منتديات غرام روايات غرام أرشيف الروايات المغلقة - لعدم إكتمالها رواية حرميتنا يا دنيا من الغالي حرميتنا
بنت الغريب ©؛°¨غرامي جديد¨°؛©

الســلام عليكــمـ..

هذي روايه.. لوحده من قرايبي..

قالت لي حطيها بأي منتدى انتي مسجله فيه..

لان اللي هي مسجله فيه.. ما يحمسونها..فحبيت احطها هوووووووووووون...

ان شاء الله تعجبكمــ..

((( الـبـارت الأول )))



في صباح الاربعاء كان الكل في شغله ومدرسته وجامعته...
الهنوف حطت ملزمتها وجلست: هاااااي...
ديما+ريما: هايات..
ديما: المفروض تقولين هاي قبل ما تجلسين مو بعد ما تجلسين...
الهنوف: عادي كله واحد...
ريما: وش فيك تأخرتي؟؟؟..
الهنوف: بعد ما طلعت من المحاضره رحت ارجع الملزمه اللي حقت المحاضره فشفت الملزمات مو مرتبين فرتبتهم وجيت...
ديما: والللللل... سوتيها قصه..
الهنوف: لا نص قصه والباقي اللحين... المهم تعالي اليوم عندي بالبيت؟؟..
ديما: وش المناسبه؟؟..
الهنوف: على افتتاحي لمنتدى جديد...
ديما صدقتك: صدق وش اسمه؟؟..
الهنوف: غبيييييييييه... لامناسبته ولا شيء بس حبيت نعزم نفسنا في البيت ونفلها ليوم الجمعه..
ديما: ok الجود بتجي؟؟..
الهنوف: ما ادري... بدق عليها اذا رجعت... وانتي يالطعسه تعالي بعد؟؟..
ريما بدلع: ما ادري.. بشوف عموري اذا رضى بجي واذا مارضى ماراح اجي...<<< عمر اخو ريما...
الهنوف تقلدها: لاااااااا... تكلمي عدل بس.. المهم قولي لعموري حقك ... تقولك خويتي المجهوله اللي هي انا اذا ماوديتني لها بتذبحني ولا راح تشوفني مره ثانيه..
ريما بدلع علشان تقهرها<<لانها ماتحب تشوف احد يدلع>>: لاااااا...يعني اذا موتيني من اللي راح تسولف معك وتعور راسك وتطفشين منها وتضربينها بدون سبب؟؟..
الهنوف: ياعمري عليك حاسه فيني... ماراح اذبحك واصلا ما اقدر اذبحك قلبي مايطاوعني..
ريما ضمتها: احبك والله احبك... احبااااااااااااك...
الهنوف: ادري وانا بعد احبك..
ديما: رييم خلاااص بعدي..
ريما: ما ابي احبها احبهااااااااااااااااااااااااااااا...
ديما: ادري...بس شوفي البنات يطالعون..
ريما طالعت البنات وبعدت عن الهنوف ونزلت عيونها للارض: احم احم... وجع عليهم كأنهم اول مره يشوفون وحده تضم خويتها...
الهنوف وديما ضحكوا عليها...
الهنوف: ديما وين عذاري ماجات اليوم؟؟..<<< عذاري صديقة ديما..
ديما: لا المخفه ماقالت لي...كان انا اللحين رايحه في سابع نومه... بس اذا رجعت بدق عليها..
الهنوف: سلمي عليها...
ديما: يوصل...
ريما: سلميلي عليها انا بعد..
ديما: يوصل...

اعرفكم عالبنات..
!!!!!!!!!!!!!!!!!!!!!!!!!!!!!!!!!!!!!!!!!!!!!!
عائلة بو فيصل:
بو فيصل( محمد ): مشغول بشركته وسفراته.( ابو فيصل زوجته الاولى ام الهنوف (مشاعل)توفت بعد ماولدت الريم بخمس سنوات وبعد كم سنه تزوج منى وجاب منها فيصل )... يحاول انه ما يسافر كثير علشان بناته ما يسوون مشاكل مع منى وخصوصا الهنوف...

أم فيصل( منى ):مرت ابوهم – معلمة دين بالمتوسط..طيبه وحنونه على بنات زوجها وتحبهم...بس الهنوف والعنود ما يتجاوبون معها...لكن العنود شوي..

الهنوف:(20) سنه أولى جامعه ( بطلة الروايه ) ماخذه الدنيا مرح ولعب وضحك. ....حلوه وجذابه و عربجيه وحبوبه.. ما تاخذ على خاطرها من احد لاكن اذا شيء اسمه مرت ابوي ماااااااااااااا تحبه... ( ما تحب مرت ابوها ولا حتى فيصل.. ماتهتم لهم واذا نادتها تتصيمخ ما كأنها نادتها)...ولها صفات ثانيه بنعرفها من خلال الروايه..

العنود:(18) ثاني ثانوي مهتمه بالحيل بدراستها واهم شيء انها تنجح. خفيفة دم وحبوبه ومن ناحية الجمال تشبه الهنوف لكن الهنوف اجمل منها ... (هي ما تحب مرت ابوها بس محترمتها لأنها بمقام خالتها مو امها)..وهم لها صفات ثانيه بنعرفها بعدين..

الريم:(16) ثالث متوسط هادئه بالحيييل... بنت جميله وفيها شي يجذب بشخصيتها وهو اسلوبها مرررره محبوبه من الكل واللي يطالعها يحس ببرائه في عيونها...( تحب مرت ابوها وتقول لها ماما ويما وتدلعها يعني تعتبرها امها بس الهنوف غصب تبيها تكرهها)...وبعد هالطيبه والهدوئ راح تتغير وتشوفون وش راح تصير..
أخر العناقيد (فيصل): (4سنين) الكل يحبه لان كلامه يعجب الكل الا الهنوف تنزعج منه وتكررهه..
!!!!!!!!!!!!!!!!!!!!!!!!!!!!!
عائلة بو سعود:
بو سعود ( عبدالله): كان يشتغل في أرامكو في الشرقيه ولكنه استقال... وبعدها استقر في الرياض مع اهله..
أم سعود( مضاوي): كانت تشتغل مدرسه في الشرقيه ولكنها استقالت تكون مع ابو سعود بكل كلمه يقولها.... تحب بنات عمامهم الا الهنوف ليه؟؟.. كذا من تشوفها تشمئز منها...<<على بالها جرثومه ولا حشره..غبيه ماتعرفها عدل>>..

سعود: (21) سنه ثالث جامعه << داخل قبل يومه المدرسه >> .. يحب يمزح حتى لو كانت نكتته بايخه واذا شاف بنت عمه الهنوف يطفشها.. حبوب وجميل بمعنى الكلمه...محبــوب عند العيله كلهـا..
ديما: (20) سنه أولى جامعه فيها بعض من الجرأءة وبعض الاحيان رجججه..جذابه ومره كيوت ما تحب احد يغلط على الهنوف او يسوي لهاشيء لانها تعتبرها اختها ....

نواف: (18) ثالث ثانوي هادئ لدرجه انه بعض الاحيان ما يعطي رايه لأحد ويقول:(أنا رايي مايهم) وسعود ينزعج من هدوءه... كثييييييير النوم. وسيم لأبعد درجه...

تركي: (16) ثالث متوسط دائماً ما يكون مع أخويائه في الملعب. حتى في الإجازه إذا أهله بيسافرون يقول (ماني رايح) ولكن اهله مايقدرون يخلونه وحده في البيت<<<< على انه صغير.. حبوب وطيوب و رجه ومزعج وخبل ومهووووووووس بالكوره...

أخر العنقود(المها): (4سنين) بزره مثل أي بزره ... أي شيء تقوله حتى لو قلتي لها لاتقولين...( ام علوم ) وكلامها مثل فيصل ولكنه أحسن منها شوي.
!!!!!!!!!!!!!!!!!!!!!!!!!!!!!!!!!!!



وريما...
!!!!!!!!!!!!!!!!!!!!!!!!!!!!!!!!!!!!!
ريما: ( 20 ) تدرس باولى جامعه... خويت الهنوف الروح بالروح... كل وحده تحكي للثانيه عن همها وضحكها... ريما فيها رجة الهنوف شوي... بس من يصير شيء للهنوف او ان احد يزعلها ماااااااااااااااااااااااااااا ترضى ... وراعية فزعاااات... وفيها دلع الاطفال...ودائما تحن على اخوها بالزواج مره ثانيه بس هو راااااافض..بعدين بنعرف ليه؟؟... وتحب شيء اسمه باااااااونتي... مجنونة باونتي .. مخبولة باونتي حتى انها مسجله بمنتدى ولقبها فيها ( بــاونـتـي)...كل شيء بجياتها باونتي..<< ذكرتني بخويتي ( L )..
!!!!!!!!!!!!!!!!!!!!!!!!!!!!!!!!!!!!!!!!!!
...............................
عند الجود والعنود....
الجود: العنود تراني زهقت من الجلسه وحدي في البيت تعالي نامي معي أنتي وخواتك.
العنود: أحلفي ... وأخوانك نستيهم؟؟؟
الجود: أنتي وش عليك من أخواني... هم راح يروحون كشته هم وعيال عمي ليوم الجمعه... يعني نأخذ راحتنا بالبيت وحدنا.
العنود: OK ... بقول لابوي...
الجود: بس لاتنسين تجبين فيصل معك...
العنود: ايوه قولي من الاول انك تبين فيصل ما تبينا حنا!؟!
الجود: لامحشومين بنات عمي ... بس أشتقت لفيصل ومهاوي من زمان ما شفتهم أحس هالأسبوع طويل؟؟؟
العنود: صدقتي أحسه شهر مو أسبوع ... وديما راح تجي؟؟؟
الجود: الصراحه ما أدري بس بدق عليها اذا رجعت البيت ...
العنود: تكفين خليها تجي من زمان ماشفتها... أشتقت لها ...
الجود: حاااااااضر حتى أنا أشتقت لها ...
قاطعهم جرس المدرسه .... ررررررررررررررررررررن ...
العنود: افففففففففففف ياربي ما صدقت إن الفسحه تجي واللحين ترن...
الجود: حتى انا ... يالله قومي بتجهز للأختبار ...
العنود: يالله ... سلاااااااااااااااام ....
الجود: سلاااااااااااااام....
عرفتوا العنود... واللحين الجود واهلها..
!!!!!!!!!!!!!!!!!!!!!!!!!!!!!
عائلة بو خالد:
ابو خالد(عبد العزيز): رجل غني مدلع بنته واكثر اهتماماته بعياله والشغل... يسمع لعياله ويقعد معهم كثير...

ام خالد( نورة ): مدرسة أطفال تهتم بأولادها وخصوصاً بنتها الجود لانها الوحيده بين أخوانها.
خالد: (20) سنه ثاني جامعه مزاجي (هادئ – عصبي ) مدلع أخته ويحبها يفضفض لها بكل شيء. جميل لابعد درجه..

فهد: (18) ثالث ثانوي عربجي يحب يزعج خالد والجود (يحب شيء أسمه نوم).فيه شبه من خالد لكن فهد عيونه كبيره وخالد صغيره. وفمه صغير.
جود: (17) أولى ثانوي بأختصار دلوعة أهلها... مرة حلوة ونعومة تحب شيء اسمه اطفال..
!!!!!!!!!!!!!!!!!!!!!!!!!!!!!!!

وبعد انتهاء الدوام الكل رجع للبيت ...
الهنوف دخلت البيت وشافت ام فيصل ترتب البيت ما اهتمت لها وصعدت لغرفتها... ام فيصل كانت بتكلمها بس قالت: ماراح ترد علي... دخلت الهنوف غرفتها و قفلت عليها الباب وشغلت اللاب توب وجلست عليه... قالت مو اللحين تجي الجود بعدين بدق عليها...
.......................................


بنت الغريب ©؛°¨غرامي جديد¨°؛©

تـــــــــــــــــــــــــــــــــــابــــــــــــ ـــــع...

الجود: يما ... يـــمــا ... وييينك؟؟؟
أم خالد: تعالي الجود انا بالمطبخ...
الجود: السلام عليكم...
ام خالد: وعليكم السلام... هلا ببنيتي وش سويتي بأختبارك؟
الجود: الحمدالله حليت كويس... جاء أبوي وأخواني؟؟؟
ام خالد: لا ماحد جاء... روحي خذي شور وتلقينهم جايين...
الجود: طيب... يالله سلاااام ...
ام خالد: الله يسلمك.
طلعت الجود من المطبخ وخالد وفهد دخلوا البيت...
الجود: هلا بأخواني ... تو مانور البيت ...
خالد: منور بوجودك أنتي وأمي ...
فهد: فكونا أنت وياها تتغزلون في بعض كأنكم حبايب ... أم خالد وينهي؟؟؟
الجود: الله يعين أم خالد عليك ... هي بالمطبخ؟
فهد: طيب أبوي جاء؟؟؟
الجود: لا ... لسى ماجاء ... وش فيك ما غير تسأل؟
فهد(بدون نفس): أبد سلامتك ... بروح بأخذ شور بسرعه وبرجع أسلم عليها...(ومشى لغرفته).
الجود: على راحتك ... خالد وش فيه فهد؟؟
خالد: علمي علمك ... عن اذنك بروح اسلم على امي وبعدها بشوف وش فيه...
الجود: اذنك معك ...
راح خالد سلم على امه وبعدها لغرفته اخذ شور سريع وراح لفهد:
خالد: ممكن أدخل؟؟؟
فهد: تفضل...
خالد: ممكن اتكلم معك؟؟؟
فهد (عدل جلسته ويتكلم بدون نفس): تكلم ... مع اني عارف وش بتقول؟؟
خالد: مدامك تعرف وش بقول قولي وش فيك؟؟؟
فهد: تذكر موضوع سفرتي لبراء!!!!...
خالد: ايوه اذكر ... وش فيها؟
فهد: اليوم رحت لأبوي الشركه وكلمته بالموضوع؟؟
خالد: وش قال؟
فهد تنهد:آآآآآآآآآآآآآآآآآآآه ... رفض؟؟؟
خالد: افففففففففف ... طيب اليوم اذا جاء من الشركه فاتحه بالموضوع مره ثانيه بس قدام امي يمكن امي ترضى وتقنعه معها..
فهد: بحاول ... بس ابيك تكون جنبي وانا اقوله؟؟
خالد: افا عليك كيف اتركك بها الوضع ... هذا لأجل مستقبلك وأنت ماراح تروح سياحه راح تروح تكمل دراستك مو لوحدك مع صديقك محمد... قوم توضأ وصل صلاة استخاره انشاءالله ابوي يغير رايه ... يالله عن اذنك...
فهد: اذنك معك..
بنفس اللحظات عند الجود...
اخذت شور وبدلت ملابس المدرسه ولبست قميص ودقت عليها الهنوف...
الجود: هلا والله بهنوفه ... وش اخبارك؟؟؟
الهنوف: هلا فيك .. الحمدالله بخير دامني سمعت صوتك... جود صحيح انك عازمتنا ببيتكم؟؟
الجود: وش رايك اكذب ... أكيييييد...
الهنوف: بتجبين فصيل ومهاوي صح ؟؟؟
الجود: ايوه صح ... من زماان ماشفتهم ...
الهنوف: صدق انك فاضيه ... شوفي انا وديما اتفقنا ان انتي وهي (ديما) تجون اليوم عندي .. بس مدامك عزمتينا بنجي... وعندي اقتراح...
الجود: قولي اسمعك .. يا ام الافكار..
الهنوف: اليوم جمعتنا حنا البنات والاسبوع الجاي جيبي فيصل والمها ينامون معك...
الجود: يا سلااام على اقتراحك مررره حلو ... وانا انشاء الله بشوف فيصل ومها الاسبوع الجاي؟؟..
الهنوف: ايوه ... لاتنسين ان يوم الخميس كلنا بنتجمع بمزرعة جدي ...
الجود: طيب هذي المره بس مع اني اشتقت لهم ...
الهنوف: المهم دقي على ديما وقولي لها تجي عندك مو عندي طيب...
الجود:ههههههه طيب...طراره وتتشرط...باي
الهنوف: هههههه باي...
دقت الجود على بيت عمها بوسعود لأن ديما ما ترد على الموبايل ....
الجود: السلام عليكم..
.....: وعليكم السلام...
الجود: من معي؟؟
....: نواف أنتي مين؟
الجود:..........
نواف: آلو ... آلو مين معي؟
الجود مستحيه: هلا نواف أنا الجود..
نواف: هلا فيك ...
الجود: ممكن أكلم ديما ...
نواف: طيب ... دقايق ...> يصارخ... ديـــمــا ... ديـــمــا ...
ديما: وش فيك تصارخ؟
نواف: الجود تبيك؟
ديما مستغربه: الجود تبيني بهذا الوقت..
نواف: ايوه ... تبيني اقول لها انك ماتبينها ...
ديما سحبت السماعه من يده: لاااااااا... يالله روح عني ...
نواف بعد شوي عن ديما ...
ديما: هلا الجود...
الجود: ..........
ديما:آلو .... آلو .... الجود ... الــجـــود...
الجود: هلا ديما ...
ديما: صباح الخير كان مارديتي أحسن...
الجود: آسفه سرحت شوي...
ديما بلقافه: في مين؟؟
الجود: ماعلينا ... أنا داقه عليك علشان تجين تنامين معي انتي وبنات عمي...
ديما: ليييه ... وأخوانك وين راحوا.. وهنيف قايله انها عازمتنا في بيتهم؟؟..
الجود:اخواني بيرحون كشته للبر ... وهنوف دقت علي وقالت تجين انتي وهم عندي...
ديما: تكفين قولي لاخوانك نروح معهم....
الجود: انتي تتكلمين جد ... عيال بس عياااااااال...
ديما: على العموم انا عارفه ان احنا ماراح نروح وبجيك في الليل الساعه 7
الجود: طيب انتظرك... سلااااااااام...
ديما: سلااااااااااااااام..
..........................
طلعت الجود من غرفتها وخالد طلع من غرفة فهد...
الجود: هلا خالد ... بشر وش فيه فهد؟؟
خالد: بتعرفين بعدين... يالله ننزل أكيد أبوي جاء..
الجود: يالله...
..................
نزل خالد والجود وكان الوالد ينتظرهم...
ابو خالد: هلا والله بعيالي...
خالد+الجود: هلا فيك...
الجود: عن اذنكم بساعد امي...
ابو خالد+خالد:آذنك معك...
ابو خالد: وين فهد... لايكون للحين ماجاء...
خالد: الا جاء ... بس بيغير ملابسه وينزل..
في هاللحظات فهد نزل ولكنه كان خايف من موضوع السفره...
فهد: السلام عليكم..
خالد+ابوخالد: وعليكم السلام...
وجات ام خالد والجود وحطوا الغداء... بعد الأكل مباشرة فهد تشجع وفاتح ابوه بالموضوع...
فهد: يبا... وش قلت على السفره...
ابوخالد:............
ام خالد: وش سفرته؟؟؟
فهد: يما... ودي اكمل دراستي براء....
ام خالد: ليه؟؟ وتعليم السعودية وش فيه؟؟؟
خالد تدخل: يما اسمحيلي ... التخصص اللي يبيه فهد موجود بس حتى لو كمل هنا ماراح يفيده ولاتخافين عليه ماهو رايح لوحده ....
قاطعته ام خالد: أنت بتروح معه؟؟
خالد: لايما وش يوديني اللحين بعد ما دخلت الجامعه.. بيروح مع خويه محمد... يما .. يبا ... لاتهدمون مستقبل فهد...
ام خالد: والله ياولدي ماني هادمه مستقبله ... بس هو بيطول براء...
فهد: يما... لاتخافين كل عطله وتشفيني قدامك...
ام خالد: الله ييسر عليك ياولدي... بس الراي ماهو رايي الراي راي أبوك... وش قلت يابو خالد..
ابو خالد: الصراحه كنت ناوي اني افتح الموضوع بعد ما ولدك قال لي بس مدام انك موافقه الله يوفقك...
فهد طااااااااير من الفرحه: صدق يبا... (باس راس ابوه) الله يخليك لنا ويطول بعمرك...
ابو خالد: ماقلت لي كم بتجلس هناك؟؟
فهد: خمس سنين يبا.. بس مثل ماقلت لك كل عطله وانا قدامك...
ابوخالد: الله يوفقك وييسر لك طريق الخير...
الكل: آمين...
الجود: ما كنك نسيتني يا فهيد....
فهد: وش فهيد أنتي ... اصغر عيالك...
الجود: لا ... بس بتخليني وحدي بفقدك وبشتاق لصوتك وضكتك ...(سوت نفسها تبكي)...
فهد: ماتفقدين غالي انشاء الله ... عندك خويلد يسليك واي شئ تبينه طلبيه منه وهو راح ينفذه لك ....عاد هو مايصبر على حبيبته تطلب ولا يلبيها....
خالد: ومن قال بخليها هاذي الجود حبيبتي ... هي بس تامر وانا اللبيها....
الجود: ياحلوك ياخوي... سمعت هذا اللي يقوله الناس لخواتهم ...
فهد: لاتكفين ماراح ادلعك اكثر من كذا كفايه الاهل كلهم مدلعينك ...
الجود تدلع عليه: ايوه الحمدالله انهم مدلعيني وما ابيك تدلعني كفايه اهلي هم اللي يدلعوني..
فهد: يوووووووه تكفين سكتي وضفي وجهك عني تراني ماني ناقص دلعك...
ام الجود: وش فيك فهد على اختك خلها تدلع ...
فهد: لاتكفين يما لاتدلع قدامي اذا بتدلع من وراي راضي بس انها تدلع قدامي ماني ناقصها..
ام الجود: هههههه ياحليلك اجل وشلون اذا تزوجت وزوجتك تدلعت قدامك ... هههه ماراح ترضى بعد ..
فهد: لايــمــا ... زوجتي خليها تدلع مثل ماتبي لأنها تدلع لي علشان احبها اكثر... بس بنتك اذا بتدلع ما ابي دلعها خليها تدلع قدام زوجها .. يمكن زوجها مايعجبه دلعها ويطلقها هههههههه.
الجود استحت من كلام فهد وما تكلمت..
خالد حس بالجود: اقول بلا زواج بلا هم... قول بتنام ولا لا؟؟؟....
فهد: اكيد بنام ... ليه تسأل؟....
خالد: اوووووووووه ... ياربي... اكيد نسيت الكشته صح؟؟؟؟... قوم نام لك عشر دقايق وجهز اغراضك....
الجود: انا عن نفسي بروح انام... تصبحون على خير...
الكل: وانتي من اهله...
ابوخالد: انا بعد بروح ارتاح قبل اذان العصر...تصبحون على خير
الكل:وانت من اهله...
خالد: يالله فهد روح نام لك على الاقل نص ساعه.. تكفيك اكيد؟؟..وبعد النص ساعه تقوم تصلي وبعدها تجهز اغراضك... ونروح نأخذ عيال عمي...
فهد: واااال سويتها قصه...يالله يما .. تصبحين على خير...
ام خالد: وانت من اهله...
خالد: يما .. قبل الاذان بخمس دقايق صحيني...ويالله تصبحين على خير...
ام خالد: انشاء الله..وانت من اهله..
..................
الكل ناااااام واذن العصر وخالد جلس فهد بالغصب وبعد الصلاه رجعوا ناموا اما الجود ما جلست.
الساعه 4 خالد راح لغرفة فهد علشان يجلسه ...
خالد: فهد يالله قوم...
فهد: ........... (رايح في سابع نومه)...

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هذا البارت الاول... ان شاء الله عجبكم...

والبارت الثاني جااااااي بس بعد الردود على الرواية؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟


آلعَنودَ ©؛°¨غرامي مبدع¨°؛©

بداية موفقه باذن الله
نتظرك في بارت جديد..~}

VEN!CE يـآرب مآلـي ســـوآكـﮯ

"


وعليكم السلآم والرحمه
هلآ وغلآ نورتي
والله يعطيكِ آلعآفيه

بالتوفيق



"

&ضنانى الشوق& ©؛°¨غرامي فعال ¨°؛©

يسلمو على القصه

بنت الغريب ©؛°¨غرامي جديد¨°؛©

التكمـــــــــــــــلهـ...

(( الـبـارت الـثـانـي ))


الكل ناااااام واذن العصر وخالد جلس فهد بالغصب وبعد الصلاه رجعوا ناموا اما الجود ما جلست.
الساعه 4 خالد راح لغرفة فهد علشان يجلسه ...
خالد: فهد يالله قوم...
فهد: ........... (رايح في سابع نومه)...
خالد: فهد يالله قوم تأخرنا على الشباب...
فهد:...........(رايح فيها الرجال)............
خالد عصب: فــهــيـد يا مال الماحي يالله قوم....
فهد توه يستوعب: هاااااااااا وش فيك تصارخ...
خالد:وش فيني اصارخ هااا؟؟!!.. يالله قوم تأخرنا على الشباب...
فهد:خويلد رح عني ما شبعت نوم.....
خالد: آآآهااا ماشبعت ... اسف كمل نومك...
فهد: مشكور ....( مسكين مصدق نفسه)...
خالد جاب كاس مويه باااااااااااااارده من الثلاجه وحط فيها ثلج...
وكبها على فهد وفهد راح فيها من الخووووووف....
فهد شهق: اههههههههه متى؟ كيف؟ كم الساعه؟ كيف صار؟...
خالد: ههههههههههههه تستاهل اللي يجيك يالله قوم...
فهد: خويلد حرام عليك ما شبعت نوم...
خالد: اقولك قوم لأجيب لك مويه ثانيه ....
فهد: خلاص..خلاص.. قمت..
خالد: لا ماقمت اشوف قدامي بسرعه خذ لك شور سريييييييع بمعني الكلمه....
فهد: انشاء الله ... بس انشاء الله بيجي يوم واردها لك...
خالد: ايييه صح بنشوف يالله قوم...
فهد: انشاء الله ....
مسكين فهد طاح قلبه في معدته من الخوف...
بعد ماخذ فهد شور سريع بأوامر خالد اتصلوا على سعود...
خالد: سعود خلصتوا...
سعود: الناس يقولون السلام عليكم قبل..
خالد: وعليكم السلام..
سعود: المفروض انت اللي تسلم مو انا..
خالد: سعود تكفى انا مو ناقصك ... قولي خلصتوا..
سعود: من ناحيتي خلصت بس باقي نواف..
خالد: أكيد للحين نايم...
سعود: ايوه...
خالد: بسرعه روح وجيب مويه بارده وكبه في وجهه...
سعود: وش فيك اليوم ... أكيد فهد ما جلس مبكر...صح؟؟؟..
خالد: ايوه ... شوف اللحين انا وفهد بنمركم اذا ما جلس اخوك بجيه وبجيب معي جيك مويه بارده..
سعود: هههههه حااضر على امرك.. مع السلامه..
خالد: سلاااااام...
خالد: فهيد روح حط اغراضك في السياره وانا بجي وراك...
فهد: اففففف ياليتني جالس مبكر علشان ماتعصب... حاااااضر..
خالد: تستاهل علشان المره الجايه بعد الصلاه ما تنام... يالله قدامي...
فهد: وش شايفني كلب تقوله قدامي..
خالد: اذا بتسمع الكلام بدون ماتعلق ماراح اقولك قدامي... اما اذا ما سمعت الكلام بيجيك تصرف غير هذا التصرف...
فهد: لالالالالا تكفى بسمع كلامك... وهذول الشناط وشلتهم كلهم مع انهم يعورون ظهري.. خلودي تكفى شيل هاذي الكبيره..
خالد: وش خلودي انت .. اصلا انا حاط الكبيره لك علشان تشيلها..
فهد: ياشينك اذا عصبت ما تصلح لك العصبية ... ياحظ الجود..
خالد: وش فيها الجود؟؟...
فهد: سلامت قلبك وقلبها..
خالد: فهيد ترى تاخرنا على الشباب يالله ...
فهد: يالله..
..................
عند سعود ونواف...
سعود: نواف يالله قوم...
نواف:..............(مسكين رايح في سابع نوووووومه)...
سعود: نوووووووييييييييف قووووووووم....
نواف:......................(رايح فيها الولد)....
سعود: مالي الا اني اسوي الطريقه اللي قالي عنها خويلد هين يانويف...
جاب اللي قال له خالد وزيادة فلفل حاااااااااااااار...
بالأول كب المويه على رجله ونواف حس شويتين وبعدها حط الفلفل في فمه ....
نواف قام وهو مخترع: احححححححححححح وش ذا....<<< يقولها ويحك فمه...
سعود:هههههههههههههههههههههههههههههه....
نواف: وش عليه تضحك انت؟؟...
سعود: هههههههههههههههه(رايح فيها الرجال مات من الضحك) ههههههههههههه...
نواف: سعود قولي وش عليه تضحك(أنتبه على الفلفل) آها يالخايس حطيت الفلفل في فمي...
سعود طلع من الغرفة وهو ميت ضحك ونواف وراه بكشته وسرواله اللي واحد نازل والثاني راقي.. نزلوا عند ديما في الصاله...
ديما: وش فيكم؟؟؟؟
نواف: اخوك الخايس حط الفلفل في فمي علشان يجلسني كأن مافي طريقه غير الطريقه اللي سواها..
ديما: تستاهل .. من الظهر وانت نايم ولاتنسى انك بتروح معهم للكشته...
سعود: هههههههههه وانتي مين قالك ان احنا بنروح للكشته؟؟؟...
نواف: انا اللي قلت لها .. ليه عندك مانع..
سعود: لا عندي دواس... يالله بسرعه روح خذ لك شور سريييييييع لان خويلد معصب حده من فهد....
ديما: ليه تقول خويلد وقلت فهد... ليه فرقت بينهم...
سعود: يووووه وانتي وش دخلك كيفي انا وياهم نجوز.... وانت(يأشر على نواف) خويلد بيجي يتأكد اذا كنت نايم ولا لا واذا رجعت تنام ترى هو جايب معه جيك سمعت جيك مويه بارده...
نواف: اففففف اكيد فهيد ما جلس مبكر... حسبي الله عليك يا فهيد... يالله انا رايح انام اقصد اخذ شور...
سعود: برجع بتأكد اذا كنت نايم ولا لا ...
نواف: لاتخاف بعد اللي خذته وبعد اللي بيجيني بسوي اللي تبونه....
نواف راح لغرفته انسدح على سريره وبعدها تذكر اللي صار له واللي بيجيه قام اخذ شور .....
اما سعود تذكر شكل نواف وقام يضحك...
................


بنت الغريب ©؛°¨غرامي جديد¨°؛©

عند خالد...
خالد: خذ مفتاح السياره وشغلها انا بروح اصحي الجود...
فهد: ااااااااههههههه طيب كان شغلتها يوم كنت نايم.. بدل ما تجلسني هالجلسه الخايسه ... واكيد بتجلس الجود بالعافيه...
خالد: فهيد اسمع الكلام وانت ما عليك من الجود..
فهد: افففف حاضر...
خالد راح لغرفة الجود وطق الباب وكانت توها جالسه..
الجود: تفضل..
خالد: اسف جلستك؟؟؟؟...
الجود: لا توني جالسه...
خالد: الحمدالله ولا كان سويت فيك مثل فهيد..
الجود: أكيد ما جلس مبكر صح؟؟؟؟...
خالد: صح ....
الجود: بس ماتقدر تسوي لي مثله لانك تحبني اكثر منه..
خالد: وعارفه نفسك بعد... يالله انا بروح اجلس الثاني ... تبين شيء؟؟؟؟...
الجود: مين الثاني!؟!؟!؟!
خالد (يعرف ان الجود تحب نواف): نووويف ولد عمك ... الله يعين اللي بتاخذه..<<يتكلم ويطالعها بنص عين...
الجود بإبتسامة تعجب: طيب ليه تطالعني بهالنظرات؟؟؟...
خالد: ابد سلامتك ... يالله ما ابي اتأخر اكثر مع السلامه...
الجود: مع السلامه..
خالد طلع من غرفة الجود الا وسعود يدق عليه...
سعود: السلام عليكم..
خالد: وعليكم السلام... ها بشر خلصتوا..
سعود: الحمدالله انك رايق شكلك كلمت اختك...صح؟؟؟...
خالد: افففففف ايه كلمتها ... بشر نوووويف جلس من نومه؟؟؟؟...
سعود: ايه جلس واحنا اللحين جايينكم...
خالد: وفرتوا علينا .. يالله ننتظركم... مع السلامه...
سعود: مع السلامه...
جاء سعود ونواف وخذوا خالد وفهد ........
.......................
الجود تدق على الهنوف ماترد ودقت على العنود هم ما ترد مالها الا الريم....
الجود: وينهم هذيلا عن جوالاتهم... ما لي الا الريم هي اللي ترد علي..
بعد انتظار طوييييييييل الريم ردت: السلام عليكم..
الجود: وعليكم السلام ... وينكم لي ساعه وانا اتصل.....
الريم: معليه عذريني ما كنت جنبه وهو الأساس كان في درج مكتبي يعني الحمدالله اني سمعته ولا كان بجيك وانا ناسيته..
الجود: معذوره .... بس متى بتجون اخواني راحوا وانتوا للحين ماجيتوا؟؟؟؟؟...
الريم: ندور على احد يجيبنا...
الجود: ليه وين السواق؟؟؟
الريم: امي خذته معها للسوق..
الجود: امي بعد راحت لوحده من صديقاتها.... اففففف وش نسوي اللحين؟؟؟؟...
الريم: ديما بتجي لعندك؟؟
الجود: ايه بتجي ... صحيح جبتيها بقول لها تمر عليكم ... ها وش رايك؟؟
الريم: ok وردي علي طيب؟؟؟؟...
الجود: ok مع السلامه...
الريم: مع السلامه...
...............
الجود: انشاالله تكون جنب جوالها...
ديما كانت ناااااااااااايمه ولاتدري هن هوى دارها:........
الجود: يابنت عمي ردي....
ديما توها تسمع ازعاج الجوال: يوووووه من هذا اللي فاضي يدق علي وانا توني حاطه راسي<<<<مسكينه الناس الساعه 5 العصر وهي على بالها الساعه 2 الظهر مسكينه ماتردي وين الله قاطها.....
ديما بصوت وحده مالها خلق تكلم احد وتبي تكمل نومها: آلووو...
الجود: وينك يالفرخه بسك نوم يالله قومي ....
ديما: الجود تكفين ماني خلقك وش تبين؟؟؟
الجود: يالله قومي كلنا اجتمعنا وانتي للحين ما جيتي....
ديما: ليه كم الساعه؟؟؟
الجود: ياحليلك ماعندك ساعه... الساعه ياطويلة العمر 9 الليل...
ديما: كذاااااااااااااااااابه احلفي؟؟؟؟... << مسكينه صدقت...
الجود: لاصلاة لاعباده يالله قومي ....
ديما: لحظه <<< راحت تفتح الستاره>>> وتعرفين تكذبين بعد...
الجود: ايه اعرف وقت الطوارئ...
ديما رجعت لسريرها: قولي وش تبين ؟؟
الجود: يعني اطلب...
ديما: اففففففففف اطلبي ... بس اذا غالي فضفي وجهك...
الجود: آآآفاااا... هذا وانا بنت عمك الوحيده اضف وجهي... خلاص ما أبي شيء..
ديما: الحمدالله اجل روحي خليني اكمل نومي...
الجود: لحظه... لحظه...
ديما: يا صبر ايوب على بلواااااااه ... نعم امري تدللي وش تبين؟؟؟؟...
الجود: بنات عمي ينتظرونك تمرينهم ...
ديما: نـــعـــم.. ليه وين راح سواقهم؟؟؟؟..
الجود بدلع: وش فيك ديما هذيلا بنات عمي ماعندهم اخوان مثلي ومثلك يودونهم وين ما يبون وسواقهم خذته مرت ابوهم رايحه للسوق... ديما علشاني يالله قومي فليها نوم عندي..
ديما: اففففففف طيب علشانك ...بس قولي لهم يجهزون نفسهم بخلي السواق يمرهم مع الخدامه وانا على ما اخذ لي ساعه اتجهز واجيكم...
الجود: حبيبتي انتي ...مشكوره بس لاتتأخرين طيب انتظرك... سلااااااااااااام....
ديما بدون نفس: طيب... سلااام...<< مسكينه ودها تكمل نوم بس قامت وقالت للخدامه تروح بيت عمها وتودي البنات عند الجود...وهي خذت شور وبعدها تكشخت ...
اما الجود كلمت ريم وقالت لها ان السواق بيمرهم ..... وبعد نص ساعه وصلوا الخوات الهنواف والعنود والريم... وبعد نص ساعه ثانيه وصلت ديما وودها تذبح الجود...
ديما: المره الجايه لو تعزمين من الصبح ماني جايتك...
الجود: ليييييييييييه؟؟؟ ... كل هذا علشان تشبعين نوم؟؟؟؟....
ديما: ايييه حراااام عليك ماشبعت نوم...
الهنوف بلقافه: طيب ليه جيتي؟؟؟
ديما: اففف تكلمت الملقوفه ... وانتي وش دخلك.. انا اتكلم مع بنت عمي الجود مو الهنوف...
الهنوف: طيب ليه عصبتي ... روحي كملي نومك في غرفة الجود...
ديما: لا.. من شفتك انسدت نفسي عن النوم...
الجود: خلاص انتي وياها لاتخربون علينا السهرة ...
العنود: صحيح بنات خلاص انتوا كل مره تلتقون فيها تبدون بهوشه ... خلاص فلوها اليوم...
ديما: خلاص.. خلاص.. صجيتو راسي.. كفايه اللي عندي في البيت اولهم واخرهم...
الهنوف: اذا قصدك على سعود صدقتي ... والمها يوووووووه تجيب الضغط هي وفصيل ولابكلامهم اللي ماينفهم..
الجود: حراااام عليكم يجنوووون .. صحيح وليه ماجبتي فيصل معك وانتي ليه ماجبتي المها؟؟؟
الهنوف: وانتي ما تطفشين من البزارين نسيتي اني قلت لك ينامون معك الاسبوع الجاي...
الجود: يووووه نسيت بس الصراحه اشتقت لهم ...
الهنوف: تكفون غيروا سالفة البزارين...
ديما: صدق ترى زهقت منهم....
العنود: الحمدالله اتفقوا على شيء...
الكل:هههههههههههههههههههه...
................
نخلي البنات لحالهم ونروح للشباب..
سعود يتطنز: شباب من ناوي يتزوج؟؟؟
خالد فتح عينه عالأخير: انت تتكلم جد؟؟؟
سعود: جد ولاعم ههههههههههه
خالد: روح عني بس ... وانا احسب الاخو يتكلم جد...
سعود: هههههههه مسكين بس صدق ما أنت ناوي تتزوج انت وفهد؟؟؟؟...
فهد توه ينتبه: وش فيه فهد؟؟؟
خالد: مسكين توه ينتبه ههههههههههههه.....
سعود: اقول فهد ما أنت ناوي تتزوج؟؟؟
فهد مصدق: صدق والله يالله على يدك...
سعود: ههههههه ومن هذي تعيسة الحظ اللي بتاخذها؟؟؟...
فهد: اقوله على يدك يقولي تعيسة الحظ روح عني بس ....
سعود: ههههههه ياحليلك ما أنت ناطر اخوك يتزوج بالأول وبعدها فكر أنت انك تتزوج...
فهد: والله اذا على اخوي بيزوج الجود وبعدين يفكر ها سمعت يفكر انه يزوجني...
خالد: هههههههه والله مطيور على زواجك بالأول فكر بسفرتك وبعدها فكربالزواج....
نواف توه يستوعب: مين هذا اللي بيسافر ويتركنا ؟؟؟...
فهد: مساء الخير.. صح النوم يالاخ ...
نواف: وش فيك؟؟ صدق مين اللي بيسافر؟؟
خالد: اللي جنبك...
نواف: آآفاا يافهد... بتسافر وتتركني بعد ماتعودت عليك....صحيح ليه بتسافر؟؟؟
سعود: الحمدالله والشكر الاخ صدق مخرف ... شكله ما شبع نوم... يا الدلخ بالأول أسأل وبعدين تكلم..
نواف: افففف وأنت أحد أسألك؟؟ ما قلت فهد وين يتسافر وليه؟؟
فهد: وين لكندا ليه اكمل دراستي...
سعود: بتسافر علشان تكمل دراستك براء ... صدق انك دلخ رقم 2...
فهد: والله مالدلخ الا اللي قالها ... وانا بسافر علشان اكمل تخصص الطب فهمت يالمفهي...
سعود: فهيد قبل ما تسافر بيوم قول لي...
فهد: وليه انشاء الله؟؟؟؟...
سعود: بسوي حفلة لاصارت ولا استوت بعزم فيها الاهل والربع وبقول هذي احلى حفلة لفراق ادلخ واحد في العائلة كلها ...
فهد: بقولك وبعدين اذا رحت بتجي وبتقول لي تكفى فهد لاتروح تكفى ابيك جنبي لاتخليني بشتاق لك بشتاق لضحكك بشتاق وبشتاق...
سعود يمثل انه حزين: اهئ اهئ اهئ ادري واللي ذابحني اني متعلق فيييييك...
فهد: والله ادري ادري( يقلده) ما يحتاج تقولي اهئ ههئ اهئ...
نواف والحزن مبين على عيونه: فهد ابوك وافق انك تسافر؟؟؟...
فهد: هذا اللي بيفقدني صدق... ايه ياحبيبي ابوي وافق بس بعد إصرار من العائلة الكريمة...
نواف التفت لخالد: حتى انت وافقت؟؟؟...
خالد: ايه مافيها شيء لسافر ... بقولك مثل ماقلت لأمي وأبوي هو بيسافر علشان يكمل دراسته مو علشان يستانس ويا خذها سياحه ... ولاتخاف على السنه الجايه هو مسافر وكل عطله بتشوفه قدام وجهك...
نواف تضايق من الكلام اللي سمعه وقام من مكانه وبعد عنهم وكان مبين على وجهه..
فهد: وش فيك فتحت السالفه هذا مو وقته...
خالد: انا آسف ما كنت اقصد بروح اشوفه..
فهد: لا خلك انا بروح له..


؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
البارت الثاني وانتهاء وان شاء الله انه عجبكم...

ردوووووووووووووووووووودكـــــــــــــم...
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟


بنت الغريب ©؛°¨غرامي جديد¨°؛©

[color="darkorange"](( الـبـارت الـثـالـث ))...


نواف تضايق من الكلام اللي سمعه وقام من مكانه وبعد عنهم وكان مبين على وجهه..
فهد: وش فيك فتحت السالفه هذا مو وقته...
خالد: انا آسف ما كنت اقصد بروح اشوفه..
فهد: لا خلك انا بروح له..
نواف كان يكتب على الرمل <<<يحسب نفسه عالبحر
كاتب(والله مايسوى اعيش الدنيا من دونك..لا ولا تسوى حياتي بهالوجود دامك انت الي رحلت كيف باصبر على البعاد وكيف بانثر هالورود) ...
وقطع حبل افكاره فهد: نواف...
نواف: هلا والله..
فهد: بالأول قولي وش كتبت؟؟؟
نواف: ياشين لقافتك..
فهد: كيف تبي الناس تحبني بدون ما اصير ملقوف... يالله قولي وش كاتب...
نواف: افتح جوالك وشوف...
فهد فتح جواله وقراء: الله كل هذا لي...
نواف: من قال انه لك هذا لحبيبتي...
فهد: اووووخس الاخ يحب قولي منهي؟؟ يالله ... يالله...
نواف: وانت مصدق..
فهد: تسويها مو انت الرجل الصامت..
نواف ابتسم...
فهد: ايه اضحك خلني اشوف ابتسامتك... يا عمري عليك تعرف تختار بعد...
نواف راح فكره مع الجود: وأنت مين قالك؟؟
فهد: وش فيك ... اقصد تعرف تختار صديقك يالدلخ يالمفهي يالغبي <<< ماخلا شيء ... بس صدق شكلك تحب قولي منهي تعيسة الحظ اللي بتاخذك؟؟؟...
نواف تلخبط: هاااا.. وش احب وش خرابيطه روح عني بس...
فهد مسوي نفسه زعلان: آفااااا.. هذا وانا امدح فيك واقول تعرف تختار صديقك بس طحت من عيني...
نواف: ايه واضح انك تمدح فيني وتقول.. دلخ ومفهي وغبي...
فهد: توووووبه بس قولي من تعيسة الحظ هذي...
نواف: وش فيك انت ما انت مصدقني اقولك ما حد...
فهد يناظره بنص عين: هييييين ... هييين ... تعيسة الحظ بتبين يوم...
نواف: هههههه قوم بس وشيل عينك معك علشان ما تطيح الشباب ينتظرونا...(وقف)...
فهد وقف: هين بيجي يوم وتقول لي امووووووووت فيها....
نواف: ههههههه روح عني بس..
.....................
نروح للبنات...
الريم: الجود بكره بتروحين المزرعة؟
الجود: أكيييد كيف تبيني افوت علي فرصة ركوب الخيل...
الريم: تصدقين..........
قاطعتها العنود: لا ما اصدق...
الريم: انتي من كلمك .... المهم الجود خلي بنات خالتك يجون اشتقت لهم وخصوصاً شهد....
العنود: صدق حتى اشتقت لهم من زماااااااان عنهم.... ولاتنسين تخلين قمر تجي...
ديما: صحيح حتى انا اشتقت لهم وخلي عروب تجي ضغطي عليها....
الهنوف: مشاءالله كل وحده احجزت لها وحده اجل انا بعد بحجز خلي فجوره تجي....
الجود: هههههههه انشاءالله ....
العنود: وش تنتظرين دقي عليهم....
الجود: طيب..طيب ... لاحقه عليهم بتشوفينهم انشاءالله...
خذت تلفونها ودقت على بيت خالتها ...
؟؟؟؟؟ برجه: هلااااااااااااا واااااااااااااالللللله...
الجود: شوي ...شوي الناس يقولون السلام عليكم..
؟؟؟؟؟؟؟: وعليكم السلام....
الجود: المهم من انت؟؟؟
؟؟؟؟؟؟: قولي انتي بالأول...
الجود: خلاص عرفتك بدير صح...
بدر برجه: أصغر عيالك تقولين لي بدير ... من انتي علشان اكمل هواشي معك؟؟؟....
الجود: ماعلي منك عطني وحده من البنات...
بدر: ماراح اعطيك اياهم الا لمن تقولين لي من انتي؟؟؟...
الجود: انا بنت خالتك...
بدر يفكر: اممممممم من بنت خالتي؟؟؟ ...
الجود: اففففف انا الجود وخلص عطني وحده منهم....
بدر: آآآآهههها انتي اللي دايما اتهاوش معها...
الجود: عليك نوووور..
بدر: نور ولا مهند هههههههه...
الجود: هي هي هي باايخ وخلص عطني أي وحده منهم....
بدر:وحده ولا واحد هههههههههه...
الجود: افففففففففف ياصبر ايوب على بلواه... بدير ترى بعلم عليك خالد...
بدر(من سمع اسم خالد نط من مكانه): خالد ... لاخلاص لحظه.... فجير.. شهييد..قميييير.. .. عروووب....
الجود تكلم البنات: ههههههههه مسكين خاف من سمع اسم خالد....
البنات: ههههههههههههههه.......
بدر: وجع عليكم من بنات كثاااااار راح صوتي وانا اناديكم... فجيير..قمييير..شهيييد... عرووووب...
نزلت فجر على صوته: خير.. خير.. صوتك واصل لعند الجيران ليه تصارخ؟؟؟..
بدر: لان خالد بيذبحني اقصد اخت خالد تبيك.. اللي اسمها ااااااااااا< مسكين نسى الاسم من سمع اسم خالد...
فجر: قصدك الجود... عطني واذلف عن وجهي...
بدر: مو بكيفك بقعد اعرف شو سوالفكم...
فجر: ترى بقول لها تخلي خالد يجي يضربك....
بدرخاااف: خلاص.. خلاص.. هذاني قمت مع السلامه...
فجر: صدق انه خبل.... هلا ببنت خالتي الجود هلا...
الجود: هلا فيييك...
فجر: شكل بدير طفشك صح؟؟؟..
الجود: يووووه طلع لي قرون ... المهم البنات يبونكم بكره تجون المزرعه...
فجر فرحت: صدق الله من زمان ما شفتهم ...
الجود: هههههههه طيب وش قلتي؟؟؟...
فجر: اكيد بنجي وليه نفوت علينا فرصة شوفتهم...
الجود تطالع الهنوف: ترى في بس وحده تبيك ....
فجر: لاتقولين من هي اكيد الهنوف صح؟؟...
الجود: مشاء الله عليك تعرفينها...
فجر: أكييييد قلبي على قلبها ... واكيد الباقي مايبوني صح؟؟..
الجود: هههههههههه لا اكيد يبونك..ولا لا بنات؟؟..
البنات: الالالاااا..
الهنوف: انتي الكل بالكل..
فجر: تسلمين بعد عمري..
الجود: وانا من ابي كلكم خلصتوا .......
ضحكوا البنات كللللللللللللللللللهم
الجود:على فكره بكلم بنات خالي يجون بعد<<< تطالعهم بنص عين..
الهنوف: يووووه لاتكفين ما نبيهم...
فجر: صدق الجود ما نبيهم...
العنود: تكفين ترى يلوعون الكبد هم ومياعتهم...
ديما: وعععععععععع الصراحه لاشفتهم ودي ارجع...<< اكيد تعرفون ارجع: يعني ازوع.. اااااااا يعني اطلع اللي ببطني من اكل..
الريم: الله يقرفك يا ديما ... قولي أي شيء غير هالكلمه...
ديما: صدق ترى يلوعون الكبد...
الجود: ومن قال اني بخليهم يجووون بس بخلي وحده تجي...
الكل: مـــنــ ـهـــي...
الجود: امممممممم محد هههههههههه....
الكل: باااااايخه....
الجود: طيب كلكم صايرين مع بعض انا بعد ابي احد معي....
العنود: طيب نخلي بنات خالي يجون هم ابرك من بنات خالك....
الجود فرحانه: صدق؟؟ ...
العنود: وش فيك ايه صدق...
الجود: اجل يالله فجر اخليك ولاتنسين تقولين لخواتك...
فجر: هههههه طيب ابي اروح انام واجلس والقى نفسي معكم...
الكل:ههههههههههه<<< طبعا الجوال محطوط عالسبيكر....
فجر: هههههههه يالله مع السلامه...
الكل: مع السلامة..
الهنوف: ياحبي لها....
العنود: الصراحه انا مثل فجر ابي انام واكون جنبهم....
الجود: هههههههه لاتخافين انشاءالله يجون..
الكل: انشاءالله...
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!
اعرفكم على اهل ابو بندر::::::::
بو بندر : مُدرس عربي..
ام بندر:ربت بيت...
بندر: (20) ..سنه اولى جامعه مملوح مرررررره هااااااااادي وحيوي ...
عروب: (20) ..سنه اولى جامعه (توائم بندر) تشبهه بالصفات والشكل بس هااااااااااااااااااااااااااااديه اكثر منه...
فجر:(17)ثاني ثانوي... تحب تسوي علاقات سريعة مع الغريبين مرجوجه ومهبوله ... بس في الجمال تجنننننننن...
قمر:(17)ثاني ثانوي(توائم فجر)... تشبه فجر حييييل << بالعربي الفصيح ما تقدرون تفرقون بينهم الا بالعيون فجر عيونها سوداء وقمر عسليه>> مرجوجه بس اقل من فجر بالرجه.. اشطر من فجر بالدراسه...
شهد:(16) ثالث متوسط مايحتاج اتكلم عنها لانها هي والريم واحد... حلللوه بس مو مثل قمر وفجر وعروب ...الهدوء والطيبه اللي فيها راح يروحون فيها بعدين..
بدر:(14) اولى متوسط دائما ما ينكت ودائما يتهاوش مع الجود ويطلع لها قرون<<مثل ماقريتوا من شوي....
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
فجر راااااااااحت تركض لخواتها ومن الفرحه وسرعة ركضها ما نتبهت للي قدامها وانصقعت فيه.....
فجر: اييييييييييييييي وجع ما تشوف...
؟؟؟؟؟: انا اللي ماشوف ولا انتي اللي جايه تركضين وفرحانه لاتقولين تبيني اطلعك ترى مو فاضي بروح للربع ينتظروني...
فجر: بل خلاص بدير تراك صجيت اذني...... وانا مو جايه لك بنروح بكره المزرعه من الفجر...
بندر: بل من الفجر ومن اللي بيوديكم ومزرعة مين ولمين بتروحون... وقلتي لأمي وأبوي؟؟؟؟؟؟؟؟...
فجر: خلاااااااااااااص اسئلتك كثيره ...أولاً:امي وابوي اكيد بيرضون ..ثانياً:بروح للجود وبنات عمها... ثالثاً: مزرعة ابو ابوها يعني جدها.....
بندر قاطعها: اولا ادري انه جدها من قلتي ابو ابوها ما يحتاج تفسرين... ومين هذولا بنات عمها....؟؟؟؟؟؟؟؟؟؟؟
فجر: لاحق باقي سؤال ماجاوبتك عليه بس اللحين مع سؤالك صاروا سؤالين...
بندر كتف ايدينه: يالله قولي...
فجر: احم..احم..احم.. رابعاً:من بيودينا يمكن هي بتمر علينا او اخلي راجوه يودينا<<< السايق........ واخيراً اللي هو السؤال الخامس ما اتوقع انه السؤال الاخيري من بنات عمها هذا مالك شغل فيه... خلاص ارتحت يالله مع السلامة..... توها بتركض مسكها...
بندر: تعالي...تعالي... انا اوديكم؟؟؟
فجر وخرت يده وطالعته بنص عين: خييييييير بدييييير وش هالحب النازل عليك من سمعت اسم بنات عم الجود بيرحون المزرعة وقلت بتودينا ليه حاط عينك على وحده؟؟؟؟ يالله اعترف؟؟..
بندر يبي يغير السالفه: ليه يعني اول مره اوديكم مكاااااان... واطلعكم معي؟؟؟
فجر: هههههههه والله انك ماتعرف ترقع كلامك ولاتعرف تغير الموضوع... يالله بس روح لربعك... وانا تأخرت على خواتي..
بندر: انتي خواتك بس في وقت المصالح او لطلعة السوق... خوش خوات .. يالله مع السلامة..
فجر: بندر.... ممكن تودينا لهم بكره<<< تسوي نفسها بريئة...
بندر:يووووووه تكفين ترى البرائة ما تصلح لك.. خليها لغيرك... وانا ماراح اوديكم خلي راجو هو اللي يوديكم...
فجر تجهزت علشان تركض: اجل تجهز للي بيجيك من امي وابوي... وانحاشت..
بندر: فـجـ....حسبي الله عليك من بنيه...
......................
[/color]

بنت الغريب ©؛°¨غرامي جديد¨°؛©

فجر على طول راحت لغرف خواتها تعزمهم على غرفتها علشان تخبرهم بالخبر..
بالاول راحت لعروب..
فجر دخلت بدون ما تطق الباب: عروب بسرررررررررررعه تعالي غرفتي في واحد جاي يخطبك<<<< ما اقدر على الصواريخ ...
عروب طلعت عيونها عالاخر: هااااااا ... وش تقولين انتي؟؟؟...
فجر: قلت لك تعالي غرفتي وانا اقولك..
عروب: طيب بس بطفي هاللاب توب وبجيك ...
فجر: بسرعه وجهزي معك فلوسك..... وطلعت...
راحت لشهد....
فجر هم دخلت بدون ما تطق الباب: شهد بسرررررررعه تعالي غرفتي في واحد مات من قرايبك وانتي تحبينه حييييييييل<<< والله انها تعرف نقاط ضعف خواتها...
شهد وقريب تبكي: هااااا.... مين؟.. ومتى؟... وشلون؟؟؟؟
فجر: تعالي غرفتي وانا اقولك ولاتنسين تجهزين معك فلوسك...
شهد واختفت الدمعه: وش تقولين انتي؟؟
فجر: بسررررررررعه تعالي وتركي عنك كتبك....
شهد: طيب جاااايه...
راحت لقمر اللي في غرفتها...
فجر فتحت الباب بقوة: هااااااي عندي لك خبر ولا اروع..
قمر تحمست: صدق وش هو؟؟؟
فجر: نجحتي في الاختبارات النهائية وبتروحين اولى ثانوي؟؟
قمر: غبية كيف انجح وهي لسى ما ابتدت...
فجر: ادري بس بغيت احمسك للخبر...
قمر: صدق في خبر ولا تكذبين علي؟؟؟
فجر: فيييه بس انتظري خواتك...
ودخلت عروب: يالله قولي من هو؟؟؟
قمر:بسم الله عليك وش فيك ومن هو هذا اللي تقولين عنه هو؟
عروب: تؤائمك تقول في احد جاي يخطبني؟؟ صح الكلام اللي قلتيه يافجير ولا لا؟؟..
فجر: لا مو صح...بس في خبر احسن من جيت خطيب لك..
عروب : وشو وش هذا الخبر اللي احسن من خطيبي؟؟؟...
فجر:بقول بس انتظري شهد...
ودخلت شهد: هااا وش فيها شهد...
عروب: مافيها شيء بس اختك فجر بتقول شيء...
شهد: يالله قولي وش تنتظرين...
فجر: انتظرك تجين ... احم .. احم.. مدام انكم متجمعين كلكم في غرفتي .....
قاطعتها قمر: وغرفتي آآهاا كملي...
فجر: لاتقاطعيني مره ثانيه...
قمر هزت راسها بالموافقه..
فجر:احم..احم...مدام انكم متجمعين كلكم في غرفتي (طالعت قمر)وغرفة قمير عندي لكم خبر احسن من اللي تحبونه..
الكل: وش هــو؟؟؟
فجر: بسم الله الرحمن الرحيم... الخبر هو... الخبر...
عروب:وش هــو تكلمي؟؟؟
فجر: الجود...
عروب: وش فيها؟؟؟
فجر: طيب خليني اكمل كلامي..
عروب: اصلا انتي قلتي الجود وسكتي...
فجر: عارفه... يالله اسكتي وخليني اكمل كلامي .... الجود ..و..و...و...و بنات عمها عازمينا بكره الصبح في مزرعتهم....
الكل صاااااااااارخ من الفرحه...
فجر: وجع اذني انتي وياها..
قمر والابتسامة مليانه وجهها: تتكلمين جد؟؟؟..
فجر: جد ولا عم هههههههه...
قمر اختفت الابتسامه شويتين: هههههه بااايخه...
فجر: لا الصراحه كلهم بيجون ديما والعنود والجود والهنوف...
شهد بخوف: والريم ماهي رايحه معهم..؟؟؟
فجر: اقولك الكل بيروح...
شهد: وش اسوي لك انتي ماقلتي اسمها معهم...
فجر: عااارفه ومتعمده ..
عروب: الصراحه اشتقت لهم كـــــلــــهــم....
قمر: حتى انا متى بس يجي بكره ...
شهد: وااااااي وناااااااسه ما اصدق اني بشوف الريم ...
.................
في نفس الاوقات عند الجود وبنات عمها...
الريم: طيب عنوده كلمي رغد ورهف ..
ديما: الصراحه بنات خوالكم هذيلا انتي وهي عليهم اسامي مره حلوه <<تأشر على الجود والريم..
الهنوف تسوي حالها منهم: احم..احم.. طالعين علينا...
ديما: هههههه انا ما قلت شيء كلكم لايقه عليكم الاسامي بس هذيلا رغد ورهف ما شفتهم..
الهنوف: يعجبونك كلهم اسم على مسمى...
ديما: الصراحه شوقتيني لهم ابي اشوفهم...بسرعه العنود كلميهم وحطيه عالسبيكر...
العنود: طيب.....
رن رن رن رن .. طولوا ماحد رد بعد الرنه الرابعه...
العنود: وين راحــ ....
رغد: هلا والله بعنوده حبيبتي...
العنود: هلا فيك.. وش اخبارك ووش اخبار الاهل؟؟..
الهنوف: خلااااص بطلي رسميات قولي لها من الأخير..
رغد: الكل بخير ... <<< سمعت الهنوف وطنشتها...
العنود: رغوده نبيك تجينا بكره في مزرعة جدي البنات يبون يشفونك...
رغد علامة تعجب فوق راسها: مين هذيلا البنات؟؟..
العنود: بنات عمامي الجود وديما وبيجون بعد بنات خالت الجود يعني فلللللللله كلها بنات ...
رغد فرحاااااااانه حدهااا: وااااااااااااو تصدقين من زمان ماشفت الجود بس ديما ماشفتها ولا شفت بنات خالت الجود...
العنود: طيب.. وش قلتي بتجين؟؟؟...
رغد: دام العزيمة فيها بنات بس أكيد بجي...
البنات فرحانين:هااااااااااااااااااااااااايييييي......
رغد: بسم الله مين هذيلا.... لا يكون حاطه الجوال عالسبيكر...
العنود:ههههههههه ايه...
رغد: واااااااااااال يعني من اول ما تكلمت وهم يسمعوني<< انتبهت لنفسها... اوبس حتى اللحين يسمعوني ... وش اخباركم بنات اللي لحد اللحين ماعرفتكم...
البنات يضحكون على خفة دمها.....
رغد: ياحلوكم طيب بنات أخليكم بروح اشاور امي وارد عليكم... بااااااي...
البنات: باااياااااااات...
!!!!!!!!!!!!!!!!!!!!!!!!!!!!!!!!!!!!!!!!!!!!
اعرفكم على عائلة ابو طلال:::::
ابو طلال: موظف حكومي ... طيب مرررره ويحب عياله كثير ولا يرد لهم كلمه..
لم طلال: ربت بيت ... تهتم بعيالها وبيتها واكيد زوجها بس اكثر شيء تخاف على بناتها....
طلال: عمره (24) خاطب بنت عمه ( اسرار) وزواجه في الاجازه يعني قريب... من ناحية الجمال يخقق حلو واللي تحليه سكسوكته وشعره اللي اشوي واصل لكتفه يعني حلو...صاير كأنه اماراتي..
وليد: عمره (20) ...سنه اولى جامعه حللللللللو بمعني الكلمه واكثر بعد .. في وسط حاجبه غرز تقطع الحاجب ومطلعته روووووووووووعه...ممممممملوح مررررره يدخل القلب بسرعه....
زايد: عمره(19)...ثالث ثانوي عليه جماااال ولا اروع غمازاته تذبح واذا ابتسم يخلي الواحد يذوب غصب عنه...ولكن فيه شيء شين الكل يكرهه وهو غروره الزايد...
رغد: عمرها(18) ثاني ثانوي كل شيء فيها حلو وهي وزايد يدخلون القلب بسرعه رومنسيه حدددددها..خفيفة دم...
رهف: عمرها(17)اولى ثانوي من ناحية الجمال حللللللوه فيها شبه من رغد... مرجوجة وخبله وتحب تستهبل كثيييير...
!!!!!!!!!!!!!!!!!!!!!!!!!!!!!!!!!!!!!!
في بيت ابو طلال بعد ما خلصت رغد من الجود راحت تكلم امها...
رغد انزلت تحت ولقت طلال جالس يكلم اسرار ... ومشت بخطوات خفيفه علشان ما يحس فيها وتسمع وش يقول ....
طلال: تكفين عيديها...
اسرار بحيا: خلاص طلال..
طلال تنهد: الله ياحلو اسمي على لسانك...
اسرار: ههههههههه...
طلال: فديت هالضحكه وصاحبت الضحكه...<<الأخ ما خذ راحته يحسب ان ما احد يسمعه...
اسرار: خلاص طلال ترى استحي...
طلال: فديت اللي يستحون انا..
اسرار: طلال ترى بزعل اذا ماسكت...
طلال: لا..لا ولازعلك .. خلاص بسكت...
اسرار: ايه خلك كذا...
طلال تنرفز يبيها تتكلم بس سكت... ومرت عليهم دقيقه وهم ساكتين وزهقت اسرار..
اسرار: طلال...
طلال:.........
اسرار تنرفزت: طلاااااال...
طلال:..........
اسرار: ياربي خلاص طلول تكلم..
طلال:.............
اسرار: انت تبيني اقول الكلمه علشان تتكلم ... ولايهمك... حبيبي خلاص تكلم..
طلال: اخيرا ما بغيتي تقولينها كنت بموت ولا اكلمك...
اسرار: بسم الله عليك من الموت...
طلال: تخافين علي؟؟؟...
اسرار: اذا ما خفت عليك من اخاف عليه...
طلال: بعد عمري انتي فــ....<<<حس ان في احد وراه.... رغييييد...
رغد ارتبكت: اسفه خربت عليك الجو صح؟؟؟..
طلال بعصبيه: وتسألين بعد... وش تبين قاعدة هنا؟؟؟...
رغد: كنت بروح لأمي اكلمها في موضوع...
طلال: طيب روحي لها ليه قاعدة...هي في المطبخ...
رغد: طيب بروح بس لاتعصب... وراحت لأمها...
طلال: اسف حبيبتي بس رغيد كانت تسمع وش اقول...
اسرار: ههههههه ياحليلها رغد...
طلال: تركيها عنك بس...
نخليهم ونروح لرغد اللي عند امها في المطبخ...
رغد: هااااي مام...
ام طلال: وعليكم السلام هلا ببنتي...
رغد: هههههه ياحليلك يما ما تردين الا بالسلام...
ام طلال: اكيد اجل تبيني اقول مثلك...
رغد: هههه يما بنات عمتي عازمينا في مزرعتهم ممكن نروح؟؟..
ام طلال: من بنات عمتك.. ؟؟؟
رغد: بنات عمتي الله يرحمها بيت ابو فيصل...
ام طلال: الله يرحمها ... طيب قولي لأبوك...
رغد فرحانه وتنطط: يسسس... سيو مام...
ام طلال: الحمدالله والشكر..وعليكم السلام...
رغد طلعت من المطبخ وشافت طلال لسى يكلم اسرار...
رغد: وأنت ماشبعت منها خلاص البنت طفشت منك... خلها ترتاح شوي وتريح اذنها ...
طلال: لحظه حياتي..نعم انتي وش تبين ووش دخلك فيني كيفي انا وخطيبتي.. انشاء الله يجي يوم واشوفك تكلمين خطيبك وازهقك...
رغد: لايا حبيبي اذا بكلمه ..بكلمه في غرفتي مو مثلك اللي رايح واللي جاي يسمعك...
طلال: رغيد ترى اذا ما رحتي عني بسوي فيك جريمه...
رغد: خلاص..خلاص.. بروح بس الله يعينها عليك.... راحت..
طلال: مالت عليك من اخت... اسف حبيبتي اليوم الصراحه زهقتك ...
اسرار: لازهقتني ولاشيء..
طلال: الا زهقتك ... اخليك ترتاحين لأني لو طولت معك اكثر بيجي الشعب السعودي كله...
اسرار: ههههههه.. طيب مثل ماتبي ... مع السلامة...
طلال: مع السلامة... وسكر السماعه وبعدها ضم الجوال وقال... اااااههه احبها...
.......................
رغد راحت لغرفة اختها واول ما قربت سمعت ضجه كبيره..
رغد: اففف ياربي على هالأخت... طقت الباب وماحد رد عليها... فتحت الباب وشافت...........
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
البارت الثالث وانتهاء ان شاءالله عجبكم....<<< حفظوها هذي لازم اعيدها بعد كل بارت...


رغد كيف شافت رهف؟؟...<< لايروح فكركم بعيد.... يعني سوت شيء بنفسها؟؟..
وماعندي اساله ثانيه...
بس اهم شيء اشوف الردود...
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


بنت الغريب ©؛°¨غرامي جديد¨°؛©

ماعجبتكم الروايه؟؟..

أدوات الموضوع البحث بهذا الموضوع
البحث بهذا الموضوع:

بحث متقدم
طريقة العرض

موقع غرام موقع سعودي خليجي عربي يحترم كافة الطوائف والأديان ومختلف الجنسيات
جميع الحقوق محفوظة منتديات غرام
iTraidnt by ROMYO
جميع الحقوق محفوظة منتديات غرام
iTraidnt by ROMYO

SEO by vBSEO 3.6.1