اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 15-07-2009, 08:29 PM
عاشق قصص2001 عاشق قصص2001 غير متصل
عضو موقوف من الإداره
 
جراح لن تلتئم / الكاتب : سعوود2001 ، كاملة


السلام عليكم و رحمة الله ...

حاب اول شي اني ارحب فيكم في متصفح قصتي الثانية .. جراح لن تلتئم ...

قصتي الاولى كانت ( قلوب دافئة ) و قد عرضتها احد الاخوات هنا مشكورة ...

اما قصتي الحالية ... فحبيت ان اكتبها بنفسي ... و اشاهد تفاعلكم مع احداثها التي اتمنى ان تزرع

بذور الشوق و التفاعل مع احداثها ....




لكم مني كل التقدير و الاحترام



اخوكم : سعود2001 = عاشق قصص2001


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 15-07-2009, 08:31 PM
عاشق قصص2001 عاشق قصص2001 غير متصل
عضو موقوف من الإداره
 
الافتراضي رد: جراح لن تلتئم ....... سعوود2001




لقاااء عابر ( 1 )
شتاء باريس 2008



نزل بسرعه من الدرج بعد ما سكر باب غرفته بقوة ..... و يتكلم بسرعه و جواله مسنده على دقنه
و يزرر قميصه أي كلام .... : طيب انا جاي الحين لا تروح ... مسافة الطريق وجايّك ...
اوكي عرفت القهوة ....وطلع من البيت و ركب سيارته اللي بدت تخبط عليه... حاول يشغلها و الجو بارد ...
لازم يحميها اكثر من عشر دقايق ..........يا رب السموات متى تحتمي هالعلّه ,,,
مو مشكله بحرّك الحين و عند الاشاره تحمي على راحتها ...
وصل وليد للقهوة اللي اخذ عنوانها .. وقف السيارة في بارك قريب من القهوة و نزل بسرعه
و دخل القهوة اللي على اواخر الشانز بباريس ... و اخذ يدور بعيونه يتحرى يشوف نايف ...
تقدم شوي و الا بيد تضرب على كتفه .. و التفت على مصدرها ....وليد : حركاتك ما تخليها ابد ..
نايف ابتسم و ضم وليد بالاحضان ...في هاللحظه وليد ضمه بقوة اكثر ...: يا شين مخليني امشي مليون .. اشتقت لك نايف ...
نايف عيونه تلمع بدموع استحاله تنزل : خلها على ربك
ما اقدر اتاخر رحلتي بتبدى بعد 4ساعات و ان جلست اكثر من ساعه شوتوني من المطار
وليد و هو يعقد حواجبه : طيب ليش مستعجل فكرتك بتجلس بباريس يومين بعد رحلتك من واشنطن ..
مسك نايف يد وليد و قال تعال نمشي شوي برا .. انا طلبت و حاسبت .. اعترض وليد و قال :
انت الحين تراك ساحبني من المخده !! يعني على الاقل باشرب شي يصحصحني شوي اجلس و بطلب لك مرة ثانية ..
جلسوا على اقرب طاوله و من حسن الحظ القهوة فاضيه نوعا ما و ما كان موسم صيف و زحمه
جلس وليد يطالع بنايف اللي حط اصابع يده على جوانب راسه ..وليد : وش فيك نايف !!
وش اللي مضايقك !! نايف : مدري وش اقول لك .. الوالده ما تبيني اكمل دراستي بامريكا
تبيني ارجع للرياض عشان اتزوج .. و ابوي محتاجني قريب منه اشوف للمزرعه ومشاريعها ..
وليد : طيب انت ما بقى على دراستك شي يعني لك ست سنين اتوقع انك بتخلص
اخر سمستر هذا قريب ... نايف رفع راسه و يطالع وليد .. و ببرود : و من قال لك اني اصلا كملت !!!
وليد و بصرخه مفاجئة :وشوووووووو!!!!! .. طيب و اللي شفته يوم زرتك و جامعتك و خرابيطك
هذيك !!!!! نايف ...... !!! تكلم ..نايف : وليد بلا كلام زايد...... انا خذت الماستر و بس الدكتوراه ما قدرت
وليد :يعني ...خذت الماستر بثلاث سنوات ...و السنتين الي فاتت !!! نايف بصبر نافذ : يعني بصريح العبارة
انا اتزوجت لبنانيه و جالي ولد وسميته وليد ... وليد بحيرة : تزوجت !!!!!! والله يا صاحبي مدري وش اقول لك...تعال ... تقول سميته وليد !!هههههههههه الله يلعن بليسك .... على كلمتك لي ما اخلفت الوعد ....على فكرة
ترا ان تزوجت ما راح اسمي نايف ,,, ابتسم نايف و قال : لا تسمي انت .. اختي بتسمي غصب عنك ,,,
عقد وليد حواجبه : و اختك وش يخصها !!! نايف يرفع حاجب : ليش مو ناوي تتزوجها !!!!
وليد بصمت ... يطالع كوب القهوة الدافي ... : المهم نايف يعني راجع بزوجتك و ولدك للرياض بشهاده وحده
طيب كويس وفرت على الاهل لزوم الشبكه و المهر ههههههههههه نايف : الله يلعن بليسك ما تبطل من عيارتك
وليد : اسمع نايف مالك حل الا تواجههم بالامر الواقع ... اذا وصلت بالسلامه دق على عمي وقل له
كل شي باختصار .. و هو اكيد بيتفهم لان عمي مجرب الغربه قبلك ..
نايف : مدري يا وليييييد ... انا حاس انهم بيزعلون ... وليد : بيزعلون اكيد بس ولدهم و ناشب بحلقهم
مع الوقت بيتعودون ... معك صورة سميي ... نايف : من قال انه سمييك .. هذا سميي جده ابو امه ...
وليد : اووووف الجد وليد .. و الله قويه .. نايف و باستغراب : اشوف صاير خفيف دم يالحبيب و بالتلفون اكتئاب مزمن
وليد بتنهد : انا قررت خلاص .... بستقر هنا ,,,نايف : ليش !!! وليد بصوت مهموم : أحسن ابعد عن المشاكل ..
نايف : لا يكون متزوج انت الثاني ... !!! وليد : عاد شوفو من اللي يحكي !! فعلا كلن يرا الناس بعين طبعه ..
نايف : اجل وش السالفه !! .. وليد : انت ما عليك قم الحين رح مع ام وليد و و ليد يئبر الب امو و ابوه
و بعدين بحكي لك .... نايف : طيب وشلون بتحكي لي و انا راجع للرياض الان ... !!!
وليد : كالعاده مسنجر او تلفون او يمكن ترجع هنا ما تدري وش راح يصير لك ........ قمنا من القهوة و بعد ما حاسبت
وليد : تبيني اوصلك للفندق ... رفض نايف و قال : لا ماله داعي لاني بمر كم شغله سريعه ....
سلموا على بعض و على الوعد ان بينهم اتصال قريب ,,,,













قهر و سفر !!! ( 2 )

الرياض 2006





في بيت كبير و واسع ... في منطقة تعتبر من المناطق الراقية ... وتحديدا عند المسبح
وقف ثامر عند جال المسبح استعداد للقفزة الاولمبيه و بتركيز شديد .. الا بطلعة وليد من باب المخصص للحديقة ..
اللي شاف اخوه و على طول راح لجهته و بدون ما يحس قرصه مع خصره ....
ثامر و بدون توازن طب في المسبح و صار يخابط الماء .. ثامر : يا حيوااا..... شاف وليد يبتسم و فيه الضحكه
وقطع الكلمه : يا شيخ حرام عليك مركز بسوي حركة جديده ... و تجي تخرب علي ..
وليد و بضحكه قويه شوي و يحط ايديه بجيوب الشورت : يا زين الحركه الجديده !!! لك ساعه و انت تطالع المسبح ..
قلت انهي الموقف قبل لا تتهور ... ثامر و يمسح بيده على عيونه : فكرتك الانسة غادة
بتجي تكمل علي بعد ما زفني الوالد .... وليد و باستغراب : ليش و ش مسوي لها انت !!
ثامر : و لا شي بس كسرت اللاب توب حقها ... ضحك وليد : و ليش يا طويل العمر تكسر جهازها !!
ثامر و هو يرفع كتوفه : قلت لها عطيني اياه بركب فيه سيدي .. رفضت... اخذ ته و صقعته بالجدار ..
وليد و بتفكير : اها و انت اذا احد قال لك لا ما عندك تفاهم !! .. ياخي عندك جهازك ليش ما ركبت السيدي فيه !!
ثامرو هو يغمض و يفتح بعيونه من موية المسبح : جهازي مليان فيروسات و غادة جهازها جديد ... فقلت هي جهازها بيتحمل ...
ويقاطعهم صوت مارلين : مستر وليد يور فاذر وانت تو تووك ويذ يووو .... وليد التفت على مارلين نص التفاته :ويير
مارلين : ان ذا اوفيييس ... رمى وليد وردة جوري كان قاطعها قبل لا يتجه للمسبح رماها على ثامر ...
وقال له و هو يضحك : وردة حبنا ...كمل سباحة يا بطل ....ضحك ثامر ... : شكرا حبيبتي ...رفع يده وليد و هو معطيه ظهره .....
دخل وليد البيت و اتجه للمكتب و كان الباب مفتوح و سمع صوت ابوه و زوجته .. خلاص انا بفهمه بطريقتي
انتي لا تتدخلين .... طيب اذا رفض ... قلت لك ما عليك انا اعرف وليد زين ...ما يرد لي طلب
وليد : احممممم ... مساء الخير ... ابوه و هو يطالعه : مساء النور تعال وليد ادخل ابيك بموضوع ...
سارة روحي فوق و جيبي اللي قلت لك عليه .... سارة و بتمسكن : ان شاء الله يا عمري ..
وليد يطالع ابوه و زوجة ابوه اللي ما ردت عليه و حاسس ان الموضوع فيه غلقة ....
جلس وليد على الكنبة المقابلة لابوه و مدد رجوله و ارتخت ايديه على الكنبه براحه : سم طال عمرك !!!
ابو وليد و بضيق : انا عارف انك ما راح تخيب ظني فيك يا وليد ... انت عارف اني ما اقدر اسافر كثير
و خاصة بعد الدسك اللي جاني ... و امورنا التجاريه في اوربا تبي احد يتابعها
و انا ما اقدر اخلي الاجانب يمسكون اوراق مهمه بايديهم .. وانت ما عليك فاهم الشغل كله
لذلك بخليك تمسك الشغل هناك لو على الاقل نصف السنه و هو اللي راح يكون فيه الضغط علينا
.... لحظات صمت ... وليد و بعد تفكير ... : طيب و الامور الثانية .. اعتبرها خلاص منتهية ...
ابو وليد و بتنهد ...: اكون صريح معك يا وليد سارة من بعد الموضوع اللي صار و هي متضايقه
منك و طلبت تطلع ببيت ثاني و انا ما فيني اغيرالبيت و تونا مأثثينه و مجددينه و مبسوطين فيه ... لذلك
افضل حل انك تمسك شغلي هناك برا المملكه و نرتاح كلنا و الزمن كفيل بالنسيان .....
وليد و بحرقة تكويه :اوكي طال عمرك اذا ما تبيني اسكن عندكم اروح ادور لي بيت ثاني خاص فيني ...
ابو وليد : وهذا الجزء الثاني من اللي بطلبه منك يا وليد .... انت الحين رجال عمرك فوق 29
يعني محتاج لاستقرار و بتتزوج ... فانا ابيك تتزوج بنت عمك خالد ريم و تستقر مرة وحده ..
هنا وقف وليد بصورة مفاجئة : الى هنا يا طويل العمر و ما قدر انفذ اللي تبي ... اذا على الشغل برا
انا ما عندي مانع ... اما الزواج فاتوقع ا ن هالشي من خصوصياتي انا و انا بس اللي اقرر متى اتزوج !!!
متى تبيني اسافر !!! ..... ابو وليد.. : طلع الفيزة و اقرب حجز لك ... لان فيه عقود ابيك توقعها و انا راح اعطيك
توكيل رسمي هناك ... وليد بملل : تبي مني شي طال عمرك ... مواعد لي واحد بعد الصلاة ...
ابو وليد و بضعف : ابد سلامتك ...
طلع وليد من الغرفة و كان بيصدم سارة اللي جالسة تتسمع الكلام اللي دار بينه و بين ابوه
ابتسم وليد في وجهها و بنظرات خفيفه ..: عن اذنك يا ام ثامر ...طالعته ساره و هو مقفي عنها بسخريه ...












الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 15-07-2009, 08:32 PM
صورة لبى قليبك الرمزية
لبى قليبك لبى قليبك غير متصل
©؛°¨غرامي جديد¨°؛©
 
الافتراضي رد: جراح لن تلتئم ....... سعوود2001


لبى قليبك يا خووي ..~
لي عودة ..~

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 15-07-2009, 08:51 PM
عاشق قصص2001 عاشق قصص2001 غير متصل
عضو موقوف من الإداره
 
الافتراضي رد: جراح لن تلتئم ....... سعوود2001



ترقب ... ( 3 )




الرياض
في بيت خالد ( ابو نايف ) ... و اللي كان على مسافة قريبه من بيت عبد العزيز( ابو وليد).....
.ما بينهم الا سور و فيه باب كانت ام نايف جالسة تتقهوى مع ابو نايف
العصر في جلسة برا قبال المسبح و الجو كان دااافي و منعش مع شمس صافيه .........

( عل فكرة بيت ابو نايف مثل تصميم بيت ابو وليد و بجنب بعض )
و يسولفون عن خطيب جاي لريم بنتهم ..
ابو نايف : بس انا معطي ابو وليد كلمه من زمان ... ان ريم لوليد
ام نايف و بضيق : يا بو نايف الحين ريم ما بقى لها شي و تتخرج
هالترم ان شاء الله ...و وليد ما قال شي لا هو اللي تقدم و لا حتى ابوه ....
يعني نخلي البنت و نوقف رزقها عشان كلمة قيلت وهم صغار ...
ابو نايف و هو يهز راسه محتار : مدري و الله !!! ....
ام نايف بفكره جديده : طيب وش رايك تقول لابووليد
ان ريم متقدم لها واحد كفو ... فاذا وليد ماله خاطر فيها نزوجها ....
ابو نايف : ابشوف الليلة ان شاء الله.. بشوفه بعد صلاة المغرب و بتكلم معه ....
ام نايف وبتأوه : مدري بعد عن نايف هو كلمك بعد مكالمته الاخيره قبل امس!!
ابو نايف : لا ما كلمني .. قال برتب اموري و بجيكم باقرب فرصة ...
انا مدري ليش حاس ان نايف مخبي علينا شي ..
ام نايف : وش يخبي .. اصلا لو بيخبي بيعلم اخته أمل دايم تكلمه و يكلمها ...
و امل ما تخبي عني شي ... لا توسوس و تفكر و انت راعي سكر و ضغط ...
ابو نايف : الله يستر .. ولدي و اعرفه زين ..الا وين امل من زمان
ما جتنا لي كم يوم ما ما شفتها ...
و دخلوا بسواالف جانبيه اكثر ....










مفاجأة ..... (4 )




باريس


وليد : .... و انت كيف وضع اهلك مع اهلك ههههههههههه
......... .............
وليد : اهم شي انهم تقبلوا زوجتك ......قايل لك ولدهم و ناشبن لهم
..............................
وليد : وش قال عمي على وليد الصغير !!!..ههههههه
........................................
وليد : و الله ما يحصل لي اجي عندي كم شغله
و لازم اسافر لايطاليا اليومين هذي ..
و انا باذن الله راح انزل الرياض برمضان عشان كذا
احاول اخلص بعض الامور هنا
............................
وليد : طيب انت الحين خلاص نهائيا مقاطع الرجعه لامريكا
..............................
وليد : الله يوفقك اهم شي تكون مبسوط ...... مين أنا !!! لا تونا يا حبيبي
و الا تورطت و تبين اجرب الهنا اللي انت فيه .. لا عارف قصدك لا تخاف ....
يالله حبيب البي .. اشوفك برمضان ان شاء الله .. سلام ...
سلم لي على عمي ....و خالتي ...
سكر وليد السماعه من نايف .. و راح لمطبخ تحضيري قريب
و فتح ثلاجة العصاير و اخذ له عصير خوخ و صب له في كاس
و شغل التلفزيون على العرب سات ... وجلس على الصوفا متمدد يفكر بحالته ..
يا ترا لو ان امه موجوده كانت بترضى ان ولدها يروح عنها ....
ام ثامر آآآآخ منها ... ما يدري ليش تكرهه ....مع انه راقي معها في التعامل ...
تزوجها ابوه ( بعد ما توفت ام وليد بحادث سياره مع اخوها بثلاث سنوات )
و وليد عمره 8 سنوات و كان فرحان فيها ..و فرح اكثر بعد ما جابت
ثامر و نجلاء و غادة ...
نجلاء ابتسم و هو يتذكرها تزوجت وراحت مع زوجها بكندا
من سنتين و نصف ......تراوده الفكرة انه يروح لهم اجازة الفصح
او عيد البيض الملون مثل ما يقولون ...
نجلاء اول بنت من ام ثامر عمرها 20سنه دخلت معهد الاداره و تخرجت
و تزوجت عبد الاله ( 29 سنه ) ويكون ولد خالتها .. انسان محترم و خلوق و طموح ..
اما ثامر اخوه ( 18 سنه ) ثالث ثانوي و مختار علوم اداريه يدرسها
ما يبي الشرعي و لا العلمي شاب خلوق و يقدّر و يعشق وليد جدا
و يعتبره قدوة له بينهم تقريبا عشر سنوات لكن هذا الفارق ما أثّر
على معاملة وليد لاخوه ... الاخيره غادة ( 17 سنه ) ثاني
ثانوي بمدارس الرياض جديه ذكيه تعرف تدبر نفسها
و تحب تتملك اشيائها بحيث الاخرين ما يقدرون يطلبونها
او يلمسون اشيائها و مجتهده في دراستها .....
سارة زوجة ابوه عمرها ( 45 سنه ) انسانه غامضه باردة
و ذكيه تعتقد انها طيبه اول ما تقابلها كلامها قليل حتى مع ابنائها ...
اذا صارت الفكره براسها اجباري تنفذها حتى لو عارضت الاخرين
ما تحب تدلع ابنائها و هذا الشي في صالحهم و لا ترضى عليهم
بالدرجات المتدنية دراسيا ,, و ابنائها يهابونها اكثر من ابوهم
علاقتها بوليد علاقة بارده و اكتشف وليد هذا البرود من اول ما انجبت نجلاء ..
واستمرت برودها معاه حتى بعد ثامر و غادة ....
كانت تبي وليد يخطب اختها ..و هذا سبب ترك وليد للبيت
حتى تضمن ان العيله تحت سيطرتها ...
و كان وليد يعتقد احسن شي فيها انها معارضة زواجه من بنت عمه ريم ..
و كان مرتاح جدا ... و تفاجا انها تخطط تزوجه لاختها ساميه ( 29 سنه) ...
و هنا اشتعلت الحرب البارده اكثر و اكثر بينها و بين وليد...










الماضي يعود ... ( 5 )





الرياض


في بيت ابو وليد ... طلعت سارة من غرفتها بعد ما طلع منها الدكتور
و راحت لغرفة ولدها ثامر ...
سارة : ثامر كلم اخوك بسرعه ابوك تعبان ما يقدر يكلمه
و قل له يجي على اول طياره ... ..
ثامر و هو يفز بفزع : ابوي فيه شي يمه ......
ساره تطمنه : لا حبيبي الدكتور لسا طالع من عنده و يقول لو يجي وليد
عشان يرتاح ابوك في البيت ...الحين انت دق على وليد و قل له ...
ثامر : ان شاء الله يمه ........ حاول يدق ثامر على وليد والخط يعطي
مشغول و الجوال مغلق ... وش فيه الثاني ما يرد
وينك وليد لازم ترد ...يا شين الانتظااار ... يا ليتك ما رحت عنا يا وليد....
بدق مرة ثانيه ..... : الوووووو ... وليد ...
وليد و بضحكه صغيره : هلا و الله بالبطل شلونك حبيبي......
ثامر : هلا وليد كلنا طيبين الحمد لله .. وينك ادقق عليك مشغول و الجوال مغلق ...
وليد : الجوال يشحن بطاريه و انا كنت تحت اكلم نايف .. ليه عسى ما شر
ثامر و بلهجه مهزوزه شوي : لاااا ما ... مافيه شي ... بس الوالد طلبني اكلمك لانه ما يقدر ...
وليد و بخوف : وش فيه ابوي !!! ثامر : هاااه .. تعبان شوي و جا الدكتور عنده ...
و قال لازم ترتاح واجلس بالبيت ... والحين ابوي يبيك ترجع للرياض ....
وليد و هو يحبس انفاسه : ثااامر ابوي وينه !!!
ثامر : و الله في البيت بس مريح ما يقدر
يكلمك عشان ماخذ منوم مدري مهدي .....
وليد : متى تعب ابوي ... ثامر : قبل امس ...
وليد وهومعصب : وليش ما اتصلت علي اول ما تعب ...
ثامر و بقلق مندفع : مدري يا وليد ما ادري .. بس قالت امي مانبي نزعجك...
انت لازم تجي هنا بالرياض لازم ... انا ما اعرف لشغل ابوي و عندي شهاده
و اخاف احد يستغل الوضع تكفى وليد لا تتركنا ترا احنا و لا شي بدونك .....
و لا تهتم لكلام امي ... انا عارف كل شي ...
وليد و هو يقاطعه : ثامر اهدى حبيبي اهدى شوي ... يعني ابوي حالته خطره
...ثامر : مدري .. بس شكلها كذا
وليد : ثامر عطني امك بكلمها ...
ثامر : ما عليك من امي انت تعال و بتعرف كل شي بنفسك ....ارجوك وليد
من جد المساله لازم تجي في اسرع وقت و حط ببالك انك
ما راح ترجع لباريس مرة ثانيه ...
وليد : خلاص ثامر ... انت اهدى شوي ... و نفذ كلامي بحذافيره ...
تروح للشركه الان و تقول لعصام يقول لك وليد لا تسوي أي شي
و خليه يوقف الفاكسات لا يرسل شي لحد ما اجي ..
بشوف اذا فيه حجز الليله انا جايكم الصبح ان شاء الله ...الله يسهل ......
ثامرو بفرحه : حبيبي و الله ابو خالد الله يخليك لنا ...
خذ احتياطك في باريس و روما عشان لو تطول بالرياض
يكون كل شي مضبوط ...
وليد : ما عليك انا مضبط الوضع و حاط كل الاحتمالات لا تخاف ...
الحين قل لي وشلون طاح ابوي ...
ثااامر : ما عرفت وش اللي خلاه كذا كل اللي اعرفه
ا ن امي كلمت الدكتور مصطفى و جا عندنا بالبيت و يقول
اشتباه جلطه و عطاه ادويه و جلس عنده الدكتور
الى امس و قال له لا تسوي أي مجهود حتى التفكير لا تفكر ...
و اليوم قال لامي : يستحسن انكم تتصلون على وليد يجي...
حتى يروح للشركه بدل ابوه ... حتى يرتاح ابو وليد و ما يفكر اكثر
وليد : اهاااا ... يالله انا بروح احجز و انت نفذ اللي قلت لك عليه
واذا فيه اوراق مهمه .. قول لعصام يعطيك اياها
لا تخلي شي بالمكتب ... ثامر و بحمااس : اوووووووووكي حبيبي نتظرك ...
سكر التلفون منه كان واقف و هو يكلم اخوه ....
جلس و حط راسه بين ايديه ..الله يستر لا يكون المشروع اللي
داخلينه في جده صار عليه شي !!
لان ابوه دايما يكلمه عنه و متوسم فيه الربح !!!
ابوي ما يطيحه الا الشي القوي اكيد فيه شي صاير ...
مسك التلفون و طلب من ميشيل انه يحجز له على الرياض
دايركت و اعطاه تعليمات للمكتب بباريس
وبروما و طبعا اعطاه بعض الصلاحيات البسيطه ...
وليد درس التجارة و الاقتصاد الاسلامي
في جامعة الامام محمد بن سعود .. و كان ذكي دراسيا و عمليا
قدر يدخل في عالم الاعمالو بتطبيق سياسه جديده
ياخذ احتياطاته من أي احتمال يطرا في عالم الاعمال
و بنفس الوقت بمرونه تخلي اللي يشتغل معاه و كانه اهم واحد ....









اشوفكم على خيررررررررر




الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 15-07-2009, 09:01 PM
وقار الصمت وقار الصمت غير متصل
©؛°¨غرامي مشارك¨°؛©
 
الافتراضي رد: جراح لن تلتئم ....... سعوود2001


سلام - بصراحة اشجعكم تقرو القصة
قصة جناااااااااااااااااااااااااااااااااااااااااااااااا ااااااااااااان

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 15-07-2009, 10:17 PM
صورة آلعَنودَ الرمزية
آلعَنودَ آلعَنودَ غير متصل
©؛°¨غرامي مبدع¨°؛©
 
الافتراضي رد: جراح لن تلتئم ....... سعوود2001


الرواية روعة
موفق باذن الله..)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 15-07-2009, 10:18 PM
My_novels04 My_novels04 غير متصل
©؛°¨غرامي فعال ¨°؛©
 
الافتراضي رد: جراح لن تلتئم ....... سعوود2001


مشكور اخوي سعود 2001 ولي عودة بقراءتها مرة ثانية...

تقبل مروري
أخوك: ابيك مابيهم

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 15-07-2009, 11:36 PM
صورة &ضنانى الشوق& الرمزية
&ضنانى الشوق& &ضنانى الشوق& غير متصل
©؛°¨غرامي فعال ¨°؛©
 
الافتراضي رد: جراح لن تلتئم ....... سعوود2001


الروايه شكلها حلوة اتمنى انك تنزل بارت ثانى لأنى انشديت لها مرة

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 16-07-2009, 12:02 AM
صورة خيال عابر الرمزية
خيال عابر خيال عابر غير متصل
©؛°¨غرامي مشارك¨°؛©
 
الافتراضي رد: جراح لن تلتئم ....... سعوود2001


الرواية رائعة لكاتب يعرف ماذا يقدم ^_^
وله تجربة رائعه عشنها مع تلك القوب الدافئة ..
ونعيشها الان في تلك الجراح التي لن تلتئم ..
موفق اخي :)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 16-07-2009, 01:43 AM
صورة كـــايـــد الـــريـــم الرمزية
كـــايـــد الـــريـــم كـــايـــد الـــريـــم غير متصل
شـــلــة الــزعــيــم
 
الافتراضي رد: جراح لن تلتئم ....... سعوود2001


روعة الرواية اخوي كملها في انتظارك

الرد باقتباس
إضافة رد
الإشارات المرجعية

جراح لن تلتئم / الكاتب : سعوود2001 ، كاملة

الوسوم
....... , اخر بارت صفحــــه 25 , تلتئم , حراج , سعوود2001
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
تيسير الكريم الرحمن في تفسير كلام المنان سورة الفاتحة والبقرة حلومي5555 ارشيف غرام 3 08-05-2009 10:26 AM
نناقش المكتوب أم نتناقش في الكاتب (خاص بالمسابقة المرحلة الأولى ) ∫ لَحْظَة هُدُوءْ∫ نقاش و حوار - غرام 33 05-09-2008 09:15 PM
مَن يحفظُ حقوق الكاتب ؟؟ ملك الألماس نقاش و حوار - غرام 8 04-06-2007 03:55 PM

الساعة الآن +3: 06:15 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


تصميم دريم تيم

SEO by vBSEO 3.6.1