استغربت غاده : وليد مين اخوي !!!
انحرجت ريم : يعني وليد اخوك !! ما يعرف يحكي .. انا اقصد ولد نايف اخوي..
غادة و بتفكر : اهااااااااا ... ايه يا حليله هالولد ..
يدق الجوال على ريم و تشوف رقم اخوها ...
ردت عليه .. و سمعت اللي يقوله نايف و هي محرجه
من اللي قدامها ... طلعت برا .. و كلمها وليد ..
و سكرت منه و هي مختبصه ... وش هذا اللي قاعد يصير
يا ربي بهالسرعه !!!... و غريبه من ابوي ما شاورني حتى !!
وش يشاور !!! هو عارف اني استنى وليد الدب ...
بس ما درى اني حطيت ببالي اني ممكن اغير رايي ..
و خاصة بعد تصرفاته معي .. بس ليش احس انه
ممكن يتغير و خاصة كلامه معي دليل على انه
حريص على الزواج مني !! آآآه يا وليد ..يا ليتك ما صدمتني فيك
يعني ممكن حرصه على الزواج عشان عمي ..!!
راااسي بينفجر من التفكيررررر ... رجعت للمجلس ...
وهي موحاسه بنفسها ... غاده و هي تاشر بيدها :
هيييييه يا هل الله ياللي هنا ...!!! رييييييم
صرخت بقوه : ريييييييييييييييييييييييييييييييييييم
صحت ريم من هواجيسها : وجع غويد وش قالو لك ما اسمع
امل : ما الومها يا ريم البنت طلعت لوزها و هي تناديك ..
ناظرتهم ريم و بعتب : يعني الوحده ما تفكر شوي ..
قاعده افكرررر ... غادة و هي تلزق فيها : بااايش
هنا مربط الناقه !!.... ناظرتها ريم و هي تضحك يا ربي متى تعقل هالبنت !!!
ريم و بهمس و مستحية : اخوك وليد خطبني يا انسه ...
صرخت غادة و حضنتها الهمهمه الي بين الحريم توقفت
و كأن الجميع سمعها ...
ام ثامر و بضيق : اااايش ....شوي يدق تليفون ام نايف
اللي انخبصت من اللي سمعته .. كلمها ابو نايف يبشرها
بخطبة ريم لوليد ...لكن ...تضايقت من ردة فعل ام ثامر
يعني معقوله ما تبي وليد ياخذ ريم !!!...طالعتها و هي مستغربه
ام نايف وهي تلتفت على ريم : مبروك يا ريم ..مبروك حبيبتي الله يوفقكم
قامت ريم و وجهها محمر من مكانها و راحت لامها و باست راسها ..
: الله يبارك فيك يا عمري ... امل : اها اذا عرف السبب بطل العجب
قربت لريم و حضنتها مبروووك يا ريم ...و غادة قامت تزغرد
زغاريد مصريه ..و بقوة ...ام ثامر قامت من مكانها بدون ما تبارك لريم
و راحت لقسمها و هي منجلطه من اللي صااار ...






بيت ابونايف ( 24 )


يوم الخميس جا و تمت الملكة العصر و كانوا متغدين
قبلها على شرف الملكه بين ريم و وليد ...
و كان ابو نايف متكلف مره بالغدا ... لدرجة انه
كلف مطعم الفارس اللي يطلق الوجه >>> من جد جربوه مطعم رااائع
وقعت ريم و وقع وليد على حياة جديده
راح تبدا فعليا بعد شهر من الملكه ...
وليد ما طلب يشوف ريم و ريم ما كانت متوقعته انه بيطلبها ..
لذلك ما سوت أي استعداد لهذي المقابلة ...
كانت بغرفتها تريح شوي بعد المجهود النفسي و القلق ..
لكن تفاجئت برساله من وليد .. ( مبروووك يا زوجتي )
ريم و هي تفكر .. هذا من جد فيه موال براسه !!
ما ردت عليه ... و قالت في نفسها الخسران يقطع المصران ..
يا عيني على الافتتاحية الجديده لحياتي معاك ...
هيّن يا وليد بجيبك يا ولد عمي بس انت اصبر علي ...
جلست بعدها بربع ساعه و يجيها مسج ثاني ...
( يوم السبت بمركم في البيت العصر
ان شاء الله و ابي اوراق نقل ملكيتك من عمي الى ملكيتي )
هنا ولعت ريم ... و بعد فيها ملكيه ...
ارسلت له رساله ( ما نيب فاضيه للامور التافهه )
قرا وليد رسالتها و فطس من الضحك
عرف انها توترت و انزعجت من كلامه ...
ارسل لها : ( اذا ما طلعتي لي السبت قلت لعمي عن رسالتك
المحترمه )
هنا ريم ولعت و دقت عليه : ياخي يوم انك تبي تضايقني
ليش تزوجتني ... انا كنت برفضك و ينتهي الموضوع
وليد : .......... ريم : وليد لو سمحت رد علي ...
وليد : نو ...... ريم : وليد و الله تعبانه و مو فايقة لك ..
وليد و هو يسوي نفسه جدي : بشرط ..... ريم و بتنهد : وشوووووو...
وليد :قولي مبروك زواجنا يا حبيبي...
وليد بنفسه استغرب من نفسه .. وووين اللي بيادبها
طلعت خرطي و الله ... و عرفت تجيبني ..
مو مشكله خليني امشي معها خطوة خطوة
ريم : ............... وليد : احمم ريم ليش ما تردين !!
ريم و بتنهد : وليد انا اتكلم جد ممكن تكلمني جد ...
وليد بهدووووء : يعني وش رايك ..!! ابي اسمع كلمه حلوة منك ..
وش مفكره حياتنا بتصير اذا ما فيها كلام حلو من البداية ...
ريم و بعناد : مبروك زواجنا و بس .. و سكرت السماعه ..
هذا شكله لو اطول شوي معاه بيطلعني من طوووري
جاها مسج ( احلى بس سمعتها في حياتي )
مسكت راسها .. يا ربيييييييه هذا شكل الغربه
خلته باااارد احر ما عندي ابرد ما عنده ...
مو مشكله يا وليد و داوها بالتي كانت هي الداء
تمثل البرود و انا بصير فريزير .....







بيت ابو وليد ( 25 )




في غرفة ابو وليد .. بعد ما رجع يريح
دخلت عليه ام ثامر ... و سلمت ..
: وش الاخبار عسى املكتوا .. ابو وليد :
ابشرك املكنا الله يوفقهم ...
ام ثامر و بتملل : و الله انا موجعني قلبي يقولون زواج الاقارب مو زين
للعيال و المشاكل بينهم ..تاثر على العيله ..
ابو وليد : اشوف ما خفتي على نجلاء و عبد الاله ... و الا اهلك غير !!!
ساره : عبد العزيز وش دعوى هالاسلوب معي
ترا ياحبيبي كل الناس خسروا في الاسهم موب انت لحالك ...
ابو وليد : رجاء لا تتكلمين في هالموضوع و لو سمحتي
ابي اجلس بلحالي و خلي الشغلات يجيبون لي ليمون بالنعناع ...
تاففت ام ثامر و قامت وهي تحلطم على عمرها ..
دخلت غادة على ابوها و وراها ثامر و هم مبسوطين
و يباركون لابوهم خطبة وليد و شوي و يدخل عليهم وليد
اللي طمرت غاده و هو مقبل و حضنته بقوووة
وليد و بضحك : يا بنت الحلال ترا اذيتيني بهالمطامر ...
خليني اتنفس شوي ...ثامر وهو يبي يعاندها
غاده شوي شوي على المعرس ما خليتي شي للعروس
غاده : ثويمر مالك دخل ..... و التفت على وليد : الف مبرووك يا وليد
وليد و بابتسامه صادقه و هو يحط يديه في وجهها
الله يبارك فيك .. عقبال لك ان شاء الله
و راح وليد يسلم على ابوه و يبوس راسه ..
ثامر يكلم وليد : بغيت ابارك لريم بس استحيت ...
وليد و هو يرفع حاجب : ليش تستحي انت اخوهم من الرضاع ..
ثامر : مدري حسيت بالاحراج ..غاده : عساه يطول هالاحساس
ثامر : هذي اللي بتجلطني الحيييين .. ابو وليد : الحين جايين تباركون لي
و الا تكملون المسلسل ... ضحك وليد : عسى الله يطول بعمرك و تشوف مسلسلاتهم
و هم شيبان ... غاده و بتهكم : بسم الله علي .. اقعد له .. ان شاء الله اتزوج
و افتك من حضوره المربك المؤثر... ثامر و بتاثر : الله يخليك لا تقولينها
بتروحين و تخليني ..لاااااااااااااا .. ضحك ابو وليد : اقول برا
اطلعوا و كملوا برا غرفتي .. يالله اشوووف ..
وليد ابيك لا تروح ... طلعت غاده و ثامر و هم يتدافووون
بعدين سمعوا صوت ركض و صبخ بالباب ,,
وليد : الله يحفظك لنا ... ابو وليد : و يحفظك لنا انت بعد ..
المهم وليد مهر بنت عمك ما فكرت فيه ...بعد ما رفض عمك
في كتابة العقد ... وليد و بحيره : انا اقول يابوي وش رايك ابيع
جزء من اسهمي في سابك بتجيب مبلغ و قدره و احطه باسمها في البنك
تهلل وجه ابوه : هذا الراي و ان الله عافاني و قامت اعمالي
بردها لك و اعوضك عنها ... وليد : وش تعوض وش تخلي
يكفي انك مخلي البيت باسمي ....
ابو وليد : انت بكري و عصابة راسي المفروض
انا اللي اقدم لك مهر زوجتك ... وليد : الله يخليك لنا
ابوي بالنسبه للشغل ابي منك توكيل رسمي لي
عشان ابدا في تضبيط امور الشركه ... وش رايك نروح السبت
لكتابة العدل في الصباح ... اذا يناسبك ..
ابو وليد : تم ان شاء الله الصباح يوم السبت
وليد و هو يقوم يبوس راس ابوه : لا تهتم يالغالي
حلالك بيرجع لك و اللي ورطك بخسره ما وراه و دونه ..
ابو وليد : لا يا وليد بكيفهم ربي بيقاضيهم
انا مابي يجيك شي ... وليد : لا تهتم و لا تفكر بشي
يالله تامر بشي طال عمرك ...
ابوه : وين بتروح ... وليد : بروح لنايف ولد عمي
الليله متواعدين نسهر مع خويانا ...
ابوه : سلامتك ... طلع و ليد و كلم على نايف ...
اللي رد عليه و هو كانه يخانق احد قدامه .....











اشوفكم على خيرررررررررر


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 43
قديم(ـة) 19-07-2009, 11:21 AM
صورة دنيتي أمي الرمزية
دنيتي أمي دنيتي أمي غير متصل
©؛°¨غرامي مشارك¨°؛©
 
الافتراضي رد: جراح لن تلتئم / سعوود2001


يسلمووو على البارت بس والله قصير لالا امزح مو قصير ( خايفه من اتهديد ههههههه


يعطيك العافيه بالفعل اسلوب حلو بسرد الروايه

تحياتي لك

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 44
قديم(ـة) 19-07-2009, 02:20 PM
صورة &ضنانى الشوق& الرمزية
&ضنانى الشوق& &ضنانى الشوق& غير متصل
©؛°¨غرامي فعال ¨°؛©
 
الافتراضي رد: جراح لن تلتئم / سعوود2001


يسلمو على البارت
ولاتغيب اسبوع ترا ننتظرك بكرا

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 45
قديم(ـة) 19-07-2009, 03:22 PM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: جراح لن تلتئم / سعوود2001


ليش تغيب اسبوع حرام عليك

روعة البارت روعة من قلب


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 46
قديم(ـة) 19-07-2009, 11:37 PM
صورة Ro7 alwaRd الرمزية
Ro7 alwaRd Ro7 alwaRd غير متصل
©؛°¨غرامي فضي¨°؛©
 
الافتراضي رد: جراح لن تلتئم / سعوود2001


يسلموووووووو...روعه الباااااااااااارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 47
قديم(ـة) 19-07-2009, 11:56 PM
نجوم سهاري نجوم سهاري غير متصل
©؛°¨غرامي مشارك¨°؛©
 
الافتراضي رد: جراح لن تلتئم / سعوود2001


بصراح انا ما اقرا روايا ت ماهي كامله بس هذي شدتني في عنوانها غير اسلوبها الممتع وكانك وسط عائله سعوديه حقيقه اتمنى لك الاستمراريه في ها الاسلوب الرائع وننتظر البارت القادم ودمتم بود

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 48
قديم(ـة) 20-07-2009, 12:52 AM
وجــــــد وجــــــد غير متصل
©؛°¨غرامي جديد¨°؛©
 
الافتراضي رد: جراح لن تلتئم / سعوود2001


شكل الروايه فلللله
في انتظار البارت

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 49
قديم(ـة) 22-07-2009, 08:33 PM
عاشق قصص2001 عاشق قصص2001 غير متصل
عضو موقوف من الإداره
 
الافتراضي رد: جراح لن تلتئم / سعوود2001


احححححم ...... لقيت قصتي في الشارع السابع .....

يا ساااتر على الزحمه .... راح ارفعها لاني ممكن انزل البارت بعد كم يوم .. و اخاف القاها في الشارع الاخير

اذا مو عاجبتكم القصة ترا عادي عندي اوقفها هنا ... لانها مثبته هناك في منتداي الاساسي

عموما اللي ما يبي يحرجني يرسل لي على الخاص و بوقفها .... تكرم عيونكم ...




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 50
قديم(ـة) 22-07-2009, 10:33 PM
عطيت ولاخذيت عطيت ولاخذيت غير متصل
©؛°¨غرامي فعال ¨°؛©
 
الافتراضي رد: جراح لن تلتئم / سعوود2001


تسلم اخوي سعود على البارت الرائع

نايف اكبر غلط زواجه من اجنبيه ويا ما بيجيه من المشاكل

وليد انت ما سمعت الكلام من ريم سمعته من ام ثامر وشكلها تكذب

ابووليد اهم شئ انك عارف الي ورى ام ثامر واعجبتني يوم كسحتها يوم تتكلم عن زواج الأقارب

ريم وليد ننتظر الي راح يصير بينهم وشكل ام ثامر ماهي مخليتهم في حالهم


ننتظرك ولاتحرمنا ابداعك

لاتشوف الردود شف المشاهدات وبتقتنع ان روايتك رائعة

لكن احيان الواحديصيبه كسل عن الرد او انه زاءر ماهو مسجل با المنتدى

حفظك المولى


الرد باقتباس
إضافة رد
الإشارات المرجعية

جراح لن تلتئم / الكاتب : سعوود2001 ، كاملة

الوسوم
....... , اخر بارت صفحــــه 25 , تلتئم , حراج , سعوود2001
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
تيسير الكريم الرحمن في تفسير كلام المنان سورة الفاتحة والبقرة حلومي5555 ارشيف غرام 3 08-05-2009 10:26 AM
نناقش المكتوب أم نتناقش في الكاتب (خاص بالمسابقة المرحلة الأولى ) ∫ لَحْظَة هُدُوءْ∫ نقاش و حوار - غرام 33 05-09-2008 09:15 PM
مَن يحفظُ حقوق الكاتب ؟؟ ملك الألماس نقاش و حوار - غرام 8 04-06-2007 03:55 PM

الساعة الآن +3: 06:06 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1