غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 161
قديم(ـة) 29-10-2009, 03:12 PM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس / روايتي اليابانية


انتي تحبيني ؟؟ (( الفصل الخامس - الجزء 3 ))

البنت 1 : انا اخاف ....
آيا : انا ماده يدي بسرعة اقفزيييييييييييييييييييييييييييييييييييييي ......
البنت مدت يدها وهي ترتجف .......
مسكتها آيا بأقوى ماعندها و سحبتها لها البنت اندفعت بسرعه و طاحت على آيا .. رجعت آيا على ورى من قوة السحبه و صقع راسها بالعمود وفقدت وعيها ...
اكيرا يروح يمسكها و هو يضربها على وجهها بخفيف : آيا ... آيا ؟؟
ويلتفت اكيرا على البنت ....
اكيرا بصراخ : انتي وش اللي سويتيه فيها ؟؟
البنت 1 تنتفض خوف : خلينا نبعد عن السفينه .....
اكيرا بدأ وجهه يحمر من العصبيه : ليه آيا مـ....
البنت 1 تهديه : بأقولك كل شيء ....بس انت الحين ابعد عن السفينه و خلنا نودي آيا للمستشفى بسرعه ..
اكيرا يترك آيا و يتوجه للبنت : والله لو صار لها شي لاتلومين الا نفسك .. روحي حاولي تفيقينها الين نوصل ..تركها اكيرا و راح لمقود السفينة و توجه للميناء ..
البنت راحت ركض لأيا و صارت تحاول تسندها و تقومها ..
اكيرا يتصل على الاسعاف : الو السلام عليكم ... لوسمحت فيه حالة طارئه ... عند مينا الـ......لو سمحت استعجل البنت في خطر ... اوكي احنا بانتظاركم ...
بعد دقايق و صلو الميناء و استقبلتهم سيارة الاسعاف و اخذوها و نقلوها للمستشفى..
اكيرا يكلم البنت : قوليلي وش عندك مع آيا وش السبب اللي خلاك انتي و ياها في مركب واحد ..
البنت بحزن قالتله كل شيء حصل من البداية الى هاللحظه........
اكيرا يعطيها ظهره : للأسف انتم ناس ماتستحقون الحياة ناس فاشله مالها اي هدف ..قال كلماته و راح ركب سيارته ولحق الاسعاف ..
البنت جلست على الارض وصارت تصيح ..
الساعة الحين 5 العصر ...
آيا تفتح عيونها ... تلتفت وتلقى اكيرا قاعد يقرا مجلة ....
آيا تناظر الغرفه : اكيرا ليه انا في المستشفى ؟؟
اكيرا يرفع راسه لها لما شافها قام من مكانه وقعد على السرير
اكيرا : لانك طحتي و اغمى عليك ..
آيا تذكرت اللي صار و بخوف : البنت اللي اسمها ماكـ...
اكيرا يحط يده على فمها : راحت من زمان ... ولا تخافين عليها هي بخير ... وبعد طلبت منك انك تسامحينها
آيا نزلت راسها : اكيرا انت عرفت كل اللي صار ؟؟
اكيرا : ايه ....
آيا امتلت عيونها دموع : تقول اني اخذتك منها ...... انا احس ان اللي سويته غلط انا جرحت كم بنت امس ...
اكيرا يضربها على يدها بحفيف : لا تفكرين بهالشكل ... قولي لي كيفك الحين تحسين بشي يعورك ؟؟
آيا تهز راسها : لا ..
اكيرا يرفع راسها بيده : طيب ليش منزله راسك و تصيحين المفروض تستانسين لان ماكو قالت لي انك افضل وحده لي ... قالتها بعضلة لسانها ...
آيا تناظره : ما عد صرت اعرف الصح من الغلط .....
اكيرا بابتسامه : انسي اللي صار .... ولا تقولين هالخرابيط انتي دايم صح لا احد يهمك ..
آيا تبتسم لثقته فيها ..
اكيرا بتشجيع : ايه خليك كذا على طول .. الصياح ما يناسبك ..
آيا بامتنان : شكرا اكيرا .....
اكيرا بغمزه : يالله آنسه آيا ماودك تطلعين ..الحمد الله اصابتك ماهي كايده ...
ايا تمسح دموعها : الا اكيد ..
اكيرا يوقف : يالله تفضلي بالخروج عشان تروحين لاهلك اكيد قلقانين عليك ...
آيا توقف : اي و الله اهلي و حتي جوالي مقفل ياويلي .....اهم يدرون اني في المستشفى ؟؟..
اكيرا : لا ..
آيا بارتياح : اشوى زين ما سويت .
اكيرا ابتسم لها ..
طلعو الاثنين و هم يمشون متوجهين للسياره ..
اكيرا بصوت منخفض: آيا انا آسف لاني صرت من نصيبك ....
آيا تناظره تسوي نفسها ماسمعته : وشو؟! ..
اكيرا : ولاشي ..
آيا : كأني سمعت اسمي ؟
اكيرا يضحك : هه يتهيألك.. شوفي السياره انا بأسبقك لها عشان افتحها لك ..اوكي ..
آيا بابتسامه : اوكي ..
اكيرا في نفسه وهو متجه للسياره : آسف آيا لكن خايف يجي يوم و تقولين لي ياليتني ما عرفتك و تتحسفين على موافقتك علي ......
آيا تناظره وهو رايح : بالعكس يا اكيرا انا افتخر انك نصيبي ..
ركبت السياره ساد الصمت الين وصلو لبيت آيا .....
نزلت آيا وودعت اكيرا ..
دخلت البيت و استقبلتها امها ..
الام معصبه : آيا وين كنتي امس والى اليوم ما رجعتي .....وليش جوالك مقفل ..
آيا بهدوء: كنت نايمه عند صديقتي ... و جوالي مفتوح طول امس بس تقفل اليوم لان خلص شحنه و صديقتي جوالها غير شاحن جوالي ..
الام : وليش ان شاء الله نايمه عند صديقتك والمدرسة ؟؟
آيا : صديقتي كانت مره تعبانه وهي يتيمه وامها عجوز فقلت اقعد عندها واراعيها لين تستعيد صحتها ...
الام : طيب منهم هذولا اللي جو قبل امس واخذوك ؟؟
آيا بتفكير : من اللي اخذني ؟؟
الام : الحرمتين والرجالين .....
آيا تذكرت : آها هذولا يصيرون اخوان صديقتي .....
الام : هذي اليتيمه و عندها كل هالاخوان .. تكذبين علي يا آيا ؟؟
آيا متورطه : لا هذولا اهل صديقتي الثانية .....
الام تتكتف : ماشاء الله اشوف صديقاتك كثرو ..... انا ما اعرف الا يونا وراي واذكر بعد " ماري " .... من هذولا الجدد ما عرفيتني عليهم ....
آيا بهدوء : ماما هذولا صديقات جدد السنه هذي تعرفت عليهم ....
وبحزن قالت: الله يخليك يا ماما لا تجيبين طاري " ماري " مره ثانيه ....
الام : وش في وجهك ؟؟
آيا تحط يدها على الجرح : لا لا هذا لاني زلقت في حمامهم ....
الام : انتبهي على نفسك ....
آيا : ان شاء الله ...
وتروح آيا وترقى فوق لغرفتها تدخل الغرفه وتسكر وراها الباب و تروح لسريرها ترمي نفسها عليه باهمال سيرة ماري ضيقت صدرها بمجرد انها تسمع اسمها ...آآه طلعت منها بضيق شديد ..
انطق الباب ...
آيا مالها نفس احد : مييين ؟؟
جولي : هذي انا ...
آيا تتعدل و تجلس على حيلها : ادخلي يا جولي .......
فتحت الباب ودخلت مبتسمه توجهت لآيا وجلست مع آيا على السرير ....
آيا بابتسامه : وش عندك ؟؟
جولي : وين كنتي امس ؟
ايا تدلع لسانها : ماراح اعلمك..
جولي سوت نفسها زعلانه : هين يا آيا و انا اللي جايتك عشان اقولك اخبار عن يونا .. صدق ماتستاهلين وقفت ..
آيا لما سمعت اسم يونا على طول مسكتها مع يدها : وش فيك انتي ما احد يمزح معك خلاص بأقولك و ين كنت بس تقولين لي بالأول وش سالفة يونا ..
جولي ترجع تجلس : وعد
آيا تهز راسها : ايه بس ياله قولي حمستيني ..
جولي تبتسم : يونا اتصللت عليك ..... وقلت لها انك مو موجوده ... قالت اذا رجعت خليها تدق علي ...
آيا بحماس : ايوه ..
جولي باستغراب : بس هذا كل شي ..
آيا بقهر : ومسويتلي سالفه شي عن يونا قلت بس جابت خبر العيد في النهاية هالكلمتين .. مالت عليك اقول قومي عن وجهي .
جولي بعصبيه : والوعد ..
آيا : انسيه ماقلتي شي يستاهل .. بس ان يونا كلمتني ..
لما تذكرت اسم يونا ابتسمت وبعدها تكلمت لاشعوريا : ياحبيلك يا يونا ..
جولي منقهره و حبت توري آيا شغلها فجأه لمست جبهة آيا بيدها : سلمات آيا عسى منتي مريضه ؟؟
آيا بدهشه : ليش وش فيني .. والله ما فيه اطيب مني ...
جولي : مدري عنك فجأه صرتي تحاكين نفسك قلت البنت اكيد مريضه قاعده تهلوس ..
آيا بتعجب : متى كلمت نفسي لاتقعدين تخربطين علي ..
جولي : لا لا آيا انتي من جد مخك فصل اكيد فيك شي؟؟
آيا : هي انتي وش تبين خليتيني مهبوله ما ناقص الا توديني مستشفى الصحه النفسيه ..
جولي تهز راسها مؤيده للفكره : و انتي الصادقه لازم نعالجك اجل تكلمين نفسك ..
آيا تصر على اسنانها : جولي يالزفت ترى اذا ماقلتي وش الكلام اللي قلته بطلعك برى بس بعد ما احوسك ..
جولي تقرب منها و كأنها بتقول شيء خطير : انا لما قلتلك ان يونا اتصلت عليك .. قلتي ياحبيلك يايونا .. قلت بس اختي مريضه تحاكي نفسها ..
آيا عصبت و مسكت اختها مع اذنها : الحين خليتيني مهبوله و محتاجه لعلاج عشان هالكلمتين ..
جولي تمسك يد آيا و فيها الضحكه : آي عورتيني لا انتي جد لازم نعالجك حالتك في تدهور ..
آيا تقومها : لا و الله انتي شكلك من زمان محد كفخك ..
جولي باستعطاف : آيا انا عارفه انك الحين مو في عقلك بس هذا كله لمصلحتك ..
آيا تفتح باب غرفتها و تطلع جولي : طيب ضفي وجهك لا ارتكب فيك جريمه و اصير صدق مهبوله ..
جولي : ايه و الله انتي صادقه .. آيا لازم تفكرين انك تتعالجين ..
آيا فسخت جزمتها بتكفخ اختها بس اختها سبقتها و دخلت غرفتها ..ضحكت آيا على حبابة اختها و رجعت لغرفتها فسخت الجزمه الثانيه و راحت اخذت التلفون الثابت واتصلت على يونا .... وتطلب يونا من ايا انها تقابلها في الحديقة ....
آيا وصلت قبل يونا و بعد شوي جات يونا و الابتسامه تملأ وجهها توجهت لآيا ... آيا اول ماشافتها ضمتها بقوة و بفرحه قالت: تباركين لي اول ولا انا اسبقك ؟؟
يونا بسعاده : مبروك يا الغلا ....
آيا تبعدها و تناظر وجهها : ومبروك لك يا اغلى من الغلا ....
يونا بحيا : كنت اتمنى اني انا وانتي اللي نرسم المظلتين بس اخذها مننا توما ...
آيا تغمز لها : اهم شي انها انرسمت وانا وانتي مع بعض .....
يونا تهز راسها : صح .. الا تعالي من متى وانتي حاطة عينك على اكيرا ؟؟
آيا بتفكير : امم اعتقد اليوم ....
يونا تضربها بخفيف على كتفها : تستهبلين معي انتي ؟؟
آيا تضحك : ههه الله يسعدك ..
و تسحبها وتجلسها على كرسي و تقابلها : انا ما حطيت عيني عليه هو اللي حاط عينه علي و الله ....
يونا بتفكير: اها اجل باعلمك شيء .... لكن هو في الماضي ... ولا تهتمين فيه مره ... باقول بس عشان ارتاح وتعرفين اني كل شيء اعلمك اياه ...
آيا بحماس: وش عندك ؟؟
يونا : انا كنت حاطه عيني على اكيرا من نص سنه ...... لكن ما اعترفت له لاني ابيك تلقين لك رفيق ويتحقق حلمنا سوا ....
آيا تناظرها وساكته تستناهها تكمل كلامها ..
يونا شافت آيا ساكته : آيا آسفه اذا ضايق...
آيا تسكر فم يونا بيدها وبابتسامه : ولا كلمه وش هالخرابيط كل هذا كان في الماضي صح ..
يونا وعيونها نزلت منها الدموع : يا حبيلك يا آيا..
آيا تمثل الدهشه : ليش الدموع عسى سوما مهو عاجبك ؟؟
يونا تمسح دموعها : لا لا لا تفهميني غلط صح سوما ما كنت افكر فيه ابد ... لكن مو هذا السبب ..
آيا تببسم : فاهمتك يا قلبو بس حبيت استهبل معك و بعدين لاتصيرين حساسه مره..
يونا بابتسامه : اليوم اكتشفت انك انتي يا آيا المناسبة لاكيرا وانا المناسبة لسوما .... عشان كذا انا راضية على كل اللي حصل .......
آيا فجأه : يونا .... احنا تعاهدنا صح ؟؟
يونا تناظرها : ايه
آيا بتساؤل : يونا انتي تحبيني ؟؟
يونا باستغراب: اكيد يا ايا ..... اصلا هالسؤال معروف جوابه انتي تعرفين غلاك عندي .....
ايا برجاء : يعني ما راح تتخلين عني يوم ؟؟؟؟
يونا تغير وجهها : آيا وش هالكلام اللي قاعده تقولينه ... اول مره اشوفك كذا ...
آيا في نفسها : لاني خايفة يا يونا .....
آيا تصرف: كنت امزح معك شوي ... بغيت اشوف ردة فعلك ..
يونا تعطيها ظهرها يقالها زعلانه : يا بايخه هذا وقت المزح ...
آيا تلفها لجهتها : انا آسفه ماني مسويتها مره الثانيه ..
يونا تبتسم و تمسك آيا مع معصمها : الا صح ليش معصمك ملفوف و وش في وجهك ... ؟؟
آيا تورطت : هاه .. ايه زلقت في الحمام ..
يونا بعدم تصديق : واللي يزلق يصير معه كذا .....
آيا تصرف : ايه بعض الاحيان ..... يعني مثلي على طول اتكسر وتوضح علي الضربات ....
يونا بتفكير : آها عشان كذا غايبة اليوم ؟؟ماتشوفين شر يا قلبو ..
آيا : الشر مايجيك يارب ..
يونا : ومتى طحتي ؟
آيا : امس في الليل ....
يونا في نفسها : شلون جولي تقول انها مو موجوده وانها ما شافتها من امس .. والحين آيا تقول انها طاحت في الحمام امس .....
آيا : هي يونا و ين رحتي ..
يونا انتبهت : هه هنا يعني و ين بروح ..
آيا تناظرها بطرف عين : مدري عنك يمكن عند حبيب القلب ..
يونا : انتي لاتناظريني كذا و الله اني ما فكرت فيه ..
آيا تضحك عليها : ههه يالله يا حلوه انا استأذن ...
يونا : تونا ليش مبكره ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 162
قديم(ـة) 29-10-2009, 03:15 PM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس / روايتي اليابانية


آيا : وين تونا الحين بتغيب الشمس لازم ارجع مبكره وراي اشغال و واجبات ..
يونا : اوكي براحتك بس لا تنسين جمعتنا الاسبوع الجاي .....
آيا تضرب على جبهتها : يوووه كنت صدق ناسيتها .... مشكورة على التذكير ماراح انساها ان شاء الله .. يا الله مع السلامه ..
يونا : مع السلامة ...
في هالحظه دق جوال يونا ...
يونا ردت وهي مستغربه : هلا اكيرا ..
اكيرا : هلا يونا كيفك ؟؟
يونا : بخير ..
اكيرا : يونا آيا معك صح ..
يونا : ايه و هذي هي بتروح لبيتهم ..
اكيرا بعجله : الله يخليك عطيني اكلمها ..
يونا : طيب طيب ..
يونا تنادي : آيا آيا ~
آيا تلتفت ...
يونا تأشر لها تعالي ..
رجعت آيا مستغربه : هلا وش عندك في شي نسيتي تقولينه ..
يونا تمد الجوال لها : خذي كلمي هذا اكيرا يبيك...
أخذت آيا الجوال : يبيني و على جوالك اللهم اجعله خير ..
آيا ردت بهدوء: الوه..
أكيرا : هلا آيا ..
آيا : هلا فيك وش عندك داق على جوال يونا ليش ما دقيت على جوالي ..
اكيرا : انتي نسيتي ان جوالك غرق ؟؟
آيا : ايه صح من جد كنت ناسية ... لكن اش عرفك اني مع يونا ؟!
اكيرا : اتصلت على البيت وعرفت انك مقابله يونا .. عشان كذا دقيت عليها عشان اوصلك ..
آيا : أها اش كنـ ..
أكيرا يقاطعها : آيا ابي اقابلك الحين ...
آيا : ليش وش عندك ؟؟
اكيرا : اذا قابلتك بتعرفين ..
آيا : طيب وين فيه ؟!..
أكيرا : في حديقة حيكم ...
آيا : اوكي انا الحين جاية...
أكيرا : انتظرك ...
وتسكر السماعة ....
آيا تمد الجوال ليونا : مشكورة ....
يونا : العفو ..وش كان عند اكيرا ..
آيا تهز كتوفها : و الله مدري وش يبي قال ابي اقابلك واذا جيتي بتعرفين وش عندي ..
يونا : ليش ما دق على جوالك ..
آيا : لأن ما معي جوال ..
يونا وين راح ..
آيا بضحكه : ههه غرق ..
يونا بصدمه : غرق ؟!! ووين ؟؟
آيا : في النهر كنت اتمشى عليه وطاح وغرق ...
يونا : اها ...
آيا : يالله قلبو بروح تأخرت على اكيرا مع السلامة ....
يونا بابتسامه : طيب مع السلامة ...
ويفترقون
وتروح آيا لحديقة الحي وتشوفه جالس على الكرسي وبيده شي مربع يلعب فيه توجهت له...
آيا بابتسامه : عسى ما تأخرت عليك ؟؟
أكيرا : لا ما تأخرتي بس كنت متوقع تتأخرين اكثر من كذا...
آيا : يا بيخك اصلا ما كنت بعيده ... وش اللي معك قاعد تلعب فيه ؟؟
أكيرا يمدها لها .. خذي هذي مو لعبه هذي هدية لك ...
آيا بدهشه : لي ؟؟
أكيرا يحط رجل على رجل: اجل لمين .... في احد غيرك ؟؟
آيا بوناسه : وش فيها ؟؟
أكيرا يأشر لها : افتحيها ..
آيا لما فتحت الهديه وشافته فرحت : واو هذا جوال ....
أكيرا فرح لفرحتها : عجبك ؟؟
آيا تهز راسها بكل سرور : ايه يجنن مشكور اكيرا ..
أكيرا يحاول يكتم تعبيره: قلت لهم يطلعون جوالك من البحر ... لكن الجوال راح في خبر كان... بس الشريحة سليمة ... دخلت لك شريحتك في جوالك الجديد ..
آيا عيونها تلمع من الوناسه : واو ما اصدق ... ياي من زمان كنت ابي جوال جديد ..... شكرااااااا يا احلى اكيرا <- الكلمه طلعت عفويه منها بدون ماتدري عنها ..
اكيرا مبسوط من هالكلمه قال بصوت منخفض: و الله يخليك لي يا احلى آيا ..
وقف اكيرا : يالله انا بروح ..
آيا : وين تروح ادخل عندنا ..
اكيرا : لا وراي مشاغل بروح اقضيها .. اشوفك بكره في المدرسه ..
آيا : ان شاء الله ..
اكيرا يمد يده مصافحه : مع السلامه ..
آيا تمسك يده : مع السلامه ..
ضغطت على يده : شكرا من كل قلبي على الجوال ..
اكيرا حط يده الثانيه على يدها و ابتسم : عادي و مابينا شكر يا آيا ..
ترك يدها و راح .. رجعت آيا للبيت و الفرحه مو سايعتها من الجوال الجديد ...
دخلت البيت..... يقابلها ابوها ...
آيا اول ماشافت ابوها حمدت ربها ان اكيرا مادخل عندهم : السلام عليكم ....
الابو : وعليكم السلام .... آيا انا ابي اكلمك تعالي اجلسي .....
آيا تروح وتجلس على الكنبة ....
آيا : وش بغيتني فيه يا ابوي ؟؟
الابو باستجواب : ليش ما جيتي امس البيت ؟؟
آيا تغير وجهها : ما قالت لك امي ؟؟
الابو : انتي علميني .....
آيا : كنت عند صديقتي ..
الابو : وليه نمتي عندها ؟؟
آيا : لانها كانت مريضة وقعدت اراعيها لانها يتيمة ...
الابو : وش اسمها ؟؟
آيا : وش عندك يا ابوي ؟؟
الابو بصرامه : جاوبي ...
آيا في نفسها : وش اسوي الحين ؟؟
آيا : اسمها ماكو ..... <- تقصد اسم البنت اللي خطفتها ..
الابو : ليش تكذبين ؟؟
آيا في نفسها : يا ويلي شكله عرف اني اكذب ..
آيا : انا ما كذبت ...
الابو : اتصل علي اليوم المدير وقال انه وصله رساله من الطلاب سيئة عنك ......
آيا : سيئة عني ؟؟
الابو : آيا هذي مو تربيتي فيك ... ليش تسوين هالحركات الغلط ..
آيا : ابوي انا الحين ابيك تفهمني .... وش القصة ؟؟
الابو : روحي بكره للمدير واعتذري عن كل اللي سويتيه ....
آيا في نفسها : انا وش سويت طيب ؟؟
الابو : خلاص
آيا : لكن يا ابوي .. اعتذر عن ايش وانا ما سويت شيء ؟؟
الابو : آيا لا تسوين نفسك المسكينة البريئة واللي ما تعرف شيء .... ويله روحي ارقي لغرفتك ....
آيا تروح لفوق وتدخل الغرفة .....
آيا باستغراب: وش السالفة ؟؟ ليش ابوي يعاملني كذا ؟؟ وليش اعتذر للمدير وعلى ايش ؟؟ ........ يوه ابي اجوبة ....
وتروح وتجلس على السرير ...
آيا : بادق على راي ... هي ام الاخبار.....
آيا : الوه .. السلام
راي : وعليكم السلام ..
آيا : يونا ... ممكن اسألك سؤال ... او يمكن اسئلة
راي : قولي ؟؟
آيا : هو صار اليوم شيء في المدرسة ؟؟
راي : لا
آيا : طيب ما سمعتي شيء عني ؟؟
راي : لا ... طيب مثل ايش ؟؟
آيا : عن اخلاقي ولا تصرفاتي ؟؟
راي : لا ابدا
آيا : طيب ما علقو علي ... يعني اني صرت رفيقة لاكيرا ؟؟
راي : ما ادري ....
آيا : طيب كذا ...
راي : ليش هالاسئلة ... وش صاير ؟؟
آيا : ما ادري عن ابوي .... يوم رجعت قعد يقولي كلام غريب
راي : مثل ايش ؟؟
آيا : اسمعي السالفة اجل ....
وتقول آيا السالفة لراي ....
راي : معقولة ؟؟
آيا : وشو ؟؟
راي : لا يكون طلعو عنك اشاعات لانك صرتي رفيقة لاكيرا ؟؟
آيا في نفسها : هذا اللي كان احساسي ...
راي : آيا ؟؟
آيا : ما ادري .... يمكن .. انا الحين ودي اعرف وش اسوي ؟؟
راي : اسمعيني ..... روحي بكره للمدير وقولي له انك تبين تشوفين الطلاب اللي عطوه الرساله ... وبكذا اسأليهم ليش طلعو عليك هالاشاعة
آيا : بالله فيه احد يكون بهالغباء ... يعني انا لو بأسوي اشاعة عن احد ما خليت احد يعرف انه من طرفي ..... اكيد انهم ارسلوها بدون ما يشوفهم المدير .....
راي : طيب يمكن يكونون اغبياء ..؟؟
آيا : خلاص انا اعرف وش بأسوي .....
راي : علميني .....
آيا : شوفي كل شيء بنفسك لاني ما تأكدت من اللي باسويه ....
ويمر اليوم على كذا ... وتنوم آيا مستعده للي بيصير بكره ...

أحداث الجزء الرابع – الفصل الخامس ::
المدير : آيا انتي ليه تدعين البنات كل يوم ؟؟
آيا : ادعوهم ؟؟ لايش ؟؟
........
الطالبة 3 : اكيد الحين تصيح ومتحسفة انها خذت اكيرا ..
آيا في نفسها : اكيرا .. السبب اكيرا ؟! يعني هذولا البنات اللي ورطوني في هالمشكلة ؟....
........
الطالب 2 : طيب خلاص خذي جوالي واذا قررتي دقي علي ....
آيا : اوكي .... ومشكورين على الدعوة ..
.........
الابو : اطلعي برا لا انا ابوك ولا اعرفك ... ولا ترجعين لهالبيت مره ثانية .... برا
آيا : تطردني يا ابوي من بيتك ...... تطرد بنتك ... ؟؟!


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 163
قديم(ـة) 29-10-2009, 04:46 PM
صورة **P!NK G!RL** الرمزية
**P!NK G!RL** **P!NK G!RL** غير متصل
©؛°¨غرامي جديد¨°؛©
 
الافتراضي رد: يا دنيا لا تسكبي الدمعة على خدِ حساس / روايتي اليابانية


وآآآآآآآآآآآآآآآآووووو

عجيييييييييييييييييييييب البــــآإرت

والله يعييينهـآإ أيـآإ ... بتلشت فيهم :\

يسلموو يـآإ قمر والله يعطيج ألف ألف عــآإفيه ؛**


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 164
قديم(ـة) 30-10-2009, 02:26 AM
صورة القنا20صة الرمزية
القنا20صة القنا20صة غير متصل
[ .. هــلاليه بعزها .. محد يهزها .. ]
 
الافتراضي رد: يا دنيا لا تسكبي الدمعة على خدِ حساس / روايتي اليابانية


woooOooow

روعهـ


تسلم انااااملكـ

اؤب اؤب وش سووو في آيا

توما .. مشكووووووووووورهـ


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 165
قديم(ـة) 04-11-2009, 03:38 PM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس / روايتي اليابانية


تسلمون لي حبيباتي على المتابعه ..... ^_^

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 166
قديم(ـة) 04-11-2009, 06:51 PM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس / روايتي اليابانية


يجيء منكِ اكثر ... (( الفصل الخامس – الجزء 4 ))
تقوم آيا وتروح للمدرسة ... متشيكة ومتكشخة غير كل الايام ...
وتمر من عند الطلاب والكل يبارك لها ....
راي تلمها وهي مبسوطه : آيا مبروووووووووووووووووك يا عمري ....
آيا بابتسامه: مشكوره يا قلبي ..
توما غاير: محنا ناقصين نفاق اجتماعي .. عمري , حياتي , روحي .... كل كلامكم نفاق
راي تدلع لسانها تغايض توما : بلاك غاير .... آيا اكيد عمري .....
آيا بضحكه : ههه الله يخليك يا الحلا كله ..
ويوقف سوما .....
سوما بابتسامه : مبروك لك ولاكيرا ......
آيا : الله يبارك فيك ..و انت مبرووووووووووووووووووووووووووك عليك يونا ....اسعدها تراها تستاهل تعطيها قلبك ..
سوما : الله يساعدني و اسعدها ..
مورا يصفق : مبروك للكل ....و عقبالي ..
سوما : يالله يا مورا ما بقى غيرك ..... عجل علينا .....
مورا : ايه و الله كني حسيت بالغيره ..
و بابتسامه كمل :. ان شاء الله بلحقكم عن قريب ....
توما بلقافه : واو مورا حركات تخبي علينا .. قلنا منهي تعيسة الحظ ....
مورا يناظر راي بشفقه : و الله محد تعيس الا راي انها صارت لك ...
سوما تحمس: اخلص علينا .... يالله من هي ؟؟
مورا يناظرهم بتعجب : وش فيكم ؟؟ ما بعد اخترت ....
توما يتميلح : علينا يا الدب وش خايف و الله ماراح نخطفها منك .. بس قلنا منهي ..
سوما : هي معنا في المدرسه ؟؟
راي : وش شكلها ؟؟ بليز اوصفها لنا ..
يونا : مورا بتتكلم و لا نزاعلك <~~ تسوي حركات البزارين ..
مورا طلعت عيونه : خيييير وش صابكم منتو صاحين و الله مابعد اخترتها و ما فيه احد في بالي حتي و لو باختار ما اخذت وحده من المدرسه ..
آيا بدفاع: وراه وش فيهم بنات مدرستنا مو عاجبينك ..
راي تحط يدينها على خصرها : اي و الله آيا صادقه بنات مدرستنا مافيه احلى منهم ..
مورا يهديهم : انتو وراكم كلتوني بقشوري انا ما قلت ان بنات مدرستنا شينات بس قلت ما ابي آخذ منهم ..
توما واقف بصف راي : اجل ليش ما تبيهم ..
مورا : لان و بكل بساطه ما ابي وحده تعرفني و دارسه معي ..
سوما: مالت عليك نحسب عندك خبر..
اكيرا دخل عليهم : السلام يا شباب ....
مورا لقى من يحط حيله فيه : هذي تحية واحد توه لاقي له رفيقة .....؟؟
اكيرا مستغرب : وش فيها ؟!
سوما : الظاهر يحسب نفسه لازال في ايامه الخوالي ...
اكيرا يتمسخر : هاها ها ضحكتني وانا ما ابي اضحك ..
توما : وراكم على صديقي الغالي ..
راي تستغل الفرصه : الله من زين النفاق الاجتماعي و تقلده ( صديقي الغالي ) اقول بلا نفاق اجتماعي ..
توما ناظرها و ابتسم : انتي ما تضيعين ولا تنسين ..
آيا : لوسمحت قل ماشاء الله لا توديها في داهيه من عيونك ..
اكيرا يضحك : لا توما عيونه بارده ..
توما يقرب لاكيرا : تسلم يا الحبيب .. ويغمز لراي ..
ابتسمت راي له ..
اكيرا يناظر الشباب و يسوي نفسه زعلان : الحين انا من جيت محد فكر انه يباركلي بس طقاق و مناقر كأني ما هميتكم ....
سوما يبي يقهره : ما يكفي اننا باركنا لايا ....
اكيرا ميل فمه : لا مايكفي .. اجل خلاص ماني مبارك لك .. تكفي يونا عنك ..
سوما بحالميه : عادي انا و يونا واحد ..
مورا بهبال: يصفر واو يا حركات ..وينك يا يونا تسمعين حبيبك..
سوما بتهديد: انت ورى ماتسكت ماتلاحط انه طلع لك لسان ..
مورا يسوي نفسه خايف يحط يده على فمه يعني خلاص سكتنا ..
ضحك الكل على حركاتهم و جلسو يسولفون شوي الى ان تصفر ....جات يونا وجلست معهم ..وبعد ربع ساعه صفرت ..
اكيرا وقف : يالله صفرت بروح للفصل ..
وقف الجميع : كلنا بنروح لفصولنا .
آيا : انتظرني بجي معك ..
اكيرا : اوكي ..
راي مسكت يد آيا و بهمس قالت :آيا متى بتروحين للمدير ؟؟
آيا : وقت الفسحة ..
راي : تبيني اصير معك ؟؟
آيا : لا مشكورة .. انا ابي اسوي كل شيء لحالي ..
راي : على راحتك ..
آيا : ياالله انا بروح اكيرا ينتظرني ما ابغى أتأخرعليه و ابي اروح للفصل قبل لايجينا المدرس.....
راي : اوكي باي ...
راحت آيا هي و اكيرا للفصل
مر الوقت وجا وقت الفسحة .....
اكيرا : يووه لك ساعة وانتي تكتبين الملخص يا آيا .... بتقضى الفسحة
آيا : آسفة اكيرا .... لكن ما راح اتفسح معك اليوم ...
اكيرا : ليه ؟.
آيا : احس اني مطوله انت روح اسبقني و انا اذا خلصت جيت ..
اكيرا : اوكي على راحتك ....
لما طلع اكير من الفصل قامت آيا وطلعت للمدير ..
وصلت لغرفته طقت الباب:.
المدير : تفضل ..
آيا دخلت: السلام عليكم ....
المدير : وعليكم السلام ...
آيا : هو انت طالبني ؟؟
المدير : لا
آيا : اجل استأذن ...
المدير : آيا ؟؟
آيا : نعم
المدير : ما قال لك ابوك شيء ... ؟؟
آيا : عن ايش ؟؟
المدير : اني كلمته ؟؟
آيا : لا ...... وليش كلمته ؟؟
قربت آيا له ووقفت قدام مكتبه ...
المدير : آيا انا اعرفك من سنتين ... لكن ما قد وصلني عنك شيء سيء ...
آيا : وليش تبي يجي عني شيء شين ؟؟
المدير : لا ما اقصد كذا ..... اقصد
آيا : وشو ؟؟
المدير : امس وصلتي رسالة ... او اسميه بلاغ عنك ....
آيا : ووش هالبلاغ ؟؟
المدير : آيا انتي ليه تدعين البنات كل يوم ؟؟
آيا : ادعوهم ؟؟ لوين ؟؟
المدير : للملاهي الليليه ...
آيا انهبلت : انا ادعوهم للملاهي الليلية ؟؟
المدير : هذا اللي وصلني وكثير من الطلاب والاهالي متأذين من هذا الشيء ..
آيا تهز راسها بالنفي : انا عمري ما سويت هالشيء ... وبعدين حتى انا وصديقاتي ما نروح لها .....
المدير : آيا لا تبرئين نفسك .... لان البنات نفسهم قالوا لي هالشيء وانك انتي اللي داعيتهم ...
آيا بدت الدموع تتحجر في عيونها : مستحيل اسوي كذا ومن هذولا البنات ووش اسماءهم... ؟؟
المدير : هم قالو لي اني ما اقولك من هم لانهم يقولون انهم يخافون تسوين لهم شيء ....
آيا بتنجن: يا استاذ انت تعرفني زين ... معقوله تتوقع مني هالشيء ؟؟
المدير : انا متعجب لاني اعرفك .... آيا ما ابي اسمع شيء ثاني عنك ... وهالمره باسامحك ...
آيا تحاول تضيع دموعها عشان ما تنزل : مع اني عارفة ان هذي اشاعة ..... لكن تكفى حط في بالك اني بريئة كذا بارتاح ......
وتطلع آيا والدموع في عيونها ...... راي كانت تنتظرها برا ...
راي : آيا وش صار ... ؟؟
آيا : راي الظاهر اني بعيش دائما مظلومة .....
راي : تعالي لفصلك و قولي لي وش اللي صار ؟؟
راحو للفصل و جلست آيا و الدموع تنزل بلا توقف و قالت لراي كل شيء حصل ..
آيا : وهذا اللي صار ..
راي : ليه كذا .... من هالغاير اللي يسوي فيك كذا ..؟؟
آيا : انا ما توقعت ان القصة كذا .... ودي اعرف من هالبنات على الاقل ....
راي : جتني فكره .... اسمعي ...
وتقول راي لايا ...
ويمر الوقت ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 167
قديم(ـة) 04-11-2009, 06:55 PM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس / روايتي اليابانية


وآيا كل حصة تستأذن من المعلم للخروج لدورة المياه ... وتروح عند باب المدير ... وفي الحصة السادسة ...
آيا توقف عند مكان بعيد شوي عن غرفة المدير وتشوف ثلاث بنات متوجهين لغرفة المدير ..... تسمع حديثهم قبل ما يدخلون عليه ....
الطالبة1 : اكيد الحين راحت له ..
الطالبة 2 : احنا جايين الحصة الثالثة ولا شفناها تروح له .....
الطالبة 3 : اكيد الحين تصيح ومتحسفة انها خذت اكيرا ..
آيا في نفسها : اكيرا .. السبب اكيرا ؟! يعني هذولا البنات اللي ورطوني في هالمشكلة ؟.... خليني انتظر واشوف ...
ويدخلون على المدير وتروح آيا وتوقف عند الباب تتسمع ....
الطالبة 2 : استاذ ما جت لك ؟؟
المدير : البنت صارت متفاهمة وقالت انها ما راح تسويها مره ثانية ....
الطالبة 1 : يعني اعترفت بخطأها على طول ؟؟
المدير : ايه ... وانا من جهتي سامحتها
الطالبة 3 : طيب اذا كانت تكذب عليك وترجع لعادتها الاولة .. ؟؟
المدير : لكل حادث حديث ..... يله روحو وارجعو لفصولكم ..
الطالبة 1 : طيب انت علمتها اننا احنا اللي اشتكينا عليها ..... ؟؟
المدير : طبعا لا .... وحتى هي ما سألت لانها اكيد عارفة من اللي خذتهم للملهى ....
الطالبة 3 : هي تخلي كل بنات المدرسة مو وحده او ثنتين ....
المدير : خلاص انتهينا من الموضوع ويله على فصولكم ...
وتبعد آيا من الباب وتروح تتخبا ...
ويطلعون البنات ...
الطالبة 1 : شلون كذا ؟؟
الطالبة 3 : هي ذكية ومو بسيطه ...
الطالبة 2 : شلون سامحها ..... هذي اكيد ساحرة ... سحرت اكيرا وبعد المدير ....
الطالبة 1 : يله خلينا نروح للفصل لا نتأخر ...
آيا في نفسها : المدير هو اللي ساعدني هالمرة ... الله يستر وش بيسوون بعد ... انا لازم انتبه اكثر لتصرفاتي عشان ما يطلعون شيء علي بعد ..
وترجع آيا للفصل وتجلس وتحط راسها على الطاولة .... اكيرا يناظرها باستغراب ....
وتجي الحصة السابعة .... يجي طالب لآيا ويعطيها ورقة آيا تفتح الرسالة ...
آيا : من مين ؟؟
الطالب : وحده ما اعرفها عطتني اياها ....
آيا : طيب شكرا ....
آيا تقرا الرسالة ....
((" بعد نهاية الدوام روحي للمسبح بدون ما يكون معك احد " ))
وينتهي الدوام ...
اكيرا : آيا وش فيك اليوم مو على بعضك .... ؟؟
آيا : لا ما فيه شيء لكن فيني نوم شوي .....
اكيرا : يله خلينا نروح ...
آيا : آسفة اكيرا بس وعدت راي اننا نرجع سوا .....
اكيرا : طيب اوكي خلاص ... باي .
آيا : باااي
وتجلس آيا في الفصل وتجي راي لها .....
راي : آيا وش صار ؟؟
آيا : ما صار شيء جديد ..
راي : يعني ما عرفتيهم ...؟؟
آيا : مع الاسف ...
راي : اشوفك ما رحتي مع اكيرا ....
آيا : كان عندي شوية ملخصات ناقصتني وقلت له يروح ....
راي : اساعدك فيها ؟؟
آيا : مشكورة يا قلبي الحين اخلص ...
راي : اجل استعجلي عشان نروح ...
آيا : راي انتي روحي وانا بروح لحالي ..
راي : ليه ....
آيا : مكلفني المعلم بشيء وبطول ما خلصته .....
راي : طيب ... اجل مع السلامة ....
آيا : مع السلامة ....
وتمر دقيقتين ....
آيا : اضن اني لازم الحين اروح لنادي السباحة ...
آيا تاخذ شنطتها وتروح للنادي تشوف باب النادي مفتوح وتدخل ....
آيا : فيه احد بغاني هنا ..
وتشوف واحد يأشر لها من بعيد ..
آيا في نفسها : ولد ؟! توقعت اني بقابل البنات ...
وتروح آيا له ...
آيا : انت اللي طالبني ؟؟
الطالب : ايه .... انا واصحابي هذولا ..
ويأشر عليهم ..
آيا : وش تبون مني ؟؟
الطالب 1 : احنا من نادي السباحة .... وانتي بنت معروفة في المدرسة شهرتك وصلت هنا .....
آيا : والمطلوب ؟؟
الطالب 2 : نبيك تشاركين معنا في النادي ....
آيا : بس انا ما اعرف اسبح ....
الطالب 2 : راح تتعلمين مع الممارسة ...
آيا : اسفة لكن ما راح اشارك ....
الطالب 1 : وليه ؟؟
آيا : انا ما احب السباحة ...
الطالب 3 : راح تحبينها ..... وبعد لازم كل واحد يعرف يسبح ....
آيا : لكن التسجيل في النوادي يكون من اول السنه مو الحين .....
الطالب 1 : نقدر نتوسط لك ...
آيا : طيب راح افكر في الموضوع ....
الطالب 1 : ودنا نعرف قرارك الحين لانهم مهلونا يوم ...
آيا : لكن انا ما اعرف اقرر بسرعة ...
الطالب 2 : طيب خلاص خذي جوالي واذا قررتي دقي علي ....
آيا : اوكي .... ومشكورين على الدعوة ..
ويمر اليوم وآيا تفكر ....
آيا : ما ادري بس احسني ما ارتحت لهم ابد ... والصراحة انا ما ودي اشترك في ناديهم .... خلاص قررت اني منب مشاركة وافك روحي من هالنادي .....
وتدق آيا على الطالب ....
آيا : الوه ...
الطالب : اوه ... هلا ايا ..
آيا : انا آسفة ... لكن قررت اني ما اشارك ...
الطالب : وليه ؟؟
آيا : ما ادري لكن ما ودي ...
الطالب : طيب ممكن اشوفك ؟؟
آيا : ليه ...
الطالب : ودي اقنعك بالموضوع ... لكن التلفون ما ينفع .....
آيا : هالوقت ؟؟
الطالب : ايه
آيا : بس انا خلاص ما راح اتراجع ...
الطالب : ابي السبب ..
آيا : من دون سبب ...
الطالب : يله عاد .... تكفين خليني اكلمك طيب ...
آيا : اوكي ... وين تبيني اشوفك ...
الطالب : في الممشى ...
آيا : خلاص اوكي .....
الطالب : مع السلامة ..
آيا تروح وتلبس .... وتطلع في الشارع .. يدق جوالها ....
آيا : الوه ...
اكيرا : هلا ايا ....
آيا : هلا بك ...
اكيرا : تطلعين معي الحين ؟؟
آيا : وين ؟؟
اكيرا : نتمشى ...
آيا : طيب خلاص بس انا بروح الحين اقابل واحد في الممشى وانت تعال هناك وخذني ...
اكيرا : من بتقابلين ؟؟
آيا : واحد من نادي السباحة ..
اكيرا : وش عندك معه ؟؟
آيا : يبوني اشترك معهم في النادي ....
اكيرا : هالوقت .... الناس تسجل من اول السنة ....
آيا : قالو انهم يقدرون ..
اكيرا : وانتي تبين تشاركين ؟؟
آيا : انا رفضت .... لكن هو قال انه يبي يقنعني ..... واصر اني اقابله ...
اكيرا : لهادرجة يبونك ؟؟
آيا : يقولون اني مشهورة .... واكيد انشهرت زياده يوم صرت رفيقتك هههه ... يله مع السلامة اشوفك في الممشى .....
وتسكر آيا السماعة ...
اكيرا : مشهورة اجل ... ولا بعد انشهرتي زياده يوم صرتي رفيقتي ...
آيا تروح للممشى .... وتشوف الطالب ...
آيا : السلام ..
الطالب : وعليكم السلام ...
وتجلس آيا ويقعد يحاكيها وهو يقنعها ..
اكيرا وهو في الطريق ...
اكيرا : طلاب نادي السباحة ما يحبون الطلاب المشهورين في المدرسة .... توما كان في هالنادي وكان يقول انهم ما يحبونهم ....
في الممشى :.
آيا : طيب ودي اسألك سؤال ؟؟
الطالب : وشو ؟؟
آيا : ليش ما جيتو من انفسكم ودعيتوني .... ليش ارسلتو لي رسالة .....؟؟
الطالب : كنا خايفين انك ترفضين ..... ثم نتفشل ....
آيا : طيب ليش قلتو في الرسالة .... محد يجي معي ... يعني لحالي ؟؟
الطالب : كنا خايفين تنحرجين من اللي معك وترفضين ....
آيا : اها ..... طيب في النهاية .... انا رافضة ...
الطالب : راسك يابس ...
آيا : آسفة ...
وتوقف آيا ...
الطالب : وين ؟؟
آيا : بروح مابيني و بينك كلام ..
الطالب : لايكون زعلتي ؟..
ايا : مازعلت بس اتركني في حالي انا رايحه ..
الطالب : يمسكها مع يدها :
آيا انتظري ..
آيا ارتاعت من جرأته ابعدت يده عنها : لوسمحت لاتلمسني ..
الطالب يسوي نفسه متأسف : آسفه ما كان قصدي بس كنت بأقولك خليني اوصلك ..
آيا بقرف تعطيه ظهرها : مشكور ماتقصر بيجي اكيرا ياخذني من هنا ...
في هاللحظه جاء اكيرا ..
الطالب انتبه لاكيرا ... اسرع لآيا وضمها له من ظهرها ...
آيا تحاول تبعده: ابعد عني يا وقح وش تبي مني ؟؟
وفي نفس الوقت ينزل اكيرا ويشوفهم ..
آيا بكل قوتها : قلتلك ابعد عني..
الطالب لما تأكد ان اكيرا شافه بعد عنها ...
آيا شافت اكيرا وكان وجه متغير : اكيرا انت جيت ؟؟
اكيرا وجه تغير من الصدمه: وليش متفاجئة ... الظاهر انك ما تبيني اجي ..... ؟؟
آيا الدموع في عيونها مرتاعه تهز راسها : لا مو كذا قصدي ....
اكيرا بدأ يتنفس بسرعه من شدة المنظر : ما توقعت منك يا آيا ...... لكن يجي منك اكثر .....
اسرع اكيرا لسيارته وركب فيها وطار بسرعه جنونية ..
آيا تلتفت على الطالب ولا تلقاه موجود ...
آيا بصرخة مظلوم : لااااااا ...خدعتوني ياحقيرين ..... ليييييييييييييييييييه ؟؟!!
وتقعد آيا في الأرض وتصيح صياح يقطع القلب ....
آيا وهي منهاره : كله منكم يا كذابين ..... كله منكم شككتو اكيرا فيني .... ؟؟
جلست على حالها ساعة بعدها وقفت ورجعت لبيتهم تتسحب مافيها طاقه كل قوتها راحت مع الصياح .. دخلت للبيت توجهت لغرفتها راحت لسريرها و نامت مكسورة القلب ....
في الصبح :.
الام : آيا يله روحي للمدرسة ...
آيا : ما ابي اروح اليوم ...
الام : لكن هالسنة كثرتي غياب ...
آيا : انا ما ابي اروح للمدرسة ابد ...
الام : طيب ... خلاص على راحتك ...
في المدرسة :.
يونا : صباح الخير راي
راي : صباح النور ....
ويمر اكيرا من عندهم ...
يونا : وش فيه حتى ما سلم علينا ...
راي : الا وين آيا ؟؟
يونا : ما ادري عنها ... ما بعد جت ....
توما : شفتو اكيرا ؟؟
يونا : تو مر من عندنا ... لكن اليوم مو على بعضه ...
توما : وش فيه ؟؟
راي : ما ندري ..... روح اسأله وعلمنا ...
توما : طيب ... يونا ما جاء سوما ؟؟
يونا : قال لي امس انه بيتأخر عشان مباراة نادي السلة يبي يستعد لها ...
توما : ايه والله كنت ناسي ...
ويروح توما لاكيرا ويشوفة جالس على الكرسي وحاط راسه على الطاولة .....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 168
قديم(ـة) 04-11-2009, 07:02 PM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس / روايتي اليابانية


توما : صباح الخير ..
واكيرا ساكت ..
توما : اكيرا ... وش فيك يا اخوي ؟؟
اكيرا : توما خلني لحالي .... تكفى
توما : ما اشوف آيا هي جت ؟؟
اكيرا في نفسه : ولها وجه بعد تقابلني .....
توما : اكيرا .... ياخي قلي وش فيك ؟؟
اكيرا : راح اقول لك لكن تكفى بعدين ....
توما : اوكي ... يله انا بروح الحين قبل ما يجي المعلم ..... اشوفك بعدين وبحالة احسن من كذا ..
راي : متغلق ؟؟
توما : لكن لما اعرف وش فيه راح اقولكم ..
راي في نفسها : آيا لا يكون اللي ورطوك امس بعد مسوين لك شيء اليوم ..... بس وش اللي صار آيا شكلها غايبة ... آآه لو اعرف من هالبنات.
ويمر اليوم واكيرا ساكت وما قال شيء لتوما .....
يقوم اكيرا من كرسيه بيطلع من الفصل ... ويقابله سوما ومورا وتوما ....
توما : مر اليوم كله .... وانت ما حكيت ولا بحرف ....
سوما : اكيرا ....هذا الوجه مو وجهك اللي نعرفه ..
اكيرا : توما ~
توما : نعم
اكيرا : انت كنت في نادي السباحه صح ؟؟
توما : ايه ...
اكيرا : تعرفهم كلهم ؟؟
توما : اممم ما اقدر اقولك اني اعرفهم كلهم لان اكيد فيه ناس سجلو من بعدي ....
اكيرا تغير وجهه ولا يدري وش يسوي ...
توما : اكيرا ؟؟ حصل شيء بينك وبين آيا ؟؟
يمشي اكيرا ويخليهم ... يناظرون بعض باستفهام ويمشون وراه .... يروحون لنادي السباحه ويدخل اكيرا وهو يتلفت على كل الطلاب .....
توما : تدور على مين ؟؟
اكيرا : وين المدرب ؟؟
توما : اعتقد طلع ... لكن فيه " كي " هو يعرف كل اللي هنا ؟
اكيرا : وينه ؟؟
توما يتلفت ويشوفه من بعيد .....
توما بنداء : كيييي ~~
يلتفت " كي " ويبتسم يوم شاف توما ويجي لهم .....
يسلم توما عليه .....
كي : وين من زمان عنك يا المتقاعد ...
توما : خلاص هالنادي صار من الماضي ....
كي : على هالسنتين تكبرت علينا ....
توما : ايه وسع صدرك خلاص انا مليت .... اهم شيء اني اعرف الاساسيات ....
كي : ما راح اكثر معك عارفك راسك يابس ...
توما : صديقي اكيرا يبي منك معروف ..
ويسلم اكيرا عليه : آسفه اننا جينا لك وانت مشغول ....
كي : لا عادي لا مشغول ولا شيء .. تفضل اطلب اللي تبي ...
اكيرا : الله يعافيك .... بس بس بغيت اشوف ملف المسجلين في النادي ..
كي : عندك عضو هنا تبي تقابله ؟؟ طيب عطني اسمه وانا اطلعه لك ..
اكيرا : مع الاسف انا ما اعرف اسمه لكن اعرف شكله ....
كي : وش يصير لك قريب ؟؟
اكيرا : لا معرفه بس ... وبغيت اعرف اسمه ...
كي : على راحتك .. تعال معي واعطيك الملف لكن تبي أي مرحله ؟
اكيرا : ثالث ثانوي ...
كي : اوكي تعال معي ...
يروح اكيرا معه ويبقى توما مع الباقي ...
سوما : غريبه وش عند اكيرا ؟؟ من هالشخص اللي يبي يعرف اسمه ..
توما : والله حتى انا مستغرب ... تصرفاته غريبه ....
مورا : انا مو مرتاح من هالتصرف ...
سوما : اذا كان فيه شيء حصل بين اكيرا وآيا اكيد واصل لراي ... توما اسألها ...
توما : اوكي بحاول اليوم اتصل واعرف كل شيء ... وعسى عندها الاخبار ....
اكيرا قاعد يتصفح الملفات ويشوف صور المسجلين ولا لقا الشخص اللي كان مع آيا ...
اكيرا : هذولا كلهم ؟؟
كي : ايه ....
اكيرا في نفسه : وكنتي تكذبين علي انه من نادي السباحه يا آيا ...
اكيرا : شكرا لك ..
كي : ما لقيت الشخص ؟؟
اكيرا يحاول يصرف يفتح واحد من الملفات ويأشر على واحد ....
كي : هذا ؟؟
اكيرا : كنت احسبه انه هنا لانه يشبه هذا العضو .... آسف ازعجتك بطلبي ....
كي : لا عادي لا ازعجتني ولا شيء ...
يسلم اكيرا عليه ويطلع ويروح لربيعه ....
توما : وش عندك ؟؟
اكيرا : كنت مشبه ... ما فيه شيء ....
يرجع الكل من الدوامات ....
الابو يدخل البيت يصارخ : آيــــــــا ........ آيــــــــــــــــــــــــــــا ... ؟؟
آيا تقوم مفزوعة : وش السالفة ؟؟
الام : هد بالك ...... وش اللي صار ؟؟
الابو : وينها ..... وين آيا ؟؟
آيا : انا هنا وش فيك يا ابوي ....
الابو يحاول يمسك اعصابه ويروح لآيا
الابو : فضحتيني وسودتي وجهي ... مو هذي تربيتي فيك ....
آيا ما تفهم وش يبي يوصل له: ابوي ؟؟
الابو : يا قليلة الحياء ....
آيا : وش سويت ؟؟
الابو : تفشليني عند المدير وعند الناس والعالم ......
آيا : وش سويت علمني ؟؟
الابو : قولي لي قبل امس وين كنتي بالضبط ....
آيا : قلت لكم اني كنت عند زميلتي مريضه ...
الابو : وينها ؟؟
آيا : معي في المدرسه ... زميله بس
الابو : وين بيتهم ابي اروح لهم ..
آيا بخوف : ليه تبي تشوفها ؟؟
الابو : وينها ؟؟
آيا : بيتها مره بعيد خلاص انا اخليها تجي لنا ...
الابو : واذا كان بيتها بعيد ليه تصير معك في مدرستك ليه ما تكون في مدرسه قريبه منها ؟؟
آيا حست انها تورطت مع هالكذبه ....
آيا تعض على شفتها : آسفه .... ما كنت عند زميلتي ..
الابو حمقان : وتكذبين علي بعد ...
آيا : مو هذا المهم ... انت وش فيك علي ؟؟
الابو : فضحتيني ... ما توصل ان بنتي بهالشكل ....
آيا حمقانه : لا تحاكيني بالالغاز ووضح لي ؟!!
الابو ما قدر يمسك نفسه وصفق آيا مع وجهها ...
الام وجولي شهقو ..
آيا تحط يدها على خدها : وتضربني حتى بدون ما اعرف السبب ... هذا ظلم
الابو : اطلعي برا لا انا ابوك ولا اعرفك ... ولا ترجعين لهالبيت مره ثانية .... برا
آيا : تطردني يا ابوي من بيتك ...... تطرد بنتك ... ؟؟!
الاب : اطردك و اطرد كل من يمشي ممشاك ...
آيا تقعد على الارض عند رجول ابوها وهي تصيح : احب رجولك لا تتبرأ مني .... تكفى يا ابوي ..
الابو : اذا رجعت وشفتك في هالبيت بتشوفين الموت ..
طلع وخلاها في دوامه جديدة..
آياتناظرامها و دموعها تسيل: يمه ابوي تبرامني تبرأ مني .لا ما ابي الشارع ابي اهلي يمه ابيكم و الله انا مظلومه .. جولي انا مظلومه لاتصدقين كلام احد و الله انا مظلومه.. يمه انا تربية يدينك والله عمري ماسويت شي مايرضيك .. جوليا انا اختك نقيه و ما ارضى على نفسي الفساد تراني مظلومه ..وصارت تضيح بهستيريا ..
الأم تصيح مع بنتها و هي ضامتها : مصدقتك يا بنتي يا قلبي انتي انا اعرفك و اعرف تربايتي فيك انتي آيا بنت بطني من لحمي و دمي ..
جوليا موقفه مكانها و تصيح على حال اختها وهي حاطه يدها على فمها تكتم شهقاتها ..
حال البيت ما يسر .. فجأه
قامت آيا وهي تصيح وطلعت برا البيت ...
الام تلحقها : آيـــــا ~
توقف آيا وتلتفت على امها
آيا : ما ابي ابوي يقتلني ياايمه ...
الام : وين بتروحين ....؟؟
آيا : اي مكان اي مكان ...
وتروح آيا وهي تركض .....
الام : آياااااااااااااااااااااااااااااااا ..... ارجعي يا بنتي ....
رجع الابو ودخل البيت ..
الام : حرام عليك في اللي تسويه في بنتك .....
الابو : خليها تروح ..... روحه بلا رده ...
وجولي من هول المنظر طلعت لغرفتها راحت تبكي اختها الوحيده المظلومه اللي ماتعرف وش سبب تبري ابوها منها قعدت تصيح على تغير حالهم ...

أحداث الجزء الاول – الفصل السادس ::
ماذا ستفعل آيا ؟؟
وهل ستظهر برائتها ؟؟
وهل سيندم أكيرا ؟؟


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 169
قديم(ـة) 04-11-2009, 08:11 PM
صورة مرجوجه بس بحترام الرمزية
مرجوجه بس بحترام مرجوجه بس بحترام غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس / روايتي اليابانية


وااااااااااااااااااااوخقق البارات
ياقلبي يا ايا مسكينه
ياشين الطالبات الله يخذهم<-حقده بقوه
يجنن بارات ياقلبي ونتضرك


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 170
قديم(ـة) 05-11-2009, 04:28 PM
صورة القنا20صة الرمزية
القنا20صة القنا20صة غير متصل
[ .. هــلاليه بعزها .. محد يهزها .. ]
 
الافتراضي رد: يا دنيا لا تسكبي الدمعة على خدِ حساس / روايتي اليابانية


يااااااااااااااااااااااااااااالبيه
ياايا


ياابو يايا بصفقققققك لما تقووول بس

مشكوووره توما


سايونارا


الرد باقتباس
إضافة رد

يا دنيا لا تسكبي الدمعة على خد حساس / بقلمي , كاملة

الوسوم
تأليفي , يا دنيا , يابانية , رواية , to♥oma} ...
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
فضل يوم الجمعة WASOMY ارشيف غرام 1 25-05-2012 05:22 AM
يوم الجمعة آكتفآء مواضيع إسلامية - فقه - عقيدة 26 03-05-2011 02:10 AM
اليوم جمعه مغروره بدلع ابوها مواضيع إسلامية - فقه - عقيدة 11 19-09-2009 09:03 PM
الجمعه احكام واداب طُهرِ !! مواضيع إسلامية - فقه - عقيدة 13 26-12-2008 10:15 PM

الساعة الآن +3: 11:39 AM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1