غرام
اكتب بريدك ثم اضغط على اشتراك ليصلك جديد غرام
بحث مخصص من محرك البحث العالمي قوقل للبحث في غرام

عـودة للخلف   منتديات غرام > منتديات روائية > روايات كامله - يتم نقل الرواية هنا بعد اكتمالها
الإشعارات
 
أدوات الموضوع طريقة العرض
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 1
قديم(ـة) 30-07-2009, 08:17 PM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
يا دنيا لا تسكبي الدمعة على خد حساس / بقلمي , كاملة


بسم الله الرحمن الرحيم
السلام عليكم ورحمة الله وبركاته


اعتقد واضح من العنوان والقسم انها روايـــــة ..... وقبل ما ابدا بأي شيء راح اقول لكم " كيـــف اللفت هالرواية اليابانيــة "
السنة الماضيـــة على نهاية العام الدراسي To♥oma} ... البنت النشيطة بين صديقاتها واللي دائماً تسولف ... خلصت سواليفها وجالسة طفشانه مع ثلاث من صديقاتها , طلعت قلس من جيبها وحطته بس على الشفة السفلية فسألت وحده من صديقاتها : To♥oma} ... ليه بس حطيتيه تحت .....؟؟
ومن ذاللحظة بدا الفقش بكلمة : هذا مسلسل ياباني قاعده اتابعة هاليومين , البطله بس تحط قلس على شفتها السفلية " وللمعلومية :: في ذاك الوقت كنت مجنونة يامابي ومعروفه إلى الان اني مجنونة اليابان " نرجع للسالفه
قالت وحده : وش قصته ؟؟ فبدا التأليف وكان الغرض منه تغيير الجو الممل ... سألوني : وش اسم البطله ؟؟ .. وبدت الورطة دايركت الجواب : توني في الحلقة الاولى ما بعد حفظت الاسماء ... بديت اكمل التأليف واشوفهم تحمسوا ... هم متعودين علي أي مسلسل انهبل عليه اجي اقولهم القصه بالتفصيل وبالحركات وانا معروفه اني اذا تكلمت عن شخصيه تقمصتها صح ... لدرجة انهم يحسون اني انا ذاك الشخص ..... فهالمره صار اسهل اني اجيب شخصيات من خيالي واتقمصها ... انتهت الفسحه وقلت زيييين خلاص بارتاح واسكر على الموضوع ... الا وفي الطلعه : يالله يا To♥oma} ... كملي والله اني ما فهمت وش تقول الاستاذه بس افكر وش بيصير ..... وكذا صرت مجبوره اكمل فقشي وصرت كل يوم اقولهم ومن اليوم الثاني قلت لهم : تراني حفظت الاسماء ... لانها سهله شوي ... قلت البطله اسمها آيا في خيالي نسبه للبطله في مسلسل لتر من الدموع لاني كنت مره متأثره ... والبطل اسمه اكيرا .. في خيالي نسبه ليامابي في مسلسل نابوتا لاني كنت مجنونته ... وقلت ياجيما نسبه ليامابي في مسلسل دراقون ساكورا وكذا كذا وانا اطلع الاسماء من المسلسلات اللي شفتها .... والحين غيرت اسم ياجيما بعد ما انهبلت على ايكوتا توما وصار بداله اسم توما ..... قعدت كل يوم احضـّر وش بقولهم بكره وصرت حتى انا متحمسه اقولهم ... لين آخر يوم في الامتحانات النهائية وانا ارويها بلساني وختمتها في آخر يوم طبعاَ بنهاية غير النهاية اللي هنا ... وبعد ما خلصتها اعترفت بالحقيقه لهم وصارت بعض الاشياء لكن ما احتاج اذكرها ..جت الاجازة الصيفية وصرت اروح لبنت خالتي باليوميه بس ناقص النوم عندها..... وقعدت اقولها عن صديقاتي قالت لي طيب قولي لي القصه , قلت لها والاخت الثانية تحمست وانا انبح صوتي من الكلام المستمر .... وبعدين قالت لي اكتبيها والله حرام يروح خيالك ومن هالحكي ... انا كنت راااااافضة مرررره لاني اكره الكتابه من اعماق قلبي .... لكن بعد فتره حسيت بشوي ملل ما عندي شيء اسويه .... ثم قلت خليني اجرب واكتب ومتى ما مليت بوقف .... وسويتها وكتبتها واستمريت بكتابتها الى هذا اليوم وما بعده وصار عندي طموح اني انزلها ويكون لي مشجعين .... هذي هي قصتي ... واليوم اخيرا بأبدا ...


والحين راح انتقل الى نقاط بسيطه عن الرواية :.
1- الروايــــة طوييييله .....
2- الرواية عباره عن قصة يابانية بحته ..
3- كتبتها باللهجة السعودية " لهجة اهل الرياض "
4- بتلقون كلمات مثل " السلام عليكم – ان شاء الله وغيرها " لا تستغربون او تضحكون الرواية بلهجتنا وبنفس كلامنا بالضبط ...
5- طريقة تقسيم الرواية بتكون بالفصول وكل فصل فيه اربع اجزاء .... وبيكون مثل كذا (( الفصل الاول – الجزء 1 )) ... وبيكون لكل جزء عنوان ... مثل الحلقات في الدراما .....
6- يمكن تمر عليكم كلمات ما تفهمونها لانها رياضيه بحته ... يعني لاهل الامارات او مناطق المملكة الاخرى اذا فيه شيء ما فهمتوه من الكلام قولو لي واقوله باللغة العربية الفصحى ..... ^_^
وللمعلومية : انا ما قد قريت رواية ابدا عشان كذا انا ما اعرف اسلوب الروايات ... لكن انا اسلوبي كأنكم تشوفون مسلسل مو تقرون رواية .... عشان كذا عيشوا الجو صح ....


ننتقل الان الى الهدف الرئيسي وهي الرواية ...
اقدم لكم اول رواية لي بعنوان " يا دنيا لا تسكبي الدمعة على خدِ حساس "
وهذا هو غلاف الرواية ..



القصة :
تحكي القصة عن فتاة رقيقة في داخلها ونشيطة ومرحة في ظاهرها ,
فتاة ذات ضجة كبيرة لمن حولها
متعجرفة في التعامل مع شبان مدرستها
وبالأخص مجموعة شبان وهم مكونون من أربعة أفراد .
بطلتنا " آيا " لها صديقة حميمة تدعى " يونا " فتاتان في عمر 18
تحلمان في إيجاد رفيق مناسب رغم فشل المحاولات
فقررتا أن يتعاهدا إن حصل لإحداهن ووجدت لها رفيق
أن لا تتغير على الأخرى وتكونا صديقتين إلى الأبد
وحلمتا أن يرسمان سوية مظلة الحب .
" آيا " تعتبر زعيمة و المدافع الأول لبنات المدرسة ضد الشباب ,
وبشخصيتها القوية دائما ما تكون في خلاف مع احد أفراد تلك المجموعة
نبدأ بتعريف أسماء هذه المجموعة " أكيرا " وهو الزعيم , " توما " وهو نائب الزعيم ,
سوما و مورا
لنتعرف على شخصيات و مميزات أبطال القصة ...



وهنا فكره تسهل عليكم حفظ العلاقات في الرواية .....
هنا حطيت بس اللي بيطلعون في هالاجزاء الاولى وعلاقتهم ببعض ..
ولما تتطور الاحداث راح اطلعون كل اللي في الصوره كاملين
وبتكثر الاسهم كماااان ....
تابعوا الصوره عشان تفهمون اكثـــــر ....... ^_^




وصلنا الى الاساس ووضعت لكم الجزء الاول + هدية الجزء الثاني
عشان الجزء الاول مره قصيـــر
وللمعلوميه : اذا ما شفت حماس ما راح اكمل ..

الحقوق محفوضة للمؤلفة To♥oma} ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 2
قديم(ـة) 30-07-2009, 08:18 PM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس " روايتي اليابانية "


في صباح يوم جديد ... (( الفصل الأول – الجزء 1 ))

الام : آيا ... آيا .. يله قومي ... يله بسرعة عشان ما تتأخرين عن المدرسة يله اليوم أول يوم مدرسي وتتأخرين عليه يله عجلي قبل ما يبدون مراسم الافتتاح ...
آيا وهي على السرير ونعسانة : طيب .. طيب خمس دقايق تكفين
الام : يله شوفي الساعة كم !!
آيا تشوف الساعة وتطمر من السرير : يماه ليش ما قومتيني مبكرة
الام : أشوى مير من سنه وأنا أقومك
آيا: توقف قدام المراية و تعدل شعرها , حلقتين مختلفات في اللون , مناكير إصبع إيه وإصبع لا , قلس وردي على الشفه السفلية ... << برأيها هذي الموضة
وتحول مستعجلة و تاكل الفطور ...
آيا : مع السلامة
الام : أتمنى لك التوفيق
وتركض تخاف إنها تتأخر أكثر ...
اجتمعوا كل الطلاب وبدأت مراسم الافتتاح ...
المدير : والآن نبدأ عام جديد ....
يونا وهي تكلم راي : وين آيا من اول يوم تتأخر
راي : يا رب توصل قبل ما تنتهي المراسم ..
آيا وهي تركض مستعجلة تسمع صوت جرس انتهاء المراسم : لاااااا يا ويلي وش بيصير عذري لأول يوم آآآه ...
تدخل وتشوف يونا وتسلم عليها ...
يونا : وينك من الصبح وانا انتظرك ... وراك تأخرتِ ؟
آيا : راحت علي نومه ... معليش اعذريني ....... المهم انا وياك في فصل واحد ولا لا ؟؟
يونا : توني ناويه أروح اشوف ... زين انك جيتي خلينا نروح ونشوف ...
راي وهي تركض : هيييييي بنات صرنا في فصل واحد ....
يونا وآيا بصوت واحد : والله ياااااااه ما اصدق ويطمرون و يصفقون يدينهم ببعض وطايرين من الفرحة ...
يروحون لفصلهم ويدخلونه ... إلا ويقابلهم توما
تسأله راي : توما أنت في أي فصل ؟؟
توما : انا في هذا الفصل ... ولا من حسن حظي كل ربعي معي
آيا وهي مرتاعة : نعم نعم لا تكفى لا يكون أكيرا وسوما هنا ؟؟؟
توما وهو يناظرها باستهزاء : اجل منهم ربعي ؟؟ المهم لا يكون أنتي معنا ؟؟
آيا بنفس النظرة : اجل وشوله أسألك ... من تعس حظي الظاهر بأقضي كل سنوات الثانوي معكم في نفس الفصل
توما مبتسم : يا سعدنا بنلقى واحد يوسع لنا صدرنا ...
سوما : توما .. ما بعد جاء أكيرا و مورا ؟؟
توما : يعني ما تعودت على تأخرهم أصلا متى قد جو مبكرين
وهم يتكلمون يدخل مورا ونصه نوم ..
مورا : صباح الخير
سوما : المفروض نقول مساء الخير
مورا : يا ابن الحلال ... ناسي إن اليوم مدرسة وراحت علي نومه ..
مورا وهو يناظر الفصل : ما شاء الله الشبيبة هم هم ما تغيروا من السنة اللي راحت
وتروح آيا تطل من الدريشة ... إلا وهي تناظر واحد يطيح الطير من السماء ... وتنهبل : يونا يونا لا يفوتك نص عمرك
يونا متفاجئة : وش عندك ؟
آيا : شوفي شوفي ... خلاص انا قررت هذا هو حبيبي المنتظر
وتركض بتروح تشوف هو في أي فصل
يونا : هييييييه آيا وين بتروحين ؟؟؟!!!
آيا وهي تركض ما تشوف طريقها وتروح لزاوية عشان تشوف بيدخل أي فصل وتعرف انه مو بفصلها وانه في الفصل اللي جنبهم ... وترجع مسرعة ضايق صدرها وهي منزله راسها من الحزن وتصدم بأكيراوتطيح على الارض ..
آيا : وجع ما تشوف طريقك
اكيرا : والله مدري من اللي ما يشوف طريقه
وتشوف آيا مدرس الأحياء .. وتبدأ التمثيل ...
آيا : آآآآآآه رجلي رجلي انا وش سويت عشان تضربني من اول يوم
اكيرا بتعجب : خير من تكلمين .. ؟!
آيا : آآه آآه أستاذ أستاذ ؟
ويجي المعلم : خير ؟ وش صاير ؟؟
آيا : ما ادري لكن ضربني فجأة وصار يهددني لأنه صار بنفس فصلي
أكيرا بتعجب : نعم نعم وش قاعدة تألفين أنتي ؟؟
المعلم : ليش كذا سويت معها ؟؟
اكيرا : والله إني ما سويت شيء خير قاعدة تألف عليك وتصدقها , انا كنت امشي بأمان الله وتجي هي تركض وتصدم فيني وتطيح وما ادري ليش قاعدة تألف
آيا وهي تمثل الصياح : هااااا أنت اللي تألف وش هالحكي اللي قاعد تقوله ...
المعلم : تعالوا تفاهموا عند المدير
آيا تتصنع الدموع وببتسامة جانبية : صادق .. طيب الحين بنروح له ...
اكيرا : هييييه وين نروح انا توني جاي وبتودوني الإدارة بسبب كذبها ...
آيا : إذا كنت صادق تعال ودافع عن نفسك
أكيرا في نفسه : يقطع أبو الوثوق يا الكذابة
ويروحون للمدير
آيا تمثل : أستاذ أستاذ شوف هذا الولد يضربني من دون سبب ويهددني
اكيرا : لا تصدقها انا وش مصلحتي من ضربها من اول النهار حتى إني ما بعد رحت لفصلي وتوني جاي
آيا : هو هددني لأني بنفس فصله عشان كذا انا ما اقدر أعيش معه في نفس الفصل
اكيرا : أصلا انا ما بعد عرفت وش فصلي يالكذابة شلون أهددك عشانك في نفس فصلي
آيا : حتى لو ما كنت في نفس فصلي لكن لازم ابعد عنك على الأقل في الفصل
المدير حمقان: خير وش هالحكي من اول يوم انتم يا الاثنين قبلكم مزعجيني من اول ما دخلتو هالثانوي ما عندي مشاكل غيركم ؟؟؟
آيا : عاقبه وغير لي فصلي انا أبي أصير في الفصل اللي جنبي ..
اكيرا : ايييه الدعوة مهيب عشاني أكيد صديقاتك في الفصل اللي جنبنا
المدير مرتفع ضغطه : خلاص بأرفع عليكم انتم يالاثنين عقاب بأفصلكم من المدرسة لأسبوع وارتاح ...
اكيرا وآيا بصوت واحد ....... : لاااااااااااااااااااااااااااااااا
آيا : خلاص عاقبني إني أصير في فصل ثاني غير فصله وصدقني منب متطاقه معه تكفى
اكيرا : انا ما أبي أتعاقب بسببها وانا برئ هذا مو عدل ...
المدير يمسك أعصابه : خلاص بأنقلك للفصل اللي جنبكم .. وياويلكم اذا تمشكلتو مع بعض ترى ما يردكم الا بيوتكم
آيا وهي طايره من الفرحة : ابشر ما راح نعيدها ...
اكيرا مميل خشته : ان شاء الله ..
المدير : يله تفضلو اطلعوا برا روحو لفصولكم ... يا صبرني عليكم
ويطلعون .... ويمشون سوا
اكيرا : خير وش هالحركة اللي سويتيها انا عارف إن عندك غاية من حركتك بس وش عندك في الفصل اللي جنبنا ؟؟
آيا : وش دخلك ؟؟
اكيرا : ترى بقوم اكفخك عاد ..
آيا : اقدر أصارخ وأقول انك ضربتني وهالمره بكون صادقه ...
اكيرا : الله يعين هذي بداية السنة ...
آيا شافت معلمه وحبت ترفع ضغط اكيرا ...
آيا تطيح على الأرض : آآآه آآه
اكيرا التفت عليها : خير وش فيك فجأة ؟
آيا : شلني رجلي تعورني ( طبعاً عادي في اليابان الولد يشيل البنت على ظهره )
اكيرا : احلفي عاد .. ما بقى إلا هو تغلط وتبيني أشيلها
أيا بصوت منخفض : معلمة الجغرافيا هنا ... وإذا ما شلتني بأقول انك ضربتني لأني قلت الصدق عند المدير
اكيرا وهو مرتفع ضغطه : أقول كنك كذبتي كذبة وصدقتيها ...
أيا : شلني ولا ترى بأصارخ
اكيرا مشى ولا عليه منها
آيا بصوت عالي عشان تسمعها المعلمة : آآآه أيه أنت دائم كذا تضربني عشاني قلت الحقيقة هين آآآه
اكيرا يرجع مستعجل : الله ياخذك انكانك بلشه
آيا بصوت منخفض : بتشيلني ولا أصارخ ؟؟
اكيرا : يله اركبي على ظهري يا البثرة
آيا : ههههه طيب ...
ويمشي بها وهي طايره من الفرحة وتغاير كل البنات إنها محمولة على ظهر واحد جميل ...
ويوم وصلوا للفصل ...
آيا : خلاص خلاص وقف بسرعة
اكيرا : خير ؟؟
آيا : وقف لا يشوفوني صديقاتي
اكيرا واصل حده : انزلي يا مال النزلة المعوية
آيا : الله ياخذك ... قل آمين ..
وتحول ....
اكيرا : وانتي معي اجمعين ...
آيا تكش عليه تدخل للفصل : بنات .. بنات
يونا : وين رحتي ؟؟
آيا : خلاص انا صرت في الفصل اللي جنبنا
راي : ليه ما كنتي في فصلنا ؟؟!
آيا : إلا بس انتقلت
يونا : آه خسارة كنت فرحانة انك معي
آيا : أسفه بس انا الصراحة كنت أبي أصير مع الطالب الجديد يمكن هو أملي الوحيد وحتى انه ما يعرف شخصيتي في المدرسة
بأمثل عليه شوي وأخليه يحبني .. وبعد انا ما اقدر أعيش مع هالشلة .. لو بقعد معهم خمس دقايق بأتفجر ...
يونا : يا حياتي انتي ..
آيا : يله ابذلي جهدك ودوري لك رفيق عشان نكون سوى
يونا : يله جت الاستاذه لازم تروحين فصلك ...
آيا : صادقة يله باي
وتدخل آيا الفصل تلف يمين يسار تدور الطالب الجديد الى وتلقاه يقرا كتاب ...
وتروح تنتص في الطاولة اللي جنبه ...
آيا : امممم à يعني انتبه لي ..
الطالب وهو يرفع راسه : هلا ..
آيا بدلع : امممم شكلك طالب جديد ... صح ؟؟
الطالب يعدل جلسته ويناظرها : أيه .... هذا اول يوم لي بالمدرسة هذي ...
آيا : اها .. انا لي سنتين في هالمدرسه عشان كذا اعرف الطلاب الجدد والقدامى
الطالب : واضح .. على طول عرفتي إني طالب جديد
آيا : إذا بغيت أي مساعده مني انا حاضرة
الطالب : شكراً
أيا : وش اسمك ؟؟
الطالب : رانجي
آيا : تشرفت بلقائك رانجي انا اسمي آيا
الطالب : اووه آيا اسمك حلو ..
آيا بحيا وهي توقف : الله يحلي ايامك ..
وتمشي خطوتين ثم تلتفت عليه وتقول بخجل : اذا بغيت أي مساعده مني انا حاضرة
الطالب طايره عيونه من انقلاب حالتها : شكرا ..
راحت وجلست في مكانها وهي طايره من السعاده ..
ودخل المعلم وبدأ الدرس .... ومر الوقت وبعد انتهاء الحصة الثالثة صفرت الفسحة ...
آيا تتوجه لرانجي : اممم رانجي اش رايك نتفسح سوا ..
الطالب : كان ودي بس ناقصني شوية ملخصات ... من الحصص اللي قبل
آيا : اها ... آسفه على الازعاج ... خذ راحتك
رانجي : لا عادي .. شكراً
وتروح لفصل صديقاتها ...
يونا تلتفت على آيا : هاه وش الأخبار؟؟
آيا : تونا ما صار شيء بس شكلها بداية موفقة ...
راي : يااااااه أخيرا بيصير لك رفيق
آيا : ادعيلي
يونا : اجل يله خلينا نروح نفطر قبل ما تنتهي الاستراحة ..
ويروحون سوا ...
توما يروح لراي : راي تعالي شوي أبيك ...
راي : وش عندك بروح افطر
توما : شوي بس
راي : طيب
مسك يدها وبعدها شوي عن صديقاتها وقال : ليه آيا غيرت فصلها مو كانت معنا ؟؟
راي : إلا لكن لقت لها طالب وتبي تكون رفيقته عشان كذا نقلت لفصله
توما : من هو هذا الطالب ؟؟
راي : طالب جديد ما نعرفه
توما : طيب ليش آيا ما جلست معه هماها تبي تصير رفيقته ؟؟
راي : هو ناقصة شوية ملخصات عشان كذا جالس في الفصل يكملها في فترة الاستراحة ...
توما فرحان : اها زين
راي : وش عندك على هالاسئلة ؟؟
توما : بس حبيت اعرف ليش آيا غيرت الفصل فجأة
راي : اجل يله انا الحين بروح عشان ما أتأخر على البنات ..
ويتوادعون ...
ويروح توما لأكيرا ويعلمه السالفة ...
أكيرا : زاد طبعها متغير ... والله كنت حاس إن عندها غاية من اللي قاعدة تسويه .. على العموم هو الحين لحاله في الفصل صح ؟؟
توما : إيه وش عندك ؟
اكيرا : شوية انتقام من آيا لاستغلالي ...
توما : بدينا من اول يوم
سوما : انا مستعد ...
مورا : يوه حركاتكم حركات بزارين ... انا بروح افطر ومالي دخل فيكم ..
اكيرا : مطرح ما يسري يمري
يروح سوما ويدخل الفصل ويقعد جنب الطالب ويتكلم معه ..
ومشا اليوم وآيا لا تسعها الفرحة ....
ترجع للبيت وتستلقي على السرير وتفكر وش بتسوي في المستقبل ...
وفي اليوم التالي ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 3
قديم(ـة) 30-07-2009, 08:20 PM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس " روايتي اليابانية "


الحقوق محفوضة للمؤلفة To♥oma} ...

وهذا الجزء الثانيــ ..... هديـــة
لماذا هم في طريقي (( الفصل الأول – الجزء 2 ))


تقوم آيا بنشاط وحيوية ... توقف قدام المراية , و تعدل شعرها , حلقتين مختلفات في اللون ( فوشي و ابيض ) ,
مناكير إصبع أيه وإصبع لا( فوشي ) , قلس وردي على الشفاه السفلى بس ...
وتحول تاكل فطورها ... وتروح المدرسة طايره من الفرحة
تدخل الفصل : صباح الخير
تتلفت يمين يسار ما تلقى رانجي ......
تروح لفصل صديقاتها : يونا راي~
يونا : وش فيك ؟؟ وراك تنادين بصور عالي ؟؟
آيا : ما شفتي الطالب الجديد
يونا : امممم إلا كان مع توما وشلته ..
آيا : نعم .. لا يكون بيخربونه علي ... وينهم ؟؟
يونا : برا في السيب اللي جنبنا ..
وتركض آيا وتشوفه مع الشبيبة
آيا حمقانه : أكيرااااااااا ليش رانجي عندكم ؟؟
الطالب : أوه صباح الخير
آيا انتبهت لنفسها : آه صباح الخير ... كنت أدورك لان المعلمة جت
الطالب : والله غريبة مره مبكرة على جيتها للفصل
آيا : أيه هي مزاجية .. وش رايك تسبقني للفصل ... انا عندي شوية كلام مع أكيرا
الطالب : لا تتأخرين ... مع السلامة
آيا : مع الف سلامة ...
وبعد ما تأكدت انه راح تلتفت على الشبيبة بنظرة مرعبة : وش كنتو تتكلمون عنه ... ؟؟
أكيرا : انا عرفنا انه حبيبك المنتظر عشان كذا لازم نعلمه عن شخصيتك
آيا : نعم نعم .... من اللي أذن لكم إنكم تعلمونه عني شيء
اكيرا : هههه امزح ولا شيء بس حبينا نعرف من هو اللي هابلك بس
آيا: الله من اللقافة .... إياني وإياكم تكلمونه مره ثانية وانا ما أعرفكم ولا انتم تعرفوني .... خلاااااص
اكيرا بصوت منخفض : عقب ايش ياماما .. قد هاوزت
وتروح آيا بسرعة للفصل وتدخل .. وتروح تقعد محلها
الطالب رانجي : ما بعد جت المـُدرسة ليش قلتي إنها جت ...
آيا متورطة : هههه صارت في الفصل اللي جنبنا وحسبت إنها بتدخل فصلنا ههه ههه
الطالب رانجي : اها
آيا : وش كنت تسوي مع شلة الشباب اللي قبل شوي ..... ؟؟
الطالب رانجي : ابد كانوا يتكلمون عنك
آيا : والله ... وش كانوا يقولون ؟؟
الطالب : امممم يعني شوية كلام عادي انك كنتي في الفصل اللي جنبنا و انتقلتِ هنا عشان واحد و انك درستي معهم في نفس الفصل سنتين
ومن هالقبيل ....
آيا : بس ؟؟
الطالب باستفهام : أيه ... ليه فيه شيء غريب ؟؟
آيا مرتاحة : ههه لا بس انا مشهورة شوي في المدرسة عشان كذا كل الطلاب يعرفوني هه هه
الطالب رانجي وهو يشوف فمها واذنينها ويدينها وهو يتكلم : اها .... واضح
دقيقة صمت بين الاثنين بعدين تكلم رانجي : آيــا
آيا باهتمام : نعم ....
رانجي بخجل : حلقك اللي لابستهم مختلفين في اللون ...
آيا تسوي نفسها ما تدري : هاه اوه كيف لا بسـ .... خلاص بفسخه وتفسخه وتحطه بجيبها ....
الطالب : ليش أظافرك بعضها فيها مناكير والباقي لا ... خلصت مناكيرك ؟؟؟
آيا متورطة : هاه لا بس انا أحبهم كذا إذا كان ما يعجبك خلاص أحط بكل أظافري
الطالب : انتي تعبانه من اول النهار من اول ما تكلمتي وانا ملاحظ ..... شفايفك واحد فيه لون وواحد لا ... انتي تعانين من حاجة في شفتك ؟؟
آيا : واه لا لا ما كنت تعبانة بس من العجلة على المدرسة نسيت احط قلس على كل شفايفي.... اشونك نبهتني بحط بكل شفايفي ...
وتطلع القلس من الشنطة وتحط على كل شفايفها ...
آيا وهي تبتسم : كذا يعجبك ؟؟
الطالب : الصراحة ما كنت منتبه من هالاشياء لكن طالب اسمه سوما قالي انك بتطلعين على شخصيتك الحقيقية إذا قلت هالاشياء وانك تعصبين من اللي يقولها ... بس ما عنده سالفه ...
آيا واصله نفسيتها أف : آه سوما قالك هالشي ؟؟
الطالب : أيه جاني أمس وقالي
آيا في نفسها : والله لأقتلك انت و زعيمك آآآآآآآآه
الطالب : وش فيك ؟؟
آيا انتبهت : آآه لا ولا شيء
وتدخل المعلمة ويسكتون ... يمر الوقت ويطلعون للفسحة ... آيا سيييييده على الشلة : سومااااااااااااااااا
يلتفت اكيرا : شباب شباب البنت شكلها عرفت ....
تجي آيا معصبه : سوما وش هالحركة اللي سويتها
سوما : وش سويت
آيا : يعني يقالك ما تعرف وش سويت ؟؟؟
سوما : انا ما سويت شيء
آيا : وش هالكلام اللي قلته لرانجي
سوما : آه فهمت لا تسأليني اسألي اكيرا انا مالي دخل بشيء
آيا : نعم
أكيرا : إحنا بس حبينا نعرف هو ينفع لك ولا لا ؟؟
آيا : شكراً بس انا ما طلبت منكم هالشيء
أكيرا : بس ترانا اكتشفنا انه ما ينفع لك
آيا باستهزاء : لاه أشوى مير .. و وشو هالاكتشاف الخطير ... ؟؟
اكيرا : هو راعي غياب كثير ... وبعد يقول انه عادي يغيب ثلاث أرباع السنة ولا يهمه احد وبارد الطباع مره
آيا : طيب وإذا كان ... يعني هالشيء يخليه ما ينفع يصير رفيق لي .. ؟؟
اكيرا : شلون بتعيشين مع واحد زي كذا ... أنتي حارة ما ينفع تعيشين معه
آيا : مالك دخل ... انا اعرف شلون بأتصرف
اكيرا : طيب خلاص مالنا دخل .. إحنا علمناك وبس ...
آيا : الله من اللقافه ...
وتروح آيا لصديقاتها ... : اوووووووه انا وش أسوي بهالشلة .. اقتلهم ليش دائم يوقفون في طريقي .. ؟؟
يونا : وش فيك ؟؟
آيا تقولها كل شيء وتقعد يونا تواسيها ... وترجع آيا للبيت ...


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 4
قديم(ـة) 30-07-2009, 08:47 PM
صورة المرجووجة الرمزية
المرجووجة المرجووجة غير متصل
©؛°¨غرامي فعال ¨°؛©
 
الافتراضي رد: يا دنيا لا تسكبي الدمعة على خدِ حساس " روايتي اليابانية "


انا احب القصص اليابانيه كملي انا متحمسه
اريجاتووووو
وانا احب يامابي وماتسوسو جون اوووووه يجنون

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 5
قديم(ـة) 30-07-2009, 11:28 PM
صورة القنا20صة الرمزية
القنا20صة القنا20صة غير متصل
[ .. هــلاليه بعزها .. محد يهزها .. ]
 
الافتراضي رد: يا دنيا لا تسكبي الدمعة على خدِ حساس " روايتي اليابانية "


مشااااء الله عليك ..

بصراحه شدني العنوان ...

كبدايه روووعهـ ..

موفقهـ ...

بشوووووق انتظركـ ..


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 6
قديم(ـة) 31-07-2009, 01:23 AM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس " روايتي اليابانية "


اقتباس:
المشاركة الأساسية كتبها المرجووجة مشاهدة المشاركة
انا احب القصص اليابانيه كملي انا متحمسه
اريجاتووووو
وانا احب يامابي وماتسوسو جون اوووووه يجنون
شكرا لمرورك يا حبي ...
وانا من مجانين اليابان واحب ايكوتا توما ويامابي ....
اتمنى تكونين من المتابعين .....


اقتباس:
المشاركة الأساسية كتبها القنا20صة مشاهدة المشاركة
مشااااء الله عليك ..

بصراحه شدني العنوان ...

كبدايه روووعهـ ..

موفقهـ ...

بشوووووق انتظركـ ..
شكرا لك عزيزتي وان شاء الله تعجبك روايتي ...... ^_^


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 7
قديم(ـة) 31-07-2009, 01:42 AM
صورة روحي تحبك0 الرمزية
روحي تحبك0 روحي تحبك0 غير متصل
مــلكَه في آحـَضـــآن الـ حُ ـب
 
الافتراضي رد: يا دنيا لا تسكبي الدمعة على خدِ حساس " روايتي اليابانية "


وآآآآآآآآآآآآآآآآآآو

صــــــرآآح ـه آبدآآع فكـرتك غ ـريبـه وشدنـي آسم الورآيـه ونكـكـ

مـآشـآء الله تباارك الرحمـن آنـآ بقرآهـآ من خ ـلف الكـوآليـس

<< وربي بتجنن قصم ع ـجبتني آتمنى تكوون رومـآنس آكشن ^^

تقبلي صدق مشـآعري نـآح ـيه قلمك

ماننح ـرم من ج ـديد آبدآعااتك يااعسل

رووح ـي

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 8
قديم(ـة) 31-07-2009, 04:02 AM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس " روايتي اليابانية "


شكرا حبيبتي على ردك الحار ....
وان شاء الله تعجبك الرواية ...... روايتي فيها الرومنسية والحماس .....


الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 9
قديم(ـة) 31-07-2009, 06:17 AM
صورة GLO RY الرمزية
GLO RY GLO RY غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس " روايتي اليابانية "


روووعه انا من عشااااق المسلسلات اليابانيه واتمنى ماتطولين علينا
اريقاتو كوزي مشتا
تقبلي مروري (حلووو)

الرد باقتباس
  {[ وَإِذْ تَأَذَّنَ رَبُّكُمْ لَئِن شَكَرْتُمْ لأَزِيدَنَّكُمْ وَلَئِن كَفَرْتُمْ إِنَّ عَذَابِي لَشَدِيدٌ - إلهي لكـ الحمد والشكر نستغفركـ ياعفو ياغفور ]} 10
قديم(ـة) 31-07-2009, 06:25 AM
صورة To♥oma} ... الرمزية
To♥oma} ... To♥oma} ... غير متصل
©؛°¨غرامي مشارك¨°؛©
 
الافتراضي رد: يا دنيا لا تسكبي الدمعة على خدِ حساس " روايتي اليابانية "


اريجاتو حبي على مرورك ....
واتمنى تكونين من المتابعين لروايتي ....... ^_^

الرد باقتباس
إضافة رد

يا دنيا لا تسكبي الدمعة على خد حساس / بقلمي , كاملة

الوسوم
تأليفي , يا دنيا , يابانية , رواية , to♥oma} ...
أدوات الموضوع
طريقة العرض
مواضيع مشابهة
الموضوع الكاتب المنتدى الردود آخر مشاركة
لا تحسب إني لا أبتسمت بوجهك أغليك بعض الوجيه أهينها بإبتسامة / بقلمي × || NahoOosh 1994 || × أرشيف الروايات المغلقة - لعدم إكتمالها 2367 26-09-2012 06:11 PM
فضل يوم الجمعة WASOMY ارشيف غرام 1 25-05-2012 05:22 AM
يوم الجمعة آكتفآء مواضيع إسلامية - فقه - عقيدة 26 03-05-2011 02:10 AM
اليوم جمعه مغروره بدلع ابوها مواضيع إسلامية - فقه - عقيدة 11 19-09-2009 09:03 PM
الجمعه احكام واداب طُهرِ !! مواضيع إسلامية - فقه - عقيدة 13 26-12-2008 10:15 PM

الساعة الآن +3: 09:38 PM.
موقع غرام موقع سعودي خليجي عربي يحترم كافة الطوائف والأديان ومختلف الجنسيات


youtube

SEO by vBSEO 3.6.1